மிரட்டிய MI – சிங்கம் மாதிரி சிங்கிளா விளையாடிய வெங்கடேஷ் ஐயர் – 169 ரன்கள் எடுத்த KKR!

மும்பை வான்கடே மைதானத்தில் மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகளுக்கு இடையிலான 51ஆவது லீக் போட்டி நடைபெற்று வருகிறது. இதில், முதலில் டாஸ் வென்ற மும்பை இந்தியன்ஸ் கேப்டன் ஹர்திக் பாண்டியா பவுலிங் தேர்வு செய்தார். மும்பை அணியி ரோகித் சர்மா இம்பேக்ட் பிளேயராக அறிவிக்கப்பட்டார். முகமது நபிக்கு பதிலாக நுவான் துஷாரா கொண்டு வரப்பட்டார்.

இதையடுத்து முதலில் பேட்டிங் செய்த கொல்கத்தா நைட் ரைடர்ஸ் அணியானது 20 ஓவர்களில் அனைத்து விக்கெட்டுகளையும் இழந்து 169 ரன்கள் மட்டுமே எடுத்தது. முதலில் களமிறங்கிய சுனில் நரைன் மற்றும் பிலிப் சால்ட் இருவருமே 8 மற்றும் 3 ரன்களுக்கு ஆட்டமிழந்தனர்.

அங்க்ரிஷ் ரகுவன்ஷி 13 ரன்களில் ஆட்டமிழந்தார். இதே போன்று கேப்டன் ஷ்ரேயாஸ் ஐயரும் 6 ரன்களில் ஆட்டமிழந்தார். ரிங்கு சிங் 9 ரன்களில் வெளியேற கேகேஆர் 5 விக்கெட்டுகளை இழந்து 57 ரன்கள் மட்டுமே எடுத்திருந்தது. இதையடுத்து வெங்கடேஷ் ஐயர் மற்றும் மணீஷ் பாண்டே இருவரும் இணைந்து நிதானமாக ரன்கள் சேர்த்தனர்.

கடைசியில் வெங்கடேஷ் ஐயர் 52 பந்துகளில் 6 பவுண்டரி, 3 சிக்ஸர் உள்பட 70 ரன்களில் ஆட்டமிழந்தார். இறுதியாக கொல்கத்தா நைட் ரைடர்ஸ் 20 ஓவர்களில் அனைத்து விக்கெட்டுகளையும் இழந்து 169 ரன்கள் மட்டுமே எடுத்தது.

பவுலிங்கைப் பொறுத்த வரையில் மும்பை இந்தியன்ஸ் அணியில் நுவான் துஷாரா மற்றும் ஜஸ்ப்ரித் பும்ரா இருவரும் தலா 3 விக்கெட்டுகள் கைப்பற்றினர். ஹர்திக் பாண்டியா 2 விக்கெட்டுகள் கைப்பற்றினார். பியூஷ் சாவ்லா ஒரு விக்கெட் எடுத்தார்.