Vijay Son Movie : விஜய் மகன் படத்தில் நடிக்க வாய்ப்பு வந்தது உண்மை தான்... ஆனா..! - கவின் கொடுத்த ட்விஸ்ட்
நடிகர் விஜய்யின் மகன் ஜேசன் சஞ்சய் இயக்க உள்ள படத்தில் ஹீரோவாக நடிக்க தனக்கு வாய்ப்பு வந்தது பற்றி நடிகர் கவின் மனம்விட்டு பேசி உள்ளார்.
jason sanjay, Kavin
நடிகர் விஜய் தனது மகன் ஜேசன் சஞ்சய்யை தமிழ் சினிமாவில் ஹீரோவாக அறிமுகப்படுத்த ஆசைப்பட்டார். இதற்காக பிரேமம் பட இயக்குனர் அல்போன்ஸ் புத்திரன் சொன்ன கதையையும் ஓகே பண்ணி வைத்திருந்தார். ஆனால் மகனின் முடிவு தான் இறுதியானது என இருந்த விஜய்க்கு, தனக்கு நடிப்பில் ஆர்வமில்லை என ஒரே போடாக போட்ட ஜேசன் சஞ்சய், தான் இயக்குனராக இருப்பதாக கூறினார். இதனால் அவரின் விருப்பத்துக்கு ஏற்ப செயல்பட விஜய்யும் அனுமதித்தார்.
Director Jason Sanjay
அந்த வகையில், தன்னுடைய முதல் பட வாய்ப்பை சைலண்டாக தட்டிதூக்கிய ஜேசன் சஞ்சய், கடந்தாண்டு அதுகுறித்த அதிகாரப்பூர்வ அறிவிப்பையும் வெளியிட்டார். அதன்படி, அவர் இயக்க உள்ள முதல் படத்தை லைகா நிறுவனம் தயாரிக்க உள்ளதாக அறிவிப்பு வெளியானது. ஆனால் அப்படத்தில் நடிக்க உள்ள நடிகர், நடிகைகள் யார், யார் என்பதை அறிவிக்காமல் சீக்ரெட்டாக வைத்திருந்தனர். விஜய் மகன் படம் பற்றிய அறிவிப்பு வெளியாகி கிட்டத்தட்ட ஓராண்டு ஆகியும் அதுகுறித்த அடுத்த அப்டேட் எதுவும் வெளியாகவில்லை.
இதையும் படியுங்கள்... பாட யாரும் வாய்ப்பு தரல... ஹோட்டல்ல வேலைக்கு போறேன் - 200 ஹிட் சாங்ஸ் பாடிய பிரபல பாடகரின் பரிதாப நிலை
Jason sanjay Debut Movie
ஆரம்பத்தில் ஜேசன் சஞ்சய் இயக்கும் படத்தில் விஜய் சேதுபதி நடிக்க உள்ளதாக பேச்சு அடிபட்டது. பின்னர் அந்தக் கதையை அவர் கவினிடம் சொன்னதாகவும் அவர் தான் அப்படத்தின் ஹீரோவாக நடிப்பார் என்றும் செய்திகள் உலா வந்தன. ஆனால் இன்றுவரை ஹீரோவை கன்பார்ம் செய்யாமல் இருக்கிறார் என்பது தான் லேட்டஸ்ட் தகவலாக உள்ளது. இதனிடையே சமீபத்திய பேட்டியில் ஜேசன் சஞ்சய் படம் பற்றி கவின் பேசி இருந்தார்.
Vijay Son Jason sanjay
அதன்படி அவர் கூறுகையில், ஆமா ஜேசன் சஞ்சய் அவருடைய படத்துக்காக என்னை அணுகியது உண்மை தான். அது ஒரு ஃபிரெண்ட்லி மீட்டிங். அப்போது என்னுடைய கைவசம் உள்ள படங்கள் பற்றி கூறினேன். அதையடுத்து தாங்கள் கலந்துரையாடிவிட்டு வருவதாக சொன்னார்கள். ஆனால் அதன்பின்னர் அவர்களிடம் இருந்து எந்த அழைப்பும் வரவில்லை. நான் பார்த்தவரை விஜய்யை போலவே அவரது மகன் ஜேசன் சஞ்சய்யும் மிகவும் எளிமையானவராக இருந்தார்” என கவின் கூறினார்.
இதையும் படியுங்கள்... Richest Actor : ரூ.1650 கோடி சொத்து மதிப்பு.. தென்னிந்தியாவின் பணக்கார நடிகர்.. ஆனா ரஜினி, கமல் இல்ல..