கோடை காலத்தில் இந்த உணவுகளை சேர்த்து சாப்பிடாதீங்க.. செரிமான பிரச்சனைகள் ஏற்படும்..
கோடை காலத்தில் சில உணவுகளை சேர்த்து சாப்பிடுவதால் பல பிரச்சனைகளை ஏற்படக்கூடும்.
Summer food
கோடை வெயில் சுட்டெரித்து வரும் நிலையில், உடல் ஆரோக்கியத்தை பராமரிப்பதில் உணவு முக்கிய பங்கு வகிக்கிறது. இந்த வெயில் காலத்தில் நாம் என்ன சாப்பிடுகிறோம் என்பதைக் கவனத்தில் கொள்ள வேண்டியது அவசியம். அந்த வகையில் சில உணவு சேர்க்கைகள் நமது செரிமான அமைப்புக்கு பிரச்சனையாக இருக்கலாம், இதனால் நாம் மந்தமாகவும் சங்கடமாகவும் உணர்கிறோம். இது வீக்கம் மற்றும் பல செரிமான பிரச்சனைகளை ஏற்படுத்துகிறது. மேலும் கோடை காலத்தில் சில உணவுகளை சேர்த்து சாப்பிடுவதால் பல பிரச்சனைகளை ஏற்படக்கூடும்.
அதிக புரதம் கொண்ட உணவுகள்: தயிர் அல்லது சீஸ் போன்ற உயர் புரத உணவுகளுடன் பழங்களை சேர்த்து சாப்பிடக் கூடாது. அது செரிமான அழுத்தத்திற்கு வழிவகுக்கும். பழங்களில் இயற்கையான சர்க்கரை அதிகமாக உள்ளது, அவை விரைவாக ஜீரணிக்கின்றன, அதே நேரத்தில் புரதம் செரிமானம் ஆக அதிக நேரம் எடுக்கும். இந்த ரண்டையும் ஒன்றாக சேர்த்து உட்கொள்ளும் போது, அவை செரிமான பிரச்சனைகளை ஏற்படுத்தும்.
Image: Freepik
அமில உணவுகளுடன் கூடிய மாவுச்சத்துள்ள உணவுகள்:
கோடையில் பெரும்பாலும் வினிகர் அல்லது சிட்ரஸ் பழச்சாறுகளை பலரும் குடிப்பார்கள். ஆனால் அத்துடன் சிலர் சாலட்களை சேர்த்து சாப்பிடுவார்கள். ஆனால் இந்த அமிலச் சேர்க்கைகள் சுவையை அதிகரிக்கும் அதே வேளையில், மாவுச்சத்துள்ள உணவுகளுடன் அவற்றைச் சேர்ப்பது செரிமானத்தை சீர்குலைக்கும்.
watermelon
தர்பூசணி மற்றும் பால்:
தர்பூசணிகள் பொதுவாக கோடைகாலத்தில் கட்டாயம் சாப்பிட வேண்டிய உணவு. தர்பூசணியில் அதிக நீர்ச்சத்து இருப்பதால் அது வெயில் காலத்திற்கு ஏற்ற உணவாக கருதப்படுகிறது. ஆனால் பால் பொருட்களுடன் சேர்த்து தர்பூசணியை சாப்பிடுவதால் செரிமானத்தை சீர்குலைப்பதுடன் வாயு மற்றும் வீக்கம் போன்ற பிரச்சனைகளை ஏற்படுத்தலாம்.
Cool drinks summer
உணவுடன் குளிர் பானங்கள்:
கோடையில் குளிர்ச்சியாக இருக்க குளிர் பானத்தை பருகுவது ஒரு பொதுவான வழியாகும், ஆனால் உணவுடன் செயற்கை குளிர்பானங்களை குடிப்பது செரிமானத்தை தடுக்கும். செரிமானத்தை ஆதரிக்க, உணவின் போது அறை வெப்பநிலையில் இருக்கும் பானங்களை குடிப்பது நல்லது.
அமில பழங்கள் கொண்ட இனிப்பு பழங்கள்:
ஆரஞ்சு அல்லது அன்னாசி போன்ற அமில பழங்களை வாழைப்பழங்கள் போன்ற இனிப்பு பழங்களுடன் சேர்த்து சாப்பிடக்கூடாது. இது செரிமான கோளாறுகளை வழிவகுக்கும். கோடை காலத்தில் பழங்களை அனுபவிக்க, ஒரே மாதிரியான அமிலத்தன்மை கொண்ட பழங்களை சாப்பிடுவது நல்லது.