காசாவில் இஸ்ரேல் மீண்டும் தாக்குதல் நடத்தியுள்ளது.

காசாவில் சனிக்கிழமை நள்ளிரவு இஸ்ரேலிய ராணுவத்தின் தாக்குதலில் 19 பேர் உயிரிழந்தனர். இதில் 6 குழந்தைகளும் அடங்குவர்.

அல் அக்ஸா மருத்துவமனையின் கூற்றுப்படி, ஞாயிற்றுக்கிழமை அதிகாலை தீர் அல்-பாலாவில் உள்ள ஒரு வீட்டின் மீது இஸ்ரேல் தாக்குதல் நடத்தியது.

காசா சுகாதார அமைச்சகத்தின் கூற்றுப்படி, வடக்கு நகரமான ஜபாலியாவில் உள்ள ஒரு குடியிருப்பு கட்டிடத்தில் உள்ள இரண்டு அடுக்குமாடி குடியிருப்புகள் மீது தாக்குதல் நடத்தப்பட்டது.

மேலும், மத்திய காசாவில் நடந்த மற்றொரு தாக்குதலில் 4 பேர் கொல்லப்பட்டதாக அவ்தா மருத்துவமனை தெரிவித்துள்ளது.

இதற்கிடையில், சனிக்கிழமை நள்ளிரவு கான் யூனிஸுக்கு அருகே நடந்த தாக்குதலில் இரண்டு பெண்கள் உட்பட ஒரே குடும்பத்தைச் சேர்ந்த 4 பேர் கொல்லப்பட்டதாக நசீர் மருத்துவமனை தெரிவித்துள்ளது.

இஸ்ரேலின் இந்த புதிய தாக்குதல் இரு தரப்புக்கும் இடையே போர் நிறுத்தம் ஏற்படுவதற்கான முயற்சிகளுக்கு பின்னடைவை ஏற்படுத்தும்.

இதற்கிடையில், போர் நிறுத்தம் குறித்து எகிப்தின் தலைநகர் கெய்ரோவில் இஸ்ரேல் மற்றும் அமெரிக்க பிரதிநிதிகள் சந்திக்க உள்ளனர்.

இருப்பினும், விரைவில் இது குறித்து உடன்பாடு ஏற்படுவது கடினம் என்று ஹமாஸ் கூறியுள்ளது. ஏனெனில் புதிய திட்டம் முந்தையதை விட மிகவும் வித்தியாசமானது, இதில் கருத்து வேறுபாடு உள்ளது.