இளநீர்ல தண்ணி அதிகமா இருக்கா? இல்லையா? இப்படி ஈஸியா கண்டுபிடிங்க!

இளநீர் வாங்கும்போது, அதில் தண்ணீர் எவ்வளவு இருக்கிறது என்று தெரிந்துகொள்ள இனி கஷ்டப்பட வேண்டாம். இந்த சிம்பிள் டிப்ஸை ஃபாலோ பண்ணி, நீங்களே சூப்பரான இளநீரைத் தேர்ந்தெடுக்கலாம்.

இளநீரை காதுக்கு பக்கத்தில் வைத்து ஆட்டிப் பாருங்கள். உள்ளே தண்ணீர் 'சளக் சளக்' என்று ஆடும் சத்தம் நன்றாகக் கேட்டால், அதில் தண்ணீர் அதிகமாக இருக்கிறது என்று அர்த்தம்.

இளநீரை கையில் தூக்கிப் பாருங்கள். அதன் அளவை விட எடை அதிகமாக இருந்தால், அதில் தண்ணீர் அதிகம் இருக்கிறது. எடை குறைவாக இருந்தால், தண்ணீர் குறைவாகவும், வழுக்கை அதிகமாகவும் இருக்கும்.

பச்சை நிறத்திலும், முழுமையான வட்ட வடிவத்திலும் இருக்கும் இளநீரை தேர்ந்தெடுங்கள். பிரவுன் நிறத்திற்கு மாறிய அல்லது வடிவம் மாறிய காய்களில் தண்ணீர் வற்றி, தேங்காய் அதிகமாக இருக்கும்.

இளநீரின் மேல் பகுதியில் கரும்புள்ளிகள் அல்லது வெடிப்புகள் இருந்தால், அந்த மாதிரி காய்களை வாங்க வேண்டாம்.

இளநீர் வாங்கிய பிறகு, அதை அதிக நாட்கள் வைத்திருக்காதீர்கள். வாங்கிய உடனேயே குடித்தால் அதன் சுவையும் ஃப்ரெஷ்னஸும் சூப்பராக இருக்கும்.