கொட்டும் முடிக்கு ஃபுல் ஸ்டாப்.! தயிர் செய்யும் மேஜிக்

முடி அடர்த்தியாகவும் வலுவாகவும் வளர தயிர் ஒரு சிறந்த தேர்வு. இதில் அதிக புரோட்டீன், கால்சியம், லாக்டிக் அமிலம் உள்ளது. இது பொடுகை நீக்கி, முடி உதிர்வைக் கட்டுப்படுத்த உதவுகிறது.

தயிர் ஹேர் மாஸ்க்கை தொடர்ந்து பயன்படுத்தினால், முடியின் பளபளப்பு அதிகரிக்கும். இது கூந்தலுக்கு ஆழமான ஊட்டமளித்து, முடியை மென்மையாக்குகிறது.

தயிரில் உள்ள லாக்டிக் அமிலம், தலையின் ஸ்கால்ப்பை சுத்தம் செய்கிறது. அழுக்கு மற்றும் அதிகப்படியான எண்ணெயை நீக்குகிறது. இதனால் முடிக்கு இயற்கையான, ஆரோக்கியமான பளபளப்பு கிடைக்கிறது.

ஒரு முட்டையின் வெள்ளைக்கருவுடன் சிறிது தயிர் சேர்த்து நன்கு கலக்கவும். இந்த ஹேர் மாஸ்க்கை தலையில் தடவி 20-30 நிமிடங்கள் அப்படியே விடவும். பிறகு, ஷாம்பு பயன்படுத்தி முடியை அலசவும்.

அரை கப் தயிருடன் ஒரு டீஸ்பூன் கடலை மாவு, ஒரு டீஸ்பூன் ஆலிவ் எண்ணெய் சேர்த்து கலக்கவும். இந்த கலவையை தலையில் தடவி 15 நிமிடங்கள் ஊறவைக்கவும். பின்னர் ஷாம்பு கொண்டு முடியை அலசவும்.

ஒரு கப்பில் 1 கப் தயிர், 2 டீஸ்பூன் உலர்ந்த நெல்லிக்காய் பொடியை சேர்த்து நன்கு கலக்கவும். இதை முடியில் தடவி 10 நிமிடங்கள் வைத்திருக்கவும். காய்ந்த பிறகு, முடியை நன்கு அலசவும்.

இரண்டு ஸ்பூன் எலுமிச்சை சாற்றுடன் சிறிது தயிர் சேர்த்து தலையில் தடவவும். 20 நிமிடங்களுக்குப் பிறகு, ஷாம்பு பயன்படுத்தி தலையை அலசவும். இது பொடுகு தொல்லையை குறைக்க உதவும்.