வீட்டிலேயே தேனின் தரத்தை பரிசோதிக்கலாம்

டிஷ்யூ பேப்பரை வைத்து தேனின் தரத்தை எளிதாக கண்டுபிடிக்கலாம். ஒரு டிஷ்யூ பேப்பரை எடுத்து, அதில் சில சொட்டு தேனை விட்டு சிறிது நேரம் அப்படியே வையுங்கள்.

சிறிது நேரம் கழித்து அந்த பேப்பரை பாருங்கள். தேனை பேப்பர் முழுமையாக உறிஞ்சியிருந்தால் அது கலப்பட தேன். உறிஞ்சாமல் அப்படியே பேப்பருக்கு மேலேயே இருந்தால் அதுதான் அசல் தேன்.

பிரெட் துண்டை வைத்தும் தேன் சுத்தமானதா என செக் செய்யலாம். ஒரு பிரெட் துண்டை எடுத்து, அதன் மீது சில சொட்டு தேனை ஊற்றி சிறிது நேரம் அப்படியே வையுங்கள்.

சிறிது நேரம் கழித்து பிரெட்டை கவனியுங்கள். தேன் பிரெட்டில் ஊறி, பிரெட் ஈரமாகியிருந்தால் அது கலப்பட தேன். பிரெட் ஈரமாகாமல் இருந்தால் அது சுத்தமான தேன்.

தீக்குச்சியை வைத்து தேனின் தரத்தை சோதிப்பது மிகவும் எளிதான முறை. ஒரு தீக்குச்சியை எடுத்து, அதன் மருந்து உள்ள பகுதியை தேனில் முக்கி எடுங்கள். பிறகு உடனே அதை பற்ற வையுங்கள்.

தேனில் முக்கிய தீக்குச்சி உடனே எரிந்தால் அது சுத்தமான தேன். எரிய தாமதமானாலோ அல்லது எரியவே இல்லை என்றாலோ, அந்த தேனில் தண்ணீர் அல்லது வேறு ஏதோ கலப்படம் செய்யப்பட்டுள்ளது என அர்த்தம்