ஜன்னல்களில் மெழுகு படிந்ததா?

காற்றுடன் தூசுக்கள் வருவதால், நீங்கள் என்னதான் வீட்டு ஜன்னலை சுத்தம் செய்தாலும், தூசுக்கள் நிறைந்து கொண்டே தான் இருக்கும். தினமும் சுத்தம் செய்வது என்பது இயலாத காரியம். 

தீபாவளிக்கு முன்பு வீடு முழுவதும் சுத்தம் செய்ய வேண்டும். ஆனா, ஜன்னல்கள், கதவுகளை சுத்தம் செய்வது கடினமான வேலை. 

உங்கள் வீட்டு ஜன்னலில் உள்ள நைலான் அல்லது இரும்பு வலை இருந்தால் முதலில் அதை அகற்றவும்.

ஜன்னல் வலைகளை சோப்பு கரைசல் தண்ணீரில் ஊற வைத்து அலசி எடுக்கவும். துணி துவைக்கும் பிரஸ் மூலம் அல்லது பல் துலக்கும் பிரஸ் மூலம் வலைகளை சுத்தம் செய்யலாம்.

ஜன்னலின் மூலைகளில் பெரும்பாலும் தூசி இருக்கும். இதை சுத்தம் செய்ய, பல் துலக்கும் பிரஸ் அல்லது பழைய பெயின்ட் பிரஸ் பயன்படுத்தலாம். இது மூலைகளில் உள்ள அழுக்கை நீக்கும்.

வினிகர், எலுமிச்சை, பேக்கிங் சோடா கரைசலை தயாரிக்கவும். தண்ணீர் சேர்த்து ஸ்ப்ரே பாட்டிலில் ஊற்றி, ஒரு காகிதத்தின் உதவியுடன் ஜன்னல் கண்ணாடியை சுத்தம் செய்யவும்.

ஜன்னல் கிரில்களில் இரும்பு கம்பிகளும் உள்ளன. அவற்றை சுத்தம் செய்ய, திரவ சோப்பை தண்ணீரில் கலந்து கடற்பாசி மூலம் சுத்தம் செய்து, பின்னர் உலர்ந்த துணியால் துடைக்கவும்.

ஜன்னலில் எண்ணெய், அழுக்கை சுத்தம் செய்ய, உப்பில் எலுமிச்சை சாறு சேர்த்து பேஸ்ட் செய்யவும். இந்த பேஸ்ட்டை எண்ணெய் படிந்த இடத்தில் தடவி ஸ்க்ரப்பர் மூலம் தேய்த்து சுத்தம் செய்யவும்.

ரப்பிங் ஆல்கஹால் ஜன்னலில் உள்ள தூசி மற்றும் அழுக்கை சுத்தம் செய்ய உதவும். ஜன்னல்களில் ரப்பிங் ஆல்கஹாலை ஸ்ப்ரே செய்து, சிறிது நேரம் கழித்து அதை ஸ்க்ரப்பர் மூலம் சுத்தம் செய்யவும்.