உங்கள் யுபிஐ வரம்பை எப்படி அதிகரிப்பது?

தற்போது டிஜிட்டல் பரிவர்த்தனைகள் அதிகரித்துள்ளன. 10 ரூபாய் பரிவர்த்தனைக்கும் கூட யுபிஐ பயன்படுத்தப்படுகிறது. ஆனால், இப்படி யுபிஐ பணம் செலுத்தினால் தெரியாமலேயே செலவு அதிகரிக்கும்.  

முன்னணி பொதுத்துறை வங்கியான எஸ்பிஐ தனது பயனர்களுக்காக யுபிஐ பரிவர்த்தனைகளுக்கு ஒரு வரம்பை நிர்ணயித்துள்ளது. அதை உங்கள் தேவைக்கேற்ப மாற்றிக்கொள்ளலாம்.

தேவையற்ற செலவுகளை தவிர்க்க எஸ்பிஐ யுபிஐ பரிவர்த்தனைகளுக்கு சில கட்டுப்பாடுகள் உள்ளது. இதன் மூலம் உங்களுக்குப் பிடித்தவாறு யுபிஐ பணம் செலுத்தும் பரிவர்த்தனைகளை அமைத்து கொள்ளலாம். 

யூபிஐ மூலம் ஒரு நபர் அதிகபட்சமாக ஒரு நாளைக்கு ரூ. 1,00,000 வரை பரிவர்த்தனை செய்யலாம். சில வங்கிகள் இதை விடக் குறைவான பரிவர்த்தனைக்கு மட்டுமே அனுமதிக்கின்றன.

எஸ்பிஐ யூபிஐ வரம்பைக் குறைக்கவோ அல்லது அதிகரிக்கவோ யோனோ செயலி அல்லது நெட் பேங்கிங்கைப் பயன்படுத்த வேண்டும். இதற்கு இந்த வழிமுறைகளைப் பின்பற்றினால் போதும். 

முதலில் யோனோ நெட் பேங்கில் உள்நுழைய வேண்டும். UPI பரிமாற்றத்தைக் கிளிக் செய்து பரிவர்த்தனை வரம்பு அமைப்பை தேர்ந்தெடுத்து, கடவுச்சொல்லை உள்ளீடு சரிபார்த்து புதிய வரம்பை மாற்றலாம்.

உதாரணமாக தற்போது உங்கள் வரம்பு ரூ.50,000 என்றால் எவ்வளவு வேண்டுமோ அதை உள்ளிட்டு சமர்ப்பி என்பதைக் கிளிக் செய்ய வேண்டும். ஓடிபி சரிபார்ப்பை செய்து புதிய யுபிஐ வரம்பு அமலுக்கு வரும்.

யுபிஐ வரம்பை அமைத்துக் கொள்வதன் மூலம் நீங்கள் செய்யும் பரிவர்த்தனைகளின் மீது உங்களுக்கு ஒரு கட்டுப்பாடு இருக்கும். தேவையற்ற செலவு கட்டுக்குள் வரும்.