ரூ.85 ஆயிரம் கோடி செலவில் ஹைடெக் சிட்டியாக மாறும் அயோத்தி நகரம்!
ராமர் கோவில் திறக்கப்பட உள்ள அயோத்தி நகரத்தில் ரூ.85 ஆயிரம் கோடி முதலீட்டில் பல்வேறு மேம்பாட்டுப் பணிகள் மேற்கொள்ளப்பட்டு வருகின்றன.
Followஅயோத்தி ராமர் கோயில் திறப்பு விழாவுக்கு தயாராகி வருகிறது. ஜனவரி 22-ந் தேதி அயோத்தி ராமர் கோவில் கும்பாபிஷேகம் நடைபெற உள்ளது. அதன்பின்னர் பொதுமக்கள் வழிபாட்டுக்காக திறக்கப்பட உள்ள அந்த கோவிலில் தினமும் சுமார் 3 லட்சம் பேர் வந்து செல்வார்கள் என்று எதிர்பார்க்கப்படுகிறது. இதன்காரணமாக அயோத்தி நகரத்தில் ரூ.85 ஆயிரம் கோடி முதலீட்டில் பல்வேறு மேம்பாட்டுப் பணிகள் மேற்கொள்ளப்பட்டு வருகின்றன. இப்பணிகளை அடுத்த 10 ஆண்டுகளில் செய்து முடிக்கவும் இலக்கு நிர்ணயிக்கப்பட்டு உள்ளது.
