டி.என்.பி.எஸ்.சி வெளியிட்ட முக்கிய அறிவிப்பு... குரூப் 2 தேர்வு நேரம் மாற்றம்..!
தமிழகம் முழுவதும் குரூப் 2, 2ஏ முதன்மை தேர்வுகள் இன்று நடைபெற்று வரும் நிலையில் சென்னை உள்ளிட்ட சில தேர்வு மையங்களில் தேர்வு தொடங்குவதில் தாமதம் ஏற்பட்டது.
 )
Followடி.என்.பி.எஸ்.சி குரூப் 2 தேர்வு காலையில் தாமதமாக தொடங்கியதால், பிற்பகல் தேர்வு நேரம் அதிரடியாக மாற்றம் செய்யப்பட்டுள்ளது.
தமிழக அரசு துறைகளில் 5,446 காலிப்பணியிடங்கள் நிரப்பப்படுவதற்கு கடந்த மே மாதம் 21ம் தேதி குரூப் 2 மற்றும் 2ஏ ஆகிய தேர்வுகள் நடைபெற்றன. இந்த முதல் நிலை தேர்வு எழுதியவர்களில் 57,641 பேர் தேர்ச்சி பெற்ற நிலையில், தற்போது அவர்களுக்கான முதன்மை தேர்வு இன்று தொடங்கி நடைபெற்று வருகிறது. இந்த தேர்வு சென்னை உட்பட 20 மாவட்டங்களில் 186 தேர்வு மையங்கள் அமைக்கப்பட்டிருந்தன. இன்று காலை 9.30 மணிக்கு தொடங்கி 12.30 மணி வரை தமிழ் தேர்வும், பிற்பகல் 2 மணிக்கு தொடங்கி மாலை 5 மணிவரை பொதுத்தேர்வும் நடைபெறுவதாக இருந்தது.
இதையும் படிங்க;- இதற்கு டிஎன்பிஎஸ்சியின் அலட்சியமே காரணம்.. குரூப்-2 தேர்வை ரத்து செய்யுங்கள்.. அன்புமணி ராமதாஸ்..!
இந்நிலையில், முதன்மை தேர்வு இன்று காலை தொடங்கியதும் தமிழ் தேர்வில் சென்னை, கடலூர், தஞ்சை உள்ளிட்ட இடங்களிலும் பல்வேறு குளறுபடிகள் ஏற்பட்டுள்ளது. இதனால், 9.30 காலை மணிக்கு தொடங்க வேண்டிய தேர்வு பல்வேறு குளறுபடிகளால் தாமதம் ஏற்பட்டது. எந்தெந்த மையங்களில் தாமதமாகத் தேர்வு தொடங்குகிறதோ, அந்த மையங்களில் கூடுதல் நேரம் வழங்கப்படும் என டி.என்.பி.எஸ்.சி. தரப்பில் கூறப்பட்டிருந்தது.
இதையும் படிங்க;- குரூப் 2, 2A முதன்மை தேர்வு.. பல இடங்களில் குளறுபடி.. டிஎன்பிஎஸ்சி வெளியிட்ட குட்நியூஸ்..!
இந்நிலையில், குரூப் 2 முதன்மை தேர்வில் பிற்பகலில் நடைபெற இருந்த தேர்வுக்கான நேரம் மாற்றம் செய்யப்பட்டுள்ளது. பிற்பகல் 2.30 மணிக்கு தொடங்கி 5.30 வரை தேர்வு நடைபெறும் என டி.என்.பி.எஸ்.சி அறிவித்துள்ளது.
சேனலை கிளிக் செய்து பின்தொடரவும்
