Asianet News TamilAsianet News Tamil

போட்டி நடத்தும் ரஷியாவையே போட்டுத் தள்ளிய உருகுவே; முதலிடம் பெற்று கர்ஜனை...

Uruguay who pushed rival Russia The roar of the top ...
Uruguay who pushed rival Russia The roar of the top ...
Author
First Published Jun 26, 2018, 12:15 PM IST


உலகக் கோப்பை போட்டி நடத்தும் ரஷியாவையே 3-0 என்ற கணக்கில் வெற்றிப் பெற்று உருகுவே முதலிடத்தில் கர்ஜிக்கிறது.

உலகக் கோப்பை போட்டியில் குரூப் ஏ பிரிவில் முதலிடத்தை பெறுவதற்கான ஆட்டம் உருகுவே - ரஷிய அணிகள் இடையில் சமாரா மைதானத்தில் நேற்று இரவு நடைபெற்றது.

இதுவரை உருகுவேயுடன் நடந்த 8 ஆட்டங்களில் ரஷியா 6 முறை வென்றுள்ளது. குரூப் ஏ பிரிவில் இரண்டு அணிகளும் தலா 6 புள்ளிகளுடன் முதலிடத்தில் உள்ளன. 

போட்டியை நடத்தும் ரஷிய அணி கால்பந்து தரவரிசையில் 70-வது இடத்தில் உள்ளது. அதே நேரத்தில் உருகுவே 2 முறை சாம்பியன் பட்டம் வென்ற வலுவான அணியாகும். 

ஆட்டம் தொடங்கியவுடன் இரண்டு அணி வீரர்களும் தாக்குதல் ஆட்டத்தில் ஈடுபட்டனர். அதன் விளைவு 10-வது நிமிடத்தில் உருகுவே நட்சத்திர வீரர் லூயிஸ் ஸ்வாரஸ் ப்ரீ கிக் மூலம் அடித்த பந்து ரஷிய கோல்கீப்பர் அகின்பீவை தாண்டி கோலானது. 

பின்னர் 23-வது நிமிடத்தில் ரஷிய நட்சத்திர வீரர் டெனிஸ் செரிஷேவ் கார்னர் மூலம் வந்த பந்தை தடுக்க தலையால் முட்டியபோது, எதிர்பாராத விதமாக ரஷிய கோல்கம்பத்தில் நுழைந்து சேம்-சைட் கோலானது. 

இப்படி முதல்பாதி ஆட்ட நிறைவில் உருகுவே 2-0 என முன்னிலைப் பெற்றது. பின்னர் இரண்டாம் பாதியில் ரஷிய அணி பதிலுக்கு கோலடிக்க எவ்வளவோ முயற்சித்தும் முடியவில்லை. 

90-வது நிமிடத்தில் கார்னர் வாய்ப்பு மூலம் கிடைத்த பந்தை உருகுவே வீரர் கோடின் அடித்தபோது ரஷிய கோல்கீப்பர் அகின்பீவ் தடுத்தார். ஆனால் யாரும் எதிர்பாராத நிலையில் பந்தை எடின்சன் அடித்து அதை கோலாக்கினார். 

இதன்மூலம் 3-0 என கணக்கில் உருகுவே அபார வெற்றி பெற்றது. இதன்மூலம் 9 புள்ளிகளுடன் உருகுவே முன்னிலையில் உள்ளது.

Follow Us:
Download App:
  • android
  • ios