Asianet News TamilAsianet News Tamil

அடுத்த சுற்றில் கால் பதித்தார் நடால்; இன்னும் யாரெல்லாம் வெற்றி பெற்றார்கள் தெரியுமா?

Natal in next round Do you know who else has succeeded?
Natal in next round Do you know who else has succeeded?
Author
First Published Jul 6, 2018, 12:51 PM IST


விம்பிள்டன் டென்னிஸ் போட்டியில் ஸ்பெயினின் ரஃபேல் நடால் அடுத்த சுற்றில் கால் பதித்தார். 

விம்பிள்டன் டென்னிஸ் போட்டியில் உலகின் முதல் நிலை வீரரான ஸ்பெயினின் ரஃபேல் நடால் தனது 2-வது சுற்றில் கஜகஸ்தானின் மிஹைல் குகுஷ்கினை எதிர்கொண்டார். இதில், 6-4, 6-3, 6-4 என்ற செட்களில் வீழ்த்தி அடுத்த சுற்றுக்கு முன்னேறினார். 

மற்றொரு 2-வது சுற்றுகளில் போட்டித் தரவரிசையில் 12-வது இடத்தில் இருக்கும் செர்பியாவின் நோவக் ஜோகோவிச் மற்றும் அர்ஜென்டீனாவின் ஹொராஸியோ ஜெபாலோஸுடன் மோதினார். இதில் 6-1, 6-2, 6-3 என்ற செட்களில் ஹொராஸியோ ஜெபாலோஸை தோற்கடித்தார். 

ஆஸ்திரேலியாவின் நிக் கிர்ஜியோஸ் 6-3, 6-4, 7-5 என்ற செட்களில் நெதர்லாந்தின் ராபின் ஹசியை வீழ்த்தினார்.
 
அதேபோன்று, மகளிர் ஒற்றையர் பிரிவில் உலகின் முதல் நிலை வீராங்கனையான சிமோனா ஹேலப் 7-5, 6-0 என்ற செட்களில் சீனாவின் ஜென் சாய்சாயை வெற்றி கண்டார். 

போட்டித் தரவரிசையில் 11-வது இடத்தில் இருக்கும் ஜெர்மனியின் ஏஞ்ஜெலிக் கெர்பர் 3-6, 6-2, 6-4 என்ற செட்களில் அமெரிக்காவின் கிளாரி லியுவை தோற்கடித்தார்.
 
போட்டித் தரவரிசையில் 14-வது இடத்தில் இருக்கும் ரஷியாவின் டரியா கசாட்கினா 6-2, 6-3 என்ற செட்களில் கஜகஸ்தானின் யுலியா புடின்ட்செவாவை வீழ்த்தி அடுத்த சுற்றுக்கு முன்னேறினார். 

ஆஸ்திரேலியாவின் ஆஷ்லே பார்டி 6-4, 7-5 என்ற செட்களில் கனடாவின் இயூஜின் பௌசார்டை வீழ்த்தினார்.  
 

Follow Us:
Download App:
  • android
  • ios