Asianet News Tamil

Hindu Population: இந்துக்கள் அதிகம் வாழும் டாப் 10 நாடுகள்.. அட! இந்த 2 நாடும் லிஸ்ட்ல இருக்கா? சர்ப்ரைஸ்

Rayar A — Sat, 15 Aug 2026 12:14:06 +0530

Hindu Population: உலகத்துலயே அதிக இந்துக்கள் வாழும் நாடு இந்தியாதான். அதுக்கு அடுத்து நேபாளம். இந்த ரெண்டு நாடுகளுக்கு அப்புறம் எந்தெந்த நாடுகளில் இந்துக்கள் அதிகம் உள்ளனர் தெரியுமா? இதோ டாப் 10 லிஸ்ட்.

உலகிலேயே அதிக இந்து மக்கள் தொகையை கொண்டது இந்தியாதான். உலக மக்கள் தொகை கணக்கெடுப்பின்படி, சுமார் 110 கோடி இந்துக்கள் இந்தியாவில் வாழ்கின்றனர். இந்த பட்டியலில் இந்தியா முதல் இடத்தில் உள்ளது. நேபாளம் இரண்டாவது இடத்தில் உள்ளது. புள்ளிவிவரங்களின்படி, நேபாளத்தில் சுமார் 2.86 கோடி இந்துக்கள் வாழ்கின்றனர். அடுத்தடுத்த இடங்களில் எந்த நாடுகள் உள்ளன என்று பார்ப்போம்.

வங்கதேசம்

இந்த பட்டியலில் வங்கதேசம் மூன்றாவது இடத்தில் உள்ளது. தரவுகளின்படி, இங்கு சுமார் 1.38 கோடி இந்துக்கள் வாழ்கின்றனர். இந்தியா மற்றும் நேபாளத்திற்குப் பிறகு, அதிக இந்து மக்கள் தொகையைக் கொண்ட நாடுகளில் வங்கதேசமும் ஒன்று.

இந்தோனேசியா

இந்தோனேசியாவில் சுமார் 42 லட்சம் இந்துக்கள் வாழ்கின்றனர். இது உலகளவில் நான்காவது பெரிய இந்து மக்கள் தொகையைக் கொண்ட நாடாக இந்தோனேசியாவை ஆக்குகிறது. இது ஒரு முஸ்லிம் பெரும்பான்மை நாடு என்றாலும், இந்து மதமும் இங்கு கணிசமாக உள்ளது. குறிப்பாக, பாலி தீவு அதன் இந்து மதம் மற்றும் கலாச்சாரத்திற்காக உலகம் முழுவதும் பிரபலமானது.

இதையும் படிங்க: சுக்கிரனின் நட்சத்திர மாற்றம்: செப்டம்பர் 11 வரை 'இந்த' 4 ராசிகளுக்கு அசுர பணவரவு.. உங்க ராசி இருக்கா?

இந்தப் பட்டியலில் பாகிஸ்தான் ஐந்தாவது இடத்தில் உள்ளது. புள்ளிவிவரங்களின்படி, பாகிஸ்தானில் சுமார் 40 லட்சம் இந்துக்கள் வாழ்கின்றனர். பாகிஸ்தான் ஒரு முஸ்லிம் பெரும்பான்மை நாடு என்றாலும், இந்து சமூகம் ஒரு மத சிறுபான்மையினராக அங்கு உள்ளது. நாட்டின் இந்து மக்கள் தொகையில் பெரும்பகுதியினர் சிந்து மாகாணத்தில் வாழ்கின்றனர்.

இலங்கை

இலங்கையில் சுமார் 31 லட்சம் இந்துக்கள் வாழ்கின்றனர். உலகிலேயே அதிக இந்து மக்கள் தொகை கொண்ட நாடுகளின் பட்டியலில் இலங்கை ஆறாவது இடத்தில் உள்ளது.

இதையும் படிங்க: Sun Transit: சிம்ம ராசியில் சூரிய பெயர்ச்சி: 'லாட்டரி' அதிர்ஷ்டம் பெறப் போகும் 4 ராசிகள்.. ராஜயோகம்!

அதிக இந்து மக்கள் தொகை கொண்ட நாடுகளில் அமெரிக்காவும் மலேசியாவும் அடுத்தடுத்த இடங்களில் உள்ளன. தரவுகளின்படி, அமெரிக்காவில் சுமார் 25 லட்சம் இந்துக்கள் வசிக்கின்றனர், இது பட்டியலில் ஏழாவது இடத்தைப் பிடிக்கிறது. சுமார் 19 லட்சம் இந்துக்களைக் கொண்ட மலேசியா எட்டாவது இடத்தில் உள்ளது. இங்குள்ள இந்துக்களில் பெரும்பாலோனோர் இந்திய வம்சாவளியினர்.

பிரிட்டன் மற்றும் ஐக்கிய அரபு அமீரகம்

இந்தப் பட்டியலில் பிரிட்டன் மற்றும் ஐக்கிய அரபு அமீரகம் (UAE) ஒன்பதாவது மற்றும் பத்தாவது இடங்களில் உள்ளன. புள்ளிவிவரங்களின்படி, பிரிட்டனில் சுமார் 10 லட்சம் இந்துக்கள் வாழ்கின்றனர், அதே நேரத்தில் ஐக்கிய அரபு அமீரகத்தில் சுமார் 6.6 லட்சம் இந்துக்கள் உள்ளனர். பிரிட்டனில் உள்ள இந்துக்களில் பெரும்பாலோர் இந்திய மற்றும் தெற்காசிய வம்சாவளியைச் சேர்ந்தவர்கள்.

இதையும் படிங்க: Astrology: சனி - சுக்கிரன் பிரதியுதி யோகம்: ஆகஸ்ட் 21 முதல் இந்த 4 ராசிகளுக்கு பண மழை!

இந்தியாவிற்கும் நேபாளத்திற்கும் அடுத்தபடியாக, இந்து மதப் பண்டிகைகளுக்கு அரசு விடுமுறை அளிக்கும் சில உலக நாடுகளில் மொரீஷியஸும் ஒன்று. 19-ஆம் நூற்றாண்டில் தொழிலாளர்களாகச் சென்ற இந்தியர்களால், கயானா, சுரிநாம், டிரினிடாட் மற்றும் டொபாகோ போன்ற கரீபியன் நாடுகளிலும் கணிசமான எண்ணிக்கையில் இந்துக்கள் வாழ்கின்றனர் என்பது குறிப்பிடத்தக்கது.

செவ்வாயின் அடியில் பிரம்மாண்ட பெருங்கடல்! லேட்டஸ்ட் விண்வெளி தகவல்!

Rayar A — Sat, 15 Aug 2026 14:20:56 +0530

நாசாவின் இன்சைட் விண்கலம் செவ்வாயின் அடியில் 11-20 கி.மீ ஆழத்தில் திரவ நீர் கடலை உறுதி செய்துள்ளது. அங்குள்ள பனிப்பாறைகளும் நதிப் படிவுகளும் எதிர்கால மனித வாழ்விற்கும் உயிரினங்களின் சாத்தியத்திற்கும் பெரும் நம்பிக்கையளிக்கின்றன.

Chained Tree : 100 ஆண்டுகளுக்கும் மேலாக சங்கிலியால் கட்டப்பட்ட ஆலமரம்...காரணம் இதுதான்!

Arun Mozhi Varman — Tue, 18 Aug 2026 13:56:49 +0530

Chained Tree : பாகிஸ்தானில் உள்ள ஒரு ஆலமரம் 100 ஆண்டுகளுக்கும் மேலாகச் சங்கிலியால் பிணைக்கப்பட்டுள்ளது. குடிபோதையில் ஒரு பிரிட்டிஷ் அதிகாரி பிறப்பித்த உத்தரவே இதற்குக் காரணம்.

Inca Mummy: 500 ஆண்டுகளாக பனிக்குள் பாதுகாக்கப்பட்ட இன்கா சிறுமி.. அதிர வைக்கும் பின்னணி!

Raghupati R — Wed, 26 Aug 2026 14:05:37 +0530

ஜுவானிடா எனப்படும் இந்த இன்கா சிறுமியின் உறைந்த உடல் 1995-ல் பெருவின் ஆண்டிஸ் மலைத்தொடரில் உள்ள மவுண்ட் ஆம்படோவில் கண்டுபிடிக்கப்பட்டது. கடல் மட்டத்திலிருந்து சுமார் 6,318 மீட்டர் உயரத்தில் இந்தப் பகுதியில் கடுமையான குளிர் நிலவுவதால், உடல் இயற்கையாகவே உறைந்து பாதுகாக்கப்பட்டது. அருங்காட்சியகத்தின் தகவல்படி, இந்த உடல் தற்போது சிறப்பு குளிரூட்டப்பட்ட அறையில் பாதுகாக்கப்படுகிறது.

அவள் யார்?

ஜுவானிடா சுமார் 500 ஆண்டுகளுக்கு முன்பு இன்கா காலத்தில் வாழ்ந்த இளம் பெண். ஆரம்பத்தில் அவளது வயது குறித்து பல்வேறு மதிப்பீடுகள் இருந்தாலும், பின்னர் மேற்கொள்ளப்பட்ட ஆய்வுகள் அவள் இளமைப் பருவத்தில், சுமார் 14 முதல் 15 வயதுக்குள் இருந்திருக்கலாம் எனக் காட்டின. அவள் இன்கா மதச் சடங்கான கபகோச்சா (Capacocha)-வுடன் தொடர்புடைய பலியாக இருந்ததாக தொல்பொருள் ஆய்வுகள் தெரிவிக்கின்றன. ஆம்படோ மலையில் கிடைத்த உடலுடன் துணிகள், மண் பாண்டங்கள் மற்றும் தங்கம், வெள்ளி உள்ளிட்ட பொருட்கள் கண்டுபிடிக்கப்பட்டன.

கபகோச்சா சடங்கின் பின்னணி

இன்கா பேரரசில் கபகோச்சா முக்கியமான மத மற்றும் அரசியல் சடங்குகளில் ஒன்றாக இருந்தது. இதில் குழந்தைகள் மற்றும் இளம் பெண்கள் பலியாகத் தேர்வு செய்யப்பட்டதாக ஆய்வுகள் தெரிவிக்கின்றன. மலைகள் இன்கா நம்பிக்கையில் புனிதமான இடங்களாகக் கருதப்பட்டதால், உயரமான மலை உச்சிகளில் இத்தகைய சடங்குகள் நடத்தப்பட்டன. ஜுவானிடாவின் உடலில் மேற்கொள்ளப்பட்ட ஆய்வுகள், அவளது இறுதிக் கால வாழ்க்கை மற்றும் சடங்கு தொடர்பான உணவுப் பழக்கங்கள் குறித்து புதிய தகவல்கள் வழங்கப்பட்டுள்ளன.

கோகா உள்ளிட்ட பொருட்களின் தடயங்கள்

ஆய்வாளர்கள் மம்மியின் முடி மற்றும் நகங்களில் மேற்கொண்ட வேதியியல் பரிசோதனைகளில் கோகா இலைகளுடன் தொடர்புடைய வேதிப்பொருட்களின் தடயங்கள் கண்டறியப்பட்டன. இதன் மூலம் கபகோச்சா சடங்கிற்கு முன்பான காலத்தில் பலியானவர்களுக்கு கோகா உள்ளிட்ட பொருட்கள் வழங்கப்பட்டிருக்கலாம் என்பதற்கான ஆதாரங்கள் கிடைத்துள்ளன. இருப்பினும், “அவளுக்கு குறிப்பிட்ட மதுபானம் கொடுத்து மயக்கி பலியிட்டனர்” போன்ற ஒவ்வொரு விவரத்தையும் உறுதியான உண்மையாகக் கூறுவதற்குப் பதிலாக, ஆய்வுகள் காட்டும் ஆதாரங்களையும் உள்ளூர் விளக்கங்களையும் தனித்தனியாகப் பார்ப்பது முக்கியம்.

500 ஆண்டுகளுக்குப் பிறகு மீண்டும் உருவான முகம்

ஜுவானிடாவின் முகத்தை அறிய விஞ்ஞானிகள் CT ஸ்கேன், டிஎன்ஏ ஆய்வு, மண்டை ஓட்டின் அளவீடுகள் மற்றும் பிற மனிதவியல் தகவல்களைப் பயன்படுத்தினர். ஸ்வீடன் நாட்டைச் சேர்ந்த தடயவியல் கலைஞர் ஆஸ்கர் நில்சன், 3D முறையில் தயாரிக்கப்பட்ட மண்டை ஓட்டின் பிரதியை எடுத்து முகத்தை மறுவடிவமைத்தார். இந்தப் பணிக்கு சுமார் 10 வாரங்கள் தேவைப்பட்டதாக தகவல்கள் தெரிவிக்கின்றன. இந்த முக மறுவடிவமைப்பு, ஒரு பழமையான மம்மியைப் பார்ப்பதைத் தாண்டி, 500 ஆண்டுகளுக்கு முன்பு வாழ்ந்த ஒரு இளம் பெண்ணின் வாழ்க்கை மற்றும் இன்கா நாகரிகத்தின் நம்பிக்கைகளைப் புரிந்துகொள்ள ஒரு புதிய வாய்ப்பை வழங்குகிறது.

Samosa History: சமோசா இந்திய உணவு இல்லையாம்! இதன் ஆச்சரிய வரலாறு இதோ.!

Vedarethinam Ramalingam — Sat, 05 Sep 2026 11:07:13 +0530

செப்டம்பர் 5 ஆசிரியர் தினம் மட்டுமல்ல, உலக சமோசா தினமும் கூட. தெருவோர கடைகளில் கிடைக்கும் சமோசா ஒரு காலத்தில் அரசர்களின் உணவாக இருந்தது என்பது ஆச்சரியமான உண்மை. சமோசாவின் சுவாரஸ்யமான வரலாற்றை இங்கே தெரிந்துகொள்ளுங்கள்.ஒவ்வொரு ஆண்டும் செப்டம்பர் 5ஆம் தேதி உலக சமோசா தினம் கொண்டாடப்படுகிறது. இந்தியாவின் மூலை முடுக்கெல்லாம் விரும்பப்படும் இந்த சமோசா, நம்முடைய உணவுப் பழக்கத்தில் ஒரு அங்கமாகவே மாறிவிட்டது. ஆனால் இதன் வரலாறு மிகவும் சுவாரஸ்யமானது.பல நூற்றாண்டுகளாக மத்திய ஆசியாவுடன் இந்தியாவுக்கு இருந்த வர்த்தகத் தொடர்பு மற்றும் புலம்பெயர்வுகள் மூலமாகவே சமோசா இங்கே வந்தது. அங்குள்ள உணவுப் பழக்கம் இங்கே பரவி, சமோசா இந்தியாவிலும் பிரபலமானது. இன்று உருளைக்கிழங்கு சமோசா மிகவும் பிரபலம்.சமோசாவுக்கு ஆரம்பத்தில் பல பெயர்கள் இருந்தன. 'சன்போசாக்', 'சன்புசக்', 'சன்புசாஜ்' போன்ற பெயர்கள் வரலாற்றில் காணப்படுகின்றன. இவை பெர்சிய வார்த்தையான 'சன்போசாக்' என்பதிலிருந்து வந்ததாகக் கூறப்படுகிறது. இதுவே சமோசாவின் பயணத்தைக் காட்டுகிறது.இன்று நாம் சாப்பிடும் உருளைக்கிழங்கு சமோசா போல ஆரம்பத்தில் இல்லை. முன்பு, இறைச்சி, வெங்காயம், உலர் பழங்கள் வைத்து சமோசா செய்தார்கள். கி.பி. 1300-ல், கவிஞர் அமீர் குஸ்ரு, இளவரசர்கள் சாப்பிட்ட இறைச்சி, நெய், வெங்காயம் கலந்த சமோசா பற்றி எழுதியுள்ளார்.14ஆம் நூற்றாண்டில் டெல்லி சுல்தான் முஹம்மது பின் துக்ளக் அரசவைக்கு வந்த மொராக்கோ பயணி இப்னு பதூதா, 'சம்புசக்' என்ற உணவை சுவைத்துள்ளார். அதில் இறைச்சி, பாதாம், பிஸ்தா, வால்நட், வெங்காயம் என பல பொருட்கள் இருந்ததாகக் குறிப்பிட்டுள்ளார்.சமோசா மட்டுமல்ல, அதில் நாம் வைக்கும் உருளைக்கிழங்கும் இந்தியாவைப் பூர்வீகமாகக் கொண்டதல்ல. உருளைக்கிழங்கின் பூர்வீகம் தென்னமெரிக்கா. அதன் விலை மலிவு மற்றும் மசாலாவை எளிதில் உறிஞ்சும் தன்மையால், பிற்காலத்தில் சமோசாவின் முக்கியப் பொருளானது.சமோசா எங்கிருந்து வந்தது என்பதை விட, இந்தியா அதை எப்படி மாற்றியது என்பதுதான் சுவாரஸ்யம். இந்திய சமையல் கலைஞர்கள் உருளைக்கிழங்கு, பட்டாணி, மிளகாய், கொத்தமல்லி, சீரகம் போன்ற உள்ளூர் பொருட்களைச் சேர்த்து, சமோசாவுக்குப் புத்தம் புதிய அடையாளத்தைக் கொடுத்தனர்.வங்காளத்தில் 'சிங்காரா', ஹைதராபாத்தில் 'லுக்மி', கோவாவில் 'சமுசா' என சமோசாவுக்கு பல உள்ளூர் வடிவங்கள் உள்ளன. கோவா 'சமுசா'வில் போர்ச்சுகீசிய தாக்கத்தைக் காணலாம். இடம் மாறும்போது, அதன் உள்ளே வைக்கும் பொருட்களும், வடிவமும், மசாலாவும் மாறுகின்றன.குறைந்த விலை, எடுத்துச் செல்ல எளிது, பசியை போக்கும் தன்மை என சமோசா பிரபலமாக பல காரணங்கள் உள்ளன. மொறுமொறுப்பான வெளிப்புறம், காரமான உட்புறம், அதனுடன் கிடைக்கும் சட்னி என இதன் சுவை அலாதியானது. சைவ, அசைவ, இனிப்பு என பல வகைகளிலும் கிடைக்கிறது.இந்தியாவில் சமோசாவுடன் பொதுவாக புதினா சட்னி அல்லது புளி சட்னி கொடுப்பார்கள். சில இடங்களில் தயிர், சோலே மசாலா, பொடியாக நறுக்கிய வெங்காயம் சேர்த்தும் சாப்பிடுகிறார்கள். ஆனால், சூடான சமோசா மற்றும் ஒரு கப் சூடான டீ இல்லாமல் இந்த காம்போ முழுமையடையாது என்பதே பலரின் கருத்து!

Land in Moon : நிலவில் நிலம் வாங்க ஆசையா? ஒரு ஏக்கர் நிலம் வெறும் 1,700 ரூபாய்தான்!

Arun Mozhi Varman — Thu, 13 Aug 2026 14:18:54 +0530

Land in Moon : பூமியில் நிலம் வாங்குவதே பெரிய சாதனை என்று நினைக்கும் காலத்தில் பல ஹாலிவுட் மற்றும் பாலிவுட் பிரபலங்கள் நிலவில் நிலம் வாங்கி வைத்திருக்கிறார்கள். இதைப் பற்றிய முழுமையான விவரங்களை இங்கே காண்போம்.

1980-களில் டென்னிஸ் ஹோப் என்ற நபர், சர்வதேச விண்வெளி சட்டத்தில் உள்ள ஒரு ஓட்டையைப் பயன்படுத்தி, நிலவின் பகுதிகளை விற்பனை செய்யத் தொடங்கினார். நாடுகள் நிலவைச் சொந்தம் கொண்டாட முடியாது என்றாலும், தனிநபர்கள் நிலம் வாங்குவதற்குச் சட்டம் தடை விதிக்கவில்லை என்று அவர் வாதிட்டார். இதற்காக அவர் 'லூனார் எம்பஸி' என்ற அமைப்பை உருவாக்கினார். இதன் மூலம் பல பிரபலங்கள் நிலவில் நிலத்தை விலைக்கு வாங்கியுள்ளனர்.

நிலவில் நிலம் வாங்குவது எவ்வளவு செலவாகும்?

நிலவில் நிலம் வாங்குவது இன்று பலருக்கும் ஒரு சுவாரஸ்யமான பொழுதுபோக்காக மாறியுள்ளது. இதற்கான விலை விவரங்கள் இதோ:

நிலத்திற்கான விலை: நிலவில் ஒரு ஏக்கர் நிலம் வாங்குவதற்குச் சராசரியாக $20 முதல் $40 டாலர் (இந்திய மதிப்பில் சுமார் ₹1,700 முதல் ₹3,400 வரை) வரை செலவாகிறது.
மாறும் விலைகள்: பங்குகளைப் போலவே, நிலவின் குறிப்பிட்ட பகுதிகளுக்கான தேவை மற்றும் இடத்திற்கு ஏற்ப விலை மாறுபடும். உதாரணமாக, மக்கள் அதிகம் விரும்பும் 'Sea of Tranquility' போன்ற வரலாற்றுச் சிறப்புமிக்க இடங்களுக்கு விலை அதிகமாக இருக்கும்.
தள்ளுபடிகள்: சில இணையத் தளங்கள் ஒன்றுக்கு மேற்பட்ட ஏக்கர்களை மொத்தமாக வாங்குபவர்களுக்குத் தள்ளுபடி வழங்குகின்றன.

இதையும் படிங்க : Maha Bhagya Yoga : மீனத்தில் சனி வக்கிரப் பயணம்! மகா பாக்ய யோகத்தால் 4 ராசிகளுக்கு இனி கஷ்ட காலம் ஓவர்!

1. ஷாருக்கான் : பாலிவுட் சூப்பர் ஸ்டார் ஷாருக்கானுக்கு நிலவில் நிலம் இருப்பது பலருக்கும் தெரிந்த ஒரு சுவாரஸ்யமான செய்தி. இவருக்கு ஆஸ்திரேலியாவைச் சேர்ந்த ஒரு பெண் ரசிகை, ஒவ்வொரு ஆண்டும் ஷாருக்கானின் பிறந்தநாளின் போது நிலவில் ஒரு சிறிய நிலத்தை வாங்கிப் பரிசாக அளித்து வருகிறார். நிலவின் 'Sea of Tranquility' பகுதியில் இவருக்கு நிலங்கள் உள்ளன. அவருக்கு நிலவில் சொந்தமாக ஒரு பள்ளமும் பெயரிடப்பட்டுள்ளது.

2. சுஷாந்த் சிங் ராஜ்புத் : மறைந்த நடிகர் சுஷாந்த் சிங் ராஜ்புத், விண்வெளி மற்றும் வானியல் மீது மிகுந்த ஆர்வம் கொண்டவர். நிலவின் 'Mare Muscoviense' அல்லது 'Sea of Muscovy' என்று அழைக்கப்படும் பகுதியில் அவர் நிலம் வாங்கியிருந்தார்.

இதையும் படிங்க : Male River : இந்தியாவில் எல்லாமே பெண் நதிகள்தான்! அந்த ஒரே ஒரு ஆண் நதி பற்றி தெரியுமா?

3. டாம் குரூஸ் : சாகசப் படங்களுக்குப் புகழ்பெற்ற ஹாலிவுட் நடிகர் டாம் குரூஸ், நிலவில் நிலம் வைத்திருக்கும் நட்சத்திரங்களின் பட்டியலில் முன்னணியில் உள்ளார்.

4. நிகோல் கிட்மேன் : ஆஸ்கர் விருது பெற்ற நடிகை நிகோல் கிட்மேனும் நிலவில் நிலம் வாங்கியுள்ளார்.

5. ஜான் ட்ரவோல்டா : விமானங்களை இயக்குவதில் மிகுந்த ஆர்வம் கொண்ட ஜான் ட்ரவோல்டா, வானத்தின் மீதான தனது காதலை வெளிப்படுத்தும் விதமாக நிலவிலும் ஒரு நிலத்தை வாங்கியுள்ளார்.

6. இதர பிரமுகர்கள்: நட்சத்திரங்கள் மட்டுமின்றி, அமெரிக்காவின் முன்னாள் அதிபர் ஜார்ஜ் டபிள்யூ. புஷ் மற்றும் புகழ்பெற்ற பத்திரிகையாளர் பார்பரா வால்டர்ஸ் போன்றோரும் நிலவில் நிலம் வைத்திருப்பதாகப் புகழ்பெற்ற அறிக்கைகள் தெரிவிக்கின்றன.

இதையும் படிங்க : Coriander : வீட்லேயே ஃப்ரெஷ் கொத்தமல்லி வளர்க்கணுமா? இதோ 6 ஈஸி டிப்ஸ்!

இவர்கள் வாங்கிய நிலங்கள் அனைத்தும் சட்டப்பூர்வமாகச் செல்லும் என்ற கேள்வி இன்றும் சர்ச்சைக்குரியதாகவே உள்ளது. சர்வதேச விண்வெளி சட்டத்தின்படி எந்தவொரு தனிநபரும் அல்லது நாடும் விண்வெளியைச் சொந்தம் கொண்டாட முடியாது. எனவே, இவை வெறும் அடையாளபூர்வமான உரிமைகளாகவே பார்க்கப்படுகின்றன.

பெரும்பாலான பிரபலங்களுக்கு, குறிப்பாக ஷாருக்கான் போன்றவர்களுக்கு, ரசிகர்கள் இதுபோன்ற நிலங்களை அன்பளிப்பாக வழங்குகின்றனர். எனவே, இது ஒரு ரியல் எஸ்டேட் முதலீடு என்பதை விட, விண்வெளி மீதான மனிதனின் ஆர்வத்தைப் பறைசாற்றும் ஒரு தனித்துவமான அடையாளமாகவே கருதப்படுகிறது.

இதையும் படிங்க : Chandra Mangala Yoga : செவ்வாய் நீசப் பெயர்ச்சியால் உருவாகும் சந்திர-மங்கள யோகம்! 4 ராசிகளுக்கு பொற்காலம்!

Amazon River: 6,400 கி.மீ. நீள ஆற்றில் ஒரு பாலம் கூட இல்லையா? ஆச்சரியமூட்டும் உண்மைகள்!

Raghupati R — Tue, 18 Aug 2026 15:27:18 +0530

Amazon River: தென் அமெரிக்காவில் பாயும் அமேசான் நதி, உலகின் அதிக நீர்வரத்து கொண்ட நதியாகும். பாலம் இல்லாத இந்த நதி, பிங்க் டால்பின்கள் மற்றும் அனகோண்டாக்கள் போன்ற அரிய உயிரினங்களின் தாயகமாக விளங்குகிறது.

தென் அமெரிக்க கண்டத்தில் பாயும் அமேசான் நதி வெறும் நீரோட்டம் மட்டுமல்ல, அது இந்த பூமிக்கே ஜீவநாடி. உலகிலேயே அதிக நீர்வரத்து கொண்ட நதி இதுதான். அடர்ந்த காடுகள், அரிய உயிரினங்கள், பிரமிக்க வைக்கும் இயற்கை அதிசயங்கள் நிறைந்த இந்த நதியைப் பற்றி தெரிந்து கொள்வது மிகவும் சுவாரஸ்யமானது. பெருவில் உள்ள ஆண்டிஸ் மலைத்தொடரில் பிறக்கும் இந்த அமேசான் நதி, பிரேசிலில் அட்லாண்டிக் பெருங்கடலில் கலக்கிறது. வழியில் கொலம்பியா நாட்டிலும் பாய்கிறது. இப்படி மூன்று நாடுகள் வழியாக சுமார் 6,400 கிலோமீட்டர் (4,000 மைல்கள்) பயணிக்கிறது. உலகளவில் அனைத்து நதிகளிலிருந்தும் கடலில் கலக்கும் நீரில் 15 முதல் 20 சதவீதம் வரை அமேசான் நதியிலிருந்து மட்டுமே வருகிறது. இவ்வளவு பெரிய நதியில் ஒரு பாலம் கூட இல்லை என்பது ஆச்சரியமான விஷயம்.

ஆயிரக்கணக்கான கிலோமீட்டர் நீளத்திற்குப் பாயும் அமேசான் நதியில் ஒரு பாலம் கூட இல்லை என்பதுதான் இதில் உள்ள மிகப்பெரிய ஆச்சரியம். அடர்ந்த மழைக்காடுகள், ஆற்றங்கரையில் மிகக் குறைந்த மக்கள் தொகை ஆகியவை இருப்பதால், இங்கு பாலங்களின் தேவை ஏற்படவில்லை. அதுமட்டுமின்றி, மழைக்காலத்தில் இந்த நதியின் அகலம் மிக அதிகமாக விரிவடையும். ஆற்றின் கரைகளில் உள்ள மண் மிகவும் மென்மையாக இருப்பதால், இங்கு பாலம் கட்டுவது புவியியல் ரீதியாகவும் கடினமான வேலை. இங்குள்ள மக்கள் போக்குவரத்துக்கு பெரும்பாலும் படகுகள் மற்றும் ஃபெர்ரிகளையே பயன்படுத்துகின்றனர்.

அமேசான் நதி, வெளியேற்றும் நீரின் அளவில் (Water Discharge) உலகிலேயே முதல் இடத்தில் உள்ளது. உலக கடல்களில் கலக்கும் மொத்த நன்னீரில் சுமார் 20 சதவீதம் அமேசான் நதியில் இருந்து மட்டுமே வருகிறது. இந்த நதி வழியாக ஒரு வினாடிக்கு சுமார் 2,09,000 கியூபிக் மீட்டர் தண்ணீர் பாய்கிறது. உலகின் அடுத்த 7 பெரிய நதிகள் சேர்ந்து கடலுக்குள் விடும் தண்ணீரை விட, அமேசான் நதி மட்டுமே அதிக தண்ணீரை கடலுக்குள் கொண்டு சேர்க்கிறது.

அமேசான் நதிக்கரையில் உள்ள காடுகளை 'பூமியின் நுரையீரல்' (Lungs of the Earth) என்று அழைக்கிறார்கள். இந்த நதி பாயும் பகுதி, உலகின் மிகப்பெரிய பல்லுயிர் பெருக்க மையமாகத் திகழ்கிறது. உலகில் கண்டறியப்பட்ட ஒவ்வொரு 10 உயிரினங்களில் ஒன்று அமேசான் பகுதியில் வாழ்கிறது.

பிங்க் ரிவர் டால்பின்கள்: நன்னீரில் மட்டுமே வாழும் அரிய வகை இளஞ்சிவப்பு டால்பின்கள் இந்த நதியின் சொத்து.

பிரன்ஹா மீன்கள்: கூர்மையான பற்களைக் கொண்டு, கூட்டமாகத் தாக்கும் பிரன்ஹா மீன்கள் இங்கு அதிகமாக உள்ளன.

கிரீன் அனகோண்டா: உலகின் மிக கனமான, பெரிய பாம்புகளில் ஒன்றான கிரீன் அனகோண்டாக்கள் இந்த நதி நீரில்தான் வாழ்கின்றன.

எலக்ட்ரிக் ஈல்கள்: சுமார் 600 வோல்ட் மின்சாரத்தை உருவாக்கும் திறன் கொண்ட எலக்ட்ரிக் ஈல் மீன்கள், அமேசானுக்கு வரும் சுற்றுலாப் பயணிகளையும் ஆராய்ச்சியாளர்களையும் ஆச்சரியப்படுத்துகின்றன.

சாதாரண நாட்களில் அமேசான் நதியின் அகலம் 2 முதல் 10 கிலோமீட்டர் வரை இருக்கும். ஆனால் மழைக்காலம் வந்துவிட்டால், இந்த நதியின் நீர்மட்டம் பயங்கரமாக உயர்ந்து, சில பகுதிகளில் நதியின் அகலம் சுமார் 40 முதல் 50 கிலோமீட்டர் வரை மாறும். கடலில் கலக்கும் முகத்துவாரத்தில் இதன் அகலம் 325 கிலோமீட்டர் வரை இருக்கும். அட்லாண்டிக் பெருங்கடலில் இது கலக்கும் இடத்தில் நீரோட்டம் எவ்வளவு தீவிரமாக இருக்குமென்றால், கடலுக்குள் 160 கிலோமீட்டர் தூரம் வரை கூட கடல் நீர் உப்பாக இல்லாமல், நல்ல தண்ணீராகவே இருக்கும். அமேசான் நதி வெறும் நீரோட்டம் மட்டுமல்ல, பூமியின் சுற்றுச்சூழல் சமநிலையைப் பாதுகாப்பதிலும் முக்கிய பங்கு வகிக்கிறது. வறட்சி, காடுகளை அழிப்பது போன்ற மனித நடவடிக்கைகளால் இந்த விசித்திரமான நீர் அமைப்பு ஆபத்தில் சிக்கியுள்ளது. இந்த பூமியில் உயிர்கள் சீராக வாழ வேண்டுமென்றால், அமேசான் நதியையும் அதைச் சுற்றியுள்ள மழைக்காடுகளையும் பாதுகாப்பது மிகவும் அவசியம்.

Nepal Flood: கைலாஷ் பாதை துண்டிப்பு, 105 இந்தியர்கள் மாயம்! ரசுவா துயரம் பற்றி முழு விவரம்

Vedarethinam Ramalingam — Thu, 27 Aug 2026 07:32:45 +0530

நேபாளத்தின் ரசுவா மாவட்டத்தில் ஏற்பட்ட திடீர் பெருவெள்ளத்தால் 384 பயணிகளுடனான தொடர்பு துண்டிக்கப்பட்டுள்ளது. இவர்களில் 291 வெளிநாட்டினர் மற்றும் 93 நேபாளிகள் அடங்குவர். இந்த பேரழிவால் திபெத் எல்லையோர சாலைகள் மற்றும் உள்கட்டமைப்புகள் சேதமடைந்துள்ளன.

நேபாளத்தின் இமயமலைப் பகுதியான ரசுவா மாவட்டத்தில் ஒரு பயங்கர திடீர் வெள்ளப்பெருக்கு ஏற்பட்டுள்ளது. இது திபெத் எல்லையருகே உள்ள முக்கிய சாலையைத் துண்டித்துள்ளது. இதனால் நூற்றுக்கணக்கான பயணிகளுடனான தொடர்பு துண்டிக்கப்பட்டு, பெரிய தேடுதல் மற்றும் மீட்புப் பணிகள் முடுக்கிவிடப்பட்டுள்ளன.

நேபாள சுற்றுலா வாரியம் (NTB) வெளியிட்ட முதற்கட்ட தகவல்படி, புதன்கிழமை காலை ஏற்பட்ட வெள்ளத்திற்குப் பிறகு 384 பயணிகளைக் காணவில்லை அல்லது தொடர்புகொள்ள முடியவில்லை. இந்த குழுவில் 291 வெளிநாட்டினரும், 93 நேபாள குடிமக்களும் உள்ளனர். வெளிநாட்டுப் பயணிகளில், 105 இந்தியர்களும், 37 வெளிநாடு வாழ் இந்தியர்களும் (NRIs) அடையாளம் காணப்பட்டுள்ளனர்.

இந்த புள்ளிவிவரங்கள் இன்னும் சரிபார்க்கப்பட்டு வருகின்றன. காணவில்லை அல்லது தொடர்பில் இல்லை என்று பட்டியலிடப்பட்ட 384 பேரும் வெள்ளத்தில் அடித்துச் செல்லப்பட்டதாக அர்த்தம் இல்லை என்பதை கவனத்தில் கொள்ள வேண்டும்.

இந்த பேரழிவு, கைலாஷ் மலை மற்றும் மானசரோவர் ஏரிக்குச் செல்லும் யாத்ரீகர்களுக்கான முக்கிய வழித்தடமான திபெத் எல்லை நோக்கிய பயணத்தையும் பாதித்துள்ளது.

ரசுவாவில் என்ன நடந்தது?

புதன்கிழமை காலை திபெத் பக்கத்திலிருந்து நேபாளத்திற்குள் நுழைந்த இந்த திடீர் வெள்ளம், ரசுவாவில் உள்ள போட்டே கோஷி ஆற்று அமைப்பில் பாய்ந்தது.

திமூர் மற்றும் சியாப்ருபெசி பகுதிகள் மிக மோசமாகப் பாதிக்கப்பட்டன. வெள்ளம் சாலைகள், பாலங்கள், வாகனங்கள், சந்தைப் பகுதிகள் மற்றும் பிற உள்கட்டமைப்புகளை அடித்துச் சென்றது அல்லது சேதப்படுத்தியது. இந்த வெள்ள நீர் மற்ற ஆறுகளுடன் கலந்ததால், கீழ்நிலை மாவட்டங்களிலும் இதன் தாக்கம் உணரப்பட்டது.

வெள்ளத்திற்கான சரியான காரணம் முதலில் தெளிவாகத் தெரியவில்லை. அப்பகுதியில் மழையே பெய்யவில்லை என்று உள்ளூர் அதிகாரிகள் கூறியதால், இமயமலைப் பகுதியில் என்ன நடந்தது என்பது குறித்த கவலைகள் அதிகரித்தன.

பின்னர் வந்த தகவல்கள், பனி மற்றும் பாறை சரிவு இந்த திடீர் வெள்ளப்பெருக்கைத் தூண்டியிருக்கலாம் என்று கூறின. இருப்பினும், அதிகாரிகள் இந்த நிகழ்வுகளின் வரிசையையும், பேரழிவின் முழு அளவையும் தொடர்ந்து மதிப்பிட்டு வருகின்றனர்.

நேபாள சுற்றுலா வாரியத்தின் முதற்கட்ட ஏஜென்சி வாரியான பதிவு, உடனடியாகத் தொடர்புகொள்ள முடியாத பயணிகளின் தெளிவான அதிகாரப்பூர்வ சித்திரத்தை வழங்குகிறது.

இந்த பட்டியலின்படி, Trekkers Society நிறுவனத்தின் 92 பயணிகள், Samrat Tours & Travels நிறுவனத்தின் 71 பயணிகள், Leaf Holiday-யின் 55 பயணிகள், Himalayan Glacier-இன் 52 பயணிகள், Kailash Journey-யின் 31 பயணிகள், Fishtail Tours & Travels-இன் 27 பயணிகள், Alpine Eco Trek-இன் 20 பயணிகள், Kathmandu Holiday Tours & Travels-இன் 17 பயணிகள், Richa Tours-இன் 12 பயணிகள், மற்றும் Explore Vacation-இன் 7 பயணிகள் ஆகியோரைத் தொடர்புகொள்ள முடியவில்லை.

நேபாள சுற்றுலா வாரியம் பதிவேற்றியுள்ள அறிவிப்பில், இந்தத் தகவல் முதற்கட்டமானது என்றும், பயண முகமைகள், வழிகாட்டிகள், உள்ளூர் அதிகாரிகள் மற்றும் பாதுகாப்பு அமைப்புகளுடன் சரிபார்க்கப்பட்டு வருவதாகவும் கூறப்பட்டுள்ளது.

எனவே, இந்தப் பட்டியலை உறுதிப்படுத்தப்பட்ட உயிரிழப்புப் பட்டியலாகக் கருதக்கூடாது.

105 இந்தியர்கள் மற்றும் 37 வெளிநாடு வாழ் இந்தியர்கள் அடையாளம்

சுற்றுலா வாரியத்தின் ஏஜென்சி வாரியான தகவலின்படி, Samrat Tours & Travels மூலம் 59 இந்தியர்களும், Leaf Holiday மூலம் 46 இந்தியர்களும் பயணம் செய்துள்ளனர். மொத்தமாக, இது 105 இந்தியர்கள் ஆகிறது.

இந்த முதற்கட்ட பதிவில், Himalayan Glacier நிறுவனத்துடன் தொடர்புடைய 37 வெளிநாடு வாழ் இந்தியர்களும் (NRIs) உள்ளனர். பட்டியலில் உள்ள மற்ற வெளிநாட்டுப் பயணிகளில் பலர் அமெரிக்கா, மலேசியா, இங்கிலாந்து, தென்னாப்பிரிக்கா, ஆஸ்திரேலியா மற்றும் நெதர்லாந்து ஆகிய நாடுகளைச் சேர்ந்தவர்கள் என அடையாளம் காணப்பட்டுள்ளனர். சிலரின் குடியுரிமை இன்னும் சரிபார்க்கப்பட்டு வருகிறது.

எண்ணிக்கைகளைப் பற்றிச் சொல்லும்போது, இந்தியக் குடிமக்கள் மற்றும் வெளிநாடு வாழ் இந்தியர்களுக்கு இடையிலான வேறுபாடு முக்கியமானது. சுற்றுலா வாரியத்தின் முதற்கட்ட தரவு 105 இந்தியக் குடிமக்களை அடையாளம் கண்டு, 37 வெளிநாடு வாழ் இந்தியர்களைத் தனியாகப் பட்டியலிடுகிறது.

ரசுவா மாவட்டம், நேபாள-சீன எல்லையை ஒட்டி அமைந்துள்ளது. இது திபெத்தை நோக்கிய ஒரு முக்கிய பயண வழித்தடத்தின் ஒரு பகுதியாகும்.

சாலைகள் மற்றும் உள்கட்டமைப்புகளின் திடீர் அழிவு, கைலாஷ் மானசரோவர் யாத்திரை பாதையுடன் தொடர்புடைய பயணங்கள் உட்பட, இப்பகுதி வழியாகச் செல்லும் பயணிகளைப் பாதித்துள்ளது.

பேரழிவின் காரணமாக கிட்டத்தட்ட 400 யாத்ரீகர்கள் சிக்கியிருக்கலாம் அல்லது துண்டிக்கப்பட்டிருக்கலாம் என்று முந்தைய அறிக்கைகள் தெரிவித்தன. இருப்பினும், நேபாள சுற்றுலா வாரியத்தின் அதிகாரப்பூர்வ முதற்கட்ட பட்டியல், பரந்த அளவில் 384 பயணிகள் மற்றும் சுற்றுலாப் பயணிகளைக் குறிப்பிடுகிறது. அவர்களின் இருப்பிடம் மற்றும் பாதுகாப்பு இன்னும் சரிபார்க்கப்பட்டு வருகிறது.

தகவல் தொடர்பு துண்டிப்பு மற்றும் சேதமடைந்த சாலைகள், பாதிக்கப்பட்ட பிராந்தியத்தில் உள்ள அனைவருடனும் அதிகாரிகள் மற்றும் பயண ஏற்பாட்டாளர்கள் விரைவாகத் தொடர்பை ஏற்படுத்துவதை கடினமாக்கியுள்ளன.

மீட்புக் குழுக்கள் மற்றும் ஹெலிகாப்டர்கள் குவிப்பு

நேபாளம், ராணுவம், காவல்துறை மற்றும் பிற அவசரகாலப் பணியாளர்களைத் தேடுதல் மற்றும் மீட்புப் பணிகளுக்காகத் திரட்டியுள்ளது.

இந்த கடினமான இமயமலைப் பகுதியில் மீட்புப் பணிகளுக்கு உதவுவதற்காக ஹெலிகாப்டர்கள் ஈடுபடுத்தப்பட்டுள்ளன. இருப்பினும், சேதமடைந்த உள்கட்டமைப்பு மற்றும் வெள்ளத்தால் பாதிக்கப்பட்ட பகுதிகளில் நிலவும் சூழல் காரணமாக மீட்புப் பணிகள் சிக்கலாகியுள்ளன. கீழ்நிலை நதி அமைப்புகளின் கரையோர சமூகங்களை விழிப்புடன் இருக்குமாறும், தேவைப்பட்டால் பாதுகாப்பான இடங்களுக்குச் செல்லுமாறும் அதிகாரிகள் எச்சரித்துள்ளனர்.

சமீபத்திய அறிக்கைகளின்படி, குறைந்தது எட்டு இறப்புகள் பதிவாகியுள்ளன. காணாமல் போனவர்களின் எண்ணிக்கை மற்றும் அழிவின் முழு பரிமாணம் இன்னும் மதிப்பிடப்பட்டு வருகிறது.

நிலைமை வேகமாக மாறிவருவதால், தகவல் தொடர்பு மீட்டெடுக்கப்பட்டு, மீட்புக் குழுக்கள் தனிமைப்படுத்தப்பட்ட இடங்களைச் சென்றடையும்போது, உயிரிழப்பு மற்றும் காணாமல் போனவர்களின் எண்ணிக்கை திருத்தப்படலாம்.

இந்த பேரழிவு இந்தியாவிலும் கவலைகளை எழுப்பியுள்ளது. ஏனெனில், பாதிக்கப்பட்ட நதி அமைப்பு பரந்த கண்டக் படுகையுடன் இணைக்கப்பட்டுள்ளது.

நேபாளத்தில் உள்ள கண்டக் ஆற்றின் மேல் நீர்ப்பிடிப்புப் பகுதியில் திடீரென நீர்வரத்து அதிகரிக்க வாய்ப்புள்ளதால், சிறப்பு கண்காணிப்பு மேற்கொள்ளப்பட்டு வருவதாக பீகார் பேரிடர் மேலாண்மைத் துறை தெரிவித்துள்ளது.

பீகார் முதல்வர் சாம்ராட் சவுத்ரி X தளத்தில், "நேபாளத்தின் மேல் நீர்ப்பிடிப்புப் பகுதிகளில் ஏற்பட்டுள்ள திடீர் வெள்ளச் சூழலைக் கருத்தில் கொண்டு, உயர் மட்ட ஆய்வுக் கூட்டம் நடத்தப்பட்டது. சம்பந்தப்பட்ட மாவட்டங்கள் முழு எச்சரிக்கையுடன் இருக்குமாறு அறிவுறுத்தப்பட்டுள்ளன" என்று பதிவிட்டுள்ளார்.

"மேற்கு சம்பாரண், கிழக்கு சம்பாரண், கோபால்கஞ்ச், சரண், முசாபர்பூர் மற்றும் வைஷாலி உள்ளிட்ட முக்கிய மாவட்டங்களில் கரைகளை இரவு பகலாக கண்காணித்தல், இரவு நேர ரோந்து மற்றும் தேவையான தயாரிப்புகளை உறுதி செய்ய அறிவுறுத்தப்பட்டது. NDRF மற்றும் SDRF குழுக்கள் பணியில் ஈடுபடுத்தப்பட்டுள்ளன" என்றும் அவர் கூறினார்.

இதற்கிடையில், தேசிய பேரிடர் மீட்புப் படையின் (NDRF) குறைந்தது 10 குழுக்கள் ஏற்கனவே பீகாரில் நிறுத்தப்பட்டுள்ளதாக இந்திய அதிகாரிகள் தெரிவித்தனர். நேபாளத்தில் ஏற்பட்ட திடீர் வெள்ளத்தைத் தொடர்ந்து அவர்கள் உஷார் நிலையில் உள்ளனர். மேலும் இரண்டு கூடுதல் குழுக்களுக்கான கோரிக்கை வந்துள்ளதாகவும் அதிகாரிகள் தெரிவித்தனர்.

தலைமைச் செயலாளர் பிரத்யய அமிர்த் தலைமையில், மாவட்ட அதிகாரிகள் மற்றும் மூத்த காவல்துறை அதிகாரிகளுடன் உயர் மட்ட ஆய்வுக் கூட்டம் நடைபெற்றது. மீட்பு மற்றும் நிவாரணத்திற்கான ஏற்பாடுகள் மதிப்பாய்வு செய்யப்பட்டதாகவும், கரைகள் மற்றும் பிற முக்கிய உள்கட்டமைப்புகளைக் கண்காணிக்க நீர்வளத்துறை அதிகாரிகளுக்கு அறிவுறுத்தப்பட்டதாகவும் அதிகாரிகள் தெரிவித்தனர்.

கிடைக்கும் நீரோட்டத்தை பாதுகாப்பாக நிர்வகிக்க உதவும் வகையில், கண்டக் அணை மற்றும் அதனுடன் தொடர்புடைய கால்வாய்களின் மதகுகள் வழியாக தண்ணீரை வெளியேற்றவும் நீர்வளத் துறை உத்தரவிட்டது.

பீகார் அதிகாரிகள் பீதியடையத் தேவையில்லை என்று வலியுறுத்தியுள்ளனர். ஆனால், பாதிக்கப்படக்கூடிய பகுதிகளில் வசிப்பவர்கள் மற்றும் அதிகாரிகள் தயாராக இருக்குமாறு கேட்டுக் கொள்ளப்பட்டுள்ளனர்.

ஆகஸ்ட் 26 ஆம் தேதிக்கான மாநிலத்தின் அதிகாரப்பூர்வ வெள்ளக் கண்காணிப்புத் தரவுகளின்படி, கண்டக் ஆறு டுமாரியாகாட்டில் அபாய அளவைத் தாண்டியும், பல கண்காணிப்பு நிலையங்களில் எச்சரிக்கை அளவைத் தாண்டியும் பாய்ந்தது. இதுவே, அதிகாரிகள் ஏன் நதி அமைப்பை உன்னிப்பாகக் கவனிக்கிறார்கள் என்பதை அடிக்கோடிட்டுக் காட்டுகிறது.

அடையாளம் காணும் பணி தொடர்வதால், பயணிகளும் அவர்களது குடும்பத்தினரும் பீதியடைய வேண்டாம் என்றும், சரிபார்க்கப்பட்ட தகவல்களை மட்டுமே நம்புமாறும் நேபாள சுற்றுலா வாரியம் கேட்டுக் கொண்டுள்ளது.

அவசர உதவி தேவைப்படுபவர்கள், நேபாளத்தின் கட்டணமில்லா அவசர எண் 1234, ஹாட்லைன் 1144, அல்லது சுற்றுலா காவல்துறை எண் 9851289445-ஐத் தொடர்பு கொள்ளுமாறு அறிவுறுத்தப்பட்டுள்ளனர். அருகிலுள்ள காவல்துறை அல்லது பாதுகாப்பு ஆணையம், உள்ளூர் நிர்வாகம், பயண நிறுவனம், வழிகாட்டி அல்லது டூர் ஆபரேட்டரைத் தொடர்பு கொள்ளுமாறும் வாரியம் கேட்டுக் கொண்டுள்ளது.

நேபாளத்தில் உள்ள இந்திய தூதரகமும், நாட்டில் ஏற்பட்ட திடீர் வெள்ளத்தால் பாதிக்கப்பட்ட இந்தியர்கள் குறித்த தகவல் மற்றும் உதவிக்காக அவசர எண்களை வெளியிட்டுள்ளது.

தொடர்பில் இல்லாதவர்களைக் கண்டுபிடிப்பது, தகவல் தொடர்பை மீட்டெடுப்பது மற்றும் பாதிக்கப்பட்ட இமயமலைப் பகுதி முழுவதும் சேதத்தை மதிப்பிடுவது ஆகியவை உடனடி முன்னுரிமையாக உள்ளது.

நேபாள சுற்றுலா வாரியத்தால் பட்டியலிடப்பட்ட 384 பயணிகளின் குடும்பங்களுக்கு, இந்தத் தரவு முதற்கட்டமானது என்பது, அவசரப்பட்டு முடிவுகளுக்கு வர வேண்டாம் என்பதற்கான ஒரு முக்கிய காரணமாகும். அதிகாரிகள் இன்னும் பயண முகமைகள், வழிகாட்டிகள், உள்ளூர் அதிகாரிகள் மற்றும் பாதுகாப்புப் பணியாளர்களுடன் பெயர்களை சரிபார்த்து வருகின்றனர்.

உறுதிப்படுத்தப்பட்ட முழுமையான சித்திரம் இன்னும் வெளிவரவில்லை. நேபாள-திபெத் எல்லையில் ஒரு சக்திவாய்ந்த திடீர் வெள்ளம் பெரிய சேதத்தை ஏற்படுத்தியுள்ளது, ஒரு முக்கியமான பயண வழித்தடத்தை சீர்குலைத்துள்ளது, மேலும் பிராந்தியத்தின் மிகப்பெரிய மீட்புப் பணிகளில் ஒன்று நடைபெற்று வரும் நிலையில், நூற்றுக்கணக்கான பயணிகளை தற்காலிகமாக தொடர்பில்லாமல் ஆக்கியுள்ளது என்பது மட்டும் தெளிவாகிறது.

Earth Changing: ஆண்டுக்கு 7 செ.மீ. நகரும் ஆஸ்திரேலியா! உலக வரைபடத்தையே மாற்றும் பூமியின் பிரமிக்க வைக்கும் ரகசியம்

Raghupati R — Fri, 04 Sep 2026 22:52:41 +0530

Earth Changing: உலக வரைபடத்தைப் பார்க்கும்போது ஆஸ்திரேலியா ஒரு இடத்தில் அசையாமல் இருப்பது போலத்தான் தெரியும். ஆனால் உண்மையில் அந்தப் பெரிய நிலப்பரப்பு தொடர்ந்து நகர்ந்து கொண்டிருக்கிறது.

ஆஸ்திரேலியா உலகின் வரைபடத்தில் ஒரே இடத்தில் இருப்பது போல் தோன்றினாலும், அது உண்மையில் பூமியின் மேலோட்டத்தில் நிலையாகப் பதிந்திருக்கவில்லை. ஆஸ்திரேலியத் தட்டு ஆண்டுக்கு சுமார் 7 சென்டிமீட்டர் வடக்கு-வடகிழக்கு நோக்கி நகர்கிறது. Geoscience Australia-வின் தகவலின்படி, பெரிய கண்டப்பிரப்பை உள்ளடக்கிய தட்டுகளில் ஆஸ்திரேலியத் தட்டு மிக வேகமாக நகரும் தட்டாகக் கருதப்படுகிறது. இந்த இயக்கம் ஆஸ்திரேலியாவில் உள்ள துல்லியமான புவியியல் இருப்பிடத் தகவல்களையும் புதுப்பிக்க வேண்டியுள்ளது.

ஆண்டுக்கு 7 சென்டிமீட்டர் என்றால் நமக்கு மிகச் சிறிய தூரமாகத் தோன்றலாம். ஆனால் ஆயிரக்கணக்கான ஆண்டுகளாக இந்த இயக்கம் தொடர்ந்து நடந்தால், நிலப்பரப்பின் இருப்பிடத்தில் குறிப்பிடத்தக்க மாற்றம் ஏற்படும். ஆஸ்திரேலியாவின் நகர்வு வடக்குப் பகுதிகளில் உள்ள பிற தட்டுகளுடனான மோதல் மற்றும் அழுத்தத்தையும் உருவாக்குகிறது. இதன் காரணமாக ஆஸ்திரேலிய கண்டத்தின் உள்ளேயே புவியியல் அழுத்தம் மெதுவாகச் சேர்கிறது. அந்த அழுத்தம் பாறைகளில் திடீரென வெளிப்படும் போது நிலநடுக்கங்கள் ஏற்படுகின்றன.

Jio Smart Tag: மாடுகளுக்கும் வந்துடுச்சு ஸ்மார்ட் வாட்ச்! இது எப்படி வேலை செய்யுது? விவசாயிகளுக்கு என்ன லாபம்?

இந்த நகர்வை மனிதர்களால் நேரடியாகக் கண்களால் பார்க்க முடியாது. அதற்குப் பதிலாக, செயற்கைக்கோள் வழிகாட்டுதல் மற்றும் துல்லியமான நிலைநிறுத்தல் நிலையங்கள் மூலம் நிலப்பரப்பின் இடமாற்றம் அளவிடப்படுகிறது. ஆஸ்திரேலியாவின் அதிகாரப்பூர்வ புவியியல் அமைப்பு, அண்ணா ஆண்டுக்கு சுமார் 7 சென்டிமீட்டர் வடக்கு-வடகிழக்கு நோக்கி நகர்வதாகக் குறிப்பிடப்பட்டுள்ளது. இதன் காரணமாக வரைபடங்கள், நில அளவீடுகள் மற்றும் செயற்கைக்கோள் சார்ந்த இருப்பிடத் தரவுகளில் மிகத் துல்லியமான ஒருங்கிணைப்பு அவசியமாகிறது.

இந்தக் கண்ட நகர்வு பூமியின் நீண்டகால வரலாற்றையும் நினைவுபடுத்துகிறது. கோடிக்கணக்கான ஆண்டுகளுக்கு முன்பு கண்டங்கள் வேறு விதமாக அமைந்திருந்தன. பாங்கியா எனப்படும் மிகப்பெரிய சூப்பர் கண்டம் சுமார் 320 முதல் 200 மில்லியன் ஆண்டுகளுக்கு முன்பு இருந்ததாக புவியியல் ஆய்வுகள் தெரிவிக்கின்றன. பின்னர் அது உடைந்து, இன்று நாம் பார்க்கும் கண்டங்கள் உருவாகின. அதனால், இன்றைய உலக வரைபடமே பூமியின் நிரந்தரமான வடிவம் அல்ல.

எதிர்காலத்திலும் கண்டங்கள் தொடர்ந்து நகர்ந்து கொண்டே இருக்கும். சில அறிவியல் மாதிரிகள் சுமார் 200 முதல் 300 மில்லியன் ஆண்டுகளுக்குள் மற்றொரு சூப்பர் கண்டம் உருவாகும் வாய்ப்பை முன்வைக்கின்றன. ஆனால் அதன் வடிவம், இடம் மற்றும் உருவாகும் காலத்தை உறுதியாகக் கூற முடியாது. ஆஸ்திரேலியாவின் தற்போதைய நகர்வு இந்த மிக நீண்ட புவியியல் மாற்றச் சுழற்சியின் ஒரு சிறிய பகுதிதான். மனித வாழ்நாளில் இந்த மாற்றம் கிட்டத்தட்ட தெரியாததாக இருந்தாலும், கோடிக்கணக்கான ஆண்டுகளில் பூமியின் நிலப்பரப்பையே மாற்றக்கூடிய அளவுக்கு தட்டு இயக்கம் சக்திவாய்ந்தது இதுதான் மிகப்பெரிய ஆச்சரியம்.

Nepal Flood : வெள்ளத்தில் போன ஓனர்... இடிபாடுகளை விட்டு நகர மறுக்கும் நாய்! நெகிழவைக்கும் சம்பவம்!

Arun Mozhi Varman — Tue, 01 Sep 2026 20:51:01 +0530

ஒரு இயற்கை பேரிடர் நடந்தா, வீடு, வாசல், சொத்து மட்டும் அழிஞ்சு போறதில்லை. அதுக்குள்ள சொல்ல முடியாத பல கதைகளும், மனசுல ஆறாத காயங்களும் புதைஞ்சு கிடக்கும். போன வாரம் நேபாளத்தின் திரிசூலி பஜார் பகுதியில ஏற்பட்ட பயங்கர வெள்ளம், அப்படி ஒரு உருக்கமான கதைக்கு சாட்சியா இருக்கு.

கடும் வெள்ளத்தால நாலு வீடுகள் மொத்தமா அடிச்சுட்டு போயிடுச்சு. இப்போ அந்த இடமே சேறும் சகதியுமா, மரக்கட்டைகளும், கான்கிரீட் குவியல்களுமா கிடக்கு. இந்த அழிவுக்கு நடுவுல, ஒரு செல்லப் பிராணியோட பாசப் போராட்டம், அங்க இருக்குற மீட்புப் படையினர், மக்கள்னு எல்லாரையும் கலங்க வச்சிருக்கு.

இதையும் படிங்க : Silver Jewellery : கறுத்துப்போன வெள்ளி நகைகளை 5 நிமிஷத்துல பளபளக்க வைக்க சூப்பர் டிப்ஸ்!

அங்கேயே அமர்ந்திருக்கும் நாய்

சம்பவ இடத்துல, ஒரு வெள்ளை கறுப்பு நிற நாய், சேறு படிஞ்ச ஒரு இடத்துல அசையாம உக்காந்திருக்கு. அது கழுத்துல, அதோட ஓனர் ஆசையா மாட்டிவிட்ட பெல்ட் இன்னமும் இருக்கு. சுத்திலும் பெரிய பெரிய JCB இயந்திரங்கள் இடிபாடுகளை அப்புறப்படுத்திட்டு இருக்கு. அந்த சத்தத்துக்கு நடுவுலயும், நூத்துக்கணக்கான மக்கள் நடமாட்டத்துக்கு மத்தியிலயும் அந்த நாய் அந்த இடத்தை விட்டு ஒரு இன்ச் கூட நகரல.

சில நாளைக்கு முன்னாடி வரைக்கும் அதோட வீடு இருந்த வாசலை, கண்ணை எடுக்காம பார்த்துக்கிட்டே இருக்கு.

A black-and-white dog, its collar still intact, has refused to leave the site of a row of four homes washed away in last week's flood in #Trishuli Bazaar, remaining in the same muddy patch even as half a dozen JCBs and rescue workers clear timber, silt and debris around him. He… pic.twitter.com/Nfx82QNEE9

— The Times Of India (@timesofindia) செப்டம்பர் 1, 2026

இதையும் படிங்க : Guru Mangal Rajayoga : குரு-செவ்வாய் இணைந்து உருவாகும் குரு மங்கள ராஜயோகம்! 4 ராசிகளுக்கு சொத்து சேரும், லாபம் பெருகும்!

மீட்புப் படையினர் எவ்வளவோ முயற்சி பண்ணியும், அந்த நாயை அந்த இடத்துல இருந்து நகர்த்த முடியல. அதை அப்புறப்படுத்தினா, திரும்பவும் அதே இடத்துக்கே வந்து உக்காந்துக்குது. சுத்தி நடக்குற எதையுமே அது கண்டுக்கல. பயந்து ஓடவும் இல்ல, மத்த நாய்கள் மாதிரி வாலை ஆட்டி பாசத்தையும் காட்டல. ஏதோ ஒரு பெரிய சோகத்துல உறைஞ்சு போய் உக்காந்திருக்கு.

This loyal dog returned home looking for its owner, who was likely swept away by the deadly flash floods that devastated parts of the Nepal–Tibet region pic.twitter.com/fZXkFXPRPG

— Surajit (@surajit_ghosh2) ஆகஸ்ட் 31, 2026

இதையும் படிங்க : Ice Cube Hack : வாஷிங் மெஷின்ல ஐஸ் கியூப் போட்டா துணி சுருங்காதா? வாங்க பாப்போம்!

நேரில் பார்த்தவர்கள் சொல்வது என்ன?

அங்க மீட்புப் பணியில ஈடுபட்டிருந்த விக்ரம் தாப்பா என்ற தன்னார்வலர், அந்த நெஞ்சை உருக்கும் அனுபவத்தை பத்தி சொன்னார். "வெள்ளத்துல வீடுகள் போனதுல இருந்து இந்த நாயை இதே இடத்துலதான் பார்க்கிறோம். நாங்க அதை அங்க இருந்து கூட்டிட்டு வந்து, சாப்பாடு, தங்குறதுக்கு இடம் கொடுக்க முயற்சி பண்ணோம். பிஸ்கட் கொடுத்தோம், செல்லப் பேரா கூப்பிட்டுப் பார்த்தோம். ஆனா அது ஒரு தடவ கூட எங்களை திரும்பிப் பார்க்கல. சாப்பாட்டை தொடக்கூட இல்லை, எந்த சத்தத்துக்கும் ரியாக்ட் பண்ணல," அப்படின்னு அவர் சொன்னார்.

இதையும் படிங்க : Kungumam : சுமங்கலிப் பெண்கள் உச்சி வகிடில் குங்குமம் வைப்பது ஏன் தெரியுமா?

உள்ளூர் மக்கள் சொல்வது!

வெள்ளத்துல அடிச்சுட்டுப் போன நாலு வீடுகள்ல ஒண்ணுதான் இந்த நாயோட வீடா இருக்கும்னு உள்ளூர் மக்கள் நினைக்கிறாங்க. வெள்ளத்துல அதோட குடும்பத்தினர் அடிச்சுட்டு போயிருக்கலாம், இல்லனா பாதுகாப்பான இடத்துக்கு போயிருக்கலாம். ஆனா, இந்த செல்லப் பிராணிக்கு அது தெரியல. தன்னோட ஓனர் கண்டிப்பா இந்த வழியா திரும்பி வருவார்னு நம்பி, அந்த வீட்டு வாசலை காவல் காத்துட்டு இருக்கு.

இதையும் படிங்க : Thick Curd : கெட்டித் தயிர் வேணுமா? இந்த ஒரு இலையை போடுங்க! பாட்டி காலத்து டெக்னிக்!

விலங்குகள் நல நிபுணர் கருத்து

நாய்கள் மாதிரி உணர்வுப்பூர்வமான விலங்குகள், தங்களோட உரிமையாளர்கள்கிட்ட ரொம்ப ஆழமான பிணைப்புல இருக்கும்னு விலங்குகள் நல நிபுணர்கள் சொல்றாங்க. ஒரு பெரிய பேரிடருக்குப் பிறகு, தங்களுக்குப் பழக்கமானவங்களையோ, இடத்தையோ இழக்கும்போது, அதுங்களுக்கு பெரிய அதிர்ச்சி ஏற்படும். இந்த மாதிரி நேரத்துல, நாய்கள் மன அழுத்தத்துக்குப் போய், சாப்பாடு, தூக்கம் இல்லாம, அந்த பழைய நினைவுகள் இருக்குற இடத்துலயே கிடக்கும். திரிசூலி பஜார்ல இருக்குற இந்த நாயோட நடவடிக்கையும் அந்த மாதிரி ஒரு மன அதிர்ச்சியோட வெளிப்பாடுதான்.

இதையும் படிங்க : Numerology : இந்த தேதியில் பிறந்தவர்கள் 40 வயதுக்கு பின் கோடீஸ்வரர் ஆவது உறுதி! உங்க பிறந்த தேதி இருக்கா?

சோஷியல் மீடியாவில் வைரல்

திரிசூலி பஜாரோட இந்த சம்பவம், இப்போ சோஷியல் மீடியாவுல ரொம்பவே வைரலாகி இருக்கு. ஒரு விலங்கோட பாசத்தை பார்த்து நிறைய பேர் ஆச்சரியப்படுறாங்க. சேறும் சகதியுமா இருக்குற அந்த இடிபாடுகள் மேல உக்காந்திருக்குற அந்த நாயோட படம், இப்போ வெறும் அழிவோட சின்னம் மட்டும் இல்ல. மனுஷன் மேல ஒரு விலங்கு காட்டுற உண்மையான அன்பு, நம்பிக்கை, விசுவாசத்தோட ஒரு நிரந்தர அடையாளமா மாறிடுச்சு. இப்போ உள்ளூர் விலங்குகள் நல அமைப்புகள் சில, மீட்புக் குழுக்கள்கிட்ட பேசி, அந்த நாயை காயப்படுத்தாம, பத்திரமா மீட்டு, மறுவாழ்வு மையத்துக்கு கொண்டுபோய் சிகிச்சை அளிக்க ஏற்பாடு செஞ்சிட்டு வராங்க.

இதையும் படிங்க : Washing Machine : வாஷிங் மெஷின்ல இப்படி துணியைப் போடுங்க, அழுக்கு சுத்தமா இருக்காது!

Nepal Flood : வெள்ளத்தில் அடித்துச் செல்லப்பட்டவர்.. கடைசி நேரத்தில் கைகொடுத்த மாமரக் கிளை!

Arun Mozhi Varman — Thu, 27 Aug 2026 12:30:04 +0530

Nepal Flood : நேபாளத்தில் ஏற்பட்ட திடீர் வெள்ளத்தில் அடித்துச் செல்லப்பட்ட 24 வயது தொழிலாளி பிபேக் குமால், மாமரத்தில் சிக்கியதால் உயிர் தப்பினார். பின்னர் போலீசார் அவரை பத்திரமாக மீட்டனர்.

நேபாளத்தின் இமயமலைப் பகுதியில் ஆகஸ்ட் 26 அன்று ஏற்பட்ட திடீர் வெள்ளம், பல பகுதிகளில் பெரும் சேதத்தை ஏற்படுத்தியது. தண்ணீர், சேறு மற்றும் பாறைகள் கலந்த வெள்ளப்பெருக்கு மிக வேகமாக வந்ததால், பலருக்கும் தப்பிச் செல்லக்கூட நேரம் கிடைக்கவில்லை.

இந்த நிலையில், பிதூர் பகுதியில் பணியாற்றிக் கொண்டிருந்த 24 வயது நேபாள தொழிலாளி பிபேக் குமால், வெள்ளத்தில் அடித்துச் செல்லப்பட்டு உயிருக்கு போராடிய சம்பவம் தற்போது கவனம் பெற்றுள்ளது. கடைசி நேரத்தில் அவருக்கு கைகொடுத்தது ஒரு மாமரக் கிளை!

இதையும் படிங்க : Nepal Flood : வெள்ளத்தில் அடித்துச் செல்லப்பட்ட யானைகள்.. உயிரை காப்பாற்ற நடந்த நெஞ்சை பதற வைக்கும் மீட்பு!

பிபேக் குமால், புதிதாக கட்டப்பட்டு வந்த ஒரு வீட்டுக்கு வெளியே கழிப்பறைக்கான குழி தோண்டும் பணியில் ஈடுபட்டிருந்தார். சுமார் 1.5 மீட்டர் ஆழமுள்ள அந்தக் குழியில் அவர் வேலை செய்துகொண்டிருந்தபோது, மேலே இருந்த சக தொழிலாளர்கள் திடீரென சத்தம் கேட்டு அவரை வெளியே வந்து ஓடுமாறு எச்சரித்தனர்.

அவர் குழியில் இருந்து வெளியேறி ஓடத் தொடங்கிய சில நொடிகளில், தண்ணீர், சேறு மற்றும் பாறைகள் கலந்த மிகப்பெரிய வெள்ளம் அவரை அடித்துச் சென்றது. அந்த வெள்ளத்தின் வேகம், அருகிலிருந்த வீடுகள் மற்றும் பொருட்களையும் அடித்துச் செல்லும் அளவுக்கு இருந்ததாக அவர் தெரிவித்துள்ளார்.

Devastating flash flood hits Nepal’s Rasuwa district Lives lost. Hundreds still missing including Indian tourists and Kailash pilgrims.Bridges and roads washed away. Rescue teams working through the day.May Mahadev protect everyone. #Nepal pic.twitter.com/7PlVpr2zNo

— SUNITA (@SaffronSunita) August 26, 2026

இதையும் படிங்க : Family Series : குடும்பத்தோடு பார்த்து ரசிக்க வேண்டிய 5 அழகான வெப் சீரிஸ்கள்!

வெள்ளத்தில் அடித்துச் செல்லப்பட்ட பிபேக், சேறும் சகதியும் கலந்த நீரில் சிக்கித் தவித்தார். அப்போது எதிர்பாராத விதமாக ஒரு மாமரத்தில் சிக்கிக்கொண்டார்.

அந்த மரத்தைப் பிடித்துக்கொண்டு அவர் உயிருடன் இருந்தார். வெள்ளம் அடித்துச் செல்லும் போது, தான் வேலை செய்துகொண்டிருந்த வீடும் தன் கண் முன்னே காணாமல் போனதை அவர் பார்த்ததாக தெரிவித்துள்ளார். அந்த மாமரம் இல்லாமல் இருந்திருந்தால் தான் உயிர் பிழைத்திருக்க முடியாது என்றும் அவர் கூறியுள்ளார்.

இதையும் படிங்க : Lost Luggage : ரயிலில் பை தொலைந்துபோனால் உடனே இதைச் செய்யுங்கள்!

வெள்ள நீரின் வேகம் குறையும் வரை பிபேக் மாமரத்தில் சிக்கியபடியே இருந்தார். பின்னர் மீட்புக் குழுவினர் அவரை கண்டுபிடித்து பாதுகாப்பாக வெளியே கொண்டு வந்தனர்.

இந்த வெள்ளத்தில் அவரது வலது காலில் காயம் ஏற்பட்டது. பின்னர் அவர் காத்மாண்டுவில் உள்ள தேசிய அதிர்ச்சி சிகிச்சை மையத்தில் சிகிச்சை பெற்றார். அங்கு இருந்தபடியே, அந்தக் கொடூரமான வெள்ளத்திலிருந்து எப்படி உயிர் தப்பினார் என்பதை அவர் விவரித்தார்.

A massive wave nearly swept away dozens in Nepal.Per Reuters, ~1,500 are missing (800+ foreigners) and 165+ are dead.The flood was triggered by a glacier collapse causing a mudslide. https://t.co/2o4Mk7tvcw pic.twitter.com/yG9cEmBdHe

— Chay Bowes (@BowesChay) August 27, 2026

இதையும் படிங்க : Train Ticket : தட்கல் டிக்கெட் கிடைக்கலையா? கடைசி நேரத்துல கன்ஃபார்ம் டிக்கெட் வாங்க இந்த ட்ரிக் ஃபாலோ பண்ணுங்க!

பிபேக் உயிர் தப்பிய சம்பவம் நம்ப முடியாததாக இருந்தாலும், அவர் சிக்கிய அதே வெள்ளம் நேபாளத்தின் பல பகுதிகளில் மிகப்பெரிய பேரழிவை ஏற்படுத்தியுள்ளது. தற்போதைய தகவல்களின்படி, 165-க்கும் மேற்பட்டோர் உயிரிழந்துள்ள நிலையில், 1,000-க்கும் மேற்பட்டோர் காணாமல் போயுள்ளனர்.

மீட்புப் பணிகள் தொடர்ந்து நடைபெற்று வருகின்றன. பல இடங்களில் சாலைகள், பாலங்கள் மற்றும் பிற உள்கட்டமைப்புகள் சேதமடைந்துள்ளதால் மீட்புப் பணிகளும் சவாலாகியுள்ளன. இந்தப் பேரழிவுக்கு மத்தியில், ஒரு மாமரக் கிளையைப் பிடித்தபடி உயிர் தப்பிய பிபேக் குமாலின் கதை நம்பிக்கையளிக்கும் ஒரு சம்பவமாக மாறியுள்ளது.

இதையும் படிங்க : Hindu Wedding : தாலிக்கு 3 முடிச்சு போடுறது ஏன்? இதுக்கு பின்னாடி இவ்ளோ அர்த்தம் இருக்கா?

Shiva Seal: பாகிஸ்தானில் கிடைத்த 1700 வருட பழமையான சிவன் முத்திரை! ஸ்கந்த புராணத்துடன் தொடர்பு!

Rayar A — Wed, 12 Aug 2026 14:30:18 +0530

வரலாற்றின் பக்கங்களில் புதைந்து கிடக்கும் ரகசியங்கள் அவ்வப்போது வெளிவந்து நம்மை ஆச்சரியப்படுத்தும். அப்படி ஒரு சுவாரஸ்யமான கண்டுபிடிப்பை இந்திய தொல்லியல் துறை (Archaeological Survey of India - ASI) நிகழ்த்தியுள்ளது. அதன் கல்வெட்டியல் பிரிவு, அண்டை நாடான பாகிஸ்தானில் சுமார் 1500-1700 ஆண்டுகள் பழமையான ஒரு முத்திரையைக் கண்டுபிடித்துள்ளது.

இந்த முத்திரையில் பிராமி எழுத்துக்கள் காணப்படுகின்றன. இதன் மூலம் இது ஒரு கோயில் தொடர்பான முத்திரை என்பது தெரியவந்துள்ளது. இந்த முத்திரை, இமயமலையில் உள்ள தேவதாரு மரங்கள் நிறைந்த 'தேவதருவன்' என்ற காட்டில் இருந்த 'சுவாமி கோட்டேஷ்வரர்' என்ற சிவன் கோயிலுக்கு அர்ப்பணிக்கப்பட்டதாகக் கூறப்படுகிறது. இந்தத் தகவலை ASI கல்வெட்டியல் பிரிவின் தலைவர் கே. முனிரத்னம் ரெட்டி உறுதிப்படுத்தியுள்ளார்.

இதையும் படிங்க: சனி பெயர்ச்சி 2027: 30 ஆண்டுகளுக்கு பின் நடக்கும் அதிசயம்.. இந்த 4 ராசிகளுக்கு தொட்டதெல்லாம் பொன்னாகும்!

ஸ்கந்த புராணத்துடன் தொடர்பு

இந்த முத்திரை, ஸ்கந்த புராணத்தில் வரும் ஒரு கதையுடன் ஒப்பிடப்படுகிறது. தேவதருவன் காட்டில் சிவன் பயணம் செய்ததை இந்த முத்திரை குறிப்பிடுவதாக ஆய்வாளர்கள் கருதுகின்றனர். மேலும், இதுவே அந்தப் புராணக் கதைக்கான மிகப் பழமையான எழுத்து மற்றும் சித்திரப்பூர்வமான சான்றாகக் கருதப்படுகிறது.

முன்னதாக, 2024-ல் பாகிஸ்தான் ஆக்கிரமிப்பு காஷ்மீரில் உள்ள கில்கிட் அருகே 4 ஆம் நூற்றாண்டைச் சேர்ந்த சமஸ்கிருத கல்வெட்டு ஒன்று கண்டுபிடிக்கப்பட்டது. பிராமி எழுத்துக்களில் எழுதப்பட்டிருந்த அந்த கல்வெட்டில், புஷ்பசிங் என்ற நபர் தனது குருவின் நினைவு நாளில் ஒரு மகேஷ்வரலிங்கத்தை நிறுவியதாக அதிகாரி முனிரத்னம் ரெட்டி குறிப்பிடுகிறார். ஆனால், அந்த குருவின் பெயர் தெளிவாக இல்லை.

பெஷாவரில் 10 ஆம் நூற்றாண்டு சாரதா எழுத்துக்கள்

கில்கிட் கல்வெட்டு கண்டுபிடிக்கப்படுவதற்கு சுமார் ஐந்து மாதங்களுக்கு முன்பு, பெஷாவர் அருகே உள்ள பாறைகளில் 10 ஆம் நூற்றாண்டைச் சேர்ந்த சாரதா எழுத்துக்களில் எழுதப்பட்ட சமஸ்கிருத கல்வெட்டு ஒன்று கண்டறியப்பட்டது. அந்த கல்வெட்டில் பௌத்த தாரணி மந்திரங்கள் பற்றிய குறிப்புகள் இருந்தன. அதன் ஆறாவது வரியில் "த தா ரி நி" என்ற வார்த்தைகள் எழுதப்பட்டிருந்தன. இது அந்தப் பகுதியில் பல்வேறு மதங்களும், பாரம்பரியங்களும் இருந்ததையும், அங்கு வளமான கலாச்சார வாழ்க்கை நிலவியதையும் தெளிவாகக் காட்டியது.

இதையும் படிங்க: கடல் மீன் vs ஆற்று மீன்: எதில் சத்துக்கள் அதிகம்? உடம்புக்கு எது நல்லது? ஊட்டச்சத்து நிபுணர்கள் விளக்கம்!

முத்திரையின் அமைப்பு மற்றும் சித்திரம்

இந்த சுடுமண் முத்திரையின் மேல் பகுதியில் சிவனின் வாகனமான நந்தி (காளை) மற்றும் திரிசூலம் ஆகியவை செதுக்கப்பட்டுள்ளன. அதற்குப் கீழ்தான் பிராமி எழுத்துக்கள் பொறிக்கப்பட்டுள்ளன.

தேவதரு வனத்தின் புவியியல் பின்னணி

புராணங்களில் கூறப்படும் 'தேவதருவனம்' என்பது தற்போதைய காஷ்மீர், இமாச்சலப் பிரதேசம் மற்றும் பாகிஸ்தான் ஆக்கிரமிப்பு காஷ்மீர் ஆகியவை அடங்கிய இமயமலைப் பகுதியைக் குறிக்கிறது. இங்குள்ள அடர்ந்த தேவதாரு காடுகளில் சிவபெருமான் தாருகாவன முனிவர்களின் அறியாமையைப் போக்க 'பிட்சாடனராக' (பிச்சாடனர் அவதாரம்) உலா வந்ததாகக் கூறப்படுகிறது.

Pluto Planet: 9-வது கிரகம் இல்லை... புளூட்டோவின் அந்தஸ்தை விஞ்ஞானிகள் ஏன் மாற்றினார்கள்?!

Vedarethinam Ramalingam — Tue, 25 Aug 2026 13:02:35 +0530

நம்ம சூரிய குடும்பத்தோட 9-வது கிரகமா புளூட்டோ இருந்துச்சு. ஆனா, ஆகஸ்ட் 24, 2006-ல எல்லாம் மாறிடுச்சு. சர்வதேச வானியல் ஒன்றியம் (IAU) புளூட்டோவை ஒரு 'குள்ள கிரகம்'னு தரம் இறக்கிட்டாங்க. அதுக்கு காரணம் தெரியுமா?

சுமார் 76 வருஷமா, புளூட்டோவை நம்ம சூரிய குடும்பத்தோட ஒன்பதாவது கிரகமா அதிகாரப்பூர்வமா ஏத்துக்கிட்டாங்க. 1930-ல அமெரிக்க வானியலாளர் கிளைட் டாம்பா (Clyde Tombaugh) இதை கண்டுபிடிச்சார். அப்போ இருந்து, வானியல் உலகத்துல புளூட்டோ ரொம்ப பிரபலமான ஒரு கோள் ஆகிடுச்சு.

ஆனா, டெலஸ்கோப்புகள் வளர வளர, விஞ்ஞானிகள் சூரிய குடும்பத்தோட தொலைதூர பகுதிகள்ல புது புது பொருட்களை கண்டுபிடிச்சாங்க. இதனால, புளூட்டோவோட 'கிரகம்'ங்கிற அந்தஸ்து சிக்கலாக ஆரம்பிச்சது.

இந்த விவாதம் கடைசியில, 'ஒரு கிரகம்னா என்ன?'ங்கிற ஒரு எளிமையான கேள்விக்கு பதில் சொல்ல வேண்டிய கட்டாயத்துக்கு விஞ்ஞானிகளை தள்ளுச்சு. இதுக்கான பதில், 2006-ல சர்வதேச வானியல் ஒன்றியம் (IAU) ஏத்துக்கிட்ட ஒரு புது வரையறையில இருக்கு.

அந்த புது வரையறைப்படி, ஒரு முழுமையான கிரகம்னா அதுக்கு மூணு நிபந்தனைகள் இருக்கணும். அது சூரியனை சுத்தி வரணும், அதோட ஈர்ப்பு விசையால அது கிட்டத்தட்ட உருண்டையா இருக்கணும், அப்புறம் அதோட சுற்றுப்பாதையை சுத்தி இருக்கிற மற்ற பொருட்களை அது சுத்தப்படுத்தியிருக்கணும். புளூட்டோ முதல் ரெண்டு நிபந்தனைகளையும் பூர்த்தி செய்யுது. அது சூரியனை சுத்தி வருது, அதோட ஈர்ப்பு விசையால உருண்டையாவும் இருக்கு. ஆனா, மூணாவது நிபந்தனையை அது பூர்த்தி செய்யல.

புளூட்டோ, கைப்பர் பெல்ட் (Kuiper Belt) பகுதியில இருக்கு. இது நெப்டியூனுக்கு அப்பால இருக்கிற ஒரு பனிபடர்ந்த பகுதி. இங்க சூரிய குடும்பம் உருவானப்போ மிஞ்சின நிறைய பனிப் பாறைகள் இருக்கு. மத்த எட்டு கிரகங்களை மாதிரி, புளூட்டோ அதோட சுற்றுப்பாதையை ஈர்ப்பு விசையால கட்டுப்படுத்தல. அதனால, அந்த இடத்தை அது சுத்தப்படுத்தல.

புளூட்டோவோட அந்தஸ்தை மாத்துனதுக்கு இதுதான் முக்கிய காரணம்.

புளூட்டோவோட 'தரம் இறக்கம்' பத்தி ஒரு பெரிய தப்பான புரிதல் இருக்கு. அதாவது, புளூட்டோவுக்கு ஏதோ ஆயிடுச்சுன்னு நெனைக்கிறாங்க. ஆனா, அப்படி எதுவும் நடக்கல.

புளூட்டோ திடீர்னு சின்னதாகல. அதோட சுற்றுப்பாதை மாறல. புளூட்டோ ஒரு போலி கிரகம்னு விஞ்ஞானிகள் கண்டுபிடிக்கல. அதுக்கு பதிலா, கிரகங்களை வகைப்படுத்துற முறையைத்தான் வானியலாளர்கள் மாத்தினாங்க.

சூரிய குடும்பத்தோட வெளிப்பகுதிகள்ல கிடைச்ச புது புது கண்டுபிடிப்புகள்தான் இந்த முடிவுக்கு முக்கிய காரணம். புளூட்டோவை கிரகமா ஏத்துக்கிட்டா, அதே மாதிரி இருக்கிற மத்த பொருட்களையும் கிரகமா ஏத்துக்கணுமா?ங்கிற பெரிய கேள்வி வந்துச்சு.

குறிப்பா, புளூட்டோவோட அளவுல இருந்த 'ஏரிஸ்' (Eris)ங்கிற ஒரு பொருளை கண்டுபிடிச்சதுக்கு அப்புறம் இந்த விவாதம் இன்னும் சூடுபிடிச்சது. சூரிய குடும்பத்துல பல டஜன் கணக்குல கிரகங்கள் இருக்கலாமா, இல்ல தெளிவான ஒரு வரையறை வேணுமான்னு வானியலாளர்கள் முடிவு செய்ய வேண்டியிருந்தது. கடைசியில, சர்வதேச வானியல் ஒன்றியம் (IAU) ரெண்டாவது வழியை தேர்ந்தெடுத்தாங்க.

பூமிக்கும் புளூட்டோவுக்கும் என்ன வித்தியாசம்?

புளூட்டோ, பூமி ரெண்டுமே சூரியனை சுத்தி வர்ற உருண்டையான உலகங்கள்தான். ஆனா, அதோட அளவுலயும், சூழல்லயும் பெரிய வித்தியாசம் இருக்கு. புளூட்டோவோட விட்டம் சுமார் 2,377 கிலோமீட்டர். இது பூமியோட அகலத்துல அஞ்சுல ஒரு பங்குதான்.

அதுமட்டுமில்லாம, சூரியன்ல இருந்து ரொம்ப தூரத்துல இருக்கு. சூரியனுக்கும் புளூட்டோவுக்கும் சராசரி தூரம் 5.9 பில்லியன் கிலோமீட்டர். இது பூமிக்கும் சூரியனுக்கும் இருக்கிற தூரத்தை விட 39 மடங்கு அதிகம்.

இந்த அதிக தூரம்தான் அங்க இருக்கிற கடுமையான குளிருக்கு காரணம்.மத்த கிரகங்களோட வட்டமான சுற்றுப்பாதையை ஒப்பிடும்போது, புளூட்டோவோட சுற்றுப்பாதை ரொம்ப நீள்வட்டமாவும், சாய்வாவும் இருக்கு.

புளூட்டோவில் ஒரு வருஷம்னா 248 பூமி ஆண்டுகள்!

புளூட்டோ சூரியனை ஒருமுறை சுத்தி முடிக்க கிட்டத்தட்ட 248 பூமி ஆண்டுகள் எடுத்துக்குது. அப்படின்னா, 1930-ல அதை கண்டுபிடிச்சதுல இருந்து, புளூட்டோ இன்னும் ஒரு முழு சுற்றுக்கூட முடிக்கல.அதன் பயணத்தின்போது சூரியனிலிருந்து அதன் தூரம் கணிசமாக மாறுபடும். புளூட்டோ சூரியனிலிருந்து சுமார் 30 வானியல் அலகுகள் (astronomical units) வரை நெருக்கமாகவும், சுமார் 49 வானியல் அலகுகள் வரை தொலைவிலும் பயணிக்க முடியும்.ஒரு வானியல் அலகு என்பது பூமிக்கும் சூரியனுக்கும் உள்ள சராசரி தூரம்.

கைப்பர் பெல்ட்டின் ஒரு பகுதிதான் புளூட்டோ

புளூட்டோ, கைப்பர் பெல்ட் பகுதியில இருக்கு. இது நெப்டியூனுக்கு அப்பால இருக்கிற ஒரு பெரிய பகுதி. இங்க சூரிய குடும்பம் உருவானப்போ மிஞ்சின எண்ணற்ற பனிப் பொருட்கள் இருக்கு. இதுதான் புளூட்டோவை மத்த எட்டு கிரகங்கள்ல இருந்து வேறுபடுத்துது. ஏன்னா, மத்த கிரகங்கள் அதோட சுற்றுப்பாதையில ஆதிக்கம் செலுத்துற முக்கிய பொருட்களா இருக்கு. புளூட்டோவோட சுற்றுவட்டாரத்துல நிறைய பொருட்கள் இருக்கு. அதனால, பூமி, வியாழன், நெப்டியூன் மாதிரி அதோட சுற்றுப்பாதையை ஈர்ப்பு விசையால கட்டுப்படுத்த முடியல.

2006-ல் முடியாத புளூட்டோ விவாதம்

சர்வதேச வானியல் ஒன்றியத்தோட முடிவு அதிகாரப்பூர்வமா ஒரு தீர்வை கொடுத்தாலும், விஞ்ஞானிகளுக்குள்ள இருந்த விவாதம் முழுசா முடியல. சில கிரக விஞ்ஞானிகள், IAU-வோட வரையறையை ஏத்துக்கல. ஒரு கிரகம் அதோட சுற்றுப்பாதையை சுத்தப்படுத்துச்சான்னு பார்க்கிறதை விட, அதோட இயற்பியல் பண்புகளை வெச்சுதான் வகைப்படுத்தணும்னு அவங்க வாதிட்டாங்க. நாசாவோட 'நியூ ஹொரைசன்ஸ்' (New Horizons) விண்கலம், புளூட்டோவை விஞ்ஞானிகள் பார்க்கிற விதத்தையே மாத்திடுச்சு.

ஜூலை 2015-ல நியூ ஹொரைசன்ஸ் புளூட்டோவை கடந்து போனப்போ, மலைகள், சமவெளிகள், பள்ளத்தாக்குகள், பனிப்பாறைகள்னு ஒரு சிக்கலான உலகத்தை அது வெளிப்படுத்துச்சு. அந்த விண்கலம் புளூட்டோவோட பிரபலமான இதய வடிவப் பகுதியையும் போட்டோ எடுத்துச்சு. இது புளூட்டோவை முன்னைவிட ரொம்ப பரிச்சயமானதா மாத்திடுச்சு.

புளூட்டோவுக்கு 5 நிலவுகள் இருக்கு

புளூட்டோ விண்வெளியில தனியா பயணம் செய்யல. இந்த குள்ள கிரகத்துக்கு தெரிஞ்ச வரைக்கும் அஞ்சு நிலவுகள் இருக்கு: சாரோன் (Charon), நிக்ஸ் (Nix), ஹைட்ரா (Hydra), கெர்பரோஸ் (Kerberos), ஸ்டிக்ஸ் (Styx).

அதோட மிகப்பெரிய நிலவான சாரோன் ரொம்பவே விசித்திரமானது. ஏன்னா, புளூட்டோவோட ஒப்பிடும்போது அது ரொம்ப பெருசு. இந்த ரெண்டு பொருட்களும் புளூட்டோவுக்கு வெளியில இருக்கிற ஒரு பொதுவான ஈர்ப்பு மையத்தை சுத்தி வருது. இது மத்த கிரக-நிலவு அமைப்புகள்ல இருந்து ரொம்பவே வித்தியாசமானது.

அப்போ, புளூட்டோ இன்னும் கிரகம்தானா?

அதிகாரப்பூர்வமா, இல்லை. சர்வதேச வானியல் ஒன்றியத்தோட 2006 வரையறைப்படி, புளூட்டோ சூரிய குடும்பத்தோட எட்டு கிரகங்கள்ல ஒண்ணா இல்லாம, ஒரு 'குள்ள கிரகம்'னு வகைப்படுத்தப்பட்டிருக்கு.

ஆனா, புளூட்டோவை 'தரம் இறக்கப்பட்ட கிரகம்'னு சொல்றது தப்பான புரிதலுக்கு வழிவகுக்கும். புளூட்டோ இன்னைக்கும் ஒரு சுவாரஸ்யமான கிரக உலகமாதான் இருக்கு. அதோட வகைப்பாட்டை மாத்துனதால அதோட முக்கியத்துவமோ, அறிவியல் ஆர்வமோ குறையல. அதுக்கு பதிலா, பெரிய கிரகங்களுக்கும் சின்ன உலகங்களுக்கும் உள்ள வித்தியாசத்தை வானியலாளர்கள் புரிஞ்சுக்க உதவுற 'குள்ள கிரகங்கள்'ங்கிற ஒரு பெரிய வகையில அது சேர்ந்திருக்கு.

புளூட்டோவின் தரம் இறக்கம் ஏன் முக்கியம்?

புளூட்டோவோட கதை வெறும் ஒரு தொலைதூர பனி உலகத்தை பத்தினது மட்டும் இல்ல. புது கண்டுபிடிப்புகள் பழைய அனுமானங்களை கேள்வி கேட்கும்போது, அறிவியல் வரையறைகள் எப்படி மாறும்ங்கிறதை அதோட வகைப்பாடு மாற்றம் காட்டுச்சு.

பல தலைமுறையா, சூரிய குடும்பத்துல ஒன்பது கிரகங்கள் இருக்குன்னு மக்கள் படிச்சாங்க. இன்னைக்கு, எட்டு கிரகங்கள்தான்னு மாணவர்கள் படிக்கிறாங்க. ஆனா, புளூட்டோ மாறவே இல்லை. ஒரு கிரகம்னா என்னங்கிற நம்ம புரிதல்தான் மாறியிருக்கு.

புளூட்டோ தரம் இறக்கப்பட்ட நாள்ல (Pluto Demoted Day) இதுதான் ரொம்ப சுவாரஸ்யமான விஷயம்: 2006-ல கிரக அந்தஸ்தை இழந்த அந்த உலகம், நெப்டியூனுக்கு அப்பால நாம ஆராய்ஞ்சதுலயே ரொம்பவே ஆர்வமூட்டும் இடங்கள்ல ஒண்ணா இன்னைக்கும் இருக்கு.

Baby Bonus: ஒவ்வொரு குழந்தைக்கும் ரூ.55 லட்சம்.! குழந்தை பிறந்தால் பணமழை கொட்டும் நாடு எது தெரியுமா?

Vedarethinam Ramalingam — Wed, 26 Aug 2026 11:38:27 +0530

குழந்தை பெத்துக்கிட்டா, ஒவ்வொரு குழந்தைக்கும் ரூ.55 லட்சம் கொடுக்கும் நாடு எது தெரியுமா? குழந்தை பிறப்பு முதல் 17 வயது வரை பெற்றோருக்கு வழங்கப்படும் அரசு நிதியுதவி எதற்காக வழங்கப்படுகிறது என தெரிந்தால் துள்ளி குதிப்பீர்கள்.!

ஒரு குழந்தை பிறந்தால் போதும்... அரசு சார்பில் லட்சக்கணக்கில் பணம் கிடைக்கும் என்ற செய்தி கேட்கவே ஆச்சரியமாக இருக்கிறதா? அதுவும் குழந்தை பிறந்த உடனே மட்டும் அல்லாமல், அந்த குழந்தை 17 வயதை அடையும் வரை பல்வேறு வகைகளில் அரசின் உதவி தொடரும் என்றால் இன்னும் ஆச்சரியம்தான். உலகின் முன்னணி பொருளாதார நாடுகளில் ஒன்றான சிங்கப்பூர், குறைந்து வரும் குழந்தை பிறப்பு விகிதத்தை சமாளிக்க தற்போது இப்படியொரு மிகப்பெரிய குடும்ப ஆதரவு திட்டத்தை அறிவித்துள்ளது. ஒவ்வொரு சிங்கப்பூர் குடிமகன் குழந்தைக்கும் பிறப்பு முதல் 17 வயது வரை நேரடி அரசு ஆதரவு சுமார் S$70,000 வரை கிடைக்கும். இந்திய ரூபாய் மதிப்பில் இது சுமார் ரூ.47 லட்சம் அளவாகும்; சில செய்தி அறிக்கைகளில் இதன் அமெரிக்க டாலர் அடிப்படையில் ரூ.55 லட்சம் என கூறப்படுகிறது.

சிங்கப்பூரின் குழந்தை பிறப்பு விகிதம் வரலாறு காணாத அளவுக்கு சரிந்துவிட்டதே இதற்கான முக்கிய காரணம். அந்நாட்டின் குடியிருப்பாளர் மொத்த கருவுறுதல் விகிதம் 2024-ல் 0.97 ஆக இருந்த நிலையில், 2025-ல் வெறும் 0.87 ஆக குறைந்துள்ளது. ஒரு நாட்டின் மக்கள் தொகை நீண்டகாலத்தில் நிலையாக இருக்க பொதுவாக 2.1 என்ற அளவு தேவைப்படும் நிலையில், சிங்கப்பூரின் விகிதம் அதைவிட மிகவும் குறைவாக உள்ளது.

இதனால் எதிர்காலத்தில் வேலை செய்யக்கூடிய இளைஞர்களின் எண்ணிக்கை குறைந்து, முதியோர் மக்கள் தொகை அதிகரிக்கும் நிலை உருவாகலாம். மக்கள் தொகை குறைவது என்பது வெறும் குடும்பங்களின் பிரச்சினை மட்டுமல்ல; அது நாட்டின் பொருளாதாரம், தொழிலாளர் சந்தை, சமூகப் பாதுகாப்பு மற்றும் எதிர்கால வளர்ச்சி ஆகியவற்றுடனும் நேரடியாக தொடர்புடையது. அதனால்தான் குழந்தை வளர்ப்பதற்கான செலவை அரசு அதிகமாக ஏற்றுக்கொள்ளும் வகையில் புதிய திட்டத்தை சிங்கப்பூர் அறிவித்துள்ளது.

2026 ஆகஸ்ட் 23-ம் தேதி நடைபெற்ற National Day Rally உரையில் பிரதமர் லாரன்ஸ் வோங் புதிய SG Child Support Package திட்டத்தை அறிவித்தார். இதன்படி ஒவ்வொரு சிங்கப்பூர் குடிமகன் குழந்தைக்கும், பிறப்பு வரிசையைப் பொருட்படுத்தாமல், ஒரே அளவிலான ஆதரவு வழங்கப்படும். புதிய தொகுப்பில் S$10,000 Baby Gift, 1 முதல் 16 வயது வரை ஆண்டுக்கு S$2,000 வீதம் மொத்தம் S$32,000 Child Credits, S$5,000 Child Development Account ஆரம்ப மானியம், மேலும் S$5,000 வரை அரசு இணை நிதியுதவி மற்றும் 17 வயதில் S$10,000 Post-Secondary Education Account தொகை உள்ளிட்டவை இடம்பெறுகின்றன.

இதனுடன் புதிதாகப் பிறக்கும் குழந்தைகளுக்கான MediSave உதவி மற்றும் பள்ளிக் கல்விக் காலத்தில் வழங்கப்படும் Edusave தொகைகளையும் சேர்த்தால், பிறப்பு முதல் 17 வயது வரை ஒரு குழந்தைக்கு அரசின் நேரடி நிதி ஆதரவு சுமார் S$70,000 ஆக இருக்கும் என சிங்கப்பூர் அரசு தெரிவித்துள்ளது.

குழந்தை பெற்ற பிறகு வேலை மற்றும் குடும்பத்தை சமநிலைப்படுத்துவது பெற்றோருக்கு மிகப்பெரிய சவாலாக உள்ளது. இதையும் சிங்கப்பூர் அரசு கருத்தில் கொண்டுள்ளது. 12 வயது மற்றும் அதற்குக் குறைவான குழந்தைகள் உள்ள வேலை செய்யும் பெற்றோருக்கு Childcare Leave அதிகரிக்கப்பட உள்ளது. மேலும், குழந்தைகளை கவனிப்பதற்காக பெற்றோர் விடுப்பு எடுக்கும் காலத்திற்கான செலவை அரசு அதிகமாக ஏற்றுக்கொள்ளும் வகையில் நடவடிக்கைகள் மேற்கொள்ளப்படுகின்றன.

அதேபோல் அரசு ஆதரவு பெறும் childcare மற்றும் infant-care மையங்களில் கட்டணத்தை குறைக்கவும் திட்டமிடப்பட்டுள்ளது. குழந்தைகள் அதிகம் உள்ள குடும்பங்களுக்கு வீட்டு வசதியிலும் கூடுதல் ஆதரவு வழங்கப்பட உள்ளது. குறிப்பாக, குழந்தைகள் உள்ள முதல் முறையாக வீடு வாங்கும் குடும்பங்களுக்கு மானிய வீடுகளுக்கான விண்ணப்பத்தில் கூடுதல் வாய்ப்பு வழங்கும் நடவடிக்கையும் அறிவிக்கப்பட்டுள்ளது.

குழந்தை பிறப்பு விகிதத்தை உயர்த்துவதற்காக இவ்வளவு பெரிய தொகையை வழங்கும் சிங்கப்பூர் பொருளாதார ரீதியாகவும் வலுவான நாடாக உள்ளது. 2026-ம் ஆண்டின் முதல் பாதியில் அந்நாட்டின் பொருளாதாரம் 6.1 சதவீதம் வளர்ச்சி கண்டுள்ளது. 2026 முழு ஆண்டிற்கான பொருளாதார வளர்ச்சி கணிப்பையும் சிங்கப்பூர் அரசு 4.5 முதல் 5.5 சதவீதமாக உயர்த்தியுள்ளது. செயற்கை நுண்ணறிவு (AI) தொடர்பான உலகளாவிய முதலீடுகள், தொழில்நுட்பத் துறை வளர்ச்சி மற்றும் ஏற்றுமதி தேவைகள் இதற்கு முக்கிய காரணங்களாக கூறப்படுகின்றன.

சிங்கப்பூரில் வேலைவாய்ப்பு சந்தையும் ஒப்பீட்டளவில் வலுவாக உள்ளது. 2026 மார்ச் நிலவரப்படி ஒட்டுமொத்த வேலையின்மை விகிதம் 2.0 சதவீதமாக இருந்தது. குடியிருப்பாளர்களுக்கான வேலையின்மை 2.9 சதவீதமாகவும், சிங்கப்பூர் குடிமக்களுக்கான வேலையின்மை 3.1 சதவீதமாகவும் இருந்ததாக அந்நாட்டு மனிதவள அமைச்சகம் தெரிவித்துள்ளது. அதாவது, பொருளாதாரம் வளர்ந்து கொண்டிருந்தாலும், எதிர்காலத்தில் போதுமான உள்ளூர் தொழிலாளர் வளம் இருக்க வேண்டும் என்பதும் அரசின் முக்கிய கவலையாக உள்ளது.

சிங்கப்பூர் ஒரு சிறிய நிலப்பரப்பைக் கொண்ட, உலக வர்த்தகம், நிதி, தொழில்நுட்பம், உற்பத்தி மற்றும் சேவைத் துறைகளை நம்பியிருக்கும் நாடாகும். இத்தகைய பொருளாதாரத்திற்கு திறமையான தொழிலாளர்கள் தொடர்ந்து தேவை. பிறப்பு விகிதம் குறைந்து கொண்டே சென்றால் எதிர்காலத்தில் இளம் தொழிலாளர் எண்ணிக்கை குறையலாம். அதே நேரத்தில் முதியோர் எண்ணிக்கை அதிகரித்தால் மருத்துவம், பராமரிப்பு மற்றும் சமூக நலத்திட்டங்களுக்கான செலவும் அதிகரிக்கும்.

இதனால்தான் சிங்கப்பூர் அரசு தற்போது “குழந்தை பிறந்தால் ஒருமுறை பணம்” என்ற அணுகுமுறையைத் தாண்டி, குழந்தை வளர்ந்து பெரியவராகும் வரை குடும்பத்துக்கு தொடர்ந்து ஆதரவு வழங்கும் முறைக்கு மாறியுள்ளது. புதிய திட்டத்தின் நிதியுதவி மட்டும் அல்லாமல், குழந்தை பராமரிப்பு, கல்வி, பெற்றோர் விடுப்பு, வீட்டு வசதி உள்ளிட்ட பல்வேறு அம்சங்களையும் ஒருங்கிணைத்து குடும்பங்களை ஊக்குவிக்கிறது.

இதுதான் தற்போது முக்கியமான கேள்வியாக உள்ளது. கடந்த பல ஆண்டுகளாக சிங்கப்பூர் அரசு Baby Bonus உள்ளிட்ட பல்வேறு சலுகைகளை வழங்கி வந்தாலும், பிறப்பு விகிதம் தொடர்ந்து குறைந்துள்ளது. எனவே, பண உதவி மட்டும் போதுமா அல்லது வீட்டு வசதி, வேலை நேரம், childcare செலவு, கல்விச் செலவு, குடும்ப வாழ்க்கைக்கான நேரம் போன்ற பிரச்சினைகளுக்கும் ஒரே நேரத்தில் தீர்வு காண வேண்டுமா என்பது முக்கியமான விவாதமாக உள்ளது.

இருப்பினும், குழந்தை வளர்ப்பின் பொருளாதாரச் சுமையை அரசு அதிகமாக பகிர்ந்து கொள்வது, குழந்தை பெற்றுக்கொள்ள விரும்பும் குடும்பங்களுக்கு நிச்சயமாக ஒரு ஆதரவாக அமையும். இந்த புதிய திட்டம் சிங்கப்பூரின் பிறப்பு விகிதத்தை மாற்றுமா என்பது வரும் ஆண்டுகளில் தெரியவரும். ஆனால் ஒரு விஷயம் மட்டும் தெளிவு: நாட்டின் எதிர்கால மக்கள் தொகையையும் பொருளாதாரத்தையும் பாதுகாக்க, குழந்தை பிறப்பை ஊக்குவிப்பது சிங்கப்பூர் அரசின் மிகப்பெரிய தேசிய முன்னுரிமைகளில் ஒன்றாக மாறியுள்ளது.

Nepal Flood: பனிமலை சரிந்து ஏரி உடைந்ததா? நேபாள பெரு வெள்ளத்துக்கு காரணம் என்ன? அதிர்ச்சி தகவல்!

Rayar A — Thu, 27 Aug 2026 11:39:01 +0530

Nepal Flood: கடும் பேரழிவை ஏற்படுத்திய நேபாள பெரு வெள்ளம் பனிமலை சரிந்து உடைந்ததால் ஏற்பட்டதா? நிலநடுக்கம் காரணமாக இந்த பேரழிவு ஏற்பட்டதா? என்பது குறித்து இந்த செய்தியில் விரிவாக பார்ப்போம்.

நேபாளத்தின் ரசுவா மாவட்டத்தில் உள்ள போட்டேகோசி ஆற்றில் திடீரென ஏற்பட்ட வெள்ளப்பெருக்கு பெரும் பரபரப்பை ஏற்படுத்தியுள்ளது. இந்த கோர வெள்ளப்பெருக்கில் சிக்கி இதுவரை 162 பேர் பலியாகியுள்ளனர். 500க்கும் மேற்பட்டோர் மாயமாகியுள்ளனர். குறிப்பாக தமிழர்கள் உள்பட 105 இந்தியர்கள் மாயமாகியுள்ளது பெரும் அதிர்ச்சியை ஏற்படுத்தியுள்ளது.

இந்த திடீர் வெள்ளத்திற்கு, பனிப்பாறை சரிவும், அதனால் தற்காலிகமாக உருவான ஏரி உடைந்ததும்தான் காரணமாக இருக்கலாம் என்று நேபாளத்தின் நீர்வளம் மற்றும் வானிலை ஆய்வுத் துறை அதிகாரிகள் தெரிவித்துள்ளனர். காத்மாண்டு போஸ்ட் பத்திரிகை இந்த செய்தியை வெளியிட்டுள்ளது.

நேபாளத்தின் தேசிய பேரிடர் அபாயக் குறைப்பு மற்றும் மேலாண்மை ஆணையம் இதுகுறித்து ஒரு முக்கிய தகவலை வெளியிட்டுள்ளது. 'பிளானட் லேப்ஸ் (Planet Labs) நிறுவனத்தின் செயற்கைக்கோள் படங்களை ஆய்வு செய்ததில், நேபாள-சீனா ரசுவாகாதி எல்லைச் சாவடியிலிருந்து சுமார் 20 கிலோமீட்டர் வடகிழக்கில், நேபாள-சீனா எல்லையில் ஒரு பனிப்பாறையும் பாறைகளும் சரிந்து விழுந்திருப்பது தெரியவந்துள்ளது. இதன் காரணமாகவே லெண்டே ஆற்றில் குப்பைகள் கலந்த வெள்ளம் ஏற்பட்டுள்ளது' என்று அந்த ஆணையம் கூறியுள்ளது.

சீன அதிகாரிகளிடமிருந்து பெறப்பட்ட செயற்கைக்கோள் படங்கள், மிட்டேரி பாலத்திலிருந்து சுமார் 20 கிலோமீட்டர் தொலைவில் ஆற்றில் அடைப்பு ஏற்பட்டதைக் காட்டுகின்றன. இந்த அடைப்பால் ஒரு தற்காலிக ஏரி உருவாகி, பின்னர் அது திடீரென உடைந்து வெள்ளம் பெருக்கெடுத்து ஓடியுள்ளது.

இதுகுறித்து நீர்வளத்துறையின் வெள்ள முன்னறிவிப்புப் பிரிவின் தலைவர் பினோத் பரஜூலி பேசும்போது, "சீன அதிகாரிகள் அனுப்பிய படங்களைப் பார்த்தோம். வெள்ளத்திற்கு முன்னும் பின்னும் எடுக்கப்பட்ட படங்கள் அவை. அதில் ஒரு பனிச்சரிவும் நிலச்சரிவும் தெளிவாகத் தெரிகிறது. பனிக்கட்டிகளும் குப்பைகளும் சேர்ந்து ஒரு ஏரியை உருவாக்கி, அது உடைந்துள்ளது. ஒரு அணை போலவே உருவாகியிருக்கிறது" என்றார்.

"வெறும் தண்ணீர் மட்டும் வந்திருந்தால் இவ்வளவு பெரிய சேதம் ஏற்பட்டிருக்காது. ஆனால், தண்ணீருடன் பாறைகளும் சகதியும் கலந்து வந்ததால், வெள்ளத்தின் சீற்றம் பல மடங்கு அதிகரித்துவிட்டது" என்றும் பரஜூலி விளக்கினார்.

இந்த முதற்கட்ட மதிப்பீட்டின்படி, லெண்டே ஆற்றில் பனிச்சரிவு ஏற்பட்டு அடைப்பு உண்டானது உறுதியாகியுள்ளது. ஆனாலும், பனிப்பாறை ஏரி உடைப்பும் (glacial lake outburst) இதனுடன் சேர்ந்து நடந்ததா என்பதை அதிகாரிகள் இன்னும் முழுமையாக உறுதிப்படுத்தவில்லை.

காத்மாண்டு பல்கலைக்கழகத்தின் காலநிலை ஆய்வாளரும் பேராசிரியருமான ரிஜன் பக்த கயஸ்தா, "நேபாளப் பக்கத்திலிருந்து ஏற்பட்ட ஒரு பனிச்சரிவு, லெண்டே ஆற்றை மறித்ததாகத் தெரிகிறது. அதே நேரத்தில், திபெத்தியப் பகுதியில் ஒரு நிலநடுக்கமும் ஏற்பட்டுள்ளது" என்று கூறியுள்ளார்.

அமெரிக்க புவியியல் ஆய்வு மையத்தின்படி, கோசைன்குண்டாவிலிருந்து சுமார் 47 கிலோமீட்டர் வடக்கே, திபெத்தியப் பகுதியில் காலை 8:37 மணிக்கு ரிக்டர் அளவில் 4.4 ஆக ஒரு நிலநடுக்கம் பதிவாகியுள்ளது. கடந்த 2025-ம் ஆண்டு ஜூலை 8-ம் தேதியும் போட்டேகோசி ஆற்றில் இதேபோன்ற ஒரு திடீர் வெள்ளம் ஏற்பட்டது. அப்போது, பனிப்பாறை ஏரி உடைந்ததே வெள்ளத்திற்குக் காரணம் என நீர்வளம் மற்றும் வானிலை ஆய்வுத் துறை உறுதி செய்தது குறிப்பிடத்தக்கது.

தேசிய பேரிடர் அபாயக் குறைப்பு மற்றும் மேலாண்மை ஆணையத்தின் செய்தித் தொடர்பாளர் சாந்தி மஹத், "பனிச்சரிவால் ஆறு மறிக்கப்பட்டதாக எங்களுக்கும் முதற்கட்ட தகவல் கிடைத்துள்ளது. சீனாவில் உள்ள வட்டாரங்கள் மூலம் சர்வதேச ஒருங்கிணைந்த மலை மேம்பாட்டு மையத்திற்கு (ICIMOD) இந்தத் தகவல் கிடைத்துள்ளது. அவர்கள் எங்களுடன் பகிர்ந்துள்ளார்கள். இது ஆரம்பக்கட்ட மதிப்பீடுதான். இப்போதைக்கு எங்கள் முழு கவனமும் மீட்பு மற்றும் நிவாரணப் பணிகளில்தான் இருக்கிறது. வெள்ளத்திற்கான உண்மையான காரணம் படிப்படியாகத் தெரியவரும்" என்றார்.

ரசுவா பகுதியில் செவ்வாய் மற்றும் புதன்கிழமைகளில் கனமழை எதுவும் பெய்யவில்லை என நீர்வளத் துறை தெரிவித்துள்ளது. இது, பனிச்சரிவு காரணமாகவே வெள்ளம் ஏற்பட்டிருக்கலாம் என்ற சந்தேகத்தை மேலும் வலுப்படுத்துகிறது.

Nepal Flood : நேபாள வெள்ளத்தில் ரியல் ஹீரோவான ஸ்கூல் டீச்சர்... 1600 மாணவர்களை மீட்டதன் மாஸ் பின்னணி..!

Ganesh A — Mon, 31 Aug 2026 12:05:07 +0530

Nepal Flood Real Hero : நேபாளத்தில் ஏற்பட்ட திடீர் வெள்ளப்பெருக்கில், திரிசூலி என்ற இடத்தில் பள்ளி கட்டிடம் இடிந்து விழும் சில நிமிடங்களுக்கு முன், ஆசிரியர் ஒருவர் 1600-க்கும் மேற்பட்ட மாணவர்களின் உயிரை துணிச்சலாக காப்பாற்றியுள்ளார்.

நேபாளத்தில் ஏற்பட்ட திடீர் வெள்ளப்பெருக்கு, பல பள்ளிக்கூடங்களை அடித்துச் சென்றதோடு, அப்பகுதியில் பெரும் அழிவையும் ஏற்படுத்தியுள்ளது. மீட்பு மற்றும் நிவாரணப் பணிகள் தொடர்ந்து நடந்து வருகின்றன. திரிசூலி என்ற இடத்தில் உள்ள ஒரு பள்ளியில், வெள்ள நீர் மட்டம் திடீரென உயர்ந்ததால் 1600-க்கும் மேற்பட்ட மாணவர்களின் உயிருக்கு ஆபத்து ஏற்பட்டது. ஆனால், அந்தப் பள்ளியின் ஆசிரியர் ஒருவர், தனது உயிரைப் பணயம் வைத்து, துரிதமாக செயல்பட்டு, அனைத்து குழந்தைகளையும் பாதுகாப்பாக வெளியேற்றினார். இது காலத்துடன் போட்டியிட்டு செய்த ஒரு வீரச் செயல்.

அவரது இந்த துரித செயலால் மாணவர்கள் அனைவரும் காப்பாற்றப்பட்டனர். ஆனால், சில நிமிடங்களிலேயே அந்தப் பள்ளிக் கட்டிடம் முழுவதையும் வெள்ளம் சூழ்ந்து அடித்துச் சென்றது. இதுகுறித்து ஏஎன்ஐ செய்தி நிறுவனத்திடம் பேசிய அப்பகுதியைச் சேர்ந்த சுரேந்தர் குமார், "ஒரு காலத்தில் மாணவர்களின் கனவுகளை உருவாக்கிய அந்தப் பள்ளி, இப்போது வெறும் சேறும் சகதியுமாக காட்சியளிக்கிறது," என்று வேதனையுடன் கூறினார்.

சம்பவத்தை விவரித்த குமார், "இங்கே ஒரு மூன்று மாடி கட்டிடம் இருந்தது - அது ஒரு பள்ளி. அதற்கு நேர் எதிரே ஒரு ராமர் கோவிலும் இருந்தது. இந்தப் பகுதி முழுவதும் ஒரு சந்தை. அந்த நடுவில் இருந்த காலி இடத்தில்தான் அந்த மூன்று மாடி பள்ளி நின்றது. அங்கே 1600 மாணவர்கள் படித்தார்கள். இந்தச் சம்பவம் நடந்த அன்று, ஆசிரியர்கள் அனைத்து குழந்தைகளையும் வெளியேற்றி பாதுகாப்பான இடத்திற்குக் கொண்டு சென்றனர். இப்போது அந்தப் பள்ளியின் தடயமே இல்லை; அது முற்றிலும் அடித்துச் செல்லப்பட்டுவிட்டது. ஒரு ராமர் கோவிலும் இருந்தது... இங்கே நிறைய பேர் இறந்துவிட்டார்கள்... சரியாக எத்தனை பேர் என்று இன்னும் தகவல் இல்லை, ஆனால் உயிரிழப்பு அதிகம். இங்கே இருந்த எல்லாமே போய்விட்டது," என்றார்.

இதற்கிடையில், சுரங்கங்களில் தேடுதல் மற்றும் மீட்புப் பணிகளில் நிபுணத்துவம் பெற்ற இந்தியக் குழு, இன்று சிலிமே மற்றும் லாங்டாங் பகுதிகளில் உள்ள நீர்மின் திட்ட சுரங்கங்களில் நேபாள ராணுவத்துடன் இணைந்து செயல்பட்டது. தொடர்ந்து நிவாரணப் பணிகள் குறித்து, நேபாளத்துக்கான இந்தியத் தூதர் நவீன் ஸ்ரீவஸ்தவா தனது எக்ஸ் தளத்தில், "சுரங்கத் தேடுதல் மற்றும் மீட்புப் பணிகளுக்கான இந்தியாவின் சிறப்புக் குழு, இன்று சிலிமே மற்றும் லாங்டாங் பகுதிகளில் நேபாள ராணுவக் குழுவுடன் இணைந்து பணியாற்றியது. நேபாள ராணுவத்துடன் நெருக்கமாக ஒருங்கிணைந்து தேடுதல் மற்றும் மீட்புப் பணிகளை இந்தக் குழு தொடரும்," என்று பதிவிட்டுள்ளார்.

வெள்ளத்தில் சிக்கியவர்களை மீட்க சுமார் 20,000 பாதுகாப்புப் படையினர் மீட்புப் பணியில் ஈடுபடுத்தப்பட்டுள்ளனர். தரைப்படையினர் மூலம் மொத்தம் 8,730 பேர் மீட்கப்பட்டுள்ளனர். விமானப்படை குழுக்கள் 363 ஹெலிகாப்டர் பயணங்களை மேற்கொண்டு, 236 வெளிநாட்டினர் உட்பட 3,081 பேரை வான்வழியாக மீட்டுள்ளன. மேலும், வெள்ளத்தில் மூழ்கிய நீர்மின் சுரங்கத்திலிருந்து 279 பேர் நேரடியாக மீட்கப்பட்டுள்ளனர். பாதிக்கப்படக்கூடிய பகுதிகளில் வசிக்கும் குடும்பங்களை பல்வேறு மாவட்டங்களில் உள்ள பாதுகாப்பான இடங்களுக்கு மாற்றும் பணியிலும் காவல்துறை ஈடுபட்டுள்ளது. மேலும், பல்வேறு பகுதிகளில் சாலைத் தடைகளை நீக்கும் பணிகளும் நடந்து வருகின்றன.

Nepal Flood : பயங்கர வெள்ளத்திலும் இந்த வீடு மட்டும் எப்படி தப்பியது?

Russia-India Train: பாகிஸ்தான் வழியாக இந்தியாவுக்கு ரயில்..! ரஷ்யாவின் மாஸ்டர் பிளான்..

Asianet News — Thu, 13 Aug 2026 19:07:09 +0530

ரஷ்யாவிலிருந்து இந்தியாவிற்கு நேரடி ரயில் சேவை அமையுமா? பல அறிக்கைகள் ஆம் என்கின்றன. துர்க்மெனிஸ்தான், ஈரான், ஆப்கானிஸ்தான் மற்றும் பாகிஸ்தான் வழியாக இந்தியாவை இந்தியப் பெருங்கடலுடன் இணைக்கும் ஒரு புதிய ரயில் பாதை அமைய உள்ளது.

அதிகரித்து வரும் புவிசார் அரசியல் பதட்டங்கள் மற்றும் பாரம்பரிய கடல் வழித்தடங்களில் நிலவும் பாதுகாப்பு குறித்த கவலைகளுக்கு மத்தியில், ரஷ்யா ஆசிய சந்தைகளுடனும், குறிப்பாக இந்தியாவுடனும், மற்றும் ஆசியப் பிராந்தியத்துடனும் தனது தரைவழிப் போக்குவரத்து இணைப்பை அதிகரிக்க ஆர்வமாக உள்ளது. இந்த நோக்கத்திற்காக, துர்க்மெனிஸ்தான், ஈரான், ஆப்கானிஸ்தான் மற்றும் பாகிஸ்தான் வழியாக ஒரு இரயில் பாதையை அமைப்பதற்கான சாத்தியக்கூறுகளை ரஷ்யா ஆராயத் தொடங்கியுள்ளது.

ரஷ்ய துணைப் பிரதமர் மராட் குஸ்னுல்லின், 'டாஸ்' என்ற அதிகாரப்பூர்வ செய்தி நிறுவனத்திற்கு அளித்த பேட்டியில் இந்தத் தகவலை வெளிப்படுத்தினார். போஸ்பரஸ் ஜலசந்தி மற்றும் ஹார்முஸ் ஜலசந்தி போன்ற முக்கிய கடல்வழிப் பாதைகளில் எழும் அச்சுறுத்தல்களைக் கருத்தில் கொண்டு, ரயில் பாதை அமைப்பது குறித்து ஒரு விரிவான பகுப்பாய்வு செய்யப்பட வேண்டும் என்று அவர் தெளிவுபடுத்தினார். இந்தியாவிற்கு இணைப்பை வழங்கும் எந்தவொரு தேர்வும் தங்களுக்கு உள்ள ஒரே வழி என்றும் அவர் கூறினார்.

ரஷ்ய துணைப் பிரதமர் தெரிவித்த கருத்துக்கள், ரஷ்யாவிலிருந்து இந்தியாவிற்கு நேரடி பயணிகள் அல்லது சரக்கு ரயில் உடனடியாகத் தொடங்கப்படவுள்ளது என்பதைக் குறிக்கவில்லை என ஆய்வாளர்கள் தெளிவாகக் கூறுகின்றனர். இது, மத்திய ஆசியா மற்றும் மத்திய கிழக்கு வழியாக ரஷ்யாவை இந்தியாவுடன் இணைக்கும் தரைவழிப் போக்குவரத்து வலையமைப்பை விரிவுபடுத்தும் திட்டத்தின் ஒரு பகுதி மட்டுமே.

தற்போது, ரஷ்யா, இந்தியா மற்றும் ஈரான் ஆகிய நாடுகளின் கூட்டு முயற்சியான சர்வதேச வடக்கு-தெற்கு போக்குவரத்து வழித்தடம் (INSTC), இரயில், சாலை மற்றும் கடல் வழிகளின் கலவையைப் பயன்படுத்தி சுமார் 7,200 கி.மீ. தூரத்திற்கு இயங்கி வருகிறது. இதன் மேற்கு வழித்தடம் ரஷ்யா, அஜர்பைஜான் மற்றும் ஈரான் வழியாகச் செல்கிறது, அதே சமயம் கிழக்கு வழித்தடம் கஜகஸ்தான் மற்றும் துர்க்மெனிஸ்தான் வழியாக ஈரானை அடைகிறது. அங்கிருந்து, பொருட்கள் கடல் வழியாக இந்தியாவை வந்தடையும். இருப்பினும், தற்போது முன்மொழியப்படும் புதிய வழித்தடமானது, இந்தப் போக்குவரத்தை எளிதாக்குவதை நோக்கமாகக் கொண்டுள்ளது.

உலகளாவிய எரிசக்திப் போக்குவரத்தின் முக்கிய அங்கமான ஹோர்முஸ் ஜலசந்தி, உலகளாவிய எண்ணெய் ஏற்றுமதியில் 25 சதவீதத்தையும், திரவமாக்கப்பட்ட இயற்கை எரிவாயு ஏற்றுமதியில் 20 சதவீதத்தையும் கையாளுகிறது. கருங்கடலையும் மர்மாரா கடலையும் இணைக்கும் போஸ்பரஸ் ஜலசந்தியையும் துருக்கி தன் கட்டுப்பாட்டில் வைத்துள்ளது. மேற்கு ஆசியாவில் அதிகரித்து வரும் பதட்டங்கள், இவ்விரு பகுதிகளிலும் கப்பல் போக்குவரத்தைப் பாதித்துள்ளன.

இந்தப் பின்னணியில்தான், ஆசியாவுடனான தனது வர்த்தகத்தைப் பாதுகாப்பாக நடத்துவதற்காக ரஷ்யா இந்தப் புதிய வழித்தடங்களைக் கருத்தில் கொண்டு வருகிறது. இருப்பினும், மாறுபட்ட ரயில் பாதை அகல அமைப்புகள், எல்லைச் சோதனைகள் மற்றும் உள்கட்டமைப்புப் பற்றாக்குறை ஆகியவை இந்த ரயில் பாதைக்குப் பெரும் சவால்களை ஏற்படுத்துகின்றன. ஆயினும்கூட, 2030-ஆம் ஆண்டுக்குள் இந்தியா-ரஷ்யா இருதரப்பு வர்த்தகத்தை 100 பில்லியன் டாலராக உயர்த்துவதற்கான இலக்கிற்கு இந்த வழித்தடங்கள் மிக முக்கியமானதாக இருக்கும்.

ஆப்கானிஸ்தானில் உள்ள தலிபான் அரசாங்கம், முன்மொழியப்பட்ட ரயில் பாதை திட்டத்திற்கு சாதகமாக பதிலளித்துள்ளது. ஆப்கானிஸ்தான் நிதி அமைச்சகத்தின் செய்தித் தொடர்பாளர் அப்துல் ரஹ்மான் ஹபீப், தங்கள் பிரதேசம் வழியாகச் செல்லும் ரயில் பாதையின் பாதுகாப்பிற்கு உத்தரவாதம் அளிப்பதாகவும், இதுபோன்ற திட்டங்கள் தங்கள் நாட்டில் வேலைவாய்ப்புகளையும் போக்குவரத்து கட்டணங்களையும் அதிகரிக்கும் என்றும் கூறினார். இதற்கிடையில், 2025-ல் தலிபான்கள் மீதான தடைகளை நீக்கிய ரஷ்யா, 2026 மே மாதம் அவர்களுடன் ஒரு இராணுவ-தொழில்நுட்ப ஒத்துழைப்பு ஒப்பந்தத்தையும் கையெழுத்திட்டது.

இருப்பினும், இத்திட்டத்திற்கான முக்கியத் தடையாக பாகிஸ்தான் இருக்கக்கூடும் என்று ஆய்வாளர்கள் கருதுகின்றனர். எரிவாயுப் பற்றாக்குறை இருந்தபோதிலும், TAPI (துர்க்மெனிஸ்தான்-ஆப்கானிஸ்தான்-பாகிஸ்தான்-இந்தியா) எரிவாயுக் குழாய்த் திட்டம் இந்தியாவிற்குப் பயனளிக்கும் என்ற அடிப்படையில் அத்திட்டத்தைத் தடுத்த வரலாறு பாகிஸ்தானுக்கு உண்டு. இந்த இரயில் பாதை குறித்த பாகிஸ்தானின் நிலைப்பாடும் சந்தேகத்திற்குரியதாகவே நீடிக்க வாய்ப்புள்ளது.

இந்த அறிவிப்புக்கு முன்னதாக, ஆகஸ்ட் 7 அன்று புது தில்லியில் நடைபெற்ற 'நவீனமயமாக்கல் மற்றும் தொழில்துறை ஒத்துழைப்புக்கான இந்தியா-ரஷ்யா பணிக்குழுவின்' 12வது கூட்டத்தில் இரு நாடுகளும் பல்வேறு விடயங்கள் குறித்து விவாதித்தன. ரயில்வே உள்கட்டமைப்பு, பாரத் வந்தே பாரத் திட்டம் மற்றும் சமிக்ஞை அமைப்புகள் ஆகியவற்றில் பரஸ்பர ஒத்துழைப்புக்கான வாய்ப்புகளை இரு நாடுகளும் ஆராய்ந்தன.

இதனுடன், ட்ரோன்கள், 3D அச்சிடுதல், ரஷ்யாவின் SJ-100 பிராந்திய விமானத்தின் உற்பத்தி மற்றும் விமான இயந்திரங்களின் மேம்பாடு போன்ற பிற தொழில்துறை துறைகளின் விரிவாக்கம் குறித்தும் இரு நாடுகளும் விரிவாக விவாதித்தன. சர்வதேச கடல்வழிப் பாதைகள் சிரமங்களைச் சந்தித்து வரும் வேளையில், தரைவழிப் பாதைகளின் மேம்பாடு இரு நாடுகளின் பொருளாதார நலன்களுக்கும் இன்றியமையாதது என்பதை ரஷ்யா தெளிவுபடுத்துகிறது.

Climate Change : கடல் சூடானால் மீன்கள் அழிந்துவிடுமா? கூடும் வெப்பத்தின் பாதிப்பு என்ன?

Arun Mozhi Varman — Fri, 04 Sep 2026 15:52:03 +0530

Climate Change : கடல் சூடாவதால் மாறும் சூழலில் தப்பிக்கும், அழியும் மீன் இனங்கள் எவை? உணவுச் சங்கிலி பாதிப்பு மற்றும் ஜெல்லி மீன்களின் ஆச்சரியமான பெருக்கம் பற்றி இதில் அறிவோம்.

H-1B Visa: அமெரிக்காவில் வாழும் தமிழர்களுக்கு ஹேப்பி நியூஸ்.. H-1B விசா ஊழியர்களுக்கு நிம்மதி தரும் தகவல்!

Rayar A — Sat, 15 Aug 2026 13:07:27 +0530

H-1B Visa: அமெரிக்காவில் 50%க்கும் மேல் H-1B ஊழியர்களைக் கொண்ட நிறுவனங்கள், விசா நீட்டிப்புக்கு $4,000 கூடுதல் கட்டணம் செலுத்த வேண்டும். இருப்பினும், திறமையான ஊழியர்களை நிறுவனங்கள் நீக்காது என வல்லுநர்கள் கணித்துள்ளனர்.

அமெரிக்காவில் H-1B விசாக்களை நீட்டிப்பதற்கு விதிக்கப்பட்டுள்ள புதிய கட்டணத்தால், நிறுவனங்கள் திறமையான வெளிநாட்டு ஊழியர்களை பணியில் இருந்து நீக்க வாய்ப்பில்லை. காரணம், இந்த கூடுதல் கட்டணத்தைச் செலுத்துவது, ஒரு திறமையான ஊழியரை இழந்துவிட்டு, அவருக்குப் பதிலாக புதிய ஒருவரைத் தேடும் செலவை விடக் குறைவுதான் என்கிறார் 'Build' நிறுவனத்தின் இணை நிறுவனர் மற்றும் CEO டேனியல் கோல்ட்மேன்.

செப்டம்பர் 9 முதல் புதிய விதிகள் அமல்

அமெரிக்காவின் உள்நாட்டுப் பாதுகாப்புத் துறை (DHS), ஏற்கனவே உள்ள H-1B மனுக்களுக்கான 4,000 டாலர் கட்டணத்தையும், L-1 மனுக்களுக்கான 4,500 டாலர் கட்டணத்தையும், சில விசா நீட்டிப்பு விண்ணப்பங்களுக்கும் விரிவுபடுத்தியுள்ளது.

இந்த புதிய விதிமுறை செப்டம்பர் 9-ம் தேதி முதல் அமலுக்கு வருகிறது. இந்த விதி யாருக்கெல்லாம் பொருந்தும் என்றால், அமெரிக்காவில் குறைந்தது 50 ஊழியர்களைக் கொண்ட நிறுவனங்களில், 50 சதவீதத்திற்கும் அதிகமானோர் H-1B, L-1A அல்லது L-1B விசாக்களில் பணிபுரிந்தால், அந்த நிறுவனங்களுக்கு இது பொருந்தும்.

இந்த திருத்தப்பட்ட விதிமுறையின்படி, ஒரு ஊழியர் அதே நிறுவனத்தில் தொடர்ந்து பணிபுரிந்தாலும், அவருடைய விசா காலத்தை நீட்டிக்கும்போது, இந்த நிறுவனங்கள் '9/11 ரெஸ்பான்ஸ் மற்றும் பயோமெட்ரிக் நுழைவு-வெளியேறு கட்டணத்தை' செலுத்த வேண்டும். இது தொடர்பாக கோல்ட்மேன் கூறுகையில், "நிறுவனங்கள் ஏற்கனவே தக்கவைத்துக் கொள்ள விரும்பும் திறமையான ஊழியர்களை, இந்த கூடுதல் கட்டணத்துக்காக விட்டுவிடப் போவதில்லை. ஒரு ஊழியர் நிறுவனத்தில் சேர்ந்து, தனது திறமையை நிரூபித்த பிறகு, விசா நீட்டிப்பின்போதுதான் இந்தக் கட்டணம் வருகிறது" என்றார்.

"அரசாங்கம் அதிக கட்டணங்கள் மூலம் வெளிநாட்டு ஊழியர்களை சார்ந்திருப்பதை குறைக்க நினைத்தாலும், இந்த 4,000 டாலர் என்பது ஒருவரை புதிதாக வேலைக்கு எடுக்கும்போது வருவதில்லை. மாறாக, விசா நீட்டிப்பின்போதுதான் வருகிறது," என்றும் அவர் குறிப்பிட்டார். அனுபவம் வாய்ந்த ஒரு ஊழியரைத் தக்கவைத்துக் கொள்வதற்கான செலவு, இந்த கூடுதல் விசா கட்டணத்தை விட நிறுவனங்களுக்கு மிக முக்கியமானது என்றும் அவர் கூறினார்.

"ஒரு நிறுவனம் ஏற்கனவே தக்கவைக்க விரும்பும் திறமையான ஊழியருக்காக, எதிர்காலத்தில் செலுத்த வேண்டிய 4,000 டாலர் கூடுதல் கட்டணம், அந்த ஊழியரை இழந்து புதியவரைத் தேடும் செலவை விட நிச்சயம் பெரிதல்ல" என்றார் கோல்ட்மேன்.

இந்த விதியின் மிகப்பெரிய மாற்றம் என்னவென்றால், இதுநாள் வரை ஒருமுறை செலவாக இருந்ததை, வெளிநாட்டு ஊழியர்களை அதிகம் நம்பியிருக்கும் நிறுவனங்களுக்கு தொடர்ச்சியான செலவாக மாற்றியுள்ளது. அதே சமயம், H-1B ஊழியர்களை ஸ்பான்சர் செய்யும் அனைத்து நிறுவனங்களுக்கும் இந்தக் கட்டணம் பொருந்தாது என்றும் அவர் தெளிவுபடுத்தினார்.

செப்டம்பர் 9 முதல், பாதிக்கப்பட்ட நிறுவனங்கள் புதிய H-1B ஊழியர்கள் அல்லது வேறு நிறுவனத்தில் இருந்து மாறும் ஊழியர்களுக்கு மட்டுமல்ல, ஏற்கனவே உள்ள ஊழியரின் விசா காலத்தை நீட்டிக்கும்போதும் இந்த கூடுதல் 4,000 டாலரைச் செலுத்த வேண்டும். நூற்றுக்கணக்கான அல்லது ஆயிரக்கணக்கான H-1B ஊழியர்களைக் கொண்ட நிறுவனங்களுக்கு, இந்த கூடுதல் கட்டணம் ஒரு குறிப்பிடத்தக்க தொடர் செலவாக மாறும் என்று கோல்ட்மேன் கூறினார். இந்த செய்தி அமெரிக்காவில் வாழும் தமிழர்களுக்கு H-1B ஊழியர்களுக்கு நிம்மதியை அளித்துள்ளது.

Worlds Cheapest House: வெறும் 1 டாலருக்கு ஒரு வீடு! அமெரிக்காவில் ஏன் இவ்வளவு மலிவு?

Raghupati R — Sun, 23 Aug 2026 22:10:06 +0530

Worlds Cheapest House: அமெரிக்காவின் மிச்சிகன் மாகாணத்தில் ஒரு வீடு வெறும் 1 டாலருக்கு விற்பனைக்கு வந்துள்ளது. இரண்டு படுக்கையறைகள் கொண்ட இந்த வீடு ஏன் இவ்வளவு மலிவாக விற்கப்படுகிறது? அதன் பின்னணி என்ன? முழு விவரங்களையும் இங்கே பார்க்கலாம்.

சொந்த வீடு என்பது எல்லோருடைய கனவு. ஆனால், இன்றைய ரியல் எஸ்டேட் விலையில் அது சாத்தியமா? அமெரிக்காவில் ஒரு வீடு வெறும் 1 டாலருக்கு (இந்திய மதிப்பில் சுமார் 83 ரூபாய்) விற்பனைக்கு வந்துள்ளது. ஒரு டீ குடிக்கும் செலவில் ஒரு முழு வீட்டையே வாங்கலாம் என்ற இந்த செய்தி, ரியல் எஸ்டேட் உலகில் பெரும் பரபரப்பை ஏற்படுத்தியுள்ளது. பலரும் இந்த வீட்டைப் பற்றி இணையத்தில் தேடி வருகின்றனர்.

உலகின் இந்த மலிவு விலை வீடு அமெரிக்காவின் மிச்சிகன் மாகாணத்தில் உள்ளது. இதன் சரியான முகவரி: 70 E Ypsilanti Avenue, Pontiac, Michigan, USA. இந்த வீட்டில் இரண்டு படுக்கையறைகள், ஒரு சமையலறை மற்றும் ஒரு குளியலறை உள்ளது. ஒரு சிறிய குடும்பம் வசிக்க இது போதுமானது. இந்த வீட்டின் விளம்பரத்தை ரியல் எஸ்டேட் ஏஜென்ட் வெளியிட்டதும், அவருக்கு தொலைபேசி அழைப்புகள் வெள்ளம் போல வந்தன. 1 டாலர் வீடு என்றதும் எல்லோரும் ஆச்சரியத்துடன் விசாரிக்கத் தொடங்கினர்.

Revenge Zodiacs: பழிவாங்குவதில் கில்லாடிகள் இந்த 5 ராசிக்காரங்க... வருஷமானாலும் மறக்க மாட்டாங்க!

இந்த வீடு ஒன்றும் நேற்று இன்று கட்டப்பட்டது அல்ல. இது 1856-ல் கட்டப்பட்டது. ஒரு காலத்தில் இந்த வீட்டின் மதிப்பு சுமார் 8 லட்சம் ரூபாயாக இருந்தது. ஆனால், பல ஆண்டுகளாக வாடகைக்கு விடப்பட்டதால், குடியிருந்தவர்கள் சரியாகப் பராமரிக்காததால் வீடு மோசமாகச் சேதமடைந்தது. வீட்டின் சுவர்கள், கூரை, தரை என அனைத்தும் பாழாகிவிட்டன. நாளாக நாளாக வீட்டின் நிலை மோசமடைய, அதன் விலை கடுமையாக சரிந்தது. இறுதியில், அதன் உரிமையாளர் இந்த வீட்டை வெறும் 1 டாலருக்கு விற்க வேண்டிய நிலைக்குத் தள்ளப்பட்டார்.வெறும் 1 டாலருக்குக் கிடைத்தாலும், இந்த வீட்டை வாங்க யாரும் முன்வரவில்லை. முக்கிய காரணம், இதைச் சரிசெய்ய ஆகும் செலவுதான். இந்த வீட்டை மீண்டும் குடியிருக்கத் தகுந்ததாக மாற்ற, குறைந்தபட்சம் 20,000 டாலர்கள் (இந்திய மதிப்பில் ரூ. 16 லட்சத்திற்கும் மேல்) செலவாகும் என மதிப்பிடப்பட்டுள்ளது. 1 டாலருக்கு வீட்டை வாங்கினாலும், பழுதுபார்க்கப் பெரிய தொகையைச் செலவழிக்க வேண்டும் என்பதால், வாங்குபவர்கள் தயங்குகின்றனர். அதனால்தான் இந்த வீடு இன்னும் விற்கப்படாமல் அப்படியே இருக்கிறது. ஒரு பக்கம் மிச்சிகனில் உள்ள இந்த 1 டாலர் வீடு உலகின் மலிவான வீடாக செய்திகளில் இடம்பிடித்துள்ளது. மறுபுறம், உலகின் மிக விலையுயர்ந்த வீடுகளும் உள்ளன. லண்டனில் உள்ள பக்கிங்ஹாம் அரண்மனை (மதிப்பு $4.9 பில்லியன்) உலகின் காஸ்ட்லியான வீடாகக் கருதப்படுகிறது. இதற்கு அடுத்தபடியாக, இந்தியாவின் முகேஷ் அம்பானிக்குச் சொந்தமான 'ஆன்டிலியா' உள்ளது. ஒரு பக்கம் பில்லியன் டாலர் அரண்மனைகள், மறுபக்கம் 1 டாலர் வீடு என்பது கவனிக்கத்தக்கது.