>Asianet News Tamil

63 நாயன்மாரில் ஒருவரான கண்ணப்ப நாயனாரின் தியாகத்தை பேசும் 'கண்ணப்பா' டிரெய்லர் இதோ.!

Ramprasath S — Sun, 15 Jun 2025 12:11:30 +0530

Kannppa Movie Official Trailer

இந்திய சினிமாவில் பெரிதும் எதிர்பார்க்கப்படும் ஒரு புராண மற்றும் சரித்திர திரைப்படமாக ‘கண்ணப்பா’ திரைப்படம் உருவாகியுள்ளது. சிவபெருமானின் தீவிர பக்தரான கண்ணப்ப நாயக்கனாரின் வாழ்க்கையை அடிப்படையாகக் கொண்டு இந்த படம் உருவாகியுள்ளது. இந்தத் திரைப்படம் வருகிற ஜூன் மாதம் 27 ஆம் தேதி வெளியாகவுள்ளது. தமிழ், தெலுங்கு, ஹிந்தி, கன்னடம், ஆங்கிலம் என ஐந்து மொழிகளில் இந்த படம் உருவாகி இருக்கிறது. இந்த படத்தை ‘மகாபாரதம்’ போன்ற தொலைக்காட்சித் தொடர்களை இயக்கிய இயக்குனர் முகேஷ் குமார் சிங் இயக்கியுள்ளார். நடிகர் விஷ்ணு மஞ்சு கண்ணப்பர் கதாபாத்திரத்தில் நடித்துள்ளார். ஃபேண்டஸி டிராமா ஜானரில் உருவாகியிருக்கும் இந்த படத்தின் டிரெய்லர் தற்போது வெளியிடப்பட்டுள்ளது.

கண்ணப்ப நாயனாரின் தியாகம்

‘கண்ணப்பா’ திரைப்படம் 63 நாயன்மார்களில் ஒருவரான கண்ணப்ப நாயனார் பற்றியதாகும். கண்ணப்ப நாயனாரின் இயற்பெயர் திண்ணா. ஒரு வேட்டைக்காரனாக இருந்து பின்னர் சிவபெருமானின் அதி தீவிர பக்தராக மாறிய அவரது பக்தியையும், சிவபெருமானுக்காக அவர் செய்ய துணிந்த தியாகத்தையும் இந்த படம் சித்தரிக்கிறது. சிவலிங்கத்தின் கண்களில் இருந்து ரத்தம் வடிவதைக் கண்ட கண்ணப்ப நாயனார் ஒரு கண்ணை பிடுங்கி லிங்கத்தின் மீது வைத்ததாகவும், இரண்டாவது கண்ணிலும் ரத்தம் வடிவதை கண்ட அவர் இரண்டாவது கண்ணையும் பிடுங்க முற்படும்பொழுது சிவபெருமானை தோன்றி அவரை தடுத்தாட்கொண்டதாகவும் சைவ சமய நூல்கள் கூறுகின்றன. இந்த நிகரற்ற பக்தி மற்றும் தியாகத்தின் மையக்கருவாகவே இந்த படம் உருவாகி உள்ளது.

‘கண்ணப்பா’ படத்தில் நடித்துள்ள நடிகர்கள்

இந்தப் படத்தில் விஷ்ணு மஞ்சு கண்ணப்ப நாயனராகவும், நடிகர் பிரபாஸ் ருத்ரா என்னும் வேடத்தில் சிறப்பு தோற்றத்தில் நடித்துள்ளனர். மோகன்லால் கிராதகா என்கிற கதாபாத்திரத்திலும், அக்ஷய் குமார் சிவபெருமானாகவும், காஜல் அகர்வால் பார்வதி தேவியாகவும் நடித்துள்ளனர், சரத்குமார் நாதநாதூடு கதாபாத்திரத்திலும், மதுபாலா பன்னகா கதாபாத்திரத்திலும் நடிக்கின்றனர். மேலும் பிரம்மானந்தம், முகேஷ் ரிஷி, பிரபுதேவா, ஐஸ்வர்யா பாஸ்கரன் உள்ளிட்ட பலர் துணை வேடங்களில் நடித்துள்ளனர். கதாநாயகன் விஷ்ணு மஞ்சுவின் தந்தை மோகன்பாபுவுக்கு சொந்தமான ‘24 பிரேம் ஃபேக்டரி’ மற்றும் ‘ஏவிஏ என்டர்டைன்மென்ட்’ ஆகிய இரண்டு நிறுவனங்கள் இணைந்து இந்த படத்தை தயாரித்துள்ளனர்.

ஹாலிவுட் தரத்தில் உருவாகியுள்ள ‘கண்ணப்பா’ படம்

படத்திற்கு ஸ்டீபன் தேவசி மற்றும் மணி சர்மா ஆகியோர் இசையமைத்துள்ளனர். 2023 இந்த படத்தின் படப்பிடிப்புகள் தொடங்கியது. தணிகல்ல பரணி என்பவர் ‘பக்த கண்ணப்பா’ என்கிற பெயரில் இந்த கதையை வைத்திருந்தார். பின்னர் அதை விஷ்ணு மஞ்சுவுக்கு விற்றார். தற்போது இந்த படம் ரூ.100 முதல் ரூ.120 கோடி பட்ஜெட்டில் உருவாக்கி வருகிறது. இதன் போஸ்ட் புரொடக்ஷன்ஸ் மற்றும் VFX பணிகள் நிறைவடைந்துள்ளன. இந்தியா, நியூசிலாந்து உள்ளிட்ட பல்வேறு ஆன்மீக தலங்களில் படப்பிடிப்புகள் நடைபெற்று முடிந்துள்ளது. ஹாலிவுட் படங்களுக்கு நிகரான காட்சிகளுடன் இந்த படம் உருவாகி உள்ளது.

வரவேற்பை பெரும் ‘கண்ணப்பா’ டிரெய்லர்

இந்தப் படத்தின் VFX காட்சிகள் கொண்ட ஒரு ஹார்ட் டிரைவ் திருடப்பட்டதாகவும், அதனால் படத்திற்கு சுமார் ரூ.15 முதல் ரூ.20 கோடி நஷ்டம் ஏற்பட்டதாகவும் படக்குழு சார்பில் தெரிவிக்கப்பட்டு இருந்தது. தற்போது இந்த படத்தின் பணிகள் அனைத்தும் முடிந்து படம் வெளியீட்டு தயாராக உள்ளது. வருகிற ஜூன் 27ஆம் தேதி 5 மொழிகளில் படம் வெளியாக இருக்கிறது. பக்தி, காவியம், தியாகம், நம்பிக்கையின் மகத்துவத்தை போற்றும் படமாக இந்த படம் இருக்கும் என்று எதிர்பார்க்கப்படுகிறது.

போடுறா வெடிய... மெர்சலான காட்சிகளுடன் வெளிவந்த ‘காந்தாரா சாப்டர் 1’ டிரெய்லர்

Ganesh A — Mon, 22 Sep 2025 13:02:40 +0530

Kantara Chapter 1 Trailer Release : இந்திய சினிமாவிற்கு உலகளவில் பெருமை சேர்த்த படம் காந்தாரா. மிகக் குறைந்த பட்ஜெட்டில் வெளியான காந்தாராவின் முதல் பாகம் அமோக வரவேற்பைப் பெற்றது. பின்னர், இப்படத்தின் இந்தி, தெலுங்கு, தமிழ், மலையாளம், ஆங்கிலம் மற்றும் துளு பதிப்புகளை தயாரிப்பாளர்கள் வெளியிட்டனர், அவை அனைத்தும் பாக்ஸ் ஆபிஸில் பிரம்மாண்ட வசூலை ஈட்டின. இந்தக் காரணங்களால், சினிமா ரசிகர்கள் காந்தாராவின் இரண்டாம் பாகத்திற்காக ஆவலுடன் காத்திருக்கின்றனர்.காந்தாராவின் முதல் பாகம் சூப்பர் டூப்பர் ஹிட்டான நிலையில், அதன் இரண்டாம் பாகம் தற்போது பிரம்மாண்டமாக தயாராகி இருக்கிறது.

இப்படத்தின் இரண்டாம் பாகம் அக்டோபர் 2 அன்று கன்னடம், இந்தி, தெலுங்கு, தமிழ், மலையாளம் மற்றும் ஆங்கிலம் ஆகிய மொழிகளில் உலகம் முழுவதும் வெளியாகும் என தயாரிப்பாளர்களான ஹொம்பாளே பிலிம்ஸ் அறிவித்திருந்தது. 2022-ல் வெளியான காந்தாராவின் Prequel ஆக இப்படத்தின் இரண்டாம் பாகம் வெளியாகிறது. முன்னதாக வெளியிடப்பட்ட இரண்டாம் பாகத்தின் அறிவிப்பு போஸ்டரும் டீசரும் டிரெண்டிங்காகி, ரசிகர்கள் மத்தியில் பெரும் வரவேற்பை பெற்றது.

காந்தாரா சாப்டர் 1 டிரெய்லர் ரிலீஸ்

ரிஷப் ஷெட்டி எழுதி இயக்கும் காந்தாரா சாப்டர் 1-ஐ விஜய் கிரகந்தூர் தயாரிக்கிறார். இப்படத்தின் டிரெய்லரை படக்குழுவினர் இன்று ரிலீஸ் செய்துள்ளனர். அதன்படி செப்டம்பர் 22 அன்று மதியம் 12.45க்கு டிரெய்லர் வெளியிடப்பட்டது. இப்படத்தின் தமிழ் டிரெய்லரை சிவகார்த்திகேயனும், மலையாள டிரெய்லரை பிருத்விராஜும், இந்தியில் பாலிவுட் இளவரசன் ஹிருத்திக் ரோஷனும், தெலுங்கில் பாகுபலி பிரபாஸும், வெளியிட்டனர்.

இந்த டிரெய்லரில் ரிஷப் ஷெட்டியின் மகன், அப்பா இந்த இடத்தில் எதற்காக மாயமானார் என்பதை கண்டுபிடிக்க வருவது போல் காட்சிகள் இடம்பெற்று உள்ளன. இதன்மூலம் காந்தாராவின் வரலாற்றை பேசும் படமாக இது இருக்கும் என்பது உறுதியாக தெரிகிறது. மேலும் இதில் பிரம்மிக்க வைக்கும் அரசவைக் காட்சிகளும் இடம்பெற்றுள்ளன. பிரம்மிப்பூட்டும் சண்டைக் காட்சிகள், மிரள வைக்கும் வி.எஃப்.எக்ஸ், சவுண்ட் எஃபெக்ட்ஸ் என டிரெய்லரிலேயே மாஸ் காட்டி இருக்கிறது இந்த காந்தாரா சாப்டர் 1. இந்த டிரெய்லரை பார்த்த ரசிகர்கள், இப்படம் கன்ஃபார்ம் 1000 கோடி வசூலை அள்ளும் என கூறி வருகின்றனர்.

Love Marriage Trailer : விக்ரம் பிரபு நடித்துள்ள 'லவ் மேரேஜ்' படத்தின் டிரெய்லர் வெளியீடு

Ramprasath S — Thu, 19 Jun 2025 16:30:14 +0530

Vikram Prabhu ‘Love Marriage’ Trailer

தமிழ் திரையுலகில் வளர்ந்து வரும் நடிகராக இருப்பவர் விக்ரம் பிரபு. இவர் சிவாஜி கணேசனின் பேரன் மற்றும் நடிகர் பிரபுவின் மகனும் ஆவார். 2012 ஆம் ஆண்டு வெளியான ‘கும்கி’ திரைப்படத்தின் மூலமாக தமிழ் திரையுலகில் அறிமுகமானார். இந்த திரைப்படம் இவருக்கு திருப்புமுனையை ஏற்படுத்திக் கொடுத்தது. விமர்சன ரீதியாகவும், வணிக ரீதியாகவும் மிகப் பெரிய வெற்றியைப் பெற்ற ‘கும்கி’ அந்த ஆண்டின் மிகப்பெரிய வெற்றி பெற்ற படங்களில் ஒன்றாகவும் மாறியது. தொடர்ந்து 2013 ஆம் ஆண்டு வெளியான ‘இவன் வேற மாதிரி’ திரைப்படமும் விக்ரம் பிரபுவுக்கு புகழைப் பெற்றுக் கொடுத்தது. அதன் பின்னர் ‘அரிமா நம்பி’, ‘சிகரம் தொடு’, ‘வெள்ளைக்காரதுரை’, ‘இது என்ன மாயம்’, ‘வாகா’, ‘புலிக்குத்தி பாண்டி’, ‘டாணாக்காரன்’, ‘பொன்னியின் செல்வன்’, ‘இறுகப்பற்று’ ஆகிய திரைப்படங்களில் நடித்துள்ளார்.

‘லவ் மேரேஜ்’ படத்தில் பணியாற்றிய கலைஞர்கள்

கவனமான கதைகளை தேர்ந்தெடுத்து நடித்து வரும் விக்ரம் பிரபு, சில தோல்வி படங்களையும் கொடுத்துள்ளார். தற்போது மீண்டும் நல்ல கதையம்சம் கொண்ட படங்களில் கவனம் செலுத்தி வருகிறார். அவர் நடிப்பில் தற்போது உருவாகி இருக்கும் திரைப்படம் தான் ‘லவ் மேரேஜ்’. இந்த படம் ஒரு சிறந்த குடும்பப் பொழுதுபோக்கு திரைப்படமாக இருக்கும் என்று கூறப்பட்டுள்ளது. திருமணத்தைச் சுற்றி நடக்கும் சிக்கல்கள், சமூக குடும்ப எதிர்பார்ப்புகள் குறித்து இந்த படம் பேசுகிறது. ஒருவருக்கு திருமணம் தாமதம் ஆகும் பொழுது அவர் சந்திக்கும் சவால்களை மையமாகக் கொண்டு இந்த படம் உருவாகி உள்ளது. படத்தை அறிமுக இயக்குனர் சண்முகப்பிரியன் இயக்கியுள்ளார். இவர் ‘நோட்டா’, ‘எனிமி’ போன்ற படங்களை இயக்கிய இயக்குனர் ஆனந்த் சங்கருடன் இணை இயக்குனராக பணியாற்றிய அனுபவம் கொண்டவர். ‘டாணாக்காரன்’ படத்தை இயக்கிய இயக்குனர் தமிழ் இந்த படத்தின் கதையை எழுதியுள்ளார்.

திருமணம் தள்ளிப் போகும் இளைஞரின் கதை

இந்த படத்தில் சுஷ்மிதா பட் கதாநாயகியாக நடித்துள்ளார். இவர் ‘டோமினிக் அண்ட் தி லேடிஸ் பர்ஸ்’ என்கிற படத்தின் மூலமாக திரையுலகில் அறிமுகமானவர். இவர்களுடன் மீனாட்சி தினேஷ், முருகானந்தம், கோடாங்கி வடிவேலு, அருள்தாஸ், ரமேஷ் திலக், கஜராஜ் உள்ளிட்ட பலர் நடித்துள்ளனர். நடிகர் சத்யராஜ் சிறப்புத் தோற்றத்தில் நடித்துள்ளார். படத்தின் ஒளிப்பதிவை மதன் கிறிஸ்டோபர் மேற்கொள்ள, ஷான் ரால்டன் இசையமைத்துள்ளார். அஸ்யூர் ஃபிலிம்ஸ் மற்றும் ரைஸ் ஈஸ்ட் என்டர்டெயின்மென்ட் ஆகிய இரண்டு நிறுவனங்கள் இணைந்து இந்தப. படத்தை தயாரித்துள்ளன. இன்றைய கால இளைஞர்கள் திருமணம் தாமதமாவதால் சமூகத்திலும் குடும்பத்திலும் பல பிரச்சனைகளை மேற்கொள்கின்றனர். அந்த சிக்கல்களை நகைச்சுவையாகவும், அதே சமயம் உணர்வுபூர்வமாகவும் இந்த படம் விளக்கியுள்ளது. இன்றைய தலைமுறையினர் எதிர்கொண்டு வரும் திருமண சவால்கள், பெற்றோரின் எதிர்பார்ப்புகள், சமூகத்தின் பார்வைகளை இந்த படம் அழகாக விளக்கியுள்ளது.

‘லவ் மேரேஜ்’ டிரெய்லரை வெளியிட்ட தனுஷ்

கிராமிய பின்னணியில் உருவாகி இருக்கும் இந்த திரைப்படம் சிறந்த பொழுதுபோக்க படமாக இருக்கும் என்று எதிர்பார்க்கப்படுகிறது. இந்த படத்தின் படப்பிடிப்புகள் முடிவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. படத்தின் ஃபர்ஸ்ட் லுக் போஸ்டர் மற்றும் பாடல்கள் வெளியாகி நல்ல வரவேற்பை பெற்றது. இயக்குனர் மிஷ்கின் பாடிய “எடுடா பாட்டில்..” என்கிற பாடல் சமீபத்தில் வெளியாகி ரசிகர்களின் கவனத்தை ஈர்த்தது. படம் வருகிற ஜூன் 27 ஆம் தேதி உலகம் எங்கும் உள்ள திரையரங்குகளில் வெளியாக இருப்பதாக அதிகாரப்பூர்வமாக அறிவிக்கப்பட்டுள்ளது. ‘இறுகப்பற்று’ படத்திற்குப் பின்னர் விக்ரம் பிரபு நடிக்கும் படம் என்பதால் படத்தின் மீதான எதிர்பார்ப்பு அதிகமாக உள்ளது. இந்த நிலையில் படத்தின் டிரெய்லரை நடிகர் தனுஷ் தனது எக்ஸ் பக்கத்தின் மூலம் வெளியிட்டுள்ளார்.

எதிர்பார்ப்பை அதிகரித்த ‘லவ் மேரேஜ்’ டிரெய்லர்

டிரெய்லரைப் பார்க்கும் பொழுது 30 வயதை கடந்த பின்னரும் விக்ரம் பிரபு திருமணமாகாமல் இருக்கிறார். அவருக்கு பெண் பார்க்கும் படலம் நடக்கிறது. திருமணம் வரை செல்கின்ற அந்த சம்பந்தம் கடைசியில் பிரச்சனையில் முடிகிறது. அதன் பின்னர் என்ன நடந்தது? விக்ரம் பிரபுவிற்கு திருமணம் ஆனதா? என்பதை நகைச்சுவையாகவும் அதே சமயம் உணர்வுபூர்வமாகவும் காட்டப்பட்டுள்ளது. விக்ரம் பிரபுவின் யதார்த்தமான நடிப்புடன் இணைந்து, சண்முகபிரியனும் இயக்கமும் லவ் மேரேஜ் திரைப்படத்தை இந்த ஆண்டின் சிறந்த திரைப்படமாக மாற்றும் என்று எதிர்பார்க்கப்படுகிறது. விக்ரம் பிரபுவிற்கு ரசிகர்கள் தங்களை வாழ்த்துக்களை கூறி வருகின்றனர்.

ஊதித் தள்ள நான் ஒன்னும் மண் இல்ல... மலை..! கவனம் ஈர்க்கும் காந்தா டிரெய்லர் இதோ

Ganesh A — Thu, 06 Nov 2025 12:40:20 +0530

Kaantha movie trailer : துல்கர் சல்மான் நடிக்கும் 'காந்தா' படத்தின் டிரெய்லர் வெளியானது. செல்வாமணி செல்வராஜ் எழுதி இயக்கியுள்ள இந்தப் படத்தை, துல்கர் சல்மானின் வேஃபேரர் ஃபிலிம்ஸ் உடன் இணைந்து ஜோம் வர்கீஸ், ராணா டகுபதி, மற்றும் பிரசாந்த் பொட்லூரி ஆகியோர் தயாரித்துள்ளனர். இப்படம் நவம்பர் 14 அன்று உலகளவில் வெளியாகிறது. நடிகர் துல்கர் சல்மானின் திரைப்பயணத்தில் இது ஒரு சிறந்த படமாக இருக்கும் என்பதை டிரெய்லர் மூலமே உணர முடிகிறது.

படத்தின் பாடல்களும் பெரும் ரசிகர் கவனத்தை ஈர்த்துள்ளன. சமீபத்தில் "ரேஜ் ஆஃப் காந்தா" என்ற பெயரில் வெளியான படத்தின் டைட்டில் பாடல் சமூக ஊடகங்களில் வைரலானது. ஒரு தமிழ் - தெலுங்கு ராப் கீதமாக இந்தப் பாடல் உருவாக்கப்பட்டுள்ளது. இது தவிர, முன்னதாக வெளியான "பனிமலரே" மற்றும் "கண்மணி நீ" எனத் தொடங்கும் பாடல்களும் சூப்பர் ஹிட்டாகின.

காந்தா டிரெய்லர்

காந்தா திரைப்படத்தில் துல்கர் சல்மானுடன் சமுத்திரக்கனி, பாக்யஸ்ரீ போர்சே, ராணா டகுபதி ஆகியோரும் முக்கிய கதாபாத்திரங்களில் நடிக்கின்றனர். 1950-களில் மெட்ராஸ் பின்னணியில் நடக்கும் கதை தான் இந்த "காந்தா". "தி ஹன்ட் ஃபார் வீரப்பன்" என்ற நெட்ஃபிக்ஸ் டாக்குமெண்ட்ரி சீரிஸை இயக்கி கவனம் பெற்ற இயக்குனர் செல்வாமணி செல்வராஜ் இயக்கும் முதல் படம் காந்தா. இப்படம் ரிலீசுக்கு இன்னும் ஒரு வாரமே உள்ள நிலையில், அதன் டிரெய்லரை படக்குழு வெளியிட்டு உள்ளது. விண்டேஜ் கெட் அப்பிலும் நடிப்பிலும் அசத்தி இருக்கிறார் துல்கர் என்பது டிரெய்லரிலேயே தெரிகிறது.

அண்மையில் வேஃபேரர் ஃபிலிம்ஸ் தயாரிப்பில் வெளிவந்த லோகா மாபெரும் வெற்றியை ருசித்த நிலையில், அந்நிறுவனம் தயாரிக்கும் முதல் பிற மொழிப் படம் என்கிற பெருமையை 'காந்தா' பெற்றுள்ளது. தமிழில் உருவாகியுள்ள இப்படம் மலையாளம், தெலுங்கு, இந்தி மொழிகளிலும் வெளியிடப்பட உள்ளது. லக்கி பாஸ்கர் படத்திற்குப் பிறகு துல்கர் சல்மான் நடிக்கும் படம் இது என்பதால், இப்படத்திற்கு மிகப்பெரிய அளவில் எதிர்பார்ப்பு உள்ளது.

Raju Jeyamohan : பிக் பாஸ் பிரபலம் ராஜூ நடித்துள்ள 'பன் பட்டர் ஜாம்' படத்தின் ஸ்டீலர் காட்சி வெளியானது.!

Ramprasath S — Tue, 24 Jun 2025 14:22:57 +0530

Bun Butter Jam Stealer Trailer

விஜய் தொலைக்காட்சியில் முன்னணி நடிகராக இருப்பவர் நடிகர் ராஜூ ஜெயமோகன். இவர் திருநெல்வேலியில் பிறந்து வளர்ந்தவர். விஷுவல் கம்யூனிகேஷன் பட்டம் பெற்ற பின்னர் நடிப்பின் மீது இருந்த ஆர்வத்தின் காரணமாக தொலைக்காட்சி தொடர்களில் நடிக்கத் தொடங்கினார். மேலும் திரைக்கதை எழுத்தாளராகவும், மாடலாகவும் வலம் வருகிறார். விஜய் டிவியில் ஒளிபரப்பான ‘கனா காணும் காலங்கள்’ சீசன் 2வில் முதன் முதலாக அறிமுகமானார். இந்த தொடரில் ஜீவா என்னும் கதாபாத்திரத்தில் நடித்து இளைஞர்களிடையே பிரபலமானார். இவருக்கு திருப்புமுனையைக் கொடுத்த ஒரு தொடர் என்று சொன்னால் அது ‘சரவணன் மீனாட்சி’ தான். 2013 ஆம் ஆண்டு தொடங்கி 2016 வரை ஒளிபரப்பான ‘சரவணன் மீனாட்சி’ சீசன் 2வில் சரவணனின் நண்பன் கதாபாத்திரத்தில் நடித்தார்.

ராஜூ ஜெயமோகனின் திரைப்பயணம்

அதன்பின்னர் இவர் ‘ஆண்டாள் அழகர்’, ‘பாரதி கண்ணம்மா’, ‘நாம் இருவர் நமக்கு இருவர்’ என்கிற சீரியல்களில் நடித்தார். ‘நாம் இருவர் நமக்கு இருவர்’ என்கிற சீரியலில் கத்தி என்கிற கதாபாத்திரத்தில் நடித்ததன் மூலமாக இவருக்கு ரசிகர்களிடையே நல்ல ரீச் கிடைத்தது. இதை பயன்படுத்தி அவருக்கு பிக் பாஸில் கலந்து கொள்ளும் வாய்ப்பு கிடைத்தது. பிக் பாஸ் சீசன் 5 நிகழ்ச்சியில் முக்கிய போட்டியாளராக கலந்து கொண்டார். தன்னுடைய இயல்பான பேச்சு, நகைச்சுவை உணர்வு, நேர்மையாக விளையாடிய விதம் ஆகியவற்றின் காரணமாக பிக் பாஸ் ரசிகர்களின் அன்பைப் பெற்றார். இதன் காரணமாக சீசன் 5 போட்டியாளராகவும் அவர் வெற்றி பெற்றார். பிக் பாஸ் நிகழ்ச்சி மூலமாக அவருடைய ரசிகர் பட்டாளம் மேலும் பெருகியது.

கதாநாயகனாக அறிமுகம் ஆகும் ராஜூ

சின்னத்திரை மட்டுமல்லாமல் வெள்ளித்திரையிலும் சில படங்களில் நடித்துள்ளார். ‘நட்புனா என்னனு தெரியுமா’, ‘முருங்கைக்காய் சிப்ஸ்’, ‘டான்’ போன்ற படங்களில் துணை வேடங்களில் நடித்திருக்கிறார். இந்த நிலையில் அவர் கதாநாயகனாக நடிக்கும் ஒரு திரைப்படம் தான் ‘பன் பட்டர் ஜாம்’. Gen Z தலைமுறையின் உறவுகளைப் பற்றி பேசும் நகைச்சுவையான கோணத்தில் இந்த படம் உருவாக்கப்பட்டுள்ளது. இந்த படத்தை ராகவ் மிர்தாத் என்பவர் இயக்கியிருக்கிறார். கதாநாயகிகளாக ஆத்யா பிரசாத் மற்றும் பவ்யா ட்ரிக்கா ஆகியோ நடித்துள்ளனர். மேலும் இவர்களுடன் நடிகர்கள் சார்லி, சரண்யா பொன்வண்ணன், தேவதர்ஷினி, மைக்கேல் தங்கதுரை, விஜய் டிவி தொகுப்பாளர் பப்பு ஆகியோரும் நடித்துள்ளனர்.

‘பன் பட்டர் ஜாம்’ படத்தின் ஸ்டீலர் டிரெய்லர்

ரெயின் ஆப் ஆரோஸ் தயாரிப்பு நிறுவனம் இந்த படத்தை தயாரிக்க நிவாஸ் கே பிரசன்னா இசையமைத்துள்ளார். படத்தின் ஃபர்ஸ்ட் லுக் போஸ்டர் சில மாதங்களுக்கு முன்பு வெளியானது. படத்திலிருந்து “தியா தியா..” என்கிற சித் ஸ்ரீராம் பாடியுள்ள பாடல் சில நாட்களுக்கு முன்பாக வெளியாகி நல்ல வரவேற்பைப் பெற்றது. படம் ஜூலை 18 ஆம் தேதி வெளியாகும் என்று படக்குழுவினர் அறிவித்துள்ளனர். இந்த நிலையில் ஸ்டீலர் காட்சியை படக்குழுவினர் வெளியிட்டுள்ளனர். அதில் மகன் ராஜூவுக்கும், சரண்யா பொன் வண்ணனுக்கும் இடையே நடக்கும் உரையாடல் காட்சிப்படுத்தப்பட்டுள்ளது. அதில் ராஜூ தனது முதல் நாள் கல்லூரி அனுபவத்தை தாயிடம் நகைச்சுவையாக கூறும் ஐந்து நிமிடக் காட்சிகள் இடம் பெற்றுள்ளது.

ஜப்பான் வாடை அடிக்குதே... வா வாத்தியார் டிரெய்லர் ரியாக்‌ஷன் எப்படி இருக்கு?

Ganesh A — Sat, 06 Dec 2025 12:56:33 +0530

நலன் குமாரசாமி இயக்கத்தில் கார்த்தி, கீர்த்தி ஷெட்டி, ராஜ்கிரண் நடிப்பில் உருவாகி இருக்கும் வா வாத்தியார் திரைப்படத்தின் டிரெய்லர் வெளியாகி இணையத்தில் வைரலாகி வருகிறது.

சூது கவ்வும், காதலும் கடந்து போகும் போன்ற வெற்றிப்படங்களை இயக்கியதன் மூலம் தனக்கென ஒரு ரசிகர் பட்டாளத்தை உருவாக்கி வைத்திருப்பவர் நலன் குமாரசாமி, அவர் இயக்கத்தில் தற்போது உருவாகி இருக்கும் திரைப்படம் வா வாத்தியார். இப்படத்தை ஸ்டுடியோ கிரீன் நிறுவனம் சார்பாக கே.இ.ஞானவேல்ராஜா தயாரித்துள்ள இப்படத்தில் நடிகர் கார்த்தி ஹீரோவாக நடித்திருக்கிறார். அவருக்கு ஜோடியாக கீர்த்தி ஷெட்டி நடித்திருக்கிறார். இப்படத்திற்கு சந்தோஷ் நாராயணன் இசையமைத்து உள்ளார்.

வா வாத்தியார் திரைப்படம் ஷூட்டிங் முடிந்து பல மாதங்களாக கிடப்பில் போடப்பட்டு இருந்தது. இம்மாதம் 5-ந் தேதியே ரிலீஸ் ஆகும் என எதிர்பார்க்கப்பட்ட இப்படம் டிசம்பர் 12-ந் தேதிக்கு ஒத்திவைக்கப்பட்டது. ரஜினி பிறந்தநாள் அன்று வா வாத்தியார் திரைப்படம் திரைக்கு வர உள்ளது. இப்படத்தில் நடிகர் கார்த்தி உடன் ராஜ்கிரண், கருணாகரன், சத்யராஜ், ஷில்பா மஞ்சுநாத், ஆனந்தராஜ், ஜிஎம் சுந்தர், ரமேஷ் திலக் என மிகப்பெரிய நட்சத்திர பட்டாளமே நடித்திருக்கிறது.

வா வாத்தியார் திரைப்படத்தில் ஒளிப்பதிவாளராக ஜார்ஜ் சி வில்லியம்ஸ் பணியாற்றி உள்ளார். மேலும் படத்தொகுப்பு பணிகளை வெற்றிகிருஷ்ணன் மேற்கொண்டிருக்கிறார். இப்படத்தின் பாடல்களை விவேக், முத்தமிழ், கெழுத்தி, துரை ஆகியோர் எழுதி உள்ளனர். இப்படத்தின் டிரெய்லர் இன்று ரிலீஸ் ஆகி இருக்கிறது. இந்த டிரெய்லரை நடிகர் சூர்யா தான் வெளியிட்டார். அதோடு படக்குழுவுக்கு தன்னுடைய வாழ்த்துக்களையும் தெரிவித்துள்ளார் சூர்யா.

வா வாத்தியார் டிரெய்லரை பார்க்கும் போது இது ஒரு ஃபேண்டஸி கலந்த காமெடி படமாக இருக்கும் என எதிர்பார்க்கப்படுகிறது. இந்த டிரெய்லரில் கவனம் ஈர்க்கும் காட்சிகள் எதுவும் இல்லாததால், இது நடிகர் கார்த்திக்கு மற்றுமொரு ஜப்பான் ஆக அமைய வாய்ப்பு இருப்பதாக கூறுகின்றனர். மற்றொருவர் போட்டுள்ள பதிவில், வா வாத்தியார்... இன்னொரு ஜப்பான் போல தோணுது.. பாப்போம் எதனா கிளிக் ஆகுமானு என பதிவிட்டுள்ளார். கங்குவா தோல்விக்கு பின் ஞானவேல் ராஜா தயாரிப்பில் ரிலீஸ் ஆகும் படம் இது என்பதால் இப்படத்தை அவர் மலைபோல் நம்பி இருக்கிறார்.

#VaaVaathiyaar #NalanKumarasamy #KrithiShetty #Karthi #SantoshNarayanan I am gonna be honest. Trailer looks so cringe and non funny. They are going for a quirky fantasy vibe but it looks like a huge misfire. This might be another Japan for Karthi! Disappointing from #Kollywood pic.twitter.com/4dFdy1fj3r

— AllAboutMovies (@MoviesAbout12) December 6, 2025

வா வாத்தியார்...இன்னொரு ஜப்பான் போல தோணுது..பாப்போம் எதனா கிளிக் ஆகுமானு.... pic.twitter.com/DPrCGXrhT2

— குருவியார் (@Kuruviyaaroffl) December 6, 2025

டிரெய்லரே இம்புட்டு மாஸா இருக்கே... அப்போ கூலி காலி தான்! மிரள வைக்கும் வார் 2 டிரெய்லர்

Ganesh A — Fri, 25 Jul 2025 12:42:03 +0530

அயன் முகர்ஜி இயக்கத்தில் ஹிரித்திக் ரோஷன், ஜூனியர் என்.டி.ஆர் நடிப்பில் உருவாகி உள்ள வார் 2 திரைப்படத்தின் டிரெய்லர் வெளியாகி வைரலாகி வருகிறது.

யங் டைகர் ஜூனியர் என்.டி.ஆர், பாலிவுட் நட்சத்திரம் ஹிரித்திக் ரோஷன் இணைந்து நடிக்கும் மல்டி ஸ்டார் படம் 'வார் 2'. YRF ஸ்பை யுனிவர்ஸின் ஒரு பகுதியாக உருவாகி உள்ள இப்படத்தை அயன் முகர்ஜி இயக்கியுள்ளார். இதன் முதல் பாகத்தின் வெற்றியைத் தொடர்ந்து, இரண்டாம் பாகத்தின் மீதான எதிர்பார்ப்பும் ரசிகர்கள் மத்தியில் அதிகமாக உள்ளது. இந்த ஆண்டின் பெரிய பான் இந்தியா படங்களில் ஒன்றான இதில் கியாரா அத்வானி நாயகியாக நடிக்கிறார். ஆகஸ்ட் 14-ம் தேதி வெளியாகும் இந்தப் படத்தின் டிரெய்லர் தற்போது வெளியாகியுள்ளது. அதிரடி காட்சிகள் நிறைந்த டிரெய்லர், பின்னணியில் ஜூனியர் என்.டி.ஆர், ஹிரித்திக் ரோஷனின் குரல், ரசிகர்களைக் கவர்ந்துள்ளது.

என் பெயர், அடையாளம், வீடு, குடும்பம் அனைத்தையும் விட்டுவிட்டு ஒரு நிழலாகவே இருப்பேன் என்று ஹிரித்திக் கூறும் வசனம், அவரது கதாபாத்திரம் எப்படி இருக்கும் என்பதைக் காட்டுகிறது. யாராலும் செய்ய முடியாததை நான் செய்வேன் என்று என்.டி.ஆர் கூறும் வசனம் ஆர்வத்தைத் தூண்டுகிறது. டிரெய்லரில் உள்ள வசனங்கள் என்.டி.ஆர், ஹிரித்திக் இடையேயான வார்த்தைப் போராகத் தெரிகிறது. இருவரும் மோதிக் கொள்ளும் அதிரடி காட்சிகள் பரபரப்பை ஏற்படுத்துகின்றன. விமானங்களில் நடைபெறும் சண்டைக் காட்சிகள் உச்சக்கட்ட பரபரப்பை ஏற்படுத்துகின்றன. டிரெய்லரின் கிராபிக்ஸ் சிறப்பாக உள்ளது.

Get ready for the storm, the WAR begins now! #War2Trailer (Tamil) is out!#War2 releasing in Hindi, Telugu & Tamil on August 14th in cinemasworldwide!@iHrithik | @tarak9999 | @advani_kiara | #AyanMukerji | #YRFSpyUniverse pic.twitter.com/n94wSKxLzo

— Yash Raj Films (@yrf) July 25, 2025

அதிரடிப் பட ரசிகர்கள், என்.டி.ஆர், ஹிரித்திக் ரசிகர்கள் ஆகஸ்ட் 14-ம் தேதி 'வார் 2' படத்திற்குத் தயாராக வேண்டும் என்பதை உணர்த்தும் விதமாக டிரெய்லர் உள்ளது. கியாரா அத்வானி பிகினியில் கவர்ச்சி காட்டி, ஹிரித்திக்குடன் காதல் காட்சிகளிலும், அதிரடி காட்சிகளிலும் நடித்துள்ளார். டிரெய்லர் படத்தின் மீதான எதிர்பார்ப்பை அதிகரித்துள்ளது. வார் 2 திரைப்படம் ஆகஸ்ட் 14-ந் தேதி ரஜினிகாந்தின் கூலி படத்திற்கு போட்டியாக ரிலீஸ் ஆக உள்ளது. இந்த டிரெய்லர் மூலம் வார் 2 படம் கூலி படத்தின் பாக்ஸ் ஆபிஸ் வசூல் வேட்டைக்கு முட்டுக்கட்டையாக இருக்கும் என்பது மட்டும் உறுதியாக தெரிகிறது.

வார் 2 திரைப்படத்தின் மூலம் ஹிரித்திக் ரோஷனும், ஜூனியர் என்.டி.ஆரும் முதன்முறையாக கூட்டணி அமைத்துள்ளதால் இந்த ஆண்டின் முதல் 1000 கோடி வசூல் படமாக வார் 2 இருக்கும் என எதிர்பார்க்கப்படுகிறது. இது ஜூனியர் என்.டி.ஆரின் முதல் பாலிவுட் படம். இப்படத்திற்கு தென்னிந்தியாவிலும் மிகப்பெரிய அளவில் எதிர்பார்ப்பு உள்ளது. இதனால் ரஜினியின் கூலி படத்தின் 1000 கோடி வசூல் கனவை சல்லி சல்லியாய் நொறுக்க வார் 2 காத்திருக்கிறது என்பது மட்டும் உறுதியாக தெரிகிறது. இரண்டுமே பான் இந்தியா படங்கள் என்பதால் கடும் போட்டி நிலவி வருகிறது.

Kuberaa OTT : குபேரா படத்தை கோடிகளை கொட்டி வாங்கிய பிரபல ஓடிடி தளம்.. எப்போ ரிலீஸ் தெரியுமா?

Ramprasath S — Tue, 24 Jun 2025 14:54:10 +0530

Kuberaa OTT release update

தனுஷ், ராஷ்மிகா மந்தனா, நாகார்ஜூனா ஆகியோர் நடிப்பில் உருவான திரைப்படம் தான் ‘குபேரா’. இந்தப் படத்தை சேகர் கம்முலா இயக்க வெங்கடேஸ்வரா சினிமாஸ் LLP மற்றும் அமிகோஸ் நிறுவனங்கள் இணைந்து தயாரித்திருந்தன. படத்திற்கு தேவி ஸ்ரீ பிரசாத் இசையமைத்திருக்கிறார். படம் ஜூன் 20 ஆம் தேதி வெளியாகி ஐந்து நாட்களை கடந்துள்ள நிலையில், படம் ரூ.55 கோடிகளை வசூலித்திருப்பதாக கூறப்படுகிறது. படத்திற்கு கலவையான விமர்சனங்களே கிடைத்து வருகின்றன. ஆந்திரா மற்றும் தெலங்கானாவில் சேகர் கம்முலாவிற்கு பெரிய ரசிகர் பட்டாளம் இருப்பதால், அந்த மாநிலங்களில் படத்தின் வசூல் அதிகமாக உள்ளது. 70% வசூல் ஆந்திரா, தெலங்கானா மாநிலங்களில் இருந்தும், மீதி 30% தமிழ்நாடு, கேரளா, கர்நாடகா ஆகிய மாநிலங்களிலிருந்தும் கிடைத்திருப்பதாக தகவல் வெளியாகியுள்ளது.

ஆந்திராவில் மிகப்பெரிய வெற்றி பெற்ற குபேரா

சமீப காலமாக தெலுங்கு இயக்குனர்கள் தமிழ் நடிகர்களை வைத்து படம் இயக்க ஆர்வம் காட்டி வருகின்றனர். கடந்த ஆண்டு தனுஷ் ‘வாத்தி’ திரைப்படத்தில் நடித்திருந்தார். தமிழ், தெலுங்கு என இரு மொழிகளில் உருவாகி இருந்த இந்த திரைப்படத்திற்கு தமிழகத்தில் பெரிய அளவு வரவேற்பு கிடைக்கவில்லை. இருப்பினும் ஆந்திரா மற்றும் தெலங்கானாவில் படம் பாசிட்டிவ் விமர்சனங்களை பெற்று ரூ.100 கோடிக்கும் அதிகமான வசூலை கொடுத்திருந்தது. அதை தொடர்ந்து தற்போது சேகர் கம்முலா இயக்கத்தில் அவர் ‘குபேரா’ படத்தில் நடித்து முடித்துள்ளார். இந்த படமும் தமிழ் தெலுங்கு என இரண்டு மொழிகளில் உருவாகி மலையாளம், கன்னடம், ஹிந்தி ஆகிய மொழிகளில் டப் செய்யப்பட்டு வெளியிடப்பட்டது. இரு மொழிகளில் உருவாகியிருந்த போதிலும் இயக்குனர் தெலுங்கு என்பதால் வெற்றி விழா எல்லாம் ஆந்திராவிலேயே கொண்டாடப்பட்டு விட்டது.

குபேரா படத்தை வாங்கிய அமேசான் பிரைம்

ஆந்திராவில் வசூலில் முன்னணியில் இருக்கும் ‘குபேரா’ திரைப்படம் தமிழில் வசூல் ரீதியாகவும், விமர்சன ரீதியாகவும் பின்னடைவை சந்தித்துள்ளது. படத்தின் நீளம், பல இடங்களில் ஏற்பட்ட லாஜிக் மீறல்கள், திரைக்கதை நகரும் வேகம், இரண்டாம் பாதியில் ஏற்படும் சலிப்பு ஆகியவை படத்திற்கு பின்னடைவாக பார்க்கப்படுகிறது. சில திரை விமர்சகர்களும் படம் குறித்து எதிர்மறை விமர்சனங்களையே கூறினர். இதன் காரணமாக படத்தின் வசூல் தமிழகத்தில் குறையத் தொடங்கியுள்ளது. மேலும் அடுத்த வாரத்தில் பல தமிழ்ப் படங்கள் வெளியீட்டிற்கு வரிசை கட்டி நிற்பதால் ‘குபேரா’ படத்திற்கான வசூல் மேலும் குறைய வாய்ப்பிருப்பதாக கூறப்படுகிறது. எனவே படத்தை விரைவாக ஓடிடி தளத்தில் வெளியிடப்பட படக்குழுவினர் திட்டமிட்டுள்ளதாக கூறப்படுகிறது. ஒரு படம் வெளியாகி குறைந்தது மூன்று வாரங்களுக்கு பின்னரே ஓடிடியில் வெளியிடுவது வழக்கம்.

ஜூலை 18 ஓடிடியில் வெளியாகும் குபேரா?

அந்த வரிசையில் ஜூலை 18-ஆம் தேதி அதிகபட்சமாக ‘குபேரா’ படம் ஓடிடியில் வெளியாக வாய்ப்புகள் அதிகம் உள்ளதாக கூறப்படுகிறது. ஆனால் இதுவரை இது குறித்த அதிகாரப்பூர்வ அறிவிப்பு ஏதும் வெளியாகவில்லை. இந்த படத்தை அமேசான் பிரைம் நிறுவனம் ரூ.47 கோடிக்கு வாங்கி உள்ளதாக இணையத்தில் தகவல்கள் கசிந்துள்ளன. படத்தின் வசூல் நிலவரங்களை பொறுத்தே எப்போது ஓடிடி தளத்தில் படம் வெளியிடப்படும் என படக்குழு அறிவிக்கும். ஆனால் ஓடிடியில் வெளியாகும் வரை காத்திருந்து படத்தை பார்க்க வேண்டாம். தனுஷுக்காக ஒரு முறை இந்த படத்தை திரையரங்குகளுக்கு சென்று பார்க்கலாம் என்று தனுஷின் ரசிகர்கள் கூறி வருகின்றனர்.

தமிழ் படத்தின் காப்பியா? ரசிகர்களை கன்பியூஸ் ஆக்கிய தனுஷின் தேரே இஷ்க் மெயின் டிரெய்லர்

Ganesh A — Sat, 15 Nov 2025 09:24:00 +0530

Tere Ishk Mein Trailer : கிருத்தி சனோன் மற்றும் தனுஷ் நடிக்கும் 'தேரே இஷ்க் மெயின்' திரைப்படம் வருகிற நவம்பர் 28-ந் தேதி ரிலீஸ் ஆக உள்ளது. 2025-ஆம் ஆண்டின் மிகவும் எதிர்பார்க்கப்படும் படங்களில் ஒன்றான இதன் டிரெய்லர் தற்போது வெளியாகி, சில நொடிகளில் இணையத்தில் வைரலானது. தனுஷ் மற்றும் கிருத்தியின் அசத்தலான நடிப்பு மற்றும் ஏ.ஆர். ரஹ்மானின் மயக்கும் இசையால், இந்த டிரெய்லர் சினிமா ரசிகர்களின் கவனத்தை வெகுவாக ஈர்த்துள்ளது.

டிரெய்லரைப் பகிர்ந்த தயாரிப்பாளர்கள் இன்ஸ்டாகிராமில், #TereIshkMein ஆனந்த் எல் ராயின் பிரம்மாண்டமான உலகின் டிரெய்லர் - நவம்பர் 28, 2025 அன்று இந்தி, தமிழ் மற்றும் தெலுங்கில் திரையரங்குகளில் வெளியாகிறது" என்று எழுதியுள்ளனர். டிரெய்லரைப் பார்க்கும்போது, முக்தி (கிருத்தி) என்ற இளம் பெண், ஆக்ரோஷமான, முரட்டுத்தனமான, விதிகளை மீறும் சங்கர் (தனுஷ்) மீது காதல் கொள்கிறார். ஆனால், அவர்களது காதல் மலர்வதற்குள் சூழ்நிலைகள் அவர்களைப் பிரிக்கின்றன.

தேரே இஷ்க் மெயின் டிரெய்லர்

காதல் தோல்வியைத் தாங்க முடியாமல், தனுஷின் கதாபாத்திரம் பழிவாங்கும் எண்ணத்துடன், தனது உடைந்த இதயத்திற்காக 'டெல்லி முழுவதையும்' எரிப்பதாக சபதம் ஏற்கிறது. இந்த டிரெய்லரை பார்த்த ரசிகர்கள், இது காதல் கொண்டேன் படம் மாதிரி இருப்பதாகவும், ஒருவேளை இது காதல் கொண்டேன் ரீமேக்கா என்றும் கேள்வி எழுப்பி வருகின்றனர்.

இயக்குநர் ஆனந்த் எல் ராய், 2013-ல் தனுஷ் நடிப்பில் வெளியான தனது காதல் படமான 'ராஞ்சனா'-வின் 10-வது ஆண்டு விழாவில் இந்தத் படத்தை முதலில் அறிவித்தார். இந்த அறிவிப்புடன் வெளியான டீசரில், குறுகிய சந்துகள் மற்றும் பதற்றமான சூழலுக்கு மத்தியில் தனுஷின் தீவிரமான வசனம் இடம்பெற்றிருந்தது. "பிச்சிலி பார் தோ குந்தன் தா, மான் கயா. பர் இஸ் பார் சங்கர் கோ கைசே ரோகோகே?" என்று அவர் கூறுவது, இந்தப் படத்தில் ஒரு புதிய மற்றும் மிகவும் ஆக்ரோஷமான கதாபாத்திரத்தை உணர்த்துகிறது.

தேரே இஷ்க் மெயின் படத்தை குல்ஷன் குமார், டி-சீரிஸ், மற்றும் கலர் யெல்லோ புரொடக்ஷன்ஸ் நிறுவனங்கள் தயாரிக்கின்றன. ஆனந்த் எல் ராய், ஹிமான்ஷு ஷர்மா, பூஷன் குமார், மற்றும் கிரிஷன் குமார் ஆகியோர் தயாரிப்பாளர்களாக உள்ளனர். இப்படம் நவம்பர் 28-ஆம் தேதி திரையரங்குகளில் வெளியாகிறது.

அடுத்தவன் ஃபீலிங்ஸ கிரிஞ்சா பாக்குறது தான் இப்ப டிரெண்டே... டியூட் படத்தின் அதகளமான டிரெய்லர் இதோ

Ganesh A — Thu, 09 Oct 2025 12:10:30 +0530

கீர்த்தீஸ்வரன் இயக்கத்தில் பிரதீப் ரங்கநாதன் நடிப்பில் இந்த ஆண்டு தீபாவளிக்கு திரைக்கு வர உள்ள டியூட் திரைப்படத்தின் லவ் மற்றும் ஆக்‌ஷன் கலந்த டிரெய்லர் வெளியாகி வைரலாகிறது.

இயக்குநராகவும், நடிகராகவும் ஜொலித்தவர் பிரதீப் ரங்கநாதன். பெரும் வரவேற்பைப் பெற்ற 'லவ் டுடே' படத்தை இயக்கி, கதாநாயகனாக நடித்த இவர், அதற்கு முன்பே 'கோமாளி' படத்தையும் இயக்கியுள்ளார். லவ் டுடே படத்தின் மூலம் ஹீரோவாக நடிக்க அறிமுகமான பிரதீப்புக்கு நல்ல வரவேற்பு கிடைத்ததால் தொடர்ந்து ஹீரோவாக நடிக்கத் தொடங்கினர். இந்த நிலையில், இவர் நடிப்பில் இந்த ஆண்டு வெளியான டிராகன் திரைப்படம் மாபெரும் வசூல் வேட்டையாடியது. டிராகன் படத்தின் அதிரிபுதிரியான வெற்றியை தொடர்ந்து ரசிகர்களுக்கு தீபாவளி விருந்து கொடுக்க தயாராகிவிட்டார் பிரதீப் ரங்கநாதன்.

அவர் ஹீரோவாக நடித்துள்ள டியூட் திரைப்படம் தீபாவளிக்கு ரிலீஸ் ஆகிறது. கீர்த்தீஸ்வரன் இயக்கியுள்ள இப்படத்தில் பிரதீப் ரங்கநாதன் ஜோடியாக மமிதா பைஜு நடித்துள்ளார். பிரபல இயக்குநர் சுதா கொங்கராவின் உதவியாளராக இருந்த கீர்த்தீஸ்வரனின் இயக்கத்தில் உருவாகும் முதல் படம் இது. இப்படத்தின் மூலம் தமிழ் திரையுலகில் இசையமைப்பாளராக அறிமுகமாகி உள்ளார் சாய் அபயங்கர். அவர் இசையில் இதுவரை வெளியான இப்படத்தின் பாடல்கள் அனைத்தும் சூப்பர் டூப்பர் ஹிட் அடித்தன.

இந்த நிலையில் டியூட் திரைப்படத்தின் டிரெய்லரை படக்குழு இன்று ரிலீஸ் செய்துள்ளது. இந்த டிரெய்லர் மூலம் இது ஆக்‌ஷன், ரொமான்ஸ், காமெடி கலந்த பக்காவான கமர்ஷியல் படம் என்பது உறுதியாக தெரிகிறது. இதில் பிரதீப்பும் மமிதாவும் ஈவண்ட் மேனேஜ்மெண்ட் கம்பெனி நடத்துகிறார்கள். அவர்கள் இடையே காதல் மலர்கிறது. மமிதாவை திருமணம் செய்ய ஆசைப்படுகிறார் பிரதீப், ஆனால் மமிதாவுக்கு திருமணத்தின் மீது விருப்பம் இல்லை. இதையடுத்து என்ன ஆனது என்பதை லவ், ஆக்‌ஷன் டிராமா படமாக கொடுத்திருக்கிறார் இயக்குனர் கீர்த்தீஸ்வரன்.

பிரதீப் ரங்கநாதனுக்கு இதற்கு முந்தைய படங்களில் பெரியளவில் ஆக்‌ஷன் காட்சிகள் இல்லை. ஆனால் இந்த படத்தில் ஆக்‌ஷனில் பின்னி பெடலெடுத்துள்ளார். அவரை கிண்டலடிக்கும் டயலாக்கும் டிரெய்லரில் இடம்பெற்று இருக்கிறது. இந்த உடம்ப வச்சிட்டு சண்டைக்கு போறியே... உன்னால் பத்து பேர் வந்தாலும் சமாளிக்க முடியுமா என மமிதா கேட்க, அதற்கு அவர், 100 பேர் வந்தாலும் என்னால சமாளிக்க முடியும் என பஞ்ச் டயலாக் பேசி இருக்கிறார். இதனால் இந்த வருட தீபாவளிக்கு பக்கா ட்ரீட் ஆக டியூட் படம் இருக்கும் என எதிர்பார்க்கப்படுகிறது.

கேசரி தான்... கேசரியே தான்..! ஜனநாயகன் ட்ரெய்லரில் இதெல்லாம் நோட் பண்ணீங்களா?

Ganesh A — Sat, 03 Jan 2026 20:00:34 +0530

நடிகர் விஜய் நடித்துள்ள ஜனநாயகன் திரைப்படத்தின் ட்ரெய்லர் ரிலீஸ் ஆகி உள்ள நிலையில், இது பகவந்த் கேசரி ரீமேக் தான் என்கிற விவாதம் மீண்டும் எழத் தொடங்கி உள்ளது. அதைப்பற்றி பார்க்கலாம்.

நடிகர் விஜய்யின் 69-வது படம் ஜனநாயகன். இப்படத்தை எச்.வினோத் இயக்கி உள்ளார். இது தெலுங்கில் பாலகிருஷ்ணா நடித்து பிளாக்பஸ்டர் ஹிட்டான பகவந்த் கேசரி படத்தின் ரீமேக் என்று தொடர்ந்து கூறப்பட்டு வந்தாலும், இயக்குனர் எச்.வினோத் அதை ஏற்க மறுத்தார். இது தளபதி படம் என அவர் கூறி இருந்தார். ஆனால் தற்போது வெளியாகி இருக்கும் ட்ரெய்லரில் பகவந்த் கேசரி படத்தோடு ஒத்துப்போகும் காட்சிகள் சில இடம்பெற்று உள்ளன. தெலுங்கில் பாலகிருஷ்ணா, ஸ்ரீ லீலாவுக்கு பாக்ஸிங் பயிற்சி கொடுக்கும் காட்சியை அப்படியே இதில் விஜய் - மமிதா பைஜுவை வைத்து எடுத்திருக்கிறார்கள்.

பகவந்த் கேசரியில் ஸ்ரீலீலாவை ஆர்மியில் சேர்த்து விட வேண்டும் என்கிற முனைப்போடு பாலய்யா இருப்பார். அவரிடம் தனக்கு ஆர்மியெல்லாம் வேண்டாம் என ஸ்ரீலீலா சொல்வார். அதே காட்சி ஜனநாயகன் ட்ரெய்லரிலும் காண முடிகிறது. எனக்கு இந்த ஆர்மியெல்லாம் வேண்டாம், பாரு என் கையெல்லாம் எப்படி நடுங்குதுனு என விஜய்யிடம், மமிதா பேசும் டயலாக் இடம்பெற்றுள்ளது. இந்த காட்சியும் இரண்டு படங்களுக்கும் ஒத்துப் போகிறது.

பகவந்த் கேசரி படத்தில் ஒரு கம்பெனியில் வைத்து செம மாஸான ஆக்‌ஷன் காட்சி இடம்பெற்று இருக்கும். அதில் பாலய்யா லாரியில் பறந்து வந்து மாஸ் எண்ட்ரி கொடுப்பார். அதை தமிழில் அப்படியே எடுத்தால் ட்ரோல் செய்வார்கள் என்பதால், அதில் சற்று மசாலாவை குறைத்து விஜய் ஜீப்பில் எண்ட்ரி கொடுத்து, அங்குள்ள ரெளடிகளிடம் என் பொண்ணை தொட சொன்னவன் யாரு என கேட்டு, ரெளடிகளை அடிச்சு துவம்சம் செய்யும் காட்சி ஜனநாயகன் டிரெய்லரில் இடம்பெற்றுள்ளது. இந்த காட்சியும் இரண்டு படங்களுக்கும் காமனாக உள்ளது.

இப்படி ட்ரெய்லரிலேயே காட்சிகள் ஒத்துப்போனாலும் இது முழுக்க முழுக்க பகவந்த் கேசரி ரீமேக் ஆக இருக்கவும் வாய்ப்பில்லை என்கிற பேச்சும் அடிபடுகிறது. பகவந்த் கேசரி படத்தில் உள்ள சில காட்சிகளை மட்டும் பட்டி டிங்கரிங் பார்த்து தமிழ் ஆடியன்ஸுக்கு ஏற்றார் போல் மாற்றி இருப்பதாகவும், மீதமுள்ள 50 சதவீத படம் ஃபிரெஷ் ஆனது என்றும் கூறப்படுகிறது. எது எப்படியோ படம் ரிலீஸ் ஆனால் இது ரீமேக்கா இல்லையா என்பது தெரிந்துவிடும். அதுவரை காத்திருப்போம்.

Coolie Trailer : பாட்ஷா பாதி; தளபதி மீதி... அதிரடி சரவெடியாக வெளிவந்த கூலி டிரெய்லர்

Ganesh A — Sat, 02 Aug 2025 19:15:29 +0530

லோகேஷ் கனகராஜ் இயக்கத்தில் சூப்பர்ஸ்டார் ரஜினிகாந்த் நடிப்பில் பிரம்மாண்டமாக உருவாகி உள்ள கூலி திரைப்படத்தின் டிரெயிலர் ரிலீஸ் ஆகி உள்ளது.

தமிழ் சினிமாவில் அதிகம் எதிர்பார்க்கப்படும் படங்களில் ஒன்று தான் கூலி. விக்ரம், லியோ, மாஸ்டர் போன்ற பிரம்மாண்ட வெற்றிப் படங்களை கொடுத்த லோகேஷ் கனகராஜ் தான் இப்படத்தை இயக்கி உள்ளார். இப்படத்தில் சூப்பர்ஸ்டார் ரஜினிகாந்த் ஹீரோவாக நடித்துள்ளார். மேலும் அவருடன் பாலிவுட் சூப்பர்ஸ்டார் அமீர்கான், தெலுங்கு மாஸ் நடிகர் நாகார்ஜுனா, கன்னட நடிகர் உபேந்திரா, மலையாள நடிகர் செளபின் சாஹிர், இதுதவிர தமிழ் நடிகர் சத்யராஜ், நடிகை ஸ்ருதிஹாசன் என மல்டிஸ்டாரர் படமாக இந்த கூலி உருவாகி இருக்கிறது. இப்படத்தை சன் பிக்சர்ஸ் நிறுவனம் சார்பில் கலாநிதி மாறன் தயாரித்துள்ளார்.

கூலி திரைப்படத்திற்கு அனிருத் இசையமைத்துள்ளார். லோகேஷ் - அனிருத் கூட்டணி என்றாலே அதில் பாடல்கள் பட்டாசாய் இருக்கும். அந்த வகையில் கூலி படத்திலும் இதுவரை வெளியான மூன்று பாடல்களுமே ஹிட் அடித்துள்ளன. அதிலும் மோனிகா பாடல் பான் இந்தியா அளவில் ஹிட் அடித்துள்ளது. அப்பாடலுக்கு நடிகர் செளபின் சாஹிர் உடன் நடிகை பூஜா ஹெக்டே குத்தாட்டம் போட்டுள்ளார். இப்படத்திற்கு கிரீஷ் கங்காதரன் ஒளிப்பதிவு செய்துள்ளார். இதற்கு முன்னர் லோகேஷ் கனகராஜ், இயக்கிய விக்ரம் படத்தில் ஒளிப்பதிவாளராக பணியாற்றிய அவர், தற்போது கூலி படத்திற்காக மீண்டும் இணைந்துள்ளார்.

கூலி திரைப்படம் வருகிற ஆகஸ்ட் 14ந் தேதி திரையரங்குகளில் ரிலீஸாக உள்ளது. அதன் வெளியீட்டிற்கு இன்னும் இரண்டு வாரங்களே உள்ளதால், தற்போதே கூலி படத்தின் புரமோஷன் வேலைகள் முழுவீச்சில் தொடங்கி நடைபெற்று வருகின்றன. இயக்குனர் லோகேஷ் கனகராஜும் தொடர்ந்து பல்வேறு யூடியூப் சேனல்களுக்கு பேட்டியளித்த வண்ணம் உள்ளார். இந்த நிலையில், கூலி படத்தின் பிரம்மாண்டமான இசை வெளியீட்டு விழா சென்னையில் உள்ள நேரு உள்விளையாட்டு அரங்கில் இன்று நடைபெறுகிறது. இதையொட்டி கூலி திரைப்படத்தின் மாஸான டிரெயிலரை படக்குழு வெளியிட்டு உள்ளது.

கூலி படத்தின் டிரெய்லரில் ஆரம்பம் முதல் மாஸ் காட்சிகள் நிரம்பி உள்ளது. டிரெய்லரில் நாகர்ஜுனா, செளபின் சாஹிர், அமீர்கான் ஆகியோர் அடங்கிய காட்சிகள் முதலில் நிரம்பி இருக்க, லேட்டா வந்தாலும் லேட்டஸ்டாக எண்ட்ரி கொடுக்கிறார் ரஜினி. இந்த வயதிலும் மாஸான ஆக்‌ஷன் காட்சிகளில் வில்லன்களை அடிச்சு துவம்சம் செய்திருக்கிறார். கடைசியாக தன்னுடைய குறும்புத்தனமான நடிப்பையும் ரஜினி வெளிப்படுத்தி இருப்பது தெரிகிறது. இதனால் இப்படம் பக்கா கமர்ஷியல் பேக்கேஜ் ஆக இருக்கும் என்பது டிரெய்லர் பார்க்கும் போதே தெரிகிறது. இந்த டிரெய்லர் யூடியூபில் செம வைரலாகி வருகிறது.

ரீ-ரிலீஸ் ஆகும் விஜய்யின் குஷி... எஸ்.ஜே.சூர்யா வெளியிட்ட அதகளமான டிரெய்லர் இதோ

Ganesh A — Thu, 18 Sep 2025 13:39:26 +0530

Kushi Re Release Trailer : தமிழ் சினிமாவில் ரீ-ரிலீஸ் டிரெண்ட் கடந்த ஆண்டு உருவானது. கடந்த வருடம் தமிழ் சினிமாவில் புதுப்படங்கள் தொடர்ச்சியாக சொதப்பிய நிலையில், துவண்டு கிடந்த தமிழ் சினிமாவை சரிவில் இருந்து மீட்டது நடிகர் விஜய்யின் கில்லி படம் தான். அப்படம் கடந்த ஆண்டு ஏப்ரல் மாதம் ரீ-ரிலீஸ் ஆகி பாக்ஸ் ஆபிஸில் ரூ.50 கோடிக்கு மேல் வசூலை வாரிக் குவித்தது. அப்படம் ரிலீஸ் ஆன போது கிடைத்த வசூலைவிட இது அதிகமாகும்.

கில்லி படத்தை தயாரித்த ஏ.எம்.ரத்னம், அதன் ரீ-ரிலீஸுக்கு கிடைத்த ஏகோபித்த வரவேற்பால் குஷியாகி மீண்டும் படத் தயாரிப்பில் இறங்கினார். 7ஜி ரெயின்போ காலனி படத்தின் இரண்டாம் பாகத்தை அவர் தயாரித்து வருகிறார். சொல்லப்போனால் கில்லி ரீ-ரிலீஸ் மூலம் கிடைத்த லாபத்தில் தான் 7ஜி ரெயின்போ காலனி 2 படம் உருவாகிறதாம். கில்லி படத்திற்கு கிடைத்த வரவேற்பை அடுத்து தான் விஜய்யை வைத்து தயாரித்த மற்றொரு படமான குஷியையும் தற்போது ரீ-ரிலீஸ் செய்ய முடிவெடுத்துள்ளார் ஏ.எம்.ரத்னம்.

குஷி ரீ-ரிலீஸ்

அதன்படி எஸ்.ஜே.சூர்யா இயக்கத்தில் விஜய் நடிப்பில் கடந்த 2000-ம் ஆண்டு ரிலீஸ் ஆகி சக்கைப்போடு போட்ட படம் குஷி. அப்படம் ரிலீஸ் ஆகி 25 ஆண்டுகள் ஆகும் நிலையில், அதனை வருகிற செப்டம்பர் 25-ந் தேதி ரீ-ரிலீஸ் செய்ய உள்ளதாக அறிவித்துள்ளனர். நவீன தொழில்நுட்பத்திற்கு ஏற்ப அதில் பல்வேறு மாற்றங்கள் செய்யப்பட்டு புதுப் பொலிவுடன், ரீ-ரிலீஸ் செய்ய உள்ளனர். கில்லி படத்திற்கு கிடைத்த வரவேற்பை போல் குஷி படத்திற்கும் ரசிகர்கள் மத்தியில் நல்ல ரெஸ்பான்ஸ் கிடைக்கும் என எதிர்பார்க்கப்படுகிறது.

இந்த நிலையில் குஷி பட ரீ-ரிலீஸுக்காக ஸ்பெஷல் டிரெய்லர் ஒன்றை ரிலீஸ் செய்துள்ளார் இயக்குனர் எஸ்.ஜே.சூர்யா. அவரின் வாய்ஸ் ஓவர் உடன் வெளியாகி இருக்கும் இந்த டிரெய்லரில் விஜய்யை முதலில் தளபதி என குறிப்பிட்டு, பின்னர் இளைய தளபதி என மாற்றி இருக்கிறார்கள். அனைத்து பாடல்களுடன் செம Vibe ஆக இந்த டிரெய்லர் அமைந்துள்ளது. இந்த டிரய்லர் தற்போது இணையத்தில் வைரலாகி வருகிறது.

அருண் பாண்டியன் - கீர்த்தி பாண்டியன் இணைந்து நடித்துள்ள அஃகேனம் படத்தின் டிரெய்லர் வெளியீடு

Ramprasath S — Sun, 15 Jun 2025 13:42:22 +0530

Akkenam Official Trailer

நடிகர், தயாரிப்பாளர், விநியோகிஸ்தர், அரசியல்வாதி என பன்முகத் திறமையாளராக வலம் வருபவர் அருண் பாண்டியன். தமிழில் ‘இளஞ்சோடிகள்’ என்னும் படத்தின் மூலமாக அறிமுகமானார். ஆனால் இவருக்கு திருப்புமுனையை கொடுத்த திரைப்படம் என்றால் அது ‘ஊமை விழிகள்’ தான். இந்த படத்திற்குப் பின்னர் அவர் குறிப்பிட்ட நடிகராக அறியப்பட்ட அவர், ‘செந்தூரப்பூவே’, ‘காவியத்தலைவன்’, ‘பேராண்மை’, ‘வில்லு’, ‘அங்காடி தெரு’, ‘சவாலே சமாளி’ போன்ற படங்களை தயாரித்திருக்கிறார். ‘வேலைக்காரன்’, ‘மாயவன்’, ‘சர்க்கார்’, ‘விஸ்வாசம்’, ‘ரோமியோ’ போன்ற படங்களுக்கு விநியோகஸ்தராகவும் இருந்திருக்கிறார்.

‘அஃகேனம்’ படத்தில் நடித்துள்ள நடிகர்கள்

அருண் பாண்டியனுக்கு கவிதா, கிரானா மற்றும் கீர்த்தி என்று மூன்று மகள்கள் உள்ளனர். இதில் கீர்த்தி பாண்டியன் படங்களில் நடித்து வருகிறார். அவர் பிரபல நடிகர் அசோக் செல்வனை சமீபத்தில் திருமணம் செய்து கொண்டார். தற்போது கீர்த்தி பாண்டியன் மற்றும் அசோக் பாண்டியன் இருவரும் இணைந்து முதன்மை கதாபாத்திரத்தில் நடித்திருக்கும் படத்திற்கு ‘அஃகேனம்’ என்று பெயரிட்டப்பட்டுள்ளது. இந்த படத்தின் ஃபர்ஸ்ட் லுக் போஸ்டர் சமீபத்தில் வெளியானது. கே.உதய் இயக்கி இருக்கும் இந்த படத்தில் கீர்த்தி பாண்டியன், அருண் பாண்டியனுடன் இணைந்து பிரவீன் ராஜா, ரமேஷ் திலக், ஆதித்யா மேனன், சீதா, ஆதித்யா ஷிவ்பிங்க், எம். சுந்தர் உள்ளிட்ட பலர் நடித்துள்ளனர்.

ஜூலை 4ம் தேதி வெளியாகும் ‘அஃகேனம்’

பரத் வீரராகவன் இசையமைத்துள்ள இந்த படத்திற்கு, விக்னேஷ் கோவிந்தராஜன் ஒளிப்பதிவு செய்துள்ளார். படத்தொகுப்பு பணிகளை திவேத்தியன் கவனிக்க, கலை இயக்கத்தை ராஜா மேற்கொண்டுள்ளார். இந்த படத்தில் பணியாற்றும் தொழில்நுட்ப கலைஞர்கள் அனைவரும் ‘அஃகேனம்’ படத்தின் மூலமாக அறிமுகமாகிறார்கள் என்பது குறிப்பிடத்தக்கது. இந்த படத்தின் டிரெய்லரை படக் குழுவினர் தற்போது வெளியிட்டுள்ளனர் படம் வருகிற ஜூலை 4ம் தேதி வெளியாகிறது. பொழுதுபோக்கு அம்சங்களுடன் கூடிய படமாக இது இருக்கும் என்று எதிர்பார்க்கப்படுகிறது

விறுவிறுப்பான டிரெய்லர்

கார் டாக்ஸி டிரைவராக இருக்கும் கீர்த்தி பாண்டியன் சுற்றி பல பிரச்சனைகள் நடக்கிறது. அந்த பிரச்சனைகளிலிருந்து அவர் எப்படி மீள போகிறார் என்ற விறுவிறுப்புடன் டிரெய்லர் நகர்கிறது. இதனால் படத்தின் மீதான எதிர்பார்ப்பு மிக அதிகமாக இருக்கிறது.

Krishna : சிக்க வைத்த Code Word... ஸ்ரீகாந்தை தொடர்ந்து நடிகர் கிருஷ்ணா கைது!

Ganesh A — Thu, 26 Jun 2025 14:07:33 +0530

Krishna Arrested in Drugs Case : தமிழ் திரையுலகில் போதைப்பொருள் வழக்கு தற்போது பூதாகரமாக வெடித்துள்ளது. இந்த வழக்கில் நடிகர் ஸ்ரீகாந்த் முதலில் சிக்கினார். பிரதீப் என்பவர் கொடுத்த வாக்குமூலத்தின் அடிப்படையில் ஸ்ரீகாந்திடம் விசாரணை நடத்திய போலீசார் அவர் போதைப்பொருள் உட்கொண்டதை கண்டுபிடித்ததை அடுத்து அவரை கைது செய்து சென்னை புழல் சிறையில் அடைந்துள்ளனர். ஸ்ரீகாந்தை சிக்க வைத்த பிரதீப், நடிகர் கிருஷ்ணாவுக்கும் போதைப் பழக்கம் இருப்பதாக வாக்குமூலம் அளித்திருந்தார்.

நடிகர் கிருஷ்ணா வாக்குமூலம்

இதையடுத்து நடிகர் கிருஷ்ணாவை விசாரணைக்கு ஆஜராகக்கோரி சம்மன் அனுப்பப்பட்டது. ஆனால் அவர் எந்தவித ரிப்ளையும் கொடுக்காததால் நடிகர் கிருஷ்ணாவை பிடிக்க 5 தனிப்படை அமைக்கப்பட்டது. இந்த நிலையில் நேற்று கிருஷ்ணா பிடிபட்டார். அவரிடமும் போதைப்பொருள் வழக்கு தொடர்பாக விசாரணை மேற்கொள்ளப்பட்டது. இந்த விசாரணையில் தான் கடந்த ஆண்டு தான் ஆஞ்சியோ சிகிச்சை செய்துகொண்டதாகவும், உயர்ரக போதைப்பொருள் உட்கொள்ளும் அளவுக்கு தனது உடல்நிலை இல்லை என்று வாக்குமூலம் அளித்திருந்தார்.

அதுமட்டுமின்றி தனக்கு கேஸ்டிரிக் பிரச்சனை இருப்பதாகவும், ஏதேனும் அதிர்ச்சியான தகவல்களை கேட்டால் படபடப்பு வந்துவிடும் என்றும் கூறி இருந்தார். இதையடுத்து நடிகர் கிருஷ்ணாவுக்கு மருத்துவ பரிசோதனை மேற்கொள்ளப்பட்டது. அதில் அவர் கடந்த 45 நாட்களாக எந்தவித தடை செய்யப்பட்ட போதைப்பொருளும் உட்கொள்ளவில்லை என தெரியவந்தது. அவர் போதைப்பொருள் உட்கொள்ளாவிட்டாலும் அதை விற்பனை செய்தாரா என்கிற கோணத்தில் நேற்று இரவு முழுக்க கிருஷ்ணாவிடம் போலீசார் விசாரணை மேற்கொண்டனர்.

நடிகர் கிருஷ்ணா கைது

இந்த விசாரணையின் போது நடிகர் கிருஷ்ணாவின் செல்போனும் ஆய்வு செய்யப்பட்டது. அதில் அவர் கடந்த 2020-ம் ஆண்டு முதல் டெலிட் செய்திருந்த மெசேஜ்களை மீட்டு விசாரணை நடத்தினர். அதில் அவர் நண்பர்கள் சிலரிடம் Code Wordல் பேசியது தெரியவந்தது. அந்த Code Word.போதைப்பொருள் தொடர்பானதாக இருக்கலாம் என்பதால் நடிகர் கிருஷ்ணாவை அதிரடியாக கைது செய்த போலீசார் அவரிடம் Code Word.தொடர்பாக விசாரணை நடத்தி வருகிறார்கள். போதைப்பொருள் வழக்கில் அடுத்தடுத்து இரண்டு நடிகர்கள் சிக்கி உள்ளதால் பரபரப்பு நிலவி வருகிறது.

Trailer : சூர்யவம்சம் ஜோடியின் சொந்த வீடு கனவு நனவாகுமா? கவனம் ஈர்க்கும் 3BHK டிரெய்லர்!

Ganesh A — Thu, 26 Jun 2025 13:43:14 +0530

3BHK Movie Trailer : 8 தோட்டாக்கள் படம் மூலம் கவனம் ஈர்த்தவர் ஸ்ரீ கணேஷ். இதையடுத்து அதர்வாவின் குருதி ஆட்டம் படத்தை இயக்கிய அவர், தற்போது 3BHK என்கிற திரைப்படம் மூலம் கம்பேக் கொடுக்க தயாராகி வருகிறார். இப்படத்தை சாந்தி டாக்கீஸ் நிறுவனம் சார்பில் அருண் விஸ்வா தயாரித்து உள்ளார். இவர் முன்னதாக சிவகார்த்திகேயனின் மாவீரன் படத்தை தயாரித்திருந்தார். 3BHK திரைப்படத்தில் சித்தார்த் மற்றும் சரத்குமார் கதையின் நாயகர்களாக நடித்துள்ளனர். சரத்குமாரின் மகனாக சித்தார்த் நடித்திருக்கிறார்.

இப்படத்தில் மற்றுமொரு ஹைலைட்டான விஷயமாக தேவையானி - சரத்குமார் ஜோடி பார்க்கப்படுகிறது. சூர்யவம்சம் படத்திற்கு பின்னர் இருவரும் ஜோடி சேர்ந்து நடித்த படம் இது என்பதால் இதற்கு ரசிகர்கள் மத்தியில் மிகப்பெரிய அளவில் எதிர்பார்ப்பு உள்ளது. இப்படத்திற்கு அம்ரித் இசையமைத்து உள்ளார். இப்படத்தில் யோகிபாபு, மீதா ரகுநாத், சைத்ரா ஆகியோரும் முக்கிய கதாபாத்திரத்தில் நடித்துள்ளனர். இப்படம் வருகிற ஜூலை 4ந் தேதி திரையரங்குகளில் ரிலீஸ் ஆக உள்ளது.

3BHK படத்தின் டிரெய்லர்

3BHK படத்தின் ரிலீஸ் நெருங்கி வருவதால் அதன் டிரெய்லரை இன்று படக்குழு வெளியிட்டு உள்ளது. சொந்த வீடு இல்லாமல் வாடகை வீட்டிலேயே கஷ்டப்படும் ஒரு மிடில் கிளாஸ் குடும்பத்தை பற்றிய கதை தான் இது. அவர்களின் சொந்த வீடு வாங்க வேண்டும் என்கிற கனவும், அதை நனவாக்க அவர்கள் எதிர்கொள்ளும் சவால்களையும் மிகவும் யதார்த்தமாக சொல்லி உள்ள படம் தான் இந்த 3BHK. இப்படத்தில் சரத்குமார் - தேவையானி மற்றும் அவரது மகனாக நடித்துள்ள சித்தார்த், மகளாக நடித்துள்ள மீதா ஆகியோர் மிடில் கிளாஸ் குடும்பமாகவே வாழ்ந்திருக்கிறார்கள் என்பது டிரெய்லர் பார்க்கும் போதே தெரிகிறது.

நம்ம கிட்ட பணம் இருக்கா... இல்லையானு நம்ம அக்கவுண்ட பாக்க வேணாம்; நம்ம பாடி லேங்குவேஜ பார்த்தே எடை போடுவார்கள் என்பன போன்ற உணர்வுப்பூர்வமான டயலாக்குகளும் இந்த டிரெய்லரில் நிறைந்து இருக்கின்றன. இப்படத்திற்கு தினேஷ் கிருஷ்ணன் மற்றும் ஜித்தின் ஒளிப்பதிவு செய்துள்ளனர். படத்தொகுப்பாளராக கணேஷ் சிவா பணியாற்றி உள்ளார். தமிழ் சினிமாவில் அடுத்த ஃபீல் குட் படமாக 3BHK இருக்கும் என எதிர்பார்க்கப்படுகிறது. இப்படம் ஜூலை 4ந் தேதி திரைக்கு வர உள்ளது.

திரும்பிப் போற ஐடியாவே இல்ல... I am Coming - அரசியல் டயலாக்குகள் உடன் அனல்பறக்கும் ஜனநாயகன் ட்ரெய்லர்..!

Ganesh A — Sat, 03 Jan 2026 19:27:16 +0530

நடிகர் விஜய்யின் ஜனநாயகன் பட ட்ரெய்லர் ரிலீஸ் ஆகி உள்ள நிலையில், அதில் ஏராளமான அரசியல் வசனங்கள் இடம்பெற்று உள்ளன. அதைப்பற்றி இந்த தொகுப்பில் பார்க்கலாம்.

நடிகர் விஜய்யின் ஜனநாயகன் திரைப்படம் ஜனவரி 9-ந் தேதி திரைக்கு வர உள்ள நிலையில், அதன் ட்ரெய்லர் இன்று வெளியிடப்பட்டு உள்ளது. இந்த ட்ரெய்லரில் பக்கா மாஸ் ஆக்‌ஷன் காட்சிகளுடன், தளபதியின் அனல்பறக்கும் டயலாக்குகளும் இடம்பெற்று உள்ளன. விஜய் அரசியலுக்குள் நுழைந்திருப்பதால், அரசியல் டயலாக்குகளும் சற்று தூக்கலாகவே இந்த ட்ரெயலரில் உள்ளது. அது என்னென்ன டயலாக்குகள் என்பதை விரிவாக பார்க்கலாம்.

ட்ரெய்லர் தொடக்கத்திலேயே விஜய்யை பற்றிய பில்டப் காட்சி தான் இடம்பெற்று உள்ளது. அதில் ‘சம்பவம் பண்றவன கேள்வி பட்டிருப்ப, அதுலயே ரெக்கார்டு வைக்குறவன கேள்வி பட்டிருக்கியா என்கிற வசனம் ஒலிக்க கையில் தீப்பந்தத்துடன் எண்ட்ரி கொடுக்கிறார் விஜய். அதுதான் தளபதி தொட்றாத பீஸ் பீஸ் போட்ருவாப்ல என்கிற டயலாக் இடம்பெற்றுள்ளது.

பின்னர் விஜய்யிடம் ஒரு குழந்தை, அத்தனை பேரை போட்டு அடிச்சிருக்கியே நீ என்ன சூப்பர் மேனா என கேட்க, அதற்கு விஜய், நான் சாதா மேன் தான் பேபி, ஆனா செய்யுற சம்பவம் எல்லாம் சுப்பரா இருக்கும்னு சொல்வாங்க என கூறுகிறார்.

இதையடுத்து பாபி தியோல் பேசும் ஒரு வசனம் விஜய்யின் தற்போதைய அரசியல் சூழலுக்கு ஒத்துப்போகிறது. ‘மக்களுக்கு நல்லது பண்றேன்னு இதுக்குள்ள வராத, உயிர காப்பாத்திக்கிட்டு ஓடிப்போயிடு” என வில்லன் சொல்ல, தன்னுடைய நக்கலான சிரிப்பால் பதிலடி கொடுக்கும் விஜய், வில்லன்களை துவம்சம் செய்கிறார். பின்னணி ராவண மவன்டா ஒத்தையில் நிக்குறேன் எவன் டா என்கிற பாடல் வரிகள் ஒலிக்கிறது.

மொத்த அயோக்கியனுங்களும் ஒன்னா நிக்குறானுங்க, அவங்க ஜெயிக்க கூடாது என விஜய், பாபா பாஸ்கரிடம் பேசுகிறார். அடுத்த சீனில் அரசியல்வாதியாக வரும் பிரகாஷ் ராஜ், உன்னால ஒன்னும் பண்ண முடியாது விலகி போ என சொல்கிறார். அடுத்த காட்சியில், மக்கள் அவனை கொண்டாடிக்கிட்டு இருக்காங்க. இப்போ அவனை கொன்றால் அவன் கடவுள் ஆகிடுவான் என வில்லன் சொல்லும் டயலாக் இடம்பெற்றுள்ளது.

இறுதியாக தன்னை எதிர்ப்பவர்களுக்கு பதிலடி கொடுக்கும் விதமாக விஜய் ஒரு டயலாக் பேசி இருக்கிறார். அதில், ‘உன்னை காலி பண்ணிடுவேன், அசிங்கப்படுத்திடுவேன்னு சொல்ற எவனா இருந்தாலும் சரி, திரும்பிப் போற ஐடியாவே இல்ல. I am Coming என மாஸாக சொல்லி இருக்கிறார் விஜய். இது அவரின் தற்போதைய அரசியல் சூழலுக்கும் பொறுத்தமான வசனமாக இருக்கிறது.

ட்ரெய்லர் சும்மா பிளாஸ்ட்டா இருக்கு.... வைரலாகும் ஜனநாயகன் Trailer

Ganesh A — Sat, 03 Jan 2026 18:47:41 +0530

எச் வினோத் இயக்கத்தில் விஜய், பூஜா ஹெக்டே, மமிதா பைஜூ, பாபி தியோல் நடித்துள்ள ஜனநாயகன் திரைப்படத்தின் ட்ரெய்லர் வெளியாகி உள்ளது. அதனை இந்தத் தொகுப்பில் பார்க்கலாம்.

நடிகர் விஜய்யின் கடைசி திரைப்படமான ஜனநாயகன் பொங்கல் பண்டிகைக்கு திரைக்கு வர உள்ளது. வலிமை, துணிவு, நேர்கொண்ட பார்வை போன்ற படங்களை இயக்கிய எச் வினோத் தான் இப்படத்தையும் இயக்கியுள்ளார். கே வி என் ப்ரொடக்ஷன்ஸ் நிறுவனம் இப்படத்தை மிகப்பெரிய பட்ஜெட்டில் தயாரித்துள்ளது. ஜனநாயகன் திரைப்படத்திற்கு அனிருத் இசையமைத்துள்ளார். இப்படம் ஜனவரி 9ம் தேதி திரையரங்குகளில் ரிலீசாக உள்ளது.

ஜனநாயகன் திரைப்படத்தில் நடிகர் விஜய்க்கு ஜோடியாக பூஜா ஹெக்டே நடித்துள்ளார். மேலும் பிரியாமணி, பாபி தியோல், பிரகாஷ்ராஜ், கௌதம் மேனன், மமீதா பைஜூ என மிகப்பெரிய நட்சத்திர பட்டாளமே இப்படத்தில் நடித்துள்ளது. ஜனநாயகன் திரைப்படம் தான் நடிகர் விஜய்யின் கடைசி திரைப்படம். இப்படத்தோடு சினிமாவை விட்டு விலகுகிறார் விஜய். இதன்பின்னர் அரசியலில் முழு நேரமாக ஈடுபட உள்ளார் விஜய்.

விஜயின் கடைசி படம் என்பதால் ஜனநாயகன் திரைப்படம் மீது மிகப்பெரிய எதிர்பார்ப்பு உள்ளது. அண்மையில் இப்படத்தின் இசை வெளியீட்டு விழா மலேசியாவில் கோலாகலமாக நடைபெற்றது. இந்நிகழ்ச்சி நாளை ஜீ தமிழ் தொலைக்காட்சியில் மாலை 4 மணிக்கு ஒளிபரப்பாக உள்ளது. அதற்கு முன்னதாகவே மற்றும் ஒரு சரவெடி அப்டேட்டை ஜனநாயகன்பட குழு வெளியிட்டு இருந்தது. அது என்னவென்றால் படத்தின் டிரைலர் வெளியீடு தான்.

ஜனநாயகன் திரைப்படத்தின் டிரைலர் இன்று மாலை வெளியிடப்பட்டது. விஜய் ரசிகர்களுக்கு இப்படம் ஒரு பக்கா ட்ரீட்டாக இருக்கும் என்பது ட்ரெய்லர் மூலமே தெள்ளத் தெளிவாகத் தெரிகிறது. அனல் பறக்கும் ஆக்ஷன் காட்சிகள், காமெடி, சென்டிமெண்ட் என முழுக்க முழுக்க ஃபேமிலி ஆடியன்ஸை கவரும் விதமாக ஒரு பக்கா கமர்சியல் படத்தை எடுத்திருக்கிறார் வினோத் என்பது ட்ரெய்லர் மூலமே நிரூபனம் ஆகிறது. ஜனநாயகன் ட்ரைலர் யூடியூபில் ட்ரெண்டாகி வருகிறது.

பேமிலி ஆடியன்ஸை கவர ரெடியான சூரி; வைரலாகும் மாமன் டிரெய்லர்

Ganesh A — Thu, 01 May 2025 13:47:35 +0530

Maaman Movie Trailer Released : தமிழ் திரையுலகில் நகைச்சுவை நடிகராக கலக்கி வந்தவர் சூரி. இவர் கடந்த 2023-ம் ஆண்டு வெற்றிமாறன் இயக்கத்தில் வெளிவந்த விடுதலை படம் மூலம் ஹீரோவாக அறிமுகமானார். அப்படத்தில் சூரியின் நடிப்பு அனைவராலும் பாராட்டப்பட்டது. விடுதலை படத்தின் வெற்றிக்கு பின்னர், சூரிக்கு காமெடி வேடங்கள் சுத்தமாக வருவதில்லை. இதனால் முழுநேர ஹீரோ ஆகிவிட்டார் சூரி. விடுதலைக்கு பின் அவர் ஹீரோவாக நடித்த கொட்டுக்காளி, கருடன் ஆகிய படங்களும் நல்ல வரவேற்பை பெற்றன.

சூரியின் மாமன்

இந்நிலையில், சூரி ஹீரோவாக நடிக்க உருவாகி வரும் புதிய படம் மாமன். இப்படத்தை பிரசாந்த் பாண்டியராஜ் இயக்கி உள்ளார். இவர் இதற்கு முன்னர் விமல் நடித்த விலங்கு என்கிற வெப் தொடரை இயக்கி இருந்தார். மாமன் படத்தில் நடிகர் சூரிக்கு ஜோடியாக ஐஸ்வர்யா லெட்சுமி நடித்துள்ளார். மேலும் ஸ்வாசிகா, ராஜ்கிரண், பாபா பாஸ்கர், ஜெயப்பிரகாஷ், பால சரவணன், விமல், விஜி சந்திரசேகர், கீதா கைலாசம், நிகிலா சங்கர் என மிகப்பெரிய நட்சத்திர பட்டாளமே இப்படத்தில் நடித்துள்ளது.

ஃபேமிலி படம்

இன்றைய காலகட்டத்தில் அதிகளவில் வன்முறை படங்கள் தான் வெளிவருகின்றன. அதை விட்டால் பேய் படங்கள் வருகிறது. பக்கா ஃபேமிலி படங்களின் எண்ணிக்கை கணிசமாக குறைந்து வருகிறது. இந்த நிலையில், நம்ம வீட்டு பிள்ளை, கடைக்குட்டி சிங்கம் போன்ற படங்களின் பாணியில் சூரி நடித்துள்ள படம் தான் மாமன். இப்படம் வருகிற மே 16-ந் தேதி திரையரங்குகளில் ரிலீஸ் ஆக உள்ளது. இந்நிலையில், இப்படத்தின் டிரெய்லரை படக்குழு வெளியிட்டுள்ளது.

என்ன பெத்தாரு....மாமன் வர்ரேன் டா... The #Maaman trailer is here—perfect for a full-on family celebration! Don’t miss the fun! Link: https://t.co/dJMXEb6DCJ Directed by @p_santh A @HeshamAWmusic Musical Produced by @kumarkarupannan @larkstudios1#MaamanFromMay16… pic.twitter.com/k2NS2gIQJN

— Actor Soori (@sooriofficial) May 1, 2025

மாமன் டிரெய்லர் ரிலீஸ்

மாமன் பட டிரெய்லர் மூலம் இதில் ஒரு தாய்மாமனின் உறவைப் பற்றி ஆழமாக பேசும் படமாக இது இருக்கும் என்பது தெரிகிறது. இப்படத்தில் சூரியின் தங்கையாக நடிகை ஸ்வாசிகா நடித்துள்ளார். காதல், காமெடி, பேமிலி செண்டிமெண்ட் என அனைத்தும் கலந்த ஒரு பக்கா ஃபேமிலி படமாக இந்த மாமன் திரைப்படம் இருக்கும் என்பது அதன் டிரெய்லர் மூலமே தெரிகிறது. இப்படம் மூலம் நடிகர் சூரி ஃபேமிலி ஆடியன்ஸை கவர்ந்துவிடுவார் என்றும் கூறப்படுகிறது.

என்னது 2040-திலும் திமுக ஆட்சியா? LIK டிரெய்லரில் இதெல்லாம் நோட் பண்ணிங்களா?

Ganesh A — Wed, 27 Aug 2025 12:27:25 +0530

விக்னேஷ் சிவன் இயக்கத்தில் பிரதீப் ரங்கநாதன் நடிப்பில் உருவாகி இருக்கும் லவ் இன்சூரன்ஸ் கம்பெனி திரைப்படத்தின் டிரெய்லரில் ஒளிந்துள்ள சுவாரஸ்யமான விஷயங்களைப் பற்றி பார்க்கலாம்.

விக்னேஷ் சிவன் இயக்கத்தில் உருவாகி உள்ள படம் லவ் இன்சூரன்ஸ் கம்பெனி. இப்படத்தில் பிரதீப் ரங்கநாதன் ஹீரோவாக நடித்துள்ளார். இப்படத்தை ரெளடி பிக்சர்ஸ் நிறுவனம் சார்பில் நயன்தாராவும், செவன் ஸ்கிரீன் ஸ்டூடியோஸ் சார்பில் லலித் குமாரும் இணைந்து தயாரித்து உள்ளனர். இப்படத்தில் பிரதீப் ரங்கநாதனுக்கு ஜோடியாக கீர்த்தி சுரேஷும், வில்லனாக எஸ்.ஜே.சூர்யாவும் நடித்துள்ளனர். மேலும் கெளரி கிஷான், சீமான் ஆகியோர் முக்கிய கதாபாத்திரத்தில் நடித்துள்ள இப்படத்திற்கு அனிருத் இசையமைத்துள்ளார். இப்படம் தீபாவளிக்கு ரிலீஸ் ஆக உள்ள நிலையில், அதன் டிரெய்லர் தற்போது ரிலீஸ் செய்யப்பட்டு உள்ளது.

பர்ஸ்ட் பஞ்ச் என வெளியாகி உள்ள இந்த டிரெய்லரில், துவக்கம் முதலே இது ஒரு டைம் டிராவல் படம் என்பதை காட்டி இருக்கிறார்கள். அனிருத் வாய்ஸ் உடன் தொடங்கும் இந்த டிரெய்லரில், வருஷம் 2040 ஆகிடுச்சு, உலகம் எங்கேயோ போயிடுச்சு என சொல்கிறார். இதன்மூலம் இப்படம் 2040ல் நடக்கும் கதை என்பது தெரிகிறது. இந்த டிரெய்லரில் பல சுவாரஸ்யங்களும் ஒளிந்திருக்கின்றன. அது என்னென்ன என்பதை இந்த தொகுப்பில் விரிவாக பார்க்கலாம்.

இந்த டிரெய்லரின் முதல் பிரேமிலேயே சென்னையில் உள்ள புகழ்பெற்ற அடையாறு பாலம் 2040ல் எப்படி இருக்கும் என்பதை காட்டி இருக்கிறார்கள். அதன் பின்னணியில் ஒரு பேனர் உள்ளது. அதில் கலைஞர் மெடா வெர்ஸ் யூனிட் என குறிப்பிட்டு ஒரு பேனர் இடம்பெற்று உள்ளது. இதைப்பார்த்த ரசிகர்கள் அப்போ 2040 திலும் திமுக ஆட்சி தானா என கேள்வி எழுப்பி வருகிறார்கள். அதற்கு அருகில் உள்ள மற்றொரு பேனரில் மிஷன் இம்பாசிபிள் 14 என குறிப்பிடப்பட்டு அதில் யாஷின் புகைப்படமும் இடம்பெற்று இருக்கிறது. அதேபோல் அடையாறில் வானிலை 29 டிகிரி என இருப்பதும் பார்க்க முடிகிறது. இதைப்பார்த்த பலரும் அடையாறு எப்படா ஊட்டியா மாறுச்சு என கேட்டு வருகிறார்கள்.

அதேபோல் மற்றொரு பிரேமில் தலைவர் 189 என குறிப்பிடப்பட்டு இருக்கிறது. நடிகர் ரஜினிகாந்த் தற்போது 172 படங்களில் நடித்து முடித்துள்ள நிலையில், அடுத்த 15 ஆண்டுகளில் அவர் 17 படங்களில் நடித்திருப்பாரா என பலரும் ஆச்சர்யத்துடன் பார்த்து வருகின்றனர். அதுமட்டுமின்றி அமெரிக்காவில் உள்ள புகழ்பெற்ற ஸ்டூடியோவில் பிரம்மாண்டமாக ஹாலிவுட் என ஆங்கிலத்தில் எழுதி இருக்கும். அதேபோல் தமிழ்நாட்டிலும் கோலிவுட் என பிரம்மாண்டமாக எழுதப்பட்டிருப்பது போன்ற காட்சியும் டிரெய்லரில் இடம்பெற்று உள்ளது.

இசையமைப்பாளர் அனிருத் கடந்த 2015-ம் ஆண்டு ஆகோ என்கிற ஆல்பம் பாடலை வெளியிட்டு இருந்தார். எனக்கென யாரும் இல்லையே என தொடங்கும் அப்பாடலை, இதுவரை எந்த படத்திலும் பயன்படுத்தாமல் இருந்த அனிருத், தற்போது ஒருவழியாக லவ் இன்சூரன்ஸ் கம்பெனி படத்தில் பயன்படுத்தி இருக்கிறார். அந்தப் பாடல் டிரெய்லரிலும் இடம்பெற்று இருக்கிறது. இதைப்பார்த்த ரசிகர்கள், இப்பாடலுக்காகவே இந்தப் படத்தைப் பார்ப்பேன் என கூறி வருகின்றனர்.