Asianet News Tamil

Bigg Boss : ஜெயிலுக்கு போகிறாரா ஜேசன்? முனியம்மாளுக்கு எதிராக திரும்பிய டிடிஎஃப் - பிக் பாஸில் ட்விஸ்ட் மேல் ட்விஸ்ட்

Ganesh A — Fri, 13 Nov 2026 11:22:29 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெற்ற டாஸ்கின் அடிப்படையில் மோசமாக விளையாடிய போட்டியாளர்கள் தேர்வு செய்யப்பட்டு உள்ளனர்.

தமிழ் ரசிகர்களிடையே பெரும் வரவேற்பைப் பெற்றுள்ள பிக் பாஸ் தமிழ் சீசன் 10 நிகழ்ச்சி, கடந்த செப்டம்பர் 6-ம் தேதி பிரம்மாண்டமாகத் தொடங்கியது. நடிகர் விஜய் சேதுபதி இந்த நிகழ்ச்சியைத் தொகுத்து வழங்கி வருகிறார். ஆரம்பத்தில் 19 போட்டியாளர்களுடன் களமிறங்கிய இந்த சீசனில், அடுத்தடுத்த வெளியேற்றங்களுக்குப் பிறகு தற்போது 12 பேர் மட்டுமே வீட்டிற்குள் உள்ளனர்.

ஒவ்வொரு வாரமும் வித்தியாசமான டாஸ்க்குகள், போட்டியாளர்களுக்கு இடையிலான மோதல்கள் என விறுவிறுப்பாகச் சென்று கொண்டிருந்த பிக் பாஸ் நிகழ்ச்சி, இந்த வாரம் சற்று மந்தமாகவே இருந்ததாக ரசிகர்கள் கருத்து தெரிவித்து வருகின்றனர். குறிப்பாக, வழக்கமாக ஒலிக்கும் பிக் பாஸின் குரலுக்குப் பதிலாக, போட்டியாளர்கள் ஜூனியர் பிக் பாஸ்களாக மாறி டாஸ்க்குகளை முன்னெடுத்தனர். இதனால் இந்த வார நிகழ்ச்சியில் எதிர்பார்த்த அளவுக்கு சுவாரஸ்யம் இல்லை என்ற விமர்சனமும் எழுந்துள்ளது.

இதற்கிடையே, இந்த வாரம் பிக் பாஸ் வீட்டில் ஜேசனைச் சுற்றி பல்வேறு விவாதங்களும் குழப்பங்களும் உருவாகின. இந்நிலையில், வாரத்தின் மோசமான போட்டியாளர்கள் யார் என்பதைத் தேர்வு செய்யும் டாஸ்க் ஒன்று நடத்தப்பட்டது. இதில் ஜேசன் மற்றும் முனியம்மாளின் பெயர்களை சக போட்டியாளர்கள் பலரும் முன்வைத்துள்ளனர். இது தொடர்பான புதிய புரோமோ தற்போது வெளியாகி ரசிகர்களின் கவனத்தை ஈர்த்துள்ளது.

வெளியான புரோமோவில் முதலில் எழுந்த டிடிஎஃப் வாசன், முனியம்மாளின் பேச்சு மற்றும் வார்த்தைகளைக் கட்டுப்படுத்த வேண்டிய அவசியம் குறித்து விமர்சித்தார். இதனை வெளிப்படுத்தும் விதமாக அவரது வாயில் ஒட்டுவதற்காக டேப்பையும் வழங்கினார். தொடர்ந்து சாதிகாவும் முனியம்மாளைப் பற்றி தனது கருத்துகளைத் தெரிவித்து அவருக்கு டேப் கொடுத்தார்.

இதற்குப் பதிலளிக்கும் விதமாக முனியம்மாளும் ஜேசனைச் சுட்டிக்காட்டினார். ஒவ்வொரு விஷயத்தையும் பேசிவிட்டு, பின்னர் அப்படிச் சொல்லவில்லை என்று மறுக்கும் அவரது அணுகுமுறை தனக்குப் பிடிக்கவில்லை எனக் கூறி ஜேசனுக்கு டேப் வழங்கினார்.

இதனைத் தொடர்ந்து முத்தழகி எழுந்து சாதிகாவைப் பற்றி தனது அதிருப்தியை வெளிப்படுத்தினார். அடுத்ததாக வந்த தன்யா மற்றும் வினோத் பாபு இருவரும் ஜேசனின் செயல்பாடுகள் குறித்து விமர்சனம் செய்தனர். இந்த வாரத்தின் மோசமான போட்டியாளர்களில் ஒருவராக ஜேசனைத் தேர்வு செய்த அவர்கள், அவருக்கு வாத்து பொம்மையை வழங்கினர்.

வழக்கமாக பிக் பாஸ் வீட்டில் டாஸ்க்குகள் மற்றும் பிக் பாஸின் அறிவிப்புகள் மூலம் பரபரப்பு அதிகரிக்கும். ஆனால் இந்த வாரம் போட்டியாளர்களே ஜூனியர் பிக் பாஸ்களாகச் செயல்பட்டதால், நிகழ்ச்சியின் வழக்கமான விறுவிறுப்பு குறைந்ததாகப் பல ரசிகர்கள் கருதுகின்றனர். கடந்த வாரங்களில் ஒவ்வொரு டாஸ்க்கும் சுவாரஸ்யமான திருப்பங்களைக் கொண்டிருந்த நிலையில், இந்த வாரம் அந்த அளவுக்கு ஈர்ப்பு இல்லை என்பதே அவர்களின் கருத்தாக உள்ளது.

இந்நிலையில், வார இறுதியில் நிகழ்ச்சிக்கு வரவுள்ள விஜய் சேதுபதி, இந்த வாரம் வீட்டில் நடந்த சம்பவங்கள் மற்றும் போட்டியாளர்களின் செயல்பாடுகள் குறித்து என்ன பேசப்போகிறார் என்ற எதிர்பார்ப்பு அதிகரித்துள்ளது. குறிப்பாக, ஜேசன் மற்றும் முனியம்மாள் தொடர்பான விவகாரங்களை அவர் கேள்வி எழுப்புவாரா என்பதைப் பார்க்க ரசிகர்கள் ஆவலுடன் காத்திருக்கின்றனர்.

Bigg Boss 10 : மெண்டல் என திட்டிய ஜேசன்... கோபத்தின் உச்சிக்கே சென்ற முனியம்மாள் - பிக் பாஸ் வீட்டில் பரபரப்பு!

Ganesh A — Mon, 02 Nov 2026 15:59:33 +0530

Fight Between Muniyammal and Jason : பிக் பாஸ் தமிழ் சீசன் 10 நிகழ்ச்சியில் முனியம்மாள் மற்றும் ஜேசன் இடையே கடும் வாக்குவாதம் ஏற்பட்டுள்ளது. அதைப்பற்றி இந்த தொகுப்பில் பார்க்கலாம்.

தமிழ் ரசிகர்கள் மத்தியில் பெரும் வரவேற்பைப் பெற்று வரும் ரியாலிட்டி நிகழ்ச்சிகளில் ஒன்றான பிக் பாஸ் தமிழ் சீசன் 10, விஜய் தொலைக்காட்சியில் விறுவிறுப்பாக ஒளிபரப்பாகி வருகிறது. கடந்த செப்டம்பர் 6, அன்று தொடங்கிய இந்நிகழ்ச்சி தற்போது எட்டு வாரங்களைக் கடந்து ஒன்பதாவது வாரத்தில் அடியெடுத்து வைத்துள்ளது. ஒவ்வொரு வாரமும் போட்டியாளர்களுக்கு இடையே உருவாகும் கருத்து வேறுபாடுகளும், சண்டைகளும் நிகழ்ச்சியின் சுவாரஸ்யத்தை அதிகரித்து வருகின்றன.

அந்த வகையில், நேற்று நடைபெற்ற எவிக்ஷன் சுற்றில் கரீஷ்மா பிக் பாஸ் வீட்டிலிருந்து வெளியேற்றப்பட்டார். இதற்கிடையில், டிடிஎஃப் வாசன் தனக்கு வழங்கப்பட்ட எவிக்ஷன் ப்ரீ பாஸைப் பயன்படுத்தி முகேஷை வெளியேற்றத்திலிருந்து காப்பாற்றினார். அவரது இந்த முடிவு டிடிஎஃப் வாசனின் ரசிகர்கள் மத்தியில் அதிருப்தியையும், விவாதங்களையும் ஏற்படுத்தியுள்ளது.

இந்நிலையில், இன்று வெளியான பிக் பாஸ் நிகழ்ச்சியின் முதல் புரோமோவில் முனியம்மாள் மற்றும் ஜேசன் இடையே கடுமையான வாக்குவாதம் நடைபெறுவது போன்ற காட்சிகள் இடம்பெற்றுள்ளன. புரோமோவின் தொடக்கத்தில் போட்டியாளர்கள் அனைவரும் லிவ்விங் அறையில் அமர்ந்திருக்கின்றனர். அப்போது முனியம்மாள், ஜேசனைப் பார்த்து அவர்தான் இந்த வீட்டின் பாஸ் போல நடந்துகொள்கிறார் என்ற கருத்தில் பேசுகிறார். இதற்கு உடனடியாக பதிலளித்த ஜேசன், முனியம்மாளை 'மெண்டல்' என்று கூறுகிறார். இதனால் ஆத்திரமடைந்த முனியம்மாள் அவருடன் வாக்குவாதத்தில் ஈடுபடத் தொடங்குகிறார்.

இந்தச் சூழலில் சாதிகாவும் தலையிட்டு, முனியம்மாளை மெண்டல் என்று அழைத்தது தவறு என ஜேசனிடம் சுட்டிக்காட்டுகிறார். ஆனால் அதனை ஏற்க மறுக்கும் ஜேசன், முனியம்மாள் தன்னிடம் நக்கலாகப் பேசினால் தானும் அதே விதமாகத்தான் பதிலளிப்பேன் எனக் கூறுகிறார். இதையடுத்து இருவருக்கும் இடையேயான வாக்குவாதம் மேலும் தீவிரமடைகிறது. முனியம்மாளிடம் தொடர்ந்து கேள்விகளை எழுப்பும் ஜேசனுக்கு அவரும் சளைக்காமல் பதிலடி கொடுக்கிறார்.

எல்லாமே அவர் நினைத்தபடிதான் நடக்க வேண்டும் என்றால், அவர்தான் இந்த வீட்டின் பாஸ் என்று முனியம்மாள் கூறி தனது எதிர்ப்பை வெளிப்படுத்துகிறார். இதனால் பிக் பாஸ் வீட்டில் மீண்டும் ஒரு புதிய மோதல் உருவாகியுள்ளது. இந்த விவகாரம் மற்ற போட்டியாளர்கள் மத்தியிலும் என்ன மாதிரியான தாக்கத்தை ஏற்படுத்தும் என்ற எதிர்பார்ப்பு ரசிகர்களிடம் எழுந்துள்ளது.

ஏற்கனவே எட்டாவது வாரத்தில் கரீஷ்மா வெளியேற்றப்பட்டுள்ள நிலையில், ஒன்பதாவது வாரத்திற்கான நாமினேஷன் பட்டியல் குறித்த அதிகாரப்பூர்வ தகவல்கள் இன்னும் வெளியாகவில்லை. இதற்கிடையில், முனியம்மாள் – ஜேசன் இடையேயான மோதல் இந்த வார நிகழ்ச்சியில் முக்கிய பேசுபொருளாக மாறியுள்ளது. தொடர்ந்து போட்டியாளர்களுக்கு இடையே உருவாகும் புதிய சண்டைகள், சவாலான டாஸ்க்குகள் என ஒன்பதாவது வாரமும் பரபரப்பாக நகரும் என ரசிகர்கள் எதிர்பார்த்து காத்திருக்கின்றனர்.

Bigg Boss-ல் விஜய் சேதுபதியை விட ரம்யா கிருஷ்ணனுக்கு அதிக சம்பளமா? அடேங்கப்பா ஒரு எபிசோடுக்கு இவ்வளவா?

Bigg Boss Thamarai Selvi : நாங்க பிரிஞ்சிட்டோம்... பிக் பாஸ் தாமரைச் செல்வியின் கணவர் போட்ட டைவர்ஸ் பதிவால் வெடித்த சர்ச்சை

Ganesh A — Fri, 23 Oct 2026 20:57:35 +0530

Bigg Boss Thamarai Selvi Divorce Rumors : பிக் பாஸ் நிகழ்ச்சி மூலம் ஃபேமஸ் ஆன தாமரைச் செல்வியின் கணவர் பார்த்தசாரதி தாங்கள் விவாகரத்து பெற்று பிரிந்துவிட்டதாக இன்ஸ்டாவில் பதிவிட்டுள்ளார்.

பிக் பாஸ் தமிழ் சீசன் 5 நிகழ்ச்சியின் மூலம் ரசிகர்கள் மத்தியில் பிரபலமானவர் தாமரைச் செல்வி. மேடை நாடகக் கலைஞராக தனது வாழ்க்கையைத் தொடங்கி, பின்னர் சின்னத்திரையில் தனக்கென ஓர் இடத்தைப் பிடித்த இவர், தற்போது தனது தனிப்பட்ட வாழ்க்கை தொடர்பான செய்தியால் மீண்டும் பேசுபொருளாகியுள்ளார். தாமரைச் செல்வியின் கணவர் பார்த்தசாரதி, இருவரும் கருத்து வேறுபாடு காரணமாகப் பிரிந்து செல்ல முடிவெடுத்துள்ளதாகத் தனது இன்ஸ்டாகிராம் பக்கத்தில் பதிவிட்டிருப்பது ரசிகர்கள் மத்தியில் அதிர்ச்சியையும் பல்வேறு கேள்விகளையும் எழுப்பியுள்ளது.

கிராமப்புறங்களில் நடைபெறும் விழாக்களில் பாரம்பரிய நடனம் மற்றும் மேடை நிகழ்ச்சிகளில் நடித்து வந்தவர் தாமரைச் செல்வி. தனது இயல்பான நடிப்புத் திறமையால் படிப்படியாகக் கவனம் பெற்ற இவருக்கு, விஜய் டிவியில் ஒளிபரப்பான பிக் பாஸ் தமிழ் சீசன் 5 நிகழ்ச்சி மிகப்பெரிய திருப்புமுனையாக அமைந்தது. பிக் பாஸ் வீட்டில் சுமார் 90 நாட்கள் பயணித்த தாமரைச் செல்வி, தனது வெளிப்படையான பேச்சு, வெகுளித்தனமான நடவடிக்கைகள் மற்றும் உணர்ச்சிகரமான தருணங்களால் ரசிகர்களின் ஆதரவைப் பெற்றார்.

இந்த நிகழ்ச்சிக்குப் பிறகு அவருக்குச் சின்னத்திரையிலும் திரைப்படங்களிலும் நடிக்கும் வாய்ப்புகள் கிடைக்கத் தொடங்கின. குறிப்பாக பாரதி கண்ணம்மா 2, சின்ன மருமகள் உள்ளிட்ட தொலைக்காட்சித் தொடர்களில் நடித்து வந்தார்.

விஜய் டிவியில் ஒளிபரப்பாகி வரும் 'சின்ன மருமகள்' தொடரில் கதாநாயகியின் அம்மாவாக முக்கியமான கதாபாத்திரத்தில் தாமரைச் செல்வி நடித்து வந்தார். ஆனால், தற்போது அந்தக் கதாபாத்திரத்தில் அவருக்குப் பதிலாக வேறொரு நடிகை நடித்து வருகிறார். இதற்கிடையே, அதே தொடரில் நடித்த நடிகை ஸ்வேதாவின் கணவர் தொடர்பாக தாமரைச் செல்வி வெளியிட்ட வீடியோவும் சமூக வலைதளங்களில் பரபரப்பை ஏற்படுத்தியது. தன்னிடமிருந்து மூன்று பவுன் தங்கச் சங்கிலியை வாங்கி அடகு வைத்ததாகவும், அதனைத் திருப்பித் தர மறுப்பதாகவும் அவர் குற்றம் சாட்டியிருந்தார். இந்த விவகாரம் அப்போது சின்னத்திரை வட்டாரத்தில் பேசுபொருளானது.

தாமரைச் செல்வியின் முதல் திருமண வாழ்க்கை கருத்து வேறுபாடுகளால் முடிவுக்கு வந்ததாகக் கூறப்படுகிறது. முதல் திருமணத்தின் மூலம் அவருக்கு ஒரு மகன் உள்ளார். அதன்பின்னர் பார்த்தசாரதி என்பவரை இரண்டாவதாகத் திருமணம் செய்துகொண்ட தாமரைச் செல்வி, அவருடன் இணைந்து பல்வேறு நிகழ்ச்சிகளில் பங்கேற்று வந்தார். குறிப்பாக பிக் பாஸ் ஜோடிகள் போன்ற ரியாலிட்டி நிகழ்ச்சிகளில் இருவரும் ஒன்றாகக் கலந்துகொண்டது ரசிகர்களிடம் நல்ல வரவேற்பைப் பெற்றது. சமூக வலைதளங்களிலும் இருவரும் இணைந்து புகைப்படங்கள், வீடியோக்கள் வெளியிட்டு வந்தனர்.

சின்னத்திரை நிகழ்ச்சிகளைத் தொடர்ந்து அரசியலிலும் தாமரைச் செல்வி ஆர்வம் காட்டினார். நடிகர் விஜய்யின் தமிழக வெற்றிக் கழகத்தில் இணைந்த அவர், தேர்தல் காலத்தில் அக்கட்சிக்கு ஆதரவாகப் பிரச்சாரத்திலும் ஈடுபட்டார். மறுபுறம், இன்ஸ்டாகிராம் மற்றும் யூடியூப் போன்ற சமூக வலைதளங்களிலும் தொடர்ந்து செயல்பட்டு வருகிறார். தனது கணவர் பார்த்தசாரதியுடன் இணைந்து விளம்பர நிகழ்ச்சிகள், பிராண்ட் புரமோஷன்கள், கொலாபரேஷன்கள் மற்றும் எக்ஸ்போ நிகழ்ச்சிகள் எனப் பல்வேறு பணிகளில் ஈடுபட்டு வந்தார். இப்படி இருவரும் ஒன்றாகப் பல நிகழ்ச்சிகளில் கலந்துகொண்டு வந்த நிலையில், தற்போது பார்த்தசாரதி வெளியிட்டுள்ள பதிவு ரசிகர்களை அதிர்ச்சியடைய வைத்துள்ளது.

பார்த்தசாரதி தனது இன்ஸ்டாகிராம் பக்கத்தில் வெளியிட்டுள்ள பதிவில், தங்களுக்குள் ஏற்பட்ட கருத்து வேறுபாடுகள் காரணமாக இருவரும் பிரிந்து செல்ல முடிவெடுத்துள்ளதாகக் குறிப்பிட்டுள்ளார். மேலும், இந்த முடிவு இருவரது பரஸ்பர சம்மதத்துடன் எடுக்கப்பட்டதாகவும், தங்களது தனிப்பட்ட வாழ்க்கை மற்றும் முடிவுகளுக்கு அனைவரும் மதிப்பளிக்க வேண்டும் என்றும் கேட்டுக்கொண்டுள்ளார். இந்த அறிவிப்பு வெளியானதைத் தொடர்ந்து, பார்த்தசாரதியின் இன்ஸ்டாகிராம் பக்கத்தில் ஏற்கெனவே தாமரைச் செல்வியுடன் இணைந்து பதிவிடப்பட்டிருந்த புகைப்படங்கள் மற்றும் வீடியோக்களும் நீக்கப்பட்டுள்ளதாகக் கூறப்படுகிறது. இதனால் இருவருக்கும் இடையே உண்மையிலேயே பிரிவு ஏற்பட்டுவிட்டதா என்ற கேள்வி ரசிகர்கள் மத்தியில் எழுந்துள்ளது.

இந்த விவகாரத்தில் மற்றொரு கவனிக்கத்தக்க விஷயம் என்னவென்றால், பார்த்தசாரதி தனது பிரிவு தொடர்பான பதிவில் தாமரைச் செல்வியின் இன்ஸ்டாகிராம் கணக்கை டேக் செய்யவில்லை என்பதுதான். அதேபோன்று, தாமரைச் செல்வியும் இதுவரை தனது சமூக வலைதளப் பக்கத்தில் பிரிவு குறித்து எந்தவிதமான அறிவிப்பையோ விளக்கத்தையோ வெளியிடவில்லை. மேலும், அவரது இன்ஸ்டாகிராம் பக்கத்தில் கணவர் பார்த்தசாரதியுடன் இணைந்து எடுத்துக்கொண்ட புகைப்படங்கள் மற்றும் வீடியோக்கள் தொடர்ந்து இடம்பெற்றிருப்பதாகத் தெரிகிறது.

ஒருபுறம் பார்த்தசாரதி பிரிவை அறிவித்துள்ள நிலையில், மறுபுறம் தாமரைச் செல்வி எந்தக் கருத்தும் தெரிவிக்காமல் இருப்பது ரசிகர்கள் மத்தியில் குழப்பத்தை ஏற்படுத்தியுள்ளது. இருவரும் உண்மையாகவே பிரிந்துவிட்டார்களா அல்லது இந்த அறிவிப்புக்குப் பின்னால் வேறு ஏதேனும் காரணம் இருக்கிறதா என்பது குறித்து சமூக வலைதளங்களில் விவாதங்கள் எழுந்துள்ளன.

View this post on Instagram

A post shared by Parthasarathy Kondal (@parthu_sarathi_official)

Chef Damu : மறைந்த செஃப் தாமுவின் சொத்து மதிப்பு இத்தனை கோடியா? அவரது குடும்பமும் மற்ற விவரங்களும்!

Arun Mozhi Varman — Sun, 25 Oct 2026 12:50:37 +0530

Chef Damu : மறைந்த செஃப் தாமுவின் சொத்து மதிப்பு, குடும்பம், சமையல் துறையில் அவர் கடந்து வந்த பாதை, கின்னஸ் உலக சாதனை, பத்மஸ்ரீ விருது உள்ளிட்ட முக்கிய விவரங்களைப் பார்க்கலாம்.

தமிழகத்தில் சமையல் கலையைப் பிரபலப்படுத்தியவர்களில் முக்கியமானவர் செஃப் தாமு. தொலைக்காட்சி நிகழ்ச்சிகள், சமையல் புத்தகங்கள், கல்விப் பணி எனப் பல்வேறு தளங்களில் செயல்பட்ட அவர், தனது தனித்துவமான அணுகுமுறையால் ரசிகர்களிடம் பிரபலமானார்.

இந்நிலையில், அவரது சொத்து மதிப்பு எவ்வளவு என்ற கேள்வி பலரிடமும் எழுகிறது. இணையத்தில் வெளியாகியுள்ள சில மதிப்பீடுகளின்படி, செஃப் தாமுவின் சொத்து மதிப்பு சுமார் 4 மில்லியன் அமெரிக்க டாலர்கள் எனக் குறிப்பிடப்பட்டுள்ளது. இந்திய ரூபாய் மதிப்பில் இது சுமார் ரூ.33 முதல் ரூ.34 கோடி வரை இருக்கும்.

ஆனால், இந்தத் தொகையை உறுதிப்படுத்தும் அதிகாரப்பூர்வ நிதி ஆவணங்கள் பொதுவெளியில் கிடைக்கவில்லை. எனவே, இந்தத் தொகையை அவரது உறுதிப்படுத்தப்பட்ட சொத்து மதிப்பாகக் கருத முடியாது.

இதையும் படிங்க : Bank Holidays : நவம்பர் மாதம் வங்கி விடுமுறை நாட்கள் இதோ! மாநில வாரியான விடுமுறை பட்டியல்!

செஃப் தாமுவின் இயற்பெயர் கே. தாமோதரன். இவர் 1954 செப்டம்பர் 3ஆம் தேதி சென்னையில் பிறந்தார். ஹோட்டல் மேலாண்மை மற்றும் உணவு தயாரிப்புத் துறையில் பயிற்சி பெற்ற அவர், 1977ஆம் ஆண்டு தமிழ்நாடு சுற்றுலா வளர்ச்சிக் கழகத்தில் மேலாண்மைப் பயிற்சியாளராகத் தனது தொழில் வாழ்க்கையைத் தொடங்கினார்.

பின்னர் சமையல் துறையில் அனுபவத்தை வளர்த்துக்கொண்ட அவர், 1986ஆம் ஆண்டு கற்பித்தல் பணியிலும் ஈடுபட்டார். சென்னையில் உள்ள பல்வேறு ஹோட்டல் மேலாண்மைக் கல்வி நிறுவனங்களில் பணியாற்றியதுடன், மாணவர்களுக்குச் சமையல் மற்றும் உணவு சேவை தொடர்பான பயிற்சிகளையும் வழங்கினார்.

சமையலை ஒரு தொழிலாக மட்டுமல்லாமல், முறையான கல்வி மற்றும் பயிற்சியின் மூலம் கற்றுக்கொள்ளக்கூடிய துறையாகவும் வளர்ப்பதில் அவர் பங்களித்தார்.

இதையும் படிங்க : Money : மாதம் ரூ.15,000 SIP! 15 ஆண்டுகளில் ரூ.1 கோடி சேர்க்க முடியுமா? 15-15-15 விதி இதோ!

சமையல் துறையில் செஃப் தாமு படைத்த சாதனைகளில் முக்கியமானது அவரது கின்னஸ் உலக சாதனை. 2010 டிசம்பர் 22ஆம் தேதி, 24 மணி நேரம் 30 நிமிடங்கள் 12 விநாடிகளில் 617 உணவு வகைகளைத் தயாரித்து அவர் சாதனை படைத்தார். இதற்காக மொத்தம் 190 கிலோ உணவு பயன்படுத்தப்பட்டது.

அவரது நீண்டகாலப் பங்களிப்பைக் கவுரவிக்கும் வகையில், 2025ஆம் ஆண்டு இந்திய அரசின் பத்மஸ்ரீ விருது அவருக்கு வழங்கப்பட்டது. சமையல் துறையில் சாதனை படைத்ததுடன், உணவுக் கல்வி மற்றும் சமூகப் பணிகளிலும் அவர் பங்களித்துள்ளார்.

இந்தச் சாதனைகள் செஃப் தாமுவைத் தொலைக்காட்சி சமையல் நிகழ்ச்சிகளில் பங்கேற்கும் ஒருவராக மட்டுமல்லாமல், சமையல் துறையில் தனித்துவமான பங்களிப்புச் செய்த நிபுணராகவும் அடையாளப்படுத்தின.

இதையும் படிங்க : Banana : வீட்டுத் தொட்டியில் வாழை வளர்க்க முடியுமா? தொட்டியில் வாழை வளர்க்கும் முறை இதோ!

செஃப் தாமுவின் குடும்பத்தைப் பொறுத்தவரை, அவரது மனைவி உஷா தாமு என்றும், மகள் அக்ஷயா என்றும் தகவல்கள் வெளியாகியுள்ளன.

2021ஆம் ஆண்டு வெளியான ஒரு நேர்காணலில், அக்ஷயா தனது தந்தையைப் பற்றிப் பேசியிருந்தார். தான் பள்ளியில் படித்த காலத்தில் தந்தை கல்லூரிப் பேராசிரியராகப் பணியாற்றியதாகவும், தனது தாயார் மருத்துவம் சார்ந்த துணைத் துறையில் பணியாற்றியதாகவும் அவர் குறிப்பிட்டிருந்தார்.

பொதுவெளியில் கிடைக்கும் தகவல்களில் அவரது குடும்பத்தினர் குறித்த விரிவான விவரங்கள் குறைவாகவே உள்ளன.

இதையும் படிங்க : Old Photos : உங்கள் வீட்டுப் பழைய போட்டோக்களில் மறைந்திருக்கும் 7 சுவாரஸ்யமான விஷயங்கள்!

தொலைக்காட்சி சமையல் நிகழ்ச்சிகள் மூலம் செஃப் தாமு பலருக்கும் அறிமுகமானார். குறிப்பாக, விஜய் தொலைக்காட்சியின் குக் வித் கோமாளி நிகழ்ச்சியில் நடுவராகப் பங்கேற்றதன் மூலம் இளைய தலைமுறையினரிடமும் அவருக்குப் பிரபல்யம் கிடைத்தது.

அதே நேரத்தில், அவரது பங்களிப்பு தொலைக்காட்சியுடன் முடிந்துவிடவில்லை. வீட்டில் சமைப்பவர்களுக்காக 17 சமையல் புத்தகங்களையும், கேட்டரிங் துறை மாணவர்களுக்காக நான்கு புத்தகங்களையும் அவர் வெளியிட்டுள்ளார். வீட்டுச் சமையலுக்கான சுமார் 2,700 சமையல் குறிப்புகளும் அவரது புத்தகங்களில் இடம்பெற்றுள்ளன.

தமிழகத்தின் மதிய உணவுத் திட்டத்திலும் அவர் பங்களித்துள்ளார். பள்ளி மாணவர்களுக்கான உணவு வகைகளை மேம்படுத்துவதிலும், மதிய உணவுத் திட்டப் பணியாளர்களுக்குப் பயிற்சி அளிப்பதிலும் ஈடுபட்டார். 32 மாவட்டங்களில் சுமார் 1.4 லட்சம் மதிய உணவுத் திட்டப் பணியாளர்களுக்குப் பயிற்சி வழங்கியதாகப் பதிவுகள் குறிப்பிடுகின்றன.

சமையல், கல்வி, தொலைக்காட்சி மற்றும் சமூகப் பணி எனப் பல தளங்களில் தனது பங்களிப்பைச் செலுத்திய செஃப் தாமுவின் பயணம், சமையல் துறையில் அவர் உருவாக்கிய அடையாளத்தை எடுத்துக்காட்டுகிறது.

இதையும் படிங்க : செலவு பண்ணது வெறும் 7 ரூபாய்... கிடைச்சது 1 கோடி ரூபாய்! தீபாவளிக்கு டிரஸ் எடுத்தப்போ நடந்த அதிசயம்!

TTF Vasan Net Worth : யூடியூப்பில் கோடிக்கணக்கில் வருமானம்... டிடிஎஃப் வாசனின் வியக்க வைக்கும் சொத்து மதிப்பு இதோ

Ganesh A — Tue, 27 Oct 2026 11:11:14 +0530

Youtuber TTF Vasan Net Worth : யூடியூப்பராக இருந்து தற்போது பிக் பாஸ் நிகழ்ச்சியில் போட்டியாளராக கலக்கி வரும் டிடிஎஃப் வாசன், சொத்து மதிப்பு பற்றி இந்த தொகுப்பில் விரிவாக பார்க்கலாம்.

மந்தமாக சென்று கொண்டிருந்த பிக் பாஸ் சீசன் 10 நிகழ்ச்சியை செம விறுவிறுப்பாக்கிய போட்டியாளர் என்றால் அது டிடிஎஃப் வாசன் தான். அவர் இந்த சீசனில் வைல்டு கார்டு எண்ட்ரியாக உள்ளே சென்றபோது அவருக்கு கேம் என்னவென்றே புரியவில்லை என சக போட்டியாளர்கள் சொல்ல, அடுத்த வாரமே அங்கு நடந்த ஹெய்ஸ்ட் டாஸ்க்கில் தனி ஆளாக டைமண்டை திருடி, யாருமே கண்டுபிடிக்க முடியாத இடத்தில் ஒளித்து வைத்ததோடு, ஒட்டுமொத்த வீட்டையும் ஒருவாரம் லோலோனு அலையவிட்டார் வாசன். அந்த வாரமே அவர் தான் டைட்டில் அடிக்கப் போகிறார் என்பது கன்ஃபார்ம் ஆகிவிட்டது.

கடந்த வாரம் வீக் எண்ட் எபிசோடில் கூட வாசனுக்கு கிடைத்த ஆடியன்ஸ் ரெஸ்பான்ஸை பார்த்து உள்ளே இருக்கும் சக போட்டியாளர்கள் எல்லாம் வாயடைத்துப் போய் உள்ளார்கள். அவரை ஓட்டிங்கில் வீழ்த்த முடியாது என்பது தெரிந்து, எப்படியாவது அவரை டிரிகர் பண்ணி, ரெட் கார்டு கொடுத்து வெளியே அனுப்பிவிட வேண்டும் என்கிற முனைப்பில் உள்ளார்கள் சக போட்டியாளர்கள். கடந்த வாரமே முகேஷை வாசன் அடிக்கப் போனது மிகப்பெரிய சர்ச்சையாகி அவருக்கு மஞ்சள் கார்டும் கொடுக்கப்பட்டது. இன்னொரு முறை மஞ்சள் கார்டு கொடுக்கப்பட்டால் அவர் நிகழ்ச்சியில் இருந்து வெளியேற்றப்பட வாய்ப்பு உள்ளது.

இப்படி பிக் பாஸ் வீட்டில் வார வாரம் பிரச்சனைகளை எதிர்கொண்டு வரும் வாசன், வெளியிலும் பல்வேறு சர்ச்சைகளில் சிக்கி இருந்தார். அதுமட்டுமின்றி அதிவேகமாக பைக் ஓட்டி விபத்தில் சிக்கியபோது கைதாகி சில மாதங்கள் சிறையிலும் இருந்தார் வாசன். பின்னர் தன்னுடைய சொந்த மாமா பொண்ணையே கல்யாணம் செய்துகொண்ட அவர், கடந்த ஆண்டு தமிழ் சினிமாவில் ஹீரோவாகவும் அறிமுகமானார். அவர் நடித்த ஐபிஎல் என்கிற திரைப்படம் கடந்த ஆண்டு வெளியானது. அதன்பின்னர் அவர் பிக் பாஸ் நிகழ்ச்சியில் வைல்டு கார்டு போட்டியாளராக கலந்துகொண்டு கலக்கி வருகிறார்.

இந்த நிலையில், டிடிஎஃப் வாசனின் சொத்து மதிப்பு பற்றிய விவரங்கள் மற்றும் அவரின் யூடியூப் சம்பாத்தியம் போன்ற தகவல்கள் இணையத்தில் கவனம் ஈர்த்துள்ளன. தனக்கு யூடியூப் மூலம் கிடைத்த வருமானம் மட்டும் ரூ.1.59 கோடி இருக்கும் என வாசனே தன்னுடைய சேனலில் ஓப்பனாக கூறி இருக்கிறார். அதில் 40 லட்சம் தெரிந்தவர்களுக்கு கடன் கொடுத்துவிட்டதாகவும், 20 லட்சத்துக்கு ஹயபுசா பைக் வாங்கியதாகவும் தெரிவித்துள்ளார். மேலும் தான் கைதானபோது அதன் வழக்கிற்காக மட்டும் 9 லட்சம் ரூபாய்க்கு மேல் செலவு செய்ததாக கூறி உள்ளார்.

இந்த பணத்தில் இருந்து தன்னுடைய அம்மாவுக்கு 5 லட்சம் கொடுத்தாராம். போர் போடுவதற்காக அவர் கேட்டபோது 5 லட்சம் கொடுத்ததாக கூறி உள்ளார் வாசன். இதுதவிர தான, தர்மங்கள் மட்டும் 40 லட்சம் செய்திருப்பேன் என கூறி இருக்கிறார். எஞ்சியுள்ள 35 லட்சத்தில் சொந்தமாக டிடிஎஃப் பிட்ஷாப் வைத்தது என இதர செலவுகளை செய்ததாக தெரிவித்திருக்கிறார். யூடியூப் மூலம் மட்டுமே 1.59 கோடி சம்பாதித்த வாசனுக்கு கோவை அருகே சொந்த விவசாய நிலம், வீடு எல்லாம் உள்ளது. அதெல்லாம் சேர்த்து பார்த்தால் அவரின் சொத்து மதிப்பு 2 கோடிக்கும் மேல் இருக்கும் என கூறப்படுகிறது.

Bigg Boss 10 : வினோத் பாபுவிடம் இருந்து பதவியை பறித்த ஹவுஸ்மேட்ஸ்... அடுத்ததாக பிக்பாஸ் அரியணையில் அமர்ந்தது யார்?

Ganesh A — Wed, 11 Nov 2026 11:33:41 +0530

Bigg Boss Tamil Season 10 : பிக்பாஸ் தமிழ் சீசன் 10 நிகழ்ச்சியில் ஜூனியர் பிக்பாஸ் ஆக வினோத் பாபு இருந்த நிலையில், தற்போது அவரை அந்த பதவியில் இருந்து நீக்கி உள்ளனர் ஹவுஸ்மேட்ஸ்.

பிக்பாஸ் தமிழ் சீசன் 10 நிகழ்ச்சி நாளுக்கு நாள் பல அதிரடி திருப்பங்களுடன் ஒளிபரப்பாகி வருகிறது. நிகழ்ச்சி தொடங்கி 9 வாரங்களைக் கடந்து தற்போது 10-வது வாரத்தில் அடியெடுத்து வைத்துள்ளது. ஆரம்பத்தில் 24 போட்டியாளர்களுடன் தொடங்கிய இந்தப் போட்டியில், அடுத்தடுத்து நடைபெற்ற வெளியேற்றங்களால் தற்போது 13 பேர் மட்டுமே வீட்டிற்குள் எஞ்சியுள்ளனர். குறிப்பாக, கடந்த வார இறுதியில் இரண்டு போட்டியாளர்கள் அடுத்தடுத்து வெளியேற்றப்பட்டது ரசிகர்கள் மத்தியில் பரபரப்பை ஏற்படுத்தியது.

இதற்கிடையில், இந்த சீசனில் இதுவரை இல்லாத வகையில் ஒரு புதிய மாற்றத்தையும் பிக்பாஸ் நிகழ்ச்சி அறிமுகப்படுத்தியுள்ளது. வழக்கமாக போட்டியாளர்களுக்கு அறிவுரைகளையும் கட்டளைகளையும் வழங்கும் பிக்பாஸின் குரல் தற்போது வீட்டிற்குள் ஒலிக்காமல் இருக்கிறது. அதற்குப் பதிலாக, போட்டியாளர்களில் ஒருவரே 'ஜூனியர் பிக்பாஸ்' ஆகத் தேர்வு செய்யப்பட்டு வீட்டை நிர்வகிக்கும் பொறுப்பை ஏற்று வருகிறார்.

Bigg Boss 10 : பிக்பாஸ் வீட்டில் அஸ்மிதா சிக்கினாரா? சீரியல் கில்லர் டாஸ்க்கில் முனியம்மாள் கொடுத்த அதிர்ச்சி!

முதலில் வினோத் பாபு ஜூனியர் பிக்பாஸாக நியமிக்கப்பட்டார். ஆனால், அவர் வீட்டை வழிநடத்திய விதம் சரியாக இல்லை என்ற விமர்சனங்கள் எழுந்ததைத் தொடர்ந்து அந்தப் பொறுப்பில் மாற்றம் செய்யப்பட்டது. தற்போது முனியம்மாள் ஜூனியர் பிக்பாஸாகச் செயல்பட்டு வருகிறார். இதனால் வீட்டிற்குள் அதிகாரம், கட்டுப்பாடு மற்றும் போட்டியாளர்களுக்கு இடையிலான கருத்து வேறுபாடுகள் தொடர்ந்து விவாதப் பொருளாகி வருகின்றன.

இந்தச் சூழலில், பிக்பாஸ் தமிழ் சீசன் 10 நிகழ்ச்சியின் 66-வது நாளுக்கான முதல் புரோமோ வீடியோ வெளியாகி ரசிகர்களின் கவனத்தை ஈர்த்துள்ளது. இந்தப் புரோமோவில், வீட்டிற்குள் நீதிமன்றத்தைப் போன்ற அமைப்பு உருவாக்கப்பட்டுள்ளது. நீதிமன்றத்தில் குற்றவாளிகள் நிறுத்தப்படும் கூண்டு போன்ற அமைப்பில் வினோத் பாபு நிற்க, அவரிடம் வழக்கறிஞர் வேடத்தில் இருக்கும் சாதிகா சரமாரியாகக் கேள்விகளை எழுப்புகிறார்.

அப்போது வினோத் பாபுவுக்கும் ஜேசனுக்கும் இடையே கருத்து மோதல் உருவாகிறது. இருவரும் ஒருவருக்கொருவர் வாக்குவாதத்தில் ஈடுபட, சிறிது நேரத்திலேயே அந்த விவாதம் தீவிரமான சண்டையாக மாறுகிறது. இதனால் பிக்பாஸ் வீட்டில் மீண்டும் பரபரப்பான சூழல் உருவாகியுள்ளது.

TTF Vasan Net Worth : யூடியூப்பில் கோடிக்கணக்கில் வருமானம்... டிடிஎஃப் வாசனின் வியக்க வைக்கும் சொத்து மதிப்பு இதோ

ஏற்கெனவே ஜூனியர் பிக்பாஸ் பொறுப்பிலிருந்து மாற்றப்பட்ட வினோத் பாபு, தற்போது நீதிமன்ற டாஸ்க்கில் கேள்விகளை எதிர்கொள்ளும் காட்சிகள் புரோமோவில் இடம்பெற்றுள்ளன. ஜேசனுடனான அவரது வாக்குவாதம் எந்த அளவுக்குச் செல்லும், இந்த விவகாரத்தில் மற்ற போட்டியாளர்கள் யார் பக்கம் நிற்கப்போகிறார்கள் என்ற எதிர்பார்ப்பு ரசிகர்கள் மத்தியில் அதிகரித்துள்ளது.

66-வது நாளிலேயே இப்படி ஒரு மோதல் வெடித்துள்ளதால், இன்றைய எபிசோடில் மேலும் என்னென்ன பிரச்சினைகள் வெடிக்கப்போகின்றன என்பதைப் பார்க்க ரசிகர்கள் ஆவலுடன் காத்திருக்கின்றனர்.

Bigg Boss Thamarai Selvi : நாங்க பிரிஞ்சிட்டோம்... பிக் பாஸ் தாமரைச் செல்வியின் கணவர் போட்ட டைவர்ஸ் பதிவால் வெடித்த சர்ச்சை

Bigg Boss : நாமினேஷனில் பிக் பாஸுக்கே ஷாக் கொடுத்த ஹவுஸ்மேட்ஸ்... இந்த வாரம் சிக்கியது யார்... யார்?

Ganesh A — Mon, 26 Oct 2026 12:35:04 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெற்ற ஓபன் நாமினேஷனில் செம ட்விஸ்ட் நடந்துள்ளது. அது யார்... யார் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி நாளுக்கு நாள் புதிய திருப்பங்களுடன் விறுவிறுப்பாக நகர்ந்து கொண்டிருக்கிறது. கடந்த செப்டம்பர் மாதம் தொடங்கிய இந்த நிகழ்ச்சி தற்போது ஏழு வாரங்களைக் கடந்து எட்டாவது வாரத்தில் அடியெடுத்து வைத்துள்ளது. ஆரம்பத்தில் அறிவிக்கப்பட்ட 'எதிர்பாராததை எதிர்பாருங்கள்' என்ற டேக் லைனுக்கு ஏற்றவாறு, நேற்றைய எபிசோடில் அரங்கேறிய சம்பவம் போட்டியாளர்களை மட்டுமின்றி பார்வையாளர்களையும் அதிர்ச்சியில் ஆழ்த்தியுள்ளது.

பிக்பாஸ் வீட்டில் நேற்று ஏழாவது வாரத்திற்கான எவிக்‌ஷன் நடைபெற்றது. இந்த வாரம் எவிக்‌ஷன் ஃப்ரீ பாஸ் வைத்திருந்த மூன்று போட்டியாளர்களில் ஜேசன் மற்றும் வாசன் ஆகியோர் ஏற்கெனவே காப்பாற்றப்பட்டிருந்தனர். ஆனால், மற்றொரு பாஸ் வைத்திருந்த ஷாமா மட்டும் டேஞ்சர் சோனில் சிக்கியிருந்தார். அவருடன் மேலும் நான்கு போட்டியாளர்களும் வெளியேற்றப்படும் அபாயத்தில் இருந்தனர்.

இந்தச் சூழலில் நிகழ்ச்சியைத் தொகுத்து வழங்கிய ரம்யா கிருஷ்ணன், ஷாமாவிடம் அவருடைய எவிக்‌ஷன் ஃப்ரீ பாஸை பயன்படுத்த விரும்புகிறாரா என்று கேள்வி எழுப்பினார். தன்னுடைய ரசிகர்களின் வாக்குகள் தன்னைக் காப்பாற்றிவிடும் என்ற நம்பிக்கையிலோ என்னவோ, தற்போது அந்த பாஸை பயன்படுத்தப் போவதில்லை என்று ஷாமா தெரிவித்தார். ஆனால், அடுத்த சில நிமிடங்களில் நடந்த சம்பவம் ஒட்டுமொத்த பிக்பாஸ் வீட்டையும் அதிர்ச்சியில் உறைய வைத்தது.

இந்த வாரம் குறைவான வாக்குகளைப் பெற்ற போட்டியாளராக ஷாமா அறிவிக்கப்பட்டார். இதனால் எவிக்‌ஷன் ஃப்ரீ பாஸ் கையில் இருந்தும் அதைப் பயன்படுத்தாத காரணத்தால் பிக்பாஸ் வீட்டிலிருந்து வெளியேறும் நிலைக்கு அவர் தள்ளப்பட்டார். கடைசி நேரத்தில் பாஸை பயன்படுத்த வாய்ப்பு வழங்கப்பட்டும் அதை நிராகரித்த ஷாமாவின் முடிவு அவருக்கே பாதகமாக அமைந்தது. அவர் வெளியேற்றப்பட்டதை அறிந்ததும் சக போட்டியாளர்கள் அதிர்ச்சியடைந்தனர். பாதுகாப்பாக அடுத்த வாரத்திற்குச் செல்ல கிடைத்த வாய்ப்பை தவறவிட்ட ஷாமாவின் எவிக்‌ஷன், இந்த சீசனில் எதிர்பாராத திருப்பங்களில் ஒன்றாக அமைந்துள்ளது.

ஷாமாவின் வெளியேற்றம் குறித்த பரபரப்பு இன்னும் அடங்காத நிலையில், பிக்பாஸ் தமிழ் சீசன் 10 நிகழ்ச்சியின் 50-வது நாளுக்கான முதல் புரோமோ வெளியாகியுள்ளது. அதில் எட்டாவது வாரத்திற்கான நாமினேஷன் வழக்கத்திற்கு மாறாக ஓபன் நாமினேஷன் முறையில் நடைபெறுவது தெரியவந்துள்ளது. இதனால் போட்டியாளர்கள் தாங்கள் நாமினேட் செய்ய விரும்பும் நபர்களை மற்றவர்கள் முன்னிலையிலேயே வெளிப்படையாகத் தெரிவிக்க வேண்டிய சூழல் உருவாகியுள்ளது. இதில் மற்றொரு பெரிய திருப்பமாக, தற்போது பிக்பாஸ் வீட்டில் இருக்கும் 15 போட்டியாளர்களும் இந்த வார நாமினேஷன் பட்டியலில் இடம்பெற்றுள்ளனர்.

வீட்டில் உள்ள அனைவருமே நாமினேஷனில் சிக்கியிருப்பதால் இந்த வார எவிக்‌ஷன் மீதான எதிர்பார்ப்பு அதிகரித்துள்ளது. குறிப்பாக ஓபன் நாமினேஷன் காரணமாக போட்டியாளர்களிடையே புதிய மோதல்கள், கருத்து வேறுபாடுகள் மற்றும் கூட்டணி மாற்றங்கள் ஏற்படுமா என்ற கேள்வியும் எழுந்துள்ளது. கடந்த வாரம் ஃப்ரீ பாஸ் இருந்தும் ஷாமா வெளியேறிய நிலையில், இந்த வாரம் யாருக்கு ரசிகர்களின் ஆதரவு கிடைக்கும், யார் குறைவான வாக்குகளைப் பெற்று பிக்பாஸ் வீட்டிலிருந்து வெளியேறுவார்கள் என்பது வார இறுதி எபிசோடில் தெரியவரும். மொத்தத்தில், எட்டாவது வாரத்தின் தொடக்கமே அதிரடியாக அமைந்திருப்பதால் இனிவரும் நாட்களில் பிக்பாஸ் வீட்டில் பரபரப்புக்குப் பஞ்சமிருக்காது என எதிர்பார்க்கப்படுகிறது.

Bigg Boss 10 : பிக் பாஸ் ஹோஸ்ட் திடீரென மாற்றம்... விஜய் சேதுபதிக்கு பதில் இவரா?

Ganesh A — Sat, 24 Oct 2026 07:33:54 +0530

Bigg Boss Tamil Season 10 Host Changed : பிக் பாஸ் தமிழ் சீசன் 10 நிகழ்ச்சியில் இந்த வாரம் விஜய் சேதுபதிக்கு பதிலாக வேறு ஒருவர் ஹோஸ்டாக களமிறங்க உள்ளார். அவர் யார் என்பதை பார்க்கலாம்.

பிக் பாஸ் தமிழ் சீசன் 10 நிகழ்ச்சி கடந்த செப்டம்பர் மாதம் தொடங்கப்பட்ட நிலையில், தற்போது 50 நாட்களை நெருங்கி வருகிறது. இந்நிகழ்ச்சியை மக்கள் செல்வன் விஜய் சேதுபதி தான் தொகுத்து வழங்கி வருகிறார். அவர் பிக் பாஸில் தொகுப்பாளராக களமிறங்கும் மூன்றாவது சீசன் இது. பிக் பாஸ் நிகழ்ச்சியின் 8-வது சீசனில் இருந்து விஜய் சேதுபதி தான் தொகுத்து வழங்கி வருகிறார். அவருக்கு முன் முதல் 7 சீசன்களை உலகநாயகன் கமல்ஹாசன் தொகுத்து வழங்கினார். அவர் சினிமாவில் பிசியானதால் பிக் பாஸை விட்டு விலகினார். அதன்பின்னர் அந்த பொறுப்பு விஜய் சேதுபதியிடம் சென்றது.

கமல்ஹாசன் தொகுத்து வழங்கும் ஸ்டைலும், விஜய் சேதுபதி தொகுத்து ஸ்டைலும் வெவ்வேறு விதமாக இருந்தது. கடந்த இரண்டு சீசன்களாக விஜய் சேதுபதி தொகுத்து வழங்கியதற்கும், இந்த சீசனை அவர் தொகுத்து வழங்கியதற்கும் பல்வேறு விமர்சனங்கள் இருந்தன. இதனால் ஹோஸ்டை மாற்ற வேண்டும் என்றெல்லாம் நெட்டிசன்கள் வலியுறுத்தி வந்தனர். அவர்கள் கேட்டபடியே பிக் பாஸ் டீம் தற்போது ஹோஸ்டை மாற்றி உள்ளனர். இந்த வாரம் விஜய் சேதுபதி பிக் பாஸ் நிகழ்ச்சியை தொகுத்து வழங்க மாட்டார் என்பது உறுதியாகி உள்ளது.

அதன்படி விஜய் சேதுபதிக்கு பதிலாக இந்த வாரம் லேடி ஹோஸ்ட் ஒருவர் பிக் பாஸ் நிகழ்ச்சியை தொகுத்து வழங்குவார் என அறிவிக்கப்பட்டு அதற்காக ஒரு புரோமோவும் வெளியிட்டுள்ளனர். அதில் அந்த லேடி யார் என்பதை ரிவீல் செய்யாமல் சஸ்பென்ஸாக வைத்திருக்கிறார்கள். இருப்பினும் அந்த புரோமோவில் வரும் தோற்றத்தை பார்க்கும்போதே அது நடிகை ரம்யா கிருஷ்ணன் தான் என்பது அப்பட்டமாக தெரிகிறது. அதனால் இந்த வாரம் விஜய் சேதுபதிக்கு பதில் ரம்யா கிருஷ்ணன் தான் தொகுத்து வழங்க உள்ளார்.

ஹோஸ்ட் மாற்றப்பட்டது சிலரின் எதிர்ப்பினால் அல்ல என்பதையும் புரிந்துகொள்ள வேண்டும். விஜய் சேதுபதி கடந்த இரு வாரங்களாக தொண்டை வலியுடன் தான் நிகழ்ச்சியை தொகுத்து வழங்கினார். இந்த வாரமும் அவருக்கு தொண்டை வலி சரியாகாததால், மேலும் ரிஸ்க் எடுக்க விரும்பாத அவர், மருத்துவர்களின் அறிவுறுத்தலின்படி ஓய்வெடுத்து வருவதால், அவருக்கு பதில் ரம்யா கிருஷ்ணனை ஹோஸ்டாக தேர்வு செய்துள்ளனர். விஜய் சேதுபதிக்கு உடல்நிலை சரியானதும் அவர் மீண்டும் ஹோஸ்டாக களமிறங்குவார்.

ரம்யா கிருஷ்ணன் பிக் பாஸ் தமிழ் நிகழ்ச்சியை தொகுத்து வழங்குவது இது முதல்முறை அல்ல. இதற்கு முன்னதாக பிக் பாஸ் சீசன் 5 நிகழ்ச்சி நடைபெற்றபோது அப்போது தொகுப்பாளராக இருந்த கமல்ஹாசனுக்கு கொரோனா தொற்று ஏற்பட்டு அவர் மருத்துவமனையில் அனுமதிக்கப்பட்டிருந்தார். அந்த சமயத்தில் ஒரு வாரம் மட்டும் கமல்ஹாசனுக்கு பதிலாக ரம்யா கிருஷ்ணன் தொகுத்து வழங்கி இருந்தார். சுமார் 5 சீசன்கள் கழித்து அவர் மீண்டும் பிக் பாஸ் தமிழில் தொகுப்பாளராக களமிறங்கி உள்ளதால் இந்த வார எபிசோடு நிச்சயம் அனல்பறக்கும் என எதிர்பார்க்கப்படுகிறது.

கே.என்.நேரு மீதான ரூ.634 கோடி ஊழல் புகாரில் எனக்கு தொடர்பா? வேறுவழியின்றி உண்மையை போட்டுடைத்த ஜனனி அசோக்குமார்

Ganesh A — Sat, 31 Oct 2026 11:57:03 +0530

Janani Ashokkumar Breaks Silence : கே.என்.நேரு மீதான ரூ.634 கோடி ஊழல் புகாரில் நடிகை ஜனனி அசோக்குமாருக்கும் தொடர்பு இருப்பதாக சர்ச்சை எழுந்த நிலையில், அதுகுறித்து அவரே விளக்கம் அளித்துள்ளார்.

சமூக வலைதளங்களில் கடந்த இரண்டு நாட்களாகத் தனது பெயரைத் தொடர்புபடுத்தி பரப்பப்பட்டு வரும் ரூ.634 கோடி மோசடி குற்றச்சாட்டுகளுக்கு ஜனனி அசோக்குமார் விளக்கம் அளித்துள்ளார். தனக்கும் இந்த விவகாரத்திற்கும் எந்தவிதமான தொடர்பும் இல்லை என்று திட்டவட்டமாக மறுத்துள்ள அவர், உண்மையை உறுதிப்படுத்தாமல் ஒருவரைப் பற்றிய தவறான தகவல்களைப் பரப்புவது வேதனையளிப்பதாகத் தெரிவித்துள்ளார்.

இது தொடர்பாக தனது தரப்பு விளக்கத்தை விரிவான அறிக்கையாக வெளியிட்டுள்ள ஜனனி, ஊடகங்களுக்கும் சமூக வலைதளப் பயனர்களுக்கும் முக்கிய வேண்டுகோள் ஒன்றையும் முன்வைத்துள்ளார்.

கடந்த இரண்டு நாட்களாக எக்ஸ், இன்ஸ்டாகிராம் உள்ளிட்ட சமூக வலைதளங்களில் ரூ.634 கோடி மோசடி தொடர்பான பதிவுகளுடன் தனது பெயரும் இணைத்துப் பேசப்படுவதாக ஜனனி குறிப்பிட்டுள்ளார். இந்த விவகாரத்தில் தனக்கு எந்தத் தொடர்பும் இல்லை என்பதைத் தெளிவுபடுத்த விரும்புவதாகத் தெரிவித்துள்ள அவர், தனது அறிக்கையில் கூறியிருப்பதாவது:

"இந்த விவகாரத்திற்கும் எனக்கும் எந்தச் சம்பந்தமும் இல்லை என்பதை மிகவும் தெளிவாகத் தெரிவித்துக்கொள்கிறேன். நான் எப்போதுமே அரசியலில் இருந்து விலகியே இருந்திருக்கிறேன். எந்தவொரு அரசியல் கட்சியுடனும் எனக்குத் தொடர்பு இருந்ததில்லை. அரசியல்வாதிகளுடன் தனிப்பட்ட நட்பையும் வைத்துக்கொண்டதில்லை. என்னைப் பற்றி தற்போது பரப்பப்படும் குற்றச்சாட்டுகள் அனைத்தும் உண்மைக்குப் புறம்பானவை. அவை நான் வாழ்ந்த வாழ்க்கையையோ, என்னுடைய உண்மையான அடையாளத்தையோ பிரதிபலிக்கவில்லை" எனக் குறிப்பிட்டுள்ளார்.

தனது பெயரைச் சர்ச்சைக்குரிய விவகாரத்துடன் தொடர்புபடுத்தி செய்திகளும் பதிவுகளும் வெளியிடப்படுவது குறித்து ஜனனி கடும் அதிருப்தி தெரிவித்துள்ளார். ஒருவர் மீது இவ்வளவு தீவிரமான குற்றச்சாட்டுகளை முன்வைப்பதற்கு முன்பு அதன் உண்மைத்தன்மையை ஆராய வேண்டாமா என்றும் அவர் கேள்வி எழுப்பியுள்ளார். குறிப்பாக, சம்பந்தப்பட்ட நபரிடம் விளக்கம் கேட்காமலும், உறுதியான ஆதாரங்களை முன்வைக்காமலும் குற்றச்சாட்டுகளைப் பரப்புவது எந்த வகையில் நியாயம் எனக் கேட்டுள்ளார்.

மேலும், பொதுமக்களுக்குச் சரியான தகவல்களை வழங்க வேண்டிய பொறுப்பு ஊடகங்களுக்கு இருப்பதாகவும், ஒருவரின் பெயர் அல்லது புகைப்படத்துடன் தொடர்ந்து குற்றச்சாட்டுகளை இணைத்துப் பரப்புவது அவரது நற்பெயருக்குப் பெரும் பாதிப்பை ஏற்படுத்தக்கூடும் என்றும் தெரிவித்துள்ளார். ஒரு விவகாரம் குறித்து விசாரணை நடத்தக் கோரிக்கை எழுவது மட்டுமே, அதில் குறிப்பிடப்படும் நபர் தவறு செய்துவிட்டார் என்பதற்கான ஆதாரமாகிவிடாது என்பதையும் அவர் சுட்டிக்காட்டியுள்ளார்.

தனது வாழ்க்கை மற்றும் திரைத்துறைப் பயணம் குறித்தும் ஜனனி அறிக்கையில் உருக்கமாகப் பேசியுள்ளார். பல ஆண்டுகளாக இந்தத் துறையில் கடுமையாக உழைத்து, தனக்கென ஒரு வாழ்க்கையையும் நற்பெயரையும் உருவாக்கியிருப்பதாக அவர் தெரிவித்துள்ளார். யாருடைய ஆதரவையும் சார்ந்திருக்காமல், ஆரம்பத்திலிருந்து சொந்த முயற்சியால் தனது வாழ்க்கையையும் தொழிலையும் கட்டமைத்ததாகக் குறிப்பிட்டுள்ள அவர், இணையத்தில் தொடர்ந்து பரப்பப்படும் ஒரு தவறான தகவல் இத்தனை ஆண்டுகால உழைப்பையும் மறைத்துவிடுமா என வேதனையுடன் கேள்வி எழுப்பியுள்ளார்.

சமூக வலைதளங்களில் ஒரு தகவல் அதிகமாகப் பகிரப்படுகிறது என்பதற்காகவே, அதன் உண்மைத்தன்மையை அறியாமல் பலரும் அதை நம்பிவிடுவதாகவும் அவர் வருத்தம் தெரிவித்துள்ளார். தன்னை நன்கு அறிந்தவர்களுக்கு இந்தக் குற்றச்சாட்டுகள் உண்மையல்ல என்பது தெரியும் என்றும், இருப்பினும் மீண்டும் மீண்டும் தனது தரப்பு நியாயத்தை விளக்க வேண்டிய சூழல் மனதளவில் சோர்வை ஏற்படுத்துவதாகவும் தெரிவித்துள்ளார்.

தனது அறிக்கையில் பெண்களின் கண்ணியம் குறித்தும் ஜனனி முக்கியமான கருத்தைப் பதிவு செய்துள்ளார். உண்மை என்ன என்பதை முழுமையாகத் தெரிந்துகொள்வதற்கு முன்பே, ஒரு பெண் மீது எளிதாகக் குற்றச்சாட்டுகளைச் சுமத்துவதும் அவருக்குத் தவறான அடையாளத்தை ஏற்படுத்துவதும் மிகவும் வேதனையளிப்பதாக அவர் குறிப்பிட்டுள்ளார். ஒரு பெண் தனது சுயமரியாதையுடன் வாழ்க்கையை அமைத்துக்கொள்ள எவ்வளவு போராட வேண்டியுள்ளது என்பதை உணராமல், ஆதாரமற்ற தகவல்களைப் பரப்புவது ஏற்றுக்கொள்ள முடியாதது என்பதையும் தனது அறிக்கையின் மூலம் வெளிப்படுத்தியுள்ளார்.

தன்னைப் பற்றிய தகவல்களை வெளியிடுவதற்கு முன்பு அவற்றின் உண்மைத்தன்மையைச் சரிபார்க்குமாறு ஊடகங்களுக்கும் இணையப் பயனர்களுக்கும் ஜனனி வேண்டுகோள் விடுத்துள்ளார். தனக்குத் தொடர்பு இருப்பதாகத் தவறான தோற்றத்தை ஏற்படுத்தும் பதிவுகளைத் திருத்தவோ அல்லது நீக்கவோ வேண்டும் என்றும் அவர் வலியுறுத்தியுள்ளார். குற்றச்சாட்டு என்பது நிரூபிக்கப்பட்ட உண்மை அல்ல என்பதை அனைவரும் புரிந்துகொள்ள வேண்டும் எனக் கேட்டுக்கொண்டுள்ளார்.

மேலும், இந்தக் கடினமான சூழலில் நிதானமாகவும் நியாயமாகவும் நடந்துகொண்டு தனக்கு ஆதரவளித்த அனைவருக்கும் மனமார்ந்த நன்றியையும் தெரிவித்துள்ளார். தனது அறிக்கையின் இறுதியில், உண்மையும் ஆதாரங்களும் எந்த அளவிற்கு முக்கியமோ, அதே அளவிற்கு ஒரு மனிதரின் கண்ணியமும் முக்கியமானது என்ற கருத்தை ஜனனி அழுத்தமாகப் பதிவு செய்துள்ளார். ரூ.634 கோடி மோசடி தொடர்பாகத் தனது பெயரை இணைத்துப் பரப்பப்படும் குற்றச்சாட்டுகளை ஜனனி அசோக்குமார் திட்டவட்டமாக மறுத்துள்ள நிலையில், அவரது இந்த விளக்க அறிக்கை கவனம் பெற்றுள்ளது

எலிமினேஷனில் சமந்தா கொடுத்த அதிரடி ட்விஸ்ட்.. மாஸ்டர் செஃப் நிகழ்ச்சியிலிருந்து முதல் ஆளாக வெளியேறியது இவரா?

Ganesh A — Sat, 31 Oct 2026 13:00:58 +0530

Celebrity MasterChef Tamil:செலிபிரிட்டி மாஸ்டர் செஃப் தமிழ் நிகழ்ச்சி சோனி விழா தொலைக்காட்சியில் ஒளிபரப்பாகி வரும் நிலையில், அதில் முதல் எலிமினேஷன் நடந்துள்ளது. அதில் யார் எலிமினேட் ஆனார்கள் என்பதை பார்க்கலாம்.

தமிழ் சின்னத்திரையில் ரியாலிட்டி நிகழ்ச்சிகளுக்கென தனி ரசிகர் பட்டாளமே உள்ளது. அந்த வகையில், பிரபலங்கள் தங்களது சமையல் திறமையை வெளிப்படுத்தும் 'செலிபிரிட்டி மாஸ்டர் செஃப் தமிழ்' நிகழ்ச்சி தற்போது பார்வையாளர்களின் கவனத்தை ஈர்த்து வருகிறது. இதுவரை நடிப்பு, நகைச்சுவை மற்றும் பொழுதுபோக்கு நிகழ்ச்சிகள் மூலம் ரசிகர்களை மகிழ்வித்து வந்த பிரபலங்கள், தற்போது சமையல் போட்டியில் ஒருவருக்கொருவர் சவால் விடுத்து வருகின்றனர்.

ஒவ்வொரு வாரமும் புதுவிதமான டாஸ்க்குகள் வழங்கப்படுவதால் போட்டியாளர்களுக்கு இடையிலான போட்டியும் விறுவிறுப்படைந்துள்ளது. இந்நிலையில், கடந்த வாரம் எலிமினேஷன் நடைபெறாத நிலையில், இந்த வாரம் நிகழ்ச்சியிலிருந்து முதல் போட்டியாளர் வெளியேற்றப்பட்டுள்ளார். அந்தப் பிரபலம் யார் என்பது குறித்த தகவல் தற்போது வெளியாகியுள்ளது.

சர்வதேச அளவில் அதிக வரவேற்பைப் பெற்ற சமையல் ரியாலிட்டி நிகழ்ச்சிகளில் மாஸ்டர் செஃப் முக்கியமான ஒன்றாகும். ஆஸ்திரேலியா, கனடா, பிரேசில், கொலம்பியா, டென்மார்க் உள்ளிட்ட சுமார் 70 நாடுகளில் பல்வேறு வடிவங்களில் இந்த நிகழ்ச்சி நடத்தப்பட்டுள்ளதாகக் கூறப்படுகிறது.

சமையலில் ஆர்வம் கொண்டவர்கள் தங்களது தனித்துவமான திறமையை வெளிப்படுத்துவதற்கான மேடையாக இந்த நிகழ்ச்சி விளங்கி வருகிறது. அதன் தொடர்ச்சியாகத் தமிழில் பிரபலங்களை மையமாகக் கொண்டு 'செலிபிரிட்டி மாஸ்டர் செஃப்' நிகழ்ச்சி தொடங்கப்பட்டுள்ளது.

இதில் நடிகை சமந்தா சிறப்பு நடுவராகப் பங்கேற்று வருகிறார். அவருடன் பிரபல சமையல் கலைஞர்களான செஃப் வெங்கடேஷ் பட், செஃப் ஸ்ரீயா அட்கா மற்றும் செஃப் சசி செல்லையா ஆகியோரும் நடுவர்களாக இடம்பெற்றுள்ளனர். நிகழ்ச்சியை மிர்ச்சி விஜய் தனது வழக்கமான கலகலப்பான பாணியில் தொகுத்து வழங்கி வருகிறார்.

சமையல் களத்தில் இறங்கிய 12 பிரபலங்கள்!

செலிபிரிட்டி மாஸ்டர் செஃப் தமிழ் நிகழ்ச்சியில் மொத்தம் 12 பிரபலங்கள் போட்டியாளர்களாகக் களமிறங்கினர். ரேஷ்மி, RJ தீபக், பாலாஜி முருகதாஸ், அபி, மதிச்சியம் பாலா, தீனா, ரவி மரியா, வினோதினி, சித்தார்த்தா, சியாரா, ஜனனி அசோக் குமார் மற்றும் ஜூலி ஆகியோர் இந்த நிகழ்ச்சியில் பங்கேற்றுள்ளனர். சமையலில் வெவ்வேறு அனுபவங்களைக் கொண்ட இவர்கள், நடுவர்கள் வழங்கும் சவால்களை எதிர்கொண்டு தங்களது திறமையை நிரூபித்து வருகின்றனர்.

கடந்த இரண்டு வாரங்களாக நடைபெற்ற போட்டிகளில் பலரும் வித்தியாசமான உணவுகளைத் தயாரித்து நடுவர்களின் பாராட்டுகளைப் பெற்றனர். அதே நேரத்தில், சில போட்டியாளர்கள் வழங்கப்பட்ட டாஸ்க்குகளைச் சரியாக முடிக்க முடியாமல் தடுமாறியதும் நிகழ்ச்சியின் சுவாரஸ்யத்தை அதிகரித்தது.

கடந்த வாரம் நடைபெற்ற நிகழ்ச்சியில் RJ தீபக் போட்டியிலிருந்து வெளியேற்றப்படுவதாக அறிவிக்கப்பட்டது. இந்த அறிவிப்பைக் கேட்டதும் சக போட்டியாளர்கள் அதிர்ச்சியடைந்தனர். ஆனால், சிறிது நேரத்திலேயே அந்த அறிவிப்பு உண்மையான எலிமினேஷன் இல்லை என்றும், அது ஒரு பிராங்க் என்றும் நடிகை சமந்தா தெரிவித்தார்.

இதனால் தீபக் மட்டுமின்றி மற்ற போட்டியாளர்களும் நிம்மதியடைந்தனர். அந்த வாரம் யாரும் வெளியேற்றப்படவில்லை என்பதால் 12 பேரும் தொடர்ந்து போட்டியில் நீடித்தனர். இருப்பினும், அடுத்த வாரம் உண்மையான எலிமினேஷன் நடைபெறும் என்ற எதிர்பார்ப்பு ரசிகர்கள் மத்தியில் அதிகரித்திருந்தது.

இந்த வாரம் நடைபெற்ற சமையல் சவாலில் போட்டியாளர்கள் அனைவரும் தங்களது திறமையை வெளிப்படுத்தினர். இதில் நடுவர்களின் எதிர்பார்ப்பைப் பூர்த்தி செய்யும் வகையில் சிறப்பாகச் செயல்பட்ட ஆறு பேர் எலிமினேஷன் அபாயத்திலிருந்து தப்பினர். அதன்படி, ரேஷ்மி, தீனா, ரவி மரியா, அபி, சியாரா மற்றும் சித்தார்த்தா ஆகிய ஆறு பேரும் Safe Zone-க்கு அனுப்பப்பட்டனர்.

இதையடுத்து, பாலாஜி முருகதாஸ், மதிச்சியம் பாலா, வினோதினி, RJ தீபக், ஜனனி அசோக் குமார் மற்றும் ஜூலி ஆகியோர் எலிமினேஷன் சுற்றை எதிர்கொள்ள வேண்டிய சூழல் ஏற்பட்டது. இந்த ஆறு பேரில் யார் சிறப்பாகச் சமைத்து போட்டியில் நீடிப்பார்கள், யார் முதல் ஆளாக வெளியேறுவார்கள் என்ற எதிர்பார்ப்பு அதிகரித்தது.

எலிமினேஷன் சுற்றில் போட்டியாளர்கள் தயாரித்த உணவுகளை நடுவர்கள் மதிப்பீடு செய்தனர். இதில் ஜூலி சமைத்த உணவு நடுவர்களின் எதிர்பார்ப்பை முழுமையாகப் பூர்த்தி செய்யவில்லை என்று கூறப்படுகிறது. மற்ற போட்டியாளர்களுடன் ஒப்பிடும்போது குறைவான மதிப்பெண்களைப் பெற்றதால், ஜூலி நிகழ்ச்சியிலிருந்து வெளியேற்றப்படுவதாக அறிவிக்கப்பட்டது.

இதன் மூலம் செலிபிரிட்டி மாஸ்டர் செஃப் தமிழ் நிகழ்ச்சியின் முதல் எலிமினேஷனைச் சந்தித்த போட்டியாளர் என்ற நிலையை ஜூலி பெற்றுள்ளார். கடந்த வாரம் எலிமினேஷன் அறிவிப்பு பிராங்காக முடிந்த நிலையில், இந்த வாரம் நடைபெற்ற உண்மையான வெளியேற்றம் போட்டியாளர்கள் மத்தியில் போட்டியின் தீவிரத்தை உணர்த்தியுள்ளது.

இனி போட்டி அனல் பறக்கப்போகிறதா?

ஜூலியின் வெளியேற்றத்தைத் தொடர்ந்து, செலிபிரிட்டி மாஸ்டர் செஃப் தமிழ் நிகழ்ச்சியில் தற்போது 11 போட்டியாளர்கள் மீதமுள்ளனர். முதல் எலிமினேஷன் நடந்து முடிந்துள்ளதால், இனிவரும் வாரங்களில் ஒவ்வொரு போட்டியாளரும் தங்களது இடத்தைத் தக்கவைத்துக்கொள்ளக் கடுமையாகப் போராட வேண்டிய சூழல் உருவாகியுள்ளது.

நடுவர்களின் பாராட்டுகளைப் பெறுவதுடன், சுவை, உணவு தயாரிக்கும் முறை, புதுமை மற்றும் உணவைப் பரிமாறும் விதம் எனப் பல்வேறு அம்சங்களிலும் போட்டியாளர்கள் கவனம் செலுத்த வேண்டியுள்ளது. முதல் ஆளாக ஜூலி வெளியேறியுள்ள நிலையில், அடுத்த வாரம் யார் எலிமினேஷன் சுற்றில் சிக்குவார்கள்? யார் சிறப்பான சமையல் மூலம் நடுவர்களை அசத்தப்போகிறார்கள்? என்ற எதிர்பார்ப்பு தற்போது ரசிகர்கள் மத்தியில் எழுந்துள்ளது.

Bigg Boss 10 : வினோத் பாபு, முனியம்மாள், அன்சரை தொடர்ந்து அடுத்த ஜூனியர் பிக் பாஸ் யார்? பிக் பாஸ் வீட்டில் வெடித்த பஞ்சாயத்து

Ganesh A — Thu, 12 Nov 2026 11:11:30 +0530

Who Will Become the Next Junior Bigg Boss? பிக் பாஸ் வீட்டில் இந்த வாரம் ஜூனியர் பிக் பாஸ் ஆக போட்டியாளர்கள் இடையே கடும் போட்டி நிலவி வருகிறது. அதைப்பற்றி விரிவாக பார்க்கலாம்.

தமிழ் தொலைக்காட்சி ரசிகர்களிடம் மிகப்பெரிய வரவேற்பைப் பெற்ற ரியாலிட்டி நிகழ்ச்சிகளில் ஒன்றாக பிக் பாஸ் தமிழ் இருந்து வருகிறது. கடந்த 2017-ம் ஆண்டு தொடங்கப்பட்ட இந்த நிகழ்ச்சி இதுவரை 9 சீசன்களைக் கடந்து, தற்போது 10-வது சீசனில் அடியெடுத்து வைத்துள்ளது. கடந்த செப்டம்பர் மாதம் தொடங்கிய பிக் பாஸ் தமிழ் சீசன் 10, நாளுக்கு நாள் புதிய திருப்பங்களுடனும் விறுவிறுப்பான போட்டிகளுடனும் ஒளிபரப்பாகி வருகிறது.

தற்போது நிகழ்ச்சி 10-வது வாரத்தை எட்டியுள்ள நிலையில், பிக் பாஸ் வீட்டில் நடைபெறும் வித்தியாசமான டாஸ்க்குகளும் போட்டியாளர்களுக்கு இடையிலான மோதல்களும் ரசிகர்களின் கவனத்தை ஈர்த்து வருகின்றன. அதிலும் இந்த சீசனில் பிக்பாஸின் வழக்கமான குரல் இல்லாமல் நிகழ்ச்சி நடைபெறுவது மிகப்பெரிய ஆச்சரியத்தை ஏற்படுத்தியுள்ளது. இந்தியாவின் பிற மொழி பிக் பாஸ் நிகழ்ச்சிகளிலிருந்து மாறுபட்ட இந்த முயற்சி, வீட்டில் இருக்கும் போட்டியாளர்கள் முதல் பார்வையாளர்கள் வரை அனைவருக்கும் புதுவித அனுபவமாக அமைந்துள்ளது.

பிக்பாஸின் வழக்கமான அறிவுறுத்தல்களுக்குப் பதிலாக, வீட்டில் இருக்கும் போட்டியாளர்களில் ஒருவரையே ஜூனியர் பிக்பாஸாக நியமித்து மற்றவர்களுக்கு அறிவுறுத்தல்களை வழங்கச் செய்யும் புதிய நடைமுறை அறிமுகப்படுத்தப்பட்டது. இதனால் யார் அந்தப் பொறுப்புக்கு வரப்போகிறார்கள் என்ற எதிர்பார்ப்பும் போட்டியாளர்களிடையே உருவானது.

முதலில் வினோத் பாபு ஜூனியர் பிக்பாஸாகத் தேர்வு செய்யப்பட்டார். இந்தப் பொறுப்புடன் அவருக்குக் கிடைக்கும் சலுகைகள் மற்றும் அதிகாரங்கள் குறித்து மற்ற போட்டியாளர்கள் அறிந்ததும், அவரை அந்தப் பதவியில் தொடர்ந்து இருக்க விடாமல் மாற்றினர். இதையடுத்து முனியம்மாள் இரண்டாவது ஜூனியர் பிக்பாஸாகத் தேர்ந்தெடுக்கப்பட்டார். அவரைத் தொடர்ந்து அன்சர் மூன்றாவது ஜூனியர் பிக்பாஸாகப் பொறுப்பேற்றார்.

இந்நிலையில், பிக் பாஸ் தமிழ் சீசன் 10 நிகழ்ச்சியின் 67-வது நாளுக்கான முதல் புரோமோ வீடியோ தற்போது வெளியாகியுள்ளது. இதில் அடுத்ததாக யாரை ஜூனியர் பிக்பாஸாகத் தேர்ந்தெடுப்பது என்பது தொடர்பாகப் போட்டியாளர்களிடையே விவாதம் எழுகிறது.

ஏற்கனவே மூன்று பேர் இந்தப் பொறுப்பை ஏற்றுள்ள நிலையில், நான்காவது ஜூனியர் பிக்பாஸாக யார் வரப்போகிறார் என்ற கேள்வி ரசிகர்களிடம் எழுந்துள்ளது. இந்தப் பதவிக்கான தேர்வின்போது தன்யா மற்றும் ஜேசன் இடையே கருத்து வேறுபாடுகளும் சலசலப்பும் ஏற்படுவது புரோமோவில் கவனம் பெற்றுள்ளது. இதில் தன்யாவுக்கு சப்போர்டாக வரும் ஷாதிகா, ஜேசன் உடன் சண்டைபோடுகிறார்.

ஜூனியர் பிக் பாஸ் பதவிக்கான போட்டியில் யார் வெற்றி பெறுவார்கள், அடுத்ததாக யாருக்கு அதிகாரம் வழங்கப்படும், அந்தப் பொறுப்பை மற்ற போட்டியாளர்கள் ஏற்றுக்கொள்வார்களா என்ற எதிர்பார்ப்பு அதிகரித்துள்ளது. இதற்கான விடை இன்றைய முழு எபிசோடில்தான் தெரியவரும்.

ஏற்கனவே பிக்பாஸின் குரல் இல்லாத வித்தியாசமான அனுபவத்தைக் கொடுத்து வரும் இந்த சீசனில், ஜூனியர் பிக் பாஸ் பதவியைச் சுற்றி மீண்டும் உருவாகியுள்ள பரபரப்பு ரசிகர்களின் கவனத்தை ஈர்த்துள்ளது. தற்போது 67-வது நாள் புரோமோ வீடியோவும் இணையத்தில் வைரலாகி வருகிறது.

Bigg Boss 10 : பிக்பாஸ் வீட்டில் அஸ்மிதா சிக்கினாரா? சீரியல் கில்லர் டாஸ்க்கில் முனியம்மாள் கொடுத்த அதிர்ச்சி!

Ganesh A — Thu, 05 Nov 2026 19:02:24 +0530

Bigg Boss Tamil 10 : பிக்பாஸ் தமிழ் சீசன் 10 நிகழ்ச்சியில் இந்த வாரம் நடைபெற்றும் வரும் சீக்ரெட் டாஸ்க்கில் அஸ்மிதாவை சிக்க வைத்துள்ளார் முனியம்மாள். அதைப்பற்றி விரிவாக பார்க்கலாம்.

தமிழ் தொலைக்காட்சியில் ரசிகர்களின் கவனத்தை ஈர்த்து வரும் நிகழ்ச்சிகளில் ஒன்றாக பிக்பாஸ் தமிழ் சீசன் 10 உள்ளது. கடந்த செப்டம்பர் 6ந் தேதி அன்று தொடங்கிய இந்த நிகழ்ச்சி தற்போது ஒன்பதாவது வாரத்தை எட்டியுள்ளது. ஆரம்பத்தில் 24 போட்டியாளர்கள் பங்கேற்ற நிலையில், இதுவரை 9 பேர் வீட்டிலிருந்து வெளியேறியுள்ளனர். தற்போது 15 போட்டியாளர்கள் பிக்பாஸ் வீட்டில் தொடர்ந்து தங்களது விளையாட்டை விளையாடி வருகின்றனர்.

வழக்கமான சீசன்களைக் காட்டிலும் இந்த முறை போட்டியாளர்களின் செயல்பாடுகள் ரசிகர்களிடையே அதிக விவாதங்களை ஏற்படுத்தி வருகின்றன. குறிப்பாக, போட்டியாளர்களுக்கு வழங்கப்படும் வித்தியாசமான டாஸ்க்குகள் மற்றும் அவர்களுக்கிடையே நடைபெறும் மோதல்கள் நிகழ்ச்சியின் சுவாரஸ்யத்தை அதிகரித்து வருகின்றன. தமிழ் ரசிகர்கள் மட்டுமின்றி, மலையாள ரசிகர்கள் மத்தியிலும் இந்த சீசன் கவனம் பெற்றுள்ளது.

பிக்பாஸ் தமிழ் சீசன் 10 நிகழ்ச்சி எட்டு வாரங்களைக் கடந்து தற்போது ஒன்பதாவது வாரத்தில் ஒளிபரப்பாகி வருகிறது. இந்த வாரம் போட்டியாளர்களுக்கு 'பிபி திருந்துங்கடா அகடமி' என்ற வித்தியாசமான டாஸ்க் வழங்கப்பட்டுள்ளது. இந்த டாஸ்க்கில் போட்டியாளர்கள் தங்களுக்குக் கொடுக்கப்பட்ட பணிகளைச் செய்து வருகின்றனர். இதற்கிடையில், வீட்டில் நடைபெறும் விவாதங்கள் மற்றும் சண்டைகள் ரசிகர்களின் கவனத்தை ஈர்த்து வருகின்றன.

பிக்பாஸ் வீட்டில் உணவு தொடர்பான பிரச்சினைகள் போட்டியாளர்களிடையே அடிக்கடி மோதல்களை ஏற்படுத்தி வருகின்றன. டாஸ்க்குகளை விட உணவு விஷயத்தில் அதிகமாக வாக்குவாதங்கள் நடைபெறுவதாக ரசிகர்கள் கவனித்து வருகின்றனர். நேற்றைய எபிசோடிலும் போட்டியாளர்களின் விளையாட்டை விட உணவு தொடர்பான விவாதங்கள் அதிகமாக இடம்பெற்றன. இதனால் வீட்டில் நிலவும் கருத்து வேறுபாடுகள் மீண்டும் வெளிச்சத்திற்கு வந்துள்ளன. இந்நிலையில், இன்றைய புரோமோவில் முனியம்மாள் தனக்கு உணவில் உப்பு மற்றும் காரம் வேண்டும் என்று கேட்கும் காட்சி இடம்பெற்றுள்ளது.

ஆனால், தன்யா அதற்கு மறுப்பு தெரிவிப்பதால் இருவருக்கும் இடையே வாக்குவாதம் தொடங்குகிறது. இதையடுத்து, முனியம்மாள் அகடமியின் பிரின்சிபலாக இருக்கும் அஸ்மிதாவிடம் சென்று புகார் அளிக்கிறார். அங்கும் தன்யா தனது முடிவில் உறுதியாக இருப்பதால், உணவு விவகாரம் மீண்டும் சண்டையாக மாறுகிறது. பிக்பாஸ் வீட்டில் முனியம்மாள் பல்வேறு விஷயங்களில் மற்ற போட்டியாளர்களுடன் வாக்குவாதத்தில் ஈடுபட்டு வந்தாலும், உணவு தொடர்பான பிரச்சினைகளில் அவர் அதிக உணர்ச்சிவசப்படுவது ரசிகர்களின் கவனத்தை ஈர்த்து வருகிறது.

இதற்கிடையில், பிக்பாஸ் வீட்டில் அஸ்மிதா மற்றும் ஜேசன் இருவருக்கும் ரகசிய டாஸ்க் வழங்கப்பட்டுள்ளது. இதில் இருவரும் சீரியல் கில்லர்களாக செயல்பட்டு, மற்ற போட்டியாளர்களுக்குத் தெரியாமல் தங்களது பணியை முடிக்க வேண்டும் என்பதே சவாலாக இருந்தது. 59-வது நாள் எபிசோடில் வழங்கப்பட்ட இந்த ரகசிய டாஸ்க்கை இருவரும் வெற்றிகரமாக முடித்ததாகக் கூறப்படுகிறது. இதனால், வீட்டில் அடுத்ததாக என்ன நடக்கும் என்ற எதிர்பார்ப்பு அதிகரித்துள்ளது.

இன்றைய எபிசோடில் அஸ்மிதா மற்றும் ஜேசன் விளையாடிய ரகசிய டாஸ்க் குறித்த உண்மை மற்ற போட்டியாளர்களுக்கு தெரியவருகிறது. அஸ்மிதாவின் செயல்பாடுகளை கவனித்த முனியம்மாள், அவர்தான் சீரியல் கில்லராக இருக்கலாம் என்று சந்தேகிக்கிறார். குறிப்பாக, டாஸ்க்கில் அஸ்மிதாவின் ஓவர் பர்ஃபார்மன்ஸை பார்த்து அவர் இந்த முடிவுக்கு வந்ததாக புரோமோவில் காட்டப்பட்டுள்ளது.

இதனால், முனியம்மாள் அஸ்மிதாவை கண்டுபிடித்தாரா அல்லது அவருடைய சந்தேகம் சரியானதா என்ற எதிர்பார்ப்பு ரசிகர்களிடையே அதிகரித்துள்ளது. உணவு தொடர்பான வாக்குவாதம் ஒருபுறம், சீரியல் கில்லர் டாஸ்க் மறுபுறம் என பிக்பாஸ் தமிழ் சீசன் 10 வீட்டில் இன்றைய எபிசோடு பரபரப்பாக அமைய உள்ளது. இதற்கான முழு விவரங்களையும் இன்றைய நிகழ்ச்சியில் காணலாம்.

Bigg Boss Shama : எலிமினேட் ஆன ஷமாவுக்கு பிக் பாஸ் வாரி வழங்கிய சம்பளம் எவ்வளவு தெரியுமா?

Ganesh A — Mon, 26 Oct 2026 09:22:45 +0530

Bigg Boss Shama Salary : பிக் பாஸ் தமிழ் சீசன் 10 நிகழ்ச்சியில் இருந்து எலிமினேட் ஆன ஷமாவிற்கு எவ்வளவு சம்பளம் வழங்கப்பட்டது என்பதை பற்றி இந்த தொகுப்பில் பார்க்கலாம்.

பிக் பாஸ் தமிழ் சீசன் 10 நிகழ்ச்சி 50 நாட்களைக் கடந்து ஒளிபரப்பாகி வருகிறது. இந்நிகழ்ச்சியை மக்கள் செல்வன் விஜய் சேதுபதி தான் தொகுத்து வழங்கி வருகிறார். ஆனால் கடந்த வாரத்திற்கான வீக் எண்ட் எபிசோடை மட்டும் ரம்யா கிருஷ்ணன் தொகுத்து வழங்கினார். அதுவே ரசிகர்களுக்கு பேரதிர்ச்சியாக இருந்த நிலையில், நேற்று நடைபெற்ற எவிக்‌ஷன் அதைவிட ஒரு பேரதிர்ச்சியாக இருந்தது. ஏனெனில் நேற்று பிக் பாஸ் நிகழ்ச்சியில் இருந்து ஷமா எலிமினேட் ஆனார். அவரின் எவிக்‌ஷன் யாருமே எதிர்பாராத ஒன்றாக அமைந்தது.

பிக் பாஸ் தமிழ் சீசன் 10 நிகழ்ச்சியில் கடந்த சில வாரங்களுக்கு முன்னர் நடைபெற்ற டாஸ்கின் போது 3 எவிக்‌ஷன் ஃப்ரீ பாஸ் நல்லா விளையாடும் போட்டியாளர்களுக்கு வழங்கப்படும் என அறிவிக்கப்பட்டது. அந்த எவிக்‌ஷன் ஃப்ரீ பாஸை முதன்முதலில் வென்ற போட்டியாளர் என்றால் அது ஷமா தான். எஞ்சியுள்ள இரண்டு பாஸ்களையும் ஜேசன் மற்றும் டிடிஎஃப் வாசன் ஆகியோர் வென்றனர். இந்த எவிக்‌ஷன் ஃப்ரீ பாஸ் 70 நாள்கள் வரை தான் செல்லுபடியாகும். அதற்குள் ஒரு முறை நாமினேஷனில் இருந்து தப்பித்துக் கொள்ளலாம்.

அப்படி இருக்கையில் கடந்த வாரம் நாமினேஷனில் சிக்கியிருந்த ஷமா, தான் எலிமினேட் ஆக மாட்டேன் என்கிற ஓவர் கான்பிடன்ஸால் எவிக்‌ஷன் ஃப்ரீ பாஸை பயன்படுத்தாமலேயே எலிமினேட் ஆகி இருக்கிறார். ஷமா உடன் முத்தழகி, அக்‌ஷிதா, அஸ்மிதா ஆகியோர் டேஞ்சர் ஜோனில் இருந்த நிலையில், ரம்யா கிருஷ்ணன், ஷமாவிடம் உங்களிடம் இருக்கும் நாமினேஷன் ஃப்ரீ பாஸை பயன்படுத்தப் போகிறீர்களா என்று கேட்க, அதற்கு ஷமா நோ சொல்லிவிட்டார். தான் எலிமினேட் ஆக மாட்டேன் என்கிற நம்பிக்கையில் ஷமா இப்படி சொல்லி இருந்தார்.

ஆனால் அவர் தான் எடுத்த இந்த முடிவு மிகவும் தவறானது என யோசிக்கும் வகையில் ரிசல்ட் வந்தது. கம்மியான வாக்குகள் வாங்கியிருந்த ஷமா இந்த வாரம் எலிமினேட் ஆவதாக அறிவிக்கப்பட்டார். பிக் பாஸ் வரலாற்றிலேயே எவிக்‌ஷன் ஃப்ரீ பாஸ் வென்றும் அதை பயன்படுத்தாமல் எலிமினேட் ஆன முதல் போட்டியாளர் ஷமா தான். அவரின் எவிக்‌ஷன் அறிவிக்கப்பட்டதும் அனைவருமே ஷாக் ஆனார்கள். ஏனெனில் மற்ற போட்டியாளர்கள் அனைவரும் முத்தழகி தான் எலிமினேட் ஆவார் என யூகித்தனர். அவர்கள் யாருமே ஷமாவின் பெயரை குறிப்பிடவில்லை.

பிக் பாஸ் காமன்மேன் ஷோவில் இருந்து வந்து ரசிகர்களின் மனதில் இடம்பிடித்த ஷமா, 50 நாட்கள் பிக் பாஸ் வீட்டில் இருந்ததற்காக அவருக்கு மிகப்பெரிய தொகை சம்பளம் வழங்கப்பட்டு உள்ளது. ஷமாவிற்கு ஒரு நாளைக்கு ரூ.10 ஆயிரம் சம்பளமாக வழங்கப்பட்டிருக்கிறது. அதன்படி பார்த்தால், அவர் மொத்தமாக பிக் பாஸ் வீட்டில் இருந்த 50 நாட்களுக்கு ரூ.5 லட்சம் சம்பளமாக வாங்கி இருக்கிறார். ஷமா பிக் பாஸ் நிகழ்ச்சி மூலம் பிரபலமானதோடு, பிக் பாஸிடம் இருந்தும் பாராட்டையும் பெற்று எலிமினேட் ஆகி இருக்கிறார்.

Bigg Boss 10 : பிக் பாஸ் வீட்டில் நடந்த மிட் வீக் எவிக்‌ஷன்... அதிரடியாக எலிமினேட் செய்யப்பட்ட போட்டியாளர் யார்?

Ganesh A — Wed, 04 Nov 2026 14:39:13 +0530

Bigg Boss Mid Week Eviction : பிக் பாஸ் தமிழ் சீசன் 10 நிகழ்ச்சியில் முதன்முறையாக மிட் வீக் எவிக்‌ஷன் நடைபெற்றுள்ளதாம். அதில் யார் எலிமினேட் ஆனார்கள் என்பதை பார்க்கலாம்.

பிக் பாஸ் தமிழ் சீசன் 10 நிகழ்ச்சி கடந்த செப்டம்பர் மாதம் தொடங்கப்பட்ட நிலையில் தற்போது 50 நாட்களைக் கடந்து ஒளிபரப்பாகி வருகிறது. இந்நிகழ்ச்சி தொடக்கத்தில் மந்தமாக சென்றுகொண்டிருந்த நிலையில், வைல்டு கார்டு போட்டியாளர்களின் எண்ட்ரிக்கு பின்னர் சூடுபிடிக்க தொடங்கியது. அதிலும் குறிப்பாக வைல்டு கார்டு போட்டியாளராக டிடிஎஃப் வாசன் உள்ளே வந்ததில் இருந்து தான் கேம் டோட்டலாக மாறி இருக்கிறது. அவருக்கு ரசிகர்கள் மத்தியில் ஏகோபித்த வரவேற்பு கிடைத்து வருவதால் இந்த ஆண்டு டைட்டில் வின்னர் ஆகவும் வாய்ப்பு உள்ளது.

பிக் பாஸ் வீட்டில் தற்போது 15 போட்டியாளர்கள் களத்தில் உள்ளனர். நிகழ்ச்சி இறுதிக்கட்டத்தை எட்டி வருவதால், எஞ்சியுள்ள போட்டியாளர்களை டபுள் எவிக்‌ஷன் முறையில் வெளியேற்ற வாய்ப்புள்ளது. அதில் மற்றொரு ட்விஸ்டாக இந்த வாரம் மிட் வீக் எவிக்‌ஷன் நடைபெற்றிருப்பதாக தகவல் கசிந்துள்ளன. இந்த வாரம் நாமினேட் ஆன போட்டியாளர்களில் இதுவரை கம்மியான வாக்குகளை பெற்றுள்ள போட்டியாளர் மிட் வீக் எவிக்‌ஷனில் வெளியேற்றப்படுவது வழக்கம். அந்த வகையில் இன்று பிக் பாஸ் வீட்டில் மிட் வீக் எவிக்‌ஷன் நடந்துள்ளதாம்.

அப்படி மிட் வீக் எவிக்‌ஷன் மூலம் அக்‌ஷிதா எலிமினேட் செய்யப்பட்டு உள்ளதாக தகவல்கள் பரவி வருகின்றன. இந்த வாரத்திற்கான ஓட்டிங்கில் அக்‌ஷிதா மற்றும் அவருடைய அண்ணன் அவினாஷ் தான் கடைசி இரண்டு இடத்தில் உள்ளனர். இதில் அக்‌ஷிதாவை வெளியேற்றி இருப்பதாக கூறப்படுகிறது. அக்‌ஷிதா கடந்த வாரம் விஜய் சேதுபதியிடம் இருந்து கடுமையான விமர்சனங்களை எதிர்கொண்டார். அவர் டிடிஎஃப் வாசனிடம் வேண்டுமென்றே வம்பிழுத்தது, அவரை பாத்திரத்தால் அடித்தது போன்றவை அக்‌ஷிதாவுக்கு நெகடிவ் ஆக மாறியது.

அதுமட்டுமின்றி கடந்த வாரம் இரண்டு முறை அக்‌ஷிதாவுக்கு வலிப்பு வந்தது. ஒருமுறை கேம் ஆடும் போது மயங்கி விழுந்து வலிப்பு வந்தது. அப்போது அவரை சக போட்டியாளர்கள் உடனடியாக மருத்துவ அறைக்கு தூக்கிச் சென்றனர். அதன்பின்னர் வார இறுதியில் விஜய் சேதுபதி, அக்‌ஷிதா, டிடிஎஃப் வாசனை தாக்கியதற்கான ஆதாரத்துடன் கூடிய குறும்படத்தை இரண்டு முறை திரையிட்டார். அப்போது பாத்ரூமில் சென்று ஏங்கி ஏங்கி அழுதபோது அக்‌ஷிதாவுக்கு வலிப்பு வந்தது. பின்னர் மருத்துவ உதவி கொடுக்கப்பட்ட பின்னரே அவர் இயல்பு நிலைக்கு திரும்பினார்.

அக்‌ஷிதா இந்த பிக் பாஸ் வீட்டில் வைல்டு கார்டாக உள்ளே வந்த முதல் நாளே அவருக்கு தலைவர் பதவியும் கிடைத்தது. அந்த ஒரு வாரம் மட்டும் தான் ஆக்டிவாக இருந்தார். மற்றபடி, வீட்டில் ஓபி அடித்துக் கொண்டு சுற்றினார். புரோமோவில் இடம்பெற வேண்டும் என்பதற்காக முகேஷுடன் சேர்ந்து லவ் கண்டண்டும் கொடுத்து வந்தார். இதை தவிர்த்து பார்த்தால் அவர் இந்த பிக் பாஸ் வீட்டில் சரிவர விளையாடவில்லை. அதன் எதிரொலியாக தான் இந்த வாரம் அவரை மிட் வீக்கில் எலிமினேட் செய்திருக்கிறார்கள் என கூறப்படுகிறது.

Bigg Boss : டாஸ்குகளில் மைனிங் மாஃபியாஸை கதறவிட்ட கெள பாய்ஸ்... தன்யா - ஜேசன் இடையே வெடித்த மோதல்

Ganesh A — Thu, 29 Oct 2026 13:41:53 +0530

Cowboys vs Mining Mafia : பிக் பாஸ் தமிழ் சீசன் 10 நிகழ்ச்சியில் கெள பாய்ஸ் மற்றும் மைனிங் மாஃபியா இடையேயான மோதலில் யார் வென்றார்கள் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி ஒவ்வொரு வாரமும் புதிய டாஸ்குகள், போட்டியாளர்களுக்கு இடையிலான மோதல்கள் என விறுவிறுப்பாகச் சென்று கொண்டிருக்கிறது. முந்தைய சீசன்களில் இடம்பெறாத வகையிலான பல சவால்கள் இந்த முறை அறிமுகப்படுத்தப்பட்டு வருவதால், நிகழ்ச்சியின் மீதான எதிர்பார்ப்பும் அதிகரித்துள்ளது.

தற்போது ஏழு வாரங்களைக் கடந்து எட்டாவது வாரத்தில் அடியெடுத்து வைத்துள்ள இந்த நிகழ்ச்சியில், 15 போட்டியாளர்கள் வீட்டிற்குள் தொடர்ந்து விளையாடி வருகின்றனர். போட்டி இறுதிக்கட்டத்தை நோக்கி நகர்வதால், ஒவ்வொரு டாஸ்கிலும் வெற்றி பெற வேண்டும் என்ற முனைப்புடன் போட்டியாளர்கள் செயல்பட்டு வருகின்றனர்.

இந்த வாரம் இரண்டு போட்டியாளர்களிடம் எவிக்‌ஷன் ஃப்ரீ பாஸ் இருக்கும் நிலையில், மீதமுள்ள போட்டியாளர்கள் அனைவரும் நாமினேஷன் பட்டியலில் இடம்பெற்றுள்ளனர். இதனால், இந்த வார எவிக்‌ஷனில் இருந்து தப்பிக்க போட்டியாளர்கள் தங்களது ஆட்டத்தில் கூடுதல் கவனம் செலுத்தி வருகின்றனர்.

இதற்கிடையில், இந்த வார டாஸ்குகளில் போட்டியாளர்கள் இரண்டு அணிகளாகப் பிரிந்து விளையாடி வருகின்றனர். இதில் கௌ பாய்ஸ் அணி தொடர்ந்து வெற்றிகளைப் பெற்று முன்னிலையில் இருக்கிறது, மைனிங் மாஃபியா அணி வெற்றிக்காகப் போராடி வருகிறது நிகழ்ச்சியில் காட்டப்படுகிறது. இதனால் அடுத்தடுத்த டாஸ்குகளில் எந்த அணி வெற்றி பெறும் என்ற எதிர்பார்ப்பு ரசிகர்களிடையே உருவாகியுள்ளது.

இந்த நிலையில், பிக்பாஸ் தமிழ் சீசன் 10 நிகழ்ச்சியின் 53-வது நாளுக்கான முதல் புரோமோ வெளியாகியுள்ளது. அதில், ‘சிந்தாமல்’ என்ற புதிய டாஸ்க் இடம்பெற்றுள்ளது. இந்தச் சவாலில் இரு அணிகளும் தங்களது திறமையை வெளிப்படுத்தத் தயாராகி வருகின்றனர். இந்த டாஸ்கிலும் கெள பாய்ஸ் டீம் தான் வெற்றி பெறுவது போல் தெரிகிறது. இதையடுத்து வாயில் ஸ்ட்ரா வைத்து பந்தை எடுத்து சென்று எதிரே உள்ளே கிளாசில் போடும் டாஸ்க்கும் நடைபெற்றிருக்கிறது. அந்த டாஸ்க்கிலும் மைனிங் மாஃபியாவை கதறவிட்டு வெற்றிபெற்றுள்ளனர் கெள பாய்ஸ்.

இப்படி தொடர்ச்சியாக டாஸ்க்குகளில் தோல்வியடைந்த மைனிங் மாஃபியா அணியினர் டைனிங் டேபிளில் வைத்து டிஸ்கஸ் பண்ணுகிறார்கள். அப்போது தன்யா மற்றும் ஜேசன் இடையே வாக்குவாதம் ஏற்பட்டுள்ளது. அப்போது தன்யா எல்லா டாஸ்கிலும் விளையாட விரும்புவதாக ஜேசன் சொல்ல, அதைக்கேட்டு டென்சன் ஆன தன்யா கோபத்தில் கத்துகிறார். அப்போது ஜேசன் குறுக்கிட்டு நீ இதுமட்டும் தான் பண்ணுவ என மட்டம் தட்டி பேசுகிறார். அதனால் கடுப்பான தன்யா, இப்படி சொன்னா நான் அசிங்கமா பேசுவேன் என சொல்கிறார்.

ஒரு கட்டத்தில் வார்த்தை மோதல் முற்றி, நீ அசிங்கமா பேசி பாரு என ஜேசன் சொன்னதும், தன்னுடைய காலில் இருக்கு செருப்பை கழட்டி, நீ இதுக்கு கூட சமமில்லை என சொல்கிறார். அதற்கு ஜேசன், நீயும் அதுவும் ஒன்னு என பதிலடி கொடுக்கிறார். இதனால் இன்றைய எபிசோடில் தன்யா - ஜேசன் மோதல் ஹைலைட்டாக இருக்கும் என எதிர்பார்க்கப்படுகிறது.

ஏற்கெனவே வெற்றிப் பாதையில் இருக்கும் கௌ பாய்ஸ் அணி தனது ஆதிக்கத்தைத் தொடருமா? அல்லது இதுவரை வெற்றியைப் பெறப் போராடி வரும் மைனிங் மாஃபியா அணி இந்த முறை வெற்றிக் கணக்கைத் தொடங்குமா? என்பதற்கான விடை இன்றைய எபிசோடில் தெரியவரும். இதனால் 53-வது நாள் டாஸ்க் குறித்த எதிர்பார்ப்பு ரசிகர்களிடையே அதிகரித்துள்ளது.

Bigg Boss 10 : அக்‌ஷிதா கிரேட் எஸ்கேப்... பிக் பாஸில் இந்த வாரம் எலிமினேட் ஆகப்போகும் போட்டியாளர் யார் தெரியுமா?

Ganesh A — Sat, 31 Oct 2026 10:17:39 +0530

Bigg Boss Elimination : பிக் பாஸ் தமிழ் சீசன் 10 நிகழ்ச்சியில் இந்த வாரம் 15 போட்டியாளர்களும் நாமினேட் ஆகி இருந்தனர். அவர்களில் இருந்து எலிமினேட் ஆனது யார் என்பதை பார்க்கலாம்.

விஜய் தொலைக்காட்சியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி, நாளுக்கு நாள் புதிய சர்ச்சைகளுடன் விறுவிறுப்பாக நகர்ந்து வருகிறது. போட்டியாளர்களுக்கு இடையே நடைபெறும் டாஸ்க்குகள் ஒருபுறம் ரசிகர்களை ஈர்த்துவரும் நிலையில், மறுபுறம் வீட்டிற்குள் உருவாகும் கருத்து வேறுபாடுகளும் மோதல்களும் சமூக வலைதளங்களில் விவாதப் பொருளாக மாறியுள்ளன. குறிப்பாக, TTF வாசன் மற்றும் அக்ஷிதா இடையே ஏற்பட்டுள்ள பிரச்சனை தற்போது ரசிகர்கள் மத்தியில் பெரும் பரபரப்பை ஏற்படுத்தியுள்ளது. இந்த விவகாரம் காரணமாக வாசனுக்கு ரெட் கார்டு வழங்கப்படுமா என்ற கேள்வியும் இணையத்தில் எழுந்துள்ளது.

பிக் பாஸ் வீட்டில் ஏற்கெனவே TTF வாசனுக்கும் முகேஷுக்கும் இடையே ஏற்பட்ட தள்ளுமுள்ளு சம்பவம் சர்ச்சையை ஏற்படுத்தியிருந்தது. அந்தப் பிரச்சனை ஓரளவுக்குத் தணிந்த நிலையில், தற்போது அக்ஷிதாவுடன் வாசனுக்கு ஏற்பட்டுள்ள மோதல் மீண்டும் பரபரப்பைக் கிளப்பியுள்ளது. சமீபத்தில் நடைபெற்ற ஒரு சம்பவத்தின்போது, அக்ஷிதாவின் கை வாசன் மீது பட்டதாகக் கூறப்படுகிறது. இது தொடர்பான வீடியோ காட்சிகள் சமூக வலைதளங்களில் பரவிய நிலையில், அக்ஷிதா வேண்டுமென்றே வாசனைத் தாக்கினாரா என்ற கேள்வி ரசிகர்கள் மத்தியில் எழுந்துள்ளது.

ஆனால், தான் திட்டமிட்டு அவரை அடிக்கவில்லை என்றும், இடையில் தடுக்க முயன்றபோதுதான் எதிர்பாராத விதமாகக் கை பட்டுவிட்டதாகவும் அக்ஷிதா விளக்கம் அளித்ததாகக் கூறப்படுகிறது. இருப்பினும், வைரலாகும் காட்சிகளைப் பார்த்த ரசிகர்கள் சிலர், அக்ஷிதாவின் செயல் தற்செயலாக நடந்ததுபோல் தெரியவில்லை என விமர்சித்து வருகின்றனர்.

இதேபோல், மற்றொரு சம்பவத்திலும் வாசன் - அக்ஷிதா இடையே கடுமையான வாக்குவாதம் ஏற்பட்டுள்ளது. வாசன் ஓர் இடத்திலிருந்து வெளியேற முயன்றபோது, அக்ஷிதா அவருக்கு வழிவிடாமல் எதிரே நின்றதாகக் கூறப்படுகிறது. இதனால் தன்னைச் செல்ல அனுமதிக்குமாறு வாசன் கேட்டுள்ளார். ஆனால், அக்ஷிதா தொடர்ந்து அங்கேயே நின்றதால், அவரை விலகிச் செல்லுமாறு கூறிய வாசன், தோள்பட்டை பகுதியில் தள்ளியதாகத் தெரிகிறது.

இதனால் ஆத்திரமடைந்த அக்ஷிதா, தன்னை எப்படி தள்ளலாம் என வாசனிடம் கேள்வி எழுப்பியுள்ளார். இதையடுத்து இருவருக்கும் இடையிலான வாக்குவாதம் மேலும் தீவிரமடைந்துள்ளது. இந்தச் சம்பவம் தொடர்பாக இணையத்தில் பல்வேறு கருத்துகள் பகிரப்பட்டு வருகின்றன. குறிப்பாக, வாசன் வெளியேற முயன்றபோது அவருக்கு வழிவிடாமல் நின்றது ஏன் என அக்ஷிதாவை நோக்கி சில நெட்டிசன்கள் கேள்வி எழுப்பியுள்ளனர். அதே நேரத்தில், எந்தச் சூழலிலும் சக போட்டியாளரை உடல் ரீதியாகத் தள்ளுவது சரியானதா என்ற விவாதமும் எழுந்துள்ளது.

அக்ஷிதாவுக்கு ஆதரவாகக் களமிறங்கிய கரிஷ்மா!

இந்த விவகாரத்தில் அக்ஷிதாவுக்கு ஆதரவாக கரிஷ்மாவும் பேசியதாகக் கூறப்படுகிறது. வாசனின் செயலுக்கு எதிர்ப்பு தெரிவித்து அவரும் வாக்குவாதத்தில் ஈடுபட்டதாகப் பரவும் தகவல்கள் ரசிகர்கள் மத்தியில் பேசுபொருளாகியுள்ளன. ஏற்கெனவே பிக் பாஸ் வீட்டில் வாசனுக்குக் கிடைக்கும் வரவேற்பு தொடர்பாகப் போட்டியாளர்கள் சிலர் பேசியிருந்ததாகக் கூறப்படும் நிலையில், தற்போது ஏற்பட்டுள்ள இந்த மோதலையும் அதனுடன் தொடர்புபடுத்தி ரசிகர்கள் விவாதித்து வருகின்றனர்.

குறிப்பாக, வார இறுதி எபிசோட்களில் வாசனுக்குக் கிடைக்கும் கைதட்டல்களும் ரசிகர்களின் ஆதரவும்தான் மற்ற போட்டியாளர்களுக்கு அவர் மீது அதிருப்தி ஏற்படக் காரணம் என வாசனின் ஆதரவாளர்கள் சிலர் கருத்து பதிவிட்டு வருகின்றனர். இதனால் அக்ஷிதாவுக்கு ஆதரவாகப் பேசிய கரிஷ்மாவையும் சமூக வலைதளங்களில் சிலர் விமர்சித்து வருகின்றனர். இருப்பினும், போட்டியாளர்களின் உண்மையான நோக்கம் என்ன என்பது நிகழ்ச்சியின் முழுமையான காட்சிகள் மூலமே தெரியவரும்.

பிக் பாஸ் வீட்டில் நடந்த சம்பவங்கள் குறித்த மாறுபட்ட விளக்கங்கள் இணையத்தில் பரவிவரும் நிலையில், இந்த வார இறுதி எபிசோடில் தொகுப்பாளர் விஜய் சேதுபதி இந்த விவகாரத்தை விசாரிப்பாரா என்ற எதிர்பார்ப்பு அதிகரித்துள்ளது. குறிப்பாக, அக்ஷிதாவின் கை வாசன் மீது பட்ட சம்பவம் மற்றும் வாசன் வெளியேற முயன்றபோது ஏற்பட்ட தள்ளுமுள்ளு ஆகிய இரண்டு நிகழ்வுகளின் முழுமையான காட்சிகளையும் குறும்படமாக ஒளிபரப்ப வேண்டும் என ரசிகர்கள் சிலர் கோரிக்கை விடுத்து வருகின்றனர். இதனால் இந்த வார சனிக்கிழமை எபிசோடில் இரண்டு குறும்படங்கள் இடம்பெற வாய்ப்புள்ளதாகவும் ரசிகர்கள் மத்தியில் பேசப்படுகிறது. ஆனால், இதுகுறித்து அதிகாரப்பூர்வமான தகவல் எதுவும் வெளியாகவில்லை.

TTF வாசனுக்கு ரெட் கார்டு கொடுக்கப்படுமா?

தற்போது ரசிகர்கள் மத்தியில் அதிகம் விவாதிக்கப்படும் மற்றொரு விஷயம் வாசனுக்கு ரெட் கார்டு வழங்கப்படுமா என்பதுதான். அக்ஷிதாவை வாசன் தள்ளியதாகக் கூறப்படும் சம்பவத்தை முன்வைத்து, அவர் மீது நடவடிக்கை எடுக்கப்படுமா என்ற கேள்வி எழுந்துள்ளது. அதேபோல், இந்த மோதலில் இரு தரப்பினரின் செயல்பாடுகளும் முழுமையாக ஆய்வு செய்யப்பட வேண்டும் எனவும் சிலர் வலியுறுத்துகின்றனர். வாசனுக்கு எதிராக இந்த விவகாரம் ஒருதலைப்பட்சமாகப் பயன்படுத்தப்படக்கூடாது என்பது அவரது ரசிகர்களின் கருத்தாக உள்ளது.

பிக் பாஸ் வீட்டில் அடுத்தடுத்து உருவாகிவரும் மோதல்களுக்கு மத்தியில், இந்த வார இறுதி எபிசோட் மீதான எதிர்பார்ப்பு அதிகரித்துள்ளது. வாசன் - அக்ஷிதா இடையிலான பிரச்சனைக்கு விஜய் சேதுபதி என்ன விளக்கம் அளிக்கப்போகிறார்? இருவரின் செயல்பாடுகள் குறித்தும் கேள்வி எழுப்புவாரா? சம்பவத்தின் முழுமையான காட்சிகள் குறும்படமாக வெளியிடப்படுமா? என்பது ரசிகர்களின் முக்கிய எதிர்பார்ப்பாக உள்ளது.

இந்த வாரம் அனைத்து போட்டியாளர்களும் நாமினேட் ஆகி இருந்தனர். அவர்களில் அக்‌ஷிதாவை எப்படியாவது வெளியேற்ற வேண்டும் என முடிவெடுத்து, அவரைத் தவிர்த்து மற்ற போட்டியாளர்களுக்கு வாக்குகளை அள்ளி வீசி வந்தனர் டிடிஎஃப் ரசிகர்கள். அப்படி இருந்து அக்‌ஷிதா தப்பி இருக்கிறார். இந்த வாரம் மிகவும் கம்மியான வாக்கு வாங்கியிருப்பது முகேஷ் தான். அவர் தான் இந்த வாரம் எலிமினேட் ஆவார் என தகவல்கள் தெரிவிக்கின்றன.

Akshitha : பிக் பாஸ் வீட்டை விட்டு வெளியேறுகிறாரா அக்‌ஷிதா? டாஸ்கின் போது திடீரென மயங்கி விழுந்ததால் பரபரப்பு

Ganesh A — Fri, 30 Oct 2026 11:37:37 +0530

Bigg Boss Tamil 10 : பிக் பாஸ் தமிழ் சீசன் 10 நிகழ்ச்சியில் போட்டியாளராக பங்கேற்றுள்ள அக்‌ஷிதா, டாஸ்கின் போது மயங்கி விழுந்த சம்பவம் பரபரப்பை ஏற்படுத்தி உள்ளது. அதன்பின் என்ன ஆனது என்பதை பார்க்கலாம்.

விஜய் தொலைக்காட்சியில் ஒளிபரப்பாகி வரும் பிரபலமான ரியாலிட்டி நிகழ்ச்சியான பிக் பாஸ் தமிழ் சீசன் 10, நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. கடந்த செப்டம்பர் 6ஆம் தேதி தொடங்கிய இந்த நிகழ்ச்சி, இன்றுடன் 54வது நாளை எட்டியுள்ளது. ஆரம்பத்தில் 19 போட்டியாளர்களுடன் தொடங்கிய பிக் பாஸ் நிகழ்ச்சியில், அடுத்தடுத்த எவிக்ஷன்கள் மற்றும் வைல்ட் கார்டு என்ட்ரிகளுக்குப் பிறகு தற்போது 15 போட்டியாளர்கள் களத்தில் உள்ளனர். கடந்த வாரங்களில் நடைபெற்ற டைமண்ட் ஹெய்ஸ்ட் உள்ளிட்ட டாஸ்க்குகள் ரசிகர்களிடையே வரவேற்பைப் பெற்ற நிலையில், இந்த வாரம் போட்டியாளர்களுக்கு மேலும் சவாலான புதிய டாஸ்க் வழங்கப்பட்டுள்ளது.

இந்த வாரம் பிக் பாஸ் வீட்டில் 'கெளபாய்ஸ் Vs மாஃபியாஸ்' என்ற பெயரில் புதிய டீம் டாஸ்க் நடைபெற்று வருகிறது. போட்டியாளர்கள் இரு அணிகளாகப் பிரிக்கப்பட்டு, ஒவ்வொரு சுற்றிலும் தங்களது அணியின் வெற்றிக்காகப் போராடி வருகின்றனர். இதனால் பிக் பாஸ் வீட்டில் போட்டி நாளுக்கு நாள் தீவிரமடைந்து வருகிறது. இரு அணிகளுக்கும் இடையே வாக்குவாதங்கள், மோதல்கள் மற்றும் எதிர்பாராத சம்பவங்கள் என நிகழ்ச்சி பரபரப்பாக நகர்ந்து கொண்டிருக்கிறது. இந்நிலையில், அக்டோபர் 30ஆம் தேதிக்கான எபிசோடின் முதல் ப்ரோமோ வெளியாகி ரசிகர்களை அதிர்ச்சியடைய வைத்துள்ளது.

இன்றைய தினம் போட்டியாளர்களுக்கு 'பாலை தள்ளு கோலை அல்லு' என்ற பெயரில் புதிய டாஸ்க் வழங்கப்பட்டுள்ளது. இதில் கெளபாய்ஸ் மற்றும் மாஃபியாஸ் அணியினர் தங்களுக்கான கோலைப் பெறுவதற்காகத் தீவிரமாக விளையாடிக் கொண்டிருந்தனர். அப்போது மாஃபியாஸ் அணியில் இடம்பெற்றிருந்த அக்‌ஷிதாவுக்கு திடீரென மயக்கம் ஏற்பட்டதாகத் தெரிகிறது. டாஸ்க் நடைபெற்றுக் கொண்டிருந்தபோதே அவர் நிலைதடுமாறி மயங்கி கீழே விழுந்துள்ளார்.

இதனைச் சற்றும் எதிர்பார்க்காத சக போட்டியாளர்கள் அதிர்ச்சியடைந்தனர். உடனடியாக அக்‌ஷிதாவைத் தூக்கிக்கொண்டு மருத்துவ அறைக்கு அழைத்துச் செல்லும் காட்சிகள் தற்போது வெளியாகியுள்ள ப்ரோமோவில் இடம்பெற்றுள்ளன.

அக்‌ஷிதா திடீரென மயங்கி விழுந்த சம்பவம் பிக் பாஸ் வீட்டில் இருந்த மற்ற போட்டியாளர்களிடையே பதற்றத்தை ஏற்படுத்தியுள்ளது. குறிப்பாக, அதே நிகழ்ச்சியில் போட்டியாளராகப் பங்கேற்றுள்ள அக்‌ஷிதாவின் சகோதரர் அவினாஷ், தனது சகோதரியின் நிலையைப் பார்த்து மிகுந்த கவலையடைந்தது போன்ற காட்சிகள் ப்ரோமோவில் இடம்பெற்றுள்ளன.

இந்த ப்ரோமோ தற்போது சமூக வலைதளங்களில் ரசிகர்களிடையே கவனம் பெற்று வருகிறது. அக்‌ஷிதாவுக்கு என்ன ஆனது? அவர் உடல்நிலை தற்போது எப்படி உள்ளது? மீண்டும் டாஸ்க்கில் பங்கேற்பாரா? எனப் பல்வேறு கேள்விகளை ரசிகர்கள் எழுப்பி வருகின்றனர். இருப்பினும், அக்‌ஷிதா மயங்கி விழுந்ததற்கான காரணம் மற்றும் அவரது தற்போதைய உடல்நிலை குறித்த முழுமையான விவரங்கள் வெளியாகவில்லை. இன்றைய எபிசோடில் இதற்கான விளக்கம் கிடைக்கும் என எதிர்பார்க்கப்படுகிறது.

ஒருபுறம் கெளபாய்ஸ் Vs மாஃபியாஸ் டாஸ்க் விறுவிறுப்பாக நடைபெற்று வரும் நிலையில், மறுபுறம் இந்த வார எவிக்ஷன் குறித்த எதிர்பார்ப்பும் அதிகரித்துள்ளது. இந்த வாரம் அனைத்து போட்டியாளர்களும் நாமினேஷன் பட்டியலில் இடம்பெற்றுள்ளனர். இதனால் யார் வெளியேறுவார்கள் என்பதை முன்கூட்டியே கணிப்பது கடினமாகியுள்ளது. இதற்கிடையில், அக்‌ஷிதா அல்லது அஷ்மிதா ஆகிய இருவரில் ஒருவர் இந்த வாரம் பிக் பாஸ் வீட்டிலிருந்து வெளியேற அதிக வாய்ப்புள்ளதாக சமூக வலைதளங்களில் தகவல்கள் பரவி வருகின்றன. இருப்பினும், இது தொடர்பாக அதிகாரப்பூர்வமான தகவல் எதுவும் வெளியாகவில்லை.

Diwali Movies : தீபாவளி-க்கு சன் டிவி, விஜய் டிவி, ஜீ தமிழில் என்னென்ன புதுப்படங்கள் வரப்போகுது? முழு லிஸ்ட் இதோ

Ganesh A — Wed, 28 Oct 2026 09:36:52 +0530

Diwali Special Movies : 2026-ம் ஆண்டு தீபாவளி பண்டிகைக்கு சன் டிவி, விஜய் டிவி, ஜீ தமிழ் போன்ற முன்னணி சேனல்களில் என்னென்ன தமிழ் படங்கள் ஒளிபரப்பாக உள்ளது என்பதை விரிவாக பார்க்கலாம்.

2026-ம் ஆண்டு தீபாவளிப் பண்டிகையை முன்னிட்டு முன்னணி தமிழ் தொலைக்காட்சிகள் ரசிகர்களுக்குப் புதிய திரைப்படங்களை விருந்தாக வழங்கத் தயாராகி வருகின்றன. குறிப்பாக சன் டிவி, விஜய் டிவி மற்றும் ஜீ தமிழ் ஆகிய சேனல்களில் முன்னணி நடிகர்களின் திரைப்படங்கள் ஒளிபரப்பாக உள்ளதாக வெளியாகியுள்ள தகவல்கள் சினிமா ரசிகர்கள் மத்தியில் எதிர்பார்ப்பை ஏற்படுத்தியுள்ளன. சூர்யாவின் 'விஸ்வநாத் அண்ட் சன்ஸ்', விஜய்யின் 'ஜனநாயகன்', லோகேஷ் கனகராஜ் நடித்துள்ள 'டிசி' உள்ளிட்ட திரைப்படங்கள் இந்த ஆண்டு தீபாவளி சிறப்பு ஒளிபரப்பில் இடம்பெற உள்ளதாகக் கூறப்படுகிறது.

தமிழகத்தில் தீபாவளி என்றாலே புத்தாடை, இனிப்பு, பட்டாசு ஆகியவற்றுக்கு இணையாகத் தொலைக்காட்சிகளில் ஒளிபரப்பாகும் சிறப்புத் திரைப்படங்களும் ரசிகர்களின் கொண்டாட்டத்தில் முக்கிய இடம்பிடிக்கும். அதிலும் முன்னணி நடிகர்களின் புதிய படங்கள் முதன்முறையாகத் தொலைக்காட்சியில் ஒளிபரப்பாகும்போது, அதைப் பார்ப்பதற்கெனத் தனி ரசிகர் கூட்டமே காத்திருக்கும். அந்த வகையில் இந்த ஆண்டு தீபாவளிக்கும் முன்னணி தொலைக்காட்சி நிறுவனங்கள் புதுப்படங்களை ஒளிபரப்பத் திட்டமிட்டுள்ளன.

நடிகர் சூர்யா நடிப்பில் உருவான 'விஸ்வநாத் அண்ட் சன்ஸ்' திரைப்படம் இந்த ஆண்டு தீபாவளியை முன்னிட்டு விஜய் தொலைக்காட்சியில் ஒளிபரப்பாக உள்ளதாகக் கூறப்படுகிறது. இப்படத்தில் சூர்யாவுடன் மமிதா பைஜூ, ராதிகா உள்ளிட்டோர் முக்கியக் கதாபாத்திரங்களில் நடித்துள்ளனர். குடும்ப உறவுகள் மற்றும் உணர்வுகளுக்கு முக்கியத்துவம் அளிக்கும் கதையம்சத்தைக் கொண்ட இப்படம், தொலைக்காட்சி ரசிகர்களுக்கு இந்தத் தீபாவளியில் சிறப்பான விருந்தாக அமையும் என எதிர்பார்க்கப்படுகிறது. இதுதவிர அதர்வா நடித்த இதயம் முரளி படமும் இந்த ஆண்டு தீபாவளிக்கு விஜய் டிவியில் ஒளிபரப்பப்பட உள்ளது.

தமிழ் சினிமாவின் முன்னணி இயக்குநர்களில் ஒருவரான லோகேஷ் கனகராஜ் நடித்துள்ள 'டிசி' திரைப்படம் சன் தொலைக்காட்சியில் தீபாவளிச் சிறப்புத் திரைப்படமாக ஒளிபரப்பாக உள்ளது. லோகேஷ் கனகராஜ், வாமிகா கபி உள்ளிட்டோர் நடித்துள்ள இப்படம், மாறுபட்ட கதைக்களம் மற்றும் அதிரடிக் காட்சிகளை மையமாகக் கொண்டது. திரையரங்குகளில் இப்படத்தைப் பார்க்கத் தவறிய ரசிகர்களுக்கு அதன் தொலைக்காட்சி ஒளிபரப்பு புதிய வாய்ப்பாக அமையலாம். அதேபோல், லோகேஷ் கனகராஜை இயக்குநராக மட்டுமே பார்த்துப் பழகிய ரசிகர்களுக்கும் அவரது நடிப்பைக் காணும் வாய்ப்பாக இது அமையும்.

இந்த ஆண்டு தீபாவளி தொலைக்காட்சி ஒளிபரப்பு தொடர்பாக வெளியாகியுள்ள தகவல்களில் அதிக கவனத்தை ஈர்த்திருப்பது நடிகர் விஜய்யின் 'ஜனநாயகன்' திரைப்படம்தான். விஜய் நடிப்பில் உருவான இப்படம், தீபாவளியை முன்னிட்டு ஜீ தமிழ் தொலைக்காட்சியில் முதன்முறையாக ஒளிபரப்பாக உள்ளதாகத் தகவல்கள் தெரிவிக்கின்றன.

விஜய்யின் படங்களுக்கு எப்போதுமே தொலைக்காட்சி ரசிகர்கள் மத்தியில் தனி வரவேற்பு இருப்பதால், ஜனநாயகன் திரைப்படத்தின் ஒளிபரப்பு குறித்த எதிர்பார்ப்பும் அதிகரித்துள்ளது. ஏற்கெனவே படத்தைப் பார்த்த ரசிகர்கள் மீண்டும் ரசிப்பதற்கும், இதுவரை பார்க்காதவர்கள் குடும்பத்துடன் கண்டுகளிப்பதற்கும் இந்தச் சிறப்பு ஒளிபரப்பு வாய்ப்பாக அமையும் எனக் கூறப்படுகிறது.

தீபாவளி டிஆர்பி போட்டியில் முந்தப்போவது யார்?

பண்டிகை நாட்களில் முன்னணி தொலைக்காட்சிகளுக்கு இடையே நிலவும் டிஆர்பி போட்டியில் சிறப்புத் திரைப்படங்கள் முக்கியப் பங்கு வகிக்கின்றன. அந்த வகையில் இந்த ஆண்டு தீபாவளிக்கு சூர்யா, விஜய் மற்றும் லோகேஷ் கனகராஜ் ஆகியோரின் திரைப்படங்கள் ஒளிபரப்பாகும் என்ற தகவல் ரசிகர்களிடையே ஆர்வத்தை அதிகரித்துள்ளது.

மொத்தத்தில், இந்த ஆண்டு தீபாவளி கொண்டாட்டத்தில் முன்னணி தமிழ் தொலைக்காட்சிகளும் புதிய திரைப்படங்களுடன் ரசிகர்களை மகிழ்விக்கத் தயாராகி வருகிறது. எந்தச் சேனலில் எந்தப் படம் அதிக வரவேற்பைப் பெறப்போகிறது என்பதைப் பொறுத்திருந்துதான் பார்க்க வேண்டும்!

Bigg Boss-ல் விஜய் சேதுபதியை விட ரம்யா கிருஷ்ணனுக்கு அதிக சம்பளமா? அடேங்கப்பா ஒரு எபிசோடுக்கு இவ்வளவா?

Ganesh A — Wed, 28 Oct 2026 08:30:05 +0530

Ramya Krishnan Bigg Boss Salary : பிக் பாஸ் தமிழ் சீசன் 10 நிகழ்ச்சியில் தற்காலிக ஹோஸ்டாக வந்துள்ள ரம்யா கிருஷ்ணன் எவ்வளவு சம்பளம் வாங்கினார் என்பதை இந்த தொகுப்பில் பார்க்கலாம்.

வெள்ளித்திரையில் தனது நடிப்பால் தனி முத்திரை பதித்த நடிகை ரம்யா கிருஷ்ணன், சின்னத்திரையிலும் கலக்கி வருகிறார். குறிப்பாக 'பிக் பாஸ்' போன்ற பிரபலமான ரியாலிட்டி ஷோக்களில் அவர் வந்தால் ரசிகர்களுக்கு ஆர்வம் அதிகமாகும். ஏற்கனவே 5 சீசனில் ஒரு வாரம் மட்டும் வந்து கலக்கிய அவர், இப்போது மீண்டும் பிக் பாஸ் ஹோஸ்ட்டாக வந்துள்ளார். தமிழ் பிக் பாஸ் சீசன் 10 நிகழ்ச்சியில் அவர் என்ட்ரி கொடுத்தது தான் இப்போதைய ஹாட் டாபிக். இதற்காக அவர் வாங்கும் சம்பளம் பற்றிய சுவாரஸ்யமான தகவல்களும் வெளியாகி உள்ளன.

தமிழ் பிக் பாஸ் நிகழ்ச்சியை கடந்த மூன்று சீசன்களாக நடிகர் விஜய் சேதுபதி தொகுத்து வழங்கி வருகிறார். ஆனால் அவருக்கு தொண்டை பிரச்சனை இருப்பதால் இந்த வீக்கெண்ட் எபிசோடுகளில் அவர் கலந்து கொள்ளவில்லை. அதனால் அவருக்கு பதிலாக ரம்யா கிருஷ்ணன் ஹோஸ்டிங் பொறுப்பை ஏற்றார். விஜய் சேதுபதிக்கு தொண்டை பிரச்சனை இருப்பதை அவரே மேடையில் சொன்னார். தனது கம்பீரமான பேச்சால் ரம்யா கிருஷ்ணன் ரசிகர்களை கவர்ந்தார். போட்டியாளர்களிடம் அவர் பேசிய விதமும், விளையாட்டை அவர் விமர்சித்த விதமும் நிகழ்ச்சிக்கு புது சுவாரஸ்யத்தை கொடுத்தது. ஆனால் அவர் எத்தனை வாரங்கள் ஹோஸ்ட்டாக இருப்பார் என்பது பற்றி நிகழ்ச்சி குழுவினர் இன்னும் அதிகாரப்பூர்வமாக அறிவிக்கவில்லை.

ரம்யா கிருஷ்ணன் வாங்கும் சம்பளம் பற்றிய விவாதம் இப்போது சோஷியல் மீடியாவில் வைரலாகி வருகிறது. பல மீடியா செய்திகளின்படி, பிக் பாஸ் தமிழ் 10 நிகழ்ச்சியை தொகுத்து வழங்க அவர் ஒரு எபிசோடுக்கு சுமார் ரூ.15 லட்சம் வாங்குவதாக சொல்லப்படுகிறது. வீக்கெண்ட் எபிசோடுகள் பொதுவாக இரண்டு நாட்கள் நடக்கும். அதனால் இரண்டு நாட்களுக்கும் சேர்த்து அவருக்கு ரூ.30 லட்சம் வரை சம்பளம் கிடைக்கும் என எதிர்பார்க்கப்படுகிறது. ஆனால் இந்த தொகையை ரம்யா கிருஷ்ணனோ அல்லது பிக் பாஸ் குழுவினரோ அதிகாரப்பூர்வமாக உறுதிப்படுத்தவில்லை. விஜய் சேதுபதியோடு ஒப்பிடுகையில் ரம்யா கிருஷ்ணனுக்கு கம்மி சம்பளம் தான். விஜய் சேதுபதி ஒரு வீக் எண்ட் எபிசோடுகளுக்கு 4 கோடி சம்பளமாக வாங்கி உள்ளார்.

ரம்யா கிருஷ்ணனுக்கு பிக் பாஸ் நிகழ்ச்சியுடன் ஏற்கனவே தொடர்பு இருக்கிறது. தமிழ் பிக் பாஸ் நிகழ்ச்சியின் ஐந்தாவது சீசனில் கமல்ஹாசனுக்கு உடல்நிலை சரியில்லாத போது, ஒரு வாரம் அவர் ஹோஸ்ட்டாக இருந்தார். அதேபோல தெலுங்கு பிக் பாஸ் 3வது சீசனிலும் அப்போதைய ஹோஸ்ட் நாகார்ஜுனா இல்லாத நேரத்தில் அவர் தொகுப்பாளராக பொறுப்பேற்றார். இப்போது மீண்டும் தமிழ் பிக் பாஸ் மேடைக்கு அவர் வந்திருப்பதால், பழைய நினைவுகளை ரசிகர்கள் பேசி வருகின்றனர். அவரது நீண்ட சினிமா அனுபவமும், திரையில் அவரது மாஸ் பெர்ஃபார்மன்ஸும் பிக் பாஸ் வீக்கெண்ட் எபிசோடு ஹிட்டாக உதவியது. அடுத்தடுத்த எபிசோடுகளிலும் அவர் ஹோஸ்ட்டாக தொடருவாரா, விஜய் சேதுபதி எப்போது திரும்பி வருவார் என்பது இப்போது சுவாரஸ்யமாக மாறியுள்ளது.

Bigg Boss 10 : பிக் பாஸில் இந்த வாரம் டபுள் எவிக்‌ஷனா? தீபாவளி-க்காக விஜய் சேதுபதி கொடுத்த செம ட்விஸ்ட்

Ganesh A — Sat, 07 Nov 2026 21:07:07 +0530

Bigg Boss Tamil : பிக் பாஸ் தமிழ் சீசன் 10 நிகழ்ச்சியில் இந்த வாரம் டபுள் எவிக்‌ஷன் நடைபெறும் என எதிர்பார்க்கப்பட்ட நிலையில், தொகுப்பாளர் விஜய் சேதுபதி செம ட்விஸ்ட் ஒன்றை கொடுத்துள்ளார்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி நாளுக்கு நாள் விறுவிறுப்பான கட்டத்தை எட்டியுள்ளது. நடிகர் விஜய் சேதுபதி தொகுத்து வழங்கும் இந்த நிகழ்ச்சியில் போட்டியாளர்களுக்கு இடையே நடைபெறும் மோதல்கள், சவால்கள் மற்றும் எதிர்பாராத திருப்பங்கள் ரசிகர்களின் கவனத்தை ஈர்த்து வருகின்றன.

நிகழ்ச்சி தொடங்கி 62 நாட்களைக் கடந்துள்ள நிலையில், தற்போது 9-வது வாரத்தின் முக்கிய நிகழ்வுகள் ரசிகர்களிடையே பேசுபொருளாக மாறியுள்ளன. ஒவ்வொரு வார இறுதியிலும் வீட்டில் நடைபெற்ற சம்பவங்களை அலசும் விஜய் சேதுபதி, இந்த வாரமும் போட்டியாளர்களிடம் பல்வேறு கேள்விகளை எழுப்பியுள்ளார்.

இந்த வாரம் பிக்பாஸ் போட்டியாளர்களுக்கு BB திருந்துங்கடா அகடமி என்ற வித்தியாசமான டாஸ்க் வழங்கப்பட்டது. இதில் போட்டியாளர்கள் தங்களுக்கு ஒதுக்கப்பட்ட கதாபாத்திரங்களை ஏற்று விளையாட வேண்டியிருந்தது. சில போட்டியாளர்கள் தங்களுக்குக் கொடுக்கப்பட்ட கதாபாத்திரத்தில் முழுமையாக மூழ்கி சிறப்பாக விளையாடினர். ஆனால், இன்னும் சிலர் அவ்வப்போது கதாபாத்திரத்திலிருந்து வெளியே வந்து தங்களுடைய இயல்பான குணத்தை வெளிப்படுத்தியதாகவும் கூறப்படுகிறது. இதனால் டாஸ்க் முழுவதும் பல சுவாரஸ்யமான சம்பவங்கள் நடைபெற்றன. போட்டியாளர்களின் நடிப்பையும், அவர்கள் கதாபாத்திரங்களை கையாளும் விதத்தையும் ரசிகர்கள் கவனித்து வந்தனர்.

BB திருந்துங்கடா அகடமி டாஸ்க் நடைபெற்றுக் கொண்டிருந்தபோதே, பிக்பாஸ் வீட்டில் மற்றொரு சுவாரஸ்யமான சீக்ரெட் டாஸ்க்கும் வழங்கப்பட்டது. இந்த டாஸ்க்கில் அஸ்மிதா மற்றும் ஜேசன் ஆகியோர் ரகசிய கொலையாளியாக செயல்பட்டனர். வீட்டில் உள்ள மற்ற போட்டியாளர்கள் யார் கொலையாளி என்பதை கண்டுபிடிக்க வேண்டியிருந்தது. கொலையாளிகளை கண்டுபிடிக்கும் பொறுப்பு டிடிஎஃப் வாசனிடம் ஒப்படைக்கப்பட்டது. ஆனால், அவர் சரியான நபர்களை அடையாளம் காண முடியாமல் போனதால் போட்டியாளர்களுக்கு யார் கொலையாளி என்பதே தெரியாமல் இருந்தது. இதனால் வீக் எண்டில் விஜய் சேதுபதி முன்னிலையில் அதனை ரிவீல் செய்ய உள்ளனர்.

இந்நிலையில், விஜய் சேதுபதி, சீக்ரெட் டாஸ்க்கில் யார் கொலையாளியாக செயல்பட்டார்கள் என்பதை போட்டியாளர்களிடம் கேட்கிறார். அப்போதும் யாரென்று தெரியவில்லை. இதனால் வேறுவழியின்றி விஜய் சேதுபதி, உண்மையான கொலையாளிகள் யார் என்பதை அவர்களே முன்வந்து தெரிவிக்க வேண்டும் என்று கூறினார். இதையடுத்து, அஸ்மிதா தானாக முன்வந்து இந்த ரகசியத்தை வெளிப்படுத்துகிறார். அவர் கொலையாளியாக செயல்பட்டதை தெரிவிக்கும் தருணத்தில், மற்ற போட்டியாளர்கள் அதிர்ச்சியடைந்தனர்.

அஸ்மிதா கொலையாளி என்பதை வெளிப்படுத்தியதை தொடர்ந்து, விஜய் சேதுபதி அவரைப் பார்த்து வியப்புடன் கருத்து தெரிவித்தார். குழந்தை போன்ற முகத்துடன் இருக்கும் அஸ்மிதா, கொலையாளியாக செயல்பட்டதை குறிப்பிட்டு அவர் கூறிய கருத்து தற்போது ரசிகர்களின் கவனத்தை ஈர்த்துள்ளது. இந்த வாரம் நடைபெற்ற டாஸ்க்குகள், சீக்ரெட் கொலைகாரர்களின் அடையாளம் மற்றும் விஜய் சேதுபதியின் கேள்விகள் என பிக்பாஸ் வீக் எண்ட் எபிசோடு கலகலப்பாகவும் விறுவிறுப்பாகவும் சென்றுள்ளது.

பிக் பாஸ் நிகழ்ச்சியில் வார வாரம் எவிக்‌ஷன் நடைபெறும். தற்போது 15 போட்டியாளர்கள் வீட்டில் உள்ளதால் இந்த வாரம் டபுள் எவிக்‌ஷன் நடைபெறும் என எதிர்பார்க்கப்பட்டது. ஆனால் விஜய் சேதுபதி ஒரு எதிர்பாரா ட்விஸ்ட் கொடுத்துள்ளார். அது என்னவென்றால் இந்த வாரம் நோ எவிக்‌ஷன் என கூறி அதிர்ச்சி கொடுத்துள்ளார். இந்த வாரம் தீபாவளி பண்டிகை வருவதால், எவிக்‌ஷனில் யாரையும் வெளியேற்ற வேண்டாம் என முடிவெடுத்து இந்த வாரம் நோ எவிக்‌ஷன் என அறிவித்திருக்கிறார்களாம். அநேகமாக அடுத்த வாரம் டபுள் எவிக்‌ஷன் இருக்க வாய்ப்புள்ளது.