>Asianet News Tamil

பெண்களே UG, PG படிக்க ஆசையா? அன்னை தெரசா மகளிர் பல்கலைக்கழகம் அட்மிஷன் துவக்கம்

Suresh Manthiram — Tue, 08 Apr 2025 19:22:26 +0530

அன்னை தெரசா மகளிர் பல்கலைக்கழகத்தில் பல்வேறு முதுகலை, இளங்கலை மற்றும் ஒருங்கிணைந்த திட்டங்களை ஆராயுங்கள். 2025-26 கல்வியாண்டுக்கான சேர்க்கைக்கு விண்ணப்பிக்கவும் உங்கள் எதிர்காலத்தை வடிவமைக்கவும்!

அன்னை தெரசா மகளிர் பல்கலைக்கழகம் 1984 ஆம் ஆண்டு நிறுவப்பட்டது. இது பெண்களுக்கான ஒரு மாநில பல்கலைக்கழகமாகும். இந்த பல்கலைக்கழகம் NAAC ஆல் III சுழற்சியில் ‘A’ தரத்துடன் அங்கீகரிக்கப்பட்டுள்ளது. 2025-2026 ஆம் கல்வியாண்டிற்கான வழக்கமான திட்டங்களுக்கான சேர்க்கை அறிவிப்பை பல்கலைக்கழகம் வெளியிட்டுள்ளது.

முதுகலை படிப்புகள்

பல்கலைக்கழகத்தில் பல்வேறு கலை மற்றும் அறிவியல் முதுகலை படிப்புகள் வழங்கப்படுகின்றன.

கலை படிப்புகள்: எம்.ஏ. தமிழ், எம்.ஏ. ஆங்கிலம், வணிகவியல் முதுகலை, வணிக நிர்வாக முதுகலை (MBA), எம்.ஏ. சமூகவியல், எம்.ஏ. பெண்கள் studies, சமூகப்பணி முதுகலை (MSW), எம்.ஏ. பொது நிர்வாகம், எம்.ஏ. வெகுஜன தொடர்பியல் & இதழியல், மற்றும் எம்.ஏ. காட்சி தொடர்பியல்.

அறிவியல் படிப்புகள்: எம்.எஸ்சி. உயிரி தொழில்நுட்பம், எம்.எஸ்சி. தாவரவியல், எம்.எஸ்சி. வேதியியல், எம்.எஸ்சி. இயற்பியல் (வானியற்பியல்/பொருள் அறிவியல் specialization), கணினி பயன்பாட்டின் முதுகலை (MCA), எம்.எஸ்சி. கணினி அறிவியல், எம்.எஸ்சி. கணிதம், எம்.எஸ்சி. உணவு மற்றும் ஊட்டச்சத்து, எம்.எஸ்சி. ஜவுளி மற்றும் ஆடை, எம்.எஸ்சி. வழிகாட்டுதல் மற்றும் ஆலோசனை, மற்றும் எம்.எஸ்சி. செயற்கை நுண்ணறிவு.

இதையும் படிங்க: 2025-ல் எந்த அரசுப் பல்கலையில் சேரலாம்? தமிழ்நாட்டில் உள்ள அரசு பல்கலைக்கழங்களின் லிஸ்ட் இதோ!!

கல்வி படிப்புகள்:

பல்கலைக்கழகத்தில் இளங்கலை கல்வியியல் (பி.எட்.), பி.எட். சிறப்பு கல்வி, கல்வியியல் முதுகலை (எம்.எட்.), மற்றும் எம்.எட். சிறப்பு கல்வி போன்ற கல்வி படிப்புகள் உள்ளன.

இதையும் படிங்க: இந்தியாவின் டாப் 10 பல்கலைக்கழகங்கள்: பெஸ்ட் அரசு யூனிவர்சிட்டி!

5 வருட ஒருங்கிணைந்த படிப்புகள்:

எம்.எஸ்சி. கணினி அறிவியல் (தரவு அறிவியல் specialization), வணிகவியல் முதுகலை (எம்.காம்), எம்.எஸ்சி. உயிரி தொழில்நுட்பம், மற்றும் எம்.ஏ. சமூகவியல் போன்ற 5 வருட ஒருங்கிணைந்த திட்டங்களும் உள்ளன.

இதையும் படிங்க: ஃபேஷன் கனவா? தமிழ்நாட்டில் டாப் 10! - சிறந்த கல்லூரிகள்

இளங்கலை படிப்புகள்:

பி.ஏ. பெண்கள் studies மற்றும் பி.எஸ்சி. கணினி அறிவியல் (தரவு அறிவியல்) போன்ற இளங்கலை திட்டங்களையும் பல்கலைக்கழகம் வழங்குகிறது.

கொடைக்கானலில் Ph.D அனைத்து பாடங்களிலும் வழங்கப்படுகிறது.

விண்ணப்பங்களை ஆன்லைன் மூலம் மட்டுமே சமர்ப்பிக்க வேண்டும். ஆன்லைன் விண்ணப்பம் சமர்ப்பிக்கும் கடைசி தேதி பின்னர் அறிவிக்கப்படும்.

இதையும் படிங்க: மருத்துவராக வேண்டுமா? இந்தியாவின் டாப் 10 அரசு மருத்துவக் கல்லூரிகள் 2025!

தொடர்பு விவரங்கள்:

கொடைக்கானல், மதுரை மற்றும் சென்னை மையங்களுக்கான தொடர்பு விவரங்கள் கீழே கொடுக்கப்பட்டுள்ளன.

செல்பேசி: 9486815116, தொலைபேசி: 04542-244116, மின்னஞ்சல் முகவரி: admissionsection2021@gmail.com

ஒரு பழத்துக்கா இவ்வளவு அக்கப்போறு? திண்டுக்கல்லை அதிர வைத்த துப்பாக்கி சத்தம்

Velmurugan s — Sun, 11 Aug 2024 16:06:16 +0530

திண்டுக்கல் மாவட்டம் சிறுமலை அடுத்த சாலக்கடை பகுதியைச் சேர்ந்தவர் வெள்ளையன் பழங்குடியின வகுப்பைச் சேர்ந்தவர் என சொல்லப்படுகிறது. இதனிடையே திண்டுக்கல் மாவட்டம் தவசிமடையைச் சேர்ந்த சவேரியார் சாலக்கடை பகுதியில் தோட்டம் வைத்து பராமரித்து வருகிறார்.

இந்நிலையில், வெள்ளையன் அடிக்கடி சவேரியார் தோட்டத்திற்குள் அத்துமீறி நுழைந்து பழங்களை பறித்து வந்ததாகக் கூறப்படுகிறது. இதனால் வெள்ளையன் குடும்பத்திற்கும், சவேரியாருக்கும் இடையே தொடர்ந்து விரோதம் நீடித்து வந்துள்ளது. இதனிடையே இன்று அதிகாலை 3 மணியளவில் வெள்ளையன் சவேரியாரின் தோட்டத்தின் வழியாக நடந்து சென்றதாக சொல்லப்படுகிறது.

பள்ளியில் விழுந்து கிடந்த பழங்களை சாப்பிட்ட மாணவனுக்கு நேர்ந்த சோகம்; சக மாணவர்கள் கதறல்

அப்போது வெள்யைனுக்கும், சவேரியாருக்கும் இடையே வாய்த்தகராறு ஏற்பட்டுள்ளது. இதனால் ஆத்திரம் அடைந்த சவேரியார் தான் மறைத்து வைத்திருந்த கள்ளத்துப்பாக்கியை எடுத்து வெள்ளையனை நோக்கி கண்மூடித்தனமாக சுட்டார். இதில் கழுத்து, தோள்பட்டை, முதுகு பகுதிகளில் பலத்த காயமடைந்த வெள்ளையனை அக்கம் பக்கத்தினர் மீட்டு திண்டுக்கல் அரசு மருத்துவக்கல்லூரி மருத்துவமனையில் சிகிச்சைக்காக அனுமதித்தனர்.

ரூமுக்குள் பார்பிகியூ சிக்கன்; சுற்றுலா வந்த இடத்தில் இளைஞர்களுக்கு நேர்ந்த சோகம்

வெள்ளையனின் உடல்நிலை மோசமாக இருந்ததால் மேல் சிகிச்சைக்காக அவர் மதுரை அரசு மருத்துவக்கல்லூரி மருத்துவமனையில் அனுமதித்துள்ளனர். இது தொடர்பாக வழக்குப்பதிவு செய்துள்ள காவல் துறையினர் தலைமறைவாக உள்ள தோட்ட உரிமையாளர் சவேரியாரை தீவிரமாக தேடி வருகின்றனர்.

முத்தமிழ் முருகன் மாநாடு; விபூதி பூசாமல் மாநாட்டிற்கே வராதீர்கள் - ஸ்டாலினுக்கு எதிராக எச்.ராஜா காட்டம்

Velmurugan s — Fri, 09 Aug 2024 17:19:47 +0530

திண்டுக்கல் மாவட்டம், பழனி அருகே நெய்க்காரப்பட்டியில் பாரதிய ஜனதா கட்சியின் சார்பில் பொதுக்கூட்டம் நடைபெற்றது. பொது கூட்டத்தில் சிறப்பு அழைப்பாளராக பாரதிய ஜனதா கட்சியின் மூத்த தலைவரும், தேசிய செயற்குழு உறுப்பினருமான ஹெச். ராஜா கலந்து கொண்டார். முன்னதாக அவர் செய்தியாளர்களை சந்தித்தார். அப்போது அவர் கூறுகையில், நாடாளுமன்றத்தில் தாக்கல் செய்யப்பட்டுள்ள வக்பு வாரிய சட்ட திருத்த மசோதாவிற்கு இஸ்லாமிய அமைப்புகளே வரவேற்பு தெரிவித்துள்ளன.

ஒரு தனிநபரின் சொத்துக்களை வக்பு வாரியம் தன்னுடையது என்று அறிவித்துக் கொண்டால் அதை எதிர்த்து நீதிமன்றத்திற்கு கூட செல்ல முடியாத நிலை தற்பொழுது உள்ளது. மேலும் வக்பு வாரியத்தில் இருந்து தடையில்லா சான்று பெற்றாலே பொதுமக்கள் தங்களுடைய சொத்துக்களை விற்க முடியும் என்ற நிலை உள்ளது. இது கொலை செய்தவனிடமே ஞாயம் கேட்பது போன்றது. எனவே புதிய வக்புவாரிய திருத்தச் சட்டம் நடைமுறைக்கு வந்தால், வக்புவாரியத்திற்கு சொந்தமான சொத்துக்கள் குறித்த விவகாரங்களில், ஆதாரங்கள் மற்றும் ஆவணங்கள் அடிப்படையில் அந்தந்த மாவட்ட ஆட்சியர்களே முடிவு எடுக்கலாம்.

ரீல் லைப் மட்டும் இல்ல; ரியல் லைப்லயும் விவசாயம்னா ரொம்ப பிடிக்கும் - நடவு பணியில் சசிகுமார்

இஸ்ரேல் - ஹமாஸ் தொடர்பான பிரச்சனையில் பாதிக்கப்பட்ட மக்களுக்கு ஆதரவாக பேசிய காங்கிரஸ், கம்யூனிஸ்ட் மற்றும் திமுக ஆகிய கட்சிகள் பங்களாதேஷில் நடைபெறும் கலவரத்தில், அங்கு சிறுபான்மையினராக வாழும் ஹிந்துக்கள் மீதும், அவர்களது வணிக நிறுவனங்கள், வீடுகள், கோவில்கள் மீது நடத்தப்படும் கொடூர தாக்குதல்கள் குறித்து ஏன் கருத்தோ, கண்டனமோ தெரிவிக்கவில்லை?

இந்துக்களை வாக்கு அரசியலுக்காக மட்டுமே இந்த கட்சிகள் பயன்படுத்திக் கொள்கின்றன. மத நல்லிணக்கத்தை விரும்பும் அனைவரும் இந்த கட்சிகளை அடியோடு ஒழிக்க பாடுபட வேண்டும். பழனியில் வருகிற 24, 25ம் தேதிகளில் நடைபெற உள்ள அனைத்து உலக முத்தமிழ் முருகன் மாநாடு வரவேற்கத்தக்கது. ஆனால் சமீபகாலமாக தொடர்ந்து முருகனை இழிவாக பேசி இந்து மதத்திற்குள் பிளவுகளை ஏற்படுத்தும் திமுகவின் ஜால்ராவாக உள்ள சுகிசிவம் அவர்களை முன்னிறுத்தி ஏன் இந்த மாநாடு நடத்தப்படுகிறது?

இந்த அனைத்துலக முத்தமிழ் முருகன் மாநாட்டில் தமிழக முதலமைச்சர் ஸ்டாலின் கலந்து கொள்ள வருவதாக இருந்தால், முதலில் அவர் பழனி மலைக்கோவிலுக்கு சென்று முருகனை தரிசனம் செய்துவிட்டு நெற்றியில் விபூதியை பூசிக்கொண்ட பின்னரே மாநாட்டிற்கு செல்ல வேண்டும். இல்லையென்றால் அவர் மாநாட்டிற்கு வரவே கூடாது. இந்துக்களை வாக்கு அரசியலுக்காக மட்டுமே பயன்படுத்திக் கொள்வதையும் ஒப்புக்கொள்ள வேண்டும் என்றும் தெரிவித்தார்.

19ஆம் தேதி துணை முதல்வராகிறார் உதயநிதி.? மூத்த அமைச்சரின் பேச்சால் வெளியான தகவல்

கருணாநிதி எப்படி கடைசிவரை ஸ்டாலினுக்கு முதலமைச்சர் பதவியை கொடுக்காமல் இருந்தாரோ அதுபோலவே ஸ்டாலினும் நினைக்கிறாரோ என்ற சந்தேகம் எழுகிறது. முத்தமிழ் முருகன் மாநாட்டை முன்னிறுத்தி ஆண்டுதோறும் நடைபெறும் கிருஷ்ண ஜெயந்தி விழாவிற்கு பழனியில் தடை விதித்தால் தடையை மீறி விழா நடக்கும் என்று எச். ராஜா தெரிவித்தார்.

கஞ்சா பதுக்கல் வழக்கு! 3 பேருக்கு தலா 14 ஆண்டுகள் சிறை! அதுமட்டுமல்ல! நீதிமன்றம் பரபர தீர்ப்பு!

vinoth kumar — Sat, 17 May 2025 12:05:30 +0530

கஞ்சா பதுக்கல்

கஞ்சா பதுக்கி வைத்திருந்த வழக்கில் கைது செய்யப்பட்ட 3 நபர்களுக்கு தலா 14 ஆண்டுகள் சிறை தண்டனையும் மற்றும் தலா ரூ.1,00,000 அபராதம் விதிக்கப்பட்டுள்ளது. இதுதொடர்பாக திண்டுக்கல் மாவட்ட காவல்துறையினர் வெளியிட்டுள்ள செய்தி குறிப்பில்: திண்டுக்கல் மாவட்டம் வத்தலகுண்டு சாலையில் உள்ள சஹானா மில் அருகே முட்புதரில் விற்பனைக்காக கடந்த 2023ம் ஆண்டு 45 கிலோ கஞ்சாவை பதுக்கி வைத்திருந்த வழக்கில் கைது செய்யப்பட்ட ஆத்தூர் தாலுகா நெல்லூர் பகுதியைச் சேர்ந்த அக்னிஹாசன்(53), பாண்டிதுரை (34), மற்றும் புலியராஜகாபட்டி பகுதியை சேர்ந்த ஜெயசீலன் (54), ஆகிய 3 நபர்களை திண்டுக்கல் மதுவிலக்கு அமலாக்கப்பிரிவு போலீசார் கைது செய்து நீதிமன்றத்தில் ஆஜர் படுத்தி சிறையில் அடைத்தனர்.

நீதிமன்றத்தில் நடந்து வந்த வழக்கு

இந்நிலையில் இவ்வழக்கு மதுரை முதலாம் கூடுதல் சிறப்பு போதை பொருட்கள் மனமயக்கும் பொருட்கள் மற்றும் தடுப்பு வழக்குகள் நீதிமன்றத்தில் நடைபெற்று வந்தது.

3 பேருக்கு 14 ஆண்டுகள் சிறை தண்டனை

இந்நிலையில் திண்டுக்கல் மாவட்ட காவல் கண்காணிப்பாளர் பிரதீப் அறிவுறுத்தலின்படி திண்டுக்கல் மதுவிலக்கு அமலாக்கப்பிரிவு காவல் துணைக் கண்காணிப்பாளர் முருகன் நீதிமன்ற தலைமை காவலர் வீரையா மற்றும் அரசு வழக்கறிஞர் விஜய பாண்டியன் ஆகியோர்களின் சீரிய முயற்சியால் நேற்று மதுரை போதைப் பொருட்கள் மனமயக்கம் பொருட்கள் மற்றும் தடுப்பு வழக்குகள் நீதிமன்ற நீதிபதி அவர்கள் மேற்கண்ட குற்றவாளிகள் 3 நபர்களுக்கும் தலா 14 ஆண்டுகள் சிறை தண்டனை மற்றும் ரூ.1,00,000 அபராதமும் விதித்து தீர்ப்பு வழங்கப்பட்டது.

பெண்களே பொறாமைப்படும் பேரழகு; திண்டுக்கல்லில் ஒய்யார நடைபோட்ட திருநங்கைகள்

Velmurugan s — Sun, 01 Sep 2024 23:41:30 +0530

திண்டுக்கல்லில் திருநங்கைகளுக்கான அழகிப் போட்டி நடைபெற்றது. இதில் முதல் 3 இடங்களைப் பிடித்தவர்களுக்கு பரிசுகள் வழங்கப்பட்டன.

திண்டுக்கல் தனியார் விடுதியில் கோல்டன் லோட்டஸ் பவுண்டேஷன் அன்பே கடவுள் அறக்கட்டளை சார்பில் திருநங்கைகளுக்கான அழகிப் போட்டிகள் நடைபெற்றது. இதில் திண்டுக்கல், தேனி, கோயம்புத்தூர், மதுரை, கரூர், திருச்சி ஆகிய ஆறு மாவட்டங்களைச் சேர்ந்த திருநங்கைகள் 15 பேர் கலந்து கொண்டனர்.

நடையழகு, உடை அழகு, முக பாவனை ஆகியவற்றின் அடிப்படையில் முதல் மூன்று நபர்கள் தேர்ந்தெடுக்கப்பட்டனர். அதில் தேனியை சேர்ந்த ஹேமா முதல் பரிசு பெற்று மிஸ் திண்டுக்கல் டிரான்ஸ் குயின் 2024 பட்டம் பெற்றார்.

இரண்டாம் இடத்தை தேனியைச் சேர்ந்த சுருதி, மூன்றாம் இடத்தை தேனியைச் சேர்ந்த தீக்ஷனா ஆகியோர் பிடித்தனர் இவர்களுக்கு கோப்பைகள் மற்றும் பதக்கங்கள் வழங்கப்பட்டன. முதல் மூன்று இடம் பிடித்தவர்களுக்கு தலையில் கிரீடம் அனிவிக்கப்பட்டது.

திண்டுக்கல், தேனி ஆகிய மாவட்டங்களைச் சேர்ந்த திருநங்கையர் மற்றும் பலர் கலந்து கொண்டு போட்டிகளை கண்டு கலித்தனர். மேலும் போட்டிகளை உற்சாகப்படுத்தும் வகையில் நடன நிகழ்ச்சிகள் நடைபெற்றன.

தேர்வு இல்லை : 8-வது, 10-வது, 12-வது மற்றும் ஐடிஐ படித்தவர்களுக்கு அரசு கல்லூரியில் வேலை

Suresh Manthiram — Wed, 19 Feb 2025 12:00:02 +0530

8-வது, 10-வது, 12-வது மற்றும் ஐடிஐ படித்தவர்களுக்கு அருமையான வாய்ப்பு! அருள்மிகு பழனியாண்டவர் பாலிடெக்னிக் கல்லூரியில் பல்வேறு பணியிடங்களுக்கான அறிவிப்பு வெளியாகியுள்ளது. தேர்வு இல்லை, நேர்காணல் மூலம் தேர்வு செய்யப்படுவீர்கள். விண்ணப்பிக்க கடைசி தேதி: 20.03.2025

பணியிடங்கள் மற்றும் விவரங்கள்:

பதவி	காலியிடங்கள்	கல்வித் தகுதி	வயது வரம்பு	சம்பளம்
அலுவலக உதவியாளர் (Office Assistant)	1	8-ம் வகுப்பு தேர்ச்சி	18-37	ரூ.15,700
பதிவு எழுத்தர் (Record Clerk)	2	10-ம் வகுப்பு தேர்ச்சி / தோல்வி	18-37	ரூ.15,900 - 58,500
தட்டச்சு செய்பவர் (Typist)	1	10-ம் வகுப்பு / 12-ம் வகுப்பு தேர்ச்சி + தமிழ், ஆங்கில தட்டச்சில் தேர்ச்சி	18-37	ரூ.19,500
இளநிலை உதவியாளர் (Junior Assistant)	1	10-ம் வகுப்பு / 12-ம் வகுப்பு தேர்ச்சி	18-37	ரூ.19,500
ஸ்டோர் கீப்பர் (Store Keeper)	2	10-ம் வகுப்பு / 12-ம் வகுப்பு தேர்ச்சி	18-37	ரூ.19,500
ஆய்வக உதவியாளர் (Lab Assistant)	4	ஐடிஐ தேர்ச்சி	18-38	ரூ.19,500
திறமையான உதவியாளர் (Skilled Assistant)	4	ஐடிஐ தேர்ச்சி	18-38	ரூ.19,500
இன்ஸ்ட்ருமென்ட் மெக்கானிக் (Instrument Mechanic)	2	ஐடிஐ தேர்ச்சி	18-38	ரூ.19,500

தேர்வு முறை:

குறுகிய பட்டியல் மற்றும் நேர்காணல் மூலம் தேர்வு

விண்ணப்பிக்கும் முறை:

www.palaniandavarpc.org.in என்ற இணையதளத்தில் விண்ணப்பப் படிவத்தைப் பதிவிறக்கம் செய்யவும்.
பூர்த்தி செய்த விண்ணப்பப் படிவத்துடன் தேவையான ஆவணங்களை இணைத்து தபால் மூலம் அனுப்பவும்.

முகவரி:

தாளாளர், அருள்மிகு பழனியாண்டவர் பாலிடெக்னிக் கல்லூரி, பழனி - 624 601, திண்டுக்கல் மாவட்டம்.

கடைசி தேதி: 20.03.2025 (மாலை 5.30 மணிக்குள்)

முக்கிய குறிப்பு:

விண்ணப்பப் படிவத்தின் மேல், விண்ணப்பிக்கும் பதவியின் பெயரை தெளிவாகக் குறிப்பிட வேண்டும்.
பூர்த்தி செய்யப்பட்ட விண்ணப்பங்கள் கடைசி தேதிக்குள் தபால் மூலம் சென்றடைய வேண்டும். காலதாமதமாக வரும் விண்ணப்பங்கள் ஏற்றுக்கொள்ளப்பட மாட்டாது.

அதிகாரப்பூர்வ இணையதளம்: www.palaniandavarpc.org.in

இந்த வேலைவாய்ப்பு அறிவிப்பு தகுதியான விண்ணப்பதாரர்களுக்கு ஒரு நல்ல வாய்ப்பாகும்

TN Government Bus: இரவு 10 மணிக்கு மேல் வரும் பயணிகளுக்கு குஷியான செய்தி! போக்குவரத்து துறை சூப்பர் அறிவிப்பு!

vinoth kumar — Fri, 13 Sep 2024 08:43:26 +0530

Tamilnadu Transport Department: திண்டுக்கல் மண்டலத்தில் இரவு நேர பேருந்து பயணங்களில் பயணிகள் கோரும் இடங்களில் பேருந்துகளை நிறுத்த தமிழ்நாடு அரசு போக்குவரத்து கழகம் உத்தரவிட்டுள்ளது. இந்த நடவடிக்கை பயணிகளின் வசதிக்காகவும், புகார்களைத் தவிர்க்கவும் எடுக்கப்பட்டுள்ளது.

தமிழ்நாடு அரசு போக்குவரத்து கழகத்தின் திண்டுக்கல் மண்டலத்தில் திண்டுக்கல், தேனி ஆகிய மாவட்டங்கள் வருகின்றன. இந்த இரண்டு மாவட்டங்களில் நூற்றுக்கும் மேற்பட்ட அரசு பேருந்துகள் இயக்கப்பட்டு வருகின்றது. இதுதவிர திண்டுக்கல், தேனியில் இருந்து தமிழகத்தில் பல்வேறு பகுதிகளுக்கு காலை மற்றும் இரவு நேரங்களில் ஏராளமான பேருந்துகள் இயக்கப்படுகின்றன.

பெரும்பாலான பொதுமக்கள் இரவு பயணத்தையே விரும்புவதால் அதிக அளவில் சொந்த ஊர் திரும்புகின்றனர். அப்படி வருபவர்கள் திண்டுக்கல் மற்றும் அதன் சுற்று வட்டாரத்தில் வசிக்கும் மக்கள் இரவில் பேருந்துகளில் பயணிக்கும் போது ஒருசில ஊர்களில் இரவு நேரத்தில் நிற்க சொன்னாலும் ஓட்டுநர்களோ அல்லது நடத்துனர்ளோ நிறுத்துவதில்லை. இதனால் பயணிகள் வாக்குவாதத்தில் ஈடுபட்டு வந்தனர். இதுதொடர்பாக தமிழக அரசு போக்குவரத்துக்கழக நிர்வாகிகளிடம் புகார் அளித்திருந்தார்கள்.

இந்நிலையில், இது சம்பந்தமாகக் தமிழக அரசுப் போக்குவரத்து கழகம் சார்பில் சுற்றறிக்கை ஒன்று அனுப்பப்பட்டுள்ளது. அதில், திண்டுக்கல் மண்டலம் மூலம் இயக்கப்படும் நகரப் பேருந்து வசதி இல்லாத நேரமான இரவு நேரங்களில் பேருந்தில் பயணம் மேற்கொள்ளும் பயணிகள் கோரும்பட்சத்தில் இறக்க வேண்டிய நிறுத்தத்தின் பாதுகாப்பினை அறிந்து, அதற்கேற்ப அவர்களை இறக்கிவிட்டுச் செல்லுமாறு இதுபோன்ற புகார்கள் எழாவண்ணம் பணிபுரியுமாறு கேட்டுக்கொள்ளப்படுகிறது.

எனவே திண்டுக்கல் மண்டலம் மூலம் இயக்கப்படும் அனைத்து தொலைதூர புறநகர் பேருந்துகளும் இரவு 10 மணிக்கு மேல் பயணிகள் கேட்கும் நிறுத்தத்தில் நிறுத்திச் செல்ல தடத்தில் பணிபுரியும் ஓட்டுநர் மற்றும் நடத்துநர்களுக்கு அறிவுறுத்த கேட்டுக்கொள்ளப்படுகிறது. மேலும் புகார் வராவண்ணம் பணிபுரிய இதில் விளை மேலாளர்கள் தனிக்கவனம் செலுத்தி நடவடிக்கை மேற்கொள்ள கேட்டுக்கொள்ளப்படுகிறது.

மேலும் பயணிகளிடமிருந்து புகார் பெறப்படும் பட்சத்தில் சம்பந்தப்பட்ட ஓட்டுநர் மற்றும் நடத்துநர் மீது துறைசார்ந்த நடவடிக்கை மேற்கொள்ளப்படும் என தெரிவிக்கப்படுகிறது. இச்சுற்றறிக்கையை அனைத்து ஓட்டுநர்/நடத்துநர்களும் தெரிந்து கொள்ளும் வண்ணம் தகவல் பலகையில் ஒட்டியும், தகவல் நோட்டில் கையொப்பம் பெறவும் கேட்டுக்கொள்ளப்படுகிறது என்று தெரிவிக்கப்பட்டுள்ளது.

அப்படி என்ன சிவக்குமார் மேலே அவ்வளவு வெறி! தலை கிடைக்காததால் போலீசுக்கு தலைவலி!

vinoth kumar — Tue, 09 Sep 2025 13:18:21 +0530

திண்டுக்கல் மாவட்டம் ஆத்தூர் தாலுகாவுக்கு உட்பட்ட பழைய வக்கம்பட்டி உள்ள தனியாருக்கு சொந்தமான தென்னந்தோப்பில் மைக்கில் பட்டியை சேர்ந்த சிவக்குமார் (38) கல்லால் தாக்கியும் கத்தி மற்றும் அரிவாளால் வெட்டி கொடூரமாக படுகொலை செய்யப்பட்டு கிடந்தார். படுகொலை செய்த கொலையாளிகள் ஆத்திரம் தீராததால் சிவகுமாரின் தலையை தனியாக வெட்டி எடுத்துச் சென்றுள்ளனர்.

இது குறித்து தகவல் அறிந்த திண்டுக்கல் தாலுகா போலீசார் சம்பவ இடத்திற்கு விரைந்தனர். இதனையடுத்து சிவக்குமாரின் உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும் சிவகுமாரை கொடூரமாக கொலை செய்த மர்ம நபர்கள் தலையை வெட்டி கையோடு எடுத்து சென்று விட்டாரா அல்லது வேறு பகுதியல் வீசி விட்டு சென்றுள்ளனரா என போலீசார் தீவிரமாக தேடி வருகின்றனர்.

சம்பவ இடத்திற்கு திண்டுக்கல் மாவட்ட காவல்துறை கண்காணிப்பாளர் பிரதீப் நேரில் வருகை தந்து விசாரணை மேற்கொண்டார். மேலும் மோப்பநாய் லக்கி சம்பவ இடத்திற்கு வரவழைக்கப்பட்டது கொலை நடைபெற்ற இடத்திலிருந்து மைக்கேல்பட்டி ஊர் எல்லை வரை சென்று மோப்பநாய் நின்றது. மேலும் இப்பகுதியில் உள்ள சிசிடிவி பதிவுகளையும் ஆய்வு செய்து வருகின்றனர்

போலீசாரின் முதற்கட்ட விசாரணையில் படுகொலை செய்யப்பட்ட சிவகுமார் மீது இரண்டு கொலை வழக்குகள் உள்ளது என்றும் இதன் காரணமாக இந்த கொலை நடைபெற்று இருக்கலாம் என தெரிய வந்துள்ளது. இச்சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.

மின்சாரத்துறை அமைச்சருக்கேவா இப்படி? அடுத்தடுத்து கட்டான மின்சாரம்; கடுப்பான முன்னாள் அமைச்சர்

Velmurugan s — Thu, 29 Aug 2024 22:44:47 +0530

திண்டுக்கல் மாவட்டம், நத்தம் அருகே உள்ள செந்துறை, ரெங்கை சேர்வைக்காரன் பட்டியில் சட்டமன்ற உறுப்பினர் மேம்பாட்டு நிதியில் இருந்து ரூ.39 லட்சத்து 15 ஆயிரம் மதிப்பிலான கட்டிடங்கள் திறக்கும் நிகழ்ச்சி நடைபெற்றது. இந்த நிகழ்ச்சியில் அதிமுக சேர்ந்த முன்னாள் மின்சாரத்துறை அமைச்சரும், நத்தம் சட்டமன்ற உறுப்பினருமான நத்தம் விசுவநாதன் கலந்து கொண்டு திறந்து வைப்பதற்காக வந்தார்.

இந்த நிலையில் முதலாவதாக செந்துறை பகுதியில் அமைந்துள்ள ரூ.15 லட்சம் மதிப்பிலான புதிய நியாய விலைக் கடையை திறந்து வைத்து மைக்கில் பேச தொடங்கிய போது மின்சாரம் துண்டிக்கப்பட்டது. பொதுமக்களிடம் மைக் இல்லாமல் பேசிவிட்டு அடுத்த கிராமத்திற்கு காரில் சென்றார். அதைத்தொடர்ந்து பெரியூர் பட்டியில் உள்ள ரூ.10 லட்சம் மதிப்பிலான நாடக மேடையை திறப்பதற்காக வந்தபோது ஸ்பீக்கரில் அதிமுக கட்சி பாடல் பாடிக் கொண்டிருந்தது.

திருப்பதியில் லட்டு வாங்க இன்று முதல் ஐடி கட்டாயம்; தேவஸ்தானம் அறிவிப்பு

நிகழ்ச்சியில் ரிப்பன் வெட்டி நாடகமேடையை திறந்து வைத்து மேடையில் மைக்கை பிடித்து பேச முயன்றபோது மீண்டும் மின்சாரம் துண்டிக்கப்பட்டது. அப்பொழுதும் பொது மக்களிடையே மைக் இல்லாமல் பேசிவிட்டு அடுத்த ரெங்கசேர்வைக்காரன்பட்டிக்கு நியாய விலை கடை திறப்பதற்காக சென்றார். அங்கும் மின்சாரம் வினியோகம் நிறுத்தப்பட்டிருந்தது.

நீங்க வந்தா மட்டும் போதும்; விராட், ரோகித்க்கு பாக். முன்னாள் வீரர் அழைப்பு

இதனால் கடுப்பான சட்டமன்ற உறுப்பினர் நத்தம் விசுவநாதன் பொதுமக்களிடையே திமுகவினர் வேண்டுமென்றே செய்கிறார்கள். இதுதான் திமுக ஆட்சி என்றாலே மின்தடை என்பது பழக்கமாகிவிட்டது. என்று மைக் இல்லாமல் பொதுமக்களிடம் பேசினார். மூன்று நிகழ்ச்சியை முடித்துவிட்டு திரும்பினார். அதைத் தொடர்ந்து அங்குள்ள கட்சியை சேர்ந்தவர்கள் மின்தடை அறிவிப்பு இல்லாமல் மைக்கை தொட்டவுடன் மின்சாரத்தை துண்டிக்கிறார்கள் என புலம்பிக் கொண்டே சென்றனர். முன்னாள் மின்துறை அமைச்சருக்கு சோதனையா? என பொதுமக்கள் வினவினர்.

பழனி முருகன் கோயில் செல்லும் பக்தர்களுக்கு காலையிலேயே அதிர்ச்சி.! வெளியான முக்கிய அறிவிப்பு!

vinoth kumar — Wed, 21 Jan 2026 09:33:49 +0530

உலகப் புகழ்பெற்ற பழநி தண்டாயுதபாணி சுவாமி கோவிலில், பக்தர்கள் மலைக்குச் செல்ல உதவும் ரோப்கார் சேவை மாதாந்திர பராமரிப்புப் பணிகளுக்காக இன்று ஒருநாள் மட்டும் ரத்து செய்யப்படுவதாக கோவில் நிர்வாகம் அறிவுறுத்தியுள்ளது.

தமிழ் கடவுள் என்று அழைக்கப்படும் முருகனுக்கு உலகம் முழுவதும் பக்தர்கள் இருந்து வருகின்றனர். இந்நிலையில் அறுபடை வீடுகளில் மூன்றாம் படை வீடான பழநி தண்டாயுதபாணி சுவாமி கோவில் உள்ளது. இக்கோவில் திண்டுக்கல் மாவட்டம் பழனியில் அமைந்துள்ளது. இக்கோவிலில் தைப்பூசம், பங்குனி உத்திரம், கிருத்திகை, கந்த சஷ்டி, வைகாசி விசாகம் உள்ளிட்டவை விசேஷ நாட்களாகும். இக்கோவிலுக்கு தினமும் தமிழகத்தின் பல்வேறு மாவட்டங்கள், வெளிமாநிலங்கள் மற்றும் வெளிநாடுகளில் இருந்து ஆயிரக்கணக்கான பக்தர்கள் வருகை தந்து மனம் முகந்து முருகனை தரிசனம் செய்கின்றனர்.

அதுவும் வார இறுதி நாட்கள் மற்றும் தொடர் விடுமுறை வந்துவிட்டால் முருகனை தரிசனம் செய்யவே கிட்டத்தட்ட பல மணிநேரம் ஆகிவிடும். மேலும் பழனி முருகன் கோயிலில் மற்றொரு ஸ்பெஷல் என்னவென்றால் உலக புகழ் பெற்ற பஞ்சாமிர்தம்.

இந்நிலையில் பக்தர்கள் அடிவாரத்தில் இருந்து பழனி மலை கோவிலுக்கு செல்ல படிப்பாதை யானைப்பாதை ஆகியவை பிரதான வழிகளாக உள்ளன. இதுதவிர வயதானவர்கள் மற்றும் சிறுவர்கள், சர்க்கரை நோய், இரத்த அழுத்தம், இருதய நோய் உள்ளவர்கள் சிரமமின்றியும், விரைவாகவும் செல்ல ரோப் கார் மற்றும் மின் இழுவை ரயில் இயக்கப்பட்டு வருகிறது. ஆனால் பெரும்பாலான பக்தர்கள் ரோப் கார் சேவையை அதிகளவில் பயன்படுத்தி வருகின்றனர். ஏனென்றால் 3 நிமிடத்தில் செல்வது மட்டுமல்லாமல் இயற்கை அழகை ரசித்தபடி செல்லலாம் என்பதால் அதிகளவில் ரோப் காரில் செல்வதற்கு ஆர்வம் காட்டுகின்றனர்.

பழனி ரோப்கார் சேவையானது காற்றின் வேகத்தை பொறுத்து இயக்கப்படுவதால் பலமாக காற்று வீசுமபோது சேவை நிறுத்தப்படும். அதேபோல் பக்தர்களின் பாதுகாப்பை கருதி ரோப் கார் சேவை பராமரிப்பு பணி காரணமாக தினமும் 1 மணி நேரமும் மாதத்துக்கு ஒரு நாளும், ஆண்டுக்கு ஒரு மாதமும் நிறுத்தப்படுவது வழக்கம்.

இந்நிலையில் பழனி முருகன் கோவிலில் ரோப்கார் சேவை இன்று ஒருநாள் மட்டும் ரத்து செய்யப்பட்டுள்ளது. அதாவது மாதாந்திர பராமரிப்பு பணி காரணமாக இன்று ஒருநாள் மட்டும் ரோப்கார் சேவை இயங்காது என கோயில் நிர்வாகம் தரப்பில் தெரிவிக்கப்பட்டுள்ளது. ஆகையால் பக்தர்கள் மின் இழுவை ரயில் மற்றும் படிப்பாதையை பயன்படுத்தி முருகனை சாமி தரிசனம் செய்யுமாறு அறிவுறுத்தப்பட்டுள்ளது.

கல்யாணமான 13 நாட்களில் புதுமாப்பிள்ளை விபரீத முடிவு! நெஞ்சில் அடித்து கதறும் குடும்பம்! மனைவி அப்படி என்ன செய்தார்?

vinoth kumar — Mon, 17 Nov 2025 11:11:10 +0530

திருப்பூரில், திருமணமாகி 13 நாட்களே ஆன புதுமாப்பிள்ளை, மனைவி உடனான தகராறில் பெட்ரோல் ஊற்றி தீக்குளித்து தற்கொலை செய்துகொண்டார். கருத்து வேறுபாடு காரணமாக பிரிந்து வாழ்ந்த பெண்ணை காதலித்து திருமணம் செய்துகொண்ட நிலையில் இந்த சோகம்.

திண்டுக்கல் மாவட்டம் பழனியை சேர்ந்தவர் கவுதம் (31). இவர் திருப்பூர் மாவட்டம் மூலனூர் பகுதியில் செயல்பட்டு வரும் தனியார் காற்றாலை நிறுவனத்தில் வேலை செய்து வந்துள்ளார். இந்நிலையில் கருத்து வேறுபாடு காரணமாக கணவரை பிரிந்து 7 வயது மகனுடன் தனியாக வசித்து வந்த 29 வயது பெண்ணுடன் பழக்கம் ஏற்பட்டுள்ளது. இந்த பழக்கம் நாளடைவில் இருவருக்கும் இடையே காதலாக மாறியுள்ளது.

இதனையடுத்து இருவரும் கடந்த 3-ம் தேதி திருமணம் செய்து கொண்டு தனியாக வீடு எடுத்து மூலனூரில் வசித்து வந்தனர். இந்நிலையில் நேற்று இரவு கணவன் மனைவிக்கும் இடையே தகராறு ஏற்பட்டுள்ளது. இதனால் கடும் மனஉளைச்சலுக்கு ஆளான கவுதம் யாரும் எதிர்பாராத விதமாக உடலில் பெட்ரோல் ஊற்றி தீ வைத்துக் கொண்டார். இதனால் வலியால் அலறிய துடித்த அவரை அக்கம் பக்கத்தினர் ஓடி வந்து அவரை மீட்டு தீயை அணைத்தனர்.

இதனையடுத்து தீக்காயம் அடைந்த நபரை அப்பகுதி மக்கள் ஆம்புலன்ஸ் மூலம் தாராபுரம் அரசு மருத்துவமனைக்கு அழைத்து சென்று தீவிர சிகிச்சை அளித்து வருகின்றனர். ஆனால் சிகிச்சை பலனின்றி பரிதாபமாக உயிரிழந்தார்.

இந்த சம்பவம் தொடர்பாக மூலனூர் போலீசாருக்கு தகவல் தெரிவிக்கப்பட்டது. சம்பவ இடத்திற்கு விரைந்த போலீசார் கவுதம் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர். திருமணமாகி 13 நாட்களில் புதுமாப்பிள்ளை தற்கொலை செய்துகொண்ட சம்பவம் அந்த பகுதியில் அதிர்ச்சியையும், சோகத்தையும் ஏற்படுத்தியுள்ளது.

தலை தீபாவளி அதுவுமா எவ்வளவு சொல்லியும் கேட்காத கணவர்! இருந்தாலும் ரூபியாவுக்கு இவ்வளவு கோபம் இருக்கக்கூடாது

vinoth kumar — Thu, 23 Oct 2025 13:53:50 +0530

சிவகங்கை மாவட்டம் எஸ்.புதூர் அருகே உள்ள குன்னத்தூர், களத்துப்பட்டி கிராமத்தை சேர்ந்தவர் மச்சக்காளை. விவசாயம் செய்து வருகிறார். இவருடைய 2-வது மகள் ரூபிகா (21). இவருக்கும் திண்டுக்கல் மாவட்டம் சிறுகுடி அருகே உள்ள ரெட்டையம்பட்டி கிராமத்தை சேர்ந்த பாண்டி என்பவருக்கும் கடந்த ஜூலை மாதம் பெற்றோர்கள் முன்னிலையில் திருமணம் நடந்தது. பாண்டி திருச்சியில் உள்ள தனியார் நிதி நிறுவனத்தில் வேலை பார்த்து வருகிறார்.

புதுமண தம்பதியான பாண்டி, ரூபிகாவுக்கு தலை தீபாவளி என்பதால் கொண்டாட கடந்த 19-ம் தேதி மாமனார் வீட்டுக்கு வந்தனர். குடும்பத்தினர், உறவினர்களுடன் சேர்ந்து தீபாவளியை உற்சாகமாக கொண்டாடினர். இந்நிலையில் பாண்டி நேற்று ரூபிகாவிடம் வேலைக்கு செல்லப்போவதாக கூறியுள்ளார். அதற்கு ரூபிகா தலை தீபாவளி கொண்டாட வந்துவிட்டு உடனே ஏன் வேலைக்கு செல்ல வேண்டும்? இன்னும் 2 நாள் இங்கேயே இருந்து விட்டு போகலாம் என்று கூறியுள்ளார்.

இதனால் இருவருக்கும் இடையே வாக்குவாதம் ஏற்பட்டுள்ளது. பின்னர் வேலைக்கு நேரமாகிறது என்று கூறிவிட்டு ரூபிகா பேச்சை கேட்காமல் வேலைக்கு சென்றுள்ளார்.தான் சொல்லியும் கேட்காமல் கணவர் வேலைக்கு சென்றதால் மனவருத்தம் மற்றும் கோபத்தை ஏற்படுத்தியது. இந்நிலையில் வீட்டில் யாரும் இல்லாத நேரத்தில் சேலையால் தூக்குப்போட்டு தற்கொலை செய்து கொண்டார்.

இதனை கண்டு அதிர்ச்சி அடைந்த பெற்றோர் நெஞ்சில் அடித்துக்கொண்டு அழுது கதறினார். இந்த சம்பவம் தொடர்பாக புழுதிபட்டி காவல் நிலையத்திற்கு தகவல் தெரிவிக்கப்பட்டது. சம்பவ இடத்திற்கு விரைந்த போலீசார் ரூபிகாவின் உடலை கைப்பற்றிய போலீசார் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர். இதனிடையே திருமணமாகி 3 மாதத்தில் உயிரிழந்ததை அடுத்து ஆர்.டி.ஓ. விசாரணைக்கு உத்தரவிடப்பட்டுள்ளது. கோபத்தால் திருமணமான 3 மாதத்தில் இளம்பெண் தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது.

தனியார் செங்கல் சேம்பரில் ஊழியர் கொடூர கொ**! 16 வயது சிறுமி உட்பட மூவர் கைது! அதிர வைக்கும் பின்னணி?

vinoth kumar — Tue, 12 Aug 2025 16:07:55 +0530

திண்டுக்கல் மாவட்டம் பழனி அடுத்த தும்பலபட்டி கிராமத்தில் தனியாருக்கு சொந்தமான செங்கல் தயாரிக்கும் சேம்பர் செயல்பட்டு வருகிறது. இந்த சேம்பரில் கணக்கராக வேலை செய்து வந்தவர் சரவணன் (23). நேற்று முன் தினம் இரவு சேம்பருக்கு சென்ற சரவணன் உயிரிழந்து கிடந்தார். இந்த சம்பவம் தொடர்பாக போலீசாருக்கு தகவல் தெரிவிக்கப்பட்டது. சம்பவ இடத்திற்கு விரைந்த போலீசார் அவரது உடலை பிரேத பரிசோதனைக்காக எடுத்து செல்ல முயற்சித்தனர்.

செங்கல் தயாரிக்கும் சேம்பர் கொலை

அப்போது சேம்பரில் திரண்ட பொதுமக்கள் மற்றும் உறவினர்கள் சரவணனை கொன்ற குற்றவாளியை கைது செய்ய கோரி உறவினர்கள் போலீஸாரிடம் வாக்கு வாதம் செய்தனர். பின்னர் அவர்களை சமாதானம் செய்து வைத்து சரவணன் உடலை மீட்டு திண்டுக்கல் அரசு மருத்துவ கல்லூரி மருத்துவமனைக்கு பிரேத பரிசோதனைக்காக அனுப்பி வைத்தனர். இந்த கொலை சம்பவம் தொடர்பாக வழக்குப்பதிவு செய்த போலீசார் சேம்பரில் பொருத்தியிருந்த சிசிடிவி கேமரா காட்சிகளை ஆய்வு செய்தனர்.

போலீசார் தீவிரமாக விசாரணை

அப்போது சேம்பரில் தங்கிப் பணியாற்றும் வட மாநிலத்தைச் சார்ந்த கோபால் மற்றும் அவரது மகள்கள் 16 வயது சிறுமி மற்றும் 14 வயது சிறுமி இருவர் மீதும் போலீசாருக்கு சந்தேகம் ஏற்பட்டது. சம்பவம் நடந்த அன்று சேம்பரில் கோபால் மகள்கள் தங்கி இருந்த அறைக்குச் சரவணன் சென்று சற்று நேரம் பேசிக் கொண்டிருந்த காட்சிகள் சிசிடிவியில் பதிவாகி இருந்தது. இதனை வைத்து சிறுமிகளை காவல் நிலையத்திற்கு அழைத்துச் சென்று போலீசார் தீவிரமாக விசாரணை மெற்கொண்டனர்.

சரவணனை கொலை செய்த 16 வயது சிறுமி

விசாரணையில் 16 வயது சிறுமி சரவணனை கொலை செய்ததும், இந்த கொலையை மறைப்பதற்காக சிறுமியின் தந்தை மற்றும் 14 வயது சகோதரி இருவரும் உதவி செய்ததும் போலீசார் விசாரணையில் தெரியவந்தது. மேலும் சரவணன் 16 வயது சிறுமியை காதலித்து வந்ததாகவும் சம்பவம் நடந்த இரவு நேரத்தில் சிறுமையை சரவணன் மறைவான இடத்திற்க்கு அழைத்து சென்ற போது சிறுமி சரவணனை தள்ளிவிட்டதில் கீழே விழுந்த சரவணனுக்கு தலையில் அடிபட்டு உயிரிழந்ததும் விசாரணையில் தெயரிவந்தது.

சிறையில் அடைப்பு

பின்னர் தனது தந்தை மற்றும் தங்கையிடம் நடந்ததை சிறுமி கூறிய போது கொலையை மறைப்பதற்கு இருவரும் உதவி செய்ததும் போலீசாருக்கு தெரிய வந்தது. வடமாநிலத் தொழிலாளியான கோபால் மற்றும் இரண்டு மகள்கள் மீதும் வழக்கு பதிவு செய்த போலீசார் நீதிமன்றத்தில் ஆஜர்படுத்தி சிறையில் அடைத்தனர். தனியார் செங்கல் சேம்பரில் வடமாநில சிறுமி இளைஞரை கொலை செய்த சம்பவம் பழனியில் பரபரப்பை ஏற்படுத்தியுள்ளது.

பழனி தண்டாயுதபாணி சுவாமி கோயில்! உண்டியல் காணிக்கை எத்தனை கோடி தெரியுமா? குவிந்த தங்கம் வெள்ளி!

vinoth kumar — Fri, 28 Feb 2025 17:34:28 +0530

அறுபடை வீடுகளில் மூன்றாம் படை வீடான பழனி தண்டாயுதபாணி திருக்கோவில். இக்கோவில் திண்டுக்கல் மாவட்டத்தில் அமைந்துள்ளது. இக்கோவிலுக்கு தினமும் பல்வேறு மாவட்டங்கள் மற்றும் வெளிமாநிலங்களில் இருந்து ஆயிரக்கணக்கான பக்தர்கள் வருகை தருகின்றனர். குறிப்பாக பக்கத்துக்கு மாநிலமான கேரளாவில் இருந்து அதிகளவில் பக்தர்கள் வந்து செல்கின்றனர்.

இந்நிலையில், பழனியில் தைப்பூசத் திருவிழா ஐந்தாம் தேதி கொடியேற்றத்துடன் துவங்கி 10 நாட்கள் கோலாகலமாக நடந்தது. விழாவின் முக்கிய நிகழ்ச்சியான தைப்பூசம் கடந்த 11ம் தேதி மாலை தேரோட்டத்துடன் நிறைவு பெற்றது. தைப்பூச திருவிழாவில் கலந்து கொள்வதற்காக தமிழகம் முழுவதும் இருந்து ஆயிரக்கணக்கான பக்தர்கள் பழனிக்கு வருகை தந்து மலை அடிவாரத்தில் மயில் காவடி, பன்னீர் காவடி, பால் காவடி என பல்வேறு வகையான காவடிகளை சுமந்தும் அலகு குத்தியும் நேர்த்திக்கடன் செலுத்தி பக்தர்கள் வழிபட்டனர்.

இதையும் படிங்க: பழனி முருகன் கோவில் செல்லும் பக்தர்களுக்கு முக்கிய செய்தி! இன்று! கோவில் நிர்வாகம் வெளியிட்ட அறிவிப்பு!

இந்நிலையில், பழனி தண்டாயுதபாணி சுவாமி கோயில் உண்டியல்கள் தைப்பூச திருவிழாவில் குவிந்த பக்தர்கள் கூட்டத்தால் உண்டியல் நிரம்பியது. உண்டியல்கள் திறக்கப்பட்டு மலைக்கோயில் கார்த்திகை மண்டபத்தில் வைத்து பிரித்து இரண்டு நாட்களாக எண்ணப்பட்டது. மொத்தம் காணிக்கை ரூபாய் 3 கோடியே 47 இலட்சத்து 5 ஆயிரத்து 568 கிடைத்தது. உண்டியலில் பக்தர்கள் தங்கத்தாலான வேல், தாலி, மோதிரம், செயின், தங்கக்காசு போன்றவற்றையும், வெள்ளியால் ஆன காவடி, வளையம், வீடு, தொட்டில், வேல், கொலுசு, பாதம் போன்றவற்றையும் காணிக்கையாக செலுத்தியிருந்தனர். அதன் மூலம், தங்கம் 379 கிராமும், வெள்ளி 44 ஆயிரத்து 67 கிராமும் கிடைத்தது.

மேலும் மலேசியா, சிங்கப்பூர், அமெரிக்கா, ஐப்பான், ஆஸ்திரேலியா, மியான்மர் உள்ளிட்ட பல்வேறு நாட்டு கரன்சிகள் 1,631ம் கிடைத்தன. இவை தவிர பித்தளை வேல், ரிஸ்ட் வாட்ச், ஏலக்காய், முந்திரி, நவதானியங்கள், பட்டாடைகளையும் பக்தர்கள் காணிக்கையாக செலுத்தியிருந்தனர். ஐநூறுக்கும் மேற்பட்டோர் உண்டியல் எண்ணும் பணியில் ஈடுபட்டனர்.

பழனி முருகன் கோவில் செல்லும் பக்தர்களுக்கு முக்கிய செய்தி! இன்று! கோவில் நிர்வாகம் வெளியிட்ட அறிவிப்பு!

vinoth kumar — Fri, 28 Feb 2025 08:33:57 +0530

திண்டுக்கல் மாவட்டம் பழனியில் உள்ள முருகன் கோவிலுக்கு வரும் பக்தர்கள் மின் இழுவை ரயில் அல்லது படிப்பாதை வழியாக செல்ல அறிவுறுத்தப்படுகிறார்கள்.

உலக பிரசித்தி பெற்ற அறுபடை வீடுகளில் மூன்றாம் படை வீடான பழனி முருகன் திருக்கோவில். இக்கோவில் திண்டுக்கல் மாவட்டம் பழனியில் அமைந்துள்ளது. இக்கோவிலில் தைப்பூசம், பங்குனி உத்திரம், வைகாசி விசாகம் விசேஷ நாட்களாகும். இக்கோவிலுக்கு தினமும் பல்வேறு மாவட்டங்கள் மற்றும் வெளிமாநிலங்களில் இருந்து ஆயிரக்கணக்கான பக்தர்கள் வருகை தந்து முருகன் அருளை பெறுகின்றனர். வார இறுதி நாட்களில் சாமியை தரிசனம் செய்ய சுமார் 4 மணி நேரம் முதல் 5 மணிநேரமாகிவிடும். மேலும் பழனி கோயிலில் மற்றொரு சிறப்பு என்னவென்றால் பஞ்சாமிர்தம் உலக புகழ் பெற்றது.

இந்நிலையில் பக்தர்கள் அடிவாரத்தில் இருந்து பழனி மலை கோவிலுக்கு செல்ல படிப்பாதை இருந்தாலும் வயதானவர்கள் மற்றும் உடல் நலக்குறைபாடு உள்ளவர்கள் சிரமமின்றியும், விரைவாகவும் செல்ல ரோப் கார் மற்றும் மின் இழுவை ரயில் இயக்கப்பட்டு வருகிறது.

ஆனால் பெரும்பாலான பக்தர்கள் ரோப் கார் சேவையை அதிகளவில் பயன்படுத்தி வருகின்றனர். ஏனென்றால் 3 நிமிடத்தில் செல்வது மட்டுமல்லாமல் இயற்கை அழகை ரசித்தபடி செல்லலாம் என்பதால், பெரும்பாலானோர் ரோப் காரில் செல்ல ஆர்வம் காட்டுகின்றனர்.

இந்நிலையில், பக்தர்களின் பாதுகாப்பை கருதி ரோப் கார் சேவை பராமரிப்பு பணி காரணமாக தினமும் 1 மணி நேரமும் மாதத்துக்கு ஒரு நாளும், ஆண்டுக்கு ஒரு மாதமும் நிறுத்தப்படுவது வழக்கம். அதன்படி இன்று ரோப் கார் நிலையத்தில் மாதாந்திர பராமரிப்பு பணிகள் நடைபெற உள்ளது.

ஆகையால் ரோப் கார் சேவை இன்று ஒருநாள் மட்டும் நிறுத்தப்படுவதாக கோயில் நிர்வாகம் தரப்பில் தெரிவிக்கப்பட்டுள்ளது. எனவே பக்தர்கள் மின் இழுவை ரயில் மற்றும் படிப்பாதையை பயன்படுத்தி முருகனை சாமி தரிசனம் செய்ய பக்தர்களுக்கு அறிவுறுத்தப்பட்டுள்ளது.

'மலைகளின் குட்டி இளவரசி'; ஆண்டு முழுவதும் 'ஜில்' கிளைமேட்; மதுரைக்கு பக்கத்தில் சூப்பர் Hill Station!

Rayar r — Thu, 16 Jan 2025 15:38:17 +0530

சிறுமலை

தமிழ்நாட்டு மக்கள் விடுமுறை நாட்களில் குடும்பத்துடன் சுற்றுலா செல்வது வழக்கம். அந்த வகையில் மதுரை, திண்டுக்கல் பகுதி மக்கள் சுற்றுலா செல்வதற்கான ஒரு சூப்பர் மலைவாசஸ்தலத்தை பற்றிதான் இந்த செய்தியில் கூற போகிறேன். மதுரை, திண்டுக்கலுக்கு அருகே என்றால் 'மலைகளின் இளவரசி' கொடைக்கானல் தானே என்று நீங்கள் கேட்பது எனக்கு புரிகிறது.

அதுதான் இல்லை; 'மலைகளின் குட்டி இளவரசி' என்றழைக்கப்படும் சிறுமலை தான் நான் சொன்ன சூப்பரான மலைவாசஸ்தலம். சிறுமலை என்பது திண்டுக்கல் மாவட்டத்தில் அமைந்துள்ள ஒரு அழகிய மலைவாசஸ்தலமாகும். கடல் மட்டத்திலிருந்து சுமார் 1,200 மீட்டர் (3,937 அடி) உயரத்தில் அமைந்துள்ள சிறுமலை பொதுமக்களால் அதிகம் அறியப்படாத, அமைதியான ஒரு அட்டகாசமான மலைப்பகுதியாகும்.

ஆண்டு முழுவதும் ஜில் ஜில் காற்று

கொடைக்கானல், ஊட்டியை போன்றே சிறுமலையிலும் ஆண்டு முழுவதும் ஜில் என்ற குளிமையான காலநிலை நிலவும். குளிர்ந்த காற்றை அனுபவித்தபடி, மரங்கள், செடி, கொடிகளுடன் மனம் விட்டு பேசும்போது உங்கள் மன அழுத்தம், கவலை எல்லாம் பறந்தோடி விடும். அத்துடன் அங்கு மலைவாழ் மக்களால் விளைவிக்கப்படும் வாழை, மிளகு, பலாப்பழம் போன்றவற்றை பார்த்து, மலைவாழ் மக்களின் வாழ்வியலையும் கண்டு ரசிக்கலாம்.

சிறுமலை பாதையில் மொத்தம் 18 கொண்டை ஊசி வளைவுகள் உள்ளன. இதில் 4 அல்லது 5வது கொண்டை ஊசியை அடைந்து விட்டாலே அசுத்தமில்லாத இயற்கையான குளிர்ந்த காற்று உங்களை தழுவிக் கொள்ளும். வானுயர நிற்கும் மரங்களுக்கு நடுவே வளைந்து நெளிந்து செல்லும் சாலையில் பயணிப்பது உங்களை பரவசத்தில் ஆழ்த்தி விடும். சிறுமலையில் குரங்குகள் மட்டுமின்றி காட்டுமாடு, கடமான், கேளையாடு , முயல், கழுதை, காட்டு அணில் உள்ளிட்ட ஏராளமான வனவிலங்குகள் உள்ளன. உங்களுக்கு அதிர்ஷ்டம் இருந்தால் காட்டு மாடுகளின் தரிசனம் கிடைக்கும்.

சிறுமலையில் பார்க்க வேண்டிய இடங்கள்:

சிறுமலை ஏரி

சிறுமலை ஏரி மனிதனால் செயற்கையாக உருவாக்கப்பட்ட ஏரியாகும். இங்கு படகு சவாரி உண்டு. இயற்கை அழகை சுவாசித்தபடி ஜாலியாக படகு சவாரி செய்யலாம்.

சந்தான கிருஷ்ணர் கோயில்

சந்தன மரத்தால் ஆனதாகச் சொல்லப்படும் கிருஷ்ணரின் தனித்துவமான சிலைக்கு பெயர் பெற்ற ஆன்மீகத் தலமாக இது விளங்கி வருகிறது. இயற்கையின் அழகை கண்டுரசித்து விட்டு கிருஷ்ணரை தரிசனம் செய்யலாம். இதேபோல் அங்கு பசுமையான வனங்களுக்கு மத்தியில் அமைந்துள்ள அன்னை வேளாங்கண்ணி ஆலயமும் பிரசித்தி பெற்றதாகும். சிறுமலைக்கு செல்பவர்கள் அன்னையின் ஆசி பெற தவறுவதில்லை.

அகஸ்தியர்புரம் காட்சிமுனை (டவர்)

இந்த அகஸ்தியர்புரம் காட்சிமுனையின் நின்று பள்ளத்தாக்கின் பிரமிப்பையும், வனங்களின் மொத்த அழகையும் கண்டு ரசிக்கலாம். உங்களின் செல்போன்கள், கேமராக்கள் மூலம் சிறுமலையின் அழகை புகைப்படம், வீடியோக்கள் எடுக்க இது சிறந்த இடம்.

சிறுமலையின் சிறப்புகள்

ஊட்டி, கொடைக்கானல் போன்று மனித நெருக்கடி இல்லாமல் இருப்பதால் சிறுமலையின் அழகை முழுமையாக கண்டு ரசிக்க முடியும். மரங்கள் மட்டுமின்றி வனவிலங்குகள், பல்வேறு விதமான பறவைகளை பார்த்து ரசிக்கலாம். சிறுமலையில் ஏராளமான மருத்துவ குணங்கள் கொண்ட மூலிகைகள் உள்ளதால் சுத்தமான காற்றை சுவாசிக்கும்போது உங்கள் உடலுக்கு அது நல்ல அருமருந்தாக செயல்படும். டிரக்கிங் செல்ல விரும்புவர்களுக்கு ஏற்ற இடம். சிறுமலை பலாப்பழம், வாழைப்பழங்களுக்கு மிகவும் பிரசித்தி பெற்றது. சிறுமலை செல்லும்போது மறக்காமல் இந்த பழங்களை ருசி பாருங்கள்.

எப்படி செல்வது?

சிறுமலை திண்டுக்கல்லில் இருந்து 25 கிமீ தொலைவில் உள்ளது. மதுரையில் இருந்து 90 கிமீ தூரத்தில் அமைந்துள்ளது. சென்னை உள்ளிட்ட தமிழ்நாட்டின் மற்ற இடங்களில் இருந்து திண்டுக்கல் சென்று நத்தம் சாலையில் உள்ள மேம்பாலத்தை கடந்து சுமார் 5 கிமீ வலது புறமாக சென்று சிறுமலை நோக்கி பயணிக்க வேண்டும்.

பேருந்து வசதி உள்ளதா?

திண்டுக்கல் பேருந்து நிலையத்தில் குறிப்பிட்ட நேர இடைவெளியில் சிறுமலைக்கு அரசு பேருந்துகள் உள்ளன. ஆனால் பைக், கார் உள்ளிட்ட வாகனங்களில் சென்றால் சிறுமலையின் மொத்த அழகையும் அனுபவிக்க முடியும்.

ரயில், விமானத்தில் எப்படி செல்வது?

சென்னை உள்ளிட்ட தமிழ்நாட்டின் மற்ற இடங்களில் இருந்து திண்டுக்கல் ரயில் நிலையம் சென்று அங்கு இருந்து கார்களை வாடகைக்கு எடுத்தும் சிறுமலைக்கு செல்லலாம். சென்னையில் இருந்தும், மதுரையில் இருந்தும் திண்டுக்கலுக்கு ஏராளமான ரயில்கள் உள்ளன. சென்னையில் இருந்து விமானம் மூலம் மதுரை வந்தும் அங்கு இருந்து வாகனங்களில் சிறுமலை செல்ல முடியும்.

ஹோட்டல்கள், லாட்ஜ்கள் உள்ளதா?

சிறுமலையில் லாட்ஜ்கள் முதல் ரிசார்ட்டுகள் வரை உள்ளன. நீங்கள் தங்கும் இடத்தை பொறுத்து கட்டணம் மாறுபடும். சிறுமலையில் ஹோட்டல்களும் இருப்பதால் உணவுக்கும் பிரச்சினை இருக்காது. மதுரை, திண்டுக்கல் மக்கள் அதிகாலையில் கிளம்பினால் சிறுமலையை சுற்றிபார்த்து விட்டு இரவில் வீடு திரும்பிவிட முடியும்.

மலைகளின் ராணி, மலைகளின் இளவரசி போன்று விளம்பர பிரியையாக இல்லாமல், மிகவும் அமைதியாக தன்னுடைய இயற்கை அழகை வெளிக்காட்டும் இந்த மலைகளின் குட்டி இளவரசியை ஒருமுறை பார்த்து விட்டு தான் வாருங்களேன்.

மூடிய அறையில் இளைஞர்கள் செய்த தவறு; பறிபோன 2 உயிர் - நீங்களும் இந்த தப்ப செய்யாதீங்க

Velmurugan s — Mon, 09 Dec 2024 17:59:30 +0530

சென்னையைச் சேர்ந்த 4 இளைஞர்கள் திண்டுக்கல் மாவட்டம் கொடைக்கானலுக்கு சுற்றுலா சென்றிருந்தனர். கொடைக்கானல் சின்னப்பாளையம் பகுதியில் உள்ள தனியார் விடுதியில் இரு அறைகளை வாடகைக்கு எடுத்து தங்கியிருந்தனர். ஒரு அறையில் ஜெயக்கண்ணனும், அருண்பாபுவும் தங்கியிருந்தனர். மற்றொரு அறையில் சிவசங்கர், அவரது சகோதரர் சிவராஜ் ஆகியோர் தங்கி உள்ளனர்.

இந்நிலையில் இளைஞர்கள் 4 பேரும் தாங்கள் தங்கயிருந்த அறையிலேயே கோழிக்கறியை சுட்டு சாப்பிட்டுள்ளனர். பின்னர் அதே நெறுப்பை பயன்படுத்தி அறையினுள்ளேயே குளிர் காய்ந்ததாகக் கூறப்படுகிறது. சிறிது நேரம் கழித்து சிவசங்கரும், சிவராஜ்ம் வேறொரு அறைக்கு உறங்கச் சென்றுள்ளனர். பின்னர் மறு நாள் காலையில் மீண்டும் பக்கத்து அறைக்கு சென்று பார்த்த போது அறையினுள் கடுமையான புகைமூட்டமாக இருந்துள்ளது. மேலும் அந்த அறையில் தங்கியிருந்த ஜெயக்கண்ணன், அருண்பாபு இருவரும் மயங்கிய நிலையில் இருந்துள்ளனர்.

TN GOVT : அரசு ஊழியர்களின் ஓய்வு பெறும் வயது 62ஆக உயர்த்த முடிவா.? இது உண்மையா.? வெளியான அதிகாரப்பூர்வ தகவல்

இதனைத் தொடர்ந்து உடனடியாக ஆம்புலன்ஸ் வாகனம் வரவழைக்கப்பட்டது. அப்போது இளஞர்களை பரிசோதித்த ஆம்புலன்ஸ் ஊழியர்கள், இளைஞர்கள் இருவரும் ஏற்கனவே உயிரிழந்துவிட்டதாக தெரிவித்துள்ளனர். அதன் பின்னர் தகவல் அறிந்து சம்பவ இடத்திற்கு வந்த காவல் துறையினர் இளைஞர்களின் உடல்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

தங்கலான் பட பிரமோஷன் மொத்தமாக நிறுத்தம்; காரணத்தை கேட்டா உங்களுக்கே புல்லரிச்சிடும்

இது தொடர்பாக காவல் துறை தரப்பில் கூறுகையில், சென்னையில் தனியார் நிறுவனத்தில் வேலை பார்த்துவந்த இளைஞர்கள் சுற்றுலாவுக்கு வந்த இடத்தில் மூடிய அறைக்குள் அடுப்பு கரியை பயன்படுத்தி குளிர் காய்ந்துள்ளனர். இதில் ஏற்பட்ட மூச்சுத்திணறல் காரணமாக இந்த உயிரிழப்பு நிகழ்ந்துள்ளது. மேலும் இது தொடர்பாக வழக்குப்பதிவு செய்து விசாரணை நடத்தி வருவதாக தெரிவித்துள்ளனர்.

நாளை பழனி முருகன் கோவிலில்! பக்தர்களுக்கு முக்கிய அறிவிப்பை வெளியிட்ட நிர்வாகம்!

vinoth kumar — Tue, 01 Apr 2025 08:27:04 +0530

Palani Murugan Temple: உலக பிரசித்தி பெற்ற அறுபடை வீடுகளில் மூன்றாம் படை வீடான பழனி தண்டாயுதபாணி சுவாமி திருக்கோவில் திண்டுக்கல் மாவட்டத்தில் அமைந்துதள்ளது.

உலக புகழ் பெற்ற அறுபடை வீடுகளில் மூன்றாம் படை வீடான பழனி முருகன் திருக்கோவில். இக்கோவில் திண்டுக்கல் மாவட்டம் பழனியில் அமைந்துள்ளது. இக்கோவிலில் தைப்பூசம், பங்குனி உத்திரம், வைகாசி விசாகம் உள்ளிட்டவை விசேஷ நாட்களாகும். இக்கோவிலுக்கு தினமும் தமிழகம் மட்டுமன்றி வெளிமாநிலங்களில் இருந்து ஆயிரக்கணக்கான பக்தர்கள் வருகை தந்து முருகனை தரிசனம் செய்கின்றனர். அதுவும் வார இறுதி நாட்கள் மற்றும் தொடர் விடுமுறை வந்துவிட்டால் சாமியை தரிசனம் செய்ய மணி நேரம் ஆகிவிடம். மேலும் பழனி கோயிலில் மற்றொரு ஸ்பெஷல் என்னவென்றால் உலக புகழ் பெற்ற பஞ்சாமிர்தம்.

இந்நிலையில் பக்தர்கள் அடிவாரத்தில் இருந்து பழனி மலை கோவிலுக்கு செல்ல படிப்பாதை இருந்தாலும் வயதானவர்கள் மற்றும் சிறுவர்கள், சர்க்கரை நோய், இரத்த அழுத்தம், இருதய நோய் உள்ளவர்கள் சிரமமின்றியும், விரைவாகவும் செல்ல ரோப் கார் மற்றும் மின் இழுவை ரயில் இயக்கப்பட்டு வருகிறது.

இதையும் படிங்க: மலைகளின் அரசி ஊட்டி, கொடைக்கானலுக்கு இ பாஸ் கட்டாயம்; ஏப்ரல் 1 நாளை முதல் அமல்!

ஆனால் பெரும்பாலான பக்தர்கள் ரோப் கார் சேவையை அதிகளவில் பயன்படுத்தி வருகின்றனர். ஏனென்றால் 3 நிமிடத்தில் செல்வது மட்டுமல்லாமல் இயற்கை அழகை ரசித்தபடி செல்லலாம் என்பதால், பெரும்பாலானோர் ரோப் காரில் செல்வதற்கு ஆர்வம் காட்டுகின்றனர்.

இந்நிலையில், பக்தர்களின் பாதுகாப்பை கருதி ரோப் கார் சேவை பராமரிப்பு பணி காரணமாக தினமும் 1 மணி நேரமும் மாதத்துக்கு ஒரு நாளும், ஆண்டுக்கு ஒரு மாதமும் நிறுத்தப்படுவது வழக்கம். அதன்படி ஏப்ரல் 2ம் தேதி அதாவது நாளை ரோப் கார் நிலையத்தில் மாதாந்திர பராமரிப்பு பணிகள் நடைபெற உள்ளது.

இதையும் படிங்க: கனமழைக்கு நாள் குறித்த வானிலை! எந்தெந்த மாவட்டங்களில் ஊத்தப்போகுது தெரியுமா?

ஆகையால் ரோப் கார் சேவை நாளை ஒருநாள் மட்டும் நிறுத்தப்படுவதாக கோயில் நிர்வாகம் தரப்பில் தெரிவிக்கப்பட்டுள்ளது. எனவே பக்தர்கள் மின் இழுவை ரயில் மற்றும் படிப்பாதையை பயன்படுத்தி முருகனை சாமி தரிசனம் செய்ய பக்தர்களுக்கு கோவில் நிர்வாகம் சார்பில் அறிவுறுத்தப்பட்டுள்ளது.

தவறான திசையில் பைக் பயணம்; எமனாக வந்த பள்ளிப் பேருந்து - ஒரே நிமிடத்தில் காலியான மொத்த குடும்பம்

Velmurugan s — Thu, 22 Aug 2024 19:32:06 +0530

திண்டுக்கல் மாவட்டம் நத்தம் - மதுரை நான்கு வழிச்சாலையில் உள்ள புதுக்கோட்டை முடக்குச்சாலை என்ற பகுதியில் நத்தத்தில் இருந்து அழகர் கோவில் பகுதிக்கு தனியார் பள்ளிப் பேருந்து ஒன்று மாணவர்களை ஏற்றிக் கொண்டு வேகமாக சென்று கொண்டிருந்தது. அப்போது முருகன் (வயது 40) என்பவர் அவரது மனைவி பஞ்சு (35), மகன் ஸ்ரீதர் (6) ஆகியோரை அழைத்துக் கொண்டு இருசக்கர வாகனத்தில் வந்து கொண்டிருந்தார்.

ஒருநாள் கிரிக்கெட் போட்டியில் பாபர் ஆசம், விராட் கோலியை பின்னுக்கு தள்ளிய சுப்மன் கில்

சாலையை கடக்கும் முயற்சியில் முருகன் சாலையின் தவறான பாதையில் பயணித்துள்ளார். இதனால் அழகர்கோவில் நோக்கி மாணவர்களை ஏற்றிச் சென்ற பள்ளிப் பேருந்தும், முருகனின் இருசக்கர வாகனமும் நேருக்கு நேர் மோதி பயங்கர விபத்து ஏற்பட்டது. இந்த விபத்தில் சிக்கி இருசக்கர வாகனத்தில் பயணித்த மூவரும் சாலையில் சிறிது தூரம் இழுத்துச் செல்லப்பட்டனர்.

த.வெ.க கொடி.. அது வாகை மரம் இல்லையாம்; அப்புறம் அது என்ன மரம்? இதென்னப்பா புது விளக்கம்!!

இந்நிலையில் விபத்தில் சிக்கி மூவரும் சம்பவ இடத்திலேயே பரிதாபமாக உயிரிழந்தனர். விபத்து தொடர்பாக தகவல் அறிந்த நத்தம் காவல் துறையினர் உடனடியாக விபத்து ஏற்பட்ட இடத்திற்கு விரைந்து வந்து மூவரின் உடல்களையும் மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் விபத்து தொடர்பாக பள்ளிப் பேருந்து ஓட்டுநரிடமும் விசாரணை நடத்தப்பட்டு வருகிறது. சாலையை கடக்க முயன்று தவறான திசையில் பயணித்தவர்கள் மீது பள்ளிப் பேருந்து மோதி மூவரும் உயிரிழந்த சம்பவம் பெரும் சோகத்தை ஏற்படுத்தி உள்ளது. மேலும் விபத்து தொடர்பாக காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.

பக்தர்களுக்கு ஷாக்கிங் நியூஸ்! பழனி முருகன் கோவில் நிர்வாகம் வெளியிட்ட முக்கிய அறிவிப்பு!

vinoth kumar — Mon, 22 Dec 2025 08:25:41 +0530

பழனி முருகன் கோவிலில் மாதாந்திர பராமரிப்பு பணிகளுக்காக ரோப் கார் சேவை இன்று ஒருநாள் நிறுத்தப்பட்டுள்ளது. இதனால், பக்தர்கள் மலைக்கோவிலுக்கு செல்ல மின் இழுவை ரயில் மற்றும் படிப்பாதையை பயன்படுத்துமாறு கோவில் நிர்வாகம் அறிவுறுத்தியுள்ளது.

உலக புகழ் பெற்ற அறுபடை வீடுகளில் மூன்றாம் படை வீடான பழனி முருகன் திருக்கோவில். இக்கோவில் திண்டுக்கல் மாவட்டம் பழனியில் அமைந்துள்ளது. இக்கோவிலில் தைப்பூசம், பங்குனி உத்திரம், வைகாசி விசாகம் உள்ளிட்டவை விசேஷ நாட்களாகும். இக்கோவிலுக்கு தினமும் தமிழகத்தின் பல்வேறு மாவட்டங்கள், வெளிமாநிலங்கள் மற்றும் வெளிநாடுகளில் இருந்து ஆயிரக்கணக்கான பக்தர்கள் வருகை தந்து முருகனை தரிசனம் செய்கின்றனர்.

அதுவும் வார இறுதி நாட்கள் மற்றும் தொடர் விடுமுறை வந்துவிட்டால் சாமியை தரிசனம் செய்யவே கிட்டத்தட்ட 4 முதல் 5 மணி நேரம் ஆகிவிடம். மேலும் பழனி முருகன் கோயிலில் மற்றொரு ஸ்பெஷல் என்னவென்றால் உலக புகழ் பெற்ற பஞ்சாமிர்தம்.

ஆனால் பெரும்பாலான பக்தர்கள் ரோப் கார் சேவையை அதிகளவில் பயன்படுத்தி வருகின்றனர். ஏனென்றால் 3 நிமிடத்தில் செல்வது மட்டுமல்லாமல் இயற்கை அழகை ரசித்தபடி செல்லலாம் என்பதால் அதிகளவில் ரோப் காரில் செல்வதற்கு ஆர்வம் காட்டுகின்றனர். இந்நிலையில், பக்தர்களின் பாதுகாப்பை கருதி ரோப் கார் சேவை பராமரிப்பு பணி காரணமாக தினமும் 1 மணி நேரமும் மாதத்துக்கு ஒரு நாளும், ஆண்டுக்கு ஒரு மாதமும் நிறுத்தப்படுவது வழக்கம்.

இந்நிலையில் பழனி முருகன் கோவில் ரோப் கார் நிலையத்தில் மாதாந்திர பராமரிப்பு பணி இன்று நடைபெறுகிறது. இதையொட்டி ரோப்கார் சேவை இன்று ஒருநாள் மட்டும் நிறுத்தப்படுவதாக கோயில் நிர்வாகம் தரப்பில் தெரிவிக்கப்பட்டுள்ளது. ஆகையால் பக்தர்கள் மின் இழுவை ரயில் மற்றும் படிப்பாதையை பயன்படுத்தி முருகனை சாமி தரிசனம் செய்ய அறிவுறுத்தப்பட்டுள்ளது.