Asianet News Tamil

ஆசிய விளையாட்டுப் போட்டி 2026: சென்னை திரும்பிய இந்திய ஸ்குவாஷ் வீரர்களுக்கு உற்சாக வரவேற்பு

Velmurugan s — Mon, 05 Oct 2026 21:02:57 +0530

2026 ஆசிய விளையாட்டுப் போட்டியில் பங்கேற்று நாடு திரும்பிய இந்திய ஸ்குவாஷ் வீரர்களான ஜோஷ்னா சின்னப்பா, வேலவன் செந்தில்குமார் மற்றும் ஷமீனா ரியாஸ் ஆகியோர் சென்னையில் செய்தியாளர்களைச் சந்தித்தனர். தங்களின் 7-வது ஆசிய விளையாட்டுப் போட்டியில் பங்கேற்று நாட்டிற்குப் பதக்கம் வென்று தந்தது குறித்து ஜோஷ்னா சின்னப்பாவும், தங்களின் வெற்றிப் பயணம் மற்றும் எதிர்கால இலக்குகள் குறித்து பிற வீரர்களும் மகிழ்ச்சியைப் பகிர்ந்து கொண்டனர். மேலும், சர்வதேச அளவிலான பயிற்சிகளுக்கும் போட்டிகளுக்கும் தமிழ்நாடு அரசு, தமிழ்நாடு விளையாட்டு மேம்பாட்டு ஆணையம் (SDAT) மற்றும் விளையாட்டுத்துறை அமைச்சர் அளித்து வரும் நிதியுதவி மற்றும் ஊக்கத்திற்கு வீரர்கள் தங்களது நன்றியைத் தெரிவித்துக் கொண்டனர். 2028-ல் நடைபெறவுள்ள லாஸ் ஏஞ்சலஸ் ஒலிம்பிக் போட்டியில் ஸ்குவாஷ் விளையாட்டு சேர்க்கப்பட்டுள்ள நிலையில், அதில் பதக்கம் வெல்வதே தங்களின் அடுத்த இலக்கு என்றும் அவர்கள் நம்பிக்கை தெரிவித்தனர்.

முதலமைச்சர் மு.க.ஸ்டாலின் பிரச்சாரக் கூட்ட ஏற்பாடுகள் தீவிர ஆய்வு: மதுராந்தகத்தில் எ.வ. வேலு பேட்டி!

Velmurugan s — Sat, 03 Oct 2026 20:02:47 +0530

செங்கல்பட்டு மாவட்டம் மதுராந்தகத்தில், தமிழக முதலமைச்சர் மு.க.ஸ்டாலின் பங்கேற்கும் தேர்தல் பிரச்சாரக் கூட்டத்திற்கான ஏற்பாடுகளை திமுக துணைப் பொதுச்செயலாளரும் அமைச்சருமான எ.வ. வேலு ஆய்வு செய்தார். பின்னர் செய்தியாளர்களைச் சந்தித்த அவர், தமிழக வெற்றி கழகம் (TVK) வாக்காளர்களுக்குப் பணப்பட்டுவாடா செய்து வருவதாக தோழமைக் கட்சிகள் வைக்கும் குற்றச்சாட்டுகள் உண்மையானவை என்றும், தோல்வி பயத்தின் காரணமாகவே எதிர்க்கட்சியினர் திமுக மீது தேர்தல் ஆணையத்தில் புகார் அளித்து வருகின்றனர் என்றும் தெரிவித்தார். மேலும், பெரியார், அண்ணா மற்றும் கலைஞர் வழியில் திமுக அரசு என்றும் இருமொழிக் கொள்கையிலேயே உறுதியாகச் செயல்படும் எனத் தெரிவித்தார்.

மதுராந்தகம் / தாராபுரம் சட்டமன்ற இடைத்தேர்தல்: வாக்களிப்பு மையங்களில் வாக்குப்பதிவு தீவிரம் !

Velmurugan s — Tue, 06 Oct 2026 15:02:38 +0530

மதுராந்தகம் (தமிழ்நாடு): தாராபுரம் சட்டமன்றத் தொகுதி இடைத்தேர்தலை முன்னிட்டு, மதுராந்தகத்தில் உள்ள வாக்குச்சாவடிகளில் தேர்தல் அலுவலர்கள் மற்றும் அனைத்து அரசியல் கட்சி முகவர்களின் முன்னிலையில் மாதிரி வாக்குப்பதிவு (Mock Poll) வெற்றிகரமாக நடத்தப்பட்டது. மின்னணு வாக்குப்பதிவு இயந்திரங்கள் (EVM) மற்றும் வாக்கு சரிபார்க்கும் இயந்திரங்களின் (VVPAT) செயல்பாட்டை உறுதி செய்யும் வகையில் இந்த மாதிரி வாக்குப்பதிவு நடைபெற்றது. இதைத்தொடர்ந்து, காலையிலேயே ஆர்வத்துடன் வந்த பொதுமக்கள் தங்கள் ஜனநாயகக் கடமையை ஆற்றி வாக்களித்து வருகின்றனர். வாக்குச்சாவடி மையங்களைச் சுற்றி பலத்த போலீஸ் பாதுகாப்பு போடப்பட்டுள்ளது.

வழக்கறிஞர்களுக்கு குட்நியூஸ் சொன்ன தமிழக அரசு.! சேமநல நிதியை ரூ.25 லட்சமாக உயர்த்த திட்டம்.! மருத்துவ காப்பீடு திட்டம் விரைவில் அமல்.!

Vedarethinam Ramalingam — Sat, 03 Oct 2026 19:38:35 +0530

வழக்கறிஞர்கள் மாநாட்டில், வழக்கறிஞர் பாதுகாப்புச் சட்டம் மற்றும் சேமநல நிதியை ரூ.25 லட்சமாக உயர்த்துவது குறித்து வலியுறுத்தப்பட்டது. அதனை அரசு பரிசீலித்து உரிய நடவடிக்கை எடுக்கும் என சட்டத்துறை அமைச்சர் சிடிஆர். நிர்மல்குமார் உறுதியளித்துள்ளார்.

தமிழகத்தில் வழக்கறிஞர்களுக்கு முக்கியத்துவம் வாய்ந்த பல்வேறு நலத்திட்ட கோரிக்கைகள் குறித்து அரசு பரிசீலித்து நடவடிக்கை எடுக்கப்படும் என சட்டத்துறை அமைச்சர் சிடிஆர். நிர்மல்குமார் தெரிவித்துள்ளார். குறிப்பாக வழக்கறிஞர்கள் பாதுகாப்புச் சட்டம் கொண்டு வருவது, சேமநல நிதியை ரூ.10 லட்சத்தில் இருந்து ரூ.25 லட்சமாக உயர்த்துவது மற்றும் வழக்கறிஞர்கள் மற்றும் அவர்களது குடும்பத்தினருக்கான மருத்துவ காப்பீட்டுத் திட்டத்தை ஏற்படுத்துவது தொடர்பாக முக்கிய அறிவிப்புகள் வெளியாகியுள்ளன.

ஈரோட்டில் நடைபெற்ற வழக்கறிஞர்கள் மாநாடு

தமிழ்நாடு மற்றும் புதுச்சேரி வழக்கறிஞர் சங்கங்களின் கூட்டமைப்பின் எழுச்சி மாநாடு மற்றும் பொதுக்குழு கூட்டம் ஈரோடு அருகே மேட்டுக்கடையில் உள்ள தனியார் மண்டபத்தில் நடைபெற்றது. தமிழகம் மற்றும் புதுச்சேரியைச் சேர்ந்த ஆயிரக்கணக்கான வழக்கறிஞர்கள் இந்த மாநாட்டில் கலந்து கொண்டனர்.

இந்த மாநாட்டில் தமிழ்நாடு–புதுச்சேரி வழக்கறிஞர் சங்கங்களின் கூட்டமைப்பின் தலைவராக வழக்கறிஞர் கரூர் மாரப்பனும், கவுரவத் தலைவராக தமிழ்நாடு வழக்கறிஞர்கள் சங்கத் தலைவரும் மூத்த வழக்கறிஞருமான எஸ்.பிரபாகரனும், பொதுச்செயலாளராக அய்யாவும் தேர்வு செய்யப்பட்டு அறிவிக்கப்பட்டனர். தமிழ்நாடு–புதுச்சேரி பார் கவுன்சில் தலைவர் கதிரவன், துணைத்தலைவர் பாலமுருகன், அகில இந்திய பார் கவுன்சில் உறுப்பினர் அமல்ராஜ் உள்ளிட்ட பார் கவுன்சில் உறுப்பினர்களும் மாநாட்டில் பங்கேற்றனர்.

வழக்கறிஞர்களுக்கு பாதுகாப்புச் சட்டம் வேண்டும்

மாநாட்டில் பேசிய கூட்டமைப்பின் கவுரவத் தலைவரும் மூத்த வழக்கறிஞருமான எஸ்.பிரபாகரன், வழக்கறிஞர்களின் பாதுகாப்பை உறுதி செய்யும் வகையில் தனி பாதுகாப்புச் சட்டத்தை கொண்டுவர வேண்டும் என்று வலியுறுத்தினார்.

வரும் சட்டமன்றக் கூட்டத்தொடரிலேயே வழக்கறிஞர்களுக்கான பாதுகாப்புச் சட்டத்தை நிறைவேற்ற வேண்டும் என்றும் அவர் கோரிக்கை விடுத்தார். மேலும், வழக்கறிஞர்களின் சேமநல நிதியை உயர்த்துவது மற்றும் வழக்கறிஞர்களை அரசு மருத்துவ காப்பீட்டுத் திட்டத்தில் இணைப்பது தொடர்பான நடவடிக்கைகளையும் அரசு மேற்கொள்ள வேண்டும் என வலியுறுத்தப்பட்டது.

அமைச்சர் நிர்மல்குமார்உறுதி

இந்த மாநாட்டில் சிறப்பு விருந்தினராக தமிழ்நாடு எரிசக்தி மற்றும் சட்டத்துறை அமைச்சர் சிடிஆர். நிர்மல்குமார் கலந்து கொண்டு பேசினார். வழக்கறிஞர்களின் பிரச்சினைகளை நன்கு அறிந்திருப்பதாகக் குறிப்பிட்ட அமைச்சர், முதலமைச்சரின் ஒப்புதலுடன் வழக்கறிஞர் பாதுகாப்புச் சட்டத்தை முன்னெடுப்பதற்கான நடவடிக்கைகள் மேற்கொள்ளப்படும் என தெரிவித்தார். வழக்கறிஞர்களின் நலன் தொடர்பான கோரிக்கைகளை அரசு கவனத்தில் எடுத்துள்ளதாகவும், அவர்களின் அடிப்படை பிரச்சினைகளுக்கு தீர்வு காண நடவடிக்கை மேற்கொள்ளப்படும் என்றும் அமைச்சர் தெரிவித்தார்.

தற்போது வழக்கறிஞர்களுக்கான சேமநல நிதியை ரூ.10 லட்சத்தில் இருந்து ரூ.25 லட்சமாக உயர்த்த வேண்டும் என்பது மாநாட்டில் முன்வைக்கப்பட்ட முக்கிய கோரிக்கைகளில் ஒன்றாகும். இதுதொடர்பாக அரசு தரப்பில் ஆய்வு நடைபெற்று வருவதாக அமைச்சர் நிர்மல்குமார் தெரிவித்தார்.

இதனால், ரூ.25 லட்சம் சேமநல நிதி தற்போது நடைமுறைக்கு வந்துவிட்டது என்று பொருள் கொள்ள முடியாது. இது மாநாட்டில் நிறைவேற்றப்பட்ட கோரிக்கை; அதனை செயல்படுத்துவது தொடர்பாக அரசு ஆய்வு செய்து வருவதாக அமைச்சர் கூறியுள்ளார். இந்த கோரிக்கை நடைமுறைக்கு வந்தால், பணிக்காலத்தில் உயிரிழப்பு அல்லது ஓய்வுபெறும் சூழ்நிலை போன்ற முக்கியமான காலகட்டங்களில் வழக்கறிஞர்களின் குடும்பங்களுக்கு கூடுதல் நிதிப் பாதுகாப்பு கிடைக்கும் என வழக்கறிஞர்கள் தரப்பில் எதிர்பார்ப்பு உள்ளது.

மருத்துவ காப்பீட்டுத் திட்டம்

வழக்கறிஞர்கள் மற்றும் அவர்களது குடும்பத்தினருக்கான விரிவான மருத்துவ காப்பீட்டுத் திட்டத்தை ஏற்படுத்த வேண்டும் என்பதும் மாநாட்டில் முக்கியமாக வலியுறுத்தப்பட்டது. இதுகுறித்து முதலமைச்சரிடம் பேசி உரிய நடவடிக்கை எடுக்கப்படும் என அமைச்சர் நிர்மல்குமார் உறுதியளித்தார்.

வழக்கறிஞர் தொழிலில் நிலையான வருமானம் இல்லாதவர்கள் முதல் மூத்த வழக்கறிஞர்கள் வரை பல்வேறு பிரிவினர் உள்ள நிலையில், குடும்பத்திற்கான மருத்துவச் செலவுகளை சமாளிக்க காப்பீட்டு பாதுகாப்பு உதவியாக இருக்கும் என்பது மாநாட்டில் வலியுறுத்தப்பட்ட கருத்தாகும்.

பொங்கலுக்குள் சிறப்பு நீதிமன்றங்கள்

போக்சோ மற்றும் போதைப்பொருள் தடுப்பு வழக்குகளுக்காக சிறப்பு நீதிமன்றங்கள் அமைக்க நடவடிக்கை எடுக்கப்படும் என்றும் அமைச்சர் தெரிவித்தார். பொங்கலுக்குள் இந்த நீதிமன்றங்களை அமைப்பதற்கான நடவடிக்கைகள் மேற்கொள்ளப்படும் என்றும், பொதுமக்களுக்கு உரிய நேரத்தில் நீதி கிடைக்க வேண்டும் என்பதே அரசின் நோக்கம் என்றும் அமைச்சர் குறிப்பிட்டார்.

கீழமை நீதிமன்றங்களில் அடிப்படை வசதிகள்

கீழமை நீதிமன்றங்களில் வழக்கறிஞர்களுக்கு தேவையான அடிப்படை வசதிகளை ஏற்படுத்தித் தர வேண்டும் என்பதும் மாநாட்டில் முக்கிய கோரிக்கையாக முன்வைக்கப்பட்டது. வழக்கறிஞர்கள் நீண்ட நேரம் நீதிமன்றங்களில் பணியாற்ற வேண்டிய சூழ்நிலையில், அலுவலக வசதி, அமருமிடம் உள்ளிட்ட அடிப்படை கட்டமைப்பு வசதிகள் அவசியம் என வலியுறுத்தப்பட்டது. இந்த கோரிக்கைகள் குறித்து உரிய நடவடிக்கை எடுக்கப்படும் என அமைச்சர் தெரிவித்தார்.

மாநாட்டில் நிறைவேற்றப்பட்ட முக்கிய தீர்மானங்கள்

வழக்கறிஞர்களின் நலனை கருத்தில் கொண்டு மாநாட்டில் பல்வேறு தீர்மானங்கள் நிறைவேற்றப்பட்டன.
வழக்கறிஞர்களுக்கான பாதுகாப்புச் சட்டத்தை உடனடியாக நிறைவேற்றி அமல்படுத்த நடவடிக்கை எடுக்க வேண்டும்.
வழக்கறிஞர்களின் சேமநல நிதியை ரூ.10 லட்சத்தில் இருந்து ரூ.25 லட்சமாக உயர்த்த வேண்டும்.
வழக்கறிஞர்கள் மற்றும் அவர்களது குடும்பத்தினருக்கு விரிவான மருத்துவ காப்பீட்டுத் திட்டத்தை ஏற்படுத்த வேண்டும்.
தகுதியான வழக்கறிஞர்களுக்கு தமிழ்நாடு வீட்டு வசதி வாரியத்தின் மூலம் வீடுகள் ஒதுக்க வேண்டும்.
கீழமை நீதிமன்றங்களில் அடிப்படை கட்டமைப்பு வசதிகளை மேம்படுத்த வேண்டும்.
வழக்கறிஞர்களின் தொழில்சார் பாதுகாப்பை உறுதி செய்ய தேவையான நடவடிக்கைகளை மேற்கொள்ள வேண்டும்.

பாதுகாப்புச் சட்டம் குறித்து எதிர்பார்ப்பு

வழக்கறிஞர்களின் பாதுகாப்புக்கான தனிச்சட்டம் வேண்டும் என்ற கோரிக்கை தமிழ்நாட்டில் தொடர்ந்து முன்வைக்கப்பட்டு வருகிறது. 2025-ஆம் ஆண்டிலும் நடைபெற்ற வழக்கறிஞர்கள் மாநாட்டில் இதேபோன்ற கோரிக்கைகள் முன்வைக்கப்பட்டிருந்தன. இந்த நிலையில், ஈரோடு அருகே நடைபெற்ற மாநாட்டில் சட்டத்துறை அமைச்சரே பங்கேற்று, முதலமைச்சரின் ஒப்புதலுடன் பாதுகாப்புச் சட்டத்தை முன்னெடுக்க நடவடிக்கை எடுக்கப்படும் என தெரிவித்திருப்பது வழக்கறிஞர்கள் மத்தியில் எதிர்பார்ப்பை ஏற்படுத்தியுள்ளது.

அதேபோல் சேமநல நிதி உயர்வு மற்றும் மருத்துவ காப்பீடு ஆகிய கோரிக்கைகளும் அரசின் பரிசீலனையில் இருப்பதாக அமைச்சர் தெரிவித்துள்ளதால், அடுத்தகட்ட நடவடிக்கைகள் குறித்து வழக்கறிஞர்கள் கவனம் செலுத்தி வருகின்றனர். இந்த மாநாட்டிற்கான ஏற்பாடுகளை ஈரோட்டைச் சேர்ந்த பார் கவுன்சில் உறுப்பினர் அருள் முருகன் மேற்கொண்டிருந்தார். தமிழகம் முழுவதும் இருந்து ஆயிரக்கணக்கான வழக்கறிஞர்கள் பங்கேற்ற இந்த மாநாடு, வழக்கறிஞர்களின் பாதுகாப்பு மற்றும் நலன் தொடர்பான முக்கிய கோரிக்கைகளை அரசின் கவனத்திற்கு கொண்டு சென்ற மாநாடாக அமைந்தது.

தாராபுரம் இடைத்தேர்தல்: மடுக்கம்பாளையம் வாக்குச்சாவடியில் தவெக வேட்பாளர் சத்யபாமா வாக்களித்தார்!

Velmurugan s — Tue, 06 Oct 2026 17:02:40 +0530

தாராபுரம் சட்டமன்றத் தொகுதி இடைத்தேர்தலுக்கான வாக்குப்பதிவு விறுவிறுப்பாக நடைபெற்று வரும் நிலையில், தமிழக வெற்றிக் கழகத்தின் (TVK) வேட்பாளர் சத்யபாமா மடுக்கம்பாளையத்தில் அமைந்துள்ள வாக்குச்சாவடிக்கு நேரில் வருகை தந்து தனது ஜனநாயகக் கடமையை ஆற்றினார். பொதுமக்களுடன் வரிசையில் நின்று தனது வாக்கைப் பதிவு செய்த பின்னர் செய்தியாளர்களைச் சந்தித்த அவர், தொகுதி மக்களின் ஆதரவு தங்களுக்குப் பெருமளவில் இருப்பதாகவும், இந்த இடைத்தேர்தலில் வெற்றி உறுதி என்றும் நம்பிக்கை தெரிவித்தார். வாக்குச்சாவடிகளில் அமைதியான முறையில் வாக்குப்பதிவு நடைபெற்று வருகிறது.

PMFME Scheme: சொந்தமாக ஊறுகாய், மசாலா பிசினஸ் தொடங்க விருப்பமா? ரூ.10 லட்சம் மானியம் வழங்கும் மத்திய அரசு; விண்ணப்பிக்கும் வழிமுறைகள்!

Meenakshisundaram — Sun, 04 Oct 2026 11:41:52 +0530

உணவு பதப்படுத்தும் தொழில் தொடங்க மத்திய அரசின் PMFME திட்டம் மூலம் ரூ.10 லட்சம் வரை மானியம் பெறுவது எப்படி? தகுதிகள், மானிய விகிதம், தேவையான ஆவணங்கள் மற்றும் விண்ணப்பிக்கும் முழு விவரங்கள் பற்றி பார்ப்போம்.

சிறியளவில் உணவு பொருட்களைத் தயாரிக்கும் & பதப்படுத்தும் தொழில்களை முறைப்படுத்தி, இயந்திரமயமாக்குவதற்கும் தரம் மற்றும் சந்தைப்படுத்துதலை மேம்படுத்துவதற்கும் மத்திய அரசு 'பிரதான் மந்திரி நுண் உணவு பதப்படுத்தும் நிறுவனங்களை முறைப்படுத்தும் திட்டத்தை' (PMFME - Pradhan Mantri Formalisation of Micro Food Processing Enterprises Scheme) செயல்படுத்தி வருகிறது. இத்திட்டம் ‘ஆத்மநிர்பர் பாரத் அபியான்’ (சுயசார்பு இந்தியா) கீழ், மத்திய உணவு பதப்படுத்தும் தொழில்கள் அமைச்சகத்தால் (MoFPI) வழங்கப்படுகிறது.

ஏற்கனவே இயங்கி வரும் குறு உணவு பதப்படுத்தும் நிறுவனங்களை (Micro Food-Processing Unit) விரிவாக்கம் செய்வதற்கும், தகுதியான புதிய நிறுவனங்களைத் தொடங்குவதற்கும் இத்திட்டத்தில் நிதி ஆதரவு கிடைக்கிறது. உதாரணமாக, ஊறுகாய் தயாரிக்கும் தொழிலில் உள்ளவர்கள் புதிய இயந்திரங்கள் மற்றும் பேக்கிங் உபகரணங்களை வாங்கி தொழிலை விரிவுபடுத்த முடியும்.

திட்டச் செலவில் 35% வரை மானியம் வழங்கப்படுகிறது. தனிநபர் மற்றும் சிறு நிறுவனங்களுக்கு அதிகபட்சமாக ரூ.10 லட்சம் வரை கிடைக்கும். திட்டச் செலவில் குறைந்தபட்சம் 10% தொகையை பயனாளி தனது சொந்த முதலீடாகச் செலுத்த வேண்டும். மீதமுள்ள தொகை வங்கிக் கடனாகப் பெறப்படும். (எடுத்துக்காட்டாக: ரூ.30 லட்சம் மதிப்பிலான திட்டத்திற்கு 35% என்பது ரூ.10.50 லட்சமாக இருந்தாலும், தனிநபருக்கான உச்சவரம்பு ரூ.10 லட்சம் மட்டுமே என்பதால் ரூ.10 லட்சம் மானியமாக வழங்கப்படும்).

சுய உதவிக் குழுவாக (SHG) செயல்படும் அமைப்புகளின் உறுப்பினர்களுக்குத் தொழில் மூலதனம் மற்றும் சிறிய கருவிகள் வாங்குவதற்காக உறுப்பினர் ஒருவருக்கு ரூ.40,000 வரை தொடக்க மூலதன நிதி (Seed Capital) ஆதரவாக வழங்கப்படுகிறது.

ஊறுகாய், மசாலா/ஸ்பைஸ் தயாரிப்பு, மாவு தயாரிப்பு, அரிசி மற்றும் சிறுதானிய உணவுப் பொருட்கள், பழம் மற்றும் காய்கறி பதப்படுத்துதல், ஜாம், ஜெல்லி, சிப்ஸ், சமையல் எண்ணெய் சார்ந்த சிறு தயாரிப்புகள், பேக்கரி மற்றும் பேக்கேஜ்டு உணவு, பாரம்பரிய உணவுப் பொருட்கள், மீன் மற்றும் இறைச்சி பதனம் செய்தல் உள்ளிட்ட உணவு பதப்படுத்தும் தொழில்கள் இதில் அடங்கும்.

ODOP (One District One Product) அணுகுமுறை இத்திட்டத்தில் 'ஒரு மாவட்டத்திற்கு ஒரு தயாரிப்பு' (ODOP) அணுகுமுறை முதன்மையாகக் கருதப்படுகிறது. ஒவ்வொரு மாவட்டத்திலும் உள்ள பிரத்யேக உணவு அல்லது வேளாண் விளைபொருளை மையமாகக் கொண்டு தொடங்கப்படும் அல்லது விரிவாக்கப்படும் உணவு பதப்படுத்தும் நிறுவனங்களுக்கு முன்னுரிமை வழங்கப்படும்.

விண்ணப்பதாரருக்கு 18 வயது பூர்த்தியடைந்திருக்க வேண்டும். தொழிலில் முழு உரிமை இருக்க வேண்டும்; தனிநபர், உரிமையாளர் நிறுவனம் (Proprietorship), தகுதியான கூட்டாண்மை (Partnership) நிறுவனங்கள் விண்ணப்பிக்கலாம். குறைந்தபட்ச கல்வித் தகுதியாக 8-ஆம் வகுப்பு தேர்ச்சி பெற்றிருப்பது விரும்பத்தக்கது.

குடும்பத்தில் ஒருவருக்கு மட்டுமே இத்திட்டத்தின் கீழ் நிதியுதவி கிடைக்கும் (விண்ணப்பதாரர், கணவன்/மனைவி மற்றும் குழந்தைகள் குடும்பமாகக் கருதப்படுவர்). ஏற்கனவே இயங்கும் நிறுவனமாக இருப்பின், அது முறைசாரா குறு நிறுவனமாக இருக்க வேண்டும். மேலும் FSSAI, Udyam, GST போன்ற தேவையான உரிமங்களைப் பெறத் தயாராக இருக்க வேண்டும் (இதற்குத் தேவையான வழிகாட்டல் உதவிகளும் வழங்கப்படும்).

ஆதார் அட்டை மற்றும் பான் அட்டை (PAN Card).

பாஸ்போர்ட் அளவு புகைப்படம் மற்றும் முகவரிச் சான்று.

வங்கி பாஸ்புக் அல்லது கடந்த 6 மாத வங்கிக் கணக்கு அறிக்கை.

தொழிற்கூட உரிமை/வாடகை ஒப்பந்தம்/பட்டா/சொத்து வரி ரசீது.

பார்ட்னர்ஷிப் பத்திரம் (Partnership deed - பொருந்தும் எனில்).

உதயம் பதிவுச் சான்றிதழ் (Udyam Registration).

FSSAI உணவுப் பாதுகாப்பு உரிமம் அல்லது விண்ணப்பித்ததற்கான ஒப்புகைச் சீட்டு.

ஜி.எஸ்.டி (GST) பதிவுச் சான்றிதழ் (பொருந்தும் எனில்).

இயந்திரங்களுக்கான விலைப்புள்ளி (Machinery Quotations).

திட்ட அறிக்கை (Detailed Project Report - DPR) மற்றும் நிதி தொடர்பான பிற ஆவணங்கள்.

அதிகாரப்பூர்வ இணையதளமான pmfme.mofpi.gov.in என்ற முகவரியில் 'Applicant Registration' மூலம் பயனாளர் கணக்கைத் தொடங்க வேண்டும். போர்ட்டலில் கிடைக்கும் மாவட்ட வள அலுவலர்களின் (District Resource Person) தொடர்பைப் பயன்படுத்தி, திட்ட அறிக்கை தயாரித்தல் மற்றும் விண்ணப்பப் பணிகளுக்கு இலவச வழிகாட்டலைப் பெறலாம்.

சமர்ப்பிக்கப்பட்ட விண்ணப்பங்கள் மாவட்ட அளவிலான குழுவால் (DLC) பரிசீலிக்கப்பட்டு, விண்ணப்பதாரர் தேர்வு செய்த குறிப்பிட்ட வங்கிக் கிளைக்குப் பரிந்துரைக்கப்படும். வங்கி அதிகாரிகள் கள ஆய்வு செய்து கடனை அனுமதித்த பிறகு, மானியத் தொகை வங்கியின் மானியக் கணக்கில் வரவு வைக்கப்படும்.

VDA Hike: குறைந்தபட்ச ஊதியம் ரூ.1,111.! அனைத்து தொழிலாளர்களுக்கும் புதிய சம்பளம்.! அதிரடியாக உயர்ந்த VDA!

Vedarethinam Ramalingam — Tue, 06 Oct 2026 08:55:38 +0530

அக்டோபர் 1, 2026 முதல் VDA உயர்வு அமல். விவசாயத் தொழிலாளிக்கு ரூ.537, கட்டுமானத் தொழிலாளிக்கு ரூ.840 முதல் ரூ.1,111 வரை புதிய குறைந்தபட்ச ஊதியம். பகுதி A, B, C விவரங்கள் மற்றும் முழு விகிதங்களை இங்கே பாருங்கள்.

மத்திய அரசின் தொழிலாளர் மற்றும் வேலைவாய்ப்பு அமைச்சகத்தின் தொழிலாளர் பணியகம் (Labour Bureau), விலைவாசிப்படிப்படி (Variable Dearness Allowance - VDA) விகிதங்களை உயர்த்தியுள்ளது. இந்த திருத்தம் அக்டோபர் 1, 2026 முதல் நடைமுறைக்கு வந்துள்ளது. தொழில்துறை தொழிலாளர்களுக்கான சராசரி நுகர்வோர் விலைக் குறியீடு (CPI-IW, அடிப்படை 2016=100) ஜூன் 30, 2026 அன்று 424.80-இல் இருந்து 431.42 ஆக உயர்ந்தது. இதனால் 6.62 புள்ளிகள் அதிகரித்துள்ளதால் VDA திருத்தம் செய்யப்பட்டுள்ளது. இது விவசாயம், கட்டுமானம், சாலை மற்றும் ரன்வே பராமரிப்பு, சுமை ஏற்றுதல்-இறக்குதல் உள்ளிட்ட பல்வேறு துறைகளில் பணிபுரியும் தொழிலாளர்களின் குறைந்தபட்ச ஊதியத்தை நேரடியாக உயர்த்தியுள்ளது.

VDA என்பது விலைவாசி உயர்வை ஈடுசெய்ய அடிப்படை ஊதியத்துடன் சேர்க்கப்படும் மாறுபடும் கூறு. இது CPI-IW அடிப்படையில் ஆண்டுக்கு இருமுறை (ஏப்ரல் 1 மற்றும் அக்டோபர் 1) திருத்தப்படுகிறது. குறைந்தபட்ச ஊதியம் = அடிப்படை ஊதியம் + VDA. இந்தத் திருத்தம் Minimum Wages Advisory Board முடிவின்படி அடுத்த உயர் ரூபாய்க்கு முழுமைப்படுத்தப்பட்டுள்ளது. இது மத்திய அரசு நிர்ணயிக்கும் குறைந்தபட்ச ஊதிய கட்டமைப்பிற்கு உட்பட்ட மத்திய துறை தொழிலாளர்களுக்கு மட்டும் பொருந்தும் (மாநில அரசு ஊதியங்கள் வேறுபடலாம்).

விவசாயத் தொழிலாளர்களுக்கான திருத்தப்பட்ட குறைந்தபட்ச தினசரி ஊதியம், தொழிலாளர்களின் திறன் மற்றும் அவர்கள் பணிபுரியும் பகுதியைப் பொறுத்து மாறுபடுகிறது. பகுதி A-வில் திறமையற்ற தொழிலாளருக்கு ஒரு நாளைக்கு ரூ.537 குறைந்தபட்ச ஊதியமாக நிர்ணயிக்கப்பட்டுள்ளது. இதில் அடிப்படை ஊதியம் ரூ.333 மற்றும் மாறுபடும் அகவிலைப்படி (VDA) ரூ.204 என மொத்தம் ரூ.537 கிடைக்கிறது.

அதேபோல், பகுதி B-வில் திறமையற்ற தொழிலாளருக்கு ரூ.491, பகுதி C-வில் ரூ.486 தினசரி ஊதியம் கிடைக்கும். அரைத் திறமையான தொழிலாளர்கள் அல்லது மேற்பார்வையாளர்களுக்கு முறையே ரூ.587, ரூ.539, ரூ.496 வழங்கப்படுகிறது. திறமையான தொழிலாளர்கள் அல்லது எழுத்தர்களுக்கு ரூ.637, ரூ.587, ரூ.538 எனவும், மிக உயர் திறமையான தொழிலாளர்களுக்கு ரூ.705, ரூ.655, ரூ.587 எனவும் தினசரி குறைந்தபட்ச ஊதியம் நிர்ணயிக்கப்பட்டுள்ளது.

சாலை, ரன்வே, கட்டிடங்கள், கேபிள் பதிப்பு, நீர் வழங்கல் உள்ளிட்ட கட்டுமானம் மற்றும் பராமரிப்புப் பணிகளில் ஈடுபடும் தொழிலாளர்களுக்கான குறைந்தபட்ச ஊதியம், தொழிலாளர்களின் திறன் மற்றும் பணிபுரியும் பகுதியைப் பொறுத்து மாறுபடுகிறது. பகுதி A-இல் திறமையற்ற கட்டுமானத் தொழிலாளருக்கு ஒரு நாளைக்கு ரூ.840, அரைத் திறமையான தொழிலாளர் அல்லது மேற்பார்வையாளருக்கு ரூ.933, திறமையான தொழிலாளர் அல்லது எழுத்தருக்கு ரூ.1,024, மிக உயர் திறமையான தொழிலாளருக்கு ரூ.1,111 என ஊதியம் நிர்ணயிக்கப்பட்டுள்ளது. இதேபோல், பகுதி B-இல் ரூ.704 முதல் ரூ.1,024 வரையிலும், பகுதி C-இல் ரூ.565 முதல் ரூ.933 வரையிலும் தினசரி ஊதியம் வழங்கப்படுகிறது. மேலும், ரயில்வே, துறைமுகங்கள் மற்றும் விமான நிலையங்களில் சுமை ஏற்றுதல் மற்றும் இறக்குதல் போன்ற பணிகளில் ஈடுபடும் தொழிலாளர்களுக்கும் இதே VDA விகிதங்கள் பொருந்தும்.

இந்த உயர்வு சுத்தம் செய்யும் பணியாளர்கள், பாதுகாப்புப் பணியாளர்கள் (ஆயுதத்துடன்/இல்லாமல்) மற்றும் சில சுரங்கப் பணிகளுக்கும் பொருந்தும். சுரங்கங்களில் மேற்பரப்பு மற்றும் நிலத்தடி பணிகளுக்கு தனி விகிதங்கள் உள்ளன. பகுதி A, B, C என்பது நகரங்கள் மற்றும் பகுதிகளின் வகைப்பாடு ஆகும் (2017 அறிவிக்கையின்படி). இந்தத் திருத்தம் Code on Wages, 2019-ன் கீழ் வெளியிடப்பட்டுள்ளது.

விலைவாசி உயர்வை ஈடுசெய்யும் இந்த நடவடிக்கை, குறிப்பாக விவசாயம் மற்றும் கட்டுமானத் துறைகளில் பணிபுரியும் கோடிக்கணக்கான தொழிலாளர்களின் வாங்கும் திறனை மேம்படுத்தும். தொழிலாளர்கள் தங்கள் முதலாளிகள் மூலம் புதிய விகிதங்களின்படி ஊதியம் பெறுவதை உறுதி செய்ய வேண்டும். அதிகாரப்பூர்வ அறிவிக்கைகளை தொழிலாளர் பணியகத்தின் வலைத்தளத்தில் பார்க்கலாம். இந்த உயர்வு தொழிலாளர்களுக்கு நிவாரணம் அளிக்கும் முக்கிய நடவடிக்கையாகும்.

நீலகிரியில் வெளுத்து வாங்கிய கனமழை : வெள்ளத்தில் மூழ்கிய வாகனங்கள் !

Velmurugan s — Mon, 05 Oct 2026 22:02:47 +0530

நீலகிரி மாவட்டத்தில் பெய்து வரும் கனமழை காரணமாகப் பல்வேறு பகுதிகளில் மக்களின் இயல்பு வாழ்க்கை பெரிதும் பாதிக்கப்பட்டுள்ளது. தொடர்ந்து பெய்து வரும் கனமழையால் சாலைகளில் மழைநீர் வெள்ளம்போல் பெருக்கெடுத்து ஓடுகிறது. இதன் காரணமாகச் தாழ்வான பகுதிகளில் நிறுத்தப்பட்டிருந்த வாகனங்கள் மற்றும் வீடுகளின் முன் நின்றிருந்த வாகனங்கள் மழைநீரில் பகுதி அளவு மூழ்கின. இதனால் போக்குவரத்து கடுமையாகப் பாதிக்கப்பட்டு, வாகன ஓட்டிகளும் உள்ளூர் மக்களும் மிகுந்த சிரமத்திற்கு உள்ளாகியுள்ளனர். மேலும், மழை பாதிப்பு அதிகம் உள்ள இடங்களில் மீட்பு மற்றும் நிவாரணப் பணிகளை மாவட்ட நிர்வாகம் தீவிரப்படுத்தியுள்ளது.

SIR Impact TN Election: எஸ்.ஐ.ஆர்-ல் மாறியதா தமிழ்நாடு தேர்தல் முடிவுகள்? அதிக வாக்காளர் நீக்கம் நடந்த இடங்களில் த.வெ.க வென்றது எப்படி? பகீர் பின்னணி!

Meenakshisundaram — Mon, 05 Oct 2026 20:00:13 +0530

‘பிசினஸ்லைன்’ வெளியிட்டுள்ள தேர்தல் தரவு ஆய்வின்படி, குறைந்த வாக்காளர்கள் நீக்கப்பட்ட தொகுதிகளில் த.வெ.க பின்னடைவைச் சந்தித்தாலும், 30,000-க்கும் அதிகமான வாக்காளர்கள் நீக்கப்பட்ட தொகுதிகளில் பெருவாரியான வெற்றியைப் பதிவு செய்துள்ளது.

வாக்காளர் பட்டியல் சிறப்பு தீவிர திருத்தத்தில் (SIR) பல்வேறு முறைகேடுகள் நடந்துள்ளதாகக் கூறி தேசிய அளவிலும், மாநில அளவிலும் போராட்டங்கள் வெடித்துள்ளன. தமிழ்நாட்டில் பல லட்சம் வாக்காளர்களின் பெயர்கள் நீக்கப்பட்டதே தனது கட்சியின் தோல்விக்கு ஒரு முக்கியக் காரணம் என்று தி.மு.க தலைவரும், முன்னாள் முதலமைச்சருமான மு.க. ஸ்டாலின் அண்மையில் குற்றம்சாட்டியுள்ளார். வாக்காளர் பட்டியல் நீக்கமே தமிழக வெற்றிக் கழகத்தின் வெற்றிக்கு வழிவகுத்திருக்கலாம் என்ற விவாதம் சமூக வலைதளங்களிலும் தீவிரமாக எழுந்துள்ளது.

2026 தமிழ்நாடு சட்டமன்றத் தேர்தல் முடிவுகளையும், எஸ்.ஐ.ஆர் மூலம் நீக்கப்பட்ட வாக்காளர்களின் புள்ளிவிவரங்களையும் ஒப்பிட்டு பிசினஸ்லைன் (Businessline) வெளியிட்டுள்ள விரிவான ஆய்வு முடிவுகள் சில சுவாரசியமான போக்குகளை வெளிப்படுத்தியுள்ளன. குறைந்த அளவில் வாக்காளர்கள் நீக்கப்பட்ட தொகுதிகளில் த.வெ.க வெற்றிபெறப் போராடியுள்ள நிலையில், அதிக வாக்காளர்கள் நீக்கப்பட்ட தொகுதிகளில் த.வெ.க அதிக இடங்களைக் கைப்பற்றியுள்ளது. எனினும், இந்த எண்களை மட்டுமே வைத்து எந்த முடிவிற்கும் வரக்கூடாது என்று அரசியல் ஆய்வாளர்கள் எச்சரிக்கின்றனர்.

2026 ஏப்ரல் மாத இறுதி வாக்காளர் பட்டியலையும், எஸ்.ஐ.ஆர் பணிக்கு முந்தைய வாக்காளர் எண்ணிக்கையையும் ஒப்பிட்டுப் பார்த்ததில் கிடைத்த தகவல்கள்;

10,000-க்கும் குறைவான நீக்கங்கள் (19 தொகுதிகள்): 10,000 வாக்காளர்கள் வரை மட்டுமே நீக்கப்பட்ட 19 தொகுதிகளில், த.வெ.க வெறும் 2 இடங்களில் மட்டுமே வென்றது. தி.மு.க 7, அ.தி.மு.க 6, பிற கட்சிகள் 4 இடங்களைக் கைப்பற்றின.

10,000 முதல் 20,000 வரை நீக்கங்கள் (80 தொகுதிகள்): இதில் த.வெ.க 22, அ.தி.மு.க 24, திமு..க 20, பிற கட்சிகள் 14 தொகுதிகளில் வெற்றி பெற்றன.

20,000 முதல் 30,000 வரை நீக்கங்கள் (66 தொகுதிகள்): இதில் த.வெ.க 32 தொகுதிகளையும், தி.மு.க 21, அ.தி.மு.க 11, பிற கட்சிகள் 2 தொகுதிகளையும் வென்றன.

30,000 முதல் 50,000 வரை நீக்கங்கள் (37 தொகுதிகள்): வாக்காளர் நீக்கம் அதிகரிக்க அதிகரிக்க த.வெ.க-வின் கை ஓங்கியுள்ளது. இந்த 37 தொகுதிகளில் தவெக 24, திமுக 8, அதிமுக 5 இடங்களில் வென்றன.

50,000 முதல் 80,000 வரை நீக்கங்கள் (22 தொகுதிகள்): இதில் தவெக 18 இடங்களிலும், திமுக 3, அதிமுக 1 இடத்திலும் மட்டுமே வென்றன.

80,000-க்கும் அதிகமான நீக்கங்கள் (10 தொகுதிகள்): 80,000-க்கும் மேற்பட்ட வாக்காளர்கள் நீக்கப்பட்ட 10 தொகுதிகளையுமே தவெக முழுமையாகக் கைப்பற்றி அசத்தியுள்ளது. மேலும், 2021 தேர்தலில் அதிமுக வென்ற தொகுதிகளில் சராசரியாக 27,000 வாக்காளர்களும், திமுக வென்ற தொகுதிகளில் சராசரியாக 31,000 வாக்காளர்களும் நீக்கப்பட்டுள்ளனர்.

பரகலா பிரபாகர் (பொருளாதார நிபுணர், அரசியல் விமர்சகர்): வாக்காளர் நீக்கத்தை ஒரு குறிப்பிட்ட கட்சியின் வாக்குகளாகப் பார்க்க முடியாது. நீக்கப்பட்ட வாக்காளர்கள் அனைவரும் ஒரு குறிப்பிட்ட கட்சிக்குத்தான் வாக்களித்திருப்பார்கள் என்று உறுதியாகக் கூற முடியாது. இதை நாம் அடிப்படைத் தளத்தில் அணுக வேண்டும். தகுதியுள்ள ஒரு குடிமகனின் பெயர்கூட எப்படி வாக்காளர் பட்டியலில் இருந்து விடுபடலாம்? வெற்றியாளர்களையும் தோல்வியாளர்களையும் தொடர்புபடுத்துவதை விட இதுவே முக்கியமான கேள்வியாக இருக்க வேண்டும்.

இந்த எஸ்.ஐ.ஆர் நடவடிக்கை வாக்குரிமை உள்ளவர்கள், இல்லாதவர்கள் என 2 விதமான இந்தியர்களை உருவாக்குகிறது. சில தேர்தல் சுழற்சிகளுக்குப் பிறகு இது இந்தியாவின் சமூக அமைப்பையே மாற்றியமைத்துவிடும். தலித்துகள், ஆதிவாசிகள், முஸ்லிம்கள், சவர்ணர் அல்லாத இந்துக்கள் மற்றும் விளிம்புநிலை மக்களின் பெயர்களே பெருமளவில் நீக்கப்படுவதால், இது படிப்படியாக ஒரு 'இந்து ராஷ்டிரத்தை' உருவாக்குவதை நோக்கியே நகரும்" என்று எச்சரித்துள்ளார்.

பத்ரி சேஷாத்ரி (அரசியல் ஆய்வாளர்): ஒரு குறிப்பிட்ட கட்சியின் வாக்காளர்களை மட்டும் தேர்ந்தெடுத்து நீக்க முடியும் என்பதை நான் நம்பவில்லை. இதற்கு எந்தவொரு அறிவியல் பூர்வமான ஆதாரமும் இல்லை. களத்தில் இரு முக்கியக் கட்சிகளின் முகவர்களும் (Booth Agents) இருந்தனர். மேற்கு வங்கத்தில் இது தொடர்பாகத் தொடர் புகார்கள் எழுந்தன; ஆனால் தமிழ்நாட்டில் களத்திலிருந்து அப்படி எந்தவொரு புகாரும் வரவில்லை. என்னால் இவ்வளவுதான் சொல்ல முடியும் என்றார்.

பி. வில்சன் (தி.மு.க நாடாளுமன்ற உறுப்பினர்): தி.மு.க வாக்காளர்கள் திட்டமிட்டுத் குறி வைக்கப்பட்டு நீக்கப்பட்டுள்ளனர். தி.மு.க.வை களத்திலிருந்து அப்புறப்படுத்த வேண்டும் என்ற நோக்கில் இந்தியத் தேர்தல் ஆணையம் நடத்திய முழுமையான சதித்திட்டம் இது என்று குற்றம்சாட்டினார்.

விவேக் கணநாதன் (த.வெ.க தேசிய செய்தித் தொடர்பாளர்): இந்த ஒப்பீடு ஒரு தற்செயலான நிகழ்வுதானே தவிர, உண்மை அதுவல்ல. இதில் ஆராய்வதற்கு ஒன்றுமில்லை. திமுக மற்றும் அதிமுக தலைமைகளின் மீது நம்பிக்கை இழந்ததால், அவர்களின் பாரம்பரிய வாக்காளர்கள் எங்கள் பக்கம் வந்துள்ளனர். மக்கள் எங்களுக்கு வாக்களித்ததே எங்கள் வெற்றிக்குக் காரணம் என்று மறுப்புத் தெரிவித்தார்.

வழக்கறிஞர்கள் பாதுக்காப்பு சட்டம் : தமிழக சட்டத்துறை அமைச்சர் நிர்மல்குமாரின் புதிய அறிவிப்பு

Velmurugan s — Sat, 03 Oct 2026 23:02:50 +0530

தமிழ்நாடு பாண்டிச்சேரி வழக்கறிஞர் சங்கங்களின் கூட்டமைப்பின் எழுச்சி மாநாடு மற்றும் பொதுக்குழு கூட்டம் ஈரோடு அருகேயுள்ள மேட்டு கடையில் உள்ள தனியார் மண்டபத்தில் இன்று நடைபெற்றது. தமிழகம் மற்றும் பாண்டிச்சேரியை சேர்ந்த வழக்கறிஞர்கள் பங்கேற்ற இந்த மாநாட்டில் தமிழ்நாடு பாண்டிச்சேரி வழக்கறிஞர் சங்கங்களின் கூட்டமைப்பு தலைவராக வழக்கறிஞர் கரூர்.மாரப்பன், கவுரவ தலைவராக தமிழ்நாடு வழக்கறிஞர்கள் சங்க தலைவரும், மூத்த வழக்கறிஞருமான எஸ்.பிரபாகரன் பொதுச்செயலாளராக அய்யாவு ஆகியோர் தேர்வு செய்யப்பட்டு அறிவிக்கப்பட்டனர். தமிழ்நாடு புதுவை பார்கவுன்சில் தலைவர் கதிரவன்,துணைத்தலைவர் பாலமுருகன், அகில இந்திய பார்கவுன்சில் உறுப்பினர் அமல்ராஜ் உள்ளிட்ட பார்கவுன்சில் உறுப்பினர்களும் இந்த மாநாட்டில் பங்கேற்றிருந்தனர். இந்த மாநாட்டில் பேசிய கூட்டமைப்பின் கவுரவ தலைவரும், மூத்த வழக்கறிஞருமான எஸ். பிரபாகரன், வுரும் சட்டமன்ற கூட்டத்தொடரிலியே வழக்கறிஞர்களுக்கான பாதுகாப்பு சட்டம் நிறைவேற்ற வேண்டும், வழக்கறிஞர்களுக்கான சேம நல நிதியை உயர்த்துவது தொடர்பான தீர்மானம்,அரசு மருத்துவ காப்பீட்டு திட்டத்தில் வழக்கறிஞர்களின் இணைப்பது தொடர்பான தீர்மானத்தை வலியுறுத்தினா

Govt Scheme: விவசாயிகளுக்கு ஜாக்பாட்! 50% மானியத்தில் டிராக்டர், பவர் டில்லர் – தமிழ்நாடு அரசின் அதிரடி திட்டம்!

Vedarethinam Ramalingam — Mon, 05 Oct 2026 08:08:33 +0530

தமிழ்நாடு அரசு வழங்கும் 50% வேளாண் இயந்திர மானியத் திட்டம் குறித்த முழுமையான வழிகாட்டி. டிராக்டர், பவர் டில்லர் போன்ற கருவிகளுக்கு யார் தகுதியானவர்கள், தேவைப்படும் ஆவணங்கள் பற்றி விரிவாக தெரிந்துகொள்ளுங்கள்.

இந்தியப் பொருளாதாரத்தின் முதன்மைத் தூணாகவும், கோடி மக்களின் வாழ்வாதாரமாகவும் விளங்குவது விவசாயமாகும். தற்காலத்தில் விவசாயத் துறையானது காலநிலை மாற்றம், ஆள் பற்றாக்குறை, கூலி உயர்வு மற்றும் சாகுபடிச் செலவு அதிகரிப்பு எனப் பல்வேறு சவால்களை எதிர்கொண்டு வருகிறது. இச்சவால்களைச் சமாளித்து, விவசாயிகளின் வருமானத்தைப் பெருக்கவும், பயிர் உற்பத்தியை அதிகரிக்கவும் வேளாண்மையை நவீனமயமாக்குவது அவசியமாகிறது. இதனை உணர்ந்த தமிழ்நாடு அரசு, வேளாண்மை மற்றும் உழவர் நலத்துறை வாயிலாக "வேளாண் இயந்திரமயமாக்கல் துணை இயக்கம்" (Sub-Mission on Agricultural Mechanization) என்ற சிறப்புத் திட்டத்தின் கீழ் விவசாயிகளுக்கு 50 சதவீதம் வரை பெருமளவு மானியத்தில் நவீன விவசாயக் கருவிகளையும் இயந்திரங்களையும் வழங்கி வருகிறது.

விவசாயப் பணிகளில் டிராக்டர், பவர் டில்லர் போன்ற கனரக மற்றும் இலகுரக இயந்திரங்களின் பயன்பாடு நேரத்தையும் உழைப்பையும் மிச்சப்படுத்துகிறது. நிலத்தைத் தயார் செய்வது முதல், விதைத்தல், களையெடுத்தல், உரம் தெளித்தல் மற்றும் அறுவடை வரை அனைத்துக் கட்டங்களிலும் நவீன இயந்திரங்கள் முக்கியப் பங்கு வகிக்கின்றன. இருப்பினும், ஏழை மற்றும் நடுத்தர விவசாயிகளால் அதிக விலை கொடுத்து இத்தகைய இயந்திரங்களை வாங்க முடிவதில்லை. இந்த இடைவெளியைக் குறைக்கவும், சிறுகுறு விவசாயிகள் எளிதில் நவீனத் தொழில்நுட்பங்களைப் பயன்படுத்தும் வாய்ப்பை உருவாக்கவுமே இத்தகைய மானியச் சலுகைகளை அரசு தீவிரமாகச் செயல்படுத்தி வருகிறது. இதையும் படிக்கலாமே - Business Idea: ரூ.10,000 முதலீடே போதும்.! மாதம் ரூ.30,000 சம்பாதிப்பது இவ்ளோ ஈசியா?

இத்திட்டத்தின் கீழ் விவசாயத்தின் ஒவ்வொரு கட்டத்திற்கும் தேவையான பல்வேறு வகையான கருவிகளுக்கு மானியங்கள் வழங்கப்படுகின்றன. நிலத்தை உழுவதற்கும் சமன்படுத்துவதற்கும் பயன்படும் 20 எச்பி (HP) முதல் 70 எச்பி வரையிலான டிராக்டர்கள், நிலத் தயாரிப்புக்கு உதவும் பவர் டில்லர்கள் (Power Tiller) மற்றும் சிறிய நிலங்களில் களையெடுக்க பயன்படும் பவர் வீடர்கள் (Power Weeder) ஆகியவற்றுக்கு முன்னுரிமை அளிக்கப்படுகிறது. இதையும் படிக்கலாமே - Govt Scheme: ரூ.5 லட்சம் கடனுக்கு ரூ.2 லட்சம் மானியம்! தமிழக அரசின் அதிரடி சலுகை.! யாருக்கெல்லாம் கிடைக்கும்?!

மேலும், நெல் சாகுபடியில் ஆள் பற்றாக்குறையைக் குறைக்கும் வகையில் நாற்று நடும் இயந்திரங்கள் (Paddy Transplanter), நிலத்தை மிருதுவாக்கும் ரோட்டவேட்டர்கள் (Rotovator), கல்டிவேட்டர்கள், டிஸ்க் பிளவ் போன்ற கருவிகளுக்கும் மானியம் உண்டு. அறுவடைக்குப் பிந்தைய பணிகளுக்காக மல்டி கிராப் த்ரெஷர் (Multi-crop Thresher), கம்பைன் ஹார்வெஸ்டர், சோளத் தட்டு உரிக்கும் இயந்திரங்கள், தென்னை மற்றும் மரக் கழிவுகளைத் தூளாக்கும் ஷிரெட்டர் (Shredder) மற்றும் விசைத் தெளிப்பான்கள் (Power Sprayers) போன்ற அனைத்து விதமான நவீனக் கருவிகளும் இப்பட்டியலில் அடங்கும். இதையும் படிக்கலாமே - Govt Scheme: ரூ.10 லட்சம் வரை கடன் + 50% மானியம்! ஏற்கனவே தொழில் செய்பவர்களுக்கு ஜாக்பாட்.!

தமிழ்நாடு அரசு விவசாயிகள் வைத்திருக்கும் நிலத்தின் அளவு மற்றும் அவர்களின் சமூகப் பின்னணிக்கு ஏற்ப மானிய விகிதங்களை வகைப்படுத்தியுள்ளது. இதன்படி, 2.5 ஏக்கர் வரை நிலம் வைத்துள்ள குறு விவசாயிகள் மற்றும் 5 ஏக்கர் வரை நிலம் வைத்துள்ள சிறு விவசாயிகளுக்கு 50 சதவீதம் வரை மானியம் வழங்கப்படுகிறது. அதேபோல பெண் விவசாயிகள், ஆதிதிராவிடர் மற்றும் பழங்குடியின (SC/ST) விவசாயிகளுக்கும் முன்னுரிமை அடிப்படையில் 50 சதவீத மானியம் அல்லது அரசு நிர்ணயித்துள்ள அதிகபட்ச உச்சவரம்புத் தொகை மானியமாக அளிக்கப்படுகிறது.

5 ஏக்கருக்கு மேல் நிலம் வைத்துள்ள இதர பொதுப் பிரிவு விவசாயிகளுக்கு 40 சதவீத மானியம் வழங்கப்படுகிறது. இதுமட்டுமன்றி, தனிப்பட்ட முறையில் இயந்திரங்களை வாங்க இயலாத கிராமப் பகுதிகளுக்காக "வாடகை மையங்கள்" (Custom Hiring Centers) அமைக்கும் திட்டமும் உள்ளது. இதன்கீழ் உழவர் உற்பத்தியாளர் அமைப்புகள் (FPO), பதிவுசெய்யப்பட்ட விவசாயக் குழுக்கள் மற்றும் கிராமப்புற தொழில்முனைவோருக்கு 40 சதவீதம் முதல் 80 சதவீதம் வரை மானிய உதவியோடு இயந்திர வங்கிகள் அமைக்க அரசு நிதியுதவி அளிக்கிறது.

மானியம் கோரி விண்ணப்பிக்கும் விவசாயிகள் தங்களின் அடையாளச் சான்று மற்றும் நில உரிமையை உறுதிப்படுத்த சில முக்கியமான ஆவணங்களைச் சமர்ப்பிக்க வேண்டும். விண்ணப்பதாரரின் ஆதார் அட்டை, குடும்ப அட்டை (ரேஷன் கார்டு) மற்றும் சமீபத்திய பாஸ்போர்ட் அளவு புகைப்படம் ஆகியவை முதன்மை ஆவணங்களாகும்.

நிலம் தொடர்பான சான்றுகளாகப் பட்டா, சிட்டா, அடங்கல் நகல் மற்றும் நிலத்தின் புல வரைபடம் (FMB Sketch) ஆகியவை அவசியமாகும். 50 சதவீத மானியத்தைப் பெற விரும்பும் விவசாயிகள், சம்பந்தப்பட்ட கிராம நிர்வாக அலுவலரிடம் (VAO) பெறப்பட்ட 'சிறு/குறு விவசாயி சான்றிதழ்' சமர்ப்பிக்க வேண்டும். ஆதிதிராவிடர் மற்றும் பழங்குடியின வகுப்பைச் சேர்ந்தவர்கள் சாதிச் சான்றிதழ இணைக்க வேண்டும். இவை தவிர, மானியத் தொகை நேரடியாக வந்து சேர்வதற்காக வங்கியின் கணக்கு புத்தக நகல் (IFSC குறியீடு மற்றும் கணக்கு எண் தெளிவாக உள்ள பக்கம்) கண்டிப்பாகத் தேவைப்படும்.

இத்திட்டத்திற்கு விவசாயிகள் ஆன்லைன் மற்றும் நேரிடி முறைகள் வாயிலாக மிக எளிதாக விண்ணப்பிக்கலாம். ஆன்லைனில் விண்ணப்பிக்க விரும்புவோர், தமிழ்நாடு அரசின் 'உழவன் செயலி' (Uzhavan App) அல்லது அரசின் அதிகாரப்பூர்வ வேளாண் வலைதளத்தைப் (agrimachinery.nic.in / tnagrisnet.tn.gov.in) பயன்படுத்தலாம். உழவன் செயலியில் "வேளாண் இயந்திர மானியம்" என்ற பிரிவைத் தேர்ந்தெடுத்து, தங்கள் மொபைல் எண் மற்றும் ஆதாரைக் கொண்டு உள்நுழைந்து, தேவையான இயந்திரத்தைத் தேர்வு செய்து ஆவணங்களைப் பதிவேற்றம் செய்ய வேண்டும்.

இணையவசதி இல்லாத கிராமப்புற விவசாயிகள், தங்கள் பகுதியில் உள்ள வட்டார வேளாண்மை உதவி இயக்குநர் அலுவலகத்தையோ அல்லது மாவட்ட வேளாண்மைப் பொறியியல் துறை உதவி செயற்பொறியாளர் (Assistant Executive Engineer - Agri Engineering) அலுவலகத்தையோ நேரில் அணுகி விண்ணப்பப் படிவங்களைப் பெற்று பூர்த்தி செய்து ஆவணங்களுடன் சமர்ப்பிக்கலாம்.

இத்திட்டத்தில் மானியம் பெற விரும்புவோர் சில முக்கிய நடைமுறைகளைக் கவனத்தில் கொள்ள வேண்டும். நிதி ஒதுக்கீட்டிற்கு ஏற்ப "முதலில் வருபவருக்கு முன்னுரிமை" (First Come First Served) என்ற அடிப்படையிலேயே மானிய ஒப்புதல் அளிக்கப்படும். மேலும், அரசுப் பட்டியலில் அங்கீகரிக்கப்பட்ட தயாரிப்பு நிறுவனங்கள் அல்லது விற்பனையாளர்களிடமிருந்து (Empanelled Dealers) மட்டுமே கருவிகளைக் கொள்முதல் செய்ய வேண்டும்.

இயந்திரத்தைச் சொந்த நிதியிலோ அல்லது வங்கித் கடனுடனோ முழுத் தொகையையும் கொடுத்து வாங்கிய பிறகு, வேளாண்மைப் பொறியியல் துறை அலுவலர்கள் நேரில் வந்து இயந்திரத்தின் இயக்கம் மற்றும் உண்மைத்தன்மையை ஆய்வு செய்வார்கள். ஆய்வு திருப்திகரமாக இருக்கும்பட்சத்தில், அரசு நிர்ணயித்த மானியத் தொகை நேரடியாக பயனாளியின் வங்கிச் கணக்கிற்கு (Direct Benefit Transfer - DBT) அனுப்பி வைக்கப்படும். இத்திட்டத்தைப் பயன்படுத்தி நவீன கருவிகளைக் கொள்முதல் செய்வதன் மூலம் விவசாயிகள் சாகுபடிச் செலவைக் குறைத்து, மகசூலை உயர்த்தி தங்களின் பொருளாதார நிலையை மேம்படுத்திக் கொள்ள முடியும்.

சம வேலைக்கு சம ஊதியம்: சென்னையில் 1,000-க்கும் மேற்பட்ட செவிலியர்கள் உண்ணாவிரதப் போராட்டம் !

Velmurugan s — Mon, 05 Oct 2026 22:03:11 +0530

சம வேலைக்கு சம ஊதியம் வழங்க வேண்டும், பணி நிரந்தரம் செய்ய வேண்டும் மற்றும் போதிய வேலை பாதுகாப்பை உறுதி செய்ய வேண்டும் உள்ளிட்ட பல்வேறு முக்கிய கோரிக்கைகளை வலியுறுத்தி, சென்னையில் 1,000-க்கும் மேற்பட்ட ஒப்பந்த செவிலியர்கள் பெருந்திரள் உண்ணாவிரதப் போராட்டத்தில் ஈடுபட்டுள்ளனர். நீண்ட நாட்களாக நிலுவையில் உள்ள தங்களின் நியாயமான கோரிக்கைகளைத் தமிழக அரசு உடனடியாக நிறைவேற்ற வேண்டும் என வலியுறுத்தி இந்த அறப்போராட்டம் நடைபெற்று வருகிறது. போராட்டத்தில் ஈடுபட்டுள்ள செவிலியர்கள் தங்களின் கோரிக்கைகளை உரக்க முழக்கமிட்டு அரசுக்குக் கோரிக்கை விடுத்து வருகின்றனர். இப்போராட்டம் காரணமாக அப்பகுதியில் காவல்துறை பாதுகாப்பு பலப்படுத்தப்பட்டுள்ளதுடன், பெரும் பரபரப்பான சூழல் நிலவுகிறது.

சென்னையில் பா.ஜ.க தலைவர்கள் அவசர ஆலோசனை: புதிய பொறுப்பாளர் ராம் மாதவ் வருகை

Velmurugan s — Mon, 05 Oct 2026 21:02:44 +0530

தமிழ்நாடு மாநில பா.ஜ.க மேலிடப் புதிய பொறுப்பாளராக நியமிக்கப்பட்டுள்ள ராம் மாதவ், சென்னையில் மாநிலத் தலைவர் நயினார் நாகேந்திரன் மற்றும் பிற முக்கிய நிர்வாகிகளுடன் முக்கிய ஆலோசனைக் கூட்டத்தை நடத்தினார்.தமிழக சட்டமன்ற இடைத்தேர்தல்கள் மற்றும் வரவிருக்கும் தேர்தல் வியூகங்கள், கட்சி நிர்வாகப் பணிகள் மற்றும் மாநில அரசியல் சூழ்நிலைகள் குறித்து இக்கூட்டத்தில் விரிவாக விவாதிக்கப்பட்டது. இக்கூட்டத்தில் மாநில துணைத் தலைவர்கள், பொதுச்செயலாளர்கள் மற்றும் பல்வேறு அணிகளின் தலைவர்கள் கலந்துகொண்டனர்.

TNEB : மின்தடையை இந்த வாட்ஸ்ஆப் எண்ணில் புகார் அளிக்கலாம்! 24 மணி நேரமும் சேவை!

Arun Mozhi Varman — Sun, 04 Oct 2026 14:45:16 +0530

TNEB : மின்தடை உள்ளிட்ட மின்சார சேவை புகார்களை இனி வாட்ஸ்அப் மூலம் 24 மணி நேரமும் பதிவு செய்யலாம். 94987 94987 என்ற எண்ணுக்கு ‘HI’ அனுப்பி புகார் அளிப்பது எப்படி?

வீட்டில் திடீரென மின்தடை ஏற்பட்டால் புகார் தெரிவிக்க மின்வாரிய அலுவலகத்துக்குச் செல்ல வேண்டிய அவசியம் இல்லை. தமிழ்நாடு மின்சார வாரியம் 24 மணி நேரமும் செயல்படும் புதிய வாட்ஸ்அப் தானியங்கி சேவையை அறிமுகப்படுத்தியுள்ளது. 94987 94987 என்ற வாட்ஸ்அப் எண்ணுக்கு ‘HI’ என்று அனுப்பினால், தானியங்கி உரையாடல் மூலம் புகார் பதிவு செய்யும் நடைமுறையைத் தொடங்கலாம். இந்த சேவை 24 மணி நேரமும் செயல்படும் என்பதால், இரவு நேரத்திலும் மின்சாரப் பிரச்சினைகளைப் பதிவு செய்ய முடியும்.

இதையும் படிங்க : FD Invest : பெரிய வங்கிகளை விட அதிக வட்டி தரும் குட்டி வங்கிகள்! எந்த வங்கியில் எவ்வளவு FD வட்டி?

முதலில் 94987 94987 என்ற எண்ணை உங்கள் மொபைலில் சேமித்துக் கொள்ளுங்கள். பின்னர் வாட்ஸ்அப்பைத் திறந்து அந்த எண்ணுக்கு ‘HI’ என்று செய்தி அனுப்ப வேண்டும். அதன் பிறகு தானியங்கி சேவை கேட்கும் தகவல்களைப் பின்பற்றி புகாரைப் பதிவு செய்யலாம். புகாரை பதிவு செய்வதற்கு உங்கள் மொபைல் எண் அல்லது மின் இணைப்பு எண்ணைப் பயன்படுத்தி தேவையான விவரங்களை அளிக்க வேண்டும். பதிவு செய்யப்பட்ட புகார் சம்பந்தப்பட்ட அதிகாரியிடம் நடவடிக்கைக்காக அனுப்பப்படும்.

இதையும் படிங்க : Gold : தங்கத்தை அடமானம் வைக்குறதா? விக்குறதா? சில நேரம் விற்பதே ஏன் நல்லது தெரியுமா?

இந்த வாட்ஸ்அப் சேவை மின்தடை தொடர்பான புகார்களுக்கு மட்டும் என்று நினைக்க வேண்டாம். மின்சார சேவைகள் தொடர்பான புகார்களை பதிவு செய்வதற்காகவே இந்த தானியங்கி சேவை அறிமுகப்படுத்தப்பட்டுள்ளது. மின்தடை, மின் அழுத்தப் பிரச்சினை, மின் மீட்டர் தொடர்பான சிக்கல், மின் கட்டணம் தொடர்பான பிரச்சினை உள்ளிட்ட பல்வேறு மின்சாரப் புகார்கள் அதிகாரப்பூர்வ புகார் அமைப்புகளில் பதிவு செய்யப்படுகின்றன. எனினும், வாட்ஸ்அப் தானியங்கி சேவையில் உங்கள் குறிப்பிட்ட பிரச்சினைக்கான வழிமுறைகளைப் பின்பற்றி புகார் பதிவு செய்வதே சரியானது.

இதையும் படிங்க : Post Office : பிரதமர் மோடியே முதலீடு செய்த போஸ்ட் ஆபீஸ் திட்டம்! ரூ.1,000-ல் தொடங்கலாம்!

வாட்ஸ்அப்பில் நீங்கள் அளிக்கும் புகார் வெறுமனே ஒரு செய்தியாக இருந்து விடாது. தானியங்கி முறையில் பெறப்படும் புகார் விவரங்கள் சம்பந்தப்பட்ட அதிகாரியிடம் நடவடிக்கைக்காக அனுப்பப்படும் என்று மின்வாரியம் தெரிவித்துள்ளது. இதன் மூலம் புகார் பதிவு செய்யும் நடைமுறை எளிமையாகிறது. குறிப்பாக மின்தடை போன்ற அவசரமான பிரச்சினைகளுக்கு, இரவு நேரத்திலும் புகாரை பதிவு செய்யும் வசதி கிடைக்கிறது. ஆனால் வாட்ஸ்அப்பில் புகார் கொடுத்தவுடன் மின்தடை உடனடியாக சரியாகிவிடும் என்று அர்த்தமில்லை. புகார் பதிவு செய்யப்பட்டு சம்பந்தப்பட்ட அதிகாரியிடம் அனுப்பப்பட்ட பிறகு, பிரச்சினையின் தன்மைக்கு ஏற்ப நடவடிக்கை எடுக்கப்படும்.

இதையும் படிங்க : Lakshmi Narayan Yogam : சுக்கிரன்-புதன் சேர்க்கை! அக்டோபரில் பணம், தொழிலில் முன்னேற்றம் பெறும் 5 ராசிகள்?

வாட்ஸ்அப் சேவையைப் பயன்படுத்த முடியாத சூழலில், மின்வாரியத்தின் மின்னகம் 1912 என்ற 24 மணி நேர உதவி மையத்தையும் பயன்படுத்தலாம். மின்வாரியத்தின் அதிகாரப்பூர்வ இணையதளத்திலும் மின் தடை புகார்களுக்காக 94987 94987 என்ற எண் 24×7 சேவையாகக் குறிப்பிடப்பட்டுள்ளது. அதனால் அடுத்த முறை திடீரென மின்தடை ஏற்பட்டால், முதலில் இந்த எண்ணை நினைவில் வைத்துக் கொள்ளுங்கள்: 94987 94987. வாட்ஸ்அப்பில் ‘HI’ அனுப்பி புகார் பதிவு செய்யலாம்.

இதையும் படிங்க : Vegetables Biriyani : 5 காய்கறிகள், 5 பிரியாணி! வேற லெவல் டேஸ்ட்! சிக்கன், மட்டனெல்லாம் வேஸ்ட்!

செவிலியர்களின் நியாயமான கோரிக்கைகளை அரசு நிறைவேற்ற வேண்டும் ! பா.ஜ.க நிர்வாகி கஸ்தூரி பேட்டி

Velmurugan s — Mon, 05 Oct 2026 22:02:55 +0530

சம வேலைக்கு சம ஊதியம், பணி நிரந்தரம் மற்றும் வேலை பாதுகாப்பு ஆகிய கோரிக்கைகளை வலியுறுத்தி சென்னையில் 1,000-க்கும் மேற்பட்ட ஒப்பந்த செவிலியர்கள் நடத்தி வரும் பெருந்திரள் உண்ணாவிரதப் போராட்டக் களத்திற்குத் தமிழ்நாடு பா.ஜ.க மாநில நிர்வாகி கஸ்தூரி நேரில் சென்று ஆதரவு தெரிவித்தார். பின்னர் செய்தியாளர்களிடம் பேசிய அவர், கொரோனா காலத்திலும் அதற்குப் பிறகும் உயிரைப் பணையவைத்துச் சேவையாற்றிய செவிலியர்களின் கோரிக்கைகள் நியாயமானவை என்றும், அவர்களின் பணி நிரந்தரம் மற்றும் சம ஊதியக் கோரிக்கைகளைத் தமிழக அரசு உடனடியாகப் பரிசீலித்து நிறைவேற்ற வேண்டும் என்றும் வலியுறுத்தினார்.

தாராபுரம் சட்டமன்ற இடைத்தேர்தல்: அதிமுக வேட்பாளர் பானுமதி தனது வாக்கைப் பதிவு செய்தார்!

Velmurugan s — Tue, 06 Oct 2026 17:07:25 +0530

தாராபுரம் சட்டமன்றத் தொகுதி இடைத்தேர்தலுக்கான வாக்குப்பதிவு விறுவிறுப்பாக நடைபெற்று வரும் நிலையில், அதிமுக வேட்பாளர் பானுமதி வாக்குச்சாவடிக்கு வருகை தந்து தனது வாக்கைப் பதிவு செய்தார். வாக்களித்த பின்னர் செய்தியாளர்களிடம் பேசிய அவர், தொகுதி மக்கள் ஆர்வத்துடன் வந்து வாக்களித்து வருவதாகவும், அதிமுகவின் வெற்றி வாய்ப்பு பிரகாசமாக இருப்பதாகவும் நம்பிக்கை தெரிவித்தார். வாக்குச்சாவடி மையங்களில் தேர்தல் ஆணையத்தின் ஏற்பாடுகளும், பாதுகாப்பும் சிறப்பாக செய்யப்பட்டுள்ளதாக அவர் குறிப்பிட்டுள்ளார்.

TN Cooperative Banks Gold Loan: தங்கம் வைத்திருப்போருக்கு ஜாக்பாட்! ஒரு கிராம் தங்கத்திற்கு ரூ.10,000 வரை கடன் - கூட்டுறவுத் துறை அதிரடி!

Vedarethinam Ramalingam — Mon, 05 Oct 2026 17:13:10 +0530

கூட்டுறவு வங்கிகளில் நகைக் கடன்களுக்கான உச்சவரம்பு உயர்வு! கிராமுக்கு ரூ.10,000 வரை கடன் வழங்கும் புதிய அறிவிப்பு, தகுதிகள் மற்றும் புதுப்பிக்கும் முறை பற்றிய முழு விவரங்கள்.

தமிழ்நாட்டின் பொருளாதார வளர்ச்சியிலும், கிராமப்புற மற்றும் எளிய மக்களின் நிதித் தேவைகளைப் பூர்த்தி செய்வதிலும் கூட்டுறவு வங்கிகள் முக்கியப் பங்கு வகிக்கின்றன. ஏழை, எளிய மற்றும் நடுத்தர மக்களின் அவசர கால நிதித் தேவைகளுக்கு மிகக் குறைந்த வட்டியில் நம்பகமான தீர்வை வழங்கி வருவது கூட்டுறவு அமைப்புகளாகும். இச்சூழலில், தற்போதைய சந்தை நிலவரத்திற்கு ஏற்ப பொதுமக்கள் தங்கள் தங்க நகைகளுக்கு கூடுதல் கடன் தொகையைப் பெறும் வகையில், கூட்டுறவுத் துறை ஒரு முக்கிய அறிவிப்பை வெளியிட்டுள்ளது. நகைக் கடன்களுக்கான உச்சவரம்பை உயர்த்தி, கிராமுக்கு ரூ.10,000 வரை கடன் வழங்கப்படும் என அறிவிக்கப்பட்டுள்ள இந்நடவடிக்கை பொதுமக்கள் மத்தியில் பெரும் வரவேற்பைப் பெற்றுள்ளது.

கூட்டுறவு வங்கிகள் மற்றும் தொடக்க வேளாண்மை கூட்டுறவு கடன் சங்கங்கள் மூலம் வழங்கப்படும் நகைக் கடன்களுக்கு ஒரு கிராமிற்கான கடன் தொகையானது தங்கத்தின் தற்போதைய சந்தை மதிப்பில் 75 சதவீதமாக (75%) மாற்றி நிர்ணயம் செய்யப்பட்டுள்ளது. இதன்படி, நகைக் கடன்களுக்குக் கிராமுக்கு அதிகபட்சமாக ரூ.10,000 வரை கடன் வழங்கிட அரசாணை மற்றும் வழிமுறைகள் வெளியிடப்பட்டுள்ளன. மேலும், இந்த உயர்த்தப்பட்ட கடன் வரம்பானது புதிய நகைக் கடன்களுக்கு மட்டுமின்றி, ஏற்கெனவே கடன் பெற்றுத் தற்போது புதுப்பிக்கப்படும் (Renewal) நகைக் கடன்களுக்கும் முழுமையாகப் பொருந்தும் என்று கூட்டுறவுத் துறை தெளிவுபடுத்தியுள்ளது. இதனால் ஏற்கெனவே கடன் பெற்றுள்ள ஆயிரக்கணக்கான குடும்பங்களும் உடனடியாகக் கூடுதல் கடன் பலனைப் பெற வழிவகை செய்யப்பட்டுள்ளது.

விவசாயிகள்: பருவகாலச் சாகுபடிப் பணிகள், விதைகள் மற்றும் உரங்கள் கொள்முதல் செய்தல், பாசனக் கருவிகள் பராமரிப்பு போன்ற அவசர விவசாயச் செலவுகளுக்குத் தேவையான நிதியை விவசாயிகள் உடனடியாகப் பெற முடியும்.

சிறு மற்றும் குறு தொழில் முனைவோர்கள்: வியாபாரத்திற்கான தினசரி மூலதனம், சரக்குகளைக் கொள்முதல் செய்தல் மற்றும் தொழிலை விரிவாக்கம் செய்ய நினைக்கும் சிறு வணிகர்களுக்கு இத்திட்டம் மிகச்சிறந்த நிதி ஆதாரமாக அமையும்.

நடுத்தர மற்றும் எளிய குடும்பங்கள்: பிள்ளைகளின் உயர்கல்விக் கட்டணம், திடீரென ஏற்படும் மருத்துவச் செலவுகள், சுபநிகழ்ச்சிகள் மற்றும் குடும்பத்தின் அத்தியாவசிய நிதித் தேவைகளுக்குக் குறைந்த வட்டியில் அதிகத் தொகையைப் பெற விரும்புவோருக்கு இது பெரிதும் உதவும்.

அருகிலுள்ள கூட்டுறவு நிறுவனங்களை அணுகுதல்:

பொதுமக்கள் தங்கள் பகுதிக்கு அருகிலுள்ள தொடக்க வேளாண்மை கூட்டுறவு கடன் சங்கங்கள் (PACCS), நகரக் கூட்டுறவு வங்கிகள் அல்லது மாவட்ட மத்திய கூட்டுறவு வங்கிக் கிளைகளை நேரடியாகத் தொடர்புகொள்ளலாம்.

தேவையான ஆவணங்களைச் சமர்ப்பித்தல்:

கடனுக்காகத் தங்க நகைகளுடன், முகவரி மற்றும் அடையாளச் சான்றாக ஆதார் அட்டை, குடும்ப அட்டை (ரேஷன் கார்டு) மற்றும் சமீபத்திய புகைப்படங்களை விண்ணப்பத்துடன் இணைத்து வழங்க வேண்டும்.

பழைய கடன்களைப் புதுப்பித்தல்:

ஏற்கெனவே கூட்டுறவு நிறுவனங்களில் நகைக் கடன் வைத்திருப்பவர்கள், நிலுவையில் உள்ள வட்டியைச் செலுத்தி, இப் புதிய விதிகளின் கீழ் தங்களது கடனைப் புதுப்பித்துக் கொள்வதன் மூலம் கூடுதல் நிதிப் பயனைப் பெறலாம்.

தனியார் நிதி நிறுவனங்கள், நுண்கடன் அமைப்புகள் மற்றும் கந்துவட்டிக்காரர்களிடம் சென்று அதிக வட்டிக்குக் கடன் வாங்கிப் பொருளாதார நெருக்கடியில் சிக்குவதைத் தவிர்க்க இத்திட்டம் பெருமளவில் உதவும். பொதுமக்கள் தங்களின் தங்க நகைகளுக்கு முறையான, பாதுகாப்பான மற்றும் அதிகபட்ச சந்தை மதிப்பிலான நிதியைக் கூட்டுறவு வங்கிகள் மூலம் பெற முடியும். குறைந்த வட்டி விகிதத்தில் உடனடியாக நிதி பெற விரும்புவோர் கூட்டுறவுத் துறையின் இந்த வாய்ப்பைப் பயன்படுத்திக் கொண்டு பயனடையலாம்.

மணப்பெண்களுக்கு குட் நியூஸ்... 8 கிராம் தங்கம் + பட்டுப்புடவை; அண்ணன் சீர் திட்டத்திற்கு ரூ. 812 கோடி ஓதுக்கீடு: முழு விபரம்!

Meenakshisundaram — Tue, 06 Oct 2026 18:36:03 +0530

தமிழ்நாட்டில் ஆண்டு வருமானம் ரூ.2.5 லட்சத்திற்குள் உள்ள ஏழைக் குடும்ப மணப்பெண்களுக்குத் திருமணத்தின்போது 8 கிராம் (1 பவுன்) தங்க நாணயமும், ஒரு பட்டுச்சேலையும் வழங்கும் 'அண்ணன் சீர்' திட்டத்திற்கு ரூ.812 கோடி நிதி ஒதுக்கீடு செய்து அரசாணை.

தமிழ்நாட்டில் ஏழைக் குடும்பங்களைச் சேர்ந்த பெண்களுக்குத் திருமணத்தின்போது 8 கிராம் (1 பவுன்) தங்க நாணயமும், 1 பட்டுச்சேலையும் வழங்கும் அண்ணன் சீர் திட்டத்தை ஆண்டுதோறும் செயல்படுத்த நிர்வாக அனுமதி வழங்கி தமிழக அரசு அரசாணை வெளியிட்டுள்ளது. இத்திட்டத்தை நடப்பு நிதியாண்டில் செயல்படுத்துவதற்காக முதற்கட்டமாக ரூ.812 கோடி நிதி ஒதுக்கீடு செய்யப்பட்டுள்ளது.

தமிழர் மரபில் திருமணத்தின்போது அண்ணன் வழங்கும் 'சீர்' என்பது அன்பு, பாசம், பாதுகாப்பு மற்றும் பொறுப்பின் அடையாளமாகக் கருதப்படுகிறது. தமிழகத்தில் ஆண்டுதோறும் சுமார் 5 லட்சம் திருமணங்கள் நடக்கின்றன. புதிய வாழ்க்கையைத் தொடங்கும் மணப்பெண்களுக்கு அண்ணனாக இருந்து அரசின் ஆதரவை வெளிப்படுத்தும் நோக்கில், 8 கிராம் தங்க நாணயம் மற்றும் பட்டுப்புடவை வழங்கப்படும் என்று கடந்த 2026 ஆகஸ்ட் 5 அன்று தாக்கல் செய்யப்பட்ட 2026-27-ம் ஆண்டுக்கான திருத்த வரவு செலவு திட்ட மதிப்பீட்டு உரையில் (பட்ஜெட்) நிதியமைச்சர் மரிய வில்சன் அறிவித்தார்.

இதனைத் தொடர்ந்து, சமூக நல இயக்குநர் விடுத்த கருத்துருவை ஏற்று, இத்திட்டத்திற்கான நிர்வாக அனுமதியையும், ரூ.812 கோடி நிதி ஒதுக்கீட்டையும் வழங்கி அரசு ஆணை பிறப்பித்துள்ளது. இதுகுறித்து சமூக நலத்துறை அமைச்சர் ஜெகதீஸ்வரி அதிகாரப்பூர்வமாகத் தகவல்களைத் தெரிவித்துள்ளார்.

தமிழ்நாட்டில் குடும்பத்தின் ஆண்டு வருமானம் ரூ.2.5 லட்சத்திற்குள் உள்ள ஏழைக் குடும்பங்களை சேர்ந்த மணப்பெண்களுக்கு மட்டுமே இத்திட்டம் பொருந்தும். தமிழ்நாட்டில் நடைபெறும் திருமணங்களில், தமிழ்நாட்டைச் சேர்ந்த தகுதியுடைய மணப்பெண்களுக்கு மட்டுமே 8 கிராம் (22 காரட்) தங்க நாணயம் மற்றும் ஒரு பட்டுப்புடவை வழங்கப்படும். இந்த அரசாணை வெளியிடப்படும் நாள் முதல் நடைபெறும் திருமணங்களுக்கு இத்திட்டம் உடனடியாகப் பொருந்தும்.

இத்திட்டத்திற்கான பயனாளிகளின் விண்ணப்பங்கள் அதிகாரப்பூர்வ இணையதளம் வாயிலாகப் பெறப்படும். தகுதி மற்றும் விரிவான வழிகாட்டு நெறிமுறைகள் தனியாக வெளியிடப்படும். தமிழ்நாடு திறந்தவெளி ஒப்பந்தப்புள்ளி சட்டத்தின் கீழ் ஒப்பந்தப்புள்ளி கோரப்பட்டு, தகுதியான ஒப்பந்ததாரர் மூலமாக தங்க நாணயங்களும் பட்டுப்புடவைகளும் கொள்முதல் செய்யப்படும். கொள்முதல் ஆணை வழங்கப்படும் நாளன்று காலையில் 'ஐ.பி.ஜே.ஏ' (IBJA) அமைப்பால் நிர்ணயிக்கப்படும் விலையின் அடிப்படையில் தங்கத்தின் விலை கணக்கிடப்படும்.

இதனிடையே, அண்ணன் சீர் திட்டத்தில் பயனாளிகளுக்கான வருமான வரம்பை தவெக அரசு குறைத்துள்ளதாக அரசியல் அரங்கில் கடுமையான குற்றச்சாட்டுகள் எழுந்துள்ளன.

சட்டப்பேரவைத் தேர்தலின்போது தவெகவின் முக்கிய தேர்தல் வாக்குறுதிகளில் ஒன்றாக அறிவிக்கப்பட்ட இத்திட்டத்தில், ஆண்டு வருமானம் ரூ.5 லட்சத்திற்குள் உள்ள குடும்பங்களின் பெண்கள் பயனடைவார்கள் என்று உறுதியளிக்கப்பட்டிருந்தது.ஆனால், தற்போது வெளியிடப்பட்டுள்ள அரசாணையில் குடும்ப ஆண்டு வருமான உச்சவரம்பு ரூ.2.5 லட்சமாகச் சுருக்கப்பட்டுள்ளதாகக் குற்றச்சாட்டு முன்வைக்கப்பட்டுள்ளது.

வாக்குறுதியில் ரூ.5 லட்சம் எனக் கூறிவிட்டு, அரசாணையில் ரூ.2.5 லட்சமாகக் குறைத்ததைச் சுட்டிக்காட்டியுள்ள அதிமுக எம்.பி. இன்பதுரை, "இது 'அண்ணன் சீர் திட்டம்' அல்ல; தவெக அரசின் அண்ணன் சுருக்குத் திட்டம் என்று மிகக் கடுமையான விமர்சனத்தை முன்வைத்துள்ளார்.

வெற்றி வாய்ப்பை தூக்கி எறிந்துவிட்டு மீண்டும் வாக்கு கேட்பது சரியல்ல : பாஜக தலைவர் தமிழிசை பேச்சு!

Velmurugan s — Tue, 06 Oct 2026 17:03:55 +0530

சென்னையில் பாரதிய ஜனதா கட்சியின் சார்பில் ‘25 ஆண்டுகள் சேவா சங்கல்ப் அபியான்’ (25 Years Of Seva Sankalp Abhiyan) நிகழ்ச்சி நடைபெற்றது. இந்நிகழ்ச்சியில் பங்கேற்ற பாஜக மூத்த தலைவரும் முன்னாள் ஆளுநருமான தமிழிசை சௌந்தரராஜன் செய்தியாளர்களைச் சந்தித்துப் பேசினார். தமிழிசை சௌந்தரராஜன் கருத்து (Soundbite Summary): தமிழ்நாட்டில் பல்வேறு தேர்தல் யுக்திகள் கையாளப்பட்டு வருகின்றன. எது எப்படி இருந்தாலும் மக்களின் தீர்ப்பு மதிக்கப்பட வேண்டும். ஒரு முறையாவது வெற்றி பெற்று மக்களுக்குச் சேவை செய்ய முடியாதா என்று பலர் காத்துக் கொண்டிருக்கும் போது, மக்களுக்குக் கிடைத்த ஒரு வெற்றி வாய்ப்பைத் தூக்கி எறிந்துவிட்டு, மீண்டும் அதே மக்களிடம் போய் வாக்கு கேட்பது சரியான நடைமுறை அல்ல. இந்த முறை மாற்றப்பட வேண்டும்; முதலமைச்சர் இதற்கு ஊக்கம் அளிக்கக் கூடாது.

ஜனநாயகத்தை படுகுழியில் தள்ளும் டிவி கே...! எம்.பி. கனிமொழி அதிரடி பேட்டி

Velmurugan s — Mon, 05 Oct 2026 19:02:45 +0530

தூத்துக்குடியில் செய்தியாளர்களைச் சந்தித்த திமுக துணைப் பொதுச்செயலாளரும் நாடாளுமன்ற உறுப்பினருமான கனிமொழி, தாராபுரம் மற்றும் மதுராந்தகம் இடைத்தேர்தல் குறித்து உரையாற்றினார். அப்போது, தமிழக வெற்றிக் கழகம் (தவேகா) வாக்காளர்களுக்குப் பணம் கொடுப்பதாகக் கூறப்படும் குற்றச்சாட்டுகள், சட்டம்-ஒழுங்கு, வளர்ச்சிப் பணிகள் மற்றும் முதல்வர் விஜய்யின் வீதி வீதியான பிரச்சாரங்கள் குறித்துத் தனது கருத்துகளைத் தெரிவித்தார்.மக்களை ஏமாற்றி ஜனநாயகத்தைச் சீர்குலைக்கும் நடவடிக்கைகளில் ஈடுபடும் தவேகாவுக்கு வரும் இடைத்தேர்தலில் பொதுமக்கள் தகுந்த பாடம் புகட்டுவார்கள் என்று அவர் நம்பிக்கை தெரிவித்தார். மேலும், தேர்தல் பயம் காரணமாகவே முதல்வர் விஜய் தெருத்தெருவாகப் பிரச்சாரம் மேற்கொண்டு வருகிறார் என்றும் அவர் விமர்சித்தார்.