Asianet News Tamil

Varahi Amman Worship : ஐப்பசி மாத தேய்பிறை பஞ்சமி..வாராஹி அம்மனுக்கு இந்த வழிபாடுகளைச் செய்யுங்கள்!

Vishnupriya — Wed, 28 Oct 2026 07:59:00 +0530

Varahi Amman Worship : அக்டோபர் 30 தேய்பிறை பஞ்சமி அன்று வாராஹி அம்மனை எப்படி வழிபடுவது? நீலச் சங்குப்பூ, கல் உப்பு, கிழங்கு வகைகள், சிவப்பு பழங்கள் படைக்கும் முறை மற்றும் வழிபாட்டுப் பலன்கள் பற்றி அறியுங்கள்.

வாழ்க்கையில் எத்தனை தடைகள் வந்தாலும், தன்னை நம்பி சரணடையும் பக்தர்களைக் காத்து அருள்பவள் அன்னை ஸ்ரீ வாராஹி.

எதிரிகளால் ஏற்படும் தொல்லைகள், தீராத கடன் சுமை, குடும்பத்தில் நிலவும் மனக்கவலை, தொழிலில் ஏற்படும் முட்டுக்கட்டைகள் எனப் பல பிரச்சினைகளிலிருந்து விடுபட வேண்டும் என்று அம்மனிடம் மனமுருகி வேண்டிக்கொள்ளும் பக்தர்கள் ஏராளம்.

சப்த கன்னியர்களில் ஒருவராகப் போற்றப்படும் வாராஹி அம்மன், வீரத்தையும் துணிவையும் வழங்கும் காவல் தெய்வமாக ஆன்மிக நம்பிக்கைகளில் சிறப்பிடம் பெற்றுள்ளார். அந்த வகையில், அம்மனின் அருளைப் பெறுவதற்கு உகந்த நாளாகக் கருதப்படும் தேய்பிறை பஞ்சமி அக்டோபர் 30, வெள்ளிக்கிழமை வருகிறது.

இந்நாளில் அம்மனுக்கு செய்யக்கூடிய சிறப்பு வழிபாடுகள் என்ன? அம்மனுக்கு பிடித்ததாகக் கருதப்படும் பொருள்கள் என்ன? என்பது குறித்து இங்கே விரிவாகப் பார்க்கலாம்.

'பஞ்ச என்றால் வடமொழியில் 'ஐந்து' என்று பொருள். அமாவாசை/பௌர்ணமிக்குப் பிறகு வரும் ஐந்தாவது நாள் பஞ்சமி என அழைக்கப்படுகிறது. ஒரு மாதத்தில் வளர்பிறை, தேய்பிறை என இரண்டு முறை பஞ்சமி திதி வரும்.

தேதி : தேய்பிறை பஞ்சமி நாளை மறுநாள் அக்டோபர் 30, (ஐப்பசி 13) வெள்ளிக்கிழமை அன்று வருகிறது. பஞ்சமி திதி அன்று மாலை 7:25 மணியுடன் முடிவடைகிறது.

வாராஹி அம்மனை வழிபட பஞ்சமி திதி சிறப்பானதாகக் கருதப்படுகிறது. குறிப்பாக, தேய்பிறை பஞ்சமியில் வழிபடுவதன் மூலம் வாழ்க்கையில் உள்ள தடைகள் குறைந்து, மனத்துணிவும் நம்பிக்கையும் அதிகரிக்கும் என்பது பக்தர்களின் ஆன்மிக நம்பிக்கை.

வாராஹி அம்மனுக்கு ஏன் பஞ்சமி சிறப்பு?

வாராஹி அம்மன், சப்த மாதர்களில் ஒருவராகப் போற்றப்படுகிறார். பன்றி முகமும் பெண் உடலும் கொண்ட தேவியாகச் சித்தரிக்கப்படும் இவர், சக்தி, துணிவு, பாதுகாப்பு மற்றும் வெற்றியின் அடையாளமாக வழிபடப்படுகிறார்.

பஞ்சமி திதி வாராஹி அம்மனுக்கு உகந்த நாளாகக் கருதப்படுவதால், இந்த நாளில் தீபமேற்றி மலர்கள் சாத்தி, மந்திரங்களைச் சொல்லி வழிபடுவது பலரது வழக்கம். கடன் சுமை, தொழில் தடைகள், சொத்து தொடர்பான பிரச்சினைகள் போன்றவற்றிலிருந்து விடுபட வேண்டும் எனப் பக்தர்கள் வேண்டிக்கொள்கிறார்கள்.

நீலச் சங்குப்பூ, மருதாணி இலைகளால் அர்ச்சனை

வாராஹி அம்மன் வழிபாட்டில் நீலம் மற்றும் சிவப்பு நிறங்களுக்கு முக்கியத்துவம் கொடுக்கப்படுவது வழக்கம். நீலச் சங்குப்பூ கிடைத்தால் அதை அம்மனுக்குச் சமர்ப்பிக்கலாம். சாத்திரத்தில் சங்கு பூவிற்கு தோல்வியே இல்லாதது என்று பொருள்.

எனவே, நீலச் சங்குப்பூக்களையும், மகாலட்சுமி வாசம் செய்யும் சுத்தமான மருதாணி இலைகளையும் அம்மனுக்கு சமர்ப்பித்து, குடும்ப நலன் மற்றும் மன அமைதிக்காக வேண்டிக்கொள்ளவும்.

கல் உப்பில் வாராஹி அம்மனை வைத்து வழிபடும் முறை

ஒரு சிறிய செம்புத் தட்டு அல்லது வெற்றிலையில் கல் உப்பைப் பரப்பி, அதன் மீது வாராஹி அம்மனின் சிறிய படத்தை அல்லது சிலையை வைத்து வழிபட வேண்டும். பின்னர் அம்மனுக்கு மலர்கள் சாத்தி, தீபமேற்றி மனதார வேண்டிக்கொள்ளுங்கள்.

குறிப்பாக, வாழ்க்கையில் உள்ள தடைகள் நீங்கவும், எதிர்மறை எண்ணங்கள் விலகவும், குடும்பத்தில் அமைதி மற்றும் செழிப்பு பெருகவும் அம்மனைப் பிரார்த்திக்கலாம்.

ஆன்மிக நம்பிக்கையின்படி, கல் உப்பைப் பயன்படுத்திச் செய்யப்படும் இந்த வழிபாடு எதிர்மறைத் தன்மைகள் நீங்கி, வீட்டில் மங்களம் பெருகுவதற்கான வழிபாடாகக் கருதப்படுகிறது.

கிழங்கு வகைகள், சிவப்பு நிறப் பழங்களைப் படைத்தல்

வாராஹி அம்மனுக்கு மண்ணுக்குள் விளையும் கிழங்கு வகைகளையும், சிவப்பு நிறப் பழங்களையும் படைத்து வழிபடலாம்.

இதற்காகச் சர்க்கரைவள்ளிக் கிழங்கு, சேனைக்கிழங்கு போன்ற கிழங்கு வகைகளையும், மாதுளை, சிவப்பு ஆப்பிள் போன்ற பழங்களையும் எடுத்துக்கொள்ளலாம். இவற்றுடன் வெற்றிலை, பாக்கு ஆகியவற்றையும் சேர்த்துப் படைக்கலாம்.

படைக்கும் பொருட்களைச் சுத்தமான தட்டில் வைத்து, வாராஹி அம்மனுக்குத் தீபமேற்றி, மலர்கள் சாத்தி மனதார வழிபட வேண்டும்.

குடும்பத்தில் மகிழ்ச்சி நிலைக்கவும், பொருளாதார முன்னேற்றம் கிடைக்கவும், வாழ்க்கையில் எதிர்கொள்ளும் தடைகளைச் சமாளிக்கும் மனவலிமை கிடைக்கவும் அம்மனிடம் வேண்டிக்கொள்ளலாம்.

வாராஹி அம்மனுக்கு மஞ்சள் நீர் அபிஷேகம்

வாராஹி அம்மனுக்கு மஞ்சள் கலந்த நீரால் அபிஷேகம் செய்வது சில வழிபாட்டு மரபுகளில் சிறப்பாகக் கருதப்படுகிறது. மஞ்சள் மங்களம், தூய்மை ஆகியவற்றின் அடையாளமாகப் போற்றப்படுகிறது.

அம்மனுக்கு மஞ்சள் நீர் அபிஷேகம் செய்து, மலர்கள் சாத்தி, தீபமேற்றி வழிபடலாம். இதனால் குடும்பத்தில் நிம்மதி, நலன், தடைகளை எதிர்கொள்ளும் மனவலிமை கிடைக்க வேண்டும் என்று பக்தர்கள் வேண்டிக்கொள்கிறார்கள்.

வாராஹி அம்மனுக்கு விளக்கேற்றி எந்த மந்திரத்தைச் சொல்லலாம்?

பூஜையின்போது நல்லெண்ணெய் அல்லது நெய் தீபம் ஏற்றி,

”ஸ்ரீ வாராஹி அம்மன் மந்திரம்

ஓம் வம் வாராஹ்யை நமஹ”

என்ற மந்திரத்தைச் உங்கள் வசதிக்கேற்ப 11 அல்லது 108 முறை சொல்லி வணங்கலாம்.

மந்திரத்தைச் சொல்லும்போது மனதை ஒருமுகப்படுத்தி, நல்ல எண்ணங்களுடன் வழிபடுவது முக்கியம். மந்திர எண்ணிக்கையைவிட மனத்தூய்மையும் உண்மையான பக்தியும் முக்கியம்.

வாராஹி அம்மனை வழிபடுவதால் கிடைக்கும் என நம்பப்படும் பலன்கள்

தடைகள் குறைய: முயற்சிகளில் தொடர்ந்து ஏற்படும் தடைகளைத் தாண்ட மனத்துணிவு கிடைக்கும் என்பது நம்பிக்கை.

கடன் சுமையிலிருந்து விடுபட: பொருளாதாரச் சிக்கல்கள் குறைந்து வாழ்க்கையில் முன்னேற்றம் ஏற்பட வேண்டும் என வேண்டிக்கொள்ளலாம்.

எதிர்ப்புகளைச் சமாளிக்க: எதிரிகளால் ஏற்படும் தொல்லைகளை எதிர்கொள்ளும் தைரியம் கிடைக்க வேண்டி வழிபடுகிறார்கள்.

தொழில், வேலை முன்னேற்றம்: புதிய வாய்ப்புகள் கிடைக்கவும், எடுத்த காரியங்கள் வெற்றியடையவும் பிரார்த்திக்கிறார்கள்.

குடும்ப நிம்மதி: குடும்பத்தில் ஒற்றுமை, அமைதி மற்றும் நலன் நிலைக்க வேண்டிக்கொள்கிறார்கள்.

மனதில் உள்ள கவலைகளை அம்மனிடம் ஒப்படைத்து, நம்பிக்கையுடனும் நேர்மையான முயற்சிகளுடனும் வாழ்க்கையில் முன்னேற வேண்டிக்கொள்ளுங்கள். வாராஹி அம்மனின் அருளால் அனைவரது இல்லங்களிலும் அமைதியும் நலமும் பெருகட்டும்.

தீபாவளி 2026: இந்த 6 தவறுகளை மட்டும் செய்யாதீங்க! லட்சுமி தேவியின் அருள் கண்டிப்பா கிடைக்கும்

Raghupati R — Wed, 04 Nov 2026 11:05:01 +0530

தீபாவளி என்றாலே புத்தாடைகள், இனிப்புகள், பட்டாசுகள் மட்டுமல்ல; லட்சுமி தேவி மற்றும் விநாயகரை வழிபடுவதற்கும் முக்கியத்துவம் அளிக்கப்படுகிறது. தீபாவளியன்று தவிர்க்க வேண்டிய 7 விஷயங்கள் என்னென்ன தெரியுமா? பார்க்கலாம் வாங்க.

இந்து மதத்தில் தீபாவளி மிகவும் முக்கியமான பண்டிகைகளில் ஒன்றாகக் கொண்டாடப்படுகிறது. இந்த நாளில் லட்சுமி தேவி மற்றும் விநாயகப் பெருமானை வழிபடுவது சிறப்பானதாகக் கருதப்படுகிறது. மத நம்பிக்கைகளின்படி, தீபாவளியன்று முறைப்படி லட்சுமி பூஜை செய்வதால் வீட்டில் மகிழ்ச்சி, அமைதி, செழிப்பு மற்றும் நேர்மறை ஆற்றல் அதிகரிக்கும். மேலும், பொருளாதாரப் பிரச்சினைகள் நீங்கி செல்வம் பெருகும் என்றும் நம்பப்படுகிறது. இதனால் தீபாவளிக்கு முன்பும், பண்டிகை நாளன்றும் சில வழிமுறைகளைப் பின்பற்றுவது பாரம்பரியமாக இருந்து வருகிறது.

முதலில் வீட்டைத் தூய்மையாக வைத்திருக்க வேண்டும். குறிப்பாக, வாசல், பூஜையறை மற்றும் சமையலறையைச் சுத்தம் செய்ய வேண்டும். தேவையற்ற பொருட்கள், குப்பைகள் மற்றும் தூசிகளை அகற்றுவது அவசியம். வீட்டின் பிரதான வாசலில் அழகான கோலமிட்டு, மா இலை அல்லது மலர் மாலைகளால் அலங்கரிப்பதும் சிறப்பானதாகக் கருதப்படுகிறது. மாலையில் வீட்டின் வாசல், பூஜையறை மற்றும் முற்றத்தில் எண்ணெய் அல்லது நெய் தீபம் ஏற்றலாம். லட்சுமி பூஜையின்போது சுத்தமான ஆடைகளை அணிந்து, சிவப்பு அல்லது மஞ்சள் நிறத் துணியை விரித்து அதன் மீது லட்சுமி தேவி, விநாயகர் படங்களை வைத்து வழிபடலாம்.

தீபாவளி நாளில் குடும்ப உறுப்பினர்கள் ஒருவருக்கொருவர் அன்பாகவும் மரியாதையாகவும் நடந்துகொள்ள வேண்டும் என்பது பாரம்பரிய நம்பிக்கை. தேவையற்ற வாக்குவாதங்கள், கடுமையான வார்த்தைகள் மற்றும் சண்டைகளைத் தவிர்த்து வீட்டில் மகிழ்ச்சியான சூழலைப் பராமரிக்க வேண்டும். மேலும், உணவு, தண்ணீர் மற்றும் பணத்தை வீணாக்கக் கூடாது. தேவைக்கு ஏற்ப செலவு செய்வதுடன் உணவுக்கும் மதிப்பளிக்க வேண்டும். தங்களால் முடிந்த அளவுக்கு ஏழை, எளிய மக்களுக்கு உணவு, உடை, தானியங்கள் அல்லது பண உதவி வழங்குவதும் புண்ணியச் செயலாகக் கருதப்படுகிறது.

லட்சுமி தேவிக்கு மிகவும் பிடித்த மலராகத் தாமரை கருதப்படுவதால், தீபாவளி பூஜையின்போது தாமரை மலரைச் சமர்ப்பிக்கலாம். மேலும், 'ஓம் ஸ்ரீ மகாலட்சுமியை நமஹ' என்ற மந்திரத்தை 108 முறை உச்சரிப்பது சிறப்பானதாக நம்பப்படுகிறது. பாயாசம், லட்டு உள்ளிட்ட இனிப்புகளைப் படைத்து பின்னர் குடும்பத்தினருக்குப் பிரசாதமாக வழங்கலாம். வீட்டில் பணம் மற்றும் நகைகளை வைக்கும் பெட்டி அல்லது பாதுகாப்புப் பெட்டகத்தைச் சுத்தம் செய்து, பூஜையின்போது நாணயங்கள் மற்றும் பணத்தை வைத்து வழிபடும் வழக்கமும் சில குடும்பங்களில் உள்ளது.

தீபாவளி மாலை நேரத்தில் வீட்டின் பிரதான வாசலில் விளக்கேற்றுவது லட்சுமி தேவியை வரவேற்கும் அடையாளமாகப் பாரம்பரியத்தில் கருதப்படுகிறது. விளக்கை ஏற்றும்போது அது பாதுகாப்பான இடத்தில் இருப்பதையும், எளிதில் தீப்பற்றக்கூடிய பொருட்களிலிருந்து விலகி இருப்பதையும் உறுதி செய்ய வேண்டும். இவ்வாறு வீட்டைத் தூய்மையாக வைத்தல், பூஜை செய்தல், தானம் வழங்குதல் உள்ளிட்ட வழக்கங்கள் தீபாவளியின் முக்கியமான மரபுகளாக உள்ளன. இவை அனைத்தும் மத நம்பிக்கைகள் மற்றும் பாரம்பரிய வழிபாட்டு முறைகளை அடிப்படையாகக் கொண்டவை.

Vastu Tips: தலையணைக்கு அடியில் 'இந்த' ஒரு பொருள் வைங்க.. உங்க வாழ்க்கையே மாறும் மேஜிக்கை பாருங்க!

Rayar A — Thu, 29 Oct 2026 08:44:15 +0530

Vastu Tips: இரவு தூங்கும் முன் தலையணைக்கு அடியில் ஒரே ஒரு பிரியாணி இலையை வைத்தால் போதும். உங்கள் வாழ்க்கையில் என்னென்ன அற்புதங்கள் நடக்கும் என தெரியுமா? வாங்க இந்த செய்தியில் பார்க்கலாம்.

சமையலறையில் நாம் பயன்படுத்தும் பிரியாணி இலை அல்லது புலாவ் இலை வெறும் சுவைக்காக மட்டும் கிடையாது. வாஸ்து மற்றும் ஜோதிட சாஸ்திரப்படி, பாசிட்டிவ் எனர்ஜியை ஈர்க்கும் சக்தி இந்த இலைக்கு உண்டு. சரியாக 5 பிரியாணி இலைகளை பயன்படுத்தினால் பணப் பிரச்சனை, கணவன்-மனைவி சண்டை, வீட்டில் இருக்கிற நெகட்டிவ் எனர்ஜி எல்லாவற்றையும் விரட்டலாம். அதற்கான மேஜிக்கல் டிப்ஸ் பார்க்கலாம்.

தலையணைக்கு அடியில் 1 இலை (நல்ல தூக்கம் & வழிகாட்டுதல்)

தினமும் ராத்திரி தூங்கும்போது உங்கள் தலையணைக்கு அடியில் 1 பிரியாணி இலையை வைத்துவிட்டு தூங்குங்கள். இது மனசில் இருக்கிற கவலையைப் போக்கி நிம்மதியான தூக்கத்தைக் கொடுக்கும். அதுமட்டுமில்லாமல், உங்கள் வாழ்க்கைப் பிரச்சனைகளுக்குத் தீர்வு சொல்ற மாதிரி கனவுகள் மூலமாக சில அறிகுறிகள் கிடைக்கும்.

கணவன்-மனைவி பிரச்சனைக்கு 2 இலைகள் (அன்யோன்யம் வளர)

கணவன்-மனைவி அல்லது காதலர்கள் நடுவுல அன்பு அதிகரிக்க 2 பிரியாணி இலைகளை எடுத்துக் கொள்ளுங்கள். ஒரு இலையில் உங்கள் பெயரையும், இன்னொரு இலையில் உங்கள் பார்ட்னர் பெயரையும் எழுதுங்கள். உங்கள் பார்ட்னர் பெயர் எழுதிய இலையை உங்கள் தலையணைக்கு அடியிலும், உங்கள் பெயர் எழுதிய இலையை அவர்கள் தலையணைக்கு அடியிலும் வையுங்கள். இதனால் உறவில் அன்பும் நம்பிக்கையும் அதிகமாகும்.

லாக்கரில் 3 இலைகள் (பண வரவு மற்றும் பொருளாதார வளர்ச்சி)

பணக்கஷ்டம் தீர 3 பிரியாணி இலைகளை ஒண்ணா சேர்த்து பச்சை நிற நூலால கட்டுங்கள். இதை உங்கள் லாக்கர், பீரோ அல்லது கேஷ் பாக்ஸில் வையுங்கள். இது வீட்டில் லட்சுமி கடாட்சத்தை அதிகமாக்கி, வியாபாரம் மற்றும் வேலையில் நல்ல வளர்ச்சியைக் கொடுக்கும்.

ரொம்ப நாளாக உங்களுக்கு இருக்கிற ஒரு முக்கியமான ஆசையை ஒரு பிரியாணி இலையில் பேனாவால் எழுதுங்கள். அப்புறம் அந்த இலையை எரித்துவிடுங்கள். இலை உடனே எரிஞ்சு சாம்பலானால், உங்கள் ஆசை சீக்கிரமே நிறைவேறப் போகுதுன்னு அர்த்தம். ஒருவேளை இலை சீக்கிரம் எரியலைன்னா, உங்கள் ஆசை நிறைவேற நீங்கள் இன்னும் கொஞ்சம் உழைக்கணும்னு அர்த்தம்.

வீட்டின் நெகட்டிவ் எனர்ஜியை விரட்ட (கண் திருஷ்டிக்கு)

வீட்டில் எப்பவும் சண்டை, நிம்மதியின்மை அல்லது கண் திருஷ்டி இருந்தால், 1 பிரியாணி இலையைக் கற்பூரம் மற்றும் கிராம்போடு சேர்த்துச் சாயங்கால நேரத்தில் தூபம் போடுங்கள். இது வீட்டின் மூலை முடுக்குல இருக்கிற நெகட்டிவ் எனர்ஜியை விரட்டி, பாசிட்டிவான அமைதியான சூழ்நிலையை உருவாக்கும்.

கையில் காசு நிக்கல, வந்த பணமெல்லாம் தண்ணியா செலவாகுதுன்னு ஃபீல் பண்றவங்க, ஒரு சுத்தமான பிரியாணி இலையில் சந்தனம் அல்லது சிவப்பு பேனாவால் ‘ஸ்ரீம்’ (லட்சுமி பீஜாட்சரம்) அப்படின்னு எழுதி பர்ஸில் வைத்துக் கொள்ளுங்கள். இதனால் தேவையில்லாத செலவுகள் குறைஞ்சு பணம் மிச்சமாகும்.

இந்த பரிகாரங்களை செய்ய சரியான நாள் எது?

பண வரவு மற்றும் அன்பை அதிகரிக்கும் பரிகாரங்களை வெள்ளிக்கிழமை அல்லது பௌர்ணமி அன்னைக்குச் செய்தால் ரொம்ப சீக்கிரம் பலன் கிடைக்கும். அதே மாதிரி கண் திருஷ்டி விலக அமாவாசை அல்லது செவ்வாய்க்கிழமை சாயங்காலம் தூபம் போடுவது ரொம்ப நல்லது.

மிக முக்கியமான விதி

வாஸ்து பரிகாரத்துக்குப் பயன்படுத்துற பிரியாணி இலைகள் எங்கேயும் உடைஞ்சிருக்கவோ அல்லது ஓட்டை விழுந்தோ இருக்கக் கூடாது. முழுமையான, எந்த குறையும் இல்லாத பச்சை அல்லது காய்ந்த சுத்தமான இலையை மட்டும்தான் பயன்படுத்தணும். உடைந்த இலைகள் நெகட்டிவ் எனர்ஜியைக் கொண்டு வரும்.

Life Advice: குடும்பத்தினரிடம்கூட இந்த 5 விஷயங்களைப் பகிர்வதில் கவனம் தேவை! சாணக்கிய நீதி கூறும் பாடம்

Raghupati R — Sun, 25 Oct 2026 07:39:55 +0530

Life Advice: சாணக்கிய நீதியுடன் தொடர்புபடுத்திக் கூறப்படும் வாழ்க்கைப் பாடல்கள், தனிப்பட்ட தகவல்களைப் பகிர்வதில் விவேகமாக இருக்க வேண்டும் என்பதை வலியுறுத்துகின்றன. எந்தெந்த விஷயங்களில் கவனம் தேவை என்பதைப் பார்ப்போம்.

பண்டைய இந்திய வரலாற்றில் அரசியல் சிந்தனையாளர், ஆசிரியர் என அறியப்படும் சாணக்கியர், வாழ்க்கை மற்றும் நிர்வாகம் தொடர்பான அறிவுரைகளுடன் தொடர்புபடுத்திப் பேசப்படுபவர். அவருடன் தொடர்புடையதாகக் கூறப்படும் சாணக்கிய நீதி, மனிதர்களின் நடத்தை, உறவுகள், பொருளாதாரம், முடிவெடுக்கும் திறன் போன்ற பல தலைப்புகளை உள்ளடக்கியதாகப் பிரபலமாக உள்ளது. நாம் யாரை நம்ப வேண்டும், எப்போது பேச வேண்டும், எவற்றைத் தனிப்பட்டதாக வைத்திருக்க வேண்டும் என்பவை இன்றைய வாழ்க்கையிலும் முக்கியமான கேள்விகளாக உள்ளன. குடும்பத்தினருடன் நெருக்கமாக இருப்பது நல்ல விஷயம்தான். ஆனால், எல்லா விஷயங்களையும் எல்லோரிடமும் ஒரே விதமாகப் பகிர வேண்டும் என்று அவசியமில்லை. அதே நேரத்தில், குடும்பத்தினர் அனைவரிடமும் எதையும் சொல்லக்கூடாது என்று பொதுவாக முடிவெடுப்பதும் சரியான அணுகுமுறை அல்ல. ஒருவரின் நம்பகத்தன்மை, சூழ்நிலை, பிரச்சினையின் தன்மை ஆகியவற்றைப் பொறுத்தே எதைப் பகிர்வது என்பதை முடிவு செய்ய வேண்டும். சாணக்கிய நீதியுடன் தொடர்புபடுத்தப்படும் சில அறிவுரைகளை இன்றைய வாழ்க்கைக்கு ஏற்ற வகையில் புரிந்துகொள்வது பயனுள்ளதாக இருக்கலாம். இருப்பினும், கீழே கூறப்படும் ஐந்து கருத்துகளும் சாணக்கியரின் அசல் நூலில் இடம்பெற்றுள்ள நேரடி மேற்கோள்கள் என்று உறுதிப்படுத்த முடியாது. அவற்றைத் தனியுரிமை, நம்பிக்கை, விவேகம் தொடர்பான பொதுவான வாழ்க்கைப் பாடங்களாகப் புரிந்துகொள்வதே பொருத்தமானது.

தொழிலில் நஷ்டம் ஏற்படுவது, கடன் அதிகரிப்பது, வருமானம் குறைவது போன்ற பொருளாதாரச் சிக்கல்கள் யாருடைய வாழ்க்கையிலும் ஏற்படலாம். இத்தகைய சூழலில் பதற்றப்படுவதைவிட, பிரச்சினையின் காரணத்தைக் கண்டறிந்து அதைச் சரிசெய்வதற்கான திட்டத்தை உருவாக்குவது முக்கியம். உங்களுடைய வருமானம், கடன் தொகை, சேமிப்பு, மாதச் செலவுகள் போன்ற விவரங்களை அனைவரிடமும் பகிர வேண்டிய அவசியமில்லை. இந்தத் தகவல்களைத் தவறாகப் பயன்படுத்தக்கூடியவர்களிடம் பகிர்வதைத் தவிர்ப்பது தனிப்பட்ட பாதுகாப்புக்கு உதவும். ஆனால், கடனை அடைக்க அல்லது குடும்பச் செலவுகளைச் சமாளிக்க உதவி தேவைப்படும்போது, நம்பகமான குடும்ப உறுப்பினர்களிடம் உண்மையான நிலவரத்தை மறைக்காமல் பேசுவது அவசியம். பிரச்சினையை மறைப்பதால் அது தீர்ந்துவிடாது. வருமானம், செலவுகள், கடன் தவணைகள் ஆகியவற்றைக் கணக்கிட்டு, தேவையான உதவியைப் பெற்று, நடைமுறைக்கு ஏற்ற தீர்வைத் தேடுவது சிறந்தது. எனவே, பணப் பிரச்சினையை யாரிடமும் சொல்லக்கூடாது என்பதல்ல முக்கியம். அதைத் தீர்க்க உதவக்கூடியவர்களிடம் பொறுப்புடன் பகிர வேண்டும் என்பதே இந்த அறிவுரையின் பொருள்.

November Horoscope: நவம்பர் மாத ராசிபலன்: இந்த 4 ராசிக்காரர்களுக்குக் காத்திருக்கும் வேலைவாய்ப்பு, பணவரவு!

குடும்ப வாழ்க்கையில் கருத்து வேறுபாடுகள், சிறிய வாக்குவாதங்கள் ஏற்படுவது இயல்பானது. ஆனால், தம்பதியருக்குள் ஏற்படும் ஒவ்வொரு பிரச்சினையையும் பலரிடம் பகிர்வது சில நேரங்களில் தவறான புரிதல்களுக்கும் தேவையற்ற தலையீடுகளுக்கும் வழிவகுக்கலாம். அதனால், சம்பந்தப்பட்ட இருவரும் அமைதியாகப் பேசி பிரச்சினைக்குத் தீர்வு காண முயற்சிப்பது நல்லது. வெளிப்புற ஆலோசனை தேவைப்பட்டால், இருவருக்கும் நம்பகமான ஒருவரையோ தகுதியுள்ள குடும்ப ஆலோசகரையோ அணுகலாம். இருப்பினும், குடும்பத்தின் தனிப்பட்ட விஷயங்களைப் பாதுகாப்பது என்ற பெயரில் வன்முறை, மிரட்டல், துன்புறுத்தல் அல்லது கட்டாயப்படுத்துதல் போன்றவற்றை மறைக்கக் கூடாது. இத்தகைய சூழலில் நம்பகமானவர்களிடம் உதவி கேட்பதும், தேவையான சட்ட அல்லது பாதுகாப்பு உதவியைப் பெறுவதும் முக்கியம். எல்லா குடும்பப் பிரச்சினைகளையும் வெளியில் சொல்ல வேண்டும் என்பதும் சரியல்ல; எந்தப் பிரச்சினையையும் வெளியில் சொல்லக்கூடாது என்பதும் சரியல்ல. பிரச்சினையின் தீவிரத்தையும், யாரிடம் உதவி கேட்கிறோம் என்பதையும் கருத்தில் கொண்டு முடிவெடுக்க வேண்டும். தனியுரிமையையும் தனிப்பட்ட பாதுகாப்பையும் சமநிலைப்படுத்துவதே இங்கு முக்கியமான பாடமாகும்.

ஒவ்வொருவருக்கும் சில அச்சங்கள், குறைபாடுகள், மனக்கவலைகள் மற்றும் தனிப்பட்ட சவால்கள் இருக்கலாம். அவற்றை எல்லோரிடமும் பகிர வேண்டிய கட்டாயம் இல்லை. உங்கள் தனிப்பட்ட தகவல்களை மதிக்காதவர்களிடம் அவற்றைப் பகிரும்போது, அவை தவறாகப் புரிந்துகொள்ளப்படவோ தேவையற்ற விமர்சனங்களுக்கு வழிவகுக்கவோ வாய்ப்புள்ளது. ஆனால், பலவீனங்களை முழுமையாக மறைத்து வைத்துக்கொள்வதும் எல்லா நேரங்களிலும் உதவாது. மன அழுத்தம் அல்லது தனிப்பட்ட பிரச்சினைகளை நம்பகமானவர்களிடம் பகிர்வது ஆறுதலையும் நடைமுறை உதவியையும் அளிக்கலாம். இதே அணுகுமுறை வேலை இடத்திலும் பொருந்தும். மேலதிகாரி அல்லது சக ஊழியரிடம் இருந்து அவமதிப்பு, துன்புறுத்தல் அல்லது அநீதி ஏற்பட்டால், கோபத்தில் உடனடியாகப் பதிலளிப்பதற்குப் பதிலாக நடந்தவற்றைப் பதிவு செய்து, தேவையான ஆதாரங்களைப் பாதுகாத்து, சம்பந்தப்பட்ட நிர்வாகத்திடம் புகார் அளிக்கலாம். பிரச்சினையை நம்பகமான குடும்ப உறுப்பினரிடம் கூறுவதும் தவறல்ல. தனிப்பட்ட தகவல்களைப் பாதுகாப்பது என்பது உதவி கேட்காமல் தனியாகச் சுமக்க வேண்டும் என்பதல்ல. உங்கள் நம்பிக்கையை மதிக்கும் நபர்களைத் தேர்ந்தெடுத்து, உங்களுக்குத் தேவையான உதவியைப் பெறுவதுதான் புத்திசாலித்தனமான அணுகுமுறை.

புதிய தொழில் தொடங்குவது, வேலையை மாற்றுவது, முதலீடு செய்வது அல்லது வாழ்க்கையில் பெரிய முடிவை எடுப்பது போன்றவற்றுக்கு முறையான திட்டமிடல் அவசியம். ஒரு யோசனை தோன்றிய உடனேயே அதைப் பலரிடம் பகிர்வதைவிட, அதற்குத் தேவையான தகவல்களைச் சேகரித்து, செலவுகள் மற்றும் வாய்ப்புகளை ஆராய்ந்து, சாத்தியமான சிக்கல்களைப் புரிந்துகொள்வது நல்லது. உங்கள் திட்டத்தைப் பற்றி யாரிடம் ஆலோசனை கேட்கிறீர்கள் என்பதும் முக்கியம். அந்தத் துறையில் அனுபவமுள்ளவர்களிடம் கருத்து கேட்பது பயனுள்ளதாக இருக்கலாம். அதே நேரத்தில், மற்றவர்கள் என்ன சொல்வார்கள் என்ற அச்சத்தால் நல்ல வாய்ப்புகளைத் தவறவிடக் கூடாது. உங்கள் முடிவுகளைப் பற்றிய விமர்சனங்களைப் பரிசீலிக்கலாம்; ஆனால், இறுதி முடிவை உண்மையான தகவல்கள், உங்கள் நிதிநிலை மற்றும் நீண்டகால இலக்குகளின் அடிப்படையில் எடுக்க வேண்டும். குடும்பத்தின் நிதிநிலை அல்லது எதிர்காலத்தைப் பாதிக்கும் முக்கிய முடிவாக இருந்தால், சம்பந்தப்பட்ட குடும்ப உறுப்பினர்களுடன் ஆலோசிப்பது அவசியம். திட்டங்களை ரகசியமாக வைத்திருப்பதே வெற்றிக்கான வழி என்று கூற முடியாது. சரியான நேரத்தில், சரியான நபர்களுடன் தகவல்களைப் பகிர்ந்து, தேவையான முன்னேற்பாடுகளுடன் செயல்படுவதே பயனுள்ள வழியாகும்.

தனிப்பட்ட வாழ்க்கையில் சில விஷயங்களைத் தனியாக வைத்துக்கொள்ள விரும்புவது இயல்பானது. தனிப்பட்ட அச்சங்கள், ஆரம்பகட்டத் திட்டங்கள் அல்லது பிறருடன் பகிர விரும்பாத தகவல்களை யாரிடம் தெரிவிக்க வேண்டும் என்பதை ஒவ்வொருவரும் தீர்மானிக்கலாம். ஆனால், தனியுரிமை என்ற பெயரில் குடும்பத்தின் நிதிநிலையைப் பாதிக்கும் முக்கியமான கடன்கள், கூட்டுப் பொறுப்புகள், பாதுகாப்பு தொடர்பான பிரச்சினைகள் அல்லது குடும்ப உறுப்பினர்களின் முடிவுகளை நேரடியாகப் பாதிக்கும் தகவல்களை மறைப்பது சிக்கல்களை ஏற்படுத்தலாம். குறிப்பாக, கூட்டாகக் கடன் வாங்கியிருப்பது அல்லது குடும்பச் செலவுகளைப் பாதிக்கும் நிதி நெருக்கடி போன்ற விஷயங்களில் சம்பந்தப்பட்டவர்களிடம் வெளிப்படையாகப் பேசுவது முக்கியம். சாணக்கிய நீதியுடன் தொடர்புபடுத்தப்படும் இந்த வாழ்க்கைப் பாடங்களைப் புரிந்துகொள்ளும்போது, எல்லோரையும் சந்தேகிப்பதோ குடும்பத்தினரிடமிருந்து அனைத்தையும் மறைப்பதோ நோக்கமாக இருக்கக் கூடாது. யாரிடம் நம்பிக்கையுடன் பேசலாம், எந்தத் தகவலை எப்போது பகிரலாம், எப்போது தனியுரிமையைப் பாதுகாக்க வேண்டும் என்பதைச் சூழ்நிலைக்கு ஏற்ப தீர்மானிப்பதே முக்கியம். நம்பிக்கையும் தனியுரிமையும் ஒன்றுக்கொன்று எதிரானவை அல்ல. இரண்டையும் சரியாகக் கையாள்வதன் மூலம் ஆரோக்கியமான உறவுகளையும் தெளிவான முடிவெடுக்கும் திறனையும் வளர்த்துக்கொள்ளலாம்.

Baba Vanga Predictions 2026: 2026 கடைசியில இந்த 5 ராசிக்காரங்க தலைவிதி மாறப்போகுது! பாபா வங்கா கணிப்பு

Vedarethinam Ramalingam — Fri, 23 Oct 2026 16:19:33 +0530

பிரபல தீர்க்கதரிசி பாபா வங்காவோட கணிப்புப்படி, 2026 வருஷத்தோட கடைசியில 5 ராசிக்காரங்களோட தலையெழுத்தே மாறப்போகுது. மிதுனம், கன்னி, மகரம், விருச்சிகம், மீனம் ஆகிய இந்த 5 ராசிக்காரங்களுக்கும் பண வரவும், தொழில்ல நல்ல முன்னேற்றமும் கிடைக்கப்போகுது.

பல்கேரியா நாட்டைச் சேர்ந்த பிரபல தீர்க்கதரிசி பாபா வங்கா பல வருஷங்களுக்கு முன்னாடி சொன்ன விஷயங்கள் அடிக்கடி நிஜமாகி இருக்கு. அந்த வகையில, 2026 வருஷத்தோட கடைசி மாசங்களான நவம்பர், டிசம்பர்ல கிரகங்களோட நிலை எப்படி இருக்கும்னு அவர் கணிச்சு சொல்லியிருக்காரு. அவரோட கணிப்புப்படி, 2026 கடைசியில 5 ராசிக்காரங்களோட அதிர்ஷ்ட சக்கரம் சுழலப் போகுது.

பாபா வங்காவோட கணிப்புப்படி மிதுன ராசிக்காரங்களுக்கு அதிர்ஷ்ட கதவு திறக்கப்போகுது. வேலை, வியாபாரத்துல புது வாய்ப்புகள் தேடி வரும். உங்களோட திறமையை வெளிப்படுத்த இதுதான் சரியான நேரம். முதலீடு, பண சேமிப்புல கொஞ்சம் கவனம் செலுத்துங்க. நண்பர்களுக்குள்ள இருந்த மனக்கசப்பு நீங்கும். ரொம்ப நாளா இருந்த குடும்பப் பிரச்சனைகளும் முடிவுக்கு வரும்.

2026 வருஷத்தோட கடைசியில கன்னி ராசிக்காரங்களுக்கு அதிர்ஷ்டம் அடிக்கப்போகுது. இவங்களுக்கு பண வரவும், தொழில்ல நல்ல முன்னேற்றமும் கிடைக்கும். புது வீடு, ஃபிளாட் வாங்கணும்னு நினைச்சா அந்த ஆசை நிறைவேறும். பணம் சம்பாதிக்க புது வழிகள் பிறக்கும். வேலை பார்க்குற இடத்துல புரமோஷன் கிடைக்க வாய்ப்பு இருக்கு.

மகர ராசிக்காரங்களுக்கு 2026-ஓட கடைசி ரெண்டு மாசமும் ரொம்பவே முக்கியமானதா இருக்கப்போகுது. பணத்தை சேமிக்கிறதும், குடும்ப உறவுகளை பலப்படுத்துறதும் இந்த நேரத்துல நடக்கும். வியாபாரம், வேலை சம்பந்தமா நீங்க எடுக்குற முடிவுகள் உங்களுக்கு நல்ல பலனைத் தேடித் தரும்.

விருச்சிக ராசிக்காரங்களுக்கு நவம்பர், டிசம்பர் மாசங்கள்ல தொழில் ரீதியாகவும், தனிப்பட்ட வாழ்க்கையிலும் நல்ல மாற்றங்கள் நடக்கும். இந்த நேரத்துல புது பொறுப்புகள் தேடி வரும். பெரிய ஆட்களோட பழக்கம் கிடைக்கும். வியாபாரத்தை விரிவுபடுத்துறதுக்கான வாய்ப்புகளும் அமையும்.

மீன ராசிக்காரங்களுக்கு படிப்பு, வியாபாரம், பண வரவுனு எல்லாத்துலயுமே இந்த நேரம் ரொம்ப நல்லா இருக்கும். உங்களோட அறிவையும் அனுபவத்தையும் சரியா பயன்படுத்துனா, தொழில்ல பெரிய லெவலுக்கு போகலாம். ஆனா, நிலம், வீடு வாங்குறது சம்பந்தமான முடிவுகளை எடுக்குறதுக்கு முன்னாடி சரியான ஆட்கள்கிட்ட ஆலோசனை கேக்குறது நல்லது.

Kanda Sashti Viratham 2026: கந்த சஷ்டி விரதம் இருப்பது எப்படி? 6 நாட்களும் என்ன சாப்பிடலாம்? முழு வழிமுறைகள் இதோ!

Vedarethinam Ramalingam — Wed, 04 Nov 2026 05:30:54 +0530

கந்த சஷ்டி விரதம் 2026 எப்படி இருக்க வேண்டும்? பால் விரதம், பழ விரதம், இளநீர் விரதம், மிளகு விரதம் உள்ளிட்ட 6 வகையான விரத முறைகள், சாப்பிட வேண்டிய உணவுகள், வழிபாட்டு முறைகள், பாரணை நேரம் மற்றும் முருகப்பெருமானை வழிபடுவதன் சிறப்புகளை பார்ப்போம்

கந்த சஷ்டி விரதம் என்பது முருகப்பெருமானின் அருளைப் பெறுவதற்காக பக்தர்கள் கடைப்பிடிக்கும் மிகச் சிறப்பான ஆன்மிக விரதங்களில் ஒன்றாகும். வாழ்வில் தொடர்ந்து ஏற்படும் தடைகள் நீங்கவும், குடும்பத்தில் மகிழ்ச்சி பெருகவும், மனக்கவலைகள் குறையவும், நினைத்த காரியங்கள் நிறைவேறவும் முருகப்பெருமானை மனமுருகி வழிபடுவது பல நூற்றாண்டுகளாகத் தொடரும் பக்தி மரபாக உள்ளது. குறிப்பாக, ஐப்பசி மாதத்தில் வரும் மகா கந்த சஷ்டி விரதத்திற்கு தனிச்சிறப்பு உண்டு. இந்த ஆறு நாட்களும் முருகப்பெருமானை நினைத்து விரதம் இருந்து, கந்த சஷ்டி கவசம் பாராயணம் செய்து, மனதையும் உடலையும் தூய்மையாக வைத்துக்கொண்டு வழிபடுவது சிறப்பானதாகக் கருதப்படுகிறது.

கந்த சஷ்டி விரதம் இருப்பதால் வாழ்க்கையில் இருக்கும் துன்பங்கள் விலகி, நிம்மதியும் மனவலிமையும் கிடைக்கும் என்பது பக்தர்களின் நம்பிக்கை. குழந்தை பாக்கியம் வேண்டுவோர், திருமணத் தடை நீங்க வேண்டுவோர், தொழில் மற்றும் வேலைவாய்ப்பில் முன்னேற்றம் எதிர்பார்ப்போர், குடும்ப ஒற்றுமை நிலைக்க வேண்டும் என்று நினைப்போர் எனப் பலரும் இந்த விரதத்தை அனுஷ்டிக்கின்றனர். ஆனால், கந்த சஷ்டி விரதத்தை எப்படித் தொடங்க வேண்டும், ஆறு நாட்களும் என்ன செய்ய வேண்டும், என்ன உணவு சாப்பிடலாம், எவற்றைத் தவிர்க்க வேண்டும், விரதத்தை எப்போது முடிக்க வேண்டும் போன்ற பல கேள்விகள் பக்தர்களுக்கு ஏற்படுகின்றன. அவற்றை ஒவ்வொன்றாக விரிவாகப் பார்க்கலாம்.

Diwali Veg Recipe: தீபாவளிக்கு இந்த வாழைப்பூ புலாவ் செஞ்சு அசத்துங்க! பிரியாணி தோத்துடும்.!

முருகப்பெருமான் தீமைகளை அழித்து தர்மத்தை நிலைநாட்டிய திருவிழாவாகக் கந்த சஷ்டி கொண்டாடப்படுகிறது. புராண மரபின்படி, தேவர்களைத் துன்புறுத்தி வந்த சூரபத்மன் உள்ளிட்ட அசுரர்களை அழிக்க முருகப்பெருமான் ஆறு நாட்கள் போரிட்டு, இறுதியில் சூரசம்ஹாரம் செய்தார். இதன் மூலம் உலகில் தர்மம் நிலைநாட்டப்பட்டது என்பது ஐதீகம்.

இந்த நிகழ்வை நினைவுகூரும் வகையில் ஐப்பசி மாதத்தில் ஆறு நாட்கள் கந்த சஷ்டி விரதம் அனுஷ்டிக்கப்படுகிறது. ஆறாவது நாளில் சூரசம்ஹாரம் நடைபெறுகிறது. அதற்கு அடுத்த நாள் முருகப்பெருமானுக்கும் தெய்வானைக்கும் திருக்கல்யாண உற்சவம் நடைபெறுவது வழக்கம்.

இந்த விரதத்தின் ஆறு நாட்களும் மனிதர்களிடம் இருக்கும் கோபம், பேராசை, பொறாமை, அகந்தை, மயக்கம் போன்ற எதிர்மறை எண்ணங்களைக் குறைத்து, நல்ல சிந்தனைகளையும் ஒழுக்கத்தையும் வளர்த்துக்கொள்ள வேண்டும் என்பதையும் ஆன்மிக அடிப்படையில் உணர்த்துகின்றன.

Shani Nakshatra Gochar: அடுத்த 100 நாள்ல இந்த 5 ராசிக்காரங்க தலைவிதி மாறப்போகுது!

பொதுவாக ஐப்பசி மாத அமாவாசைக்குப் பிறகு வரும் வளர்பிறை பிரதமை திதியில் கந்த சஷ்டி விரதம் தொடங்குகிறது. தொடர்ந்து ஆறு நாட்கள் விரதம் இருந்து, ஆறாவது நாளில் நடைபெறும் சூரசம்ஹாரத்தைத் தரிசிப்பது மரபாக உள்ளது.

சிலர் ஆறாவது நாள் சூரசம்ஹாரம் முடிந்த பிறகு விரதத்தை நிறைவு செய்கின்றனர். இன்னும் சிலர் ஏழாவது நாள் நடைபெறும் முருகப்பெருமான் திருக்கல்யாண உற்சவத்தைத் தரிசித்த பிறகு பாரணை செய்து விரதத்தை முடிக்கின்றனர்.

விரதத்தைத் தொடங்குவதற்கு முன்பாகவே எந்த முறையில் விரதம் இருக்கப்போகிறோம் என்பதை முடிவு செய்துகொள்வது நல்லது. உடல்நிலை, வயது, அன்றாட வேலைகள், உணவுப் பழக்கம் ஆகியவற்றைக் கருத்தில் கொண்டு விரத முறையைத் தேர்ந்தெடுக்க வேண்டும்.

Crispy, Healthy Samosa Recipe: 4 சமோசாவில் 35 கிராம் புரதச்சத்து.. புரதச்சத்து நிறைந்த மொறுமொறுப்பான சமோசா.. வீட்டிலேயே செய்வது எப்படி?

கந்த சஷ்டி விரதத்தின் முதல் நாளில் அதிகாலையில் எழுந்து குளித்துவிட்டு, வீட்டின் பூஜை அறையைச் சுத்தம் செய்ய வேண்டும். முருகப்பெருமானின் படத்தையோ சிலையையோ வைத்து, பூக்களால் அலங்கரித்து தீபம் ஏற்ற வேண்டும்.

முருகப்பெருமானுக்கு மிகவும் விருப்பமானதாகக் கருதப்படும் செவ்வரளி, அரளி, மல்லிகை போன்ற மலர்களைச் சமர்ப்பிக்கலாம். பழங்கள், தேங்காய், வெற்றிலை, பாக்கு போன்றவற்றை நைவேத்தியமாகப் படைக்கலாம். பின்னர் மனதில் விரத சங்கல்பம் எடுத்துக்கொண்டு, ஆறுமுகப் பெருமானை மனதார வணங்க வேண்டும்.

சில குடும்பங்களில் விரதத்தின் தொடக்கத்தில் காப்பு கட்டும் வழக்கமும் உள்ளது. இது குடும்ப மரபு மற்றும் கோவில் வழக்கத்திற்கு ஏற்ப மாறுபடலாம். கட்டாயமான சடங்காகக் கருதாமல், தங்களுடைய வழக்கப்படி கடைப்பிடிக்கலாம்.

DA Hike Arrear Calculation: யாருக்கு எவ்வளவு சம்பளம் கிடைக்கும்? முழு விவரம்!

கந்த சஷ்டி விரதத்தை அனைவரும் ஒரே மாதிரியாகக் கடைப்பிடிப்பதில்லை. சிலர் முழுமையான உபவாசம் இருப்பார்கள். சிலர் பால், பழம் மட்டும் சாப்பிடுவார்கள். இன்னும் சிலர் ஒரு வேளை உணவு எடுத்துக்கொண்டு விரதம் இருப்பார்கள். பக்தர்கள் தங்களுடைய உடல் நலத்திற்கு ஏற்றவாறு தேர்வு செய்யக்கூடிய முக்கியமான விரத முறைகள் இவை.

1. முழு உபவாச விரதம்

முழு உபவாச விரதம் என்பது உணவைத் தவிர்த்து, தண்ணீர் மட்டும் அருந்தி விரதம் இருப்பதாகும். முருகப்பெருமானை மனதில் நினைத்து, நாள் முழுவதும் இறை சிந்தனையிலும் வழிபாட்டிலும் ஈடுபடுவது இந்த விரதத்தின் நோக்கமாகும்.

சில பக்தர்கள் ஆறு நாட்களும் இந்த முறையைக் கடைப்பிடிக்கின்றனர். இருப்பினும், இது அனைவருக்கும் ஏற்றதல்ல. குறிப்பாக நீரிழிவு நோய் உள்ளவர்கள், ரத்த அழுத்தப் பிரச்சினை உள்ளவர்கள், முதியவர்கள் மற்றும் மருந்துகள் எடுத்துக்கொள்பவர்கள் மருத்துவ ஆலோசனையின்றி இத்தகைய கடுமையான உபவாசத்தை மேற்கொள்ளக்கூடாது.

2. பால் விரதம்

கந்த சஷ்டி விரதத்தின் போது பால் மட்டும் அருந்தி விரதம் இருப்பதும் ஒரு வழக்கமாக உள்ளது. சிலர் காலையிலும் மாலையிலும் பால் அருந்துவார்கள். இன்னும் சிலர் குறிப்பிட்ட அளவு பால் மட்டும் எடுத்துக்கொண்டு நாள் முழுவதும் விரதம் இருப்பார்கள்.

பால் விரதம் இருப்பவர்கள் தங்களுடைய உடல்நிலைக்கு ஏற்ற அளவில் உணவு மற்றும் திரவச்சத்துகள் கிடைப்பதை உறுதி செய்ய வேண்டும். பால் ஒவ்வாமை அல்லது செரிமானப் பிரச்சினை உள்ளவர்கள் இந்த முறையைத் தவிர்ப்பது நல்லது.

3. பால் மற்றும் பழ விரதம்

பலரால் எளிதாகப் பின்பற்றப்படும் விரத முறைகளில் பால் மற்றும் பழ விரதம் முக்கியமானது. இந்த முறையில் சாதாரண உணவுகளைத் தவிர்த்து, பால் மற்றும் பழங்களை மட்டும் உட்கொள்கின்றனர்.

வாழைப்பழம், ஆப்பிள், மாதுளை, கொய்யா, பப்பாளி போன்ற பழங்களை எடுத்துக்கொள்ளலாம். ஒரே நேரத்தில் அதிக அளவு சாப்பிடாமல், நாள் முழுவதும் தேவைக்கேற்ப சிறிய அளவுகளில் பிரித்துச் சாப்பிடலாம்.

இந்த விரத முறையைப் பின்பற்றும்போதும் உடலுக்குத் தேவையான கலோரிகள் மற்றும் ஊட்டச்சத்துகள் கிடைக்கிறதா என்பதைக் கவனிக்க வேண்டும்.

4. ஒரு வேளை உணவு விரதம்

கடுமையான பட்டினி இருக்க முடியாதவர்கள் ஒரு வேளை மட்டும் உணவு எடுத்துக்கொண்டு விரதம் இருக்கலாம். குறிப்பாக வேலைக்குச் செல்பவர்கள், குடும்பப் பொறுப்புகளை கவனிப்பவர்கள் மற்றும் நீண்ட நேரம் உழைக்க வேண்டியவர்கள் இந்த முறையைத் தேர்வு செய்கின்றனர்.

இந்த விரதத்தில் ஒரு வேளை சாத்வீகமான சைவ உணவை எடுத்துக்கொள்ளலாம். சாதம், பருப்பு, காய்கறிகள், கீரை, தயிர் போன்ற உணவுகளை அளவோடு சேர்த்துக்கொள்ளலாம். வெங்காயம், பூண்டு போன்றவற்றைத் தவிர்ப்பது பல குடும்பங்களின் விரத மரபாக உள்ளது.

5. இளநீர் விரதம்

சில பக்தர்கள் இளநீரை மட்டுமே அருந்தி விரதம் கடைப்பிடிக்கும் வழக்கத்தைக் கொண்டுள்ளனர். இளநீருடன் அதிலுள்ள வழுக்கையையும் சிலர் உட்கொள்கின்றனர்.

ஆனால், இளநீர் மட்டும் உடலுக்குத் தேவையான முழுமையான ஊட்டச்சத்துகளை வழங்காது. மேலும், சிறுநீரகப் பிரச்சினை உள்ளவர்கள் பொட்டாசியம் அளவைக் கருத்தில் கொள்ள வேண்டும். எனவே, மருத்துவ ஆலோசனையின்றி பல நாட்கள் இந்த விரதத்தை மேற்கொள்ள வேண்டாம்.

6. மிளகு விரதம்

கந்த சஷ்டி விரத முறைகளில் மிளகு விரதமும் ஒரு பாரம்பரிய முறையாகக் குறிப்பிடப்படுகிறது. இந்த முறையில் முதல் நாள் ஒரு மிளகு, இரண்டாவது நாள் இரண்டு மிளகு என ஒவ்வொரு நாளும் எண்ணிக்கையை அதிகரித்து ஆறாவது அல்லது ஏழாவது நாளில் அதற்கேற்ப மிளகை உட்கொள்வதாகச் சிலர் பின்பற்றுகின்றனர்.

இது மிகவும் கடுமையான உணவுக் கட்டுப்பாடாகும். மிளகு மட்டும் உணவுக்கு மாற்றாக அமையாது. வயிற்றுப் புண், அமிலத்தன்மை, செரிமானப் பிரச்சினைகள் உள்ளவர்களுக்கு இது பாதிப்பை ஏற்படுத்தக்கூடும். எனவே, இதனைப் பின்பற்றுவதைவிட உடல்நலத்திற்கு ஏற்ற சத்தான விரத முறையைத் தேர்ந்தெடுப்பதே சிறந்தது.

கந்த சஷ்டி விரதம் என்பது உணவைத் தவிர்ப்பது மட்டுமல்ல; ஆறுமுகப் பெருமானின் திருநாமத்தை மனதில் நிறுத்தி, பக்தியுடன் வழிபடுவதும் முக்கியமாகும். ஆறு நாட்களும் ஒரே மாதிரியான வழிபாட்டு ஒழுக்கத்தைக் கடைப்பிடிப்பது சிறப்பானதாகக் கருதப்படுகிறது.

முதல் நாள் – சங்கல்பம் மற்றும் வழிபாடு: விரதத்தின் முதல் நாளில் அதிகாலையில் எழுந்து நீராடி, முருகப்பெருமானுக்கு தீபம் ஏற்றி வழிபட வேண்டும். விரதத்தை நல்ல முறையில் நிறைவு செய்ய வேண்டும் என்று மனதார வேண்டிக்கொண்டு கந்த சஷ்டி கவசம் பாராயணம் செய்யலாம்.

இரண்டாம் நாள் – மனத்தூய்மை: இரண்டாவது நாளில் முருகப்பெருமானின் திருநாமங்களைச் சொல்லி வழிபட வேண்டும். தேவையற்ற கோபம், வாக்குவாதம், பொறாமை போன்றவற்றைத் தவிர்த்து அமைதியாக இருக்க முயற்சி செய்ய வேண்டும்.

மூன்றாம் நாள் – கந்த சஷ்டி கவசம் பாராயணம்: மூன்றாவது நாளில் கந்த சஷ்டி கவசம், சுப்பிரமணிய புஜங்கம் போன்ற முருகன் துதிகளைப் பாராயணம் செய்யலாம். முழுவதையும் படிக்க முடியாதவர்கள் தங்களால் இயன்ற அளவு முருகனின் திருநாமத்தைச் சொல்லி வழிபடலாம்.

நான்காம் நாள் – கோவில் வழிபாடு: நான்காவது நாளில் அருகிலுள்ள முருகன் கோவிலுக்குச் சென்று தரிசனம் செய்வது சிறப்பு. கோவிலுக்குச் செல்ல முடியாதவர்கள் வீட்டிலேயே முருகப்பெருமானை நினைத்து தீபம் ஏற்றி வழிபடலாம்.

ஐந்தாம் நாள் – சூரசம்ஹாரத்திற்கான தயாரிப்பு: ஐந்தாவது நாளில் விரதத்தைத் தொடர்ந்து கடைப்பிடித்து, முருகப்பெருமானின் வீரத்தையும் அருளையும் போற்றும் பாடல்களைப் பாடலாம். மறுநாள் நடைபெறவிருக்கும் சூரசம்ஹாரத்தை நினைத்து மனதாரப் பிரார்த்தனை செய்யலாம்.

ஆறாம் நாள் – சூரசம்ஹாரம்: கந்த சஷ்டி விரதத்தின் மிக முக்கியமான நாள் இதுவாகும். முருகப்பெருமான் சூரபத்மனை வதம் செய்து வெற்றி பெற்ற நிகழ்வை நினைவுகூர்ந்து வழிபட வேண்டும். கோவில்களில் நடைபெறும் சூரசம்ஹார நிகழ்ச்சியை நேரில் அல்லது நேரலை மூலம் தரிசிக்கலாம்.

இந்த ஆறு நாட்களிலும் அதிகாலை மற்றும் மாலை நேரங்களில் தீபம் ஏற்றி வழிபடுவது நல்லது. நேரம் கிடைக்கும்போது முருகப்பெருமானின் நாமங்களைச் சொல்லிக்கொண்டிருப்பதும் மன அமைதிக்கு உதவும்.

விரதம் இருப்பவர்கள் உணவு விஷயத்தில் அதிக கவனம் செலுத்த வேண்டும். குறிப்பாக ஆறு நாட்களும் கடுமையான பட்டினி இருக்க முடியாதவர்கள் சத்தான உணவுகளைத் தேர்வு செய்வது அவசியம்.

பழங்கள்: வாழைப்பழம், ஆப்பிள், மாதுளை, கொய்யா, பப்பாளி போன்ற பழங்களை எடுத்துக்கொள்ளலாம்.
பால் மற்றும் தயிர்: பால், தயிர், மோர் போன்றவற்றை உடல்நிலைக்கு ஏற்றவாறு எடுத்துக்கொள்ளலாம்.
காய்கறிகள்: வேகவைத்த காய்கறிகள், கீரைகள், சத்தான காய்கறி உணவுகளைச் சேர்த்துக்கொள்ளலாம்.
தானிய உணவுகள்: ஒரு வேளை உணவு விரதம் இருப்பவர்கள் சாதம், பருப்பு, காய்கறிகள் போன்றவற்றை அளவோடு சாப்பிடலாம்.
திரவ உணவுகள்: போதுமான தண்ணீர், இளநீர், மோர் போன்றவற்றை எடுத்துக்கொள்ளலாம்.

விரதம் இருப்பதால் உடலுக்கு ஊட்டச்சத்து கிடைக்காமல் போகக்கூடாது. எனவே, தங்களுடைய விரத முறைக்கு ஏற்ப உணவைத் திட்டமிட்டுக்கொள்வது நல்லது.

கந்த சஷ்டி விரதம் அனுஷ்டிக்கும் பக்தர்கள் உடல் தூய்மையுடன் மனத்தூய்மைக்கும் முக்கியத்துவம் கொடுக்க வேண்டும். இந்த நாட்களில் பல குடும்பங்கள் பின்பற்றும் சில பாரம்பரியக் கட்டுப்பாடுகள் உள்ளன.

அசைவ உணவுகளைத் தவிர்க்க வேண்டும்: விரத நாட்களில் இறைச்சி, மீன், முட்டை போன்ற அசைவ உணவுகளைத் தவிர்த்து சைவ உணவுகளை மட்டும் எடுத்துக்கொள்வது வழக்கம்.

வெங்காயம், பூண்டு தவிர்ப்பு: சில குடும்பங்களில் வெங்காயம், பூண்டு சேர்க்காத சாத்வீக உணவுகளை மட்டுமே சாப்பிடுவார்கள். இது குடும்ப மரபுக்கு ஏற்ப மாறுபடலாம்.

மது மற்றும் புகைப்பழக்கத்தைத் தவிர்க்க வேண்டும்: மது அருந்துதல், புகைப்பிடித்தல் போன்ற பழக்கங்களைத் தவிர்த்து உடலையும் மனதையும் தூய்மையாக வைத்துக்கொள்ள வேண்டும்.

கோபம் மற்றும் வாக்குவாதம் வேண்டாம்: விரத நாட்களில் மற்றவர்களிடம் கடுமையாகப் பேசுவது, தேவையற்ற சண்டைகளில் ஈடுபடுவது போன்றவற்றைத் தவிர்க்க வேண்டும்.

தீய எண்ணங்களைத் தவிர்க்க வேண்டும்: பொறாமை, பேராசை, வஞ்சகம் போன்ற எதிர்மறை எண்ணங்களைக் குறைத்து, பிறருக்கு உதவும் மனப்பான்மையை வளர்த்துக்கொள்ள வேண்டும்.

தாம்பத்திய உறவு: சில குடும்ப மரபுகளில் விரத நாட்களில் தாம்பத்திய உறவைத் தவிர்ப்பது வழக்கமாக உள்ளது. இதையும் அவரவர் குடும்ப மற்றும் ஆன்மிக மரபுகளுக்கு ஏற்ப கடைப்பிடிக்கலாம்.

இவற்றுடன், உடல்நலத்தைப் பாதிக்கும் அளவுக்கு உணவைத் தவிர்ப்பதும், தண்ணீர் குடிக்காமல் இருப்பதும் விரதத்தின் நோக்கமல்ல என்பதை நினைவில் கொள்ள வேண்டும்.

Astrology: நவம்பர் முதல் வாரம் அடிக்க போகுது அதிர்ஷ்டம்.! 12 ராசிகளுக்கும் ஜாக்பாட் காத்திருக்கு.!

கந்த சஷ்டி விரதத்தில் பாரணை எனப்படும் விரத நிறைவு மிகவும் முக்கியமானதாகும். பக்தர்கள் தாங்கள் எந்த முறையில் விரதம் மேற்கொண்டார்களோ அதற்கேற்ப விரதத்தை நிறைவு செய்கின்றனர்.

சூரசம்ஹாரத்திற்குப் பிறகு பாரணை:

ஆறு நாட்கள் விரதம் இருந்தவர்கள், ஆறாவது நாளில் சூரசம்ஹாரம் முடிந்த பிறகு முருகப்பெருமானை வழிபட்டு, நைவேத்தியம் படைத்து, தங்களுடைய விரத முறைக்கு ஏற்ப பால், பழம் அல்லது எளிய உணவை எடுத்துக்கொண்டு விரதத்தை நிறைவு செய்யலாம்.

திருக்கல்யாணத்திற்குப் பிறகு பாரணை:

ஏழு நாட்கள் விரதம் இருப்பவர்கள், மறுநாள் நடைபெறும் முருகப்பெருமான் மற்றும் தெய்வானை திருக்கல்யாண உற்சவத்தைத் தரிசித்த பிறகு பாரணை செய்வது வழக்கம். கோவில் பிரசாதம் அல்லது எளிமையான சாத்வீக உணவை எடுத்துக்கொண்டு விரதத்தை நிறைவு செய்யலாம்.

பாரணையின்போது என்ன சாப்பிடலாம்?

பால் அல்லது பழங்கள்.
வெண்பொங்கல்.
சர்க்கரைப் பொங்கல்.
சுண்டல். - தயிர் சாதம்.
எளிமையான சைவ உணவு.

நீண்ட நேரம் உணவு உட்கொள்ளாமல் இருந்தவர்கள் உடனடியாக அதிக அளவு உணவு சாப்பிடாமல், முதலில் சிறிய அளவில் உணவை எடுத்துக்கொண்டு படிப்படியாக வழக்கமான உணவுக்குத் திரும்புவது நல்லது.

கந்த சஷ்டி விரதம் ஆன்மிக ரீதியாகப் பல சிறப்புகளைக் கொண்டதாகப் பக்தர்களால் போற்றப்படுகிறது. குறிப்பாக, முருகப்பெருமானின் அருளால் வாழ்க்கையில் நன்மைகள் ஏற்படும் என்ற நம்பிக்கையில் பலர் இந்த விரதத்தைத் தொடர்ந்து கடைப்பிடித்து வருகின்றனர்.

குழந்தை பாக்கியம்:

குழந்தை பாக்கியம் வேண்டி காத்திருக்கும் தம்பதியர்கள் முருகப்பெருமானை மனதார வேண்டி கந்த சஷ்டி விரதம் கடைப்பிடிக்கின்றனர். 'சட்டியில் இருந்தால் அகப்பையில் வரும்' என்ற ஆன்மிகப் பழமொழியும் இதனுடன் தொடர்புபடுத்தப்படுகிறது. இருப்பினும், குழந்தை பாக்கியம் என்பது மருத்துவக் காரணிகளையும் சார்ந்தது என்பதால் தேவையான மருத்துவ ஆலோசனையையும் பெற வேண்டும்.

திருமணத் தடைகள் நீங்க:

திருமண முயற்சிகளில் தொடர்ந்து தடைகளைச் சந்திப்பவர்கள் முருகப்பெருமானை வழிபட்டு இந்த விரதத்தை மேற்கொள்கின்றனர். நல்ல வாழ்க்கைத்துணை அமைய வேண்டும் என்று வேண்டிக்கொள்வதும் பக்தர்களின் வழக்கமாக உள்ளது.

தொழில் முன்னேற்றம்:

தொழிலில் ஏற்படும் தடைகள் விலகி, புதிய வாய்ப்புகள் கிடைக்க வேண்டும் என்று வணிகர்கள் மற்றும் தொழில்முனைவோர் முருகப்பெருமானை வேண்டிக்கொள்கின்றனர்.

வேலைவாய்ப்பு மற்றும் பதவி உயர்வு:

வேலை தேடுபவர்கள், அரசுப் போட்டித் தேர்வுகளுக்குத் தயாராகுபவர்கள், பதவி உயர்வை எதிர்பார்ப்பவர்கள் தங்களுடைய முயற்சிகளில் வெற்றி கிடைக்க வேண்டும் என்று பிரார்த்தனை செய்கின்றனர்.

குடும்ப நிம்மதி:

குடும்பத்தில் ஒற்றுமை நிலைக்கவும், கணவன் மனைவிக்கிடையே புரிதல் அதிகரிக்கவும், மனக்கசப்புகள் நீங்கவும் முருகப்பெருமானை வழிபடுகின்றனர்.

மனவலிமை மற்றும் நம்பிக்கை:

ஆறு நாட்களும் ஒழுக்கத்துடன் விரதம் இருந்து வழிபடுவது பக்தர்களுக்கு மன உறுதியையும் இறை நம்பிக்கையையும் வளர்க்கும் ஆன்மிகப் பயிற்சியாக அமைகிறது.

2026-ம் ஆண்டு கந்த சஷ்டி விரதம்: முக்கிய தேதிகள் இந்த ஆண்டு கந்த சஷ்டி விரதத்தை அனுஷ்டிக்க விரும்புபவர்கள் கீழே கொடுக்கப்பட்டுள்ள தேதிகளைக் கவனத்தில் வைத்துக்கொள்ளலாம்.

பஞ்சாங்கக் கணக்கீட்டின்படி முக்கிய நாட்கள்:

பஞ்சாங்கக் கணக்கீட்டின்படி, 2026 ஆம் ஆண்டு கந்த சஷ்டி விரதம் நவம்பர் 10 ஆம் தேதி செவ்வாய்க்கிழமை தொடங்குகிறது. இரண்டாம் நாள் நவம்பர் 11 புதன்கிழமை, மூன்றாம் நாள் நவம்பர் 12 வியாழக்கிழமை, நான்காம் நாள் நவம்பர் 13 வெள்ளிக்கிழமை, ஐந்தாம் நாள் நவம்பர் 14 சனிக்கிழமை ஆகிய நாட்களில் விரதம் தொடர்கிறது. சூரசம்ஹாரம் நவம்பர் 15 ஆம் தேதி ஞாயிற்றுக்கிழமை நடைபெறும். அதைத் தொடர்ந்து திருக்கல்யாணம் நவம்பர் 16 ஆம் தேதி திங்கட்கிழமை கொண்டாடப்படும்.

இந்த தேதிகள் 2026-ம் ஆண்டுக்கான தமிழக வழக்கத்துடன் பொருந்துகின்றன. இருப்பினும், திதி நேரம் மற்றும் உள்ளூர் கோவில் நிகழ்ச்சி நேரங்களில் வேறுபாடுகள் இருக்கலாம். அருகிலுள்ள முருகன் கோவிலில் உறுதிப்படுத்திக்கொள்வது நல்லது.

கந்த சஷ்டி விரதம் இருப்பவர்கள் கவனிக்க வேண்டிய உடல்நலக் குறிப்புகள்

விரதம் என்பது இறைவனிடம் பக்தியை வெளிப்படுத்தும் ஒரு வழிமுறை. அதற்காக உடல்நலத்தைப் பாதிக்கும் வகையில் உணவை முற்றிலும் தவிர்க்க வேண்டிய அவசியமில்லை.
நாள் முழுவதும் போதுமான அளவு தண்ணீர் குடிக்க வேண்டும்.
நீண்ட நேரம் பட்டினியாக இருப்பதைத் தவிர்க்க முடியாத சூழல் ஏற்பட்டால் விரத முறையை மாற்றிக்கொள்ளலாம்.
நீரிழிவு நோய், சிறுநீரகப் பிரச்சினை, இதய நோய் அல்லது ரத்த அழுத்தப் பிரச்சினை உள்ளவர்கள் மருத்துவரின் ஆலோசனையின்றி கடுமையான விரதம் இருக்கக்கூடாது.
கர்ப்பிணிகள், பாலூட்டும் தாய்மார்கள், குழந்தைகள் மற்றும் முதியவர்கள் உணவைக் கட்டுப்படுத்தும் முன் மருத்துவரிடம் ஆலோசனை பெற வேண்டும்.
தினசரி மருந்துகளை எடுத்துக்கொள்பவர்கள் விரதத்திற்காக மருந்துகளைத் தவிர்க்கக்கூடாது.
தலைச்சுற்றல், அதிகப்படியான சோர்வு, நடுக்கம் அல்லது மயக்கம் ஏற்பட்டால் விரதத்தைத் தொடராமல் உடனடியாக உணவு மற்றும் திரவம் எடுத்துக்கொண்டு மருத்துவ உதவி பெற வேண்டும். குறிப்பாக, பால் மட்டும், இளநீர் மட்டும் அல்லது மிளகு மட்டும் உட்கொண்டு ஆறு நாட்கள் விரதம் இருப்பது அனைவருக்கும் பாதுகாப்பானது அல்ல. பக்தியின் அளவை உணவு மறுப்பின் கடுமையைக் கொண்டு தீர்மானிக்க முடியாது. உடல்நலத்தைக் காத்துக்கொண்டு வழிபடுவதே சிறந்தது.

கந்த சஷ்டி விரதத்துடன் இணைத்துப் போற்றப்படும் மிக முக்கியமான வழிபாடு கந்த சஷ்டி கவசம் பாராயணம் ஆகும். தேவராய சுவாமிகளால் இயற்றப்பட்ட இந்தப் பாடல் முருகப்பெருமானின் திருவருளையும் பாதுகாப்பையும் வேண்டிப் பாடப்படும் புகழ்பெற்ற பக்திப் பாடலாகும்.

காலையில் நீராடிய பிறகு அமைதியான இடத்தில் அமர்ந்து கந்த சஷ்டி கவசம் படிக்கலாம். முழுமையாகப் படிக்க முடியாதவர்கள் தங்களுக்குத் தெரிந்த முருகன் பாடல்களைப் பாடலாம். குறிப்பாக, 'ஓம் சரவணபவ' என்ற ஆறெழுத்து மந்திரத்தை மனதில் நினைத்துப் பக்தியுடன் ஜபிக்கலாம்.

கந்த சஷ்டி கவசத்தைப் பாராயணம் செய்வதால் மனதில் இருக்கும் அச்சம் குறைந்து, தன்னம்பிக்கை மற்றும் மன உறுதி அதிகரிக்கும் என்பது பக்தர்களின் நம்பிக்கையாகும்.

கந்த சஷ்டி விரதத்தின்போது செய்யக்கூடிய எளிய பரிகாரங்கள்

விரத நாட்களில் முருகப்பெருமானை வழிபடுவதுடன் சில எளிய ஆன்மிக வழிமுறைகளையும் கடைப்பிடிக்கலாம்.

1. தினமும் காலையில் முருகப்பெருமானுக்கு நெய் அல்லது நல்லெண்ணெய் தீபம் ஏற்றலாம்.

2. செவ்வரளி அல்லது மல்லிகைப் பூக்களைச் சமர்ப்பித்து வழிபடலாம்.

3. முருகப்பெருமானுக்கு பஞ்சாமிர்தம், பழங்கள் போன்றவற்றை நைவேத்தியமாகப் படைக்கலாம்.

4. வசதி உள்ளவர்கள் ஏழை எளியவர்களுக்கு அன்னதானம் செய்யலாம்.

5. கோவிலுக்குச் செல்பவர்கள் தங்களால் இயன்ற அளவு காணிக்கை செலுத்தலாம்.

6. தினமும் சிறிது நேரம் முருகன் நாமத்தைச் சொல்லி தியானம் செய்யலாம்.

7. மற்றவர்களுக்கு உதவி செய்வது, உணவு வழங்குவது, அன்புடன் பேசுவது போன்ற நற்செயல்களில் ஈடுபடலாம். இந்த வழிபாடுகள் அனைத்தையும் அவரவர் வசதி மற்றும் குடும்ப மரபுக்கு ஏற்பச் செய்யலாம். அதிக செலவு செய்து வழிபட வேண்டும் என்ற கட்டாயம் கிடையாது. எந்தெந்த முருகன் கோவில்களில் கந்த சஷ்டி விழா சிறப்பாக நடைபெறும்?

முருகப்பெருமானின் புகழ்பெற்ற அறுபடை வீடுகள்

திருச்செந்தூர் முருகன் கோவில் சூரசம்ஹார விழாவுக்குப் புகழ்பெற்ற தலம்.

பழனி முருகன் கோவில் தண்டாயுதபாணி திருக்கோலம்.

திருப்பரங்குன்றம் முருகன் கோவில் முருகப்பெருமானின் திருமணத் தலமாகப் போற்றப்படுகிறது.

சுவாமிமலை முருகன் கோவில் தந்தைக்கு உபதேசம் செய்த தலம்.

திருத்தணி முருகன் கோவில் முருகப்பெருமானின் அருளைப் பெறும் புனிதத் தலம்.

பழமுதிர்சோலை முருகன் கோவில் இயற்கைச் சூழலில் அமைந்துள்ள அறுபடை வீடு.

கந்த சஷ்டி விரதம் என்பது முருகப்பெருமானின் அருளை வேண்டி மேற்கொள்ளப்படும் புனிதமான ஆன்மிக வழிபாடாகும். ஆறு நாட்கள் விரதம் இருந்து, கந்த சஷ்டி கவசம் பாராயணம் செய்து, சூரசம்ஹாரத்தைத் தரிசித்து, திருக்கல்யாண உற்சவத்தில் பங்கேற்பது பக்தர்களுக்கு மனநிறைவையும் இறை நம்பிக்கையையும் அளிக்கிறது.

வாழ்க்கையில் எத்தனை சோதனைகள் வந்தாலும் அவற்றைத் தைரியத்துடன் எதிர்கொள்ளும் மனவலிமையை வளர்த்துக்கொள்வதே இந்த விரதத்தின் முக்கியமான ஆன்மிகப் பாடமாகும். குழந்தை பாக்கியம், திருமண பாக்கியம், தொழில் முன்னேற்றம், குடும்ப நிம்மதி என எந்த வேண்டுதலாக இருந்தாலும் முருகப்பெருமானை மனதார வழிபடலாம். விரதத்தின் கடுமையைவிட உண்மையான பக்தி, நல்ல எண்ணங்கள், பிறருக்கு உதவும் மனப்பான்மை ஆகியவற்றுக்கு முக்கியத்துவம் கொடுங்கள்.

Kanda Shasti Kavasam : கந்த சஷ்டி படிப்பதால் கிடைக்கும் பலன்கள் என்ன? எந்த நாளில் படிக்க வேண்டும்? முழு விளக்கம்!

Vishnupriya — Mon, 26 Oct 2026 08:03:44 +0530

Kanda Shasti Kavasam : கந்த சஷ்டி கவசம் படிப்பதால் கிடைக்கும் ஆன்மிகப் பலன்கள் என்ன? எந்த நாளில், எந்த நேரத்தில் படிக்க வேண்டும்? பாராயணம் செய்யும் முறை, கந்த சஷ்டி விரதத்தின் சிறப்புகள் மற்றும் முருகன் வழிபாட்டு முறைகளைத் தெரிந்துகொள்ளுங்கள்.

வேல் உண்டு வினையில்லை..மயில் உண்டு பயமில்லை.. முருகன் இருக்க மனக்கவலை ஏதுமில்லை என்று மனதார நம்பி முருகப்பெருமானை வழிபடும் பக்தர்களுக்கு, கந்த சஷ்டி கவசம் என்பது வெறும் பாடல் அல்ல. அது மனதுக்கு ஆறுதல் தரும் ஆன்மிகத் துணை, துன்பங்களைக் கடக்க நம்பிக்கையூட்டும் பக்திப் பாதை.

ஆறுபடை வீடுகளில் அருள்பாலிக்கும் ஆறுமுகப் பெருமானின் திருவருளைப் போற்றும் கந்த சஷ்டி கவசத்தைத் தினமும் பாராயணம் செய்தால் மனக்கவலைகள் நீங்கி, குடும்பத்தில் அமைதி நிலவி, வாழ்க்கையில் எதிர்கொள்ளும் சவால்களைத் துணிவுடன் சந்திக்கலாம் என்பது பக்தர்களின் நம்பிக்கை.

குறிப்பாக, கந்த சஷ்டி விரதக் காலத்தில் முருகப்பெருமானை நினைத்து இந்தக் கவசத்தைப் பாராயணம் செய்வது சிறப்பானதாகக் கருதப்படுகிறது. குழந்தைகளின் நலன், குடும்ப ஒற்றுமை, மன அமைதி, பயம் நீங்குதல் எனப் பல்வேறு வேண்டுதல்களுடன் முருகனை நாடும் பக்தர்கள், “கந்தா.. சரணம் கந்தா” என்று சரணாகதி அடைகிறார்கள்.

அப்படிப்பட்ட சிறப்பு வாய்ந்த கந்த சஷ்டி கவசத்தை எந்த நாளில் படிக்க வேண்டும்? காலையில் படிப்பதா, மாலையில் படிப்பதா? இதைப் பாராயணம் செய்வதால் என்னென்ன ஆன்மிகப் பலன்கள் கிடைக்கும்? விரிவாகப் பார்க்கலாம்.

கந்த சஷ்டி கவசம் என்பது முருகப்பெருமானின் திருவருளைப் போற்றிப் பாடப்படும் புகழ்பெற்ற தமிழ் பக்திப் பாடலாகும். இதனைத் தேவராய சுவாமிகள் இயற்றியதாகப் பாரம்பரியமாகக் கூறப்படுகிறது.

'கவசம்' என்ற சொல்லுக்கு பாதுகாப்பு அரண் என்பது பொருள். போருக்குச் செல்லும் வீரன் கவசம் அணிவதைப் போல, முருகப்பெருமானின் திருநாமத்தைச் சொல்லிப் பாராயணம் செய்வது தங்களுக்குப் பாதுகாப்பையும், மன உறுதியையும் அளிக்கும் என்பது பக்தர்களின் நம்பிக்கை.

மன அமைதியும் தைரியமும்

மனக்குழப்பம், பயம், கவலை போன்றவற்றால் பாதிக்கப்படும்போது முருகனை நினைத்துப் பாராயணம் செய்வது மனதை ஒருமுகப்படுத்தவும், நம்பிக்கையுடன் செயல்படவும் உதவலாம்.

தடைகள் நீங்க வேண்டும் என்ற பிரார்த்தனை

கல்வி, வேலை, தொழில், குடும்ப வாழ்க்கை எனப் பல்வேறு விஷயங்களில் எதிர்கொள்ளும் தடைகளை வெல்லும் வலிமை கிடைக்க வேண்டும் என்று முருகப்பெருமானிடம் பக்தர்கள் வேண்டிக்கொள்கிறார்கள்.

குடும்பத்தில் அமைதி நிலவ வேண்டும்

குடும்பத்தில் ஒற்றுமை, அன்பு, புரிதல் அதிகரிக்க வேண்டும் என்ற வேண்டுதலுடன் கந்த சஷ்டி கவசத்தைப் பாராயணம் செய்கிறார்கள்.

எதிர்மறை எண்ணங்கள் விலக வேண்டும்

தீய எண்ணங்கள், மனச்சோர்வு, தேவையற்ற அச்சம் ஆகியவற்றைக் கடந்து நல்ல எண்ணங்களுடன் வாழ முருகப்பெருமானின் நாமத்தைச் சொல்வது ஆன்மிகத் துணையாக அமையும் என்பது நம்பிக்கை.

கல்வி, வேலை, வாழ்க்கையில் முன்னேற்றம்

தேர்வு எழுதும் மாணவர்கள், வேலை தேடுபவர்கள், புதிய முயற்சிகளைத் தொடங்குபவர்கள் தங்கள் செயல்களில் வெற்றி கிடைக்க வேண்டும் என்று முருகனை வழிபடுகின்றனர்.

இறை நம்பிக்கையும் ஒழுக்கமும் அதிகரித்தல்

தினமும் குறிப்பிட்ட நேரத்தில் பாராயணம் செய்வது மன ஒருமைப்பாடு, பொறுமை, சுயக்கட்டுப்பாடு போன்ற நல்ல பழக்கங்களை வளர்க்க உதவலாம்.

கந்த சஷ்டி கவசத்தை எந்த நாளில் படிக்க வேண்டும்?

தினமும் - முருகப்பெருமானை நினைத்து வழிபடலாம்.

செவ்வாய்க்கிழமை - முருக வழிபாட்டுக்கு உகந்த நாளாகப் கருதுகின்றனர்.

கிருத்திகை நட்சத்திரம் - முருகப்பெருமானுக்குச் சிறப்பான நாளாகக் கருதப்படுகிறது.

ஒவ்வொரு மாத வளர்பிறை சஷ்டி - முருகனை வழிபட்டு விரதம் அல்லது பாராயணம் மேற்கொள்ளும் வழக்கம் உள்ளது.

ஐப்பசி கந்த சஷ்டி - ஆறு நாள் விரதம், சூரசம்ஹாரம் உள்ளிட்ட விழாக்களால் சிறப்புப் பெறுகிறது.

குறிப்பாக, ஐப்பசி மாதத்தில் நடைபெறும் கந்த சஷ்டி விழாவின் ஆறு நாட்களிலும் கந்த சஷ்டி கவசத்தைப் பாராயணம் செய்வது பல பக்தர்களின் வழக்கமாகும். திருச்செந்தூர் உள்ளிட்ட முருகன் கோயில்களில் இந்த விழா சிறப்பாகக் கொண்டாடப்படுகிறது.

காலையில்

குளித்துவிட்டு, பூஜையறையில் விளக்கேற்றி, மனதை அமைதிப்படுத்திக் கொண்டு பாராயணம் செய்யலாம். நாள் முழுவதும் நல்ல எண்ணத்துடன் செயல்பட இது உதவலாம்.

மாலையில்

அன்றைய வேலைகளை முடித்த பிறகு விளக்கேற்றி, முருகப்பெருமானை மனதில் நினைத்துப் படிக்கலாம். குடும்பத்தினருடன் சேர்ந்து பாராயணம் செய்யலாம்.

குளித்துவிட்டு சுத்தமான இடத்தில் அமரவும்.
பூஜையறையில் முருகப்பெருமானின் படம் அல்லது சிலைக்கு முன்பாக விளக்கேற்றலாம்.
மலர் அல்லது பழங்களை உங்கள் வசதிக்கேற்பப் படைத்து வழிபடலாம்.
முதலில் “ஓம் சரவணபவ” அல்லது “முருகா சரணம்” என்று சொல்லி மனதை ஒருமுகப்படுத்தவும்.
கந்த சஷ்டி கவசத்தைத் தெரிந்தவரை முழுமையாகப் படிக்கவும் அல்லது பக்தியுடன் கேட்கவும்.
இறுதியில் உங்கள் குடும்ப நலன், மன அமைதி மற்றும் நல்ல வாழ்க்கைக்காக முருகப்பெருமானிடம் பிரார்த்தனை செய்யவும்.

கந்த சஷ்டி கவசம் படிக்கும்போது சொல்ல வேண்டிய முருகன் மந்திரம்

ஓம் சரவணபவ

ஓம் முருகா போற்றி! வேலவா போற்றி!

மனதை ஒருமுகப்படுத்தி, பக்தியுடன் சொல்லுங்கள். இந்த மந்திரத்தை 6, 12 அல்லது 108 முறை சொல்லலாம் என்பது வழக்கம்.

முருகப்பெருமானின் திருநாமத்தை மனதாரச் சொல்லும்போது, வாழ்க்கையின் சவால்களை எதிர்கொள்ளும் மனவலிமை கிடைக்க வேண்டும் என்பதே பல பக்தர்களின் விருப்பம். கந்த சஷ்டி கவசத்தை தினமும் சில நிமிடங்கள் ஒதுக்கிப் பாராயணம் செய்வது உங்கள் அன்றாட வாழ்க்கையில் அமைதியான ஆன்மிகப் பழக்கமாக அமையலாம்.

“சரவணபவா.. சரவணபவா” என்று முருகப்பெருமானை நினைத்து, நம்பிக்கையுடனும் நல்ல எண்ணங்களுடனும் வாழ்வோம். வெற்றிவேல் முருகனுக்கு அரோகரா.

குறிப்பு : இவை கந்த சஷ்டி கவசத்தைப் பாராயணம் செய்வதால் கிடைக்கும் என்று பக்தர்கள் நம்பும் ஆன்மிகப் பலன்கள். குறிப்பிட்ட நோய் குணமாகும், பணம் உறுதியாகக் கிடைக்கும் அல்லது எல்லாப் பிரச்சினைகளும் தீர்ந்துவிடும் என்பதற்கு அறிவியல் உறுதி இல்லை.

Rama Ekadashi : ரமா ஏகாதசி 2026.. பெருமாள் வழிபாடு, விரத நேரம், பாரணை செய்யும் முறை!

Vishnupriya — Sun, 01 Nov 2026 07:50:25 +0530

Rama Ekadashi : நவம்பர் 5 26 வியாழக்கிழமை ரமா ஏகாதசி அனுசரிக்கப்படுகிறது. பெருமாள், மகாலட்சுமி வழிபாட்டின் சிறப்புகள், விரதம் கடைப்பிடிக்கும் முறை, ஏகாதசி விரதக் கதை, பாரணை நேரம் மற்றும் வழிபாட்டு பலன்களை முழுமையாக அறிந்துகொள்ளுங்கள்.

பெருமாளின் திருவருளைப் பெறவும், வாழ்வில் துன்பங்கள் நீங்கி மனநிம்மதி, செல்வ வளம், குடும்ப மகிழ்ச்சி பெருகவும் பக்தர்கள் கடைப்பிடிக்கும் புனித விரதங்களில் ரமா ஏகாதசிக்கு தனிச்சிறப்பு உண்டு.

தீபாவளி நெருங்கும் இந்த மங்களகரமான காலத்தில், மகாவிஷ்ணுவையும் மகாலட்சுமியையும் மனமுருகி வழிபடுவதற்கான அரிய நாளாக ரமா ஏகாதசி கருதப்படுகிறது. இந்த நாளில் விரதம் இருந்து, துளசி தளங்களால் பெருமாளை அர்ச்சித்து, விஷ்ணு நாமங்களைச் சொல்லி வழிபடுவது பாவங்கள் நீங்கி புண்ணியம் பெருகும் என்பது பக்தர்களின் நம்பிக்கை.

இந்நிலையில், ரமா ஏகாதசி எப்போது அனுசரிக்கப்படுகிறது? இந்த விரதத்தின் சிறப்பு என்ன? பெருமாளை எப்படி வழிபட வேண்டும்? விரதம் கடைப்பிடிக்கும் முறை என்ன? பாரணை எப்போது செய்ய வேண்டும்? என்பதை விரிவாகப் பார்க்கலாம்.

ஏகாதசி திதி தொடக்கம்: நவம்பர் 4, புதன்கிழமை காலை 11:03 மணி

ஏகாதசி திதி முடிவு: நவம்பர் 5, வியாழக்கிழமை காலை 10:36 மணி

ரமா ஏகாதசி விரத நாள்: நவம்பர் 5, வியாழக்கிழமை அனுசரிக்கப்படுகிறது.

பாரணை நேரம் (விரதம் முடிக்கும் நேரம்): நவம்பர் 6, வெள்ளிக்கிழமை காலை 6:16 - 8:35 மணி

ஏகாதசி என்பது ஒவ்வொரு சந்திர மாதத்திலும் வளர்பிறை, தேய்பிறை ஆகிய இரு காலங்களிலும் வரும் 11-வது திதியாகும். பெருமாள் பக்தர்கள் இந்த நாளில் உண்ணாவிரதம் இருந்து, இறைவனை நினைத்து வழிபடுவது வழக்கம்.

இந்து சமயத்தில் ஏகாதசி விரதங்கள் மகாவிஷ்ணுவுக்கு மிகவும் உகந்த புனித நாட்களாகக் கருதப்படுகின்றன. அந்த வகையில், ஐப்பசி மாதம் தேய்பிறையில் வரும் ரமா ஏகாதசி, செல்வம், மன அமைதி, குடும்ப நலம் மற்றும் பாவ விமோசனத்தை அருளும் சிறப்புமிக்க விரத நாளாக பக்தர்களால் போற்றப்படுகிறது.

ரமா ஏகாதசி அன்று மகாவிஷ்ணுவையும், மகாலட்சுமியையும் வழிபட்டு விரதம் இருப்பதால், வாழ்வில் துன்பங்கள் நீங்கி நன்மைகள் பெருகும் என்பது ஆன்மிக நம்பிக்கை. ரமா என்பது மகாலட்சுமியின் திருநாமங்களில் ஒன்றாகும்.

ரமா ஏகாதசியின் மகிமையை விளக்கும் கதையாக மன்னர் முசுகுந்தனின் மகள் சந்திரபாகா மற்றும் அவரது கணவர் சோபனாவின் கதை கூறப்படுகிறது.

மகாவிஷ்ணுவின் தீவிர பக்தரான மன்னர் முசுகுந்தன்

முசுகுந்தன் என்ற புகழ்பெற்ற மன்னர் ஒருவர் வாழ்ந்து வந்தார். அவர் மகாவிஷ்ணுவின் மீது அளவற்ற பக்தி கொண்டவராகவும், உண்மையையும் தர்மத்தையும் கடைப்பிடிப்பவராகவும் விளங்கினார். அவருடைய ஆட்சியில் மக்கள் அனைவரும் மகிழ்ச்சியாக வாழ்ந்து வந்தனர். மன்னர் முசுகுந்தன் ஏகாதசி விரதத்தை மிகுந்த பக்தியுடன் கடைப்பிடித்து வந்தார்.

அவரது மகள் சந்திரபாகை, சந்திரசேனன் என்ற மன்னரின் மகனான சோபனனைத் திருமணம் செய்துகொண்டார். சந்திரபாகையும் மகாவிஷ்ணுவின் மீது மிகுந்த பக்தி கொண்டவளாக இருந்தாள். சிறுவயது முதலே ஏகாதசி விரதத்தைத் தவறாமல் கடைப்பிடித்து வந்தாள்.

ஒருமுறை சோபனன் தனது மனைவி சந்திரபாகையின் தந்தையான முசுகுந்தன் மன்னரின் அரண்மனைக்கு வந்திருந்தார். அப்போது கார்த்திகை மாத தேய்பிறை ஏகாதசி வந்தது. மன்னர் முசுகுந்தனின் நாட்டில் ஏகாதசி நாளன்று யாரும் உணவு உண்ணக்கூடாது என்ற கடுமையான விரத நெறி பின்பற்றப்பட்டு வந்தது.

இந்த அறிவிப்பைக் கேட்ட சந்திரபாகை மிகவும் கவலையடைந்தாள். ஏனெனில், அவளுடைய கணவர் சோபனன் உடலளவில் பலவீனமானவர். அவரால் கடுமையான உண்ணாவிரதத்தைத் தாங்க முடியாது என்பதை அவள் அறிந்திருந்தாள்.

அவள் தனது கணவரிடம், “என் தந்தையின் நாட்டில் ஏகாதசி நாளன்று யாரும் உணவு உண்ண அனுமதிக்கப்படுவதில்லை. உங்களால் விரதம் இருக்க முடியாவிட்டால், வேறு இடத்திற்குச் சென்றுவிடுங்கள். இங்கே இருந்தால் விரதம் இருக்க வேண்டிய கட்டாயம் ஏற்படும்” என்று கூறினாள்.

ஆனால், சோபனன் தனது மனைவியைப் பிரிந்து செல்ல விரும்பவில்லை. “விதிப்படி என்ன நடக்க வேண்டுமோ அது நடக்கட்டும். நான் இங்கேயே இருந்து ஏகாதசி விரதத்தைக் கடைப்பிடிக்கிறேன்” என்று உறுதியுடன் கூறினார். அதன்படி, சோபனன் ரமா ஏகாதசி விரதத்தை மேற்கொண்டார்.

அன்று முழுவதும் உணவு, தண்ணீர் இன்றி இருந்ததால் அவர் மிகவும் சோர்வடைந்தார். இரவு முழுவதும் பசியாலும் தாகத்தாலும் அவதிப்பட்டார். மறுநாள் துவாதசி பொழுது விடியும்போது, சோபனன் உயிரிழந்ததாக புராணக் கதை கூறுகிறது.

முசுகுந்தன் மன்னர் அவருக்குரிய இறுதிச் சடங்குகளைச் செய்தார். சந்திரபாகையும் கணவரின் மறைவால் துயரமடைந்தாலும், தொடர்ந்து மகாவிஷ்ணுவை வழிபட்டு ஏகாதசி விரதத்தைக் கடைப்பிடித்து வந்தாள்.

ரமா ஏகாதசி விரதத்தின் பலனால் கிடைத்த தெய்வீக நகரம்

சோபனன் உயிரிழந்த பிறகு, அவர் கடைப்பிடித்த ரமா ஏகாதசி விரதத்தின் புண்ணிய பலனாக மந்தராசல மலையில் அழகிய தெய்வீக நகரம் ஒன்றைப் பெற்றார். அந்த நகரம் தங்கத்தால் ஆன தூண்கள், விலைமதிப்பற்ற ரத்தினங்கள் பதிக்கப்பட்ட மாளிகைகள், அழகிய அரண்மனைகள் என தேவலோகத்தைப் போலக் காட்சியளித்தது.

அங்கே சோபனன் மன்னராக அமர்ந்து ஆட்சி செய்தார். கந்தர்வர்கள் அவரைப் புகழ்ந்து பாடினர். தேவலோகப் பெண்கள் அவருக்குப் பணிவிடை செய்தனர். இருப்பினும், அந்த நகரத்தின் மகிமை நிலையானதாக இல்லை. இதற்குக் காரணம், சோபனன் முழுமையான பக்தியுடன் விரதம் இருக்காமல், சூழ்நிலையின் கட்டாயத்தால் விரதம் இருந்ததே என்று புராணம் கூறுகிறது.

சோபனனைச் சந்தித்த சோமசர்மா

ஒருநாள் சோமசர்மா என்ற பிராமணர் புனித யாத்திரை மேற்கொண்டு மந்தராசல மலைக்குச் சென்றார். அங்கு தெய்வீக நகரத்தில் மன்னராக அமர்ந்திருந்த சோபனனைப் பார்த்தார். அவரை அடையாளம் கண்டுகொண்ட சோமசர்மா ஆச்சரியமடைந்தார்.

சோபனனும் அவரை வரவேற்று, தனது மாமனார் முசுகுந்தன் மன்னர் மற்றும் மனைவி சந்திரபாகையின் நலனைப் பற்றி விசாரித்தார். பின்னர் தனது நகரம் ரமா ஏகாதசி விரதத்தின் பலனால் கிடைத்தது என்றும், ஆனால் அது நிலையானதாக இல்லை என்றும் கூறினார்.

சோமசர்மாவிடம், “என் மனைவி சந்திரபாகையிடம் இந்தச் செய்தியைச் சொல்லுங்கள். அவள் ஏகாதசி விரதத்தை மிகுந்த பக்தியுடன் கடைப்பிடித்து வருகிறாள். அவளுடைய விரதப் புண்ணியத்தால் இந்த நகரம் நிலையானதாக மாறும்” என்று தெரிவித்தார்.

சந்திரபாகையின் தெய்வீக யாத்திரை

சோமசர்மா முசுகுந்தன் மன்னரின் நாட்டிற்குத் திரும்பி, சோபனனைச் சந்தித்த செய்தியை சந்திரபாகையிடம் தெரிவித்தார். தனது கணவர் தெய்வீக நகரத்தில் வாழ்வதை அறிந்த சந்திரபாகை மகிழ்ச்சியடைந்தாள். உடனே சோமசர்மாவுடன் மந்தராசல மலைக்குச் செல்ல விரும்பினாள்.

அவர்கள் இருவரும் அங்கிருந்த வாமதேவர் என்ற முனிவரின் ஆசிரமத்தை அடைந்தனர். முனிவர் சந்திரபாகைக்கு வேத மந்திரங்களுடன் புனித சடங்குகளைச் செய்தார். அதன் பலனாக சந்திரபாகை தெய்வீக வடிவத்தைப் பெற்றதாகக் கதை கூறுகிறது.

சந்திரபாகையின் பக்தியும் சோபனனின் நகரமும்

பின்னர் அவள் தனது கணவர் சோபனனைச் சந்தித்தாள். சோபனன் தனது மனைவியைக் கண்டதும் அளவற்ற மகிழ்ச்சியடைந்தார்.

அப்போது சந்திரபாகை, “என் சிறுவயது முதலே நான் முழுமையான நம்பிக்கையுடன் ஏகாதசி விரதத்தைக் கடைப்பிடித்து வருகிறேன். அந்த விரதத்தின் புண்ணிய பலனை உங்களுக்காக அர்ப்பணிக்கிறேன். இதன் மூலம் உங்கள் நகரம் நிலையானதாக மாறும்” என்று கூறினாள்.

அவளுடைய பக்தியின் பலனால் சோபனனின் தெய்வீக நகரம் நிலையானதாக மாறியது. இருவரும் மகிழ்ச்சியுடன் வாழ்ந்ததாக புராணக் கதை நிறைவடைகிறது.

மகாவிஷ்ணுவின் அருளைப் பெறுவதற்கான புனித நாளாகக் கருதப்படுகிறது.
மனதில் உள்ள கவலைகள் நீங்கி அமைதி கிடைக்க வேண்டும் என்று பக்தர்கள் பிரார்த்தனை செய்கின்றனர்.
குடும்பத்தில் ஒற்றுமை, மகிழ்ச்சி, செல்வ வளம் பெருக வேண்டும் என்று மகாலட்சுமியை வழிபடுகின்றனர்.
கடந்த கால தவறுகளுக்குப் பரிகாரம் தேடி, நல்வாழ்வு வேண்டி விரதம் கடைப்பிடிக்கப்படுகிறது.
ஆன்மிக சிந்தனை, மனக்கட்டுப்பாடு, இறைநம்பிக்கை வளர உதவும் நாளாகப் போற்றப்படுகிறது.

ரமா ஏகாதசி விரதம் இருப்பது எப்படி?

ஏகாதசி விரதத்தை அவரவர் உடல்நிலை மற்றும் குடும்ப வழக்கப்படி கடைப்பிடிக்கலாம்.

நிர்ஜல விரதம்: உணவு, தண்ணீர் எதுவும் உட்கொள்ளாமல் இருப்பது. இது அனைவருக்கும் ஏற்றதல்ல.

பலஹார விரதம்: பழங்கள், பால் போன்றவற்றை மட்டும் எடுத்துக்கொண்டு விரதம் இருப்பது.

எளிய விரதம்: அரிசி உணவுகளைத் தவிர்த்து, எளிய சைவ உணவை எடுத்துக்கொண்டு விரதம் இருப்பது.

விரதம் இருப்பவர்கள் பொறுமை, அன்பு, சுயக்கட்டுப்பாடு ஆகியவற்றைக் கடைப்பிடித்து, பிறருக்கு உதவி செய்வதும் சிறப்பாகக் கருதப்படுகிறது.

குறிப்பு: குழந்தைகள், கர்ப்பிணிகள், முதியவர்கள், உடல்நலப் பிரச்சினைகள் உள்ளவர்கள் கடுமையான உண்ணாவிரதத்தைத் தவிர்த்து, தங்கள் உடல்நிலைக்கு ஏற்ற முறையில் வழிபட வேண்டும்.

அதிகாலையில் எழுந்து வீட்டைச் சுத்தம் செய்து, நீராடி தூய்மையான ஆடைகளை அணிய வேண்டும்.
பூஜையறையில் விளக்கேற்றி, மகாவிஷ்ணுவை மனதார நினைத்து விரதம் கடைப்பிடிப்பதாக சங்கல்பம் எடுத்துக்கொள்ள வேண்டும்.
பெருமாள் படத்திற்கு அல்லது விக்ரகத்திற்கு தூய நீரால் அபிஷேகம் செய்யலாம்.
மஞ்சள் நிற மலர்கள், துளசி தளங்கள் கொண்டு அலங்கரிக்கலாம்.
பழங்கள், பால், சர்க்கரை, வெண்ணெய் போன்றவற்றை நைவேத்தியமாகப் படைக்கலாம்.

இந்த நாளில் பக்தர்கள்,

ஓம் நமோ நாராயணாய

ஓம் நமோ பகவதே வாசுதேவாய

ஸ்ரீமன் நாராயணா

ஹரே ராமா ஹரே கிருஷ்ணா

விஷ்ணு சகஸ்ரநாமம், பகவத் கீதை அல்லது ரமா ஏகாதசி விரதக் கதையைப் பாராயணம் செய்வதும் சிறப்பாகக் கருதப்படுகிறது.

மாலையில் மீண்டும் விளக்கேற்றி பெருமாளை வழிபடலாம். விஷ்ணு நாமங்களைச் சொல்லி, பக்திப் பாடல்கள் பாடி, இறைவனின் திருவருளை வேண்டலாம்.

ரமா ஏகாதசி பாரணை செய்வது எப்படி?

ஏகாதசி விரதத்தை அடுத்த நாள் துவாதசி திதியில் முடிப்பதற்கு பாரணை என்று பெயர்.
நவம்பர் 6, வெள்ளிக்கிழமை அதிகாலையில் எழுந்து நீராடி பெருமாளை வழிபட வேண்டும்.
பெருமாளுக்கு நைவேத்தியம் படைத்து, துளசி தீர்த்தம் அருந்தி விரதத்தை முடிக்கலாம்.
காலை 6:16 மணி முதல் 8:35 மணி வரை பாரணை செய்ய ஏற்ற நேரமாகக் குறிப்பிடப்பட்டுள்ளது.
பாரணை செய்த பிறகு எளிய சைவ உணவை எடுத்துக்கொள்ளலாம்.
ஏழைகளுக்கு உணவு வழங்குதல், தானம் செய்தல் போன்றவற்றையும் பக்தர்கள் மேற்கொள்வது வழக்கம்.

ரமா ஏகாதசி வழிபாட்டின் பலன்கள்

பாவங்கள் நீங்கி புண்ணியம் பெருகும்.
மகாவிஷ்ணுவின் அருள் கிடைக்கும்.
குடும்பத்தில் மகிழ்ச்சியும் அமைதியும் நிலவும்.
மகாலட்சுமியின் அருளால் செல்வ வளம் பெருகும்.
மனக்கவலைகள் நீங்கி ஆன்மிக ஈடுபாடு அதிகரிக்கும்.

ரமா ஏகாதசி என்பது வெறும் உண்ணாவிரதம் மட்டுமல்ல. மனதையும் எண்ணங்களையும் தூய்மைப்படுத்தி, இறைவனை முழுமனதுடன் சரணடையும் நாளாக பக்தர்கள் கருதுகின்றனர்.

இந்த புனித நாளில் பெருமாளை வழிபட்டு, துளசி தளங்கள் சமர்ப்பித்து, “ஓம் நமோ நாராயணாய” என்ற திருநாமத்தை மனமுருகி சொல்லி வழிபடுங்கள். மகாவிஷ்ணுவின் திருவருளும் மகாலட்சுமியின் கடாட்சமும் அனைவரின் இல்லங்களிலும் நிறையட்டும்.

Lakshmi Photo Vastu : வீட்டில் லட்சுமி படம் எந்த திசையில் இருக்க வேண்டும்? செல்வம் பெருகும் வாஸ்து குறிப்புகள்!

Vishnupriya — Sun, 25 Oct 2026 07:47:23 +0530

Lakshmi Photo Vastu : வீட்டில் மகாலட்சுமி படத்தை எந்த திசையில் வைக்க வேண்டும்? வடக்கு, கிழக்கு திசைகளின் சிறப்புகள், தாமரையில் அமர்ந்த லட்சுமி படத்தின் முக்கியத்துவம், விநாயகர் படத்தை வைக்கும் முறை மற்றும் தவிர்க்க வேண்டிய இடங்களை அறிந்துகொள்ளுங்கள்.

வீட்டில் மகாலட்சுமியின் படம் வைத்து தினமும் வழிபடுகிறீர்களா? அப்படியானால், அந்தப் படத்தை எந்தத் திசையில் வைக்கிறோம் என்பதிலும் கவனம் செலுத்த வேண்டும். செல்வத்தின் அடையாளமாகக் கருதப்படும் மகாலட்சுமியைச் சரியான முறையில் வழிபட்டால் வீட்டில் செல்வம் பெருகும், குடும்பத்தில் மகிழ்ச்சியும் அமைதியும் நிலைக்கும் என்பது நம்பிக்கை.

ஆனால், லட்சுமி படத்தை எங்கு வேண்டுமானாலும் வைத்துவிடலாமா? தாமரை மலரில் அமர்ந்திருக்கும் லட்சுமி படத்தை வைப்பது சிறப்பானதா? விநாயகர் படத்தையும் சேர்த்து வைக்கும்போது எந்த அமைப்பைப் பின்பற்ற வேண்டும்? தெற்கு திசையை நோக்கி லட்சுமி படம் இருந்தால் என்ன செய்ய வேண்டும்? இப்படி வீட்டின் பூஜையறையை அமைக்கும்போது பலருக்கும் பல சந்தேகங்கள் எழுகின்றன.

அந்த வகையில், வீட்டில் மகாலட்சுமி படத்தை வைக்க வேண்டிய திசை, தேர்ந்தெடுக்க வேண்டிய படம், தவிர்க்க வேண்டிய இடங்கள் மற்றும் வழிபாட்டின்போது கவனிக்க வேண்டிய விஷயங்கள் குறித்து ஆன்மிக நம்பிக்கைகளின் அடிப்படையில் விரிவாகப் பார்க்கலாம்.

வாஸ்து மற்றும் ஆன்மிக நம்பிக்கைகளின்படி, வீட்டில் மகாலட்சுமி படத்தை வடகிழக்கு, கிழக்கு அல்லது வடக்கு திசைகளை நோக்கி வைப்பது சிறப்பானதாகக் கருதப்படுகின்றன.

குறிப்பாக, வீட்டின் பூஜையறையில் சுத்தமான இடத்தில் படத்தை வைப்பது வழிபாட்டுக்கு ஏற்றதாகப் பார்க்கப்படுகிறது. லட்சுமி தேவியை வழிபடுபவர்கள் முகம் கிழக்கு அல்லது வடக்கு நோக்கி இருக்க வேண்டும்.

வடக்கு திசை: செல்வத்தின் அதிபதியாகக் கருதப்படும் குபேரனுடன் தொடர்புடைய திசை என்பதால், செல்வ வளத்திற்கான நம்பிக்கையில் முக்கியத்துவம் பெறுகிறது.

கிழக்கு திசை: சூரிய உதயத்துடன் தொடர்புடைய திசை என்பதால், நேர்மறை எண்ணங்கள் மற்றும் ஆன்மிக வளர்ச்சியின் அடையாளமாகக் கருதப்படுகிறது.

வடகிழக்கு திசை: ஈசான மூலை என்று அழைக்கப்படும் இந்தத் திசை, பூஜையறை அமைப்பதற்கு ஏற்றதாக வாஸ்து மரபில் கருதப்படுகிறது.

ஆன்மிக நம்பிக்கைகளின்படி, தாமரை மலரில் அமர்ந்திருக்கும் லட்சுமி படத்தை வைத்து வீட்டில் வழிபடுவது மங்களகரமானதாகக் கருதப்படுகிறது. நின்றுகொண்டிருக்கும் லட்சுமி படத்தை வைப்பதைத் தவிர்க்க வேண்டும்.

தாமரை மலர்: தூய்மை, ஆன்மிக உயர்வு மற்றும் செழிப்பின் அடையாளமாகக் கருதப்படுகிறது.

அமர்ந்த கோலம்: நிலையான செல்வம், குடும்ப நலன் மற்றும் அமைதியைக் குறிப்பதாக நம்பப்படுகிறது.

தங்க நாணயங்கள் பொழியும் கோலம்: செல்வ வளம் மற்றும் பொருளாதார முன்னேற்றத்தின் அடையாளமாகப் பார்க்கப்படுகிறது.

யானைகளுடன் காட்சியளிக்கும் கஜலட்சுமி: மங்களம், வளம், பெருமை ஆகியவற்றுடன் தொடர்புபடுத்தப்படுகிறது

மகாலட்சுமியுடன் விநாயகரையும் சேர்த்து வழிபடுவது பல இந்துக் குடும்பங்களில் வழக்கமாக உள்ளது. மகாலட்சுமி செல்வ வளத்தின் அடையாளமாகவும், விநாயகர் தடைகளை நீக்கி நல்வழி காட்டுபவராகவும் போற்றப்படுகிறார்.

இரண்டு படங்களையும் ஒரே பூஜை மேடையில் வைக்கலாம்.
லட்சுமி படத்திற்கு அருகில் விநாயகர் படம் வைப்பதாக இருந்தால், லட்சுமி தேவிக்கு வலதுபுறம் அல்லது இடதுபுறம் விநாயகர் இருக்குமாறு பார்த்துக்கொள்ளவும்.
படங்கள் ஒன்றுக்கொன்று நேருக்கு நேர் பார்த்தபடி இல்லாமல், ஒரே திசையை நோக்கியிருக்கும்படி வைக்க வேண்டும்.

வாஸ்து நம்பிக்கைகளில் தெற்கு திசையை நோக்கி லட்சுமி படத்தை வைப்பதைத் தவிர்க்க வேண்டும் என்று சில மரபுகள் கூறுகின்றன.

ஏற்கெனவே உங்கள் வீட்டில் தெற்கு நோக்கி லட்சுமி படம் இருந்தால், மாற்றியமைக்க முடிந்தால் உங்கள் வீட்டின் அமைப்புக்கு ஏற்ற வகையில் பூஜையறையை மாற்றலாம்.

தெய்வப் படங்களை வைக்கும்போது இடத்தின் தூய்மைக்கும் மரியாதைக்கும் முக்கியத்துவம் கொடுக்கப்படுகிறது.

குளியலறை அல்லது கழிவறைக்கு அருகில் அல்லது சுவரில் தெய்வப் படத்தை வைப்பதைத் தவிர்க்க வேண்டும்
இடநெருக்கடியால் பொருட்களைச் சேமிக்கும் இடமாகப் பயன்படுத்தப்படும் படிக்கட்டுக்குக் கீழே படத்தை வைப்பதைத் தவிர்க்க வேண்டும்.
தெய்வப் படத்தைத் தரையில் வைப்பதற்குப் பதிலாக, சுத்தமான மேடை, மரப்பலகை அல்லது பூஜை அலமாரியில் வைக்கலாம்.
படத்தைச் சுற்றித் தேவையற்ற பொருட்களைக் குவிக்காமல், தூசி படியாமல் சுத்தமாக வைத்துக்கொள்ள வேண்டும்.

குறிப்பு : படத்தின் திசையால் மட்டுமே வீட்டில் செல்வம் குறையும் அல்லது துரதிர்ஷ்டம் ஏற்படும் என்பதற்கு அறிவியல் ஆதாரம் இல்லை. குடும்ப மரபுகளிலும் வழிகாட்டுதல்களிலும் வேறுபாடுகள் உள்ளன. எனவே, உங்கள் குடும்ப வழக்கத்தைப் பின்பற்றலாம்.

திசையைவிட பக்தி, மன அமைதி, குடும்ப ஒற்றுமை மற்றும் நல்ல வாழ்க்கை நடைமுறைகளும் முக்கியம் என்பதை நினைவில் கொள்ளுங்கள். நம்பிக்கையுடன் வழிபடுங்கள். தேவையற்ற அச்சத்தைத் தவிருங்கள்.

Kanda Sashti Vratam date : கந்த சஷ்டி விரதம் எப்போது தொடங்குகிறது? 6 நாட்கள் விரத முறை, சூரசம்ஹாரம் தேதி முழு விவரம்!

Vishnupriya — Fri, 30 Oct 2026 06:12:48 +0530

Kanda Sashti Vratam date : கந்த சஷ்டி விரதம் 2026 எப்போது தொடங்குகிறது? எத்தனை நாட்கள் விரதம் இருக்க வேண்டும்? சூரசம்ஹாரம், திருக்கல்யாணம் தேதி மற்றும் வழிபாட்டு முறைகளைத் தெரிந்துகொள்ளுங்கள்.

“வெற்றிவேல் முருகனுக்கு அரோகரா” என்று பக்தர்கள் பக்திப் பரவசத்துடன் முழங்கும் அந்தத் திருநாள் நெருங்கிவிட்டது. முருகப்பெருமானின் திருவருளைப் பெறவும், மனக்கவலைகள் நீங்கி வாழ்வில் நம்பிக்கையுடன் முன்னேறவும், வேண்டுதல்கள் நிறைவேற வேண்டும் என்று பிரார்த்திக்கவும் பக்தர்கள் ஆவலுடன் எதிர்பார்க்கும் புனித விரதமே கந்த சஷ்டி விரதம்.

ஆறுபடை வீடுகளிலும் முருகன் ஆலயங்களிலும் பக்தி முழக்கம் ஒலிக்க, வேலவனின் திருநாமம் எங்கும் எதிரொலிக்க, ஆறாம் நாள் நடைபெறும் சூரசம்ஹாரத்தைத் தரிசிப்பது பக்தர்களுக்கு மிகுந்த ஆன்மிக மகிழ்ச்சியை அளிக்கிறது.

முருகப்பெருமான் சூரபத்மனை வென்று தர்மத்தை நிலைநாட்டியதை நினைவுகூரும் இந்த விழாவில், பலரும் ஆறு நாட்கள் விரதம் இருந்து கந்தனைக் கொண்டாடுவார்கள்.

அந்த வகையில், 2026- ஆம் ஆண்டு கந்த சஷ்டி விரதம் எப்போது தொடங்குகிறது? சூரசம்ஹாரம் எந்த நாளில் நடைபெறுகிறது? விரதம் எத்தனை நாட்கள் இருக்க வேண்டும்? விரதத்தை எப்படித் தொடங்கி, எப்போது நிறைவு செய்ய வேண்டும்? என்பதை விரிவாகப் பார்ப்போம்.

சஷ்டி

வளர்பிறை மற்றும் தேய்பிறை நாட்களில் வரும் ஆறாவது திதி 'சஷ்டி' என்று அழைக்கப்படுகிறது. ஒரு மாதத்திற்கு இரண்டு முறை (வளர்பிறை சஷ்டி மற்றும் தேய்பிறை சஷ்டி) சஷ்டி திதி வரும். சஷ்டி திதி என்பது பெரும்பாலும் முருகப்பெருமானுக்கு உகந்த விரத நாளாகக் கடைபிடிக்கப்படுகிறது.

கந்த சஷ்டி விரதம் முக்கிய தேதிகள்

சஷ்டி விரதம் தொடக்கம் - நவம்பர் 10, செவ்வாய்க்கிழமை

சூரசம்ஹாரம் - நவம்பர் 15, ஞாயிற்றுக்கிழமை

முருகன் திருக்கல்யாணம் - நவம்பர் 16,திங்கட்கிழமை

ஐப்பசி மாதத்தில் தீபாவளி அமாவாசைக்குப் பிறகு வரும் வளர்பிறை பிரதமை திதி அன்று தொடங்கி, சஷ்டி திதி அன்று நிறைவடையும் ஆறு நாள் விரதமே கந்த சஷ்டி விரதம். ஆறு நாட்களில் சூரசம்ஹாரமும், ஏழாம் நாள் திருக்கல்யாணமும் நடைபெறும்.

புராண மரபின்படி, தேவர்களைத் துன்புறுத்திய சூரபத்மன் என்ற அசுரனை எதிர்த்து முருகப்பெருமான் ஆறு நாட்கள் போரிட்டு வெற்றி பெற்றார். அந்த வெற்றியை நினைவுகூரும் வகையில் ஆறாம் நாளில் சூரசம்ஹாரம் கொண்டாடப்படுகிறது.

தீமையை வென்று நன்மை நிலைநாட்டப்படுவதன் அடையாளமாக இந்த விழா பக்தர்களால் போற்றப்படுகிறது. குறிப்பாகத் திருச்செந்தூர் முருகன் கோயிலில் நடைபெறும் சூரசம்ஹார விழா மிகவும் புகழ்பெற்றது.

கந்த சஷ்டி விரதம் எத்தனை நாட்கள் இருக்க வேண்டும்?

கந்த சஷ்டி விரதத்தைப் பக்தர்கள் தங்கள் குடும்ப வழக்கம், உடல்நிலை, வேண்டுதல் ஆகியவற்றுக்கு ஏற்ப வெவ்வேறு கால அளவுகளில் கடைப்பிடிக்கிறார்கள்.

விரத முறை மற்றும் விரதம் தொடங்கும் நாள்

48 நாட்கள் மண்டல விரதம் - செப்டம்பர் 29

21 நாட்கள் விரதம் - அக்டோபர் 26

11 நாட்கள் விரதம் - நவம்பர் 5

6 நாட்கள் கந்த சஷ்டி விரதம் - நவம்பர் 10

ஒரு நாள் விரதம் - நவம்பர் 15

கந்த சஷ்டி விரதம் இருப்பது எப்படி?

அதிகாலையில் எழுந்து குளித்துவிட்டு வீட்டைச் சுத்தம் செய்து, மனதார வேண்டிக்கொண்டு விரதத்தைத் தொடங்குங்கள்.
முருகப்பெருமான் படத்துக்கு முன்பு விளக்கேற்றி, பூக்களால் அலங்கரியுங்கள்.
கந்த சஷ்டி கவசம் அல்லது திருப்புகழைப் பாராயணம் செய்யலாம்.
“ஓம் சரவணபவ” என்ற மந்திரத்தை உச்சரிக்கலாம்.
இயன்றால் முருகன் கோயிலுக்குச் சென்று தரிசனம் செய்யலாம்.
உணவு, பேச்சு, செயல்களில் நிதானத்தைக் கடைப்பிடித்து, மனதை இறைவழிபாட்டில் ஈடுபடுத்தலாம்.

கந்த சஷ்டி விரதம் இருப்பவர்கள் அனைவரும் ஆறு நாட்களும் உணவு உண்ணாமல் இருக்க வேண்டும் என்ற கட்டாயம் இல்லை.

ஒருவேளை உணவு: சைவ உணவை ஒருவேளை மட்டும் உட்கொள்ள வேண்டும்.
பால், பழம்: உடல்நிலைக்கு ஏற்ற வகையில் பால், பழங்கள் போன்றவற்றை எடுத்துக்கொள்வது.

குறிப்பு : விரதம் இருப்பதால் உடல்நலத்துக்குப் பாதிப்பு ஏற்படக் கூடாது. நீரிழிவு நோய் உள்ளவர்கள், கர்ப்பிணிகள், பாலூட்டும் தாய்மார்கள், முதியவர்கள், மருந்துகளை உணவுடன் எடுத்துக்கொள்ள வேண்டியவர்கள் நீண்ட நேரம் உணவு தவிர்ப்பதற்கு முன்பு மருத்துவரிடம் ஆலோசனை பெற வேண்டும். குழந்தைகளைக் கடுமையான உபவாசம் இருக்கச் செய்வதையும் தவிர்க்க வேண்டும்.

கந்த சஷ்டி விரதத்தின் ஆன்மிகச் சிறப்புகள்

முருகப்பெருமானை மனமுருகி வழிபடுவதன் மூலம் மன உறுதியும் நம்பிக்கையும் கிடைக்கும் என்பது பக்தர்களின் நம்பிக்கை.
குடும்ப நலனுக்காகப் பிரார்த்தனை செய்வது.
மனக்கவலைகள் நீங்கி அமைதி கிடைக்க வேண்டுதல்.
கல்வி, வேலை, தொழில் உள்ளிட்ட முயற்சிகளில் வெற்றி கிடைக்கப் பிரார்த்தனை செய்தல்.
திருமணம், குழந்தைப்பேறு உள்ளிட்ட குடும்ப வேண்டுதல்களை முன்வைத்தல்.
தீய எண்ணங்களைத் தவிர்த்து நல்ல வழியில் வாழ உறுதிகொள்ளுதல்.

விரதம் நிறைவு செய்யும் நாள்

சூரசம்ஹாரத்தின் மறுநாளான சப்தமி திதியில், முருகப்பெருமானுக்கும் தெய்வானை அம்மைக்கும் திருக்கல்யாணம் நடைபெறுகிறது. சூரபத்மனை வதம் செய்து வெற்றி பெற்ற முருகப்பெருமானுக்கு நடைபெறும் இந்த மங்கல நிகழ்வு, கந்த சஷ்டி விழாவின் முக்கியமான பகுதியாகக் கருதப்படுகிறது.

தீமையை அழித்து நன்மையை நிலைநாட்டிய பிறகு, மகிழ்ச்சியும் மங்கலமும் நிறைந்த புதிய அத்தியாயம் தொடங்குவதன் அடையாளமாக இந்தத் திருக்கல்யாணம் போற்றப்படுகிறது. இதையடுத்து, பக்தர்கள் தங்கள் குடும்ப வழக்கம் மற்றும் கோயில் மரபின்படி விரதத்தை நிறைவு செய்து முருகப்பெருமானை வழிபடுகின்றனர்.

குறிப்பு : இவை ஆன்மிக நம்பிக்கைகளின் அடிப்படையில் கூறப்படும் பலன்கள். விரதம் இருப்பதால் குறிப்பிட்ட பலன் நிச்சயம் கிடைக்கும் என்பதற்கு அறிவியல் உறுதி இல்லை.

Sankatahara Chaturthi : ஐப்பசி சங்கடஹர சதுர்த்தி ..விநாயகரை வழிபட வேண்டிய நாள், விரத முறை, பூஜை நேரம், பலன்கள்!

Vishnupriya — Tue, 27 Oct 2026 08:09:31 +0530

Sankatahara Chaturthi : ஐப்பசி சங்கடஹர சதுர்த்தி அக்டோபர் 29, வியாழக்கிழமை வருகிறது. விநாயகர் வழிபாடு, விரத முறை, அருகம்புல் மற்றும் கொழுக்கட்டை படைக்கும் முறை, சந்திர தரிசன நேரம், ஆன்மிகப் பலன்கள் குறித்து முழுமையாகத் தெரிந்துகொள்ளுங்கள்.

வாழ்க்கையில் எத்தனை தடைகள் வந்தாலும், மனதார “பிள்ளையாரப்பா” என்று அழைத்தால் வழிகாட்டுவார் விநாயகப் பெருமான் என்பது பக்தர்களின் அசைக்க முடியாத நம்பிக்கை.

புதிய முயற்சிகளைத் தொடங்கும்போதும், குடும்பத்தில் மகிழ்ச்சி நிலைக்க வேண்டும் என்று வேண்டும்போதும், கல்வி மற்றும் தொழிலில் முன்னேற்றம் கிடைக்க வேண்டும் என்று நினைக்கும்போதும் முதலில் நினைவுக்கு வருபவர் முழுமுதற்கடவுளான விநாயகர்தான்.

அத்தகைய விநாயகப் பெருமானை மனமுருகி வழிபட்டு, துன்பங்கள் நீங்கி வாழ்வில் நிம்மதியும் வளமும் பெருக வேண்டும் என்று பக்தர்கள் விரதம் கடைப்பிடிக்கும் சிறப்பான நாள்தான் சங்கடஹர சதுர்த்தி.

ஐப்பசி மாதத்தில் வரும் இந்த விரத நாளில் விநாயகருக்கு அருகம்புல் சாற்றி, கொழுக்கட்டை படைத்து, மாலை வேளையில் சந்திரனைத் தரிசித்துப் பிரார்த்தனை செய்வது சிறப்பாகக் கருதப்படுகிறது.

அந்த வகையில், 2026ஆம் ஆண்டு ஐப்பசி சங்கடஹர சதுர்த்தி எப்போது வருகிறது? அன்று எந்த நேரத்தில் விநாயகரை வழிபட வேண்டும்? விரதத்தை எப்படிக் கடைப்பிடிக்க வேண்டும்? என்னென்ன பொருட்களைப் படைக்கலாம்? வாருங்கள், முழுமையாகத் தெரிந்துகொள்வோம்.

சங்கடம் என்றால் துன்பம் அல்லது இடையூறு; ஹர என்றால் நீக்குதல். வாழ்க்கையில் ஏற்படும் தடைகள், துன்பங்கள் நீங்கி மன அமைதியும், நன்மைகளும் கிடைக்க வேண்டும் என்ற நம்பிக்கையில் விநாயகரை வழிபடும் விரதமே சங்கடஹர சதுர்த்தி.

சங்கடஹர சதுர்த்தி எப்போது அனுசரிக்கப்படுகிறது?

ஒவ்வொரு மாதமும் பௌர்ணமிக்குப் பிறகு வரும் தேய்பிறை நான்காம் நாளான சதுர்த்தி திதியில் சங்கடஹர சதுர்த்தி அனுசரிக்கப்படுகிறது. விநாயகரின் அருளைப் பெறுவதற்கான முக்கியமான மாதாந்திர விரதங்களில் ஒன்றாக இது விளங்குகிறது. சங்கடஹர சதுர்த்தி செவ்வாய்க்கிழமையில் வந்தால், அது அங்காரக சதுர்த்தி என்று அழைக்கப்படுகிறது.

ஐப்பசி சங்கடஹர சதுர்த்தி எப்போது?

ஐப்பசி மாத சங்கடஹர சதுர்த்தி நாளை மறுநாள் (அக்டோபர் 29) ஆம் தேதி அனுசரிக்கப்படுகிறது. அன்று தேய்பிறை சதுர்த்தி திதி நிலவுகிறது.

விரத நாள் - அக்டோபர் 29, வியாழக்கிழமை

சதுர்த்தி திதி தொடக்கம் - அதிகாலை 1:06 மணி

சதுர்த்தி திதி முடிவு - இரவு 10:09 மணி

சந்திர உதயம் - இரவு சுமார் 8:39–8:44 மணி

ஐப்பசி மாதம் ஆன்மிக வழிபாடுகள், கோயில் திருவிழாக்கள், விரதங்கள் ஆகியவற்றுக்குச் சிறப்புடைய மாதமாகக் கருதப்படுகிறது. இந்த மாதத்தில் வரும் சங்கடஹர சதுர்த்தியன்று விநாயகரை வழிபடுவதன் மூலம் குடும்பத்தில் மகிழ்ச்சி நிலவவும், மனக்கவலைகள் குறையவும், முயற்சிகளில் நல்ல முன்னேற்றம் கிடைக்கவும் பக்தர்கள் பிரார்த்தனை செய்கிறார்கள்.

பின்வரும் வேண்டுதல்களுடன் பக்தர்கள் விநாயகரை வழிபடுவது வழக்கம்,

கல்வியில் சிறந்து விளங்க வேண்டும்.
தொழில் மற்றும் வேலைவாய்ப்பில் முன்னேற்றம் கிடைக்க வேண்டும்.
குடும்பத்தில் ஒற்றுமையும் அமைதியும் நிலவ வேண்டும்.
புதிய முயற்சிகளில் உள்ள தடைகள் விலக வேண்டும்.
மனக்குழப்பங்கள் குறைந்து தெளிவான முடிவுகளை எடுக்க வேண்டும்.

அதிகாலை வழிபாடு : காலையில் எழுந்து குளித்து, வீட்டின் பூஜையறையைச் சுத்தம் செய்து விநாயகரின் படம் அல்லது சிலையை வைத்து வழிபாட்டைத் தொடங்கலாம்.

விரதம் : தங்கள் குடும்ப வழக்கத்துக்கு ஏற்ப முழு உண்ணாவிரதம், பழங்கள் மட்டும் உண்ணும் விரதம் அல்லது எளிய உணவுடன் விரதம் இருக்கலாம். உடல்நலத்துக்கு ஏற்ற வகையைத் தேர்ந்தெடுப்பது அவசியம்.

மாலை நேர பூஜை : மாலையில் விளக்கேற்றி, விநாயகருக்கு மலர்கள், அருகம்புல், பழங்கள், கொழுக்கட்டை போன்றவற்றைப் படைத்து வழிபடலாம்.

சந்திர தரிசனம் : இரவில் சந்திரன் உதித்ததும், வழக்கப்படி சந்திரனுக்குத் தண்ணீர் அர்ப்பணித்து வணங்கி, விநாயகரைப் பிரார்த்தித்த பிறகு விரதத்தை நிறைவு செய்யலாம்

அருகம்புல் மற்றும் மலர்கள்

கொழுக்கட்டை மற்றும் இனிப்புகள் - கொழுக்கட்டை, மோதகம், லட்டு போன்ற இனிப்புகளை நைவேத்தியமாகப் படைக்கலாம்.

பூஜைத் தட்டு - குத்துவிளக்கு அல்லது அகல் விளக்கு, கற்பூரம், ஊதுபத்தி, சந்தனம், குங்குமம், தேங்காய், வாழைப்பழம் மற்றும் பிற பழங்களைத் வைத்து வழிபடலாம்.

சங்கடஹர சதுர்த்தி அன்று சொல்ல வேண்டிய விநாயகர் மந்திரம் : ஓம் கம் கணபதயே நமஹ - 108 முறை அல்லது இயன்ற அளவு மனதை ஒருமுகப்படுத்திச் சொல்லலாம்.

தடைகள் நீங்குதல்: தொடங்கும் செயல்களில் உள்ள இடையூறுகள் விலக வேண்டும் என்று பிரார்த்திக்கலாம்.

கல்வியில் முன்னேற்றம்: மாணவர்கள் நினைவாற்றல், கவனம், தேர்வில் வெற்றி ஆகியவற்றுக்காக வேண்டிக்கொள்கிறார்கள்.

தொழில் வளர்ச்சி: புதிய வாய்ப்புகள் கிடைக்கவும், பணிகளில் முன்னேற்றம் ஏற்படவும் வழிபடுகிறார்கள்.

குடும்ப நிம்மதி: குடும்ப உறுப்பினர்களிடையே ஒற்றுமை மற்றும் புரிந்துணர்வு நிலவ வேண்டும் என்று வேண்டுகிறார்கள்.

மன உறுதி: விரதமும் வழிபாடும் மனதை ஒருமுகப்படுத்தவும் சுயக்கட்டுப்பாட்டை வளர்க்கவும் உதவலாம்.

ஐப்பசி சங்கடஹர சதுர்த்தி நாளில் விநாயகரை மனமுருகி வழிபட்டு, அருகம்புல் சாற்றி, கொழுக்கட்டை படைத்து, சந்திர தரிசனத்துடன் விரதத்தை நிறைவு செய்யுங்கள். விக்னங்கள் தீர்க்கும் விநாயகப் பெருமானே, எங்கள் வாழ்வில் நன்மையும் நிம்மதியும் அருள்வாயாக என்ற பிரார்த்தனையுடன் இந்த விரத நாளைக் கடைப்பிடிக்கலாம்.

Salt Beliefs : வீட்டில் உப்பு தீர்ந்துபோனால் செல்வம் குறையுமா? மகாலட்சுமி அருள் குறித்து ஆன்மிக நம்பிக்கைகள்!

Vishnupriya — Thu, 22 Oct 2026 08:25:20 +0530

Salt Beliefs : வீட்டில் உப்பு தீர்ந்துபோனால் என்ன நடக்கும்? வெள்ளிக்கிழமையில் உப்பு வாங்குவது, உப்பைக் கடனாகக் கொடுப்பது, செல்வம் மற்றும் மகாலட்சுமி அருள் தொடர்பான ஆன்மிக நம்பிக்கைகளை அறிந்துகொள்ளுங்கள்.

வீட்டில் அரிசி, பருப்பு, எண்ணெய் என அத்தியாவசியப் பொருட்கள் தீர்ந்துபோனால் உடனே வாங்கி வைத்துவிடுவோம். ஆனால், சமையலறையில் அன்றாடம் பயன்படுத்தும் உப்பு தீர்ந்துபோனால் அதைச் சாதாரணமாக எடுத்துக்கொள்ளலாமா? அல்லது இதற்குப் பின்னால் ஏதேனும் ஆன்மிக நம்பிக்கைகள் இருக்கின்றனவா?

குறிப்பாக, உப்புக்கும் மகாலட்சுமியின் அருளுக்கும், வீட்டின் செல்வ வளத்துக்கும் தொடர்பு இருப்பதாகச் சிலர் நம்புகிறார்கள். உப்பு என்பது உணவின் சுவையை அதிகரிக்கும் பொருள் மட்டுமல்ல. பல்வேறு கலாசாரங்களிலும் பாரம்பரிய நம்பிக்கைகளிலும் அது தூய்மை, பாதுகாப்பு, செழிப்பு ஆகியவற்றின் அடையாளமாகக் கருதப்படுகிறது.

வீட்டில் உப்பு இல்லாமல் போவது, உப்பைக் கடனாகக் கொடுப்பது, வெள்ளிக்கிழமையில் உப்பு வாங்குவது என ஒவ்வொன்றைப் பற்றியும் பலவிதமான நம்பிக்கைகள் சொல்லப்படுகின்றன.

அப்படியானால், வீட்டில் உப்பு தீர்ந்துபோனால் உண்மையிலேயே செல்வம் குறையுமா? அதிர்ஷ்டம் பாதிக்கப்படுமா? இந்த நம்பிக்கைகள் என்ன சொல்கின்றன என்பதை விரிவாகப் பார்ப்போம்.

ஆன்மிக மற்றும் பாரம்பரிய நம்பிக்கைகளின்படி, உப்பு வீட்டின் வளத்துடனும் செழிப்புடனும் தொடர்புபடுத்தப்படுகிறது. இதனால், வீட்டில் உப்பு முற்றிலும் தீர்ந்துபோகாமல் பார்த்துக்கொள்ள வேண்டும்.

செல்வ வளத்தின் அடையாளம்

சமையலறையில் உப்பு எப்போதும் இருப்பது, குடும்பத்தில் உணவுக்கும், வாழ்வாதாரத்துக்கும் குறைவில்லாத நிலையை அடையாளப்படுத்துவதாகக் கருதப்படுகிறது.

வீட்டில் குறைவில்லாத வாழ்க்கை

உப்பு உள்ளிட்ட அத்தியாவசியப் பொருட்களைத் தீர்வதற்கு முன்பே வாங்கி வைப்பது, குடும்பத்தில் ஒழுங்கையும், நிறைவையும் பேணுவதற்கான நல்ல பழக்கமாகவும் பார்க்கப்படுகிறது.

மகாலட்சுமியின் அருளுடன் தொடர்பு

சில பாரம்பரிய நம்பிக்கைகளில் உப்பு செழிப்பின் அடையாளமாகப் பார்க்கப்படுகிறது. அதனால் உப்பை வீணாக்கக் கூடாது என்றும், சமையலறையில் அதை முறையாக வைத்திருக்க வேண்டும் என்றும் கூறுவார்கள்.

வெள்ளிக்கிழமையில் உப்பு வாங்கினால் செல்வம் பெருகுமா?

வெள்ளிக்கிழமையில் உப்பு வாங்கி வீட்டில் வைப்பது செல்வ வளத்தின் அடையாளமாகக் கருதப்படுகிறது.
வீட்டில் உணவுப் பொருட்கள் குறைவில்லாமல் இருக்க வேண்டும் என்ற எண்ணத்தை இது பிரதிபலிக்கிறது.
சமையலறையைத் தூய்மையாகவும், ஒழுங்காகவும் வைத்திருப்பது குடும்பத்தின் நலனுடன் தொடர்புபடுத்தப்படுகிறது.

உப்பைக் கடனாகக் கொடுத்தால் செல்வம் குறையுமா?

உப்பை வீட்டின் வளத்துடன் தொடர்புபடுத்துவதால், அதை வீட்டிலிருந்து கொடுப்பது செல்வம் வெளியேறுவதற்கு ஒப்பானது என்று கருதப்படுகிறது.
மாலை நேரம் மகாலட்சுமியை வழிபடுவதற்கான முக்கியமான நேரமாகக் கருதப்படுவதால், அந்த நேரத்தில் உப்பு உள்ளிட்ட சில பொருட்களைக் கொடுப்பதைத் தவிர்க்கும் பழக்கம் சில குடும்பங்களில் உள்ளது.
சில கலாசாரங்களில் உப்பைக் கொட்டுவது துரதிர்ஷ்டத்தின் அறிகுறியாக நம்பப்படுகிறது.

வீட்டில் உப்பை எந்த இடத்தில் வைக்க வேண்டும்?

உப்பைச் சமையலறையின் தென்மேற்கு பகுதியில் வைப்பது வீட்டின் நிலைத்தன்மைக்கும் செல்வ வளத்துக்கும் நல்லது என்று நம்புகின்றனர்.

வீட்டில் உப்பு தீர்ந்துபோனால் செல்வம் குறையும், அதிர்ஷ்டம் விலகும் என்று கவலைப்படத் தேவையில்லை. உப்பு என்பது உணவின் சுவைக்கும் அன்றாட வாழ்க்கைக்கும் இன்றியமையாத பொருள். அதே நேரத்தில், சில பாரம்பரிய நம்பிக்கைகளில் அது செழிப்பு, நிறைவு, மங்களம் ஆகியவற்றின் அடையாளமாகக் கருதப்படுகிறது.

Kuladeivam Worship : குலதெய்வம் வழிபாடு ஏன் ஒவ்வொரு குடும்பத்திற்கும் முக்கியம்? முன்னோர்கள் பின்பற்றிய மரபுகளின் சிறப்புகள்!

Vishnupriya — Mon, 02 Nov 2026 15:31:13 +0530

Kuladeivam Worship : குலதெய்வ வழிபாடு ஒவ்வொரு குடும்பத்திற்கும் ஏன் முக்கியம் தெரியுமா? முன்னோர்கள் பின்பற்றிய பொங்கல் வழிபாடு, நேர்த்திக்கடன், சிறப்பு பூஜைகள், குலதெய்வக் கோயில் மரபுகள் மற்றும் அதன் ஆன்மிக நம்பிக்கைகளை விரிவாக அறிந்துகொள்ளுங்கள்.

ஒரு குடும்பம் தலைமுறை தலைமுறையாகக் கடைப்பிடித்து வரும் வழிபாடுகளிலும், நம்பிக்கைகளிலும் மிகவும் முக்கியமான இடத்தைப் பிடித்திருப்பது குலதெய்வ வழிபாடு. எத்தனை கோயில்களுக்குச் சென்று வழிபட்டாலும், எத்தனை தெய்வங்களை வணங்கினாலும், தங்களுடைய குலத்தைக் காத்து வரும் குலதெய்வத்தை மறக்கக் கூடாது என்று நம் முன்னோர்கள் கூறியுள்ளனர்.

நம் தாத்தா, பாட்டி காலத்தில் இருந்து இன்று வரை சில குடும்பங்களில் ஒரு குறிப்பிட்ட நாளில் குலதெய்வக் கோயிலுக்குச் செல்வது, பொங்கல் வைத்து வழிபடுவது, நேர்த்திக்கடன் செலுத்துவது எனப் பல மரபுகள் தொடர்ந்து வருகின்றன.

இவை வெறும் சடங்குகள் மட்டுமல்ல, ஒரு குடும்பத்தின் வேரையும், தலைமுறை உறவுகளையும், முன்னோர்களின் பக்தியையும் நினைவுபடுத்தும் புனிதமான அடையாளங்களாகப் பார்க்கப்படுகின்றன.

குலதெய்வத்தை வணங்கினால் குலம் தழைக்கும், குலதெய்வத்தின் அருள் இருந்தால் குடும்பத்தில் நிம்மதியும் மகிழ்ச்சியும் பெருகும் என்பது பல தலைமுறைகளாகத் தமிழர்களிடையே நிலவி வரும் ஆழமான ஆன்மிக நம்பிக்கை.

அப்படியானால், குலதெய்வம் என்றால் என்ன? ஒவ்வொரு குடும்பத்திற்கும் குலதெய்வ வழிபாடு ஏன் அவசியமாகக் கருதப்படுகிறது? முன்னோர்கள் எந்தெந்த முறைகளில் குலதெய்வத்தை வழிபட்டனர்? குலதெய்வக் கோயிலுக்குச் செல்லும்போது கடைப்பிடிக்க வேண்டிய மரபுகள் என்னென்ன? விரிவாகப் பார்க்கலாம்.

குலதெய்வம் என்பது ஒரு குறிப்பிட்ட குடும்பம் அல்லது குலத்தைச் சேர்ந்தவர்கள் தங்களுடைய தலைமுறை தலைமுறையாக வழிபட்டு வரும் தெய்வமாகும்.

பொதுவாக, ஒரு குடும்பத்தின் முன்னோர்கள் தங்களுக்குப் பாதுகாப்பையும், நல்வாழ்வையும் அளிக்கும் தெய்வமாகக் கருதி வழிபட்டு வந்த தெய்வமே, அந்தக் குடும்பத்தின் குலதெய்வமாகத் தொடர்கிறது. குலதெய்வம் ஆண் தெய்வமாகவும் இருக்கலாம், பெண் தெய்வமாகவும் இருக்கலாம்.

மாரியம்மன்
காளியம்மன்
அங்காளம்மன்
கருப்பசாமி
முனீஸ்வரர்
ஐயனார்
மதுரைவீரன்
சுடலைமாடன்
பேச்சியம்மன்

இவ்வாறு பல்வேறு தெய்வங்களைத் தமிழகக் குடும்பங்கள் தங்களுடைய குலதெய்வங்களாக வழிபட்டு வருகின்றன.

சில குடும்பங்களுக்குக் குலதெய்வக் கோயில் தங்களுடைய பூர்வீகக் கிராமத்தில் இருக்கும். வேலை, திருமணம், தொழில் உள்ளிட்ட காரணங்களால் வேறு ஊர்களுக்குச் சென்றாலும், ஆண்டுக்கு ஒருமுறையாவது சொந்த ஊருக்குச் சென்று குலதெய்வத்தை வழிபடும் பழக்கம் பல குடும்பங்களில் இன்றும் தொடர்கிறது.

ஆன்மிக நம்பிக்கைகளின்படி, குலதெய்வம் என்பது ஒரு குடும்பத்தின் காவல் தெய்வமாகக் கருதப்படுகிறது. குடும்பத்தில் உள்ள அனைவரும் நலமுடன் வாழவும், துன்பங்கள் நீங்கி நல்லவை நடைபெறவும் குலதெய்வத்தின் அருள் துணையாக இருக்கும் என்பது பக்தர்களின் நம்பிக்கை.குடும்பத்தின் பாரம்பரியத்தைப் பாதுகாக்கிறது

ஒரு குடும்பத்தின் முன்னோர்கள் எந்தத் தெய்வத்தை வழிபட்டார்கள், எந்தக் கோயிலுக்குச் சென்றார்கள், என்னென்ன நேர்த்திக்கடன்களைச் செலுத்தினார்கள் என்பதை அடுத்த தலைமுறைக்குக் கொண்டு சேர்ப்பதில் குலதெய்வ வழிபாடு முக்கியப் பங்கு வகிக்கிறது.

பொதுவாகக் குடும்பத்தில் உள்ள அனைவரும் ஒன்றாகச் சேர்ந்து குலதெய்வக் கோயிலுக்குச் செல்வார்கள். இதனால் உறவினர்கள் சந்தித்துப் பேசவும், குடும்ப உறவுகளைப் புதுப்பிக்கவும் வாய்ப்பு கிடைக்கிறது.

மன அமைதியையும் நம்பிக்கையையும் தருகிறது

வாழ்க்கையில் பல்வேறு சவால்களை எதிர்கொள்ளும்போது, தங்களுடைய குலதெய்வத்தை நினைத்து வழிபடுவது மனதிற்கு ஆறுதலையும், நம்பிக்கையையும் அளிப்பதாகப் பக்தர்கள் கருதுகின்றனர்.

முன்னோர்களின் நினைவுகளைப் போற்றுகிறது

குலதெய்வ வழிபாட்டின் மூலம் தங்களுடைய குடும்ப வேர்களையும், முன்னோர்கள் பின்பற்றிய நல்ல மரபுகளையும் அடுத்த தலைமுறையினர் அறிந்துகொள்ள முடிகிறது.

நம் முன்னோர்கள் குலதெய்வ வழிபாட்டை மிகவும் பக்தியுடனும், குடும்ப மரபுகளைப் பின்பற்றியும் மேற்கொண்டு வந்தனர். அந்த வழிபாட்டு முறைகள் ஒவ்வொரு ஊருக்கும், குடும்பத்திற்கும், தெய்வத்திற்கும் ஏற்ப மாறுபடும்.

ஆண்டுக்கு ஒருமுறை குலதெய்வக் கோயிலுக்குச் செல்வது

முன்னோர்கள் ஆண்டுக்கு ஒருமுறை குடும்பத்துடன் குலதெய்வக் கோயிலுக்குச் சென்று வழிபடுவதை முக்கியமான கடமையாகக் கருதினர். குறிப்பாக, தங்களுடைய குடும்பத்தில் வழக்கமாகக் கடைப்பிடிக்கப்படும் திருவிழா நாளிலோ, குறிப்பிட்ட மாதத்திலோ கோயிலுக்குச் சென்று வழிபடுவார்கள்.

பொங்கல் வைத்து வழிபடுவது

பல குடும்பங்களில் குலதெய்வக் கோயிலில் பொங்கல் வைத்து வழிபடும் மரபு உள்ளது. அரிசி, வெல்லம், பால் போன்றவற்றைக் கொண்டு பொங்கல் தயாரித்து தெய்வத்திற்குப் படைத்து வழிபடுவார்கள். சில இடங்களில் சர்க்கரைப் பொங்கல், வெண் பொங்கல் என வழிபாட்டு முறைகள் மாறுபடும்.

குடும்பத்தினர் அனைவரும் ஒன்றாக வழிபடுவது

குலதெய்வ வழிபாட்டில் குடும்ப ஒற்றுமைக்கு முன்னோர்கள் அதிக முக்கியத்துவம் கொடுத்தனர். திருமணமான மகன்கள், மகள்கள், பேரக்குழந்தைகள் என அனைவரும் ஒன்றாகச் சேர்ந்து வழிபடுவது சில குடும்பங்களில் வழக்கமாக உள்ளது.

நேர்த்திக்கடன் செலுத்துவது

குடும்பத்தில் திருமணம், குழந்தைப் பேறு, புதிய வீடு, தொழில் வளர்ச்சி போன்ற வேண்டுதல்கள் நிறைவேறிய பிறகு குலதெய்வத்திற்குத் தங்களால் இயன்ற நேர்த்திக்கடனைச் செலுத்துவார்கள்.

குலதெய்வச் சன்னதியில் தீபம் ஏற்றி, மலர்கள் சமர்ப்பித்து, குடும்பத்தின் நலனுக்காகப் பிரார்த்தனை செய்வது பல குடும்பங்களில் பின்பற்றப்படும் வழக்கமாகும்.

குடும்ப வழக்கப்படி படையல் இடுவது

சில குலதெய்வக் கோயில்களில் சைவப் படையலும், சில கோயில்களில் அந்தந்தத் தெய்வ மரபுக்கு ஏற்ப அசைவப் படையலும் வழக்கத்தில் இருக்கலாம். இதனை அந்தந்தக் குடும்ப மரபு மற்றும் கோயில் நடைமுறைக்கு ஏற்ப பின்பற்றுவார்கள்.

குலதெய்வ வழிபாட்டிற்கு எல்லாக் குடும்பங்களுக்கும் பொதுவான ஒரே நாள் கிடையாது. ஒவ்வொரு குடும்பமும் தங்களுடைய முன்னோர்கள் பின்பற்றிய வழக்கத்தின்படி குறிப்பிட்ட நாட்களில் வழிபடுவது வழக்கம்.

பொதுவாக முக்கியத்துவம் பெறும் நாட்கள்

ஆடி மாதம்: அம்மன் மற்றும் கிராமத் தெய்வ வழிபாடுகளுக்கு முக்கியத்துவம் அளிக்கும் குடும்பங்கள் இந்த மாதத்தில் சிறப்பு வழிபாடு நடத்துகின்றன.

தை மாதம்: பொங்கல் பண்டிகையை முன்னிட்டு சில குடும்பங்கள் குலதெய்வக் கோயிலுக்குச் சென்று பொங்கல் வைத்து வழிபடுகின்றன.

மாசி மாதம்: சில குலதெய்வக் கோயில்களில் மாசி மாதத் திருவிழாக்கள் சிறப்பாக நடைபெறுகின்றன.

சித்திரை மாதம்: சில கிராமங்களில் குலதெய்வம் மற்றும் காவல் தெய்வங்களுக்கான திருவிழாக்கள் நடைபெறுகின்றன.

குடும்ப விசேஷ நாட்கள்: திருமணம், குழந்தையின் முதல் மொட்டை, காது குத்துதல், புதிய வீடு கட்டுதல் போன்ற முக்கிய நிகழ்வுகளுக்கு முன்போ அல்லது பின்போ குலதெய்வத்தை வழிபடுவார்கள்.

எனவே, எந்த மாதத்தில் வழிபட வேண்டும் என்பதைவிட, தங்களுடைய குடும்பத்தில் காலங்காலமாகப் பின்பற்றப்படும் வழக்கத்திற்கு முக்கியத்துவம் கொடுப்பதே சிறந்தது.

குலதெய்வ வழிபாடு என்பது வெறும் கோயிலுக்குச் சென்று வேண்டிக்கொள்வதோடு முடிந்துவிடுவதில்லை. அது ஒரு குடும்பத்தின் வரலாறு, பாரம்பரியம், நம்பிக்கை, ஒற்றுமை ஆகியவற்றை ஒரே புள்ளியில் இணைக்கும் ஆன்மிக மரபாகும்.

நம் முன்னோர்கள் வாழ்ந்த ஊர், அவர்கள் வழிபட்ட தெய்வம், அவர்கள் கடைப்பிடித்த நேர்த்திக்கடன், குடும்பத்தினர் அனைவரும் ஒன்றாகச் சேர்ந்து கொண்டாடிய திருவிழா எனப் பல நினைவுகளை இந்த வழிபாடு நமக்கு நினைவூட்டுகிறது.

காலங்கள் மாறலாம். தலைமுறைகள் மாறலாம். குடும்பத்தினர் வெவ்வேறு ஊர்களில் வசிக்கலாம். ஆனால் தங்களுடைய குடும்பத்தின் வேர்களை மறக்காமல், முன்னோர்கள் பின்பற்றிய நல்ல மரபுகளை அடுத்த தலைமுறைக்குக் கொண்டு செல்வதுதான் குலதெய்வ வழிபாட்டின் மிகப்பெரிய சிறப்பாகும்.

குலதெய்வம் என்பது ஒரு குடும்பத்தின் நம்பிக்கை மட்டுமல்ல, தலைமுறை தலைமுறையாகத் தொடரும் ஆன்மிகப் பிணைப்பு.

Pillow Vastu: தலையணைக்கு அடியில் வைக்கக் கூடாத 5 பொருட்கள்! வாஸ்து சொல்லும் காரணம்

Raghupati R — Tue, 27 Oct 2026 22:27:53 +0530

Pillow Vastu: வாஸ்து சாஸ்திர நம்பிக்கைகளின்படி, சில பொருட்களைப் படுக்கைக்கு அருகில் வைப்பதைத் தவிர்ப்பது நல்லது என்று கூறப்படுகிறது. அந்தப் பட்டியலில் உள்ள 5 பொருட்கள் என்னென்ன? அவற்றை ஏன் வேறு இடத்தில் வைக்க வேண்டும்? விரிவாகப் பார்க்கலாம்.

இரவில் தூங்கும்போது நம்முடன் மொபைல், பணப்பை, வீட்டுச் சாவி போன்ற பொருட்களை அருகிலேயே வைத்துக்கொள்ளும் பழக்கம் பலரிடம் இருக்கிறது. காலையில் எழுந்தவுடன் அவற்றைத் தேட வேண்டியதில்லை என்பதற்காகச் சிலர் தலையணைக்கு அடியில்கூட வைத்துக்கொள்கிறார்கள். ஆனால், வாஸ்து சாஸ்திர நம்பிக்கைகளின்படி, தூங்கும் இடத்தைச் சுத்தமாகவும் அமைதியாகவும் வைத்திருப்பது முக்கியம் என்று கூறப்படுகிறது. சில பொருட்களைத் தலையணைக்கு அடியில் வைப்பது நல்லதல்ல என்றும், அவற்றை அதற்கென ஒதுக்கப்பட்ட இடத்தில் வைப்பது சிறந்தது என்றும் வாஸ்து நிபுணர்கள் பரிந்துரைக்கின்றனர். குறிப்பாக, பணப்பையைத் தலையணைக்கு அடியில் வைத்தால் பணப் பிரச்சினைகள் ஏற்படலாம் என்ற நம்பிக்கையும் சிலரிடம் உள்ளது. இருப்பினும், இத்தகைய நம்பிக்கைகளுக்கு அறிவியல் ஆதாரம் இல்லை. தலையணைக்கு அடியில் பொருட்களை வைப்பதால் பண இழப்பு அல்லது அதிர்ஷ்டக் குறைவு ஏற்படும் என்று உறுதியாகக் கூற முடியாது. இந்தப் பின்னணியில், இரவில் தலையணைக்கு அடியில் வைக்காமல் இருப்பது நல்லது என்று வாஸ்து நம்பிக்கைகள் குறிப்பிடும் ஐந்து பொருட்களைப் பார்ப்போம்.

பணம், வங்கி அட்டைகள், அடையாள அட்டைகள் போன்றவற்றை வைத்திருக்கும் பணப்பையைப் பாதுகாப்பாக வைத்திருப்பது அவசியம். வாஸ்து நம்பிக்கைகளின்படி, பணப்பையைத் தலையணைக்கு அடியில் வைத்து உறங்குவது நல்லதல்ல என்று கூறப்படுகிறது. இவ்வாறு செய்வதால் பொருளாதாரச் சிக்கல்கள் ஏற்படலாம் என்பது சில மத நம்பிக்கைகளில் சொல்லப்படும் கருத்து மட்டுமே. நடைமுறையில், பணப்பையைத் தலையணைக்கு அடியில் வைப்பதற்குப் பதிலாகப் பாதுகாப்பான அலமாரி அல்லது குறிப்பிட்ட இடத்தில் வைக்கலாம். இதனால் பணப்பை தவறி விழுவது, தொலைந்து போவது போன்ற சிக்கல்களைத் தவிர்க்க உதவும்.

பலரும் தூங்குவதற்கு முன்பு மொபைல்யைப் பயன்படுத்துவதுடன், தூங்கும்போதும் அதைத் தலையணைக்கு அடியில் வைத்துக்கொள்கிறார்கள். ஆனால், மொபைல்யிலிருந்து வரும் அறிவிப்புகள், அழைப்புகள் மற்றும் ஒலிகள் தூக்கத்தைத் தொந்தரவு செய்யலாம். மொபைல்யைத் தலையணைக்கு அடியில் வைத்து உறங்குவதற்குப் பதிலாகப் படுக்கையிலிருந்து சற்று தொலைவில் உள்ள மேசையில் வைப்பது நல்ல பழக்கமாகும். சார்ஜ் செய்யும்போது மொபைல்யைத் தலையணை அல்லது போர்வையின் கீழ் வைக்க வேண்டாம். அதிக வெப்பம் வெளியேற முடியாத சூழலைத் தவிர்ப்பது பாதுகாப்பானது.

வீட்டை விட்டு வெளியே செல்லும்போதும் திரும்பி வரும்போதும் பயன்படுத்தும் சாவிகளைப் பலர் படுக்கையருகே வைத்துக்கொள்வார்கள். சிலர் அவற்றைத் தலையணைக்கு அடியில் வைப்பதும் உண்டு. வாஸ்து நம்பிக்கைகளின்படி, சாவிகளைத் தூங்கும் இடத்தில் வைப்பதற்குப் பதிலாக அதற்கென ஒரு குறிப்பிட்ட இடத்தை ஒதுக்குவது நல்லது என்று கூறப்படுகிறது. நடைமுறையிலும், சாவிகளை ஒரே இடத்தில் வைத்தால் காலையில் அவற்றைத் தேடும் சிரமம் குறையும். மேலும், தலையணைக்கு அடியில் இருக்கும் சாவிகள் உடலுக்கு அழுத்தம் கொடுக்கலாம் அல்லது உறக்கத்தின்போது அசௌகரியத்தை ஏற்படுத்தலாம். எனவே, சாவிகளைப் படுக்கைக்கு அருகிலுள்ள பாதுகாப்பான சாவித் தாங்கியில் வைப்பது சிறந்தது.

கடைகளில் வாங்கிய பொருட்களின் ரசீதுகள், பழைய பில்கள், பயன்படுத்தாத குறிப்புகள் போன்றவற்றைச் சிலர் தலையணைக்கு அடியில் வைத்திருப்பார்கள். வாஸ்து நம்பிக்கைகளின்படி, இத்தகைய தேவையற்ற பொருட்களைப் படுக்கையில் குவித்து வைப்பதைத் தவிர்க்க வேண்டும். தூங்கும் இடத்தைச் சுத்தமாகவும் ஒழுங்காகவும் வைத்திருப்பது மனதுக்கு அமைதியைத் தர உதவும். முக்கியமான ரசீதுகள் அல்லது ஆவணங்கள் இருந்தால் அவற்றைத் தனியாகக் கோப்பில் வைத்துப் பாதுகாக்கலாம். கூர்மையான உலோகப் பொருட்கள் அல்லது ஆபத்தான சிறிய பொருட்களையும் தலையணைக்கு அடியில் வைக்கக் கூடாது. அவை உடலைக் குத்துவது அல்லது காயம் ஏற்படுத்துவது போன்ற நேரடியான ஆபத்துகளை உருவாக்கலாம்.

சிலர் படித்துக்கொண்டிருக்கும் புத்தகங்களையும் மத நூல்களையும் தலையணைக்கு அடியில் வைத்துக்கொண்டு உறங்குவார்கள். மத நம்பிக்கைகளின்படி, புனித நூல்களை மரியாதையுடன், சுத்தமான இடத்தில் வைத்திருப்பது சிறந்தது என்று கூறப்படுகிறது. எனவே, அவற்றைத் தலையணைக்கு அடியில் வைப்பதற்குப் பதிலாகப் புத்தக அலமாரி அல்லது சுத்தமான மேசையில் வைக்கலாம். இதனால் புத்தகங்கள் மடங்குவது, சேதமடைவது போன்றவற்றையும் தவிர்க்கலாம். சில வாஸ்து நம்பிக்கைகளில் கற்பூரம், ஏலக்காய், சோம்பு அல்லது செப்புக் காசு போன்றவற்றைத் தலையணைக்கு அருகில் வைப்பது மங்களகரமானதாகக் கருதப்படுகிறது.

ஆனால், இத்தகைய வழக்கங்களும் நம்பிக்கைகளின் அடிப்படையிலானவையே தவிர, அவை அதிர்ஷ்டத்தை அதிகரிக்கும் அல்லது பண வரவை உறுதி செய்யும் என்பதற்கு அறிவியல் ஆதாரம் இல்லை. மொத்தத்தில், தலையணைக்கு அடியில் பொருட்களை வைப்பதைத் தவிர்ப்பது பணப் பிரச்சினைகளைத் தடுக்கும் என்று உறுதியாகக் கூற முடியாது. இருப்பினும், மொபைல்யைத் தொலைவில் வைப்பது, படுக்கையறையை ஒழுங்காக வைத்திருப்பது, சாவி மற்றும் பணப்பையைப் பாதுகாப்பான இடத்தில் வைப்பது போன்ற எளிய பழக்கங்கள் தூக்கத்திற்கும் அன்றாட வாழ்க்கைக்கும் உதவியாக இருக்கும்.

Aippasi Pournami : ஐப்பசி பௌர்ணமி 2026..தேதி, அன்னாபிஷேகத்தின் மகத்துவம், திருவண்ணாமலை கிரிவல வழிபாட்டு முறைகள்!

Vishnupriya — Sat, 24 Oct 2026 07:02:01 +0530

Aippasi Pournami : ஐப்பசி பௌர்ணமி எப்போது? சிவபெருமானுக்கு அன்னாபிஷேகம் செய்வதன் சிறப்புகள், முக்கிய நேரங்கள், திருவண்ணாமலை கிரிவல விவரங்கள், வீட்டில் செய்ய வேண்டிய வழிபாடுகள் மற்றும் பக்தர்கள் கவனிக்க வேண்டிய தகவல்களை அறிந்துகொள்ளுங்கள்.

சிவபெருமானின் அருளைப் பெறவும், அன்னத்தின் மகத்துவத்தை உணர்த்தும் அன்னாபிஷேகத் திருக்காட்சியைக் காணவும் காத்திருக்கும் சிவபக்தர்களுக்கு ஐப்பசி பௌர்ணமி மிகவும் சிறப்பான நாளாகக் கருதப்படுகிறது.

பௌர்ணமி நிலவின் ஒளியில் சிவாலயங்களில் ஒலிக்கும் சிவ நாமம், லிங்கத் திருமேனியில் நடைபெறும் அன்னாபிஷேகம், திருவண்ணாமலை அண்ணாமலையாரை மனதில் நினைத்தபடி மேற்கொள்ளும் கிரிவலம் என இந்த நாளின் ஒவ்வொரு வழிபாடும் பக்தர்களுக்கு ஆன்மிக நிறைவை அளிக்கிறது.

வீட்டில் ஒரு கைப்பிடி அரிசி சமைத்து இறைவனுக்குப் படைப்பதில் தொடங்கி, கோயிலில் நடைபெறும் அன்னாபிஷேகத்தைத் தரிசிப்பது வரை, உணவின் புனிதத்தையும் இறைவனின் கருணையையும் நினைவூட்டும் திருநாளாக ஐப்பசி பௌர்ணமி விளங்குகிறது.

குறிப்பாக, ஆண்டுக்கு ஒருமுறை நடைபெறும் அன்னாபிஷேகத்தைத் தரிசித்தால் அன்னத்தட்டுப்பாடு நீங்கி, குடும்பத்தில் வளமும் நலமும் பெருகும் என்பது பக்தர்களின் நம்பிக்கை.

இந்த நிலையில், ஐப்பசி பௌர்ணமி எப்போது வருகிறது? அன்னாபிஷேகம் எந்த நேரத்தில் நடைபெறும்? திருவண்ணாமலையில் கிரிவலம் செல்ல உகந்த நேரம் எது? வழிபாட்டின்போது கடைப்பிடிக்க வேண்டிய முக்கிய விஷயங்கள் என்ன? அனைத்தையும் விரிவாகப் பார்ப்போம்.

ஐப்பசி பௌர்ணமி நாளை (அக்டோபர் 25) ஞாயிற்றுக்கிழமை கொண்டாடப்படுகிறது.

முக்கிய நேரங்கள்

பௌர்ணமி திதி தொடக்கம் - அக்டோபர் 25, ஞாயிறு காலை 11:31 மணி

பௌர்ணமி திதி நிறைவு - அக்டோபர் 26, திங்கட்கிழமை காலை சுமார் 10:16 மணி

பொதுவாகப் பௌர்ணமி வழிபாடு மன அமைதி, குடும்ப நலம், இறை அருள் ஆகியவற்றை வேண்டி மேற்கொள்ளப்படுகிறது. ஆனால், ஐப்பசி மாதத்தில் வரும் பௌர்ணமி, சிவபெருமானுக்கு அன்னாபிஷேகம் நடைபெறுவதால் தனித்துவமான முக்கியத்துவம் பெறுகிறது.

இந்த நாளில் சந்திரன் தனது முழுமையான 16 கலைகளுடன் முழுமை பெற்று திகழும் நாள். எனவே, இந்த நாளில் சந்திர தரிசனம் செய்வது சிறப்பானதாகும்.

இந்த நாளில் சிறப்பாகக் கருதப்படும் வழிபாடுகள்,

அன்னாபிஷேக தரிசனம்: இந்த நாளில் சிவலிங்கத்தின் மீது சமைத்த சாதத்தைச் சாத்தி வழிபடும் அபூர்வமான திருக்காட்சியைக் காண்பது.

சிவ வழிபாடு: சிவாலயங்களுக்குச் சென்று அபிஷேகம், அர்ச்சனை, தீபாராதனை ஆகியவற்றில் பங்கேற்பது.

அன்னதானம்: பசியால் வாடுபவர்களுக்கு உணவு வழங்குவது. அன்னம் பரப்பிரம்ம சொரூபம் என்பதால், இந்நாளில் சிவனுக்கு அன்னாபிஷேகம் செய்து வழிபடுவதால் உலகில் உணவுத் தட்டுப்பாடு நீங்கி செழிப்பு ஏற்படும் என்பது ஐதீகம்.

சந்திர தரிசனம்: பௌர்ணமி நிலவைக் கண்டு இறைவனை மனதில் நினைத்து வழிபடுவது.

கிரிவலம்: திருவண்ணாமலை உள்ளிட்ட புனிதத் தலங்களில் மலையைச் சுற்றி வந்து வழிபடுவது.

அன்னாபிஷேகம்

அன்னம் என்றால் உணவு; அபிஷேகம் என்றால் இறைவனின் திருமேனியில் புனிதப் பொருட்களைச் சாத்தி வழிபடுதல். சமைத்த சாதத்தால் சிவலிங்கத்தை முழுமையாக அலங்கரித்து வழிபடுவதால் இது அன்னாபிஷேகம் என்று அழைக்கப்படுகிறது.

அன்னமே உயிரின் ஆதாரம்: மனிதர்கள் மட்டுமின்றி அனைத்து உயிர்களும் வாழ்வதற்கு உணவு அவசியம். எனவே, உணவை இறைவனின் அருளாகக் கருதி வழிபடுவது இந்தச் சடங்கின் முக்கியமான தத்துவமாகும்.

அன்னம் பிரம்மம் என்ற கருத்து: உணவு உயிரைக் காக்கும் அடிப்படை என்பதால், உணவை மதிக்க வேண்டும்; வீணாக்கக் கூடாது என்ற உயர்ந்த செய்தியை இந்த வழிபாடு உணர்த்துகிறது.

இயற்கைக்கும் இறைவனுக்கும் நன்றி: நிலம், நீர், சூரிய ஒளி, உழைப்பு ஆகியவற்றின் மூலம் கிடைக்கும் உணவை இறைவனுக்குப் படைத்து நன்றி தெரிவிக்கும் வழிபாடாகவும் இதைப் பார்க்கலாம்.

அன்னதானத்தின் மகத்துவம்: அன்னாபிஷேகத்திற்குப் பிறகு சில கோயில்களில் சாத்தப்பட்ட சாதம் பிரசாதமாக வழங்கப்படுகிறது

அன்னாபிஷேகம்

கோயில் மரபுப்படி நீர், பால், தயிர், தேன் உள்ளிட்ட பொருட்களைக் கொண்டு சிவலிங்கத்திற்கு அபிஷேகம் செய்யப்படுகிறது.
புதிதாகச் சமைக்கப்பட்ட சாதத்தால் சிவலிங்கம் முழுவதும் சாத்தப்படுகிறது. சில கோயில்களில் காய்கறிகள், பழங்கள் போன்றவற்றாலும் அலங்கரிக்கப்படுகிறது.
அலங்காரம் நிறைவடைந்ததும் தீபாராதனை நடைபெறுகிறது. பக்தர்கள் சிவபெருமானைத் தரிசித்து வழிபடுகிறார்கள்.

திருவண்ணாமலை ஐப்பசி பௌர்ணமி கிரிவலம் 2026: தேதி, நேரம்

நினைத்தாலே முக்தி தரும் தலம் என்று பக்தர்களால் போற்றப்படும் திருவண்ணாமலையில், அண்ணாமலையார் மலையைச் சுற்றி வந்து வழிபடுவது கிரிவலம் எனப்படுகிறது. ஒவ்வொரு பௌர்ணமியிலும் ஆயிரக்கணக்கான பக்தர்கள் கிரிவலம் செல்கின்றனர்.

கிரிவலம் தொடங்கும் நாள் - நாளை (அக்டோபர் 25, ஞாயிற்றுக்கிழமை) காலை சுமார் 11:25 மணி முதல்

கிரிவலக் காலத்தின் நிறைவு - அக்டோபர் 26 காலை சுமார் 10:09 மணி வரை

அஷ்டலிங்கங்களின் சிறப்பு

திருவண்ணாமலை கிரிவலப் பாதையில் எட்டு திசைகளுடன் தொடர்புடைய அஷ்டலிங்கங்கள் அமைந்துள்ளன. இந்திர லிங்கம், அக்னி லிங்கம், யம லிங்கம், நிருதி லிங்கம், வருண லிங்கம், வாயு லிங்கம், குபேர லிங்கம், ஈசானிய லிங்கம் ஆகியவற்றைத் தரிசிப்பது கிரிவல வழிபாட்டின் முக்கிய அங்கமாகக் கருதப்படுகிறது.

குடும்பத்தில் அமைதி மற்றும் ஒற்றுமை நிலவ வேண்டி வழிபடலாம்.
மனக்கவலைகள் நீங்கி மன உறுதி கிடைக்க வேண்டும் என்று வேண்டிக்கொள்ளலாம்.
வாழ்க்கையில் நல்ல மாற்றங்கள் ஏற்படவும், தடைகள் விலகவும் பிரார்த்தனை செய்யலாம்.
அன்னாபிஷேகத்தைத் தரிசித்து, உணவின் மகத்துவத்தை உணர்ந்து அன்னதானம் செய்யலாம்.
நிலவொளியில் இறைவனை நினைத்தபடி கிரிவலம் செல்வதை மன அமைதிக்கான ஆன்மிகப் பயிற்சியாகவும் எடுத்துக்கொள்ளலாம்.

ஐப்பசி பௌர்ணமியில் வீட்டில் செய்ய வேண்டிய வழிபாடுகள்

காலையில் குளித்துவிட்டு, பூஜையறையைச் சுத்தம் செய்து சிவபெருமானின் படத்திற்கு மலர் சாத்தவும்.
விளக்கேற்றி, உங்களது குடும்ப வழக்கப்படி சிவ மந்திரங்கள் அல்லது தேவாரப் பாடல்களைப் பாராயணம் செய்யலாம்.
சமைத்த சாதம் அல்லது உங்களால் இயன்ற எளிய உணவை இறைவனுக்குப் படைத்து, பின்னர் குடும்பத்தினருடன் பகிர்ந்து கொள்ளலாம்.
இயன்றவர்களுக்கு உணவு வழங்கி அன்னதானம் செய்யலாம்.
மாலையில் நிலவு தென்பட்டால் தரிசனம் செய்து மன அமைதி,
குடும்ப நலம் வேண்டிப் பிரார்த்தனை செய்யலாம்.

ஐப்பசி பௌர்ணமி என்பது அன்னத்தின் அருமையையும், இறைவனுக்கு நன்றி செலுத்துவதன் முக்கியத்துவத்தையும் உணர்த்தும் புனித நாளாகப் பக்தர்களால் போற்றப்படுகிறது.

சிவபெருமானுக்கு நடைபெறும் அன்னாபிஷேகத்தைத் தரிசிப்பதும், திருவண்ணாமலையில் கிரிவலம் செல்வதும், இயன்றவர்களுக்கு உணவு வழங்குவதும் இந்த நாளின் முக்கிய வழிபாடுகளாகும்.

பக்தியுடன் வழிபட்டு, உணவை வீணாக்காமல், பசியால் வாடுபவர்களுக்கு உதவுவோம் என்ற எண்ணத்துடன் இந்த ஐப்பசி பௌர்ணமியைக் கொண்டாடலாம்.

Spiritual: பூஜை அறையில் கட்டாயம் இருக்க வேண்டிய 5 பொருட்கள்.! ஒவ்வொன்றின் முக்கியத்துவம் என்ன?

Vedarethinam Ramalingam — Thu, 22 Oct 2026 10:00:39 +0530

வீட்டின் பூஜை அறையை எவ்வாறு சுத்தமாகவும் முறையாகவும் பராமரிப்பது? வழிபாட்டிற்குத் தேவையான முக்கியப் பொருட்கள், அவற்றின் ஆன்மிக முக்கியத்துவம் மற்றும் பூஜை அறையில் கவனிக்க வேண்டிய பயனுள்ள குறிப்புகளைத் தெரிந்துகொள்ளுங்கள்.

ஒவ்வொரு வீட்டிலும் பூஜை அறை என்பது இறைவனை வழிபடுவதற்கான இடமாக மட்டுமல்லாமல், மன அமைதியையும் நம்பிக்கையையும் பெறுவதற்கான இடமாகவும் விளங்குகிறது. காலையில் எழுந்ததும் இறைவனை வணங்குவது, விளக்கேற்றி வழிபடுவது போன்ற பழக்கங்கள் பல குடும்பங்களில் இன்றளவும் தொடர்ந்து வருகின்றன. அந்த வகையில், பூஜை அறையைச் சுத்தமாக வைத்திருப்பதுடன், வழிபாட்டிற்குத் தேவையான சில முக்கியப் பொருட்களையும் முறையாக வைத்திருப்பது நல்லது.

அம்பானிகளின் ஜியோ IPO! வெறும் 100 நிமிடங்களில் மொத்தமும் காலி.! முதலீட்டாளர்கள் ஏன் ஆர்வம் காட்டினார்கள் தெரியுமா?

பூஜை அறையில் விளக்கேற்றுவது இந்து மரபில் முக்கியமான வழிபாட்டு முறையாகும். இருளை நீக்கி ஒளியைப் பரப்புவது போல, அறியாமையை அகற்றி அறிவைப் பெறுவதைக் குறிக்கும் அடையாளமாக விளக்கு பார்க்கப்படுகிறது. காலையிலும் மாலையிலும் குடும்ப வழக்கத்திற்கு ஏற்ப விளக்கேற்றி வழிபடலாம்.

விளக்கில் நல்லெண்ணெய் அல்லது நெய்யைப் பயன்படுத்துவது பலரது வழக்கம். விளக்கேற்றும் இடத்தைத் தூய்மையாக வைத்துக்கொள்வதுடன், தீப்பற்றக்கூடிய பொருட்கள் அருகில் இல்லாதவாறு பாதுகாப்பாகப் பார்த்துக்கொள்வதும் அவசியம்.

8th Pay Commission: சம்பளத்தை வெச்சு கிராஜுவிட்டி எப்படி கணக்கிடுறாங்க? நிபுணர்கள் விளக்கம்

இறைவனுக்கு மலர்களைச் சமர்ப்பிப்பது பக்தியின் வெளிப்பாடாகக் கருதப்படுகிறது. மல்லிகை, செம்பருத்தி, தாமரை உள்ளிட்ட மலர்களை அவரவர் வழிபாட்டு மரபுக்கு ஏற்ப பயன்படுத்தலாம். அதேபோல், துளசி இலைக்கும் பல வைணவ வழிபாட்டு முறைகளில் சிறப்பிடம் உண்டு.

வழிபாட்டிற்காக வைக்கும் பூக்கள் வாடாமல் இருப்பதை உறுதிப்படுத்த வேண்டும். பழைய பூக்களை அகற்றி, பூஜை அறையைத் தூய்மையாக வைத்திருப்பது நல்ல பழக்கமாகும்.

School Leave Today: விட்டாச்சு லீவு.! 3 மாவட்டங்களில் பள்ளிகளுக்கு விடுமுறை.! கனமழையால் வந்த அதிரடி உத்தரவு

குங்குமமும் சந்தனமும் பல இந்து வழிபாடுகளில் பயன்படுத்தப்படும் பாரம்பரியப் பொருட்களாகும். நெற்றியில் திலகமிடுவதற்கும், இறைவனுக்கு அர்ப்பணிப்பதற்கும் இவை பயன்படுகின்றன. குடும்பத்தின் வழிபாட்டு மரபு மற்றும் தெய்வத்திற்கு ஏற்ப இவற்றைப் பயன்படுத்தலாம்.

இவற்றைத் தனித்தனி சுத்தமான சிறிய பாத்திரங்களில் வைத்து, ஈரப்பதம் படாமல் பாதுகாப்பது அவசியம். குழந்தைகளுக்கு எட்டாத இடத்தில் வைப்பதும் நல்லது.

Vegetable and Fruit Price: கீரை ரூ.10, தேங்காய் ரூ.25.! மூட்டை மூட்டையாய் காய்கறிகள் Sale.! உழவர் சந்தையில் குயியும் இல்லத்தரசிகள்.!

பூஜையின்போது மணி அடிப்பது பல வீடுகளில் பின்பற்றப்படும் வழக்கமாகும். மணியின் ஒலி வழிபாட்டில் கவனத்தை ஒருமுகப்படுத்தவும், மனதைப் பிரார்த்தனையில் ஈடுபடுத்தவும் உதவுவதாகப் பலர் நம்புகின்றனர்.

மணி அடிப்பது கட்டாயம் என்ற விதிமுறை எல்லா வழிபாட்டு முறைகளிலும் இல்லை. இருப்பினும், தங்களது குடும்ப மரபில் இந்த வழக்கம் இருந்தால் அதனைப் பின்பற்றலாம்.

Astrology Prediction: இடம் மாறும் கிரகங்கள்.! வானில் நடக்கும் மாாஜாலம்.! எந்தெந்த ராசிக்கு அதிர்ஷ்டம் அடிக்கப்போகுதுனு பாருங்க.!

பூஜை அறையில் சுத்தமான நீரை ஒரு சிறிய பாத்திரத்தில் வைத்திருப்பது பலரது வழக்கம். இறைவனுக்குப் படையல் வைப்பது, பூஜைச் சடங்குகள் செய்வது போன்றவற்றுக்கு இது பயன்படலாம். வழிபாட்டிற்குப் பயன்படுத்தும் நீரை அவ்வப்போது மாற்றி, பாத்திரத்தையும் சுத்தமாக வைத்திருக்க வேண்டும்.

Vaastu: வீட்டில் டைனிங் Table போடும் இடம் தெரியுமா? எந்த திசையில் சாப்பிட்டால் நல்லது?!

பூஜை அறையில் பொருட்களை அதிகமாகச் சேர்ப்பதைவிட, அவற்றை ஒழுங்காகவும் தூய்மையாகவும் வைத்திருப்பதே முக்கியம். உடைந்த பொருட்கள், வாடிய பூக்கள், பழைய படையல் போன்றவற்றை நீண்ட நேரம் வைத்திருக்க வேண்டாம். வழிபாட்டிற்கு ஏற்ற அமைதியான சூழலை உருவாக்குங்கள்.

இறுதியாக, பூஜை அறையில் எந்தப் பொருட்களை வைத்திருக்க வேண்டும் என்பது குடும்ப மரபு, வழிபடும் தெய்வம் மற்றும் தனிப்பட்ட நம்பிக்கைகளைப் பொறுத்து மாறுபடும். குறிப்பிட்ட பொருட்களை வைத்திருந்தால் மட்டுமே வீட்டில் செல்வம் பெருகும் அல்லது துன்பங்கள் நீங்கும் என்று உறுதியாகக் கூற முடியாது. தூய்மை, நம்பிக்கை, மன அமைதி மற்றும் நல்ல செயல்களே அன்றாட வாழ்க்கையில் முக்கியமானவை.

Astrology: நவம்பர் முதல் வாரம் அடிக்க போகுது அதிர்ஷ்டம்.! 12 ராசிகளுக்கும் ஜாக்பாட் காத்திருக்கு.!

Vedarethinam Ramalingam — Mon, 02 Nov 2026 05:55:33 +0530

புதிய வாரம் தொடங்கப் போகுது. இந்த வாரம் எந்தெந்த ராசிக்கு சூப்பரா இருக்கும், யார் யாரெல்லாம் கொஞ்சம் உஷாரா இருக்கணும்? மேஷம் முதல் மீனம் வரை 12 ராசிகளுக்கான வார ராசிபலனை இங்க தெரிஞ்சுக்கோங்க. திங்கள் முதல் ஞாயிறு வரை இப்படித்தான் இருக்கும்.!

மேஷ ராசிக்காரர்கள் மத்தவங்ககிட்ட பேசும்போது கொஞ்சம் பொறுமையா இருங்க. அப்போதான் உங்க காரியம் நடக்கும். வியாபாரத்துல புது டீல் கிடைக்க வாய்ப்பு இருக்கு. பழைய திட்டங்கள் மூலமா நல்ல லாபம் பாப்பீங்க. போட்டித் தேர்வுக்கு படிக்கிற இளைஞர்களுக்கு ஆர்வம் அதிகமாகும். அண்ணன், தம்பி, நண்பர்கள் உதவியோட கஷ்டமான வேலைகளை கூட ஈஸியா முடிச்சிடுவீங்க. குடும்பத்துல அமைதி ரொம்ப முக்கியம். பழைய பிரச்சனைகள் திரும்ப வரலாம், ஆனா நீங்க அமைதியா இருக்கிறது நல்லது. முதுகு வலி வர வாய்ப்பு இருக்கு. ஏற்கனவே முதுகுல அடிபட்டவங்க கொஞ்சம் உஷாரா இருங்க. நல்ல விஷயங்களை தொடர்ந்து செய்து வந்தால் அது உங்களை வழிநடத்தும்.

Nayanthara Black Dress: வயசானாலும் குறையாத அழகு.. பிளாக் ட்ரெஸ்ஸில் நயன்தாரா கியூட் க்ளிக்ஸ்!

ரிஷப ராசிக்காரர்கள் வேலைப்பளுவை சரியா சமாளிக்க பழகிக்கணும். உங்க நிர்வாகத் திறமையை இன்னைக்கு நல்லா பயன்படுத்துவீங்க. வியாபாரிகள் வாடிக்கையாளர்கள்கிட்ட ரொம்ப இனிமையா பேசணும். இளைஞர்கள் அவங்களுக்கு பிடிச்ச வேலைகளை செய்யலாம். குறிப்பா உடற்பயிற்சி, விளையாட்டுல அதிக கவனம் செலுத்துங்க. அப்பாவோட உடல்நலத்துல அக்கறை காட்டுங்க. அவருகிட்ட வாக்குவாதம் பண்ணாதீங்க. ஆரோக்கியம் நல்லா இருக்கும், ஆனா ரொம்ப சில்லுனு இருக்குற உணவுகளை தவிர்ப்பது நல்லது. பணமும் சந்தோஷமும் உங்களுக்கு கிடைக்கும்.

Deepavali Diya Tips: காற்றில் அகல் விளக்கு அணையாமல் இருக்க சூப்பர் ட்ரிக்! இனி புயலே அடித்தாலும் விளக்கு அணையாது.!

மிதுன ராசிக்காரர்கள் உங்ககிட்ட வேலை பாக்குறவங்ககிட்ட கோபமா பேசுறத தவிர்த்துடுங்க. இல்லனா உங்க மரியாதைக்கு அது பாதிப்பா அமையும். வியாபாரிகள் பண பரிவர்த்தனைகளை எழுத்துப்பூர்வமா வச்சுக்கிறது நல்லது. இளைஞர்கள் ஆடம்பர வாழ்க்கைக்கு ஆசைப்பட்டு ரொம்ப கடினமா உழைப்பீங்க. குழந்தைங்க மற்றும் பெத்தவங்களோட சந்தோஷத்துல அதிக கவனம் செலுத்துவீங்க. அவங்களுக்கு எந்த குறையும் வராம பாத்துப்பீங்க. உடல் மற்றும் மன சோர்வு வராம பாத்துக்கோங்க. எல்லாவற்றிலும் ஜெயமே உங்கள் வசமாகும். அடுத்தவர்களுக்கு உதவவும் அது உங்களுக்கு மிகப்பெரிய பாதுகாப்பை தரும், நிம்மதியை தரும்.

Government Schemes: ஏழை மற்றும் நடுத்தரக் குடும்பங்களுக்கு உதவும் மத்திய அரசின் 6 முக்கியத் திட்டங்கள்! யாருக்கெல்லாம் என்னென்ன நன்மைகள்?

கடக ராசிக்காரர்களுக்கு மேலதிகாரிகள் மூலமா அரசு சம்பந்தப்பட்ட சில பொறுப்புகள் கிடைக்கலாம். வியாபாரிகள் அடிக்கடி திட்டங்களை மாத்தாம, நம்பி எடுத்த வேலையை மட்டும் சரியா செய்யுங்க. வேலை தேடிட்டு இருக்குற இளைஞர்களுக்கு நல்ல நிறுவனத்துல இருந்து வேலை கிடைக்க வாய்ப்பு இருக்கு. குழந்தைங்களோட நடவடிக்கையில சில மாற்றங்கள் தெரியலாம், இது உங்களுக்கு கொஞ்சம் கவலையை கொடுக்கும். சருமம் வறண்டு போக வாய்ப்பு இருக்கு, அதனால நிறைய தண்ணி குடிங்க. நினைத்த நல்ல விஷயங்கள் அனைத்தும் கைகூடும். அடுத்தவர்களுக்கு உதவி செய்வீர்கள். புதிய வேலை கிடைக்க வாய்ப்புகள்ளது அதிக சம்பளத்துடன்.

8th Pay Commission Pension Calculator: 8-வது ஊதியக் குழுவில் பென்ஷன் டபுள் ஆகுமா? 25, 50, 75 ஆயிரம் வாங்குபவர்களுக்கு எவ்வளவு கிடைக்கும்?

சிம்ம ராசியில ஆராய்ச்சித் துறையில இருக்குறவங்களுக்கு இந்த வாரம் ரொம்ப நல்லா இருக்கும். புதுசா எதாவது சாதிப்பீங்க. போக்குவரத்து தொழில் செய்றவங்களுக்கு நல்ல லாபம் கிடைக்கும். கிரக நிலைகள் சாதகமா இருக்குறதால, மாணவர்கள் நல்ல புத்தகங்களை படிச்சு அறிவை வளர்த்துப்பீங்க. பெத்தவங்களை அண்ணன், அக்கா மாதிரி நினைச்சு பழகுங்க. வெளிய போறதுக்கு முன்னாடி அவங்க ஆசீர்வாதம் வாங்குங்க. குழந்தைங்களோட ஆரோக்கியத்துல கவனம் தேவை. முடிஞ்ச அளவுக்கு தான தர்மங்கள் செய்யுங்க. யோகம் காத்திருக்கு, கொடுத்த பணம் திரும்ப கிடைக்கும் காலமிது.

Village Style Fish Fry: நெல்லிக்காய் சேர்த்து செய்யும் இந்த மீன் வறுவல் ருசி வேற லெவல்!

கன்னி ராசியில டாக்டரா இருக்குறவங்க நோயாளிகளோட ரெக்கார்டுகளை சரியா பராமரிங்க, சீக்கிரமே அது தேவைப்படும். வியாபாரிகள் வாடிக்கையாளர்கள்கிட்ட சிரிச்சு பேசி நல்ல சேவை கொடுக்குறதால சமூகத்துல நல்ல மரியாதை கிடைக்கும். இளைஞர்களோட பொறுமையை கடவுள் சோதிப்பார், அதனால ஈகோ இல்லாம நடந்துக்கோங்க. எதிர்பாராத செலவுகள் வரலாம், அதனால பணத்தை சேமிக்க பழகுங்க. எலக்ட்ரிக் பொருட்களை பயன்படுத்தும்போது ரொம்ப கவனமா இருங்க, ஷாக் அடிக்க வாய்ப்பு இருக்கு. கவலைகள் பறந்தோடும் நேரம்.

DMart Shopping: டிமார்ட்டில் மளிகை சாமான் வாங்குறீங்களா? இதையெல்லாம் மொத்தமா வாங்குனா காசு வேஸ்ட்!

துலாம் ராசிக்காரர்கள் வேலை பாக்குற இடத்துல யார்கிட்டயும் சண்டை போடாதீங்க. உங்களுக்கு மரியாதை குறைஞ்சாலும் கொஞ்சம் பொறுமையா இருங்க. பரம்பரை தொழில் செய்றவங்களுக்கு நல்ல லாபம் கிடைக்கும். இளைஞர்கள் தங்களோட திறமையையும் தைரியத்தையும் வளர்த்துக்க கவனம் செலுத்துங்க. கிரக நிலைகள் கொஞ்சம் சாதகமா இல்லாததால, குடும்ப சூழ்நிலைக்கு ஏத்த மாதிரி உங்களை மாத்திக்கோங்க. மன அழுத்தம் வராம பாத்துக்கோங்க, இல்லனா பிபி அதிகமாகிடும். உங்களின் நேர்மையும் உண்மையும் உங்களுக்கு பக்கபலமாக இருக்கும்.

விருச்சிக ராசிக்காரர்கள் வேலை பாக்குற இடத்துல கோபத்தை குறைச்சுட்டு, பொறுமையா நடந்துக்கோங்க. வியாபாரிகள் இன்னைக்கு பயணம் செய்றத தவிர்ப்பது நல்லது. ஏன்னா நீங்க போற வேலை முடியுமாங்குறது சந்தேகம்தான். வாழ்க்கைத்துணைகிட்ட சின்ன சின்ன சண்டைகள் வந்தாலும், கடைசியில உங்க அன்புதான் ஜெயிக்கும். வீட்ல ரொம்ப நாளா பெண்டிங்ல இருந்த வேலைகளை இன்னைக்கு தொடங்கலாம். ஆரோக்கியத்துல ரொம்ப கவனம் தேவை. தினசரி பழக்கவழக்கங்களை மாத்தாதீங்க, அது உடம்புக்கு கெடுதலா முடியும். நல்ல செயல்களை செய்தால் அது உங்களை வழிநடத்தும்.

தனுசு ராசிக்காரர்கள் சின்ன சின்ன விஷயத்துக்கெல்லாம் கோபப்படக் கூடாது. உங்ககிட்ட வேலை பாக்குறவங்க மேல எரிஞ்சு விழாதீங்க. கிரக நிலைகள் வியாபாரிகளுக்கு கொஞ்சம் மன உளைச்சலை கொடுக்கும். முடிவுகள் எடுக்கும்போது குழப்பம் வரலாம். இளைஞர்கள் மனசுல நிறைய குழப்பங்கள் இருக்கும். உங்க வாழ்க்கைத்துணை மேல முன்ன விட அதிகமா அன்பு காட்டுவீங்க. ரெண்டு பேரும் வெளியூர் பயணம் போக வாய்ப்பு இருக்கு. சிகரெட் பிடிக்குற பழக்கம் இருந்தா விட்டுடுங்க, நுரையீரல் சம்பந்தப்பட்ட பிரச்சனை வரலாம். பெரியவர்களும், பெற்றோர்களும் உங்களுக்கு பக்கபலமாக இருப்பர். அவர்களின் அறிவுரை உங்களுக்கு மிகப்பெரிய சந்தோஷத்தை தரும்.

மகர ராசிக்காரர்களுக்கு ஆபீஸ், வீடுனு எல்லா இடத்துலயும் வேலைப்பளு அதிகமா இருக்கும். நேரம் பத்தலையேனு ஃபீல் பண்ணுவீங்க. சில்லறை வியாபாரிகள் அதிகமா கடன் கொடுக்குறத தவிர்த்துடுங்க. இளைஞர்கள் வாழ்க்கையில எதாவது பிரச்சனை இருந்தா அத சீரியஸா எடுத்து தீர்க்க பாருங்க. குழந்தைங்ககிட்ட பழகும்போது கொஞ்சம் அப்டேட்டா, அவங்களுக்கு ஏத்த மாதிரி நடந்துக்கோங்க. ஆரோக்கியத்துல ரொம்ப கவனம் தேவை. உடம்புக்கு கெடுதல் தர்ற மாதிரி எந்த டென்ஷனையும் ஏத்துக்காதீங்க. எதிரிகள் காணாமல் போவர். உங்களின் செல்வாக்கு அதிகரிக்கும் நேரம்.

கும்ப ராசிக்காரர்களுக்கு புது நண்பர்கள் கிடைப்பாங்க. சமூகத்துல உங்க செல்வாக்கு கூடும், புது வருமானமும் வரும். சொத்து வாங்குறது, விக்குறதுல அவசரப்படாதீங்க. லாபத்துக்கு பதிலா நஷ்டம் வர வாய்ப்பு இருக்கு. இளைஞர்கள் கூட்டமா இருக்குற இடத்தை விட, தனிமையில இருக்கவே ஆசைப்படுவீங்க. குழந்தைங்க சண்டைனால பக்கத்து வீட்டுக்காரங்க கூட பிரச்சனை வரலாம், கொஞ்சம் உஷாரா இருங்க. வயிறு சம்பந்தப்பட்ட பிரச்சனை வரலாம். அதனால மதியம், ராத்திரி நேரத்துல ஈஸியா செரிமானம் ஆகுற உணவுகளை மட்டும் சாப்பிடுங்க. நினைத்து பார்க்க முடியாத அளவுக்கு நிம்மதி கிடைக்கும். சந்தோஷ செய்திகல் தேடி வரும். மற்றவர்களுக்கு உதவவும்.

மீன ராசிக்காரர்கள் முடிஞ்சு போனத பத்தி யோசிக்காம, அடுத்து என்ன பண்ணலாம்னு பாருங்க. பழைய வாடிக்கையாளர்கள் மூலமா புது வேலைகள் கிடைக்கும். பழைய நண்பர்கள் மூலமா லாபம் வரும். உங்க வாழ்க்கைத்துணைகிட்ட கோபப்படாதீங்க. இளைஞர்கள் செஞ்ச தப்புக்காக வருத்தப்படுவீங்க. பணத்தை ரொம்ப பத்திரமா வச்சுக்கோங்க. விலை உயர்ந்த பொருட்கள் திருடு போகவோ, தொலைஞ்சு போகவோ வாய்ப்பு இருக்கு. லோ பிபி வர வாய்ப்பு இருக்கு. அதனால அப்பப்போ எனர்ஜி ட்ரிங்க்ஸ் குடிங்க, மயக்கம் வராம பாத்துக்கலாம். சொல்வதையெல்லாம் செய்து நல்ல பெயர் எடுக்கும் நேரம். உறவுகள் பக்கபலமாக இருப்பர். நேர்மையாக இருந்தால் நிம்மதி கிடைக்கும்.

Kedara Gowri viratham : தீபாவளி நோன்பு 2026.. கேதார கௌரி விரதத்தின் மகிமை, வழிபாட்டு முறை, விரதக் கதை!

Vishnupriya — Tue, 03 Nov 2026 14:47:40 +0530

Kedara Gowri viratham: தீபாவளி நாளில் அனுசரிக்கப்படும் கேதார கௌரி விரதம் தீபாவளி நோன்பு என அழைக்கப்படுகிறது. சிவசக்தியின் அருளைப் பெறும் இந்த விரதத்தின் புராணக் கதை, வழிபாட்டு முறை, நோன்புக் கயிறு மற்றும் ஆன்மிக சிறப்புகளை அறிந்து கொள்ளுங்கள்.

தீபாவளி என்றாலே புத்தாடை, பட்டாசு, இனிப்புகள் என மகிழ்ச்சி பொங்கும். ஆனால், இந்த இனிய திருநாளில் இல்லத்தில் ஆன்மிக ஒளியையும், சிவபெருமான் - பார்வதி தேவியின் அருளையும் நிறைத்திட ஒரு மகத்தான விரதம் அனுசரிக்கப்படுகிறது. அதுதான் கேதார கௌரி விரதம்.

தமிழ்நாட்டில் தீபாவளி நோன்பு என்று பக்தியுடன் அழைக்கப்படும் இந்த விரதம், சிவசக்தி ஒன்றிணைந்த தெய்வீகத் தத்துவத்தை உணர்த்தும் சிறப்புமிக்க வழிபாடாகும்.

தீபாவளி நாளில் புத்தாடை அணிந்து, இனிப்புகளைப் பகிர்ந்து மகிழ்வதோடு, கேதார கௌரி அம்மனையும் சிவபெருமானையும் மனமுருகி வழிபட்டால் வாழ்வில் அமைதியும் ஆனந்தமும் நிறையும் என்பது பக்தர்களின் நம்பிக்கை.

இந்த விரதத்தின் புராணப் பின்னணி, வழிபாட்டு முறை, விரதக் கதை மற்றும் அதன் ஆன்மிகச் சிறப்புகளை விரிவாகப் பார்ப்போம்.

கேதார கௌரி விரதம் என்பது சிவபெருமானையும் பார்வதி தேவியையும் வழிபடும் புனிதமான விரதமாகும். பார்வதி தேவி இந்த விரதத்தை மேற்கொண்டுதான் சிவபெருமானின் இடப்பாகத்தைப் பெற்று அர்த்தநாரீஸ்வரர் ஆனார் என்பது ஐதீகம்.

கணவன் - மனைவி இடையே அன்பும், ஒற்றுமையும் நிலைக்கவும், குடும்பத்தில் மங்களம் பெருகவும், இருவரும் பிரியாமல் நீண்ட ஆயுளுடன் வாழவும், வேண்டிய வரங்கள் கிடைக்கவும் கேதார கௌரி விரதத்தைப் பலரும் நம்பிக்கையுடன் கடைப்பிடிக்கின்றனர்.

கேதாரம்: சிவபெருமானைக் குறிக்கும் திருநாமம்.

கௌரி: பார்வதி தேவியின் பெயர்களில் ஒன்று.

விரதம்: இறைவனை மனதில் நினைத்து, பக்தியுடன் உணவு மற்றும் அன்றாடச் செயல்களில் சில கட்டுப்பாடுகளைப் பின்பற்றி வழிபடுதல்.

புராண மரபின்படி, ஒருமுறை சிவபெருமானுக்கும் பார்வதி தேவிக்கும் இடையே சிவசக்தியின் மகத்துவம் குறித்த உரையாடல் நிகழ்ந்தது.

அப்போது பார்வதி தேவி, சிவபெருமானின் அருளால் அவருடன் ஒன்றிணைந்து அர்த்தநாரீஸ்வரர் திருவடிவத்தைப் பெற விரும்பினார். இதற்காக அவர் கேதாரேஸ்வரரை நினைத்து கடுமையான தவம் மேற்கொண்டதாகக் கூறப்படுகிறது.

பார்வதி தேவியின் பக்தியையும் தவத்தையும் கண்டு மகிழ்ந்த சிவபெருமான், அவருக்கு அருள் புரிந்தார். அதன் பலனாக சிவனும் சக்தியும் ஒன்றிணைந்த அர்த்தநாரீஸ்வரர் திருவடிவம் தோன்றியது என்பது இந்த விரதத்தின் முக்கியமான புராண நம்பிக்கையாகும்.

இந்தக் கதை, இறைவனும் இறைவியும் பிரிக்க முடியாத சக்திகள் என்பதையும், பக்தி மற்றும் தவத்தின் மூலம் இறையருளைப் பெறலாம் என்பதையும் உணர்த்துகிறது.

இந்த விரதம் சிவபெருமானின் அருளையும் பார்வதி தேவியின் கருணையையும் ஒருசேர வேண்டி அனுசரிக்கப்படுகிறது.
கணவன் - மனைவி இடையே அன்பு, ஒற்றுமை மற்றும் புரிதல் அதிகரிக்க வேண்டும் என வேண்டி வழிபடுகின்றனர்.
திருமணமாகாத பெண்கள் நல்ல வாழ்க்கைத் துணை கிடைக்க வேண்டும் என்று விரதம் மேற்கொள்கின்றனர்.
குடும்பத்தில் மங்களம், செல்வம், அமைதி மற்றும் நலன் பெருக வேண்டும் எனப் பிரார்த்திக்கின்றனர்.
சிவசக்தியின் அருளைப் பெறுவதற்கான சிறப்பான நாளாகக் கருதப்படுகிறது.
சில மரபுகளில் 21 நாட்கள் விரதம் அனுசரிக்கப்படுகிறது. பலர் தீபாவளி நாளில் ஒருநாள் விரதமாகவும் கடைப்பிடிக்கின்றனர்.

கேதார கௌரி விரதம் 2026 எப்போது?

கேதார கௌரி விரதம் நவம்பர் 8, ஞாயிற்றுக்கிழமை அன்று வருகிறது. இந்த ஆண்டு தீபாவளி அமாவாசை நாளுடன் இணைந்து வருவதால், தமிழ்நாட்டில் தீபாவளி நோன்பு அனுசரிக்கும் பக்தர்களுக்கு இது முக்கியமான நாளாகும்.

விரதம் : கேதார கௌரி விரதம்

அழைக்கப்படும் பெயர்: தீபாவளி நோன்பு

தேதி: நவம்பர் 8, ஞாயிற்றுக்கிழமை

தமிழ் மாதம்: ஐப்பசி

திதி: அமாவாசை

வழிபடும் தெய்வங்கள் : சிவபெருமான், பார்வதி தேவி

முக்கிய வழிபாடு : கலச பூஜை, நோன்புக் கயிறு, நைவேத்தியம்

புரட்டாதி மாதம் அஷ்டமி/தசமியில் தொடங்கி, ஐப்பசி மாத அமாவாசை (தீபாவளி நாள்) வரை 21 நாட்கள் இந்த விரதம் அனுசரிக்கப்படுகிறது. பலர் ஐப்பசி அமாவாசை நாளில் மட்டும் ஒருநாள் விரதமாகவும் கடைபிடிக்கின்றனர்.

சில குடும்பங்களில் 21 நாட்களுக்குப் பதிலாக 9 நாட்கள், 5 நாட்கள், 3 நாட்கள் அல்லது தீபாவளி அமாவாசை அன்று மட்டும் ஒருநாள் விரதமாகவும் கடைப்பிடிக்கப்படுகிறது.

விரதத்தின் 21 நாள் வழிபாட்டு மரபு

கேதார கௌரி விரதத்தில் 21 என்ற எண்ணிக்கைக்கு முக்கியத்துவம் அளிக்கும் மரபுகள் உள்ளன.

21 இழைகளைக் கொண்ட நூல் கயிறில் நாள்தோறும் ஒவ்வொரு முடிச்சு வீதம் இடப்படும். இறுதி நாளில் 21 முடிச்சுகள் கொண்ட மஞ்சள் கயிறு (நூல்கயிறு) பூஜை செய்யப்பட்டு ஆண்களுக்கு வலது கையிலும், பெண்களுக்கு இடது கையிலும் கட்டப்படுகிறது.

சில குடும்பங்களில் 21 அதிரசங்கள், 21 வெற்றிலை, பாக்கு, பழங்கள் மற்றும் இனிப்புகளை நைவேத்தியமாகப் படைக்கின்றனர். இது குடும்ப வழக்கத்திற்கேற்ப மாறுபடலாம்.கேதார கௌரி விரதம் அனுசரிக்கும் முறை

வீட்டைத் தூய்மைப்படுத்துதல்

விரத நாளன்று அதிகாலையில் எழுந்து வீட்டைச் சுத்தம் செய்து, பூஜையறையில் கோலம் போட்டு, விளக்கேற்றி வழிபாட்டுக்கான ஏற்பாடுகளைச் செய்ய வேண்டும்.

நீராடி விரதத்தைத் தொடங்குதல்

காலையில் எண்ணெய் தேய்த்து நீராடி, புத்தாடை அல்லது தூய்மையான ஆடை அணிந்து சிவபெருமானையும் பார்வதி தேவியையும் மனதில் நினைத்து விரதத்தைத் தொடங்கலாம்.

ஒரு செம்பு அல்லது வெள்ளிக் கலசத்தில் சுத்தமான நீர் நிரப்பவும்.
கலசத்தில் மஞ்சள், குங்குமம் வைத்து, மாவிலைகளைச் செருகி தேங்காய் வைக்கவும்.
கலசத்தை அம்மனின் திருவுருவமாகக் கருதி மலர்களால் அலங்கரிக்கவும்.
சிவபெருமான் மற்றும் பார்வதி தேவியின் படங்கள் அல்லது சிலைகளை வைத்து வழிபடலாம்.

கேதார கௌரி விரதத்தில் 21 இழைகள் கொண்ட நோன்புக் கயிறு முக்கிய இடம் பெறுகிறது. மஞ்சள் தடவிய நூலில் 21 இழைகள் அமைத்து, வழிபாட்டின்போது பூஜை செய்து வைத்துக்கொள்வது மரபாகும்.

சில குடும்பங்களில் 21 முடிச்சுகள் கொண்ட நூலைப் பயன்படுத்துகின்றனர். பூஜை முடிந்ததும் குடும்ப வழக்கப்படி நோன்புக் கயிறை கையில் கட்டிக்கொள்கின்றனர்.சிவசக்தி வழிபாடு

சிவபெருமானுக்கு வில்வ இலைகளையும், பார்வதி தேவிக்கு மஞ்சள், குங்குமம், மலர்களையும் சமர்ப்பிக்கலாம்.

தீபாவளி நாளில் ஒளி ஏற்றுவது இருளை அகற்றுவதற்கான அடையாளம் என்றால், கேதார கௌரி விரதம் மனதில் பக்தி, அன்பு, ஒற்றுமை ஆகியவற்றை வளர்க்கும் ஆன்மிக வழிபாடாகும்.

சிவபெருமானையும் அன்னை பார்வதி தேவியையும் மனமுருகி வழிபட்டு, குடும்ப நலனுக்காகப் பிரார்த்தனை செய்யும் இந்தப் புனித நாளில், “ஓம் நமசிவாய” என்ற மந்திரத்தைச் சொல்லி சிவசக்தியின் அருளைப் பெறுவோம்.

Hunter’s Moon 2026: இந்த 5 ராசிகளுக்கு பணவரவு யோகம்? 12 ராசிகளின் அதிர்ஷ்ட பலன்கள் இதோ!

Vedarethinam Ramalingam — Sat, 24 Oct 2026 05:58:12 +0530

Hunter’s Moon 2026: 2026 அக்டோபர் 26ல் நிகழும் ஹண்டர்ஸ் மூன் எனப்படும் வேடுவர் முழுமதியின் சிறப்புகள் என்ன? 12 ராசிகளுக்கான பணவரவு, தொழில் முன்னேற்றம், குடும்ப மகிழ்ச்சி மற்றும் அதிர்ஷ்ட பலன்களைத் தெரிந்துகொள்ளுங்கள்!

வானில் தோன்றும் ஒவ்வொரு முழுநிலவுக்கும் ஒரு தனிச்சிறப்பு உண்டு. அந்த வகையில், அக்டோபர் மாதத்தில் தோன்றும் ஹண்டர்ஸ் மூன் (Hunter’s Moon) தற்போது கவனம் பெற்றுள்ளது. தமிழில் இதனை வேட்டைக்காரனின் நிலவு, வேடுவர் மதி அல்லது வேடுவர் முழுமதி என்று குறிப்பிடலாம். மேற்கத்திய ஜோதிட நம்பிக்கைகளின்படி, இந்த முழுநிலவு பணம், தன்மதிப்பு, பொருளாதாரப் பாதுகாப்பு மற்றும் வாழ்க்கையில் முன்னேறுவதற்கான வாய்ப்புகளுடன் தொடர்புபடுத்தப்படுகிறது.

2026 அக்டோபர் 26ஆம் தேதி நிகழும் இந்த முழுநிலவு, ஜோதிட ஆர்வலர்களிடையே எதிர்பார்ப்பை ஏற்படுத்தியுள்ளது. இந்தப் பௌர்ணமி 12 ராசிக்காரர்களின் வாழ்க்கையில் என்னென்ன மாற்றங்களை ஏற்படுத்தும் என்று மேற்கத்திய ஜோதிடக் கண்ணோட்டத்தில் பார்க்கலாம்.

Baba Vanga Predictions 2026: 2026 கடைசியில இந்த 5 ராசிக்காரங்க தலைவிதி மாறப்போகுது! பாபா வங்கா கணிப்பு

அறுவடை நிலவான ஹார்வெஸ்ட் மூனுக்குப் பிறகு வரும் முதல் முழுநிலவுக்குத்தான் ஹண்டர்ஸ் மூன் என்று பெயர். இது பொதுவாக அக்டோபர் மாதத்தில் நிகழும். சில ஆண்டுகளில் இதன் தேதி மாறுபடலாம்.

பழங்காலத்தில் அறுவடை முடிந்ததும், குளிர்காலத்துக்குத் தேவையான உணவுகளைச் சேகரிக்கவும் விலங்குகளை வேட்டையாடவும் மக்கள் தயாரானார்கள். அப்போது மாலை நேரத்தில் கிடைத்த நிலவொளி அவர்களுக்கு உதவியாக இருந்தது. இந்தப் பாரம்பரியப் பின்னணியிலிருந்தே ஹண்டர்ஸ் மூன் என்ற பெயர் உருவானதாகக் கூறப்படுகிறது.

Name Astrology: பெயரில் 2 முறை ‘E’ இருக்கிறதா? உங்கள் குணம் இப்படித்தான் இருக்குமாம்!

இந்த முழுநிலவு தோன்றும் காலத்தில், நிலவு சில நாட்களுக்கு வழக்கத்தைவிட விரைவாக உதயமாவதுபோல் தோன்றலாம். இதனால் மாலை நேரத்தில் நிலவொளி நீண்ட நேரம் கிடைப்பதாக உணர முடியும். நிலவின் தோற்றம், உதய நேரம் மற்றும் ஒளியின் தன்மை ஆகியவை இடம், பருவம் மற்றும் நிலவின் சுற்றுப்பாதையைப் பொறுத்து மாறுபடும்.

நிலவு பூமிக்கு அருகில் இருக்கும் காலத்தில் முழுநிலவு நிகழ்ந்தால், அது சூப்பர் மூன் என அழைக்கப்படலாம். ஆனால் ஒவ்வொரு ஹண்டர்ஸ் மூனும் சூப்பர் மூனாக இருக்க வேண்டிய அவசியமில்லை.

மேற்கத்திய ஜோதிடத்தில் 2026 அக்டோபர் மாத ஹண்டர்ஸ் மூன் ரிஷப ராசியுடன் தொடர்புபடுத்தப்படுகிறது. ரிஷப ராசி பணம், பொருளாதார நிலைத்தன்மை, குடும்ப வசதி, சுயமதிப்பு ஆகியவற்றைக் குறிக்கும் ராசியாகக் கருதப்படுகிறது.

இதன் அடிப்படையில், இந்தப் பௌர்ணமி காலத்தைப் பொருளாதாரத் திட்டங்களை மறுபரிசீலனை செய்வதற்கும், நீண்டகால இலக்குகளை அமைப்பதற்கும் ஏற்ற காலமாக ஜோதிடர்கள் சிலர் விளக்குகின்றனர்.

குறிப்பாக, நம்முடைய திறமைகளுக்கு உரிய அங்கீகாரம் கிடைக்கிறதா, வருமானத்தை அதிகரிக்க என்ன செய்யலாம், சேமிப்பை எவ்வாறு மேம்படுத்தலாம் போன்ற கேள்விகளுக்கு விடை தேடுவதற்கான வாய்ப்பாக இந்தக் காலத்தை எடுத்துக்கொள்ளலாம். அப்படியானால், இந்த ஹண்டர்ஸ் பௌர்ணமி 12 ராசிகளுக்கும் என்னென்ன பொதுவான பலன்களைக் கொண்டுவரும் என்று பார்க்கலாம். Scorpio Season 2026: 12 ராசிகளுக்கும் என்னென்ன மாற்றங்கள்? காதல் முதல் வேலை வரை முழு விவரம்!

மேஷ ராசிக்காரர்களுக்குப் புதிய இலக்குகளை அமைத்துக்கொள்ளும் காலமாக இது அமையலாம். தொழிலில் தங்களுடைய திறமைகளை வெளிப்படுத்துவதற்கான வாய்ப்புகள் கிடைக்கலாம். வருமானத்தை அதிகரிப்பதற்கான புதிய வழிகளை ஆராய்வதுடன், தேவையற்ற செலவுகளைக் குறைப்பதிலும் கவனம் செலுத்துவது நல்லது.

Spiritual: பூஜை அறையில் கட்டாயம் இருக்க வேண்டிய 5 பொருட்கள்.! ஒவ்வொன்றின் முக்கியத்துவம் என்ன?

ஹண்டர்ஸ் பௌர்ணமியுடன் தொடர்புபடுத்தப்படும் ரிஷப ராசிக்காரர்கள், தங்களுடைய தனிப்பட்ட இலக்குகள் மற்றும் பொருளாதாரத் திட்டங்களை மறுபரிசீலனை செய்யலாம். பணியிடத்தில் தங்களுடைய திறமைகளுக்கு உரிய அங்கீகாரம் பெற முயற்சி செய்யலாம். குடும்பத்துடன் மகிழ்ச்சியான நேரத்தைச் செலவிடுவதற்கும் வாய்ப்புகள் அமையலாம்.Astrology Prediction: இடம் மாறும் கிரகங்கள்.! வானில் நடக்கும் மாாஜாலம்.! எந்தெந்த ராசிக்கு அதிர்ஷ்டம் அடிக்கப்போகுதுனு பாருங்க.!

மிதுன ராசிக்காரர்கள் நீண்ட நாட்களாக மனதில் வைத்திருந்த சில கவலைகளிலிருந்து விடுபடுவதற்கான வழிகளைக் கண்டறியலாம். புதிய திறமைகளைக் கற்றுக்கொள்வது, எதிர்கால வேலைவாய்ப்புகளை ஆராய்வது போன்ற முயற்சிகள் நன்மை அளிக்கலாம். முக்கியமான முடிவுகளை எடுப்பதற்கு முன்பு நிதானமாகச் சிந்திப்பது நல்லது. Vaastu: வீட்டில் டைனிங் Table போடும் இடம் தெரியுமா? எந்த திசையில் சாப்பிட்டால் நல்லது?!

கடக ராசிக்காரர்களுக்குச் சமூகத் தொடர்புகளை விரிவுபடுத்துவதற்கான காலமாக இது அமையலாம். நண்பர்கள் மற்றும் அறிமுகங்கள் மூலம் புதிய யோசனைகள் கிடைக்கலாம். தொழில் சார்ந்த இலக்குகளை அடைவதற்காகத் திட்டமிட்டுச் செயல்படுவது முன்னேற்றத்துக்கு உதவும். Astrology: அள்ளி கொடுக்கும் லட்சுமி நாராயண யோகம்.! புதாதித்திய யோகம் தரும் புதிய ராஜ்யம்.! இனி பாக்கெட் பணத்தால் நிரம்பி வழியும்.!

சிம்ம ராசிக்காரர்கள் தங்களுடைய தொழில் மற்றும் எதிர்கால வளர்ச்சியில் கூடுதல் கவனம் செலுத்தலாம். புதிய பொறுப்புகளை ஏற்கவும், பணியிடத்தில் தங்களுடைய திறமைகளை வெளிப்படுத்தவும் முயற்சி செய்யலாம். குடும்பத்தினரின் ஆதரவு மனதுக்கு நிம்மதியைக் கொடுக்கலாம்.

கன்னி ராசிக்காரர்களுக்குப் புதிய விஷயங்களைக் கற்றுக்கொள்வதற்கும், எதிர்காலத் திட்டங்களை மேம்படுத்துவதற்கும் ஏற்ற காலமாக இருக்கலாம். வேலை, கல்வி அல்லது தொழில் தொடர்பான முயற்சிகளில் தெளிவான இலக்குகளை அமைத்துக்கொள்வது பயனளிக்கும். நிதி சார்ந்த ஆவணங்களைச் சரிபார்ப்பதும் நல்லது.

துலாம் ராசிக்காரர்கள் சேமிப்பு, கடன் மற்றும் குடும்பச் செலவுகள் குறித்து மறுபரிசீலனை செய்யலாம். தேவையற்ற செலவுகளைக் குறைத்து, எதிர்காலத்துக்கான நிதிப் பாதுகாப்பை வலுப்படுத்த முயற்சி செய்யலாம். உறவுகளில் வெளிப்படையான உரையாடல்கள் மனநிம்மதியை அதிகரிக்க உதவும்.

விருச்சிக ராசிக்காரர்கள் குடும்பம் மற்றும் வாழ்க்கைத்துணையுடனான உறவுகளுக்கு முக்கியத்துவம் அளிக்கலாம். நீண்ட நாட்களாகப் பேசப்படாமல் இருந்த விஷயங்களை அமைதியாகப் பேசி முடிவுக்குக் கொண்டுவர முயற்சி செய்யலாம். தொழில் கூட்டாண்மைகளில் பொறுப்புகளைத் தெளிவுபடுத்துவது நல்லது.

தனுசு ராசிக்காரர்கள் அன்றாடப் பணிகளைச் சிறப்பாகத் திட்டமிட்டு முடிப்பதில் கவனம் செலுத்தலாம். புதிய வேலைவாய்ப்புகளை ஆராய்வது, திறமைகளை மேம்படுத்துவது போன்ற முயற்சிகள் எதிர்கால வளர்ச்சிக்கு உதவலாம். உடல் மற்றும் மனநலத்துக்கு ஏற்ற பழக்கங்களை உருவாக்குவதும் பயனளிக்கும்.

மகர ராசிக்காரர்கள் தங்களுடைய தனித்திறமைகளைப் பயன்படுத்திப் புதிய முயற்சிகளில் ஈடுபடலாம். தொழில் மற்றும் தனிப்பட்ட வாழ்க்கைக்கு இடையே சமநிலையைப் பேணுவது மகிழ்ச்சியை அதிகரிக்கும். முதலீடு தொடர்பான முடிவுகளை எடுக்கும்போது முறையான ஆய்வு அவசியம்.

கும்ப ராசிக்காரர்கள் வீடு, குடும்பம் மற்றும் நீண்டகாலப் பாதுகாப்பு தொடர்பான விஷயங்களில் கவனம் செலுத்தலாம். குடும்பத்தினருடன் இணைந்து எதிர்காலத் திட்டங்களை வகுப்பது நல்ல பலனை அளிக்கலாம். வீட்டுச் செலவுகளைத் திட்டமிடுவதன் மூலம் நிதி நிர்வாகத்தை மேம்படுத்தலாம்.

மீன ராசிக்காரர்கள் தங்களுடைய கருத்துகளைத் தெளிவாக வெளிப்படுத்துவதன் மூலம் புதிய வாய்ப்புகளைப் பெற முயற்சி செய்யலாம். நேர்காணல்கள், பேச்சுவார்த்தைகள் மற்றும் தொழில் தொடர்பான சந்திப்புகளில் நம்பிக்கையுடன் செயல்படுவது உதவியாக இருக்கலாம். புதிய திறமைகளைக் கற்றுக்கொள்வதற்கும் இது ஊக்கமளிக்கும் காலமாக அமையலாம்.

ஹண்டர்ஸ் பௌர்ணமி: அதிர்ஷ்டத்தை அதிகரிக்க என்ன செய்யலாம்?

ஜோதிட நம்பிக்கைகளின்படி, பௌர்ணமி என்பது மனதில் உள்ள எண்ணங்களைச் சீரமைத்து, புதிய இலக்குகளை அமைத்துக்கொள்வதற்கான ஒரு தருணமாகக் கருதப்படுகிறது.

பொருளாதாரம்: மாத வருமானம், செலவுகள் மற்றும் சேமிப்புக்கான திட்டத்தை உருவாக்குங்கள்.

தொழில்: நீண்ட நாட்களாகத் தள்ளிப்போட்ட ஒரு முக்கியமான பணியைத் தொடங்குங்கள்.

குடும்பம்: குடும்பத்தினருடன் நேரத்தைச் செலவிட்டு உறவுகளை வலுப்படுத்துங்கள்.

தன்னம்பிக்கை: உங்களுடைய திறமைகளை அடையாளம் கண்டு புதிய வாய்ப்புகளைத் தேடுங்கள்.

மனநிம்மதி: தியானம், பிரார்த்தனை அல்லது அமைதியான சிந்தனைக்குச் சிறிது நேரம் ஒதுக்குங்கள்.

2026 ஹண்டர்ஸ் பௌர்ணமி, பணம், தன்மதிப்பு, உறவுகள் மற்றும் எதிர்காலத் திட்டங்கள் குறித்து சிந்திப்பதற்கான ஒரு வாய்ப்பாக ஜோதிடத்தில் பார்க்கப்படுகிறது. 12 ராசிக்காரர்களும் தங்களுடைய திறமைகளை நம்பி, திட்டமிட்டுச் செயல்பட்டு, நேர்மறையான மனநிலையுடன் முன்னேற முயற்சி செய்யலாம்.

குறிப்பு: மேலே கொடுக்கப்பட்டுள்ள ராசி பலன்கள் மேற்கத்திய ஜோதிடக் கருத்துகளை அடிப்படையாகக் கொண்ட பொதுவான கணிப்புகள் மட்டுமே. இவை தனிப்பட்ட ஜாதகக் கணிப்புகள் அல்ல; பணவரவு அல்லது வாழ்க்கை மாற்றங்களுக்கு உத்தரவாதமும் அளிப்பதில்லை.

New Year Calendar: 2027 புத்தாண்டுக்கு புதிய காலண்டர் எப்போது வாங்க வேண்டும்?! பஞ்சாங்கம் இருந்தா இவ்ளோ நல்லதா?!

Vedarethinam Ramalingam — Sat, 31 Oct 2026 08:43:57 +0530

2027 புத்தாண்டுக்கு புதிய காலண்டர் எப்போது வாங்க வேண்டும்? வீட்டில் பஞ்சாங்கம் வைப்பதன் முக்கியத்துவம், திதி, நட்சத்திரம், சுப நேரம் மற்றும் ஆன்மீக நன்மைகள் குறித்து தெரிந்துகொள்ளுங்கள்.

புதிய ஆண்டு தொடங்குவதற்கு முன்பாகவே பலரும் தங்கள் வீடுகளுக்குப் புதிய காலண்டர் வாங்குவது வழக்கம். குறிப்பாக, பண்டிகை நாட்கள், சுப முகூர்த்தங்கள், அரசு விடுமுறைகள், விரத நாட்கள் உள்ளிட்டவற்றை முன்கூட்டியே தெரிந்துகொள்ள காலண்டர் மிகவும் உதவியாக இருக்கிறது. அதேபோல், இந்து ஆன்மீக மரபில் பஞ்சாங்கத்திற்கும் தனி முக்கியத்துவம் உண்டு. தினசரி திதி, நட்சத்திரம், யோகம், கரணம் உள்ளிட்ட காலக் கணக்கீடுகளைத் தெரிந்துகொள்ள பஞ்சாங்கம் பயன்படுகிறது. அப்படியானால், புதிய காலண்டரை எப்போது வாங்க வேண்டும்? வீட்டில் பஞ்சாங்கம் வைத்திருப்பதால் என்ன பயன்? இதுகுறித்து விரிவாகப் பார்க்கலாம்.

நவம்பர் Birthday Prediction: இந்தப் பிறந்த தேதிக்காரர்களுக்கு அதிர்ஷ்டக் கதவு திறக்கப்போகுது.! ராஜயோகம் யாருக்கு?

பொதுவாக, புதிய ஆண்டு தொடங்குவதற்கு 15 முதல் 30 நாட்களுக்கு முன்பாகவே புதிய காலண்டர் வாங்குவது நல்லது என்று பலரும் கருதுகின்றனர். அதாவது, டிசம்பர் மாதத்தின் நடுப்பகுதி முதல் இறுதிக்குள் அடுத்த ஆண்டுக்கான காலண்டரை வாங்கி வீட்டில் வைத்துக்கொள்ளலாம். இதன் மூலம் ஜனவரி மாதம் தொடங்கியவுடன் புதிய காலண்டரைப் பயன்படுத்துவதற்குத் தயாராக இருக்க முடியும். குறிப்பாக, குடும்ப நிகழ்ச்சிகள், திருமண நாட்கள், பிறந்தநாள், ஆண்டு விழாக்கள் மற்றும் முக்கியமான வேலைகளை முன்கூட்டியே திட்டமிட இது உதவியாக இருக்கும்.

Hair Tips: கொத்து கொத்தாக முடி கொட்டுகிறதா? நீங்கள் பயன்படுத்தும் சீப்புதான் காரணமா? இதை முதலில் தெரிஞ்சுக்கோங்க.!

புதிய காலண்டரை முன்கூட்டியே வாங்கி வைத்திருப்பதால் பல நடைமுறை நன்மைகள் கிடைக்கின்றன. அடுத்த ஆண்டில் வரும் பொங்கல், தீபாவளி, தமிழ் புத்தாண்டு, விநாயகர் சதுர்த்தி, நவராத்திரி உள்ளிட்ட பண்டிகை நாட்களை முன்கூட்டியே தெரிந்துகொள்ளலாம். மேலும், பள்ளி விடுமுறைகள், அரசு விடுமுறைகள் மற்றும் அலுவலக விடுமுறைகளைத் திட்டமிடவும் உதவுகிறது. குடும்பத்தில் நடைபெறவுள்ள சுப நிகழ்ச்சிகளுக்கான தேதிகளைத் தேர்வு செய்யவும் காலண்டர் பயன்படுகிறது. எனவே, கடைசி நேரத்தில் வாங்குவதைவிட டிசம்பர் மாதத்திலேயே வாங்கி வைப்பது வசதியாக இருக்கும்.

Real Enemies Myths: தேங்காய் எண்ணெயும் நெய்யும் எதிரியா? மாரடைப்பு பற்றிய கட்டுக்கதைகளும் உண்மைகளும்!

பழைய ஆண்டின் காலண்டரை எப்போது அகற்றுவது என்ற கேள்வியும் பலருக்கு இருக்கிறது. பொதுவாக, டிசம்பர் 31-ஆம் தேதி வரை பழைய காலண்டரைப் பயன்படுத்திவிட்டு, புதிய ஆண்டு தொடங்கும்போது புதிய காலண்டரை மாட்டலாம். சிலர் ஜனவரி 1-ஆம் தேதி அதிகாலையில் அல்லது தங்களது குடும்ப வழக்கப்படி பூஜை செய்த பின்னர் புதிய காலண்டரை வைப்பார்கள். பழைய காலண்டரில் கடவுள் படங்கள் இருந்தால் அவற்றை மரியாதையுடன் அகற்றி, குப்பையில் சாதாரணமாக வீசாமல் உரிய முறையில் கையாளுவது நல்லது. இவை அனைத்தும் குடும்ப மரபு மற்றும் தனிப்பட்ட நம்பிக்கைகளைப் பொறுத்தது.

LPG Booking Rules: நவம்பர் 1 முதல் கேஸ் புக்கிங் விதிகள் என்ன? ஆதார் e-KYC செய்யாவிட்டால் மானியம் கிடைக்குமா?

இந்து ஆன்மீக மரபில் பஞ்சாங்கம் முக்கியமான இடத்தைப் பெற்றுள்ளது. ஒவ்வொரு வீட்டிலும் பஞ்சாங்கம் வைத்திருக்க வேண்டும் என்ற நம்பிக்கை பல குடும்பங்களில் உள்ளது. பஞ்சாங்கம் என்பது வெறும் நாட்காட்டி மட்டுமல்ல; சூரியன், சந்திரன் உள்ளிட்ட வானியல் இயக்கங்களின் அடிப்படையில் காலத்தைக் கணக்கிடும் பாரம்பரிய முறையாகும். தினசரி எந்தத் திதி, நட்சத்திரம், யோகம், கரணம் என்பதையும் அறிந்துகொள்ள இது உதவுகிறது. குறிப்பாக, வீட்டில் நடைபெறும் பூஜைகள், விரதங்கள் மற்றும் சுப நிகழ்ச்சிகளுக்கான நாட்களைத் தெரிந்துகொள்ள பஞ்சாங்கம் பயனுள்ளதாக இருக்கும்.

Traditional Home made Halwa: திருநெல்வேலி அல்வா! திருவையாறு அசோகா.! வீட்டிலேயே செய்யலாம்.! அதுவும் அதே சுவையில்.! எப்படி தெரியுமா?

'பஞ்சாங்கம்' என்ற சொல்லுக்கு ஐந்து அங்கங்களைக் கொண்டது என்று பொருள். அவை திதி, வாரம், நட்சத்திரம், யோகம், கரணம் ஆகிய ஐந்து அம்சங்களாகும். திதி என்பது சந்திரனின் வளர்பிறை, தேய்பிறை நிலைகளின் அடிப்படையிலான காலக் கணக்கீடு. வாரம் என்பது ஞாயிறு முதல் சனிக்கிழமை வரையிலான ஏழு கிழமைகளைக் குறிக்கிறது. நட்சத்திரம் என்பது சந்திரனின் இருப்பிடத்தை அடிப்படையாகக் கொண்ட கணக்கீடு. யோகம் மற்றும் கரணம் ஆகியவை பாரம்பரிய ஜோதிடக் காலக் கணக்கீட்டின் மற்ற இரண்டு முக்கிய அம்சங்களாகும். இந்த ஐந்தின் அடிப்படையில்தான் பஞ்சாங்கத்தில் தினசரி விவரங்கள் குறிப்பிடப்படுகின்றன.

Morning Bath vs Night Bath: காலையில் குளிப்பதா? இரவில் குளிப்பதா? எது பெஸ்ட்?

வீட்டில் திருமணம், புதுமனை புகுவிழா, தொழில் தொடக்கம், வாகனம் வாங்குதல் போன்ற சுப நிகழ்ச்சிகளை நடத்தும்போது நல்ல நாள் மற்றும் நேரம் பார்க்கும் பழக்கம் பலரிடம் உள்ளது. இதற்குப் பஞ்சாங்கம் உதவுகிறது. மேலும், ராகு காலம், எமகண்டம், குளிகை போன்ற நேரங்களையும் தெரிந்துகொள்ளலாம். குடும்ப வழக்கப்படி தினசரி பூஜை செய்வதற்கும், விரதம் கடைப்பிடிப்பதற்கும் தேவையான நாட்களை அறிய முடியும். இருப்பினும், முக்கியமான சுப நிகழ்ச்சிகளுக்கு உள்ளூர் நடைமுறை மற்றும் தகுதியான ஜோதிடரின் ஆலோசனையையும் கருத்தில் கொள்வது வழக்கம்.

8th Pay Commission: 1.83 முதல் 4 வரை ஃபிட்மென்ட் ஃபேக்டர்? யாருக்கு எவ்வளவு சம்பளம் உயரும்?

ஏகாதசி, பிரதோஷம், அமாவாசை, பௌர்ணமி, சஷ்டி உள்ளிட்ட முக்கியமான விரத நாட்களைத் தெரிந்துகொள்ள பஞ்சாங்கம் பயன்படுகிறது. குறிப்பாக, அமாவாசை மற்றும் முன்னோர்களுக்கான திதி தொடர்பான நாட்களை அறிந்துகொள்ள விரும்பும் குடும்பங்களுக்கு இது உதவியாக இருக்கும். சில விரதங்கள் மற்றும் வழிபாடுகள் குறிப்பிட்ட திதி அல்லது நட்சத்திரத்தின் அடிப்படையில் கடைப்பிடிக்கப்படுவதால், பஞ்சாங்கத்தைப் பார்த்து முன்கூட்டியே தயாராகலாம். இதனால் முக்கியமான ஆன்மீக நிகழ்வுகளைத் தவறவிடாமல் குடும்ப மரபுப்படி கடைப்பிடிக்க முடியும்.

Govt Scheme: இந்த ஆவணங்கள் இருந்தா போதும்.! ரூ.1.20 லட்சம் மானியம் கிடைக்கும்.! யாரெல்லாம் விண்ணப்பிக்கலாம் தெரியுமா?

குழந்தை பிறந்த தேதி, நேரம் மற்றும் பிறந்த இடம் ஆகியவற்றின் அடிப்படையில் ஜாதகக் கணக்கீடுகள் மேற்கொள்ளப்படுகின்றன. இதற்குத் தேவையான திதி, நட்சத்திரம் உள்ளிட்ட அடிப்படைத் தகவல்களைப் பஞ்சாங்கம் மூலம் அறியலாம். இருப்பினும், துல்லியமான ராசி, லக்னம் மற்றும் ஜாதக விவரங்களைக் கணக்கிடுவதற்கு விரிவான வானியல் மற்றும் ஜோதிடக் கணக்கீடுகள் தேவைப்படலாம். எனவே, பஞ்சாங்கம் ஒரு வழிகாட்டியாகப் பயன்படுகிறது.

Astrology: நவம்பர் மாதம் முதல் சந்திரனின் ஆதிக்கம்! 12 ராசிகளுக்கும் என்னென்ன மாற்றங்கள் வரப்போகிறது?

பல குடும்பங்களில் பஞ்சாங்கத்தைப் பூஜை அறையில் மரியாதையுடன் வைக்கும் வழக்கம் உள்ளது. தினசரி பூஜையின்போது அன்றைய திதி, நட்சத்திரம் மற்றும் விரத நாட்களைப் பார்த்துக்கொள்ளும் வகையில் எளிதில் அணுகக்கூடிய இடத்தில் வைக்கலாம். பயன்படுத்தும்போது சுத்தமாகவும் பாதுகாப்பாகவும் வைத்திருப்பது நல்லது. பஞ்சாங்கத்தை வீட்டில் வைத்திருப்பதால் அதிர்ஷ்டம் அல்லது செல்வம் தானாகவே பெருகும் என்பதற்கு அறிவியல் ஆதாரம் இல்லை. ஆனால், ஆன்மீக மரபுகளைப் பின்பற்றவும் குடும்ப வழிபாட்டு முறைகளைத் திட்டமிடவும் இது உதவுகிறது.

காலண்டரும் பஞ்சாங்கமும் இரண்டும் வெவ்வேறு தேவைகளுக்குப் பயன்படுகின்றன. காலண்டர் அன்றாட வாழ்க்கைக்கான தேதி, கிழமை, விடுமுறை மற்றும் நிகழ்ச்சிகளைத் திட்டமிட உதவுகிறது. பஞ்சாங்கம் திதி, நட்சத்திரம், விரதம் மற்றும் பாரம்பரிய சுப நேரங்கள் குறித்த தகவல்களை வழங்குகிறது. எனவே, புதிய ஆண்டு தொடங்குவதற்கு முன்பே ஒரு நல்ல காலண்டரை வாங்கி வைப்பதுடன், குடும்ப மரபைப் பின்பற்ற விரும்புபவர்கள் பஞ்சாங்கத்தையும் வாங்கி வைத்துக்கொள்ளலாம்.

புத்தாண்டு என்பது புதிய திட்டங்களையும் புதிய நம்பிக்கைகளையும் தொடங்குவதற்கான ஒரு வாய்ப்பாகும். அந்த வகையில், டிசம்பர் மாதத்திலேயே புதிய காலண்டரை வாங்கி வைப்பது அடுத்த ஆண்டைச் சிறப்பாகத் திட்டமிட உதவும். அதேபோல், வீட்டில் பஞ்சாங்கம் வைத்திருப்பது இந்து ஆன்மீக மரபுகள், விரதங்கள் மற்றும் வழிபாட்டு நாட்களை அறிந்துகொள்ள உதவியாக இருக்கும். எனவே, அன்றாடத் தேவைகளுக்குக் காலண்டரையும், ஆன்மீக வழிகாட்டுதலுக்குப் பஞ்சாங்கத்தையும் பயன்படுத்தி புதிய ஆண்டைத் திட்டமிட்டு வரவேற்கலாம்.

Astrology: நவம்பர் 3 முதல் புதன் பெயர்ச்சி.! தொழில், பணவரவில் அதிர்ஷ்டம் பெறும் 4 ராசிகள்.. இனி வெற்றிதான்!