Asianet News Tamil

Jailer 2 First Review : வந்தாச்சு ஜெயிலர் 2 முதல் விமர்சனம்... படம் ஒர்த்தா? ஒர்த் இல்லையா?

Ganesh A — Wed, 07 Oct 2026 20:37:31 +0530

Jailer 2 Movie First Review : நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் நடிப்பில் உருவாகி உள்ள ஜெயிலர் 2 திரைப்படத்தின் முதல் விமர்சனம் எக்ஸ் தளத்தில் வெளியாகி உள்ளது.

ஜெயிலர் படத்தின் மாபெரும் வெற்றிக்கு பின்னர் ரஜினிகாந்தும், நெல்சனும் மீண்டும் இணைந்துள்ள படம் ஜெயிலர் 2. சன் பிக்சர்ஸ் கலாநிதி மாறன் தயாரிப்பில் பிரம்மாண்டமாக உருவாகி உள்ள இப்படத்தில் சூப்பர்ஸ்டார் உடன் வித்யா பாலன், எஸ்.ஜே.சூர்யா, சூரஜ், ஷிவராஜ்குமார், மோகன்லால், ஹிரித்திக் ரோஷன், விஜய் சேதுபதி என மிகப்பெரிய நட்சத்திர பட்டாளமே நடித்துள்ள இப்படம் வருகிற அக்டோபர் 15ந் தேதி திரையரங்குகளில் ரிலீஸ் ஆக உள்ளது. இப்படத்திற்கு சென்சார் போர்டு யு/ஏ சான்றிதழ் வழங்கி உள்ளது. ஜெயிலர் 2 படத்தின் ரிலீஸுக்கு இன்னும் ஒரு வாரம் உள்ள நிலையில், தற்போதே அதன் முதல் விமர்சனம் வெளியாகி இணையத்தில் வைரலாகி வருகிறது. அதில் என்ன சொல்லி இருக்கிறார்கள் என்பதை பார்க்கலாம்.

ரஜினிகாந்த் நடிப்பில் உருவாகியுள்ள ‘ஜெயிலர் 2’ திரைப்படம் முழுக்க முழுக்க மாஸ் ரசிகர்களை மனதில் வைத்து உருவாக்கப்பட்டுள்ள ஆக்‌ஷன் படமாக இருக்கிறதாம். முதல் பாகத்தைப் போலவே அதிரடி, காமெடி, மாஸ் காட்சிகள் என ரசிகர்களை திருப்திப்படுத்தும் அம்சங்கள் படத்தில் நிறைந்துள்ளதாம்.

படத்தின் மிகப்பெரிய பலமாக இருப்பது அதன் ஆக்‌ஷன் காட்சிகள்தானாம். சண்டைக் காட்சிகளுக்கு இடையில் பெரிய இடைவெளி இல்லாமல் அடுத்தடுத்து அதிரடி சம்பவங்கள் இடம்பெறுகிறதாம். ரஜினிகாந்த் களமிறங்கும் ஒவ்வொரு காட்சியும் ரசிகர்களுக்கு விசில் போடும் தருணமாக அமைந்துள்ளதாம்.

ஒருபுறம் ரஜினியை குறிவைத்து ஒரு கும்பல் களமிறங்க, மறுபுறம் அவர்களை எதிர்த்து ரஜினி நடத்தும் வேட்டைதான் படத்தின் முக்கிய கதைக்களமாக நகர்கிறதாம். ஸ்லோ மோஷன் காட்சிகளுடன் ரஜினியின் மாஸ் தருணங்கள் திரையில் நன்றாக ஒர்க் அவுட் ஆகியிருக்கின்றதாம்.

படத்தின் கதையில் மற்றொரு முக்கிய கும்பலாக மிதுன் கேங் இடம்பெறுகிறதாம். இந்த கும்பல்களிடமிருந்து ரஜினி எப்படி தப்பிக்கிறார், அவர்களை எப்படி எதிர்கொள்கிறார் என்பதுதான் திரைக்கதையின் முக்கிய அம்சமாக இருக்குமாம். இதற்கிடையே காமெடியும் சரியான இடங்களில் இடம்பெற்று ஆக்‌ஷன் அழுத்தத்தை குறைக்கும் வண்ணம் உள்ளதாம். காமெடி காட்சிகள் பெரும்பாலும் ரசிகர்களிடம் நல்ல வரவேற்பை பெறும் வகையில் அமைந்துள்ளதாம்.

படத்தின் மிகப்பெரிய சர்ப்ரைஸ்களில் ஒன்று ஹிருத்திக் ரோஷனின் கேமியோ. அவரது ஸ்கிரீன் பிரசன்ஸ் சில நிமிடங்களுக்கு மட்டுமே இருந்தாலும், ரசிகர்களுக்கு பெரிய ட்ரீட்டாக இருக்கும் வண்ணம் அமைந்துள்ளதாம். அதேபோல் கோவா கார்னிவல் பின்னணியில் வரும் பாடலைத் தொடர்ந்து இடம்பெறும் பிரம்மாண்டமான ஆக்‌ஷன் பிளாக் படத்தின் முக்கிய ஹைலைட்டாக அமைந்துள்ளதாம்.

படத்தின் பின்னணி இசை, முதல் பாகத்தின் அளவுக்கு தாக்கத்தை ஏற்படுத்தவில்லையாம். குறிப்பாக சில காட்சிகளில் பிஜிஎம் எதிர்பார்த்த அளவுக்கு மாஸ் இல்லையாம். அதே நேரத்தில் ‘ஜெயிலர்’ தீம் ரசிகர்களுக்கு மீண்டும் பழைய மாஸ் நினைவுகளை கொடுக்கிறதாம். ஹிருத்திக் ரோஷன் மற்றும் வித்யா பாலன் இடம்பெறும் பகுதிகளுக்கான பின்னணி இசையும் சிறப்பாக இருப்பதாக கூறப்படுகிறது. பாடல்களும் படத்திற்கு கூடுதல் பலமாக அமைந்துள்ளதாம்.

இந்த படத்தின் மிக முக்கியமான பிளஸ் பாயிண்டாக சூரஜ்ஜின் வில்லன் கதாபாத்திரம் இருக்கிறதாம். அவரது நடிப்பும், வில்லத்தனமான அணுகுமுறையும் பல இடங்களில் கவனம் ஈர்க்கும் வண்ணம் உள்ளதாம். குறிப்பாக ரஜினிக்கு எதிரான கதாபாத்திரமாக அவர் கொடுத்துள்ள நடிப்பு படத்திற்கு கூடுதல் பலம் சேர்த்துள்ளதாம். மொத்தத்தில் ரஜினி ரசிகர்களுக்கு இப்படம் செம விருந்தாக இருக்கும் என முதல்கட்ட விமர்சனங்கள் தெரிவிக்கின்றன.

EXCLUSIVE — #Jailer2 Inside Report

The film has EVERYTHING that a MASS audience wants.

NONSTOP ACTION. No breathing space between the fights. It is a RAMPAGE.

A gang is after #Rajinikanth, and #Thalaivar is after them.

Slow-motion action scenes land with mass BGM.

There is also a #Mithun gang. The story is about how Rajinikanth escapes these gangs.

There's a cameo. Yes, your guess is right — #HrithikRoshan.

There is a Goa Carnival song, followed by a HUGE action block.

The Hindi dubbing is just OKAY. The Hindi version’s survival looks very minimal — it lacks the favour and essence in the dub.

Comedy works definitely. BGM is POOR this time, except the #Jailer theme.

#HRX and #VidyaBalan BGMs are also FABULOUS.

#Hrithik’s cameo is more than 5 minutes.

It doesn’t surpass the original #Jailer, but it is nothing short of a FEAST.

#SurajVenjaramudu as the villain STEALS the show. Songs add another plus point.

For mass audiences and #Rajinikanth fans, the film is nothing short of a FESTIVAL.

FINAL VERDICT: SOLID!!

— BFilmy Tweets (@BFilmyTweets) October 7, 2026

Dont Trouble The Trouble Review : ஃபகத் ஃபாசிலின் மேஜிக் ஒர்க் அவுட் ஆனதா? இல்லையா? டோண்ட் டிரபிள் த டிரபிள் விமர்சனம்

Ganesh A — Fri, 02 Oct 2026 08:02:44 +0530

Dont Trouble The Trouble Movie Review: ஃபகத் ஃபாசில் ஹீரோவாக நடிக்க, ராஜமௌலி வழங்க, கார்த்திகேயா தயாரித்த 'டோண்ட் டிரபிள் த டிரபிள்' படம் ரிலீஸ் ஆகி உள்ள நிலையில், அப்படம் எப்படி இருக்கு என்பதை இந்த விமர்சனத்தில் பார்க்கலாம்.

ராஜமௌலி வழங்க, அவரோட பையன் கார்த்திகேயா தயாரிச்ச படம்தான் 'டோண்ட் டிரபிள் த டிரபிள்'. ஆர்கா மீடியா ஒர்க்ஸ், ஷோயிங் பிசினஸ் பேனர்ல ஷோபு யார்லகட்டா, பிரசாத் தேவிநேனி, எஸ்.எஸ். கார்த்திகேயா சேர்ந்து தயாரிச்சிருக்காங்க. 'புஷ்பா' வில்லன் ஃபகத் ஃபாசில் ஹீரோவா நடிக்க, சாரா பலேகர், மகேஷ் மஞ்ச்ரேக்கர், சுப்பராஜு முக்கியமான ரோல்ல நடிச்சிருக்காங்க. ஷசாங்க் ஏலேட்டி இந்த படத்தை இயக்கியிருக்காரு. தியேட்டரில் ரிலீஸ் ஆகி உள்ள இப்படம் எப்படி இருக்கு? என்பதை வாங்க பார்க்கலாம்.

Baththa Review : விஜய் சேதுபதி பந்தயம் அடித்தாரா? பல்பு வாங்கினாரா? பத்தா விமர்சனம் இதோ

சூரி (ஃபகத் ஃபாசில்) ஒரு ஆம்புலன்ஸ் டிரைவர். பெட்டிங் கட்டி ஆம்புலன்ஸ் ஓட்டி பணம் சம்பாதிக்கிறாரு. பழைய நகரத்து ஸ்மக்ளர் அஸ்லாம் (மகேஷ் மஞ்ச்ரேக்கர்) கூட இவருக்கு பிரச்சனை வருது. மூணு நாள்ல 25 லட்சம் கொடுக்கணும்னு அஸ்லாம் மிரட்டுறாரு. பணத்துக்காக சூரி தப்பு மேல தப்பு பண்ணும்போது, அவருக்கு ஒரு மேஜிக் லாக்கெட் கிடைக்குது. அதுல இருந்து திவ்யா (பேபி சாரா)ங்குற சின்ன பொண்ணு வர்றா. அந்த பொண்ணு சூரிக்கு மட்டும்தான் தெரிவா. தன்னோட மேஜிக் பவரால காணாம போன அப்பா அம்மாவை கண்டுபிடிச்சு தர சொல்லி சூரிகிட்ட அந்த பொண்ணு கேக்குறா. அந்த பொண்ணை வெச்சு சூரி எப்படி பணம் சம்பாதிக்க நினைச்சாருங்குறதுதான் கதை.

டைட்டிலுக்கும் கதைக்கும் எந்த சம்பந்தமும் இல்லை. ட்ரெய்லர்ல ஹீரோவும் பாப்பாவும் சேர்ந்து மேஜிக் பண்ற மாதிரி காட்டுனாங்க. ஆனா படத்துல ஹீரோவுக்கு எந்த பவரும் இல்லை. படம் முழுக்க அந்த சின்ன பொண்ணை சுத்தியே நகருது. காமெடி, எமோஷன், மேஜிக்னு எதையுமே சரியா சொல்லாம குழப்பியிருக்காங்க. ஃபர்ஸ்ட் ஹாஃப்ல ஹீரோ கேரக்டர் கொஞ்சம் இன்ட்ரஸ்டிங்கா இருந்தாலும், போகப் போக போர் அடிக்குது. இன்டர்வல் ட்விஸ்ட் கூட ஆடியன்ஸுக்கு முன்னாடியே தெரிஞ்சிடுது. செகண்ட் ஹாஃப் ரொம்பவே இழுவையா இருக்கு. கிளைமேக்ஸ் எமோஷன் மட்டும்தான் கொஞ்சம் ஆறுதல்.

படத்துல அந்த சின்ன பொண்ணோட மேஜிக், கிளைமேக்ஸ், விசுவல்ஸ் மட்டும்தான் பிளஸ். மத்தபடி எல்லாமே மைனஸ்தான். ஹீரோ ஃபகத் ஃபாசில் எவ்வளவோ கஷ்டப்பட்டும், கதையில எந்த விஷயமும் இல்லாததால அது வீணா போச்சு. லாஜிக் இல்லாத சீன்களால படம் ரொம்பவே போர் அடிக்குது. ராஜமௌலி மாதிரி ஒரு பெரிய டைரக்டருக்கும், என்டிஆர், மகேஷ் பாபு மாதிரி பெரிய ஸ்டார்ஸுக்கும் இந்த படம் எப்படி பிடிச்சதுங்குறதுதான் பெரிய கேள்வி.

சூரி கேரக்டர்ல ஃபகத் ஃபாசில் சூப்பரா நடிச்சிருக்காரு. ஆனா அவரோட டயலாக் டெலிவரி கொஞ்சம் செயற்கையா இருக்கு. சில வார்த்தைகள் புரியவே இல்லை. பேபி திவ்யா கேரக்டர்ல சாரா ரொம்ப கியூட்டா நடிச்சிருக்காங்க. உண்மைய சொல்லணும்னா அவங்கதான் படத்தோட ஹீரோ. அஸ்லாமா வர்ற மகேஷ் மஞ்ச்ரேக்கர், போலீஸா வர்ற சுப்பராஜு, ஹீரோவோட ஃப்ரெண்டா வர்ற வெங்கடேஷ் ககுமானு எல்லாரும் அவங்க வேலையை கரெக்டா பண்ணியிருக்காங்க.

டைரக்டர் ஷசாங்க் காமெடி, எமோஷன் ரெண்டையுமே ஆடியன்ஸுக்கு கனெக்ட் பண்ண தவறிட்டாரு. கால பைரவாவோட மியூசிக் படத்துக்கு எந்த விதத்துலயும் கைகொடுக்கல. பேக்ரவுண்ட் மியூசிக் சில இடங்கள்ல மட்டும் ஓகே. எடிட்டிங்ல இன்னும் கொஞ்சம் கவனம் செலுத்தியிருக்கலாம். கேமரா ஒர்க் ரொம்ப நல்லா இருக்கு. தயாரிப்பு செலவுல எந்த குறையும் வைக்கல, படம் பாக்குறதுக்கு ரொம்ப ரிச்சா இருக்கு. கிளைமேக்ஸ்ல வர்ற கொஞ்ச நேரத்தை தவிர, படம் முழுக்கவே ட்ரபுள்தான்.

Anbil Avan Review : அசோக் செல்வனின் ஆக்‌ஷன் விருந்து டேஸ்டா? வேஸ்டா? அன்பில் அவன் விமர்சனம்

Yezhu Kadal Yezhu Malai Review : ஏழு கடல் ஏழு மலை படம் ஒர்த்தா? ஒர்த் இல்லையா? முழு விமர்சனம் இதோ

Ganesh A — Thu, 01 Oct 2026 12:50:09 +0530

Yezhu Kadal Yezhu Malai Movie Review : ராம் இயக்கத்தில் நிவின் பாலி, அஞ்சலி, சூரி நடிப்பில் ரிலீஸ் ஆகி இருக்கும் ஏழு கடல் ஏழு மலை திரைப்படத்தின் விமர்சனத்தை இந்த தொகுப்பில் பார்க்கலாம்.

படத்தில் நாயகன் நிவின் பாலிக்கு கதாபாத்திரத்திற்கு பெயர் எதுவும் இல்லை. சுமார் 4,000 ஆண்டுகளாக உயிருடன் வாழ்ந்து வரும் சாகாவரம் பெற்ற மனிதராக அவர் தோன்றுகிறார். இத்தனை ஆண்டுகளாக வாழ்ந்தாலும், அவரது வாழ்க்கையை முன்னெடுத்துச் செல்வது ஒரு பெண்ணின் மீதான காதல்தான். பல நூற்றாண்டுகளாக தனது காதலியைத் தேடி வரும் அவரால், நிஜ வாழ்க்கையில் அந்தப் பெண்ணை கண்டுபிடிக்க முடியவில்லை. இந்நிலையில், தீபாவளி இரவில் ஒரு ரயிலின் முன்பதிவு இல்லாத கடைசி பெட்டியில் அவர் தூங்கிக் கொண்டிருக்கிறார்.

அப்போது அவருக்கு ஒரு கனவு வருகிறது. அந்தக் கனவில் பல ஆண்டுகளாகத் தேடி வரும் அந்தப் பெண் தோன்றுகிறார். இதற்கிடையே, படத்தின் மற்றொரு முக்கிய கதாபாத்திரமாக சூரி வருகிறார். அவருடைய கதாபாத்திரத்திற்கும் பெயர் கிடையாது. குடும்பத்தின் எதிர்காலத்திற்காக பல ஆண்டுகளாக வெளிநாட்டில் கடுமையாக உழைத்துவிட்டு, சம்பாதித்த பணம் மற்றும் குடும்பத்திற்கான பொருட்களுடன் சொந்த ஊருக்குத் திரும்புகிறார்.

சூரி ரயிலில் ஏறியதும், அங்கு தூங்கிக் கொண்டிருக்கும் நிவின் பாலியின் கதாபாத்திரத்தை எழுப்புகிறார். அந்தச் சிறிய சம்பவமே இருவருடைய பயணத்தையும் மாற்றுகிறது. ஏற்கனவே கனவில் தனது காதலியைப் பார்த்துக் கொண்டிருந்த சாகாவரம் பெற்ற மனிதனை எழுப்பியதால், எதிர்பாராத பிரச்சனையில் சூரி சிக்கிக்கொள்கிறார். அதன்பிறகு அந்த ரயில் பெட்டிக்குள் இருவருக்கும் இடையே நடைபெறும் உரையாடல்கள், கருத்து மோதல்கள் மற்றும் பயணம்தான் படத்தின் முக்கியப் பகுதியாக மாறுகிறது.

ஒருவருக்கு பல ஆயிரம் ஆண்டுகளின் வாழ்க்கை அனுபவம்; மற்றொருவருக்கு குடும்பத்தைச் சுற்றிய சாதாரண மனித வாழ்க்கை.

இந்த இரு மாறுபட்ட உலகங்களைச் சேர்ந்தவர்கள் ஒரே இடத்தில் சிக்கிக்கொள்வது கதைக்கு வித்தியாசமான சுவாரஸ்யத்தை உருவாக்குகிறது. இந்தப் பயணத்தில் ஒரு சிறிய எலியும் முக்கியமான இடத்தைப் பிடிக்கிறது. சில நேரங்களில் இருவரையும் பிரிக்கும் காரணமாகவும், மற்ற நேரங்களில் அவர்களை ஒன்றிணைக்கும் சூழ்நிலையை உருவாக்குவதாகவும் அந்த எலி இடம்பெறுகிறது.

ஒருபுறம், ஆயிரக்கணக்கான ஆண்டுகளாகத் தேடி வரும் தனது காதலியை நிவின் பாலி கண்டுபிடித்தாரா? மறுபுறம், குடும்பத்தைப் பார்க்கும் ஆவலுடன் சொந்த ஊருக்குப் பயணிக்கும் சூரி பாதுகாப்பாக வீடு திரும்பினாரா? இதற்கு நடுவே சிக்கிக் கொள்ளும் அந்த எலியின் நிலை என்ன? என்பதே படத்தின் மீதிக்கதை.

படத்தின் முதல் பாதி பெரும்பாலும் ரயிலிலேயே பயணிக்கிறது. இதில் சூரி பல நகைச்சுவை வசனங்களைப் பேசினாலும், அவை பெரிதாகச் சிரிப்பை வரவழைக்கவில்லை. குறிப்பாக, நிவின் பாலியைத் தொடர்ந்து "ப்ரோ, ப்ரோ" என்று சூரி அழைத்துக்கொண்டே இருப்பது ஒரு கட்டத்தில் சலிப்பை ஏற்படுத்துகிறது.

முதல் பாதியைக் கடப்பதற்குக் கொஞ்சம் அதிகமான பொறுமை தேவைப்படுகிறது. எதிர்பார்த்த அளவுக்குத் திரைக்கதை விறுவிறுப்பாக இல்லாதது சற்று ஏமாற்றத்தைத் தருகிறது. இருப்பினும், இடைவேளைக்கு முந்தைய காட்சிகளும், இடைவேளைக் காட்சியும் ஓரளவுக்கு ஆர்வத்தைத் தூண்டும் வகையில் அமைந்துள்ளன. குறிப்பாக, காட்டுப் பகுதிகளில் படமாக்கப்பட்ட காட்சிகள் ரசிக்க வைக்கின்றன.

ஒளிப்பதிவு படத்தின் முக்கியமான பலமாக இருக்கிறது. இயற்கை எழில் கொஞ்சும் காட்சிகளும், காட்சிகளைப் படமாக்கிய விதமும் பாராட்டும்படி உள்ளன. யுவன் சங்கர் ராஜாவின் இசை சில இடங்களில் மட்டுமே கவனம் ஈர்க்கிறது. அஞ்சலி நடித்த கதாபாத்திரத்தைப் பொறுத்தவரை, கதையில் பெரிய தாக்கத்தை ஏற்படுத்தும் அளவுக்கு அதற்கு முக்கியத்துவம் வழங்கப்படவில்லை. இதனால் அவரது கதாபாத்திரம் இன்னும் வலுவாக இருந்திருக்கலாம் என்ற எண்ணம் ஏற்படுகிறது.

இயக்குநர் ராம் என்றாலே கதையை அழகாகவும், உணர்வுப்பூர்வமாகவும் சொல்லக்கூடியவர் என்ற எதிர்பார்ப்பு இருக்கும். ஆனால், இந்தப் படத்தில் ஏதோ ஒன்று குறைவாக இருப்பதைப் போன்ற உணர்வு ஏற்படுகிறது. இரண்டாம் பாதியில் சூரி, நிவின் பாலியிடம் வாழ்க்கை தொடர்பான அறிவுரைகளைக் கேட்கும் காட்சிகள் நன்றாக அமைந்துள்ளன. குறிப்பாக, அந்த அறிவுரைகள் படத்தில் வரும் கதாபாத்திரத்துக்கு மட்டுமல்லாமல், நமக்கே சொல்லப்படுவதைப் போன்ற உணர்வைத் தருகின்றன. அந்தப் பகுதிகள் சிந்திக்க வைக்கும் வகையில் உள்ளன.

மொத்தத்தில், இயக்குநர் ராமின் படைப்புகளை விரும்பிப் பார்ப்பவர்களும், வித்தியாசமான கதைக்களங்களை ரசிப்பவர்களும் ஒருமுறை பார்க்கலாம். ஆனால், விறுவிறுப்பான திரைக்கதையையும், தொடர்ந்து சிரிக்க வைக்கும் நகைச்சுவையையும் எதிர்பார்ப்பவர்களுக்கு இந்தப் படம் மிகவும் சுமாரான அனுபவமாகவே இருக்கும்.

Dorothy Movie Review: சனந்த் - ரிஷிகாந்த் அசாத்திய நடிப்பு... இளையராஜா இசை ட்ரீட்: மிரட்டியதா 'டோரதி'?

Sigma Review : இயக்குநராக ஜெயித்தாரா ஜேசன் சஞ்சய்? சிக்மா முழு விமர்சனம் இதோ

Ganesh A — Fri, 02 Oct 2026 11:32:58 +0530

Sigma Movie Review : விஜய்யின் மகன் ஜேசன் சஞ்சய் இயக்குநராக அறிமுகமாகி இருக்கும் சிக்மா திரைப்படம் தியேட்டர்களில் ரிலீஸ் ஆகி உள்ள நிலையில், அதன் விமர்சனத்தை பார்க்கலாம்.

வெளிநாட்டில் உள்ள ஒரு ரகசிய லாக்கரில் பதுக்கி வைக்கப்பட்டிருக்கும் ரூ.500 கோடி மதிப்பிலான மாஃபியா பணத்துடன் தொடங்குகிறது சிக்மா திரைப்படம். கடன்களை அடைக்க முடியாமல் தவிக்கும் குரு (சந்தீப் கிஷன்), தனது தாயின் நினைவுகளுடன் தொடர்புடைய நூலகத்தைக் காப்பாற்ற வேண்டும் என்ற நோக்கத்திலும், பண நெருக்கடியிலிருந்து மீள வேண்டும் என்ற எண்ணத்திலும் இருக்கிறார். இதற்காக கேசினோ ஒன்றுக்குச் செல்லும் அவர், அங்கு நடைபெறும் சட்டவிரோத நடவடிக்கைகளில் சிக்கிக்கொள்கிறார். பலரின் தேடலுக்கு உள்ளாகும் பென் டிரைவ் மற்றும் ஒரு முக்கிய சாவி ஆகியவை கதையின் போக்கை மாற்றுகின்றன. அதன் பின் என்ன நடந்தது என்பதே மீதிக்கதை.

படத்தின் இடைவேளைக் காட்சியில் இடம்பெறும் சண்டை ஓரளவுக்குக் கவனம் ஈர்க்கிறது. ஆனால், அதற்கு முன்பான காட்சிகளில் குருவின் கடன் பிரச்சினைகளும், தாயின் நினைவாக இருக்கும் நூலகத்தைக் காப்பாற்ற அவர் மேற்கொள்ளும் முயற்சிகளுமே அதிகம் இடம்பெறுகின்றன. ஒரு ஹீஸ்ட் மற்றும் ஆக்‌ஷன் த்ரில்லர் படமாகத் தன்னை முன்னிறுத்திக்கொள்ளும் சிக்மா, முதல் பாதியில் எதிர்பார்க்கும் அளவுக்கு வேகத்தையும் பரபரப்பையும் கொடுக்கவில்லை. ஆக்‌ஷன் காட்சிகளுக்காகக் காத்திருக்கும் ரசிகர்களுக்கு இந்தப் பகுதி சற்றே ஏமாற்றத்தைத் தரலாம்.

முதல் பாதியுடன் ஒப்பிடும்போது இரண்டாம் பாதியில் சண்டைக் காட்சிகள் ஓரளவுக்கு அதிகம் உள்ளன. இருப்பினும், அந்தக் காட்சிகளும் பெரிய தாக்கத்தை ஏற்படுத்தத் தவறுகின்றன. கதையில் அடுத்தடுத்து பல திருப்பங்களையும் கதாபாத்திரங்களையும் அறிமுகப்படுத்தினாலும், அவை படத்தின் சுவாரஸ்யத்தைத் தொடர்ந்து தக்கவைக்கப் போதுமானதாக இல்லை.

ஃபரியா, சம்பத் ராஜ், ராஜு சுந்தரம் உள்ளிட்டோருடன் சாரங்கி, எழில், வின்சி எனப் பல கதாபாத்திரங்கள் கதையில் இடம்பெறுகின்றன. ஆனால், இவர்களில் பெரும்பாலானோரின் பின்னணி மற்றும் குணாதிசயங்கள் ஆழமாக விவரிக்கப்படவில்லை. இதனால், கதையில் முக்கியத்துவம் பெறக்கூடிய கதாபாத்திரங்கள்கூட மனதில் பதியாமல் கடந்து செல்கின்றன.

இயக்குநர் ஜேசன் சஞ்சயின் முதல் திரைப்படம் என்பதாலும், படத்திற்குக் கிடைத்துள்ள தொழில்நுட்ப வசதிகளைக் கருத்தில் கொண்டும், திரைக்கதையில் இன்னும் புதுமையான அணுகுமுறையையும், காட்சியமைப்பில் கூடுதல் நேர்த்தியையும் எதிர்பார்க்க முடிகிறது. திரையில் ஓரளவுக்கு பிரம்மாண்டம் தெரிந்தாலும், அதைச் சுவாரஸ்யமான ஆக்‌ஷன் விருந்தாக மாற்றுவதற்குத் தேவையான வலுவான எழுத்தும், திரைக்கதை அமைப்பும், இயக்கமும் படத்தில் போதிய அளவில் இல்லை.

ஒலிப்பதிவு குறிப்பிடத்தக்க வகையில் நன்றாக அமைந்துள்ளது. இருப்பினும், தொழில்நுட்ப அம்சங்களில் தெரியும் சில நேர்மறையான அம்சங்கள் மட்டுமே படத்தின் ஒட்டுமொத்த அனுபவத்தை உயர்த்திவிடவில்லை.

குரு கதாபாத்திரத்தில் சந்தீப் கிஷனுக்கு நடிப்பதற்கான வாய்ப்புகள் இருந்தாலும், அந்தக் கதாபாத்திரத்தின் வடிவமைப்பும், கதையின் நகர்வும் அவருடைய நடிப்பை முழுமையாகப் பயன்படுத்திக் கொள்ளவில்லை. இதனால், அவரது நடிப்பும் கதாபாத்திரமும் ரசிகர்களிடம் அழுத்தமான தாக்கத்தை ஏற்படுத்தத் தவறுகின்றன.

மாஃபியா பணம், கேசினோ, ரகசிய பென் டிரைவ், கடன் பிரச்சினைகள் என ஆக்‌ஷன் த்ரில்லருக்கான பல அம்சங்களைக் கொண்டிருந்தாலும், அவற்றை விறுவிறுப்பான திரை அனுபவமாக மாற்றுவதில் சிக்மா தடுமாறுகிறது. குறிப்பிடத்தக்க திருப்பங்களோ, மனதில் நிற்கும் ஆக்‌ஷன் காட்சிகளோ இல்லாததால், படம் முழுவதும் பெரிய அளவிலான ஈர்ப்பை உருவாக்கவில்லை.

வழக்கமான கதைக்களத்துடன் உருவாக்கப்பட்ட ஆக்‌ஷன் படங்களைப் பார்ப்பதில் உங்களுக்கு விருப்பம் இருந்தால், சிக்மா திரைப்படத்தை ஒருமுறை முயற்சி செய்து பார்க்கலாம். மற்றபடி, வித்தியாசமான கதையையும் பரபரப்பான திரைக்கதையையும் எதிர்பார்ப்பவர்களுக்கு இந்தப் படம் பெரிய திருப்தியைத் தராமல் போகலாம்.

Dont Trouble The Trouble Review : ஃபகத் ஃபாசிலின் மேஜிக் ஒர்க் அவுட் ஆனதா? இல்லையா? டோண்ட் டிரபிள் த டிரபிள் விமர்சனம்

Anbil Avan Review : அசோக் செல்வனின் ஆக்‌ஷன் விருந்து டேஸ்டா? வேஸ்டா? அன்பில் அவன் விமர்சனம்

Ganesh A — Fri, 02 Oct 2026 07:17:34 +0530

Anbil Avan Movie Review : ஆர். கார்த்திகேயன் இயக்கத்தில் அசோக் செல்வன், ப்ரீத்தி முகுந்தன் நடிப்பில் தியேட்டரில் ரிலீஸ் ஆகி உள்ள அன்பில் அவன் திரைப்படத்தின் முழு விமர்சனத்தை பார்க்கலாம்.

அசோக் செல்வன், ப்ரீத்தி முகுந்தன் நடிப்பில் உருவாகியுள்ள ‘அன்பில் அவன்’ திரைப்படம், காதல் மற்றும் குடும்ப உறவுகளை மையமாகக் கொண்டு தொடங்கி, எதிர்பாராத வகையில் ஆக்‌ஷன் பாதைக்குள் பயணிக்கும் கதையாக உருவாகியுள்ளது.

சூர்யாவும் இயலும் காதலித்து திருமணம் செய்து கொள்கின்றனர். குடும்பத்தினரின் ஆதரவு இல்லாத நிலையில், இருவரும் தனியாக வாழ்க்கையைத் தொடங்குகிறார்கள். சொந்தமாக ஒரு தொழில் செய்து வாழ்க்கையில் முன்னேற வேண்டும் என்ற எண்ணத்தில், மலைப்பகுதியில் அழகான வீட்டை வாங்கி, அதனை தங்கும் விடுதியாக மாற்றி நடத்த முடிவு செய்கிறார்கள்.

ஆனால், அந்த வீடு அவர்களது வாழ்க்கையில் மிகப்பெரிய பிரச்சனையை ஏற்படுத்துகிறது. அந்தப் பகுதியின் எம்.எல்.ஏ., அந்த வீட்டை எப்படியாவது தனக்குச் சொந்தமாக்கிக் கொள்ள வேண்டும் என்று நினைக்கிறார். இதற்காக சூர்யா மற்றும் இயலை பல்வேறு வழிகளில் தொந்தரவு செய்யத் தொடங்குகிறார்.

எம்.எல்.ஏ.வின் பின்னணியில் இயங்கும் நபர்கள், போலீஸ் அதிகாரி, வழக்கறிஞர் என ஒவ்வொருவராக இந்த இளம் தம்பதியின் வாழ்க்கைக்குள் நுழைய, பிரச்சனை படிப்படியாக தீவிரமடைகிறது. ஒரு கட்டத்தில், தங்களுடைய வீட்டையும் உயிரையும் காப்பாற்ற வேண்டிய சூழ்நிலைக்கு சூர்யாவும் இயலும் தள்ளப்படுகிறார்கள். இந்த போராட்டத்தின் முடிவு என்ன என்பதுதான் மீதிக்கதை.

அசோக் செல்வன் நடிக்கும் படம் என்றாலே மென்மையான காதல், இயல்பான கதாபாத்திரங்கள் மற்றும் சுவாரஸ்யமான திரைக்கதை ஆகியவற்றை எதிர்பார்ப்பது இயல்பு. ‘அன்பில் அவன்’ என்ற தலைப்பும் கூட ஒரு காதல் திரைப்படத்திற்கான எதிர்பார்ப்பையே ஏற்படுத்துகிறது.

ஆனால், படம் தொடங்கிய சில நேரத்திலேயே அந்த எதிர்பார்ப்பை மாற்றுகிறது திரைக்கதை. ஆரம்பத்தில் சூர்யா - இயல் ஜோடியின் இயல்பான வாழ்க்கையை காட்டும் காட்சிகள், படத்தின் போக்கை ஒரு அழகான காதல் கதையாகவே நினைக்க வைக்கின்றன.

மலைப்பகுதிக்கு இருவரும் பயணிக்கும் தருணத்திலிருந்து கதை வேறு பாதைக்குச் செல்கிறது. அதன்பிறகு தொடர்ந்து நிகழும் சம்பவங்கள், படம் எந்த திசையில் செல்லப்போகிறது என்ற எதிர்பார்ப்பை மாற்றுகின்றன. குறிப்பாக எம்.எல்.ஏ., போலீஸ், வழக்கறிஞர் மற்றும் ரவுடிகள் என பல்வேறு கதாபாத்திரங்கள் கதைக்குள் நுழைந்ததும் பதற்றம் அதிகரிக்கிறது.

இதுவரை காதல் மற்றும் மென்மையான கதாபாத்திரங்களில் அதிகம் பார்க்கப்பட்ட அசோக் செல்வன், இந்தப் படத்தில் ஆக்‌ஷன் களத்திலும் தனது முத்திரையை பதித்திருக்கிறார்.

சண்டைக் காட்சிகளில் ஆக்ரோஷமாக செயல்பட முயற்சித்திருப்பது கவனிக்கத்தக்கது. ஆக்‌ஷன் கதைக்கு ஏற்ப உடலமைப்பு மற்றும் கதாபாத்திரத்திற்கான உடல் மொழியில் இன்னும் கூடுதல் கவனம் செலுத்தியிருந்தால் அவரது கேரக்டர் மேலும் வலுவாக இருந்திருக்கும்.

ப்ரீத்தி முகுந்தன், காதல் மனைவியாக இயல்பான நடிப்பை வழங்கியுள்ளார். குறிப்பாக கிளைமாக்ஸை நெருங்கும் நேரத்தில் அசோக் செல்வனுக்கும் ப்ரீத்திக்கும் இடையே இடம்பெறும் வார்த்தைப் போர், படத்தின் முக்கியமான தருணங்களில் ஒன்றாக அமைகிறது.

எம்.எல்.ஏ. ராஜநாயகமாக வரும் கதிர் பாலு, போலீஸ் இன்ஸ்பெக்டர் தவசியாக நடித்துள்ள மஹா டெல்லி கணேஷ் மற்றும் வழக்கறிஞர் கதாபாத்திரத்தில் வரும் சாபுமோன் அப்துசமத் ஆகியோர் தங்களது வில்லத்தனமான அணுகுமுறையால் பல காட்சிகளுக்கு பதற்றத்தை உருவாக்குகிறார்கள். இவர்களைச் சுற்றி நகரும் சம்பவங்களே படத்தின் இரண்டாம் பாதையை வேகமாக நகர்த்துகின்றன.

கோவிந்த் வசந்தாவின் இசை படத்தின் காதல் மற்றும் உணர்வுப்பூர்வமான காட்சிகளுக்கு கூடுதல் பலம் சேர்க்கிறது. பாடல்கள் கேட்கும்போது மனதில் நிற்கும் வகையில் அமைந்துள்ளன. கௌதம் ராஜேந்திரனின் ஒளிப்பதிவு குறிப்பாக மலைப்பகுதி காட்சிகளில் கவனம் ஈர்க்கிறது. இயற்கை அழகையும், கதையின் பதற்றமான சூழலையும் காட்சிகளின் வழியாக சிறப்பாக பதிவு செய்துள்ளார்.

அசோக் செல்வனை வழக்கமான காதல் கதாபாத்திரத்திலிருந்து விலக்கி, ஆக்‌ஷன் களத்தில் நிறுத்தியிருப்பது இயக்குநர் ஆர். கார்த்திகேயனின் முக்கியமான முயற்சியாக தெரிகிறது. அதற்கு ஏற்ற வகையில் அசோக் செல்வனும் தனது பங்களிப்பை செய்துள்ளார். அதே நேரத்தில், படத்தில் இடம்பெறும் வன்முறை காட்சிகள் அதிகமாக இருந்தாலும், அவற்றின் சட்டரீதியான முடிவை இன்னும் அழுத்தமாகக் காட்டியிருந்தால் கிளைமாக்ஸ் முழுமையான தாக்கத்தை ஏற்படுத்தியிருக்கும் என்ற எண்ணம் தோன்றுகிறது.

மொத்தத்தில் காதல் கதையாக தொடங்கி, எதிர்பாராத திருப்பங்களுடன் ஆக்‌ஷன் பாதைக்குச் செல்லும் ‘அன்பில் அவன்’, அசோக் செல்வனை வித்தியாசமான கோணத்தில் பார்க்க வைக்கும் திரைப்படமாக அமைந்துள்ளது.

Yezhu Kadal Yezhu Malai Review : ஏழு கடல் ஏழு மலை படம் ஒர்த்தா? ஒர்த் இல்லையா? முழு விமர்சனம் இதோ

Lenin Pandiyan Review : சிவாஜி பேரன் ஹீரோவாக பாஸ் ஆனாரா? ஃபெயில் ஆனாரா? லெனின் பாண்டியன் விமர்சனம்

Ganesh A — Thu, 24 Sep 2026 21:40:13 +0530

Lenin Pandiyan Movie Review : பாலசந்திரன் இயக்கத்தில் சிவாஜி கணேசனின் பேரன் தர்ஷன் ஹீரோவாக நடித்துள்ள லெனின் பாண்டியன் திரைப்படத்தின் முழு விமர்சனத்தை இங்கே பார்க்கலாம்.

சிவகங்கை மாவட்டத்தைப் பின்னணியாகக் கொண்டு, மணற்கொள்ளை, அரசியல் அதிகாரம் மற்றும் சாமானிய மனிதனின் போராட்டம் ஆகியவற்றை மையமாக வைத்து உருவாகியுள்ள திரைப்படம் ‘லெனின் பாண்டியன்’. அதிகாரத்துக்கு எதிராக அறம் எப்படி குரல் கொடுக்கிறது என்பதை கதைக்களமாகக் கொண்டுள்ள இப்படம், நீதிமன்றப் போராட்டத்தையும் முக்கியமான களமாகக் கொண்டுள்ளது. இப்படத்தின் மூலம் சிவாஜி கணேசனின் பேரன் தர்ஷன் நாயகனாக அறிமுகமாகி உள்ளார். மேலும் இதில் ரோஜா, கங்கை அமரன் ஆகியோர் முக்கிய கதாபாத்திரத்தில் நடித்துள்ளனர். பாலச்சந்திரன் இயக்கி உள்ளார். இளையராஜா இசையமைத்துள்ளார். இதன் விமர்சனத்தை பார்க்கலாம்.

Dorothy Movie First Review : டோரதி முதல் விமர்சனம் வந்தாச்சு... படம் ஒர்த்தா? ஒர்த் இல்லையா?

படத்தின் நாயகன் தர்ஷன் கணேசன், காவல்துறையில் கான்ஸ்டபிளாக பணியாற்றுகிறார். காவல் நிலையத்தில் பெரிய அளவில் மதிப்போ, மரியாதையோ இல்லாமல் சாதாரண நிலையில் இருக்கும் அவருடைய வாழ்க்கை, சிவகங்கை பகுதியில் நடைபெறும் மணற்கொள்ளை பிரச்சினையால் எதிர்பாராத திருப்பத்தை சந்திக்கிறது.

மணற்கொள்ளையால் பாதிக்கப்படும் எளிய மனிதராக கங்கை அமரன் வருகிறார். தனக்கு ஏற்பட்ட பிரச்சினையை அவர் நீதிமன்றம் வரை எடுத்துச் செல்கிறார். அந்தப் போராட்டத்தில் தர்ஷன் கணேசனும் அவருக்கு ஆதரவாக நிற்கிறார். இதன்பிறகு அதிகார பலம் ஒருபுறமும், அறம் மறுபுறமும் நிற்க, இறுதியில் வெற்றி யாருக்கு என்பதே படத்தின் மீதிக்கதை.

தர்ஷன் கணேசன் கதாபாத்திரத்திற்கு தேவையான நடிப்பை வழங்க முயற்சி செய்துள்ளார். சில காட்சிகளில் அவரது நடிப்பு கவனம் ஈர்த்தாலும், இன்னும் சிறப்பான நடிப்பை வெளிப்படுத்தியிருக்கலாம் என்ற எண்ணம் ஏற்படுகிறது.

ஸ்ரீரிட்டா ராவ் தனது கதாபாத்திரத்தை இயல்பாகக் கையாண்டு பாராட்டைப் பெறுகிறார். கங்கை அமரன் சில காட்சிகளில் நடிப்பில் தடுமாறினாலும், பல முக்கியமான தருணங்களில் கதாபாத்திரத்துக்கு நியாயம் செய்துள்ளார். ரோஜா தனக்கு வழங்கப்பட்ட பாத்திரத்தை சிறப்பாக கையாண்டிருக்கிறார்.

படத்தில் குறைவான காட்சிகளிலேயே தோன்றினாலும் ஜார்ஜ் மரியன் தனது அனுபவமான நடிப்பால் கவனம் ஈர்க்கிறார். அதேபோல் ஆடுகளம் நரேன், போஸ் வெங்கட், யுகேந்திரன் உள்ளிட்ட நடிகர்களும் தங்களுக்கு வழங்கப்பட்ட கதாபாத்திரங்களில் சிறப்பாக செயல்பட்டுள்ளனர்.

இளையராஜாவின் இசை படத்தின் உணர்வுகளை வலுப்படுத்தும் வகையில் அமைந்துள்ளது. பல காட்சிகளுக்கு இசை கூடுதல் உயிர் கொடுக்கிறது. ஏ.எம்.எட்வின் சகே தனது ஒளிப்பதிவின் மூலம் கதையின் களத்தையும் சூழலையும் திறம்பட பதிவு செய்துள்ளார்.

படத்தின் மிகப்பெரிய பலமாக இருப்பது அதன் அழுத்தமான கதைக்களம். அரசியல் அதிகாரத்துக்கும் அறத்துக்கும் இடையிலான மோதலை மையப்படுத்தியிருப்பது சுவாரஸ்யத்தை ஏற்படுத்துகிறது. குறிப்பாக இயக்குநர் பாலசந்திரன் எழுதியுள்ள வசனங்களில் ஆழமான கருத்துகள் இடம்பெற்றுள்ளன.

ஆனால், கதைக்கு இருக்கும் வலிமை திரைக்கதையில் முழுமையாக வெளிப்படவில்லை. சில காட்சிகளுக்கு இடையிலான இணைப்பு இயல்பாக இல்லாதது போல் தெரிகிறது. அதேபோல், சில கதாபாத்திரங்களின் செயல்பாடுகளிலும் இயல்புத்தன்மை குறைவாக இருப்பது படத்தின் ஓட்டத்தை பாதிக்கிறது.

The Paradise Review: நானி கோட்டையை பிடித்தாரா? கோட்டைவிட்டாரா? 'தி பாரடைஸ்' விமர்சனம்!

Immortal Review : ஹாலிவுட் ரேஞ்சுக்கு பில்டப் விடப்பட்ட இம்மார்டல் ஒர்த்தா? ஒர்த் இல்லையா? முழு விமர்சனம் இதோ

Ganesh A — Fri, 04 Sep 2026 12:40:47 +0530

Immortal Movie Review : மாரியப்பன் சின்னா இயக்கத்தில் ஜிவி பிரகாஷ் குமார் மற்றும் கயாடு லோஹர் நடிப்பில் திரைக்கு வந்துள்ள இம்மார்டல் திரைப்படத்தின் விமர்சனத்தை பார்க்கலாம்.

ஜிவி பிரகாஷ் நாயகனாக நடித்துள்ள படம் இம்மார்டல். இப்படத்தில், ஜிவிக்கு ஜோடியாக கயாடு லோஹர் நடித்துள்ளார். சென்னையைச் சேர்ந்த ஒரு இளைஞனின் வாழ்க்கையில் ஒரு பெண் நுழையும் போது, ஏற்படும் அமானுஷ்ய சம்பவங்களை மையமாகக் கொண்டு, கலக்கலான கமர்ஷியல் படமாக “இம்மார்டல்” திரைப்படத்தை உருவாக்கி உள்ளார் அறிமுக இயக்குநர் மாரியப்பன் சின்னா. ஃபேண்டஸி ஜானரில் உருவாகியுள்ள இப்படம் இன்று திரையரங்குகளில் ரிலீஸ் ஆகி உள்ளது. அதன் ட்விட்டர் விமர்சனத்தை பார்க்கலாம்.

தமிழ் சினிமாவில் வழக்கமான கதைக்களத்திலிருந்து விலகி, வித்தியாசமான முயற்சியாக உருவாகியிருக்கிறது இந்த திரைப்படம். ஆரம்பத்தில் படம் ஒரு அழகான காதல் கதையாகவே நகர்கிறது. ஆனால் கதை செல்லச் செல்ல எதிர்பாராத விதமாக ஃபேண்டஸி மற்றும் த்ரில்லர் களத்திற்குள் நுழைகிறது. கதையின் இந்த மாற்றம் தான் படத்தின் முக்கிய பலமாக அமைந்துள்ளது. குறிப்பாக மர்மம் கலந்த கதாபாத்திரங்களும், அடுத்ததாக என்ன நடக்கும் என்ற எதிர்பார்ப்பும் படம் முழுவதும் சுவாரஸ்யத்தை தக்க வைக்கின்றன.

ஜி.வி. பிரகாஷ் தனது கதாபாத்திரத்தை சிறப்பாக கையாண்டுள்ளார். அவரது நடிப்பு படத்திற்கு தேவையான எமோஷனையும் அழுத்தத்தையும் கொடுக்கிறது. அதேபோல் கயாடு லோஹர் ஏற்றுள்ள மர்மமான கதாபாத்திரம் கதையின் மீதான ஆர்வத்தை மேலும் அதிகரிக்கிறது.

படத்தின் ஒளிப்பதிவு, விஎஃப்எக்ஸ் மற்றும் பின்னணி இசை குறிப்பிடத்தக்க அம்சங்களாக இருக்கின்றன. குறிப்பாக காட்சிகளுக்கு ஏற்ப அமைந்துள்ள பின்னணி இசை த்ரில்லர் உணர்வை வலுப்படுத்துகிறது. படத்தின் ரன்னிங் டைமும் அதிகமாக இல்லாததால், கதை தேவையற்ற இடங்களில் இழுவையாக தெரியவில்லை. மொத்தத்தில், காதல், மர்மம் மற்றும் ஃபேண்டஸி த்ரில்லர் அம்சங்களை சரியான அளவில் கலந்து கொடுத்திருக்கும் ஒரு வித்தியாசமான முயற்சி இது என குறிப்பிட்டுள்ளார்.

#Immortal : [3/5] A fresh & different attempt in Tamil cinema!The film starts off like a romantic drama but slowly shifts into a gripping fantasy thriller.'GV Prakash' delivers a solid performance, while Kayadu Lohar’s mysterious character adds more intrigue. The visuals,… https://t.co/sukHQn0tYA pic.twitter.com/2P5nKY1CI6

— Tharani ʀᴛᴋ (@iam_Tharani) September 4, 2026

ஆரம்பம் முதல் இறுதி வரை ரசிகர்களை கட்டிப்போடும் வகையில் உருவாகியிருக்கும் ஒரு விறுவிறுப்பான பொழுதுபோக்கு திரைப்படம் இது. ஜிவி பிரகாஷ் குமார் மற்றும் கயாது லோஹர் இருவரும் தங்களது கதாபாத்திரங்களில் சிறப்பான நடிப்பை வெளிப்படுத்தியுள்ளனர். சாம் சி.எஸ்.-ன் இசை மற்றும் பின்னணி இசை படத்தின் முக்கிய பலங்களில் ஒன்றாக அமைந்துள்ளது. படத்தின் ஆக்‌ஷன் காட்சிகள், காதல் காட்சிகள், இடைவேளை பிளாக் மற்றும் கிளைமாக்ஸ் என அனைத்துமே ரசிகர்களை கவரும் வகையில் அமைந்துள்ளன. திரையரங்கில் கண்டிப்பாக பார்க்க வேண்டிய படம் என பாராட்டி உள்ளார்.

#IMMORTAL ⭐️⭐️⭐️⭐️⭐️A gripping entertainer that keeps you hooked till the end! @gvprakash and Kayadu were brilliant, while Sam CS’s music was top-notch. The action, romance, interval, and climax were superb!Must watch in theatres! Highly recommended! ⭐

— Kaamini (@kaamini_samraj) September 4, 2026

இம்மார்டல் திரைப்படம் தமிழ் சினிமாவில் வழக்கமாக பார்க்கும் கதைக்களத்திலிருந்து முற்றிலும் மாறுபட்ட ஒரு முயற்சியாக இருக்கிறது. ஜிவி பிரகாஷ் குமார் தனது கதாபாத்திரத்தை சிறப்பாக கையாண்டுள்ளார். சில இடங்களில் செம சிரிப்பை வர வைக்கும் காட்சிகள் இருப்பது அருமை. நடிகை கயாடு லோஹருக்கு அருமையான ரோல் என பதிவிட்டுள்ளார்.

#Immortal - out of the box story and screenplay for Tamil cinema !Well done @gvprakash bro !!Obsession meter - sila edathula Sema sirippu !Brilliant role for @11Lohar !!

— Prashanth Rangaswamy (@itisprashanth) September 4, 2026

ஹாலிவுட்ல மட்டுமே பார்த்து பழகின படங்கள் எல்லாம் தமிழ்ல வராதான்னு ஏங்கி இருக்கோம். இப்போ அதெல்லாம் நடந்துட்டு இருக்கு. இம்மார்டல் படம் ஒரு நல்ல அட்டெம்ப்ட். தமிழ் சினிமாவிற்கு சிறந்த படம். இந்த மாதிரி படங்கள்ல நடிக்க ஓகே சொன்னதுக்கு ஜிவி பிரகாஷுக்கு பாராட்டுக்கள். இந்த படத்துல அவருக்கு கஷ்டமான ரோல், ஆனா அதை ரொம்ப ஈஸியா நடிச்சிருக்காரு. இந்த வாரம் ரிலீஸ் ஆன படங்கள்ல இந்த படம் உங்களுக்கு புதுசா இருக்கும் ட்ரை பண்ணி பாருங்க என குறிப்பிட்டுள்ளார்.

ஹாலிவுட்ல மட்டுமே பார்த்து பழகின படங்கள் எல்லாம் தமிழ்ல வராதான்னு ஏங்கி இருக்கோம்..இப்போ அதெல்லாம் நடந்துட்டு இருக்கு #Immortal Good Attempt From தமிழ் சினிமா Good Experimental படம்... Hats of @gvprakash இந்த மாதிரி படங்கள்ல நடிக்க Ok சொன்னதுக்கு...#GVPRAKASH இந்த… pic.twitter.com/Ck3jHXqRLv

— (@moviiettime) September 4, 2026

The Paradise Review: நானி கோட்டையை பிடித்தாரா? கோட்டைவிட்டாரா? 'தி பாரடைஸ்' விமர்சனம்!

Ganesh A — Thu, 24 Sep 2026 14:16:47 +0530

The Paradise Movie Review : ஸ்ரீகாந்த் ஓடேலா இயக்கத்தில் நானி, கயாடு லோஹர், மோகன்பாபு நடிப்பில் இன்று ரிலீஸ் ஆகி உள்ள பாரடைஸ் திரைப்படத்தின் விமர்சனத்தை பார்க்கலாம்.

நானி, ஸ்ரீகாந்த் ஓடேலா கூட்டணியில வந்திருக்க படம்தான் 'தி பாரடைஸ்'. 'தசரா' படத்துக்குப் பிறகு இவங்க ரெண்டு பேரும் மறுபடியும் சேர்ந்திருக்காங்க. மோகன் பாபு, ராகவ் ஜுயல் ரெண்டு பேரும் வில்லனா மிரட்டியிருக்காங்க. கயாடு லோஹர் ஹீரோயினா நடிச்சிருக்காங்க. சம்பூர்ணேஷ் பாபு ஒரு முக்கியமான கேரக்டர் பண்ணியிருக்கார். எஸ்.எல்.வி சினிமாஸ் பேனர்ல சுதாகர் செருக்குரி இந்தப் படத்தைத் தயாரிச்சிருக்கார். டீசர், பாட்டு எல்லாமே படத்து மேல பெரிய எதிர்பார்ப்பை உருவாக்குச்சு. ட்ரெய்லர் ரிலீஸ் பண்ணலன்னாலும், படத்துக்கு செம ஹைப் இருந்துச்சு. இன்னைக்கு வியாழக்கிழமை (செப்டம்பர் 24) படம் தியேட்டர்கள்ல ரிலீஸ் ஆகியிருக்கு. படம் எப்படி இருக்கு? நானிக்கு இன்னொரு பிளாக்பஸ்டர் கிடைக்குமா? ஸ்ரீகாந்த் ஓடேலா மேஜிக் வொர்க் அவுட் ஆச்சா? வில்லனா மோகன் பாபு எப்படி நடிச்சிருக்கார்? வாங்க விமர்சனத்துல பார்க்கலாம்.

The Paradise Movie First Review : நானியின் ஆக்‌ஷன் விருந்து டேஸ்டா? வேஸ்டா? 'தி பாரடைஸ்' முதல் விமர்சனம் இதோ

பல வருஷங்களுக்கு முன்னாடி 'பாரடைஸ்' பகுதிக்கு சவாரி மக்கள் குடிபெயர்றாங்க. நாட்டுக்கு சுதந்திரம் கிடைச்சாலும், இவங்களுக்கு கிடைக்கல. இன்னும் அடிமைகளாத்தான் வாழ்றாங்க. அவங்களுக்குன்னு ஒரு அடையாளமே இல்லை. ஷிகாஞ்சி மாலிக் (மோகன் பாபு) குடும்பம் அவங்களை அடிமைகளா நடத்துது. கால் தூசு மாதிரி பார்க்குறாங்க. எதிர்த்து கேள்வி கேட்டா கொடூரமா கொல்றாங்க. அந்த பயத்துலயே யாரும் அவங்களை எதிர்க்கல. ஆனா, சம்மக்கா (சோனாலி குல்கர்னி) தலைமையில சவாரி மக்கள் தங்களோட அடையாளத்துக்காக பல வருஷமா போராடுறாங்க. ஒரு கட்டத்துல சம்மக்காவோட புருஷன் இறந்துட, நிறைமாத கர்ப்பிணியா இருக்குற அவங்க, புருஷன் பொணத்தோட அரசாங்க ஆபீஸ் முன்னாடி போராட்டம் பண்றாங்க. அப்போ அங்க வர்ற மாலிக், அவங்களுக்கு கரண்ட் ஷாக் கொடுக்குறார். அந்த வலியில சம்மக்காவுக்கு இரட்டை குழந்தை பிறக்குது. பொண்ணு இறந்துட, பையன் மட்டும் உயிர் பிழைக்கிறான். அவன்தான் ஜடல் (நானி). பொண்ணு செத்து பையனுக்கு உசுரு கொடுத்ததால, அவனுக்கு சடை வளர்த்து வளர்க்குறாங்க சம்மக்கா. ஆனா, அம்மா செஞ்ச தப்புக்காக ஜடல் அவங்களை வெறுக்கிறான்.

14 வருஷம் ஜெயில்ல இருந்தாலும், வெளிய வந்த பிறகும் அம்மாவை வெறுத்துக்கிட்டே இருக்கான். கலெக்டர் மூலமா அடையாளத்துக்காக போராடும்போது, மாலிக் பையன் (ராகவ்) வந்து ஊர் மக்களை கொடுமைப்படுத்துறான். அம்மாவை எல்லார் முன்னாடியும் அவமானப்படுத்துறான். அம்மாவைப் பத்தின உண்மைகளை தெரிஞ்சுகிட்ட ஜடல், அவங்களுக்காக என்ன செஞ்சான்? சவாரி மக்களோட அடையாளத்துக்காக எப்படி போராடினான்? அம்மா செஞ்ச தப்பு என்ன? மாலிக் ஏன் ஜடலை அவமானப்படுத்தினான்? சுப்பு (கயாடு லோஹர்) கூட காதல் எப்படி வொர்க் அவுட் ஆச்சு? பிரியாணிக்கும் ஜடல் அவமானத்துக்கும் என்ன சம்பந்தம்? இதுல கே.சி.ஆர், என்.டி.ஆர் கேரக்டர்கள் என்ன பண்ணுது? கடைசியில சவாரி மக்களோட போராட்டம் ஜெயிச்சுதா இல்லையா? இதுதான் படத்தோட கதை.

பாரடைஸ் பகுதியில இருக்குற சவாரி மக்கள் தங்களோட அடையாளத்துக்காக பண்ற போராட்டமும், அவங்களோட தலைவன் ஜடல் பண்ற ஆக்‌ஷனும்தான் இந்தப் படம். இது ஒரு கற்பனைக் கதைன்னாலும், சில நிஜ சம்பவங்களை சேர்த்திருக்காங்க. ஒரு பக்கம் சவாரி மக்களோட போராட்டம், இன்னொரு பக்கம் அம்மா - பையன் பாசம்னு கதை நகருது. இதுக்கு நடுவுல ஆக்‌ஷன் தூக்கலா இருக்கு. கூடவே ஒரு லவ் ட்ராக்கும், நிஜ அரசியலை ஞாபகப்படுத்துற சில விஷயங்களும் இருக்கு.

கதையா பார்த்தா இது ரொம்ப ஆழமான சப்ஜெக்ட். ஆனா, அதை ஸ்கிரீன்ல கொண்டு வந்த விதத்துல கொஞ்சம் தடுமாற்றம் தெரியுது. ஆரம்பத்துல ஷிகாஞ்சி மாலிக் கேரக்டர் அறிமுகம், சவாரி மக்கள் வர்றது, 200 வருஷமா அடிமையா இருக்குறதுன்னு எல்லாமே சூப்பரா எஸ்டாப்ளிஷ் பண்ணியிருக்காங்க. இது படத்து மேல ஆர்வத்தை கூட்டுது. சவாரி மக்களோட கஷ்டங்கள், ஜடல் பிறக்குற வரைக்கும் எமோஷனலா கனெக்ட் ஆகுது. ஆனா, அதுக்கப்புறம் அந்த ஆழம் மிஸ் ஆயிடுச்சு. மாலிக் ஜடலை அவமானப்படுத்துறதும், ஜடல் மாலிக் மேல கோபப்படுறதும் ஓரளவுக்கு இன்ட்ரஸ்டிங்கா இருக்கு. ஆனா, அம்மாவை வெறுக்குறது, சுப்பு கூட லவ் ட்ராக் இதெல்லாம் பெருசா செட் ஆகல. கயாடு லோஹர் கிளாமர் ட்ரீட் கொடுத்திருக்காங்க.

அதுக்கப்புறம் கதை பல கோணங்கள்ல நகருது. ஆனா அம்மா - பையன் எமோஷன் நல்லா வொர்க் அவுட் ஆகியிருக்கு. இன்டர்வல் பிளாக் செம மாஸா இருக்கு. ஆனா, செகண்ட் ஹாஃப்ல மாலிக் - ஜடல் சண்டை வெறும் ஆக்‌ஷனா மட்டுமே சுருங்கிடுச்சு. புதுசா வர்ற கே.சி.ஆர் கேரக்டர் சிரிக்க வெச்சாலும், கதையை விட்டு விலகிப் போகுது. செகண்ட் ஹாஃப் ரொம்பவே இழுவை. கிளைமேக்ஸ் முடிவும் ரொம்ப சாதாரணமா இருக்கு.

படத்துல ஆக்‌ஷன் சீன்ஸ் சூப்பரா இருக்கு. ஆனா, அதுவே ஓவர் டோஸ் ஆகிடுச்சு. அம்மா - பையன் எமோஷன் சில இடங்கள்ல வொர்க் அவுட் ஆகியிருக்கு. காக்கைக்கும் ஜடலுக்கும் இருக்குற கனெக்‌ஷன் ஓகே. சாமி வந்த மாதிரி ஆடுற ஆக்‌ஷன் சீக்வென்ஸ் மிரட்டல். அனிருத் பிஜிஎம் படத்துக்கு பெரிய பிளஸ். சில ஆக்‌ஷன் சீன்ஸ் மாஸ் ஆடியன்ஸுக்கு கூஸ்பம்ப்ஸ் கொடுக்கும். இன்டர்வல் பேங் சூப்பர். செகண்ட் ஹாஃப்ல கே.சி.ஆர் எபிசோட் நல்லா இருக்கு. இப்படி அங்கங்க சில விஷயங்கள் நல்லா இருக்கு. மோகன் பாபு கேரக்டர் ஸ்ட்ராங்கா இருக்கு. ஆனா, கிளைமேக்ஸ் சொதப்பல்.

நானி கேரக்டர் படத்துக்கு ஹைலைட், அதே சமயம் மைனஸும் கூட. ஏன்னா, இது ரொம்ப ஹெவியான ஆக்‌ஷன் கதை. நானி இதுக்கு செட் ஆகலையோன்னு தோணுது. படத்துல லாஜிக் நிறைய இடங்கள்ல மிஸ் ஆகுது. எமோஷன்ஸ் பெருசா கனெக்ட் ஆகல. செகண்ட் ஹாஃப்பை கொஞ்சம் ட்ரிம் பண்ணியிருக்கலாம்.

கற்பனைக் கதையை நிஜ அரசியலோட லிங்க் பண்ணது சரியா வொர்க் அவுட் ஆகல. சங்கர் கேரக்டர் மூலமா கே.சி.ஆரை காட்டுறாங்க. என்.டி.ஆரை பாசிட்டிவா காட்டுறாங்க. இதனால சவாரி மக்களோட கதை ஓரங்கட்டப்பட்டு, கே.சி.ஆர், என்.டி.ஆர் தான் அவங்களுக்கு வாழ்க்கை கொடுத்தாங்கன்னு சொல்ற மாதிரி ஆகிடுச்சு. மொத்தத்துல எமோஷன், லாஜிக் இல்லாத ஒரு மாஸ் ஆக்‌ஷன் டிராமா இந்த பாரடைஸ்.

ஜடல் கேரக்டர்ல நானி பின்னி பெடலெடுத்திருக்கார். படத்துக்காக அவர் போட்ட உழைப்பு ஸ்கிரீன்ல நல்லாவே தெரியுது. எமோஷனல் சீன்ஸ்ல செட்டிலா நடிச்சு ஸ்கோர் பண்றார். ஆக்‌ஷன் சீன்ஸ்ல மனுஷன் வெறித்தனமா இறங்கி அடிச்சிருக்கார். நானியோட கெரியர் பெஸ்ட் பெர்ஃபார்மன்ஸ்னு இதைச் சொல்லலாம். ஆனா, இந்தக் கதைக்கு நானி செட் ஆகலையோன்னு ஒரு ஃபீல் வருது.

ஷிகாஞ்சி மாலிக் கேரக்டர்ல மோகன் பாபுவை இதுவரைக்கும் பார்க்காத ஒரு புது அவதாரத்துல பார்க்கலாம். வில்லனா மிரட்டியிருக்கார் கலெக்‌ஷன் கிங். அந்த கேரக்டர் ரொம்ப பவர்ஃபுல்லா இருக்கு. ஆனா, முடிவுதான் சரியில்ல. அவர் பையனா ராகவ் இருக்குற வரைக்கும் நல்லா பண்ணியிருக்கார். அம்மாவா சோனாலி குல்கர்னி சூப்பர். ஈஸ்வரி ராவ் கேரக்டரும் நல்லா இருக்கு. சம்பூர்ணேஷ் பாபுவுக்கு ஒரு நல்ல ரோல், அவரும் சிறப்பா செஞ்சிருக்கார். சுப்பு கேரக்டர்ல கயாடு லோஹர் சர்ப்ரைஸ் பண்றாங்க. சத்யராஜ் கேரக்டர் கொஞ்ச நேரம் வந்தாலும் கலகலப்பா இருக்கு. மத்தபடி எல்லாரும் ஓகே.

டெக்னிக்கலா படம் ரொம்ப ஸ்ட்ராங்கா இருக்கு. சி.ஹெச். சாய் ஒளிப்பதிவு சூப்பர். புதுசாவும், கண்ணுக்கு குளிர்ச்சியாவும் இருக்கு. நவீன் நூலி எடிட்டிங்ல நிறைய குறைகள் இருக்கு. செகண்ட் ஹாஃப்பை இன்னும் கொஞ்சம் கட் பண்ணியிருக்கலாம். அனிருத் ரவிச்சந்தர் மியூசிக் படத்துக்கு உயிர் கொடுத்திருக்கு. பாட்டு, பிஜிஎம் எல்லாமே தெறிக்க விடுது. ஆனா, எமோஷன்ஸ் மிஸ் ஆனதால பிஜிஎம்மும் சில இடங்கள்ல வீணான மாதிரி தோணுது. தயாரிப்பாளர் சுதாகர் செருக்குரி செலவு பண்ண தயங்கல. ஆனா, அந்த செலவு நிறைய இடங்கள்ல வீணாகிடுச்சு.

டைரக்டர் ஸ்ரீகாந்த் ஓடேலா ஒரு ஸ்ட்ராங்கான கதையை சொல்ல நினைச்சிருக்கார். ஆரம்பமும் முடிவும் ஓகே. ஆனா, நடுவுல கதை தடம் மாறிடுச்சு. லவ் ட்ராக் செட் ஆகல. லாஜிக் மீறல்கள் நிறைய இருக்கு. படத்துக்காக எல்லாரும் ரொம்ப கஷ்டப்பட்டிருக்காங்க. ஆனா, அது ஆடியன்ஸோட எமோஷனலா கனெக்ட் ஆனா மட்டும்தான் அந்த கஷ்டத்துக்கு பலன் கிடைக்கும். அந்த விஷயத்துல இந்தப் படம் சறுக்கிடுச்சு. டைரக்டர் இன்னும் தெளிவா திரைக்கதை அமைச்சிருக்கலாம். அரசியலை உள்ள கொண்டு வந்து கதையோட நோக்கத்தையே மாத்திட்டாங்க. ஆக்‌ஷன்ல காட்டுன கவனத்தை எமோஷன்ஸ்ல காட்டியிருந்தா படம் இன்னும் நல்லா வந்திருக்கும். நானியை விட கே.சி.ஆரை ஹீரோவாக்குன படம்தான் இந்த பாரடைஸ்.

கூலி, தக் லைஃப், டாக்ஸிக் வரிசையில்... பாரடைஸ்-னு சொல்லி நரகத்தை காட்டிய நானி; அனிருத் இசையும் சொதப்பலா?

Bethlehem Kudumba Unit Review : மமிதாவின் மாஸ்டர் பீஸ் படம் ‘பெத்லகேம் குடும்ப யூனிட்’ விமர்சனம் இதோ

Ganesh A — Fri, 04 Sep 2026 07:51:27 +0530

Bethlehem Kudumba Unit Movie Review : ஃபஹத் ஃபாசில் தயாரிப்பில், மமிதா பைஜு, நிவின் பாலி நடித்த 'பெத்லகேம் குடும்ப யூனிட்' படம் மலையாளத்தில் பிளாக்பஸ்டர் ஹிட். இப்போது தமிழில் டப் ஆகி வந்திருக்கிறது. அதன் விமர்சனத்தை பார்க்கலாம்.

மமிதா பைஜு, தமிழ் சினிமா ரசிகர்களுக்கு ஏற்கெனவே 'ஜனநாயகன்' படம் மூலம் பரிச்சயம். இப்போது அவருடைய மலையாளப் படமான 'பெத்லகேம் குடும்ப யூனிட்' பட்டையைக் கிளப்புகிறது. இந்தப் படம் ஆகஸ்ட் 21 அன்று மலையாளத்தில் வெளியாகி பிளாக்பஸ்டர் ஹிட் அடித்தது. இருநூறு கோடி ரூபாய்க்கு மேல் வசூல் குவித்தது. இதில் நிவின் பாலி ஹீரோவாக நடித்திருக்கிறார். கிரிஷ் ஏ.டி. படத்தை இயக்கியுள்ளார். ஃபஹத் ஃபாசில், திலீஷ் போத்தன், ஷ்யாம் புஷ்கரன் ஆகியோர் தயாரித்துள்ளனர். மலையாளத்தில் சூப்பர் ஹிட்டான இந்தப் படத்தை, செப்டம்பர் 4ந் தேதி தமிழில் டப் செய்து ரிலீஸ் செய்துள்ளனர். அங்கே ஹிட்டான இந்தப் படம் தமிழ் ரசிகர்களைக் கவர்ந்ததா என்பதை இந்த விமர்சனத்தில் பார்ப்போம்.

தொட்டதெல்லாம் 100 கோடி.. தமிழ் சினிமாவை ஆளும் கடவுளின் தேசத்து தேவதை.. மாஸ் காட்டும் மமிதா பைஜூ!

ஆஷ்லே (மமிதா பைஜு) ஒரு கல்லூரி மாணவி. கிட்டார் வாசிப்பது அவளுடைய பொழுதுபோக்கு. ஆஷ்லே குடும்பம் ஒரு புது வீட்டுக்குக் குடிபெயர்கிறது. பக்கத்து வீட்டில் ஜஸ்டின் (நிவின் பாலி) குடும்பம் இருக்கிறது. வயதாகியும் திருமணம் செய்துகொள்ளாமல், கேட்டரிங் தொழில் செய்துவரும் பிரம்மச்சாரி அவன். ஜஸ்டினுடன் ஆஷ்லேவுக்குப் பழக்கம் ஏற்பட்டு, அது காதலாக மாறுகிறது. ஆனால், வயது வித்தியாசம் காரணமாக ஆஷ்லேவின் குடும்பம் எதிர்ப்பு தெரிவிக்க, காதல் பிரேக்-அப் ஆகிறது. ஆஷ்லே மேற்படிப்புக்காக வெளிநாடு செல்கிறாள். சில வருடங்கள் கழித்து, ஒரு திருமணத்திற்காக மீண்டும் ஊருக்கு வரும்போது ஜஸ்டினைச் சந்திக்கிறாள். அவர்கள் காதல் மீண்டும் தொடர்ந்ததா? ஜஸ்டின் ஏன் திருமணம் செய்துகொள்ளாமல் சிங்கிளாக இருந்தான்? 'பெத்லகேம் குடும்ப யூனிட்' என்றால் என்ன? போன்ற கேள்விகளுக்குப் பதிலளிப்பதுதான் இந்தப் படத்தின் கதை.

இது ஒரு ஏஜ்-கேப் லவ் ஸ்டோரி மற்றும் ஜாலியான ஃபேமிலி என்டர்டெய்னர். வெளிநாட்டில் இருந்து ஆஷ்லே ஊருக்கு வந்து, பழைய நினைவுகளை அசைபோடுவதில் இருந்து கதை தொடங்குகிறது. ஜஸ்டின் கேரக்டர், இருவருக்கும் இடையே காதல் மலரும் காட்சிகள் என முதல் பாதி ஜாலியாக நகர்கிறது. ஹீரோவின் தம்பி எடுக்கும் ஷார்ட் ஃபிலிம் கலாட்டா செம காமெடி. இரண்டாம் பாதியில் படம் எமோஷனல் மோடுக்கு மாறுகிறது. இவர்களின் காதல் வீட்டுக்குத் தெரிந்ததும் என்ன நடக்கிறது என்பதை விறுவிறுப்பாகச் சொல்லியிருக்கிறார்கள். ஜஸ்டினின் தம்பியின் காதல் பஞ்சாயத்து தனி டிராக்கில் சிரிக்க வைக்கிறது. லவ் பிரேக்-அப் காட்சிகள் மனதைத் தொடுகின்றன. படத்தின் நீளம் சற்று அதிகமாக இருப்பது போன்ற உணர்வு ஏற்படுகிறது. சில காமெடி காட்சிகள் எதிர்பார்த்த அளவுக்கு இல்லை. ஆனாலும், படத்தில் காமெடி மிகவும் இயல்பாக இருப்பது ஒரு பெரிய ப்ளஸ். இது ஒரு க்ளீன் ஃபேமிலி என்டர்டெய்னர்.

ஜஸ்டின் கதாபாத்திரத்தில் நிவின் பாலி மிரட்டியிருக்கிறார். மிகவும் இயல்பான நடிப்பால் கவர்கிறார். வயதானவராகத் தெரிந்தாலும், டிரெண்டைப் பின்பற்றுவது, பொறுப்பாக நடந்துகொள்வது என அசத்துகிறார். எமோஷனல் காட்சிகளில் நடிப்பில் ஜீவித்திருக்கிறார். திரையில் நிவின் பாலி தெரியவில்லை, ஜஸ்டின் கதாபாத்திரம் மட்டுமே தெரிகிறது. ஆஷ்லேவாக மமிதா பைஜு போட்டி போட்டு நடித்திருக்கிறார். ஜாலியான, தைரியமான பெண்ணாக மனதில் நிற்கிறார். நிவின்-மமிதா கெமிஸ்ட்ரி சூப்பராக வொர்க்-அவுட் ஆகியிருக்கிறது. ஹீரோவின் தம்பியாக வரும் சங்கீத் பிரதாப் படத்திற்கு ஒரு ஸ்பெஷல் அட்ராக்‌ஷன். தனது பாடி லாங்குவேஜ் மூலம் நல்ல காமெடியை படத்திற்குக் கொடுத்துள்ளார். மற்ற நடிகர்களும் தங்கள் கதாபாத்திரங்களில் கச்சிதமாகப் பொருந்தியுள்ளனர்.

தொழில்நுட்ப விஷயங்களில், படத்தின் ஒளிப்பதிவு, இசை, திரைக்கதை, வசனம் ஆகியவை ஹைலைட்டாக அமைந்துள்ளன. விஷ்ணு விஜய் வழங்கிய பாடல்களும், பின்னணி இசையும் படத்தின் ஃபீல்-குட் தன்மையை அதிகரிக்கின்றன. ஒளிப்பதிவாளர் அஜ்மல் சாபு, படத்தை ஒரு விஷுவல் ட்ரீட்டாக மாற்றியுள்ளார். எடிட்டிங்கில் இன்னும் கொஞ்சம் கவனம் செலுத்தியிருக்கலாம். ஃபஹத் ஃபாசில், திலீஷ் போத்தன், ஷ்யாம் புஷ்கரன் மற்றும் பவன் ஸ்டுடியோஸின் தயாரிப்புத் தரம் சிறப்பாக உள்ளது. இயக்குநர் கிரிஷ் ஏ.டி. ஒரு நல்ல கதையைத் தேர்ந்தெடுத்து, அதை அழகாகத் திரையில் கொண்டு வந்துள்ளார். சில இடங்களில் நீளம் அதிகமாக இருப்பது போன்ற உணர்வு வந்தாலும், தமிழ் டப்பிங் வசனங்கள் படத்திற்குப் பெரிய பலமாக அமைந்துள்ளன. மொத்தத்தில், இது அனைத்துத் தரப்பு ரசிகர்களுக்கும் பிடிக்கும் ஒரு படமாக இருக்கும்.

Sardar 2 Review : கார்த்தி vs எஸ்.ஜே.சூர்யா... சர்தார் 2 மிஷன் வெற்றியா? தோல்வியா? விமர்சனம் இதோ

Ganesh A — Thu, 10 Sep 2026 14:59:00 +0530

Sardar 2 Movie Review : பி.எஸ்.மித்ரன் இயக்கத்தில் கார்த்தி, எஸ்.ஜே.சூர்யா நடிப்பில் உலகமெங்கும் ரிலீஸ் ஆகி இருக்கும் சர்தார் 2 திரைப்படத்தின் விமர்சனத்தை பார்க்கலாம்.

2022-ல் வெளியாகி ரசிகர்கள் மத்தியில் நல்ல வரவேற்பைப் பெற்ற ‘சர்தார்’ படத்தின் தொடர்ச்சியாக உருவாகியுள்ள படம் ‘சர்தார் 2’. பி.எஸ். மித்ரன் இயக்கத்தில் கார்த்தி இரட்டை வேடங்களில் நடித்துள்ள இந்தப் படத்தில் எஸ்.ஜே. சூர்யா வில்லனாக நடித்துள்ளார். பெரும் எதிர்பார்ப்புக்கு மத்தியில் வெளியாகியிருக்கும் இப்படம் எப்படி இருக்கிறது என்பதை பார்க்கலாம்.

படத்தின் தொடக்கத்தில் உளவு அமைப்பு ‘வால்ரஸ்’ என்ற மர்ம ஏஜென்ட்டை தேடுகிறது. அவரை கார்த்தி தேடிச் செல்லும் அதே நேரத்தில், எஸ்.ஜே. சூர்யாவின் ஆட்களும் அவரை பின்தொடர்கின்றனர். ஒரு கட்டத்தில் வால்ரஸ் உயிரிழக்க, இறப்பதற்கு முன்பாக ஒரு கத்தி வடிவிலான சாவியை கார்த்தியிடம் ஒப்படைக்கிறார். அந்த சாவியின் பின்னால் இருக்கும் மர்மத்தை கண்டுபிடிக்க கார்த்தி களமிறங்குகிறார். அப்போது இதுபோன்று மேலும் இரண்டு சாவிகள் இருப்பதும், மூன்று சாவிகளும் இணைந்தால் மிகப்பெரிய பயோ அபோகலிப்ஸுக்கு வழிவகுக்கும் ஆபத்தான ஒன்றை திறக்க முடியும் என்பதும் தெரிய வருகிறது. மனித குலத்தின் பெரும் பகுதியை அழிக்க வேண்டும் என்பதே எஸ்.ஜே. சூர்யாவின் திட்டம். ஆனால் இந்தக் கதை இன்றைக்கு தொடங்கியதல்ல; இதன் வேர்கள் 1981-ம் ஆண்டிலேயே இருப்பதை கார்த்தி கண்டுபிடிக்கிறார்.

1981-ல் ஏற்பட்ட மிகப்பெரிய உயிரியல் பேரழிவை தடுத்து நாட்டை காப்பாற்றியவர் சர்தார் என்பது மகனான விஜய பிரகாஷுக்கு தெரிய வருகிறது. ஆனால் அந்த சம்பவத்தில் ஒரு கிராமமே கடுமையாக பாதிக்கப்படுகிறது. சுமார் 3,000 பேர் வசித்த அந்த கிராமத்தில் வெறும் 54 பேரை மட்டுமே சர்தாரால் மாற்று மருந்தின் உதவியுடன் காப்பாற்ற முடிகிறது. அனைவரையும் காப்பாற்றுவேன் என்று கொடுத்த வாக்கை நிறைவேற்ற முடியாத குற்ற உணர்வு சர்தாரை பல ஆண்டுகளாக துரத்துகிறது. அப்படியிருக்க, பல ஆண்டுகளுக்கு முன்பு தடுக்கப்பட்ட அந்த பேரழிவை மீண்டும் எதற்காக நிகழ்த்த எஸ்.ஜே. சூர்யா முயற்சிக்கிறார்? அவருடைய நோக்கம் என்ன? சர்தார் மீண்டும் அந்த ஆபத்தை தடுக்கிறாரா? என்பதுதான் படத்தின் மீதிக்கதை.

முதல் பாகத்தில் தண்ணீர் தொடர்பான பிரச்சனையை மையமாக வைத்து சமூகத்துக்கு ஒரு முக்கியமான எச்சரிக்கையை முன்வைத்திருந்தார் இயக்குநர் பி.எஸ். மித்ரன். இந்தப் பாகத்தில் ‘கொலிஸ்டின்’ என்ற ஆன்டிபயாடிக்கின் தவறான பயன்பாடு எதிர்காலத்தில் ஏற்படுத்தக்கூடிய பேரழிவு குறித்து கவனம் செலுத்தியிருக்கிறார். அதை வெறும் சீரியஸான கருத்தாக மட்டும் சொல்லாமல், எஸ்.ஜே. சூர்யா, யோகி பாபு, நிழல்கள் ரவி ஆகியோரின் காட்சிகள் மூலம் சுவாரஸ்யமாகவும், நகைச்சுவையுடனும் கொண்டு சென்றிருப்பது படத்தின் முக்கியமான பலம். சிரிக்க வைக்கும் அதே நேரத்தில் சிந்திக்கவும் வைக்கும் வகையில் இந்தப் பகுதி அமைந்துள்ளது.

கார்த்தி சர்தார் மற்றும் விஜய பிரகாஷ் என இரண்டு கதாபாத்திரங்களிலும் தனது நடிப்பை சிறப்பாக வெளிப்படுத்தியுள்ளார். குறிப்பாக சர்தாரின் பிளாஷ்பேக் காட்சிகள், ஆக்‌ஷன் பகுதிகள் மற்றும் இடைவேளை என்ட்ரி ஆகியவை ரசிகர்களை கவரும் வகையில் இருக்கின்றன.

எஸ்.ஜே. சூர்யா வில்லன் கதாபாத்திரத்தில் மீண்டும் தனது தனித்துவமான நடிப்பை காட்டியுள்ளார். அவர் இடம்பெறும் ஒவ்வொரு காட்சியிலும் கதாபாத்திரத்தின் வில்லத்தனம் அழுத்தமாக வெளிப்படுகிறது. குறிப்பாக யோகி பாபு மற்றும் நிழல்கள் ரவியுடன் அவர் வரும் காட்சிகள் திரையரங்கில் கைதட்டல்களை பெறும் வகையில் அமைந்துள்ளன.

மாளவிகா மோகனன் ஏஜென்ட் கதாபாத்திரத்தை நன்றாக கையாண்டுள்ளார். நாசர், அவினாஷ், ஆஷிகா ரங்கநாத், பாபு ஆண்டனி, நிழல்கள் ரவி, யோகி பாபு உள்ளிட்ட மற்ற நடிகர்களும் தங்களுக்கான கதாபாத்திரங்களை சிறப்பாக செய்துள்ளனர்.

படத்தின் ஆக்‌ஷன் காட்சிகள் குறிப்பிடத்தக்க பலமாக உள்ளன. ஒளிப்பதிவு மற்றும் VFX உள்ளிட்ட தொழில்நுட்ப அம்சங்கள் படத்தின் பிரம்மாண்டத்தை அதிகரிக்கின்றன. சாம் சி.எஸ்.-ன் பின்னணி இசையும் பல முக்கிய காட்சிகளுக்கு தேவையான வேகத்தையும் தாக்கத்தையும் கொடுக்கிறது. குறிப்பாக ஆக்‌ஷன் மற்றும் மாஸ் தருணங்களில் பிஜிஎம் நன்றாக ஒர்க் ஆகிறது.

கார்த்தி – எஸ்.ஜே. சூர்யா நடிப்பு; வலுவான கதாபாத்திர வடிவமைப்பு; கொலிஸ்டின் குறித்த சமூக அக்கறையுள்ள களம்; ஆக்‌ஷன் காட்சிகள்; ஒளிப்பதிவு மற்றும் டெக்னிக்கல் ஒர்க்; துணை நடிகர்களின் சிறப்பான பங்களிப்பு ஆகியவை படத்திற்கு ப்ளஸ் ஆக அமைந்துள்ளன.

படத்தின் நீளம் சற்று அதிகம், அதை குறைத்திருக்கலாம். அதேபோல் எமோஷனல் கனெக்ட் இன்னும் வலுவாக இருந்திருக்கலாம் இவை தான் படத்திற்கு மைனஸாக அமைந்துள்ளன.

Baththa Review : விஜய் சேதுபதி பந்தயம் அடித்தாரா? பல்பு வாங்கினாரா? பத்தா விமர்சனம் இதோ

Ganesh A — Thu, 01 Oct 2026 08:30:47 +0530

Baththa Movie Review : பாலாஜி தரணீதரன் இயக்கத்தில் விஜய் சேதுபதி ஹீரோவாக நடித்துள்ள கேங்ஸ்டர் படமான பத்தா இன்று ரிலீஸ் ஆகி உள்ள நிலையில் அதன் விமர்சனத்தை பார்க்கலாம்.

1986-ம் ஆண்டு காலகட்டத்து மெட்ராஸ் நகரத்தைப் பின்னணியாகக் கொண்டு உருவாகியிருக்கும் ஒரு வித்தியாசமான கேங்ஸ்டர் கதையாக வெளியாகியிருக்கிறது ‘பத்தா’. பயமுறுத்தும் உள்ளூர் தாதாவாக இருக்கும் பத்தா, எதிர்பாராத விதமாக ஒரு பள்ளியின் பயன்படுத்தப்படாத கழிவறைக்குள் சிக்கிக்கொள்கிறார். அவரை அங்கிருந்து வெளியே கொண்டுவரும் சூழலில் ஒரு சிறுவனுடன் ஏற்படும் தொடர்பு, பின்னர் இருவருக்கும் இடையே உருவாகும் எதிர்பாராத பந்தமாக மாறுகிறது. அதன் பின் கேங்ஸ்டர் பத்தாவின் வாழ்க்கையில் நடக்கும் மாற்றம் என்ன என்பதே படத்தின் மீதிக்கதை.

Lenin Pandiyan Review : சிவாஜி பேரன் ஹீரோவாக பாஸ் ஆனாரா? ஃபெயில் ஆனாரா? லெனின் பாண்டியன் விமர்சனம்

ஒரு கேங்ஸ்டர் கதைக்கான வழக்கமான ஆக்‌ஷன், வன்முறை, மாஸ் காட்சிகளை மட்டுமே நம்பாமல், ஒரு மனிதனுக்குள் ஏற்படும் உணர்வு மாற்றங்களையும் உறவுகளையும் மையமாக வைத்து கதை நகர்த்தியிருக்கிறார் இயக்குநர் பாலாஜி தரணீதரன். வெளியில் பார்ப்பதற்கு கடினமான கேங்ஸ்டர். ஆனால், தனிமை, பசி, பயம், குடும்பம் என அவனுக்குள் இருக்கும் இன்னொரு மனிதனைச் சூழ்நிலைகள் மெல்ல வெளிக்கொண்டு வருகின்றன. குறிப்பாக சிறுவனுடனான உறவு உருவாகும் விதம் படத்தின் முக்கியமான அம்சமாக இருக்கிறது.

ஆரம்பத்தில் நகைச்சுவையாகத் தொடங்கும் இந்த உறவு, பின்னர் பாசம், பொறுப்பு மற்றும் மனிதநேயம் என பல உணர்வுகளைத் தொட்டுச் செல்கிறது. ஒரு கட்டத்தில் பத்தாவின் வாழ்க்கையையும் அவனது முடிவுகளையும் அந்த உறவு எப்படிப் பாதிக்கிறது என்பதே படத்தின் உணர்வுப்பூர்வமான மையமாக மாறுகிறது.

படத்தின் மிகப்பெரிய பலம் விஜய் சேதுபதியின் நடிப்பு. கேங்ஸ்டர் கதாபாத்திரத்துக்கான மிரட்டல், இயல்பான நகைச்சுவை, கோபம், பயம், பலவீனம் என வெவ்வேறு உணர்வுகளை அவர் மிகவும் கட்டுப்பாட்டுடன் வெளிப்படுத்தியிருக்கிறார். குறிப்பாக, ஆக்ரோஷமான கேங்ஸ்டராக இருக்கும் கதாபாத்திரம் படிப்படியாக குடும்பத்தைப் பற்றியும் பொறுப்பைப் பற்றியும் சிந்திக்கும் மனிதனாக மாறும் பயணத்தை விஜய் சேதுபதி நம்பும்படியாகக் கொண்டு செல்கிறார். அவருடைய உடல்மொழியும் வசன உச்சரிப்பும் 1980களின் கதாபாத்திரத்திற்கு பொருத்தமாக இருக்கிறது.

பத்தாவின் மனைவியாக வரும் லிஜோமோல் ஜோஸ், குடும்பம் சார்ந்த காட்சிகளுக்கு தேவையான உணர்வைச் சேர்க்கிறார். கணவனுக்கும் குடும்பத்துக்கும் இடையிலான உறவை வெளிப்படுத்தும் காட்சிகளில் அவரது நடிப்பு இயல்பாக உள்ளது. சாந்தி பாலச்சந்திரன், விஷ்ணு கோவிந்தன், அர்ஜுன் சிதம்பரம், ஹரிகிருஷ்ணன், அஜய் கோஷ் உள்ளிட்டவர்களும் தங்களுக்கு வழங்கப்பட்ட கதாபாத்திரங்களைச் சிறப்பாகச் செய்துள்ளனர்.

படத்தின் மைய ஈர்ப்பாக இருப்பது பத்தாவுக்கும் அந்தச் சிறுவனுக்கும் இடையே உருவாகும் எதிர்பாராத உறவுதான். ஒருபுறம் அனைவராலும் அஞ்சப்படும் கேங்ஸ்டர்; மறுபுறம் உலகத்தை இன்னும் அப்பாவித்தனத்துடன் பார்க்கும் சிறுவன். இருவரின் குணாதிசயங்களுக்கும் இருக்கும் மிகப்பெரிய வித்தியாசமே பல நகைச்சுவையான தருணங்களுக்கும், சில நெகிழ்ச்சியான காட்சிகளுக்கும் காரணமாகிறது. இந்த உறவு படத்தின் இரண்டாம் பாதியில் உணர்வுப்பூர்வமான தாக்கத்தை ஏற்படுத்துகிறது.

இயக்குநர் பாலாஜி தரணீதரன், கேங்ஸ்டர் கதையை வழக்கமான ‘மாஸ்’ பாதையில் கொண்டு செல்லாமல், கதாபாத்திரங்களை மையப்படுத்தியிருக்கிறார். குற்ற உலகம், குடும்பம், நகைச்சுவை மற்றும் மனித உணர்வுகளை ஒன்றாகக் கலந்து திரைக்கதை அமைத்துள்ளார்.

1980களின் மெட்ராஸ் நகர வாழ்க்கையை உருவாக்கிய விதமும் படத்திற்கு தனி அடையாளத்தைத் தருகிறது. அந்தக் காலகட்டத்தின் உடைகள், வீடுகள், தெருக்கள், பொருட்கள் மற்றும் காட்சியமைப்புகள் மூலம் பழைய மெட்ராஸை மீண்டும் திரையில் கொண்டுவர முயற்சி தெரிகிறது.

செல்வகுமார் எஸ்.கே.-வின் ஒளிப்பதிவு படத்தின் காலகட்டத்துக்கு ஏற்ற வெப்பமான, பழைய காலத்து தோற்றத்தை உருவாக்குகிறது. காட்சிகளின் வண்ணத் தேர்வும் பின்னணியும் 1980களின் சூழலை உணர வைக்கின்றன.

ஆர்.கலைவாணன் படத்தொகுப்பு கதையின் மெதுவான பயணத்துக்கு ஏற்ப அமைந்திருக்கிறது. அதே நேரத்தில், சில இடங்களில் காட்சிகளை இன்னும் சுருக்கமாக வைத்திருக்கலாம் என்ற உணர்வும் ஏற்படுகிறது.

சாய் அபியங்கர் இசை படத்தின் உணர்வுப்பூர்வமான பகுதிகளுக்கு கூடுதல் வலு சேர்க்கிறது. குறிப்பாக குடும்பம் சார்ந்த காட்சிகளிலும் ரெட்ரோ உணர்வை வெளிப்படுத்தும் இசையிலும் தனித்தன்மை தெரிகிறது.

படத்தின் முக்கியமான குறையாக அதன் 2 மணி நேரம் 40 நிமிடங்களுக்கு நெருக்கமான நீளம் இருக்கிறது. கதை மெதுவாக நகரும் தன்மை கொண்டதால், குறிப்பாக நடுப்பகுதியில் வரும் நீண்ட உரையாடல் காட்சிகள் சிலருக்கு சற்று பொறுமையை சோதிக்கலாம்.

தொடர்ச்சியான ஆக்‌ஷன் மற்றும் பரபரப்பான திருப்பங்களை எதிர்பார்த்து வரும் ரசிகர்களுக்கு இந்த மெதுவான திரைக்கதை அணுகுமுறை சற்று வித்தியாசமாகத் தோன்றலாம். சில காட்சிகளை சற்று கத்தரித்திருந்தால் படத்தின் வேகம் இன்னும் சிறப்பாக இருந்திருக்கும்.

மொத்தத்தில் ‘பத்தா’ வழக்கமான கேங்ஸ்டர் படமாக இல்லாமல், ஒரு கேங்ஸ்டருக்குள் இருக்கும் மனிதனைப் பற்றி பேசும் வித்தியாசமான கதையாக இருக்கிறது. விஜய் சேதுபதியின் நடிப்பு, சிறுவனுடனான எதிர்பாராத உறவு, 1980களின் மெட்ராஸ் பின்னணி, குடும்ப உணர்வுகள் மற்றும் இசை ஆகியவை படத்தின் முக்கிய பலங்களாக அமைகின்றன. மெதுவான திரைக்கதை மற்றும் படத்தின் நீளம் சில இடங்களில் சற்று சோர்வை ஏற்படுத்தினாலும், கதாபாத்திரங்களை மையமாக வைத்து உருவாக்கப்பட்ட படங்களை ரசிப்பவர்களுக்கு இந்தப் படம் வேறுபட்ட அனுபவமாக இருக்கலாம்.

Meesaya Murukku-2 Review: 3 வேடங்களில் மிரட்டிய ஆதி... முதல் பாதி ஜென் ஸி, 2-ம் பாதி ஃபுல் எனர்ஜி; 'மீசைய முறுக்கு-2' எப்படி இருக்கு?

The Dark Heaven Movie Review : மரணத்தை முன்கூட்டியே சொல்லும் மர்ம புத்தகம் - தி டார்க் ஹெவன் விமர்சனம்

Ganesh A — Fri, 18 Sep 2026 11:05:26 +0530

The Dark Heaven Movie Review : பாலாஜி இயக்கத்தில் சித்து, ரித்விகா நடிப்பில் இன்று திரையரங்குகளில் ரிலீஸ் ஆகி உள்ள தி டார்க் ஹெவன் திரைப்படத்தின் விமர்சனத்தை இந்த தொகுப்பில் பார்க்கலாம்.

மலைகளால் சூழப்பட்ட மெக்கரை என்ற கிராமத்தைப் பின்னணியாகக் கொண்டு உருவாகியுள்ள ‘தி டார்க் ஹெவன்’ திரைப்படம், கடந்த காலத்தில் நடந்த மர்ம சம்பவங்களையும் நிகழ்காலத்தில் தொடரும் அமானுஷ்யமான நிகழ்வுகளையும் இணைத்து சொல்லும் கிரைம் த்ரில்லர் கதையாக உருவாகியுள்ளது. பல ஆண்டுகளுக்கு முன்பு மெக்கரையில் நடைபெற்ற சில புதிரான சம்பவங்களின் தாக்கம், காலம் கடந்தும் அந்தக் கிராமத்தை விட்டு அகலவில்லை. இந்நிலையில், அங்குள்ள கலை மற்றும் கைவினைப் பொருட்கள் விற்பனை செய்யும் கடையில் கிடைக்கும் ஒரு பழமையான புத்தகம் கதையின் போக்கையே மாற்றுகிறது.

அந்தப் புத்தகத்தின் மிகப்பெரிய மர்மம் என்னவென்றால், அதை ஒருவர் படிக்கத் தொடங்கியவுடன், அவருடைய வாழ்க்கையில் அடுத்தடுத்து நடக்கவிருக்கும் சம்பவங்கள் அதில் ஏற்கனவே பதிவு செய்யப்பட்டிருப்பதாக கூறப்படுகிறது. அதைவிட அதிர்ச்சியாக, அந்த நபரின் மரணம் எப்போது, யாரால், எந்த விதத்தில் நிகழும் என்பதும் முன்கூட்டியே புத்தகத்தில் இடம்பெற்றிருக்கிறது. இந்த புத்தகத்திற்கும் பல ஆண்டுகளுக்கு முன்பு மெக்கரையில் நடந்த சம்பவங்களுக்கும் என்ன தொடர்பு? நிகழ்காலத்தில் அரங்கேறும் தொடர் மரணங்களின் பின்னணியிலும் இதே மர்மம் இருக்கிறதா? என்பதே படத்தின் மீதிக்கதை

Enna Vilai Review : கருணாஸின் என்ன விலை படம் ஒர்த்தா? ஒர்த் இல்லையா? விமர்சனம் இதோ

சுமார் 25 ஆண்டுகளுக்குப் பிறகு, தனது தந்தைக்கு என்ன நேர்ந்தது என்பதை கண்டுபிடிக்கும் நோக்கில் அவரது மகள் மெக்கரைக்கு வருகிறார். அதே சமயம், கிராமத்தில் தொடர்ச்சியாக நடைபெறும் மர்ம மரணங்கள் குறித்து விசாரிப்பதற்காக காவல்துறை அதிகாரியான சித்து அங்கு வந்து சேர்கிறார். கிராம மக்களின் நம்பிக்கையின்படி, இந்த மரணங்களுக்கு காரணம் காட்டுக்குள் வழிபடப்படும் வன தெய்வத்தின் சாபம்.

ஆனால் சித்து அந்தக் கருத்தை ஏற்காமல், சம்பவங்களுக்குப் பின்னால் ஒரு மனிதனின் திட்டமிட்ட செயல்பாடு இருக்கிறதா என்ற கோணத்தில் விசாரணையை முன்னெடுக்கிறார். தொடர் மரணங்களுக்குப் பின்னால் இருப்பது யார்? மர்ம புத்தகம் உண்மையில் எங்கிருந்து வந்தது? 25 ஆண்டுகளுக்கு முன்பு மெக்கரையில் நடந்த சம்பவம் என்ன? வன தெய்வத்தின் சாபம் குறித்த கிராம மக்களின் நம்பிக்கையில் உண்மை இருக்கிறதா? அல்லது இந்த மர்மங்களின் பின்னணியில் ஒரு திட்டமிட்ட கொலைக்கதை மறைந்திருக்கிறதா? என ட்விஸ்ட் மேல் ட்விஸ்ட் உடன் கதை நகர்கிறது.

மர்மம், விசாரணை, திகில் மற்றும் எதிர்பாராத திருப்பங்களை மையமாகக் கொண்டிருக்கும் இப்படத்தில், கதைக்களத்துக்கு ஏற்ற காட்சியமைப்பு மற்றும் பின்னணி இசை பரபரப்பை அதிகரிக்கின்றன. குறிப்பாக, கிளைமாக்ஸை நோக்கி செல்லும் விதம் ரசிகர்களின் எதிர்பார்ப்பை தொடர்ந்து தக்கவைக்கும் வகையில் அமைந்துள்ளதாக கூறப்படுகிறது.

இரண்டாவது படத்திலேயே சிக்கலான மர்மக் கதையைத் தேர்வு செய்து, கடந்த காலத்தையும் நிகழ்காலத்தையும் இணைத்து திரைக்கதையை உருவாக்கியிருக்கும் இயக்குநர் பாலாஜியின் முயற்சி படத்தின் முக்கிய அம்சமாக அமைந்துள்ளது. கிரைம் த்ரில்லர், மர்மம், திகில் மற்றும் எதிர்பாராத திருப்பங்கள் கொண்ட படங்களை விரும்பும் ரசிகர்களுக்கு ‘தி டார்க் ஹெவன்’ வித்தியாசமான கதைக்களத்துடன் கவனம் ஈர்க்கும் திரைப்படமாக இருக்கிறது.

Sardar 2 Review : கார்த்தி vs எஸ்.ஜே.சூர்யா... சர்தார் 2 மிஷன் வெற்றியா? தோல்வியா? விமர்சனம் இதோ

Sandakari Review : 7 வருட காத்திருப்புக்கு ஒர்த்தா? ஒர்த் இல்லையா? சண்டக்காரி விமர்சனம்

Ganesh A — Fri, 18 Sep 2026 12:20:58 +0530

Sandakari Movie Review : மாதேஷ் இயக்கத்தில் விமல், ஸ்ரேயா, பிரபு நடிப்பில் சுமார் 7 வருட காத்திருப்புக்கு பின் ரிலீஸ் ஆகி உள்ள சண்டக்காரி திரைப்படத்தின் விமர்சனத்தை பார்க்கலாம்.

இயக்குநர் மாதேஷ் இயக்கத்தில் விமல் - ஸ்ரேயா இருவரும் ஜோடி சேர்ந்து நடித்த படம் சண்டக்காரி. இப்படத்தில் பிரபு, கே.ஆர். விஜயா, சத்யன் உள்ளிட்ட பலர் முக்கிய கதாபாத்திரங்களில் நடித்துள்ளனர். 7 ஆண்டுகளுக்கு முன்பே உருவாக்கப்பட்ட இப்படம் பல்வேறு காரணங்களால் வெளியீடு தாமதமான நிலையில், தற்போது ஒரு வழியாக திரையரங்குகளில் வெளியாகியுள்ளது. விமல் தொடர்ந்து வெற்றிப்படங்களில் நடித்த காலகட்டத்தில் உருவான இப்படம், நீண்ட இடைவெளிக்குப் பிறகு ரிலீஸ் ஆகி இருக்கிறது. இதனால் படத்தின் மீதான எதிர்பார்ப்பும், இத்தனை ஆண்டுகளுக்குப் பிறகு படம் எப்படி இருக்கும் என்ற ஆர்வமும் ஏற்பட்டுள்ளது.

The Dark Heaven Movie Review : மரணத்தை முன்கூட்டியே சொல்லும் மர்ம புத்தகம் - தி டார்க் ஹெவன் விமர்சனம்

லண்டனில் பிரபல நிறுவனத்தில் உயர் பதவியில் பணிபுரியும் மாயா கதாபாத்திரத்தில் ஸ்ரேயா. கண்டிப்பான அணுகுமுறையுடன் இருக்கும் அவரிடம் உதவியாளராக வேலைக்குச் சேருகிறார் விமல். மாயாவின் கீழ் பணியாற்றிய பலரும் அவரது கடுமையான குணத்தை சமாளிக்க முடியாமல் வேலையை விட்டு வெளியேறிய நிலையில், விமல் மட்டும் தொடர்ந்து அங்கே பணியாற்றுகிறார். இந்த இருவருக்கும் இடையே உருவாகும் உறவு, பின்னர் காதலாக மாறுகிறதா? அவரை சொந்த ஊருக்கு அழைத்து வரும் விமலின் திட்டம் என்ன ஆனது? ஆரம்பத்தில் அப்பாவியாகத் தெரியும் விமல், பின்னர் வேறு கோணத்தில் செயல்படத் தொடங்குவது ஏன்? என்பதே படத்தின் மீதிக்கதை.

‘களவாணி’, ‘கேடி பில்லா கில்லாடி ரங்கா’, ‘தேசிங்கு ராஜா’ போன்ற படங்களில் ரசித்த விமலின் இயல்பான நகைச்சுவை கலந்த நடிப்பை மீண்டும் பார்க்க முடிவது ரசிகர்களுக்கு ஆறுதலாக இருக்கிறது. ஸ்ரேயா தனது மாயா கதாபாத்திரத்தை ஸ்டைலான தோற்றத்துடனும், தனக்கே உரிய நடிப்பு பாணியுடனும் கையாண்டிருக்கிறார். குறிப்பாக படத்தின் பல இடங்களில் ஸ்ரேயாவின் நடிப்பு கவனத்தை ஈர்க்கிறது. விமலின் தந்தையாக பிரபு, பாட்டியாக கே.ஆர். விஜயா, தாயாக உமா பத்மநாபன் உள்ளிட்டோர் தங்களுக்குக் கொடுக்கப்பட்ட கதாபாத்திரங்களுக்கு ஏற்ற பங்களிப்பை வழங்கியுள்ளனர். வில்லன் கதாபாத்திரத்தில் தேவ் கில் நடித்துள்ளார்.

படத்தின் முதல் பாதியில் அப்பாவியான உதவியாளராக வரும் விமலும், கடுமையான குணம் கொண்ட மாயாவாக வரும் ஸ்ரேயாவும் இடைவேளைக்குப் பிறகு முற்றிலும் மாறுபட்ட அணுகுமுறையில் காட்டப்படுகிறார்கள். இந்த மாற்றம் திரைக்கதையில் இயல்பாகப் பொருந்தவில்லை. மேலும், கதாபாத்திரங்களுக்கான ஆழமான பின்னணி உருவாக்கப்படாததால், சில முக்கியமான காட்சிகள் எதிர்பார்த்த தாக்கத்தை ஏற்படுத்தவில்லை. வில்லன் கதாபாத்திரமும் வலுவாக வடிவமைக்கப்படாதது படத்தின் மற்றொரு குறையாகத் தெரிகிறது.

அம்ரிஷ் இசையில் இடம்பெற்றுள்ள பாடல்கள் பழைய கால கமர்ஷியல் படங்களின் இசை பாணியை நினைவூட்டுகின்றன. குறிப்பாக லண்டன் பப் காட்சியில் வரும் பாடலும், கிராமத்து பின்னணியில் விமலுடன் ஸ்ரேயா இடம்பெறும் பாடலும் ரசிகர்களின் கவனத்தை ஈர்க்கின்றன. அதே நேரத்தில், சில பாடல் வரிகள் மற்றும் இரட்டை அர்த்த வசனங்கள் முகம் சுளிக்க வைக்கும் வகையில் அமைந்துள்ளன. பழைய பாணியிலான நகைச்சுவைக் காட்சிகளும் எல்லா இடங்களிலும் கைகொடுக்கவில்லை.

விமலின் இயல்பான, ஜாலியான நடிப்பு. ஸ்ரேயாவின் ஸ்கிரீன் பிரசன்ஸ், பிரபு, கே.ஆர். விஜயா உள்ளிட்ட மூத்த நடிகர்களின் பங்களிப்பு, அம்ரிஷ் இசையில் சில ரசிக்க வைக்கும் பாடல்கள், லண்டன் மற்றும் கிராமப்புற பின்னணியில் அமைந்த காட்சிகள் ஆகியவை படத்திற்கு பிளஸ் ஆக அமைந்துள்ளன.

பலவீனமான திரைக்கதை, கதாபாத்திரங்களுக்கு போதிய அழுத்தம் கொடுக்கப்படாதது, இடைவேளைக்குப் பிறகு வரும் கேரக்டர் மாற்றங்கள் இயல்பாக அமையாதது, வலுவில்லாத வில்லன் கதாபாத்திரம், பழைய பாணி காமெடி மற்றும் இரட்டை அர்த்த வசனங்கள், சில பாடல் வரிகள் மற்றும் காட்சிகளின் தரம் ஆகியவை மைனஸ் ஆக உள்ளன.

பல ஆண்டுகளுக்கு முன்பு உருவாக்கப்பட்ட படம் என்பதால், ‘சண்டக்காரி’யில் அந்தக் காலகட்டத்தின் கமர்ஷியல் சினிமா பாணி அதிகமாகத் தெரிகிறது. விமலின் இயல்பான நடிப்பும் ஸ்ரேயாவின் கதாபாத்திரமும் படத்திற்கு சில சுவாரஸ்யமான தருணங்களை வழங்கினாலும், திரைக்கதையின் பலவீனம் ஒட்டுமொத்த அனுபவத்தை பாதிக்கிறது. விமல் மற்றும் ஸ்ரேயாவின் ரசிகர்களுக்கு ஒரு முறை பார்க்கக்கூடிய படமாக ‘சண்டக்காரி’ அமைந்துள்ளது.

Enna Vilai Review : கருணாஸின் என்ன விலை படம் ஒர்த்தா? ஒர்த் இல்லையா? விமர்சனம் இதோ

Ganesh A — Thu, 17 Sep 2026 08:41:16 +0530

Enna Vilai Movie Review : கருணாஸ் மற்றும் நிமிஷா சஜயன் நடிப்பில் திரையரங்குகளில் ரிலீஸ் ஆகி உள்ள என்ன விலை திரைப்படத்தின் விமர்சனத்தை இந்த தொகுப்பில் பார்க்கலாம்.

ராமேஸ்வரம் கடல் பகுதியில் திதி கொடுக்க வரும் பக்தர்கள் தண்ணீரில் வீசும் சில்லறைக் காசுகளை நீருக்குள் இறங்கி சேகரித்து, அதன் மூலம் குடும்பத்தை நடத்தி வருகிறார் கருணாஸ். பெரிய கனவுகள் எதுவும் இல்லாமல், கிடைக்கும் வருமானத்தில் நிம்மதியாக வாழும் அவரது வாழ்க்கையில் எதிர்பாராத சம்பவம் ஒன்று மிகப்பெரிய திருப்பத்தை ஏற்படுத்துகிறது.

ஒருநாள் வழக்கம்போல் கடலுக்குள் சென்று காசுகளைத் தேடும் போது, அவரது கைகளில் விலை உயர்ந்த ஆபரணம் ஒன்று சிக்குகிறது. அதை தனக்கென வைத்துக்கொள்ளாமல் காவல் துறையிடம் நேர்மையாக ஒப்படைக்கிறார். ஆனால், அவரது நேர்மையே பின்னர் அவருக்கு மிகப்பெரிய பிரச்சினையாக மாறுகிறது.

தான் செய்யாத குற்றத்திற்காக குற்றவாளியாகக் கருதப்படும் சூழலுக்குள் கருணாஸ் சிக்கிக் கொள்கிறார். அதன் பிறகு அவர் சந்திக்கும் சட்டரீதியான சிக்கல்கள், குடும்பத்தினருக்கு ஏற்படும் பாதிப்புகள், அதிலிருந்து அவர் மீண்டு வருகிறாரா என்பதுதான் படத்தின் மீதிக்கதை.

சமூகத்தில் சாதாரண மனிதன் உண்மையாகவும் நேர்மையாகவும் வாழ முயற்சிக்கும்போது எதிர்கொள்ளும் சிக்கல்களை ‘என்ன விலை’ பேசுகிறது. குறிப்பாக, எந்தத் தவறும் செய்யாத ஒருவர் ஒரு குற்றத்தின் பழியைச் சுமக்க நேர்ந்தால் அவரது வாழ்க்கை எந்த அளவுக்கு பாதிக்கப்படும் என்பதை உணர்வுபூர்வமாக பதிவு செய்திருக்கிறார் இயக்குநர் சஜீவ் பழூர்.

குடும்பம், வேலை என தன் வாழ்க்கையை அமைதியாக நகர்த்திக் கொண்டிருக்கும் ஒரு மனிதன் திடீரென குற்றச்சாட்டுக்கு உள்ளாகும் நிலையை கருணாஸ் தனது நடிப்பின் மூலம் நம்பும்படியாகக் கொண்டு வந்துள்ளார். அவரது உடல்மொழியும் வசனங்களை வெளிப்படுத்தும் விதமும் கதாபாத்திரத்தின் மன அழுத்தத்தை பார்வையாளர்களுக்கு நெருக்கமாக உணரச் செய்கின்றன. இதுவரை அவர் ஏற்றிராத வகையிலான ஒரு கதாபாத்திரப் பரிமாணத்தையும் இப்படம் வெளிப்படுத்துகிறது.

படத்தில் நிமிஷா சஜயன் ஏற்றுள்ள காஞ்சனா என்ற வழக்கறிஞர் கதாபாத்திரம் கதையின் மற்றொரு முக்கிய அம்சமாக உள்ளது. கருணாஸின் கதாபாத்திரத்துக்காக நீதிமன்றத்தில் வாதிடும் காட்சிகளில் அவர் கவனம் ஈர்க்கிறார்.

ஒரு தனிநபருக்கு இழைக்கப்பட்டதாகக் கருதப்படும் அநீதிக்கு எதிராக சட்டத்தின் உதவியுடன் நியாயத்தைப் பெற அவர் போராடும் தருணங்கள் கதைக்கு உணர்வுப்பூர்வமான அழுத்தத்தை ஏற்படுத்துகின்றன.

விஜயலட்சுமி வீரமணி, ஒய்.ஜி. மகேந்திரன், பூர்ணிமா பாக்யராஜ், நிழல்கள் ரவி, மொட்டை ராஜேந்திரன், கமலேஷ் ஜெகன், லொள்ளு சபா சுவாமிநாதன் உள்ளிட்ட நடிகர்களும் தங்களது கதாபாத்திரங்களுக்கு ஏற்ற நடிப்பை வழங்கியுள்ளனர்.

கதையின் உணர்ச்சிகரமான தருணங்களுக்கும், கடலை மையமாகக் கொண்ட காட்சிகளுக்கும் சாம் சி.எஸ். அமைத்துள்ள பின்னணி இசை பொருத்தமாக அமைந்துள்ளது. குறிப்பாக, கதையின் அழுத்தமான பகுதிகளில் இசை காட்சிகளின் உணர்வை அதிகரிக்கிறது.

ராமேஸ்வரம் பகுதியின் கடல், இயற்கைச் சூழல் மற்றும் அங்குள்ள மக்களின் வாழ்க்கை முறையை ஒளிப்பதிவாளர் ஆல்பி ஆண்டனி அழகாகப் பதிவு செய்துள்ளார். கடலை வெறும் பின்னணியாக பயன்படுத்தாமல், கதையின் சூழலோடு இணைத்து காட்சிப்படுத்தியிருப்பது கவனம் பெறுகிறது.

மொத்தத்தில் ஒரு சாதாரண மனிதன் நேர்மையாக இருப்பதற்கும், தனது உண்மையை நிரூபிப்பதற்கும் எதிர்கொள்ள வேண்டிய போராட்டத்தை மையமாகக் கொண்ட படமாக ‘என்ன விலை’ அமைந்துள்ளது. “உண்மைக்கும் நேர்மைக்கும் இந்த சமூகத்தில் கிடைக்கும் மதிப்பு என்ன?” என்ற கேள்வியை பார்வையாளர்களிடம் விட்டுச் செல்கிறது இப்படம்.

Mandaadi Review : சூரியின் மண்டாடி சூப்பரா? சுமாரா? முழு விமர்சனம் இதோ

Sigma Review by Blue Sattai : சிக்மா படத்தின் மிகப்பெரிய மைனஸ் இதுதான்... விமர்சனத்தில் புட்டு புட்டு வைத்த ப்ளூ சட்டை மாறன்

Ganesh A — Sat, 03 Oct 2026 14:24:49 +0530

Sigma Review : விஜய்யின் மகன் ஜேசன் சஞ்சய் இயக்கியுள்ள சிக்மா திரைப்படம் தியேட்டரில் ரிலீஸ் ஆகி உள்ள நிலையில், அப்படத்தை பார்த்த ப்ளூ சட்டை மாறன் சரமாரியாக விமர்சனம் செய்துள்ளார்.

இயக்குநராக ஜேசன் சஞ்சய் அறிமுகமாகியுள்ள ‘சிக்மா’ திரைப்படம் ரசிகர்கள் மத்தியில் எதிர்பார்ப்பை ஏற்படுத்தியிருந்த நிலையில், படத்தைப் பற்றிய தனது விமர்சனத்தில் ப்ளூ சட்டை மாறன் கடுமையான கருத்துகளை முன்வைத்துள்ளார். குறிப்பாக, வெளிநாட்டில் திரைப்படம் தொடர்பான படிப்பை படித்ததாக கூறப்பட்ட ஜேசன் சஞ்சய்யிடம் இருந்து புதுமையான முயற்சியை எதிர்பார்த்ததாகவும், ஆனால் அவர் பழைய கதையையும் அதே பாணியிலான அணுகுமுறையையும் மீண்டும் திரையில் கொண்டு வந்திருப்பதாகவும் ப்ளூ சட்டை மாறன் தனது விமர்சனத்தில் குறிப்பிட்டுள்ளார்.

Sigma Review : இயக்குநராக ஜெயித்தாரா ஜேசன் சஞ்சய்? சிக்மா முழு விமர்சனம் இதோ

படத்தின் கதைப்படி, நாயகன் தனது தந்தை வாங்கிய கடனால் சிக்கலில் இருக்கும் ஒரு பழைய நூலகத்தை காப்பாற்ற போராடுகிறார். அந்த நூலகத்தை வில்லனின் ஆட்கள் கைப்பற்ற முயற்சிக்கின்றனர். இந்த சூழலில், சுமார் ரூ.1,000 கோடி மதிப்பிலான பணம் இருக்கும் லாக்கரின் சாவி நாயகனிடம் கிடைக்கிறது. அந்தப் பணத்தைப் பயன்படுத்தி நூலகத்தை கடனிலிருந்து மீட்டு காப்பாற்றுகிறாரா என்பதே படத்தின் பிரதான கதையாக அமைந்துள்ளது.

ஆனால், இந்தக் கதைக்கருவை சுவாரஸ்யமான திரைக்கதையாக மாற்றத் தவறிவிட்டதாக ப்ளூ சட்டை மாறன் விமர்சித்துள்ளார். கதையின் மையக்கரு மட்டுமின்றி, அதைச் சுற்றி உருவாக்கப்பட்ட திரைக்கதையிலும் எதிர்பார்த்த விறுவிறுப்பு இல்லை என்பதே அவரது கருத்தாக உள்ளது.

ஜேசன் சஞ்சய்யின் தாத்தாவும் இயக்குநருமான எஸ்.ஏ. சந்திரசேகர் இயக்கிய ‘சட்டம் ஒரு இருட்டறை’ திரைப்படத்தையும் தனது விமர்சனத்தில் ப்ளூ சட்டை மாறன் குறிப்பிட்டுள்ளார். பல ஆண்டுகளுக்கு முன்பு வெளியான அந்தப் படத்தில், சட்டத்தில் இருக்கும் ஓட்டைகளைப் பயன்படுத்தி குற்றங்களில் இருந்து தப்பிக்கும் நபர்களை, அதே சட்டத்தின் வழிகளைப் பயன்படுத்தி நாயகன் எப்படி எதிர்கொள்கிறார் என்பதே கதையின் மையமாக இருந்ததாக அவர் சுட்டிக்காட்டியுள்ளார். அதேபோன்ற ஒரு புதுமையான சிந்தனையுடன் ஜேசன் சஞ்சய் தனது முதல் படத்தை உருவாக்குவார் என எதிர்பார்த்த நிலையில், பழைய பாணியிலான கதையை தேர்வு செய்து படமாக்கியிருப்பது ஏமாற்றம் அளிப்பதாக ப்ளூ சட்டை மாறன் கூறியுள்ளார்.

படத்தில் இடம்பெறும் சேஸிங் காட்சிகள் மற்றும் மேக்கிங் ஓரளவு சிறப்பாக இருப்பதாக குறிப்பிட்டுள்ள ப்ளூ சட்டை மாறன், அவற்றுக்கான பாராட்டுகள் பெரும்பாலும் ஸ்டண்ட் கலைஞர்கள் மற்றும் ஒளிப்பதிவாளருக்கே செல்ல வேண்டும் என தெரிவித்துள்ளார். ஒரு திரைப்படத்தின் அடிப்படை வலிமை அதன் கதையும் திரைக்கதையும் தான் என்றும், அந்த இரண்டு அம்சங்களும் ரசிகர்களை ஈர்க்கும் வகையில் அமைந்தால்தான் இயக்குநரின் முயற்சியை முழுமையாக பாராட்ட முடியும் என்றும் தனது விமர்சனத்தில் தெரிவித்துள்ளார்.

ஜேசன் சஞ்சய் தனது முதல் படத்திற்கான கதையைத் தேர்வு செய்த விதமே மிகப்பெரிய குறையாக அமைந்துள்ளதாக ப்ளூ சட்டை மாறன் விமர்சித்துள்ளார். சரியான கதையை தேர்ந்தெடுத்து, அதற்கு வலுவான திரைக்கதையை உருவாக்கியிருக்க வேண்டும் என்பதே அவரது கருத்து. மேலும், அடுத்த படத்தில் இன்னும் அதிகமான பயிற்சியுடனும், புதிய முயற்சிகளுடனும் ஜேசன் சஞ்சய் களமிறங்க வேண்டும் என்றும் அவர் வலியுறுத்தியுள்ளார். மொத்தத்தில், ‘சிக்மா’ படத்தின் மேக்கிங் மற்றும் ஆக்‌ஷன் காட்சிகளைத் தாண்டி, கதை மற்றும் திரைக்கதையில் புதுமை இல்லாததால் படம் இம்பிரஸ் செய்யவில்லை என ப்ளூ சட்டை மாறன் தெரிவித்துள்ளார்.

Sigma Day 1 Box Office : சிக்மா படம் பாக்ஸ் ஆபிஸில் வசூல் வேட்டையாடியதா? காத்துவாங்கியதா? முதல் நாள் நிலவரம் இதோ

I am Game Review : அதகளப்படுத்தியதா துல்கர் சல்மானின் ஐ ஆம் கேம்? முழு விமர்சனம் இதோ

Ganesh A — Fri, 04 Sep 2026 07:02:11 +0530

I am Game Movie Review : கிரிக்கெட் சூதாட்டத்தை பின்னணியாகக் கொண்டு கதை நகர்கிறது. ஆன்லைன் பெட்டிங், அதில் நடக்கும் துரோகங்களை மையமாக வைத்து எடுக்கப்பட்ட படம் தான் ஐ ஆம் கேம்.

துல்கர் சல்மானுக்கு, இது ஒரு சூப்பரான ஹோம் கமிங் ட்ரீட். 'RDX' என்ற மெகா ஹிட் படத்திற்குப் பிறகு நஹாஸ் ஹிதாயத் இயக்கியுள்ள 'ஐ ஆம் கேம்' படத்தில் ஆண்டனி வர்கீஸ் பெப்பேவும் முக்கிய ரோலில் நடித்துள்ளார். 'கிங் ஆஃப் கோதா' படத்திற்குப் பிறகு, கிட்டத்தட்ட மூன்று ஆண்டுகள் கழித்து துல்கர் ஒரு மலையாளப் படத்தில் நடித்திருக்கிறார். ஒரே வரியில் சொல்ல வேண்டுமென்றால், இந்தப் படம் ஆக்சன் மற்றும் கற்பனை காட்சிகள் மூலம் ஒரு அட்ரினலின் ரஷ்ஷை கொடுக்கிறது.

துல்கர் சல்மான் நடித்த ‘காந்தா’ காந்தம் போல் கவர்ந்திழுத்ததா? இல்லையா? முழு விமர்சனம் இதோ

துல்கர் சல்மானை ஒரு ஸ்டைலான, மெட்ரோபாலிட்டன் ஹீரோவாக கற்பனை செய்வது ரசிகர்களுக்கு மிகவும் எளிதான விஷயம். அவருடைய அந்த ஸ்டைலையும், கெத்தையும் சரியாகப் பயன்படுத்தி, ஒரு விறுவிறுப்பான கதையைச் சொல்லியிருக்கிறார் இயக்குநர் நஹாஸ். கிரிக்கெட் சூதாட்டத்தை மையமாக வைத்து கதை நகர்கிறது. ஆன்லைன் பெட்டிங், அதன் பின்னணியில் நடக்கும் தில்லுமுல்லுகள், துரோகங்கள் எனப் போகும் கதையில், யாருமே எதிர்பார்க்காத ஒரு தருணம் வருகிறது.

ஹைதராபாத்தில் வசிக்கும் மிகப்பெரிய பணக்காரரான டான் ஜான் என்ற கேரக்டரில் துல்கர் வருகிறார். தன் அப்பாவின் முன் தன்னை நிரூபிக்க, எப்படியாவது பணம் சம்பாதிக்க வேண்டும் என்று சூதாட்டத்தில் இறங்கும் டானுக்கு ஒரு விபத்து ஏற்படுகிறது. அந்த விபத்திலிருந்து தப்பிப் பிழைக்கும் டான், அதன் பிறகு யாரும் சந்திக்காத விசித்திரமான சம்பவங்களை எதிர்கொள்கிறார். படத்தின் எமோஷனல் பக்கத்தை வலுவாக வைத்துக்கொண்டு, கற்பனை விஷயங்களை அழகாகக் கோர்த்த ஒரு மேஜிக்தான் 'ஐ ஆம் கேம்'. இதுதான் இந்தப் படத்தை ஒரு சாதாரண கமர்ஷியல் படமாக இல்லாமல், ஒரு படி மேலே கொண்டு செல்கிறது.

ஆண்டனி வர்கீஸின் விக்கி கதாபாத்திரம், துல்கருக்கு இணையாக நிற்கும் ஒரு ஹீரோ கேரக்டர். துல்கருக்குக் கொஞ்சமும் குறையாத ஸ்கிரீன் டைம் விக்கிக்கும் கொடுக்கப்பட்டுள்ளது. ஹீரோக்களுக்கு டஃப் கொடுக்கும் வில்லனாக மிஷ்கினின் டேவிட் கதாபாத்திரம் படம் முழுவதும் மிரட்டுகிறது. கயாடு லோஹர், சம்யுக்தா விஸ்வநாதன், கதிர் ஆகியோரும் முக்கிய வேடங்களில் நடித்துள்ளனர். டானின் நண்பராக வரும் வினய் ஃபோர்ட்டின் கதாபாத்திரம் வரும் இடங்களில் எல்லாம் தியேட்டரில் சிரிப்பலை. ஜேக்ஸ் பிஜாயின் இசை படத்தை வேற லெவலுக்கு உயர்த்துகிறது. சமன் சாக்கோவின் எடிட்டிங் படத்திற்குத் தேவையான வேகத்தைக் கொடுக்கிறது.

இயக்குநர் நஹாஸ் ஹிதாயத்தின் கதைக்கு, சஜிர் பாபா, இஸ்மாயில் அபூபக்கர், பிலால் மொய்து ஆகியோர் திரைக்கதை எழுதியுள்ளனர். சஜிர் பாபா, ஆதர்ஷ் சுகுமாரன், ஷபாஸ் ரஷீத் ஆகியோர் வசனம் எழுதியுள்ளனர். ஜிம்ஷி காலித்தின் கேமரா மற்றும் சமன் சாக்கோவின் எடிட்டிங் ரசிகர்களை ஆச்சரியப்படுத்தும். அன்பறிவ் மாஸ்டர்ஸ் படத்தின் சண்டைக் காட்சிகளை வடிவமைத்துள்ளனர். துல்கர் என்ற ஸ்டாரையும், நடிகரையும் சரியாகப் பயன்படுத்தி நஹாஸ் செய்துள்ள இந்த மேஜிக், துல்கர் ரசிகர்களுக்கு ஒரு விஷுவல் ட்ரீட் என்பதில் சந்தேகமில்லை. நாடகத்தனமாக மாறக்கூடிய பல காட்சிகளை, நடிகர்கள் மிக இயல்பாகக் கையாண்ட விதம் பாராட்டுக்குரியது. ஓணம் ரிலீஸாக அறிவிக்கப்பட்ட இந்தப் படம் தள்ளிப்போனது. ஆனால், இந்தக் காத்திருப்பு வீண் போகவில்லை. ஒரு நல்ல ஆக்சன் என்டர்டெயினருக்காக 'ஐ ஆம் கேம்' படத்திற்கு தாராளமாக டிக்கெட் எடுக்கலாம்.

Once More Review : ஒன்ஸ்மோர் படம் ஒர்த்தா? ஒர்த் இல்லையா? முழு விமர்சனம் இதோ

Ganesh A — Fri, 28 Aug 2026 14:53:26 +0530

Once More Movie Review : புதுமுக இயக்குநர் விக்னேஷ் ஸ்ரீகாந்த் இயக்கத்தில் அர்ஜுன் தாஸ், அதிதி ஷங்கர் நடிப்பில் ரிலீஸ் ஆகி உள்ள ஒன்ஸ்மோர் திரைப்படத்தின் விமர்சனத்தை பார்க்கலாம்.

அர்ஜுன் தாஸ், அதிதி ஷங்கர் நடிப்பில் திரையரங்குகளில் வெளியாகியுள்ள திரைப்படம் ‘ஒன்ஸ்மோர்’. அறிமுக இயக்குநர் விக்னேஷ் ஸ்ரீகாந்த் இயக்கியுள்ள இப்படம், காதல் உறவில் ஏற்படும் பிரிவு, அதன்பிறகு ஒருவரை ஒருவர் கடந்து செல்வது, மீண்டும் வாழ்க்கையில் காதலுக்கு இடம் கொடுப்பது என நுட்பமான உணர்வுகளை மையமாகக் கொண்டு உருவாகி உள்ளது. வழக்கமான காதல் படங்களுக்கான டெம்பிளேட்டுகளுடன் பயணிக்காமல், ஒரு உறவில் நிகழும் சின்னச் சின்ன சம்பவங்கள் மற்றும் சொல்லாமல் மனதிற்குள் புதைத்து வைத்திருக்கும் உணர்வுகளை முன்னிலைப்படுத்துகிறது ‘ஒன்ஸ்மோர்’. இதன் விமர்சனத்தை பார்க்கலாம்.

ஒன்ஸ்மோர் படத்தில் அர்ஜுன் தாஸ் ரகு என்ற கதாபாத்திரத்தில் நடித்துள்ளார். கடந்த கால காதல் அனுபவத்திலிருந்து வெளியேறி, வாழ்க்கையை புதிதாக தொடங்க வேண்டும் என்ற எண்ணத்தில் அவர் பயணிக்கிறார். பழைய காதலின் நினைவுகள் முற்றிலும் மறைந்துவிட்டதாக ரகு நினைக்கும் நேரத்தில், எதிர்பாராத வகையில் கடந்த கால காதல் மீண்டும் அவரது வாழ்க்கைக்குள் நுழைகிறது. இதனால் ஏற்கனவே அமைதியாக சென்றுகொண்டிருந்த அவரது வாழ்க்கை குழப்பமடைகிறது.

ஒருபுறம் கடந்த காலத்தின் நினைவுகளும், மறுபுறம் நிகழ்காலத்தில் உருவாகும் புதிய பந்தமும் ரகுவை ஒரு உணர்ச்சிப்பூர்வமான சிக்கலுக்குள் தள்ளுகின்றன. அதன் பின்னர் காதல் என்றால் ஒருவரை தேர்ந்தெடுப்பது மட்டுமல்ல; ஒருவரை புரிந்துகொள்வது, சில நேரங்களில் விட்டுக்கொடுப்பது, மனதில் இருப்பதை வெளிப்படையாக சொல்வது என பல விஷயங்களை படம் பேசுகிறது.

‘ஒன்ஸ்மோர்’ படத்தின் முக்கியமான பலம் அர்ஜுன் தாஸின் நடிப்பு. ரகுவின் மனநிலையை அவர் ஆர்ப்பாட்டமில்லாமல் இயல்பாக வெளிப்படுத்தியிருக்கிறார். தன்னம்பிக்கையுடன் இருக்கும் இளைஞன் முதல் காதல் பிரிவால் உடைந்து நிற்கும் மனிதன் வரை பல்வேறு மனநிலைகளை நுட்பமாகக் கடத்துகிறார். குறிப்பாக அதிக வசனங்கள் இல்லாத காட்சிகளில் அவரது கண்களும் முகபாவனைகளும் கதாபாத்திரத்தின் உணர்வுகளை நன்றாக பிரதிபலிக்கின்றன. காதல், குழப்பம், ஏக்கம், மனவலி என ரகுவின் பயணத்தை இயல்பாக கொண்டு சென்றிருப்பதால், அர்ஜுன் தாஸின் வித்தியாசமான நடிப்பை இந்தப் படம் வெளிப்படுத்துகிறது.

அதிதி ஷங்கரும் தனது கதாபாத்திரத்திற்கு தேவையான இயல்பான நடிப்பை வழங்கியுள்ளார். காட்சிகளை மிகைப்படுத்தாமல், கதாபாத்திரத்தின் உணர்வுகளை எளிமையாக வெளிப்படுத்துகிறார். அர்ஜுன் தாஸ் - அதிதி ஷங்கர் இடையிலான கெமிஸ்ட்ரி படத்திற்கு பலம் சேர்க்கிறது. இருவருக்கும் இடையிலான உரையாடல்கள் இயல்பாக அமைந்துள்ளதால், அவர்களின் உறவும் திரையில் நம்பகத்தன்மையுடன் தெரிகிறது. குறிப்பாக இருவரும் தங்களுடைய மனதில் இருக்கும் விஷயங்களை வெளிப்படையாக பேசும் தருணங்கள் படத்தின் உணர்ச்சிப்பூர்வமான பகுதிகளாக அமைகின்றன.

சோனா ஒலிக்கல் இந்தப் படத்தின் மூலம் தமிழ் சினிமாவில் அறிமுகமாகிறார். முக்கோண காதல் கதையின் முக்கியமான கதாபாத்திரத்தை ஏற்றுள்ள அவர், முதல் படத்திலேயே கவனம் ஈர்க்கும் வகையில் நடித்துள்ளார். அர்ஜுன் தாஸ் மற்றும் அதிதி ஷங்கருடன் அவர் இடம்பெறும் காட்சிகள் கதையின் உணர்வுப்பூர்வமான மோதலை மேலும் வலுப்படுத்துகின்றன.

‘ஒன்ஸ்மோர்’ படத்தின் உணர்வுகளை உயர்த்துவதில் ஹேஷம் அப்துல் வஹாபின் இசை முக்கிய பங்கு வகிக்கிறது. பாடல்கள் தனியாக திணிக்கப்பட்டது போன்ற உணர்வை ஏற்படுத்தாமல், கதையின் சூழலோடு இணைந்து பயணிக்கின்றன. காதல் மற்றும் பிரிவு காட்சிகளுக்கு பின்னணி இசை கூடுதல் அழுத்தம் கொடுக்கிறது. அதேபோல் ஒளிப்பதிவாளர் அரவிந்த் விஸ்வநாதன், படத்தின் மென்மையான காதல் உணர்வுக்கு ஏற்ற வகையில் காட்சிகளை அழகாக பதிவு செய்துள்ளார்.

அறிமுக இயக்குநர் விக்னேஷ் ஸ்ரீகாந்த் காதல் கதையை மிக எளிமையான பாணியில் சொல்ல முயற்சித்திருக்கிறார். பெரிய அளவிலான பிரம்மாண்ட அம்சங்களை அதிகம் நம்பாமல், கதாபாத்திரங்களின் உணர்வுகளுக்கும் அவர்களுக்குள் நடைபெறும் உரையாடல்களுக்கும் முக்கியத்துவம் கொடுத்துள்ளார். காதலில் ஏற்படும் பாதுகாப்பின்மை, பிரிவுக்குப் பிறகு மீண்டும் ஒரு உறவை ஏற்றுக்கொள்வதில் இருக்கும் தயக்கம், ஆண்கள் தங்களுடைய உணர்வுகளை வெளிப்படுத்துவதில் எதிர்கொள்ளும் சிக்கல் போன்ற விஷயங்களையும் படம் தொட்டுச் செல்கிறது.

படத்தில் பரபரப்பான திருப்பங்கள் அல்லது பெரிய அளவிலான சம்பவங்களை எதிர்பார்ப்பவர்களுக்கு ‘ஒன்ஸ்மோர்’ சற்று மெதுவான அனுபவமாக இருக்கலாம். பெரும்பாலான காட்சிகள் உரையாடல்கள் மற்றும் கதாபாத்திரங்களின் உணர்வுகளை மையமாக வைத்தே நகர்கின்றன.

குறிப்பாக திரைக்கதையின் வேகம் சில இடங்களில் குறைவதாகத் தெரிகிறது. இன்னும் சற்று கத்தரித்து வேகத்தை கூட்டியிருந்தால் தாக்கம் அதிகமாக இருந்திருக்கலாம். அதேநேரத்தில் நடிகர்களின் நடிப்பு, இசை மற்றும் காட்சியமைப்பு ஆகியவை இந்தத் தொய்வை பெரும்பாலும் சமாளித்து விடுகின்றன. காதல் படங்களை விரும்புபவர்களுக்கு ‘ஒன்ஸ்மோர்’ ஒரு நல்ல சாய்ஸாக இருக்கும்.

Mandaadi Review : சூரியின் மண்டாடி சூப்பரா? சுமாரா? முழு விமர்சனம் இதோ

Ganesh A — Thu, 10 Sep 2026 13:13:42 +0530

Mandaadi Movie Review : மதிமாறன் புகழேந்தி இயக்கத்தில் சூரி, சுஹாஸ், மஹிமா நம்பியார் நடிப்பில் தியேட்டரில் ரிலீஸ் ஆகி உள்ள மண்டாடி திரைப்படத்தின் முழு விமர்சனத்தை இந்த தொகுப்பில் பார்க்கலாம்.

சூரி மற்றும் சுஹாஸ் முதன்மை கதாபாத்திரங்களில் நடிக்க, மதிமாறன் புகழேந்தி இயக்கியுள்ள படம் 'மண்டாடி'. மஹிமா நம்பியார் ஹீரோயினாக நடித்துள்ளார். சத்யராஜ், ரவீந்திர விஜய், மிதுன், பால சரவணன் போன்றோர் மற்ற முக்கிய வேடங்களில் நடித்துள்ளனர். ஆர்எஸ் இன்ஃபோடெயின்மென்ட் பேனர் சார்பில் எல்ரெட் குமார் இந்தப் படத்தைத் தயாரித்துள்ளார். படத்தின் பாடல்கள் மற்றும் டீசர் நல்ல ஹைப்பை உருவாக்கியது. சமீபத்தில் வந்த டிரெய்லர், படம் பார்க்கும் ஆர்வத்தை அனைவரிடமும் தூண்டியது. செப்டம்பர் 10, வியாழக்கிழமை வெளியான இந்தப் படம் எப்படி இருக்கிறது என்பதை இந்த விமர்சனத்தில் பார்ப்போம்.

Actor Soori about Vijay: “ஏமாற்றமாக இருக்கிறது”.. விஜய் குறித்து ஓப்பனாக பேசிய நடிகர் சூரி!

துறைமுகத்தின் கிங்காக வலம் வருகிறார் சாட்டா புலி (சுஹாஸ்). படகுப் போட்டிகளில் அவரின் 'சுனாமி ரைடர்ஸ்' அணி தொடர்ந்து வெற்றி பெற்று, அந்தப் பகுதியையே தன் கட்டுப்பாட்டில் வைத்திருக்கிறது. ஒரு திருவிழாவில், மல்லேஷ் என்ற இளைஞன் சாட்டா புலியைத் தாக்க முயற்சிக்கிறான். ஆனால் புலி தப்பித்துவிட, அந்தப் பையன் தப்பி ஓடி காளியிடம் (சூரி) தஞ்சம் அடைகிறான். காளி அவனை காப்பாற்றி, சமாதானம் பேசுவதற்காக மீண்டும் சாட்டா புலியிடம் அழைத்து வருகிறான். சுமார் 20 ஆண்டுகளுக்குப் பிறகு காளி அங்கு சென்றிருக்கிறான். பெரியவர்கள் முன்னிலையில் நடக்கும் சமாதானப் பேச்சின் முடிவில், ஒரு படகுப் போட்டி நடத்த முடிவு செய்யப்படுகிறது. இதில் யார் ஜெயிக்கிறார்களோ, அவர்கள்தான் அதிகாரப்பூர்வ அணி.

தோற்றவர்கள் துறைமுகத்தை விட்டு வெளியேற வேண்டும். முதலில் மறுக்கும் சாட்டா புலி, தன் வியாபாரத்தைக் கருத்தில் கொண்டு சம்மதிக்கிறான். காளியும் போட்டியில் இறங்குகிறான். இதற்கிடையில், காளியைப் பார்க்கும் மஹிமா அவனை 'துரோகி' என வெறுக்கிறாள். காளிக்கும் தன் அம்மாவுக்கும் இருந்த காதல் விவகாரம் தெரிந்து மஹிமாவின் மகனும் கோபப்படுகிறான். காளி, மல்லேஷிடம் தன் கடந்த காலக் கதையைச் சொல்கிறான். தானும் புலியும் நண்பர்களாக இருந்து, முனி (சத்யராஜ்) கோச்சிங்கில் படகுப் போட்டிகளில் பங்கேற்றதை விவரிக்கிறான். முனி எப்படி இறந்தார்? உயிர் நண்பர்களான காளியும், சாட்டா புலியும் ஏன் பிரிந்தார்கள்? துறைமுகத்தில் உண்மையில் என்ன நடந்தது என்பதுதான் மீதிக் கதை.

நட்பையும், விளையாட்டையும் மையமாக வைத்து இந்தப் படம் எடுக்கப்பட்டுள்ளது. கடலில் நடக்கும் படகுப் போட்டிகளை அடிப்படையாகக் கொண்ட கதைக்களம் புதிதாக இருக்கிறது. ஆனால், மற்ற விஷயங்கள் எல்லாம் பல படங்களில் பார்த்ததுதான். நண்பர்களாக இருந்து, கருத்து வேறுபாட்டால் பிரிந்து, எதிரிகளாக மாறுவது போன்ற கதைதான் இது. சமீபத்தில் வந்த 'தேவரா' படமும் இதே போன்றதுதான். படத்தின் ஆரம்பம் சுவாரஸ்யமாகத் தொடங்குகிறது. ஆனால், கதை துறைமுகத்திற்கு வந்த பிறகு மெதுவாக நகர்கிறது. முதல் பாதி முழுவதும் கொஞ்சம் போர் அடிக்கிறது. ஆனால், இரண்டாம் பாதி படத்தை ஓரளவுக்குக் காப்பாற்றுகிறது. காளி தன் கடந்த காலத்தைச் சொல்லும் காட்சிகள், புலியுடனான நட்பு, சத்யராஜ் கதாபாத்திரம் ஆகியவை நன்றாக வொர்க்-அவுட் ஆகியுள்ளது. மஹிமா உடனான காதல் காட்சிகள் சுவாரஸ்யமாக உள்ளன. க்ளைமாக்ஸில் வரும் படகுப் போட்டி காட்சிகள் விறுவிறுப்பாகவும், எமோஷனலாகவும் எடுக்கப்பட்டுள்ளன. படத்திற்கு இரண்டாம் பாதியும், படகுப் போட்டிகளும்தான் முக்கிய பலம்.

படகுப் போட்டி கதைக்களம், இரண்டாம் பாதி, எமோஷனல் காட்சிகள் ஆகியவை படத்தின் ப்ளஸ் பாயிண்ட்கள். பின்னணி இசை நன்றாக உள்ளது. நடிகர்கள் அனைவரும் படத்திற்காகக் கடுமையாக உழைத்திருக்கிறார்கள். அது ஒவ்வொரு ஃபிரேமிலும் தெரிகிறது. ஒரிஜினல் லொகேஷன்களில், கடலில் படகுப் போட்டிகளை தத்ரூபமாகப் படமாக்கியுள்ளனர். இது படத்தின் ஹைலைட். ஆனால், படகுப் போட்டியைத் தவிர மற்ற விஷயங்கள் அனைத்தும் வழக்கமானவை. ஹீரோ-வில்லன் மோதலுக்கான காரணம் வலுவாக இல்லை. பல காட்சிகள் அழுத்தமில்லாமல் இருக்கின்றன. காதல் கதையும் பெரிதாக ஈர்க்கவில்லை. மல்லேஷ் ஏன் புலியைக் கொல்ல முயற்சிக்கிறான் என்பதும் தெளிவாகச் சொல்லப்படவில்லை. ப்ளஸ்களை விட மைனஸ்கள் அதிகமாகவே உள்ளன. மொத்தத்தில், இது ஒரு ஆவரேஜ் படமாகவே நிற்கிறது.

காளி கதாபாத்திரத்தில் சூரி சிறப்பாக நடித்துள்ளார். பந்தா இல்லாமல் யதார்த்தமான நடிப்பை வழங்கியுள்ளார். சாட்டா புலியாக சுஹாஸ் மிரட்டியிருக்கிறார். வில்லனாக அசத்தியுள்ளார். அவரின் வித்தியாசமான நடிப்பு படத்திற்கு ஒரு பிளஸ். ஏஞ்சலாக வரும் மஹிமா நம்பியார் கேரக்டர் பரவாயில்லை. கோச் முனியாக சத்யராஜ் தன் பாத்திரத்தில் கச்சிதம். ஏஞ்சலின் கணவராக வரும் ரவீந்திர விஜய் மற்றும் மல்லேஷாக நடித்த பையன் ஆகியோரும் தங்கள் வேலையைச் சரியாகச் செய்துள்ளனர்.

ஜி.வி. பிரகாஷ் குமாரின் இசை நன்றாக உள்ளது. குறிப்பாக படகுப் போட்டி காட்சிகளில் பின்னணி இசை மிரட்டுகிறது. எஸ்.ஆர். கதிரின் கேமரா படத்திற்கு ஒரு ராவான தோற்றத்தைக் கொடுத்துள்ளது. கலை இயக்கமும் ஒரு முக்கிய ஹைலைட். தயாரிப்பு தரத்தில் குறைவில்லை. இயக்குநர் மதிமாறன் புகழேந்தி ஒரு நல்ல கதையைத் தேர்ந்தெடுத்தாலும், அதை விறுவிறுப்பாகச் சொல்வதில் முதல் பாதியில் தடுமாறியுள்ளார். இரண்டாம் பாதியை சிறப்பாகக் கையாண்டதால், படம் ஓரளவுக்கு ரசிக்கும்படி உள்ளது. ஆரம்பத்தில் மெதுவாக நகர்ந்தாலும், இரண்டாம் பாதியில் விறுவிறுப்பாக மாறும் ஒரு ஸ்போர்ட்ஸ் டிராமா இது. மொத்தத்தில் ஒரு ஆவரேஜ் படம்.

Sardar 2 Review : சர்தார் 2 படம் மிரட்டலா? சொதப்பலா? விமர்சனம் இதோ

Ganesh A — Thu, 10 Sep 2026 09:46:09 +0530

Sardar 2 Movie Twitter Review : பி.எஸ்.மித்ரன் இயக்கத்தில் கார்த்தி, எஸ்.ஜே.சூர்யா, மாளவிகா மோகனன் நடிப்பில் தியேட்டரில் ரிலீஸ் ஆகி உள்ள சர்தார் 2 திரைப்படத்தின் எக்ஸ் தள விமர்சனத்தை பார்க்கலாம்.

கார்த்தி - பி.எஸ்.மித்ரன் கூட்டணியில் கடந்த 2022ம் ஆண்டு ரிலீஸ் ஆகி பிளாக்பஸ்டர் ஹிட் ஆன படம் சர்தார். அப்படத்தின் மாஸ் வெற்றியை தொடர்ந்து அதன் இரண்டாம் பாகம் அறிவிக்கப்பட்டு, அதனை இன்று திரையரங்குகளில் ரிலீஸ் செய்துள்ளனர். அப்படத்தில் கார்த்தி உடன் எஸ்.ஜே.சூர்யா, ரெஜிஷா விஜயன், ஆஷிகா, மாளவிகா மோகனன் என மிகப்பெரிய பட்டாளமே நடித்துள்ளது. சாம் சி.எஸ் அப்படத்திற்கு இசையமைத்துள்ளார். அப்படத்தின் முதல் ஷோ பார்த்த ரசிகர்கள் தங்கள் விமர்சனங்களை எக்ஸ் தளங்களில் பதிவிட்ட வண்ணம் உள்ளனர். அதைப்பற்றி பார்க்கலாம்.

Sardar 2 : ஆக்‌ஷனில் மிரட்டும் கார்த்தி - எஸ்.ஜே.சூர்யா கூட்டணி... வைரலாகும் சர்தார் 2 டிரெய்லர்

சர்தார் 2 படத்தில் கார்த்தி இரட்டை வேடத்திலும் நேர்த்தியாக நடித்திருக்கிறார். எஸ்.ஜே.சூர்யா கேரக்டர் ரொம்ப வீக். பின்னணி இசை மற்றும் கிராஃபிக்ஸ் மோசம். படத்தில் உள்ள நல்ல விஷயம் என்னவென்றால், தேவையில்லாத பாடல்கள், லவ் டிராக் என கதை எங்கும் திசைதிரும்பாமல் ஸ்பை என்கிற களத்திலேயே பயணிக்கிறது. ஆண்டிபயாடிக்ஸ் மெசேஜ் அருமை. லாஜிக் இல்லாமல், ட்விஸ்ட் இல்லாமல், தேவையில்லாத மற்றும் நீளமான ஆக்‌ஷன் காட்சிகளால் படம் ஏமாற்றம் அளிக்கிறது என பதிவிட்டு உள்ளார்.

#Sardar2 - Karthi justifies d dual roles. SJ. Surya characterzn weak. Poor BGM, CGI. Gud thing is No Deviation from d core spy plot with unwanted songs/luv track. Antibiotics Message Nice. Convenient writing, 0 Logic, no twists, Lengthy & Pointless Action blocks. DISAPPOINTMENT!

— Christopher Kanagaraj (@Chrissuccess) September 10, 2026

சர்தார் 2 படத்தின் தொடக்கம் சுவாரஸ்யமாக அமைந்து, எந்தவித தயக்கமும் இல்லாமல் நேரடியாக கதைக்குள் அழைத்துச் செல்கிறது. ஆனால், அடுத்தடுத்த காட்சிகளில் வரும் ஓவர்-தி-டாப் ட்ரீட்மென்ட் காரணமாக அந்த சுவாரஸ்யம் நீண்ட நேரம் நீடிக்கவில்லை.

இயக்குநர் பி.எஸ். மித்ரன் சில நல்ல கருத்துகளையும், கவனிக்க வைக்கும் ஒரு மெசேஜையும் படத்தில் வைத்திருக்கிறார். ஆனால் அதை சொல்லியிருக்கும் விதம் இயல்பாக இல்லாமல், சில இடங்களில் குழந்தைத்தனமாகவும் நம்பும்படியாக இல்லாமலும் தோன்றுகிறது.

முக்கியமாக, படத்தின் நீளம் தேவையில்லாமல் அதிகமாக இருப்பது சோர்வை ஏற்படுத்துகிறது. சாம் சி.எஸ். இசை இந்த முறை எதிர்பார்த்த தாக்கத்தை கொடுக்கவில்லை என்பது மிகப்பெரிய குறையாக இருக்கிறது. அதே நேரத்தில், படத்தின் பிரம்மாண்டமான தயாரிப்பு தரம் கவனம் ஈர்க்கிறது. குறிப்பாக சில ஆக்‌ஷன் காட்சிகள் திரையில் நல்ல தாக்கத்தை ஏற்படுத்துகின்றன. மொத்தத்தில், நல்ல potential இருந்தும், இறுதியில் ஏமாற்றத்தை தரும் அனுபவமாகவே சர்தார் 2 அமைந்துள்ளது.

#Sardar2 Promising Ideas, Lifeless Execution!An interesting start dives straight into the story, but the over the top execution never really engages. PS Mithran comes up with a few promising ideas and a decent message, but the narration is childish and unconvincing. Film is…

— Venky Reviews (@venkyreviews) September 10, 2026

படம் தொடங்கியதிலிருந்தே செம இன்டென்ஸ் டிராமா. தேவையில்லாத எந்தவொரு டீவியேசன் இல்லாமல் கதை நேராக பயணிக்கிறது. சண்டைக் காட்சிகள் மற்றும் பிஜிஎம் மாஸாக இருக்கிறது. ஆனால் முதல் பாதி கொஞ்சம் நீளமாக இருப்பது போல் உணர வைக்கிறது. சில இடங்களில் மட்டுமே சுவாரஸ்யமாக இருக்கிறது. ஆனால் இன்டர்வெல் பிளாக் செம. மொத்தத்தில் முதல் பாதி முழுக்க டிராமாவாகவே இருக்கிறது. பெரிய அளவில் குறை சொல்ல முடியாத அளவுக்கு ஓகே ரகமாக இருக்கிறது.

இரண்டாம் பாதியில் படம் கொஞ்சம் தடம் மாறுவது போல இருக்கிறது. என்ன நடக்கிறது என்றே புரியாமல், குறைந்தது 30 நிமிடங்களுக்கு மிகவும் சோர்வாகவும் டயர்டாகவும் உணர வைக்கிறது. அதன் பிறகு ஓரளவுக்கு பரவாயில்லை. சொல்ல வரும் மெசேஜ் நன்றாக இருக்கிறது. ஆனால் கதை மிகவும் கணிக்கக்கூடியதாக இருப்பதால் எந்தவிதமான ஆச்சரியமும் இல்லை.

அதிலும் முக்கியமாக, எமோஷனல் கனெக்ட் சுத்தமாக ஒர்க் ஆகவில்லை. கிளைமாக்ஸில் ஒரு முக்கிய கதாபாத்திரத்திற்கு ஏதோ நடக்கும்போதுகூட, பார்வையாளர்களுக்கு எந்தவிதமான தாக்கமும் அல்லது உணர்வும் ஏற்படவில்லை. கிளைமாக்ஸும் எதிர்பார்த்த அளவுக்கு சிறப்பாக இல்லை. மொத்தத்தில் இது ஒரு பிலோ ஆவரேஜ் படம்.

#Sardar2 Genuine review :1st half: Starts with an intense drama.. No deviations.. Fights BGM feels a bit lengthy... Engaging in parts.. ‍♂️ But that interval Overall Only Drama.. Nothing else.. An okay to good 1st half..✅️2nd half: This goes haywire … pic.twitter.com/xrsP1r6RmQ

— Tollymasti (@tollymasti) September 10, 2026

Babita Singh Reporting: ஒரு கொலை.. பல சந்தேகங்கள்! வீட்டுக்குள்ளேயே மறைந்திருக்கும் அதிர்ச்சி ரகசியம் – படம் எப்படி இருக்கு?

Vishnupriya — Sat, 05 Sep 2026 10:11:25 +0530

Babita Singh Reporting: நிமிஷா சஜயன் நடித்துள்ள இந்தி கிரைம் த்ரில்லர் திரைப்படம் பபிதா சிங் ரிப்போர்டிங். பெண் போலீஸ் பபிதா, தனது நண்பன் கொலைக்கான உண்மையைத் தேடும் பயணமே படத்தின் மையக்கதை. படத்தின் விமர்சனம் மற்றும் வரவேற்பு குறித்து பார்க்கலாம்.

சாதாரண போலீஸ் அதிகாரி..எதிர்பாராத ஒரு கொலை.. அதைத் தொடர்ந்து வெளிவரும் பல மர்மங்கள். அதிலும், தான் நம்பிய குடும்ப உறவுகளுக்குள்ளேயே இருக்கும் பொய்கள் ஒவ்வொன்றாக வெளிவரத் தொடங்கினால்? இப்படியான பரபரப்பான பின்னணியில் உருவாகியிருக்கும் இந்தி கிரைம் த்ரில்லர் திரைப்படம் பபிதா சிங் ரிப்போர்டிங் ( ASI Babita Singh Reporting).

தற்போது இப்படம் அமேசான் பிரைம் வீடியோவில் ( Amazon Prime Video-) வெளியாகி ரசிகர்களிடையே நல்ல வரவேற்பைப் பெற்று வருகிறது.

அம்பிகா பண்டிட் இயக்கியுள்ள இப்படத்தில் Nimisha Sajayan பபிதா சிங் என்கிற ‘Baby’ கதாபாத்திரத்தில் நடித்துள்ளார். தந்தை பணியில் உயிரிழந்ததைத் தொடர்ந்து கருணை அடிப்படையில் போலீஸ் பணியில் சேர்ந்தவர் பபிதா. பெரிய ஹீரோயிசம் இல்லாமல், தயக்கம், பயம், தன்னம்பிக்கை குறைவு என மிகவும் இயல்பான பெண் போலீஸ் அதிகாரியாக அவர் காட்டப்படுகிறார்.

குடும்ப நிகழ்ச்சிக்கு விடுமுறை கிடைக்காததால், செய்யாத தவறை ஏற்றுக்கொண்டு பணியில் சஸ்பெண்ட் செய்யப்படும் பபிதா, கணவர் ஷரத் (அன்ஷுமான் புஷ்கர்) உடன் சொந்த ஊருக்கு செல்கிறார். அங்கு சிறுவயது நண்பரும் சிலை வடிவமைப்பாளருமான பன்சி (பருண் சோப்தி- Barun Sobti) மர்மமான முறையில் இறந்து கிடக்கிறார். முதலில் நண்பனின் மரணம் என்ற கோணத்தில் பார்க்கும் பபிதா, பின்னர் அதில் ஏதோ மறைக்கப்பட்டிருப்பதை உணர்கிறார். அங்கிருந்து தொடங்குகிறது அவரது தனிப்பட்ட விசாரணை.

இங்குதான் படத்தின் ட்விஸ்ட் தொடங்குகிறது. பன்சியின் மரணத்தைச் சுற்றி சந்தேகத்திற்கிடமான மனைவி, குடும்ப உறுப்பினர்கள், பழைய உறவுகள் என ஒவ்வொருவரின் பின்னணியும் சந்தேகத்தை ஏற்படுத்துகிறது. கார் முதல் சந்தேகத்திற்கிடமான நபர்கள் வரை சிறிய தடயங்கள் பபிதாவை அடுத்த கட்டத்திற்கு அழைத்துச் செல்கின்றன. அதே நேரத்தில், வீட்டில் கணவர் ஷரத் மற்றும் மாமியார் தரப்பில் இருக்கும் அழுத்தங்களும் பபிதாவின் வாழ்க்கையை சிக்கலாக்குகின்றன.

நடிகர் ராஜேஷ் குமார் SI சேத்தியாகவும், கீதிகா வித்யா ஓல்யான் கரம்ஜீத்தாகவும் முக்கிய கதாபாத்திரங்களில் வருகின்றனர். குறிப்பாக பருண் சோப்தியின் பன்சி கதாபாத்திரத்திற்கு குறைந்த திரை நேரமே இருந்தாலும், அவரது நடிப்பு கவனம் ஈர்ப்பதாக விமர்சனங்கள் குறிப்பிடுகின்றன.

மொத்தத்தில், ‘Babita Singh Reporting’ ஒரு கொலை விசாரணையை மட்டும் மையமாகக் கொண்ட கதை அல்ல. பபிதா ஒவ்வொரு தடயத்தையும் பின்தொடரும்போது, அவள் சந்திக்கும் மனிதர்களின் உண்மையான முகங்களும் கொஞ்சம் கொஞ்சமாக வெளிப்படுகின்றன. யாரை நம்புவது, யார் உண்மையை மறைக்கிறார்கள், இந்த மர்மத்தின் பின்னால் இருப்பது யார் என்ற கேள்விகள் படம் முழுவதும் நம்மைத் தொடர்ந்து கொண்டே இருக்கின்றன.

குறிப்பாக இறுதிக்கட்டத்தில் விசாரணை செல்லும் திசை, இதுவரை நாம் நினைத்திருந்த விஷயங்களையே மாற்றும் வகையில் அமைந்துள்ளது. ஆனால் அந்த மர்மத்தின் உண்மையான முடிச்சு என்ன? பபிதா கண்டுபிடிக்கும் உண்மை என்ன? அதைத் தெரிந்துகொள்ள Babita Singh Reporting படத்தை பாருங்கள். இப்படம் தற்போது அமேசான் பிரைம் வீடியோவில் வெளியாகி நல்ல வரவேற்பை பெற்று வருகிறது.