Asianet News Tamil

Expensive Wedding Outfits: இவ்ளோ விலையா? இந்தியாவின் டாப் 8 ஆடம்பர திருமண ஆடைகள்

Vishnupriya — Sun, 20 Sep 2026 13:26:50 +0530

Expensive Wedding Outfits: ஈஷா அம்பானி, ஆலியா பட், அனுஷ்கா சர்மா உள்ளிட்ட பிரபலங்கள் அணிந்த விலையுயர்ந்த திருமண ஆடைகளின் விலை எவ்வளவு? அட்டை வடிவமைப்பாளர் யார்? ஆடையின் சிறப்பம்சங்கள்என்ன? உள்ளிட்ட முழு விவரங்களை இந்த தொகுப்பில் பார்க்கலாம்.

இவ்ளோ விலையா? என்று ஆச்சரியப்பட வைக்கும் அளவுக்கு சில பிரபலங்களின் திருமண ஆடைகள் கோடிக்கணக்கில் விலை கொண்டவை. சாதாரண திருமணங்களில் பட்டு, ஜரி, கற்கள் ஆகியவற்றை வைத்து ஆடைகள் தேர்வு செய்யப்படும் நிலையில், பிரபலங்களின் திருமண ஆடைகளில் அரிய துணிகள், கைவேலைப்பாடுகள், தங்க நூல்கள், ஸ்வரோவ்ஸ்கி (Swarovski) கற்கள், வைரங்கள் என ஆடம்பரத்தின் உச்சமே இடம்பெற்றுள்ளது.

குறிப்பாக சில ஆடைகளின் விலை ஒரு சொகுசு வீடு அல்லது பல கார்களின் விலையைவிட அதிகமாக இருக்கிறது. இப்படி இந்தியாவின் டாப் ஆடம்பர திருமண ஆடைகள் யாருடையது? அதன் விலை என்ன என்பதை பார்க்கலாம்.

இந்தியாவின் மிகவும் விலையுயர்ந்த திருமண ஆடையாக அதிகம் குறிப்பிடப்படுவது தொழிலதிபர் முகேஷ் அம்பானியின் மகள் ஈஷா அம்பானியின் திருமண லெஹங்கா. அபு ஜானி–சந்தீப் கோஸ்லா (Abu Jani Sandeep Khosla) வடிவமைத்த இந்த ஆஃப்-வைட் நிற லெஹங்கா, 16 மடிப்புகளைக் (Panels) கொண்டது.

இதன் சிறப்பம்சமாக ஈஷா அம்பானியின் தாயார் நிதா அம்பானி தனது திருமணத்தின்போது அணிந்த 35 ஆண்டுகள் பழமையான சேலையின் ஒரு பகுதியும் இந்த லெஹங்காவில் இணைக்கப்பட்டிருந்தது.

இந்த லெஹங்காவின் மதிப்பு சுமார் ரூ.90 கோடி என கூறப்படுகிறது. பாரம்பரியமும் நவீன வடிவமைப்பும் இணைந்த இந்த ஆடை, தற்போது நிதா முகேஷ் அம்பானி கலாச்சார மையத்தில் (Nita Mukesh Ambani Cultural Centre) காட்சிப்படுத்தப்பட்டுள்ளது.

நடிகை ஐஸ்வர்யா ராய் பச்சன், அபிஷேக் பச்சனை திருமணம் செய்தபோது அணிந்திருந்த தங்க நிற காஞ்சிவரம் (Kanjivaram) புடவை இன்றும் பிரபலமான திருமண ஆடைகளில் ஒன்றாக பார்க்கப்படுகிறது.

நீதா லுல்லா (Neeta Lulla) வடிவமைத்த இந்தப் புடவையில் நுணுக்கமான தங்க நூல் வேலைப்பாடுகளுடன் (Gold embroidery) Swarovski crystals பதிக்கப்பட்டுள்ளதாகக் கூறப்படுகிறது. இந்தப் புடவையின் மதிப்பு சுமார் ரூ.75 லட்சம் எனக் கூறப்படுகிறது

நடிகை சோனம் கபூர் தனது திருமணத்தின்போது, வடிவமைப்பாளர் அனுராதா வக்கீல் (Anuradha Vakil) உருவாக்கிய பாரம்பரிய சிவப்பு மற்றும் தங்க நிற லெஹங்காவை அணிந்திருந்தார். நுட்பமான கைவேலைப்பாடுகளுடன் உருவாக்கப்பட்ட இந்த லெஹங்கா சுமார் ரூ.70 முதல் 80 லட்சம் வரை இருக்கும் என கூறப்படுகிறது.

நடிகை ஷில்பா ஷெட்டி தனது திருமணத்தின்போது தருண் தஹிலியானி (Tarun Tahiliani) வடிவமைத்த சிவப்பு நிற திருமண சேலையை அணிந்திருந்தார். இந்த ஆடையில் சுமார் 8,000 Swarovski crystals (ஸ்வரோவ்ஸ்கி படிகங்கள்) மற்றும் வைர வேலைப்பாடுகள் இடம்பெற்றதாக தெரிவிக்கப்பட்டுள்ளது. இதன் மதிப்பு சுமார் ரூ.50 லட்சம் இருக்கும் என குறிப்பிட்டுள்ளன.

நடிகை கரீனா கபூர் தனது திருமணத்தில் பாரம்பரிய ஆடையைத் தேர்வு செய்திருந்தாலும், திருமண வரவேற்பு நிகழ்ச்சியில் அவர் அணிந்திருந்த மனிஷ் மல்கோத்ரா (Manish Malhotra) வடிவமைத்த லெஹங்கா அதிக கவனம் பெற்றது. பர்கண்டி (Burgundy) நிறத்தில் வடிவமைக்கப்பட்ட இந்த லெஹங்காவின் மதிப்பு சுமார் ரூ.50 லட்சம் என தகவல்கள் வெளியாகியுள்ளன.

நடிகை ஆலியா பட், ரன்பீர் கபூரை திருமணம் செய்துகொண்டபோது, வடிவமைப்பாளர் சப்யசாச்சி முகர்ஜி (Sabyasachi Mukherjee) உருவாக்கிய ஐவரி (ivory)நிற organza புடவையை அணிந்திருந்தார்.

பார்ப்பதற்கு மிகவும் எளிமையான தோற்றம் கொண்டிருந்தாலும், அந்தப் புடவையில் நுணுக்கமான Tilla வேலைப்பாடுகள் மற்றும் கையால் நெய்யப்பட்ட tissue veil இடம்பெற்றிருந்தன. இந்தத் திருமண ஆடையின் மதிப்பு சுமார் ரூ.50 லட்சம் என மதிப்பிட்டுள்ளன.

நடிகை அனுஷ்கா சர்மா, விராட் கோலியை திருமணம் செய்துகொண்டபோது, சப்யசாச்சி முகர்ஜி Sabyasachi Mukherjee வடிவமைத்த பிங்க் நிற floral லெஹங்காவை அணிந்திருந்தார்.

கையால் செய்யப்பட்ட நுணுக்கமான எம்பிராய்டரி (embroidery) மற்றும் அழகிய floral motifs இடம்பெற்றிருந்த இந்த லெஹங்கா, அவரது திருமணத் தோற்றத்தின் முக்கிய சிறப்பம்சமாக அமைந்தது. இந்த ஆடையின் விலை சுமார் ரூ.30 லட்சம் என தகவல்கள் தெரிவிக்கின்றன.

பிரியங்கா சோப்ரா, நிக் ஜோனஸை திருமணம் செய்தபோது இந்திய திருமண நிகழ்ச்சிக்காக சப்யசாச்சி முகர்ஜி (Sabyasachi Mukherjee) வடிவமைத்த சிவப்பு லெஹங்காவை அணிந்திருந்தார். மிகவும் நுணுக்கமான எம்பிராய்டரி (embroidery), பாரம்பரிய இந்திய வடிவமைப்புகள் ஆகியவை இடம்பெற்றிருந்த இந்த லெஹங்காவின் விலை சுமார் ரூ.18 லட்சம் என கூறப்படுகிறது.

ஏன் இந்த திருமண ஆடைகள் இவ்வளவு விலை?

இந்த ஆடைகளின் விலை வெறும் துணியின் விலையை மட்டும் அடிப்படையாகக் கொண்டதல்ல. அவற்றில் இடம்பெறும் கைவேலைப்பாடு, அரிய துணிகள், தங்க ஜரி, Swarovski crystals, வைரங்கள், வடிவமைப்பு, பல மணி நேர கைவினை உழைப்பு மற்றும் பிரபல designer-களின் ஆடை வடிவமைப்புத் திறன் (couture craftsmanship) ஆகியவை விலையை அதிகரிக்கின்றன.

முக்கிய குறிப்பு: மேற்கண்ட ஆடைகளில் விலைகள் பல்வேறு செய்தி அறிக்கைகளின் அடிப்படையில் குறிப்பிடப்பட்டுள்ள மதிப்பீடுகள் மட்டுமே. அனைத்து ஆடைகளுக்கும் சம்பந்தப்பட்ட நபர்கள் அல்லது வடிவமைப்பாளர்களால் அதிகாரப்பூர்வ விலை வெளியிடப்படவில்லை. எனவே, குறிப்பிடப்பட்டுள்ள தொகைகளை உறுதியான இறுதி விலையாகக் கருத வேண்டாம்.

Pressure Cooker: இனி உங்க குக்கர் மக்கர் செய்யாது.! சூப்பர் டிப்ஸ்

Vedarethinam Ramalingam — Wed, 09 Sep 2026 14:41:07 +0530

பிரஷர் குக்கரில் தண்ணீர் கசிவதால், சுலபமாக முடிய வேண்டிய சமையல் வேலை இரண்டு மடங்காகிவிடும். இதை தவிர்க்க சில சிம்பிளான டிப்ஸ் இங்கே.

Pedicure Trends : பெண்களே! டிரெண்டாகும் பெடிக்யூர் லுக்ஸ்..இந்த 10 டிசைன்களை மிஸ் பண்ணாதீங்க!

Asianet News — Wed, 09 Sep 2026 11:41:24 +0530

Pedicure Trends : பெடிக்யூர் தற்போது வெறும் நகங்களை சுத்தம் செய்து பாலிஷ் போடுவதோடு நின்றுவிடாமல், விதவிதமான நிறங்கள், டிசைன்கள் மற்றும் பளபளப்பான ஃபினிஷ்களுடன் புதிய டிரெண்டாக மாறியுள்ளது.

முக அழகுக்கு முக்கியத்துவம் கொடுப்பதைப் போலவே, கால்களின் அழகிலும் பெண்கள் அதிக கவனம் செலுத்தி வருகின்றனர். குறிப்பாக, பண்டிகை நாட்கள், திருமண நிகழ்ச்சிகள் அல்லது பார்ட்டிகளுக்கு செல்லும்போது அழகான செருப்புகளுடன் கால்நகங்களும் அழகாகத் தெரிய வேண்டும் என்பதற்காக பெடிக்யூர் (Pedicure) செய்து கொள்வது வழக்கமாகிவிட்டது.

ஆனால், பெடிக்யூர் தற்போது வெறும் நகங்களை சுத்தம் செய்து பாலிஷ் போடுவதோடு நின்றுவிடாமல், விதவிதமான நிறங்கள், டிசைன்கள் மற்றும் பளபளப்பான ஃபினிஷ்களுடன் புதிய டிரெண்டாக மாறியுள்ளது.

குறிப்பாக, தற்போது சிம்பிள் மற்றும் எலிகன்ட் (Simple and Elegant Look) லுக்கிலிருந்து, கண்ணைக் கவரும் கிளிட்டர் ஃபினிஷ் வரை பலவிதமான பெடிக்யூர் ஸ்டைல்கள் பெண்களின் கவனத்தை ஈர்த்து வருகின்றன. அந்த வகையில் தற்போது டிரெண்டாகும் 10 பெடிக்யூர் டிசைன்களை இங்கு பார்ப்போம்.

அடர் சிவப்பு அல்லது கருஞ்சிவப்பு நிறமான ( Matte Burgundy) nail polish தற்போது பிரபலமாகி வரும் மெனிக்யூர் நிறங்களில் ஒன்றாகும். பளபளப்பு இல்லாத மேட் ஃபினிஷ், கால்விரல் நகங்களுக்கு அழகான மற்றும் க்ளாஸியான தோற்றத்தை அளிக்கிறது. பார்ட்டி உடைகள் மட்டுமின்றி, தினசரி அணியும் கேஷுவல் உடைகளுடனும் இந்த நிறம் அழகாகப் பொருந்தும்.

சாக்லேட் போன்ற அடர் பழுப்பு நிற nail polish மீண்டும் டிரெண்டாகி வருகிறது. குறிப்பாக, ஹை-க்ளாஸ் ஜெல் ஃபினிஷ் (High-Class Gel Finish) கொடுத்தால் நகங்கள் அதிக பளபளப்புடன், அழகாகவும், ரிச்சாகவும் தெரியும். எளிமையை விரும்பும் பெண்களுக்கு இது சிறந்த தேர்வாக இருக்கும்.

ஊதா நிறத்தை விரும்புபவர்கள் வழக்கமான லைட் பர்பிளுக்குப் பதிலாக சிவப்பு கலந்த அடர் ஊதா நிறத்தை தேர்வு செய்யலாம். இந்த நிறம் நகங்களுக்கு அழகான தோற்றத்தை கொடுக்கும். அதேசமயம், வழக்கமான நெயில் பாலிஷ் நிறங்களில் இருந்து சற்று வித்தியாசமாக இருப்பதால், ஸ்டைலான லுக்கையும் கொடுக்கும்.

இந்த நிறம் பார்ட்டி, திருமணம் போன்ற நிகழ்ச்சிகளுக்கு பொருத்தமாக இருக்கும். இதில் கிளாஸி ஃபினிஷ் கொடுத்தால் நகங்கள் இன்னும் பளபளப்பாகவும், ஸ்டைலாகவும் தெரியும்.

சிவப்பு, ஆரஞ்சு மற்றும் பழுப்பு நிறங்களுக்கு இடைப்பட்ட இந்த அடர் ஆரஞ்சு ஷேடு, அனைத்து சரும நிறங்களுக்கும் அழகாகப் பொருந்தும். குறிப்பாக ஹை-க்ளாஸ் ஜெல் ஃபினிஷ் கொடுத்தால், கால்விரல் நகங்கள் பளபளப்பாகவும், நிறம் அடர்த்தியாகவும் ரிச்சான தோற்றத்துடனும் தெரியும்.

வழக்கமாக தேர்வு செய்யும் சிவப்பு, இளஞ்சிவப்பு நிறங்களில் இருந்து சற்று மாறுபட்டு, புதிதாக ஒரு நிறத்தை முயற்சி செய்ய விரும்புபவர்களுக்கு இது சிறந்த தேர்வாக இருக்கும்.

ரோஸ் கோல்டு மற்றும் வெண்கல நிறங்களுக்கு இடைப்பட்ட இந்த ஷேடு, மெட்டாலிக் போல பளபளப்பாகவும், அழகாகவும் இருக்கும். மற்ற நிறங்களைப் போல அதிகமாக வெளிப்படையாகத் தெரியாமல், ஒளி படும்போது நகங்களில் அழகாக மின்னும். அதிக டிசைன் எதுவும் தேவையில்லாமலேயே, நகங்களுக்கு நகை அணிந்தது போன்ற ரிச்சான தோற்றத்தை இந்த காப்பர் நிறம் கொடுக்கும்.

ஸ்மோகி ஆலிவ் (Smoky Olive) என்பது சாம்பல் (Grey) மற்றும் ஆலிவ் பச்சை (Olive Green) கலந்த ஒரு மென்மையான, இயற்கையான நிறமாகும். வழக்கமான பச்சை நிறத்தைப் போல பளிச்சென்று இல்லாமல், சற்று அடர்த்தியாகவும் மங்கலான தோற்றத்துடனும் இருக்கும்.

சாம்பல் கலந்த இந்த பச்சை நிற நியூட்ரல் நெயில் பாலீஷ் தற்போது டிரெண்டாகி வரும் நெயில் பாலிஷ் நிறங்களில் ஒன்றாக உள்ளது. குறிப்பாக, பலவிதமான ஆடைகளுடன் எளிதாகப் பொருந்துவதால், தினசரி அணிவதற்கும் இது சிறந்த தேர்வாக இருக்கும்.

கேட்-ஐ நெயில் பாலிஷ் தற்போது மீண்டும் டிரெண்டாகி வருகிறது. முன்பு இருந்த காஸ்மிக் அல்லது கேலக்ஸி லுக்கைவிட (Cosmic or Galaxy Look) இது வெல்வெட் துணி போல மென்மையான பளபளப்புடன் காணப்படுகிறது.

இந்த பாலிஷில் உள்ள காந்தத் துகள்கள் காரணமாக, நகங்களில் ஒளி படும்போது கோடுகள் நகர்வது போல தெரியும். இதனால் அடர் நிற பாலிஷ் போட்டாலும் நகங்கள் ஒரே மாதிரியாக இல்லாமல், அழகாகவும், பளபளப்புடனும் தெரியும்.

குறிப்பாக அடர் சிவப்பு மற்றும் ஊதா நிறம், பிரவுன், பச்சை போன்ற அடர் நிறங்களை பேஸ் கோட்டாக பயன்படுத்தி கேட்-ஐ ஃபினிஷ் கொடுத்தால் மிகவும் அழகாக இருக்கும். அதிக டிசைன் இல்லாமலேயே நகங்களுக்கு 3D போன்ற ரிச்சான தோற்றத்தை கொடுக்கும்.

Espresso Glaze நிறம் என்பது அடர் பழுப்பு நிறத்தில் இருக்கும் பெடிக்யூர் ஸ்டைல். இது கருப்பு மற்றும் சாக்லேட் பிரவுன் நிறங்களுக்கு இடைப்பட்ட ஷேடு என்பதால், நகங்களுக்கு அழகான மற்றும் நேர்த்தியான தோற்றத்தை தரும்.

இதோடு, ஹை-ஷைன் ஜெல் ஃபினிஷ் கொடுத்தால் நகங்கள் பளபளப்பாகவும், ரிச்சாகவும் தெரியும். அதிக டிசைன் இல்லாமலேயே க்ளாஸியான லுக் வேண்டுமென்றால், Espresso Glaze நல்ல தேர்வாக இருக்கு

வழக்கமாக பிரெஞ்ச் பெடிக்யூரில் நகத்தின் முனையில் வெள்ளை நிறம் போடுவார்கள். ஆனால், இந்த டிரெண்டில் அதற்கு பதிலாக பச்சை, ஊதா போன்ற நிறங்களை நகத்தின் முனையில் மெல்லிய கோடு போல போடுகிறார்கள்.

நகத்தின் அடிப்பகுதியில் மில்கி வைட் அல்லது லைட் நியூட் நிறம் இருப்பதால், நகங்கள் சுத்தமாகவும் அழகாகவும் தெரியும். முனையில் இருக்கும் அடர் நிறம் கூடுதல் ஸ்டைலான லுக்கை கொடுக்கும். சிம்பிளாகவும், அதே நேரத்தில் டிரெண்டியாகவும் இருக்க விரும்புபவர்களுக்கு இந்த பெடிக்யூர் நல்ல சாய்ஸ்.

காப்பர், பிரெஞ்ச் போன்ற மெட்டாலிக் நிறங்களுடன், வெள்ளி நிறமும் தற்போது டிரெண்டாகி வருகிறது. கண்ணாடி போல பளபளக்கும் இந்த சில்வர் ஃபினிஷ், கால்விரல் நகங்களுக்கு கூலான மற்றும் ஸ்டைலான லுக்கை கொடுக்கும்.

அதிக டிசைன் இல்லாமலேயே நகங்கள் ரிச்சாக தெரிய வேண்டும் என்று நினைப்பவர்கள் இந்த நிறத்தை தாராளமாக முயற்சி செய்யலாம். குறிப்பாக விழாக்கள், திருமண நிகழ்ச்சிகள் போன்றவற்றுக்கு செல்லும்போது இந்த அலங்காரம் கால்விரல் நகங்களுக்கு அழகான தோற்றத்தை கொடுக்கும்.

இந்த செப்டம்பர் மாத பெடிக்யூர் அலங்காரங்களில் அடர் சிவப்பு, சாக்லேட் பழுப்பு, ஊதா, ஆரஞ்சு, ஆலிவ் பச்சை மற்றும் வெள்ளி நிறங்கள் முக்கிய இடம் பிடித்துள்ளது. உங்களுக்கு பிடித்ததை நீங்கள் தேர்வு செய்துக்கொள்ளுங்கள்.

Saravana Stores: மிகக் குறைந்த விலையில் கிடைக்கும் 10 பொருட்கள்.! மூட்டை மூட்டையாய் அள்ளிக்கிட்டு போகலாம் வாங்க.!

Vedarethinam Ramalingam — Mon, 21 Sep 2026 13:14:45 +0530

சரவணா ஸ்டோர்ஸில் குறைந்த விலையில் கிடைக்கும் 10 முக்கிய பொருட்கள், நடுத்தர மக்களுக்கு கிடைக்கும் பயன்கள், விலை ஒப்பீடு மற்றும் ஷாப்பிங் செய்யும்போது கவனிக்க வேண்டிய முழு விவரங்கள்.

சென்னையில் மட்டுமின்றி தமிழகம் முழுவதும் பிரபலமாக இருக்கும் சரவணா ஸ்டோர்ஸ் (Saravana Stores), பல்வேறு வகையான வீட்டு உபயோகப் பொருட்கள், சமையலறை சாதனங்கள், ஆடைகள் உள்ளிட்ட பொருட்களை ஒரே இடத்தில் வாங்குவதற்கு ஏற்றதாக உள்ளது. குறைந்த விலையில் பொருட்களை வாங்க விரும்புபவர்களுக்கு, இங்கு கிடைக்கும் பல்வேறு பிரிவுகளைப் பற்றி தெரிந்துகொள்வது பயனுள்ளதாக இருக்கும். இதையும் கிளிக் செய்யலாமே -Women Home Business: பெண்கள் வீட்டிலிருந்தே தொழில் தொடங்க அரசு கடன், மானியம்! எப்படி பெறுவது?

சரவணா ஸ்டோர்ஸில் அன்றாட சமையலுக்குத் தேவையான பல்வேறு பாத்திரங்கள் கிடைக்கின்றன. ஸ்டீல் தட்டுகள், கிண்ணங்கள், டம்ளர்கள், கரண்டிகள் உள்ளிட்ட பொருட்களைத் தேர்வு செய்யலாம். குடும்பத் தேவைக்கு ஏற்ப பல அளவுகளில் பாத்திரங்கள் கிடைப்பதால், மொத்தமாக வாங்க விரும்புபவர்களுக்கும் உதவியாக இருக்கும். பொருளின் தரம், அளவு மற்றும் விலையை ஒப்பிட்டு வாங்குவது நல்லது. இதையும் படிக்கலாமே - Reliance Smart Bazaar: மளிகை பொருட்கள் விலை இவ்ளோ குறைவா?! எந்த பொருளை எப்படி வாங்கினால் லாபம்?!

வீட்டை ஒழுங்காக வைத்திருக்க உதவும் பிளாஸ்டிக் கூடைகள், சேமிப்புப் பெட்டிகள், தண்ணீர் குடங்கள், சிறிய டப்பாக்கள் உள்ளிட்ட பொருட்களும் பல கடைகளில் விற்பனை செய்யப்படுகின்றன. சமையலறை, படுக்கையறை, குளியலறை போன்ற இடங்களுக்குத் தேவையான பொருட்களைத் தேர்வு செய்யலாம். வாங்குவதற்கு முன் பொருளின் வலிமை மற்றும் பயன்பாட்டைச் சரிபார்க்க வேண்டும். இதையும் படிக்கலாமே - UPI மூலம் பணம் அனுப்பும்போது இந்தத் தவறை மட்டும் செய்யாதீங்க! மோசடியில் சிக்காமல் இருக்க 9 முக்கிய பாதுகாப்பு விதிகள்!

குடும்பத்தினர் அனைவருக்கும் தேவையான ஆடைகளை வாங்குவதற்கான வாய்ப்புகளும் உள்ளன. பெண்களுக்கான நைட்டி, ஆண்களுக்கான டி-ஷர்ட், குழந்தைகளுக்கான உடைகள், உள்ளாடைகள் உள்ளிட்ட பல பிரிவுகளில் பொருட்கள் கிடைக்கலாம். சலுகைகள் மற்றும் விற்பனை விலைகள் காலத்துக்கு ஏற்ப மாறுபடுவதால், விலைப்பட்டியலைப் பார்த்து வாங்குவது அவசியம். இதையும் படிக்கலாமே - D-Mart Savings Guide: டி-மார்ட்டில் எப்போது ஷாப்பிங் செய்தால் அதிக சலுகைகள் கிடைக்கும்?

தினசரி வீட்டைச் சுத்தம் செய்யப் பயன்படும் துடைப்பங்கள், பிரஷ்கள், குப்பைக் கூடைகள் மற்றும் துணிகள் போன்ற பொருட்களை ஒரே இடத்தில் தேடலாம். அடிக்கடி பயன்படுத்தும் பொருட்களைத் தேவைக்கேற்ப வாங்குவதன் மூலம் கடைக்குச் செல்லும் நேரத்தைச் சேமிக்க முடியும். ஒவ்வொரு பொருளின் தரத்தையும் பயன்பாட்டையும் கவனிக்க வேண்டும். இதையும் படிக்கலாமே - 8th Pay Commission: அடிப்படைச் சம்பளம் ரூ.72,000 ஆக உயருமா? 4.0 'பிட்மென்ட் ஃபாக்டர்' விளக்கம்.!

சில கிளைகள் மற்றும் விற்பனைப் பிரிவுகளில் உணவுப் பொருட்கள், சமையல் சார்ந்த தேவைகள் உள்ளிட்டவை கிடைக்கக்கூடும். அரிசி, பருப்பு, மசாலாப் பொருட்கள் போன்றவற்றை வாங்கும்போது பேக்கிங் தேதி, காலாவதி தேதி மற்றும் விலையைச் சரிபார்ப்பது முக்கியம். அனைத்து கிளைகளிலும் ஒரே பொருட்கள் கிடைக்கும் என்று கருத வேண்டாம். இதையும் படிக்கலாமே -Digital Gold: டிஜிட்டல் தங்கத்தில் முதலீடு செய்வது எப்படி? தெரிந்துகொள்ள வேண்டிய ஆபத்துகள்!

சோப்புகள், சீப்புகள், கண்ணாடிகள், தனிப்பட்ட பராமரிப்புப் பொருட்கள் உள்ளிட்டவை பல்வேறு விலைப் பிரிவுகளில் கிடைக்கலாம். அன்றாடப் பயன்பாட்டுக்குத் தேவையான பொருட்களைத் தேர்வு செய்யும்போது தயாரிப்பு விவரங்களையும் காலாவதி தேதியையும் கவனிக்க வேண்டும். தரமான பொருட்களைப் பொருத்தமான விலையில் வாங்குவதே முக்கியம்.

குழந்தைகளின் அன்றாடத் தேவைகளுக்கான சில பொருட்கள், விளையாட்டுப் பொருட்கள், பள்ளிப் பயன்பாட்டுப் பொருட்கள் உள்ளிட்டவற்றைத் தேடலாம். நோட்டுப் புத்தகங்கள், பேனாக்கள், பென்சில்கள் மற்றும் பிற எழுதுபொருட்களைத் தேர்வு செய்யும்போது தரத்தையும் பாதுகாப்பையும் கருத்தில் கொள்ள வேண்டும்.

வீட்டின் தோற்றத்தை மேம்படுத்த உதவும் அலங்காரப் பொருட்கள், திரைச்சீலைகள், சிறிய அலங்காரப் பொருட்கள் போன்றவற்றையும் வாங்கலாம். பட்ஜெட்டுக்கு ஏற்ற பொருட்களைத் தேர்வு செய்வதற்காக பல வகைகளின் விலைகளை ஒப்பிடுவது நல்லது. பொருளின் அளவு மற்றும் வீட்டில் பயன்படுத்தும் இடத்தையும் கணக்கில் எடுத்துக்கொள்ள வேண்டும்.

சில விற்பனைப் பிரிவுகளில் மின்சாதனங்கள் மற்றும் வீட்டு உபகரணங்கள் கிடைக்கக்கூடும். வாங்கும் முன் தயாரிப்பு உத்தரவாதம், மின்சாரப் பாதுகாப்பு, தயாரிப்பாளர் விவரங்கள் மற்றும் விற்பனை ரசீது போன்றவற்றைச் சரிபார்க்க வேண்டும். குறைந்த விலை மட்டுமின்றி நீடித்த பயன்பாட்டையும் கருத்தில் கொள்ள வேண்டும்.

நோட்டுப் புத்தகங்கள், பேனாக்கள், கோப்புகள், பைகள் உள்ளிட்ட எழுதுபொருட்கள் மற்றும் அலுவலகப் பயன்பாட்டுப் பொருட்களைத் தேவைக்கேற்ப வாங்கலாம். மாணவர்கள் மற்றும் அலுவலகப் பணியாளர்களுக்குத் தேவையான பொருட்களை ஒரே இடத்தில் தேடுவதற்கு இது உதவியாக இருக்கும். அதிக அளவில் வாங்கும்போது கிடைக்கும் விலைச் சலுகைகளை விசாரிக்கலாம். இதையும் படிக்கலாமே சனி பகவான் அருள் பெறப்போகும் ராசிகள்.! தொழில், பணம், குடும்பத்தில் என்ன மாற்றம்? முழு பலன்கள் இதோ!

சரவணா ஸ்டோர்ஸில் பொருட்களை வாங்கச் செல்லும்போது, உங்களுக்குத் தேவையான பொருட்களின் பட்டியலைத் தயாரித்துச் செல்வது பயனுள்ளதாக இருக்கும். ஒவ்வொரு பொருளின் விலை, தரம் மற்றும் அளவை ஒப்பிட்டுப் பாருங்கள். அனைத்து பொருட்களும் எப்போதும் மிகக் குறைந்த விலையில் கிடைக்கும் என்று உறுதியாகக் கூற முடியாது. கிளை, காலம் மற்றும் சலுகைகளைப் பொறுத்து விலைகள் மாறுபடலாம்.

குறிப்பு: மேலே குறிப்பிடப்பட்ட பொருட்களின் கிடைக்கும் தன்மை, விலை மற்றும் சலுகைகள் சரவணா ஸ்டோர்ஸின் கிளைக்கு ஏற்ப மாறுபடலாம். வாங்குவதற்கு முன் கடையில் தற்போதைய விலையை உறுதிப்படுத்திக் கொள்ளுங்கள். இதையும் கிளிக் செய்யலாமே- ராகுவுடன் கூட்டணி அமைத்த புதன்.! கேதுவை அணைத்துக்கொண்ட குரு.! இனி 4 ராசிகளுக்கு சிங்கார வாழ்க்கை.!

Choosing blouse: புடவையில் Elegant-ஆக தெரியணுமா? Blouse-ஐ இப்படி தேர்வு பண்ணுங்க!

Vishnupriya — Tue, 08 Sep 2026 15:50:57 +0530

blouse design: புடவையின் அழகை முழுமையாக வெளிப்படுத்த சரியான Blouse தேர்வு மிகவும் முக்கியம். நிறம், டிசைன் மற்றும் ஃபிட்டிங் ஆகியவற்றை கவனமாக தேர்வு செய்தால், சாதாரண புடவையைக்கூட Elegant மற்றும் Classy லுக்காக மாற்ற முடியும்.

புடவை எவ்வளவு அழகாக இருந்தாலும், அதற்கு சரியான Blouse (ஜாக்கெட்) இல்லையென்றால் அந்த முழு லுக்குமே கொஞ்சம் டல் ஆகிடும். அதேசமயம், சாதாரணமான புடவைக்குக்கூட சரியான நிறம், டிசைன் மற்றும் ஃபிட்டிங்கில் Blouse-ஐ தேர்வு செய்தால் அந்த லுக் அப்படியே Elegant-ஆகவும் Classy-ஆகவும் மாறிவிடும். அதனால், புடவை வாங்கும்போது நிறம், டிசைன்கள் மட்டும் கவனிக்காமல், அதற்கான blouse-ஐயும் தேர்வு செய்வது முக்கியம்.

புடவையின் நிறத்துடன் பொருந்தும் பிளவுஸ் அணிவது எப்போதுமே சிறந்ததுதான். குறிப்பாக, பட்டுப்புடவைகளுக்கு (silk) அதே நிறத்தில் பிளவுஸ் போட்டால் மிகவும் நேர்த்தியாக இருக்கும். ஆனால், பிளைன் புடவைக்கு கான்ட்ராஸ்ட் பிளவுஸ் போட்டு கொஞ்சம் stylish-ஆக மாற்றலாம். உதாரணமாக, பச்சை புடவைக்கு நீலம், பிங்க் நிற பிளவுஸ் நல்ல கான்ட்ராஸ்ட் கொடுக்கும்.

அதிகம் டிசைன் இல்லாத புடவைக்கு boat neck, V-neck, round neck போன்ற சிம்பிள் டிசைன் எலகண்ட் லுக் கொடுக்கும். திருமணம் அல்லது விசேஷ நிகழ்ச்சிகளுக்கு embroidery, stone work, zari work வைத்த பிளவுஸ் போடலாம். ஆனால்,புடவை, பிளவுஸ் இரண்டிலும் அதிக டிசைன் இருந்தால் லுக் கொஞ்சம் ஓவர் ஆகிவிடும்.

தோள்பட்டை அகலமாக (Broad shoulders) இருப்பவர்கள் V-neck டிசைகளை முயற்சி செய்யலாம். சிறிய உடல் வாக்கு இருப்பவர்கள் (Petite body type) அதிகமாக டிசைன் இருக்கும் பிளவுஸ் போடாமல், neat fitting கொண்ட பிளவுஸ் போட்டால் அழகாக இருக்கும்.

கை முட்டி வரை ஸ்லீவ் வைத்தால் கிளாசிக் லுக் கொடுக்கும். குட்டை கை (Short sleeves) மற்றும் கை இல்லாமல் பிளவுஸ் ( sleeveless designs) மாடர்ன் லுக்கிற்கு பொருத்தமாக இருக்கும். Puff sleeves டிரடிஷனல் புடவைகளுக்கு (traditional saree) ட்ரெண்டிங் லுக் கொடுக்கும்.

இது எல்லாவற்றிற்கும் மேலாக, பிளவுஸ் ஃபிட்டிங் (blouse fitting) சரியாக இருப்பது மிகவும் அவசியம். விலை உயர்ந்த டிசைனர் பிளவுஸ் (designer blouse) போட்டாலும் fitting சரியாக இல்லையென்றால் லுக் பாதிக்கப்படும். தோள்பட்டை, கைப்பகுதி, neckline ஆகியவை சரியான அளவில் இருப்பதுடன், போடுவதற்கு வசதியாகவும் இருக்க வேண்டும்.

மேலும், புடவையுடன் அணியும் நகைகள் மற்றும் பிற accessories-க்கும் பிளவுஸ் பொருத்தமாக இருக்க வேண்டும். புடவை மற்றும் பிளவுஸ் இரண்டும் ஒன்றுக்கொன்று போட்டியாக இல்லாமல், ஒன்றை ஒன்று அழகாக எடுத்துக்காட்டும் வகையில் தேர்வு செய்வதே elegant தோற்றத்திற்கான சிறந்த வழியாகும். இனி இப்படி பிளவுஸ் தேர்வு செய்து போட்டு பாருங்க, எல்லாரும் உங்க கிட்ட ரகசியத்தை கேட்பாங்க.

குறிப்பு: இது பொதுவான கருத்துகள் மட்டுமே. எந்தவொரு ஆடை வடிவமைப்பாளர் அல்லது குறிப்பிட்ட நபரை சார்ந்த கருத்துகள் அல்ல. புடவை மற்றும் Blouse தேர்வு தொடர்பான தகவல்கள் பொதுவான ஃபேஷன் மற்றும் ஸ்டைலிங் அடிப்படையில் வழங்கப்பட்டுள்ளன.

Bangle Designs : பார்த்தவுடன் மனதைக் கொள்ளைகொள்ளும் புதுவித வளையல் டிசைன்ஸ்!

Arun Mozhi Varman — Wed, 09 Sep 2026 13:40:11 +0530

Bangle Designs : கோல்டு பிளேட்டட், ஸ்டோன் வொர்க், ஹேங்கிங் சார்ம் என விதவிதமான 'விக்லி' வளையல்கள் டிரெண்டில் உள்ளன. டெய்லி யூஸுக்கு ஏற்ற இவை உங்கள் லுக்கை ஸ்பெஷலாக்கும்.

Beetroot Beauty Hacks: பீட்ரூட் வெச்சு இவ்ளோ பண்ணலாமா? பளபள சருமத்துக்கு 5 சூப்பர் டிப்ஸ்!

Vedarethinam Ramalingam — Tue, 08 Sep 2026 13:43:04 +0530

பீட்ரூட் உங்க முகத்தை இயற்கையாவே பளபளப்பாக்கும். தினமும் ஜூஸ், DIY ஃபேஸ் பேக், ஸ்க்ரப், லிப் டின்ட், ஃபேஸ் மிஸ்ட்னு பல வழிகள்ல இதை யூஸ் பண்ணலாம். இது உங்க சருமத்தை அழகாக்கி, பொலிவா வெச்சுக்க உதவும்.

தினமும் பீட்ரூட் ஜூஸ் குடிப்பது உடலுக்கு தேவையான பல்வேறு ஊட்டச்சத்துகளை வழங்க உதவும். பீட்ரூட்டில் உள்ள நைட்ரேட்டுகள் ரத்த ஓட்டத்தை ஆதரிக்கக்கூடும். இதில் இருக்கும் ஆன்டிஆக்ஸிடன்ட்கள் உடலின் செல்களைப் பாதுகாக்க உதவுகின்றன. இதனால் சருமத்தின் ஆரோக்கியத்தையும் பராமரிக்கலாம். பீட்ரூட் ஜூஸுடன் கேரட் சேர்த்தால் வைட்டமின் ஏ உள்ளிட்ட சத்துகள் கிடைக்கும். வெள்ளரிக்காய் சேர்ப்பது ஜூஸுக்கு புத்துணர்ச்சியான சுவையையும் கூடுதல் நீர்ச்சத்தையும் தரும். சர்க்கரை சேர்க்காமல் இயற்கையான முறையில் தயாரித்து குடிப்பது சிறந்தது. இருப்பினும், “ரத்தத்தை சுத்தம் செய்து முகத்தை உடனடியாகப் பிரகாசமாக்கும்” என்று உறுதியாகக் கூற முடியாது. சமச்சீர் உணவு, போதுமான தண்ணீர் மற்றும் நல்ல தூக்கம் ஆகியவையும் சரும ஆரோக்கியத்திற்கு முக்கியம்.

பீட்ரூட் சாறுடன் தயிர் அல்லது சிறிதளவு தேன் கலந்து முகத்தில் ஃபேஸ் பேக்காகப் பயன்படுத்தலாம். இந்தக் கலவையை முகத்தில் மெல்லியதாகப் பூசி சுமார் 10–15 நிமிடங்கள் வைத்திருந்து பின்னர் குளிர்ந்த நீரில் கழுவலாம். தயிரில் உள்ள லாக்டிக் அமிலம் சருமத்தை மென்மையாக வைத்திருக்க உதவக்கூடும். தேன் சருமத்தில் ஈரப்பதத்தைத் தக்கவைக்க உதவும். பீட்ரூட்டில் உள்ள ஆன்டிஆக்ஸிடன்ட்கள் சரும ஆரோக்கியத்திற்கு ஆதரவாக இருக்கலாம். இதனால் வறண்ட சருமம் மென்மையாகவும் புத்துணர்ச்சியாகவும் தோன்றலாம். ஆனால் கரும்புள்ளிகளை முழுமையாக நீக்கும் அல்லது நிரந்தரமாக பிங்க் நிறப் பொலிவைத் தரும் என்பதற்கு உறுதியான ஆதாரம் இல்லை. பயன்படுத்துவதற்கு முன் சிறிய பகுதியில் பேட்ச் டெஸ்ட் செய்வது நல்லது.

பீட்ரூட் சாறுடன் ஓட்ஸ் சேர்த்து வீட்டிலேயே மென்மையான ஸ்க்ரப் தயாரிக்கலாம். ஓட்ஸ் சருமத்தின் மேற்பரப்பில் உள்ள இறந்த செல்களை மெதுவாக அகற்ற உதவுவதுடன், சருமத்தை மென்மையாக வைத்திருக்கவும் உதவும். பீட்ரூட்டில் உள்ள ஆன்டிஆக்ஸிடன்ட்கள் சரும ஆரோக்கியத்திற்கு ஆதரவாக இருக்கலாம். இந்தக் கலவையை முகத்தில் தடவி, விரல்களால் மிகவும் மெதுவாக வட்ட வடிவில் மசாஜ் செய்து பின்னர் தண்ணீரில் கழுவலாம். சர்க்கரையைப் பயன்படுத்தும்போது அதிகமாக தேய்க்கக் கூடாது; அதன் துகள்கள் உணர்திறன் கொண்ட சருமத்தில் எரிச்சலை ஏற்படுத்தலாம். வாரத்திற்கு ஒருமுறை போதுமானது. முகத்தில் காயம், பருக்கள் அல்லது எரிச்சல் இருந்தால் ஸ்க்ரப் பயன்படுத்துவதைத் தவிர்ப்பது நல்லது. முதலில் சிறிய பகுதியில் பேட்ச் டெஸ்ட் செய்வதும் அவசியம்.

சில துளிகள் பீட்ரூட் சாறுடன் சிறிதளவு தேங்காய் எண்ணெய் கலந்து உதட்டில் தடவலாம். பீட்ரூட்டின் இயற்கையான நிறமிகள் உதட்டிற்கு லேசான சிவப்பு அல்லது ரோஸ் நிறத் தோற்றத்தை தற்காலிகமாக வழங்கக்கூடும். தேங்காய் எண்ணெய் உதடுகளில் ஈரப்பதத்தைத் தக்கவைத்து, வறட்சியைக் குறைக்க உதவும். ரசாயன நிறமிகள் இல்லாமல் வீட்டிலேயே தயாரிக்கக்கூடிய எளிய லிப் டின்ட்டாக இதைப் பயன்படுத்தலாம். இருப்பினும், உதட்டின் கருமையை நிரந்தரமாக நீக்கும் என்பதற்கு உறுதியான ஆதாரம் இல்லை. தொடர்ந்து பயன்படுத்துவதற்கு முன் சிறிய பகுதியில் பரிசோதித்துப் பார்ப்பது நல்லது. எரிச்சல், அரிப்பு அல்லது வீக்கம் ஏற்பட்டால் உடனடியாகப் பயன்படுத்துவதை நிறுத்துங்கள். சுத்தமான பொருட்களைக் கொண்டு சிறிய அளவில் தயாரித்து, நீண்ட நாட்கள் சேமிக்காமல் புதிதாகப் பயன்படுத்துவது பாதுகாப்பானது.

பீட்ரூட் சாறுடன் ரோஸ் வாட்டர் கலந்து வீட்டிலேயே எளிய ஃபேஸ் ஸ்ப்ரே தயாரிக்கலாம். பீட்ரூட்டில் உள்ள இயற்கை நிறமிகள் சருமத்திற்கு லேசான புத்துணர்ச்சியான தோற்றத்தை அளிக்கக்கூடும். ரோஸ் வாட்டர் சருமத்தை புத்துணர்ச்சியாக உணரச் செய்து, தற்காலிகமாக ஈரப்பதமான தோற்றத்தை வழங்கலாம். இந்தக் கலவையை சுத்தமான ஸ்ப்ரே பாட்டிலில் ஊற்றி, முகத்தில் சிறிதளவு தெளிக்கலாம். ஆனால் நாள் முழுவதும் அடிக்கடி பயன்படுத்துவது அனைவருக்கும் ஏற்றதாக இருக்காது. குறிப்பாக உணர்திறன் கொண்ட சருமத்தில் எரிச்சல் ஏற்படலாம். பயன்படுத்துவதற்கு முன் சிறிய பகுதியில் பேட்ச் டெஸ்ட் செய்வது நல்லது. வீட்டில் தயாரிக்கும் கலவையில் பாதுகாப்புப் பொருட்கள் இல்லாததால், நீண்ட நாட்கள் வைத்திருக்காமல் குளிர்சாதனப் பெட்டியில் சேமித்து, குறுகிய காலத்திற்குள் பயன்படுத்துவது பாதுகாப்பானது.

Anti-Aging Foods: 40 வயதிலும் 25 போல இளமையாக இருக்கலாம்!

Vedarethinam Ramalingam — Wed, 09 Sep 2026 09:24:23 +0530

வயசாகும்போது, சில சத்துக்களின் குறைபாடு அல்லது அதீத அளவு உடலை பலவீனமாக்கும். பல நோய்களும் வரலாம். இந்த சமயத்துல மெட்டபாலிசம் குறையும், எலும்புகளும் பலவீனமாகும். ஆனா சில உணவுகள், சருமம் வயசாவதை மெதுவாக்கும். அது என்னென்ன உணவுகள்னு பார்க்கலாம் வாங்க.

Thick Eyebrows: அடர்த்தியான கருமையான புருவம் வேண்டுமா? இதோ 6 டிப்ஸ்

Velmurugan s — Tue, 22 Sep 2026 22:06:41 +0530

அடர்த்தியான மற்றும் கருமையான புருவங்களை பெற வேண்டுமா? வீட்டில் உள்ள பொருட்களை வைத்து புருவங்களை வளர்க்கும் 6 எளிய வழிகள் இதோ.

Anklet Designs : இதுமாதிரியான கொலுசு டிசைன்களை நீங்க பார்த்திருக்க வாய்ப்பே இல்லை!

Arun Mozhi Varman — Fri, 11 Sep 2026 14:48:50 +0530

Anklet Designs : பெண்கள் தற்போது கனமான வெள்ளி கொலுசுகளைத் தவிர்த்து, சிம்பிளான மற்றும் ஸ்டைலான லேட்டஸ்ட் டிசைன்களையே அதிகம் விரும்புகின்றனர். உங்கள் பாதங்களை மேலும் அழகாக்கும் நவீன கொலுசு வகைகள் இதோ!

Gold Rings : 2 கிராமில் அசத்தலான ஸ்டோன் மோதிரங்கள்! வாங்கி எல்லோரையும் அசத்துங்க!

Arun Mozhi Varman — Tue, 08 Sep 2026 12:41:33 +0530

Gold Rings : குறைந்த எடையிலும் அழகாகவும் இருக்கும் ஸ்டார், இலை உள்ளிட்ட பல சூப்பரான தங்க மோதிர டிசைன்களை இங்கே பார்த்து வாங்கலாம்!

Blouse Design : அட! இது கோலமா..பிளவுஸ் டிசைனா? சேலை லவ்வர்களுக்கான லேட்டஸ்ட் டிரெண்ட்

Vishnupriya — Sun, 04 Oct 2026 15:23:46 +0530

Blouse Design : வாசலில் போடும் சிக்கு கோலம் இப்போது பிளவுஸ் டிசைனாகவும் டிரெண்டாகி வருகிறது. பாரம்பரிய கோலத்தின் அழகை நவீன எம்பிராய்டரி டிசைனுடன் இணைக்கும் இந்த பிளவுஸ், சேலை விரும்பும் பெண்களுக்கு புதுமையான தேர்வாக அமைகிறது.

சேலை அணியும்போது சேலையின் நிறத்துக்கு மட்டுமல்ல, அதற்கு ஏற்ற பிளவுஸ் டிசைனுக்கும் அதிக முக்கியத்துவம் கொடுக்கும் பெண்களின் எண்ணிக்கை நாளுக்கு நாள் அதிகரித்து வருகிறது.

வழக்கமான பூ டிசைன், எம்பிராய்டரி, ஸ்டோன் ஒர்க் என பார்த்துப் பார்த்து பழகிய டிசைன்களுக்கு மத்தியில், இப்போது சற்று வித்தியாசமான ஒரு டிரெண்ட் பெண்களின் கவனத்தை ஈர்த்து வருகிறது.

அதுதான் நம் வீட்டு வாசலில் தினமும் போடும் பாரம்பரிய சிக்கு கோலத்தின் அழகிய வளைவுகளை அப்படியே பிளவுஸ் டிசைனாக மாற்றும் ஃபேஷன். வாசலில் கோலமாக தொடங்கிய அந்த அழகு இப்போது உங்கள் ஆடையிலும் மிளிரட்டும்.

கோலத்தின் ஒவ்வொரு கோடும் ஒன்றோடு ஒன்று பின்னிப் பிணைந்து உருவாக்கும் அந்த நுணுக்கமான வடிவங்கள், பிளவுஸில் பயன்படுத்தப்படும்போது பார்ப்பதற்கே மிகவும் அழகாகவும் தனித்துவமாகவும் இருக்கின்றன.

குறிப்பாக பட்டு சேலை, காஞ்சிபுரம் சேலை, சில்க் காட்டன் மற்றும் பாரம்பரிய சேலைகளுடன் இந்த டிசைன் அணிந்தால், பாரம்பரியமும் நவீன ஃபேஷனும் கலந்த ஒரு ஸ்டைலான தோற்றம் கிடைக்கும்.

எல்லோரும் அணிவது போல இல்லாமல், எனக்கென்று ஒரு தனி டிசைன் வேண்டும் என்று நினைக்கும் பெண்களுக்கு இந்த சிக்கு கோலம் பிளவுஸ் ஒரு சூப்பர் தேர்வாக இருக்கலாம். எளிமையான கோடு வேலை முதல் அடர்த்தியான சிக்கு கோலம் வரை, உங்கள் விருப்பத்துக்கும் சேலையின் தன்மைக்கும் ஏற்ப பல விதங்களில் இதை வடிவமைக்க முடியும்.

இந்த சிக்கு கோலம் பிளவுஸ் டிசைனின் முக்கிய சிறப்பே அதன் தொடர்ச்சியான வளைவு கோடுகள்தான். சிக்கு கோலத்தில் ஒன்றோடு ஒன்று பின்னிப் பிணைந்து அழகாக நகரும் கோடுகளைப் போலவே, பிளவுஸின் பின்புறம், கைப்பகுதி, கழுத்து வடிவம் அல்லது முன்புறத்தில் நுணுக்கமான எம்பிராய்டரி அல்லது பிரிண்ட் வேலைப்பாடுகள் அமைக்கப்படுகின்றன.

கோலத்தின் அழகை அப்படியே வைத்துக்கொண்டு, சரியான இடத்தில் டிசைன் செய்தால் பிளவுஸ் மிகவும் நேர்த்தியாகவும் ஸ்டைலாகவும் காட்சியளிக்கும்.

முதுகுப்பகுதியில் பெரிய சிக்கு கோலம்

பிளவுஸின் பின்புறத்தை முழுமையாக மறைக்காமல், நடுப்பகுதியில் ஒரு பெரிய சிக்கு கோலத்தை எம்பிராய்டரி செய்வது பாரம்பரியமான அதே நேரத்தில் கண்களை கவரும் தோற்றத்தை கொடுக்கும்.

கைகளின் ஓரத்தில் சிறிய சிக்கு கோல வடிவங்களை வரிசையாக அமைத்தால், அதிக வேலைப்பாடு இல்லாமலேயே பிளவுசுக்கு ஒரு அழகான பாரம்பரிய டச் கிடைக்கும்.

ஸ்லீவ்ஸ் முழுவதும் தொடர்ச்சியான சிக்கு கோலம்

சற்று வித்தியாசமாக முயற்சி செய்ய விரும்புபவர்கள், ஸ்லீவ்ஸ் முழுவதும் தொடர்ச்சியாக செல்லும் சிக்கு கோல டிசைனை தேர்வு செய்யலாம். குறிப்பாக ஒற்றை நிற பிளவுஸில் இது அழகாக எடுப்பாக தெரியும்

பிளவுஸின் முன்புறத்தில் மிகப்பெரிய டிசைனுக்குப் பதிலாக, மெல்லிய சிக்கு கோலம் போன்ற தொடர்ச்சியான கோடு வேலை செய்தால் எளிமையான, எலிகண்ட் லுக் கிடைக்கும்.

கழுத்தைச் சுற்றி கோல வடிவ எம்பிராய்டரி

கழுத்து வடிவத்தைச் சுற்றி சிக்கு கோலத்தின் வளைவு கோடுகளை அமைத்தால், நெக்லைன் தனியாக ஹைலைட் ஆகும். எளிமையான பிளவுசுக்கு இது மிகவும் அழகான தேர்வாக இருக்கும்.

பெரிய டிசைன் வேண்டாம் என்பவர்களுக்கு முதுகின் நடுப்பகுதியில் சிறிய வட்ட வடிவ சிக்கு கோலத்தை மட்டும் அமைப்பது சிறந்த தேர்வு. குறைந்த வேலைப்பாட்டிலேயே பிளவுஸுக்கு தனித்துவமான தோற்றத்தை கொடுக்கலாம்.

கோலம் என்றாலே பாரம்பரியத்தின் அழகு நினைவுக்கு வரும். அதனால், சிக்கு கோலம் டிசைன் கொண்ட பிளவுஸ் பாரம்பரிய தோற்றம் கொண்ட சேலைகளுடன் மிகவும் இயல்பாகவும் அழகாகவும் பொருந்துகிறது.

குறிப்பாக காஞ்சிபுரம் பட்டு சேலை அணியும்போது, அதற்கு ஏற்ற நிறத்தில் சிக்கு கோலம் எம்பிராய்டரி செய்யப்பட்ட பிளவுஸை தேர்வு செய்தால், பாரம்பரிய தோற்றத்துடன் ஒரு புதுமையான ஃபேஷன் டச் கிடைக்கும்.

அதேபோல், செட்டிநாடு காட்டன், கைத்தறி சேலை, காட்டன் சில்க், சுங்குடி மற்றும் ஆர்கானிக் காட்டன் போன்ற எளிமையான மற்றும் இயற்கையான தோற்றம் கொண்ட சேலைகளுடனும் இந்த டிசைன் அழகாக இருக்கும்.

குறிப்பாக அதிகப்படியான ஜிகினா, ஸ்டோன் அல்லது ஹெவி எம்பிராய்டரி இல்லாத சேலைகளில் சிக்கு கோலம் பிளவுஸ் தனியாக கவனம் ஈர்க்கும். சாதாரணமாக இருக்கும் ஒரு சேலையைக்கூட, வித்தியாசமான பிளவுஸ் டிசைன் மூலம் ஸ்டைலான தோற்றத்திற்கு மாற்றலாம்.

மேலும், சேலையில் ஏற்கனவே அதிகமான பார்டர் அல்லது வேலைப்பாடுகள் இருந்தால், பிளவுஸில் பெரிய சிக்கு கோலத்தை தவிர்த்து கழுத்து, கை ஓரம் அல்லது முதுகில் மட்டும் சிறிய கோல டிசைனை தேர்வு செய்வது மிகவும் நேர்த்தியாக இருக்கும்

சேலை கட்டுவதையே விரும்பும் பெண்களே, உங்கள் கலெக்ஷனில் சிக்கு கோலம் டிசைன் பிளவுஸ் இருக்கிறதா? இல்லையென்றால் அடுத்த சேலைக்கு இந்த டிசைனை முயற்சி செய்து பார்க்கலாமே.

Toe Ring Designs : அதிரி புதிரி மெட்டி டிசைன்கள்! பாத்தா கண்டிப்பா வாங்கிடுவீங்க!

Arun Mozhi Varman — Sun, 06 Sep 2026 13:39:55 +0530

Toe Ring Designs : மனைவிக்குப் பரிசளிக்கத் தாமரை, மயில், பூக்கள், சலங்கை மற்றும் மாடர்ன் டிசைன்களில் பாதங்களின் அழகை மெருகூட்டும் பலவிதமான மெட்டி டிசைன்கள்.

Silver Chain : வெறும் 1000 ரூபாயில், அசத்தலான டிசைனுடன் கலக்கலான வெள்ளி செயின்கள்!

Arun Mozhi Varman — Sun, 13 Sep 2026 06:00:24 +0530

Silver Chain : தங்க செயின் போட்டு போர் அடிக்குதா? வெறும் 1000 ரூபாயில் கிடைக்கும் இந்த ஸ்டைலான சில்வர் செயின்களைப் புதுசா டிரை பண்ணுங்க!

Gold Locket Designs : வெறும் 1 கிராமில் சூப்பர் டிசைன்ல தங்க டாலர்கள்!

Arun Mozhi Varman — Thu, 10 Sep 2026 13:06:53 +0530

Gold Locket Designs : 1 கிராம் எடையில், 22 காரட் தங்கத்தில் கிடைக்கும் ஹார்ட்-ஷேப் மற்றும் பாரம்பரிய டிசைன் கோல்டு லாக்கெட்டுகள் தினசரி பயன்பாட்டிற்கு மிகவும் அழகாகவும் ஸ்டைலாகவும் இருக்கும். குறைந்த விலையில் பலவிதமான மாடல்கள் உள்ளன.

Blouse Back Designs : சுண்டி இழுக்கும் ஸ்டைலான பிளவுஸ் பேக் டிசைன்கள்!

Arun Mozhi Varman — Mon, 07 Sep 2026 15:15:37 +0530

புடவையில் அழகாகத் தோன்ற பொருத்தமான பிளவுஸ் அணிவது அவசியம். உங்கள் புடவைக்கு ஸ்டைலான தோற்றத்தைத் தரும் சில அசத்தலான பிளவுஸ் பேக் டிசைன்களைப் பார்க்கலாம்!

Rose Gold Earrings: 2 கிராம்ல அட்டகாசமான ரோஸ் கோல்டு கம்மல்! டெய்லி யூஸ்க்கு சூப்பரா இருக்கும்!

Asianet News — Thu, 10 Sep 2026 22:27:25 +0530

ரோஸ் கோல்டு நகைகள் இப்போ ரொம்ப டிரெண்டிங். அதுலயும் குறைஞ்ச பட்ஜெட்ல, அதாவது 2 கிராம்ல தினசரி பயன்பாட்டுக்கு ஏற்ற சில அட்டகாசமான ரோஸ் கோல்டு கம்மல் டிசைன்ஸ் இருக்கு. பார்க்கவே ஸ்டைலா, சிம்பிளா இருக்கும் இந்த டிசைன்களைப் பற்றி பார்க்கலாம்.

Kanchipuram Sarees : ரூ.10,000 பட்ஜெட்டில் அட்டகாசமான காஞ்சி பட்டுப்புடவைகள்!

Arun Mozhi Varman — Thu, 10 Sep 2026 13:26:30 +0530

Kanchipuram Sarees : பட்டுப் புடவை பிரியர்களுக்கு பட்ஜெட் தடையா? கவலை வேண்டாம், வெறும் 10,000 ரூபாய்க்குள் அழகான காஞ்சி பட்டுப் புடவைகளை வாங்கலாம். சில அசத்தலான டிசைன்கள் இதோ!

Global Baby Names 2026: குழந்தைகளுக்கான 30 மாடர்ன் Cute பெயர்கள்.!

Vedarethinam Ramalingam — Tue, 22 Sep 2026 13:24:24 +0530

உங்கள் குழந்தைக்குப் பழைய ஸ்டைலில் இல்லாமல், கொஞ்சம் மாடர்னாகப் பெயர் வைக்க ஆசையா? உங்களுக்காகவே உலகம் முழுவதும் ட்ரெண்டிங்கில் உள்ள 30 சூப்பரான பெயர்களை இங்கே பட்டியலிட்டுள்ளோம்.

Egg Hair Mask: முட்டை போடுறீங்களா? வாடையே இல்லாமல் பளபளக்கும் கூந்தலுக்கு இந்த 5 டிப்ஸ் போதும்!

Asianet News — Thu, 10 Sep 2026 18:21:07 +0530

எவ்வளவு விலை உயர்ந்த ஷாம்பூ, கண்டிஷனர் போட்டாலும் உங்கள் முடி பளபளப்பாக இல்லையா? கவலைப்படாதீர்கள். ஷாம்பூவை மாற்ற வேண்டாம். முட்டையுடன் சில பொருட்களைச் சேர்த்து ஹேர் மாஸ்க் போட்டால் போதும். பட்டுப் போன்ற கூந்தல் நிச்சயம்!

முட்டைகளில் புரதச்சத்து நிறைந்துள்ளது. ஆரோக்கியமாக இருக்க தினமும் முட்டை சாப்பிட வேண்டும் என்று மருத்துவர்களும் கூறுகிறார்கள். இருப்பினும்... முட்டையில் உள்ள அதே புரதம், முடிக்கு பட்டுப்போன்ற பளபளப்பைக் கொடுக்கிறது. முட்டையின் மஞ்சள் கருவை மயிர்க்கால்களில் தவறாமல் தடவுவது, முடியை ஆரோக்கியமாக வளரச் செய்வது மட்டுமல்லாமல், அதை அடர்த்தியாகவும் அழகாகவும் மாற்றுகிறது.

இருப்பினும்... இதில் உள்ள சிக்கல் என்னவென்றால்... பலருக்கு முட்டையின் வாசனை பிடிப்பதில்லை. தங்கள் முடியும் அதே வாசனையுடன் இருக்குமோ என்று அவர்கள் பயப்படுகிறார்கள். இதுபோன்ற பிரச்சனைகள் இல்லாமல் உங்கள் முடி அழகாக வளர வேண்டுமென்றால்... முட்டையை வேறு சில பொருட்களுடன் கலந்து உங்கள் முடியில் தடவினால் போதும். வாருங்கள் பார்ப்போம்…

எலுமிச்சை சாற்றில் உள்ள சிட்ரிக் அமிலம், முட்டையின் பூஞ்சை வாசனையை உடனடியாக நீக்கி, புத்துணர்ச்சியூட்டும் நறுமணத்தை அளிக்கிறது. இவ்விரண்டின் கலவை, கூந்தல் மென்மையாகவும் அழகாகவும் வளர உதவுகிறது.

தேவையானவை: 1 முட்டை, 2 தேக்கரண்டி எலுமிச்சை சாறு, 1 தேக்கரண்டி தேன்.

இந்த மாஸ்க்கை உங்கள் தலைமுடிக்கு எப்படிப் பயன்படுத்துவது... முதலில், ஒரு முட்டையை உடைத்து நன்றாகக் கலக்கவும். அதனுடன் எலுமிச்சை சாறு மற்றும் தேன் சேர்த்து நன்றாகக் கலக்கவும். எல்லாவற்றையும் நன்றாகக் கலந்து, உங்கள் தலைமுடியின் வேரிலிருந்து நுனி வரை தடவி, 20 நிமிடங்கள் கழித்து குளிர்ந்த நீரில் கழுவவும்.

2. தேங்காய் எண்ணெய் - வெண்ணிலா பளபளப்பு மாஸ்க்

தேங்காய் எண்ணெய் முடியை ஆழமாகப் பக்குவப்படுத்துகிறது, அதே சமயம் வெண்ணிலா எசென்ஸ் முட்டை வாசனையின்றி ஐஸ்கிரீம் போன்ற ஒரு நல்ல நறுமணத்தைத் தருகிறது. தங்கள் முடி மிகவும் வறண்டுள்ளதாக நினைப்பவர்கள் இந்த ஹேர் மாஸ்க்கை முயற்சி செய்யலாம்.

உங்களுக்குத் தேவையானவை: 1 முட்டையின் மஞ்சள் கரு, 2 மேசைக்கரண்டி உருக்கிய தேங்காய் எண்ணெய், 3-4 துளிகள் வெண்ணிலா எசென்ஸ் (அல்லது லாவெண்டர் எண்ணெய்).

தயாரிக்கும் முறை மற்றும் பயன்படுத்தும் முறை: முட்டையின் மஞ்சள் கரு, தேங்காய் எண்ணெய் மற்றும் வெண்ணிலா எசென்ஸ் ஆகியவற்றை இதில் கலக்கவும். ஈரமான தலைமுடியில் தடவி, 25 நிமிடங்கள் கழித்து ஷாம்பு கொண்டு அலசவும். இந்த மாஸ்க்கை இரண்டு அல்லது மூன்று முறை பயன்படுத்தினால், உங்கள் தலைமுடி மென்மையாகும்.

தயிர் கூந்தலுக்கு நல்ல பளபளப்பைத் தருகிறது. தேன் மற்றும் இலவங்கப் பொடியின் கலவையானது முட்டையின் துர்நாற்றத்தை முற்றிலுமாக நீக்குகிறது. இந்த ஹேர் மாஸ்க் கூந்தலை அழகாக்குகிறது.

ஒரு முட்டை, மூன்று மேசைக்கரண்டி தயிர், ஒரு மேசைக்கரண்டி தேன் மற்றும் கால் தேக்கரண்டி இலவங்கப்பட்டை தூள் ஆகியவை போதுமானவை. ஒரு பாத்திரத்தில் இவை அனைத்தையும் சேர்த்து நன்றாக கலக்கவும். அவற்றை மென்மையான பசை போல அரைத்து, உங்கள் தலைமுடியில் தடவி, தலையில் ஒரு ஷவர் கேப்பை அணிந்து கொள்ளுங்கள். அரை மணி நேரம் கழித்து குளித்தால் போதுமானது. இதை நீங்கள் தவறாமல் செய்து வந்தால், உங்கள் தலைமுடி அழகாகக் காட்சியளிக்கும்.

4. கிரீன் டீ - புதினா புத்துணர்ச்சி மாஸ்க்

பச்சைத் தேநீர் கூந்தலுக்குப் புத்துணர்ச்சி அளிக்கிறது, அதே சமயம் புதினா எண்ணெய் முட்டை வாசனையின்றி உச்சந்தலையைக் குளிர்ச்சியூட்டுகிறது. இது கூந்தலை அழகாக்குகிறது.

உங்களுக்குத் தேவையானவை: 1 முட்டை, 2 தேக்கரண்டி ஆறவைத்த பச்சை தேயிலை, 4 துளிகள் புதினா எண்ணெய்.

தயாரிப்பு மற்றும் பயன்படுத்தும் முறை: பச்சை தேயிலை, முட்டை, புதினா எண்ணெய் ஆகியவற்றைக் கலந்து உச்சந்தலையில் தடவி, 20 நிமிடங்கள் கழித்து அலசி விடவும். இதைத் தொடர்ந்து செய்து வந்தால் உங்கள் தலைமுடி அழகாக மாறும்.

வாழைப்பழங்கள் முடியை மென்மையாக்கும் அதே வேளையில், காபித் தூள் ஒரு சிறந்த துர்நாசினியாகச் செயல்பட்டு, முட்டையின் வாசனையை முற்றிலுமாக நீக்குகிறது.

உங்களுக்குத் தேவையானவை: 1 முட்டை, 1 பழுத்த வாழைப்பழம் (மென்மையான சதைப்பகுதியுடன்), 1 தேக்கரண்டி இன்ஸ்டன்ட் காபி தூள்.

தயாரிக்கும் முறை மற்றும் பயன்படுத்தும் முறை: வாழைப்பழக் கூழுடன் முட்டை மற்றும் காபித் தூளைச் சேர்த்து நன்கு கலக்கவும். இதை உங்கள் தலைமுடி முழுவதும் தடவி, 25 நிமிடங்கள் கழித்து அலசி விடவும். இவ்வாறு செய்வதால் உங்கள் தலைமுடி அழகாக மாறும்.

இருப்பினும், முட்டை ஹேர் மாஸ்க்கை உங்கள் தலைக்கு பூசும்போது, உங்கள் தலைமுடியை ஒருபோதும் சூடான நீரில் கழுவக்கூடாது. குளிர்ந்த நீரில் மட்டுமே கழுவ வேண்டும். அப்போதுதான் உங்கள் தலைமுடி மென்மையாகும்.