Asianet News Tamil

பாரம்பரிய ஆடைகளுக்கு ஏற்ற 6 அழகான கலர் ஸ்டோன் கொலுசு டிசைன்கள்!

Priya Velan — Tue, 26 May 2026 17:54:39 +0530

பெண்களின் எத்னிக் ஆடைகளுக்கு அழகு சேர்க்கும் கொலுசுகள் எப்போதுமே ஸ்பெஷல். இப்போது வெறும் வெள்ளி மட்டுமின்றி, ஆடைகளின் நிறத்திற்கு ஏற்ப வண்ணக் கற்கள் பதித்த கொலுசுகள் ட்ரெண்டாகி வருகின்றன. எந்த பாரம்பரிய உடைக்கும் கச்சிதமாகப் பொருந்தும் 6 மாடல்கள் இதோ

Dehydration Remedies: உடம்பில் நீர்ச்சத்து குறையாமல் இருக்க 6 சூப்பர் வீட்டு வைத்தியம்!

Vedarethinam Ramalingam — Tue, 26 May 2026 11:29:39 +0530

கோடையில் ஏற்படும் டீஹைட்ரேஷனைத் தவிர்க்க, மோர், வெங்காயம், எலுமிச்சை ஜூஸ், பழங்கள், வில்வப் பழ சர்பத், இளநீர் போன்ற பாட்டி வைத்தியங்கள் பலனளிக்கும். இவை உடலைக் குளிர்ச்சியாக வைத்து, நீர்ச்சத்தை சமன் செய்யும்.

கோடைக்காலத்தில் டீஹைட்ரேஷன் ஒரு பொதுவான, ஆனால் ஆபத்தான பிரச்னை. இது சோர்வு, தலைவலி, மயக்கம், குறைந்த ரத்த அழுத்தம் போன்றவற்றை ஏற்படுத்தும். ஆனால், கவலை வேண்டாம்! இதற்கும் நம்ம பாட்டி வைத்தியம் இருக்கு. டீஹைட்ரேஷனைத் தடுக்க உதவும் 6 எளிய வீட்டுக்குறிப்புகளைப் பார்க்கலாம்.மோரில் வறுத்த சீரகம், கருமிளகு, கொத்தமல்லி சேர்த்து குடியுங்கள். இது உடலுக்கு குளிர்ச்சி தந்து, செரிமானத்தைச் சரிசெய்யும். அடிக்கடி தாகம் எடுப்பதையும் குறைக்கும்.மிக எளிமையான ஒரு பாட்டி வைத்தியம் இது. பருப்பு அல்லது சாலட்டில் வெங்காயத்தைச் சேர்த்துச் சாப்பிட்டால், அது உடலை உள்ளிருந்து குளிர்ச்சியாக வைக்கும். பல வீடுகளில், வெயிலின் தாக்கத்தில் இருந்து தப்பிக்க, பச்சை வெங்காயத்தை பாக்கெட்டில் வைத்துக்கொள்வார்கள்.

உடனடி ஆற்றலுக்கு இது ஒரு சிறந்த வழி. எலுமிச்சை சாறுடன் சிறிது கருப்பு உப்பு மற்றும் சர்க்கரை கலந்து குடியுங்கள். இது உடலில் உப்பு-சர்க்கரை சமநிலையை பராமரித்து, வியர்வையால் ஏற்படும் இழப்பை விரைவாக ஈடுசெய்யும்.

தர்பூசணி, வெள்ளரி போன்ற பழங்களில் 90%க்கும் மேல் தண்ணீர் உள்ளது. இவற்றில் கருப்பு உப்பு மற்றும் எலுமிச்சை சாறு சேர்த்துச் சாப்பிட்டால், உடலுக்குத் தேவையான மினரல்கள் கிடைப்பதோடு, நீர்ச்சத்தும் குறையாமல் இருக்கும்.

வில்வப் பழ சர்பத் உடலைக் குளிர்ச்சியாக வைத்திருக்க உதவும் ஒரு ஆயுர்வேதப் பொக்கிஷம். இது வயிற்றுச் சூடு மற்றும் அசிடிட்டியைக் குறைத்து, உடலில் நீர்ச்சத்து குறையாமல் பார்த்துக்கொள்ளும்.இளநீர் உடலின் எலக்ட்ரோலைட்டுகளை சமன் செய்து, உடனடி ஆற்றலைத் தருகிறது. இதில் உள்ள பொட்டாசியம், மெக்னீசியம் மற்றும் சோடியம் ஆகியவை வெயிலின் தாக்கத்திலிருந்து பாதுகாக்க உதவுகின்றன.

சம்மர் முடிய போகுது! இந்த 5 சீக்ரெட் நீர்வீழ்ச்சிக்கு போயிருக்கீங்களா?

Priya Velan — Mon, 25 May 2026 16:52:12 +0530

கோடை வெயில் முடியப்போகிறது. அக்னி நட்சத்திரத்திற்கு டாட்டா சொல்லிவிட்டு ஜில்லென்று அருவியில் நனைய ஆசையா? குற்றாலம் ஒகேனக்கல் போர் அடித்துவிட்டதா? அப்படியென்றால் இந்த சம்மர் முடிவதற்குள் தமிழகத்தில் நீங்கள் கட்டாயம் பார்க்க வேண்டிய நீர்வீழ்ச்சிகள் இதோ

தேனி மாவட்டத்தில் இருக்கும் மேகமலைக்கு போனா 'ஆனை விழுந்தான்' நீர்வீழ்ச்சியை மிஸ் பண்ணாதீங்க. அடர்ந்த தேயிலைத் தோட்டங்களுக்கு நடுவே, கண்ணை பறிக்கும் பசுமையில் கொட்டும் இந்த அருவி, சம்மர் ஹீட்டை மொத்தமாய் மறக்கடிக்கும்.

கொடைக்கானல் போகும் வழியில பெரியகுளம் பக்கத்தில் இருக்கு இந்த ரகசிய அழகு. பாறைகளின் இடுக்குகளில் மூலிகை வாசனையோடு வரும் தண்ணீரில் குளித்தால், உடம்பில் இருக்கும் அத்தனை அசதியும் பறந்து போயிடும். குடும்பத்தோடு போக செம ஸ்பாட்!

கோவை மக்கள் குடுத்துவச்சவங்க! காடுகளுக்கு நடுவே 1 கி.மீ டிரெக்கிங் போய் இந்த அருவியை அடையணும். இதோட தண்ணீரை குடிச்சுப் பார்த்தா, தேனை விட இனிக்கும். வெயிலுக்கு செம சாய்ஸ், ஆனா ஞாயிற்றுக்கிழமை லீவு பாஸ்!

குற்றாலத்துல கூட்டம் அலைமோதுதா? அப்போ நேரா குத்தம்பஞ்சான் அருவிக்கு வண்டிய விடுங்க. மேற்குத் தொடர்ச்சி மலையின் அடிவாரத்தில், இயற்கை சூழலில் அமைதியாக கொட்டும் இந்த அருவி, இன்னும் பலருக்கு தெரியாத ஒரு பட்ஜெட் சுற்றுலா தலம்!

நாமக்கல் கொல்லிமலையில் இருக்கும் இந்த நீர்வீழ்ச்சி அட்வென்ச்சர் பிரியர்களுக்கானது. 300 அடி உயரத்தில் இருந்து விழும் தண்ணீரை பார்க்க 1000 படிக்கட்டுகள் இறங்கிப் போகணும். சம்மர் எண்ட்-ல இங்க போனா மனசும் உடம்பும் செம்ம ஃபிரெஷ் ஆகிடும்.

காலைல தினமும் இட்லி, தோசையா? போர் அடிச்சா இதை ட்ரை பண்ணுங்க!

Priya Velan — Mon, 25 May 2026 16:09:59 +0530

தினமும் காலையில் இட்லி, தோசை சாப்பிட்டு நாக்குக்கு அலுத்துப் போய்விட்டதா? நாளைக்குக் காலைல என்ன டிபன்? என்ற கேள்வியே போர் அடிக்கிறதா? கவலையை விடுங்க! உங்கள் காலை பொழுதை சுறுசுறுப்பாகவும், நாவிற்கு ருசியாகவும் மாற்ற வித்தியாசமான காலை உணவு யோசனைகள் இதோ

சப்பாத்தி சில்லி சாப்பிட்டிருப்பீங்க, ஆனா மல்டிகிரைன் பிரெட்டை குட்டி குட்டியா கட் பண்ணி, குடைமிளகாய், வெங்காயம், தக்காளி சேர்த்து லேசான சாஸ் ஊற்றி வதக்கி பாருங்க. காரசாரமான 'பிரெட் சில்லி' ரெடி! குழந்தைகளும் தட்டைக் காலி பண்ணுவாங்க.

ஓட்ஸை வறுத்து பொடி பண்ணி, அது கூட கொஞ்சம் தயிர், கேரட் துருவல், பச்சை மிளகாய், கொத்தமல்லி சேர்த்து பணியாரக் கல்லில் ஊற்றி எடுங்க. இட்லி மாவு தேவையில்லை, இன்ஸ்டன்ட் மொறுமொறு பணியாரம் தயார்!

வெறும் சேமியா உப்புமா போர் அடிக்கும். ஊறவைத்த ஜவ்வரசியையும், வறுத்த சேமியாவையும் பாசிக் பருப்போடு சேர்த்து, நெய் விட்டு கிச்சடி செஞ்சு பாருங்க. அந்த மணம், தூக்கலான சுவை அன்னைக்கு முழுக்க உங்களை எனர்ஜியா வைக்கும்.

சப்பாத்திக்கு சைட் டிஷ் செய்ய நேரமில்லையா? முளைகட்டிய பச்சைப்பயறை மிக்ஸியில் கொரகொரப்பாக அரைத்து, மசாலா சேர்த்து சப்பாத்தி மாவுக்குள் வைத்து திரட்டி 'ஸ்டஃப்டு சப்பாத்தி'யா போடுங்க. தயிர் இருந்தாலே போதும், செம காம்போ!

கெட்டி அவலை நனைத்து வைத்துவிட்டு, கடுகு, வேர்க்கடலை, துருவிய மாங்காய் சேர்த்து தாளித்து 'மாங்காய் அவல் உப்மா' செய்யுங்க. லெமன் சாதம் தோத்துடும்! புளிப்பும் காரமும் கலந்த இந்த டேஸ்ட் காலையிலேயே மூடை பிரெஷ் ஆக்கிடும்.

இந்த டிஷ் எதை செஞ்சாலும், கடைசியில் கொஞ்சமா வறுத்த வேர்க்கடலை பொடி அல்லது பொடியாக நறுக்கிய புதினா தூவி இறக்குங்க. ஹோட்டல் ஸ்டைல் வாசனையும், பிரெஷ்னஸும் அப்படியே கிடைக்கும்!

சட்டுபுட்டுனு சமைக்கணுமா? இதோ யாரும் சொல்லாத 6 ஸ்மார்ட் ரகசியங்கள்!

Priya Velan — Mon, 25 May 2026 15:29:26 +0530

காலையில் எழுந்தாலே "இன்னைக்கு என்ன சமைக்கிறது, எப்படி சீக்கிரம் முடிக்கிறது?" என்கிற கவலை தான் பலருக்கும் பெரிய தலைவலி. சமையலறையில் மணிக்கணக்காக நிற்பதை மாற்றி, சட்டுபுட்டென்று சமையலை முடிக்க இதோ யாரும் சொல்லித்தராத 6 சூப்பர் ஸ்மார்ட் ரகசியங்கள்.

வெங்காயம் சீக்கிரம் வதங்க உப்பு போடுவது பழைய ஸ்டைல். இனிமேல் வெங்காயத்தை எண்ணெயில் போட்டுவிட்டு, ஒரே ஒரு ஸ்பூன் தண்ணீர் தெளித்து மூடி வையுங்கள். தண்ணீரின் ஆவியில் வெங்காயம் 2 நிமிடத்தில் பொன்னிறமாக வதங்கிவிடும். நேரமும் மிச்சம், கேஸும் மிச்சம்!

தக்காளி வதங்கி தொக்காக மாற ரொம்ப நேரமாகும். அதற்கு தக்காளியை வாங்கியதும் நன்றாகக் கழுவி, முழுசாக அப்படியே ஃப்ரீசரில் (Freezer) போட்டுவிடுங்கள். சமைப்பதற்கு 5 நிமிடம் முன்பு எடுத்து தண்ணீரில் போட்டால், தோல் தானாக உறிந்து வரும். அதை அப்படியே நசுக்கிப் போட்டால், 1 நிமிடத்தில் குழைந்து கிரேவி ரெடி!

கொத்தமல்லி, புதினா, கீரை வகைகளை அரிவாள்மனையிலோ, கட்டிங் போர்டிலோ நறுக்கினால் நேரம் வீணாகும். சமையலறைக்கென ஒரு பிரத்யேக கத்தரிக்கோல் (Kitchen Scissors) வாங்கி வைத்துக் கொள்ளுங்கள். அப்படியே கொத்தாகப் பிடித்து கடாயின் மேலேயே நறுக்கிப் போட்டுவிடலாம். போர்டை கழுவும் வேலையும் மிச்சம்!

சமையலில் அதிக நேரம் எடுப்பது பூண்டு உரிப்பது தான். இனிமேல் பூண்டுப் பற்களை தனித் தனியாகப் பிரித்து, லேசான சுடுதண்ணீரில் 5 நிமிடம் போட்டு வையுங்கள். அதன் பிறகு கையில் எடுத்து லேசாக அமுக்கினால், பூண்டுத் தோல் தானாகக் கழன்று வந்துவிடும். நகமும் வலிக்காது, வேலையும் முடியும்!

உருளைக்கிழங்கு குக்கரில் வெந்து வர 3, 4 விசில் விட வேண்டும். அதற்குப் பதிலாக, உருளைக்கிழங்கைக் கழுவிவிட்டு, ஒரு போர்க் ஸ்பூனால் (Fork) ஆங்காங்கே குத்தி குடையுங்கள். பிறகு ஒரு கிண்ணத்தில் தண்ணீர் ஊற்றி மைக்ரோவேவ் ஓவனில் 5 நிமிடம் வைத்தாலோ அல்லது குக்கரில் வைத்தாலோ, பாதி நேரத்திலேயே பஞ்சு போல வெந்துவிடும்!

தினமும் இஞ்சி பூண்டு அரைக்க சோம்பேறித்தனமாக இருக்கிறதா? மொத்தமாக அரைத்து, ஐஸ் கியூப் ட்ரேயில் (Ice Cube Tray) ஊற்றி ஃப்ரீசரில் வைத்துவிடுங்கள். கட்டியானதும் எடுத்து ஒரு கவரில் போட்டு வைக்கலாம். சமைக்கும் போது ஒரு கியூப் மட்டும் எடுத்து அப்படியே எண்ணெயில் போட்டால் வேலை முடிந்தது. பிரஷ்ஷாகவும் இருக்கும்!

Most Expensive Plants: ஆத்தாடி ஒரு செடியின் விலை 25 லட்சமா! இந்தியாவின் டாப் 7 காஸ்ட்லி செடிகள் இதோ

Ganesh A — Tue, 26 May 2026 12:19:33 +0530

Most Expensive Plants in India : இந்தியாவில் செடி வளர்ப்பது இப்போது வெறும் தோட்டக்கலை சார்ந்த விஷயம் மட்டுமல்ல, அது ஒரு ஆடம்பர ஸ்டேட்டஸ் ஆகவும் மாறிவிட்டது.

இந்தியாவில் செடி வளர்ப்பது என்பது இப்போது வெறும் தோட்டக்கலை வேலையாக மட்டும் பார்க்கப்படவில்லை. அது ஒரு ஆடம்பரத்தின் அடையாளமாகவும், ஸ்டேட்டஸ் சிம்பலாகவும் மாறி வருகிறது. துளசி செடியையும், வேப்ப மரத்தையும் தெய்வமாக வணங்கும் நம் நாட்டில், சிலர் இப்போது மிகவும் அரிதான மற்றும் விலை உயர்ந்த செடிகளை ஒரு கலைப் பொருளைப் போல சேகரித்து வருகிறார்கள். இந்த செடிகளின் விலை, அவற்றின் வயது, அரிதான தன்மை, வடிவம் மற்றும் அழகைப் பொறுத்து நிர்ணயிக்கப்படுகிறது. சில செடிகளின் விலையில் ஒரு காரையே வாங்கிவிடலாம். அப்படிப்பட்ட, பெரிய பணக்காரர்களின் வீடுகளையும், கலெக்‌ஷன்களையும் அலங்கரிக்கும் இந்தியாவின் 7 காஸ்ட்லி செடிகளைப் பற்றிப் பார்ப்போம்.

ஒரு செடியை 'உயிருள்ள சிற்பம்' என்று சொல்ல வேண்டும் என்றால், அது ஃபைகஸ் போன்சாய் செடியைத்தான். பல ஃபைகஸ் போன்சாய் செடிகள் 80 முதல் 100 ஆண்டுகள் பழமையானவை. பல பத்தாண்டுகளாக இவற்றை மிக கவனமாக ஒரு குறிப்பிட்ட வடிவத்திற்கு கொண்டு வருகிறார்கள். மும்பை, பெங்களூரு போன்ற நகரங்களில் உள்ள போன்சாய் கலெக்டர்கள், இதை அதிக விலை கொடுத்து வாங்குகிறார்கள். நன்கு முதிர்ச்சியடைந்த, அழகாக ட்ரெயின் செய்யப்பட்ட ஒரு போன்சாய் செடியின் விலை 15 லட்சத்தில் இருந்து 25 லட்சம் ரூபாய் வரை போகும். அதன் வடிவ நேர்த்தியும், வயதும்தான் அதன் சிறப்பம்சமே.

நீலக்குறிஞ்சி, இந்தியாவின் மிக அரிதான செடிகளில் ஒன்று. இந்த சிறப்பு வாய்ந்த செடி 12 ஆண்டுகளுக்கு ஒரு முறை மட்டுமே பூக்கும். இதனாலேயே இது மிகவும் ஸ்பெஷலாக பார்க்கப்படுகிறது. மேற்குத் தொடர்ச்சி மலைகளில் காணப்படும் இந்த செடி, சாதாரண நர்சரிகளில் கிடைக்காது. சான்றளிக்கப்பட்ட நாற்று அல்லது விதையின் விலை 50,000 ரூபாய் வரை இருக்கலாம். இதன் அரிதான தன்மையும், ஒருவித மர்மமான ஈர்ப்பும்தான் கலெக்டர்கள் மத்தியில் இதை பிரபலமாக்கியுள்ளது.

இன்ஸ்டாகிராம் மற்றும் ஆடம்பர இன்டீரியர் டெக்கரேஷன் உலகில், வேரிகேட்டட் மான்ஸ்டெரா ஒரு ஸ்டேட்டஸ் சின்னமாகவே மாறிவிட்டது. இதன் வெள்ளை மற்றும் பச்சை நிறம் கலந்த மார்பிள் போன்ற இலைகள், மற்ற இன்டோர் செடிகளில் இருந்து இதை தனித்துக் காட்டுகின்றன. இந்த செடி மிக மெதுவாக வளரும், மேலும் ஒவ்வொரு இலையின் டிசைனும் வித்தியாசமாக இருக்கும். இந்தியாவில் இறக்குமதி செய்யப்பட்ட ஒரு கட்டிங்கின் விலை 5,000 முதல் 25,000 ரூபாய் அல்லது அதற்கும் அதிகமாக இருக்கலாம்.

போன்சாய் பிரியர்கள் மத்தியில் ஜின்ஸெங் ஃபைகஸ் மிகவும் பிரீமியம் ரகமாக கருதப்படுகிறது. இதன் வேர்கள், பார்ப்பதற்கு பாறைகளைப் பிடித்துக் கொண்டிருப்பது போல தோற்றமளிக்கும் வகையில் பல ஆண்டுகளாகப் பயிற்றுவிக்கப்படுகின்றன. இது வலிமை மற்றும் நீண்ட ஆயுளின் சின்னமாக பார்க்கப்படுகிறது. கார்ப்பரேட் அலுவலகங்கள் மற்றும் வாஸ்து பின்பற்றுபவர்கள் மத்தியில் இது மிகவும் பிரபலம். இதன் விலை 3 லட்சம் முதல் 12 லட்சம் ரூபாய் வரை போகலாம்.

செம்மரம், இந்தியாவின் மிகவும் மதிப்புமிக்க மர வகைகளில் ஒன்றாகும். இந்த மரம் ஆந்திரப் பிரதேசத்தில் காணப்படுகிறது, இதன் சாகுபடி அரசாங்கத்தின் நேரடி கண்காணிப்பில் நடக்கிறது. இது ஒரு சாதாரண தோட்டச் செடியாக கருதப்படவில்லை என்றாலும், இதன் மரத்தின் மதிப்பு லட்சங்களைத் தாண்டும். இதனால்தான், இது ஒரு நீண்ட கால பசுமை முதலீடாகவும் கருதப்படுகிறது.

பாலைவன ரோஜா (Desert Rose) என்றும் அழைக்கப்படும் அடீனியம், அதன் தடிமனான தண்டு மற்றும் அழகான பூக்களுக்காக அறியப்படுகிறது. குறிப்பாக, தாய்லாந்து வகை மற்றும் மல்டி-கிராஃப்ட் செய்யப்பட்ட அடீனியம் போன்சாய் வகைகள் மிகவும் விலை உயர்ந்தவை. தோட்டக்கலைக் கண்காட்சிகளில் இந்த செடிகள் பெரும்பாலும் கலெக்டர்களின் கவனத்தை ஈர்க்கின்றன. இதன் விலை 50,000 முதல் 3 லட்சம் ரூபாய் வரை இருக்கலாம்.

வீட்டுக்குள் வளர்க்கப்படும் அரிதான இலைச் செடிகளை விரும்புபவர்கள் மத்தியில், சில்வர் ப்ளஷ் ஆந்தூரியத்திற்கு அதிக டிமாண்ட் உள்ளது. இதன் அடர் பச்சை நிற வெல்வெட் போன்ற இலைகளும், வெள்ளி நிற நரம்புகளும் மிகவும் பிரீமியம் லுக்கைக் கொடுக்கின்றன. நோய் தாக்காத, ஆரோக்கியமான செடியின் விலை 20,000 முதல் 80,000 ரூபாய் வரை இருக்கலாம். ஆடம்பர வீடுகளில் அலங்காரத்தின் மையப் புள்ளியாக இது வைக்கப்படுகிறது.

ஏன் இந்த செடிகள் இவ்வளவு காஸ்ட்லி?

இந்த செடிகளின் விலை அவற்றின் அழகால் மட்டும் தீர்மானிக்கப்படுவதில்லை. அதன் அரிதான தன்மை, வயது, வளரும் வேகம் மற்றும் பராமரிப்பு செலவு ஆகியவையும் முக்கிய பங்கு வகிக்கின்றன. சில செடிகள் பல பத்தாண்டுகளாகப் பயிற்றுவிக்கப்படுகின்றன, சில அரிதான இனங்கள் மிகக் குறைவாகவே கிடைக்கின்றன. இதனால்தான், இன்று இந்தியாவில் விலை உயர்ந்த செடிகள் என்பது வெறும் தோட்டக்கலை மட்டுமல்ல, அது ஒரு ஆடம்பர வாழ்க்கை முறை மற்றும் முதலீடாகவும் மாறி வருகிறது.

Gen Z மூக்குத்தி ட்ரெண்ட்ஸ்: 90ஸ் நாஸ்டால்ஜியா முதல் மினிமலிஸ்ட் வரை!

Priya Velan — Mon, 25 May 2026 11:41:23 +0530

இன்றைய Gen Z இளைஞர்கள் பாரம்பரியத்தையும் மாடர்ன் ஸ்டைலையும் கலந்து புதுமைகளை உருவாக்குகிறார்கள். 90களின் நினைவுகள், ஆல்டர்நேட்டிவ் லுக் மற்றும் மினிமலிசம் ஆகியவற்றை இணைத்து, இணையத்தில் தற்போது ட்ரெண்டாகும் டாப் 5 மூக்குத்தி ஸ்டைல்கள் இதோ!

Easy Shopping : உங்களுடைய ஷாப்பிங் சுமையை தூக்கிவர இனி ஆள் வச்சுக்கலாம்!

Arun Mozhi Varman — Tue, 26 May 2026 12:28:24 +0530

Easy Shopping : இனிமேல் நீங்கள் ஷாப்பிங் மட்டும் செய்தால் போதும். உங்களுடைய ஷாப்பிங் பொருட்களை தூக்கிவருவதற்கு இருக்கவே இருக்கிறது 'கேரிமேன்' சேவை. குடும்பங்களுடன் ஷாப்பிங் செய்வதற்கு இந்த சேவை மிகப்பெரிய வரப்பிரசாதம்.

பண்டிகை காலங்களிலோ அல்லது வார இறுதி நாட்களிலோ கடை வீதிகளுக்குச் சென்று ஷாப்பிங் செய்வது பலருக்கும் பிடிக்கும் என்றாலும், வாங்கும் பொருட்களைக் கொண்ட கனமான பைகளைச் சுமந்து கொண்டு அலைவது சிரமமான காரியம். குறிப்பாகப் பெண்களுக்கு ஷாப்பிங் செய்யும்போது பைகளைத் தூக்கி வரவும், பில்லிங் கவுண்டர்களில் நீண்ட நேரம் வரிசையில் நிற்கவும் யாராவது துணையாக இருக்க மாட்டார்களா என்ற ஏக்கம் இருக்கும். இந்தச் சிரமத்திற்குத் தீர்வாக டெல்லியில் ஒரு ஸ்டார்ட்அப் துவங்கப்பட்டுள்ளது. டெல்லியைச் சேர்ந்த இளைஞர் ஒருவர், ஷாப்பிங் செய்பவர்களுக்கு உதவும் வகையில் ‘கேரிமேன்’ (Carryman) என்ற பிரத்யேகச் சேவையை அறிமுகப்படுத்தியுள்ளார்.

• பைகளைச் சுமக்கத் தேவையில்லை: ஷாப்பிங் செய்யும்போது நீங்கள் வாங்கும் பொருள்களின் பைகளை உங்களுடன் வரும் பயிற்சி பெற்ற ஊழியர்கள் பாதுகாப்பாகச் சுமந்து வருவார்கள்.

• நீண்ட வரிசையில் காத்திருக்க வேண்டாம்: கடைகளில் பில் போடுவதற்காக எவ்வளவு பெரிய க்யூ (Queue) இருந்தாலும், உங்களுக்காக அந்த ஊழியர்களே வரிசையில் நின்று பொருள்களை வாங்கிக் கொடுப்பார்கள்.

• கூட்ட நெரிசலில் பாதுகாப்பு: அதிகக் கூட்ட நெரிசல் மிகுந்த கடை வீதிகளில் உங்களைச் பாதுகாப்பாக அழைத்துச் செல்லவும், மெட்ரோ ரயில் நிலையங்கள் மற்றும் வாகன நிறுத்தங்களுக்கு வழிகாட்டவும் இவர்கள் உதவுவார்கள்.

கனமான பைகளைச் சுமக்கத் தயங்கும் பெண்கள், வயதானவர்கள், குழந்தைகளை அழைத்துக் கொண்டு கடைக்கு வருவோர் மற்றும் சமூக வலைத்தளங்களில் பிரபலமானவர்கள் போன்றோருக்கு இந்தச் சேவை மிகவும் பயனுள்ளதாக இருக்கும் என்று தெரிவிக்கப்பட்டுள்ளது.

முதற்கட்டமாக டெல்லியில் உள்ள புகழ்பெற்ற 'லஜ்பத் நகர்' பகுதியில் இந்தச் சேவை சோதனை முறையில் தொடங்கப்பட்டுள்ளது. இதற்கான ஆரம்பக் கட்டணமாக வெறும் ரூ.79 மட்டுமே நிர்ணயிக்கப்பட்டுள்ளது.

தற்போது இதற்கென ஒரு பிரத்யேக இணையத்தளம் உருவாக்கப்பட்டு, மிக விரைவில் முழு அளவில் மக்கள் பயன்பாட்டிற்கு வரவுள்ள இந்த 'கேரிமேன்' சேவை, இனிமேல் ஷாப்பிங் செல்பவர்களுக்கு ஒரு சிறந்த உதவியாளராக இருக்கும் என்பதில் சந்தேகமில்லை. விரைவில் இந்த சேவை தமிழ்நாட்டுக்கு வர வேண்டும் என்பதே இங்குள்ள இல்லத்தரசிகளின் லேட்டஸ்ட் கனவாக இருக்கிறது.

மணப்பெண் 5 டாப் குந்தன் நெற்றிச்சுட்டிகள்: பாரம்பரியமும் புதுமையும்

Priya Velan — Mon, 25 May 2026 09:50:55 +0530

தென்னிந்திய மணப்பெண் அலங்காரத்தில் நெற்றிச்சுட்டி முக்கியமானது. பாரம்பரிய தங்கத்துடன் வடஇந்திய அரச குடும்பத்து 'குந்தன்' வேலைப்பாடு கலந்த டிசைன்கள் ட்ரெண்டாகி வருகின்றன. மரபும் நவீனமும் இணையும் டாப் 5 குந்தன் நெற்றிச்சுட்டி டிசைன்களை இங்கு பார்ப்போம்

டாப் 5 Gen Z ஃபேஷன் ட்ரெண்ட்ஸ்: அசத்தலான தினசரி ஸ்டைல் வழிகாட்டி

Priya Velan — Tue, 26 May 2026 13:26:19 +0530

2026-ல் Gen Z இளைஞர்களின் தினசரி ஃபேஷனை ஆளும் 5 முக்கிய ஸ்டைல்களை இக்கட்டுரை விளக்குகிறது. சௌகரியம், பாரம்பரியம், தனித்துவம் ஆகியவை இணைந்து, இன்றைய இளசுகளின் ஃபேஷன் ரசனையை இந்த ட்ரெண்டுகள் எப்படி மாற்றியமைத்துள்ளன என்பதை எளிய தமிழில் விவரிக்கிறது.

அடிக்கடி ரயில்ல போறீங்களா? ரயில்வே துறையின் இந்த 6 விஷயம் தெரியாம போகாதீங்க!

Priya Velan — Tue, 26 May 2026 10:37:53 +0530

அடிக்கடி ரயிலில் பயணிப்பவர்களில் பலருக்குக் கூட ரயில்வே துறையின் சில அதிரடி விதிகளும், சலுகைகளும் தெரிவதே இல்லை. உங்களது அடுத்த பயணத்தை இன்னும் ஈஸியாகவும், பாதுகாப்பாகவும் மாற்ற நீங்கள் கட்டாயம் தெரிந்து கொள்ள வேண்டிய 6 சுவாரஸ்யமான விஷயங்கள் இதோ!

லோயர் பெர்த் பயணிகள் சிலர் பகலிலேயே தூங்குவதால் மிடில் பெர்த் காரர்கள் உட்கார முடியாமல் அவதிப்படுவார்கள். ஆனால் ரயில்வே விதிப்படி, இரவு 10 மணி முதல் காலை 6 மணி வரை மட்டும்தான் மிடில் பெர்த்தை தூங்குவதற்காக விரித்து வைக்க வேண்டும். மற்ற நேரங்களில் அதை மடக்கி, கீழே உள்ளவர்கள் அமர வழி செய்ய வேண்டும்!

ஆன்லைனில் டிக்கெட் புக் செய்யும் போது 'VIKALP' என்ற ஆப்ஷனை டிக் செய்ய மறக்காதீர்கள். உங்களது டிக்கெட் கன்பார்ம் ஆகவில்லை என்றால், அதே வழித்தடத்தில் செல்லும் பிற மாற்று ரயில்களில் (அதிவேக ரயில்கள் உட்பட) காலியாக இருக்கும் சீட்டுகளை உங்களுக்கு தானாகவே ஒதுக்கும் சூப்பர் திட்டம் இது!

ரயில் கிளம்புவதற்கு 4 மணி நேரத்திற்கு முன்பு (Chart தயாரிக்கும் முன்) வரை உங்களது போர்டிங் ஸ்டேஷனை ஆன்லைனிலேயே மாற்றிக் கொள்ளலாம். இதனால் உங்களது சீட் கேன்சல் ஆகாது. அவசர நேரத்தில் ஆபத்பாந்தவனாக உதவும் டிப் இது!

ரயில்வே விதிகளின்படி, இரவு 10 மணிக்கு மேல் காலை 6 மணி வரை டிடிஆர் (TTE) உங்களது டிக்கெட்டை பரிசோதிக்க உங்களை எழுப்பக் கூடாது. நீங்கள் இரவு 10 மணிக்கு மேல் ரயிலில் ஏறினால் மட்டுமே அவர்கள் செக் செய்யலாம். இடையில் தூங்குபவர்களை தொந்தரவு செய்ய அனுமதி இல்லை!

IRCTC-யில் டிக்கெட் புக் செய்யும் போது வெறும் 35 பைசா கட்டணத்தில் டிராவல் இன்சூரன்ஸ் ஆப்ஷன் இருக்கும். பலரும் இதை கண்டுகொள்ள மாட்டார்கள். ஆனால், பயணத்தின் போது ஏதேனும் விபத்து நேர்ந்தால் ரூ.10 லட்சம் வரை இழப்பீடு பெற இந்த 35 பைசா இன்சூரன்ஸ் உதவும். எப்போதும் இதை ஆன் செய்து வையுங்கள்.

நள்ளிரவில் உங்களது ஸ்டேஷன் வரும் போது தூங்கிவிடுவோம் என்ற பயம் இருக்கா? ரயில்வேயின் '139' ஹெல்ப்லைனுக்கு கால் செய்து 'Destination Alert' செட் செய்துவிட்டால், உங்கள் ஸ்டேஷன் வருவதற்கு 30 நிமிடங்களுக்கு முன்பே உங்களுக்கு போன் கால் அல்லது எஸ்எம்எஸ் அலார்ட் வந்து உங்களை எழுப்பிவிடும்!

Amla Benefits: தினமும் ஒரு நெல்லிக்காய்... ஏன் சாப்பிடணும் தெரியுமா? இதோ காரணங்கள்!

Vedarethinam Ramalingam — Tue, 26 May 2026 13:45:27 +0530

கொஞ்சம் துவர்ப்பாக இருந்தாலும், நெல்லிக்காயில் ஏகப்பட்ட சத்துக்கள் இருக்கின்றன. விட்டமின் சி, இரும்புச்சத்து, கால்சியம் என பல ஊட்டச்சத்துகள் இதில் நிறைந்துள்ளன. தினமும் ஒரு நெல்லிக்காய் சாப்பிட்டால் கிடைக்கும் நன்மைகள் பற்றி இங்கே பார்க்கலாம்.

நெல்லிக்காய் சாப்பிடுவதால் கிடைக்கும் முக்கிய நன்மை, அது உங்கள் நோயெதிர்ப்பு மண்டலத்தை வலுப்படுத்துவதுதான். இதில் உள்ள ஆன்டி-பாக்டீரியல் பண்புகள் இதற்கு உதவுகின்றன. மேலும், நெல்லிக்காயில் உள்ள பல்வேறு ஆன்டி-ஆக்ஸிடன்ட்கள், உடலில் ஏற்படும் ஆக்ஸிடேட்டிவ் பாதிப்புகளைத் தடுக்கின்றன.நெல்லிக்காயில் உள்ள கரோட்டின், கண் பார்வையை மேம்படுத்த உதவுகிறது. இது கண்புரை, கண் அழுத்தம் (intraocular tension) போன்ற பிரச்சனைகளைக் குறைக்கிறது. அத்துடன், கண் சிவத்தல், அரிப்பு போன்றவற்றையும் தடுக்கிறது. தினமும் நெல்லிக்காய் சாப்பிடுவது ஒட்டுமொத்த கண் ஆரோக்கியத்தையும் மேம்படுத்தும்.நெல்லிக்காயில் குரோமியம் சத்து கணிசமாக உள்ளது. இந்த சத்து, கெட்ட கொழுப்பைக் குறைத்து, இன்சுலின் உற்பத்தியைத் தூண்டுகிறது. இதன் மூலம், சர்க்கரை நோயாளிகளின் ரத்த குளுக்கோஸ் அளவை இது சீராக்குகிறது. தினமும் காலையில் நெல்லிக்காய் ஜூஸ் குடிப்பது, ரத்த அழுத்த அளவைக் கட்டுக்குள் வைக்கவும் உதவுகிறது.நெல்லிக்காய் சாப்பிடுவது அசிடிட்டி போன்ற வயிறு தொடர்பான பிரச்சனைகளைத் தடுக்கிறது. மலச்சிக்கல், அசிடிட்டி மற்றும் அல்சர் போன்றவற்றுக்கு இது ஒரு நல்ல தீர்வு. இதில் உள்ள நார்ச்சத்து, வயிற்றில் அமிலம் சுரப்பதைக் கட்டுப்படுத்தி, ஹைப்பர் அசிடிட்டி மற்றும் அல்சர் வராமல் தடுக்கிறது.நெல்லிக்காயில் உள்ள ஒருவகை புரோட்டீன், உணவு மீதான அதீத ஆசையைக் கட்டுப்படுத்த உதவுகிறது. உணவுக்கு முன் ஒரு கிளாஸ் நெல்லிக்காய் ஜூஸ் குடித்தால், பசி குறைந்து, குறைவாகச் சாப்பிடத் தோன்றும். இது மெட்டபாலிசத்தை அதிகரித்து, உடல் எடையைக் குறைக்கவும் உதவுகிறது.சருமம் மற்றும் முடியின் ஆரோக்கியத்திற்கும் நெல்லிக்காய் மிகச் சிறந்தது. இதில் உள்ள விட்டமின் சி, கொலாஜன் சரியான முறையில் செயல்பட உதவுகிறது. இதன் மூலம் உங்கள் சருமத்தின் தரத்தையும் இது மேம்படுத்துகிறது.

குண்டான முகத்தை ஸ்லிம்மாக காட்ட உதவும் எளிய ஸ்மோக்கி ஐ மேக்கப் டிப்ஸ்

Priya Velan — Mon, 25 May 2026 17:57:59 +0530

உங்கள் முகம் வட்டமாகவோ அல்லது பருமனாகவோ உள்ளதா? கவலைப்படாதீர்கள்! சரியான கண் மேக்கப் மூலம் உங்கள் முகத்தை மெலிதாகவும் கூர்மையாகவும் மாற்றலாம். பருமனான முகத்தை அழகாகக் காட்ட உதவும் 5 எளிய ஸ்மோக்கி ஐ மேக்கப் குறிப்புகளை இந்தக் கட்டுரை விளக்குகிறது.

Magnesium Foods: நல்லா தூக்கம் வரணுமா? நைட்ல இந்த மெக்னீசியம் உணவுகளை சாப்பிடுங்க!

Vedarethinam Ramalingam — Tue, 26 May 2026 11:16:31 +0530

உடல் மற்றும் மன ஆரோக்கியத்தை மேம்படுத்த மெக்னீசியம் ரொம்ப முக்கியம். ராத்திரி தூக்கம் வராம கஷ்டப்படுறீங்களா? அப்போ மெக்னீசியம் நிறைந்த இந்த உணவுகளை சாப்பிடுங்க. இது உங்களுக்கு நல்ல ஆழ்ந்த உறக்கத்தைக் கொடுக்கும்.பூசணி விதைகளில் மெக்னீசியம், ஜிங்க் மற்றும் டிரிப்டோபான் சத்துக்கள் உள்ளன. இவை செரோடோனின், மெலடோனின் உற்பத்தியை அதிகரித்து, நல்ல உறக்கத்திற்கு உதவுகின்றன.கீரை போன்ற பச்சைக் காய்கறிகளில் மெக்னீசியம் மற்றும் நார்ச்சத்து அதிகம் உள்ளது. இது குடல் மற்றும் மன ஆரோக்கியத்தை மேம்படுத்தி, அதன் மூலம் நல்ல தூக்கத்தைப் பெற உதவுகிறது.டார்க் சாக்லேட்டில் மெக்னீசியம் அதிக அளவில் உள்ளது. இது உடலில் ரத்த ஓட்டத்தை மேம்படுத்துவதோடு, ரத்த அழுத்தத்தையும் கட்டுக்குள் வைக்க உதவுகிறது.பாதாமில் மெக்னீசியம் மற்றும் ஆரோக்கியமான கொழுப்புகள் நிறைந்துள்ளன. இது ரத்த சர்க்கரையை கட்டுப்படுத்தி, தூக்கத்தைக் கெடுக்கும் கார்டிசோல் ஹார்மோனையும் கட்டுப்படுத்த உதவுகிறது.வாழைப்பழத்தில் மெக்னீசியம், பொட்டாசியம் மற்றும் வைட்டமின் பி6 நிறைந்துள்ளது. இது தூக்கத்தைத் தூண்டும் ஹார்மோன்களை உற்பத்தி செய்து, நிம்மதியான உறக்கத்திற்கு வழிவகுக்கிறது.

பட்ஜெட் விலையில் மனைவிக்கு பரிசளிக்க 7 அழகான வெள்ளி மோதிர டிசைன்கள்!

Priya Velan — Tue, 26 May 2026 12:22:00 +0530

ரூ.1000-க்குள் உங்கள் மனைவிக்கு பரிசளிக்க 7 பிரத்யேக வெள்ளி மோதிர டிசைன்கள் இதோ! இவை பட்ஜெட்டுக்கு ஏற்றவை மட்டுமல்லாமல், பார்ப்பதற்கு மிகவும் ஆடம்பரமான மற்றும் அழகான தோற்றத்தையும் தரும். உங்கள் அன்பை வெளிப்படுத்த சிறந்த தேர்வு.

தங்க முலாம் பூசிய ஜிமிக்கி கம்மல்கள் பெண்களுக்கான ஜும்கா டிசைன்கள்

Priya Velan — Mon, 25 May 2026 10:57:09 +0530

பெண்கள் மற்றும் பெண் குழந்தைகளுக்கான லேட்டஸ்ட் ட்ரெண்டிங் ஜிமிக்கி கம்மல்கள் இதில் தங்க முலாம் பூசிய முத்து, ஹூப், ஜெர்மன் சில்வர் பாரம்பரிய மீனாகாரி மற்றும் கலர்புல் டாஸல் சந்த்பாலி என அனைத்து விசேஷங்களுக்கும் ஏற்ற தனித்துவமான டிசைன்கள் நிறைந்துள்ளன

CM Vijay உத்தரவு : மஞ்சும்மல் பாய்ஸ் போன இடத்துக்கு நீங்க Free-ஆ போலாம்

Arun Mozhi Varman — Mon, 25 May 2026 11:40:08 +0530

CM Vijay உத்தரவு : கொடைக்கானலில் உள்ள வனத்துறைக்கு சொந்தமான இடங்களை மே 31-ஆம் தேதி வரை இலவசமாக பார்வையிடலாம் என்று வனத்துறை முக்கிய அறிவிப்பை வெளியிட்டிருக்கிறது.

கோடை வெயிலிலில் இருந்து தப்பிக்கும் பொருட்டு சென்னை போன்ற வெப்பம் அதிகமாக உள்ள பகுதிகளில் இருந்து மக்கள் தங்களுடைய குடும்பங்களுடன் மலைப்பிரதேசங்களான ஊட்டி, கொடைக்கானல் போன்ற இடங்களுக்கு செல்வது வழக்கம். அந்த வகையில் இந்த முறையும் கொடைக்கானலில் மக்கள் கூட்டம் அலை மோதுகிறது.

இந்நிலையில், போக்குவரத்தைக் கட்டுப்படுத்தும் விதமாகவும், பொதுமக்கள் எளிதாக பல்வேறு இடங்களுக்கு சென்று வருவதற்கு எதுவாகவும், வனத்துறை கட்டுப்பாட்டில் உள்ள இடங்களை இலவசமாக பார்வையிட, முதல் அமைச்சர் ஜோசப் விஜய் அவர்களின் உத்தரவின் பேரில் வனத்துறை இதற்கான அறிவிப்பை வெளியிட்டிருக்கிறது.

இதன்படி, கொடைக்கானலில் உள்ள முக்கிய சுற்றுலாத் தலங்களான தூண் பாறை, மோயர் சதுக்கம், ஃபைன் மரக்காடுகள் உள்ளிட்டவற்றை நுழைவுக்கட்டணமின்றி மக்கள் இலவசமாக பார்வையிடலாம் என்று திண்டுக்கல் மாவட்ட ஆட்சியர் அறிவித்துள்ளார்.

இவற்றில், கமலின் குணா படத்தன் மூலம் பிரபலமான ‘டெவில்ஸ் கிச்சன்’ பகுதியும் அடங்கும். அதோடு, மஞ்சும்மல் பாய்ஸ் படம் வெளிவந்த பின்னர் இன்றைய இளைஞர்களின் சென்சேஷனாக குணா குகை திகழ்ந்து வருகிறது. இந்தப் பகுதியை இலவசமாக சுற்றிப் பார்க்கும் வாய்ப்பு வரவேற்கத்தக்கது என்ற அதேவேளை, பொதுமக்கள் கவனமுடனும், பொறுப்புடனும் சுற்றிப்பார்க்க வேண்டும் எனவும் கேட்டுக்கொள்ளப்படுகிறார்கள்.

பெண்குழந்தைகளுக்கான டாப் லேட்டஸ்ட் ஃபேஷன் உடைகள், ட்ரெண்டுகள்

Priya Velan — Tue, 26 May 2026 15:17:00 +0530

இக்காலத்தில் பெரியவர்கள் போலவே குழந்தைகளும் அழகிய ஆடைகளை விரும்புகின்றனர். குறிப்பாக, பெண் குழந்தைகளுக்கான ஆடைகள் நாளுக்கு நாள் புதுமையாக மாறுகின்றன. பழமையான கிளாசிக் மாடல்களும் நவீன போல்டு டிசைன்களும் இணைந்து புதிய ட்ரெண்டுகளை உருவாக்கியுள்ளன.

Heart: திடீர் மாரடைப்பு என்பது அப்பட்டமான பொய்..! உங்களுக்குள் பதுங்கியிருக்கும் 4 சைலண்ட் வில்லன்ஸ்

Velmurugan s — Tue, 26 May 2026 09:53:54 +0530

Heart Attack Warning Signs | இதய நோய் ஒரே நொடியில் வருவது போல தோன்றினாலும், அதன் பின்னால் பல ஆண்டுகளாக அமைதியாக செயல்படும் ‘சைலன்ட் கில்லர்கள்’ தான் காரணமாக இருப்பதாக மருத்துவர்கள் எச்சரிக்கின்றனர்.

ஒருவருக்கு முதல்முறையாக மாரடைப்போ (Heart Attack) அல்லது பக்கவாதமோ (Stroke) ஏற்படும் போது, சுற்றத்தினர் பெரும்பாலும், "நேற்று வரை நல்லாத்தானே இருந்தார், திடீரென்று இப்படி ஆகிவிட்டதே!" என்று பதறுவார்கள்.

ஆனால், ஹைதராபாத் அப்போலோ மருத்துவமனையின் மூத்த நரம்பியல் நிபுணரான டாக்டர் சுதிர் குமார் (MD) தனியார் ஆங்கில பத்திரிகைக்கு அளித்த பேட்டியில், "இது ஒருபோதும் திடீரென நடப்பதில்லை" என்று கூறுகிறார்.

மாரடைப்பு, பக்கவாதம் மற்றும் இதய செயலிழப்பு போன்ற ஆபத்துகள் அனைத்தும் நான்கு 'மறைமுக' காரணங்களால்தான் ஏற்படுகின்றன. இதில் மிகச்சிறந்த விஷயம் என்னவென்றால், இந்த நான்கு காரணங்களையும் நம்மால் முற்றிலும் கட்டுப்படுத்த முடியும்! "நான் ஆரோக்கியமாகத்தான் இருக்கிறேன்" என்று நினைக்கும் ஒவ்வொருவரும் தெரிந்துகொள்ள வேண்டிய கசப்பான உண்மை இதோ…

மாரடைப்பும் பக்கவாதமும் கணிக்க முடியாத பேரழிவுகள் என்றுதான் பலரும் நினைக்கிறார்கள். ஆனால், முதல்முறை மாரடைப்பு அல்லது பக்கவாதத்தால் பாதிக்கப்படும் 99% நோயாளிகளுக்கு, ஏற்கனவே உடலுக்குள் ஏதோ ஒரு பாதிப்பு இருந்திருக்கிறது என்கிறார் டாக்டர் சுதிர் குமார். அதை அவர்கள் கவனிக்காமல் விட்டிருக்கலாம், அல்லது பரிசோதனை செய்து பார்க்காமல் அலட்சியப்படுத்தியிருக்கலாம்.

சுருக்கமாகச் சொன்னால்: இந்த ஆபத்துகள் எதுவும் எதிர்பாராமல் நடக்கும் விபத்துக்கள் அல்ல. பல வருடங்களாக உடலுக்குள் சத்தமில்லாமல் நடந்த சதியின் 'இறுதி வடிவம்' தான் அந்த மாரடைப்பு!

உங்களுக்கு எந்த அறிகுறியும் தெரியாமல் இருக்கலாம், ஆனால் உங்களுக்குள் இந்த நான்கு விஷயங்கள் ஒளிந்திருந்து உங்களைத் தாக்கக் காத்துக் கொண்டிருக்கலாம்:

இரத்த அழுத்தம் (High BP): சத்தமில்லாத கொலையாளி

உயர் இரத்த அழுத்தம் நமக்கு எந்தவொரு வெளிப்படையான அறிகுறியையும் காட்டுவதில்லை. இதனால், பல ஆண்டுகள் தங்களுக்கு BP இருப்பதே தெரியாமல் பலர் வாழ்கிறார்கள். இது மெல்ல மெல்ல இரத்த நாளங்களைச் சேதப்படுத்தி, இதயத்தின் வேலைப்பளுவை அதிகமாக்குகிறது. மாரடைப்பு மற்றும் பக்கவாதத்திற்கு இதுவே மிக முக்கியக் காரணம்.

இரத்தத்தில் கெட்ட கொலஸ்ட்ரால் (LDL) அதிகரிக்கும் போது, அது இரத்த நாளங்களின் சுவர்களில் மெல்ல மெல்ல படிந்து, தடிமனான தட்டுகளாக மாறுகிறது. நாளடைவில், இது இரத்த ஓட்டத்தைச் சுருக்கி, திடீரென வெடித்து இரத்த உறைவை ஏற்படுத்துகிறது. இதுவே சில நிமிடங்களில் மாரடைப்பாக மாறுகிறது.

பார்டர் (Border) அளவில் சர்க்கரை இருப்பவர்களோ அல்லது தங்களுக்கு நீரிழிவு நோய் இருப்பதை அறியாமல் இருப்பவர்களோ இன்று ஏராளம். இரத்தத்தில் சர்க்கரை அளவு அதிகமாக இருக்கும்போது, அது இரத்த நாளங்களில் வீக்கத்தை ஏற்படுத்தி, கொழுப்புப் படிவங்களை வேகமாக உருவாக்குகிறது. சர்க்கரை நோய் என்று அதிகாரப்பூர்வமாக மாறுவதற்கு முன்பே, இது இதயத்தை பாதிக்கத் தொடங்கிவிடுகிறது.

புகைபிடித்தல் நுரையீரலை மட்டும் கெடுப்பதில்லை; அது இரத்தத்தை தடிமனாக்குகிறது, இரத்த நாளங்களைச் சேதப்படுத்துகிறது மற்றும் உடலுக்குச் செல்லும் ஆக்ஸிஜன் அளவைக் குறைக்கிறது. நீங்கள் தற்போது புகைபிடிப்பவராக இருந்தாலும் சரி, அல்லது முன்பே புகைப் பழக்கத்தைக் கைவிட்டவராக இருந்தாலும் சரி, அதன் பாதிப்பு உடலில் சில காலம் நீடிக்கும் (இருப்பினும் புகையை நிறுத்துவது ஆபத்தை பெருமளவு குறைக்கும்).

டாக்டர் சுதிர் குமார் கூறும் செய்தியில் நமக்கு இருக்கும் மிகப்பெரிய நம்பிக்கை என்னவென்றால், இந்த நான்கு காரணங்களும் நமது பரம்பரைத் தன்மையாலோ அல்லது மாற்ற முடியாத விதியாலோ எழுதப்பட்டவை அல்ல! நமது அன்றாடப் பழக்க வழக்கங்களால் இவற்றை முற்றிலும் மாற்றியமைக்க முடியும்.

உங்கள் வாழ்க்கையில் செய்ய வேண்டிய எளிய மாற்றங்கள்:

முறையான இடைவெளியில் இரத்த அழுத்தத்தை (BP) பரிசோதிப்பது.

உணவு முறை, உடற்பயிற்சி மற்றும் தேவைப்பட்டால் மருத்துவர் ஆலோசனைப்படி மருந்துகளின் மூலம் கொழுப்பைக் கட்டுப்படுத்துவது.

சர்க்கரை அளவைக் கண்காணிப்பில் வைத்திருப்பது.

புகைப்பிடிக்கும் பழக்கத்தை இன்றோடு முழுமையாகக் கைவிடுவது.

வருடத்திற்கு ஒருமுறை முழு உடல் பரிசோதனை (Master Health Check-up) செய்வது.

பதப்படுத்தப்பட்ட உணவுகளைத் தவிர்த்து, சத்தான உணவுகளை உண்பது.

வாரத்திற்கு குறைந்தது 150 நிமிடங்களாவது உடற்பயிற்சி செய்வது.

இந்த விஷயங்களில் நீங்கள் காட்டும் வெறும் 10% முன்னேற்றம் கூட, உங்களை மாரடைப்பு மற்றும் பக்கவாதத்தின் பிடியிலிருந்து பெருமளவு காப்பாற்றும்!

ஒரு நரம்பியல் நிபுணராக, தங்களுக்குப் பக்கவாதம் வரும் என்று கனவிலும் நினைக்காத பல நோயாளிகளை டாக்டர் சுதிர் குமார் தினமும் சந்திக்கிறார்.

பக்கவாதம் (Stroke) வரும்போது, மனிதர்களால் பேச முடியாமல், நடக்க முடியாமல், அடுத்தவர்களின் உதவியை நாடி வாழும் நிலை ஏற்படுகிறது; சில நேரங்களில் மரணமும் சம்பவிக்கிறது. ஆனால், இவர்கள் தங்களின் BP, சர்க்கரை போன்றவற்றை முன்கூட்டியே கவனித்து சிகிச்சை பெற்றிருந்தால், இந்த வாழ்நாள் முடக்கத்தைத் தவிர்த்திருக்கலாம் என்பதே மருத்துவரின் ஆதங்கம்.

மருத்துவரின் நல்வாக்கு: "உங்கள் உடலின் எண்களை (BP, Sugar, Cholesterol அளவுகளை) பரிசோதனை செய்து தெரிந்துகொள்ளுங்கள். ஆபத்து வரும் வரை காத்திருக்காதீர்கள். அறிகுறி வெளியில் தெரியும்போது, காலம் கடந்திருக்கலாம்."

ஆரோக்கியம் என்பது உணர்வில் இல்லை, எண்களில் உள்ளது!

கார்டியோவாஸ்குலர் (இதய நோய்) பற்றிய மிகப்பெரிய கட்டுக்கதை என்னவென்றால், அது எந்த எச்சரிக்கையும் தராமல் வரும் என்பதுதான். ஆனால் அறிவியல் கூறுவது வேறு: "உங்கள் உடல் பல வருடங்களாக ஆபத்துக்கான சிக்னல்களைத் தந்துகொண்டுதான் இருக்கிறது, நீங்கள் அதை அளந்து பார்க்கவில்லை, அவ்வளவுதான்!"

நாம் நன்றாக உணர்கிறோம் என்பதால் மட்டுமே நாம் ஆரோக்கியமாக இருக்கிறோம் என்று அர்த்தமல்ல; நம் உடலின் 'எண்கள்' (Medical Reports) என்ன சொல்கின்றன என்பதே முக்கியம்.

எனவே, இன்றே உங்கள் இரத்த அழுத்தம், கொலஸ்ட்ரால் மற்றும் சர்க்கரை அளவைச் சோதியுங்கள். புகைப்பிடிப்பவராக இருந்தால் உடனே நிறுத்துங்கள். தள்ளிப்போட்ட மருத்துவப் பரிசோதனையை உடனே செய்யத் தொடங்குங்கள்.

இன்று நீங்கள் எடுக்கும் இந்த ஒரு முடிவு, உங்கள் இதயத்தின் ஆயுளை நீட்டிக்கும்!

Washing Machine Cleaning Tips: உங்க வாஷிங் மெஷின் லைஃப் லாங் வரணுமா? அப்போ மாசத்துக்கு ஒருமுறை இதை செய்யுங்க!

vinoth kumar — Tue, 26 May 2026 17:35:54 +0530

Washing Machine: துவைத்த துணிகளில் கெட்ட வாசனை வருகிறதா? உங்கள் வாஷிங் மெஷினில் படிந்திருக்கும் அழுக்கு மற்றும் பூஞ்சைகளே காரணம். சமையலறைப் பொருட்களைக் கொண்டே உங்கள் வாஷிங் மெஷினைப் புதுசு போல மாற்றுவதற்கான எளிய வழிகள்.

தினமும் நம்ம துணிகளை பளிச்சுனு மாத்துற வாஷிங் மெஷினுக்குள்ளயும் ஏகப்பட்ட அழுக்கும், பூஞ்சைகளும், கெட்ட வாசனையும் ஒளிஞ்சிருக்கும்னு உங்களுக்குத் தெரியுமா? இதனாலதான் சில நேரங்கள்ல துவைச்ச துணிகள்ல ஒருவிதமான பேட் ஸ்மெல் அடிக்கும். விலையுயர்ந்த கெமிக்கல்கள் எதுவும் இல்லாம, உங்க வீட்டு சமையலறையில் இருக்கிற பொருட்களை வச்சே வாஷிங் மெஷினை அப்படியே புதுசு போல மாத்த சில சூப்பர் டிப்ஸ் இதோ!

பாதி எலுமிச்சை பழத்தை எடுத்து, அதன் மேல் சிறிதளவு டூத்பேஸ்ட்டை தடவிக்கொள்ளுங்கள். அதை வாஷிங் மெஷினின் டிரம் (Drum) பகுதியின் உள்பக்கத்தில் நன்றாகத் தேய்க்க வேண்டும். அதன் பிறகு, துணிகள் எதுவும் போடாமல் வெறும் தண்ணீரை மட்டும் நிரப்பி ஒரு முறை 'Empty Cycle'-ல் மெஷினை ஓடவிட்டால், உள்ளே இருக்கும் கறைகள் நீங்கி மெஷின் பளபளப்பதோடு எலுமிச்சையின் சூப்பர் நறுமணமும் வீசும்.

வாய் கொப்பளிக்கப் பயன்படுத்தும் மவுத்வாஷில் பாக்டீரியாக்களை அழிக்கும் சக்தி அதிகம் உள்ளது. டிடர்ஜென்ட் போடும் பாக்ஸில் இரண்டு மூடி மவுத்வாஷை ஊற்றி, மெஷினை 'Quick Wash' மோடில் ஆன் செய்யுங்கள். இது உள்ளே மறைந்திருக்கும் கண்ணுக்குத் தெரியாத கிருமிகள் மற்றும் பூஞ்சைகளை வேரோடு அழித்துவிடும்.

முக்கியமாக ஃபிரன்ட் லோட் மெஷின்களின் கதவுப் பகுதியில் இருக்கும் ரப்பர் வளையத்தில்தான் தண்ணீர் தேங்கி கறுப்பு நிறக் கறைகளும், பாசியும் படியும். ஆப்பிள் சைடர் வினிகரில் ஒரு காட்டன் துணியை நனைத்து, அந்த ரப்பர் பகுதியை நன்றாகத் துடைத்தெடுத்தால் கறுப்பு கறைகள் அனைத்தும் இருந்த இடம் தெரியாமல் மறைந்துவிடும்.

சோப்புத் தூள் அல்லது லிக்விட் ஊற்றும் பாக்ஸில் காலப்போக்கில் சோப்புத் துகள்கள் கெட்டியாகப் படிந்துவிடும். அந்த பாக்ஸை தனியாகக் கழற்றி, வெதுவெதுப்பான நீரில் கொஞ்சம் பேக்கிங் சோடா கலந்து 10 நிமிடம் ஊற வையுங்கள். பிறகு, ஒரு பழைய டூத் பிரஷ்ஷை கொண்டு தேய்த்தால் பாக்ஸ் சுத்தமாகி புதுசு போல மாறும்.

துணிகளில் இருந்து வெளியேறும் நூல் இழை, அழுக்கு மற்றும் காசுகள் அனைத்தும் மெஷினின் கீழே இருக்கும் ஃபில்டரில் (Lint Filter) தான் போய் தங்கும். மாதத்திற்கு ஒரு முறையாவது இந்த ஃபில்டரை திறந்து அதில் சேர்ந்துள்ள குப்பைகளை அப்புறப்படுத்த வேண்டும். இது மெஷினின் ஆயுளை (Lifespan) பல வருடங்களுக்கு நீட்டிக்கச் செய்யும்.