Asianet News Tamil

Bank Holiday : செப்.27 ஞாயிற்றுக்கிழமை வங்கிகள் திறப்பு! செப்.28 முதல் 3 நாள் என்ன நடக்கும்?

Arun Mozhi Varman — Wed, 23 Sep 2026 16:21:09 +0530

Bank Holiday : செப்.27 ஞாயிற்றுக்கிழமை பொதுத்துறை மற்றும் பிராந்திய ஊரக வங்கிகள் செயல்படும். செப்.28 முதல் 30 வரை திட்டமிடப்பட்டுள்ள 3 நாள் வேலைநிறுத்தம் காரணமாக இந்த மாற்றம் செய்யப்பட்டுள்ளது.

பொதுவாக ஞாயிற்றுக்கிழமை வங்கிகள் செயல்படாது. ஆனால் செப்.27, ஞாயிற்றுக்கிழமை பொதுத்துறை வங்கிகள் மற்றும் பிராந்திய ஊரக வங்கிகள் செயல்படும் என்று மத்திய நிதி அமைச்சகம் தெரிவித்துள்ளது.

காரணம், வங்கி தொழிற்சங்கங்கள் செப்.28 முதல் 30 வரை 3 நாள் நாடு தழுவிய வேலைநிறுத்தத்துக்கு அழைப்பு விடுத்துள்ளன. செப்.26, 27 வார இறுதி விடுமுறையுடன் வேலைநிறுத்தமும் சேரும்போது தொடர்ந்து 5 நாட்கள் வங்கி சேவை பாதிக்கப்படக்கூடும் என்பதால், செப்.27 அன்று வங்கிகளைத் திறக்க முடிவு செய்யப்பட்டுள்ளது.

இதையும் படிங்க : Dry Fruits : பாதாம், முந்திரியை மாதக்கணக்கில் கெடாமல், மொறுமொறுப்பு குறையாமல் வைத்திருக்க சூப்பர் டிப்ஸ்!

செப்.27 அன்று செயல்படும் வங்கிகளின்:

வங்கி கிளைகள்
அலுவலகங்கள்
ஏ.டி.எம். இணைப்பு கிளைகள்
பணப்பெட்டகங்கள்

ஆகியவை செயல்பட ரிசர்வ் வங்கி அனுமதி அளித்துள்ளது.

எனவே கிளைக்கு நேரடியாகச் சென்று செய்ய வேண்டிய முக்கிய வங்கி வேலைகள் இருந்தால், செப்.27-ஐ பயன்படுத்திக் கொள்ளலாம்.

இதையும் படிங்க : Kidney Stones : சிறுநீரக கற்கள் ஏன் உருவாகின்றன? வராமல் தடுக்க இந்த 5 வழிகளைப் பின்பற்றுங்க!

வங்கி தொழிற்சங்கங்கள் செப்.28, 29, 30 ஆகிய 3 நாட்களுக்கு வேலைநிறுத்தத்துக்கு அழைப்பு விடுத்துள்ளன. இந்த வேலைநிறுத்தம் நடந்தால், குறிப்பாக கிளை சேவைகள், காசோலை பரிவர்த்தனை, தீர்வு பணிகள் உள்ளிட்ட சில சேவைகள் பாதிக்கப்படலாம். செப்.30 வங்கிகளின் அரையாண்டு கணக்கு முடிப்பு நாளாக இருப்பதால், இந்த காலகட்டம் முக்கியமானதாக உள்ளது.

அதே நேரத்தில், அரசு மற்றும் வங்கி நிர்வாகங்கள் வேலைநிறுத்தத்தைத் தவிர்க்க தொழிற்சங்கங்களுடன் பேச்சுவார்த்தை நடத்தி வருகின்றன. எனவே செப்.28–30 தேதிகளில் வங்கி கிளை சேவைகள் தொடர்பான இறுதி நிலவரத்தை உங்கள் வங்கியின் அறிவிப்பில் சரிபார்ப்பது நல்லது.

சுருக்கமாக:

செப்.26 – வார இறுதி விடுமுறை

செப்.27 – பொதுத்துறை மற்றும் பிராந்திய ஊரக வங்கிகள் திறப்பு

செப்.28–30 – திட்டமிடப்பட்ட 3 நாள் வங்கி வேலைநிறுத்தம்

இதையும் படிங்க : Amazon Sale : ₹5,000 முதல் ₹50,000 வரை சேமிக்கலாம்! அக்டோபர் 8க்கு முன் இந்த 10 பொருட்களை வாங்காதீங்க!

Vehicle Owners Alert: அக்டோபர் 1 முதல் அதிரடி.. இந்த ஒரு சான்றிதழ் இல்லையென்றால் ரூ.10,000 வரை அபராதம்

Raghupati R — Wed, 30 Sep 2026 17:59:11 +0530

Vehicle Owners Alert: கார் அல்லது பைக் வைத்திருப்பவர்கள் இந்தத் தகவலை தவறாமல் தெரிந்து வைத்திருக்க வேண்டும். அக்டோபர் 1 முதல் புதிய விதிகள் அமலுக்கு வருகிறது. இதை விரிவாக பார்க்கலாம்.

கார் அல்லது பைக் வைத்திருப்பவர்கள் இந்தத் தகவலைத் தவறாமல் தெரிந்து வைத்திருக்க வேண்டும். அக்டோபர் 1, 2026 முதல் வாகனங்களுக்கு மாசுக் கட்டுப்பாட்டு சான்றிதழ் தொடர்பான சோதனைகள் தீவிரப்படுத்தப்பட்டுள்ளன. செல்லுபடியாகும் சான்றிதழ் இல்லாமல் வாகனம் இயக்கப்படுவது கண்டறியப்பட்டால், ஏற்கனவே உள்ள விதிகளின்படி ரூ.10,000 வரை அபராதம் விதிக்கப்படலாம். அது எங்கு என்பதை விரிவாக பார்க்கலாம்.

வாகனம் வைத்திருப்பவர்களுக்கு டெல்லி அரசின் முக்கிய அறிவிப்பை வெளியிட்டுள்ளது. தலைநகரில் குளிர்காலம் தொடங்கும் காலத்தில் காற்று மாசு அதிகரிக்கும் நிலையில், வாகனங்களால் ஏற்படும் மாசைக் கட்டுப்படுத்தும் நடவடிக்கைகள் தீவிரப்படுத்தப்பட்டுள்ளன. இதன் ஒரு பகுதியாக, அக்டோபர் 1, 2026 முதல் செல்லுபடியாகும் மாசுக் கட்டுப்பாட்டு சான்றிதழ் இல்லாத வாகனங்களுக்கு எதிராக சிறப்பு நடவடிக்கை தொடங்கப்பட்டுள்ளது. டெல்லி முதலமைச்சர் ரேகா குப்தா இதனை அறிவித்துள்ளார். முக்கியமாக பெட்ரோல், டீசல் மற்றும் சிஎன்ஜி வாகனங்கள் செல்லுபடியாகும் மாசுக் கட்டுப்பாட்டு சான்றிதழை வைத்திருக்க வேண்டும்.

மத்திய மோட்டார் வாகன விதிகள், 1989-ன் விதி 115(7)ன்படி, வாகனம் முதல் முறையாக பதிவு செய்யப்பட்டது ஒரு ஆண்டு முடிந்த பிறகு செல்லுபடியாகும் மாசுக் கட்டுப்பாட்டு சான்றிதழ் வைத்திருப்பது கட்டாயம். அதிகாரிகள் சோதனையின்போது அந்தச் சான்றிதழை கேட்கும்போது சமர்ப்பிக்க வேண்டும். மின்சார வாகனங்களுக்கு வெளியேற்றக் குழாய் மாசு இல்லாததால் இந்தத் தேவையிலிருந்து விலக்கு அளிக்கப்பட்டுள்ளது. இப்போது முக்கியமாக தெரிந்துகொள்ள வேண்டியது, சான்றிதழ் இல்லாத வாகனங்களுக்கு என்ன நடக்கும் என்பதுதான். அக்டோபர் 1 முதல் தொடங்கும் சிறப்பு கண்காணிப்பில் செல்லுபடியாகும் சான்றிதழ் இல்லாத வாகனங்கள் கண்டறியப்பட்டால், விதிகளின்படி அபராதம் மற்றும் வழக்குப்பதிவு நடவடிக்கை எடுக்கப்படலாம்.

ரூ.400 பொருள் வெறும் ரூ.199 மட்டுமே.. மிஸ் பண்ணாதீங்க.. டிமார்ட்டில் அதிரடி சலுகை

அதிகாரிகள் தெரிவித்த தகவலின்படி, இப்படிப்பட்ட விதிமீறலுக்கு ரூ.10,000 வரை அபராதம் விதிக்கப்படலாம். எனவே, காலாவதியான சான்றிதழுடன் வாகனம் ஓட்டுவது இனி கவனிக்காமல் விடப்படும் விஷயமாக இருக்காது. இதோடு நடவடிக்கை சாலையில் மட்டும் நிற்கவில்லை. மாசுக் கட்டுப்பாட்டு சோதனை மையங்களின் இயக்க தொழில்நுட்பத்தின் மூலம் கண்காணித்து, அதை மேலும் நம்பகமானதாக மாற்ற டெல்லி அரசு நடவடிக்கை எடுக்கப்படுகிறது. இதற்கிடையில், புராரியில் புதிய தானியங்கி வாகனச் சோதனை மையமும் தொடங்கப்பட்டுள்ளது. ஆண்டுக்கு சுமார் 1 லட்சம் வாகனங்களை சோதிக்கும் திறன் கொண்ட இந்த மையத்தில் பிரேக், வாகனத் தாங்கு அமைப்பு, முகப்பு விளக்குகள், வாகனத்தின் கீழ்பகுதி மற்றும் மாசு வெளியேற்றம் உள்ளிட்டவை தானியங்கி முறையில் பரிசோதிக்கப்பட உள்ளன.

இதனால் டெல்லியில் வாகனம் வைத்திருப்பவர்கள் அக்டோபர் 1-ந்தேதிக்கு முன்னதாகவே தங்களது மாசுக் கட்டுப்பாட்டு சான்றிதழ் செல்லுபடியாகும் என்பதை சரிபார்த்துக் கொள்வது முக்கியம். சான்றிதழ் காலாவதியாகியிருந்தால் உரிய மையத்தில் சோதனை செய்து புதிய சான்றிதழைப் பெறலாம். மேலும், சான்றிதழின் மின்னணு நகர டிஜிலாக்கர் அல்லது எம்-பரிவாஹன் போன்ற அரசின் மின்னணு சேவைகள் வைத்திருப்பது சோதனை நேரத்தில் உதவியாக இருக்கும். சிறிய கவனக்குறைவு பின்னர் பெரிய அபராதமாக மாறாமல் இருக்க, இப்போதே ஆவணத்தைச் சரிபார்ப்பது பாதுகாப்பான நடவடிக்கையாகும்.

ரூ.2,000க்கு மேல் யு.பி.ஐ-க்கு 0.4% கட்டணத்தை எப்படி நிர்ணயித்தீர்கள்? மத்திய அரசிடம் சுப்ரீம் கோர்ட் கிடுக்கிப்பிடி!

Meenakshisundaram — Mon, 28 Sep 2026 18:42:48 +0530

ரூ.2,000-க்கு மேற்பட்ட யுபிஐ பரிவர்த்தனை கட்டணத்திற்கு தடை விதிக்க சுப்ரீம் கோர்ட் மறுப்பு. அக்.15 முதல் புதிய விதிகள் அமல்; எம்.டி.ஆர் கட்டணம் எந்த சட்ட அடிப்படையில் விதிக்கப்படுகிறது, 0.4% எப்படி நிர்ணயிக்கப்பட்டது குறித்து விளக்கமளிக்க உத்தரவு.

ரூ.2,000-க்கு மேற்பட்ட யுபிஐ பரிவர்த்தனைகளுக்கு அக்.15-ஆம் தேதி முதல் கட்டணம் வசூலிக்கும் மத்திய அரசின் முடிவுக்கு இடைக்காலத் தடை விதிக்க உச்ச நீதிமன்றம் மறுத்துவிட்டது. அதே வேளையில், இக்கட்டணம் எந்த சட்ட அடிப்படையில் விதிக்கப்படுகிறது என்பது குறித்து விரிவான விளக்கம் அளிக்குமாறு மத்திய அரசு, ரிசர்வ் வங்கி (RBI), என்.பி.சி.ஐ (NPCI) ஆகியவற்றுக்கு உச்ச நீதிமன்றம் நோட்டீஸ் பிறப்பித்துள்ளது.

நாட்டில் பெட்டிக்கடை முதல் பெரிய அளவிலான கொடுக்கல் வாங்கல்கள் வரை யுபிஐ மூலமாகவே பெரும்பான்மையான டிஜிட்டல் பரிவர்த்தனைகள் நடைபெற்று வருகின்றன. இந்நிலையில், குறிப்பிட்ட யுபிஐ பரிவர்த்தனைகளுக்குக் கட்டணம் விதிக்கும் மத்திய அரசின் அறிவிப்பை எதிர்த்து வழக்கறிஞர் அஞ்சன் தத்தா உச்ச நீதிமன்றத்தில் பொதுநல மனு ஒன்றைத் தாக்கல் செய்தார்.

இந்த மனுவை உச்ச நீதிமன்றத் தலைமை நீதிபதி சூர்ய காந்த், நீதிபதிகள் ஜாய்மால்யா பாக்சி மற்றும் வி. மோகனா ஆகியோர் அடங்கிய அமர்வு விசாரித்தது.

அரசு வெளியிட்டுள்ள புதிய விதிகளின்படி: தனிநபர்களுக்கு இடையே (P2P - Person to Person) பணம் அனுப்ப எந்தவிதக் கட்டணமும் கிடையாது.

வணிக பரிவர்த்தனைகள் (P2M): கடைகள் மற்றும் வணிக நிறுவனங்களுக்குச் செலுத்தப்படும் தொகையில் (Person to Merchant), ரூ.2,000-க்கு மேல் இருக்கும் பட்சத்தில் 0.4% கட்டணம் விதிக்கப்படும். ரூ.75,000 மற்றும் அதற்கு மேற்பட்ட பரிவர்த்தனைகளுக்கு அதிகபட்சமாக ரூ.300 வரை மட்டுமே கட்டணம் நிர்ணயிக்கப்பட்டுள்ளது.

அத்தியாவசியத் துறைகள்: ரயில்வே, தொலைத்தொடர்பு, காப்பீடு, எரிபொருள் மற்றும் விவசாய இடுபொருட்கள் போன்ற துறைகளுக்கு ரூ.2,000-க்கு மேல் செலுத்தப்படும் பரிவர்த்தனைகளுக்கு ரூ.5 மட்டுமே கட்டணமாக வசூலிக்கப்படும். மூலதனச் சந்தை சார்ந்த பரிவர்த்தனைகளுக்கு 0.02% கட்டணம் உண்டு.

விலக்குகள்: ரூ.2,000 வரையிலான பரிவர்த்தனைகளுக்கும், மாதத்திற்கு யுபிஐ மூலம் ரூ.1 லட்சம் வரை பெறும் சிறு வணிகர்களுக்கும் இந்த கட்டணத்திலிருந்து முழு விலக்கு அளிக்கப்பட்டுள்ளது. இதன்மூலம் சுமார் 96% வணிக யுபிஐ பரிவர்த்தனைகள் பாதிக்கப்படாது என அரசுத் தரப்பில் தெரிவிக்கப்பட்டுள்ளது.

விசாரணையின்போது நீதிபதி ஜாய்மால்யா பாக்சி, இந்த எம்.டி.ஆர் (MDR) கட்டணம் என்பது வரியா அல்லது அரசுக் கட்டணமா? இல்லையெனில் இதை வசூலிப்பதற்கான நிர்வாக அதிகாரம் அரசுக்கு எங்கிருந்து வருகிறது? என்று கேள்வி எழுப்பினார்.

இதற்கு மத்திய அரசு தரப்பில் ஆஜரான கூடுதல் சொலிசிட்டர் ஜெனரல் வெங்கடராமன் வாதாடுகையில், "இது வரியோ அல்லது அரசுக்கான கட்டணமோ அல்ல; இந்தப் பணம் அரசுக்குச் செல்லாது. யுபிஐ பரிவர்த்தனையை வெற்றிகரமாகச் செயல்படுத்தும் வங்கிகள் உள்ளிட்ட கட்டண அமைப்புகளின் (Payment Systems) செயல்பாட்டுச் செலவுகளை ஈடுகட்டவே இந்தத் தொகை நிர்ணயிக்கப்பட்டுள்ளது" என்று விளக்கமளித்தார்.

மனுதாரர் தரப்பில், ரூ.2,000 வரம்பு மற்றும் சிறு வணிகர்களுக்கான ரூ.1 லட்சம் மாதாந்திர வரம்பு எதன் அடிப்படையில் முடிவுசெய்யப்பட்டது என்பதற்கான தெளிவான விளக்கம் இல்ல. வணிகர்கள் மீது சுமத்தப்படும் இந்த கூடுதல் சுமை, மறைமுகமாக வாடிக்கையாளர்கள் மீதே திணிக்கப்படும் அபாயம் உள்ளது என்று வாதிடப்பட்டது.

இருதரப்பு வாதங்களையும் கேட்ட நீதிபதிகள் அமர்வு, அக்.15 முதல் அமலுக்கு வரும் இக்கட்டண முறைக்கு இடைக்காலத் தடை விதிக்க மறுத்துவிட்டது. அதேநேரத்தில், 0.4% கட்டணம் எவ்வாறு கணக்கிடப்பட்டது மற்றும் இந்தக் கட்டண விதிப்புக்கான சட்டரீதியான பின்னணி என்ன என்பது குறித்து பிரமாணப் பத்திரமாகத் தாக்கல் செய்யுமாறு மத்திய அரசு, ரிசர்வ் வங்கி மற்றும் என்.பி.சி.ஐ ஆகியவற்றுக்கு உத்தரவிட்டுள்ளது.

Bank Strike: வங்கி வேலைநிறுத்தம் திடீர் ஒத்திவைப்பு..! 5 நாள் வேலை வாரம் குறித்து முக்கிய முடிவு..!

Asianet News — Mon, 28 Sep 2026 08:21:24 +0530

செப்டம்பர் 28 முதல் 30 வரை நடைபெறவிருந்த 3 நாள் வங்கி ஊழியர்களின் வேலைநிறுத்தம் திடீரென ஒத்திவைக்கப்பட்டுள்ளது. 5 நாள் வேலை வாரம் கோரிக்கையை ஆய்வு செய்ய உயர்மட்டக் குழு அமைக்க ஒப்புக்கொள்ளப்பட்டுள்ளதால், வாடிக்கையாளர்களுக்கு நிம்மதி ஏற்பட்டுள்ளது.

செப்டம்பர் 28 முதல் 30 வரை நடைபெறவிருந்த நாடு தழுவிய 3 நாள் வங்கி வேலைநிறுத்தம் கடைசி நேரத்தில் ஒத்திவைக்கப்பட்டுள்ளது. இந்திய வங்கிகள் சங்கம் (IBA) மற்றும் ஐக்கிய வங்கி தொழிற்சங்கங்களின் மன்றம் (UFBU) இடையே நடைபெற்ற பேச்சுவார்த்தையைத் தொடர்ந்து இந்த முடிவு எடுக்கப்பட்டுள்ளது.

வங்கி ஊழியர்களின் முக்கிய கோரிக்கையான 5 நாள் வேலை வாரம் குறித்து ஆராய IBA–UFBU பிரதிநிதிகள் அடங்கிய உயர்மட்டக் குழுவை உடனடியாக அமைக்க ஒப்புக்கொள்ளப்பட்டதே இந்த மாற்றத்திற்கு முக்கிய காரணமாகும். இதனால் செப்டம்பர் 28 முதல் 30 வரை வங்கிகள் மூடப்படும் என்ற எதிர்பார்ப்பில் இருந்த வாடிக்கையாளர்களுக்கு தற்போது நிம்மதி ஏற்பட்டுள்ளது.

வங்கி ஊழியர் மற்றும் அதிகாரிகள் சங்கங்களின் கூட்டமைப்பான United Forum of Bank Unions (UFBU) சார்பில் செப்டம்பர் 28, 29 மற்றும் 30 ஆகிய தேதிகளில் நாடு தழுவிய வேலைநிறுத்தத்திற்கு அழைப்பு விடுக்கப்பட்டிருந்தது.

இந்த வேலைநிறுத்தத்தின் முக்கிய கோரிக்கையாக இருந்தது வங்கிகளுக்கு 5 நாள் வேலை வாரத்தை அமல்படுத்த வேண்டும் என்பதாகும்.

அதாவது, தற்போது மாதத்தின் 2-வது மற்றும் 4-வது சனிக்கிழமைகள் வங்கிகளுக்கு விடுமுறையாக உள்ள நிலையில், மீதமுள்ள சனிக்கிழமைகளையும் விடுமுறையாக அறிவிக்க வேண்டும் என்பதே தொழிற்சங்கங்களின் கோரிக்கையாகும்.

இந்த கோரிக்கையுடன் மேலும் சில நிலுவை கோரிக்கைகளும் முன்வைக்கப்பட்டிருந்தன.

செப்டம்பர் 27 இரவு IBA மற்றும் UFBU இடையே முக்கியமான பேச்சுவார்த்தை நடைபெற்றது. இந்த பேச்சுவார்த்தைக்குப் பிறகு, 3 நாள் வேலைநிறுத்தத்தை தற்போது ஒத்திவைக்க UFBU முடிவு செய்தது.

5 நாள் வேலை வாரம் தொடர்பான கோரிக்கையை ஆராய IBA மற்றும் UFBU பிரதிநிதிகள் அடங்கிய உயர்மட்டக் குழு உடனடியாக அமைக்கப்படும் என ஒப்புக்கொள்ளப்பட்டுள்ளது.

இந்தக் குழு, மீதமுள்ள சனிக்கிழமைகளை விடுமுறையாக அறிவிப்பது தொடர்பாக பல்வேறு வாய்ப்புகளை ஆய்வு செய்யும். மேலும், சம்பந்தப்பட்ட அனைத்து தரப்பினருடனும் ஆலோசனை நடத்தி, குறிப்பாக வங்கி வாடிக்கையாளர்களுக்கு பாதிப்பு ஏற்படாத வகையில் தீர்வு காண முயற்சி செய்யும் என UFBU தெரிவித்துள்ளது.

இல்லை.

இதுதான் வாடிக்கையாளர்கள் புரிந்துகொள்ள வேண்டிய முக்கியமான விஷயம்.

தற்போதைய ஒப்பந்தத்தின் அடிப்படையில் 5 நாள் வேலை வாரம் உடனடியாக அமல்படுத்தப்பட்டுவிட்டதாக அர்த்தமில்லை. அதற்குப் பதிலாக, இந்தக் கோரிக்கையை ஆராயவும், நடைமுறை சாத்தியக்கூறுகளைப் பற்றி விவாதிக்கவும் உயர்மட்டக் குழு அமைக்கப்பட உள்ளது.

அதனால், “இனி அனைத்து சனிக்கிழமைகளிலும் வங்கிகள் நிரந்தரமாக மூடப்படும்” என்று இப்போதே கூற முடியாது. அதற்கான அடுத்தகட்ட ஆலோசனைகள் மற்றும் முடிவுகள் தேவைப்படும்.

ஏன் வங்கி ஊழியர்கள் 5 நாள் வேலை வாரத்தை கேட்கிறார்கள்?

தற்போது வங்கி ஊழியர்களுக்கு மாதத்தில் 2-வது மற்றும் 4-வது சனிக்கிழமைகள் விடுமுறையாக உள்ளன. மற்ற சனிக்கிழமைகளில் வங்கிகள் வழக்கம்போல் செயல்படுகின்றன.

மீதமுள்ள சனிக்கிழமைகளையும் விடுமுறையாக அறிவித்து, வாரத்திற்கு 5 நாட்கள் மட்டுமே பணிபுரியும் முறையை அமல்படுத்த வேண்டும் என்பது நீண்டகாலமாக வங்கி தொழிற்சங்கங்கள் முன்வைத்து வரும் கோரிக்கையாகும்.

இந்த கோரிக்கை ஏற்கனவே வங்கி நிர்வாகம் மற்றும் தொழிற்சங்கங்களுக்கு இடையிலான பேச்சுவார்த்தைகளில் இடம்பெற்றுள்ளது. ஆனால், அதை நடைமுறைப்படுத்துவதற்கான இறுதி அரசாங்க ஒப்புதல் உள்ளிட்ட அடுத்தகட்ட நடவடிக்கைகள் தேவைப்பட்டு வந்தன.

5 நாள் வேலை வாரம் மட்டுமல்லாமல், வங்கி ஊழியர் அமைப்புகள் பல்வேறு நிலுவை கோரிக்கைகளையும் முன்வைத்துள்ளன.

அவற்றில்:

• ஓய்வூதிய சீர்திருத்தங்கள் தொடர்பான கோரிக்கைகள்

• NPS-ல் உள்ள ஊழியர்களுக்கான ஓய்வூதியத் தொடர்பான கோரிக்கைகள்

• Performance Linked Incentive (PLI) தொடர்பான பிரச்சினைகள்

• ஏற்கனவே நடைபெற்ற பேச்சுவார்த்தைகளில் நிலுவையில் உள்ள பிற கோரிக்கைகள்

போன்றவை இடம்பெற்றுள்ளன. சமீபத்திய IBA–UFBU பேச்சுவார்த்தையில் PLI மற்றும் பிற நிலுவை விவகாரங்கள் குறித்தும் தொடர்ந்து பேச்சுவார்த்தை நடத்த ஒப்புக்கொள்ளப்பட்டதாக தகவல்கள் தெரிவிக்கின்றன.

இன்று வங்கிகள் இயங்குமா?

ஆம். செப்டம்பர் 28, 2026 திங்கட்கிழமை திட்டமிடப்பட்டிருந்த வேலைநிறுத்தம் ஒத்திவைக்கப்பட்டுள்ளதால், வங்கிகள் வழக்கம்போல் செயல்பட உள்ளன.

இதனால் கிளை வங்கி சேவைகளை பயன்படுத்த வேண்டிய வாடிக்கையாளர்கள் திட்டமிட்ட பணிகளை மேற்கொள்ள முடியும்.

முன்னதாக வேலைநிறுத்தம் அறிவிக்கப்பட்டிருந்ததால், தொடர் விடுமுறை மற்றும் வேலைநிறுத்தம் காரணமாக வாடிக்கையாளர்களுக்கு பல நாட்கள் கிளை சேவை கிடைக்காமல் போகும் சூழல் உருவாகியிருந்தது. இதை கருத்தில் கொண்டு, செப்டம்பர் 27 ஞாயிற்றுக்கிழமையன்றும் பொதுத்துறை வங்கிகள் மற்றும் பிராந்திய கிராமப்புற வங்கிகளை இயங்க அரசு ஏற்பாடு செய்திருந்தது.

வாடிக்கையாளர்களுக்கு இப்போதைய நிலவரம் என்ன?

தற்போதைய தகவல்படி, செப்டம்பர் 28–30 தேதிகளில் திட்டமிடப்பட்டிருந்த 3 நாள் வேலைநிறுத்தம் ஒத்திவைக்கப்பட்டுள்ளது.

அடுத்தகட்டத்தில் என்ன நடக்கும்?

இப்போது முக்கிய கவனம் IBA–UFBU உயர்மட்டக் குழுவின் பேச்சுவார்த்தை மீதுதான் உள்ளது.

இந்தக் குழு 5 நாள் வேலை வாரத்தை நடைமுறைப்படுத்துவதற்கான சாத்தியக்கூறுகள், வாடிக்கையாளர்களுக்கு ஏற்படக்கூடிய தாக்கம் மற்றும் பிற தொடர்புடைய அம்சங்களை ஆய்வு செய்யும்.

அதன் பின்னர் எடுக்கப்படும் முடிவுகளின் அடிப்படையில்தான் அனைத்து சனிக்கிழமைகளையும் விடுமுறையாக மாற்றுவது குறித்து தெளிவான நிலைப்பாடு உருவாகும்.

எனவே, தற்போது வங்கி வாடிக்கையாளர்கள் கவலைப்பட வேண்டிய அவசியமில்லை. செப்டம்பர் 28 முதல் 30 வரை நடைபெறவிருந்த வேலைநிறுத்தம் ஒத்திவைக்கப்பட்டுள்ளதால், வங்கிச் சேவைகள் வழக்கம்போல் தொடரும். அதே நேரத்தில், 5 நாள் வேலை வாரம் குறித்த இறுதி முடிவு இன்னும் எடுக்கப்படவில்லை.

Bank Holidays: Festival Season தொடங்குது.! அக்டோபரில் இத்தனை நாள் வங்கிகள் இயங்காது.! உடனே நோட் பண்ணுங்க!

Vedarethinam Ramalingam — Fri, 25 Sep 2026 13:56:53 +0530

அக்டோபர் 2026-ல் தமிழ்நாட்டில் வங்கிகள் மூடப்படும் முக்கிய நாட்கள் என்னென்ன? காந்தி ஜெயந்தி, இரண்டாவது சனிக்கிழமை, ஆயுத பூஜை, விஜயதசமி, நான்காவது சனிக்கிழமை உள்ளிட்ட வங்கி விடுமுறை தேதிகளை முழுமையாக தெரிந்துகொள்ளுங்கள்.

அக்டோபர் மாதம் வந்தாலே பண்டிகைகளின் வரிசை தொடங்கிவிடும். குறிப்பாக காந்தி ஜெயந்தி, ஆயுத பூஜை, விஜயதசமி உள்ளிட்ட முக்கிய நாட்கள் இந்த மாதத்தில் வருகின்றன. இதனால் வங்கிகளுக்கும் சில நாட்களில் விடுமுறை இருக்கும். வங்கிக் கிளைக்கு நேரில் சென்று பணம் செலுத்துவது, காசோலை, டிராஃப்ட், கணக்கு தொடர்பான பணிகள் உள்ளிட்டவற்றை மேற்கொள்ள திட்டமிடுபவர்கள், விடுமுறை நாட்களை முன்கூட்டியே தெரிந்து வைத்துக் கொள்வது அவசியம்.

2026 அக்டோபர் மாதத்தில் நாடு முழுவதும் ஒரே மாதிரியான வங்கி விடுமுறை இருக்காது. ரிசர்வ் வங்கி விடுமுறை விதிமுறைகளின்படி, சில விடுமுறைகள் அனைத்து மாநிலங்களுக்கும் பொதுவாக இருக்கும் நிலையில், சில பண்டிகை விடுமுறைகள் மாநிலத்திற்கு மாநிலம் மாறுபடும். எனவே, நீங்கள் எந்த மாநிலத்தில் வங்கிப் பணியை மேற்கொள்ளப் போகிறீர்கள் என்பதையும் கவனத்தில் கொள்ள வேண்டும். இதையும் படிக்கலாமே - Online Shopping: ஆன்லைனில் பொருள் வாங்குறீங்களா? பணத்தை இழக்காமல் இருக்க இந்த விஷயங்களை தெரிஞ்சுக்கோங்க.!

அக்டோபர் 2, வெள்ளிக்கிழமை காந்தி ஜெயந்தி அனுசரிக்கப்படுகிறது. இது நாடு முழுவதும் முக்கியமான பொது விடுமுறை என்பதால், வங்கிக் கிளைகளும் மூடப்பட்டிருக்கும். அந்த நாளில் கிளைக்கு நேரில் சென்று செய்ய வேண்டிய பணிகள் இருந்தால், அதற்கு முந்தைய அல்லது அடுத்த வேலை நாளைத் தேர்வு செய்வது நல்லது. இதையும் படிக்கலாமே - Nalangu Maavu: சோப்புக்கு குட்பை... நலங்கு மாவுக்கு வெல்கம்! வீட்டிலேயே செய்வது எப்படி?

அக்டோபர் 10, சனிக்கிழமை. இது மாதத்தின் இரண்டாவது சனிக்கிழமை என்பதால் வங்கிகளுக்கு வழக்கமான விடுமுறை. இந்தியாவில் அனைத்து வங்கிகளும் இரண்டாவது மற்றும் நான்காவது சனிக்கிழமைகளில் செயல்படாது என்பது நடைமுறையில் உள்ளது. இதையும் படிக்கலாமே -E-Scooter Subsidy: இ-ஸ்கூட்டர் வாங்க அரசு மானியம்! யாரெல்லாம் விண்ணப்பிக்கலாம்?

அக்டோபர் 11 மற்றும் அக்டோபர் 18 ஆகியவை ஞாயிற்றுக்கிழமைகள். வழக்கமான வாராந்திர விடுமுறை காரணமாக வங்கிக் கிளைகள் இயங்காது. இதனால் அக்டோபர் மாதத்தின் சில வாரங்களில் தொடர்ந்து வங்கி சேவை இல்லாத நாட்கள் இருப்பதால், அவசரமாக செய்ய வேண்டிய கிளை சார்ந்த பணிகளை முன்கூட்டியே முடித்துக் கொள்வது பயனுள்ளதாக இருக்கும்.

தமிழ்நாட்டைப் பொறுத்தவரை அக்டோபர் 19, திங்கட்கிழமை ஆயுத பூஜை வருகிறது. தமிழ்நாட்டின் 2026 அரசு விடுமுறைப் பட்டியலிலும் இந்த நாள் குறிப்பிடப்பட்டுள்ளது. வங்கிகளுக்கான விடுமுறை பட்டியலிலும் ஆயுத பூஜை இடம்பெறுகிறது. இதனால் தமிழ்நாட்டில் உள்ள வங்கிக் கிளைகளில் அக்டோபர் 19 அன்று நேரடி சேவைகள் பாதிக்கப்படும்.

அக்டோபர் 20, செவ்வாய்க்கிழமை விஜயதசமி கொண்டாடப்படுகிறது. தமிழ்நாட்டிலும் இந்த நாள் முக்கியமான விடுமுறை நாளாக உள்ளது. 2026-ம் ஆண்டுக்கான தமிழ்நாடு விடுமுறைப் பட்டியலில் அக்டோபர் 20 விஜயதசமியாக குறிப்பிடப்பட்டுள்ளது. எனவே, வங்கிக் கிளையில் நேரில் செய்ய வேண்டிய பணிகளை மேற்கொள்பவர்கள் அக்டோபர் 19 மற்றும் 20 ஆகிய தேதிகளையும் கவனத்தில் வைத்துக் கொள்ள வேண்டும்.

அக்டோபர் 24, சனிக்கிழமை. இது மாதத்தின் நான்காவது சனிக்கிழமை என்பதால் நாடு முழுவதும் வங்கிகளுக்கு வழக்கமான விடுமுறை. இரண்டாவது மற்றும் நான்காவது சனிக்கிழமைகளில் வங்கிகள் மூடப்படும் நடைமுறை இதற்கும் பொருந்தும்.

அக்டோபர் 25 ஞாயிற்றுக்கிழமை என்பதால் வங்கிக் கிளைகள் வழக்கம்போல் செயல்படாது.

தமிழ்நாட்டை மட்டும் எடுத்துக்கொண்டால், அக்டோபரில் வங்கிப் பணிகளைத் திட்டமிடும்போது குறிப்பாக அக்டோபர் 2, 10, 19, 20 மற்றும் 24 ஆகிய தேதிகளை கவனத்தில் வைத்துக் கொள்வது முக்கியம். சில வங்கி விடுமுறை பட்டியல்களில் அக்டோபர் 19 மற்றும் 20 ஆகிய பண்டிகை நாட்கள் வெவ்வேறு பெயர்களில் குறிப்பிடப்பட்டாலும், தமிழ்நாட்டின் அரசு விடுமுறை நாட்களுடன் இந்த தேதிகள் ஒத்துப்போகின்றன. அதே நேரத்தில் ஞாயிற்றுக்கிழமைகளான அக்டோபர் 11, 18 மற்றும் 25 ஆகிய தேதிகளிலும் வங்கிக் கிளைகள் வழக்கமாக மூடப்பட்டிருக்கும்.

இது குறித்து பலருக்கும் சந்தேகம் இருக்கும். வங்கிக் கிளைகள் மூடப்பட்டிருந்தாலும், பெரும்பாலான டிஜிட்டல் வங்கி சேவைகள் வழக்கம்போல் கிடைக்கக்கூடும். UPI, மொபைல் பேங்கிங், இன்டர்நெட் பேங்கிங், ATM போன்ற சேவைகள் பொதுவாக தொடர்ந்து பயன்படுத்த முடியும். ஆனால் கிளைக்கு நேரில் சென்று செய்ய வேண்டிய பணிகள், சில காசோலை தொடர்பான செயல்பாடுகள் அல்லது வங்கி ஊழியர்களின் நேரடி உதவி தேவைப்படும் சேவைகள் விடுமுறை காரணமாக அடுத்த வேலை நாளுக்கு தள்ளிப்போகலாம்.

பண்டிகை காலங்களில் வங்கிகளில் பணப்பரிவர்த்தனைகள் அதிகரிக்க வாய்ப்பு உள்ளது. சம்பளம், ஓய்வூதியம், EMI, கடன் தவணை, காசோலை, பணம் செலுத்துதல் உள்ளிட்ட முக்கியமான வேலைகளை வைத்திருப்பவர்கள் கடைசி நேரம் வரை காத்திருக்காமல் முன்கூட்டியே திட்டமிடலாம். குறிப்பாக அக்டோபர் 19 மற்றும் 20 போன்ற பண்டிகை நாட்களை ஒட்டி கிளை சேவை தேவைப்படும் பணிகள் இருந்தால், விடுமுறைக்கு முன்பாகவே வங்கியை அணுகுவது சிரமத்தை குறைக்க உதவும்.

வங்கி விடுமுறை என்பது மாநிலத்தைப் பொறுத்து மாறக்கூடியது. தமிழ்நாட்டில் இருக்கும் விடுமுறை வேறு மாநிலத்தில் அதே தேதியில் இருக்க வேண்டிய அவசியமில்லை. அதனால் வேறு மாநிலத்தில் உள்ள வங்கிக் கிளையில் பணிபுரியும் அல்லது பரிவர்த்தனை செய்யும் நபர்கள் அந்த மாநிலத்துக்கான வங்கி விடுமுறை பட்டியலை தனியாக சரிபார்ப்பது நல்லது.

மொத்தத்தில், அக்டோபர் 2026 பண்டிகை காலமாக இருப்பதால் வங்கி பணிகளை முன்கூட்டியே திட்டமிட வேண்டிய மாதமாக உள்ளது. குறிப்பாக காந்தி ஜெயந்தி, இரண்டாவது மற்றும் நான்காவது சனிக்கிழமை, ஆயுத பூஜை, விஜயதசமி உள்ளிட்ட நாட்களை காலண்டரில் குறித்துக் கொண்டால், கடைசி நேரத்தில் வங்கிக்கு சென்று ஏமாற்றம் அடைவதைத் தவிர்க்கலாம்.

அக்டோபர் 2026-க்கான வங்கி விடுமுறை பட்டியல்கள் மாநில வாரியாக மாறுகின்றன; தமிழ்நாட்டுக்கான தற்போதைய பட்டியலில் அக்டோபர் 2, 10, 19, 20, 24 ஆகியவை குறிப்பிடப்பட்டுள்ளன.

Super El Nino: 15800 இந்தியர்களை காவு வாங்கப்போகும் வெப்பம்..! வெளியான பகீர் ரிபோர்ட்..

Asianet News — Sun, 27 Sep 2026 18:13:16 +0530

சூப்பர் எல் நினோவால், செப்டம்பர் 2026 முதல் பிப்ரவரி 2027 வரையிலான காலகட்டத்தில் இந்தியாவில் கூடுதலாக சுமார் 15,800 பேர் உயிரிழக்க நேரிடும் என எச்சரிக்கப்படுகிறது. சிகாகோ பல்கலைக்கழகத்தின் அறிக்கை ஒன்று இதுகுறித்த கடுமையான கணிப்பை வெளியிட்டுள்ளது.

பூமத்திய ரேகை பசிபிக் பெருங்கடலில் கடல் மேற்பரப்பு வெப்பநிலை இயல்பை விட மிகவும் அதிகமாக உள்ளது. இந்த எல் நீலோவின் தாக்கத்தால், அடுத்த சில மாதங்களில் உலகின் வானிலையில் பெரிய மாற்றங்கள் ஏற்படக்கூடும் என்ற அச்சமும் உள்ளது. அதாவது, சில இடங்களில் வெப்பமாகவும், மற்ற இடங்களில் கடுங்குளிராகவும் இருக்கும். இது இந்தியாவையும் பாதிக்கும்.

சூப்பர் எல் நினோவின் சீற்றம்

காலநிலை தாக்க ஆய்வகத்தின்படி, தற்போதைய எல் நினோ நிகழ்வால், ஜூன் மாதம் முதல் வானிலை தொடர்பான காரணங்களால் உலகளவில் சுமார் 451,000 பேர் உயிரிழந்துள்ளனர். அதிகபட்ச உயிரிழப்புகள் செப்டம்பர் முதல் பிப்ரவரி வரையிலான காலகட்டத்தில் நிகழ்ந்துள்ளன. வழக்கம் போலவே, அந்த எண்ணிக்கையும் கவலையளிப்பதாகவே உள்ளது. அதில் 239,000 பேர் உயிரிழந்தனர்.

சூப்பர் எல் நினோ இந்தியாவிலும் கடுமையான பாதிப்பை ஏற்படுத்தியுள்ளது. வலுவான சூப்பர் எல் நினோ காரணமாக, செப்டம்பர் 2026 முதல் பிப்ரவரி 2027 வரை இந்தியாவில் நிலவும் கடும் வெப்பத்தால் கூடுதலாக 15,800 பேர் உயிரிழக்கக்கூடும். சிகாகோ பல்கலைக்கழகத்தின் அறிக்கை ஒன்றில் இந்த அச்சம் வெளிப்படுத்தப்பட்டுள்ளது. சூப்பர் எல் நினோவின் தாக்கத்தால் இந்தியாவும் கடும் வெப்பத்தை எதிர்கொள்ளும் என்று அந்த அறிக்கை கூறுகிறது.

மூன்றாவது இடத்தில் இந்தியா..

சூப்பர் எல் நினோவின் விளைவுகளால் அதிகம் பாதிக்கப்பட்ட நான்காவது நாடு இந்தியா என்று அந்த அறிக்கை கூறுகிறது. நைஜீரியா, இந்தோனேசியா மற்றும் சூடானுக்குப் பிறகு, இந்தியா இந்த வானிலை மாற்றங்களால் பாதிக்கப்படும். ஆப்பிரிக்காவின் சஹேல் பிராந்தியம் மிகவும் பாதிக்கப்படும் என்று அந்த அறிக்கை கூறுகிறது. இந்தப் பிராந்தியத்தில் நைஜீரியா, சூடான் மற்றும் சாட் ஆகிய நாடுகள் அடங்கும். அங்கு உயிரிழந்தவர்களின் எண்ணிக்கை 66,800 ஆகும்.

குளிர்காலத்திலும் சூடாக இருக்கும்

இந்தியாவில், குளிர் காலத்தில் வெப்பத்தால் ஏற்படும் இறப்புகளின் எண்ணிக்கை பொதுவாகக் குறைவாகவே இருக்கும். இருப்பினும், இந்த குளிர்காலத்தில், வட இந்தியாவை விட தென்னிந்தியாவில் வெப்பநிலை இயல்பை விட அதிகமாக இருக்கும் என்று ஆராய்ச்சியாளர்கள் கூறுகின்றனர். இதன் காரணமாக இறப்புகளின் எண்ணிக்கையும் அதிகரிக்கக்கூடும் என அந்த அறிக்கை கவலை தெரிவித்துள்ளது.

2026 டிசம்பர் முதல் 2027 வரையிலான காலகட்டமே மிகவும் அபாயகரமான காலகட்டம் என்று அந்த அறிக்கை கூறுகிறது. இந்தக் காலகட்டத்தில் இந்தியாவில் 7,400 பேர் உயிரிழக்கக்கூடும் என அந்த அறிக்கை அச்சம் தெரிவித்துள்ளது. அதன் காரணமாக, உள்ளூர் மக்கள் கடும் முன்னெச்சரிக்கை நடவடிக்கைகளை மேற்கொள்ளுமாறு கேட்டுக் கொள்ளப்பட்டுள்ளனர்.

உணவுப் பற்றாக்குறை

எல் நினோவின் தாக்கத்தால் பருவமழை இயல்பாக இருக்காது. மழைப்பொழிவு குறைவதற்கான அதிக அபாயம் உள்ளது. அதன் காரணமாக, பழ உற்பத்தியில் பெரும் இழப்புகள் ஏற்படக்கூடும். இது இந்தியா உட்பட உலகம் முழுவதும் உணவு நெருக்கடிக்கு வழிவகுக்கலாம் என்றும் அஞ்சப்படுவதாக அந்த அறிக்கை தெரிவித்தது.

முன்னறிவிப்பின்படி, சராசரி நில மேற்பரப்பு வெப்பநிலை இயல்பை விட சுமார் 1.2 டிகிரி செல்சியஸ் அதிகமாக இருக்கலாம். இதன் விளைவாக, இந்தக் காலகட்டத்தில் இயல்பை விட சுமார் 44 சதவீதம் அதிகமான கடும் வெப்ப நாட்கள் காணப்படலாம்.

யாருக்கு அதிக ஆபத்து உள்ளது?

முதியவர்கள், குழந்தைகள், நீண்ட நேரம் வெளியில் வேலை செய்யும் தொழிலாளர்கள், விவசாயிகள், கட்டுமானத் தொழிலாளர்கள் மற்றும் ஏற்கனவே உடல்நலக் குறைபாடு உள்ளவர்கள் அதிக ஆபத்தில் உள்ளனர் என்று நிபுணர்கள் கூறுகின்றனர். நகரங்களில் உள்ள கான்கிரீட் காடுகளும் 'நகர்ப்புற வெப்பத் தீவு விளைவும்' வெப்பத்தை மேலும் அதிகரிக்கக்கூடும்.

கவனமாக இருக்க அறிவுரை

ஆராய்ச்சியாளர்களின் கூற்றுப்படி, இந்த மரணங்கள் பல மாதங்களுக்கு முன்பே கணிக்கப்படுவதால், அரசாங்கத்திற்கும் நிர்வாகத்திற்கும் நடவடிக்கை எடுக்க நேரம் கிடைக்கிறது — வெப்ப எச்சரிக்கை அமைப்புகள், குளிரூட்டும் மையங்கள், நீர் மற்றும் நிழல் அமைப்புகள், மற்றும் தொழிலாளர் பாதுகாப்பு போன்ற நடவடிக்கைகள் பல உயிர்களைக் காப்பாற்ற முடியும்.

8th Pay Commission: ஃபிட்மென்ட் ஃபேக்டர், ஓய்வூதியம்… 8வது ஊதியக் குழுவின் லேட்டஸ்ட் அப்டேட்டுகள் – தவறவிடாதீர்கள்!

Vedarethinam Ramalingam — Sat, 26 Sep 2026 12:34:24 +0530

8வது ஊதியக் குழுவின் சமீபத்திய அப்டேட்டுகள்: மும்பை அக்டோபர் 22-23 பயணம், பெங்களூரு அக்டோபர் 7-8 கூட்டம் உள்ளிட்ட 5 முக்கிய அறிவிப்புகள். மத்திய அரசு ஊழியர்கள் மற்றும் ஓய்வூதியதாரர்களுக்கு முழு விவரம் இங்கே!

மத்திய அரசு ஊழியர்கள் மற்றும் ஓய்வூதியதாரர்களுக்கு மிகவும் எதிர்பார்க்கப்படும் 8வது ஊதியக் குழு (8th Pay Commission) தொடர்பான சமீபத்திய முன்னேற்றங்கள் தொடர்ந்து வெளியாகி வருகின்றன. 2025 நவம்பர் 3 ஆம் தேதி அமைக்கப்பட்ட இந்த குழு, நீதிபதி ரஞ்சனா பிரகாஷ் தேசாய் தலைமையில் மூன்று உறுப்பினர்களைக் கொண்டது. இதற்கு 18 மாத கால அவகாசம் வழங்கப்பட்டுள்ளது. இப்போது சுமார் 11 மாதங்கள் கடந்துவிட்ட நிலையில், இறுதி அறிக்கை சமர்ப்பிக்க இன்னும் 8-9 மாதங்கள் உள்ளன. தற்போதைய நிலவரப்படி, 2027 மே-ஜூன் மாதங்களில் அறிக்கை சமர்ப்பிக்கப்படலாம் என எதிர்பார்க்கப்படுகிறது.

குழுவின் முக்கிய நோக்கம், மத்திய அரசு ஊழியர்களின் சம்பளம், அலவன்ஸ், ஓய்வூதியம், ஃபிட்மென்ட் ஃபேக்டர் போன்றவற்றை மறுஆய்வு செய்து பரிந்துரைகளை வழங்குவதாகும். இதுவரை டெல்லி, லடாக், உத்தரப் பிரதேசம், மேற்கு வங்கம் உள்ளிட்ட பல்வேறு மாநிலங்கள் மற்றும் யூனியன் பிரதேசங்களில் கூட்டங்கள் நடத்தப்பட்டுள்ளன. ஊழியர் சங்கங்கள் மற்றும் பிற தரப்பினரிடமிருந்து நினைவுக் குறிப்புகள் பெறப்பட்டு வருகின்றன.

அதிகாரப்பூர்வ இணையதளத்தில் வெளியிடப்பட்ட சமீபத்திய தகவல்களின்படி:

மும்பை பயணம் (செப்டம்பர் 21, 2026 அறிவிப்பு): 2026 அக்டோபர் 22 மற்றும் 23 ஆம் தேதிகளில் குழு மும்பைக்கு செல்லும். பங்கேற்க விரும்பும் தரப்பினர் அக்டோபர் 10க்குள் பதில்களை சமர்ப்பிக்க வேண்டும். இது சமீபத்திய அறிவிப்பாகும்.
பெங்களூரு கூட்டம் (ஆகஸ்ட் 24, 2026 அறிவிப்பு): அக்டோபர் 7 மற்றும் 8 ஆம் தேதிகளில் பெங்களூரில் கூட்டங்கள் நடைபெறும். செப்டம்பர் 18 வரை விண்ணப்பங்கள் ஏற்றுக்கொள்ளப்பட்டன. இந்த காலக்கெடு ஏற்கனவே முடிவடைந்துவிட்டது.
ஆலோசகர்கள் வழிகாட்டுதல்கள் மாற்றம் (ஆகஸ்ட் 11, 2026): ஆலோசகர்களை நியமிப்பதற்கான வழிகாட்டுதல்களில் பகுதி மாற்றம் செய்யப்பட்டது.
ஜெய்ப்பூர் பயணம் (ஆகஸ்ட் 3, 2026 அறிவிப்பு): ஆகஸ்ட் 31 மற்றும் செப்டம்பர் 1 ஆம் தேதிகளில் ஜெய்ப்பூர் பயணம் நடைபெற்றது. ஆகஸ்ட் 18க்குள் பதில்கள் சமர்ப்பிக்கப்பட்டன.
சண்டிகர் பயணம் (ஜூலை 28, 2026 அறிவிப்பு): செப்டம்பர் 16, 17 மற்றும் 18 ஆம் தேதிகளில் சண்டிகரில் கூட்டங்கள் நடைபெற்றன. இது சமீபத்தில் முடிவடைந்த கூட்டமாகும்.

இந்த கூட்டங்களில் ஃபிட்மென்ட் ஃபேக்டர், அலவன்ஸ், சம்பள உயர்வு, ஓய்வூதிய சீர்திருத்தங்கள், பணவீக்கம், ஊழியர் மனநிலை போன்ற முக்கிய பிரச்சினைகள் விவாதிக்கப்படும் என எதிர்பார்க்கப்படுகிறது. ஆனால் இதுவரை குறிப்பிட்ட நிகழ்ச்சி நிரல் அறிவிக்கப்படவில்லை. அரசாங்க முடிவுகள் அறிக்கை சமர்ப்பிக்கப்பட்ட பிறகே தெரியவரும்.

இந்த அறிவிப்புகள் எந்தவிதமான சம்பள உயர்வு அல்லது ஃபிட்மென்ட் ஃபேக்டர் குறித்த முடிவையும் அறிவிக்கவில்லை. அவை வெறும் ஆலோசனை மற்றும் தகவல் சேகரிப்பு செயல்முறையின் ஒரு பகுதியே. மத்திய அரசு ஊழியர்கள் மற்றும் ஓய்வூதியதாரர்கள் அதிகாரப்பூர்வ இணையதளமான 8cpc.gov.in-ஐ தொடர்ந்து கவனித்து வர வேண்டும். அங்கு வரும் அறிவிப்புகள், சமர்ப்பிப்பு காலக்கெடுக்கள் மற்றும் கூட்ட விவரங்கள் பதிவேற்றப்படும். குழுவின் ஆலோசனை செயல்முறை தொடர்ந்து நடைபெற்று வருகிறது.

மும்பை மற்றும் பெங்களூரு கூட்டங்கள் முக்கியமானவை. ஏனெனில் இவை இறுதி பரிந்துரைகளுக்கு அடிப்படையாக அமையக்கூடும். ஊழியர் சங்கங்கள் தங்கள் கோரிக்கைகளை சரியான முறையில் சமர்ப்பித்து வருகின்றன. சுருக்கமாக, 8வது ஊதியக் குழு தனது பணியை முறையாக மேற்கொண்டு வருகிறது. ஊழியர்களுக்கு சாதகமான பரிந்துரைகள் வரும் என்ற நம்பிக்கை உள்ளது. ஆனால் இறுதி முடிவு அரசின் கையில் உள்ளது. தொடர்ந்து அதிகாரப்பூர்வ தகவல்களைக் கவனிப்பதே சிறந்தது.

சரக்கு அடித்து விட்டு ஒயின் ஷாப்பிலேயே மட்டையான கர்ப்பிணி குரங்கு.. வைரல் வீடியோ!

Rayar A — Sat, 26 Sep 2026 16:02:03 +0530

Drunk monkey: மனிதர்களை போன்று அதிகமாக மது குடித்து விட்டு ஓயின்ஷாப்பிலேயே மட்டையாகி விட்டது ஒரு கர்ப்பிணி குரங்கு. இந்த விநோத சம்பவம் தொடர்பாக இந்த செய்தியில் விரிவாக பார்ப்போம்.

இந்தியா முழுவதும் மதுகுடிப்பவர்களின் எண்ணிக்கை பெருகி விட்டது. இதில் எந்த மாநிலமும் விதிவிலக்கு அல்ல. 'குடி'மகன்கள் மூச்சுமுட்ட குடித்து விட்டு மித மிஞ்சிய போதையில் டாஸ்மாக் பார்களிலும், தெருக்களிலும் சுயநினைவின்றி கிடப்பதை பார்த்திருப்போம். இந்த 'குடி'மகன்களின் பட்டியலில் இணைந்த குரங்கு ஒன்று, மதுக்கடையில் மது குடித்து விட்டு மட்டையாகி கிடக்கும் வீடியோ வைரலாக பரவி வருகிறது.

ஜார்க்கண்ட் தலைநகர் ராஞ்சியின் புறநகர் பகுதியில் தான் இந்த வினோத சம்பவம் நடந்துள்ளது. அங்குள்ள ஒரு மதுபானக் கடைக்குள் நுழைந்த கர்ப்பிணி குரங்கு ஒன்று, அங்கிருந்த ஊழியர்களைத் தாக்கியுள்ளது. அதன்பிறகு ஒரு குவாட்டர் வோட்காவை குடித்துவிட்டு, அங்கிருந்த மதுப் பெட்டிகள் மீதே நிம்மதியாக தூங்கிவிட்டது. ராஞ்சியின் ஓர்மாஞ்சி பிளாக் சௌக் அருகே உள்ள அந்த கடையில் நடந்த இந்த சம்பவம் தொடர்பான வீடியோ, தற்போது சமூக வலைத்தளங்களில் பயங்கர வைரலாகி வருகிறது.

உள்ளூர் மக்களும் கடை ஊழியர்களும் கொடுத்த தகவல்படி, இந்த கர்ப்பிணி குரங்கு முந்தைய நாளே கடைக்குள் நுழைந்துவிட்டது. கடையில் இருந்த ஊழியர் ஒருவரை அது தாக்க முயன்றபோது, அதிர்ஷ்டவசமாக அவர் தப்பினார். கடைக்குள் முகாமிட்டிருந்த அந்த குரங்கு, அங்கிருந்த வோட்கா பாட்டிலை திறந்து சுமார் கால்வாசி அளவுக்கு மதுவை குடித்துள்ளது. சரக்கு அடித்த போதையில், கடையில் இருந்த அட்டைப் பெட்டிகள் மீதே அது ஜாலியாகப் படுத்துத் தூங்கிவிட்டது.

இந்த சம்பவத்தை வீடியோ எடுத்த நபர், பெட்டிகள் மீது அமைதியாகத் தூங்கிக் கொண்டிருந்த குரங்கின் அருகே சென்றார். அப்போது அந்த குரங்கு ஒருமுறை கண்ணைத் திறந்து பார்த்துவிட்டு மீண்டும் தூங்க ஆரம்பித்துவிட்டது. அந்த வீடியோவில், குரங்கு குடித்துவிட்டு மீதி வைத்திருந்த வோட்கா பாட்டிலையும் அவர் காட்டியுள்ளார். அந்த குரங்குதான் வோட்காவைக் குடித்தது என்றும் வீடியோ எடுக்கும் நபர் விளக்குகிறார். வீடியோ எடுக்கும்போதும் அந்த குரங்கு கடைக்குள் பெட்டியின் மீது படுத்துத் தூங்கிக் கொண்டுதான் இருந்தது. இந்த விஷயம் வனத்துறை அதிகாரிகளின் கவனத்திற்கு கொண்டு செல்லப்பட்டுள்ளது. குரங்கை பாதுகாப்பாக மீட்கும் பணிகள் நடந்து வருகின்றன.

CRAZY A monkey entered a wine shop drank alcohol from a bottle and then fell asleep inside the shop pic.twitter.com/5e0udWaL9j

— Anmol Saini (@ANMOLSAINII) September 26, 2026

'குடி'மகன்கள் ஜாலியான கமெண்ட்

குரங்கு சரக்கு அடித்து விட்டு மட்டையான வீடியோ சமூகவலைத்தளத்தில் வைரலாகி வரும் நிலையில், ''நாங்க தான் இப்படி ஓவரா குடிச்சுட்டு மட்டையாகி கிடப்போம். நீயுமா இப்படி?'' என 'குடி'மகன்கள், நெட்டிசன்கள் ஜாலியாக கமெண்ட் செய்து வருகின்றனர்.

8th Pay Commission pension: லெவல் 1-18 ஊழியர்களுக்கு ஒரே ரேங்க், ஒரே ஓய்வூதியம் ஏன் முக்கியக் கோரிக்கையாக உள்ளது?

Vedarethinam Ramalingam — Sat, 26 Sep 2026 13:03:43 +0530

8வது ஊதியக் குழுவில் லெவல் 1-18 மத்திய அரசு ஊழியர்களுக்கு ஒரே ரேங்க், ஒரே ஓய்வூதியம் (OROP) ஏன் முக்கியக் கோரிக்கையாக உள்ளது? ஓய்வூதிய ஏற்றத்தாழ்வு, நோஷனல் பே ஃபிக்ஸேஷன் மற்றும் AIDEF பரிந்துரைகள் குறித்த முழு விவரம்.

தற்போது ஒரே ரேங்க், ஒரே ஓய்வூதியம் (OROP) திட்டம் ஆயுதப்படையினர், உச்சநீதிமன்றம் மற்றும் உயர்நீதிமன்ற நீதிபதிகள், மற்றும் இந்திய கம்ப்ட்ரோலர் அண்ட் ஆடிட்டர் ஜெனரல் ஆகியோருக்கு மட்டுமே கிடைக்கிறது. 8வது ஊதியக் குழு தனது அறிக்கையை தயாரிக்க பங்குதாரர்களுடன் ஆலோசித்து வரும் நிலையில், மத்திய அரசு லெவல் 1 முதல் லெவல் 18 வரையிலான அனைத்து சிவில் ஊழியர்களுக்கும் இந்தத் திட்டத்தை விரிவுபடுத்த வேண்டும் என்று ஊழியர் மற்றும் ஓய்வூதியர் அமைப்புகள் வலுவாகக் கோரி வருகின்றன.

அனைத்திந்திய பாதுகாப்பு ஊழியர் கூட்டமைப்பின் (AIDEF) பொதுச் செயலாளர் சி. ஸ்ரீகுமார் கூறுகையில், “ஒரே பதவியில் இருந்து வெவ்வேறு காலங்களில் ஓய்வு பெற்ற மத்திய அரசு சிவில் ஊழியர்களின் ஓய்வூதியத்தில் உள்ள ஏற்றத்தாழ்வை OROP முடிவுக்குக் கொண்டுவர முடியும்” என்றார். அனைத்திந்திய புதிய ஓய்வூதியத் திட்ட ஊழியர் கூட்டமைப்பின் தலைவர் மன்ஜீத் சிங் படேல் கூறுகையில், “பல ஆண்டுகளுக்கு முன் ஓய்வுபெற்றவர்களுக்கு ஊதியக் குழு திருத்தம் கிடைத்தாலும், ஓய்வூதிய ஏற்றத்தாழ்வு மிக அதிகமாக உள்ளது” என்றார்.

ROP என்பது பழைய ஓய்வூதியத் திட்டத்தின் (OPS) கீழ் ஓய்வூதியம் பெறுபவர்களுக்கு மட்டுமே பொருந்தும். இந்தத் திட்டத்தின் கீழ், ஒரே பதவி/லெவலில் இருந்து ஒப்பிடக்கூடிய தகுதியான சேவை செய்தவர்கள், ஓய்வுபெற்ற தேதியைப் பொருட்படுத்தாமல் ஒரே அளவிலான ஓய்வூதியம் பெறுவர். தற்போது வெவ்வேறு ஊதியக் குழுக்களின் கீழ் ஓய்வுபெற்றதால், ஒரே பதவியில் இருந்தவர்களுக்கு வெவ்வேறு ஓய்வூதியம் கிடைக்கிறது.

கடந்த ஊதியக் குழுக்களும் இந்தப் பிரச்சினையைக் கவனித்தன. 5வது ஊதியக் குழு, 1986க்கு முன் ஓய்வுபெற்றவர்களின் ஓய்வூதியத்தை ஜனவரி 1, 1986 அன்று நோஷனல் பே ஃபிக்ஸேஷன் மூலம் புதுப்பிக்க பரிந்துரைத்தது. மேலும், ஒருங்கிணைந்த ஓய்வூதியம் திருத்தப்பட்ட ஊதிய அளவின் குறைந்தபட்ச ஊதியத்தின் 50%க்கு குறைவாக இருக்கக்கூடாது என்றும் கூறியது. 7வது ஊதியக் குழுவும் இடைக்கால சமத்துவத்தின் முக்கியத்துவத்தை அங்கீகரித்து, கடந்த மற்றும் எதிர்கால ஓய்வூதியர்களுக்கு இடையிலான இடைவெளியை படிப்படியாகக் குறைக்கும் நோக்கத்தைக் குறிப்பிட்டது.

AIDEFயின் கருத்துப்படி, நோஷனல் ஃபிக்ஸேஷன் மூலம் கடந்த ஓய்வூதியர்களை அடுத்தடுத்த ஊதியக் குழு திருத்தங்களுக்கு கொண்டு வர முடியும். இது ஓய்வுபெற்றபோது வகித்த பதவி/லெவல், அந்தப் பதவிக்கு பொருந்தும் ஊதியம், சேவையில் பெற்ற இன்க்ரிமென்ட்கள், பதவி உயர்வுகள் மற்றும் அதற்குப் பிறகு அந்தப் பதவிக்கு ஏற்பட்ட உயர்வு ஆகியவற்றை அடிப்படையாகக் கொண்டிருக்க வேண்டும். ஒரு பதவி பின்னர் உயர்த்தப்பட்டால், அதற்கு முன் ஓய்வுபெற்றவர்கள் அந்த உயர் நிலையின் நன்மையிலிருந்து நிரந்தரமாக விலக்கப்படக்கூடாது. இல்லையெனில் ஓய்வுபெற்ற தேதியே ஓய்வூதியத்தைத் தீர்மானிக்கும் காரணியாக மாறிவிடும்.

AIDEF பரிந்துரைப்பது, ஓய்வூதியம் பொதுவாக நோஷனல் பேயின் 50% ஆக நிர்ணயிக்கப்பட வேண்டும். இது தொடர்புடைய பதவி/லெவலின் குறைந்தபட்ச ஓய்வூதியம் மற்றும் பிற சட்ட விதிகளுக்கு உட்பட்டது. 8வது ஊதியக் குழு இந்த அம்சங்களைக் கருத்தில் கொண்டு அனைத்து ஓய்வூதியர்களுக்கும் OROP-ஐ செயல்படுத்த வேண்டும் என்று கோரப்படுகிறது. இந்தக் கோரிக்கை நிறைவேறினால், ஒரே பதவியில் இருந்தவர்களுக்கு ஓய்வுபெற்ற காலத்தைப் பொருட்படுத்தாமல் சமமான ஓய்வூதியம் கிடைக்கும் என்று ஊழியர் அமைப்புகள் நம்புகின்றன.

D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

Vedarethinam Ramalingam — Sat, 26 Sep 2026 08:06:40 +0530

DMart-ல் வாங்கிய பொருளில் பிரச்சினை இருந்தால் என்ன செய்ய வேண்டும்? Return, Exchange, Refund, Bill, Online Order மற்றும் Consumer Rights குறித்து தெரிந்துகொள்ள வேண்டிய முக்கிய தகவல்கள் இதோ.

டி-மார்ட்டில் வாங்கும் அனைத்து பொருட்களையும் ஒரே விதிமுறையின் அடிப்படையில் Return அல்லது Exchange செய்யலாம் என்று நினைக்கக்கூடாது. பொருளின் வகை, வாங்கிய முறை மற்றும் அந்தப் பொருளுக்கு பொருந்தும் தற்போதைய விதிமுறைகளைப் பொறுத்து Return அல்லது Exchange நிபந்தனைகள் மாறுபடலாம். குறிப்பாக உணவுப் பொருட்கள், ஆடைகள், வீட்டு உபயோகப் பொருட்கள், மின்சாதனங்கள் போன்றவற்றுக்கு வெவ்வேறு நடைமுறைகள் இருக்கலாம்.

டி-மார்ட்டில் பொருள் வாங்கிய பிறகு Bill-ஐ உடனே தூக்கி எறியாமல் பாதுகாப்பாக வைத்திருப்பது நல்லது. பொருளில் பிரச்சினை ஏற்பட்டால் எந்தக் கடையில், எந்தத் தேதியில், எந்தப் பொருள், எவ்வளவு விலைக்கு வாங்கப்பட்டது என்பதை நிரூபிக்க Bill உதவும். குறிப்பாக அதிக விலை கொண்ட பொருட்களுக்கு Bill-ன் புகைப்படத்தை செல்போனிலும் சேமித்து வைத்துக் கொள்வது பயனுள்ளதாக இருக்கும். இதையும் படிக்கலாமே - Online Shopping: ஆன்லைனில் பொருள் வாங்குறீங்களா? பணத்தை இழக்காமல் இருக்க இந்த விஷயங்களை தெரிஞ்சுக்கோங்க.!

பொருளை வாங்கிவிட்டு பல நாட்கள் கழித்து பிரச்சினையை கண்டுபிடிப்பதைவிட, வீட்டுக்கு வந்தவுடன் அதை சரிபார்ப்பது நல்லது. ஆடைகளில் அளவு, stitching, zip, button போன்றவற்றையும், வீட்டு உபயோகப் பொருட்களில் உடைப்பு அல்லது சேதத்தையும், மின்சாதனங்களில் வெளிப்புற சேதம் மற்றும் accessories உள்ளதா என்பதையும் பார்க்க வேண்டும். உணவுப் பொருட்களில் expiry அல்லது use-by date, package seal மற்றும் பொருளின் நிலை ஆகியவற்றை கவனிக்க வேண்டும். இதையும் படிக்கலாமே -D-Mart-ல் பாதி விலைக்கு பொருட்கள் வாங்க முடியுமா?! ரூ. 5,000 ஷாப்பிங்கை ரூ.3,000க்குள் கொண்டு வருவது எப்படி?

ஒரு பொருள் வாங்கிய பிறகு பிடிக்கவில்லை என்பது தனிப்பட்ட விருப்பம் தொடர்பான விஷயம். ஆனால் பொருளில் உடைப்பு, செயல்படாமை, தவறான size, தவறான பொருள், missing accessory போன்ற பிரச்சினைகள் இருந்தால் அது வேறு வகையான புகார். எனவே Return Counter-ல் செல்லும்போது “எனக்கு பிடிக்கவில்லை” என்று மட்டும் கூறாமல், உண்மையில் என்ன பிரச்சினை என்பதை தெளிவாகச் சொல்ல வேண்டும். இதையும் படிக்கலாமே - D-Mart-க்கு போறீங்களா? இந்த 5 பொருட்களை மட்டும் லிஸ்ட்டில் சேர்க்காதீங்க!

பொருளில் பிரச்சினை ஏற்பட்டால் சில சூழ்நிலைகளில் Exchange அல்லது Refund குறித்து கேட்கலாம். Exchange என்றால் பொருளை மாற்றிக் கொள்வது; Refund என்றால் செலுத்திய தொகையைத் திரும்பப் பெறுவது. ஆனால் எந்தப் பொருளுக்கு எந்தத் தீர்வு கிடைக்கும் என்பது அந்தப் பொருளுக்கு பொருந்தும் தற்போதைய Return Policy-ஐப் பொறுத்தது. எனவே “இந்தப் பொருளுக்கு Exchange கிடைக்குமா அல்லது Refund கிடைக்குமா?” என்று நேரடியாகக் கேட்டு தெரிந்து கொள்வது நல்லது.

Return அல்லது Exchange கேட்டு கடைக்குச் செல்லும்போது Original Bill, வாங்கிய பொருள், Original packing, price tag அல்லது label, accessories மற்றும் warranty card இருந்தால் அதையும் எடுத்துச் செல்வது நல்லது. மின்சாதனங்களில் box, charger, manual போன்றவை இருந்தால் அவற்றையும் பாதுகாத்து வைத்திருக்க வேண்டும். பொருளில் ஏற்பட்ட பிரச்சினையின் புகைப்படம் அல்லது வீடியோ இருந்தால் அதையும் ஆதாரமாக வைத்திருக்கலாம்.

Bill தொலைந்து விட்டால் Return அல்லது Exchange செய்வது சில நேரங்களில் சிரமமாக இருக்கலாம். இருப்பினும் வாங்கிய தேதி, கடை, பொருளின் விவரம் மற்றும் Payment தொடர்பான தகவல்கள் இருந்தால் Customer Service அல்லது Return Counter-ஐ அணுகலாம். UPI அல்லது Card மூலம் பணம் செலுத்தியிருந்தால் அந்த transaction-ன் விவரங்களையும் வைத்திருப்பது உதவியாக இருக்கலாம். ஆனால் Bill இல்லாமல் Return உறுதியாக கிடைக்கும் என்று பொதுவாகக் கூற முடியாது.

DMart Ready மூலம் Online-ல் வாங்கும் பொருட்களுக்கு product-specific Return விதிமுறைகளைப் பார்ப்பது மிகவும் முக்கியம். அதிகாரப்பூர்வ DMart Ready தளத்தில் சில பொருட்களுக்கு delivery நேரத்தில் மட்டுமே Return செய்ய முடியும் என்றும், delivery முடிந்த பிறகு Return செய்ய முடியாது என்றும் குறிப்பிடப்பட்டுள்ளது. எனவே Online Order வந்தவுடன் பொருளைச் சரிபார்த்து, பிரச்சினை இருந்தால் உடனடியாக தெரிவிப்பது பாதுகாப்பான நடைமுறையாகும்.

Online delivery மூலம் பொருள் வாங்கும்போது package கிழிந்திருக்கிறதா, seal சேதமடைந்துள்ளதா, பொருள் சரியானதா, quantity சரியாக உள்ளதா என்பவற்றைச் சரிபார்க்க வேண்டும். குறிப்பிட்ட பொருளுக்கு delivery நேரத்தில் மட்டுமே Return செய்யும் விதி இருந்தால், அந்த நேரத்தில் பிரச்சினையைத் தெரிவிக்காமல் விட்டுவிட்டு பின்னர் Return கேட்பது சிக்கலை ஏற்படுத்தலாம்.

Discount அல்லது Sale விலையில் வாங்கிய பொருள் என்பதற்காக மட்டுமே Return கிடையாது என்று பொதுவாக முடிவு செய்யக்கூடாது. அதே நேரத்தில் Discount பொருளுக்கு Return உறுதி என்றும் கூற முடியாது. அந்தப் பொருளுக்கு வழங்கப்பட்ட தற்போதைய Return அல்லது Exchange நிபந்தனைகளைப் பார்த்த பிறகே முடிவு செய்ய வேண்டும். குறிப்பாக அதிக தள்ளுபடியில் வாங்கும் பொருட்களுக்கு வாங்குவதற்கு முன்பே Return condition-ஐ தெரிந்து கொள்வது நல்லது.

மளிகைப் பொருட்கள் மற்றும் உணவுப் பொருட்களை வாங்கும்போது expiry அல்லது use-by date, package seal, leakage, torn packaging, quantity மற்றும் MRP ஆகியவற்றை கவனிக்க வேண்டும். வீட்டுக்கு வந்த பிறகு பொருளில் பிரச்சினை இருப்பது தெரிய வந்தால் package-ஐ உடனடியாக குப்பையில் போடாமல் பாதுகாத்து வைக்க வேண்டும். பிரச்சினையின் புகைப்படத்தையும் எடுத்துக் கொள்வது பின்னர் புகார் அளிக்க உதவும்.

Return பிரச்சினை மட்டுமல்லாமல் Billing தொடர்பான தவறுகளும் ஏற்படலாம். நீங்கள் இரண்டு பொருட்கள் வாங்கியிருந்தால் மூன்று quantity பதிவு செய்யப்பட்டிருக்கிறதா, ஒரே பொருள் இரண்டு முறை scan செய்யப்பட்டிருக்கிறதா, Discount அல்லது Offer சரியாக கணக்கிடப்பட்டுள்ளதா என்பதை Bill பார்த்து உறுதி செய்யலாம். கடையை விட்டு வெளியேறுவதற்கு முன் Bill-ஐ ஒருமுறை சரிபார்ப்பது நல்ல பழக்கம்.

நடுத்தர மற்றும் அடித்தட்டு குடும்பங்களின் மாத பட்ஜெட்டில் ₹200, ₹500 அல்லது ₹1,000 போன்ற தொகைகளுக்கும் முக்கியத்துவம் உண்டு. எனவே “சிறிய தொகைதானே, விட்டுவிடலாம்” என்று ஒவ்வொரு முறையும் அலட்சியம் செய்ய வேண்டாம். அதே நேரத்தில் சிறிய பிரச்சினைக்காக தேவையில்லாமல் வாக்குவாதம் செய்வதற்குப் பதிலாக Bill, பொருள் மற்றும் Policy ஆகியவற்றை வைத்து அமைதியாக தீர்வு கேட்பது நல்ல நடைமுறை.

Return Counter-ல் பொருளைத் திரும்பப் பெற முடியாது என்று கூறப்பட்டால் உடனடியாக வாக்குவாதம் செய்யாமல், “எந்த Policy காரணமாக Return செய்ய முடியவில்லை?” என்று கேட்கலாம். அந்தப் பொருளுக்கான Return condition என்ன என்பதைத் தெரிந்து கொள்ள வேண்டும். உண்மையான defect இருப்பதாக நீங்கள் கருதினால், பிரச்சினையை தெளிவாக விளக்கி Manager அல்லது Customer Service மூலம் தீர்வு கேட்கலாம்.

ஒரு பொருளில் உண்மையான பிரச்சினை இருந்தால், முடிந்தவரை அதற்கான ஆதாரங்களை வைத்திருப்பது நல்லது. Bill, பொருளின் புகைப்படம், defect-ன் புகைப்படம் அல்லது வீடியோ, payment proof, complaint reference number போன்றவற்றை சேமித்து வைத்துக் கொள்ளலாம். பின்னர் பிரச்சினை பெரிதாகும் சூழ்நிலையில் இந்த ஆதாரங்கள் உதவியாக இருக்கும்.

Return Counter-ல் தீர்வு கிடைக்கவில்லை என்றால் Store Manager-ஐ அணுகி பிரச்சினையை சுருக்கமாகவும் தெளிவாகவும் சொல்லலாம். “இந்தப் பொருளை இந்த தேதியில் வாங்கினேன்; இதில் இந்தப் பிரச்சினை உள்ளது; Bill இதோ; எனக்கு replacement அல்லது பொருந்தும் தீர்வு வேண்டும்” என்று ஆதாரத்துடன் பேசுவது நல்லது. கோபமாகப் பேசுவதைக் காட்டிலும் தகவல்களை முறையாக எடுத்துச் செல்வது அதிக பயன் தரும்.

Refund வழங்கப்படும் என்று கூறப்பட்டால் அது எந்த முறையில் வழங்கப்படும் என்பதையும் தெரிந்து கொள்வது நல்லது. Payment method, Refund processing நடைமுறை மற்றும் எதிர்பார்க்கப்படும் காலம் போன்றவற்றை Customer Service-ல் கேட்டு தெரிந்து கொள்ளலாம். Refund தொடர்பாக ஏதேனும் deduction இருப்பதாக கூறப்பட்டால் அதற்கான விதிமுறையைப் பார்க்கக் கேட்பதும் நுகர்வோருக்கு உதவும்.

இந்தியாவில் நுகர்வோருக்கு சட்டரீதியான பாதுகாப்புகளும் உள்ளன. Consumer Protection Act, 2019-ன் கீழ் defective goods மற்றும் deficient services தொடர்பாக நிவாரணம் பெறுவதற்கான வழிகள் உள்ளன. குறிப்பிட்ட சூழ்நிலைகளில் defect removal, replacement, refund மற்றும் compensation போன்ற நிவாரணங்கள் வழங்கப்படலாம். ஆனால் முதலில் சம்பந்தப்பட்ட கடை அல்லது நிறுவனத்திடம் முறையாகப் புகார் அளித்து தீர்வு காண முயற்சிப்பது நடைமுறைக்கு ஏற்ற முதல் படியாகும்.

இன்றைய காலத்தில் Bill-ன் புகைப்படத்தை செல்போனில் சேமித்து வைப்பது மிகவும் எளிது. குறிப்பாக விலை அதிகமான பொருட்களுக்கு Bill, Warranty Card மற்றும் பொருளின் புகைப்படங்களை ஒரு தனி Folder-ல் வைத்துக் கொள்ளலாம். இதனால் Original Bill தொலைந்து போனாலும், வாங்கியதற்கான தகவல்களைத் தேடுவதற்கு உதவியாக இருக்கும்.

வாங்குவதற்கு முன்பே Return Policy பார்ப்பது நல்லது

பொருளை வாங்கிய பிறகு Return பற்றி யோசிப்பதைவிட, வாங்குவதற்கு முன்பே அந்தப் பொருளின் Return அல்லது Exchange விதிமுறைகளைப் பார்ப்பது நல்லது. குறிப்பாக மின்சாதனங்கள், விலை அதிகமான வீட்டு உபயோகப் பொருட்கள், ஆடைகள், காலணிகள் மற்றும் Online-ல் வாங்கும் பொருட்களில் இது மிகவும் முக்கியம்.

கடையில் வாங்கும்போது 10 விநாடி Checklist

டி-மார்ட்டில் Shopping முடிந்தவுடன் Bill சரியாக இருக்கிறதா, Quantity சரியா, Product Name சரியா, Price அல்லது Discount சரியா, Expiry Date சரியா, Package சேதமில்லையா, Size சரியா, Accessories உள்ளதா, Return condition என்ன என்பதைக் கவனியுங்கள். இந்தச் சிறிய சரிபார்ப்பு பழக்கம் பின்னர் ஏற்படக்கூடிய பல பிரச்சினைகளைத் தவிர்க்க உதவும்.

குடும்ப பட்ஜெட்டை பாதுகாக்கும் முக்கியமான பழக்கம்

மாதச் சம்பளம் குறைவாக இருந்தாலும் அதிகமாக இருந்தாலும், தேவையில்லாமல் செலுத்தப்படும் ஒவ்வொரு ரூபாயும் குடும்ப பட்ஜெட்டில் தாக்கத்தை ஏற்படுத்தும். எனவே பொருள் வாங்கும்போது Bill சரிபார்ப்பது, வீட்டுக்கு வந்தவுடன் பொருளைச் சோதிப்பது, பிரச்சினை இருந்தால் உடனடியாக புகார் அளிப்பது போன்ற பழக்கங்கள் பணத்தை வீணாவதைத் தடுக்க உதவும்.

இறுதியாக நுகர்வோர் நினைவில் வைத்துக்கொள்ள வேண்டியது

டி-மார்ட்டில் வாங்கிய பொருளில் பிரச்சினை ஏற்பட்டால் முதலில் Bill-ஐ பாதுகாத்துக் கொள்ளுங்கள். பொருள் மற்றும் அதன் Original packing-ஐ வைத்திருங்கள். பிரச்சினையின் புகைப்படம் அல்லது வீடியோ இருந்தால் சேமியுங்கள். Return Counter அல்லது Customer Service-ஐ அணுகி, அந்தப் பொருளுக்கு பொருந்தும் Policy என்ன என்பதைத் தெரிந்து கொள்ளுங்கள். தீர்வு கிடைக்கவில்லை என்றால் Store Manager அல்லது உரிய நுகர்வோர் குறைதீர் வழியை பரிசீலிக்கலாம்.

முக்கியமான எச்சரிக்கை

டி-மார்ட்டில் வாங்கிய எல்லா பொருட்களுக்கும் ஒரே Return அல்லது Exchange காலவரம்பு உள்ளது என்று கூற முடியாது. பொருளின் வகை, வாங்கிய முறை மற்றும் தற்போதைய நிறுவன விதிமுறைகள் அடிப்படையில் நிபந்தனைகள் மாறக்கூடும். குறிப்பாக Online Order-களில் product-specific Return condition-ஐ கவனமாகப் பார்க்க வேண்டும். எனவே எந்தப் பொருளையும் Return செய்யும் முன் உங்கள் Bill மற்றும் சம்பந்தப்பட்ட பொருளுக்கான தற்போதைய அதிகாரப்பூர்வ விதிமுறைகளை சரிபார்ப்பதே பாதுகாப்பான நடைமுறையாகும்.

Ration Card Update: 3 மாத கால அவகாசம்! முடங்கிய ரேஷன் கார்டை மீண்டும் செயல்படுத்துவது எப்படி?

Vedarethinam Ramalingam — Wed, 30 Sep 2026 12:17:55 +0530

உங்க ரேஷன் கார்டு முடக்கப்பட்டால் கவலை வேண்டாம்! 3 மாத கால அவகாசத்திற்குள் e-KYC செய்து முடங்கிய ரேஷன் கார்டை மீண்டும் செயல்படுத்துவது எப்படி? முழு விவரங்கள் உள்ளே!

இந்தியாவில் பொது விநியோகத் திட்டத்தை (PDS) முற்றிலும் சீரமைக்கவும், தகுதியான ஏழை எளிய மக்களுக்கு மட்டுமே உணவு தானியங்கள் மற்றும் அத்தியாவசியப் பொருட்கள் சென்றடைவதை உறுதி செய்யவும் ஒன்றிய அரசு தீவிர நடவடிக்கை எடுத்து வருகிறது. இதன் ஒரு பகுதியாக, கடந்த 6 மாதங்களுக்கும் மேலாகத் தொடர்ந்து பொருட்கள் வாங்காமல் 'செயல்படாத நிலையில்' (Inactive Cards / Silent Cards) இருக்கும் சுமார் 1.58 கோடி ரேஷன் கார்டுகளை அக்டோபர் 1 முதல் தற்காலிகமாக முடக்க அரசு திட்டமிட்டுள்ளது. இதையும் கிளிக் செய்யலமே - Farmer Subsidy: ரூ.58,000 மானியம் + அதிக வருமானம்.! விவசாயிகள் பெறுவது எப்படி ? யார் யாருக்கு கிடைக்கும்?

பொது விநியோக முறையில் உள்ள முறைகேடுகளையும், கசிவுகளையும் தடுப்பதே இந்த நடவடிக்கையின் முதன்மை நோக்கமாகும்.

பயன்பாடற்ற நிலை (Silent Cards): தொடர்ந்து 6 மாதங்களுக்கு மேலாக எந்தப் பொருளும் வாங்கப்படாமல் முடங்கிக் கிடக்கும் ரேஷன் கார்டுகள்.
இறந்தவர்களின் பெயர்கள் நீக்கப்படாமை: குடும்பத்தில் இறந்த நபர்களின் பெயர்களை நீக்காமல் தொடர்ந்து அட்டையில் வைத்திருப்பது.
இடம் பெயர்வு மற்றும் முகவரி மாற்றம்: வேறு ஊர்களுக்கோ அல்லது மாநிலங்களுக்கோ குடிபெயர்ந்த பிறகும் பழைய பதிவுகளை நீக்காமல் வைத்திருப்பது.
போலி மற்றும் இரட்டை பதிவுகள்: தகுதியற்ற முறைகளில் புழக்கத்தில் இருக்கும் போலி கார்டுகள் மற்றும் ஒரே நபரின் பெயர் அட்டைகளில் இடம்பெற்றிருப்பது.

தற்போது நாடு முழுவதும் சுமார் 20.4 கோடி ரேஷன் கார்டுகள் மூலம் 80.6 கோடிக்கும் அதிகமான மக்கள் இலவச மற்றும் மானிய விலையிலான உணவு தானியங்களை பெற்று பயனடைந்து வருகின்றனர். இதையும் கிளிக் செய்யலமே - Gold Loan: தங்க நகைக் கடன் சீக்ரெட்.! 1 பவுனுக்கு எவ்வளவு லோன்? எந்த வங்கியில் அதிக பணம் கிடைக்கும்?

ரேஷன் கார்டுகள் அக்டோபர் 1 முதல் தற்காலிகமாக முடக்கப்பட்டாலும், பயனாளிகளின் பெயர்கள் உடனடியாக ரேஷன் பட்டியலிலிருந்து நிரந்தரமாக நீக்கப்படாது. உண்மையான பயனாளிகள் விடுபட்டுவிடக் கூடாது என்பதற்காக, முடக்கப்பட்ட அட்டைகளை மீண்டும் செயல்பாட்டுக்குக் கொண்டுவர 3 மாத காலம் (அக்டோபர் 1 முதல் ஜனவரி 1 வரை) கால அவகாசம் வழங்கப்படுகிறது. இந்த இடைப்பட்ட காலத்தில் உரிய கள ஆய்வும் (Field Verification) மற்றும் இ-கேஒய்சி (e-KYC) சரிபார்ப்பும் நடத்தப்படும். இதையும் கிளிக் செய்யலமே - D-Mart தீபாவளி ஷாப்பிங் 2026.! மளிகைப் பில்லில் ரூ.1,500 வரை சேமிப்பது எப்படி? முழு வழிகாட்டி!

தற்காலிகமாக முடக்கப்பட்ட தங்கள் ரேஷன் கார்டுகளை மீண்டும் புதுப்பித்துச் செயல்படுத்த பயனாளிகள் கீழே குறிப்பிடப்பட்டுள்ள நடைமுறைகளைப் பின்பற்ற வேண்டும்:

அருகிலுள்ள ரேஷன் கடைக்குச் செல்லுதல்: குடும்பத் தலைவர் மற்றும் ரேஷன் கார்டில் இடம்பெற்றுள்ள அனைத்து உறுப்பினர்களும் தங்களின் பகுதிக்குட்பட்ட நியாயவிலைக் கடைக்கு (Fair Price Shop) நேரில் செல்ல வேண்டும்.

பயோமெட்ரிக் e-KYC சரிபார்ப்பு: ரேஷன் கடையில் உள்ள இ-போஸ் (e-PoS) இயந்திரம் மூலம் குடும்ப உறுப்பினர்கள் அனைவரின் பயோமெட்ரிக் (கைரேகை அல்லது விழித்திரை) சரிபார்ப்பை மேற்கொள்ள வேண்டும்.

இதையும் படிக்கலாமே -Pure Ghee: சுத்தமான நெய்யைக் கண்டுபிடிப்பது எப்படி? ஆர்கானிக் நெய் என்றால் என்ன? முழு விவரம்!

ஆதார் இணைப்பு மற்றும் மொபைல் எண் பதிவு: ஆதார் எண்ணுடன் ரேஷன் கார்டு சரியாக இணைக்கப்பட்டுள்ளதா என்பதை உறுதிசெய்து, தற்போதைய கைபேசி எண்ணை (Mobile Number)Seed செய்து புதுப்பிக்க வேண்டும்.

இணையவழிச் சரிபார்ப்பு: மாநில உணவளிப்புத் துறை போர்ட்டல்கள் அல்லது பொதுச் சேவை மையங்கள் (CSC) மூலமாகவும் இ-கேஒய்சி தகவல்களைச் சரிபார்த்துக் கொள்ளலாம். இதையும் கிளிக் செய்யலமே - Coriander: கொத்து கொத்தா வளரும் கொத்தமல்லி.! கெத்தா வீட்டிலேயே வளர்ப்பது எப்படி தெரியுமா?!

எச்சரிக்கை மற்றும் பொதுமக்களுக்கான அறிவுறுத்தல் வழங்கப்பட்டுள்ள 3 மாத கால அவகாசத்திற்குள் e-KYC மற்றும் சரிபார்ப்புச் செயல்முறைகளை முடிக்காத பட்சத்தில், அந்த ரேஷன் கார்டுகள் தரவுத்தளத்தில் இருந்து (Database) நிரந்தரமாக நீக்கப்படும் என அரசு எச்சரித்துள்ளது. எனவே, நீண்ட நாட்களாக ரேஷன் பொருட்கள் வாங்காத குடும்பங்கள், உடனடியாகத் தங்கள் அருகில் உள்ள ரேஷன் கடைகளைத் தொடர்புகொண்டு e-KYC நடைமுறையை முடித்துக்கொள்ளுமாறு கேட்டுக்கொள்ளப்படுகிறார்கள். இதையும் கிளிக் செய்யலமே - Govt Scheme: ரூ.7.50 லட்சம் வரை மானியம் தரும் தமிழக அரசு.! விவசாயிகள் உடனே அப்ளை செய்ய வேண்டிய நேரம் இது.!

Cooking Oil Price: இனி தினமும் பூரி, வடைதான்.! லிட்டருக்கு ரூ.50 வரை குறையும் சமையல் எண்ணெய்.! என்னதான் காரணம்?!

Vedarethinam Ramalingam — Thu, 24 Sep 2026 11:00:59 +0530

சமையல் எண்ணெய் விலை குறைய முக்கிய காரணம் என்ன? இறக்குமதி வரி குறைப்பால் பாமாயில், சோயாபீன், சூரியகாந்தி எண்ணெய் விலையில் என்ன மாற்றம் ஏற்படும்? பண்டிகை காலத்தில் இல்லத்தரசிகளுக்கு கிடைக்கும் சேமிப்பு எவ்வளவு? முழு விவரம்.

சமையல் எண்ணெய் விலை குறையப் போகிறது என்ற செய்தி இல்லத்தரசிகளுக்கு மட்டுமல்லாமல், சிறிய ஓட்டல், டிபன் கடை, பலகாரக் கடை நடத்துபவர்களுக்கும் முக்கியமானதாக மாறியுள்ளது. குறிப்பாக தீபாவளி உள்ளிட்ட பண்டிகைகள் நெருங்கும் நேரத்தில் பூரி, வடை, பஜ்ஜி, போண்டா, முறுக்கு, அதிரசம் உள்ளிட்ட பலகாரங்களின் தயாரிப்பு அதிகரிக்கும். இந்த நிலையில் சமையல் எண்ணெய் இறக்குமதிக்கான சுங்க வரியை மத்திய அரசு குறைத்திருப்பதால், வரும் நாட்களில் எண்ணெய் விலையில் ஓரளவு குறைவு ஏற்பட வாய்ப்பு உருவாகியுள்ளது. இந்த புதிய வரி விகிதங்கள் செப்டம்பர் 24, 2026 முதல் அமலுக்கு வந்துள்ளன.

சமையல் எண்ணெய் விலை குறைவதற்கான முக்கிய காரணம் இறக்குமதி வரி குறைப்பு. இந்தியாவின் சமையல் எண்ணெய் தேவையில் பெரும்பகுதி இறக்குமதியைச் சார்ந்துள்ளது. குறிப்பாக பாமாயில், சோயாபீன் எண்ணெய் மற்றும் சூரியகாந்தி எண்ணெய் போன்றவை வெளிநாடுகளில் இருந்து அதிக அளவில் வருகின்றன. எனவே இந்த எண்ணெய்களை இறக்குமதி செய்யும் நிறுவனங்களுக்கு வரிச்சுமை குறைந்தால், அவற்றின் இறக்குமதி செலவும் குறைய வாய்ப்பு உள்ளது. இதையும் கிளிக் செய்யுங்களேன் - உருகி உருகி காதலிக்கும் 3 நட்சத்திர பெண்கள்.! கணவருக்காக எதையும் செய்யும் அன்பின் வடிவங்கள் நீங்கள்தான்.!

கச்சா பாமாயில் மற்றும் கச்சா சோயாபீன் எண்ணெய்க்கான அடிப்படை சுங்க வரி 10 சதவீதத்தில் இருந்து 5 சதவீதமாக குறைக்கப்பட்டுள்ளது. கச்சா சூரியகாந்தி எண்ணெய்க்கான வரி 10 சதவீதத்தில் இருந்து முற்றிலும் 0 சதவீதமாக குறைக்கப்பட்டுள்ளது. அதாவது கச்சா சூரியகாந்தி எண்ணெயை இறக்குமதி செய்யும்போது அடிப்படை சுங்க வரி செலுத்த வேண்டியதில்லை.

சுத்திகரிக்கப்பட்ட எண்ணெய்களிலும் வரி குறைக்கப்பட்டுள்ளது. சுத்திகரிக்கப்பட்ட பாமாயில் மற்றும் சோயாபீன் எண்ணெய்க்கான வரி 32.5 சதவீதத்தில் இருந்து 27.5 சதவீதமாக குறைக்கப்பட்டுள்ளது. சுத்திகரிக்கப்பட்ட சூரியகாந்தி எண்ணெய்க்கான வரி 32.5 சதவீதத்தில் இருந்து 22.5 சதவீதமாக குறைக்கப்பட்டுள்ளது. இதனால் இறக்குமதி செலவில் குறைவு ஏற்படுவதற்கான வாய்ப்பு உள்ளது. இதையும் கிளிக் செய்யுங்களேன் - 10th முடித்திருந்தாலே போதும் மாதம் ரூ.1 லட்சம் சம்பாதிக்கலாம்.! ஏஜெண்ட் ஆகி பணத்தை அள்ளுவது எப்படி தெரியுமா?

இங்குதான் பொதுமக்கள் ஒரு முக்கியமான விஷயத்தை புரிந்து கொள்ள வேண்டும். லிட்டருக்கு ரூ.50 குறையும் என்பது தற்போது உறுதி செய்யப்பட்ட சில்லறை விலை குறைப்பு அல்ல. இறக்குமதி வரி குறைக்கப்பட்டுள்ளதால் எண்ணெய் இறக்குமதி செலவு குறையலாம். அந்தப் பலன் எவ்வளவு அளவுக்கு நுகர்வோரிடம் வந்து சேரும் என்பது சர்வதேச எண்ணெய் விலை, டாலர்-ரூபாய் மாற்று விகிதம், கப்பல் போக்குவரத்து செலவு, சுத்திகரிப்பு செலவு மற்றும் விற்பனை நிறுவனங்களின் விலை நிர்ணயம் போன்றவற்றைப் பொறுத்தது.

எனவே “ரூ.50 வரை குறையும்” என்பது சாத்தியமான அதிகபட்ச விலை நிவாரணத்தை குறிக்கும் எதிர்பார்ப்பு; அரசு லிட்டருக்கு ரூ.50 குறையும் என்று அறிவித்துவிட்டது என்று அர்த்தமல்ல. கடைகளில் புதிய விலை குறைப்பு முழுமையாக எவ்வளவு பிரதிபலிக்கிறது என்பதுதான் முக்கியம். இதையும் கிளிக் செய்யுங்களேன் - Gold Loan: தங்கத்தை அடகு வைத்து தங்கம் வாங்குறீங்களா? இந்த ஆபத்தை மட்டும் மறந்துடாதீங்க!

இந்த வரிக் குறைப்பு வெளியாகியிருக்கும் நேரமும் கவனிக்க வேண்டிய ஒன்று. செப்டம்பர் முதல் நவம்பர் வரையிலான காலகட்டத்தில் இந்தியாவில் பண்டிகை தேவை அதிகரிக்கும். வீடுகளில் இனிப்பு, காரம் போன்றவை தயாரிப்பது மட்டுமின்றி, ஹோட்டல்கள், கேட்டரிங் நிறுவனங்கள், பேக்கரிகள் மற்றும் பலகாரக் கடைகளிலும் எண்ணெய் பயன்பாடு அதிகரிக்கும். இதனால் பண்டிகை காலத்திற்கு முன்பே எண்ணெய் விலை உயர்ந்துவிடக்கூடாது என்பதும் முக்கியமானதாகிறது.

கடந்த ஒரு ஆண்டில் இந்தியாவில் தாவர எண்ணெய் விலைகள் கணிசமாக உயர்ந்துள்ளதாகவும், பண்டிகை காலத்தில் தேவை மேலும் அதிகரிக்கக்கூடும் என்றும் சமீபத்திய செய்திகள் தெரிவிக்கின்றன. இந்த சூழ்நிலையில் இறக்குமதி வரி குறைப்பு வந்திருப்பதால், விலை அழுத்தத்தை ஓரளவு குறைக்க இது உதவக்கூடும். இதையும் கிளிக் செய்யுங்களேன் - 8th Pay Commission: Basic தாறுமாறா உயரப்போகுது.! OPS மாறும் ! AIDEF-ன் 4 அதிரடி கோரிக்கைகள்.!

லிட்டருக்கு ரூ.50 உண்மையாக சில்லறை விலையில் குறைந்தால், குடும்பங்களுக்குக் கிடைக்கும் சேமிப்பை எளிதாக கணக்கிடலாம். மாதத்திற்கு 2 லிட்டர் எண்ணெய் வாங்கும் குடும்பத்திற்கு ரூ.100 சேமிப்பு கிடைக்கும். 3 லிட்டர் வாங்கினால் ரூ.150, 5 லிட்டர் வாங்கினால் ரூ.250, 8 லிட்டர் வாங்கினால் ரூ.400, 10 லிட்டர் வாங்கினால் ரூ.500 வரை மாத சேமிப்பு கிடைக்கும்.

ஒரு குடும்பம் மாதத்திற்கு 5 லிட்டர் எண்ணெய் பயன்படுத்துவதாக எடுத்துக்கொண்டால், லிட்டருக்கு ரூ.50 குறையும் சூழ்நிலையில் மாதத்திற்கு ரூ.250 மிச்சமாகும். இதே விலை குறைப்பு 12 மாதங்களும் நீடித்தால், ஆண்டுக்கு ரூ.3,000 வரை சேமிக்க முடியும். இது ஒரு குடும்பத்துக்கான எளிய கணக்கு மட்டுமே; உண்மையான சேமிப்பு பயன்படுத்தும் அளவைப் பொறுத்து மாறும். இதையும் கிளிக் செய்யுங்களேன் - Home Herbal Garden: வீட்டிலேயே 'மெடிக்கல் ஷாப்'.! ஆரோக்கியம் தரும் சூப்பர் ஐடியாக்கள்.!

பண்டிகை காலத்தில் வழக்கத்தைவிட எண்ணெய் பயன்பாடு அதிகரிப்பது இயல்பானது. வீட்டிலேயே பூரி, வடை, பஜ்ஜி, போண்டா, முறுக்கு போன்றவற்றை அதிகமாகச் செய்வோர் கூடுதலாக எண்ணெய் வாங்க வேண்டியிருக்கும். உதாரணமாக, வழக்கமாக 5 லிட்டர் வாங்கும் குடும்பம் பண்டிகை மாதத்தில் 7 லிட்டர் வாங்குகிறது என்று வைத்துக்கொண்டால், லிட்டருக்கு ரூ.50 குறையும் சூழ்நிலையில் 7 × ரூ.50 = ரூ.350 வரை அந்த மாதத்தில் சேமிக்க முடியும்.

அதேபோல் சிறிய டிபன் கடை அல்லது பலகாரக் கடை தினசரி அதிக அளவு எண்ணெய் பயன்படுத்தினால், லிட்டருக்கு ஏற்படும் சிறிய விலை குறைப்புகூட மாத இறுதியில் பெரிய செலவு மிச்சமாக மாறும். ஆனால் இங்கும் உண்மையான சேமிப்பு எண்ணெயின் கொள்முதல் அளவு மற்றும் கடையில் கிடைக்கும் புதிய விலையைப் பொறுத்தே இருக்கும். இதையும் கிளிக் செய்யுங்களேன் - EPFO New Rules: பிஎஃப் புதிய விதியால் உங்க சம்பளம் ஏறுமா? இறங்குமா? Take Home Salary எவ்ளோ கிடைக்கும்?

தமிழகத்தில் “சுத்திகரிக்கப்பட்ட சமையல் எண்ணெய் மட்டும் மாதத்திற்கு எத்தனை லிட்டர் பயன்படுத்தப்படுகிறது?” என்ற வகையில் 2026-ம் ஆண்டுக்கான தனியான அதிகாரப்பூர்வ எண்ணிக்கை பொதுவெளியில் தெளிவாக இல்லை. ஆனால் தமிழ்நாட்டின் தனிநபர் சமையல் எண்ணெய் நுகர்வு குறித்த ஆய்வு தரவு உள்ளது.

Institute of Economic Growth வெளியிட்ட ஆய்வின்படி, தமிழகத்தில் ஒருவரின் சராசரி மாதாந்திர சமையல் எண்ணெய் நுகர்வு 1.485 லிட்டர் என குறிப்பிடப்பட்டுள்ளது. நகர்ப்புற மற்றும் கிராமப்புற நுகர்வில் வேறுபாடுகளும் இருப்பதாக அந்த ஆய்வு தெரிவிக்கிறது.

இந்த 1.485 லிட்டர் என்ற பழைய நுகர்வு ஆய்வு அளவை மட்டும் வைத்து இன்றைய தமிழக மக்கள் தொகைக்கு கணக்கிடும்போது, மாநிலத்தின் மொத்த மாதாந்திர சமையல் எண்ணெய் நுகர்வு சுமார் 11–12 கோடி லிட்டர் அளவில் இருக்கலாம் என்ற தோராயமான மதிப்பீடு கிடைக்கிறது. ஆனால் இது 2026-ம் ஆண்டுக்கான அதிகாரப்பூர்வ பயன்பாட்டு எண்ணிக்கை அல்ல என்பதையும், சுத்திகரிக்கப்பட்ட எண்ணெய் மட்டும் என்ற தனிப்பட்ட கணக்காக எடுத்துக்கொள்ளக்கூடாது என்பதையும் கவனத்தில் கொள்ள வேண்டும்.

தமிழகத்தில் சமையல் எண்ணெய் பயன்பாட்டை புரிந்துகொள்ள ரேஷன் கடைகளின் புள்ளிவிவரமும் முக்கியமானது. தமிழக அரசின் அதிகாரப்பூர்வ Civil Supplies Corporation தகவலின்படி, சிறப்பு பொது விநியோகத் திட்டத்தின் கீழ் குடும்ப அட்டைதாரர்களுக்கு பாமாயில் வழங்கப்படுகிறது. தற்போது ஒரு குடும்ப அட்டைக்கு மாதத்திற்கு 1 லிட்டர் பாமாயில் ரூ.25 என்ற விலையில் வழங்கப்படுகிறது.

மேலும், தமிழக அரசு வெளியிட்ட தகவலின்படி, சிறப்பு பொது விநியோகத் திட்டத்துக்காக ஆண்டுதோறும் 156 லட்சம் லிட்டர் பாமாயில் கொள்முதல் செய்யப்படுகிறது. இதிலிருந்து தமிழகத்தில் அரசு மானிய விலையில் வழங்கும் எண்ணெய் விநியோகத்துக்கே கணிசமான அளவு தேவை இருப்பதை புரிந்துகொள்ள முடியும்.

2025-ம் ஆண்டு வெளியான தமிழக உணவுத்துறை தொடர்பான தகவலின்படி, பொது விநியோகத் திட்டத்தின் மூலம் சுமார் 20,000 கிலோலிட்டர் சமையல் எண்ணெய் மாதந்தோறும் மானிய விலையில் சந்தைக்குள் வருகிறது என்று அதிகாரி ஒருவர் தெரிவித்திருந்தார். 20,000 கிலோலிட்டர் என்பது 2 கோடி லிட்டர் ஆகும்.

அதே செய்தியின்படி, தமிழகத்தில் சுமார் 2.15 கோடி ரேஷன் கார்டுகள் உள்ளன; அவற்றில் 95–96 சதவீத அட்டைதாரர்கள் ஒவ்வொரு மாதமும் எண்ணெய் மற்றும் பருப்பு வாங்குவதாக அதிகாரப்பூர்வ பதிவுகளை மேற்கோள் காட்டி தெரிவிக்கப்பட்டுள்ளது.

இதனால் தமிழகத்தில் எண்ணெய் விலையில் ஏற்படும் மாற்றம் சாதாரண குடும்பங்களின் மாத மளிகைச் செலவில் மட்டுமல்லாமல், மிகப்பெரிய அளவிலான நுகர்வோர் சந்தையிலும் தாக்கத்தை ஏற்படுத்தும் என்பதை புரிந்து கொள்ளலாம்.

சமையல் எண்ணெய் விலை குறைந்தால் அதன் தாக்கம் உணவகங்கள் மற்றும் சிறிய உணவுக் கடைகளிலும் தெரிய வாய்ப்பு உள்ளது. ஒரு டிபன் கடை தினமும் பல லிட்டர் எண்ணெய் பயன்படுத்துகிறது என்றால், லிட்டருக்கு சில ரூபாய் குறைந்தால்கூட மாதச் செலவில் கணிசமான மாற்றம் ஏற்படலாம். இதன் மூலம் பூரி, வடை, பஜ்ஜி போன்ற பொருட்களின் தயாரிப்பு செலவும் ஓரளவு குறையலாம்.

ஆனால் உணவுப் பொருளின் இறுதி விலையை எண்ணெய் மட்டும் தீர்மானிப்பதில்லை. மாவு, பருப்பு, காய்கறி, எரிவாயு, மின்சாரம், ஊழியர் சம்பளம், வாடகை, போக்குவரத்து உள்ளிட்ட பல செலவுகள் உள்ளன. எனவே எண்ணெய் விலை குறைந்தவுடன் ஹோட்டல் உணவுகளின் விலையும் அதே அளவு குறையும் என்று கூற முடியாது.

இந்தியாவின் சமையல் எண்ணெய் சந்தை சர்வதேச சந்தையுடன் நெருக்கமாக இணைந்துள்ளது. நாட்டின் தேவையில் கிட்டத்தட்ட மூன்றில் இரண்டு பங்கு அளவுக்கு இறக்குமதி சார்பு இருப்பதாக சமீபத்திய செய்திகள் தெரிவிக்கின்றன. இதனால் மலேசியா, இந்தோனேசியா உள்ளிட்ட நாடுகளின் பாமாயில் விலை, சர்வதேச சோயாபீன் எண்ணெய் விலை, சூரியகாந்தி எண்ணெய் விநியோகம் போன்றவை இந்திய சந்தையிலும் தாக்கத்தை ஏற்படுத்துகின்றன.

இதனுடன் டாலருக்கு எதிரான ரூபாய் மதிப்பு, கப்பல் போக்குவரத்து செலவு, காப்பீடு மற்றும் துறைமுகச் செலவு ஆகியவையும் சேர்கின்றன. அதனால்தான் வெளிநாட்டில் எண்ணெய் விலை குறைந்தாலும், இந்தியக் கடைகளில் உடனடியாக அதே அளவு விலை குறையும் என்று சொல்ல முடியாது.

எண்ணெய் விலை குறையும் என்ற எதிர்பார்ப்பில் ஒரே நேரத்தில் அதிக அளவு எண்ணெய் வாங்கி சேமித்து வைப்பதைவிட, குடும்பத்தின் வழக்கமான தேவைக்கு ஏற்ப வாங்குவது பாதுகாப்பானது. குறிப்பாக எண்ணெய் விலை உண்மையாக குறைந்து புதிய விலைப்பட்டியல் கடைகளில் அமலுக்கு வந்த பிறகு, பல்வேறு பிராண்டுகளின் விலையை ஒப்பிட்டு வாங்கலாம்.

பண்டிகைக்காக அதிக அளவில் எண்ணெய் வாங்க வேண்டிய குடும்பங்கள், பழைய விலையிலும் புதிய விலையிலும் உள்ள வித்தியாசத்தை கணக்கிட்டு வாங்கினால் எவ்வளவு மிச்சமாகிறது என்பதை தெளிவாக தெரிந்து கொள்ள முடியும்.

மத்திய அரசின் தற்போதைய நடவடிக்கையின் மைய நோக்கம் சமையல் எண்ணெயின் இறக்குமதி செலவைக் குறைத்து, அதன் தாக்கம் உள்நாட்டு விலையிலும் பிரதிபலிக்கச் செய்வது. கச்சா பாமாயில் மற்றும் சோயாபீன் எண்ணெய்க்கான BCD 10%-ல் இருந்து 5%-ஆகவும், கச்சா சூரியகாந்தி எண்ணெய்க்கான BCD 10%-ல் இருந்து பூஜ்ஜியமாகவும் குறைக்கப்பட்டுள்ளது. சுத்திகரிக்கப்பட்ட பாமாயில் மற்றும் சோயாபீன் எண்ணெய் 32.5%-ல் இருந்து 27.5%-ஆகவும், சுத்திகரிக்கப்பட்ட சூரியகாந்தி எண்ணெய் 32.5%-ல் இருந்து 22.5%-ஆகவும் குறைக்கப்பட்டுள்ளது.

இதன் பலன் முழுமையாக நுகர்வோரிடம் வந்து சேர்ந்தால், குறிப்பாக பண்டிகை காலத்தில் எண்ணெய் வாங்கும் குடும்பங்களுக்கு செலவு குறையலாம். லிட்டருக்கு ரூ.50 குறைந்தால் 5 லிட்டர் வாங்கும் குடும்பத்துக்கு ரூ.250, 10 லிட்டர் வாங்கும் குடும்பத்துக்கு ரூ.500 வரை மாத சேமிப்பு கிடைக்கும். ஆனால் ரூ.50 குறைப்பு என்பது உறுதி செய்யப்பட்ட சில்லறை விலை அல்ல; வரிக் குறைப்பின் பலன் சந்தையில் எவ்வளவு பிரதிபலிக்கிறது என்பதைப் பொறுத்தே உண்மையான சேமிப்பு இருக்கும்.

அதனால் “இனி பூரி, வடைதான்!” என்று சொல்லும் அளவுக்கு எண்ணெய் விலை உண்மையில் எவ்வளவு குறையும் என்பது அடுத்தடுத்த நாட்களில் கடைகளில் வெளியாகும் புதிய விலையைப் பார்த்தால்தான் தெளிவாகும். பண்டிகை காலத்தில் விலை குறைப்பு முழுமையாக கிடைத்தால், குடும்பங்களின் மளிகை பட்ஜெட்டுக்கு நிச்சயமாக ஓரளவு நிவாரணம் கிடைக்கக்கூடும்.

ஆண்டுக்கு 6 சிலிண்டர் உறுதி; ஒப்புதல் அளித்த அமைச்சரவை: பேரவையில் அரசு அதிரடி அறிவிப்பு!

Meenakshisundaram — Sat, 26 Sep 2026 07:45:12 +0530

'அந்த்யோதயா அன்ன யோஜனா' திட்டத்தில் உள்ள குடும்பங்களுக்கு ஆண்டுக்கு 6 சிலிண்டர்கள் வழங்கும் திட்டத்துக்கு, ஜம்மு - காஷ்மீர் அரசு ஒப்புதல் அளித்துள்ளதாக உணவு மற்றும் நுகர்வோர் விவகாரத்துறை அமைச்சர் சதீஷ் சர்மா சட்டப்பேரவையில் அறிவித்தார்.

ஆண்டுக்கு 12 சிலிண்டர் தருவோம்னு சொன்னீங்க... 2 வருஷம் முடிஞ்சு போச்சு... அந்த 24 சிலிண்டர் எங்கே போச்சு? ஜம்மு-காஷ்மீர் சட்டப்பேரவையில் எதிர்க்கட்சிகள் எழுப்பிய இந்த ஒற்றைக் கேள்வி, ஒட்டுமொத்த அவையையும் அதிர வைத்திருக்கிறது.

ஸ்ரீநகரில் நடந்து வரும் ஜம்மு-காஷ்மீர் சட்டப்பேரவையின் இலையுதிர்காலக் கூட்டத்தொடரில், நுகர்வோர் விவகாரத்துறை அமைச்சர் சதீஷ் சர்மா ஓர் அதிரடி அறிவிப்பை வெளியிட்டார். அந்தியோதயா அன்ன யோஜனா (AAY) திட்டத்தின் கீழ் உள்ள ஏழைக் குடும்பங்களுக்கு ஆண்டுக்கு 6 இலவச சமையல் எரிவாயு சிலிண்டர்கள் வழங்கும் திட்டத்திற்குத் தகுதிவாய்ந்த அதிகார அமைப்பு முறைப்படி ஒப்புதல் தந்துவிட்டதாகவும், இதற்கான அரசாணைகள் விரல் நுனியில் தயாராகி வருவதாகவும் பெருமிதத்தோடு அறிவித்தார்.

ஆளும்கட்சி எம்.எல்.ஏ-க்கள் மேசையைத் தட்டி வரவேற்க, முதல்வர் உமர் அப்துல்லாவும், இது ஏழை எளிய மக்களின் கண்ணியமான வாழ்வுக்கான சமூக நீதிப் பரிசு; பட்ஜெட் வாக்குறுதியை நிறைவேற்றிவிட்டோம் என்று நெஞ்சை நிமிர்த்தினார். ஆனால், அடுத்த சில நிமிடங்களிலேயே அந்த அமைதி சுக்குநூறாக உடைந்தது.

அரசின் இந்த முடிவை எதிர்த்து எதிர்க்கட்சித் தலைவர் சுனில் சர்மா (பாஜக) ஆவேசமாக எழுந்தார். 2024 தேர்தல் களத்தில் என்ன சொன்னீர்கள்? அனைத்து குடும்பங்களுக்கும் ஆண்டுக்கு 12 சிலிண்டர்கள் இலவசம் என்றீர்கள். இப்போது என்னடா என்றால், மொத்த மக்களையும் கழற்றி விட்டுவிட்டு, அந்தியோதயா அன்ன யோஜனா பிரிவினருக்கு மட்டும் அதுவும் வெறும் 6 சிலிண்டர் தானா? 2 ஆண்டுகள் ஓடிவிட்டது... மக்களுக்குத் தரவேண்டிய 24 சிலிண்டர்கள் எங்கே? அதற்கு வெள்ளை அறிக்கை கொடுங்கள்!" என்று சுனில் சர்மா வெளுத்து வாங்கினார்.

அத்தோடு விடாமல், வாக்குறுதி அளித்த 1 லட்சம் அரசு வேலைகள் எங்கே? 200 யூனிட் இலவச மின்சாரம் என்னாச்சு? இலவச ரேஷன், கேஸ் என்று ஏழை மக்களை இன்னும் எத்தனை காலம் தான் ஏமாற்றுவீர்கள்? என்று அவர் அடுக்கடுக்காகக் கேள்விக்கணைகளைத் தொடுக்க, பேரவையே தகித்தது.

சுனில் சர்மாவின் பேச்சுக்கு வலுசேர்க்கும் வகையில், ஒட்டுமொத்த பாஜக எம்.எல்.ஏ-க்களும் இருக்கைகளை விட்டு எழுந்து நின்று, பொய் அரசு ஒழிக (Jhoote Sarkar Hai Hai), 2 வருஷத்து 24 சிலிண்டர் எங்கே போச்சு?, சிலிண்டர் திருடர்கள் (Cylinder Chor) என்று முழக்கங்களை எழுப்பி அவையை அதிர வைத்தனர்.

ஆளும்கட்சி மற்றும் எதிர்க்கட்சி உறுப்பினர்களுக்கு இடையே நேரடி வாக்குவாதம் வெடித்துப் பேரவை போர்க்களமானது. நிலைமை எல்லை மீறவே, சபாநாயகர் அப்துல் ரஹீம் ராத்தர் எழுந்து நின்று எம்.எல்.ஏ-க்களை அமருமாறு எச்சரித்து, பெரும் போராட்டத்திற்குப் பின் அவையை அமைதிக்குக் கொண்டு வந்தார்.

அவைக்குள்ளே பா.ஜ.க அனல் பறக்கவிட, வெளியே மக்கள் ஜனநாயகக் கட்சி (PDP) எம்.எல்.ஏ அகா சையத் முன்தாசிர் அரசுக்கு எதிராகச் சாட்டையைச் சுழற்றினார். 12 சிலிண்டர் தருவோம்னு பிரம்மாண்ட வாக்குறுதிகளை அள்ளி வீசி ஆட்சியைப் பிடித்தார்கள். இப்போ மொத்தமாக 'யூ-டர்ன்' போட்டுட்டு, 6 சிலிண்டர்னு நிபந்தனை போடுறாங்க.

அன்றாட மக்கள் பிரச்னைகளில் கொடுத்த வாக்குறுதியைக் கூட காப்பாற்றத் துப்பில்லாத அரசு இது என்று வறுத்தெடுத்தார். பெண்களுக்கு இலவச பேருந்து பயணம் வழங்கிய கையோடு, இரட்டிப்பு ரேஷன் மற்றும் 200 யூனிட் இலவச மின்சாரம் தருவோம் என்று கூறி ஆட்சியைப் பிடித்த உமர் அப்துல்லா அரசுக்கு, இந்த அரை வாக்குறுதி விவகாரம் பெரும் அரசியல் தலைவலியாக மாறியிருக்கிறது.

Firecracker Scam Alert: Online பட்டாசு மோசடி! சமத்தா இருந்து தப்பிச்சுக்கோங்க! அலர்ட் செய்த தமிழக அரசு!

Vedarethinam Ramalingam — Tue, 29 Sep 2026 11:28:50 +0530

தீபாவளியை முன்னிட்டு ஆன்லைன் பட்டாசு மோசடி அதிகரித்துள்ளது. குறைந்த விலை சலுகைகளை நம்பி ஏமாறாதீர்கள்! தமிழக அரசு அலர்ட், மோசடி எப்படி நடக்கிறது, எப்படி தப்பிப்பது மற்றும் 1930-ல் புகார் அளிக்கும் முறை – முழு விவரம் இங்கே.

தீபாவளி என்றாலே பட்டாசு, மகிழ்ச்சி, குடும்பத்துடன் கொண்டாட்டம். ஆனால் இந்த மகிழ்ச்சியை பயன்படுத்தி மோசடிக்காரர்கள் வேலை செய்கிறார்கள். ஆன்லைனில் “குறைந்த விலை பட்டாசு”, “சிறப்பு ஆஃபர்”, “50% தள்ளுபடி” என்று விளம்பரம் போட்டு, நடுத்தர மற்றும் அடித்தட்டு குடும்பங்களை இலக்காக வைத்து பணத்தைப் பறிக்கிறார்கள். தமிழக அரசும் சைபர் கிரைம் போலீசும் இப்போது கடுமையான எச்சரிக்கை விடுத்துள்ளனர். அமைச்சர் கீர்த்தனா தனது X பதிவில், “குறைந்த விலை சலுகைகளை நம்பி அறிமுகமில்லாத தளங்களில் முன்கூட்டியே பணம் செலுத்தி ஏமாற வேண்டாம்” என்று தெளிவாக சொல்லியிருக்கிறார்.

ஒவ்வொரு ஆண்டும் தீபாவளிக்கு முன் இந்த மோசடி அதிகரிக்கிறது. கடந்த ஆண்டுகளில் தமிழகத்தில் சில வாரங்களில் மட்டும் டஜன் கணக்கான புகார்கள் பதிவாகியுள்ளன. ஒவ்வொரு புகாரிலும் ஆயிரங்கள் முதல் பல லட்சம் ரூபாய் வரை இழப்பு ஏற்படுகிறது. ஒட்டுமொத்தமாக இந்தியாவில் சைபர் மோசடிகளால் ஆண்டுக்கு 20,000 கோடி ரூபாய்க்கு மேல் இழப்பு ஏற்படுகிறது. பட்டாசு மோசடி அதில் ஒரு பகுதிதான். ஆனால் நடுத்தர குடும்பங்களுக்கு இது பெரிய அடி. குழந்தைகளின் மகிழ்ச்சிக்காக சேமித்த 5,000 அல்லது 10,000 ரூபாய் போய்விட்டால், அந்த இழப்பு மிகவும் உணரப்படும்.

முதலில் Facebook, Instagram, WhatsApp-ல் கவர்ச்சிகரமான விளம்பரங்களை போடுவார்கள். பட்டாசு பேக் படங்கள், “Special Offer – Buy Now”, “Payment Successful” போன்ற போலி ஸ்கிரீன்ஷாட்கள் காட்டுவார்கள். நீங்கள் ஆர்வத்துடன் கால் செய்தால் அல்லது மெசேஜ் அனுப்பினால், உடனே WhatsApp மூலம் பதில் வரும். “ஆர்டர் போடுங்க சார், முன்பணம் மட்டும் கட்டணம்” என்பார்கள். பிறகு ஒரு போலி இணையதள லிங்க் அனுப்புவார்கள். அது உண்மையான ஷாப் போல் தெரியும். நீங்கள் ஆர்டர் போட்டதும், முதலில் சிறிய தொகை கேட்பார்கள். பிறகு “Processing charge”, “GST”, “Courier charge” என்று அடுத்தடுத்து பணம் கேட்பார்கள். நீங்கள் பணம் அனுப்பியதும் மறைந்துவிடுவார்கள். பட்டாசு வராது, தொலைபேசி எண் வேலை செய்யாது.

நடுத்தர குடும்பங்கள் பணத்தை கவனமாக செலவழிக்கிறார்கள். அதனால் “குறைந்த விலை” என்ற வார்த்தை அவர்களை ஈர்க்கிறது. உள்ளூர் கடையில் விலை அதிகம் என்று தோன்றும்போது, ஆன்லைன் ஆஃபர் கவர்ச்சியாக தெரியும். மேலும், WhatsApp மற்றும் Instagram பயன்பாடு அதிகம் இருப்பதால், இந்த மோசடி எளிதாக பரவுகிறது. பலர் “ஒருமுறை முயற்சி செய்து பார்க்கலாம்” என்று நினைத்து பணம் அனுப்பிவிடுகிறார்கள். பிறகு வருத்தப்படுகிறார்கள்.

முதல் விதி: அறிமுகமில்லாத தளத்தில் முன்கூட்டியே பணம் செலுத்த வேண்டாம். “மிகவும் மலிவானது” என்றால் சந்தேகப்படுங்கள். சாதாரண விலையை விட 40-50% குறைவாக இருந்தால், அது மோசடி வாய்ப்பு அதிகம்.
இரண்டாவது விதி: விற்பனையாளரின் முழு விவரங்களை பாருங்கள். முகவரி, லேண்ட்லைன் எண், GST எண், உண்மையான கடை முகவரி இருக்கிறதா என்று சரிபாருங்கள். மதிப்பீடுகள் (reviews) பாருங்கள். WhatsApp-ல் மட்டும் பேசுபவர்களை நம்ப வேண்டாம்.
மூன்றாவது விதி: பணம் அனுப்பும் முறையில் கவனம். QR code அல்லது அறியாத UPI ID-க்கு நேரடியாக பணம் அனுப்ப வேண்டாம். Cash on Delivery முறை இருந்தால் மட்டும் பரிசீலிக்கவும். OTP, PIN, கார்டு விவரங்களை யாருக்கும் சொல்ல வேண்டாம்.
நான்காவது விதி: உள்ளூர் நம்பகமான கடைகளையே விரும்புங்கள். சிவகாசி பகுதியில் அனுமதி பெற்ற கடைகளில் இருந்து வாங்குவது பாதுகாப்பானது. பெரிய ஈ-காமர்ஸ் தளங்களில் கூட பட்டாசு விற்பனைக்கு கட்டுப்பாடுகள் இருக்கலாம். எனவே உள்ளூர் கடையே சிறந்தது.

பணம் போய்விட்டால் பயப்படாதீர்கள். உடனடியாக நடவடிக்கை எடுங்கள். 1930 என்ற சைபர் கிரைம் ஹெல்ப்லைனுக்கு உடனே கால் செய்யுங்கள். இது 24 மணி நேரமும் இயங்குகிறது. www.cybercrime.gov.in இணையதளத்தில் ஆன்லைன் புகார் பதிவு செய்யுங்கள். உங்கள் வங்கியை உடனே தொடர்பு கொண்டு அந்த பரிவர்த்தனையை முடக்கச் சொல்லுங்கள். சில நேரங்களில் பணத்தை மீட்க வாய்ப்பு இருக்கும். ஸ்கிரீன்ஷாட், UPI விவரம், தொலைபேசி எண், WhatsApp சாட் வரலாறு அனைத்தையும் சேமித்து வையுங்கள். இவை புகாருக்கு மிகவும் உதவும்.

இந்த மோசடி பற்றி வீட்டில் உள்ள அனைவருக்கும் சொல்லுங்கள். குறிப்பாக வயதானவர்கள் மற்றும் இளைஞர்கள் ஆன்லைனில் எளிதில் ஏமாற வாய்ப்பு அதிகம். WhatsApp குழுக்களில் இந்த செய்தியை பகிருங்கள். “ஒருவர் தப்பித்தால் பலர் தப்புவார்கள்” என்ற எண்ணத்துடன் செயல்படுங்கள்.

தீபாவளி மகிழ்ச்சியான பண்டிகை. ஆனால் பண இழப்புடன் வரும் மகிழ்ச்சி மகிழ்ச்சியாக இருக்காது. சலுகைகளைப் பார்த்து ஆசைப்படாமல், சிந்தித்து செயல்படுங்கள். தமிழக அரசு மற்றும் போலீஸ் இந்த மோசடிகளை கண்காணித்து வருகின்றனர். ஆனால் முதல் பாதுகாப்பு நீங்கள்தான்.

நினைவில் கொள்ளுங்கள்: “மிகவும் மலிவானது என்றால், அது உங்களை விலைக்கு வாங்கும் வாய்ப்பு அதிகம்.” பாதுகாப்பாக இருங்கள். இந்த அலர்ட்டை உங்கள் நண்பர்கள், உறவினர்களுடன் பகிருங்கள். தீபாவளி மகிழ்ச்சியாகவும், பாதுகாப்பாகவும் அமையட்டும்!

சபரிமலையில் அரை கிலோ தங்க கிரீடம் மாயம்? போலி வைக்கப்பட்டதா? தமிழக பக்தர்கள் தந்த கிரீடத்திற்கு என்னாச்சு?

Meenakshisundaram — Thu, 24 Sep 2026 18:23:06 +0530

சபரிமலை சன்னிதானத்தில் உள்ள பாதுகாப்பு அறையில் உள்ள திருவாபரணங்களின் கணக்கெடுப்பு பணி நடந்து வருகிறது. நீதிபதி கே.டி.சங்கரன் தலைமையிலான திருவாபரணங்களை சரிபார்க்கும் குழு ஆய்வின்போது 55 சவரன் தங்கக் கிரீடத்துக்கு பதிலாக போலி கிரீடம் இருந்தது அம்பலம்.

உலகப் பிரசித்தி பெற்ற சபரிமலை ஐயப்பன் கோயிலில், பாதுகாப்பு அறையில் (ஸ்ட்ராங் ரூம்) வைக்கப்பட்டிருந்த சுமார் அரை கிலோ மதிப்பிலான அசல் தங்கக் கிரீடம் மாயமாகி, அதற்குப் பதிலாக போலி கிரீடம் வைக்கப்பட்டதாக வெளியான தகவல் பக்தர்கள் மத்தியில் பெரும் அதிர்வலைகளை ஏற்படுத்தியுள்ளது.

கேரள உயர் நீதிமன்றத்தின் உத்தரவின்படி, நீதிமன்றத்தின் 'அமிகஸ் கியூரி' (Amicus Curiae) ஓய்வுபெற்ற நீதிபதி கே.டி. சங்கரன் தலைமையில் சபரிமலை சன்னிதானத்தில் உள்ள ஆபரணங்கள் மற்றும் விலைமதிப்பற்ற பொருட்களின் கணக்கெடுப்புப் பணி தீவிரமாக நடைபெற்றது. அப்போது ஸ்ட்ராங் ரூமில் வைக்கப்பட்டிருந்த கிரீடத்தை ஆய்வு செய்தபோதுதான் இந்த விவகாரம் வெளிச்சத்துக்கு வந்தது.

அசல் தங்கக் கிரீடத்திற்குப் பதிலாக, அதே வடிவம் கொண்ட ‘முக்குபண்டம்’ எனப்படும் போலி கிரீடம் மாற்றி வைக்கப்பட்டிருப்பதாகக் கூறப்பட்டது. அந்த போலி கிரீடத்தில் வைரம் போன்ற வெள்ளைக் கற்கள் பதிக்கப்பட்டிருந்தன.

கடந்த 2012-ம் ஆண்டு ஆகஸ்ட் 17 அன்று (சிங்க மாத பிறப்பு), தமிழ்நாட்டைச் சேர்ந்த சார்ட்டர்ட் அக்கவுண்டன்ட் (CA) ஐயப்ப பக்தர்கள் குழு இந்த தங்க கிரீடத்தை ஐயப்பனுக்கு காணிக்கையாக வழங்கியது. ஐயப்பன் விக்கிரகத்திற்கு அணிவிக்கப்பட்டு விசேஷ பூஜைகள் முடிந்ததும், அது சன்னிதான ஸ்ட்ராங் ரூமிற்கு மாற்றப்பட்டது.

காணிக்கையாக வழங்கப்பட்டபோது அந்தக் கிரீடத்தின் எடை 55.72 பவுன் (445.78 கிராம்). 2012-ல் இதன் மதிப்பு சுமார் ₹26 லட்சம்; இன்றைய சந்தை மதிப்பு படி சுமார் ₹62 லட்சம். ஆனால் கணக்கெடுப்பின்போது ஸ்ட்ராங் ரூமில் கண்டறியப்பட்ட போலி கிரீடத்தின் எடை வெறும் 240 கிராம் மட்டுமே இருந்துள்ளது.

தொடர்ந்து சபரிமலையில் தங்கம் தொடர்பான மோசடிப் புகார்கள் எழுந்து வரும் நிலையில், இச்சம்பவம் குறித்து விரிவான துறை ரீதியான விசாரணைக்கு திருவிதாங்கூர் தேவஸ்வம் போர்டு தலைவர் கே. ஜெயக்குமார் உத்தரவிட்டுள்ளார். ஸ்ட்ராங் ரூம் அமைந்துள்ள பகுதியில் சிசிடிவி (CCTV) கேமராக்கள் பொருத்தப்படாதது இந்த வழக்கின் புலனாய்வுக்குப் பெரும் சவாலாக உருவெடுத்துள்ளது. இதுகுறித்த இறுதி அறிக்கை விரைவில் உயர் நீதிமன்றத்தில் சமர்ப்பிக்கப்பட உள்ளது.

தங்கக் கிரீடம் மாயமானதாக வெளியான தகவல்களுக்கு திருவாபரண ஆணையர் ரெஜிலால் திட்டவட்டமாக மறுப்பு தெரிவித்துள்ளார். அவர் அளித்த விளக்கத்தில் பாதுகாப்பு அறையில் வைக்கப்பட்டிருந்த தமிழ்நாட்டு பக்தர்களின் அசல் தங்கக் கிரீடம் முழுப் பாதுகாப்புடன் உள்ளது.

கணக்கெடுப்பு மற்றும் சரிபார்ப்பின் போது அதிகாரிகளுக்கு இடையே ஏற்பட்ட சில நிர்வாகக் குழப்பங்களே இந்தத் தவறான தகவலுக்குக் காரணமாக இருக்கலாம், தேவஸ்வம் போர்டு அதிகாரிகள் தரப்பில் கிரீடம் பாதுகாப்பாக உள்ளதாகத் தெரிவித்திருந்தாலும், அடுத்தகட்ட விரிவான விசாரணையின் முடிவிலேயே இதில் என்ன நடந்தது என்ற முழு உண்மை விவரங்கள் வெளிவரும் என எதிர்பார்க்கப்படுகிறது.

Thiruvonam Bumper Ticket: கேரள திருவோணம் பம்பர் லாட்டரி குலுக்கல்; ரூ.30 கோடியை அள்ளிய அதிர்ஷ்ட எண் எது?

Meenakshisundaram — Sun, 27 Sep 2026 07:56:58 +0530

கேரள மாநில லாட்டரி வரலாற்றிலேயே மிக அதிகபட்ச முதல் பரிசாக ரூ.30 கோடி அறிவிக்கப்பட்ட 2026-ஆம் ஆண்டின் திருவோணம் பம்பர் (BR-111) முடிவுகள் அதிகாரப்பூர்வமாக வெளியாகியுள்ளன. TL 360615 என்ற எண் கொண்ட டிக்கெட் ரூ.30 கோடி பம்பர் பரிசைத் தட்டிச் சென்றுள்ளது.

கேரள மாநில அரசின் லாட்டரித்துறை சார்பில் சித்திரை விஷூ, ஆயுதபூஜை, திருவோணம் உள்ளிட்ட முக்கியப் பண்டிகைகளுக்குப் பம்பர் பரிசுகளுடன் கூடிய சிறப்பு லாட்டரிச் சீட்டுகள் வெளியிடப்பட்டு விற்பனை செய்யப்படுவது வழக்கம். அந்த வகையில், கடந்த முறை வரை ஓணம் பண்டிகைக்கு ரூ.25 கோடி பம்பர் பரிசாக வழங்கப்பட்டு வந்த நிலையில், இந்த ஆண்டு இதுவரை இல்லாத வரலாற்றுச் சாதனையாகப் பம்பர் பரிசுத் தொகை ரூ.30 கோடியாக உயர்த்தப்பட்டு அறிவிக்கப்பட்டது.

இந்த முறை ஓணம் சிறப்பு பம்பர் லாட்டரிக்காக மொத்தம் 90 லட்சம் டிக்கெட்டுகள் அச்சிடப்பட்டன. ஒரு டிக்கெட்டின் விலை ரூ.500 என நிர்ணயிக்கப்பட்ட போதிலும், அச்சிடப்பட்ட அத்தனை டிக்கெட்டுகளும் மளமளவென விற்றுத் தீர்ந்தன. இதில் ஆச்சரியம் என்னவென்றால், பாலக்காடு மாவட்டத்தில் மட்டுமே அதிகபட்சமாக 20 லட்சம் டிக்கெட்டுகள் விற்பனையாகி சாதனை படைத்தன.

2026-ஆம் ஆண்டுக்கான திருவோணம் பம்பர் லாட்டரி குலுக்கல் திருவனந்தபுரம் கார்கி பவனில் அமைச்சர் கே.முரளிதரன் முன்னிலையில் மிக விமரிசையாக நடைபெற்றது. லட்சக்கணக்கான மக்களின் எதிர்பார்ப்புகளுக்கு மத்தியில் நடந்த இந்தக் குலுக்கலில், TL 360615 என்ற எண் கொண்ட லாட்டரிச் சீட்டு ரூ.30 கோடி என்ற இமாலய பம்பர் பரிசைத் தட்டிச் சென்றதாக அறிவிக்கப்பட்டது.

இந்த அதிர்ஷ்ட டிக்கெட் கண்ணூர் மாவட்டத்தில் விற்பனையானது தெரியவந்துள்ளது. ஆனால், ரூ.30 கோடியை அள்ளிச் சென்ற அந்த மகா அதிர்ஷ்டசாலி யார் என்ற விவரம் இதுவரை தெரியவில்லை. அவரை ஒட்டுமொத்த கேரளமுமே தீவிரமாகத் தேடி வருகிறது!

ரூ.30 கோடி முதல் பரிசை வென்ற இந்த அதிர்ஷ்ட சீட்டு, கண்ணூர் மாவட்டம் சக்கரக்கல் பகுதியில் இயங்கி வரும் ‘முத்து ஏஜென்சி’ உரிமையாளர் அனீஷ் என்பவரால் விற்பனை செய்யப்பட்டுள்ளது.

கடந்த 18 ஆண்டுகளாக லாட்டரி தொழிலில் ஈடுபட்டு வரும் அனீஷ், கண்ணூர் பகுதியில் 4 மொத்த விற்பனைக் கடைகள் உட்பட மொத்தம் 6 விற்பனை நிலையங்களை நடத்தி வருகிறார். இவர் விற்ற டிக்கெட்டுக்கு மெகா பரிசு விழுவது இது முதல் முறையல்ல; இதற்கு முன்பும் இவரிடம் விற்கப்பட்ட ஒரு டிக்கெட்டுக்குக் 'கிறிஸ்துமஸ் - புத்தாண்டு பம்பர்' பரிசு கிடைத்து இருந்தது குறிப்பிடத்தக்கது. இதனால் அப்பகுதி மக்கள் இவரை 'கைராசிக்கார ஏஜென்ட்' என வியப்புடன் அழைக்கின்றனர்.

முதல் பரிசு தவிர, ஏராளமான வெற்றியாளர்களை உருவாக்கும் வகையில் பல அடுக்கு பரிசுகள் வழங்கப்பட்டுள்ளன:

2-ம் பரிசு: தலா ரூ.1 கோடி வீதம் 20 பேருக்கு வழங்கப்படுகிறது. இதில் ரூ.1 கோடி வென்ற 3 டிக்கெட்டுகள் பழவங்காடி, கல்லம்பலம் மற்றும் வைட்டிலா ஆகிய பகுதிகளில் உள்ள 'பகவதி ஏஜென்சி' மூலம் விற்பனையாகியுள்ளன.

மூன்றாம் பரிசு: தலா ரூ.25 லட்சம் வீதம் 20 பேருக்குப் பகிர்ந்தளிக்கப்படுகிறது.

நான்காம் பரிசு: தலா ரூ.5 லட்சம் வீதம் 10 பேருக்கு வழங்கப்படுகிறது.

ஐந்தாம் பரிசு: தலா ரூ.2 லட்சம் வீதம் 10 பேருக்கு வழங்கப்படுகிறது.

இதர பரிசுகள்: ரூ.5,000, ரூ.2,000, ரூ.1,000 மற்றும் ரூ.500 எனப் பல்வேறு ஆறுதல் மற்றும் சிறு பரிசுகளும் அறிவிக்கப்பட்டுள்ளன.

டிக்கெட்டைப் பாதுகாத்தல்: TL 360615 மற்றும் பிற பரிசு பெற்ற டிக்கெட்டுகளை வைத்துள்ளவர்கள் தங்களது அசல் லாட்டரி சீட்டை மிகவும் பாதுகாப்பாக வைத்திருக்க வேண்டும்.

முடிவுகளைச் சரிபார்த்தல்: லாட்டரி வாங்கியவர்கள் பரிசு கோரும் நடைமுறையைத் தொடங்குவதற்கு முன், அதிகாரப்பூர்வ கேரளா லாட்டரி இணையதளம் அல்லது அங்கீகரிக்கப்பட்ட வழிகள் மூலம் தங்களது டிக்கெட் எண் மற்றும் சீரிஸை (Series) கவனமாக உறுதிப்படுத்திக் கொள்ள வேண்டும்.

ஆவணங்கள் சமர்ப்பிப்பு: உரிய காலக்கெடுவுக்குள் தேவையான அடையாள ஆவணங்களுடன் நிர்ணயிக்கப்பட்ட நடைமுறைகளைப் பின்பற்றி, பரிசுத் தொகையை சரிபார்த்துப் பெற வெற்றி பெற்ற டிக்கெட்டை அங்கீகரிக்கப்பட்ட வழிகள் வழியாக ஒப்படைக்க வேண்டும்.

பிற பரிசுகள்: டிக்கெட் வாங்கிய மற்ற பொதுமக்களும் பிற பிரிவுகளில் தங்களுக்குப் பரிசுகள் விழுந்துள்ளதா என்பதை அறிய முழுமையான BR-111 முடிவுகளைச் சரிபார்த்துக் கொள்ளலாம்.

Farmer Subsidy: ரூ.58,000 மானியம் + அதிக வருமானம்.! விவசாயிகள் பெறுவது எப்படி ? யார் யாருக்கு கிடைக்கும்?

Vedarethinam Ramalingam — Mon, 28 Sep 2026 08:01:20 +0530

விவசாயிகளுக்கு ஹெக்டேருக்கு அரசு சுளையா ரூ.58 ஆயிம் மானியம் வழங்குகிறது. NHB மற்றும் MIDH திட்டங்களின் கீழ் விவசாயிகள் எப்படி மானியம் பெறுவது, யார் யாருக்கு தகுதி போன்ற அனைத்தையும் விரிவாக அறியுங்கள். விவசாயிகளுக்கான முழுமையான வழிகாட்டி.

தமிழக விவசாயிகளுக்கு தற்போது அவகோடா (வெண்ணெய் பழம்) சாகுபடி ஒரு சிறந்த வாய்ப்பாக மாறியுள்ளது. தேசிய தோட்டக்கலை வாரியம் (NHB) மற்றும் மத்திய அரசின் MIDH / NHM திட்டங்களின் கீழ் அவகோடா சாகுபடிக்கு ஹெக்டேருக்கு சுமார் ரூ.50,000 முதல் ரூ.58,000 வரை மானியம் கிடைக்கிறது. இந்த மானியத்துடன் சேர்த்து சரியான முறையில் சாகுபடி செய்தால் ஆண்டுக்கு லட்சக்கணக்கில் வருமானம் ஈட்ட முடியும். இந்த கட்டுரையில் மானியம் பெறும் முறை, தகுதி, வருமான கணக்கு, சாகுபடி விவரங்கள் அனைத்தும் விரிவாக தரப்பட்டுள்ளன.

MIDH / NHM திட்டத்தின் கீழ் அவகோடா போன்ற உயர் மதிப்பு பழப் பயிர்களுக்கு யூனிட் காஸ்ட் சுமார் ரூ.1.25 லட்சம் / ஹெக்டேர் என நிர்ணயிக்கப்பட்டுள்ளது. இதில் பொதுவான பகுதிகளில் 40 சதவீதம் மானியம் வழங்கப்படுகிறது. இது ஹெக்டேருக்கு சுமார் ரூ.50,000 ஆகும். சில மாநிலங்கள் மற்றும் கூடுதல் உள்ளீடுகளுடன் இணைத்து கணக்கிடும்போது ரூ.58,000 அளவு வரை கிடைக்கலாம். மானியம் இரண்டு தவணைகளில் (60:40 விகிதத்தில்) வழங்கப்படும். இரண்டாம் ஆண்டில் செடிகள் 80 சதவீதம் உயிர் வாழ்ந்தால் இரண்டாம் தவணை கிடைக்கும். அதிகபட்சம் 2 ஹெக்டேர் வரை பயன் பெறலாம். இதையும் படியுங்களேன் - E-Scooter Subsidy: இ-ஸ்கூட்டர் வாங்க அரசு மானியம்! யாரெல்லாம் விண்ணப்பிக்கலாம்?

இரண்டு ஹெக்டேருக்கு மேல் வணிக அடிப்படையில் சாகுபடி செய்யும் விவசாயிகள் NHB-யின் Commercial Horticulture Scheme-ஐ பயன்படுத்தலாம். இது கடன் இணைக்கப்பட்ட பின்னடைவு மானியம் (Credit-linked back-ended subsidy). பொதுவான பகுதிகளில் 40 சதவீதம் (சில கூறுகளில் 35 சதவீதம்) மானியம் கிடைக்கும். வடகிழக்கு மாநிலங்கள், மலைப்பகுதிகள் மற்றும் அட்டவணைப் பகுதிகளில் 45 முதல் 50 சதவீதம் வரை கிடைக்கும். திட்ட செலவு, பாசனம், இயந்திரங்கள், நடவு பொருள் ஆகியவை அனைத்தும் சேர்த்து மானியம் கணக்கிடப்படும். இதையும் படியுங்களேன் -Farmers Subsidy: விவசாயிகள் வங்கி கணக்கில் ரூ.2.80 லட்சம்.! 50% வரை மானியம்.! யாருக்கு கிடைக்கும்?

தனிநபர் விவசாயிகள், சிறிய மற்றும் குறு விவசாயிகள், பெண் விவசாயிகள், SC/ST விவசாயிகள், விவசாய உற்பத்தியாளர் அமைப்புகள் (FPO), கூட்டுறவு சங்கங்கள், சுய உதவி குழுக்கள் ஆகியோர் மானியம் பெற தகுதியுடையவர்கள். சொந்த நிலம் அல்லது நீண்டகால குத்தகை நிலம் இருந்தால் போதும். ஒரு குடும்பத்திற்கு ஒரு பயனாளி என்ற விதி உள்ளது. அரசியல் பதவி வகிப்பவர்கள், பெரும்பாலான அரசு ஊழியர்கள், அதிக ஓய்வூதியம் பெறுபவர்கள் ஆகியோருக்கு மானியம் கிடைக்காது. இதையும் படியுங்களேன் -Milk paneer: ஒரிஜினல் பன்னீர் vs போலி பன்னீர்.! இரண்டுக்கும் உள்ள வித்தியாசம் என்ன?

முதலில் மாவட்ட தோட்டக்கலை அலுவலகத்தை அணுகவும். அடுத்து விரிவான திட்ட அறிக்கை (DPR) தயாரிக்க வேண்டும். இதில் நில விவரம், செடிகளின் எண்ணிக்கை, பாசன முறை, செலவு கணக்கு ஆகியவை இருக்க வேண்டும். NHB இணையதளம் (nhb.gov.in) அல்லது மாநில தோட்டக்கலை துறை மூலம் ஆன்லைனில் விண்ணப்பிக்கலாம். கடன் தேவைப்பட்டால் வங்கியில் டேர்ம் லோன் எடுக்க வேண்டும். நில ஆவணம், ஆதார் அட்டை, வங்கி கணக்கு, மண் பரிசோதனை அறிக்கை, நாற்று வாங்கிய ரசீது ஆகியவை அவசியம். விண்ணப்பம் சமர்ப்பித்த பிறகு கூட்டு ஆய்வு (Joint Inspection) நடைபெறும். அதன் பிறகு மானியம் வழங்கப்படும். இதையும் படியுங்களேன் -D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

தமிழ்நாடு முழுவதும் (சென்னை தவிர) மானியம் பெறலாம். ஆனால் அவகோடாவுக்கு ஏற்ற காலநிலை உள்ள மாவட்டங்களில் சிறப்பாக வளரும். நீலகிரி, கொடைக்கானல், யெர்காடு, கோவை, திண்டுக்கல், தேனி, சேலம், கிருஷ்ணகிரி, தர்மபுரி போன்ற மலைப்பகுதிகள் மற்றும் குளிர்ந்த காலநிலை உள்ள இடங்கள் சிறந்தவை. சமவெளிப் பகுதிகளிலும் தென்னை தோப்புகளுக்கு இடையே வெற்றிகரமாக சாகுபடி செய்யப்படுகிறது. இதையும் படியுங்களேன் -SCIENCE: முதலில் வந்தது கோழிதான்.! கொக்கரக்கோ விடுகதைக்கு விடை கிடைச்சாச்சு.!

அவகோடா நன்கு வடிகட்டிய மண்ணில் சிறப்பாக வளரும். மணல் கலந்த களிமண் அல்லது கரிமப் பொருள் நிறைந்த மண் ஏற்றது. மண்ணின் pH அளவு 5.5 முதல் 6.5 வரை இருக்க வேண்டும். நீர் தேங்கும் கருப்பு மண் அல்லது மோசமான வடிகால் உள்ள நிலம் தவிர்க்க வேண்டும். வெப்பநிலை 20 முதல் 35 டிகிரி செல்சியஸ் வரை சிறந்தது. ஆண்டு மழைப்பொழிவு 1000 முதல் 1500 மிமீ வரை இருந்தால் போதும். உறைபனி மற்றும் மிகவும் சூடான வறண்ட காற்று உள்ள பகுதிகளில் வளர முடியாது.

மகசூல் மற்றும் வருமானம் எவ்வளவு கிடைக்கும்?

மூன்றாவது அல்லது நான்காவது ஆண்டில் இருந்து காய்ப்பு தொடங்கும். முதிர்ந்த மரம் ஒன்றுக்கு 80 முதல் 200 கிலோ வரை பழம் கிடைக்கும். சில மரங்களில் 100 முதல் 500 பழங்கள் வரை காய்க்கும். சந்தையில் ஒரு கிலோ அவகோடா ரூ.100 முதல் ரூ.300 வரை விலை போகிறது. நல்ல பராமரிப்பில் ஒரு ஏக்கரில் ஆண்டுக்கு ரூ.8 லட்சம் முதல் ரூ.20 லட்சம் வரை மொத்த வருவாய் கிடைக்க வாய்ப்புள்ளது. பராமரிப்பு செலவு ஒப்பீட்டளவில் குறைவு என்பதால் நிகர லாபம் அதிகம்.

பொதுவாக 6 மீட்டர் × 6 மீட்டர் இடைவெளியில் நடவு செய்யலாம். இதனால் ஒரு ஹெக்டேரில் சுமார் 278 செடிகள் வைக்கலாம். ஏக்கருக்கு சுமார் 110 செடிகள் வரும். பரவிய வளர்ச்சி உள்ள ரகங்களுக்கு 8 முதல் 12 மீட்டர் வரை இடைவெளி கொடுக்கலாம். ஜூன்-ஜூலை அல்லது செப்டம்பர் மாதங்களில் நடவு செய்வது சிறந்தது. 1 கன மீட்டர் அளவுள்ள குழி தோண்டி, மேல் மண் மற்றும் தொழு உரத்தை சம அளவில் கலந்து நிரப்பி நடவு செய்ய வேண்டும். கிராஃப்ட் செய்யப்பட்ட நாற்றுகளை பயன்படுத்துவது நல்லது.

தனியாக (Sole crop) நட்டால் முழு மகசூல் கிடைக்கும். ஆனால் முதல் மூன்று நான்கு ஆண்டுகள் வருமானம் இல்லாமல் போகும். எனவே இளம் மரங்களுக்கு இடையே ஊடுபயிர் செய்வது நல்லது. காய்கறிகள், மஞ்சள், இஞ்சி, பூனைக்காலி, மலைவாழை, மிளகு போன்றவற்றை நடலாம். தென்னை தோப்புகளுக்கு இடையேயும் அவகோடாவை நடவு செய்யலாம். மரங்கள் பெரிதாக வளர்ந்த பிறகு நிழல் அதிகமாவதால் ஊடுபயிரை குறைக்க வேண்டும்.

எந்த ரகங்கள் சிறந்தவை?

தமிழ்நாட்டில் TKD-1 (தடியன்குடிசை), Arka Supreme, Arka Coorg Ravi ஆகிய ரகங்கள் சிறப்பாக வளர்கின்றன. Hass, Pinkerton, Fuerte போன்ற வெளிநாட்டு ரகங்களும் பயிரிடப்படுகின்றன. Type A மற்றும் Type B ரகங்களை கலந்து நடவு செய்வது மகரந்தச் சேர்க்கைக்கு உதவும். நாற்றுகளை அங்கீகரிக்கப்பட்ட நாற்றுப்பண்ணைகளில் இருந்து வாங்க வேண்டும்.

டிரிப் பாசனம் அமைப்பது சிறந்தது. தொழு உரம் மற்றும் தேவையான NPK உரங்களை வயதுக்கு ஏற்ப இட வேண்டும். நீர் தேங்காமல் பார்த்துக்கொள்ள வேண்டும். ஏனெனில் வேர் அழுகல் நோய் எளிதில் தாக்கும். கத்தரித்தல், பூச்சி கட்டுப்பாடு ஆகியவை முக்கியம். இயற்கை முறைகளிலும் சாகுபடி செய்யலாம். பழங்கள் மரத்திலேயே பழுக்காது. அறுவடை செய்த பிறகுதான் மென்மையாகும். எனவே சரியான நேரத்தில் அறுவடை செய்வது அவசியம்.

மானியம் பெற உதவும் தொடர்பு விவரங்கள்

மாவட்ட தோட்டக்கலை அலுவலகம் அல்லது Assistant Director of Horticulture அலுவலகத்தை அணுகவும். NHB Bengaluru அலுவலகத்திலும் தகவல் பெறலாம். ஆன்லைனில் nhb.gov.in இணையதளத்தில் விண்ணப்பிக்கலாம். விண்ணப்பம் சமர்ப்பிக்கும் முன் மண் பரிசோதனை செய்து, DPR சரியாக தயாரிப்பது அவசியம்.

அவகோடா சாகுபடி மானியத்துடன் சேர்த்து சரியாக திட்டமிட்டு நடத்தப்பட்டால் விவசாயிகளுக்கு நல்ல வருமானம் தரும் பயிராக மாறும். மானியம் பெறுவதற்கான நடைமுறைகளை சரியாக பின்பற்றி, தகுதியான நாற்றுகளை வாங்கி, சரியான மண்ணில் நடவு செய்தால் வெற்றி உறுதி. உள்ளூர் தோட்டக்கலை அலுவலகத்தில் மேலும் விவரங்களை உறுதி செய்து கொள்ளுங்கள். வெற்றிகரமான சாகுபடி வாழ்த்துக்கள்!

8th Pay Commission: Minimum Pay ரூ.69,000.! HRA 40%.! அக்டோபர் 7, 8ல் ஊழியர்களுக்கு முக்கிய தகவல் வெளியாகுமா?

Vedarethinam Ramalingam — Wed, 23 Sep 2026 13:00:41 +0530

8வது ஊதியக்குழுவில் ரூ.69,000 Minimum Pay, 3.833 Fitment Factor, HRA 40% உள்ளிட்ட ஊழியர் சங்கங்களின் கோரிக்கைகள் என்ன? அக்டோபர் 7, 8 பெங்களூரு ஆலோசனையில் என்ன நடக்கலாம் என்பது குறித்த முழு தகவல்கள்.

மத்திய அரசு ஊழியர்கள் மற்றும் ஓய்வூதியர்களின் எதிர்பார்ப்பை அதிகரிக்கும் வகையில் 8வது மத்திய ஊதியக்குழுவின் ஆலோசனைகள் தொடர்ந்து நடைபெற்று வருகின்றன. சென்னை, புதுச்சேரி, ஜெய்ப்பூர், சண்டிகர் உள்ளிட்ட இடங்களில் ஆலோசனைகள் நடைபெற்றுள்ள நிலையில், அடுத்ததாக பெங்களூருவில் அக்டோபர் 7 மற்றும் 8, 2026 ஆகிய தேதிகளில் ஊதியக்குழு ஆலோசனை நடத்த உள்ளது. இதற்கான அதிகாரப்பூர்வ அறிவிப்பை 8வது மத்திய ஊதியக்குழு வெளியிட்டுள்ளது.

இந்த நிலையில், ஊழியர் சங்கங்கள் முன்வைத்துள்ள ரூ.69,000 குறைந்தபட்ச ஊதியம், 3.833 Fitment Factor, HRA-வை 40% வரை உயர்த்த வேண்டும் உள்ளிட்ட கோரிக்கைகள் மீண்டும் கவனம் பெற்றுள்ளன. ஆனால் இவை அனைத்தும் தற்போது கோரிக்கைகள் மட்டுமே என்பதையும், இறுதி முடிவு எடுக்கப்படவில்லை என்பதையும் ஊழியர்கள் கவனத்தில் கொள்ள வேண்டும்.

8வது ஊதியக்குழுவிடம் தேசிய கூட்டு ஆலோசனை இயந்திரத்தின் (NC-JCM) ஊழியர் தரப்பு பல்வேறு கோரிக்கைகளை முன்வைத்துள்ளது. அதில் முக்கியமான ஒன்று குறைந்தபட்ச அடிப்படை ஊதியத்தை ரூ.69,000 ஆக நிர்ணயிக்க வேண்டும் என்பதாகும்.

தற்போதைய 7வது ஊதியக்குழு Pay Matrix-ல் Level 1 ஊழியர்களுக்கான தொடக்க Basic Pay ரூ.18,000 ஆக உள்ளது. குடும்பத்தின் செலவுகள், உணவு, வீடு, கல்வி, மருத்துவம் உள்ளிட்ட தேவைகளை கருத்தில் கொண்டு குறைந்தபட்ச ஊதியத்தை உயர்த்த வேண்டும் என்று ஊழியர் தரப்பு கோரிக்கை வைத்துள்ளது.

ஊழியர்கள் அதிகம் எதிர்பார்க்கும் மற்றொரு விஷயம் Fitment Factor. NC-JCM தரப்பு 3.833 Fitment Factor வேண்டும் என்று கோரியுள்ளது. உதாரணமாக, தற்போதைய Basic Pay ரூ.40,000 என்றால், 3.833 என்ற காரணியை பயன்படுத்தும்போது கணக்கீட்டின்படி சுமார் ரூ.1.53 லட்சமாக மாறும். ஆனால் இது ஒரு கோரிக்கையை அடிப்படையாகக் கொண்ட கணக்கீடு மட்டுமே. 8வது ஊதியக்குழு 3.833-ஐ ஏற்றுக்கொண்டதாக எந்த அதிகாரப்பூர்வ அறிவிப்பும் இதுவரை இல்லை.

எனவே சமூக வலைத்தளங்களில் வெளியாகும் “புதிய Basic Pay உறுதி” போன்ற தகவல்களை ஊழியர்கள் அதிகாரப்பூர்வ அறிவிப்புடன் சரிபார்ப்பது அவசியம்.

House Rent Allowance எனப்படும் HRA-வும் ஊழியர் சங்கங்களின் முக்கிய கோரிக்கைகளில் ஒன்றாக உள்ளது. NC-JCM முன்வைத்துள்ள கோரிக்கையில் X வகை நகரங்களுக்கு 40%, Y வகை நகரங்களுக்கு 35%, Z வகை நகரங்களுக்கு 30% என்ற HRA விகிதங்களை வழங்க வேண்டும் என்று கூறப்பட்டுள்ளது. மேலும் HRA-வை DA உயர்வுடன் இணைக்க வேண்டும் என்றும் கோரிக்கை வைக்கப்பட்டுள்ளது. இதனால் புதிய ஊதியக்குழுவில் Basic Pay மட்டுமின்றி, வீட்டு வாடகைப்படி போன்ற Allowances-லும் மாற்றம் வருமா என்பது ஊழியர்களின் முக்கிய எதிர்பார்ப்பாக உள்ளது.

8வது மத்திய ஊதியக்குழுவின் அதிகாரப்பூர்வ அறிவிப்பின்படி, அக்டோபர் 7 மற்றும் 8 ஆகிய தேதிகளில் பெங்களூருவில் சங்கங்கள் மற்றும் தொடர்புடைய தரப்பினருடன் ஆலோசனை நடைபெற உள்ளது.

இந்த ஆலோசனைகளில் ஊழியர்கள் மற்றும் ஓய்வூதியர்களின் பல்வேறு கோரிக்கைகள் குறித்து கருத்துகள் கேட்கப்பட உள்ளன. எனவே ரூ.69,000 Minimum Pay, Fitment Factor, HRA, Pension உள்ளிட்ட கோரிக்கைகள் மீண்டும் விவாதத்திற்கு வர வாய்ப்பு உள்ளது.

ஆனால் அக்டோபர் 7, 8 கூட்டத்திலேயே புதிய சம்பளம் அல்லது HRA 40% என இறுதி முடிவு வெளியாகும் என்று தற்போது கூற முடியாது. ஊதியக்குழு பல்வேறு தரப்பினரின் கருத்துகளைப் பெற்று, அவற்றை ஆய்வு செய்த பிறகே தனது பரிந்துரைகளை அரசிடம் சமர்ப்பிக்கும்.

தற்போதைய நிலையில் ரூ.69,000 Minimum Pay, 3.833 Fitment Factor, HRA 40% ஆகியவை ஊழியர் தரப்பின் முக்கிய கோரிக்கைகள். இவை அரசு அல்லது 8வது ஊதியக்குழுவால் இறுதி செய்யப்பட்ட சம்பள விகிதங்கள் அல்ல.

எனவே அக்டோபர் மாதத்தில் நடைபெற உள்ள ஆலோசனைகள் முக்கியமானதாக இருந்தாலும், இறுதி சம்பளம் எவ்வளவு, Fitment Factor எவ்வளவு, HRA எவ்வளவு என்பதற்கு ஊதியக்குழுவின் இறுதி பரிந்துரை மற்றும் அதன்பிறகு மத்திய அரசின் முடிவே அடிப்படையாக இருக்கும்.

அக்டோபர் 7, 8 பெங்களூரு ஆலோசனைக்குப் பிறகு 8வது ஊதியக்குழுவின் அடுத்த கட்ட நடவடிக்கைகள் குறித்த தகவல்கள் வெளியாகலாம் என்பதால், மத்திய அரசு ஊழியர்கள் மற்றும் ஓய்வூதியர்கள் இந்த ஆலோசனையை உன்னிப்பாக கவனித்து வருகின்றனர்.

Tirumala Darshan Alert: திருமலை செல்லும் பக்தர்களுக்கு முக்கிய அறிவிப்பு.. 2 நாட்களுக்கு ரத்து செய்யப்படும் தரிசனம் எது?

Raghupati R — Tue, 29 Sep 2026 14:52:11 +0530

Tirumala Darshan Alert: திருமலை ஏழுமலையானை தரிசிக்க செல்லும் பக்தர்களின் கூட்டம் தொடர்ந்து அதிகரித்து வருகிறது. இதனால் சாதாரண பக்தர்களுக்கு விரைவாக தரிசனம் கிடைக்க திருமலை திருப்பதி தேவஸ்தானம் முக்கிய முடிவு எடுத்துள்ளது.

திருமலைக்கு செல்லும் பக்தர்களின் கூட்டம் தொடர்ந்து அதிகரித்து வரும் நிலையில், திருமலை திருப்பதி தேவஸ்தானம் முக்கிய முடிவு ஒன்றை எடுத்துள்ளது. ஸ்ரீவாரி சலகட்ல பிரம்மோற்சவம் நிறைவடைந்த பிறகும் திருமலையில் பக்தர்கள் கூட்டம் குறையவில்லை. தினமும் 80 ஆயிரத்துக்கும் மேற்பட்ட பக்தர்கள் ஏழுமலையானை தரிசித்து வருவதாக தெரிவிக்கப்பட்டுள்ளது. இதனால் திருமலை முழுவதும் தரிசனத்துக்காக காத்திருக்கும் பக்தர்களின் எண்ணிக்கையும் அதிகரித்துள்ளது. குறிப்பாக, சுமார் 30 ஆயிரம் பக்தர்கள் அடுத்த நாளில் தரிசனம் செய்யும் நிலை இருப்பதாக தேவஸ்தானம் கூறியுள்ளது. இதன் காரணமாக சாதாரண தரிசனத்துக்காக வரும் பக்தர்களின் காத்திருப்பு நேரமும் தொடர்ந்து அதிகரித்து வருகிறது.

அக்டோபர் 1 மற்றும் 5 ஆகிய தேதிகளில் சிறப்பு இடைவேளை தரிசனம் ரத்து செய்யப்பட்டுள்ளது. ஆனால், நெறிமுறை அடிப்படையில் வருகை தரும் முக்கிய பிரமுகர்களுக்கு மட்டும் இந்த நடைமுறையில் விலக்கு அளிக்கப்பட்டுள்ளது. சாதாரண பக்தர்கள் விரைவாக ஏழுமலையானை தரிசிக்க வேண்டும் என்பதைக் கருத்தில் கொண்டே இந்த முடிவு எடுக்கப்பட்டுள்ளதாக தேவஸ்தானம் தெரிவித்துள்ளது. இதனால் இந்த இரு நாட்களில் திருமலை செல்ல திட்டமிட்டுள்ள பக்தர்கள், தரிசன நடைமுறையில் ஏற்பட்டுள்ள மாற்றத்தை முன்கூட்டியே தெரிந்து கொள்வது அவசியம். கூட்ட நெரிசலை கட்டுப்படுத்தவும், அதிகமான பக்தர்களுக்கு விரைவாக தரிசனம் கிடைக்கச் செய்யவும் இந்த நடவடிக்கை எடுக்கப்பட்டுள்ளது.

தற்போதைய கூட்டத்துடன் புரட்டாசி மாதம் மற்றும் அடுத்தடுத்து வரும் தொடர் விடுமுறைகளும் இணைவதால் திருமலையில் பக்தர்கள் வருகை மேலும் அதிகரிக்க வாய்ப்புள்ளதாக தேவஸ்தானம் கணித்துள்ளது. இதனால் சாதாரண பக்தர்களுக்கு முன்னுரிமை வழங்க வேண்டிய சூழல் ஏற்பட்டுள்ளது. வழக்கமாக முக்கிய பிரமுகர்களுக்கான பரிந்துரை கடிதங்களின் அடிப்படையில் வழங்கப்படும் சிறப்பு இடைவேளை தரிசனம், பக்தர்கள் கூட்டம் அதிகமாக இருக்கும் நாட்களில் கூடுதல் நேரத்தை எடுத்துக்கொள்ளக்கூடும். அந்த நேரத்தை சாதாரண தரிசனத்துக்கு பயன்படுத்துவதன் மூலம் அதிகமான பக்தர்களை விரைவாக அனுமதிக்க முடியும் என்பதே இந்த முடிவின் முக்கிய நோக்கமாக உள்ளது.

அக்டோபர் 1 மற்றும் 5 தேதிகளுக்கான சிறப்பு இடைவேளை தரிசனம் தொடர்பாக, அதற்கு முந்தைய நாளான செப்டம்பர் 30 மற்றும் அக்டோபர் 4 ஆகிய தேதிகளில் பரிந்துரை கடிதங்கள் ஏற்றுக்கொள்ளப்படாது என்றும் தேவஸ்தானம் தெரிவித்துள்ளது. நெறிமுறை அடிப்படையில் வரும் முக்கிய பிரமுகர்களுக்கு மட்டும் விலக்கு தொடரும். எனவே இந்த தேதிகளில் திருமலை செல்லும் பக்தர்கள் வழக்கமான தரிசன நடைமுறையைப் பின்பற்றி பயணத்தை திட்டமிடுவது முக்கியம். குறிப்பாக, கூட்டம் அதிகமாக இருக்கும் சூழலில் கூடுதல் காத்திருப்பு நேரம் ஏற்படலாம் என்பதையும் மனதில் கொள்ள வேண்டும்.

திருமலையில் தினசரி பக்தர்கள் வருகை தொடர்ந்து அதிகமாக இருக்கும் நிலையில், சாதாரண பக்தர்களுக்கு விரைவான தரிசனம் கிடைக்கச் செய்வதே தற்போது தேவஸ்தானத்தின் முக்கிய நோக்கமாக உள்ளது. அக்டோபர் 1 மற்றும் 5 ஆகிய இரு நாட்களில் சிறப்பு இடைவேளை தரிசனம் ரத்து செய்யப்படுவதால், அந்த நேரம் பொதுத் தரிசனத்துக்காக பயன்படுத்தப்படும். புரட்டாசி மாதம் மற்றும் தொடர் விடுமுறைகள் காரணமாக கூட்டம் மேலும் அதிகரிக்கும் சூழலில், பக்தர்கள் தங்களது பயணத்தை பொறுமையுடன் திட்டமிட்டு, தேவஸ்தானத்தின் அறிவுறுத்தல்களுக்கு ஒத்துழைப்பது அவசியமாகிறது.

Central Government Employees Bonus 2026: அக்டோபரில் போனஸ் வருமா? ரூ.7,000-ல் இருந்து ரூ.21,000 ஆகுமா?

Vedarethinam Ramalingam — Thu, 01 Oct 2026 08:36:58 +0530

மத்திய அரசு ஊழியர்களுக்கான 2026 போனஸ் எப்போது வழங்கப்படும்? ரூ.7,000 ஊதிய உச்சவரம்பு ரூ.21,000 ஆக உயருமா? ஊழியர் சங்கங்களின் கோரிக்கை, போனஸ் கணக்கீடு மற்றும் முக்கிய அப்டேட்களை தெரிந்துகொள்ளுங்கள்.

மத்திய அரசு ஊழியர்களுக்கு ஒவ்வொரு ஆண்டும் பண்டிகைக் காலத்தில் வழங்கப்படும் உற்பத்தித்திறன் சார்ந்த ஊக்கத்தொகை (Productivity Linked Bonus - PLB) தொடர்பான எதிர்பார்ப்பு இந்த ஆண்டும் அதிகரித்துள்ளது. குறிப்பாக அக்டோபர் மாதம் தொடங்கியுள்ள நிலையில், தசரா மற்றும் தீபாவளி பண்டிகைக்கு முன்னதாக போனஸ் தொகை கிடைக்குமா என்ற கேள்வி ஊழியர்கள் மத்தியில் எழுந்துள்ளது.

தற்போது வரை மத்திய அரசு சார்பில் போனஸ் வழங்கப்படும் குறிப்பிட்ட தேதி அல்லது உயர்த்தப்பட்ட தொகை குறித்த இறுதி அறிவிப்பு வெளியாகவில்லை. இதனால், அக்டோபர் முதல் வாரத்தில் போனஸ் கிடைக்கும் என்ற தகவலை அதிகாரப்பூர்வ முடிவாகக் கருத முடியாது.

மத்திய அரசின் பல்வேறு துறைகளில் பணியாற்றும் தகுதியான ஊழியர்களுக்கு ஆண்டுதோறும் உற்பத்தித்திறன் சார்ந்த ஊக்கத்தொகை வழங்கப்படுகிறது. குறிப்பாக குரூப் B மற்றும் C பிரிவுகளில் உள்ள அரசிதழ் வெளியிடப்படாத ஊழியர்கள் இந்த போனஸ் தொடர்பான அறிவிப்பை எதிர்பார்த்து வருகின்றனர்.

இந்த ஆண்டு தசரா அக்டோபர் 20-ஆம் தேதியும், துர்கா பூஜை அக்டோபர் 21-ஆம் தேதியும் வருவதால், அதற்கு முன்பாக போனஸ் தொகையை வழங்க வேண்டும் என ஊழியர் சங்கங்கள் வலியுறுத்தி வருகின்றன.

சில ஊழியர் பிரதிநிதிகள் அக்டோபர் மாதத்தின் ஆரம்ப நாட்களிலேயே அறிவிப்பு வெளியாகலாம் என எதிர்பார்ப்பு தெரிவித்துள்ளனர். ஆனால், அரசின் அதிகாரப்பூர்வ உத்தரவு வெளியாகும் வரை இதை உறுதியான தேதியாக எடுத்துக்கொள்ள முடியாது.

இந்த விவகாரத்தில் தற்போது அதிகமாக பேசப்படும் அம்சம் போனஸ் கணக்கிடப் பயன்படுத்தப்படும் ஊதிய உச்சவரம்பாகும். தற்போதைய கணக்கீட்டில் மாத ஊதியத்திற்கான ரூ.7,000 என்ற உச்சவரம்பு பயன்படுத்தப்படுகிறது. இதன் அடிப்படையில் 30 நாட்களுக்கான போனஸ் கணக்கிடப்பட்டால், சுமார் ரூ.6,908 கிடைக்கும்.

இதற்கு ஊழியர் அமைப்புகள் எதிர்ப்பு தெரிவித்து வருகின்றன. குறிப்பாக தேசிய கூட்டு ஆலோசனை அமைப்பு (NC-JCM) உள்ளிட்ட அமைப்புகள், போனஸ் கணக்கீட்டுக்கான உச்சவரம்பை ரூ.7,000-ல் இருந்து ரூ.21,000 ஆக உயர்த்த வேண்டும் என கோரிக்கை வைத்துள்ளன.

ரூ.21,000 என்ற புதிய உச்சவரம்பு ஏற்றுக்கொள்ளப்பட்டால், தற்போதைய கணக்கீட்டு முறையை அடிப்படையாக வைத்து 30 நாட்களுக்கான போனஸ் சுமார் ரூ.20,724 ஆக இருக்கலாம். எளிமையாகச் சொன்னால், இது ரூ.21,000-க்கு நெருக்கமான தொகையாகும்.

ஆனால் இங்கே ஒரு முக்கியமான விஷயத்தை ஊழியர்கள் கவனிக்க வேண்டும். ரூ.20,724 என்பது அரசால் அறிவிக்கப்பட்ட போனஸ் தொகை அல்ல. ரூ.21,000 உச்சவரம்பு அமல்படுத்தப்பட்டால், தற்போதைய சூத்திரத்தை வைத்து செய்யப்படும் உத்தேச கணக்கீடு மட்டுமே.

எனவே, அரசு அதிகாரப்பூர்வமாக என்ன முடிவு செய்கிறது என்பதுதான் இறுதியில் கிடைக்கும் தொகையை தீர்மானிக்கும்.

ஊழியர் அமைப்புகளின் வாதம், தற்போதைய ரூ.7,000 கணக்கீட்டு வரம்பு நீண்ட காலமாக மாற்றப்படாமல் இருப்பதால், இன்றைய ஊதிய நிலைக்கு அது பொருந்தவில்லை என்பதாகும். குறைந்தபட்ச ஊதியம் தொடர்பான மாற்றங்கள் மற்றும் தற்போதைய வாழ்க்கைச் செலவுகளை கருத்தில் கொண்டு, போனஸ் கணக்கீட்டுக்கான வரம்பையும் மாற்ற வேண்டும் என்று அவர்கள் வலியுறுத்துகின்றனர்.

இதுதொடர்பாக NC-JCM சார்பில் ஆகஸ்ட் 27, 2026 அன்று அமைச்சரவைச் செயலாளருக்கு கடிதம் அனுப்பப்பட்டதாக தெரிவிக்கப்பட்டுள்ளது.

மேலும், செப்டம்பர் 25-ஆம் தேதி தபால் ஊழியர்களின் கூட்டு அமைப்பும், துர்கா பூஜைக்கு முன்பாக போனஸ் தொகையை விடுவிக்க வேண்டும் என தபால் துறை செயலாளரிடம் கோரிக்கை வைத்துள்ளது.

போனஸ் விவகாரத்தில் ஊதிய உச்சவரம்பு மட்டுமல்லாமல், எத்தனை நாட்களுக்கான ஊதியத்தை அடிப்படையாகக் கொண்டு கணக்கிட வேண்டும் என்ற கேள்வியும் எழுந்துள்ளது.

சில பாதுகாப்புத் துறை மற்றும் ஆயுதத் தொழிற்சாலை ஊழியர்களுக்கு 30 நாட்களுக்குப் பதிலாக 18.56 நாட்கள் ஊதியத்தை அடிப்படையாகக் கொண்டு ஊக்கத்தொகை கணக்கிடப்பட்டதாக ஊழியர் அமைப்புகள் எதிர்ப்பு தெரிவித்துள்ளன.

அகில இந்திய பாதுகாப்பு ஊழியர் கூட்டமைப்பு (AIDEF), 30 நாட்கள் ஊதியத்தை அடிப்படையாகக் கொண்டு போனஸ் வழங்க வேண்டும் என்றும், கணக்கீட்டு உச்சவரம்பை ரூ.21,000 ஆக மாற்ற வேண்டும் என்றும் கோரிக்கை விடுத்துள்ளது. இதுதொடர்பாக செப்டம்பர் 30-ஆம் தேதி போராட்டம் நடத்த திட்டமிடப்பட்டிருந்ததாகவும் தகவல்கள் வெளியாகியுள்ளன.

மத்திய அரசு ஊழியர்களின் எதிர்பார்ப்புக்கு முக்கிய காரணம் பண்டிகைக் காலமாகும். அக்டோபர் மாதத்தில் தசரா, துர்கா பூஜை உள்ளிட்ட முக்கிய பண்டிகைகள் வருவதால், அதற்கு முன்பாக போனஸ் கிடைத்தால் குடும்ப செலவுகளுக்கு உதவியாக இருக்கும் என ஊழியர்கள் எதிர்பார்க்கின்றனர். மேலும், தீபாவளியும் நெருங்கி வருவதால், போனஸ் அறிவிப்பு குறித்த எதிர்பார்ப்பு மேலும் அதிகரிக்க வாய்ப்புள்ளது.

இருப்பினும், தசராவுக்கு முன்பாக அல்லது அக்டோபர் முதல் வாரத்தில் போனஸ் வழங்கப்படும் என்பது இன்னும் அதிகாரப்பூர்வமாக உறுதி செய்யப்படவில்லை.

உற்பத்தித்திறன் சார்ந்த ஊக்கத்தொகை அனைவருக்கும் ஒரே மாதிரியாக வழங்கப்படும் பொதுவான பண்டிகை பரிசு அல்ல. மத்திய அரசின் சம்பந்தப்பட்ட விதிமுறைகள் மற்றும் தகுதிகளின் அடிப்படையில் குறிப்பிட்ட ஊழியர் பிரிவுகளுக்கு வழங்கப்படுகிறது. எனவே, அரசு அறிவிப்பை வெளியிடும்போது எந்தெந்த துறைகள், பணியிடங்கள் மற்றும் ஊழியர் பிரிவுகள் தகுதி பெறுகின்றன என்பதும் தெளிவாகும்.

ஊழியர்கள் தங்களுடைய துறை சார்ந்த அலுவலக உத்தரவு மற்றும் மத்திய அரசின் அதிகாரப்பூர்வ அறிவிப்பை பார்த்த பிறகே தங்களுக்கு கிடைக்கும் தொகையை உறுதி செய்துகொள்வது பாதுகாப்பானது.

அடுத்த அறிவிப்புதான் முக்கியம்!

தற்போதைய சூழ்நிலையில் மத்திய அரசு ஊழியர்களின் கவனம் இரண்டு விஷயங்களில் உள்ளது. முதலாவது, போனஸ் எந்த தேதியில் வழங்கப்படும்? இரண்டாவது, ரூ.7,000 என்ற கணக்கீட்டு உச்சவரம்பு ரூ.21,000 ஆக உயர்த்தப்படுமா? இந்த இரண்டுக்கும் அரசின் அதிகாரப்பூர்வ உத்தரவு மூலமாகவே இறுதி பதில் கிடைக்கும்.

ரூ.21,000 உச்சவரம்பு தொடர்பான கோரிக்கை ஏற்கப்பட்டால், தற்போதைய ரூ.7,000 வரம்பை விட கணக்கிடப்படும் போனஸ் தொகையில் குறிப்பிடத்தக்க வித்தியாசம் ஏற்படலாம். ஆனால் அது தற்போது கோரிக்கை மற்றும் உத்தேச கணக்கீடு என்ற நிலையிலேயே உள்ளது.

ஆகவே, மத்திய அரசு ஊழியர்கள் அக்டோபர் மாதத்தில் வெளியாகும் அதிகாரப்பூர்வ அறிவிப்பை எதிர்பார்த்து காத்திருக்க வேண்டியுள்ளது. அரசு உத்தரவு வெளியான பிறகே போனஸ் தேதி, தகுதி மற்றும் உண்மையான தொகை ஆகியவை முழுமையாக தெளிவாகும்.