Asianet News Tamil

தினமும் கேரட் சாப்பிடுங்க... அதில் எவ்ளோ நன்மைகள் இருக்குனு தெரியுமா?

Ganesh A — Tue, 15 Sep 2026 14:06:44 +0530

கேரட்டை தினமும் சாப்பிடுவதால் கிடைக்கும் ஆரோக்கிய நன்மைகள் ஏராளம். கண் பார்வை முதல் இதய ஆரோக்கியம் வரை, கேரட் எப்படி உதவுகிறது என்பதைப் பற்றி விரிவாகப் பார்க்கலாம்.

Fish Biryani : கேரளா ஸ்டைலில் மலபார் மீன் பிரியாணி! அடிபொலி டேஸ்ட்டில் செய்வது எப்படி?

Arun Mozhi Varman — Fri, 18 Sep 2026 13:44:23 +0530

Fish Biryani : கேரளா ஸ்டைல் மலபார் மீன் பிரியாணியை வீட்டிலேயே சுலபமாக செய்யலாம். மீனை மசாலாவில் ஊறவைத்து, ஜீரகசாலா அரிசியுடன் அடுக்கி தம் போட்டால் மணமணக்கும் சுவையான மீன் பிரியாணி ரெடி!

கேரளாவின் மலபார் பகுதி சமையலுக்கு ஒரு தனி மணமும் சுவையும் உண்டு. அதிலும் மீன் பிரியாணி என்றால், மசாலா அதிகமாக இல்லாமல் மீனின் சுவையையும் வாசனை மிகுந்த அரிசியையும் சேர்த்து தரும் ஒரு தனித்துவமான உணவு.

வழக்கமான சிக்கன் அல்லது மட்டன் பிரியாணியை விட மீன் பிரியாணியை ஒப்பீட்டளவில் விரைவாகச் செய்துவிடலாம். குறிப்பாக மீனை முதலில் மசாலாவில் ஊறவைத்து லேசாக வறுத்து, பின்னர் அரிசியுடன் அடுக்கி தம் முறையில் வேகவிடுவதுதான் இந்த மலபார் பாணி பிரியாணியின் முக்கிய சிறப்பு.

இதையும் படிங்க : Dhana Adhipati Yoga : பணம், பேர், புகழைத் தரும் தன அதிபதி யோகம்! 4 ராசிகளுக்கு இனி ஓஹோன்னு வாழ்க்கை!

மீன் பிரியாணிக்கு முள் அதிகம் இல்லாத, சதைப்பற்றுள்ள மீன் பயன்படுத்துவது நல்லது. சமைக்கும்போது எளிதில் உடைந்து போகாமல் இருக்கும் என்பதால் வஞ்சரம், நெய்மீன், பாம்ப்ரெட் அல்லது ஸ்நாப்பர் போன்ற மீன்களைப் பயன்படுத்தலாம்.

சுமார் 500 முதல் 600 கிராம் மீன் இந்த அளவு பிரியாணிக்கு போதுமானது. மீன் துண்டுகளை நடுத்தர அளவில் வெட்டிக்கொள்ள வேண்டும். மிகவும் சிறிய துண்டுகளாக வெட்டினால் தம் போடும் போது மீன் உடைந்து போகும் வாய்ப்பு அதிகம்.

இதையும் படிங்க : EPFO : PF தகவல்கள் இனி WhatsApp-ல்! எப்படி Follow செய்வது? என்ன பயன்?

இந்த பிரியாணியின் சுவையில் மசாலாவை ஊறவைப்பது முக்கியமான பங்காற்றுகிறது. எனவே கீழ்வருமாறு மசாலாவை தயார் செய்து அதனை நன்றாக ஊற வைக்க வேண்டும்.

தேவையான பொருட்கள்

மிளகாய்த்தூள் – 1 தேக்கரண்டி

மஞ்சள்தூள் – அரை தேக்கரண்டி

புதிதாக அரைத்த மிளகுத்தூள் – 1 தேக்கரண்டி

இஞ்சி-பூண்டு விழுது – 1 மேசைக்கரண்டி

எலுமிச்சைச் சாறு – 1 மேசைக்கரண்டி

தேவையான அளவு உப்பு

கறிவேப்பிலை – சிறிதளவு

இவற்றை மீனுடன் நன்றாகப் பிசைந்து 30 நிமிடங்கள் குளிர்சாதனப் பெட்டியில் வைத்து ஊறவைக்க வேண்டும். இதனால் மசாலாவின் சுவை மீனில் நன்றாக இறங்கும்.

இதையும் படிங்க : Cooking Oil : கடலை எண்ணெய் vs சூரியகாந்தி எண்ணெய்... தினமும் சமைக்க எது நல்லது? உண்மை இதுதான்!

ஊறவைத்த மீனை தேங்காய் எண்ணெய் அல்லது நெய்யில் லேசாக வறுத்துக்கொள்ள வேண்டும். இருபுறமும் லேசாக பொன்னிறமாகும் வரை வறுத்தால் போதும். மீனை முழுமையாக வேகவைக்க வேண்டியதில்லை. ஏனென்றால் அடுத்ததாக பிரியாணியைத் தம் போடும்போது மீன் மீண்டும் வேகும். இப்போதே அதிகமாக வறுத்துவிட்டால் இறுதியில் மீன் உலர்ந்து கடினமாகிவிடும்.

இதையும் படிங்க : D-Mart : இங்கே குறைவான விலையில் கிடைக்கும் 10 பொருட்கள்! என்னென்ன தெரியுமா?

அதே பாத்திரத்தில் சிறிது தேங்காய் எண்ணெய் அல்லது நெய் ஊற்றி, மெல்லியதாக நறுக்கிய 3 பெரிய வெங்காயத்தை சேர்த்து பொன்னிறமாக வதக்க வேண்டும். இதில் பாதியை பின்னர் அலங்கரிக்க தனியாக எடுத்து வைத்துக்கொள்ளலாம்.

பின்னர் கீழ்காணும் பொருட்களை சேர்க்கவும்

இஞ்சி-பூண்டு விழுது – 1 மேசைக்கரண்டி

நீளமாகக் கீறிய பச்சை மிளகாய் – 2 முதல் 3

நறுக்கிய தக்காளி – 2

பின்னர் தக்காளி நன்றாகக் குழையும் வரை வதக்க வேண்டும். அதன்பிறகு அரை கப் தயிர் அல்லது கெட்டியான தேங்காய்ப்பால், கொத்தமல்லித்தூள், மலபார் பிரியாணி மசாலா மற்றும் உப்பு சேர்த்து நன்றாகக் கிளற வேண்டும். இறுதியில் வறுத்த மீன் துண்டுகளை மசாலாவின் மீது வைத்து, புதினா மற்றும் கொத்தமல்லித்தழையைத் தூவ வேண்டும்.

இதையும் படிங்க : Raja Moksha Yoga : 12 ஆண்டுகளுக்குப் பிறகு குரு-கேது சேர்க்கை! ராஜ மோட்ச யோகத்தால் அளவில்லா பலன்களை பெரும் 5 ராசிகள்!

மலபார் பாணி பிரியாணிக்கு பொதுவாக ஜீரகசாலா எனப்படும் காய்மா அரிசி பயன்படுத்தப்படுகிறது. இந்த அரிசி நீளமான பாஸ்மதி அரிசியைப் போல இல்லாமல் சிறியதாகவும் வாசனை நிறைந்ததாகவும் இருக்கும். கேரளாவின் மலபார் பிரியாணியில் இந்த அரிசி முக்கியமான இடம் பெறுகிறது.

ஜீரகசாலா அரிசி கிடைக்கவில்லை என்றால் வயதான பாஸ்மதி அரிசியையும் பயன்படுத்தலாம். அரிசியை முழுமையாக வேகவிடக்கூடாது. சுமார் 70–75 சதவீதம் வெந்த நிலையில் வடித்துக்கொள்ள வேண்டும். இதுதான் முக்கியமான கட்டம். அரிசி ஏற்கெனவே முழுமையாக வெந்துவிட்டால், பின்னர் தம் போடும்போது சாதம் குழைந்து போகலாம்.

இதையும் படிங்க : Fridge : இந்த 7 காரணங்களால ப்ரிட்ஜ் வெடிக்கலாம்! கவனமா இருங்க!

மீன் மசாலா இருக்கும் பாத்திரத்தில் பாதி அரிசியைப் பரப்ப வேண்டும். அதன் மேல் மீதமுள்ள மீன் மசாலாவையும், பின்னர் மீதமுள்ள அரிசியையும் அடுக்க வேண்டும். அதன் மேலே வறுத்த வெங்காயம், வறுத்த முந்திரி, வறுத்த திராட்சை, புதினா, கொத்தமல்லித்தழை, குங்குமப்பூ கலந்த பால் சிறிது நெய் ஆகியவற்றைச் சேர்க்கலாம்.

குங்குமப்பூ மற்றும் நெய் விருப்பத்திற்கேற்ப சேர்க்கலாம். பாத்திரத்தை இறுக்கமாக மூடி, அதன் ஓரங்களை மாவால் மூடி வைக்கலாம். பின்னர் குறைந்த தீயில் சுமார் 20–25 நிமிடங்கள் தம் போட வேண்டும். தீ அதிகமாக இருந்தால் அடிப்பகுதியில் இருக்கும் மசாலா கருகிவிடும். எனவே தம் போடும்போது குறைந்த தீயே முக்கியம்.

மூடியை உடனே திறக்காதீங்க!

தம் முடிந்தவுடன் அடுப்பை அணைத்துவிட்டு சுமார் 10 நிமிடங்கள் அப்படியே ஓய்வெடுக்க விட வேண்டும். அதன்பிறகு மூடியைத் திறந்து, சாதம் மற்றும் மீன் அடுக்குகளை மெதுவாகக் கிளற வேண்டும். இதனால் அரிசி உடையாமல் இருக்கும்; மசாலாவின் வாசனையும் சாதம் முழுவதும் நன்றாகப் பரவும்.

இதையும் படிங்க : House Construction : 1000 சதுர அடியில் மாடியில் வீடு கட்ட எவ்வளவு செலவாகும்? முழு விவரம் இதோ!

இந்த பிரியாணிக்கு வெங்காயம் அல்லது வெள்ளரிக்காய் ரைத்தா மிகவும் பொருத்தமாக இருக்கும். அதோடு ஊறுகாய், அப்பளம், எலுமிச்சைத் துண்டுகள், சாலட் ஆகியவற்றையும் சேர்த்து பரிமாறலாம்.

வாசனை நிறைந்த ஜீரகசாலா அரிசி, மசாலாவில் ஊறிய மென்மையான மீன், வறுத்த வெங்காயம், தேங்காய் எண்ணெய் அல்லது நெய்யின் மணம் என எல்லாம் ஒன்றாகச் சேரும்போதுதான் இந்த மலபார் மீன் பிரியாணியின் தனித்துவமான சுவை கிடைக்கும்.

சிக்கன் அல்லது மட்டன் பிரியாணியை விட விரைவாகச் செய்யக்கூடியதாக இருந்தாலும், தம் முறையில் செய்வதால் சுவையில் எந்தக் குறையும் இருக்காது. வார இறுதி மதிய உணவு அல்லது குடும்ப விசேஷத்துக்கு இந்த கேரளா பாணி மீன் பிரியாணியை முயற்சி செய்து பார்க்கலாம்.

இதையும் படிங்க : Health Insurance : ஒரு ஹாஸ்பிடல் பில்லுக்கு இரண்டு இன்சூரன்ஸ்களை பயன்படுத்துவது எப்படி? இப்படித்தான் செய்யணும்!

Thick Hair : அடர்த்தியான முடி வளர சாப்பிட வேண்டிய 7 உணவுகள்

Ganesh A — Fri, 18 Sep 2026 14:01:49 +0530

முடி உதிர்வதும், முடி மெலிந்து போவதும் இன்று பலரும் சந்திக்கும் பெரிய பிரச்சனை. இதைத் தடுக்க பல வழிகளை முயற்சி செய்து சோர்வடைந்து விட்டீர்களா? அடர்த்தியான முடி வளர இந்த 7 உணவுகளை உங்கள் டயட்டில் சேர்த்துக் கொள்ளுங்கள்.

Almond Roti : பாதாம் மாவுல சப்பாத்தி சாப்பிட்டு இருக்கீங்களா? சாப்பிட்டா அப்புறம் விட மாட்டீங்க!

Arun Mozhi Varman — Tue, 15 Sep 2026 13:26:47 +0530

Almond Roti : கோதுமை மாவு இல்லாமல் பாதாம் மாவை வைத்து சப்பாத்தி செய்யலாம் தெரியுமா? பாதாம் மாவு, சைலியம் ஹஸ்க் உள்ளிட்ட சில பொருட்களுடன் மென்மையான ரொட்டி செய்யலாம். எப்படி செய்வது, மாவை எப்படி பதமாக்குவது? முழு செய்முறை இதோ!

Almond Roti Recipe : சப்பாத்தி என்றாலே கோதுமை மாவு, தண்ணீர், பிசையும் மாவு என்றுதான் நமக்கு நினைவுக்கு வரும். ஆனால் கோதுமை மாவே இல்லாமல் பாதாம் மாவை வைத்து சப்பாத்தி போன்ற ரொட்டி செய்ய முடியும்.

இதுதான் பாதாம் மாவு ரொட்டி. இதில் கோதுமை மாவுக்குப் பதிலாக நன்றாக அரைத்த பாதாம் மாவு பயன்படுத்தப்படுகிறது. மாவு ஒன்றாகப் பிடித்து நிற்கவும், உருட்டும்போது உடைந்து போகாமல் இருக்கவும் சைலியம் ஹஸ்க் எனப்படும் இசப்கோல் உமி உதவுகிறது. இதன் சுவை வழக்கமான சப்பாத்தியைவிட கொஞ்சம் மாறுபட்டு, லேசான பாதாம் மணத்துடன் இருக்கும். சூடாகச் சாப்பிடும்போது மென்மையாகவும் இருக்கும்.

இதையும் படிங்க : Suitcase : வெளியூர் கிளம்பும்போது சூட்கேஸ் சக்கரத்தில் டேப் ஒட்டுங்க! இதுக்கு பின்னாடி இப்படியொரு காரணமா?

பாதாம் மாவு – 1 கப்
சைலியம் ஹஸ்க் பொடி – 2 மேசைக்கரண்டி
உப்பு – தேவையான அளவு
சூடான தண்ணீர் – சுமார் அரை கப்
நெய் அல்லது ஆலிவ் எண்ணெய் – 1 மேசைக்கரண்டி

விருப்பப்பட்டால் சிறிதளவு ஓமம், சீரகம் அல்லது மஞ்சள் சேர்க்கலாம். இங்கே முக்கியமான விஷயம் தண்ணீர். சூடான தண்ணீரை மொத்தமாக ஊற்றாமல், கொஞ்சம் கொஞ்சமாகச் சேர்க்க வேண்டும். பாதாம் மாவின் தன்மைக்கு ஏற்ப தண்ணீரின் அளவு சற்று மாறலாம்.

இதையும் படிங்க : Jason Sanjay-Vijay-Trisha : அடுத்தடுத்த நாளில் ரிலீசாகும் ஜேசன் சஞ்சய்-விஜய்-திரிஷா படங்கள்!

ஒரு பாத்திரத்தில் பாதாம் மாவு, சைலியம் ஹஸ்க் பொடி, உப்பு ஆகியவற்றை முதலில் நன்றாகக் கலக்கவும். அதன்பிறகு சூடான தண்ணீரை கொஞ்சம் கொஞ்சமாகச் சேர்த்து மெதுவாகப் பிசைய வேண்டும். எல்லாம் ஒன்றாகச் சேர்ந்ததும் நெய் அல்லது எண்ணெயைச் சேர்த்து மீண்டும் லேசாகப் பிசையவும்.

மாவு மென்மையாகவும், ஒன்றாகப் பிடித்துக் கொள்ளும் பதத்திலும் இருக்க வேண்டும். மிகவும் தண்ணீராக இருக்கக்கூடாது. மாவை மூடி வைத்து சுமார் 5 நிமிடங்கள் ஓய்வெடுக்க விடுவது அடுத்த கட்டத்தில் உருட்டுவதற்கு உதவும்.

இதையும் படிங்க : Shirt Collar : ஷர்ட் காலர் கறையை ஈஸியா நீக்க இந்த டிப்ஸ் ஃபாலோ பண்ணுங்க!

இதுதான் இந்த ரொட்டிக்கும் சாதாரண சப்பாத்திக்கும் இருக்கும் முக்கியமான வித்தியாசம். மாவை 4 சமமான உருண்டைகளாகப் பிரித்துக்கொள்ளவும். ஒரு உருண்டையை இரண்டு பேக்கிங் பேப்பர்களுக்கு நடுவில் வைத்து மெதுவாக அழுத்தி உருட்டவும்.

மிகவும் மெல்லியதாக உருட்ட வேண்டாம். ஓரங்களில் சிறிது வெடிப்பு ஏற்பட்டால் விரலால் மெதுவாக அழுத்தி சரிசெய்யலாம். பாதாம் மாவில் கோதுமை மாவில் இருப்பது போல நெகிழ்வுத்தன்மை இருக்காது. அதனால் நேரடியாக மேடையில் வைத்து உருட்டுவதைவிட இரண்டு பேக்கிங் பேப்பர்களுக்கு நடுவில் வைத்து உருட்டுவது சுலபமாக இருக்கும்.

இதையும் படிங்க : Curd : வீட்டுத் தயிரா, பாக்கெட் தயிரா? எது உடம்புக்கு நல்லது? முழு விவரம் இதோ!

தவாவை மிதமான சூட்டில் சூடாக்கி, உருட்டிய ரொட்டியை கவனமாக அதில் போடவும். ஒரு பக்கம் சுமார் 30–40 விநாடிகள் வேகவிட்டு, மெதுவாகத் திருப்பவும். மறுபக்கமும் வேகவிட்டு, தேவையான அளவு வெந்ததும் எடுக்கலாம்.

அதிக சூட்டில் சமைக்க வேண்டாம். பாதாம் மாவு இருப்பதால் ரொட்டி சீக்கிரம் நிறம் மாறிவிடலாம். விருப்பப்பட்டால் அடுப்பிலிருந்து எடுத்த பிறகு சிறிதளவு நெய் தடவி பரிமாறலாம். சூடாக இருக்கும்போதே சாப்பிட்டால் அதன் மென்மையான தன்மையை நன்றாக உணர முடியும்.

மறக்க முடியாத சுவை!

வழக்கமான சப்பாத்தியிலிருந்து கொஞ்சம் மாறுபட்ட சுவையை விரும்புபவர்களுக்கு இந்த பாதாம் ரொட்டி ஒரு புதிய முயற்சியாக இருக்கும். பாதாம் மாவின் லேசான மணம், மென்மையான பதம் ஆகியவை இதற்கு தனி சுவையைத் தருகின்றன. காய்கறி குழம்பு, பருப்பு, தயிர் அல்லது சட்னியுடன் சேர்த்து சாப்பிடலாம்.

ஆனால் ஒரு விஷயம் முக்கியம், இது கோதுமை சப்பாத்தியின் அப்படியே நகல் கிடையாது. பாதாம் மாவின் தன்மை வேறுபடுவதால், தயாரிக்கும் முறையும் கொஞ்சம் மாறுபடும்.

மேலும் பாதாம் உண்பதில் ஒவ்வாமை இருப்பவர்கள் இதைத் தவிர்க்க வேண்டும். கோதுமை மாவு இல்லாமல் சப்பாத்தி போன்ற உணவை முயற்சி செய்ய நினைக்கிறீங்கன்னா, இந்த பாதாம் ரொட்டியை வீட்டிலேயே ஒருமுறை செய்து பாருங்க.

இதையும் படிங்க : Carrot : கேரட் சாப்பிட்டா கண்ணுக்கு நல்லதா? உண்மையைத் தெரிஞ்சுக்கோங்க!

குழந்தைகளின் நோய் எதிர்ப்பு சக்தியை அதிகரிக்கும் 7 சூப்பர் உணவுகள்

Rayar A — Thu, 17 Sep 2026 21:51:39 +0530

Food For Kids Immunity: உங்கள் குழந்தைகளின் நோய் எதிர்ப்பு சக்தியை அதிகரிக்கவும், அவர்களை நோய்களில் இருந்து பாதுகாக்கவும் உதவும் 7 சூப்பர் உணவுகள் பற்றி இங்கே தெரிந்துகொள்ளுங்கள்.

Chicken Storage Tips: சிக்கனை எத்தனை நாள் பிரிட்ஜில் வைக்கலாம்? 90 சதவீதம் பேருக்கு தெரியாத சீக்ரெட்

Ganesh A — Fri, 18 Sep 2026 08:03:57 +0530

Chicken Storage Tips : சிக்கன் வாங்கிட்டு வந்து அப்படியே பிரிட்ஜில் வைக்கிறீங்களா? சிக்கனை எத்தனை நாள் பிரிட்ஜில் வைக்கலாம், சரியான வெப்பநிலை என்ன, ஃப்ரீசரில் வைத்த சிக்கனை எப்படி சமைக்க வேண்டும் என பலருக்கும் தெரிவதில்லை.

சிக்கனை வாங்கி அப்படியே பிரிட்ஜில் வைப்பது மட்டும் போதாது. சரியான வெப்பநிலை, பேக்கிங், சுத்தம் ரொம்ப முக்கியம். தப்பாக ஸ்டோர் செய்தால், பிரிட்ஜில் இருந்தாலும் சிக்கன் சீக்கிரம் கெட்டுப்போயிடும். மொத்தமாக சிக்கன் வாங்குபவர்கள் இந்த விஷயங்களை கண்டிப்பா தெரிஞ்சுக்கணும்.

பிரிட்ஜ் வெப்பநிலை எவ்வளவு இருக்கணும்?

பச்சை சிக்கனை வைக்கும் பிரிட்ஜின் வெப்பநிலை 5°C அல்லது அதற்கும் குறைவாக இருக்கணும். முடிஞ்சா பிரிட்ஜ் தெர்மாமீட்டர் வெச்சு செக் பண்ணுங்க. பிரிட்ஜை அடிக்கடி திறந்தாலோ, நிறைய பொருட்களை அடைத்து வைத்தாலோ வெப்பநிலை மாறலாம். சிக்கனை எப்போதுமே பிரிட்ஜின் கீழ் தட்டில் வைங்க. பாக்கெட்டை பிரித்துவிட்டால், காற்று புகாத டப்பாவில் வைப்பது நல்லது.

D-Mart : இங்கே குறைவான விலையில் கிடைக்கும் 10 பொருட்கள்! என்னென்ன தெரியுமா?

பொதுவாக, சிக்கனை வாங்கிய 1 அல்லது 2 நாட்களுக்குள் சமைத்து விடுவது நல்லது. இது முழு சிக்கன், லெக் பீஸ், விங்ஸ் என எல்லாத்துக்கும் பொருந்தும். அந்த நேரத்துக்குள் சமைக்க முடியலைன்னா, ஃப்ரீசரில் வெச்சிடுங்க. சீல் செய்யப்பட்ட வேக்யூம் பேக் சிக்கன் கொஞ்சம் அதிக நாள் தாங்கும். ஆனால், பாக்கெட்டை பிரித்த பிறகு சீக்கிரம் சமைச்சிடணும்.

மசாலா தடவிய சிக்கன் அதிக நாள் தாங்குமா?

இல்லை. மசாலா தடவி வைத்தால் சிக்கனின் சுவையும் மிருதுத்தன்மையும் கூடும். ஆனால், அது அதிக நாள் கெடாமல் இருக்காது. வீட்டில் மசாலா தடவிய சிக்கனையும் 2 நாட்களுக்குள் சமைப்பதுதான் பாதுகாப்பானது.

சீல் பிரிக்காத பாக்கெட்டை அப்படியே பிரிட்ஜில் வைக்கலாம். பாக்கெட்டை பிரித்துவிட்டால், காற்று புகாத டப்பா, கிளிங் ஃபிலிம் அல்லது ஜிப்-லாக் கவர் பயன்படுத்துங்க. அதிக நாள் ஃப்ரீசரில் வைக்கணும்னா, சிக்கனை சிறு சிறு பங்குகளாக பிரித்து பேக் செய்து, அதன் மேல் தேதியை எழுதி வைங்க.

ஃப்ரீசரில் வைத்த சிக்கனை எப்படி சமைக்க தயார் செய்வது?

சிக்கனை டீஃப்ராஸ்ட் செய்ய பாதுகாப்பான வழி, முதல் நாள் இரவே அதை ஃப்ரீசரில் இருந்து எடுத்து பிரிட்ஜின் கீழ் தட்டில் வைப்பதுதான். மூடிய டப்பாவில் வைங்க. அவசரமாக சமைக்க வேண்டும் என்றால், சீல் செய்யப்பட்ட கவரில் சிக்கனை வைத்து, குளிர்ந்த தண்ணீரில் போடுங்க. 30 நிமிடங்களுக்கு ஒருமுறை தண்ணீரை மாற்றுங்க. சுடுதண்ணீர் பயன்படுத்தக் கூடாது. மைக்ரோவேவ் ஓவனில் டீஃப்ராஸ்ட் செய்தால், உடனே சமைச்சிடணும். சாதாரண அறை வெப்பநிலையில் சிக்கனை வெளியே வைக்கக் கூடாது.

பச்சை சிக்கனை சமைத்த உணவுகள் மற்றும் நேரடியாக சாப்பிடும் பொருட்களில் இருந்து தள்ளி வைங்க. கீழ் தட்டில் வைப்பதால், சிக்கனில் இருந்து வடியும் தண்ணீர் மற்ற உணவுகளில் படுவதை தடுக்கலாம். சிக்கன் நறுக்க தனி கட்டிங் போர்டு பயன்படுத்துங்க. அதை சுடுதண்ணீர் மற்றும் சோப்பு போட்டு கழுவுங்க. சிக்கனை தொடுவதற்கு முன்பும் பின்பும் கைகளை நல்லா கழுவணும். காய்கறி, சிக்கன் இரண்டையும் சமைக்கிறீங்கன்னா, முதலில் காய்கறிகளை நறுக்கிவிட்டு, அப்புறம் சிக்கனை எடுங்க.

சிக்கன் கெட்டுப்போனதை எப்படி கண்டுபிடிப்பது?

சமைக்கும் முன் சிக்கனின் வாசனை, நிறம், தன்மையை கவனிங்க. புளிப்பான அல்லது வித்தியாசமான வாசனை வந்தாலோ, சிக்கன் ரொம்ப பிசுபிசுப்பாக இருந்தாலோ சமைக்காதீங்க. சந்தேகம் இருந்தால், அதை தூக்கி எறிவதுதான் பாதுகாப்பானது.

Maharani Chicken: ரெஸ்டாரன்ட் ஸ்டைல் மகாராணி சிக்கன் ரெசிபி - சுவையான, ருசியாக செய்வது எப்படி?

Healthy Breakfast: அவசரமான காலை நேரத்திலும் ஆரோக்கியமான காலை உணவைத் தயாரிப்பது எப்படி?

Priya Velan — Tue, 15 Sep 2026 22:15:13 +0530

காலை நேர அவசரத்தால் காலை உணவை தவிர்க்கிறீர்களா? இனி கவலை வேண்டாம்! குறைந்த நேரத்தில் தயாரிக்கக்கூடிய புரதம், நார்ச்சத்து நிறைந்த ஆரோக்கியமான உணவுகளைத் தேர்வு செய்து, சுறுசுறுப்பான நாளை சத்தான காலை உணவுடன் தொடங்கலாம்.

நேரம் இல்லாததால் காலை உணவை தவிர்ப்பது பலரிடம் காணப்படும் பழக்கமாக உள்ளது. ஆனால், நாள் தொடக்கத்தில் உடலுக்குத் தேவையான ஆற்றலை வழங்கும் உணவை எடுத்துக்கொள்வது முக்கியம். எனவே, சமைக்க நேரமில்லாத நாட்களிலும் எளிதாக சாப்பிடக்கூடிய உணவுகளைத் தயாராக வைத்திருக்கலாம்.

காலை உணவில் புரதம் இருப்பது நீண்ட நேரம் வயிறு நிறைவாக இருப்பதற்கு உதவக்கூடும். முட்டை, தயிர், பால், பருப்பு வகைகள், கொட்டைகள் போன்றவற்றை தேவைக்கேற்ப காலை உணவில் சேர்க்கலாம். இதனால் உணவு சத்தானதாகவும் சமநிலையானதாகவும் அமையும்.

நார்ச்சத்து நிறைந்த உணவுகள் காலை உணவுக்கு நல்ல தேர்வாக இருக்கும். ஓட்ஸ், முழுதானிய உணவுகள், பழங்கள், காய்கறிகள் மற்றும் விதைகள் போன்றவற்றை உணவில் சேர்க்கலாம். குறிப்பாக, அதிக நேரம் எடுத்துக்கொள்ளாமல் தயாரிக்கக்கூடிய உணவுகளைத் தேர்வு செய்வது அவசரமான காலைக்கு உதவியாக இருக்கும்.

காலை நேர அவசரத்தை குறைக்க, இரவே அடுத்த நாள் காலை உணவுக்கான பொருட்களைத் தயாராக வைத்துக்கொள்ளலாம். பழங்களை நறுக்கி வைப்பது, ஓட்ஸ் அல்லது பிற பொருட்களை அளந்து வைப்பது போன்ற சிறிய தயாரிப்புகள் காலையில் நேரத்தை மிச்சப்படுத்தும்.

அவசரமாக இருக்கும்போது பாக்கெட் உணவுகள் அல்லது அதிக சர்க்கரை கொண்ட உணவுகளைத் தேர்வு செய்வது எளிதாக இருக்கலாம். ஆனால், விரைவாக தயாரிக்க முடியும் என்பதற்காக மட்டும் உணவைத் தேர்வு செய்யாமல், அதில் புரதம், நார்ச்சத்து மற்றும் தேவையான ஊட்டச்சத்துகள் உள்ளதா என்பதையும் கவனிக்க வேண்டும்.

Paniyaram: மரவள்ளிக்கிழங்கில் இப்படி ஒரு டேஸ்டியான பணியாரமா? ஒருமுறை செய்து பாருங்க!

Vishnupriya — Tue, 15 Sep 2026 17:25:31 +0530

Paniyaram: மரவள்ளிக்கிழங்கை வைத்து சுவையான பணியாரம் செய்வது எப்படி? தேவையான பொருட்கள், தாளிப்பு, படிப்படியான செய்முறை, மரவள்ளிக்கிழங்கின் நன்மைகள் மற்றும் அதன் வேறு பெயர்களை தெரிந்துகொள்ளுங்கள்.

மாலை நேரத்தில் டீ-யுடன் சூடாக, மொறுமொறுப்பாக ஏதாவது சாப்பிட வேண்டும் என்று தோன்றுகிறதா? தினமும் ஒரே ஸ்நாக்ஸ் சாப்பிட்டு அலுத்து விட்டதா? அப்படியென்றால் வீட்டில் இருக்கும் மரவள்ளிக்கிழங்கை வைத்து சுவையான பணியாரம் செய்து பாருங்கள். வழக்கமாக வேகவைத்து அல்லது வறுவலாக சாப்பிடும் மரவள்ளிக்கிழங்கில், சிறிது மசாலா சேர்த்து பணியாரம் செய்தால் குழந்தைகள் முதல் பெரியவர்கள் வரை விரும்பிச் சாப்பிடும் சுவையான சிற்றுண்டியாக மாறிவிடும்.

வெளியில் மொறுமொறுப்பாகவும், உள்ளே மென்மையாகவும் இருக்கும் இந்த பணியாரம், காலை உணவு அல்லது மாலை நேர ஸ்நாக்ஸாகவும் பரிமாறலாம். குறிப்பாக, தமிழ்நாட்டின் பல பகுதிகளில் குச்சிக்கிழங்கு, குச்சிவள்ளிக்கிழங்கு, கப்பக்கிழங்கு, மரச்சினிக்கிழங்கு என பல்வேறு பெயர்களில் அழைக்கப்படும் மரவள்ளிக்கிழங்கை வைத்து இந்த எளிய ரெசிபியை வீட்டிலேயே செய்து அசத்தலாம்.

மரவள்ளிக்கிழங்கு – 500 கிராம்
அரிசி மாவு – 1\2 கப்
கடலை மாவு – 2 டேபிள்ஸ்பூன்
வெங்காயம் – 1 பொடியாக நறுக்கியது
பச்சை மிளகாய் – 2
இஞ்சி – சிறிய துண்டு
கறிவேப்பிலை – சிறிதளவு
கொத்தமல்லித்தழை – சிறிதளவு
உப்பு – தேவையான அளவு
எண்ணெய் – பணியாரம் சுட தேவையான அளவு

தாளிக்க:

கடுகு – 1\2 டீஸ்பூன்
உளுத்தம்பருப்பு – 1\2 டீஸ்பூன்
சீரகம் – 1\2 டீஸ்பூன்
காய்ந்த மிளகாய் – 1.

மரவள்ளிக்கிழங்கை நன்றாகக் கழுவி, தடிமனான தோலை முழுமையாக நீக்கி சிறு துண்டுகளாக வெட்டவும். பின்னர் தண்ணீரில் நன்றாக வேகவைக்கவும்.
வெந்த கிழங்கை ஆறவைத்து நன்றாக மசித்துக்கொள்ளவும். நடுவில் இருக்கும் நார் போன்ற பகுதி இருந்தால் அகற்றிவிடலாம்.
மசித்த கிழங்குடன் அரிசி மாவு, கடலை மாவு, வெங்காயம், பச்சை மிளகாய், இஞ்சி, கறிவேப்பிலை, கொத்தமல்லி, உப்பு ஆகியவற்றை சேர்த்து பிசையவும். தேவையானால் சிறிதளவு தண்ணீர் தெளித்து கெட்டியான மாவாக தயாரிக்கவும்.

4. பின்னர் கடாயில் ஒரு டீஸ்பூன் எண்ணெய் ஊற்றி கடுகு, உளுத்தம்பருப்பு, சீரகம், காய்ந்த மிளகாய் சேர்த்து தாளிக்கவும். இதை பணியாரம் மாவில் சேர்த்து நன்றாக கலக்கவும்.

5. அதனைத்தொடர்ந்து, பணியாரக் கல்லை சூடாக்கி ஒவ்வொரு குழியிலும் சிறிதளவு எண்ணெய் ஊற்றவும். மாவை உருண்டையாகவோ கரண்டியால் சிறு அளவாகவோ ஊற்றி மிதமான தீயில் சுடவும். அடிப்பகுதி பொன்னிறமானதும் திருப்பி போட்டு மறுபக்கத்தையும் வேகவிடவும்.

6. இருபுறமும் நன்றாக வெந்ததும் சூடாக எடுத்துப் பரிமாறலாம். தேங்காய் சட்னி, புதினா சட்னி அல்லது கார சட்னியுடன் சாப்பிட்டால் சுவை இன்னும் அதிகமாக இருக்கும்.

மரவள்ளிக்கிழங்கு முக்கியமாக மாவுச்சத்து கொண்ட உணவு. அதனால் உடலுக்கு ஆற்றல் கிடைக்க உதவும். மேலும் இதில் வைட்டமின் C உள்ளிட்ட சில ஊட்டச்சத்துகளும் உள்ளன. ஆனால், இது கார்போஹைட்ரேட் அதிகம் உள்ள கிழங்கு என்பதால் அளவோடு சாப்பிடுவது நல்லது.

குறிப்பு: இது பொதுவான சமையல் குறிப்புகள் மட்டுமே. பொருட்களின் அளவு மற்றும் சுவைக்கேற்ப செய்முறையில் தேவையான மாற்றங்களைச் செய்து கொள்ளலாம்.

Raw or Cooked Carrots: பச்சையா? சமைத்ததா? கேரட்டை சாப்பிடுவதில் எது அதிக வைட்டமின் A தரும்?

Priya Velan — Thu, 17 Sep 2026 19:15:16 +0530

கேரட்டை பச்சையாக சாப்பிடுவதா அல்லது சமைத்து சாப்பிடுவதா? வைட்டமின் A-க்கு முக்கியமான பீட்டா-கரோட்டின் கேரட்டில் நிறைந்துள்ளது. சமைத்த கேரட்டை சிறிதளவு நல்ல கொழுப்புடன் சாப்பிடுவது, இந்தச் சத்தை உடல் உறிஞ்சுவதற்கு உதவலாம்.

கேரட் தினசரி உணவில் எளிதாக சேர்க்கக்கூடிய சத்தான காய்கறிகளில் ஒன்றாகும். குறிப்பாக கண் ஆரோக்கியத்துடன் தொடர்புடைய வைட்டமின் A-க்கு தேவையான பீட்டா-கரோட்டின் இதில் அதிகம் உள்ளது. ஆனால் கேரட்டை எந்த முறையில் சாப்பிடும்போது இந்தச் சத்து உடலுக்கு சிறப்பாகக் கிடைக்கும் என்பது முக்கியமான கேள்வியாக உள்ளது.

கேரட்டில் நாம் பெறுவது பெரும்பாலும் நேரடி வைட்டமின் A அல்ல. அதில் காணப்படும் பீட்டா-கரோட்டின், உடலின் தேவைக்கேற்ப வைட்டமின் A-ஆக மாற்றப்படுகிறது. வைட்டமின் A பார்வை, நோய் எதிர்ப்பு செயல்பாடு உள்ளிட்ட பல முக்கிய உடல் செயல்பாடுகளுக்கு தேவையானது.

பச்சை கேரட்டை சாலட், ஜூஸ் அல்லது சிற்றுண்டியாக சாப்பிடலாம். இது நார்ச்சத்தையும் வழங்குகிறது. நன்றாக மென்று சாப்பிடுவது அல்லது துருவி சாப்பிடுவது கேரட்டின் தாவர செல்களை உடைத்து அதில் உள்ள கரோட்டினாய்டுகள் கிடைப்பதற்கு உதவலாம்.

கேரட்டை சமைக்கும்போது அதன் தாவர செல்களின் அமைப்பு மென்மையாகிறது. இதனால் பீட்டா-கரோட்டின் போன்ற கரோட்டினாய்டுகள் செரிமானத்தின் போது உடலுக்கு கிடைப்பது அதிகரிக்கலாம். ஆய்வுகளில் சமைத்த அல்லது பதப்படுத்தப்பட்ட கேரட்டில் இருந்து கரோட்டின் உட்கிரகிப்பு, சில சூழல்களில் பச்சை கேரட்டை விட அதிகமாக இருந்துள்ளது.

பீட்டா-கரோட்டின் கொழுப்பில் கரையும் தன்மை கொண்டது. எனவே கேரட்டை சிறிதளவு ஆரோக்கியமான கொழுப்புடன் சேர்த்து சாப்பிடுவது அதன் உட்கிரகிப்புக்கு உதவலாம். கேரட்டை லேசாக வதக்கும்போது சிறிதளவு எண்ணெய் சேர்ப்பது ஒரு நடைமுறை வழியாக இருக்கலாம். ஆய்வுகளிலும் எண்ணெய் சேர்ப்பது கரோட்டின் கிடைப்பை அதிகரிக்கக்கூடும் என்று கண்டறியப்பட்டுள்ளது.

சமைப்பது பீட்டா-கரோட்டின் கிடைப்பை அதிகரிக்கலாம் என்பதற்காக கேரட்டை நீண்ட நேரம் அதிக வெப்பத்தில் வேகவைக்க வேண்டும் என்று அர்த்தமில்லை. உணவில் கேரட்டை லேசாக வேகவைத்தல், வதக்குதல் போன்ற முறைகளைப் பயன்படுத்தலாம். சமையல் முறைக்கு ஏற்ப சத்துக்களில் ஏற்படும் மாற்றமும் மாறுபடும்.

கேரட்டை ஜூஸாக எடுத்துக்கொள்வதும் பீட்டா-கரோட்டின் உட்கிரகிப்பை அதிகரிக்கக்கூடிய ஒரு முறையாக ஆய்வுகளில் பார்க்கப்பட்டுள்ளது. 16 ஆரோக்கியமான பெரியவர்களை உள்ளடக்கிய ஒரு ஆய்வில், பச்சை கேரட்டுடன் ஒப்பிடும்போது சர்க்கரை சேர்க்காத புதிய கேரட் ஜூஸில் பீட்டா-கரோட்டின் உட்கிரகிப்பு அதிகமாக இருந்தது.

கேரட்டை பச்சையாக சாப்பிடுவது தவறு என்று கூற முடியாது. அதேபோல், சமைத்த கேரட்டில்தான் அனைத்து நன்மைகளும் கிடைக்கும் என்றும் கூற முடியாது. பீட்டா-கரோட்டின் உடலில் கிடைக்கும் அளவை அதிகரிக்க சமைத்த கேரட், குறிப்பாக சிறிதளவு கொழுப்புடன் சேர்த்து சாப்பிடுவது உதவக்கூடும். அதே நேரத்தில் பச்சை கேரட்டும் நார்ச்சத்து உள்ளிட்ட ஊட்டச்சத்துகளை வழங்குகிறது. எனவே உணவில் இரு முறைகளையும் மாற்றி மாற்றி சேர்ப்பது நடைமுறைக்கு ஏற்ற அணுகுமுறையாக இருக்கலாம்.

குறிப்பு: வைட்டமின் A-ன் தேவையும், பீட்டா-கரோட்டினை வைட்டமின் A-ஆக மாற்றும் திறனும் ஒவ்வொருவருக்கும் மாறுபடலாம். எனவே கேரட்டை மட்டும் நம்பாமல் பல்வேறு காய்கறிகள் மற்றும் சத்தான உணவுகளை சமநிலையான உணவில் சேர்ப்பது முக்கியம்.

Blood Pressure: பி.பி-யை கண்ட்ரோல் செய்ய இந்த 7 உணவுகளை சாப்பிடுங்க!

Rayar A — Mon, 14 Sep 2026 20:53:52 +0530

Blood Pressure: உயர் ரத்த அழுத்தம் ஒரு அமைதியான கொலையாளி. அதை கட்டுக்குள் வைக்க உதவும் சில எளிய மற்றும் முக்கியமான உணவுகள் பற்றி இங்கே பார்க்கலாம்.

Peerkangai Pakoda: பீர்க்கங்காயில் இப்படி பகோடா செய்து பாருங்க! மொறுமொறுப்பான ஈஸி ரெசிபி

Vishnupriya — Wed, 16 Sep 2026 17:51:18 +0530

Peerkangai pakoda: பீர்க்கங்காயில் மொறுமொறுப்பான பக்கோடா செய்வது எப்படி? தேவையான பொருட்கள், மாவு பதம், தாளிப்பு மற்றும் படிப்படியான செய்முறையை இங்கே எளிமையாக தெரிந்துகொள்ளுங்கள்.

வீட்டில் அடிக்கடி பீர்க்கங்காய் குழம்பு, கூட்டு, பொரியல் என ஒரே மாதிரியான உணவுகளைச் செய்து சலித்துவிட்டீர்களா? அப்படியானால், சற்று வித்தியாசமாக பீர்க்கங்காயை வைத்து மொறுமொறுப்பான பக்கோடா செய்து பாருங்கள். வெளியில் மொறுமொறுப்பாகவும், உள்ளே பீர்க்கங்காயின் மென்மையான சுவையுடனும் இருக்கும் இந்த பக்கோடா, மாலை நேர டீ அல்லது காபியுடன் சாப்பிட மிகவும் பொருத்தமாக இருக்கும்.

பீர்க்கங்காயில் நீர்ச்சத்து அதிகம் இருப்பதால், பக்கோடா மாவில் தண்ணீர் சேர்க்கும்போது கவனமாக இருக்க வேண்டும். சரியான அளவில் மாவு கலந்து, எண்ணெய் நன்கு சூடான பிறகு பொரித்தால், பக்கோடா எண்ணெயை அதிகமாக உறிஞ்சாமல் நல்ல மொறுமொறுப்புடன் கிடைக்கும்.

பீர்க்கங்காய் – 1
கடலை மாவு – 1 கப்
அரிசி மாவு – 2 டேபிள்ஸ்பூன்
வெங்காயம் – 1
பச்சை மிளகாய் – 2
இஞ்சி – சிறிதளவு
சீரகம் – 1\2 டீஸ்பூன்
கறிவேப்பிலை – சிறிதளவு
மிளகாய்த்தூள் –1\2 டீஸ்பூன்
மஞ்சள்தூள் – 1\4 டீஸ்பூன்
பெருங்காயத்தூள் – சிறிதளவு
உப்பு – தேவையான அளவு
எண்ணெய் – பொரிக்க தேவையான அளவு

முதலில் பீர்க்கங்காயை நன்றாகக் கழுவி, அதன் மேல் தோலை சீவி சிறிய துண்டுகளாக வெட்டவும்.
ஒரு பாத்திரத்தில் நறுக்கிய பீர்க்கங்காய், பொடியாக நறுக்கிய வெங்காயம், பச்சை மிளகாய், இஞ்சி மற்றும் கறிவேப்பிலையைச் சேர்க்கவும்.
இதனுடன் கடலை மாவு, அரிசி மாவு, மிளகாய்த்தூள், மஞ்சள்தூள், பெருங்காயத்தூள் மற்றும் தேவையான அளவு உப்பு சேர்க்கவும். அனைத்தையும் முதலில் கைகளால் நன்றாகக் கலக்கவும்.
பீர்க்கங்காயில் இயற்கையாகவே தண்ணீர்ச்சத்து அதிகம் இருப்பதால் முதலில் தண்ணீர் சேர்க்காமல் பிசையவும். தேவைப்பட்டால் மட்டும் சிறிது தண்ணீர் தெளித்து, கெட்டியான பதத்தில் மாவை தயார் செய்யவும்.

ஒரு கடாயில் பொரிப்பதற்குத் தேவையான அளவு எண்ணெய் ஊற்றி மிதமான தீயில் சூடாக்கவும். பின்னர் தயார் செய்த மாவை சிறு சிறு பகுதிகளாக எடுத்து, உதிரி உதிரியாக எண்ணெயில் போடவும். ஒரே நேரத்தில் அதிக மாவை போடாமல், கடாயின் அளவுக்கு ஏற்ப சிறிது சிறிதாகப் போடுவது நல்லது. இதனால் பக்கோடா ஒன்றோடு ஒன்று ஒட்டாமல் நன்றாகப் பொரியும்.
மிதமான தீயில் திருப்பித் திருப்பி பொன்னிறமாகவும் மொறுமொறுப்பாகவும் வரும் வரை பொரித்தெடுக்கவும்.
சூடான பீர்க்கங்காய் பக்கோடாவை தேங்காய் சட்னி, புதினா சட்னி அல்லது தக்காளி சாஸுடன் பரிமாறினால் மாலை நேர சிற்றுண்டியாக மிகவும் சுவையாக இருக்கும்.

மோர் குழம்பு சாயங்காலம் வரை பிரெஷ்ஷா இருக்கணுமா? இதை செய்யுங்க‌!

Rayar A — Tue, 15 Sep 2026 15:14:24 +0530

Cooking Tips: மதியம் செஞ்ச மோர் குழம்பு, சாயங்காலம் ஆகுறதுக்குள்ள ரொம்ப புளிச்சுப் போய் சாப்பிட முடியாம வேஸ்ட் ஆகுதா? இனி அந்த கவலை வேண்டாம். இதோ ஒரு சூப்பர் டிப்ஸ்.

Vegetables Cooking Mistakes: காய்கறிகளை இப்படி சமைக்காதீங்க..பலரும் செய்யும் தவறுகள்!

Vishnupriya — Tue, 15 Sep 2026 16:24:45 +0530

vegetable cooking mistakes: காய்கறிகளை சமைக்கும்போது பலரும் செய்யும் பொதுவான தவறுகள் என்ன? அதிக நேரம் வேகவைப்பது, தண்ணீரில் ஊறவைப்பது உள்ளிட்ட தவறுகளை தவிர்த்து ஊட்டச்சத்துக்களை பாதுகாக்கும் வழிகளை தெரிந்துகொள்ளுங்கள்.

காய்கறிகள் தினசரி உணவில் தவிர்க்க முடியாத முக்கிய உணவுப் பொருள். இவற்றில் உடலுக்குத் தேவையான வைட்டமின்கள், தாதுக்கள், நார்ச்சத்து உள்ளிட்ட பல்வேறு ஊட்டச்சத்துக்கள் கிடைக்கின்றன. ஆனால், காய்கறிகளை வாங்குவது முதல் கழுவுவது, நறுக்குவது, சமைப்பது வரை நாம் பின்பற்றும் சில சாதாரண பழக்கங்கள், அவற்றில் உள்ள சில ஊட்டச்சத்துக்கள் குறைவதற்கு காரணமாகலாம்.

காய்கறிகள் நன்றாக வேக வேண்டும் என்பதற்காக அவற்றை அதிக நேரம் சமைப்பது அவசியமில்லை. தேவையான அளவு மட்டும் வேகவைத்து, நீண்ட நேரம் கொதிக்கவிடாமல் சமைப்பது, காய்கறிகளில் உள்ள சில ஊட்டச்சத்துக்களைப் பாதுகாக்க உதவும்.

உதாரணமாக, ப்ரோக்கோலி மற்றும் கீரைகளை அதிக நேரம் வேகவைக்காமல், மென்மையாக வெந்தவுடன் இறக்குவது நல்லது. இதனால் அதிக நேரம் சமைப்பதால் ஏற்படக்கூடிய ஊட்டச்சத்து இழப்பை ஓரளவு தவிர்க்கலாம்.

உப்பு சேர்ப்பது

காய்கறிகளை வதக்கும்போது சீக்கிரம் வெந்துவிடும் என்பதற்காக ஆரம்பத்திலேயே அதிகளவு உப்பு சேர்ப்பதைத் தவிர்க்கவும். காய்கறிகள் ஓரளவு வெந்த பிறகு, தேவையான அளவு உப்பை சரியான நேரத்தில் சேர்ப்பது சுவையையும், பதத்தையும் சிறப்பாக வைத்திருக்க உதவும்.

காய்கறிகளை முதலில் நறுக்கிவிட்டு பின்னர் தண்ணீரில் கழுவும் பழக்கம் சிலரிடம் உள்ளது. இதற்கு பதிலாக, காய்கறிகளை முதலில் நன்றாக கழுவி, அதன் பிறகு நறுக்குவது நல்லது. இதனால் வெட்டப்பட்ட பரப்பில் இருந்து நீரில் கரையும் ஊட்டச்சத்துக்கள் வெளியேறுவதை ஓரளவு குறைக்கலாம்.

அதிக தண்ணீர் சேர்ப்பது

காய்கறிகளை வேகவைக்க அதிகளவு தண்ணீர் பயன்படுத்தும்போது, தண்ணீரில் கரையும் சில வைட்டமின்கள் நீரில் கலந்து விடலாம். அந்த நீரை முழுவதுமாக கீழே கொட்டிவிட்டால், அதில் கரைந்துள்ள ஊட்டச்சத்துக்களும் வீணாகும் வாய்ப்புள்ளது. எனவே, தேவையான அளவு தண்ணீர் மட்டும் பயன்படுத்துவது சிறந்தது.

சில காய்கறிகளை தோல் நீக்காமல், நன்றாகக் கழுவி தோலுடன் சமைப்பது நல்லது. தோலில் நார்ச்சத்து உள்ளிட்ட சில ஊட்டச்சத்துக்கள் கிடைக்கக்கூடும். எனவே, அனைத்து காய்கறிகளிலும் தோலை நீக்க வேண்டிய அவசியம் இல்லை. அதேபோல், சமைத்த உணவை மீண்டும் மீண்டும் சூடுபடுத்துவது சுவையையும் தரத்தையும் பாதிக்கலாம்.

ஒவ்வொரு காய்கறிக்கும் ஏற்ற சமையல் முறை மாறுபடும். சில காய்கறிகளை ஆவியில் வேகவைத்தால் சிறப்பாக இருக்கும். சிலவற்றை லேசாக வதக்கி சமைக்கலாம். எனவே, காய்கறியின் தன்மை மற்றும் சமையலுக்கு ஏற்ற முறையைத் தேர்வு செய்து சமைப்பது முக்கியம்.

Vitamin C Foods: வைட்டமின் சி அள்ளித் தரும் 7 சூப்பர் உணவுகள்!

Rayar A — Thu, 17 Sep 2026 18:42:55 +0530

Vitamin C Foods: நமது உடலுக்குத் தேவையான வைட்டமின் சி சத்தைப் பெற, நாம் கட்டாயம் சாப்பிட வேண்டிய 7 உணவுகள் என்னென்ன என்று பார்க்கலாம்.

எலும்புகள் இரும்புபோல் மாறணுமா? இந்த 7 உணவுகளை உடனே சாப்பிடுங்க!

Rayar A — Tue, 15 Sep 2026 16:42:13 +0530

Bone Health: எலும்புகளின் ஆரோக்கியத்தை மேம்படுத்தி, அவற்றை வலுவாக வைத்திருக்க உதவும் 7 முக்கிய உணவுகள் பற்றி இங்கே பார்க்கலாம்.

Sweet Potato: பால், வெல்லம், சர்க்கரைவள்ளி - கிழங்கு இவ்ளோ நன்மையா?

Vedarethinam Ramalingam — Fri, 18 Sep 2026 16:28:12 +0530

குளிர்காலத்தில் சர்க்கரைவள்ளிக் கிழங்கை பால் மற்றும் வெல்லத்துடன் சேர்த்து சாப்பிடுவது உடலுக்கு நல்ல எனர்ஜியைத் தரும். நோய் எதிர்ப்பு சக்தியையும் அதிகரிக்கும். வேறு என்னென்ன நன்மைகள் கிடைக்கும் எனப் பார்க்கலாம்.

kollu Rasam: கொள்ளு ரசம் இப்படி செஞ்சு பாருங்க! மணமும் சுவையும் அசத்தும்

Asianet News — Mon, 14 Sep 2026 16:55:19 +0530

kollu rasam: கொள்ளு ரசம் செய்வது எப்படி? தேவையான பொருட்கள், கொள்ளை வேகவைக்கும் முறை முதல் மிளகு, சீரகம் சேர்த்து ரசம் தயாரிப்பது வரை படிப்படியான செய்முறை மற்றும் அதன் ஊட்டச்சத்து பயன்களை தெரிந்துகொள்ளுங்கள்.

கொள்ளு என்றாலே உடலுக்கு பல்வேறு நன்மைகளை வழங்கும் பாரம்பரிய பயறு வகைகளில் ஒன்று. பொதுவாக கொள்ளை ஊறவைத்து சமைப்பது, கொள்ளு சுண்டல் செய்வது போன்றவற்றைத் தாண்டி, அதைக் கொண்டு சுவையான கொள்ளு ரசமும் தயாரிக்கலாம். குறிப்பாக சாதத்துடன் சூடாகப் பரிமாறும்போது, அதன் மணமும் சுவையும் தனி ருசியைத் தரும். வீட்டிலேயே எளிதாக செய்யக்கூடிய கொள்ளு ரசம் எப்படி செய்வது என்பதைப் பார்க்கலாம்

கொள்ளு – 1\2 கப்

தக்காளி – 2

பூண்டு – 4 முதல் 5 பல்

புளி – சிறிய எலுமிச்சை அளவு

மிளகு – 1 டீஸ்பூன்

சீரகம் – 1 டீஸ்பூன்

காய்ந்த மிளகாய் – 2

மஞ்சள் தூள் – 1\4 டீஸ்பூன்

பெருங்காயம் – சிறிதளவு

கடுகு – 1\2 டீஸ்பூன்

கறிவேப்பிலை – சிறிதளவு

கொத்தமல்லி – சிறிதளவு

உப்பு – தேவையான அளவு

எண்ணெய் – 1 டீஸ்பூன்

படி 1: முதலில் கொள்ளை நன்றாகக் கழுவி, தேவையான அளவு தண்ணீர் சேர்த்து குக்கரில் 5–6 விசில் வரும் வரை வேகவைக்கவும். நன்றாக வெந்ததும் கொள்ளையை தனியாக எடுத்து வைத்துக்கொள்ளவும்.

படி 2: ஒரு கடாயில் மிளகு, சீரகம், காய்ந்த மிளகாய் ஆகியவற்றை எண்ணெய் இல்லாமல் லேசாக வறுக்கவும். ஆறியதும் அவற்றை கொரகொரப்பாக அரைத்துக் கொள்ளவும்.

படி 3: வேகவைத்த கொள்ளில் இருந்து சிறிதளவு எடுத்து மிக்ஸியில் அரைத்து, கொள்ளு வேகவைத்த தண்ணீருடன் கலந்து கொள்ளவும். இது ரசத்திற்கு நல்ல அடர்த்தியையும் சுவையையும் கொடுக்கும்.

படி 4: ஒரு பாத்திரத்தில் புளிக் கரைசல், நறுக்கிய தக்காளி, நசுக்கிய பூண்டு, மஞ்சள் தூள், உப்பு, பெருங்காயம் ஆகியவற்றைச் சேர்த்து கொதிக்க விடவும்.

படி 5: புளியின் பச்சை வாசனை போனதும் அரைத்த மிளகு–சீரகப் பொடி மற்றும் கொள்ளுக் கலவையைச் சேர்த்து மிதமான தீயில் கொதிக்க விடவும். ரசம் நன்றாக நுரை வரத் தொடங்கியதும் அடுப்பை அணைக்கவும்.

படி 6: இறுதியாக கடுகு, கறிவேப்பிலை தாளித்து ரசத்தில் சேர்த்து, கொத்தமல்லி தூவி பரிமாறலாம். சூடான சாதத்துடன் சிறிது நெய் சேர்த்து இந்த கொள்ளு ரசத்தை பரிமாறினால், வீட்டுச் சாப்பாட்டின் சுவையே தனியாக இருக்கும்.

கொள்ளில் புரதம், நார்ச்சத்து மற்றும் பல்வேறு ஊட்டச்சத்துகள் உள்ளன. நார்ச்சத்து இருப்பதால் செரிமானத்துக்கு உதவக்கூடும். புரதம் நிறைந்த உணவாக இருப்பதால் உணவில் ஊட்டச்சத்து சமநிலையை மேம்படுத்த உதவும்.

Sesame Seeds: தினமும் எள் சாப்பிட்டால் உடலில் என்ன நடக்கும் தெரியுமா?

Rayar A — Fri, 18 Sep 2026 19:47:58 +0530

Sesame Seeds: எள் அளவில் சிறியதாக இருந்தாலும், அதில் ஊட்டச்சத்துக்கள் ஏராளமாக உள்ளன. தினமும் அளவோடு எள் சாப்பிட்டு வந்தால், நமது உடலுக்கு கிடைக்கும் அற்புதமான நன்மைகள் என்னென்ன என்பதை இங்கே தெரிந்துகொள்வோம்.

Curd Benefits: தினமும் தயிர் சாப்பிடுவதால் கிடைக்கும் ஆரோக்கிய நன்மைகள்

Rayar A — Tue, 15 Sep 2026 20:57:05 +0530

Curd Benefits: தினமும் தயிர் சாப்பிடுவதால் உடலுக்குக் கிடைக்கும் அற்புதமான ஆரோக்கிய நன்மைகள் பற்றி இங்கே பார்க்கலாம்.

Mudakathan keerai soup: மூட்டுவலியைப் போக்கும் முடக்கத்தான் கீரை சூப் செய்வது எப்படி?

Vishnupriya — Fri, 18 Sep 2026 16:55:53 +0530

Mudakathan keerai soup: முடக்கத்தான் கீரையில் சூப் செய்வது எப்படி? முடக்கத்தான் கீரை, மிளகு, சீரகம், பூண்டு, இஞ்சி உள்ளிட்ட பொருட்களுடன் சுவையான சூப் தயாரிக்கும் முறையை தெரிந்துகொள்ளுங்கள்.

முடக்கத்தான் கீரை தமிழர்களின் பாரம்பரிய உணவில் நீண்ட காலமாக பயன்படுத்தப்பட்டு வரும் ஒரு கீரை வகையாகும். குறிப்பாக மூட்டு மற்றும் எலும்பு ஆரோக்கியத்துக்கு இது உதவும் என்ற நம்பிக்கையால், முடக்கத்தான் கீரையை சூப், ரசம், தோசை உள்ளிட்ட பல்வேறு உணவுகளில் சேர்த்து சாப்பிடுகின்றனர்.

முடக்கத்தான் கீரையில் உள்ள தாவரச் சேர்மங்கள் மற்றும் ஆன்டிஆக்ஸிடன்ட்கள் உடலுக்கு பல்வேறு நன்மைகளை வழங்குகிறது. இவ்வளவு நன்மை கொண்ட இந்த முடக்கத்தான் கீரையை வைத்து சூப் செய்வது எப்படி என்று பார்க்கலாம்.

முடக்கத்தான் கீரை – 1 கைப்பிடி
சின்ன வெங்காயம் – 5 முதல் 6
பூண்டு – 3 பல்
தக்காளி – 1
மிளகு – 1\2 முதல் 1 டீஸ்பூன்
சீரகம் – 1\2 டீஸ்பூன்
இஞ்சி – சிறிய துண்டு
மஞ்சள் தூள் – ஒரு சிட்டிகை
உப்பு – தேவையான அளவு
தண்ணீர் – 2 கப்
நல்லெண்ணெய் அல்லது சமையல் எண்ணெய் – 1 டீஸ்பூன்
கறிவேப்பிலை – சிறிதளவு

முடக்கத்தான் கீரையை நன்றாகத் தண்ணீரில் 2 அல்லது 3 முறை கழுவி, மண் மற்றும் தூசிகளை நீக்கவும். பின்னர் சிறிதாக நறுக்கிக்கொள்ளவும்.
ஒரு பாத்திரத்தில் ஒரு டீஸ்பூன் எண்ணெய் ஊற்றி, சீரகம், கறிவேப்பிலை சேர்க்கவும். பின்னர் நறுக்கிய சின்ன வெங்காயம், பூண்டு, இஞ்சி சேர்த்து வதக்கவும்.
தக்காளியைச் சேர்த்து நன்றாக குழையும்வரை வதக்கவும். அதன்பின் மிளகு மற்றும் ஒரு சிட்டிகை மஞ்சள் தூள் சேர்க்கலாம்.

நறுக்கிய கீரையைப் போட்டு 2–3 நிமிடங்கள் வதக்கவும். கீரையின் பச்சை வாசனை குறைந்ததும் 2 கப் தண்ணீர் ஊற்றி கொதிக்கவிடவும்.

சுமார் 8–10 நிமிடங்கள் மிதமான தீயில் கொதிக்கவிடவும். தேவையான அளவு உப்பு சேர்க்கவும். விரும்பினால் இதை அப்படியே சூப்பாக குடிக்கலாம் அல்லது சிறிது ஆறிய பிறகு மிக்ஸியில் அரைத்து வடிகட்டியும் பருகலாம்.

மாலை நேர சிற்றுண்டிக்குப் பதிலாக அல்லது இரவு உணவுக்கு முன்பாக ஒரு கப் சூப் எடுத்துக்கொள்ளலாம். அதிக உப்பு அல்லது அதிக எண்ணெய் சேர்ப்பதைத் தவிர்ப்பது நல்லது.

முக்கிய குறிப்பு: முடக்கத்தான் கீரை சூப் மூட்டுவலியை முழுமையாக குணப்படுத்தும் மருந்து என்று கருதக்கூடாது. மூட்டுவலி தொடர்ந்து இருந்தால் அதற்கான காரணத்தை கண்டறிந்து மருத்துவரை அணுகுவது அவசியம்.