Asianet News Tamil

மாலை நேர உடற்பயிற்சியின் 6 நன்மைகள்!

Kalai Selvi — Fri, 27 Jun 2025 19:20:21 +0530

மாலை வேளையில் உடற்பயிற்சி செய்வதால் கிடைக்கும் நன்மைகள் குறித்து இந்த பதிவில் பார்க்கலாம்.

150 வயசு வரை வாழலாம்.. 'ஸோம்பி' செல்களை அழித்து ஆயுளை நீட்டிக்கும் சீன மாத்திரை!

SG Balan — Tue, 11 Nov 2025 17:27:25 +0530

சீனாவின் லோன்வி பயோசயன்சஸ் நிறுவனம், திராட்சை விதை சத்திலிருந்து ஒரு மாத்திரையை உருவாக்கியுள்ளது. இந்த மாத்திரை 'ஸோம்பி செல்களை' அழிப்பதன் மூலம் மனித ஆயுளை 150 ஆண்டுகள் வரை நீட்டிக்க முடியும் என்று கூறுகிறது.

சீனாவின் ஷென்சென் நகரைச் சேர்ந்த லோன்வி பயோசயன்சஸ் (Lonvi Biosciences) என்ற நிறுவனம், திராட்சை விதை சத்தில் இருந்து தயாரிக்கப்பட்ட ஒரு மாத்திரையை அறிமுகப்படுத்தியுள்ளது. இந்தக் காப்ஸ்யூல் மாத்திரை மனிதர்களின் ஆயுளை 150 ஆண்டுகள் வரை நீட்டிக்க முடியும் என்று அந்நிறுவனம் கூறியுள்ளது.

ரஷ்ய செய்தி நிறுவனமான RBC-யின் அறிக்கையின்படி, "150 ஆண்டுகள் வரை வாழ்வது என்பது நிச்சயமாக யதார்த்தமானதுதான். இன்னும் சில ஆண்டுகளில், இது ஒரு நிஜமாக மாறும்." என லோன்வி பயோசயன்சஸ் நிறுவனத்தின் தலைமைத் தொழில்நுட்ப அதிகாரி லியூ கிங்ஹுவா (Liu Qinghua) கூறியுள்ளார்.

இந்த மருந்துப் பொருளை அளிக்கப்பட்ட ஆய்வக எலிகள், ஒட்டுமொத்தமாக 9.4% அதிக காலம் வாழ்ந்தன. சிகிச்சை தொடங்கிய முதல் நாளிலிருந்து கணக்கிட்டால், அவை 64.2% அதிக காலம் வாழ்ந்தன என்று நிறுவனம் தெரிவித்துள்ளது.

இந்த மாத்திரைகள், திராட்சை விதைகளில் இருந்து பிரித்தெடுக்கப்பட்ட ஒரு மூலக்கூறான புரோசயனிடின் சி1 (PCC1)-ஐச் செறிவூட்டுகின்றன. ஷாங்காயில் நடத்தப்பட்ட முந்தைய ஆய்வுகள் இந்த PCC1 மூலக்கூறு, கொறித்துண்ணிகளின் (rodents) ஆயுட்காலத்தை அதிகரிப்பதுடன் தொடர்புடையது என்று கண்டறிந்தன.

லோன்வி பயோசயன்சஸ் நிறுவனம், இந்தச் சேர்மம் “ஸோம்பி செல்கள்” (Zombie Cells) எனப்படும் வயதான செல்களை அழிக்கிறது என்று கூறுகிறது. இந்த ஸோம்பி செல்கள் பிரிவதை நிறுத்திய போதிலும், தொடர்ந்து உடலில் அழற்சியைத் (inflammation) தூண்டும் செல்கள் ஆகும். அதே நேரத்தில், இந்த மாத்திரை ஆரோக்கியமான திசுக்களைப் பாதுகாக்கிறது என்றும் நிறுவனம் தெரிவித்துள்ளது.

நிறுவனத்தின் தலைமை நிர்வாக அதிகாரி இப் ஸு (Ip Zhu), “இது மற்றொரு சாதாரண மாத்திரை அல்ல” என்று தெரிவித்துள்ளார்.

ஆரோக்கியமான வாழ்க்கை முறை மற்றும் முறையான மருத்துவ சிகிச்சையுடன் இந்தக் காப்ஸ்யூல்களை எடுத்துக் கொண்டால், மக்கள் 100 வயதுக்கு மேலும், ஒருவேளை 120 வயது வரையிலும் வாழ முடியும் என்று நிறுவனத்தின் விஞ்ஞானிகள் வாதிடுகின்றனர்.

ஷாங்காய் குழு PCC1 பற்றிய கண்டுபிடிப்புகளை வெளியிட்ட சிறிது காலத்திலேயே, 2022-ஆம் ஆண்டில் லோன்வி பயோசயன்சஸ் தனது முக்கிய ஆய்வகத்தைத் திறந்தது. உயிரியல் அறிவியலில் (geroscience) முன்னேற்றம் மிக வேகமாக இருப்பதால், "மரணத்தை ஒத்திப்போடுவது" சாத்தியமாகலாம் என்று இப் ஸு கருதுகிறார். மேலும், "ஐந்து முதல் பத்து ஆண்டுகளுக்குள், புற்றுநோயால் யாரும் பாதிக்கப்பட மாட்டார்கள்" என்றும் அவர் நம்பிக்கை தெரிவித்துள்ளார்.

சீன அரசு, செயற்கை நுண்ணறிவு மற்றும் உயிரித் தொழில்நுட்பத்துடன் சேர்த்து, ஆயுள் நீட்டிப்பு ஆராய்ச்சியைத் தேசிய முன்னுரிமையாக அறிவித்துள்ளது.

ரஷ்ய அதிபர் விளாடிமிர் புடினை சீன அதிபர் ஜி ஜின்பிங், மக்கள் "விரைவில் 150 ஆண்டுகள் வரை வாழக்கூடும்" என்று கூறினார். புதின் மேம்பட்ட உறுப்பு மாற்று முறைகள் "அழியாமையைக்" (immortality) கொண்டுவரக்கூடும் என்று கூறியதாகவும் RBC மற்றும் TASS செய்தி நிறுவனங்கள் தெரிவித்தன.

இந்த PCC1 காப்ஸ்யூல் மனிதர்களுக்கு அளிக்கும் பலன்கள், எலிகளில் காணப்பட்ட அதே பலன்களுடன் பொருந்துமா என்பது இன்னும் நிரூபிக்கப்படவில்லை. இருப்பினும், நிறுவனத்தின் இந்த துணிச்சலான அறிவிப்பு உலக அளவில் கவனத்தை ஈர்த்துள்ளது.

Gas Problem: வயிறு உப்பசம், கேஸ் தொல்லையா? இந்த ஒரு பானம் போதும்!

Vedarethinam Ramalingam — Fri, 03 Apr 2026 12:59:43 +0530

வயிறு உப்பசம் மற்றும் கேஸ் பிரச்சனையால் அவதிப்படுகிறீர்களா? வீட்டில் இருக்கும் சில பொருட்களை வைத்து எளிதாக ஒரு பானம் தயாரித்து குடித்தால் உடனடி நிவாரணம் கிடைக்கும்.

diet and lifestyle tips: 42 வயதில் 10 நாளில் 10 கிலோ எடை குறைந்தது எப்படி? சிம்புவின் சீக்ரெட் டயட் டிப்ஸ்

Priya Velan — Fri, 18 Jul 2025 18:33:32 +0530

42 வயதாகும் நடிகர் சிலம்பரசன் புதிய படத்திற்காக 10 நாட்களில் 10 கிலோ எடையை குறைத்துள்ளார். இதற்கு தான் கடைபிடித்த டயட் ரகசியங்களையும், லைஃப் ஸ்டைல் டிப்ஸ் ஆகியவற்றை அவரே வெளிப்படையாக பகிர்ந்துள்ளார். இது பலருக்கும் பயனுள்ள டிப்சாக இருக்கும்.

தமிழ் திரையுலகில் தனது தனித்துவமான நடிப்பால் ரசிகர்களை கவர்ந்த நடிகர் சிலம்பரசன், தற்போது தனது 42 வயதிலும் மிகவும் ஃபிட் ஆகவும், ஆரோக்கியமாகவும் இருக்கிறார். ஒரு காலகட்டத்தில் அதிக உடல் எடையுடன் காணப்பட்ட அவர், தற்போது மிகவும் ஒல்லியாகவும், கட்டுக்கோப்பாகவும் இருக்கிறார். இந்த மாற்றம் திடீரென்று நடந்ததல்ல; கடுமையான உடற்பயிற்சி, உணவுக்கட்டுப்பாடு மற்றும் மன உறுதியின் விளைவு. சமீபத்தில் அவர் தனது உடற்தகுதி ரகசியங்களையும், ஆரோக்கியமான வாழ்க்கை முறைக்கான முக்கிய ஆலோசனைகளையும் பகிர்ந்து கொண்டார். குறிப்பாக, "இரவில் கனமான உணவுகளைத் தவிர்க்கவும்" என்ற அவரது அறிவுரை பலரையும் கவர்ந்துள்ளது. "நான் உடல் எடையைக் குறைத்தபோது, அது எனக்குள்ளேயே ஒரு புது நம்பிக்கையை ஏற்படுத்தியது. இது எல்லோருக்கும் சாத்தியம்," என்று அவர் கூறியுள்ளார்.

இரவு நேரத்தில் நமது செரிமான மண்டலம் பகலை விட மெதுவாக செயல்படும். கனமான, எண்ணெய் மிகுந்த அல்லது அதிக கலோரிகள் கொண்ட உணவுகளை இரவில் சாப்பிடும்போது, அவை செரிக்க அதிக நேரம் எடுத்துக்கொள்ளும். இது தூக்கமின்மை, நெஞ்செரிச்சல், அஜீரணம் போன்ற பிரச்சனைகளுக்கு வழிவகுக்கும். மேலும், செரிக்கப்படாத கலோரிகள் உடலில் கொழுப்பாக சேமிக்கப்பட்டு, உடல் எடை அதிகரிக்க காரணமாகும். இதற்கு பதிலாக, லேசான, எளிதில் செரிமானமாகக்கூடிய உணவுகளை இரவில் எடுத்துக்கொள்ள வேண்டும்.

சத்தான சிறு தானியங்களான ராகி, கம்பு, வரகு போன்றவற்றில் தயாரிக்கப்பட்ட இட்லி, தோசை அல்லது கஞ்சியை இரவில் எடுத்துக்கொள்ளலாம். இவை நார்ச்சத்து நிறைந்தவை, எளிதில் செரிமானமாகக்கூடியவை. மேலும், குறைந்த எண்ணெய் பயன்படுத்தி வேகவைத்த காய்கறிகள், சாலடுகள் ஆகியவைற்றை இரவு உணவுகளில் சேர்த்துக் கொள்ளலாம். அசைவம் சாப்பிடுபவர்கள் சிக்கன் சூப், மீன் குழம்பு போன்றவற்றை மிதமாக எடுத்துக்கொள்ளலாம். சைவ உணவு உண்பவர்கள் பருப்பு சூப், பன்னீர் போன்றவற்றை மிதமாக எடுத்துக் கொள்ளலாம்.

தவிர்க்க வேண்டியவை: மசாலா நிறைந்த அசைவ உணவுகள், ஃபாஸ்ட் ஃபுட், எண்ணெயில் பொரித்த உணவுகள், அதிக கார்போஹைட்ரேட் கொண்ட உணவுகள் (உதாரணம்: பரோட்டா) போன்றவற்றை இரவு உணவாக முற்றிலும் தவிர்க்க வேண்டும்.

ஆரோக்கியமான வாழ்க்கை முறைக்கு உணவுக்கட்டுப்பாடு மட்டும் போதாது, உடற்பயிற்சியும் அவசியம் தினமும் ஒரு மணி நேரம் உடற்பயிற்சி செய்வது அவசியம். நடைப்பயிற்சி, ஜாகிங், யோகா, ஜிம் பயிற்சி அல்லது ஏதேனும் ஒரு விளையாட்டில் ஈடுபடுவது உடல் ஆரோக்கியத்திற்கு மிகவும் நல்லது. இது உடல் எடையைக் கட்டுக்குள் வைத்திருக்க உதவுவதுடன், மன அழுத்தத்தைக் குறைத்து, உற்சாகமாக இருக்கவும் உதவுகிறது.

உடல் ஆரோக்கியத்திற்கு இணையாக மன ஆரோக்கியமும் முக்கியம். மன அழுத்தம், பதட்டம் போன்ற பிரச்சனைகள் உடல் ஆரோக்கியத்தையும் பாதிக்கும். தியானம், யோகா, பிடித்த செயல்களில் ஈடுபடுவது, நல்ல இசையைக் கேட்பது போன்ற வழிகளில் மனதை அமைதிப்படுத்தலாம். நேர்மறை எண்ணங்களும், மன அமைதியும் ஆரோக்கியமான வாழ்க்கை முறைக்கு அத்தியாவசியமானவை. "உடல் ஆரோக்கியம் போல மன ஆரோக்கியமும் முக்கியம். இரண்டையும் பராமரித்தால் மட்டுமே முழுமையான ஆரோக்கியம் கிடைக்கும்,"

சிலம்பரசன் தனது 42 வயதில் இந்த ஆரோக்கியமான வாழ்க்கை முறையைப் பின்பற்றுவதற்கு முக்கிய காரணம் அவரது ஒழுக்கம். சரியான நேரத்தில் உணவு உட்கொள்வது, போதுமான அளவு தூங்குவது, தினமும் உடற்பயிற்சி செய்வது, எதிர்மறை எண்ணங்களைத் தவிர்ப்பது போன்ற ஒழுக்கமான பழக்கங்களே அவரை இந்த நிலைக்குக் கொண்டு வந்துள்ளன. அவரது வாழ்க்கை அனுபவம், எந்த வயதிலும் ஆரோக்கியமான வாழ்க்கை முறையைப் பின்பற்ற முடியும் என்பதற்கு ஒரு சிறந்த எடுத்துக்காட்டு.

Weight Loss: தேன் சாப்பிட்டால் உடல் எடை குறையுமா? பலரும் அறியாத உண்மை!

Rsiva kumar — Wed, 08 Apr 2026 21:45:58 +0530

Honey Help in Weight Loss : தேன் இனிப்பானது என்பதால் நம்மில் பலருக்கும் அது பிடிக்கும். சர்க்கரைக்கு ஒரு நல்ல மாற்றாகவும் தேன் கருதப்படுகிறது. பலர் இதை டீ, பிரெட் டோஸ்ட் போன்றவற்றில் சேர்த்து சாப்பிடுகிறார்கள்.

Walking Shoes : வெறுங்காலில் நடக்குறீங்களா? அப்ப இந்த தப்ப முதல்ல சரி பண்ணுங்க!!

Kalai Selvi — Wed, 30 Jul 2025 08:46:39 +0530

வெறுங்காலில் நடப்பதை விடவும் ஷூ அணிந்து நடப்பது பல வகைகளில் உடலுக்கு நன்மை தருகிறது.

வெறும் காலில் நடப்பது தனித்துவமான நன்மைகளை கொண்டுள்ளன. ஆனால் காயங்களை தடுக்க, எலும்புகளை பாதுகாக்க ஷூக்கள் அணிந்து நடப்பது அவசியம் என மருத்துவர்கள் பரிந்துரைக்கின்றனர். ஏனென்றால் ஷூ அணிந்து நடப்பது கால்களை பாதுகாப்பதோடு, காயங்கள் ஏற்படாமலும் தடுக்கிறது. கடினமான பரப்புகளில் நடக்கும் போது ஷூ அணிய வேண்டும். இந்த பதிவில் வெறுங்காலில் நடக்கும் போது செய்யக்கூடாத ஒரு தவறு குறித்து காணலாம்.

நீங்கள் வாக்கிங் செல்வது ஒட்டுமொத்த உடல் ஆரோக்கியத்தையும் பராமரிக்க உதவினாலும், இந்த ஒரு தவறை செய்வது பக்க விளைவுகளை ஏற்படுத்தக்கூடும். நடைபயிற்சி செல்லும்போது கட்டாயமாக ஷூ அணிந்து கொள்ள வேண்டும். இது உங்களுடைய மூட்டு வலி, கால் வலி ஆகியவற்றை குறைப்பதுடன் பாதுகாப்பான பயிற்சியாக நடைபெற்ற அமையவும் முடிவு பெறுகிறது.

சரியான ஷூ உங்களுக்கு வளைவு ஆதரவு கொடுக்கும். அதில் உள்ள மெத்தை போன்ற வடிவமைப்பு சுளுக்கு, காயங்கள், எலும்பு முறிவுகள் ஆகிய காயங்களைத் தடுக்கும். கடினமான பரப்புகளில் நடக்கும் போது கால்களில் ஏற்படும் கூடுதல் அழுத்தத்தை குறைக்க ஷூ உதவுகிறது. இதனால் கால்களில் வலி ஏற்படுவது குறைகிறது.

ஷூ போட்டு கொண்டு நடப்பது சாலைகளில், பொது இடங்களில் ஏதேனும் கூர்மையான பொருள்கள் கிடந்தாலும் அந்த ஆபத்திலிருந்து உங்களை பாதுகாக்கும். தட்டையான பாதங்களைக் கொண்டவர்கள் நடக்கும்போது அதிகப்படியான அழுத்தத்தினால் வலியை சந்திக்க நேரிடும். ஷூ நடப்பது இந்த பிரச்சனையை குறைக்க உதவுகிறது.

கணுக்கால், முழங்கால்கள், இடுப்பு, கீழ் முதுகில் ஏற்படும் அழுத்தத்தைக் குறைத்து வலியை தடுக்கும். அதிக தூரம் நடப்பவர்கள் அல்லது ஓடுபவர்கள் ஷூ அணிந்தால் அவர்களுக்கு கூடுதல் உத்வேகம் கிடைக்கும்.

Walking Tips :தினமும் எத்தனை காலடிகள் நடக்குறீங்க? இந்த விஷயம் தெரியாம வாக்கிங் போகாதீங்க!!

Kalai Selvi — Mon, 28 Jul 2025 08:56:51 +0530

தினமும் எவ்வளவு காலடிகள் நடப்பது மோசமான உடல்நலப் பிரச்சினைகளில் காக்கும் என்பதை இந்தப் பதிவில் காணலாம்.

நடைபயிற்சி உடலுக்கு பல்வேறு நன்மைகளை தரும் என்பது நாம் அறிந்ததே. ஒட்டுமொத்த உடலுக்கும் நன்மை தரக்கூடிய மிதமான கார்டியோ பயிற்சிதான் நடைபயிற்சி. பல மோசமான உடல்நல பிரச்சனைகளை வரும்முன் தடுக்க ஒரு நாளுக்கு 7 ஆயிரம் காலடிகள் நடக்க வேண்டும் என அண்மையில் செய்யப்பட்ட மதிப்பாய்வு தெரிவித்துள்ளது. இது குறித்து இந்த பதிவில் விரிவாக காணலாம்.

10,000 காலடிகள் நடப்பது தான் உடலுக்கு ஆரோக்கியம் என சொல்லப்பட்ட நிலையில், 7000 காலடிகள் பல உடல்நல பிரச்சினைகளை தடுக்கிறது என இந்த ஆய்வு கூறுகிறது. வயதானவர்களுக்கு ஏற்படும் டிமென்ஷியா அபாயத்தை 38% குறைக்கவும், மனச்சோர்வு 22% குறைவும், நாள்பட்ட நோயான நீரிழிவு நோய் 14% குறையவும் நடப்பது உதவுகிறது.

7000 காலடிகள் நன்மைகள்

ஞாபக மறதி நோய், மன அழுத்தம், நீரிழிவு நோய், இதய நோய் போன்றவை தவிர புற்றுநோய் ஏற்படும் அபாயத்தையும் ஏழாயிரம் கால அடிகள் நடப்பது குறைக்கும் என ஆய்வாளர்கள் தெரிவித்துள்ளனர். நீங்கள் பத்தாயிரம் காலடிகள் நடந்தால் தான் உங்களுக்கு பயன் என்பது முற்றிலும் கட்டுக்கதை. நீங்கள் நடக்கும் ஒவ்வொரு காலடிக்கும் உடலில் மாற்றங்கள் ஏற்படும்.

எப்படி நடக்கலாம்?

நீங்கள் தினமும் 2000 முதல் 3000 காலடிகள் தான் நடக்கிறீர்கள் என்றால் கூடுதலாக ஆயிரம் காலடிகள் நடப்பது உங்களுக்கு நன்மை தரும். ஒவ்வொரு நாள் நடைபயிற்சியிலும் முதல் 10 முதல் 15 நிமிடங்கள் மெதுவாகவும், பின்னர் வேகமாகவும் நடப்பதை வழக்கப்படுத்துங்கள். மெதுவாகவும் வேகமாகவும் வெவ்வேறு இடைவெளிகளில் மாறி மாறி நடப்பது உங்களுக்கு சிறந்த கார்டியோ பயிற்சியாகவும் எடையை குறைக்கவும் உதவுகிறது.

வெறும் 30 நாட்களில் ஈஸியா தொப்பையை கரைக்க இப்படி ஒரு வழி இருக்கா?

Priya Velan — Tue, 01 Jul 2025 18:46:01 +0530

தொங்கும் தொப்பை வயிற்று தசைகளை கரைத்து, தட்டையான வயிற்றை வெறும் 30 நாட்கள் பெற வழி உள்ளது. அதுவும் வீட்டில் இருக்கும் 2 பொருளை வைத்தே செய்யலாம் என்றால் நம்ப முடியவில்லையா? இதை நீங்களும் முயற்சித்து பாருங்கள். ஆரோக்கியமான வழியில் ஸ்லிம் ஆகலாம்.

தொப்பை வருவதற்குப் பல காரணங்கள் உள்ளன. தவறான உணவுப் பழக்கம், குறிப்பாக துரித உணவுகள், எண்ணெயில் பொரித்தவை, இனிப்புப் பண்டங்கள் அதிகம் சாப்பிடுவது ஒரு காரணம். இவையனைத்தும் உடலில் அதிகப்படியான கொழுப்பைச் சேர்க்கின்றன. போதிய உடல் உழைப்பு இல்லாதது, ஒரே இடத்தில் அதிக நேரம் உட்கார்ந்திருப்பது, மன அழுத்தம், தூக்கமின்மை, ஹார்மோன் மாற்றங்கள் (குறிப்பாக பெண்களுக்கு), சில மருத்துவக் காரணங்கள் எனப் பல விஷயங்கள் இதற்குப் பங்களிக்கின்றன.

இந்த மந்திரப் பானம் என்பது வேறு ஒன்றும் இல்லை, நம் வீட்டிலேயே எளிதாகக் கிடைக்கும் சில பொருட்களைக் கொண்டு தயாரிக்கப்படும் ஒரு இயற்கைச் சாறுதான். இது உங்கள் உடலின் வளர்சிதை மாற்றத்தை மேம்படுத்தி, தேவையற்ற கொழுப்பைக் கரைக்க உதவுவதாக நம்பப்படுகிறது. மேலும், இது உடலில் உள்ள நச்சுக்களை வெளியேற்றி, செரிமானத்தை சீராக்க உதவுகிறது. இது ஒரு ஊட்டச்சத்து நிறைந்த பானமாகச் செயல்பட்டு, உங்கள் உடல் எடையைக் குறைக்கும் பயணத்திற்கு பக்கபலமாக இருக்கும்.

வெதுவெதுப்பான நீர்: காலையில் வெறும் வயிற்றில் வெதுவெதுப்பான நீரைக் குடிப்பதால், குடலின் இயக்கம் தூண்டப்பட்டு, உடலில் தேங்கியுள்ள கழிவுகள் வெளியேற உதவும்.

எலுமிச்சைப் பழச் சாறு: எலுமிச்சை வைட்டமின் சியால் நிறைந்தது. இது, உடலில் உள்ள நச்சுக்களை நீக்கி, கல்லீரலைச் சுத்தம் செய்ய உதவும். மேலும், இது உடலை புத்துணர்ச்சியுடன் வைத்திருக்க உதவும்.

ஒரு துண்டு இஞ்சி : இஞ்சி செரிமானத்திற்கு மிகவும் நல்லது. இது வயிறு உப்பசத்தைக் குறைத்து, அஜீரணக் கோளாறுகளை நீக்க உதவும். மேலும், இது நோய் எதிர்ப்பு சக்தியையும் அதிகரிக்கும்.

ஒரு சிட்டிகை பட்டை தூள் : பட்டை இரத்த சர்க்கரை அளவைக் கட்டுப்படுத்த உதவும் எனச் சொல்லப்படுகிறது. மேலும், பட்டைக்கு அழற்சி எதிர்ப்பு பண்புகளும் உண்டு.

ஒரு டீஸ்பூன் தேன் : சுவைக்காகவும், தேனில் உள்ள சில ஊட்டச்சத்துக்களுக்காகவும் சேர்க்கலாம். தேன் இயற்கையான ஆற்றலைத் தந்து, நோய் எதிர்ப்பு சக்தியை மேம்படுத்தும்.

ஒரு கிளாஸ் வெதுவெதுப்பான நீரை எடுத்துக்கொள்ளவும். அதில் அரை எலுமிச்சைப் பழத்தின் சாற்றைப் பிழிந்து விடவும். அத்துடன் துருவிய இஞ்சி அல்லது இடித்த இஞ்சியைச் சேர்க்கவும். பின்னர் ஒரு சிட்டிகை பட்டை தூளைச் சேர்க்கவும். இறுதியாக, உங்களுக்குத் தேவையென்றால், ஒரு டீஸ்பூன் தேன் சேர்த்து நன்கு கலக்கவும்.

இந்த பானத்தை தினமும் காலை எழுந்தவுடன் வெறும் வயிற்றில் குடிப்பது சிறந்தது. காலை உணவு சாப்பிடுவதற்கு குறைந்தது 30 நிமிடங்களுக்கு முன்பு குடிக்கலாம். இது உடலில் உள்ள கழிவுகளை நீக்கி, நாளை புத்துணர்ச்சியுடன் தொடங்க உதவும்.

இந்த பானம் மட்டுமே மாயாஜாலம் செய்யாது என்பதை நினைவில் கொள்ளுங்கள். சிறந்த மற்றும் நிரந்தர பலன்களைப் பெற சில விஷயங்களை அன்றாடம் கடைப்பிடிக்க வேண்டும், அதிகம் எண்ணெய் உள்ள உணவுகள், இனிப்புகள், பதப்படுத்தப்பட்ட உணவுகளைத் தவிர்த்து, பழங்கள், காய்கறிகள், முழு தானியங்கள், புரதச்சத்து நிறைந்த உணவுகளை அதிகம் சேர்த்துக்கொள்ள வேண்டும். நாள் முழுவதும் நிறைய தண்ணீர் குடிப்பது உடலை சுத்தப்படுத்தவும், செரிமானத்திற்கும் உதவும். மேலும், நடைபயிற்சி, ஓட்டம், யோகா போன்ற உடற்பயிற்சிகளை தினமும் குறைந்தது 30 நிமிடங்கள் செய்வது அவசியம். தினமும் 7-8 மணி நேரம் நல்ல தூக்கம் அவசியம். தூக்கமின்மை உடல் எடையை அதிகரிக்கச் செய்யும்.

இந்த பானத்தை தவறாமல் குடித்து, மேலே குறிப்பிட்ட வாழ்க்கை முறை மாற்றங்களையும் நீங்கள் கடைப்பிடித்தால், 30 நாட்களில் நல்ல மாற்றங்களை உணர முடியும். உங்கள் வயிறு முன்பு இருந்ததை விட தட்டையாகத் தெரியும். உடல் இலகுவாகவும், புத்துணர்ச்சியுடனும் இருப்பதை உணர்வீர்கள். செரிமானப் பிரச்சனைகள் குறையலாம், வயிறு உப்பசம் நீங்கலாம். உடலில் உள்ள கழிவுகள் வெளியேற்றப்பட்டு, நீங்கள் ஆரோக்கியமாக உணர்வீர்கள். ஆனால், ஒவ்வொருவரின் உடலும் மாறுபடும் என்பதால், பலன்கள் மாறுபடலாம். பொறுமையும் தொடர்ச்சியும் மிகவும் முக்கியம்.

டிரெட்மில்லில் தடுக்கி விழுந்து பாடம் கற்றுக்கொண்ட ராஜீவ் சந்திரசேகர்! மக்களுக்கு ஒரு அட்வைஸ்!

SG Balan — Sun, 05 Oct 2025 20:53:56 +0530

கேரள மாநில பாஜக தலைவர் ராஜீவ் சந்திரசேகர் உடற்பயிற்சி செய்துகொண்டிருந்தபோது டிரெட்மில்லில் தவறி விழுந்து காயமடைந்த சம்பவம் குறித்து சமூக ஊடகங்களில் பதிவிட்டுள்ளார். அதேசமயம், சபரிமலை விவகாரத்தில் ஆளும் சிபிஎம் கட்சிக்கு எதிராகக் கடுமையான குற்றச்சாட்டுகளையும் அவர் முன்வைத்துள்ளார்.

டிரெட்மில்லில் தவறி விழுந்ததில் தனது முகத்தில் காயங்கள் ஏற்பட்ட புகைப்படத்தை இணைத்து ராஜீவ் சந்திரசேகர் சமூக வலைதளத்தில் ஒரு பதிவை வெளியிட்டுள்ளார்.

டிரெட்மில் கற்றுக் கொடுத்த பாடம்

ராஜீவ் சந்திரசேகர் தனது பதிவில், “வலியை அனுபவித்ததன் மூலம் இன்று ஒரு விஷயத்தை நான் கற்றுக்கொண்டேன். நீங்கள் டிரெட்மில்லில் ஓடிக்கொண்டிருக்கும்போது, தொலைபேசி அழைப்பை எடுக்க முயற்சி செய்தால், நீங்கள் வழுக்கி விழுந்து, முகத்தை காயப்படுத்திக்கொள்ள வாய்ப்பு உள்ளது. நான் ஏன் இதைச் சொல்கிறேன் என்றால், அது எனக்கே நடந்தது. அடிபட்ட சங்கடமான வலியும் காயம் என்னிடம் உள்ளன” என்று தனது அனுபவத்தைப் பகிர்ந்துள்ளார்.

மேலும், டிரெட்மில்லில் தொலைபேசிகளை மிகவும் எச்சரிக்கையுடன் பயன்படுத்துங்கள்," எனவும் எச்சரித்துள்ளார்.

So I learnt something today - with pain as a consequenceIf you are on a treadmill and try and reach out to a ringing phone - and are careless - there are chances you can slip and fall and scrape ur face/injure urself. Why do i say this wth so much confidence? Because it… pic.twitter.com/3BuYecfUlW

— Rajeev Chandrasekhar (@RajeevRC_X) October 5, 2025

சபரிமலை விவகாரம்

இதேவேளையில், கேரளாவில் ஆளும் சிபிஎம் கட்சி இந்து மத நம்பிக்கைக்கும், உலகம் முழுவதும் உள்ள ஐயப்ப பக்தர்களுக்கும் மன்னிக்க முடியாத துரோகத்தைச் செய்துள்ளது என்று ராஜீவ் சந்திரசேகர் குற்றம் சாட்டியுள்ளார்.

இதுகுறித்து அவர் பேசுகையில், "2018ஆம் ஆண்டில், சபரிமலைப் பண்பாட்டையும் பாரம்பரியத்தையும் அவர்கள் அழிக்க முயன்றார்கள். அதை எதிர்த்த ஐயப்ப பக்தர்கள் கைது செய்யப்பட்டதை நாம் பார்த்தோம். இப்போது, மக்களை ஏமாற்றுவதற்காக 'ஐயப்ப சங்கமம்' என்ற அமைப்பை அவர்கள் ஏற்பாடு செய்துள்ளனர். சபரிமலை கோவிலில் இருந்து தங்கம் திருடப்பட்டிருக்கும் சூழ்நிலையில் இவையெல்லாம் நடந்திருக்கிறது," என்று கூறினார்.

மேலும், ஊழல் செய்வதில் சிபிஎம் மற்றும் காங்கிரஸ் கட்சிகள் ஒருவருக்கொருவர் போட்டி போடுகிறார்கள் என்றும் அவர் கடுமையாக விமர்சித்துள்ளார்.

தனிப்பட்ட விபத்து குறித்துப் பாடம் எடுத்த அதே நேரத்தில், அரசியல் ரீதியாக ஆளும் கட்சிக்கு எதிராக அவர் முன்வைத்த குற்றச்சாட்டுகள் கேரள அரசியலில் மீண்டும் பரபரப்பை ஏற்படுத்தியுள்ளன.

Heat wave : கடும் வெயிலில் உடலில் நீர்ச்சத்தை அதிகரிக்க 6 எளிய வழிகள்!

Priya Velan — Sun, 19 Apr 2026 13:04:18 +0530

கோடையில் வெப்பநிலை மிக அதிகமாக இருப்பதே வெப்ப அலை. இதனால் உடலில் நீர்ச்சத்து குறைதல், மயக்கம் மற்றும் உயிருக்கு ஆபத்தான வெப்பத்தாக்கம் (Heat Stroke) ஏற்படலாம். எனவே, போதிய நீர் அருந்தி தற்காத்துக் கொள்வது அவசியம்.

சரியான அளவில் உடல் எடையை பராமரிக்க அட்டகாசமான 3 ஹெல்த் டிப்ஸ்

Priya Velan — Thu, 26 Jun 2025 17:59:33 +0530

உடல் எடையை குறைக்க வேண்டும் அல்லது அதிகரிக்க வேண்டும் என்பதில் தான் அதிகமானவர்கள் கவனம் செலுத்துகிறார்கள். ஆனால் நம்முடைய வயது, உயரம் போன்றவற்றிற்கு ஏற்ற சரியான உடல் எடையை, ஆரோக்கியமான முறையில் பராமரிக்க இதோ சூப்பரான ஹெல்த் டிப்ஸ்...

உடல் எடையை பராமரிப்பதில் 70% பங்கு உணவுக்கு உண்டு. நீங்கள் எவ்வளவு கடினமாக உடற்பயிற்சி செய்தாலும், உங்கள் உணவுப் பழக்கம் சரியாக இல்லாவிட்டால், உங்கள் முயற்சி வீணாகலாம்.

பசிக்கு உணவருந்துங்கள் : பல சமயங்களில் நாம் பசியில்லாமல் சாப்பிடுகிறோம். போர் அடிக்கும்போது, மன அழுத்தம் இருக்கும்போது, அல்லது நண்பர்களுடன் இருக்கும்போது அதிகப்படியான உணவை உட்கொள்கிறோம். உங்கள் உடலின் சிக்னல்களை கவனியுங்கள். பசித்தால் மட்டும் சாப்பிடுங்கள். வயிறு நிரம்பியதும் நிறுத்திவிடுங்கள்

முடிந்தவரை இயற்கையான, சத்தான உணவுகளை உண்ணுங்கள். காய்கறிகள், பழங்கள், முழு தானியங்கள், பருப்பு வகைகள், இறைச்சி, முட்டை போன்றவை உங்கள் உணவின் முக்கிய பகுதிகளாக இருக்க வேண்டும். பதப்படுத்தப்பட்ட உணவுகள், இனிப்பு வகைகள், அதிகப்படியான எண்ணெய் பொருட்கள், துரித உணவுகள் (fast food) ஆகியவற்றை முடிந்தவரை தவிருங்கள். இவற்றில் கலோரிகள் அதிகமாகவும், சத்துக்கள் குறைவாகவும் இருக்கும்.

சிறுசிறு உணவுகள் : ஒரு நாளில் மூன்று பெரிய வேளைகளுக்குப் பதிலாக, 5-6 சிறுசிறு வேளைகளாக உணவருந்தலாம். இது உங்கள் பசியைக் கட்டுப்படுத்தவும், வளர்சிதை மாற்றத்தை (metabolism) அதிகரிக்கவும் உதவும். இதனால் உடல் கொழுப்பைக் குறைவாக சேமிக்கும். ஒவ்வொரு முறையும் சாப்பிடும்போது அளவாக சாப்பிடுவது முக்கியம்.

தண்ணீர் குடிப்பது உங்கள் உடலுக்கு மிகவும் அவசியம். இது ஜீரண சக்திக்கு உதவுவதுடன், பசியைக் கட்டுப்படுத்தவும் உதவும். ஒரு நாளைக்கு குறைந்தது 8-10 கிளாஸ் தண்ணீர் குடிப்பது நல்லது. சில சமயங்களில், நாம் பசியாக இருப்பதாக உணரும்போது, அது தாகமாகவும் இருக்கலாம். ஒரு கிளாஸ் தண்ணீர் குடித்துவிட்டு, 15 நிமிடங்கள் காத்திருங்கள். பசி அடங்காவிட்டால் மட்டும் சாப்பிடுங்கள்.

உணவுக்கு அடுத்தபடியாக, உடல் எடையை பராமரிப்பதில் உடற்பயிற்சி முக்கிய பங்கு வகிக்கிறது. ஆனால், ஜிம்முக்குச் சென்று கடினமான பயிற்சிகள் செய்ய வேண்டிய அவசியம் இல்லை. தினமும் சுறுசுறுப்பாக இருந்தாலே போதும்.

நடப்பது ஒரு சிறந்த பயிற்சி: தினமும் குறைந்தது 30-45 நிமிடங்கள் வேகமான நடைபயிற்சி செய்யுங்கள். இது உங்கள் இதய ஆரோக்கியத்திற்கு நல்லது, கலோரிகளை எரிக்கிறது, மேலும் மன அழுத்தத்தைக் குறைக்கிறது. நண்பர்களுடன் சேர்ந்து நடக்கலாம், அல்லது இசையை கேட்டபடி நடக்கலாம்.

வீட்டு வேலைகள், படிக்கட்டுகள்: லிஃப்டை தவிர்த்து படிக்கட்டுகளைப் பயன்படுத்துங்கள். வீட்டு வேலைகளை நீங்களே செய்யுங்கள். தோட்ட வேலைகள், மாடிப்படி சுத்தம் செய்வது போன்றவையும் நல்ல உடற்பயிற்சிகளே.

நடனம் ஆடுவது, சைக்கிள் ஓட்டுவது, நீச்சல் பயிற்சி, விளையாட்டுகளில் ஈடுபடுவது போன்ற உங்களுக்குப் பிடித்தமான விஷயங்களைச் செய்யுங்கள். உடற்பயிற்சி ஒரு சுமையாக இருக்கக்கூடாது, அது ஒரு மகிழ்ச்சியான செயலாக இருக்க வேண்டும்.

அதிக நேரம் அமர்ந்து தொலைக்காட்சி பார்ப்பது அல்லது கணினியில் வேலை செய்வது உடல் நலத்திற்கு நல்லதல்ல. ஒவ்வொரு மணி நேரத்திற்கும் ஒரு முறை எழுந்து சிறிது தூரம் நடங்கள்.

உணவும், உடற்பயிற்சியும் எவ்வளவு முக்கியமோ, அதே அளவு ஓய்வும், மன நிம்மதியும் உடல் எடையை பராமரிப்பதில் முக்கியம்.

போதுமான தூக்கம் அவசியம்: தினமும் 7-8 மணி நேரம் ஆழ்ந்த உறக்கம் அவசியம். தூக்கம் குறைவாக இருக்கும்போது, உங்கள் உடல் மன அழுத்த ஹார்மோன்களை (cortisol) உற்பத்தி செய்கிறது. இது பசியை அதிகரித்து, அதிகப்படியான உணவை உண்ண தூண்டும். மேலும், போதுமான தூக்கம் இல்லாதபோது உடற்பயிற்சி செய்யவும், சத்தான உணவு சாப்பிடவும் ஆர்வம் இருக்காது.

மன அழுத்தத்தைக் குறையுங்கள்: மன அழுத்தம் உடல் எடையை அதிகரிக்க ஒரு முக்கிய காரணம். யோகா, தியானம், புத்தகம் படித்தல், இசையைக் கேட்டல், நண்பர்களுடன் பேசுதல் போன்ற உங்களுக்குப் பிடித்தமான விஷயங்களைச் செய்து மன அழுத்தத்தைக் குறையுங்கள். மன நிம்மதியுடன் இருக்கும்போது, நீங்கள் ஆரோக்கியமான முடிவுகளை எடுப்பீர்கள்.

உடலை நேசியுங்கள்: உங்கள் உடலை நீங்கள் நேசிக்க வேண்டும். உங்கள் உடலை ஆரோக்கியமாக வைத்திருப்பது உங்கள் பொறுப்பு. உங்களை நீங்களே விமர்சித்துக் கொள்வதைத் தவிர்த்து, உங்கள் சிறிய வெற்றிகளைக் கொண்டாடுங்கள். இந்த நேர்மறையான மனப்பான்மை உங்கள் பயணத்தை எளிதாக்கும்.

Walking for Weight Loss : எடை வேகமா குறையனுமா? வாக்கிங் கூட இதையும் பண்ணுங்க!!

Kalai Selvi — Mon, 30 Jun 2025 08:30:27 +0530

உடல் எடையை விரைவில் குறைக்க வாங்கிங் செல்லும்போது செய்ய வேண்டிய விஷயங்களை இங்கு காணலாம்.

நடைபயிற்சி செல்வது உடலை பேண சிறந்த மந்திரம். உடலை ஆரோக்கியமாக வைத்திருக்க நாள்தோறும் நடப்பதை பழக்கப்படுத்தலாம். இது இதயம், நுரையீரல், தசைகள், கால் என அனைத்திற்கும் நல்ல பயிற்சியாகும். எடையை குறைக்கவும் இது சிறந்த பயிற்சி. இதனுடன் எதை செய்தால் விரைவில் எடையை குறைக்கலாம் என இங்கு காணலாம்.

எடையை குறைக்க வெறும் வாக்கிங் மட்டும் போதாது. அதனுடன் சில விஷயங்களை கவனத்தில் கொள்ள வேண்டும். நீங்கள் ஆரோக்கியமான உணவுகளை உண்பது எல்லாவற்றையும் விட முக்கியமானது. பொரித்த உணவுகளையும், இனிப்பு உணவுகளையும் தவிர்ப்பது உடல் எடையை குறைப்பதில் மிகப்பெரிய பங்காற்றுகிறது.

சாப்பிட்ட பின்னர் 10 நிமிடங்கள் நடைபயிற்சி மேற்கொள்வது உங்களுடைய எடையில் மிகப்பெரிய மாற்றத்தை ஏற்படுத்தும். செரிமானத்தை தூண்டும். காலை அல்லது மாலை வேலையில் 30 நிமிடங்கள் தினசரி வாக்கிங் செல்ல வேண்டும். இது தவிர உங்களுடைய உணவுக்கு பின் நடைபயிற்சி செய்வது எடையை கட்டுக்குள் வைக்க சிறந்த வழியாகும்.

நீங்கள் இண்டர்மிட்டண்ட் (Intermittent) என்ற விரத முறையை பின்பற்றலாம். 16/8 என்ற கணக்கில் 16 மணி நேரம் எதுவும் சாப்பிடாமல் 8 மணி நேரம் உணவு எடுத்துக் கொள்வதே அந்த முறையாகும். இதற்கு பகலில் பட்டினி என்ற பொருள் அல்ல. உங்களுடைய உணவு நேரம் பகலில் அமையுமாறு இரவில் விரதம் இருக்கலாம். இரவ்உ உணவை மாலை 6 மணிக்குள்ளாக எடுத்துக் கொண்டால் போதும். அதன் பின்னர் அடுத்த நாள் காலை உணவை எடுத்து கொள்ள வேண்டும். இதனால் உடலில் தேவையற்ற்ற கொழுப்பு பயன்படுத்தப்படும். எடையும் குறையும்.

தினமும் மிதமான உடற்பயிற்சி, சரியான உணவு பழக்கம், நல்ல தூக்கம் கூடவே இந்த விரதமுறையும் பின்பற்றினால் உடல் எடை விரைவாக குறையும்.

Hemp Seeds: உடல் எடை குறையணுமா? பலருக்கும் தெரியாத இந்த விதைகளை சாப்பிடுங்க.!

Ramprasath S — Wed, 09 Jul 2025 14:08:16 +0530

உடல் எடைக் குறைப்புக்கு சணல் விதைகள் முக்கிய பங்காற்றுகின்றன. அதை எப்படி சாப்பிட வேண்டும்? எவ்வாறு சாப்பிட வேண்டும்? என்பது குறித்து இந்தப் பதிவில் விரிவாக பார்க்கலாம்.

நாம் ஏதாவது நோய் என்று மருத்துவரிடம் சென்றாலே மருத்துவர்கள் நம்மிடம் சொல்லும் முதல் வார்த்தை உடல் எடையை குறையுங்கள் என்பதுதான். உடல் எடையைக் குறைக்க பலரும் பல முயற்சிகளை மேற்கொள்கின்றனர். சணல் விதைகள் உடல் எடைக் குறைப்பு பயணத்தில் ஒரு சிறந்த துணையாக விளங்குகிறது. இதில் இருக்கும் ஆரோக்கியமான கொழுப்புகள், புரதம், நார்ச்சத்து ஆகியவை பசியை கட்டுப்படுத்தவும், வளர்ச்சிதை மாற்றத்தை மேம்படுத்தவும், நீண்ட நேரம் வயிறு நிறைந்த உணர்வை அளிக்கவும் உதவும். சணல் விதைகள் குறித்தும் அதில் இருக்கும் முக்கிய ஊட்டச்சத்துக்கள் குறித்தும் இந்தப் பதிவில் விரிவாகப் பார்க்கலாம்.

தாவர அடிப்படையிலான புரதம் நிறைந்துள்ள ஒரு விதைகளாக சணல் விதைகள் விளங்குகிறது. இந்த புரதம் செரிமானமாக அதிக நேரம் எடுத்துக் கொள்வதால் இது பசியை கட்டுப்படுத்துகிறது. சணல் விதைகள் நார்ச்சத்து நிறைந்த ஒரு விதைகள் ஆகும். இதில் கரையக்கூடிய மற்றும் கரையாத நார்ச்சத்து இரண்டும் உள்ளது. இது செரிமான அமைப்பை சீராக்கி, மலச்சிக்கலை தடுக்கிறது. இதனால் நீண்ட நேரம் வயிறு நிரம்பிய உணர்வு ஏற்படுகிறது. இதன் காரணமாக அதிகமாக சாப்பிடுவது தடுக்கப்படுகிறது. இதில் இருக்கும் ஒமேகா 3, ஒமேகா 6 கொழுப்பு அமிலங்கள் உடலில் கெட்ட கொழுப்புகளை குறைக்க உதவுகின்றன. மேலும் வளர்ச்சிதை மாற்றத்தை மேம்படுத்துவதால் உடல் எடை அதிகரிக்காமல் குறையத் தொடங்குகிறது.

சணல் விதைகளை பல வழிகளில் நாம் உணவில் சேர்த்துக் கொள்ளலாம். இதை சமைக்க வேண்டிய அவசியம் இல்லை. பச்சையாகவோ அல்லது உணவு வகைகளில் கலந்தோ சாப்பிடலாம். ஊறவைத்த சணல் விதைகளை காலையில் ஸ்மூத்தி அல்லது ஜூஸுடன் கலந்து பருகலாம். இது நாள் முழுவதும் உற்சாகமாக வைத்திருக்க உதவும். ஓட்ஸ் அல்லது வேறு ஏதேனும் கஞ்சி தயாரித்த பின்னர் அதன் மீது சணல் விதைகளை தூவி சாப்பிடலாம். மதிய அல்லது இரவு உணவுகளுக்கு எடுத்துக் கொள்ளும் சாலட்களிலும் சணல் விதைகளை தூவலாம். இது சாலட்க்கு ஒரு தனித்துவமான சுவையைக் கொடுக்கும். யோகர்ட் அல்லது தயிருடன் சேர்த்து சாப்பிடும் பொழுது ப்ரோபயாடிக் உடன் புரதம் மற்றும் நார்ச்சத்தும் நம் உடலுக்கு செல்லும்.

வீட்டில் தயாரிக்கப்படும் ரொட்டிகள் குக்கீஸ்கள் செய்யும் பொழுது அந்த மாவுடன் சணல் விதைகளை சேர்க்கலாம். அல்லது மாலை நேர சிற்றுண்டியாகவும் ஒரு கைப்பிடி சணல் விதைகளை சாப்பிடலாம். சூப்கள் மீது இந்த விதைகளை தூவி சாப்பிடலாம். பொதுவாக ஒரு நாளைக்கு ஒன்று முதல் இரண்டு மேசை கரண்டி (தோராயமாக 15 முதல் 30 கிராம்) சணல் விதைகள் சாப்பிடுவது பரிந்துரைக்கப்படுகிறது. முதலில் குறைந்த அளவில் தொடங்கி பின்னர் உடல் நிலைக்கு ஏற்றபடி படிப்படியாக அதிகரித்துக் கொள்ளலாம். இதில் நார்ச்சத்து அதிகம் என்பதால் போதுமான அளவு தண்ணீர் குடிக்க வேண்டும் என்பதை நினைவில் கொள்ள வேண்டும்.

சணல் விதைகளை வாங்கும் பொழுது உரிக்கப்பட்ட விதைகளை தேர்ந்தெடுக்க வேண்டும். இவை சாப்பிடுவதற்கு எளிதாகவும், வயிறு கோளாறுகளை ஏற்படுத்தாமலும், செரிமானத்திற்கு உகந்ததாகவும் இருக்கும். காற்று புகாத கொள்கலனில் குளிர்ந்த, இருண்ட இடத்தில் சேமித்து வைக்க வேண்டும். எந்த ஒரு உணவையும் முயற்சிக்கும் முன்னர் உங்களுக்கு ஏதேனும் ஒவ்வாமைகள் அல்லது மருத்துவ நிலைமைகள் இருந்தால் உங்கள் மருத்துவர் அல்லது ஊட்டச்சத்து நிபுணருடன் கலந்தாலோசிக்க வேண்டும். சணல் விதைகளை சாப்பிடுவது மூலம் சிலருக்கு அஜீரணக் கோளாறுகள், வயிற்றுப்போக்கு ஆகியவை ஏற்படலாம். ஏதேனும் அறிகுறிகள் தென்பட்டால் உடனடியாக மருத்துவ உதவியை நாட வேண்டியது அவசியம்.

குறிப்பு: சணல் விதைகள் உடல் எடையை குறைப்பதற்கான ஆரோக்கியமான முறை என்றாலும், இது ஒரு நிரந்தர தீர்வு அல்ல. சீரான உணவு, போதுமான உடற்பயிற்சி, நடைப்பயிற்சி, ஆரோக்கியமான வாழ்க்கை முறை, சரிவிகித உணவு முறை ஆகியவற்றுடன் சணல் விதைகளை இணைப்பதன் மூலம் சிறந்த பலன்களைப் பெறலாம். சணல் விதைகளை பயன்படுத்துவதற்கு முன்னர் மருத்துவரை கலந்தாலோசித்து முடிவெடுங்கள்.

கலோரி குறைவான டயட் பின்பற்றியும் உடல் எடை குறையவில்லையா? அதற்கு இது தான் காரணம்

Priya Velan — Wed, 02 Jul 2025 16:53:07 +0530

சில எவ்வளவு தான் பார்த்து பார்த்து கலோரி குறைவான உணவுகள், கடுமையான டயட் பின்பற்றினாலும் உடல் எடை மட்டும் குறையாமலேயே இருக்கும். என்ன செய்தாலும் எடை குறையாமல் இருப்பதற்கு மருத்துவ ரீதியாக சில முக்கியமான காரணங்கள் சொல்லப்படுகின்றன.

உடல் எடையை குறைப்பது என்பது பலருக்கும் ஒரு சவாலான விஷயமாகவே இருந்து வருகிறது. "கலோரி குறைவான உணவைத்தான் சாப்பிடுகிறேன், ஆனால் எடை மட்டும் குறையவே மாட்டேன் என்கிறது" என்று பலர் புலம்புவதைக் கேட்டிருப்போம். இந்த கேள்விக்கான பதிலை மருத்துவரிடம் கேட்டுத் தெரிந்து கொள்வோம்.

"உடல் எடை குறைப்பு என்பது வெறும் கலோரி கணக்கீடுகளை விடவும் பல காரணிகளை உள்ளடக்கியது" . "நாம் உண்ணும் உணவின் அளவு, அதன் தரம், நமது வாழ்க்கை முறை, தூக்கம், மன அழுத்தம், மற்றும் ஆரோக்கிய நிலையும் இதில் முக்கியப் பங்கு வகிக்கின்றன." என்கிறார்கள்.

"கலோரிகளை குறைப்பது மட்டும் போதாது. நீங்கள் என்ன சாப்பிடுகிறீர்கள் என்பதும் முக்கியம்" உதாரணமாக, 100 கலோரிகள் கொண்ட ஒரு சாக்லேட் பாருக்கும், 100 கலோரிகள் கொண்ட பழங்களுக்கும் இடையே பெரிய வித்தியாசம் உள்ளது. சாக்லேட்டில் அதிக சர்க்கரை மற்றும் பதப்படுத்தப்பட்ட பொருட்கள் இருக்கும். இது பசியை விரைவில் தூண்டி, மீண்டும் சாப்பிடத் தூண்டும். ஆனால் பழங்கள் நார்ச்சத்து நிறைந்தவை. அவை நீண்ட நேரம் வயிறு நிறைந்த உணர்வைத் தரும். மேலும், அவை வைட்டமின்கள் மற்றும் தாதுச்சத்துக்களையும் வழங்கும்.

குறைவான கலோரிகள் கொண்ட உணவு என்ற பெயரில், சத்தான உணவுகளைத் தவிர்த்து, பதப்படுத்தப்பட்ட, சர்க்கரை நிறைந்த உணவுகளை அதிகம் உட்கொள்வது உடல் எடை குறைப்பைத் தடுக்கும்.

சில உணவுகளில் மறைமுகமாக அதிக கலோரிகள் ஒளிந்திருக்கும். உதாரணமாக, சாலட் டிரஸ்ஸிங், காபி மற்றும் டீயில் சேர்க்கப்படும் சர்க்கரை மற்றும் பால், சில ஜூஸ்கள் போன்றவற்றில் அதிக கலோரிகள் இருக்கலாம். இந்த மறைமுகமான கலோரிகளை நாம் கவனிக்கத் தவறிவிடுகிறோம். இதுவும் உடல் எடை குறையாததற்கு ஒரு காரணமாக இருக்கலாம்.

கலோரி குறைவான உணவை உண்பதுடன், உடல் உழைப்பும் மிக அவசியம். நடைப்பயிற்சி, சைக்கிள் ஓட்டுதல், யோகா அல்லது வேறு ஏதேனும் உடல் செயல்பாடுகளில் ஈடுபடுவது கலோரிகளை எரிக்கவும், தசைகளை உருவாக்கவும் உதவும். தசைகள் அதிக கலோரிகளை எரிக்கின்றன. எனவே, உடல் உழைப்பு இல்லாமல் கலோரி குறைவான உணவை மட்டும் நம்பி இருந்தால் எடை குறைப்பது கடினம்

போதுமான தூக்கம் இல்லாதது ஹார்மோன் சமநிலையை சீர்குலைத்து, பசியை அதிகரிக்கும் ஹார்மோன்களைத் தூண்டும். இதனால் அதிகமாக சாப்பிடத் தோன்றும். தினமும் 7-8 மணி நேரம் தூங்குவது உடல் எடை கட்டுப்பாட்டிற்கு மிகவும் அவசியம்.

மன அழுத்தம் ஹார்மோன் மாற்றங்களை ஏற்படுத்தி, குறிப்பாக கார்டிசால் என்ற ஹார்மோனை அதிகரித்து, உடலில் கொழுப்பை சேமிக்க வழிவகுக்கும். மன அழுத்தத்தைக் குறைக்க யோகா, தியானம், அல்லது பிடித்த பொழுதுபோக்குகளில் ஈடுபடுவது பயனுள்ளதாக இருக்கும்.

தைராய்டு பிரச்சனைகள், பாலிசிஸ்டிக் ஓவரி சிண்ட்ரோம் (PCOS) போன்ற மருத்துவ காரணங்களாலும் உடல் எடை குறையாமல் இருக்கலாம். உங்களுக்கு மேற்கண்ட காரணங்கள் எதுவும் இல்லை எனில், ஒரு மருத்துவரை அணுகி, உங்கள் உடல் நிலையை பரிசோதிப்பது நல்லது.

சிலர் மிக விரைவாக எடை குறைய வேண்டும் என எதிர்பார்ப்பார்கள். உடல் எடை குறைப்பு என்பது ஒரு படிப்படியான செயல். ஒரே நாளில் மாயாஜாலம் போல எடை குறைந்துவிடாது. யதார்த்தமான இலக்குகளை நிர்ணயிப்பது முக்கியம். வாரத்திற்கு 0.5 கிலோ முதல் 1 கிலோ வரை எடை குறைப்பது ஒரு ஆரோக்கியமான இலக்காகும்.

தற்போது மழைக்காலம் என்பதால், பலருக்கும் சூடான, வறுத்த உணவுகளைச் சாப்பிடத் தோன்றும். பஜ்ஜி, போண்டா போன்ற உணவுகளில் கலோரிகள் அதிகம். மழைக்காலத்தில் நோய் எதிர்ப்பு சக்தி குறையாமல் இருக்க, சூடான, சத்தான சூப், காய்கறி சாலட் போன்றவற்றை உட்கொள்ளலாம். மழைக்காலத்தில் உடல் உழைப்பு சற்றுக் குறைவாக இருக்கும் என்பதால், உணவில் மேலும் கவனம் செலுத்த வேண்டும்.

ஜிம், டயட் செய்தும் எடை குறையலையா? இந்த 5 தவறுகள் காரணமாக இருக்கலாம்

Raghupati R — Mon, 09 Mar 2026 18:08:28 +0530

பலர் டயட் மற்றும் உடற்பயிற்சி செய்தும் எடை குறையாமல் சிரமப்படுகிறார்கள். இதற்கு பொதுவான தவறுகளே இதற்கு காரணமாக இருக்கலாம். இந்த தவறுகளை தவிர்த்து, சமநிலையான வாழ்க்கை முறையை பின்பற்றுவதன் மூலம் எடை குறைப்பில் வெற்றி பெறலாம்.

இன்றைய வேகமான வாழ்க்கை முறையில் உடல் எடை அதிகரிப்பு என்பது பலருக்கும் பொதுவான பிரச்சனையாக மாறியுள்ளது. எனவே உடல் எடையை குறைக்க பலர் டயட் முறைகளை பின்பற்றுவதோடு ஜிம் சென்று கடுமையாக உடற்பயிற்சியும் செய்கிறார்கள். இருந்தாலும், எதிர்பார்த்தபடி எடை குறையாமல் போவது பலரையும் மனதளவில், உடலளவில் பாதிக்க செய்கிறது. உண்மையில், எடை குறைப்பு என்பது டயட் மற்றும் உடற்பயிற்சி மட்டுமல்ல. தினசரி வாழ்க்கை முறைகளும் அதில் முக்கிய பங்கு வகிக்கின்றன.

சில சமயங்களில் சரியான தகவல் இல்லாமை, தவறான உணவு பழக்கம், போதிய தூக்கமின்மை போன்ற காரணங்கள் எடை குறைக்கும் முயற்சியை பாதிக்கலாம். பலர் அறியாமலேயே சில தவறுகளை செய்து விடுகிறார்கள். இந்தச் சிறிய தவறுகள் கூட எடை குறையும் செயல்முறையை மெதுவாக்கி, முயற்சியின் பலனை குறைக்கலாம். அதனால், எடை குறைக்க முயற்சிக்கும் போது இந்த விஷயங்களை கவனத்தில் கொள்வது மிகவும் முக்கியம்.

முதலில், பலர் எடை குறைக்க வேண்டும் என்பதால் மிகவும் குறைவாகவே உணவு சாப்பிடத் தொடங்கிவிடுகிறார்கள். உணவு அளவை அதிகமாக குறைத்தால் உடலுக்கு தேவையான ஊட்டச்சத்துக்கள் கிடைக்காமல் போகும். இதனால் உடலின் மெட்டாபாலிசம் வேகம் குறைந்து, எடை குறைப்பு செயல்முறை மந்தமாகிவிடும். எனவே, உடலுக்கு தேவையான சத்துக்கள் உள்ள சமநிலையான உணவை எடுத்துக்கொள்வது அவசியம்.

அடுத்ததாக, உடற்பயிற்சி மட்டும் செய்தால் எடை குறைந்துவிடும் என்று சிலர் நினைக்கிறார்கள். ஆனால், சரியான உணவு பழக்கம் இல்லாமல் உடற்பயிற்சி செய்தாலும் முழு பலன் கிடைக்காது. ஆரோக்கியமான டயட் மற்றும் தொடர்ந்து செய்யப்படும் உடற்பயிற்சி ஆகிய இரண்டும் சேர்ந்து தான் எடை குறைக்க உதவும்.

மேலும், உணவில் போதுமான அளவு புரோட்டீன் இல்லாதது ஒரு காரணமாக இருக்கலாம். புரோட்டீன் உடலில் தசை வளர்ச்சிக்கு உதவுவதுடன் மெட்டாபாலிசத்தை மேம்படுத்துகிறது. மேலும் நீண்ட நேரம் பசியை கட்டுப்படுத்தவும் உதவுகிறது. இதனால் அதிகமாக சாப்பிடும் பழக்கம் குறையும். ஆனால், உணவில் புரோட்டீன் குறைவாக இருந்தால் எடை குறைப்பது சிரமமாக இருக்கும்.

இதற்கு மேலாக, மிகவும் குறைந்த கலோரி கொண்ட crash diet முறைகளை சிலர் பின்பற்றுகிறார்கள். ஆரம்பத்தில் இது எடை குறைவதைப் போல தோன்றினாலும், நீண்ட காலத்தில் உடலுக்கு பாதிப்பு ஏற்படுகிறது. மேலும் போதிய தூக்கம் இல்லாததும் எடை அதிகரிக்க காரணமாகிறது. தூக்கமின்மை உடலில் பசியை அதிகரிக்கும் ஹார்மோன்களை தூண்டுவதால், அடிக்கடி சாப்பிடும் பழக்கம் உருவாகும். எனவே தினமும் குறைந்தது 7–8 மணி நேரம் தரமான தூக்கம் பெறுவது எடை குறைக்க மிகவும் உதவியாக இருக்கும்.

Back Pain: முதுகு வலிக்கு குட்பை.! மாத்திரை வேண்டாம், தைலம் வேண்டாம்! இதை மட்டும் செஞ்சா போதும்.!

Vedarethinam Ramalingam — Fri, 24 Apr 2026 12:10:27 +0530

மணிக்கணக்காக கணினி முன் அமர்ந்து வேலை செய்வதால் பலருக்கும் முதுகு வலிப் பிரச்சினை ஏற்படுகிறது. நீங்களும் வொர்க் ஃப்ரம் ஹோமில் இருந்து, முதுகு வலியால் அவதிப்பட்டால், இந்த 5 உடற்பயிற்சிகளைச் செய்து பாருங்கள். உங்கள் வலி நிச்சயம் குறையும்.

நீண்ட நேரம் உட்கார்ந்து வேலை செய்பவர்களுக்கு இந்த மர்கடாசனம் மிகவும் பயனுள்ளதாக இருக்கும். இதைச் செய்ய, முதலில் நேராக மல்லாந்து படுத்துக்கொள்ளுங்கள். முட்டிகளை மடக்கி, கைகளை தோள்பட்டைக்கு இணையாக விரியுங்கள். இப்போது, முட்டிகளை இடது பக்கமும், கழுத்தை வலது பக்கமும் திருப்புங்கள். அதேபோல், முட்டிகளை வலது பக்கமும், கழுத்தை இடது பக்கமும் திருப்புங்கள். இதை ஒன்றரை நிமிடம் வரை செய்தால், முதுகு வலிக்கு நல்ல நிவாரணம் கிடைக்கும்.இந்த ஆசனத்தைச் செய்ய, உங்கள் பாதங்களை தரையில் ஊன்றி, முட்டிகளை மடக்க வேண்டும். உங்கள் உடலை ஒரு பாலம் போல வளைத்து, இடுப்பை மேலே தூக்குங்கள். இரண்டு கைகளையும் பக்கவாட்டில் தரையில் வையுங்கள். மெதுவாக மூச்சை உள்ளிழுத்தபடியே இடுப்பைத் தூக்க முயற்சி செய்யுங்கள். தினமும் 20 முதல் 30 முறை இதைச் செய்தால், உங்கள் முதுகு வலி குறையும்.இந்த ஆசனத்தைச் செய்ய, தரையில் நேராக மல்லாந்து படுத்து, இரண்டு கைகளையும் இடுப்புக்குக் கீழே வைத்துக் கொள்ளுங்கள். இப்போது, மெதுவாக மூச்சை உள்ளிழுத்தபடி, முட்டியை மடக்காமல் வலது காலை 60 டிகிரி கோணத்தில் நேராகத் தூக்குங்கள். சிறிது நேரம் இதே நிலையில் இருந்துவிட்டு, மூச்சை வெளியே விட்டு இயல்பு நிலைக்குத் திரும்புங்கள். இதேபோல் இடது காலுக்கும் இந்த ஆசனத்தைச் செய்ய வேண்டும்.சலபாசனம் செய்ய, முதலில் குப்புறப் படுத்து, உங்கள் உள்ளங்கைகளை தொடைகளுக்கு அடியில் வையுங்கள். கணுக்கால்களை ஒன்றாகச் சேர்த்து வையுங்கள். மூச்சை உள்ளிழுத்தபடியே உங்கள் கால்களை மேலே தூக்குங்கள். மெதுவாக மூச்சை உள்ளிழுத்து, வெளியே விட்டு இந்த நிலையில் சிறிது நேரம் இருங்கள். பிறகு, மூச்சை வெளியே விட்டு கால்களைக் கீழே கொண்டு வாருங்கள். இதை 3 முதல் 5 முறை வரை செய்யலாம்.உஷ்ட்ராசனம் செய்ய, முதலில் வஜ்ராசனத்தில் முட்டி போட்டு அமருங்கள். தொடைகளையும் கால்களையும் ஒன்றாக வைத்து, பாதங்கள் தரையில் பதியட்டும். முட்டிகளுக்கும் கால்களுக்கும் இடையில் சுமார் ஒரு அடி இடைவெளி விடுங்கள். இப்போது, உங்கள் முட்டிகளில் எழுந்து நில்லுங்கள். மூச்சை உள்ளிழுத்தபடி பின்னால் சாய்ந்து, வலது உள்ளங்கையை வலது குதிகாலிலும், இடது உள்ளங்கையை இடது குதிகாலிலும் வையுங்கள். இதை 5-7 முறை செய்யுங்கள்.நீங்கள் மணிக்கணக்காக உட்கார்ந்து வேலை செய்பவராக இருந்தால், அவ்வப்போது எழுந்து சிறிது நேரம் நடங்கள். இது உங்களுக்கு முதுகு வலியிலிருந்து நிவாரணம் கொடுக்கும். ஒரே இடத்தில் நீண்ட நேரம் உட்கார்ந்தால், கழுத்திலிருந்து கீழ் முதுகு வரை வலி ஏற்படலாம்.வொர்க் ஃப்ரம் ஹோமில் மணிக்கணக்காக வேலை செய்து உங்களுக்கு முதுகு வலி ஏற்பட்டால், விடுமுறை நாளில் மசாஜ் செய்து கொள்ளுங்கள். கடுகு எண்ணெயில் 5 முதல் 6 பூண்டு பற்களைப் போட்டு நன்கு சூடாக்கி, அந்த இளஞ்சூடான எண்ணெயை வைத்து மசாஜ் செய்தால், முதுகு வலிக்கு இதமாக இருக்கும்.

பாத தசைகளை வலுப்படுத்தவும் சமநிலையை மேம்படுத்தவும் எளிய பயிற்சிகள்

Priya Velan — Wed, 22 Apr 2026 12:46:46 +0530

உடலின் மொத்த எடையைச் சுமக்கும் பாதங்களை நாம் பெரும்பாலும் கவனிப்பதில்லை. பாதங்கள் வலுவாக இருந்தால் உடல் சமநிலை மேம்படும்; வலியும் குறையும். சமநிலையை மேம்படுத்தவும் உங்களுக்கான எளிய பயிற்சிகள்:

நோ டயட்...நோ ஜிம்...இதை மட்டும் செய்து 21 நாட்களில் நடிகர் மாதவன் உடல் எடையை குறைத்த சீக்ரெட்

Priya Velan — Sat, 28 Jun 2025 18:10:42 +0530

எந்த உணவுக் கட்டுப்பாடும் இல்லாமல், ஜிம்மிற்கு சென்று கஷ்டப்படாமல் ஒரே ஒரு விஷயத்தை மட்டும் வெறும் 21 நாட்களில் தன்னுடைய உடல் எடையை குறைத்துள்ளார் நடிகர் மாதவன். அந்த சீக்ரெட்டை ரசிகர்களுக்காக அவர் வெளிப்படையாக பகிர்ந்தும் உள்ளார்.

மாதவன் தனது உடல் எடையைக் குறைக்கப் பயன்படுத்திய முக்கிய விஷயம், "சாப்பிடும் முறையை மாற்றுவது" மற்றும் சில எளிய வாழ்க்கை முறை மாற்றங்கள் தான். இதில் மிக முக்கியமானது, உணவை நன்கு மென்று சாப்பிடுவது.

ஆம், மாதவன் ஒவ்வொரு கவளம் உணவையும் சுமார் 45 முதல் 60 முறை மென்று சாப்பிட்டாராம். இதை மாதவன் "உணவை குடிக்கவும், தண்ணீரைக் கடிக்கவும்" என்று வேடிக்கையாகக் குறிப்பிட்டுள்ளார். அதாவது, உணவை வாயில் வைத்து நன்கு மென்று, அது திரவ நிலையில் ஆகும் வரை சாப்பிட வேண்டும். தண்ணீரை மெதுவாக, வாய் முழுவதும் பரவும்படி குடிக்க வேண்டும். இது செரிமானத்திற்கு மிகவும் உதவுகிறது மற்றும் வயிறு நிரம்பிய உணர்வை விரைவாக தருகிறது. இதனால் அதிகமாக சாப்பிடுவதைத் தவிர்க்கலாம்.

உணவை மெதுவாக, நன்கு மென்று சாப்பிடும்போது, மூளைக்கு வயிறு நிரம்பிவிட்டது என்ற சிக்னல் விரைவாகச் செல்லும். இதனால் நாம் தேவைக்கு அதிகமான உணவை உட்கொள்வதைத் தவிர்க்கலாம். இது இயற்கையாகவே கலோரி உட்கொள்ளலைக் குறைத்து, எடை இழப்புக்கு வழிவகுக்கும்.

உணவை நன்கு மெல்லுவது, வாயிலேயே செரிமான செயல்முறையைத் தொடங்கிவிடுகிறது. இதனால் உணவு இரைப்பைக்கு செல்லும் போது, அது உடைக்கப்பட்டு செரிமானம் ஆவது எளிதாகிறது. இது அஜீரணம், வாயுத் தொல்லை போன்ற பிரச்சனைகளையும் குறைக்கும். உணவு நன்றாக மெல்லப்படும்போது, அதிலுள்ள ஊட்டச்சத்துக்களை உடல் சிறப்பாக உறிஞ்சி எடுத்துக்கொள்ளும்.

குறிப்பிட்ட நேர இடைவெளியில் மட்டுமே சாப்பிட்டு, மீதி நேரம் விரதம் இருப்பதாகும். இது உடலின் கொழுப்பை எரிக்க உதவுகிறது. மதியம் 3 மணிக்கு மேல் பச்சையான உணவுகளுக்கு பதிலாக (சாலட், பழங்கள் போன்றவை) சமைத்த உணவுகளை மட்டுமே எடுத்துக் கொள்ளவேண்டும். இது செரிமானத்தை எளிதாக்கும் என்று நம்பப்படுகிறது. கடைசி உணவை இரவு 6:45 மணிக்குள் முடித்துக்கொண்டு, அதற்குப் பிறகு எதுவும் சாப்பிடாமல் இருக்க வேண்டும். இத்னால், உடல் குளுக்கோஸை எரித்து கொழுப்பைக் கரைக்கும் நிலையை அடைய உதவுகிறது. பச்சையான உணவுகள் செரிமானம் ஆக அதிக நேரம் எடுக்கும் என்பதால், இரவில் அவை சிலருக்கு அஜீரணத்தை ஏற்படுத்தலாம்.

தினமும் காலையில் நீண்ட தூரம் நடைபயிற்சி மேற்கொள்வதால், இது உடலுக்கு புத்துணர்ச்சி அளிப்பதுடன், கலோரிகள் எரிக்கவும் உதவுகிறது. காலையில் வெளிச்சத்தில் நடப்பது உடலின் இயற்கையான கடிகாரத்தை சரிசெய்து, சிறந்த தூக்கத்திற்கும் வழிவகுக்கும்.

சரியான தூக்கம்: சீக்கிரம் படுக்கச் சென்று, ஆழ்ந்த தூக்கத்தைப் பெற தூங்குவதற்கு 90 நிமிடங்களுக்கு முன்பு எந்தவித திரை (மொபைல், டிவி) பார்ப்பதை தவிர்த்திட வேண்டும். நல்ல தூக்கம் உடல் ஆரோக்கியத்திற்கும், எடை குறைப்பிற்கும் மிக அவசியம். தூக்கமின்மை ஹார்மோன் சமநிலையின்மையை ஏற்படுத்தி, பசியை அதிகரித்து, எடை அதிகரிக்க வழிவகுக்கும்.

பாக்கெட் செய்யப்பட்ட உணவுகள், ஃபாஸ்ட் புட் போன்ற பதப்படுத்தப்பட்ட உணவுகளை முற்றிலும் தவிர்த்திட வேண்டும். அதற்கு பதிலாக, எளிதில் செரிமானமாகக்கூடிய, ஆரோக்கியமான, பச்சை காய்கறிகள் நிறைந்த உணவுகளை மட்டுமே எடுத்துக் கொள்ளவேண்டும். பதப்படுத்தப்பட்ட உணவுகளில் அதிக சர்க்கரை, உப்பு, செயற்கை ரசாயனங்கள் மற்றும் ஆரோக்கியமற்ற கொழுப்புகள் இருப்பதால், அவை உடல் எடை அதிகரிக்கவும், பல நோய்களுக்கும் வழிவகுக்கும்.

எப்படி இது சாத்தியம்: பலரும் யோசிப்பது இதுதான். ஆம், மாதவன் சில ஆண்டுகளுக்கு முன்பு 'ராக்கெட்ரி: தி நம்பி விளைவு' என்ற படத்திற்காக உடல் எடையை அதிகரித்து இருந்தார். பின்னர், அந்த எடையை எந்தவித கடுமையான உடற்பயிற்சிகளும் இல்லாமல், மீண்டும் தனது பழைய உடல் அமைப்பிற்கு வர இந்த எளிய, ஆனால் மிகவும் பயனுள்ள வழிமுறைகளைக் கடைப்பிடித்து வெறும் 21 நாட்களில் குறைத்து அனைவரையும் திகைக்க வைத்தார்.

600 கிலோ எடை.. 400 கிலோவை குறைச்சு சாதிச்ச மனுஷன்.. கடைசியில இப்படி ஆகிடுச்சே!

SG Balan — Fri, 02 Jan 2026 14:57:59 +0530

கின்னஸ் உலக சாதனை புத்தகத்தில் உலகின் மிக அதிக எடை கொண்ட மனிதராக இடம்பெற்ற மெக்சிகோவைச் சேர்ந்த ஜுவான் பருத்தி ஃபிராங்கோ (Juan Pedro Franco), தனது 41-வது வயதில் உயிரிழந்தார். சிறுநீரகத் தொற்று காரணமாக ஏற்பட்ட உடல்நலச் சிக்கல்களால் அவர் உயிரிழந்ததாகத் தகவல்கள் தெரிவிக்கின்றன.

கடந்த 2017-ஆம் ஆண்டில் ஜுவான் பருத்தி ஃபிராங்கோ கின்னஸ் சாதனையில் இடம்பெற்றார். அப்போது அவரது எடை 594.8 கிலோவாக இருந்தது. ஒரு கட்டத்தில் அவரது அதிகபட்ச எடை 606 கிலோவை எட்டியது.

அதிகப்படியான உடல் பருமன் காரணமாக படுக்கையை விட்டு நகர முடியாமல் தவித்த அவர், நீரிழிவு, உயர் இரத்த அழுத்தம் மற்றும் தைராய்டு குறைபாடு போன்ற நாள்பட்ட நோய்களால் பாதிக்கப்பட்டிருந்தார்.

மீண்டு வந்த சாதனையாளர்

தனது உடல்நிலையை மேம்படுத்த ஃபிராங்கோ கடுமையான முயற்சிகளை மேற்கொண்டார். கடுமையான உணவுக்கட்டுப்பாட்டைப் பின்பற்றினார். 'ஸ்லீவ் கேஸ்ட்ரெக்டோமி' மற்றும் 'கேஸ்ட்ரிக் பைபாஸ்' ஆகிய இரண்டு முக்கிய உடல் பருமன் குறைப்பு அறுவை சிகிச்சைகளைச் செய்துகொண்டார்.

இந்த விடாமுயற்சியின் பலனாக, 2020-ஆம் ஆண்டிற்குள் அவர் சுமார் 400 கிலோ எடையைக் குறைத்து, 200–210 கிலோ அளவிற்குத் தனது எடையைக் கொண்டு வந்தார். நீண்ட காலத்திற்குப் பிறகு அவராகவே எழுந்து நடக்கும் அளவிற்கு உடல்நிலையில் முன்னேற்றம் ஏற்பட்டது. அதே ஆண்டில் அவர் கோவிட்-19 பாதிப்பிலிருந்து 22 நாட்களில் மீண்டு வந்து அனைவரையும் ஆச்சரியப்படுத்தினார்.

ஃபிராங்கோவின் உருக்கம்

தனது கடந்த கால வாழ்க்கை குறித்துப் பேசிய ஃபிராங்கோ, "எனது உடல் எந்தக் கட்டுப்பாடும் இன்றி பெருகிக்கொண்டே இருந்தது. ஒவ்வொரு நாளும் உணவுக்கட்டுப்பாட்டைப் பின்பற்றினேன். ஆனால் அதற்குப் பலன் கிடைக்காமல் விரக்தியில் இருந்தேன். அறுவை சிகிச்சைக்குப் பிறகு, தினமும் காலையில் நானாகவே எழுந்து, ஒரு கிளாஸ் தண்ணீர் குடித்துவிட்டு, கழிவறைக்குச் செல்வதே எனக்குப் பெரிய மகிழ்ச்சியாக இருக்கிறது" என்று ஒரு பேட்டியில் உருக்கமாகத் தெரிவித்திருந்தார்.

மருத்துவர்கள் கருந்து

சிறந்த மருத்துவச் சிகிச்சைகள் வழங்கப்பட்ட போதிலும், இந்த ஆண்டின் இறுதியில் அவருக்கு ஏற்பட்ட சிறுநீரகத் தொற்று (Kidney Infection) தீவிரமடைந்தது. இது மற்ற உறுப்புகளையும் பாதித்ததால் சிகிச்சை பலனின்றி அவர் உயிரிழந்தார்.

அவரது மருத்துவர் ஜோஸ் அன்டோனியோ காஸ்டனெடா கூறுகையில், "உடல் பருமன் என்பது நீண்டகால கவனிப்பு தேவைப்படும் நோய் என்பதை ஃபிராங்கோ உலகிற்கு உணர்த்தினார். தீவிர உடல் பருமனுக்கு எதிராகப் போராடிய அவர், பலருக்கு ஒரு உத்வேகமாகத் திகழ்ந்தார்" என்று புகழாரம் சூட்டியுள்ளார்.

30+ வயதில் உடற்பயிற்சி: நீங்கள் பின்பற்ற வேண்டிய 5 முக்கிய விதிகள்!

Priya Velan — Tue, 21 Apr 2026 09:59:24 +0530

30 வயதில் தசை வலிமை மற்றும் வளர்சிதை மாற்றம் குறையத் தொடங்கும். நீண்ட கால ஆரோக்கியத்தைப் பேண, உங்கள் தினசரி வாழ்க்கையில் இந்த 5 எளிய உடற்பயிற்சி விதிகளைப் பின்பற்றுவது மிகவும் அவசியமாகும். இது உங்களை என்றும் இளமையாக வைத்திருக்க உதவும்.