Asianet News Tamil

TTF Vasan Net Worth : யூடியூப்பில் கோடிக்கணக்கில் வருமானம்... டிடிஎஃப் வாசனின் வியக்க வைக்கும் சொத்து மதிப்பு இதோ

Ganesh A — Tue, 27 Oct 2026 11:11:14 +0530

Youtuber TTF Vasan Net Worth : யூடியூப்பராக இருந்து தற்போது பிக் பாஸ் நிகழ்ச்சியில் போட்டியாளராக கலக்கி வரும் டிடிஎஃப் வாசன், சொத்து மதிப்பு பற்றி இந்த தொகுப்பில் விரிவாக பார்க்கலாம்.

மந்தமாக சென்று கொண்டிருந்த பிக் பாஸ் சீசன் 10 நிகழ்ச்சியை செம விறுவிறுப்பாக்கிய போட்டியாளர் என்றால் அது டிடிஎஃப் வாசன் தான். அவர் இந்த சீசனில் வைல்டு கார்டு எண்ட்ரியாக உள்ளே சென்றபோது அவருக்கு கேம் என்னவென்றே புரியவில்லை என சக போட்டியாளர்கள் சொல்ல, அடுத்த வாரமே அங்கு நடந்த ஹெய்ஸ்ட் டாஸ்க்கில் தனி ஆளாக டைமண்டை திருடி, யாருமே கண்டுபிடிக்க முடியாத இடத்தில் ஒளித்து வைத்ததோடு, ஒட்டுமொத்த வீட்டையும் ஒருவாரம் லோலோனு அலையவிட்டார் வாசன். அந்த வாரமே அவர் தான் டைட்டில் அடிக்கப் போகிறார் என்பது கன்ஃபார்ம் ஆகிவிட்டது.

கடந்த வாரம் வீக் எண்ட் எபிசோடில் கூட வாசனுக்கு கிடைத்த ஆடியன்ஸ் ரெஸ்பான்ஸை பார்த்து உள்ளே இருக்கும் சக போட்டியாளர்கள் எல்லாம் வாயடைத்துப் போய் உள்ளார்கள். அவரை ஓட்டிங்கில் வீழ்த்த முடியாது என்பது தெரிந்து, எப்படியாவது அவரை டிரிகர் பண்ணி, ரெட் கார்டு கொடுத்து வெளியே அனுப்பிவிட வேண்டும் என்கிற முனைப்பில் உள்ளார்கள் சக போட்டியாளர்கள். கடந்த வாரமே முகேஷை வாசன் அடிக்கப் போனது மிகப்பெரிய சர்ச்சையாகி அவருக்கு மஞ்சள் கார்டும் கொடுக்கப்பட்டது. இன்னொரு முறை மஞ்சள் கார்டு கொடுக்கப்பட்டால் அவர் நிகழ்ச்சியில் இருந்து வெளியேற்றப்பட வாய்ப்பு உள்ளது.

இப்படி பிக் பாஸ் வீட்டில் வார வாரம் பிரச்சனைகளை எதிர்கொண்டு வரும் வாசன், வெளியிலும் பல்வேறு சர்ச்சைகளில் சிக்கி இருந்தார். அதுமட்டுமின்றி அதிவேகமாக பைக் ஓட்டி விபத்தில் சிக்கியபோது கைதாகி சில மாதங்கள் சிறையிலும் இருந்தார் வாசன். பின்னர் தன்னுடைய சொந்த மாமா பொண்ணையே கல்யாணம் செய்துகொண்ட அவர், கடந்த ஆண்டு தமிழ் சினிமாவில் ஹீரோவாகவும் அறிமுகமானார். அவர் நடித்த ஐபிஎல் என்கிற திரைப்படம் கடந்த ஆண்டு வெளியானது. அதன்பின்னர் அவர் பிக் பாஸ் நிகழ்ச்சியில் வைல்டு கார்டு போட்டியாளராக கலந்துகொண்டு கலக்கி வருகிறார்.

இந்த நிலையில், டிடிஎஃப் வாசனின் சொத்து மதிப்பு பற்றிய விவரங்கள் மற்றும் அவரின் யூடியூப் சம்பாத்தியம் போன்ற தகவல்கள் இணையத்தில் கவனம் ஈர்த்துள்ளன. தனக்கு யூடியூப் மூலம் கிடைத்த வருமானம் மட்டும் ரூ.1.59 கோடி இருக்கும் என வாசனே தன்னுடைய சேனலில் ஓப்பனாக கூறி இருக்கிறார். அதில் 40 லட்சம் தெரிந்தவர்களுக்கு கடன் கொடுத்துவிட்டதாகவும், 20 லட்சத்துக்கு ஹயபுசா பைக் வாங்கியதாகவும் தெரிவித்துள்ளார். மேலும் தான் கைதானபோது அதன் வழக்கிற்காக மட்டும் 9 லட்சம் ரூபாய்க்கு மேல் செலவு செய்ததாக கூறி உள்ளார்.

இந்த பணத்தில் இருந்து தன்னுடைய அம்மாவுக்கு 5 லட்சம் கொடுத்தாராம். போர் போடுவதற்காக அவர் கேட்டபோது 5 லட்சம் கொடுத்ததாக கூறி உள்ளார் வாசன். இதுதவிர தான, தர்மங்கள் மட்டும் 40 லட்சம் செய்திருப்பேன் என கூறி இருக்கிறார். எஞ்சியுள்ள 35 லட்சத்தில் சொந்தமாக டிடிஎஃப் பிட்ஷாப் வைத்தது என இதர செலவுகளை செய்ததாக தெரிவித்திருக்கிறார். யூடியூப் மூலம் மட்டுமே 1.59 கோடி சம்பாதித்த வாசனுக்கு கோவை அருகே சொந்த விவசாய நிலம், வீடு எல்லாம் உள்ளது. அதெல்லாம் சேர்த்து பார்த்தால் அவரின் சொத்து மதிப்பு 2 கோடிக்கும் மேல் இருக்கும் என கூறப்படுகிறது.

TTF Vasan : பிக் பாஸ் வரலாற்றில் டிடிஎஃப் வாசன் படைத்த மிகப்பெரிய சாதனை...!

Ganesh A — Tue, 13 Oct 2026 11:23:14 +0530

Bigg Boss TTF Vasan : பிக் பாஸ் தமிழ் சீசன் 10 நிகழ்ச்சியில் வைல்டு கார்டு போட்டியாளராக உள்ளே வந்துள்ள டிடிஎஃப் வாசன் மிகப்பெரிய சாதனை ஒன்றை படைத்திருக்கிறார். அதைப்பற்றி பார்க்கலாம்.

பிக் பாஸ் தமிழ் சீசன் 10 நிகழ்ச்சி கடந்த மாதம் தொடங்கப்பட்ட நிலையில், தற்போது 5 வாரங்களை கடந்து வெற்றிகரமாக ஒளிபரப்பாகி வருகிறது. வழக்கமாக நிகழ்ச்சி தொடங்கிய சில வாரங்களிலேயே அதன் டைட்டில் வின்னர் யார் என்பதை ஈஸியாக கணிக்க முடியும். ஆனால் இந்த சீசனில் எந்த ஒரு போட்டியாளரும் பெரியளவில் சோபிக்காமல் இருந்ததால், டைட்டில் வின்னராக யார் வருவார்கள் என்பது யூகிக்க முடியாமல் இருந்தது. இந்த நிலையில், கடந்த அக்டோபர் 4ந் தேதி பிக் பாஸ் 10-ல் வைல்டு கார்டு போட்டியாளர்கள் உள்ளே சென்றார்கள்.

மொத்தம் 3 வைல்டு கார்டு போட்டியாளர்கள் உள்ளே அனுப்பப்பட்டனர். அதில் ஒருவர் தான் டிடிஎஃப் வாசன். இன்றைய ஜென் ஸி கிட்ஸுக்கு இவரைப் பற்றி நன்றாக தெரிந்திருக்கும். யூடியூப்பில் பைக்கில் சாகசம் செய்து வீடியோ பதிவிட்டு அதன் மூலம் இளசுகள் மத்தியில் பேமஸ் ஆனவர் தான் டிடிஎஃப் வாசன். இதையடுத்து அதிவேகமாக பைக் ஓட்டி விபத்தில் சிக்கி ஜெயிலுக்கும் சென்றார் வாசன். சில மாத சிறைவாசத்துக்கு பின்னர் வெளியே வந்த வாசன், சினிமாவில் நடிக்கப்போவதாக அறிவித்து, மஞ்சள் வீரன் என்கிற படத்தில் கமிட் ஆனார்.

அப்படம் அறிவிப்போடு நின்று போக, அதைத்தொடர்ந்து ஐபிஎல் என்கிற திரைப்படத்தின் மூலம் தமிழ் சினிமாவில் ஹீரோவாக அறிமுகமானார் வாசன். அப்படம் அவரது ரசிகர்கள் மத்தியில் நல்ல வரவேற்பை பெற்றது. இதையடுத்து அவர் எந்த படத்தில் நடிப்பார் என்பதை அறிந்துகொள்ள ரசிகர்கள் ஆவலோடு இருந்த நேரத்தில் தான் யாரும் எதிர்பாராத விதமாக பிக் பாஸ் வீட்டுக்குள் எண்ட்ரி கொடுத்தார் வாசன். அவரின் எண்ட்ரியை யாருமே எதிர்பார்க்கவில்லை. உள்ளே எண்ட்ரியாகும் போதே பைக்கில் மாஸாக வீட்டுக்குள் வந்தார் வாசன்.

பிக் பாஸ் வீட்டுக்குள் வந்ததில் இருந்து டிடிஎஃப் வாசனுக்கும் ஜேசனுக்கும் இடையே மோதல் முற்றத் தொடங்கியது. இது கடந்த வாரம் எல்லை மீறிப் போய் இருவரும் ஒருவரை ஒருவர் அடிக்க பாயும் அளவுக்கு சென்றது. மறுபுறம் வீக் எண்ட் டாஸ்கின் போது விஜய் சேதுபதியும், டிடிஎஃப் வாசனை நோஸ் கட் பண்ணும் விதமாக சில கேள்விகளை கேட்க, அதற்கெல்லாம் பிடிகொடுக்காத வாசன், அவருக்கே அல்வா கொடுத்து எஸ்கேப் ஆனார். இப்படி வெற்றிகரமாக முதல் வாரத்தை கடந்த டிடிஎஃப், இந்த வாரம் புதிய சாதனை ஒன்றை படைத்திருக்கிறார்.

பிக் பாஸ் நிகழ்ச்சியில் ஒவ்வொரு வாரமும் நாமினேஷன் நடக்கும். அந்த வகையில் நேற்று ஓபன் நாமினேஷன் நடைபெற்றது. இதில் பெரும்பாலானோர் டிடிஎஃப் வாசன் பெயரை தான் சொன்னார்கள். அதனால் இந்த வாரம் டிடிஎஃப் வாசன் நாமினேஷன் லிஸ்ட்டில் இடம்பிடித்துள்ளார். அவருடன் 7 போட்டியாளர்கள் நாமினேட் ஆகி உள்ளனர். இதில் ஒரே நாளில் ஒரு லட்சத்துக்கும் மேல் வாக்குகள் பதிவாகி உள்ளன. இந்த வாக்குப் பதிவில் தான் டிடிஎஃப் வாசன் சாதனை படைத்துள்ளார். இதில் 82 ஆயிரத்திற்கும் மேல் வாக்குகளை வாங்கி இருக்கிறார் வாசன்.

அவருக்கு அடுத்த இடத்தில் ஷாதிகா உள்ளார். அவருக்கு 13 ஆயிரம் வாக்குகள் மட்டுமே கிடைத்துள்ளன. பிக் பாஸ் வரலாற்றில் இம்புட்டு வாக்குவித்தியாசம் இதுவரை எந்த ஒரு போட்டியாளருக்கும் கிடைத்ததில்லை. இதனால் டிடிஎஃப் வாசன் தான் இந்த சீசனின் டைட்டில் வின்னர் என்று நெட்டிசன்கள் பேசத் தொடங்கி இருக்கிறார்கள். முன்னணி ஹீரோக்களுக்கு இணையாக டிடிஎஃப் வாசனுக்கும் ரசிகர்கள் உள்ளார்கள் என்பதால் தான் அவருக்கு இந்த அளவுக்கு வாக்குகள் கிடைத்துள்ளன. இதனால் அசைக்க முடியாத ஒரு போட்டியாளராக டிடிஎஃப் மாறி இருக்கிறார்.

Bigg Boss : நாமினேஷனில் பிக் பாஸுக்கே ஷாக் கொடுத்த ஹவுஸ்மேட்ஸ்... இந்த வாரம் சிக்கியது யார்... யார்?

Ganesh A — Mon, 26 Oct 2026 12:35:04 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெற்ற ஓபன் நாமினேஷனில் செம ட்விஸ்ட் நடந்துள்ளது. அது யார்... யார் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி நாளுக்கு நாள் புதிய திருப்பங்களுடன் விறுவிறுப்பாக நகர்ந்து கொண்டிருக்கிறது. கடந்த செப்டம்பர் மாதம் தொடங்கிய இந்த நிகழ்ச்சி தற்போது ஏழு வாரங்களைக் கடந்து எட்டாவது வாரத்தில் அடியெடுத்து வைத்துள்ளது. ஆரம்பத்தில் அறிவிக்கப்பட்ட 'எதிர்பாராததை எதிர்பாருங்கள்' என்ற டேக் லைனுக்கு ஏற்றவாறு, நேற்றைய எபிசோடில் அரங்கேறிய சம்பவம் போட்டியாளர்களை மட்டுமின்றி பார்வையாளர்களையும் அதிர்ச்சியில் ஆழ்த்தியுள்ளது.

பிக்பாஸ் வீட்டில் நேற்று ஏழாவது வாரத்திற்கான எவிக்‌ஷன் நடைபெற்றது. இந்த வாரம் எவிக்‌ஷன் ஃப்ரீ பாஸ் வைத்திருந்த மூன்று போட்டியாளர்களில் ஜேசன் மற்றும் வாசன் ஆகியோர் ஏற்கெனவே காப்பாற்றப்பட்டிருந்தனர். ஆனால், மற்றொரு பாஸ் வைத்திருந்த ஷாமா மட்டும் டேஞ்சர் சோனில் சிக்கியிருந்தார். அவருடன் மேலும் நான்கு போட்டியாளர்களும் வெளியேற்றப்படும் அபாயத்தில் இருந்தனர்.

இந்தச் சூழலில் நிகழ்ச்சியைத் தொகுத்து வழங்கிய ரம்யா கிருஷ்ணன், ஷாமாவிடம் அவருடைய எவிக்‌ஷன் ஃப்ரீ பாஸை பயன்படுத்த விரும்புகிறாரா என்று கேள்வி எழுப்பினார். தன்னுடைய ரசிகர்களின் வாக்குகள் தன்னைக் காப்பாற்றிவிடும் என்ற நம்பிக்கையிலோ என்னவோ, தற்போது அந்த பாஸை பயன்படுத்தப் போவதில்லை என்று ஷாமா தெரிவித்தார். ஆனால், அடுத்த சில நிமிடங்களில் நடந்த சம்பவம் ஒட்டுமொத்த பிக்பாஸ் வீட்டையும் அதிர்ச்சியில் உறைய வைத்தது.

இந்த வாரம் குறைவான வாக்குகளைப் பெற்ற போட்டியாளராக ஷாமா அறிவிக்கப்பட்டார். இதனால் எவிக்‌ஷன் ஃப்ரீ பாஸ் கையில் இருந்தும் அதைப் பயன்படுத்தாத காரணத்தால் பிக்பாஸ் வீட்டிலிருந்து வெளியேறும் நிலைக்கு அவர் தள்ளப்பட்டார். கடைசி நேரத்தில் பாஸை பயன்படுத்த வாய்ப்பு வழங்கப்பட்டும் அதை நிராகரித்த ஷாமாவின் முடிவு அவருக்கே பாதகமாக அமைந்தது. அவர் வெளியேற்றப்பட்டதை அறிந்ததும் சக போட்டியாளர்கள் அதிர்ச்சியடைந்தனர். பாதுகாப்பாக அடுத்த வாரத்திற்குச் செல்ல கிடைத்த வாய்ப்பை தவறவிட்ட ஷாமாவின் எவிக்‌ஷன், இந்த சீசனில் எதிர்பாராத திருப்பங்களில் ஒன்றாக அமைந்துள்ளது.

ஷாமாவின் வெளியேற்றம் குறித்த பரபரப்பு இன்னும் அடங்காத நிலையில், பிக்பாஸ் தமிழ் சீசன் 10 நிகழ்ச்சியின் 50-வது நாளுக்கான முதல் புரோமோ வெளியாகியுள்ளது. அதில் எட்டாவது வாரத்திற்கான நாமினேஷன் வழக்கத்திற்கு மாறாக ஓபன் நாமினேஷன் முறையில் நடைபெறுவது தெரியவந்துள்ளது. இதனால் போட்டியாளர்கள் தாங்கள் நாமினேட் செய்ய விரும்பும் நபர்களை மற்றவர்கள் முன்னிலையிலேயே வெளிப்படையாகத் தெரிவிக்க வேண்டிய சூழல் உருவாகியுள்ளது. இதில் மற்றொரு பெரிய திருப்பமாக, தற்போது பிக்பாஸ் வீட்டில் இருக்கும் 15 போட்டியாளர்களும் இந்த வார நாமினேஷன் பட்டியலில் இடம்பெற்றுள்ளனர்.

வீட்டில் உள்ள அனைவருமே நாமினேஷனில் சிக்கியிருப்பதால் இந்த வார எவிக்‌ஷன் மீதான எதிர்பார்ப்பு அதிகரித்துள்ளது. குறிப்பாக ஓபன் நாமினேஷன் காரணமாக போட்டியாளர்களிடையே புதிய மோதல்கள், கருத்து வேறுபாடுகள் மற்றும் கூட்டணி மாற்றங்கள் ஏற்படுமா என்ற கேள்வியும் எழுந்துள்ளது. கடந்த வாரம் ஃப்ரீ பாஸ் இருந்தும் ஷாமா வெளியேறிய நிலையில், இந்த வாரம் யாருக்கு ரசிகர்களின் ஆதரவு கிடைக்கும், யார் குறைவான வாக்குகளைப் பெற்று பிக்பாஸ் வீட்டிலிருந்து வெளியேறுவார்கள் என்பது வார இறுதி எபிசோடில் தெரியவரும். மொத்தத்தில், எட்டாவது வாரத்தின் தொடக்கமே அதிரடியாக அமைந்திருப்பதால் இனிவரும் நாட்களில் பிக்பாஸ் வீட்டில் பரபரப்புக்குப் பஞ்சமிருக்காது என எதிர்பார்க்கப்படுகிறது.

Bigg Boss 10 : பிக் பாஸ் ஹோஸ்ட் திடீரென மாற்றம்... விஜய் சேதுபதிக்கு பதில் இவரா?

Ganesh A — Sat, 24 Oct 2026 07:33:54 +0530

Bigg Boss Tamil Season 10 Host Changed : பிக் பாஸ் தமிழ் சீசன் 10 நிகழ்ச்சியில் இந்த வாரம் விஜய் சேதுபதிக்கு பதிலாக வேறு ஒருவர் ஹோஸ்டாக களமிறங்க உள்ளார். அவர் யார் என்பதை பார்க்கலாம்.

பிக் பாஸ் தமிழ் சீசன் 10 நிகழ்ச்சி கடந்த செப்டம்பர் மாதம் தொடங்கப்பட்ட நிலையில், தற்போது 50 நாட்களை நெருங்கி வருகிறது. இந்நிகழ்ச்சியை மக்கள் செல்வன் விஜய் சேதுபதி தான் தொகுத்து வழங்கி வருகிறார். அவர் பிக் பாஸில் தொகுப்பாளராக களமிறங்கும் மூன்றாவது சீசன் இது. பிக் பாஸ் நிகழ்ச்சியின் 8-வது சீசனில் இருந்து விஜய் சேதுபதி தான் தொகுத்து வழங்கி வருகிறார். அவருக்கு முன் முதல் 7 சீசன்களை உலகநாயகன் கமல்ஹாசன் தொகுத்து வழங்கினார். அவர் சினிமாவில் பிசியானதால் பிக் பாஸை விட்டு விலகினார். அதன்பின்னர் அந்த பொறுப்பு விஜய் சேதுபதியிடம் சென்றது.

கமல்ஹாசன் தொகுத்து வழங்கும் ஸ்டைலும், விஜய் சேதுபதி தொகுத்து ஸ்டைலும் வெவ்வேறு விதமாக இருந்தது. கடந்த இரண்டு சீசன்களாக விஜய் சேதுபதி தொகுத்து வழங்கியதற்கும், இந்த சீசனை அவர் தொகுத்து வழங்கியதற்கும் பல்வேறு விமர்சனங்கள் இருந்தன. இதனால் ஹோஸ்டை மாற்ற வேண்டும் என்றெல்லாம் நெட்டிசன்கள் வலியுறுத்தி வந்தனர். அவர்கள் கேட்டபடியே பிக் பாஸ் டீம் தற்போது ஹோஸ்டை மாற்றி உள்ளனர். இந்த வாரம் விஜய் சேதுபதி பிக் பாஸ் நிகழ்ச்சியை தொகுத்து வழங்க மாட்டார் என்பது உறுதியாகி உள்ளது.

அதன்படி விஜய் சேதுபதிக்கு பதிலாக இந்த வாரம் லேடி ஹோஸ்ட் ஒருவர் பிக் பாஸ் நிகழ்ச்சியை தொகுத்து வழங்குவார் என அறிவிக்கப்பட்டு அதற்காக ஒரு புரோமோவும் வெளியிட்டுள்ளனர். அதில் அந்த லேடி யார் என்பதை ரிவீல் செய்யாமல் சஸ்பென்ஸாக வைத்திருக்கிறார்கள். இருப்பினும் அந்த புரோமோவில் வரும் தோற்றத்தை பார்க்கும்போதே அது நடிகை ரம்யா கிருஷ்ணன் தான் என்பது அப்பட்டமாக தெரிகிறது. அதனால் இந்த வாரம் விஜய் சேதுபதிக்கு பதில் ரம்யா கிருஷ்ணன் தான் தொகுத்து வழங்க உள்ளார்.

ஹோஸ்ட் மாற்றப்பட்டது சிலரின் எதிர்ப்பினால் அல்ல என்பதையும் புரிந்துகொள்ள வேண்டும். விஜய் சேதுபதி கடந்த இரு வாரங்களாக தொண்டை வலியுடன் தான் நிகழ்ச்சியை தொகுத்து வழங்கினார். இந்த வாரமும் அவருக்கு தொண்டை வலி சரியாகாததால், மேலும் ரிஸ்க் எடுக்க விரும்பாத அவர், மருத்துவர்களின் அறிவுறுத்தலின்படி ஓய்வெடுத்து வருவதால், அவருக்கு பதில் ரம்யா கிருஷ்ணனை ஹோஸ்டாக தேர்வு செய்துள்ளனர். விஜய் சேதுபதிக்கு உடல்நிலை சரியானதும் அவர் மீண்டும் ஹோஸ்டாக களமிறங்குவார்.

ரம்யா கிருஷ்ணன் பிக் பாஸ் தமிழ் நிகழ்ச்சியை தொகுத்து வழங்குவது இது முதல்முறை அல்ல. இதற்கு முன்னதாக பிக் பாஸ் சீசன் 5 நிகழ்ச்சி நடைபெற்றபோது அப்போது தொகுப்பாளராக இருந்த கமல்ஹாசனுக்கு கொரோனா தொற்று ஏற்பட்டு அவர் மருத்துவமனையில் அனுமதிக்கப்பட்டிருந்தார். அந்த சமயத்தில் ஒரு வாரம் மட்டும் கமல்ஹாசனுக்கு பதிலாக ரம்யா கிருஷ்ணன் தொகுத்து வழங்கி இருந்தார். சுமார் 5 சீசன்கள் கழித்து அவர் மீண்டும் பிக் பாஸ் தமிழில் தொகுப்பாளராக களமிறங்கி உள்ளதால் இந்த வார எபிசோடு நிச்சயம் அனல்பறக்கும் என எதிர்பார்க்கப்படுகிறது.

Bigg Boss : பிக் பாஸ் வீட்டில் அதிரடி ட்விஸ்ட்... அக்‌ஷிதா – அவினாஷுக்கு செக் வைத்த அஸ்மிதா – பிரித்வி!

Ganesh A — Wed, 07 Oct 2026 15:27:09 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வார டாஸ்க்கில் அக்‌ஷிதா மற்றும் அவினாஷின் ஆட்டத்துக்கு அஸ்மிதா - பிரித்வி ஜோடி முற்றுப்புள்ளி வைத்துள்ளது.

பிக் பாஸ் தமிழ் சீசன் 10 நிகழ்ச்சி தொடங்கி நான்கு வாரங்களை நிறைவு செய்து தற்போது ஐந்தாவது வாரத்தில் பரபரப்பாக சென்று கொண்டிருக்கிறது. ஒவ்வொரு வாரமும் எதிர்பாராத திருப்பங்கள் அரங்கேறி வரும் நிலையில், இதுவரை பெரிதாக கவனம் பெறாத சில போட்டியாளர்களும் தற்போது தங்களது ஆட்டத்தை மாற்றி ரசிகர்களின் கவனத்தை ஈர்த்து வருகின்றனர். கடந்த வார இறுதியில் நிகழ்ச்சிக்குள் மூன்று வைல்ட்கார்டு போட்டியாளர்கள் என்ட்ரி கொடுத்தனர். காமென் மேன் நிகழ்ச்சியில் பங்கேற்ற கரிஷ்மா, டிடிஎஃப் வாசன் மற்றும் அக்‌ஷிதா ஆகியோர் பிக் பாஸ் வீட்டிற்குள் புதுவரவுகளாக களமிறங்கியுள்ளனர்.

Bigg Boss : பணப்பெட்டியோடு பிக் பாஸ் வீட்டை விட்டு வெளியேறிய போட்டியாளர்? அதிர்ச்சியில் ஹவுஸ்மேட்ஸ்

இதில் அக்‌ஷிதா சீரியல் நடிகை என்பது மட்டுமின்றி, ஏற்கனவே பிக் பாஸ் வீட்டில் போட்டியாளராக இருக்கும் அவினாஷின் சகோதரி என்பதும் குறிப்பிடத்தக்கது. இவர்களின் வருகைக்குப் பிறகு வீட்டில் இருந்த போட்டியாளர்களின் உறவுகளிலும் பல்வேறு மாற்றங்கள் ஏற்பட்டுள்ளதாக தெரிகிறது. இதுவரை நெருக்கமாக இருந்த சில போட்டியாளர்களுக்குள் கருத்து வேறுபாடுகள் உருவாகி வரும் நிலையில், ஏற்கனவே போட்டி மனப்பான்மையுடன் இருந்த சிலர் புதிய கூட்டணிகளை உருவாக்கி வருகின்றனர். இதனால் பிக் பாஸ் வீடு நாளுக்கு நாள் அதிக பரபரப்பாகி வருகிறது.

இந்நிலையில் இந்த வாரத்திற்கான டாஸ்க் போட்டியாளர்களுக்கு இடையே கடுமையான போட்டியை உருவாக்கும் வகையில் அமைந்துள்ளது. இதுதொடர்பாக நிகழ்ச்சி குழு வெளியிட்டுள்ள இரண்டாவது புரோமோ தற்போது ரசிகர்களின் கவனத்தை ஈர்த்து வருகிறது. புரோமோவில் இறுதிக்கட்டத்தை எட்டியுள்ள போட்டியாளர்களுக்கு நீல நிற செங்கற்கள் வழங்கப்படுகின்றன. குறிப்பிட்ட அணியிடம் ஆறு நீல செங்கற்கள் சேர்ந்தால், எதிரணியில் உள்ள ஒரு போட்டியாளரின் ஆட்டத்தை தற்காலிகமாக நிறுத்தி வைக்க முடியும் என விதிமுறை அறிவிக்கப்படுகிறது. இந்த வாய்ப்பை பயன்படுத்திக் கொள்ளும் வகையில் அஸ்மிதா மற்றும் பிரித்வி அணியினர் ஆறு நீல செங்கற்களை கைப்பற்றியுள்ளனர்.

ஆறு செங்கற்களை பெற்ற அஸ்மிதா – பிரித்வி அணியினர், தங்களுக்கு கிடைத்த அதிகாரத்தை பயன்படுத்தி அக்‌ஷிதா மற்றும் அவினாஷின் ஆட்டத்தை நிறுத்தி வைக்க முடிவு செய்கின்றனர். இதனை அவர்கள் வெளிப்படையாக அறிவிக்கும் காட்சிகள் தற்போது வெளியாகியுள்ள புரோமோவில் இடம்பெற்றுள்ளன. ஏற்கனவே பிக் பாஸ் வீட்டில் அண்ணன் – தங்கை இருவரும் போட்டியாளர்களாக இருப்பது ரசிகர்களின் கவனத்தை ஈர்த்துள்ள நிலையில், அவர்களின் ஆட்டத்தை முடக்க எடுத்துள்ள இந்த முடிவு நிகழ்ச்சியில் மேலும் பரபரப்பை ஏற்படுத்தியுள்ளது.

இந்த டாஸ்க் அடுத்தடுத்து போட்டியாளர்களுக்கு இடையே புதிய மோதல்களை உருவாக்குமா, அல்லது புதிய கூட்டணிகளுக்கு வழிவகுக்குமா என்ற எதிர்பார்ப்பு ரசிகர்கள் மத்தியில் அதிகரித்துள்ளது. தற்போதைய புரோமோ வீடியோவும் சமூக வலைத்தளங்களில் பேசுபொருளாகியுள்ளது.

Bigg Boss 10 : தந்தை மரணம்... பிக் பாஸ் வீட்டில் இருந்து அவசர அவசரமாக வெளியேறிய போட்டியாளர் - ஷாக் ஆன ஹவுஸ்மேட்ஸ்

பிக் பாஸ் வீட்டில் அனல்பறக்கும் டாஸ்க்... டைமண்ட் பாக்ஸை திறந்த கரிஷ்மா; அவினாஷிடம் பொங்கிய ஜேசன்.. என்ன நடந்தது?

Ganesh A — Wed, 14 Oct 2026 13:04:52 +0530

Jason Clashes with Avinash : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெறும் ஹீய்ஸ்ட் டாஸ்க்கில் கரிஷ்மா பெட்டியை திறந்ததால் ஜேசன் மற்றும் அவினாஷ் இடையே மோதல் ஏற்பட்டுள்ளது.

தமிழ் தொலைக்காட்சி ரசிகர்களின் கவனத்தை ஈர்த்து வரும் ரியாலிட்டி நிகழ்ச்சிகளில் ஒன்றாக பிக் பாஸ் தமிழ் சீசன் 10 இருந்து வருகிறது. தொடங்கிய முதல் நாளிலிருந்தே போட்டியாளர்களுக்கு இடையே பல்வேறு மோதல்கள், வாக்குவாதங்கள் மற்றும் சுவாரஸ்யமான சம்பவங்கள் அரங்கேறி வருகின்றன. பிரபலங்களுடன் சாதாரண மக்களும் போட்டியாளர்களாகக் களமிறங்கியுள்ளதால், ஒவ்வொரு வாரமும் நிகழ்ச்சியின் மீதான எதிர்பார்ப்பு அதிகரித்து வருகிறது.

மொத்தம் 24 போட்டியாளர்களுடன் தொடங்கிய இந்த சீசனில், வெளியேற்றங்கள் உள்ளிட்ட காரணங்களால் தற்போது 18 பேர் பிக் பாஸ் வீட்டில் தொடர்ந்து விளையாடி வருகின்றனர். ஐந்து வாரங்களைக் கடந்துள்ள நிலையில், நிகழ்ச்சி தற்போது ஆறாவது வாரத்தில் அடியெடுத்து வைத்துள்ளது. இதனால் போட்டியாளர்களுக்கு இடையிலான போட்டியும் வியூகங்களும் மேலும் தீவிரமடைந்துள்ளன.

Bigg Boss : விஜய் சேதுபதி முன்பே வைல்டு கார்டு போட்டியாளர்களின் முகத்திரையை கிழித்த ஹவுஸ்மேட்ஸ்... கரீஷ்மா, வாசனுக்கு வந்த சோதனை!

வழக்கமாக ஒவ்வொரு வாரமும் ஒரு முக்கிய டாஸ்க் நடைபெற்று வந்த நிலையில், இந்த வாரம் போட்டியாளர்களுக்கு இரண்டு வித்தியாசமான சவால்கள் கொடுக்கப்பட்டுள்ளன. அதில் ஒன்று ‘டைமண்ட் ஹீய்ஸ்ட்’ டாஸ்க். மற்றொன்று நடனம் சார்ந்த ‘டான்ஸ் மாரத்தான்’ போட்டியாகும். டைமண்ட் ஹீய்ஸ்ட் டாஸ்க்கில் வைரத்தைத் திருடுவதற்கான முயற்சியில் போட்டியாளர்கள் தனித்தனியாகவோ அல்லது குழுவாக இணைந்தோ செயல்படலாம் எனக் கூறப்பட்டுள்ளது.

இதனால் யார் யாருடன் கூட்டணி அமைக்கப் போகிறார்கள், யாருடைய திட்டம் வெற்றிபெறப் போகிறது என்ற எதிர்பார்ப்பு எழுந்துள்ளது. அதேபோல், டான்ஸ் மாரத்தான் டாஸ்க்கில் இரண்டு பேர் கொண்ட ஜோடிகளாகப் பிரிந்து போட்டியாளர்கள் நடனமாட வேண்டும். இந்த இரண்டு டாஸ்குகளும் வீட்டிற்குள் புதிய சவால்களையும் சுவாரஸ்யமான தருணங்களையும் உருவாக்கி வருகின்றன.

இந்நிலையில், பிக் பாஸ் தமிழ் சீசன் 10 நிகழ்ச்சியின் 38-வது நாளுக்கான முதல் புரோமோ வெளியாகி ரசிகர்களின் கவனத்தை ஈர்த்துள்ளது. இந்தப் புரோமோவில், கரிஷ்மா டைமண்ட் பாக்ஸை திறப்பது தொடர்பாக அவினாஷ் கேள்வி எழுப்புகிறார். கரிஷ்மா அவ்வாறு செய்வதற்கான காரணம் என்ன என்று அவினாஷ் கேட்க, அதற்குப் பதிலளிக்கும் விதமாக ஜேசன் தனது கருத்தை முன்வைக்கிறார். பிக் பாஸ் வீட்டில் இருக்கும் போட்டியாளர்கள் தங்களுக்கு விருப்பமான இடங்களுக்குச் சென்று இருக்க உரிமை உண்டு என்ற கருத்தில் அவர் பேசுகிறார்.

இதனால் அவினாஷுக்கும் ஜேசனுக்கும் இடையே வாக்குவாதம் தீவிரமடைவது புரோமோவில் தெரியவருகிறது. டைமண்ட் பாக்ஸை திறந்த விவகாரம் தற்போது வீட்டிற்குள் புதிய சர்ச்சையை ஏற்படுத்தியுள்ள நிலையில், இந்த விவகாரம் அடுத்தகட்டமாக என்ன திருப்பத்தை ஏற்படுத்தும் என்ற எதிர்பார்ப்பு ரசிகர்களிடையே உருவாகியுள்ளது. போட்டியாளர்களின் ஒவ்வொரு நடவடிக்கையும் புதிய விவாதங்களை ஏற்படுத்தி வரும் நிலையில், கரிஷ்மா, அவினாஷ் மற்றும் ஜேசன் இடையேயான இந்த மோதல் நிகழ்ச்சியின் இன்றைய எபிசோடில் மேலும் பரபரப்பை ஏற்படுத்துமா என்பதைப் பொறுத்திருந்து பார்க்கலாம்.

Bigg Boss கொடுத்த புதிய டாஸ்க்கால் வெடிக்கும் சண்டை! லட்சுமி பிரியாவை கதறவிட்ட முனியம்மாள்... செம நோஸ் கட் வாங்கிய முத்தழகி

Bigg Boss Shama : எலிமினேட் ஆன ஷமாவுக்கு பிக் பாஸ் வாரி வழங்கிய சம்பளம் எவ்வளவு தெரியுமா?

Ganesh A — Mon, 26 Oct 2026 09:22:45 +0530

Bigg Boss Shama Salary : பிக் பாஸ் தமிழ் சீசன் 10 நிகழ்ச்சியில் இருந்து எலிமினேட் ஆன ஷமாவிற்கு எவ்வளவு சம்பளம் வழங்கப்பட்டது என்பதை பற்றி இந்த தொகுப்பில் பார்க்கலாம்.

பிக் பாஸ் தமிழ் சீசன் 10 நிகழ்ச்சி 50 நாட்களைக் கடந்து ஒளிபரப்பாகி வருகிறது. இந்நிகழ்ச்சியை மக்கள் செல்வன் விஜய் சேதுபதி தான் தொகுத்து வழங்கி வருகிறார். ஆனால் கடந்த வாரத்திற்கான வீக் எண்ட் எபிசோடை மட்டும் ரம்யா கிருஷ்ணன் தொகுத்து வழங்கினார். அதுவே ரசிகர்களுக்கு பேரதிர்ச்சியாக இருந்த நிலையில், நேற்று நடைபெற்ற எவிக்‌ஷன் அதைவிட ஒரு பேரதிர்ச்சியாக இருந்தது. ஏனெனில் நேற்று பிக் பாஸ் நிகழ்ச்சியில் இருந்து ஷமா எலிமினேட் ஆனார். அவரின் எவிக்‌ஷன் யாருமே எதிர்பாராத ஒன்றாக அமைந்தது.

பிக் பாஸ் தமிழ் சீசன் 10 நிகழ்ச்சியில் கடந்த சில வாரங்களுக்கு முன்னர் நடைபெற்ற டாஸ்கின் போது 3 எவிக்‌ஷன் ஃப்ரீ பாஸ் நல்லா விளையாடும் போட்டியாளர்களுக்கு வழங்கப்படும் என அறிவிக்கப்பட்டது. அந்த எவிக்‌ஷன் ஃப்ரீ பாஸை முதன்முதலில் வென்ற போட்டியாளர் என்றால் அது ஷமா தான். எஞ்சியுள்ள இரண்டு பாஸ்களையும் ஜேசன் மற்றும் டிடிஎஃப் வாசன் ஆகியோர் வென்றனர். இந்த எவிக்‌ஷன் ஃப்ரீ பாஸ் 70 நாள்கள் வரை தான் செல்லுபடியாகும். அதற்குள் ஒரு முறை நாமினேஷனில் இருந்து தப்பித்துக் கொள்ளலாம்.

அப்படி இருக்கையில் கடந்த வாரம் நாமினேஷனில் சிக்கியிருந்த ஷமா, தான் எலிமினேட் ஆக மாட்டேன் என்கிற ஓவர் கான்பிடன்ஸால் எவிக்‌ஷன் ஃப்ரீ பாஸை பயன்படுத்தாமலேயே எலிமினேட் ஆகி இருக்கிறார். ஷமா உடன் முத்தழகி, அக்‌ஷிதா, அஸ்மிதா ஆகியோர் டேஞ்சர் ஜோனில் இருந்த நிலையில், ரம்யா கிருஷ்ணன், ஷமாவிடம் உங்களிடம் இருக்கும் நாமினேஷன் ஃப்ரீ பாஸை பயன்படுத்தப் போகிறீர்களா என்று கேட்க, அதற்கு ஷமா நோ சொல்லிவிட்டார். தான் எலிமினேட் ஆக மாட்டேன் என்கிற நம்பிக்கையில் ஷமா இப்படி சொல்லி இருந்தார்.

ஆனால் அவர் தான் எடுத்த இந்த முடிவு மிகவும் தவறானது என யோசிக்கும் வகையில் ரிசல்ட் வந்தது. கம்மியான வாக்குகள் வாங்கியிருந்த ஷமா இந்த வாரம் எலிமினேட் ஆவதாக அறிவிக்கப்பட்டார். பிக் பாஸ் வரலாற்றிலேயே எவிக்‌ஷன் ஃப்ரீ பாஸ் வென்றும் அதை பயன்படுத்தாமல் எலிமினேட் ஆன முதல் போட்டியாளர் ஷமா தான். அவரின் எவிக்‌ஷன் அறிவிக்கப்பட்டதும் அனைவருமே ஷாக் ஆனார்கள். ஏனெனில் மற்ற போட்டியாளர்கள் அனைவரும் முத்தழகி தான் எலிமினேட் ஆவார் என யூகித்தனர். அவர்கள் யாருமே ஷமாவின் பெயரை குறிப்பிடவில்லை.

பிக் பாஸ் காமன்மேன் ஷோவில் இருந்து வந்து ரசிகர்களின் மனதில் இடம்பிடித்த ஷமா, 50 நாட்கள் பிக் பாஸ் வீட்டில் இருந்ததற்காக அவருக்கு மிகப்பெரிய தொகை சம்பளம் வழங்கப்பட்டு உள்ளது. ஷமாவிற்கு ஒரு நாளைக்கு ரூ.10 ஆயிரம் சம்பளமாக வழங்கப்பட்டிருக்கிறது. அதன்படி பார்த்தால், அவர் மொத்தமாக பிக் பாஸ் வீட்டில் இருந்த 50 நாட்களுக்கு ரூ.5 லட்சம் சம்பளமாக வாங்கி இருக்கிறார். ஷமா பிக் பாஸ் நிகழ்ச்சி மூலம் பிரபலமானதோடு, பிக் பாஸிடம் இருந்தும் பாராட்டையும் பெற்று எலிமினேட் ஆகி இருக்கிறார்.

Bigg Boss 10 : பிக் பாஸ் எலிமினேஷனில் சூப்பர் ட்விஸ்ட்... இந்த வாரம் கண்ணீரோடு வெளியேறியது யார்?

Ganesh A — Sat, 17 Oct 2026 10:27:01 +0530

Bigg Boss Tamil : பிக் பாஸ் தமிழ் சீசன் 10 நிகழ்ச்சியில் இந்த வாரம் டிடிஎஃப் வாசன், அக்‌ஷிதா, அவினாஷ், ஷமா, சாந்தினி, ஷாதிகா, கரீஷ்மா ஆகியோர் நாமினேட் ஆகி இருந்தனர். அவர்களில் யார் வெளியேறியது என்பதை பார்க்கலாம்.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. கடந்த செப்டம்பர் மாதம் 6ஆம் தேதி தொடங்கிய இந்த நிகழ்ச்சி, தற்போது 40 நாட்களை நெருங்கியுள்ளது. போட்டியாளர்களுக்கு இடையேயான மோதல்கள், சுவாரஸ்யமான டாஸ்க்குகள், எதிர்பாராத சம்பவங்கள் என பிக் பாஸ் வீடு பரபரப்புக்குப் பஞ்சமில்லாமல் நகர்ந்து கொண்டிருக்கிறது. இந்த வாரம் பிக் பாஸ் வீட்டின் கேப்டனாக அன்சர் பொறுப்பேற்றுள்ள நிலையில், போட்டியாளர்களைக் கட்டுப்படுத்துவதிலும் வீட்டின் விதிமுறைகளைப் பின்பற்ற வைப்பதிலும் அவருக்குப் பல சவால்கள் இருந்தன.

பிக் பாஸ் வீட்டில் இந்த வாரம் டைமண்ட் ஹெய்ஸ்ட் மற்றும் டான்ஸ் மாரத்தான் போன்ற டாஸ்க்குகள் நடைபெற்றன. குறிப்பாக வைரத்தைக் கொள்ளையடித்து, மற்ற போட்டியாளர்களிடம் சிக்காமல் பாதுகாக்க வேண்டிய டைமண்ட் ஹெய்ஸ்ட் டாஸ்க் ரசிகர்களிடையே எதிர்பார்ப்பை ஏற்படுத்தியுள்ளது. இந்த டாஸ்க்கில் டிடிஎஃப் வாசன் வைரத்தைக் கைப்பற்றி, கிட்டத்தட்ட மூன்று நாளுக்கும் மேலாக மற்ற போட்டியாளர்கள் யாராலும் கண்டுபிடிக்க முடியாத இடத்தில் மறைத்து வைத்திருந்தார். இதனால் வைரம் யாரிடம் இருக்கிறது? அதை அடுத்ததாக யார் கைப்பற்றப் போகிறார்கள்? என்ற பரபரப்பு போட்டியாளர்கள் மத்தியில் நிலவியது.

வாசன் மறைத்து வைத்திருந்த வைரம் யாராலும் கண்டுபிடிக்கப்படாத நிலையில், அவர் சக போட்டியாளர்களை பிராங்க் செய்யும் வகையில் டைமண்ட் வடிவில் உள்ள செண்ட் பாட்டிலை வைத்து கரீஷ்மா உடன் கேம் ஆடினார். இந்தச் சூழலில் டம்மி வைரத்தை மற்றவர்களுக்குத் தெரியாமல் மறைத்து வைக்கும் முயற்சியில் கரீஷ்மா ஈடுபட்டுள்ளார். அப்போது பிக் பாஸ் வீட்டில் இருந்த சோபா ஒன்றை அவர் சேதப்படுத்தியதாகக் கூறப்படுகிறது. டாஸ்க்கில் வெற்றி பெறுவதற்காக வீட்டில் உள்ள பொருளையே சேதப்படுத்திய சம்பவம் தற்போது புதிய பிரச்சனையாக வெடித்தது.

சோபா சேதமடைந்த விவகாரம் தெரியவந்ததும், அதற்கு யார் காரணம் என்பதைக் கண்டுபிடிக்கும் முயற்சியில் இந்த வார கேப்டன் அன்சர் இறங்கினார். இது தொடர்பான விசாரணையின் போது சோபாவைச் சேதப்படுத்தியது யார் என்பதை அறிய அன்சர் விசாரணை நடத்திய நிலையில், அந்தச் செயலைத் தான்தான் செய்ததாக கரீஷ்மா ஒப்புக்கொள்ளவில்லை. இதனால் இந்த விவகாரம் சாதாரண டாஸ்க் பிரச்சனையாக முடியாமல், போட்டியாளர்களுக்கு இடையே புதிய மோதலை உருவாக்கியது. மோதலுடன் இந்த வார டாஸ்க்குகள் முடிவுக்கு வந்தன.

பிக் பாஸ் வீட்டில் கடந்த வாரம் யாருமே எலிமினேட் செய்யப்படவில்லை. இந்த நிலையில், இந்த வாரம் டபுள் எவிக்‌ஷன் நடைபெற வாய்ப்புள்ளதாம். அதில் மக்கள் அளித்த வாக்குகளில் கம்மியான வாக்குகளை பெற்ற போட்டியாளர் எலிமினேட் ஆக உள்ளார். அதன்படி சாந்தினி தான் கம்மியான வாக்குகளை பெற்றிருக்கிறார். அவர் கன்பார்ம் எலிமினேட் ஆக உள்ளார். சாந்தினிக்கு அடுத்தபடியாக கம்மியான வாக்குகளை வாங்கிய போட்டியாளர் என்றால் அது ஷமா தான். ஆனால் அவரிடம் எவிக்‌ஷன் ஃப்ரீ பாஸ் உள்ளதால், அவர் இந்த வாரம் எலிமினேட் ஆக முடியாது. அவருக்கு அடுத்தபடியாக கம்மியான வாக்குகளை வாங்கி உள்ள போட்டியாளர்கள் என்றால் அக்‌ஷிதா மற்றும் அவினாஷ் தான். அவர்கள் இருவரில் ஒருவர் எலிமினேட் ஆக வாய்ப்பு உள்ளது.

இந்த வாரம் நாமினேட் ஆகி இருந்தவர்களில், டிடிஎஃப் வாசன் தான் அதிகபட்சம் வாக்குகளை பெற்று முதலிடத்தை பெற்றிருந்தார். அதுமட்டுமின்றி இந்த வாரம் நடந்த டைமண்ட் ஹெய்ஸ்ட் டாஸ்க்கிலும் டிடிஎஃப் வாசன் வெற்றி பெற்றார் என்பது குறிப்பிடத்தக்கது.

Bigg Boss 10 : பிக் பாஸ் சர்வைவல் டாஸ்க்கில் ட்விஸ்ட்... ரெட் டீம் முதுகில் குத்திய ஜேசன்; திடீரென ப்ளூ டீமுக்கு தாவியதால் பரபரப்பு

Ganesh A — Tue, 20 Oct 2026 16:11:27 +0530

Jason Supports Blue Team : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெறும் சர்வைவல் டாஸ்கில், ரெட் டீமில் இருந்த் ஜேசன் திடீரென் ப்ளூ டீம் பக்கம் சாய்ந்துள்ளதால் பரபரப்பு நிலவி உள்ளது.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. மக்கள் செல்வன் விஜய் சேதுபதி தொகுத்து வழங்கும் இந்த நிகழ்ச்சி, கடந்த செப்டம்பர் 6ஆம் தேதி தொடங்கியது. தற்போது 44 நாட்களைக் கடந்து ஏழாவது வாரத்தில் அடியெடுத்து வைத்துள்ள நிலையில், போட்டியாளர்களுக்கு இடையேயான மோதல்களும் சூடுபிடிக்கத் தொடங்கியுள்ளன.

குறிப்பாக, இந்த வாரம் அறிமுகப்படுத்தப்பட்டுள்ள சர்வைவல் டாஸ்க் பிக் பாஸ் வீட்டில் புதிய பிரச்சினைகளுக்கு வழிவகுத்துள்ளது. போட்டியாளர்கள் ரெட் டீம் மற்றும் ப்ளூ டீம் என இரண்டு அணிகளாகப் பிரிக்கப்பட்டுள்ளனர். ஒவ்வொரு அணியும் தங்களுக்குத் தேவையான பொருட்கள் மற்றும் வசதிகளுக்காக மற்ற அணியிடம் கோரிக்கைகளை முன்வைக்கலாம் என்ற விதிமுறை கொண்டுவரப்பட்டுள்ளது.

அக்டோபர் 20ஆம் தேதியான இன்று சர்வைவல் டாஸ்க்கின் முதல் நாள் நடைபெறும் நிலையில், ஆரம்பத்திலேயே ப்ளூ டீம் வெற்றியைத் தன்வசப்படுத்தியுள்ளது. இதனால் அந்த அணிக்கு கூடுதல் அதிகாரம் வழங்கப்பட்டுள்ளது. இதற்கிடையில், இந்த வாரத்திற்கான பட்ஜெட் டாஸ்க் தொடர்பாக வெளியாகியுள்ள புதிய ப்ரோமோ ரசிகர்களிடையே பரபரப்பை ஏற்படுத்தியுள்ளது. அதில், கிச்சனைப் பயன்படுத்துவது தொடர்பாக இரு அணிகளுக்கும் இடையே பேச்சுவார்த்தை நடைபெறுகிறது.

அப்போது ரெட் அணியைச் சேர்ந்த அவினாஷ், வாரத்திற்கான பட்ஜெட்டை இரு அணிகளும் சரிபாதியாகப் பிரித்துக்கொள்ளலாம் எனத் தெரிவிக்கிறார். மேலும், ப்ளூ டீம் கிச்சனில் உள்ள கேஸ் அடுப்பை வைத்துக்கொள்ளலாம் என்றும் தனது தரப்பிலிருந்து நிபந்தனையை முன்வைக்கிறார். ரெட் அணியின் தலைவரைப் போல அவினாஷ் பேச்சுவார்த்தையை முன்னெடுத்த நிலையில், அவரது கோரிக்கையை ஏற்க விரும்பாத ப்ளூ டீம் போட்டியாளர்கள் அங்கிருந்து எழுந்து செல்கின்றனர்.

இந்த விவகாரத்தில் யாரும் எதிர்பாராத வகையில் ஜேசன் நடந்துகொண்டதுதான் ப்ரோமோவின் முக்கிய திருப்பமாக அமைந்துள்ளது. ரெட் அணியில் இருக்கும் ஜேசன், தனது அணியைச் சேர்ந்த அவினாஷுக்கு ஆதரவாகப் பேசாமல், ப்ளூ டீம் முன்வைக்கும் கோரிக்கைதான் சரியானது என்ற வகையில் கருத்து தெரிவிக்கிறார். இதனால் இரு அணிகளுக்கும் இடையே நிலவிய கருத்து வேறுபாடு மேலும் அதிகரிக்கிறது. ஜேசனின் பேச்சைக் கேட்ட ப்ளூ அணியைச் சேர்ந்த அன்சர், அவரை ரெட் டீமிலிருந்து வெளியேறி தங்களுடைய அணிக்கு வந்துவிடுமாறு அழைக்கிறார்.

ஏற்கெனவே கடந்த வாரம் அவினாஷுக்கும் ஜேசனுக்கும் இடையே கடுமையான கருத்து மோதல் ஏற்பட்டிருந்தது. அந்தப் பிரச்சினையின் தொடர்ச்சியாகத்தான் தற்போது ஜேசன் தனது அணிக்கு எதிராகப் பேசுகிறாரா என்ற கேள்வி ரசிகர்கள் மத்தியில் எழுந்துள்ளது. ஜேசன் உண்மையிலேயே ப்ளூ டீமுக்கு மாறுவாரா அல்லது சர்வைவல் டாஸ்க்கில் புதிய உத்தியைப் பயன்படுத்துகிறாரா என்பது முழு எபிசோடில் தெரியவரும்.

மறுபுறம், இந்த வாரத்திற்கான எவிக்ஷன் ஃப்ரீ பாஸை டிடிஎஃப் வாசன் பெற்றுள்ளார். இருப்பினும், பிக் பாஸ் வீட்டில் அவரது செயல்பாடுகள் குறித்து சக போட்டியாளர்களிடையே அதிருப்தி இருப்பது தெரியவந்துள்ளது. குறிப்பாக, வாசன் வீட்டிற்குள் தனது முழுமையான பங்களிப்பை வழங்கவில்லை என்றும், போட்டியில் எதிர்பார்த்த அளவுக்குச் செயல்படவில்லை என்றும் கூறி முகேஷ் மற்றும் லட்சுமி பிரியா ஆகிய இருவரும் அவரை நாமினேட் செய்துள்ளனர். எவிக்ஷன் ஃப்ரீ பாஸ் கிடைத்திருக்கும் சூழலிலும் வாசனின் ஆட்டம் விமர்சனத்திற்கு உள்ளாகியிருப்பது ரசிகர்களிடையே பேசுபொருளாகியுள்ளது.

ஏழாவது வாரத்தின் தொடக்கத்திலேயே சர்வைவல் டாஸ்க், கிச்சன் பிரச்சினை, அணிகளுக்கிடையேயான அதிகாரப் போட்டி என அடுத்தடுத்த சம்பவங்கள் அரங்கேறி வருகின்றன. அதிலும் அவினாஷ் - ஜேசன் இடையேயான கருத்து வேறுபாடு தற்போது அணிகளுக்கிடையேயான மோதலாக மாறும் சூழல் உருவாகியுள்ளது.

இனி வரும் நாட்களில் போட்டியாளர்கள் தங்களுடைய அணிக்காக ஒற்றுமையாக விளையாடுவார்களா அல்லது தனிப்பட்ட பிரச்சினைகளால் அணிக்குள்ளேயே பிளவு ஏற்படுமா என்பதைப் பொறுத்திருந்துதான் பார்க்க வேண்டும். மொத்தத்தில், இந்த வார சர்வைவல் டாஸ்க் பிக் பாஸ் வீட்டில் பல அதிரடி திருப்பங்களை ஏற்படுத்தும் என எதிர்பார்க்கப்படுகிறது.

Bigg Boss 10 : ரெட் டீமுக்கு ஆப்பு வைத்த ப்ளூ டீம்.. கிச்சனுக்கு பூட்டு! பிக்பாஸ் வீட்டில் ஆரம்பமான அடுத்த யுத்தம்!

Ganesh A — Wed, 21 Oct 2026 16:30:39 +0530

Bigg Boss Tamil Survival Battle : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெற்று வரும் டாஸ்க்கில் ரெட் டீம் வென்றதா? ப்ளூ டீம் வென்றதா என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி நாளுக்கு நாள் பரபரப்பைக் கூட்டி வருகிறது. போட்டியாளர்களுக்கு இடையேயான மோதல்கள், எதிர்பாராத திருப்பங்கள், வித்தியாசமான டாஸ்க்குகள் என இந்த சீசன் ரசிகர்களின் கவனத்தை ஈர்த்து வருகிறது. தற்போது 44 நாட்களைக் கடந்து 45-வது நாளை எட்டியுள்ள நிலையில், ஏழாவது வாரத்தில் நடைபெற்று வரும் சர்வைவல் பேட்டில் டாஸ்க் பிக்பாஸ் வீட்டையே போர்க்களமாக மாற்றியுள்ளது.

இந்த வாரம் போட்டியாளர்கள் சிவப்பு மற்றும் நீலம் என இரண்டு அணிகளாகப் பிரிக்கப்பட்டு சர்வைவல் பேட்டில் டாஸ்க்கில் விளையாடி வருகின்றனர். இதில் வெற்றிபெறும் அணிக்கு கூடுதல் சலுகைகள் வழங்கப்படும் நிலையில், தோல்வியைச் சந்திக்கும் அணியினர் தங்களது அடிப்படைத் தேவைகளுக்குக்கூட போராட வேண்டிய சூழல் உருவாகியுள்ளது.

இதனால் ஒவ்வொரு போட்டியிலும் வெற்றிபெற வேண்டும் என்ற முனைப்புடன் இரு அணியினரும் தீவிரமாக விளையாடி வருகின்றனர். அதேசமயம், அணிகளுக்கு இடையே ஏற்பட்ட போட்டி மனப்பான்மை தற்போது தனிப்பட்ட மோதலாகவும் மாறத் தொடங்கியுள்ளது.

ரெட் டீமின் கேப்டன்ஷிப் மீது தனக்கு நம்பிக்கை இல்லை என ஜேசன் தெரிவித்தது புதிய பிரச்சனைக்கு வழிவகுத்துள்ளது. இதைக் கேட்ட டிடிஎஃப் வாசன், இந்த விஷயத்தை முன்பே தெரிவித்திருக்கலாமே என ஜேசனிடம் கேள்வி எழுப்புகிறார். அதற்குப் பதிலளித்த ஜேசன், ஆரம்பத்தில் எல்லாம் நன்றாகத்தான் இருந்தது என்றும், தற்போது நிலைமை சரியில்லை என்றும் விளக்கம் அளிக்கிறார்.

ஜேசனின் இந்தப் பேச்சால் ஆத்திரமடைந்த அவினாஷ், அவருடன் கடுமையான வாக்குவாதத்தில் ஈடுபடுகிறார். இருவருக்கும் இடையே வார்த்தைப் போர் முற்றிய நிலையில், வெளியே வந்து பார்த்துக்கொள்ளலாம் என ஜேசன் சவால் விடுகிறார். இதனால் மேலும் கோபமடைந்த அவினாஷ், 'என்ன வெளியே வா, வெளியே வானு சொல்ற? இப்பவே வெளியே வர்றேன்.. என்ன பண்ணுவ?' என ஆவேசமாகக் கேட்கிறார்.

ஒருகட்டத்தில் இருவருக்கும் இடையேயான மோதல் தீவிரமடைய, ரெட் டீம் போட்டியாளர்கள் அவினாஷைத் தடுத்து நிறுத்துவது போன்ற காட்சிகள் ப்ரோமோவில் இடம்பெற்றுள்ளன. ஜேசன் அணி மாறிய விவகாரம் ரெட் டீமுக்குள் கடும் அதிருப்தியை ஏற்படுத்தியிருப்பது இதன் மூலம் வெளிப்படுகிறது.

இதற்கிடையில், 45-வது நாளுக்கான இரண்டாவது ப்ரோமோவையும் நிகழ்ச்சிக் குழு வெளியிட்டுள்ளது. அதில் சர்வைவல் பேட்டில் டாஸ்க்கில் இரு அணிகளும் சமமான மதிப்பெண்களைப் பெற்றிருப்பதால், வெற்றியாளரைத் தீர்மானிக்க டை பிரேக்கர் போட்டி நடத்தப்படுகிறது. இந்தப் போட்டியில் நீல நிற அணி வெற்றியைத் தட்டிச் செல்கிறது. வெற்றிபெற்ற அணிக்கு வழங்கப்பட்ட அதிகாரத்தைப் பயன்படுத்தி, சிவப்பு நிற அணியினர் கிச்சனைப் பயன்படுத்துவதற்குத் தடை விதிக்கின்றனர்.

இதனால் ரெட் டீம் போட்டியாளர்கள் உணவு தயாரிப்பதற்குக்கூட சிரமப்படும் சூழல் உருவாகியுள்ளது. ஏற்கெனவே இரு அணிகளுக்கும் இடையே மோதல் அதிகரித்துள்ள நிலையில், ப்ளூ டீமின் இந்த முடிவு மேலும் பதற்றத்தை ஏற்படுத்தும் என எதிர்பார்க்கப்படுகிறது

ஒருபுறம் ஜேசன் - அவினாஷ் இடையேயான மோதல், மறுபுறம் கிச்சனை இழந்த ரெட் டீமின் நிலை என இன்றைய எபிசோடில் பரபரப்புக்குப் பஞ்சமிருக்காது என்பது ப்ரோமோ மூலம் தெரிகிறது. கிச்சன் தடையை ரெட் டீம் எப்படி எதிர்கொள்ளப் போகிறது? ஜேசனுக்கும் அவினாஷுக்கும் இடையே ஏற்பட்ட மோதல் முடிவுக்கு வருமா? அல்லது இந்த சர்வைவல் பேட்டில் டாஸ்க் இன்னும் பெரிய பிரச்சனையை உருவாக்குமா? என்ற எதிர்பார்ப்பு ரசிகர்கள் மத்தியில் எழுந்துள்ளது. தற்போது வெளியாகியுள்ள இந்த இரண்டாவது ப்ரோமோ இணையத்தில் பிக்பாஸ் ரசிகர்களிடையே கவனம் பெற்று வருகிறது.

Bigg Boss : டாஸ்குகளில் மைனிங் மாஃபியாஸை கதறவிட்ட கெள பாய்ஸ்... தன்யா - ஜேசன் இடையே வெடித்த மோதல்

Ganesh A — Thu, 29 Oct 2026 13:41:53 +0530

Cowboys vs Mining Mafia : பிக் பாஸ் தமிழ் சீசன் 10 நிகழ்ச்சியில் கெள பாய்ஸ் மற்றும் மைனிங் மாஃபியா இடையேயான மோதலில் யார் வென்றார்கள் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி ஒவ்வொரு வாரமும் புதிய டாஸ்குகள், போட்டியாளர்களுக்கு இடையிலான மோதல்கள் என விறுவிறுப்பாகச் சென்று கொண்டிருக்கிறது. முந்தைய சீசன்களில் இடம்பெறாத வகையிலான பல சவால்கள் இந்த முறை அறிமுகப்படுத்தப்பட்டு வருவதால், நிகழ்ச்சியின் மீதான எதிர்பார்ப்பும் அதிகரித்துள்ளது.

தற்போது ஏழு வாரங்களைக் கடந்து எட்டாவது வாரத்தில் அடியெடுத்து வைத்துள்ள இந்த நிகழ்ச்சியில், 15 போட்டியாளர்கள் வீட்டிற்குள் தொடர்ந்து விளையாடி வருகின்றனர். போட்டி இறுதிக்கட்டத்தை நோக்கி நகர்வதால், ஒவ்வொரு டாஸ்கிலும் வெற்றி பெற வேண்டும் என்ற முனைப்புடன் போட்டியாளர்கள் செயல்பட்டு வருகின்றனர்.

இந்த வாரம் இரண்டு போட்டியாளர்களிடம் எவிக்‌ஷன் ஃப்ரீ பாஸ் இருக்கும் நிலையில், மீதமுள்ள போட்டியாளர்கள் அனைவரும் நாமினேஷன் பட்டியலில் இடம்பெற்றுள்ளனர். இதனால், இந்த வார எவிக்‌ஷனில் இருந்து தப்பிக்க போட்டியாளர்கள் தங்களது ஆட்டத்தில் கூடுதல் கவனம் செலுத்தி வருகின்றனர்.

இதற்கிடையில், இந்த வார டாஸ்குகளில் போட்டியாளர்கள் இரண்டு அணிகளாகப் பிரிந்து விளையாடி வருகின்றனர். இதில் கௌ பாய்ஸ் அணி தொடர்ந்து வெற்றிகளைப் பெற்று முன்னிலையில் இருக்கிறது, மைனிங் மாஃபியா அணி வெற்றிக்காகப் போராடி வருகிறது நிகழ்ச்சியில் காட்டப்படுகிறது. இதனால் அடுத்தடுத்த டாஸ்குகளில் எந்த அணி வெற்றி பெறும் என்ற எதிர்பார்ப்பு ரசிகர்களிடையே உருவாகியுள்ளது.

இந்த நிலையில், பிக்பாஸ் தமிழ் சீசன் 10 நிகழ்ச்சியின் 53-வது நாளுக்கான முதல் புரோமோ வெளியாகியுள்ளது. அதில், ‘சிந்தாமல்’ என்ற புதிய டாஸ்க் இடம்பெற்றுள்ளது. இந்தச் சவாலில் இரு அணிகளும் தங்களது திறமையை வெளிப்படுத்தத் தயாராகி வருகின்றனர். இந்த டாஸ்கிலும் கெள பாய்ஸ் டீம் தான் வெற்றி பெறுவது போல் தெரிகிறது. இதையடுத்து வாயில் ஸ்ட்ரா வைத்து பந்தை எடுத்து சென்று எதிரே உள்ளே கிளாசில் போடும் டாஸ்க்கும் நடைபெற்றிருக்கிறது. அந்த டாஸ்க்கிலும் மைனிங் மாஃபியாவை கதறவிட்டு வெற்றிபெற்றுள்ளனர் கெள பாய்ஸ்.

இப்படி தொடர்ச்சியாக டாஸ்க்குகளில் தோல்வியடைந்த மைனிங் மாஃபியா அணியினர் டைனிங் டேபிளில் வைத்து டிஸ்கஸ் பண்ணுகிறார்கள். அப்போது தன்யா மற்றும் ஜேசன் இடையே வாக்குவாதம் ஏற்பட்டுள்ளது. அப்போது தன்யா எல்லா டாஸ்கிலும் விளையாட விரும்புவதாக ஜேசன் சொல்ல, அதைக்கேட்டு டென்சன் ஆன தன்யா கோபத்தில் கத்துகிறார். அப்போது ஜேசன் குறுக்கிட்டு நீ இதுமட்டும் தான் பண்ணுவ என மட்டம் தட்டி பேசுகிறார். அதனால் கடுப்பான தன்யா, இப்படி சொன்னா நான் அசிங்கமா பேசுவேன் என சொல்கிறார்.

ஒரு கட்டத்தில் வார்த்தை மோதல் முற்றி, நீ அசிங்கமா பேசி பாரு என ஜேசன் சொன்னதும், தன்னுடைய காலில் இருக்கு செருப்பை கழட்டி, நீ இதுக்கு கூட சமமில்லை என சொல்கிறார். அதற்கு ஜேசன், நீயும் அதுவும் ஒன்னு என பதிலடி கொடுக்கிறார். இதனால் இன்றைய எபிசோடில் தன்யா - ஜேசன் மோதல் ஹைலைட்டாக இருக்கும் என எதிர்பார்க்கப்படுகிறது.

ஏற்கெனவே வெற்றிப் பாதையில் இருக்கும் கௌ பாய்ஸ் அணி தனது ஆதிக்கத்தைத் தொடருமா? அல்லது இதுவரை வெற்றியைப் பெறப் போராடி வரும் மைனிங் மாஃபியா அணி இந்த முறை வெற்றிக் கணக்கைத் தொடங்குமா? என்பதற்கான விடை இன்றைய எபிசோடில் தெரியவரும். இதனால் 53-வது நாள் டாஸ்க் குறித்த எதிர்பார்ப்பு ரசிகர்களிடையே அதிகரித்துள்ளது.

Bigg Boss : வைரத்தை அபேஸ் பண்ணியது யார்? விசாரணை வளையத்தில் சிக்கிய டிடிஎஃப் வாசன் - உண்மையை கண்டுபிடிப்பாரா ஜேசன்?

Ganesh A — Thu, 15 Oct 2026 11:51:19 +0530

Bigg Boss Diamond Heist Task : பிக் பாஸ் தமிழ் சீசன் 10 நிகழ்ச்சியில் வைரத்தை திருடிய டிடிஎஃப் வாசனிடம் விசாரணை நடைபெற்று வருகிறது. அதில் உண்மை வெளிவருமா என்பதை பார்க்கலாம்.

பிக்பாஸ் தமிழ் சீசன் 10 நிகழ்ச்சி 39-வது நாளை எட்டியுள்ள நிலையில், ஆறாவது வாரத்தில் போட்டி மேலும் விறுவிறுப்படைந்துள்ளது. வீட்டில் எஞ்சியுள்ள 18 போட்டியாளர்களுக்கும் ஒரே நேரத்தில் இரண்டு டாஸ்க்குகள் வழங்கப்பட்டுள்ளன. டைமண்ட் ஹீய்ஸ்ட் மற்றும் டான்ஸ் மாரத்தான் எனப் பெயரிடப்பட்டுள்ள இந்த இரண்டு போட்டிகளிலும் சிறப்பாகச் செயல்படுபவர்களுக்கு சலுகைகள் கிடைக்கும் என்று பிக்பாஸ் அறிவித்திருந்தார். இதற்கிடையில், டைமண்ட் ஹீய்ஸ்ட் டாஸ்க்கில் நடந்துள்ள ஒரு சம்பவம் வீட்டில் பரபரப்பை ஏற்படுத்தியுள்ளது.

பிக் பாஸ் வீட்டில் அனல்பறக்கும் டாஸ்க்... டைமண்ட் பாக்ஸை திறந்த கரிஷ்மா; அவினாஷிடம் பொங்கிய ஜேசன்.. என்ன நடந்தது?

பிக்பாஸ் வீட்டில் வைக்கப்பட்டிருந்த வைரம் யாருக்கும் தெரியாமல் திருடப்பட்டுள்ளது. நேற்றைய எபிசோடில் டிடிஎஃப் வாசன் திட்டமிட்டபடி வைரத்தை எடுத்துப் பதுக்கி வைத்தார். அவர் வைரத்தை எடுத்தது அவினாஷ் மற்றும் தன்யாவுக்கு மட்டும் தான் தெரியும். ஆனால் அவினாஷ் அந்த விஷயத்தை அஸ்மிதாவிடம் சொல்லிவிட, விஷயம் வீடு முழுக்க பரவி, வைரம் எங்கே மறைத்து வைக்கப்பட்டுள்ளது என்பதைக் கண்டுபிடிக்க முயற்சி செய்து வருகின்றனர். அவர்கள் வீட்டையே சல்லடை போட்டு தேடியும் வைரம் கிடைக்கவில்லை.

இரவு முழுக்க மற்ற போட்டியாளர்கள் வைரத்தை தேட, டிடிஎஃப் வாசன் மட்டும் ஹாயாக தூங்கிவிட்டார். அவர் வைரத்தை பாத்ரூமில் உள்ள ஏசி வெண்டினுள் தான் வைத்திருக்கிறார். அந்த இடத்தை பிருத்வி கிட்டத்தட்ட நெருங்கிவிட்ட போதிலும் அவரால் வைரத்தை கண்டுபிடிக்க முடியவில்லை. இந்தச் சூழலில், இன்றைய எபிசோடுக்கான முதல் புரோமோ வெளியாகி ரசிகர்களின் கவனத்தை ஈர்த்துள்ளது. அதில், காணாமல் போன வைரத்தைக் கண்டுபிடிப்பதற்காக மூன்று பேர் கொண்ட விசாரணைக் குழு அமைக்கப்பட்டுள்ளது. அவினாஷ், ஜேசன் மற்றும் வினோத் பாபு ஆகியோர் இந்தக் குழுவில் இடம்பெற்றுள்ளனர்.

மேலும், தன்யா, கரிஷ்மா மற்றும் டிடிஎஃப் வாசன் ஆகிய மூவரையும் விசாரணைக் குழு சந்தேகத்தின் அடிப்படையில் விசாரிக்கவுள்ளது. உண்மையில் வைரத்தைத் திருடியது யார், அது எங்கு மறைத்து வைக்கப்பட்டுள்ளது என்பதைக் கண்டுபிடிப்பதில் போட்டியாளர்கள் தீவிரமாக இறங்கியுள்ளனர். முதலில் தன்யாவிடம் தான் இந்த விசாரணை நடத்தப்படுகிறது. அவர் தனக்கு தெரியவே தெரியாது என ஒற்றைக் காலில் நிற்கிறார். ஜேசன், வினோத் பாபு ஆகியோர் பல கேள்விகள் கேட்டு மடக்கினாலும் தன்யா அதற்கெல்லாம் அசரவில்லை.

வைரத் திருட்டின் பின்னணியில் இருக்கும் உண்மை என்ன? விசாரணையில் யார் சிக்கப் போகிறார்கள்? என்ற எதிர்பார்ப்பை இன்றைய புரோமோ ஏற்படுத்தியுள்ளது. இந்தக் காட்சிகள் தற்போது பிக்பாஸ் ரசிகர்கள் மத்தியில் பேசுபொருளாகியுள்ளன. அதுமட்டுமின்றி இந்த வார இறுதிவரை வைரத்தை யாரும் கண்டுபிடிக்காவிட்டால், டிடிஎஃப் வாசன் இந்த டாஸ்க்கில் வெற்றிபெற்றுவிடுவார். அதோடு அவருக்கு எவிக்‌ஷன் ஃப்ரீ பாஸும் வழங்கப்பட்டுவிடும்.

Bigg Boss : பகையை மறந்து பாசமலர்களாக மாறிய பிக் பாஸ் ஹவுஸ்மேட்ஸ்... எவிக்‌ஷனில் காத்திருக்கும் அடிபொலி ட்விஸ்ட்

Ganesh A — Fri, 09 Oct 2026 15:27:02 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் நடைபெற்ற லெட்டர் டாஸ்கால் போட்டியாளர்கள் அனைவரும் எமோஷனல் ஆகி உள்ளனர். அதைப்பற்றி இங்கே பார்க்கலாம்.

விஜய் சேதுபதி தொகுத்து வழங்கி வரும் பிக் பாஸ் தமிழ் சீசன் 10 நிகழ்ச்சி நாளுக்கு நாள் விறுவிறுப்பாக நகர்ந்து வருகிறது. போட்டியாளர்களுக்கு இடையேயான மோதல்கள், கருத்து வேறுபாடுகள், புதிய டாஸ்க்குகள் எனப் பரபரப்புக்குப் பஞ்சமில்லாமல் நிகழ்ச்சி ஒளிபரப்பாகி வருகிறது. இந்த நிலையில், தற்போது வெளியாகியுள்ள புதிய புரோமோ பார்வையாளர்களின் கவனத்தை ஈர்த்துள்ளது.

2026 செப்டம்பர் 6ஆம் தேதி தொடங்கிய இந்த நிகழ்ச்சி, அக்டோபர் 9ஆம் தேதியுடன் 34வது நாளை நெருங்கியுள்ளது. வீட்டில் போட்டியாளர்கள் தங்களுடைய இடத்தைத் தக்கவைத்துக் கொள்ளத் தீவிரமாக விளையாடி வரும் நிலையில், ஐந்தாவது வாரத்தில் மூன்று வைல்டு கார்டு போட்டியாளர்களின் வருகையும் ஆட்டத்தின் போக்கில் புதிய மாற்றங்களை ஏற்படுத்தியுள்ளது. டிடிஎஃப் வாசன், அக்ஷிதா அசோக், கரீஷ்மா உள்ளிட்டோர் வைல்டு கார்டு மூலம் வீட்டிற்குள் நுழைந்துள்ளனர்.

இந்தச் சூழலில், இந்த வார வீட்டுத் தலைவராக அக்ஷிதா பொறுப்பேற்றுள்ளார். வீட்டிற்குள் தொடர்ந்து சண்டைகளும் வாக்குவாதங்களும் நடைபெற்று வந்த நிலையில், தற்போது போட்டியாளர்களின் இன்னொரு பக்கத்தை வெளிப்படுத்தும் வகையில் புதிய டாஸ்க் ஒன்று நடத்தப்பட்டுள்ளது.

பிக் பாஸ் நிகழ்ச்சியின் ஐந்தாவது வார இறுதியை முன்னிட்டு, போட்டியாளர்களுக்கு 'என் அன்பிற்கினிய' என்ற உணர்ச்சிகரமான டாஸ்க் வழங்கப்பட்டுள்ளது. இந்த டாஸ்க்கில், தங்களுக்குப் பிடித்தமான நபர்கள், வீட்டில் இருக்கும் சக போட்டியாளர்கள் மீதான அன்பு மற்றும் தங்களுடைய குடும்பத்தினரைப் பிரிந்திருப்பதால் ஏற்படும் ஏக்கம் போன்ற உணர்வுகளை ஒரு அட்டையில் எழுதி, அனைவருக்கும் முன்னால் வாசிக்க வேண்டும்.

வழக்கமாகப் போட்டி, சண்டை, வாக்குவாதம் எனத் தங்களுடைய உணர்ச்சிகளை வெளிப்படுத்தி வந்த போட்டியாளர்கள், இந்த டாஸ்க்கில் மனதில் இருக்கும் அன்பையும் குடும்பத்தின் மீதான பாசத்தையும் பகிர்ந்துகொண்டுள்ளனர். தங்களுடைய அன்புக்குரியவர்களை நினைவுகூர்ந்து அவர்கள் பேசியபோது, வீட்டில் உணர்ச்சிகரமான சூழல் உருவானது.

போட்டியாளர்கள் தங்களுடைய மனதில் இருந்த ஏக்கங்களைப் பகிர்ந்துகொண்டதைத் தொடர்ந்து, பலரும் கண்கலங்கியதாகப் புரோமோவில் காட்டப்பட்டுள்ளது. வீட்டிற்குள் ஒருவருடன் ஒருவர் மோதிக்கொண்டாலும், ஒவ்வொருவருக்கும் வெளியில் ஒரு குடும்பமும், பிரிவின் வலியும் இருப்பதை இந்த டாஸ்க் உணர்த்தும் வகையில் அமைந்துள்ளது.

பிக் பாஸ் வீட்டில் இதுவரை சண்டைகளையும் வாக்குவாதங்களையும் பார்த்து வந்த ரசிகர்களுக்கு, இந்த உருக்கமான காட்சிகள் வித்தியாசமான அனுபவத்தை அளித்துள்ளன. போட்டியாளர்கள் தங்களுடைய உணர்வுகளை வெளிப்படுத்தும் காட்சிகள் அடங்கிய புரோமோ தற்போது ரசிகர்கள் மத்தியில் கவனத்தைப் பெற்று வருகிறது.

ஐந்தாவது வாரத்தின் இறுதிக்கட்டத்தை எட்டியுள்ள நிலையில், போட்டியாளர்களின் உண்மையான உணர்வுகளையும் அவர்களுக்குள் இருக்கும் உறவுகளையும் இந்த டாஸ்க் வெளிப்படுத்துமா என்ற எதிர்பார்ப்பும் ஏற்பட்டுள்ளது. அதே நேரத்தில், இந்த வாரம் யார் வெளியேறப் போகிறார்கள் என்ற கேள்வியும் ரசிகர்கள் மத்தியில் நீடிக்கிறது.

ஒவ்வொரு வாரமும் நடைபெறும் எவிக்ஷன் தொடர்பான எதிர்பார்ப்பு தற்போது அதிகரித்துள்ளது. இந்த வாரம் யார் வீட்டைவிட்டு வெளியேறுவார்கள் என்பது இன்னும் உறுதியாகத் தெரியவில்லை. இதற்கிடையில், இந்த வாரம் வெளியேற்றம் நடைபெறாமல் இருக்கவும் வாய்ப்புள்ளதாகச் சில தகவல்கள் வெளியாகியுள்ளன. இருப்பினும், இதுகுறித்து நிகழ்ச்சித் தரப்பிலிருந்து அதிகாரப்பூர்வ அறிவிப்பு வெளியாகும் வரை காத்திருக்க வேண்டியுள்ளது.

சண்டைகளால் பரபரப்பாகச் சென்ற பிக் பாஸ் தமிழ் சீசன் 10, தற்போது குடும்பப் பாசம் மற்றும் பிரிவின் வலியை வெளிப்படுத்தும் உணர்ச்சிகரமான தருணங்களைக் கொண்டுவந்துள்ளது. இந்த வார இறுதியில் விஜய் சேதுபதி போட்டியாளர்களிடம் என்ன பேசப்போகிறார், யார் வீட்டில் தொடரப்போகிறார்கள் என்பதைக் காண ரசிகர்கள் ஆவலுடன் காத்திருக்கின்றனர்.

TTF Vasan : டிடிஎஃப் வாசனுக்கு ரெட் கார்டு? வீக் எண்டில் விஜய் சேதுபதி வைக்கப்போகும் செக்..!

Ganesh A — Tue, 20 Oct 2026 21:39:31 +0530

Red Card for TTF Vasan? பிக் பாஸ் தமிழ் சீசன் 10 நிகழ்ச்சியில், முகேஷ் உடன் சண்டையிட்டதற்காக டிடிஎஃப் வாசனுக்கு ரெட் கார்டு கொடுக்கப்பட வாய்ப்பு இருப்பதாக இணையத்தில் தகவல் பரவி வருகிறது.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி தற்போது அடுத்தடுத்த சர்ச்சைகளால் சூடுபிடிக்கத் தொடங்கியுள்ளது. மக்கள் செல்வன் விஜய் சேதுபதி தொகுத்து வழங்கும் இந்த நிகழ்ச்சியில், போட்டியாளர்களுக்கு இடையே நாளுக்கு நாள் மோதல்கள் அதிகரித்து வருகின்றன. அந்த வகையில், தற்போது டிடிஎஃப் வாசன் மற்றும் முகேஷ் இடையே ஏற்பட்டுள்ள கடுமையான வாக்குவாதம் சமூக வலைதளங்களில் பேசுபொருளாக மாறியுள்ளது. குறிப்பாக, முகேஷை தாக்குவதற்காக வாசன் ஆவேசமாகச் சென்ற வீடியோ இணையத்தில் வைரலாகி வருகிறது. இதனால் அவருக்கு ரெட் கார்டு வழங்கப்பட்டு பிக் பாஸ் வீட்டிலிருந்து வெளியேற்றப்பட வாய்ப்புள்ளதாகத் தகவல்கள் பரவி வருகின்றன.

பிக் பாஸ் சீசன் 10 தொடங்கியதிலிருந்து போட்டியாளர்களுக்கு பல்வேறு சவாலான டாஸ்க்குகள் வழங்கப்பட்டு வருகின்றன. கடந்த வாரம் நடைபெற்ற எவிக்ஷனில் மக்களின் வாக்குகள் அடிப்படையில் சாந்தினி வெளியேறினார். அதேபோன்று எதிர்பாராத விதமாக அறுவை சிகிச்சை காரணமாக ராகவ்வும் போட்டியிலிருந்து விலகினார்.

இதற்கிடையில், கடந்த வாரம் நடைபெற்ற டைமண்ட் சேகரிக்கும் டாஸ்க்கில் டிடிஎஃப் வாசனின் செயல்பாடுகள் ரசிகர்களின் கவனத்தை ஈர்த்தன. அந்த டாஸ்க்கில் அவர் விளையாடிய விதம் சமூக வலைதளங்களில் பேசப்பட்டதுடன், அவரது ரசிகர்களிடமும் நல்ல வரவேற்பைப் பெற்றது. இதனால் அடுத்தடுத்த டாஸ்க்குகளிலும் வாசன் தனது திறமையை வெளிப்படுத்துவார் என ரசிகர்கள் எதிர்பார்த்துக் காத்திருந்தனர். ஆனால், தற்போது அவருடைய கோபமே போட்டியில் அவருக்குப் பின்னடைவாக மாறிவிடுமோ என்ற கேள்வி எழுந்துள்ளது.

இந்த வாரம் பிக் பாஸ் வீட்டில் சர்வைவல் டாஸ்க் அறிமுகப்படுத்தப்பட்டுள்ளது. இதற்காக வீடு ரெட் டீம் மற்றும் ப்ளூ டீம் என இரண்டு அணிகளாகப் பிரிக்கப்பட்டுள்ளது. ஒவ்வொரு அணியிலும் தலா எட்டு போட்டியாளர்கள் இடம்பெற்றுள்ளனர். இதன் ஒரு பகுதியாக நடைபெற்ற கிராசரி டாஸ்க்கில், அடுக்கி வைக்கப்பட்டிருந்த செங்கற்களை கவண் மூலம் குறிவைத்து அடிக்க வேண்டும் என்ற சவால் வழங்கப்பட்டது.

ஆனால், முதல் இரண்டு முயற்சிகளிலும் டாஸ்க் சரியாக நடைபெறாததால் போட்டியாளர்களிடையே குழப்பம் ஏற்பட்டது. இதையடுத்து பிக் பாஸே தலையிட்டு விதிமுறைகளை மாற்றியதாகக் கூறப்படுகிறது. அதன்படி, ஒவ்வொரு அணியிலிருந்தும் தலா ஒருவர் சென்று விளையாட வேண்டும் என அறிவிக்கப்பட்டது. இறுதியில் இந்த டாஸ்க்கில் ப்ளூ டீம் வெற்றியைத் தன்வசப்படுத்தியது.

இந்த டாஸ்க்கிற்கு இடையேதான் டிடிஎஃப் வாசன் மற்றும் முகேஷ் இடையே கடுமையான வாக்குவாதம் ஏற்பட்டது. முகேஷ் தன்னிடம் மரியாதைக் குறைவாகப் பேசியதால் வாசன் ஆத்திரமடைந்து, ஒரு கட்டத்தில் கோபத்தைக் கட்டுப்படுத்த முடியாமல் அவரை நோக்கி அடிக்கப் பாய்ந்தார்.

இது தொடர்பாக இணையத்தில் பரவி வரும் வீடியோவில், வாசன் கடும் கோபத்துடன் முகேஷை நோக்கிச் செல்வது போன்ற காட்சிகள் இடம்பெற்றுள்ளது. அப்போது அருகிலிருந்த மற்ற போட்டியாளர்கள் இருவருக்கும் இடையே ஏற்பட்ட மோதலைத் தடுக்க முயற்சித்துள்ளனர். இந்தச் சம்பவம் ரசிகர்கள் மத்தியில் அதிர்ச்சியை ஏற்படுத்தியுள்ள நிலையில், பிக் பாஸ் வீட்டின் விதிமுறைகளை வாசன் மீறியுள்ளாரா என்ற விவாதமும் எழுந்துள்ளது.

பிக் பாஸ் வீட்டில் போட்டியாளர்கள் ஒருவரை ஒருவர் உடல்ரீதியாகத் தாக்குவது கடுமையான விதிமீறலாகக் கருதப்படுகிறது. இதனால் வாசனின் செயல்பாடு குறித்து வார இறுதி நிகழ்ச்சியில் விஜய் சேதுபதி கேள்வி எழுப்ப வாய்ப்புள்ளதாக ரசிகர்கள் கருத்து தெரிவித்து வருகின்றனர். மேலும், இந்த மோதல் காரணமாக வாசனுக்கு ரெட் கார்டு வழங்கப்பட்டு நிகழ்ச்சியிலிருந்து வெளியேற்றப்படலாம் என்ற தகவலும் இணையத்தில் வேகமாகப் பரவி வருகிறது.

இருப்பினும், வாசனுக்கு ரெட் கார்டு வழங்கப்படுவது குறித்து இதுவரை அதிகாரப்பூர்வ அறிவிப்பு வெளியாகவில்லை. எனவே, அவர் வெளியேற்றப்படுவார் என உறுதியாகக் கூற முடியாது. இதற்கிடையில், மோதலுக்குப் பிறகு முகேஷிடம் வாசன் மன்னிப்பு கேட்டதாகவும், அதனை முகேஷ் ஏற்றுக்கொண்டதாகவும் தகவல்கள் தெரிவிக்கின்றன.

பிக் பாஸ் சீசன் 10 தொடக்கத்தில் எதிர்பார்த்த அளவுக்குச் சுவாரஸ்யமாக இல்லை என ரசிகர்கள் சிலர் விமர்சித்து வந்தனர். இந்தச் சூழலில் டிடிஎஃப் வாசனின் வருகைக்குப் பிறகு நிகழ்ச்சியின் மீதான ஆர்வம் அதிகரித்ததாகவும், டிஆர்பியில் முன்னேற்றம் ஏற்பட்டதாகவும் சமூக வலைதளங்களில் பேசப்பட்டது.

குறிப்பாக, டைமண்ட் டாஸ்க்கில் வாசன் வெளிப்படுத்திய ஆட்டம் அவரது ரசிகர்களை உற்சாகப்படுத்தியிருந்தது. ஆனால், தற்போது முகேஷுடன் ஏற்பட்டுள்ள மோதல் அவரது பிக் பாஸ் பயணத்திற்கே சிக்கலாக மாறக்கூடும் என்ற அச்சம் ரசிகர்களிடையே எழுந்துள்ளது.

ஒருபுறம் வாசனுக்கு ஆதரவாக ரசிகர்கள் கருத்து தெரிவித்து வரும் நிலையில், மறுபுறம் பிக் பாஸ் வீட்டில் கோபத்தைக் கட்டுப்படுத்துவது அவசியம் என்றும் பலர் விமர்சித்து வருகின்றனர். முகேஷுடனான மோதலை விஜய் சேதுபதி எப்படிக் கையாளப்போகிறார்? வாசனுக்கு எச்சரிக்கை மட்டும் வழங்கப்படுமா அல்லது ரெட் கார்டு நடவடிக்கை எடுக்கப்படுமா? என்பதுதான் தற்போது ரசிகர்களின் மிகப்பெரிய எதிர்பார்ப்பாக உள்ளது.

Bigg Boss : மைனிங் மாஃபியாஸ் டீமின் கொட்டத்தை அடக்க டிடிஎஃப் வாசன் போட்ட பக்கா ஸ்கெட்ச்... தரமான சம்பவம் வெயிட்டிங்..!

Ganesh A — Tue, 27 Oct 2026 13:00:06 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெறும் டாஸ்க்கில் டிடிஎஃப் வாசன் ஒரு பக்கா பிளான் போட்டுள்ளார். அதைப்பற்றி விரிவாக பார்க்கலாம்.

விஜய் தொலைக்காட்சியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி, நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. கடந்த செப்டம்பர் மாதம் தொடங்கிய இந்த நிகழ்ச்சி, தற்போது 51 நாட்களைக் கடந்து 8வது வாரத்தில் விறுவிறுப்பாகப் பயணித்து வருகிறது. மக்கள் செல்வன் விஜய் சேதுபதி தொகுத்து வழங்கி வந்த இந்த நிகழ்ச்சியில், கடந்த வாரம் நடிகை ரம்யா கிருஷ்ணன் தொகுப்பாளராகக் களமிறங்கியிருந்தார். அவரது வித்தியாசமான தொகுப்பு முறை ரசிகர்களிடையே கவனம் பெற்றது.

கடந்த வாரம் பிக் பாஸ் வீட்டில் போட்டியாளர்கள் ரெட் மற்றும் ப்ளூ என இரண்டு அணிகளாகப் பிரிக்கப்பட்டு, பல்வேறு சவால்களை எதிர்கொண்டனர். பரபரப்பாக நடைபெற்ற இந்தப் போட்டியில் ப்ளூ டீம் வெற்றியைத் தட்டிச் சென்ற நிலையில், ரெட் டீம் தோல்வியைச் சந்தித்தது.

இதனைத் தொடர்ந்து 8வது வாரத்திலும் போட்டியாளர்களுக்கு புதிய சவாலை பிக் பாஸ் அறிவித்துள்ளார். அதன்படி, இந்த வாரம் 'குவிக் கன் கெளபாய்ஸ் Vs மைனிங் மாஃபியாஸ்' என்ற பெயரில் வித்தியாசமான டாஸ்க் அறிமுகப்படுத்தப்பட்டுள்ளது. இதற்கான புதிய ப்ரோமோ வெளியாகி இணையத்தில் கவனம் ஈர்த்து வருகிறது.

இந்த வார டாஸ்க்கில் போட்டியாளர்கள் குவிக் கன் கௌபாய்ஸ் மற்றும் மைனிங் மாஃபியாஸ் என இரண்டு அணிகளாகப் பிரிக்கப்பட்டுள்ளனர். இதில் குவிக் கன் கௌபாய்ஸ் அணியினர் கொள்ளையர்களாகச் செயல்பட உள்ளனர். இவர்கள் டாஸ்க்கில் வெற்றிபெறும் பட்சத்தில், பிக் பாஸ் வீட்டின் கிச்சனுக்குள் புகுந்து அங்குள்ள பொருட்களைக் கொள்ளையடிப்பதுடன், அவற்றைத் தங்களுக்குச் சொந்தமாக்கிக் கொள்ளும் அதிகாரத்தையும் பெறுவார்கள்.

மறுபுறம், மைனிங் மாஃபியாஸ் அணியினர் வீட்டின் உழைப்பாளிகளாக அறிவிக்கப்பட்டுள்ளனர். இவர்கள் போட்டியில் வெற்றிபெற்றால், கௌபாய்ஸ் அணியின் கொள்ளை முயற்சியை முறியடித்து கிச்சனைப் பாதுகாக்க முடியும். இதனால் இந்த வாரம் பிக் பாஸ் வீட்டின் சமையலறையை யார் கைப்பற்றப் போகிறார்கள் என்ற எதிர்பார்ப்பு எழுந்துள்ளது.

இந்த டாஸ்கில் டிடிஎஃப் வாசனின் குவிக் கன் கௌபாய்ஸ் அணியினர் ஒன்றாக அமர்ந்து பிளான் போடுகிறார்கள். அதில் பேசிய டிடிஎஃப், நாம் நம்முடைய காயினை அவர்களுக்கு தெரியும்படியே ஒளித்துவைத்து நமக்கு தேவையான சாப்பாடு எல்லாத்தையுமே வரவைத்துவிடலாம். அவங்களை வெறுப்பேத்தி, அந்த டீமையே சிதைத்துவிடுவோம் என கூறுகிறார். இதன்பின்னர் கெளபாய்ஸ் டீமை சேர்ந்த வீராவாக உள்ள டிடிஎஃப் வாசனின் காயினை ஒளித்து வைக்கிறார்கள். அதை வினோத் பாபு கண்டுபிடித்துவிடுகிறார். காயினோடு வினோத் பாபு வர, அவரிடம் அவன் உங்கள்கிட்ட மாட்டலடா, நீங்கதான் அவன்கிட்ட மாட்டியிருக்கீங்க என அன்சர் கிண்டலடிக்கிறார். இதனால் இன்றைய எபிசோடு அனல்பறக்கும் என எதிர்பார்க்கப்படுகிறது.

ஏற்கெனவே கடந்த வாரம் நடைபெற்ற அணிகளுக்கு இடையேயான போட்டியில் பல்வேறு சுவாரஸ்யமான சம்பவங்கள் அரங்கேறிய நிலையில், இந்த வாரம் அறிமுகமாகியுள்ள புதிய டாஸ்க் போட்டியாளர்களிடையே மேலும் பரபரப்பை ஏற்படுத்தும் என எதிர்பார்க்கப்படுகிறது. குறிப்பாக, உணவுப் பொருட்களைக் கைப்பற்றுவதும், அவற்றைப் பாதுகாப்பதும் இந்த டாஸ்க்கின் முக்கிய அம்சமாக இருப்பதால், இரு அணிகளுக்கும் இடையே கடுமையான போட்டி நிலவ வாய்ப்புள்ளது.

குவிக் கன் கௌபாய்ஸ் அணி கிச்சனை கொள்ளையடிக்குமா? அல்லது மைனிங் மாஃபியாஸ் அணி தங்களது உழைப்பால் கிச்சனைக் காப்பாற்றுமா? என்பதைப் பொறுத்திருந்துதான் பார்க்க வேண்டும். எது எப்படியோ, பிக் பாஸ் வீட்டில் இந்த வாரம் சமையலறையை மையமாக வைத்து ஒரு புதிய ஆட்டம் தொடங்கியிருக்கிறது!

Bigg Boss : பிக் பாஸில் முதல் ஓபன் நாமினேஷன்... இந்த வாரம் சிக்கியது யார்... யார்? முழு லிஸ்ட் இதோ

Ganesh A — Mon, 12 Oct 2026 12:45:00 +0530

Bigg Boss 10 Open Nomination : பிக் பாஸ் தமிழ் சீசன் 10 நிகழ்ச்சியில் இந்த வாரம் ஓபன் நாமினேஷன் நடைபெற்று உள்ளது. அதில் யார்... யார் சிக்கி இருக்கிறார்கள் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி, நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. செப்டம்பர் 6ஆம் தேதி பிரமாண்டமாகத் தொடங்கப்பட்ட இந்த நிகழ்ச்சி, தற்போது ஐந்து வாரங்களைக் கடந்து ஆறாவது வாரத்தில் அடியெடுத்து வைத்துள்ளது. இந்த சீசனில் ஆரம்பம் முதலே எதிர்பாராத சம்பவங்கள், வித்தியாசமான டாஸ்க்குகள், போட்டியாளர்களுக்கு இடையிலான கருத்து வேறுபாடுகள் எனப் பல சுவாரஸ்யமான நிகழ்வுகள் அரங்கேறி வருகின்றன. குறிப்பாக, ஒவ்வொரு வாரமும் பிக் பாஸ் கொடுக்கும் புதிய சவால்கள் வீட்டிற்குள் இருக்கும் போட்டியாளர்களின் உண்மையான முகங்களை வெளிக்கொண்டு வருவதாக ரசிகர்கள் கருத்து தெரிவித்து வருகின்றனர்.

பிக் பாஸ் நிகழ்ச்சியில் ஒவ்வொரு வாரமும் ரசிகர்களிடம் அதிக எதிர்பார்ப்பை ஏற்படுத்தும் முக்கியமான நிகழ்வுகளில் ஒன்று நாமினேஷன். பொதுவாக, போட்டியாளர்கள் தாங்கள் வெளியேற்ற விரும்பும் நபர்களைத் தேர்வு செய்து அதற்கான காரணங்களை பிக் பாஸிடம் தெரிவிப்பார்கள். ஆனால், ஓபன் நாமினேஷன் இதிலிருந்து முற்றிலும் மாறுபட்டது. இதில் யாரை வெளியேற்ற விரும்புகிறோம் என்பதையும், அவரை ஏன் நாமினேட் செய்கிறோம் என்பதையும் சம்பந்தப்பட்ட போட்டியாளர் உட்பட அனைவரின் முன்னிலையிலும் வெளிப்படையாகக் கூற வேண்டும்.

இதனால் அதுவரை நண்பர்களாகப் பழகிய போட்டியாளர்களுக்கு இடையிலும் கருத்து வேறுபாடுகள் ஏற்பட வாய்ப்புள்ளது. சில நேரங்களில் சாதாரணமாகத் தொடங்கும் நாமினேஷன், மிகப்பெரிய வாக்குவாதமாக மாறுவதும் பிக் பாஸ் வீட்டில் வழக்கமான ஒன்றுதான்.

இந்த நிலையில், பிக் பாஸ் தமிழ் சீசன் 10 நிகழ்ச்சியின் முதல் ஓபன் நாமினேஷன் இன்று நடைபெற்றுள்ளது. அதில், இந்த சீசனின் முதல் ஓபன் நாமினேஷன் நடைபெறுவதாக பிக் பாஸ் அறிவிக்கிறார். இதையடுத்து, போட்டியாளர்கள் தாங்கள் வீட்டிலிருந்து வெளியேற வேண்டும் என்று நினைக்கும் சக போட்டியாளர்களின் பெயர்களை அனைவர் முன்னிலையிலும் தெரிவிக்கின்றனர். அதற்கான காரணங்களையும் நேரடியாகக் கூறுவதால் வீட்டிற்குள் பரபரப்பான சூழல் உருவாகிறது.

அதன்படி முதலாவதாக வந்த லட்சுமி பிரியா, வைல்டு கார்டு போட்டியாளரான கரிஷ்மாவை நாமினேட் செய்துள்ளார். அவர் கடந்த வாரம் ஷமாவின் சீக்ரெட் டீலிங் பற்றி சொன்னதால் மிகப்பெரிய பிரச்சனை வெடித்தது. அதனால் கரிஷ்மாவை நாமினேட் செய்துள்ளார் லட்சுமி பிரியா. இதையடுத்து ஜேசனும், வினோத்தும் ஒருவரை ஒருவர் மாறி மாறி நாமினேட் செய்துகொண்டனர். பின்னர் வந்த சாந்தினி அவினாஷை நாமினேட் செய்தார். அவர் அக்‌ஷிதாவின் எண்ட்ரிக்கு பின் ஆக்ரோஷமாக விளையாடுவதாக கூறினார்.

இதுதவிர டிடிஎஃப் வாசன், ஷமா, ஷாதிகா, அக்‌ஷிதா, ஆகியோரும் இந்த வாரம் நாமினேட் ஆகி இருக்கிறார்கள். இதுவரை ஒருவருக்கொருவர் ஆதரவாக இருந்தவர்கள் கூட இந்த நாமினேஷனில் எதிரெதிராக நிற்கும் சூழல் ஏற்பட்டுள்ளதால், ஆறாவது வாரத்தின் தொடக்கமே ரசிகர்களிடம் எதிர்பார்ப்பை அதிகரித்துள்ளது.

பிக் பாஸ் வீட்டில் ஓபன் நாமினேஷன் நடைபெறும்போது போட்டியாளர்களின் உண்மையான நிலைப்பாடு வெளிப்படுவதுடன், வீட்டிற்குள் இருக்கும் நட்பு வட்டாரங்களிலும் மாற்றங்கள் ஏற்படுவது வழக்கம். அந்த வகையில், இந்த வாரம் எந்தப் போட்டியாளர் கூறும் காரணம் மிகப்பெரிய விவாதத்தை ஏற்படுத்தப்போகிறது? இதுவரை ஒற்றுமையாக இருந்தவர்களுக்கு இடையே விரிசல் ஏற்படுமா? போன்ற கேள்விகள் ரசிகர்கள் மத்தியில் எழுந்துள்ளன. மேலும், இந்த நாமினேஷனுக்குப் பிறகு போட்டியாளர்களின் அணுகுமுறையிலும், வீட்டிற்குள் இருக்கும் கூட்டணிகளிலும் மாற்றங்கள் ஏற்படுவதற்கான வாய்ப்புகள் உள்ளன.

Bigg Boss 10 : பிக் பாஸ் சர்வைவல் டாஸ்க்கில் செம ட்விஸ்ட்.. பலம் வாய்ந்த ரெட் டீமுக்கு தண்ணி காட்டும் ப்ளூ டீம்!

Ganesh A — Thu, 22 Oct 2026 17:07:04 +0530

Bigg Boss Survival Task : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெற்றும் வரும் ரெட் டீம் - ப்ளூ டீம் டாஸ்க்கில் எதிர்பாராத பல்வேறு ட்விஸ்ட்கள் அரங்கேறி உள்ளன.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி தற்போது ஏழாவது வாரத்தை எட்டியுள்ளது. முதல் ஆறு வாரங்களைக் கடந்து போட்டி விறுவிறுப்பான கட்டத்தை எட்டியுள்ள நிலையில், இந்த வாரம் போட்டியாளர்களுக்கு வழங்கப்பட்டுள்ள சர்வைவல் டாஸ்க் பிக் பாஸ் வீட்டில் புதிய பிரச்சினைகளுக்கு வழிவகுத்துள்ளது.

ஒவ்வொரு வாரமும் போட்டியாளர்களின் திறமையைச் சோதிக்கும் வகையில் வித்தியாசமான டாஸ்குகளை பிக் பாஸ் வழங்கி வருகிறார். அந்தப் போட்டிகளில் வெற்றி பெறுபவர்களுக்கு சிறப்புச் சலுகைகளும் அளிக்கப்பட்டு வருகின்றன. அந்த வகையில், ஏழாவது வாரத்திற்கான சர்வைவல் டாஸ்கில் போட்டியாளர்கள் ரெட் மற்றும் ப்ளூ என இரண்டு அணிகளாகப் பிரிக்கப்பட்டுள்ளனர்.

இரண்டு அணிகளும் பிரிக்கப்பட்டபோது, ரெட் டீமில் பலமான போட்டியாளர்கள் இருப்பதால் அந்த அணியே பெரும்பாலான போட்டிகளில் வெற்றி பெறும் என்ற எதிர்பார்ப்பு நிலவியது. ஆனால், ஆட்டம் தொடங்கிய பிறகு நிலைமை தலைகீழாக மாறியுள்ளது.

தொடர்ச்சியாக நடைபெற்ற பல்வேறு டாஸ்குகளில் ப்ளூ டீம் சிறப்பாகச் செயல்பட்டு அதிக வெற்றிகளைப் பெற்றுள்ளனர். இதன் மூலம் அவர்களுக்குத் தேவையான பொருட்கள் மற்றும் சலுகைகளையும் தங்கள் வசப்படுத்தியுள்ளனர்.

மறுபுறம், அடுத்தடுத்த தோல்விகளால் ரெட் டீம் அத்தியாவசியப் பொருட்களுக்குக்கூட சிரமப்படும் நிலைக்குத் தள்ளப்பட்டுள்ளனர். இதனால் இரு அணிகளுக்கும் இடையே போட்டி மட்டுமின்றி மோதலும் அதிகரித்துள்ளது.

இந்த நிலையில், ப்ளூ டீம் போட்டியில் வெற்றி பெற்று பெற்றிருந்த நெய் சமையலறையில் வைக்கப்பட்டிருந்தது. அப்போது ரெட் டீமைச் சேர்ந்த முனியம்மா அந்த நெய்யைக் கீழே தள்ளிவிட்டதாகக் கூறப்படுகிறது. இதைக் கண்ட ப்ளூ டீம் கடும் அதிருப்தி அடைந்தனர். உடனடியாக ரெட் டீம் தலைவரான அவினாஷிடம் சென்று நடந்த சம்பவம் குறித்து புகார் தெரிவித்தனர்.

இரு தரப்பினருக்கும் இடையே தொடங்கிய பேச்சுவார்த்தை ஒருகட்டத்தில் வாக்குவாதமாக மாறியது. அப்போது ஆத்திரமடைந்த அவினாஷ், சமையலறையில் இருந்த தோசைக்கல்லைத் தூக்கிக் கீழே போட்டு உடைத்துவிட்டு அங்கிருந்து சென்றது பரபரப்பை ஏற்படுத்தியுள்ளது.

அவினாஷின் இந்தச் செயல் தொடர்பான காட்சிகள் ரசிகர்கள் மத்தியில் விவாதத்தை ஏற்படுத்தியுள்ளன. கோபம் வந்தால் வீட்டில் உள்ள பொருட்களை உடைப்பதா என்றும், தொலைக்காட்சியில் ஒளிபரப்பாகும் நிகழ்ச்சியில் இதுபோன்ற செயல்கள் தவறான முன்னுதாரணமாக அமைந்துவிடும் என்றும் சில பார்வையாளர்கள் சமூக வலைதளங்களில் விமர்சித்து வருகின்றனர்.

நெய் விவகாரத்தால் ஏற்பட்ட பிரச்சினை முடிவுக்கு வருவதற்குள், பிக் பாஸ் வீட்டில் மற்றொரு சர்ச்சையும் வெடித்துள்ளது. சர்வைவல் டாஸ்கில் தொடர்ந்து தோல்விகளைச் சந்தித்த ரெட் டீம் போதுமான பொருட்கள் இல்லாத நிலையில், ப்ளூ டீம் போட்டிகளில் வெற்றி பெற்று சேகரித்து வைத்திருந்த பொருட்களை ரெட் டீம் அவர்களுக்குத் தெரியாமல் எடுத்துப் பயன்படுத்தியதாகக் கூறப்படுகிறது.

தாங்கள் கடினமாக விளையாடி வென்ற பொருட்களை எதிரணியினர் இப்படிப் பயன்படுத்துவதைக் கண்ட ப்ளூ டீம் கடும் கோபமடைந்துள்ளனர். இதுகுறித்து ரெட் டீம் கேள்வி எழுப்பியதால் மீண்டும் இரு அணிகளுக்கும் இடையே வாக்குவாதம் ஏற்பட்டுள்ளது. ஏற்கனவே நெய் விவகாரத்தில் இரு அணிகளுக்கும் இடையே மோதல் ஏற்பட்டிருந்த நிலையில், தற்போது பொருட்களை எடுத்துப் பயன்படுத்திய சம்பவம் சர்வைவல் டாஸ்க்கை மேலும் பரபரப்பாக்கியுள்ளது.

இந்தச் சம்பவங்கள் தொடர்பான வீடியோ தற்போது சமூக வலைதளங்களில் வெளியாகி ரசிகர்களின் கவனத்தை ஈர்த்து வருகிறது. ஆரம்பத்தில் பலமான அணியாகக் கருதப்பட்ட ரெட் டீம் தொடர்ந்து தோல்விகளைச் சந்திப்பதும், ப்ளூ டீம் தங்களுக்குக் கிடைத்த சலுகைகளைப் பாதுகாக்கப் போராடுவதும் இந்த வார நிகழ்ச்சியின் முக்கிய அம்சங்களாக மாறியுள்ளன.

அதேநேரத்தில், அவினாஷின் கோபமான செயல்பாடு குறித்தும் ரசிகர்கள் மத்தியில் விமர்சனங்கள் எழுந்துள்ளன. சர்வைவல் டாஸ்கில் வெற்றியைப் பெறுவதற்காக போட்டியாளர்கள் எந்த எல்லை வரை செல்வார்கள்? விதிகளை மீறியதாக எழுந்துள்ள குற்றச்சாட்டுகளுக்கு பிக் பாஸ் என்ன நடவடிக்கை எடுக்கப்போகிறார்? வரும் எபிசோடுகளில் இதற்கான பதில் கிடைக்கும் என ரசிகர்கள் எதிர்பார்த்துக் காத்திருக்கின்றனர்.

Bigg Boss-ல் விஜய் சேதுபதியை விட ரம்யா கிருஷ்ணனுக்கு அதிக சம்பளமா? அடேங்கப்பா ஒரு எபிசோடுக்கு இவ்வளவா?

Ganesh A — Wed, 28 Oct 2026 08:30:05 +0530

Ramya Krishnan Bigg Boss Salary : பிக் பாஸ் தமிழ் சீசன் 10 நிகழ்ச்சியில் தற்காலிக ஹோஸ்டாக வந்துள்ள ரம்யா கிருஷ்ணன் எவ்வளவு சம்பளம் வாங்கினார் என்பதை இந்த தொகுப்பில் பார்க்கலாம்.

வெள்ளித்திரையில் தனது நடிப்பால் தனி முத்திரை பதித்த நடிகை ரம்யா கிருஷ்ணன், சின்னத்திரையிலும் கலக்கி வருகிறார். குறிப்பாக 'பிக் பாஸ்' போன்ற பிரபலமான ரியாலிட்டி ஷோக்களில் அவர் வந்தால் ரசிகர்களுக்கு ஆர்வம் அதிகமாகும். ஏற்கனவே 5 சீசனில் ஒரு வாரம் மட்டும் வந்து கலக்கிய அவர், இப்போது மீண்டும் பிக் பாஸ் ஹோஸ்ட்டாக வந்துள்ளார். தமிழ் பிக் பாஸ் சீசன் 10 நிகழ்ச்சியில் அவர் என்ட்ரி கொடுத்தது தான் இப்போதைய ஹாட் டாபிக். இதற்காக அவர் வாங்கும் சம்பளம் பற்றிய சுவாரஸ்யமான தகவல்களும் வெளியாகி உள்ளன.

தமிழ் பிக் பாஸ் நிகழ்ச்சியை கடந்த மூன்று சீசன்களாக நடிகர் விஜய் சேதுபதி தொகுத்து வழங்கி வருகிறார். ஆனால் அவருக்கு தொண்டை பிரச்சனை இருப்பதால் இந்த வீக்கெண்ட் எபிசோடுகளில் அவர் கலந்து கொள்ளவில்லை. அதனால் அவருக்கு பதிலாக ரம்யா கிருஷ்ணன் ஹோஸ்டிங் பொறுப்பை ஏற்றார். விஜய் சேதுபதிக்கு தொண்டை பிரச்சனை இருப்பதை அவரே மேடையில் சொன்னார். தனது கம்பீரமான பேச்சால் ரம்யா கிருஷ்ணன் ரசிகர்களை கவர்ந்தார். போட்டியாளர்களிடம் அவர் பேசிய விதமும், விளையாட்டை அவர் விமர்சித்த விதமும் நிகழ்ச்சிக்கு புது சுவாரஸ்யத்தை கொடுத்தது. ஆனால் அவர் எத்தனை வாரங்கள் ஹோஸ்ட்டாக இருப்பார் என்பது பற்றி நிகழ்ச்சி குழுவினர் இன்னும் அதிகாரப்பூர்வமாக அறிவிக்கவில்லை.

ரம்யா கிருஷ்ணன் வாங்கும் சம்பளம் பற்றிய விவாதம் இப்போது சோஷியல் மீடியாவில் வைரலாகி வருகிறது. பல மீடியா செய்திகளின்படி, பிக் பாஸ் தமிழ் 10 நிகழ்ச்சியை தொகுத்து வழங்க அவர் ஒரு எபிசோடுக்கு சுமார் ரூ.15 லட்சம் வாங்குவதாக சொல்லப்படுகிறது. வீக்கெண்ட் எபிசோடுகள் பொதுவாக இரண்டு நாட்கள் நடக்கும். அதனால் இரண்டு நாட்களுக்கும் சேர்த்து அவருக்கு ரூ.30 லட்சம் வரை சம்பளம் கிடைக்கும் என எதிர்பார்க்கப்படுகிறது. ஆனால் இந்த தொகையை ரம்யா கிருஷ்ணனோ அல்லது பிக் பாஸ் குழுவினரோ அதிகாரப்பூர்வமாக உறுதிப்படுத்தவில்லை. விஜய் சேதுபதியோடு ஒப்பிடுகையில் ரம்யா கிருஷ்ணனுக்கு கம்மி சம்பளம் தான். விஜய் சேதுபதி ஒரு வீக் எண்ட் எபிசோடுகளுக்கு 4 கோடி சம்பளமாக வாங்கி உள்ளார்.

ரம்யா கிருஷ்ணனுக்கு பிக் பாஸ் நிகழ்ச்சியுடன் ஏற்கனவே தொடர்பு இருக்கிறது. தமிழ் பிக் பாஸ் நிகழ்ச்சியின் ஐந்தாவது சீசனில் கமல்ஹாசனுக்கு உடல்நிலை சரியில்லாத போது, ஒரு வாரம் அவர் ஹோஸ்ட்டாக இருந்தார். அதேபோல தெலுங்கு பிக் பாஸ் 3வது சீசனிலும் அப்போதைய ஹோஸ்ட் நாகார்ஜுனா இல்லாத நேரத்தில் அவர் தொகுப்பாளராக பொறுப்பேற்றார். இப்போது மீண்டும் தமிழ் பிக் பாஸ் மேடைக்கு அவர் வந்திருப்பதால், பழைய நினைவுகளை ரசிகர்கள் பேசி வருகின்றனர். அவரது நீண்ட சினிமா அனுபவமும், திரையில் அவரது மாஸ் பெர்ஃபார்மன்ஸும் பிக் பாஸ் வீக்கெண்ட் எபிசோடு ஹிட்டாக உதவியது. அடுத்தடுத்த எபிசோடுகளிலும் அவர் ஹோஸ்ட்டாக தொடருவாரா, விஜய் சேதுபதி எப்போது திரும்பி வருவார் என்பது இப்போது சுவாரஸ்யமாக மாறியுள்ளது.

Bigg Boss : ரெட் டீமில் இருந்துகொண்டே ப்ளூ டீமுக்கு சப்போர்ட்.. ஜேசனின் டபுள் கேமால் பிக் பாஸ் வீட்டில் ஆரம்பமான அடுத்த பஞ்சாயத்து!

Ganesh A — Fri, 23 Oct 2026 17:03:42 +0530

Bigg Boss Tamil 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் ரெட் டீம், ப்ளூ டீம் என இரு அணிகளுக்கும் டபுள் கேம் ஆடி அதிர்ச்சி கொடுத்துள்ளார் ஜேசன். அதைப்பற்றி விரிவாக பார்க்கலாம்.

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி நாளுக்கு நாள் பரபரப்பான கட்டத்தை எட்டி வருகிறது. மக்கள் செல்வன் விஜய் சேதுபதி தொகுத்து வழங்கும் இந்த நிகழ்ச்சி, கடந்த செப்டம்பர் மாதம் தொடங்கிய நிலையில், தற்போது 47 நாட்களைக் கடந்து ரசிகர்களின் கவனத்தை ஈர்த்து வருகிறது. ஆரம்பத்தில் 19 போட்டியாளர்களுடன் தொடங்கிய பிக் பாஸ் வீட்டில், எவிக்ஷன் மற்றும் வைல்ட் கார்டு என்ட்ரிகளுக்குப் பிறகு தற்போது 16 போட்டியாளர்கள் களத்தில் உள்ளனர்.

பிக் பாஸ் நிகழ்ச்சியின் ஏழாவது வாரம் சர்வைவல் டாஸ்க்குடன் தொடங்கியது. இதற்காக ஹவுஸ்மேட்ஸ் ரெட் டீம், ப்ளூ டீம் என இரண்டு அணிகளாகப் பிரிக்கப்பட்டனர். ஆரம்பத்தில் இருந்தே இரு அணிகளுக்கும் இடையே கடுமையான போட்டி நிலவி வந்த நிலையில், ஜேசனின் நடவடிக்கைகள் புதிய சர்ச்சைக்கு வழிவகுத்துள்ளன. ரெட் அணியில் இடம்பெற்றிருந்த ஜேசன், தனது ஆதரவு ப்ளூ அணிக்குத்தான் என வெளிப்படையாக அறிவித்தது சக போட்டியாளர்களை அதிர்ச்சியடைய வைத்தது. அவரது இந்த முடிவு ரெட் அணியில் மட்டுமின்றி ப்ளூ அணிக்குள்ளும் குழப்பத்தை ஏற்படுத்தியுள்ளது.

இந்நிலையில், தற்போது வெளியாகியுள்ள புதிய ப்ரோமோவில் ஜேசனுக்கும் வினோத் பாபுவுக்கும் இடையே காரசாரமான வாக்குவாதம் நடைபெறுவது காட்டப்பட்டுள்ளது. அனைத்து போட்டியாளர்கள் முன்னிலையிலும் தான் ரெட் அணியில் இருந்தாலும், தனது ஆதரவு ப்ளூ அணிக்குத்தான் என்பதை ஜேசன் மீண்டும் உறுதியாகத் தெரிவிக்கிறார். இதனால் இருவருக்கும் இடையேயான கருத்து வேறுபாடு மேலும் தீவிரமடைகிறது. ஏற்கெனவே ஜேசனின் செயல்பாடுகளால் அதிருப்தியில் இருந்த போட்டியாளர்கள், அவரது இந்த அறிவிப்பால் மேலும் கோபமடைந்துள்ளதாகத் தெரிகிறது.

இதற்கிடையே லக்ஷ்மி பிரியாவிடம் தனது தரப்பு நியாயத்தை ஜேசன் விளக்குவதும் ப்ரோமோவில் இடம்பெற்றுள்ளது. ஆரம்பத்தில் ரெட் அணியில் இருக்கவே தான் விரும்பியதாகவும், ஆனால் ஷமா மற்றும் வினோத் தன்னை வேண்டாம் எனக் கூறியதால்தான் அணித் தேர்வில் மாற்றம் ஏற்பட்டதாகவும் அவர் தெரிவிக்கிறார். மேலும், அங்கிருந்த கேப்டன்ஷிப் முறை தனக்குப் பிடிக்கவில்லை என்றும் லக்ஷ்மி பிரியாவிடம் தனது அதிருப்தியை வெளிப்படுத்துகிறார். ஜேசனின் இந்த விளக்கம் சக போட்டியாளர்களைச் சமாதானப்படுத்துமா அல்லது அவருக்கு எதிரான மனநிலையை மேலும் அதிகரிக்குமா என்ற எதிர்பார்ப்பு எழுந்துள்ளது.

இந்த வார சர்வைவல் டாஸ்க் தொடங்கியதில் இருந்தே பிக் பாஸ் வீடு போர்க்களமாக மாறியுள்ளது. ப்ளூ அணியினரின் அணுகுமுறை, ரெட் அணியினர் மீது எழுந்த திருட்டுக் குற்றச்சாட்டுகள் என ஒவ்வொரு நாளும் புதிய பிரச்சனைகள் உருவாகி வருகின்றன. அதிலும் ஒரு அணியில் இருந்துகொண்டே எதிரணிக்கு ஆதரவு தெரிவிக்கும் ஜேசனின் நடவடிக்கை, அவர் டபுள் கேம் ஆடுகிறாரா என்ற கேள்வியை எழுப்பியுள்ளது.

மறுபுறம், டிடிஎஃப் வாசனுக்கு ரெட் கார்டு கிடைக்கச் செய்வது தொடர்பாகப் போட்டியாளர்கள் மத்தியில் நடைபெற்ற பேச்சுகளும் இந்த வாரத்தின் பரபரப்பை அதிகரித்துள்ளன. ஏற்கெனவே இரு அணிகளுக்கும் இடையே மோதல் உச்சத்தை எட்டியுள்ள நிலையில், தற்போது ஜேசன் விவகாரம் புதிய பஞ்சாயத்தைக் கிளப்பியுள்ளது. இந்தச் சர்ச்சை பிக் பாஸ் வீட்டில் எப்படிப்பட்ட திருப்பத்தை ஏற்படுத்தப்போகிறது என்பதைப் பொறுத்திருந்துதான் பார்க்க வேண்டும்!

Bigg Boss : விஜய் சேதுபதி முன்பே வைல்டு கார்டு போட்டியாளர்களின் முகத்திரையை கிழித்த ஹவுஸ்மேட்ஸ்... கரீஷ்மா, வாசனுக்கு வந்த சோதனை!

Ganesh A — Sat, 10 Oct 2026 20:42:19 +0530

Bigg Boss Tamil Season 10 : பிக் பாஸ் வீட்டுக்குள் வைல்டு கார்டு எண்ட்ரியாக வந்துள்ள டிடிஎஃப் வாசன், கரீஷ்மா ஆகியோரை சக போட்டியாளர்கள் வறுத்தெடுத்துள்ளனர். அதைப்பற்றி பார்க்கலாம்.

தமிழ் தொலைக்காட்சி ரசிகர்களிடையே பெரும் கவனத்தை ஈர்த்து வரும் நிகழ்ச்சிகளில் ஒன்றான பிக் பாஸ் தமிழ் சீசன் 10, தற்போது ஐந்தாவது வாரத்தை எட்டியுள்ளது. கடந்த 2017ஆம் ஆண்டு தமிழில் தொடங்கப்பட்ட இந்த நிகழ்ச்சி, இதுவரை ஒன்பது சீசன்களைக் கடந்து, தற்போது பத்தாவது சீசனில் பரபரப்பான திருப்பங்களுடன் ஒளிபரப்பாகி வருகிறது. இந்த சீசனை நடிகர் விஜய் சேதுபதி தொகுத்து வழங்கி வருகிறார்.

இந்நிலையில், அக்டோபர் 10ஆம் தேதியான இன்று வெளியாகியுள்ள வார இறுதி புரோமோக்கள் ரசிகர்களின் கவனத்தை ஈர்த்துள்ளன. வழக்கம்போல போட்டியாளர்களுடன் கலந்துரையாடும் விஜய் சேதுபதி, இந்த வாரம் வீட்டிற்குள் நடைபெற்ற போட்டிகள் மற்றும் போட்டியாளர்களின் செயல்பாடுகள் குறித்து பல்வேறு கேள்விகளை முன்வைத்துள்ளார்.

வெளியான ஒரு புரோமோவில், இந்த வாரம் நடைபெற்ற டாஸ்க்குகளைப் பற்றி விஜய் சேதுபதி பேசுகிறார். ஒரு போட்டியாளர் தனது வியூகத்தை வகுத்ததாகவும், மற்றொருவர் போட்டியை வழிநடத்தியதாகவும், இறுதியில் வெற்றி வேறொருவருக்குக் கிடைத்ததாகவும் அவர் சுட்டிக்காட்டுகிறார். இந்தச் சூழல் எப்படி உருவானது என்பதைப் போட்டியாளர்களுடன் விவாதிக்கப் போவதாகவும் தெரிவிக்கிறார். இதனால், இந்த வார விளையாட்டில் யாருடைய திட்டம் பலித்தது, யார் உண்மையில் போட்டியைத் தங்கள் கட்டுப்பாட்டில் வைத்திருந்தார்கள் என்ற எதிர்பார்ப்பு ரசிகர்களிடையே அதிகரித்துள்ளது.

மற்றொரு புரோமோவில், புதிதாக வீட்டிற்குள் வந்த வைல்டு கார்டு போட்டியாளர்களான டிடிஎஃப் வாசன், கரீஷ்மா மற்றும் அக்ஷிதா குறித்து மற்ற போட்டியாளர்களிடம் விஜய் சேதுபதி கருத்துகளைக் கேட்கிறார். அப்போது, சிலர் தெரிவித்த விமர்சனங்கள் விவாதத்தை மேலும் சூடாக்குகின்றன.

முதலில் பேசிய முனியம்மாள், டிடிஎஃப் வாசனைப் பார்க்கும்போது தனக்குக் குழந்தையைப் போலத் தோன்றுவதாகக் கூறுகிறார். தொடர்ந்து பேசிய அன்சர், கரீஷ்மாவின் பெயரில் இருக்கும் பொலிவு அவரது விளையாட்டில் தெரியவில்லை என்ற கருத்தை முன்வைக்கிறார். இதன் மூலம், கரீஷ்மாவின் தற்போதைய ஆட்டம் குறித்த தனது அதிருப்தியை அவர் வெளிப்படுத்தினார்.

இதற்கிடையில், ஜேசன் தனது கருத்தை இன்னும் வித்தியாசமான முறையில் பதிவு செய்தார். கரீஷ்மா வீட்டிற்குள் வந்த முதல் நாளில் தனக்கு எம்டி குப்பைத்தொட்டி ஒன்றைக் கொடுத்ததாகவும், அந்தப் பொருள் மீண்டும் கிடைத்தால் அவரிடமே திருப்பிக் கொடுத்துவிடுவேன் என்றும் அவர் கூறினார்.

அதேபோல், அக்ஷிதாவின் செயல்பாடு குறித்தும் வினோத் பாபு தனது கருத்தைத் தெரிவித்துள்ளார். அவர் பயன்படுத்திய ஈயம் பூசியது, பூசாதது என்ற ஒப்பீடு, அக்ஷிதாவின் ஆட்டம் இன்னும் தெளிவான நிலையை எட்டவில்லை என்பதுபோன்ற விமர்சனமாக அமைந்துள்ளது.

பிக் பாஸ் தமிழ் சீசன் 10 தற்போது ஐந்தாவது வாரத்தின் இறுதிக்கட்டத்தை எட்டியுள்ளதால், இந்த வாரம் யார் வெளியேறப் போகிறார்கள் என்ற எதிர்பார்ப்பு அதிகரித்துள்ளது. போட்டியாளர்களின் செயல்பாடுகள், வீட்டிற்குள் நிலவும் கருத்து வேறுபாடுகள் மற்றும் வைல்டு கார்டு என்ட்ரிகளின் தாக்கம் ஆகியவை இந்த வாரத்தின் முக்கிய அம்சங்களாக உள்ளன.

இருப்பினும், இந்த வாரம் எலிமினேஷன் நடைபெறாது என்றும் சில தகவல்கள் பரவி வருகின்றன. ஆனால், அதுகுறித்த அதிகாரப்பூர்வமான உறுதிப்படுத்தல் வெளியாகும் வரை யார் வெளியேறுவார்கள் அல்லது எலிமினேஷன் இருக்குமா என்பதை உறுதியாகக் கூற முடியாது.

வார இறுதி எபிசோடில் விஜய் சேதுபதி முன்வைக்கும் கேள்விகளும், போட்டியாளர்கள் ஒருவரைப் பற்றி ஒருவர் தெரிவிக்கும் கருத்துகளும் பிக் பாஸ் வீட்டில் அடுத்ததாக என்ன நடக்கப்போகிறது என்ற ஆர்வத்தை ரசிகர்களிடையே அதிகரித்துள்ளன.