Asianet News Tamil

Bigg Boss Tamil 10 : பிக் பாஸில் அதகள எண்ட்ரி கொடுத்த கோமாளி... யார் இந்த அன்சர்?

Ganesh A — Sun, 06 Sep 2026 22:24:28 +0530

Bigg Boss Contestant Ansar : பிக் பாஸ் தமிழ் சீசன் 10 நிகழ்ச்சி பிரம்மாண்டமாக தொடங்கி உள்ள நிலையில், அதில் போட்டியாளராக அன்சர் களமிறங்கி இருக்கிறார். அவர் யார் என்பதை பார்க்கலாம்.

விஜய் டிவியின் பிரபல சமையல் ரியாலிட்டி நிகழ்ச்சியான குக் வித் கோமாளி மூலம் ரசிகர்கள் மத்தியில் தனக்கென ஒரு இடத்தை பிடித்தவர் அன்சர். அவரது கலகலப்பான பேச்சு, நகைச்சுவையான அணுகுமுறை மற்றும் என்டர்டைன்மென்ட் கலந்த செயல்பாடுகள் நிகழ்ச்சியில் நல்ல வரவேற்பை பெற்றன. இந்நிலையில், அன்சர் அடுத்ததாக பிக் பாஸ் தமிழ் சீசன் 10 நிகழ்ச்சியில் போட்டியாளராக களமிறங்கி இருக்கிறார். மேலும், அவர் இந்த சீசனின் 10-வது போட்டியாளராக உள்ளே சென்றுள்ளார். இவரும் ஒரு விஜய் டிவி புராடக்ட் தான்.

சமையல் நிகழ்ச்சியில் எப்போதும் ஜாலியாகவும், நகைச்சுவையாகவும் காணப்பட்ட அன்சர், பிக் பாஸ் வீட்டுக்குள் எப்படி இருப்பார் என்பதே தற்போது ரசிகர்களின் மிகப்பெரிய எதிர்பார்ப்பாக உள்ளது. பிக் பாஸ் வீட்டில் டாஸ்குகள், போட்டிகள், கருத்து வேறுபாடுகள் என பல்வேறு சூழ்நிலைகளை போட்டியாளர்கள் எதிர்கொள்ள வேண்டியிருக்கும். அந்த தருணங்களில் அன்சரின் அணுகுமுறை எப்படி இருக்கும் என்பதும் சுவாரஸ்யத்தை ஏற்படுத்தியுள்ளது. காமெடியை வைத்து மட்டுமே இறுதிவரை முன்னேற முடியாது என்பதால் அன்சரின் பன்முகத்திறமை வெளிப்பட வாய்ப்பு உள்ளது.

அவருடைய இயல்பான நகைச்சுவை உணர்வு வீட்டில் மற்ற போட்டியாளர்களுடன் நல்ல உறவை உருவாக்க உதவுமா? அல்லது போட்டி தீவிரமாகும் போது அவருடைய மற்றொரு முகம் வெளிப்படுமா? என்பதையும் பொறுத்திருந்துதான் பார்க்க வேண்டும். குக் வித் கோமாளியில் சிரிக்க வைத்த அன்சர்... பிக் பாஸ் வீட்டில் எப்படி விளையாடப் போகிறார்? டாஸ்குகளில் தனது திறமையை நிரூபிப்பாரா, இல்லை நகைச்சுவை மற்றும் என்டர்டைன்மென்ட் மூலம் ரசிகர்களின் ஆதரவை பெறுவாரா என்ற எதிர்பார்ப்பு தற்போது அதிகரித்துள்ளது.

குக் வித் கோமாளி டூ பிக்பாஸ்

எது எப்படியிருந்தாலும், அன்சரின் என்ட்ரி உறுதியானதால் பிக் பாஸ் தமிழ் சீசன் 10-க்கு இது நிச்சயம் ஒரு சுவாரஸ்யமான சேர்க்கையாக இருக்கும். இதற்கு முன்னதாக குக் வித் கோமாளி நிகழ்ச்சியில் இருந்து சுனிதா, ரம்யா பாண்டியன், கனி, சம்யுக்தா, பிரியங்கா தேஷ்பாண்டே, செளந்தர்யா, பவித்ரா ஆகியோர் பிக் பாஸ் நிகழ்ச்சியில் போட்டியாளராக பங்கேற்றுள்ளனர். அவர்களில் சிலருக்கு இந்நிகழ்ச்சி மூலம் மிகப்பெரிய புகழ் வெளிச்சம் கிடைத்தது. அதேபோல் அன்சருக்கும் கிடைக்குமா? என்பதை பொறுத்திருந்து தான் பார்க்க வேண்டும்.

Bigg Boss Tamil 10 : புன்னகையோடு பிக் பாஸ் வீட்டிற்குள் சென்ற முனியம்மாவின் வலிகள் நிறைந்த வாழ்க்கை பற்றி தெரியுமா?

பிக் பாஸில் சர்ச்சை பேச்சு... விஜய் சேதுபதியை வறுத்தெடுத்த விர்சுவல் வாரியர்ஸ் - விஜய் டிவி கொடுத்த திடீர் விளக்கம்

Ganesh A — Tue, 15 Sep 2026 12:40:16 +0530

Bigg Boss Vijay Sethupathi Controversy : பிக் பாஸ் நிகழ்ச்சியில் விஜய் சேதுபதி தலைமைப் பண்பு பற்றி பேசியது பெரும் சர்ச்சையான நிலையில், விஜய் டிவி அதுபற்றி விளக்கம் அளித்துள்ளது.

தமிழ் பிக் பாஸ் நிகழ்ச்சியில் விஜய் சேதுபதி பேசியது சர்ச்சையான நிலையில், அந்த நிகழ்ச்சியை ஒளிபரப்பும் விஜய் டிவி ஒரு விளக்கம் கொடுத்திருக்கு. 'இது ஒரு பொழுதுபோக்கு நிகழ்ச்சி மட்டுமே. இதில் பேசப்படும் விஷயங்கள், போட்டிகளின் ஒரு பகுதிதான். எந்தவொரு தனி நபரையும், இயக்கத்தையும், சித்தாந்தத்தையும் ஆதரிப்பதோ, விமர்சிப்பதோ எங்கள் நோக்கம் இல்லை'னு விஜய் டிவி தெளிவுபடுத்தியிருக்கு. சமூக வலைதளங்களில் தமிழக வெற்றிக் கழக ஆதரவாளர்கள் கடுமையாக விமர்சித்ததால், இந்த விளக்கம் வந்திருக்கு.

Bigg Boss Wild Card entry: பிக்பாஸ் வீட்டில் புதிய புயல்..ஆனந்தியின் அதிரடி என்ட்ரி

பிக் பாஸ் நிகழ்ச்சியில தலைமைப் பண்பு பத்தி விஜய் சேதுபதி பேசினது, நடிகர் விஜய்யை விமர்சிப்பதாக சமூக வலைதளங்களில் ஒரு பெரிய விவாதமே கிளம்பியது. 'தலைமைன்னா என்னன்னே தெரியாம வாக்குறுதி கொடுக்கிறதும், பிரச்சினை வரும்போது எதிராளியைக் குறை சொல்லிவிட்டு ஓடிப் போறதும் தலைமைப் பண்பு இல்லை'னு விஜய் சேதுபதி பேசினார். இது நடிகர் விஜய்யை மறைமுகமாகத் தாக்குவதாக நெட்டிசன்கள் பலரும் கருத்து தெரிவிச்சாங்க. திமுகவை திருப்திப்படுத்ததான் விஜய் சேதுபதி இப்படி விஜய்யை மறைமுகமாகத் தாக்கிப் பேசுறார்னு தமிழக வெற்றிக் கழகத்தினர் குற்றம் சாட்டுறாங்க.

ரசிகர்கள் மோதல்

விஜய், அரசியல் கட்சி தொடங்கியபோதுகூட விஜய் சேதுபதி வாழ்த்து சொல்லல என்பதையும் அவங்க சுட்டிக்காட்டுறாங்க. ஆனா, விஜய் சேதுபதி ரசிகர்கள் என்ன சொல்றாங்கன்னா, 'அவர் பிக் பாஸ் வீட்டுக்குள்ள நடந்த சம்பவங்களை வெச்சுதான் பேசினார். இதுக்கு தேவையில்லாம அரசியல் சாயம் பூச வேண்டாம்'னு வாதம் பண்றாங்க. பிக் பாஸ் வீட்டுல முதல் வாரம் தலைவரா இருந்த ஷாதிகா, தன்னை சுற்றி ஏராளமானோர் குற்றச்சாட்டுகளை முன்வைத்ததும் அதை தாங்கிக் கொள்ள முடியாம, தனக்கு அந்த பதவியே வேண்டாம்னு சொல்லிட்டு போனாங்க. அதைப் பத்தி அவர் பேசியது தான் தற்போது மிகப்பெரிய விவாதப் பொருளா மாறிருக்கு.

விஜய் சேதுபதி, விஜய்யுடன் சேர்ந்து மாஸ்டர் படத்துல நடிச்சிருந்தாரு. அந்த படத்துல விஜய்க்கு வில்லனாக பவானி என்கிற கேரக்டரை திறம்பட நடித்திருந்தார் விஜய் சேதுபதி. அப்படம் ரிலீஸ் சமயத்தில் போஸ்டரின் விஜய் சேதுபதி பெயர் இடம்பெறாமல் இருந்த நிலையில், அவரது பெயரையும் சேர்க்க சொல்லி விஜய் வலியுறுத்தி இருந்தார் என்பது குறிப்பிடத்தக்கது. இப்படி சினிமாவில் தன்னுடன் சக நடிகராக நடித்தது மட்டுமின்றி, மாஸ்ட பட ஷூட்டிங் ஸ்பாட்டில் விஜய்க்கு தன்னுடைய சிக்னேச்சர் முத்தத்தையும் கொடுத்திருந்தார் விஜய் சேதுபதி.

Bigg Boss 10 : எஸ்கேப் ஆன முனியம்மா... எலிமினேட் ஆனது யார்? பிக் பாஸ் வரலாற்றில் இப்படி ஒரு எவிக்‌ஷனா..!

Bigg Boss Tamil 10 : தூத்துக்குடியில் இருந்து காமன்மேன் ஆக களமிறங்கிய தங்கமகன்... யார் இந்த ஜேசன்?

Ganesh A — Sun, 06 Sep 2026 23:13:01 +0530

யார் இந்த ஜேசன் கவுஷி?

பிக் பாஸ் தமிழ் 10 நிகழ்ச்சியில் காமன்மேன் ஆக எண்ட்ரி கொடுத்துள்ளார் ஜேசன் கவுஷி. பள்ளி, கல்லூரி மற்றும் தனது சொந்த ஊருக்காக பல்வேறு போட்டிகளில் பங்கேற்று பதக்கங்களை வென்றுள்ள ஜேசன், தமிழ்நாட்டை பிரதிநிதித்துவப்படுத்தியும் தேசிய அளவிலும் தனது திறமையை நிரூபித்துள்ளதாக தெரிவித்துள்ளார்.

ஜேசன் தற்போது அசோசியேட் டைரக்டராக பணியாற்றி வருவதாக கூறியுள்ளார். சினிமா துறையில் பணியாற்றிக் கொண்டிருந்தாலும், தனது சொந்த திறமைகளையும் படைப்பாற்றலையும் மக்களிடம் கொண்டு சேர்க்க வேண்டும் என்ற நோக்கத்தில்தான் பிக் பாஸ் மேடைக்கு வந்ததாக அவர் தெரிவித்துள்ளார்.

குவிந்த தங்கப் பதக்கங்கள்!

ஜேசனின் விளையாட்டு சாதனைகள் குறித்து கேள்வி எழுப்பப்பட்டபோது, அவர் டேக்வாண்டோவில் பல்வேறு பதக்கங்களை வென்றிருப்பது தெரியவந்தது. பள்ளி மற்றும் கல்லூரி அளவில் தொடங்கிய அவரது பயணம், பின்னர் தமிழ்நாடு மற்றும் தேசிய அளவிலான போட்டிகளிலும் தொடர்ந்துள்ளது. தமிழ்நாட்டுக்காக பல தங்கப் பதக்கங்களையும், தேசிய அளவில் தங்கப் பதக்கத்தையும் வென்றுள்ளதாக அவர் குறிப்பிட்டுள்ளார். மேலும், சர்வதேச அளவிலும் இந்தியாவை பிரதிநிதித்துவப்படுத்திய அனுபவம் இருப்பதாக தெரிவித்துள்ளார்.

“என்னை நானே அறிமுகப்படுத்த வேண்டிய நிலை”

இவ்வளவு சாதனைகளைப் பெற்றிருந்தும், ஏன் பிக் பாஸ் நிகழ்ச்சிக்கு வந்தீர்கள் என்ற கேள்வி எழுந்தபோது ஜேசன் கொடுத்த பதில் அனைவரது கவனத்தையும் ஈர்த்தது. தான் பல விருதுகளை வென்றிருந்தாலும், தனது சாதனைகளை மக்கள் மத்தியில் கொண்டு சேர்க்க வேண்டிய சூழல் இருப்பதாகவும், அதற்காகவே இந்த மேடையை பயன்படுத்த விரும்புவதாகவும் அவர் தெரிவித்தார். “என்னைப் பற்றி உங்களுக்கு தெரியவில்லை. அதனால்தான் நான் இங்கு வந்திருக்கிறேன்” என கூறினார்.

அவரிடம் சுவாரஸ்யமான கேள்வி ஒன்று முன்வைக்கப்பட்டது. ஒரு போட்டியில் வெற்றி பெறுவதா அல்லது நேர்மையாக விளையாடுவதா முக்கியம் என்று கேட்கப்பட்டபோது, இரண்டுமே முக்கியம் என முதலில் பதிலளித்த ஜேசன், ஒன்றை மட்டும் தேர்வு செய்ய வேண்டுமென்றால் வெற்றியையே தேர்ந்தெடுப்பேன் என தெரிவித்துள்ளார்.

வெற்றி பெற்ற பிறகு தவறாக நடந்திருந்தால் மன்னிப்பு கேட்கலாம்; ஆனால் தோல்விக்கு காரணம் கூறுவது தனக்கு விருப்பமில்லை என்ற அவரது பதில், போட்டி குறித்த அவரது மனநிலையை வெளிப்படுத்தியது.

பல தங்கப் பதக்கங்கள், சினிமா மீதான ஆர்வம், கிரியேட்டிவ் துறையில் சாதிக்க வேண்டும் என்ற லட்சியம் என வித்தியாசமான பின்னணியுடன் பிக் பாஸ் காமன் மேன் ஆக களமிறங்கியுள்ள ஜேசன் கவுஷி, பைனல் வரை செல்வாரா என்பதை பொறுத்திருந்து பார்க்கலாம்.

Bigg Boss 10 : பிளாக் பாண்டிக்கு பதில் பிக் பாஸ் வீட்டுக்குள் சென்ற வைல்டு கார்டு போட்டியாளர் யார் தெரியுமா?

Ganesh A — Wed, 09 Sep 2026 15:23:37 +0530

Bigg Boss Tamil Season 10 Wild Card Entry : பிக் பாஸ் தமிழ் சீசன் 10 நிகழ்ச்சியில் இருந்து பிளாக் பாண்டி வாக் அவுட் பண்ணிய நிலையில், அவருக்கு பதில் வைல்டு கார்டு போட்டியாளர் உள்ளே அனுப்பப்பட்டு உள்ளார்.

பிக் பாஸ் தமிழ் சீசன் 10 நிகழ்ச்சி கடந்த செப்டம்பர் 6ந் தேதி தொடங்கப்பட்டது. இந்நிகழ்ச்சி தொடங்கும் முன்னரே, பொதுமக்களும் இந்த சீசனில் கலந்துகொள்ளும் விதமாக அவர்களை தேர்வு செய்ய காமன்மேன் என்கிற நிகழ்ச்சியை நடத்தினர். அதில் இருந்து 5 பேர் பைனலிஸ்ட் ஆக தேர்வானாலும் ஜேசன், முனியம்மா, ஷாமா ஆகிய மூன்று நபர்களை மட்டுமே பிக் பாஸ் வீட்டுக்குள் போட்டியாளராக அனுப்பி வைத்தனர். இந்த நிலையில், பிக் பாஸ் காமன்மேனில் இருந்து மற்றொரு போட்டியாளரை வைல்டு கார்டு எண்ட்ரியாக உள்ளே அனுப்பி வைத்துள்ளனர்.

Bigg Boss Nomination: ஊரோடு ஒத்துபோகனும்..சத்தம் மட்டும்தான் இருக்கு - பிக்பாஸ் வீட்டில் பரபரப்பு!

அவர் உள்ளே சென்றதற்கு முக்கிய காரணம் பிளாக் பாண்டி தான். இந்த சீசன் தொடங்கும் போது 19 போட்டியாளர்கள் பிக் பாஸ் வீட்டுக்குள் அனுப்பி வைக்கப்பட்டனர். அவர்களில் பிளாக் பாண்டியும் ஒருவர். இவர் சினிமாவில் காமெடியனாக பல்வேறு படங்களில் நடித்திருந்தாலும் சமீபகாலமாக தனக்கு எதிர்பார்த்த பட வாய்ப்பு கிடைக்காததால் பிக் பாஸ் நிகழ்ச்சிக்கு சென்றால் மக்கள் மத்தியில் புகழ் வெளிச்சம் கிடைக்கும், அதன் மூலம் பட வாய்ப்புகளை பெற்றுவிடலாம் என்கிற கனவோடு பிக் பாஸ் வீட்டுக்குள் காலடி எடுத்து வைத்தார் பிளாக் பாண்டி.

ஆனால் அவரின் பிக் பாஸ் பயணம் உள்ளே சென்ற மூன்று நாட்களிலேயே முடிவுக்கு வந்துள்ளது. பிக் பாஸ் வீட்டுக்குள் சென்றதும் தன்னால் முடிந்த அளவு அங்கிருக்கும் போட்டியாளர்களை கலகலப்பாக வைத்திருந்தார் பிளாக் பாண்டி. அவரை கிச்சன் டீமின் தலைவராக நியமித்து இருந்தார்கள். அங்கு தனக்கு கொடுக்கப்பட்ட பொறுப்பையும் சிறப்பாக செய்து வந்தார். இதனால் இந்த சீசனில் பைனல் வரை செல்லும் தகுதி உடைய போட்டியாளராக பிளாக் பாண்டி இருப்பார் என அனைவரும் யூகித்து வந்த நிலையில், அவரே வாக் அவுட் செய்திருக்கிறார்.

பிளாக் பாண்டி பிக் பாஸ் வீட்டை விட்டு வெளியேறியதற்கு முக்கிய காரணம் அவருடைய உடல்நலம் தான். அவருக்கு மருத்துவ ரீதியாக சில பிரச்சனைகள் இருந்த காரணத்தால் அவர் வேறு வழியின்றி பிக் பாஸ் வீட்டை விட்டு வெளியேறி இருக்கிறார். பிளாக் பாண்டியின் இந்த எதிர்பாரா முடிவு, அங்கிருந்த போட்டியாளர்கள் மத்தியில் பெரும் சோகத்தை ஏற்படுத்தி உள்ளது. அவர் வெளியே செல்வதை தாங்கிக் கொள்ள முடியாமல் ஏராளமானோர் கண்ணீர்விட்டு கதறி அழுதுள்ளனர். அவரும் கண்ணீர்மல்க அனைவருக்கும் நன்றி சொல்லிவிட்டு பிக் பாஸ் வீட்டை விட்டு வெளியேறிவிட்டார்.

பிளாக் பாண்டி வெளியேறிய நிலையில், அவருக்கு பதிலாக ஒரு வைல்டு கார்டு போட்டியாளரை உள்ளே இறக்கி விட்டுள்ளார் பிக் பாஸ். அவர் வேறுயாருமில்லை, பிக் பாஸ் காமன்மேன் நிகழ்ச்சியில் பைனலிஸ்டாக இருந்த மணிவண்ணன் தான். அவர் பிக் பாஸ் சீசன் 10 நிகழ்ச்சியின் முதல் வைல்டு கார்டு போட்டியாளராக உள்ளே சென்றிருக்கிறார். அவரது ஆட்டம் எப்படி இருக்கும் என்பதையும் இனி வரும் எபிசோடுகளில் பொறுத்திருந்து பார்க்கலாம்.

Bigg Boss : பிக் பாஸ் வீட்டில் நாக் அவுட் டாஸ்க்... ஆனந்தி உடன் அடிதடியில் இறங்கிய லட்சுமி பிரியாவால் பரபரப்பு

Ganesh A — Wed, 16 Sep 2026 13:56:12 +0530

Bigg Boss Tamil : பிக் பாஸ் தமிழ் சீசன் 10 நிகழ்ச்சியில், நடைபெற்ற நாக் அவுட் டாஸ்க்கில் லட்சுமி பிரியாவுக்கும், ஆனந்திக்கும் இடையே ஏற்பட்ட மோதலால் பரபரப்பு நிலவியது.

பிக் பாஸ் தமிழ் சீசன் 10 நிகழ்ச்சி தொடங்கிய சில நாட்களிலேயே போட்டியாளர்களுக்கு அடுத்தடுத்து பல்வேறு டாஸ்க்குகள் வழங்கப்பட்டு வருகின்றன. இதனால் ஆரம்பம் முதலே வீட்டிற்குள் போட்டி சூடுபிடித்துள்ளதுடன், ஒவ்வொரு நாளும் புதுப்புது சலசலப்புகளும் அரங்கேறி வருகின்றன. இந்த சீசனின் ஆரம்ப வாரத்திலேயே ஏராளமான டாஸ்க்குகள் வழங்கப்பட்டதால், நிகழ்ச்சியைப் பார்ப்பதில் ரசிகர்களுக்கும் ஆர்வம் அதிகரித்துள்ளது. குறிப்பாக 24 மணி நேரமும் ஓடிடியில் நிகழ்ச்சியை பார்க்கும் பார்வையாளர்களுக்காக சில புதிய முயற்சிகளும் அறிமுகப்படுத்தப்பட்டுள்ளன.

Bigg Boss வீட்டில் மீண்டும் வெடித்த மோதல்... லீடர் ஷமாவுடன் சண்டையில் இறங்கிய அவினாஷ்

முந்தைய சீசன்களில் இரவு நேரங்களில் போட்டியாளர்கள் தூங்குவது அல்லது ஒருசிலர் பேசிக்கொண்டிருப்பது போன்ற காட்சிகளே பெரும்பாலும் ஒளிபரப்பாகும். இதனால் இரவு நேர பார்வையாளர்களுக்காக இந்த சீசனில் ‘நைட் டாஸ்க்’ என்ற புதிய முறையை அறிமுகப்படுத்தியுள்ளனர். இதில் போட்டியாளர்கள் இரவு முழுவதும் தூங்காமல், கொடுக்கப்படும் பணிகளை மேற்கொண்டு பொழுதை கழிக்க வேண்டும் என தெரிவிக்கப்பட்டுள்ளது. இதுபோன்ற தொடர்ச்சியான டாஸ்க்குகள் காரணமாக போட்டியாளர்களுக்குள் வெற்றி பெற வேண்டும் என்ற வேகம் அதிகரித்துள்ளது.

அதன் விளைவாக ஒவ்வொரு எபிசோடிலும் கருத்து வேறுபாடு, வாக்குவாதம் என வீட்டிற்குள் பரபரப்பான சூழல் உருவாகி வருகிறது. சீசன் தொடங்கி தற்போது இரண்டாவது வாரமே ஆன நிலையில், போட்டி ஏற்கனவே இறுதிக்கட்டத்தை நெருங்கியதைப் போல மிகவும் தீவிரமாக மாறியுள்ளது. டாஸ்க்கில் வெற்றி பெற வேண்டும் என்ற ஆர்வத்தில் சில நேரங்களில் போட்டியாளர்களுக்கு இடையே தள்ளுமுள்ளு ஏற்படும் அளவுக்கும் நிலைமை சென்றுள்ளது.

அந்த வகையில், இன்றைய டாஸ்க்கில் ‘நாக் அவுட்’ எனும் போட்டி நடத்தப்பட்டுள்ளது. இதில் ஒரே அணியில் இடம்பெற்றிருந்த லட்சுமி பிரியா மற்றும் ஆனந்தி ஆகிய இருவருக்கும் இடையே மோதல் ஏற்பட்டுள்ளது. இது தொடர்பான காட்சிகள் முதல் புரோமோவில் வெளியாகி, தற்போது சமூக வலைதளங்களில் ரசிகர்களின் கவனத்தை ஈர்த்து வருகின்றன. அதில் லட்சுமி பிரியா ஆனந்தியை தள்ளிவிட, அதில் காயம் அடைந்த ஆனந்தி வலியால் துடிக்கிறார். பின்னர் அவரை சக போட்டியாளர்கள் சிலர் தூக்கிச் செல்லும் காட்சிகள் புரோமோவில் இடம்பெற்று உள்ளன.

அதேபோல் இரண்டாவது புரோமோவில் ஜேசன் கவுஷி மற்றும் ஷாமா இடையேயான மோதல் காட்சிகள் இடம்பெற்றிருக்கிறது. அதில் ஜேசன் ஷாமாவை இழுத்து கீழே தள்ளிவிட்டு மேலே செல்லமுயற்சிக்க, அவரை ஷாமா தடுத்து நிறுத்துவதோடு, அவரை கிண்டல் செய்யும் வகையில் பேசுகிறார். ஷாமாவின் பேச்சால் கடுப்பாகும் ஜேசன் கவுசி அவரிடம் சண்டைபோடுகிறார். இதனால் இன்றைய பிக் பாஸ் எபிசோடு, அனல்பறக்கும் என எதிர்பார்க்கப்படுகிறது.

பிக் பாஸில் சர்ச்சை பேச்சு... விஜய் சேதுபதியை வறுத்தெடுத்த விர்சுவல் வாரியர்ஸ் - விஜய் டிவி கொடுத்த திடீர் விளக்கம்

Bigg Boss 10 : பிக்பாஸ் வீட்டில் வெடித்த சண்டை.. போட்டியாளர்கள் இடையே மோதல்!

Asianet News — Tue, 08 Sep 2026 11:54:51 +0530

Bigg Boss promo: பிக்பாஸ் தமிழ் சீசன் 10-ன் Day 2 முதல் புரோமோ வெளியாகி ரசிகர்களின் கவனத்தை ஈர்த்துள்ளது. சீசன்தொடங்கிய இரண்டு நாட்களிலேயே வீட்டிற்குள் போட்டியும், கருத்து மோதல்களும் சூடுபிடிக்கத் தொடங்கியுள்ளன.

பிக்பாஸ் தமிழ் சீசன் 10 தொடங்கிய இரண்டு நாட்களிலேயே வீட்டிற்குள் போட்டியும், கருத்து மோதல்களும் சூடுபிடிக்கத் தொடங்கியுள்ளன. நடிகர் விஜய் சேதுபதி தொகுத்து வழங்கும் இந்த சீசனில், ஆரம்பத்திலேயே புதுப்புது விதிமுறைகள் மற்றும் எதிர்பாராத ட்விஸ்ட்கள் அறிமுகப்படுத்தப்பட்டு வருகின்றன. அந்த வகையில், இன்றைய எபிசோடிற்கான புரோமோ ரசிகர்களின் கவனத்தை ஈர்த்துள்ளது.

இந்த சீசனில் அறிமுகப்படுத்தப்பட்டுள்ள முக்கிய அம்சங்களில் ஒன்று ‘Democracy Room’ எனப்படும் ஜனநாயக அறை. போட்டியாளர்களின் முடிவெடுக்கும் திறன், தலைமைத்துவம் மற்றும் குழுவாக செயல்படும் விதத்தை மாற்றக்கூடிய வகையில் இந்த புதிய பகுதி உருவாக்கப்பட்டுள்ளது. இதன் மூலம் வீட்டிற்குள் இருக்கும் அதிகார சமநிலையில் மாற்றம் ஏற்படுமா என்ற எதிர்பார்ப்பு உருவாகியுள்ளது.

இன்றைய புரோமோவில் போட்டியாளர்கள் புதிய கட்டத்தை எதிர்கொள்ளும் சூழல் உருவாகியுள்ளது. யார் யாருடன் இணைந்து செயல்படுகிறார்கள், யார் தனியாக விளையாடத் தொடங்குகிறார்கள் என்பதும் இனி முக்கியமாக மாறக்கூடும்.

சீசன் 10-ன் முதல் கேப்டனுக்கான போட்டியும் ஏற்கனவே தொடங்கிவிட்டது. முதல் கேப்டன்சி டாஸ்க்கில் ஷாதிகா மற்றும் வினோத் பாபு உள்ளிட்ட போட்டியாளர்கள் நேருக்கு நேர் மோதினர். இறுதியில் ஷாதிகா முதல் கேப்டனாக தேர்வு செய்யப்பட்டுள்ளார்.

இதனால் கேப்டனின் அதிகாரம், மற்ற போட்டியாளர்களின் ஆதரவு மற்றும் அடுத்தடுத்த டாஸ்க்குகளில் அவர்களின் நிலைப்பாடு என பல விஷயங்கள் முக்கியத்துவம் பெற உள்ளன.

பிக்பாஸ் தமிழ் சீசன் 10 தொடங்கிய கையோடு வீட்டிற்குள் போட்டி களைகட்டத் தொடங்கியுள்ளது. போட்டியாளர்கள் அனைவரும் ஒன்றாக அமர்ந்திருக்கும் நிலையில், "எதன் அடிப்படையில் தினமும் இரண்டு பேரை எடுத்தீர்கள் என்று ஹவுஸ் மேட்ஸ் கேப்டன் ஷாதிகாவிடம்ன் கேள்வி எழுப்பினர்.

தொடர்ந்து இது குறித்து விவாதம் தொடங்கியது. இதனால் ஷாதிகா உங்கள் பிரச்சனையை முடித்துக் கொண்டு என்னை அழையுங்கள் என்று சொல்லிவிட்டு கோபமாக செல்கிறார். அப்போது ஜேசன் கௌஷி தனது கருத்தை வெளிப்படையாக கூறி கேப்டனுடன் வாக்குவாததில் ஈடுபடுகிறார். ஒருவருக்கொருவர் பேசிக்கொள்ளும் விதமே பரபரப்பை ஏற்படுத்துகிறது.

#Day2 #Promo1 of #BiggBossTamil Boss Tamil Season 10 - இன்று இரவு 9:30 மணிக்கு.. நம்ம விஜய் டிவில.. #BiggBossTamilSeason10 #Ottikichi #VijaySethupathi #CarniVizha #BiggBossSeason10Tamil #BiggBoss10 #BiggBossSeason10 #BiggBossTamilBB10 #VijayTV #VijayTelevision pic.twitter.com/vLdMxOTyVg

— Vijay Television (@vijaytelevision) September 8, 2026

பிக்பாஸ் ஆரம்பித்த 2 நாட்களிலேயே போட்டியாளர்களுக்கு இடையே கருத்து வேறுபாடுகள் உருவாகி வருவது ரசிகர்களின் ஆர்வத்தை அதிகரித்துள்ளது.

மொத்தத்தில், போட்டியாளர்களின் கூட்டணி எப்படி மாறும், கேப்டன் ஷாதிகாவின் முடிவுகள் வீட்டிற்குள் என்ன தாக்கத்தை ஏற்படுத்தும் என்பதே இன்றைய எபிசோடின் முக்கிய எதிர்பார்ப்பாக உள்ளது.

பிளாக் பாண்டி போல் முதல் வாரமே பிக் பாஸ் வீட்டில் இருந்து வெளியேறிய போட்டியாளர்கள் யார்... யார்? முழு லிஸ்ட் இதோ

Ganesh A — Wed, 09 Sep 2026 16:35:14 +0530

Bigg Boss Walkout Contestants : பிக் பாஸ் நிகழ்ச்சியின் 10வது சீசன் தற்போது நடைபெற்று வரும் நிலையில், அந்நிகழ்ச்சியில் இருந்து பிளாக் பாண்டி வெளியேறி உள்ளார்.

பிக் பாஸ் தமிழ் சீசன் 10 நிகழ்ச்சியில் களமிறங்கி 19 போட்டியாளர்களில் ஒருவர் தான் பிளாக் பாண்டி. இவர் இந்த சீசனில் கலக்குவார் என எதிர்பார்க்கப்பட்ட நிலையில், நிகழ்ச்சி தொடங்கிய மூன்றாவது நாளிலேயே பிக் பாஸ் வீட்டை விட்டு வெளியேறி இருக்கிறார் பிளாக் பாண்டி. மருத்துவ காரணங்களுக்காக அவர் இந்நிகழ்ச்சியில் தொடர முடியாது என பிக் பாஸ் அறிவித்ததும். அங்கிருந்த சக போட்டியாளர்கள் அவரை கண்ணீர்மல்க வழியனுப்பி வைத்தனர். பிளாக் பாண்டிக்கு முன் தமிழ் பிக் பாஸில் முதல் வாரமே வெளியேறிய போட்டியாளர்கள் சிலர் இருக்கிறார்கள் அவர்களைப் பற்றி பார்க்கலாம்.

Bigg Boss 10 : பிளாக் பாண்டிக்கு பதில் பிக் பாஸ் வீட்டுக்குள் சென்ற வைல்டு கார்டு போட்டியாளர் யார் தெரியுமா?

பிக் பாஸ் நிகழ்ச்சி தமிழில் தொடங்கப்பட்ட முதல் சீசனிலேயே இதுபோன்ற ஒரு சம்பவம் அரங்கேறியது. அந்த சீசனில் போட்டியாளராக கலந்துகொண்ட நடிகர் ஸ்ரீ, உள்ளே வந்த முதல் நாளில் இருந்தே தனக்கு இங்கு இருக்க முடியவில்லை என சொல்ல, பின்னர் வேறுவழியின்றி அவரை வெளியேற அனுமதித்தார் பிக் பாஸ். இவர் லோகேஷ் கனகராஜ் இயக்கிய மாநகரம் படத்தின் ஹீரோவாக நடித்தவர் ஆவார்.

பிக் பாஸ் நிகழ்ச்சியில் திருநங்கை போட்டியாளர்களும் கலந்துகொள்வது வழக்கம். அந்த வகையில் பிக் பாஸ் நிகழ்ச்சியின் 5-வது சீசனில் திருநங்கை போட்டியாளராக கலந்துகொண்டார் நமிதா மாரிமுத்து. இவர் நிகழ்ச்சி தொடங்கி ஒருவாரம் முடிவதற்குள்

சக போட்டியாளருடன் ஏற்பட்ட மோதல் காரணமாக அவர் இந்நிகழ்ச்சியை விட்டு விலகியதாக பரவலாக பேசப்பட்டது. ஆனால் உண்மை காரணம் என்ன என்பதை நிகழ்ச்சி ஏற்பாட்டாளர்கள் வெளியிடவில்லை.

பிக் பாஸ் நிகழ்ச்சியின் 7-வது சீசனில் போட்டியாளராக களமிறங்கிய ஜிபி முத்து. அந்த சீசனில் ஒரு கலக்கு கலக்குவார் என எதிர்பார்க்கப்பட்டது. ஏனெனில் அவருக்கு சமூக வலைதளங்களில் மிகப்பெரிய ரசிகர் பட்டாளமே இருந்தது. ஓப்பனிங் எபிசோடில் கமல்ஹாசனையே கதறவிட்டிருந்தார் ஜிபி முத்து. அவர் உள்ளே சென்று ஒரு வாரம் முடிவதற்குள்ளாகவே தன் மகனை பார்க்காமல் தன்னால் இருக்க முடியவில்லை என கூறிவிட்டு பிக் பாஸ் வீட்டை விட்டு வெளியேறினார்.

பிக் பாஸ் சீசன் 9 நிகழ்ச்சியில் போட்டியாளராக உள்ளே வந்த வேகத்தில் வீட்டை விட்டு வெளியேறினார் நந்தினி. அவர் இந்நிகழ்ச்சி தொடங்கிய சில நாட்களிலேயே அனைத்து போட்டியாளர்கள் முன்னிலையில் ஆக்ரோஷமாக கத்தி ரகளை செய்திருந்தார். இதனால் சக போட்டியாளர்கள் அவரைப் பார்த்து மிரண்டு போனார்கள். பின்னர் வேறுவழியின்றி அவரை பாதியிலேயே வெளியேற்ற அனுமதித்தார் பிக் பாஸ்.

Bigg Boss Tamil 10 : பிக் பாஸ் மேடையில் தங்கச்சிக்கே வில்லனாக மாறிய அண்ணன் - யார் இந்த அவினாஷ்?

Ganesh A — Sun, 06 Sep 2026 21:14:09 +0530

Bigg Boss Contestant Avinash : பிக் பாஸ் தமிழ் சீசன் 10 நிகழ்ச்சியில் டான்சர் அவினாஷ் போட்டியாளராக களமிறங்கி உள்ளார். அவரைப் பற்றி இந்த தொகுப்பில் விரிவாக பார்க்கலாம்.

சின்னத்திரையில் ஹீரோவாக பார்த்தாச்சு; டான்ஸ் திறமையை பார்த்தாச்சு; இப்போது அந்த அனுபவங்களோடு நேராக பிக் பாஸ் வீட்டுக்குள் களமிறங்கி இருக்கிறார் அவினாஷ் அசோக். தமிழ் சின்னத்திரையில் தொடர்ந்து கவனம் ஈர்த்து வரும் நடிகரும் நடனக் கலைஞருமான அவினாஷ் அசோக், தற்போது பிக் பாஸ் தமிழ் சீசன் 10 நிகழ்ச்சியில் போட்டியாளராக பங்கேற்று உள்ளார். சீரியல் ரசிகர்களுக்கு ஏற்கனவே பரிச்சயமான முகமான அவினாஷின் இந்த ரியாலிட்டி ஷோ என்ட்ரி, அவரது ரசிகர்களுக்கு எதிர்பாராத சர்ப்ரைஸாக அமைந்துள்ளது.

அவினாஷ் அசோக்கின் சின்னத்திரை பயணம் பல பிரபலமான தொடர்களை கடந்து வந்துள்ளது. குறிப்பாக ‘கயல்’, ‘அனியத்திப்ராவு’ போன்ற தொடர்களில் நடித்ததன் மூலம் ரசிகர்களிடம் கவனம் பெற்றார். அதன்பிறகு ‘மகளே என் மருமகளே’ தொடரில் சின்னத்தம்பி என்ற கதாநாயகன் கதாபாத்திரத்தில் நடித்தார். வர்ஷினி சுரேஷுக்கு ஜோடியாக நடித்த இந்தத் தொடர், அவினாஷுக்கு சின்னத்திரையில் மேலும் ஒரு முக்கியமான அடையாளத்தை உருவாக்கியது. குடும்ப உறவுகளை மையமாக வைத்து நகர்ந்த இந்தத் தொடரில் அவரது கதாபாத்திரம் ரசிகர்களின் கவனத்தை ஈர்த்த நிலையில், தற்போது சீரியல் கதாபாத்திரத்தை விட்டு ரியாலிட்டி ஷோ களத்திற்குள் அடியெடுத்து வைக்கிறார்.

சீரியல் உலகில் ஒரு கதாபாத்திரம் இருக்கும். வசனம் இருக்கும். காட்சி எப்படி நகர வேண்டும் என்பதற்கும் ஒரு இயக்கம் இருக்கும். ஆனால் பிக் பாஸ் வீட்டில்... “ஸ்கிரிப்ட் இல்லை... ரீடேக் இல்லை... கேரக்டர் இல்லை!” அங்கே இருப்பது அவினாஷ் மட்டுமே! 24 மணி நேர கேமரா கண்காணிப்பு, தினசரி டாஸ்குகள், நாமினேஷன், நட்பு, கருத்து மோதல் என ஆட்டம் ஒவ்வொரு நாளும் வேறு பாதையில் செல்லும். இதனால் சீரியலில் ரசிகர்கள் பார்த்த அவினாஷுக்கும், பிக் பாஸ் வீட்டில் அவர்கள் பார்க்கப் போகும் அவினாஷுக்கும் எவ்வளவு வித்தியாசம் இருக்கும் என்பதே இப்போது பேசுபொருளாக உள்ளது.

டாஸ்க்கிலும் தெறிக்க விடுவாரா?

அவினாஷின் இன்னொரு பலம் அவரது நடனப் பின்னணி. மேடை மற்றும் கேமரா முன் அவருக்கு இருக்கும் அனுபவம், பிக் பாஸ் டாஸ்குகளில் அவருக்கு சாதகமாக அமைய வாய்ப்புள்ளது. அவினாஷின் டான்ஸ் அனுபவம் இங்கே எந்த அளவுக்கு கைகொடுக்கப் போகிறது என்பதை பார்க்கலாம்! சின்னத்திரையில் ஹீரோவாக ரசிகர்களை கவர்ந்த அவினாஷ், பிக் பாஸ் வீட்டில் எந்த ரூட்டை தேர்வு செய்யப் போகிறார் என்பதுதான் அடுத்த கேள்வி. அமைதியாக இருந்து ஆட்டத்தை கண்காணிப்பாரா? நட்பை வைத்து கேமை நகர்த்துவாரா? டாஸ்குகளில் அதிரடி காட்டுவாரா? அல்லது கருத்து மோதல் என்று வந்தால் “இது என் கேம்!” என்று தனது நிலைப்பாட்டை அழுத்தமாக பதிவு செய்வாரா? என்பதை பொறுத்திருந்து பார்ப்போம்.

Bigg Boss Tamil 10 : விமர்சகர் பிரசாந்தை விட அதிக ஓட்டு வாங்கி பிக் பாஸ் வீட்டுக்குள் சென்றவர் - யார் இந்த ஜாவித்?

Bigg Boss promo: ஜனநாயகத்தின் ஆட்டம்! பிக்பாஸ் முதல் கேப்டன் யார்? வெளியான புரோமோ!

Vishnupriya — Mon, 07 Sep 2026 09:54:17 +0530

Bigg Boss promo: பிக்பாஸ் தமிழ் 10 முதல் புரோமோ வெளியாகியுள்ளது. அதில், முதல் வார கேப்டனை தேர்வு செய்யும் “ஜனநாயகத்தின் முதல் ஆட்டம்” தொடங்கியுள்ள நிலையில், வாக்குகள் மூலம் கேப்டன்சி போட்டியாளர்கள் தேர்வு செய்யப்படுகின்றனர்.

பிக்பாஸ் தமிழ் சீசன் 10-ன் பிரம்மாண்ட தொடக்கம் நேற்று கோலாகலமாக நடைபெற்ற நிலையில், போட்டியாளர்கள் அனைவரும் தற்போது பிக்பாஸ் வீட்டுக்குள் தங்களது புதிய பயணத்தை தொடங்கியுள்ளனர்.

நேற்றைய கிராண்ட் லாஞ்சில், வழக்கமான அறிமுக முறையிலிருந்து மாறுபட்டு பல்வேறு சுவாரஸ்யமான திருப்பங்களுடன் போட்டியாளர்கள் தேர்வு செய்யப்பட்டனர். குறிப்பாக, சில போட்டியாளர்களை மக்கள் வாக்களித்து தேர்வு செய்யும் புதிய முயற்சியும் இடம்பெற்றது. லட்சுமி பிரியா, ஷதிகா, ஷபி ஷப்னம் ஆகியோரில் இருவர் மட்டுமே வீட்டிற்குள் செல்லும் வகையில் வாக்கெடுப்பு நடத்தப்பட்டது. அதில் லட்சுமி பிரியா மற்றும் ஷதிகா வீட்டுக்குள் நுழைந்தனர்.

நேற்று உறுதி செய்யப்பட்ட 19 போட்டியாளர்களில் ‘மகாநதி’ காவேரியாக பிரபலமான லட்சுமி பிரியா, ஷதிகா, பிரித்வி, ஜாவீத் ஷெரிப், ஜேசன் கௌஷி, முனியம்மாள், ஷாமா, முத்தழகி, அஸ்மிதா, அவினாஷ் அசோக், பிளாக் பாண்டி, வினோத் பாபு, சாந்தினி தமிழரசன், சவின்யா, ‘பாண்டியன் ஸ்டோர்ஸ்’ புகழ் குமரன் தங்கராஜன், ராகவ், தன்யா பல்லத், முகேஷ் மற்றும் CWC முகமது அன்சார் என பல பரிச்சயமான முகங்களும் இந்த சீசனில் உள்ளனர்.

குறிப்பாக, காமன் மேன் பிரிவில் இருந்து ஷாமா, முனியம்மாள், ஜேசன் கௌஷி ஆகிய மூவரும் வீட்டுக்குள் நுழைந்துள்ளனர்.

இந்நிலையில், இன்று காலை 9 மணிக்கு வெளியாகியுள்ள பிக்பாஸின் முதல் புரோமோ ரசிகர்களின் கவனத்தை ஈர்த்துள்ளது. பிக்பாஸ் வீட்டில் முதல் வாரத்திற்கான கேப்டனை தேர்வு செய்வதற்கான ஆட்டம் தொடங்கியுள்ளது. அதனால், இந்த சீசனின் முதல் கேப்டன் யார்? என்ற கேள்வி தற்போது ரசிகர்கள் மத்தியில் எழுந்துள்ளது.

பிக்பாஸ் வீட்டில் முதல் நாளிலேயே அதிகாரத்தை கைப்பற்றுவது என்பது சாதாரண விஷயம் அல்ல. கேப்டன் பதவி கிடைத்தால் அந்த வாரத்தில் வீட்டில் ஒரு முக்கியமான அதிகாரமும், சக போட்டியாளர்களுடன் முடிவெடுக்கும் சூழலும் உருவாகும். இதனால் யார் கேப்டனாக வரப்போகிறார்கள் என்பதிலும், போட்டியாளர்கள் யாரை ஆதரிக்கப் போகிறார்கள் என்பதிலும் சுவாரஸ்யம் ஏற்பட்டுள்ளது.

முதல் வாரமே “ஜனநாயகத்தின் முதல் ஆட்டம்” என்ற பெயரில் கேப்டன்சி போட்டி தொடங்கியிருப்பதால், போட்டியாளர்களுக்குள் கூட்டணி, ஆதரவு, எதிர்ப்பு ஆகியவை உருவாகுமா? என்ற எதிர்பார்ப்பும் அதிகரித்துள்ளது. நேற்று தான் வீட்டுக்குள் சென்றவர்கள், இன்று அதிகாரத்துக்காக ஒருவரை ஒருவர் எதிர்கொள்ளும் நிலை ஏற்பட்டுள்ளது.

அதில் பேசிய ஷதிகா, “மன்னர் ஆட்சி மாதிரி இல்லாமல் அனைவரும் சேர்ந்து ஒரு செயலை செய்வோம்” என்று தெரிவித்துள்ளார். மேலும் பேசிய வினோத் பாபு, “ஜனநாயகத்தை பொறுத்தவரை எதிர் அணியின் கருத்துகளும் கேட்கப்பட வேண்டும்” என்று தன் கருத்தை தெரிவித்துள்ளார். இதனையடுத்து, வாக்குகள் மூலம் கேப்டன்சி போட்டியாளர்கள் தேர்வு செய்யப்படுகின்றனர்.

#Day1 #Promo1 of #BiggBossTamil Boss Tamil Season 10 - இன்று இரவு 9:30 மணிக்கு.. நம்ம விஜய் டிவில.. #BiggBossTamilSeason10 #Ottikichi #VijaySethupathi #CarniVizha #BiggBossSeason10Tamil #BiggBoss10 #BiggBossSeason10 #BiggBossTamilBB10 #VijayTV #VijayTelevision pic.twitter.com/evB173imWk

— Vijay Television (@vijaytelevision) September 7, 2026

ஒவ்வொரு போட்டியாளர்களும் தங்களுக்கு தோன்றும் நபரை ஓட்டு போட்டு முதல் வார கேப்டனை தேர்வு செய்கின்றனர். அதனால், பிக்பாஸ் தமிழ் 10-ன் முதல் வார கேப்டன் யார்? யாருடைய ஆதிக்கம் முதல் வாரத்திலேயே தொடங்கப் போகிறது? என்பதை இன்றைய எபிசோடில் தெரிந்துகொள்ள ரசிகர்கள் ஆவலுடன் காத்திருக்கின்றனர்.

Bigg Boss Shama: காமன் மேன் டு பிக்பாஸ் போட்டியாளர்! யார் இந்த ஷாமா?

Vishnupriya — Mon, 07 Sep 2026 11:21:49 +0530

Bigg Boss Shama: பிக்பாஸ் தி காமன் மேன்’ நிகழ்ச்சியில் பல கட்ட சவால்களை எதிர்கொண்டு இறுதியில் பிக்பாஸ் வீட்டுக்குள் நுழைந்துள்ள ஷாமாவின் பயணம் குறித்து இந்த தொகுப்பில் பார்க்கலாம்.

பிக்பாஸ் தமிழ் 10-ல் இந்த முறை பிரபலங்களுடன் சாமானியர்களுக்கும் (Common Man) நேரடியாக வாய்ப்பு கொடுக்கப்பட்டுள்ளது. அந்த வாய்ப்பை கடுமையான போட்டிகளைக் கடந்து பெற்ற மூன்று பேரில் ஒருவர் தான் ஷாமா. ‘தி காமன் மேன்’ நிகழ்ச்சியில் பல கட்ட சவால்களை எதிர்கொண்டு இறுதியில் பிக்பாஸ் வீட்டுக்குள் நுழைந்துள்ள ஷாமாவின் பயணம் குறித்து இந்த தொகுப்பில் பார்க்கலாம்.

பிக்பாஸ் தமிழ் 10-ல் இந்த முறை அதிரடியான மாற்றமாக ‘பிக்பாஸ் – தி காமன் மேன்’ என்ற சிறப்பு நிகழ்ச்சி அறிமுகப்படுத்தப்பட்டது. இதன் மூலம் பிரபலமாக இல்லாத சாமானியர்களுக்கும் பிக்பாஸ் வீட்டிற்குள் செல்லும் வாய்ப்பு வழங்கப்பட்டு, அவர்களுக்கான ஆன்லைன் நேர்காணல், குழு கலந்துரையாடல், போட்டிகளும் நடத்தப்பட்டது. இதில் பல்வேறு கட்டங்களை கடந்து போட்டியாளர்கள் இறுதிச்சுற்றை நோக்கி முன்னேறினர்.

இந்த நிகழ்ச்சியின் மற்றொரு சுவாரஸ்யம், போட்டியாளர்களை மதிப்பீடு செய்த நடுவர்கள். பிக்பாஸ் நிகழ்ச்சியின் முன்னாள் போட்டியாளர்களான ஓவியா, ஆரி அர்ஜுனன் மற்றும் ராஜு ஜெயமோகன் ஆகியோர் நடுவர்களாக இடம்பெற்றனர். நிகழ்ச்சியை மாயா எஸ். கிருஷ்ணன் தொகுத்து வழங்கினார்.

இது வெறும் ஆடிஷன் நிகழ்ச்சி கிடையாது. போட்டியாளர்களின் தன்னம்பிக்கை, பொறுமை, புத்திசாலித்தனம், உடல் மற்றும் மன வலிமை, பேசும் திறன், குழுவாக செயல்படும் திறன் உள்ளிட்ட பல விஷயங்கள் வெவ்வேறு டாஸ்க்குகள் மூலம் சோதிக்கப்பட்டன. பஸ் டாஸ்குகளில் போட்டியாளர்கள் தங்களுடைய சகிப்புத்தன்மையை நிரூபிக்க வேண்டியிருந்தது.

அதேபோல், BB School Task போன்ற வித்தியாசமான டாஸ்க்குகளும் இடம்பெற்றன. ஒவ்வொரு சுற்றிலும் சிலர் வெளியேற்றப்பட்ட நிலையில், சிறப்பாக செயல்பட்டவர்களில் ஒருவரான ஷாமா அடுத்த கட்டத்திற்கு முன்னேறினார்.

ஆயிரக்கணக்கான விண்ணப்பதாரர்களுடன் போட்டியிட்டு, பல்வேறு சுற்றுகளை கடந்து இறுதியில் பிக்பாஸ் வீட்டுக்குள் நுழைந்தவர்களில் ஒருவர்தான் ஷாமா.

‘தி காமன் மேன்’ நிகழ்ச்சியில் கலந்துக்கொண்ட ஷாமா, டாஸ்குனு வந்துட்டா நான் விடமாட்டேன் என்று கூறியிருந்தார்.தொடர்ந்து வெளியான புரோமோவில் அவர் சாத்தான் (Devil) போன்று வேடமணிந்து பல விஷயங்களை செய்திருந்தது குறிப்பிடத்தக்கது.

எதற்காக பிக்பாஸ் வந்தீர்கள் என மாயா கேட்டதற்கு பதில் அளித்த ஷாமா, நான் senior product analyst இருக்கிறேன். எனது வாழ்க்கையை நான் செட்டில் பண்ணிட்டன். ஆனால் எனக்கென்று ஒரு அடையாளம் கூட இல்லை. நான் இப்போது ஆசிரியராக வேலை பார்க்கிறேம். அதுமட்டுமில்லாமல் நன்றாக நடனம் ஆடுவேன், NGO-ல வேலை செய்கிறேன். இப்படி பல வேலைகள் செய்வதற்கு எனக்கு பிடிக்கும்.

ஆனால், எனக்கு மிடில் கிளாஸ் டேக் இருந்தது. நான் இன்னும் எதுவும் செய்யவில்லை என்ற எண்ணம் எனக்குள் இருந்துட்டே இருக்கிறது என்று கூறியிருந்தார்.

‘தி காமன் மேன்’ நிகழ்ச்சியில் பல கட்ட சவால்களை எதிர்கொண்டு இறுதியில் பிக்பாஸ் வீட்டுக்குள் நுழைந்துள்ள ஷாமா அனைத்து போட்டியாளர்களையும் எதிர்கொள்வாரா? என்பதுதான் மக்களின் எதிர்பார்ப்பாக உள்ளது.

Bigg Boss : சட்டசபையாக மாறிய பிக் பாஸ் வீடு... ஆளுங்கட்சி vs எதிர்க்கட்சியாக பிரிந்த ஹவுஸ்மேட்ஸ் - அனல்பறக்கும் மோதல்...!

Asianet News — Mon, 07 Sep 2026 18:44:53 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் கலந்துகொண்ட போட்டியாளர்கள் ஆளுங்கட்சி, எதிர்க்கட்சியாக பிரிந்து, பிக் பாஸ் வீடே சட்டசபையாக மாறி உள்ளது.

பிக் பாஸ் நிகழ்ச்சி என்றாலே பரபரப்புக்கு பஞ்சம் இருக்காது. அந்த வகையில் பிக் பாஸ் நிகழ்ச்சியின் 10வது சீசன் தொடங்கிய முதல் நாளே பல்வேறு ட்விஸ்டுகளை மக்களுக்கு கொடுத்தது. வழக்கமாக அறிமுக நிகழ்ச்சியில், உள்ளே வரும் போட்டியாளர்கள் எல்லாம் நேராக பிக் பாஸ் வீட்டுக்குள் அனுப்பி வைக்கப்படுவார்கள். ஆனால் இம்முறை, மேடையில் இரண்டு அல்லது மூன்று போட்டியாளர்களை ஒன்றாக நிற்க வைத்து, அவர்களில் உள்ளே செல்ல தகுதியான நபர் யார் என்பதற்காக அங்கிருந்த ஆடியன்ஸ் மத்தியில் வாக்கெடுப்பு நடத்தப்பட்டு, அவர்களில் யாருக்கு கம்மியாக வாக்கு கிடைத்துள்ளதோ அந்த நபரை தவிர்த்து மற்றவர்கள் உள்ளே செல்ல அனுமதிக்கப்பட்டனர்.

Bigg Boss Hosts Salary : பிக் பாஸ் தொகுப்பாளர்களில் யாருக்கு அதிக சம்பளம்? நம்ம விஜய் சேதுபதி எவ்வளவு வாங்குகிறார் தெரியுமா?

இதன் காரணமாக நேற்று துவக்க நாளிலேயே 8 பேர் எலிமினேட் செய்யப்பட்டனர். இதில் பிரபல விமர்சகரான பிரசாந்தும் ஒருவர், பிக் பாஸ் உள்ளே செல்ல அத்தனை தகுதியும் கொண்ட போட்டியாளராக பிரசாந்த் இருந்தும், அவருக்கு போட்டியாக வந்த இரண்டு புதுமுகங்களுக்கு அதிக வாக்குகள் கிடைத்தது போல் காட்டி பிரசாந்தை எலிமினேட் செய்தனர். இதனால் இந்த ஸ்பாட் எலிமினேஷன் முறை பேசு பொருள் ஆகி உள்ளது. இதையடுத்து முதல் நாளில் மொத்தம் 19 போட்டியாளர்கள் வீட்டுக்குள் சென்றுள்ளனர். இவர்களில் மூவர் காமன்மேன் நிகழ்ச்சியில் இருந்து தேர்வானவர்களாவர்.

பிக் பாஸ் நிகழ்ச்சியில் வார வாரம் கேப்டன் தேர்ந்தெடுக்கப்படுவார்கள். அந்த வகையில் இந்த சீசனிலும் கேப்டனை தேர்வு செய்வதற்கான டாஸ்க் நடத்தப்பட்டதில், அதில் வென்று, ஷாதிகா இந்த சீசனின் முதல் கேப்டனாக தேர்வு செய்யப்பட்டு உள்ளார். அவர் கேப்டன் ஆன உடனே அவருக்கு செக் வைக்கும் விதமாக ஒரு புது ரூலை கொண்டு வந்துள்ளார் பிக் பாஸ். இந்த சீசனில் புதிதாக டெமாகிரசி ரூம் என ஒரு தனி அறை கொண்டுவரப்பட்டு உள்ளது. அதைப் பார்க்கும் போதே ஒரு தனி சட்டமன்றம் போல தெரிந்தது.

நாம் எதிர்பார்த்தபடியே ஒரு மினி சட்டசபை தான் அது. அங்கு கேப்டன் தான் தலைவராக இருக்கிறார். அவர்களால் தேர்வு செய்யப்பட்ட ஒரு சில போட்டியாளர்கள் எதிர்க்கட்சி வரிசையில் அமர்ந்திருக்கிறார்கள். அந்த எதிர்க்கட்சியில் இருப்பவர்களுக்கு தலைவராக வினோத் பாபு இருக்கிறார். அவர்களின் வேலை என்னவென்றால், கேப்டனின் செயல்பாடுகளை கண்காணிப்பது தான். கேப்டன்சியில் ஏதேனும் தவறு நடக்கிறதா, வீட்டில் ஏதேனும் முறைகேடு நடக்கிறதா, போட்டியாளர்கள் விதிகளை மீறுகிறார்களா என்பதை கண்காணிப்பதே அவர்களின் வேலை.

வினோத் பாபு தலைமையிலான எதிர்க்கட்சியில், ஷாமா, சாவின்யா, சாந்தினி, அஸ்மிதா, ஜேசன் மற்றும் ஜாவித் ஆகியோர் இடம்பெற்று உள்ளனர். அவர்களிடம் டாஸ்கில் அவர்கள் செய்யும் தவறுகளை நாம் சுட்டிக்காட்ட வேண்டும் என கூறுகிறார் வினோத் பாபு. மறுபுறம் ஷாதிகா தன் தரப்பினருடன் லிவ்விங் ஏரியாவில் வைத்து டிஸ்கஸ் பண்ணுகிறார். இதனால் இந்த சீசன் சற்று வித்தியாசமானதாக இருக்கும் என்பது உறுதியாக தெரிகிறது.

Movie Interval: மூவிக்கு நடுவே ஏன் “Interval”? வெறும் பாப்கார்னுக்காக இல்லை.. பின்னால் இருக்கும் சுவாரஸ்ய காரணம்!

Asianet News — Mon, 07 Sep 2026 16:09:27 +0530

Movie Interval: மூவியில் ஏன் Interval வருகிறது தெரியுமா? Film Reel மாற்றுவது முதல் கதை சொல்லும் உத்தி, Popcorn விற்பனை வரை Interval-க்கு பின்னால் இருக்கும் சுவாரஸ்ய காரணங்களை தெரிந்துகொள்ளுங்கள்.

திரையரங்கில் படம் பார்க்கும்போது கதை பரபரப்பாகச் சென்றுகொண்டிருக்க.. திடீரென திரையில் “INTERVAL” என்ற வார்த்தை வந்துவிடும். சிலருக்கு இது பாப்கார்ன் வாங்கும் நேரம்; சிலருக்கு கழிவறைக்குச் செல்லும் நேரம்.

ஆனால் சினிமா ரசிகர்களுக்கு தெரிந்திருக்க வேண்டிய ஒரு சுவாரஸ்யமான விஷயம் என்னவென்றால், Interval என்பது வெறும் இடைவேளை மட்டுமல்ல. இந்திய சினிமாவின் கதை சொல்லும் முறையிலும் அதற்கு முக்கிய பங்கு இருக்கிறது.

இன்றைய டிஜிட்டல் ப்ரொஜெக்டர் (Digital Projector) காலத்தில், படம் ஓடுவதற்கு ரீல் மாற்ற வேண்டிய அவசியம் இல்லை. ஆனால், முன்பு திரைப்படங்கள் பெரிய பெரிய film reels-ல் திரையிடப்பட்டன. குறிப்பாக நீண்ட படங்களில் ஒரு ரீல் முடிந்ததும் அடுத்த ரீலை மாற்ற projectionist-க்கு நேரம் தேவைப்பட்டது. இதனால் படத்தின் நடுவில் இடைவேளை விடும் பழக்கம் உருவானது.

ஆனால், தொழில்நுட்பம் வளர்ந்து டிஜிட்டல் திரையிடல் வந்த பிறகும் இந்தியாவில் Interval மட்டும் மாறவே இல்லை. அது இப்போது சினிமா கலாச்சாரத்தின் ஒரு பகுதியாகவே மாறிவிட்டது.

இதுதான் சினிமா ரசிகர்களுக்கு மிகவும் சுவாரஸ்யமான பகுதி. பல இந்திய திரைப்படங்களில் Interval-க்கு சில நிமிடங்களுக்கு முன்பாகவே ஒரு பெரிய திருப்பம், அதிர்ச்சி, சண்டை, அல்லது எதிர்பாராத சம்பவம் வைக்கப்படும். இதையே ரசிகர்கள் பொதுவாக “Interval Block” என்று குறிப்பிடுகிறார்கள். கதை அப்படியே நின்றுவிடாமல், அடுத்து என்ன நடக்கும்? என்ற கேள்வியுடன் ரசிகர்களை வெளியே அனுப்புவதுதான் இதன் நோக்கம்.

Interval என்பது ரசிகர்கள் ஓய்வெடுக்கும் நேரம் மட்டுமல்ல. திரையரங்குகளுக்கு வருமானம் கிடைக்கும் முக்கியமான நேரமாகவும் உள்ளது. இந்த இடைவேளையில் பலரும் பாப்கார்ன், ஜூஸ், காபி, சமோசா போன்ற உணவுப் பொருட்களை வாங்குவதால் தியேட்டர்களின் உணவு விற்பனையும் அதிகரிக்கிறது.

அதுமட்டுமல்லாமல், நீண்ட நேரம் அமர்ந்திருக்கும் ரசிகர்களுக்கு சிறிது ஓய்வு, கழிவறை செல்வது, உணவு வாங்குவது போன்றவற்றுக்கும் இந்த இடைவேளை உதவுகிறது.

பல நாடுகளில் நவீன திரைப்படங்கள் பொதுவாக இடைவேளையின்றி திரையிடப்படுகின்றன. டிஜிட்டல் ப்ரொஜெக்டர் வந்ததால் ரீல் மாற்ற வேண்டிய அவசியமும் இல்லாமல் போனது.

ஆனால், இந்தியாவில் Interval நீண்ட காலமாக ரசிகர்களின் எதிர்பார்ப்பாகவும், தியேட்டர்களின் வணிக நடைமுறையாகவும் தொடர்கிறது. இதனால் சில Hollywood படங்களுக்குக்கூட இந்திய திரையரங்குகளில் Interval சேர்க்கப்படுகிறது.

ஆனால் அந்தப் படங்கள் Interval-ஐ கருத்தில் கொண்டு உருவாக்கப்படாததால், சில நேரங்களில் முக்கியமான காட்சிக்கு நடுவிலேயே படம் நிறுத்தப்படுவது ரசிகர்களுக்கு எரிச்சலை ஏற்படுத்துகிறது.

இறுதியாக..

அதனால் அடுத்த முறை திரையில் “INTERVAL” வந்தால், அது வெறும் 10–15 நிமிட பிரேக் என்று நினைக்காதீங்க. அந்த இடைவேளைக்குப் பின்னால் தொழில்நுட்ப வரலாறும், திரையரங்கின் வணிகமும், அதைவிட முக்கியமாக அடுத்து என்ன நடக்கும்? என்ற ரசிகர்களின் ஆர்வத்தை உயிரோடு வைத்திருக்கும் சினிமா உத்தியும் இருக்கிறது.

Bigg Boss Hosts Salary : பிக் பாஸ் தொகுப்பாளர்களில் யாருக்கு அதிக சம்பளம்? நம்ம விஜய் சேதுபதி எவ்வளவு வாங்குகிறார் தெரியுமா?

Ganesh A — Mon, 07 Sep 2026 14:26:23 +0530

Bigg Boss Host Salary : இந்தியாவில் பல மொழிகளில் பிக் பாஸ் நிகழ்ச்சி நடக்குது. இதை தொகுத்து வழங்குற ஸ்டார்ஸ் வாங்கும் சம்பள விவரம் சுவாரஸ்யமா இருக்கு. இந்த லிஸ்ட்ல யார் டாப்-ல இருக்காங்க என்பதை பார்க்கலாம்.

இந்தியாவின் நம்பர் ஒன் ரியாலிட்டி ஷோ பிக் பாஸ். இந்தி, தமிழ், தெலுங்கு, மலையாளம்னு பல மொழிகள்ல பட்டையக் கிளப்புது. போட்டியாளர்களை விட, இந்த ஷோவை தொகுத்து வழங்குற ஸ்டார்ஸ் எவ்வளவு சம்பளம் வாங்குறாங்கன்னு தெரிஞ்சுக்கதான் எல்லாருக்கும் ஆர்வம். தேசிய ஊடக அறிக்கைகளின்படி, சல்மான் கான் இந்த லிஸ்ட்ல முதலிடத்திலும், நம்ம விஜய் சேதுபதி, நாகார்ஜுனா அடுத்தடுத்த இடங்களிலும் இருக்காங்க.

Bigg Boss promo: ஜனநாயகத்தின் ஆட்டம்! பிக்பாஸ் முதல் கேப்டன் யார்? வெளியான புரோமோ!

இந்தி பிக் பாஸ்னா சல்மான் கான் தான். பல சீசன்களா அவர்தான் தொகுத்து வழங்குறார். வீக்கெண்ட் எபிசோட்ல அவர் பேசுற ஸ்டைலுக்காகவே ஷோ ஹிட்டாகுது. ஒரு சீசனுக்கு சுமார் 125 கோடி ரூபாய் சம்பளம் வாங்குறதா தகவல். அதாவது, ஒரு வீக்கெண்ட் எபிசோடுக்கு மட்டுமே 15 கோடி ரூபாய்க்கு மேல வாங்குறாராம்.

Bigg Boss Tamil 10: விஜய் சேதுபதியை கவர்ந்த ஜாலி பேச்சு... யார் இந்த முகேஷ்?

தமிழ் பிக் பாஸை மக்கள் செல்வன் விஜய் சேதுபதி தொகுத்து வழங்குறார். அவரோட இயல்பான பேச்சு ரசிகர்களை ரொம்பவே கவர்ந்திருக்கு. இந்த ஷோவுக்காக அவருக்கு 75 கோடியிலிருந்து 80 கோடி ரூபாய் வரை சம்பளம் கொடுக்கப்படுவதா சொல்றாங்க. இதனால, தென்னிந்தியாவிலேயே அதிக சம்பளம் வாங்கும் பிக் பாஸ் தொகுப்பாளர் இவர்தான்.

தெலுங்கு பிக் பாஸை 'கிங்' நாகார்ஜுனா தொடர்ந்து தொகுத்து வழங்கிட்டு வர்றார். போட்டியாளர்கள்கிட்ட ஜாலியா பேசி, தேவைப்பட்டா சீரியஸா கிளாஸ் எடுக்குற நாகார்ஜுனாவின் ஸ்டைலுக்கு நல்ல வரவேற்பு இருக்கு. ஒரு சீசனுக்கு இவர் 35 கோடியிலிருந்து 40 கோடி ரூபாய் வரை சம்பளம் வாங்குறதா ரிப்போர்ட்ஸ் சொல்லுது.மலையாள பிக் பாஸை சூப்பர் ஸ்டார் மோகன்லால் தொகுத்து வழங்குறார். அவரோட ஸ்டார் இமேஜ்தான் இந்த ஷோவோட முக்கிய ஈர்ப்பே. இந்த நிகழ்ச்சிக்காக மோகன்லாலுக்கு சுமார் 30 கோடி ரூபாய் வரை சம்பளம் கிடைப்பதாக தகவல்.கன்னட பிக் பாஸை ரொம்ப காலமா கிச்சா சுதீப் தான் தொகுத்து வழங்கிட்டு இருக்கார். கன்னட ரசிகர்கள் மத்தியில அவருக்கு இருக்குற பெரிய ஃபேன் பேஸ்தான் ஷோவோட வெற்றிக்கு முக்கிய காரணம்னு சொல்வாங்க. பிக் பாஸ் ஹோஸ்டிங்கிற்காக இவர் சுமார் 20 கோடி ரூபாய் வரை சம்பளம் வாங்குறதா ரிப்போர்ட்ஸ் சொல்லுது.இந்திய கிரிக்கெட் அணியின் முன்னாள் கேப்டன் சவுரவ் கங்குலியும் பெங்காலி பிக் பாஸ் மூலமா செய்திகளில் இடம்பிடிச்சார். அவரோட டீல் மதிப்பு ரொம்ப பெருசுன்னு சொல்றாங்க. நாலு வருஷ ஒப்பந்தத்துக்கு 125 கோடி ரூபாய் வரை டீல் பேசப்பட்டதா தேசிய ஊடகங்கள் செய்தி வெளியிட்டிருக்கு.

Bigg Boss 10 : எஸ்கேப் ஆன முனியம்மா... எலிமினேட் ஆனது யார்? பிக் பாஸ் வரலாற்றில் இப்படி ஒரு எவிக்‌ஷனா..!

Ganesh A — Fri, 11 Sep 2026 15:07:11 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் போட்டியாளர்களால் தேர்வு செய்யப்பட்டு எலிமினேட் ஆன முதல் போட்டியாளர் யார் என்பதை இந்த தொகுப்பில் பார்க்கலாம்.

பிக் பாஸ் தமிழ் சீசன் 10 நிகழ்ச்சி கடந்த வாரம் தொடங்கப்பட்டது. தொடங்கிய முதல் வாரத்திலேயே வீட்டுக்குள் சண்டைகள் சூடுபிடிக்க தொடங்கிவிட்டன. இந்த சீசனில் 19 போட்டியாளர்கள் உள்ளே அனுப்பப்பட்டனர். அதில் 16 பேர் பிரபலங்கள், எஞ்சியுள்ள மூன்று நபர்கள் காமன்மேன் நிகழ்ச்சியில் இருந்து உள்ளே சென்றனர். இந்நிகழ்ச்சியின் ஓப்பனிங் எபிசோடே எலிமினேஷன் உடன் தான் நடைபெற்றது. துவக்க நாளிலேயே மொத்தம் 8 பேர் எலிமினேட் செய்யப்பட்டனர். இதுபோக எஞ்சி இருந்த 19 பேர் தான் போட்டியாளராக உள்ளே சென்றனர்.

பிக்பாஸ் போட்டியாளர்கள் தோளில் தொங்கும் பேக்! உள்ள என்ன இருக்கு தெரியுமா? 99% பேருக்கு தெரியாத ரகசியம்!

பிக் பாஸ் நிகழ்ச்சியின் விதிப்படி ஒவ்வொரு வாரமும் வீட்டின் கேப்டனாக ஒரு நபர் தேர்வு செய்யப்படுவார். அந்த வகையில் இந்த சீசனில் முதல் கேப்டனாக ஷாதிகா தேர்வு செய்யப்பட்டார். இவர் கேப்டனாக பொறுப்பேற்றதில் இருந்தே வீட்டில் சண்டையும், சச்சரவுமாக சென்று கொண்டிருந்தது. குறிப்பாக முனியம்மாவை டார்கெட் செய்து அவரை குறைகூறிக் கொண்டிருந்தார் ஷாதிகா. கிச்சனில் வைத்து இருவருக்கும் வாக்குவாதம் முற்றியதை அடுத்து, சமைத்துக் கொண்டிருந்த முனியம்மா, ஷாதிகாவை பார்த்து துப்பினார். இது பெரிய பிரச்சனையாக வெடித்தது.

இதையடுத்து ஹவுஸ்மேட்ஸை கூட்டி, தான் முனியம்மா மீது ஆக்‌ஷன் எடுக்க உள்ளதாக கூறிய ஷாதிகா, அவரை சிறையில் அடைக்க உத்தரவிட்டார். இதையடுத்து முனியம்மாவை ஜெயிலில் அடைத்தனர். இந்த பிரச்சனைகளுக்கு மத்தியில், பிளாக் பாண்டிக்கு சுகர் லெவல் அதிகரித்ததால், அவர் இந்த நிகழ்ச்சியில் தொடர முடியாத நிலை ஏற்பட்டது. இதையடுத்து அவரை உடனடியாக வெளியேறுமாறு அறிவுறுத்தினார் பிக் பாஸ். பிளாக் பாண்டி வெளியே சென்றதும் அவருக்கு பதிலாக காமன்மேனில் பைனலிஸ்டாக இருந்த மணிவண்ணன் வைல்டு கார்டு போட்டியாளராக உள்ளே வந்தார்.

இதையடுத்து டெமாகிரசி ரூமில், இந்த வாரம் கேப்டனின் செயல்பாடு எப்படி இருந்தது என்பது பற்றிய விவாதம் நடந்தது. அதில் ஷாதிகா மீது அடுக்கடுக்கான புகார்கள் முன் வைக்கப்பட்டதால் அவர் கேப்டன் பதவியை ராஜினாமா செய்தார். இந்த சீசனில் தினமும் இரவு இரண்டு போட்டியாளர்களை தேர்வு செய்து, அவர்கள், சக போட்டியாளர்களை இரவு முழுவதும் எண்டர்டெயின் செய்ய வேண்டும் என உத்தரவிட்டிருந்தார் பிக் பாஸ். அப்படி எண்டர்டெயின் செய்ய தவறினால் அவர்களில் இருந்து ஒருவர் போட்டியாளர்களால் எலிமினேட் செய்யப்படுவார்கள் என அறிவிக்கப்பட்டு இருந்தது.

இதன்படி இந்த வாரத்தில் எண்டர்டெயின் செய்யதவறிய போட்டியாளர்கள் லிஸ்டில் சாவின்யா, முனியம்மா, தன்யா ஆகியோர் இடம்பிடித்தனர். இவர்கள் மூவரில் இருந்து ஒருவரை எலிமினேட் செய்ய போட்டியாளர்களுக்கு பவர் உண்டு. அதன் அடிப்படையில் தற்போது சாவின்யா சக போட்டியாளர்களால் எலிமினேட் செய்யப்பட்டு இருப்பதாக தகவல்கள் தெரிவிக்கின்றன. பிக் பாஸ் வரலாற்றில் இதுவரை மக்கள் ஓட்டுகளின் அடிப்படையில் தான் எலிமினேஷன் நடந்திருக்கிறது. ஆனால் முதன்முறையாக போட்டியாளர்களே எலிமினேட் செய்த கண்டஸ்டண்ட் என்றால் அது சாவின்யா தான்.

பிளாக் பாண்டி போல் முதல் வாரமே பிக் பாஸ் வீட்டில் இருந்து வெளியேறிய போட்டியாளர்கள் யார்... யார்? முழு லிஸ்ட் இதோ

Bigg Boss Tamil 10 : புன்னகையோடு பிக் பாஸ் வீட்டிற்குள் சென்ற முனியம்மாவின் வலிகள் நிறைந்த வாழ்க்கை பற்றி தெரியுமா?

Ganesh A — Sun, 06 Sep 2026 22:15:04 +0530

Bigg Boss Contestant Muniyamma : பிக் பாஸ் தமிழ் சீசன் 10 நிகழ்ச்சியில் காமன்மேன் ஆக எண்ட்ரி கொடுத்துள்ள முனியம்மாவின் வாழ்க்கை பின்னணி பற்றி இந்த தொகுப்பில் பார்க்கலாம்.

பிக் பாஸ் தமிழ் சீசன் 10 நிகழ்ச்சி பிரம்மாண்டமாக தொடங்கி உள்ள நிலையில் அதில் கலந்துகொள்ள காமன்மேன் ஆடிஷனில் இருந்து மூன்று பேர் பிக் பாஸ் வீட்டுக்குள் அனுப்பி வைக்கப்பட்டு உள்ளனர். அவர்களில் ஒருவர் தான் முனியம்மா. மதுரையைச் சேர்ந்த முனியம்மா பலரது கவனத்தையும் ஈர்த்துள்ளார். இயல்பான மதுரை வட்டார பேச்சு, வெளிப்படையான அணுகுமுறை மற்றும் அன்றாட வாழ்க்கையை நகைச்சுவையுடன் பகிரும் விதம் ஆகியவை அவருக்கு தனி ரசிகர் பட்டாளத்தை உருவாக்கி உள்ளார்.

பிரமாண்டமான கேமரா செட்டப் அல்லது செயற்கையான பின்னணி என எதையும் நம்பாமல், தனது வாழ்க்கையில் எதிர்கொண்ட அனுபவங்களையே எளிமையாக பகிர்ந்து சமூக வலைத்தளங்களில் கவனம் பெற்றவர் முனியம்மா. அவரது பேச்சில் இருக்கும் இயல்பும், வெள்ளந்தியான குணமும் பலரையும் கவர்ந்துள்ளது.

முனியம்மாவின் பின்னணியும் தற்போது பேசுபொருளாகியுள்ளது. குடும்ப சூழ்நிலை காரணமாக சிறு வயதிலேயே அனாதை இல்லத்தில் சேர்க்கப்பட்டதாகவும், அங்கு பல்வேறு கஷ்டங்களை எதிர்கொண்டு வளர்ந்ததாகவும் கூறப்படுகிறது. வாழ்க்கையில் பல தடைகளை சந்தித்தபோதிலும், தனது சொந்த முயற்சி மற்றும் உழைப்பின் மூலம் சமூக வலைத்தளங்களில் தனக்கென ஓர் இடத்தை உருவாக்கி, தற்போது பிக் பாஸ் ஆடிஷன் மேடை வரை வந்திருப்பது அவரது பயணத்தின் முக்கிய கட்டமாக பார்க்கப்படுகிறது.

முந்தைய சீசன்களில் சாதாரண பின்னணியில் இருந்து வந்த போட்டியாளர்கள் ரசிகர்களிடம் நல்ல வரவேற்பைப் பெற்றிருக்கிறார்கள். அந்த வகையில், முனியம்மாவைப் போன்ற இயல்பான குணம் கொண்ட போட்டியாளர் பிக் பாஸ் தமிழ் 10-க்கு ஒரு சுவாரஸ்யமான திருப்பமாக அமையலாம்.

முனியம்மாவுக்கு திருமணமாகி ஒரு மகனும் இருக்கிறார். முனியம்மாவுக்கு எழுதக் கூட தெரியாதாம். அவர் பிக் பாஸில் கலந்துகொள்ள வேண்டும் என்பதற்காக அவரது மகன் தான் அப்ளை செய்தாராம். முனியம்மாவின் மகன் பெயர் இஷாந்த் சர்மா. இந்த பெயருக்கு பின்னணியிலும் ஒரு சுவாரஸ்யமான கதை இருக்கிறது. முனியம்மாவின் கணவருக்கு இந்திய அணியின் முன்னாள் வேகப்பந்து வீச்சாளர் இஷாந்த் சர்மா ரொம்ப பிடிக்குமாம். அதனால் அவர் பெயரையே தன்னுடைய மகனுக்கு வைத்துவிட்டாராம்.

முனியம்மா பிக் பாஸ் வீட்டுக்குள் செல்லும் முன் அவருடைய கணவர் அவருக்காக மதுரையில் இருந்து ஆசை ஆசையாக வாங்கி வந்த மல்லிப்பூவை மேடையில் வந்து வைத்துவிட்டார். தன் கணவர் தன்னை புகழ்ந்து பேசியதை கேட்டதும் மேடையிலேயே கண்ணீர்விட்டு அழுதார் முனியம்மா.

Bigg Boss Tamil 10 : பாக்யராஜ் அறிமுகப்படுத்திய ஹீரோயின் இப்போ பிக் பாஸ் வீட்டில்... யார் இந்த சாந்தினி தமிழரசன்?

Bigg Boss Tamil 10 : பாக்யராஜ் அறிமுகப்படுத்திய ஹீரோயின் இப்போ பிக் பாஸ் வீட்டில்... யார் இந்த சாந்தினி தமிழரசன்?

Ganesh A — Sun, 06 Sep 2026 21:33:50 +0530

Bigg Boss Contestant Chandini : பிக் பாஸ் தமிழ் சீசன் 10 நிகழ்ச்சியில் போட்டியாளராக நடிகை சாந்தினி தமிழரசன் களமிறங்கி உள்ளார். அவரைப் பற்றி இந்த தொகுப்பில் பார்க்கலாம்.

நடிகை சாந்தினி தமிழரசன் தற்போது நேராக பிக் பாஸ் தமிழ் சீசன் 10 வீட்டுக்குள் களமிறங்கி உள்ளார். சினிமாவில் கதாநாயகியாக அறிமுகமாகி, அடுத்தடுத்து பல்வேறு கதாபாத்திரங்களில் நடித்த சாந்தினிக்கு, பிக் பாஸ் வீடு முற்றிலும் புதிய களமாக இருக்கப்போகிறது. இயக்குநரும் நடிகருமான கே.பாக்யராஜ் இயக்கிய ‘சித்து +2’ திரைப்படம் தான் சாந்தினி தமிழரசனின் சினிமா என்ட்ரி. சாந்தனு பாக்யராஜுக்கு ஜோடியாக கதாநாயகியாக அறிமுகமான அவர், முதல் படத்திலேயே ரசிகர்களின் கவனத்தை ஈர்த்தார்.

அதன்பிறகு ‘நான் ராஜாவாகப் போகிறேன்’ உள்ளிட்ட திரைப்படங்களில் நடித்து தனது திரைப்பயணத்தை தொடர்ந்து வந்தார். ஒரு கட்டத்தில் தமிழ் சினிமாவை தாண்டி தெலுங்கு திரையுலகிலும் தனது நடிப்பை பதிவு செய்தார். இப்படியாக பல வருடங்களாக சினிமா உலகில் பயணித்து வந்த சாந்தினி, இப்போது தனது கேரியரில் எதிர்பாராத ஒரு ரூட்டை தேர்வு செய்திருக்கிறார். அது... பிக் பாஸ்! சினிமா நடிகைக்கு கேமரா புதிதல்ல. ஆனால் பிக் பாஸ் வீட்டின் கேமரா அப்படியில்லை! அங்கே 24 மணி நேரமும் கேமரா கண்காணிப்பு. சின்ன ரியாக்ஷன் முதல் பெரிய முடிவு வரை அனைத்தும் ரசிகர்களின் பார்வைக்கு வரும்.

அதிலும் டாஸ்க், நாமினேஷன், நட்பு, கருத்து மோதல், ஈகோ கிளாஷ் என ஒவ்வொரு நாளும் ஆட்டம் வேறு லெவலுக்கு செல்லும். இதுவரை இயக்குநர் சொன்ன கதாபாத்திரத்தை நடித்த சாந்தினி... இனி தன்னுடைய கதையை தானே எழுத வேண்டியிருக்கும்! சைலண்ட் கேம் ஆடுவாரா? இல்ல... சம்பவம் செய்வாரா? என்பதை காண ரசிகர்கள் ஆவலோடு உள்ளனர். பிக் பாஸ் வீட்டுக்குள் சாந்தினியின் கேம் பிளான் என்னவாக இருக்கும் என்பதுதான் இப்போது ஹாட் டாபிக்.

மற்ற போட்டியாளர்களுடன் ஆரம்பத்திலேயே நட்பை உருவாக்குவாரா? டாஸ்க் என்று வந்தால் முழு எனர்ஜியுடன் களமிறங்குவாரா? கருத்து மோதல் ஏற்பட்டால் அமைதியாக கடந்து செல்வாரா? அல்லது... “நான் இப்படித்தான்!” என்று ஓப்பனாக தனது நிலைப்பாட்டை முன்வைப்பாரா? என்பதை பொறுத்திருந்துதான் பார்க்க வேண்டும். சினிமாவில் ஒரு நடிகையை ரசிகர்கள் பெரும்பாலும் அவர் ஏற்று நடிக்கும் கதாபாத்திரத்தின் மூலமாகத்தான் பார்க்கிறார்கள். ஆனால் பிக் பாஸ் அப்படி இல்லை. இங்கே எந்த ஹீரோயின் இமேஜும் கிடையாது. எந்த ஸ்கிரிப்ட்டும் கிடையாது. எந்த ரீடேக்கும் கிடையாது.

மக்கள் பார்க்கப் போவது சாந்தினி தமிழரசனின் உண்மையான ஆளுமையை! இதுதான் இந்த பிக் பாஸ் என்ட்ரியை இன்னும் சுவாரஸ்யமாக்குகிறது. ‘சித்து +2’ படத்தில் ஹீரோயினாக தொடங்கிய பயணம்... இப்போது பிக் பாஸ் வீட்டின் போட்டியாளராக ஒரு புதிய அத்தியாயத்தை தொடங்குகிறது! சினிமாவில் கதாபாத்திரங்களை ஏற்று நடித்த சாந்தினி... பிக் பாஸ் வீட்டில் தன்னையே கதாநாயகியாக்கி வெற்றி பெறுவாரா? என்பதை பொறுத்திருந்து தான் பார்க்க வேண்டும்.

Bigg Boss வீட்டில் மீண்டும் வெடித்த மோதல்... லீடர் ஷமாவுடன் சண்டையில் இறங்கிய அவினாஷ்

Ganesh A — Tue, 15 Sep 2026 13:59:03 +0530

Bigg Boss Tamil 10: பிக் பாஸ் தமிழ் சீசன் 10 நிகழ்ச்சியில் இந்த வாரம் லீடராக தேர்வு செய்யப்பட்டு உள்ள ஷமாவுடன் சக போட்டியாளரான அவினாஷ் மோதலில் ஈடுபட்டு உள்ளார்.

தமிழ் சின்னத்திரை ரசிகர்களின் எதிர்பார்ப்புக்கு மத்தியில் பிக்பாஸ் தமிழ் சீசன் 10 நிகழ்ச்சி கடந்த செப்டம்பர் 6ந் தேதி முதல் விஜய் தொலைக்காட்சியில் ஒளிபரப்பாகி வருகிறது. நிகழ்ச்சி தொடங்கிய சில நாட்களிலேயே போட்டியாளர்களுக்கு இடையிலான கருத்து வேறுபாடுகள், சுவாரஸ்யமான டாஸ்க்குகள் மற்றும் எதிர்பாராத சம்பவங்கள் காரணமாக ரசிகர்களின் கவனத்தை தொடர்ந்து ஈர்த்து வருகிறது.

இந்த சீசனில் மொத்தம் 19 போட்டியாளர்கள் களமிறங்கிய நிலையில், கடந்த வாரம் உடல்நலக் குறைவு காரணமாக ப்ளாக் பாண்டி வீட்டில் இருந்து வெளியேறினார். இதையடுத்து நாமினேஷனில் இடம்பெற்றிருந்த சாவன்ய வேலு, சக போட்டியாளர்களின் முடிவின் அடிப்படையில் வெளியேற்றப்பட்டார். பிக்பாஸ் தமிழ் நிகழ்ச்சியின் வழக்கமான நடைமுறைகளில் இருந்து மாறுபட்ட இந்த வெளியேற்றம் ரசிகர்கள் மத்தியில் பேசுபொருளானது.

மேலும், கடந்த வார இறுதியில் தொகுப்பாளர் விஜய் சேதுபதி எந்தவொரு போட்டியாளரையும் வெளியேற்றாமல் நிகழ்ச்சியை நகர்த்தினார். இதற்கிடையில் ப்ளாக் பாண்டிக்கு மாற்றாக மணிவண்ணன் வைல்ட்கார்டு போட்டியாளராக பிக்பாஸ் வீட்டிற்குள் நுழைந்தார். தற்போது இந்த வாரத்தில் நடிகை ஆனந்தி அஜய்யும் வைல்ட்கார்டு போட்டியாளராக வீட்டுக்குள் அடியெடுத்து வைத்துள்ளார்.

இந்நிலையில், பிக்பாஸ் தமிழ் சீசன் 10 நிகழ்ச்சியின் தினசரி புரோமோக்கள் இணையத்தில் வெளியாகி ரசிகர்களின் எதிர்பார்ப்பை அதிகரித்து வருகின்றன. அந்த வகையில், 9-வது நாளுக்கான இரண்டாவது புரோமோ தற்போது வெளியாகியுள்ளது. இந்த புரோமோவில், இந்த வாரத்தின் வீட்டுத் தலைவராக இருக்கும் ஷமாவுக்கும் போட்டியாளர் அவினாஷுக்கும் இடையே வாக்குவாதம் ஏற்படுவது போன்ற காட்சிகள் இடம்பெற்றுள்ளன.

ஒரு டாஸ்க்கின் போது லீடராக ஷமா எடுத்த முடிவை அவினாஷ் எதிர்க்க, இருவருக்கும் இடையே கருத்து மோதல் உருவாகிறது. இதனால் பிக்பாஸ் வீட்டில் மீண்டும் பரபரப்பு ஏற்பட்டுள்ள நிலையில், ஷமாவின் முடிவை அவினாஷ் ஏன் எதிர்த்தார்? இருவருக்கும் இடையே நடந்தது என்ன? என்பது குறித்த முழு விவரமும் இன்றைய எபிசோடு ஒளிபரப்பாகும்போது தெரியவரும்.

Bigg Boss Nomination: ஊரோடு ஒத்துபோகனும்..சத்தம் மட்டும்தான் இருக்கு - பிக்பாஸ் வீட்டில் பரபரப்பு!

Asianet News — Tue, 08 Sep 2026 13:36:21 +0530

Bigg Boss Nomination: பிக்பாஸ் வீட்டில் நாமினேஷன் பரபரப்பாக தொடங்கியுள்ளது. இந்த வார கேப்டனாக இருக்கும் ஷாதிகா, போட்டியாளர் முனியம்மாளை நாமினேஷன் செய்துள்ளார். இவர்களுக்கு இடையேயான இந்த நாமினேஷன் உரையாடல் தற்போது சமூக வலைதளங்களில் வைரலாகி வருகிறது.

பிக்பாஸ் வீட்டில் போட்டி தொடங்கியுள்ள நிலையில், முதல் வாரத்திலேயே நாமினேஷன் பரபரப்பு சூடுபிடித்துள்ளது. தற்போது வெளியாகியுள்ள புதிய புரோமோவில், இந்த வார கேப்டனாக இருக்கும் ஷாதிகா, போட்டியாளர் முன்னியம்மாளை நாமினேஷன் செய்வது போன்ற காட்சிகள் இடம்பெற்றுள்ளன. இதனால் பிக்பாஸ் வீட்டுக்குள் அடுத்தடுத்து என்ன நடக்கப்போகிறது என்ற எதிர்பார்ப்பு ரசிகர்கள் மத்தியில் அதிகரித்துள்ளது.

முனியம்மாளை நாமினேஷன் செய்த ஷாதிகா, அதற்கான காரணத்தையும் புரோமோவில் தெரிவித்துள்ளார். “அவர் ஊரோடு ஒத்துப்போக வேண்டும். பேசுவதற்கான எந்த விஷயத்தையும் அவர் செய்வதில்லை. அவருடைய வேலையையும் அவர் எந்த வகையிலும் செய்வதில்லை. சத்தம் மட்டும்தான் பெரிதாக இருக்கிறது. ஆனால் அந்த சத்தத்தால் எந்தவித பயனும் இல்லை” என ஷாதிகா தனது நாமினேஷன் காரணத்தை தெரிவித்துள்ளார்.

ஷாதிகாவின் இந்தக் கருத்து பிக்பாஸ் வீட்டில் அடுத்தகட்டமாக சலசலப்பை ஏற்படுத்துமா என்ற எதிர்பார்ப்பு தற்போது அதிகரித்துள்ளது.

#Day2 #Promo2 of #BiggBossTamil Boss Tamil Season 10 - இன்று இரவு 9:30 மணிக்கு.. நம்ம விஜய் டிவில.. #BiggBossTamilSeason10 #Ottikichi #VijaySethupathi #CarniVizha #BiggBossSeason10Tamil #BiggBoss10 #BiggBossSeason10 #BiggBossTamilBB10 #VijayTV #VijayTelevision pic.twitter.com/m0YusejEoO

— Vijay Television (@vijaytelevision) September 8, 2026

இதற்கு முனியம்மாள் தனது வழக்கமான பாவனையுடன் பதிலடி கொடுக்கிறார். ஷாதிகாவின் கருத்துக்கு குறுக்கிட்டு, “நான் வைத்த சாம்பார் நல்லா இருக்கு என்று சொன்னாயே!” என அவர் கூறுகிறார். முனியம்மாளின் இந்த பதில், நாமினேஷன் காட்சியில் சுவாரஸ்யத்தை ஏற்படுத்தியுள்ளது. இருவருக்கும் இடையிலான இந்த உரையாடல் தொடர்ந்து விவாதமாகுமா? என்ற எதிர்பார்ப்பு ரசிகர்கள் மத்தியில் ஏற்பட்டுள்ளது.

பிக்பாஸ் வீட்டில் ஒவ்வொரு வாரமும் நடைபெறும் நாமினேஷன் சுற்று போட்டியாளர்களுக்கு முக்கியமான ஒன்றாக பார்க்கப்படுகிறது. யாரை நாமினேட் செய்வது, அதற்கான காரணம் என்ன என்பதில் போட்டியாளர்களுக்குள் கருத்து வேறுபாடுகள் ஏற்படுவது வழக்கம். அந்த வகையில், இந்த வார நாமினேஷனும் பரபரப்புடன் தொடங்கியுள்ளது.

மேலும், இந்த வார நாமினேஷனில் அதிகமாக பெயர்கள் இடம்பெறப்போகும் போட்டியாளர்கள் யார், அவர்களுக்கு எதிராக கூறப்படும் காரணங்கள் என்ன என்பது நிகழ்ச்சியின் அடுத்தடுத்த பகுதிகளில் தெரியவரும்.

Bigg Boss Tamil 10 : பிக் பாஸ் வீட்டுக்குள் சர்ப்ரைஸ் ஆக வந்த பெங்களூரு தமிழச்சி... யார் இந்த சாவின்யா?

Ganesh A — Sun, 06 Sep 2026 23:35:52 +0530

யார் இந்த சாவின்யா?

பிக் பாஸ் தமிழ் சீசன் 10 நிகழ்ச்சி செம கிராண்ட் ஆக தொடங்கி உள்ளது. வழக்கமாக இந்நிகழ்ச்சியில் வரும் போட்டியாளர்கள் தெரிந்த முகங்களாக இருக்கும். ஆனால் இந்த சீசனில் சில புது முகங்களும் பிக் பாஸ் வீட்டுக்குள் எண்ட்ரி கொடுத்துள்ளனர். அவர்களில் ஒருவர் தான் சாவின்யா. இவர் பெங்களூருவில் வசிக்கிறார். இவர் பிக் பாஸ் நிகழ்ச்சிக்குள் வந்து தன்னுடைய பெங்களூரு தமிழால் ரசிகர்களை கவர்வேன் என கூறிவிட்டு பிக் பாஸ் வீட்டுக்குள் சென்றுள்ளார். அவரின் எண்ட்ரி யாரும் எதிர்பார்க்காத ஒன்றாக இருந்தது.

சாவின்யா மேடையில் பேசுகையில், பெங்களூரு தமிழில் பேசியதை பார்த்து விஜய் சேதுபதியே இம்பிரஸ் ஆனார். எதிர்பாராததை எதிர்பாருங்கள் என்பது தான் பிக் பாஸின் டேக் லைன். அதற்கு ஏற்றார் போல் எதிர்பாராத ஒரு கண்டஸ்டண்ட் தான் இந்த சாவின்யா. இவர் பிக் பாஸ் நிகழ்ச்சியில் எந்த அளவு தாக்கத்தை ஏற்படுத்தப்போகிறார் என்பதை பொறுத்திருந்து தான் பார்க்க வேண்டும். இவர் ஒரு மாடல் அழகி. இன்ஸ்டாவில் விதவிதமான ஆடைகள் அணிந்து போட்டோஷூட் நடத்தி அதனை இன்ஸ்டாவில் பதிவிட்டு வருவதை வழக்கமாக வைத்துள்ளார்.

சாதிக்க காத்திருக்கும் சாவின்யா

பிக் பாஸ் நிகழ்ச்சி மூலம் கிடைக்கும் புகழ் வெளிச்சத்தை வைத்து நடிப்பிலும் சாதனை படைக்க காத்திருக்கிறார் சாவின்யா. வழக்கமாக பிக் பாஸ் வீட்டுக்குள் செல்லும் முன் மக்களை எண்டர்டெயின் பண்ணுவேன் என சொல்லிவிட்டு உள்ளே செல்லும் போட்டியாளர்கள் பலர் சொதப்பி இருக்கிறார்கள். அவர்கள் சொன்னதை செய்துகாட்டினால் நிச்சயம் பைனலுக்குள் சென்றுவிடுவார்கள். அந்த வகையில் பிக் பாஸ் வீட்டுக்குள் சென்றுள்ள சாவின்யா மக்கள் மனதில் இடம்பிடிப்பாரா என்பதை பொறுத்திருந்து தான் பார்க்க வேண்டும்.

இதற்கு பெங்களூருவை சேர்ந்த மாடல் அழகியாக பிக் பாஸ் வீட்டுக்குள் போட்டியாளராக வந்து சாதித்தவர் என்றால் அது நடிகை ரைசா வில்சன் தான். இவர் பிக் பாஸ் நிகழ்ச்சியின் முதல் சீசனில் போட்டியாளராக களமிறங்கினார். அந்த சீசனில் பைனல் வரை முன்னேறி அசத்தினார். அந்நிகழ்ச்சிக்கு பின்னர் சினிமாவில் ஹீரோயினாக களமிறங்கி கலக்கினார் ரைசா. அதேபோல் சாவின்யாவும் கலக்குவாரா? இல்லை சொதப்புவாரா? என்பதை இனி வரும் எபிசோடுகளில் பார்க்கலாம்.

Bigg Boss Tamil 10 : தூத்துக்குடியில் இருந்து காமன்மேன் ஆக களமிறங்கிய தங்கமகன்... யார் இந்த ஜேசன்?

Bigg Boss 2 promo: ‘டெமோகிரசி ரூம்’ ஓபன்! பிக்பாஸ் வீட்டில் இரு அணிகள் மோதல் ஆரம்பம்!

Vishnupriya — Mon, 07 Sep 2026 12:00:04 +0530

Bigg Boss 2 promo: பிக்பாஸ் வீட்டில் ‘டெமோகிரசி ரூம்’ அறிமுகமாகியுள்ள நிலையில் போட்டியாளர்கள் இரு அணிகளாகப் பிரிந்து மோதும் சூழல் உருவாகியுள்ளது. ஆட்டம் சூடுபிடித்துள்ளதால், அடுத்தடுத்து பரபரப்பான சம்பவங்கள் அரங்கேறும் என எதிர்பார்க்கப்படுகிறது.

பிக்பாஸ் தமிழ் சீசன் 10-ன் முதல் நாள் பரபரப்பு இன்னும் முடியாத நிலையில், அடுத்தடுத்த புரோமோக்கள் ரசிகர்களின் எதிர்பார்ப்பை அதிகரித்து வருகின்றன. குறிப்பாக, ‘டெமோகிரசி ரூம்’ (Democracy Room) என்ற பெயரில் தொடங்கும் புதிய ப்ரோமோ, இந்த சீசனில் போட்டியாளர்களுக்கு ஆரம்பத்திலேயே ஜனநாயக முறையில் முடிவெடுக்கும் சூழல் உருவாக்கப்படுவதைக் காட்டுகிறது.

வீட்டில் முக்கிய முடிவுகளை எடுப்பதில் போட்டியாளகளுக்கு இடையில் வாக்குகளுக்கு தொடங்கியுள்ளது. ஏற்கனவே முதல் கேப்டனை தேர்வு செய்யும் பணியும் ஜனநாயக முறையில் தொடங்கியுள்ளது. முதல் வார கேப்டன்சி போட்டியாளர்களை தேர்வு செய்வதற்காக, போட்டியாளர்கள் தங்களது வாக்குகளை செலுத்தியுள்ளனர்.

இதனால் ‘டெமோகிரசி ரூம்’ என்பது வெறும் ஒரு அறையா? அல்லது போட்டியாளர்களின் அதிகாரம், வாக்கு, முடிவெடுக்கும் திறனை சோதிக்கும் முக்கிய இடமா? என்ற கேள்வி ரசிகர்கள் மத்தியில் எழுந்துள்ளது.

கேப்டன்சி போட்டி தொடங்கியுள்ள நிலையில், இந்த புதிய ரூம் மூலமாக யார், யாருக்கு ஆதரவு அளிக்கிறார்கள்? யார் எதிரணியில் நிற்கிறார்கள், போட்டியாளர்களுக்குள் கூட்டணி உருவாகிறதா? என்பதும் தெரியவரும். இதனால் பிக்பாஸ் வீட்டு அரசியல் முதல் வாரத்திலேயே சூடுபிடிக்கும் என எதிர்பார்க்கப்படுகிறது.

#Day1 #Promo2 of #BiggBossTamil Boss Tamil Season 10 - இன்று இரவு 9:30 மணிக்கு.. நம்ம விஜய் டிவில.. #BiggBossTamilSeason10 #Ottikichi #VijaySethupathi #CarniVizha #BiggBossSeason10Tamil #BiggBoss10 #BiggBossSeason10 #BiggBossTamilBB10 #VijayTV #VijayTelevision pic.twitter.com/1lxSs5vPSG

— Vijay Television (@vijaytelevision) September 7, 2026

‘டெமோகிரசி ரூம்’ மூலம் போட்டியாளர்கள் இரு அணிகளாகப் பிரிந்து மோதும் சூழல் உருவாகியுள்ளது. ஆரம்பத்திலேயே போட்டி, வாக்கு மற்றும் முடிவெடுக்கும் ஆட்டம் சூடுபிடித்துள்ளதால், பிக்பாஸ் வீட்டில் அடுத்தடுத்து பரபரப்பான சம்பவங்கள் அரங்கேறும் என எதிர்பார்க்கப்படுகிறது.

‘டெமோகிரசி ரூம்’ மூலம் யாருடைய குரல் ஓங்கி ஒலிக்கப் போகிறது? யார் முதல் வாரத்திலேயே ஆதிக்கம் செலுத்தப் போகிறார்கள்? என்பதற்கான விடை அடுத்த எபிசோடில் தெரியவரும்.