Asianet News Tamil

TTF Vasan Net Worth : யூடியூப்பில் கோடிக்கணக்கில் வருமானம்... டிடிஎஃப் வாசனின் வியக்க வைக்கும் சொத்து மதிப்பு இதோ

Ganesh A — Tue, 27 Oct 2026 11:11:14 +0530

Youtuber TTF Vasan Net Worth : யூடியூப்பராக இருந்து தற்போது பிக் பாஸ் நிகழ்ச்சியில் போட்டியாளராக கலக்கி வரும் டிடிஎஃப் வாசன், சொத்து மதிப்பு பற்றி இந்த தொகுப்பில் விரிவாக பார்க்கலாம்.

மந்தமாக சென்று கொண்டிருந்த பிக் பாஸ் சீசன் 10 நிகழ்ச்சியை செம விறுவிறுப்பாக்கிய போட்டியாளர் என்றால் அது டிடிஎஃப் வாசன் தான். அவர் இந்த சீசனில் வைல்டு கார்டு எண்ட்ரியாக உள்ளே சென்றபோது அவருக்கு கேம் என்னவென்றே புரியவில்லை என சக போட்டியாளர்கள் சொல்ல, அடுத்த வாரமே அங்கு நடந்த ஹெய்ஸ்ட் டாஸ்க்கில் தனி ஆளாக டைமண்டை திருடி, யாருமே கண்டுபிடிக்க முடியாத இடத்தில் ஒளித்து வைத்ததோடு, ஒட்டுமொத்த வீட்டையும் ஒருவாரம் லோலோனு அலையவிட்டார் வாசன். அந்த வாரமே அவர் தான் டைட்டில் அடிக்கப் போகிறார் என்பது கன்ஃபார்ம் ஆகிவிட்டது.

கடந்த வாரம் வீக் எண்ட் எபிசோடில் கூட வாசனுக்கு கிடைத்த ஆடியன்ஸ் ரெஸ்பான்ஸை பார்த்து உள்ளே இருக்கும் சக போட்டியாளர்கள் எல்லாம் வாயடைத்துப் போய் உள்ளார்கள். அவரை ஓட்டிங்கில் வீழ்த்த முடியாது என்பது தெரிந்து, எப்படியாவது அவரை டிரிகர் பண்ணி, ரெட் கார்டு கொடுத்து வெளியே அனுப்பிவிட வேண்டும் என்கிற முனைப்பில் உள்ளார்கள் சக போட்டியாளர்கள். கடந்த வாரமே முகேஷை வாசன் அடிக்கப் போனது மிகப்பெரிய சர்ச்சையாகி அவருக்கு மஞ்சள் கார்டும் கொடுக்கப்பட்டது. இன்னொரு முறை மஞ்சள் கார்டு கொடுக்கப்பட்டால் அவர் நிகழ்ச்சியில் இருந்து வெளியேற்றப்பட வாய்ப்பு உள்ளது.

இப்படி பிக் பாஸ் வீட்டில் வார வாரம் பிரச்சனைகளை எதிர்கொண்டு வரும் வாசன், வெளியிலும் பல்வேறு சர்ச்சைகளில் சிக்கி இருந்தார். அதுமட்டுமின்றி அதிவேகமாக பைக் ஓட்டி விபத்தில் சிக்கியபோது கைதாகி சில மாதங்கள் சிறையிலும் இருந்தார் வாசன். பின்னர் தன்னுடைய சொந்த மாமா பொண்ணையே கல்யாணம் செய்துகொண்ட அவர், கடந்த ஆண்டு தமிழ் சினிமாவில் ஹீரோவாகவும் அறிமுகமானார். அவர் நடித்த ஐபிஎல் என்கிற திரைப்படம் கடந்த ஆண்டு வெளியானது. அதன்பின்னர் அவர் பிக் பாஸ் நிகழ்ச்சியில் வைல்டு கார்டு போட்டியாளராக கலந்துகொண்டு கலக்கி வருகிறார்.

இந்த நிலையில், டிடிஎஃப் வாசனின் சொத்து மதிப்பு பற்றிய விவரங்கள் மற்றும் அவரின் யூடியூப் சம்பாத்தியம் போன்ற தகவல்கள் இணையத்தில் கவனம் ஈர்த்துள்ளன. தனக்கு யூடியூப் மூலம் கிடைத்த வருமானம் மட்டும் ரூ.1.59 கோடி இருக்கும் என வாசனே தன்னுடைய சேனலில் ஓப்பனாக கூறி இருக்கிறார். அதில் 40 லட்சம் தெரிந்தவர்களுக்கு கடன் கொடுத்துவிட்டதாகவும், 20 லட்சத்துக்கு ஹயபுசா பைக் வாங்கியதாகவும் தெரிவித்துள்ளார். மேலும் தான் கைதானபோது அதன் வழக்கிற்காக மட்டும் 9 லட்சம் ரூபாய்க்கு மேல் செலவு செய்ததாக கூறி உள்ளார்.

இந்த பணத்தில் இருந்து தன்னுடைய அம்மாவுக்கு 5 லட்சம் கொடுத்தாராம். போர் போடுவதற்காக அவர் கேட்டபோது 5 லட்சம் கொடுத்ததாக கூறி உள்ளார் வாசன். இதுதவிர தான, தர்மங்கள் மட்டும் 40 லட்சம் செய்திருப்பேன் என கூறி இருக்கிறார். எஞ்சியுள்ள 35 லட்சத்தில் சொந்தமாக டிடிஎஃப் பிட்ஷாப் வைத்தது என இதர செலவுகளை செய்ததாக தெரிவித்திருக்கிறார். யூடியூப் மூலம் மட்டுமே 1.59 கோடி சம்பாதித்த வாசனுக்கு கோவை அருகே சொந்த விவசாய நிலம், வீடு எல்லாம் உள்ளது. அதெல்லாம் சேர்த்து பார்த்தால் அவரின் சொத்து மதிப்பு 2 கோடிக்கும் மேல் இருக்கும் என கூறப்படுகிறது.

Top 5 Rewatchable Tamil Movies : எத்தனை முறை பார்த்தாலும் சலிக்காத டாப் 5 தமிழ் படங்கள்...!

Ganesh A — Thu, 29 Oct 2026 12:50:33 +0530

Rewatchable Movies in Tamil : தமிழ் சினிமாவில் ரிலீஸ் ஆன படங்களில் எத்தனை தடவ பார்த்தாலும் சலிக்காத படங்கள் சில இருக்கின்றன. அதனைப் பற்றி இந்த தொகுப்பில் விரிவாக பார்க்கலாம்.

சினிமா என்பது மனிதர்களின் வாழ்க்கையில் ஒரு அங்கமாக மாறிவிட்டது. செல்போன் இல்லாத காலகட்டத்தில் டிவியில் போடும் படங்களை தான் மக்கள் விரும்பி பார்த்தார்கள். ஆனால் ஓடிடி தளங்களின் அசுர வளர்ச்சியால், இன்று பல்வேறு மொழிகளில் உள்ள படங்களையும் பார்க்க முடிகிறது. அதிலும் ஒரு சில படங்களை எத்தனை முறை பார்த்தாலும் சலிக்காது. அப்படி தமிழ் சினிமாவில் வெளியாகி அதிக ரீ வாட்ச் வேல்யூ கொண்ட படங்கள் என்னென்ன என்பதை இந்த தொகுப்பில் பார்க்கலாம்.

சூப்பர்ஸ்டார் ரஜினிகாந்த் நடிப்பில் கடந்த 1995-ம் ஆண்டு ரிலீஸ் ஆன படம் பாட்ஷா. இப்படத்தை சுரேஷ் கிருஷ்ணா இயக்கி இருந்தார். கேங்ஸ்டர் படத்திற்கான அக்மார்ம் எடுத்துக்காட்டு இந்தப் படம் தான். இதில் ரஜினி, ஆனந்த்ராஜை கரண்ட் கம்பத்தில் அடிக்கும் சீன், தன் தங்கைக்கு வேலை கேட்டு சென்றபோது அந்த ஓனரிடம் தன்னுடைய கடந்த கால கேங்ஸ்டர் வாழ்க்கையை பற்றி சொன்னதும் அவர் மிரளும் காட்சி போன்றவை இன்று பார்த்தாலும் கூஸ்பம்ஸ் வர வைக்கும் அந்த அளவுக்கு ரீ வாட்ச் வேல்யூ உள்ள படமாக அது இருக்கிறது.

விக்ரமன் இயக்கத்தில் 1997ம் ஆண்டு ரிலீஸ் ஆன படம் சூர்யவம்சம். சரத்குமார், தேவையானி, ராதிகா நடித்த இப்படம் அந்த காலகட்டத்தில் அதிக மக்கள் தியேட்டரில் பார்த்து ரசித்த படம் என்கிற பெருமையை பெற்றிருந்தது. அந்த சாதனையை இன்றுவரை எந்த படமும் முறியடிக்கவில்லை. படத்தில் சரத்குமார் தன் சொந்த உழைப்பால் முன்னேறுவதை பார்க்கும்போது நமக்கே உத்வேகம் அளிக்கும். அந்த அளவுக்கு இப்படத்தில் காமெடி, எமோஷனல், ஃபேமிலி டிராமா என அனைத்தும் நிரம்பி இருக்கும். இப்படத்தையும் எத்தனை முறை பார்த்தாலும் சலிக்காது.

நடிகர் விஜய்யின் கெரியரில் மிகப்பெரிய இண்டஸ்ட்ரி ஹிட் அடித்த படம் என்றால் அது கில்லி தான். 2004-ம் ஆண்டு தரணி இயக்கத்தில் ரிலீஸ் ஆன இப்படத்தில் விஜய்க்கு ஜோடியாக திரிஷா நடித்திருந்தார். குறிப்பாக பிரகாஷ் ராஜ் நடித்த வில்லன் கதாபாத்திரம் செம ஹைலைட்டாக அமைந்தது. அவர் ஹாய் செல்லம் என அப்படத்தில் சொன்னது மிகவும் ஹிட்டாகி அவருக்கு ஒரு டிரேடு மார்க் டயலாக்காக அது மாறிவிட்டது. இப்படத்தின் மிகப்பெரிய பிளஸ் அதன் திரைக்கதை தான். முதல் காட்சியில் இருந்து கிளைமாக்ஸ் வரை விறுவிறுவென கொண்டு சென்று அசத்தி இருப்பார் தரணி. அதனால் இப்படம் எத்தனை முறை பார்த்தாலும் போர் அடிக்காது.

சூர்யா நடிப்பில் வெளியாகி அதிரிபுதிரி ஹிட் அடித்த படம் அயன். இப்படத்தை கே.வி.ஆனந்த் இயக்கி இருந்தார். இப்படத்தில் சூர்யாவுக்கு ஜோடியாக தமன்னா நடித்திருந்தார். வைரம், போதைப் பொருள் கடத்தல் எப்படி நடக்கிறது என்பதை தோலுரித்து காட்டிய படம் இது. இப்படத்தின் ஆக்‌ஷன் காட்சிகளும் ஹாலிவுட் தரத்தில் இருக்கும். அதேபோல் ஹாரிஸ் ஜெயராஜின் மாஸ்டர் பீஸ் பாடல்கள் மீண்டும் மீண்டும் கேட்கத் தூண்டும். இப்படத்தின் திரைக்கதை ஜெட் வேகத்தில் இருக்கும். அதனால் நேரம் போவதே தெரியாது.

இராசு மதுரவன் இயக்கத்தில் சீமான், தருண் கோபி, மணிவண்ணன் உள்பட ஏராளமான இயக்குனர்கள் இணைந்து நடித்த படம் தான் மாயாண்டி குடும்பத்தார். குடும்பத்தோடு பார்த்த ரசிக்கக்கூடிய வகையில் இப்படத்தை எடுத்திருப்பார் இராசு மதுரவன். இப்படத்தில் காதல், எமோஷன், காமெடி என அனைத்தும் கலந்திருக்கும். குறிப்பாக சிங்கம் புலியின் காமெடி இன்றும் ரசிக்கும்படி அமைந்திருக்கும். அப்படத்தின் எமோஷனல் காட்சிகள் கண்களை குளமாக்கும், வகையில் அமைந்திருக்கும். அப்படத்தையும் ரிப்பீட் மோடில் பார்த்தாலும் சலிக்காது.

தியேட்டர் ரிலீஸ் ஹவுஸ்ஃபுல் ஆனதால் தீபாவளி ரேஸில் நேரடியாக ஓடிடியில் குதித்த ஹரிஷ் கல்யாண் படம்..!

Ganesh A — Thu, 29 Oct 2026 09:26:29 +0530

Diwali Release Movies : 2026-ம் ஆண்டு தீபாவளி பண்டிகைக்கு தியேட்டரில் ஏராளமான படங்கள் ரிலீஸ் ஆவதால், ஹரிஷ் கல்யாண் நடித்த புதுப்படம் ஒன்று நேரடியாக ஓடிடிக்கு வருகிறது.

தீபாவளி பண்டிகை என்றாலே புதுப்படங்களுக்கு பஞ்சம் இருக்காது. தீபாவளிக்கு ரிலீஸ் ஆகும் படங்களுக்கு ரசிகர்கள் மத்தியில் மிகப்பெரிய எதிர்பார்ப்பு இருக்கும். அந்த வகையில் இந்த ஆண்டு நயன்தாரா, சூர்யா, யாஷ் போன்ற முன்னணி நட்சத்திரங்களின் படங்கள் தியேட்டரில் ரிலீஸ் ஆக உள்ளன. தீபாவளிக்கு தியேட்டரில் ரிலீஸ் ஆகும் படங்கள் எக்கச்சக்கமாக இருப்பதால், அதற்கு பதிலாக நேரடியாக ஓடிடியில் ஒரு புதுப்படம் களமிறங்குகிறது. ஹரிஷ் கல்யாண் ஹீரோவாக நடித்த அப்படம் நேரடியாக ஓடிடியில் ரிலீஸ் ஆகும் என அறிவிக்கப்பட்டு உள்ளது. அதைப்பற்றி விரிவாக பார்க்கலாம்.

Diwali Movies : தீபாவளி-க்கு சன் டிவி, விஜய் டிவி, ஜீ தமிழில் என்னென்ன புதுப்படங்கள் வரப்போகுது? முழு லிஸ்ட் இதோ

இந்த ஆண்டு தீபாவளிக்கு ஹரிஷ் கல்யாண் ஹீரோவாக நடித்து நீண்ட நாட்களாக கிடப்பில் இருந்த நூறு கோடி வானவில் திரைப்படம் நேரடியாக ஜீ5 ஓடிடி தளத்தில் ரிலீஸ் ஆக உள்ளது. இப்படத்தை இயக்குநர் சசி இயக்கி உள்ளார். இவர் பூ, பிச்சைக்காரன், சிவப்பு மஞ்சள் பச்சை போன்ற பிளாக்பஸ்டர் ஹிட் படங்களை இயக்கியவர் ஆவார். இப்படத்தில் ஹரிஷ் கல்யாணுக்கு ஜோடியாக சித்தி இத்னானி நடித்துள்ளார். இப்படத்தின் பெரும்பாலான படப்பிடிப்பு மும்பையில் தான் நடத்தப்பட்டது. இப்படத்திற்கு சித்து குமார் இசையமைத்துள்ளார். இப்படம் ஓடிடியில் எந்த அளவுக்கு வரவேற்பை பெற உள்ளது என்பதை பொறுத்திருந்து பார்க்கலாம்.

Diwali Movies : பாக்ஸ் ஆபிஸை பதம் பார்க்க... அடுத்தடுத்து தீபாவளி ரேஸில் குதித்த 4 பிரம்மாண்ட படங்கள்...!

இப்படம் மற்ற ஓடிடி வெளியீடுகள் போல் இல்லாமல், கட்டணம் செலுத்தி பார்க்கும் முறையில் (Pay Per View) ஓடிடிக்கு வருகிறது. காதல் கதையம்சம் கொண்ட இப்படம், வழக்கமான லவ் ஸ்டோரி போல் இல்லாமல், வித்தியாசமானதாக இருக்கும் என கூறப்படுகிறது. இப்படத்தை பாலாஜி சுபா மற்றும் அருண் அருணாச்சலம் ஆகியோர் தயாரித்துள்ளனர். இந்த ஆண்டு நூறு சாமி என்கிற வெற்றிப் படத்தை கொடுத்திருந்த சசி, தற்போது நூறு கோடி வானவில் படம் மூலம் ஓடிடி ரசிகர்களை கவர்வாரா? என்பதை வெயிட் பண்ணி தான் பார்க்க வேண்டும்.

Thalai Deepavali : தலை தீபாவளி 2026.. புதுமணத் தம்பதிகளுக்கு சீர் கொடுப்பது முதல் விருந்து வரை.. மறைந்திருக்கும் பாரம்பரிய ரகசியங்கள்!

தீபாவளிக்கு தியேட்டரில் ஏராளமான படங்கள் ரிலீஸ் ஆகிறது. அதில் சூர்யாவின் சீன் திரைப்படமும் ஒன்று. ஜித்து மாதவன் இயக்கியுள்ள இப்படத்தில் சூர்யா உடன் நஸ்லின், நஸ்ரியா, ராஜ்பிரியன் ஆகியோர் நடித்துள்ளனர். இதனுடன் நயன்தாராவின் மூக்குத்தி அம்மன் 2 திரைப்படம் திரைக்கு வருகிறது. சுந்தர் சி இயக்கியுள்ள இப்படம் 100 கோடி பட்ஜெட்டில் பிரம்மாண்டமாக தயாராகி உள்ளது. இதுதவிர சாய் பல்லவி, யாஷ், ரன்பீர் கபூர் நடித்த இராமாயணா என்கிற பான் இந்தியா படமும் இந்த ஆண்டு தீபாவளிக்கு திரைக்கு வர உள்ளது. இவற்றுடன் விஜய் ஆண்டனி நடிப்பில் உருவாகி உள்ள அப்பா குட்டி திரைப்படமும் ரிலீஸ் ஆகிறது. இப்படத்தை மு. மாறன் இயக்கி உள்ளார்.

Diwali shopping: தீபாவளி ஷாப்பிங் சீக்ரெட்.! ரூ.2,000, ரூ.5,000, பட்ஜெட்டில் என்னென்ன வாங்கலாம்? நடுத்தரக் குடும்பங்கள் பணத்தை சேமிப்பது எப்படி?

Suriya : நீண்ட நாள் ஆசை இது... நியூ ஸ்டார்ட் மாதிரி இருக்கு - சூர்யாவின் ‘சீன்’ ஸ்பீச் ஹைலைட்ஸ்

Ganesh A — Mon, 26 Oct 2026 14:27:04 +0530

Suriya Speech : சூர்யா நடித்த சீன் திரைப்படம் தீபாவளிக்கு ரிலீஸ் ஆக உள்ள நிலையில், அப்படத்தின் ப்ரீ ரிலீஸ் நிகழ்ச்சி துபாயில் நடைபெற்றது. அதில் சூர்யா என்ன பேசினார் என்பதை பார்க்கலாம்.

தமிழ் சினிமாவின் முன்னணி நட்சத்திரங்களில் ஒருவரான சூர்யா, தொடர்ந்து வித்தியாசமான கதைக்களங்களையும் கதாபாத்திரங்களையும் தேர்வு செய்து நடித்து வருகிறார். அந்த வகையில், அவரது நடிப்பில் உருவாகியுள்ள புதிய திரைப்படமான 'சீன்' ரசிகர்கள் மத்தியில் எதிர்பார்ப்பை ஏற்படுத்தியுள்ளது.

இயக்குநர் ஜித்து மாதவன் இயக்கத்தில் உருவாகியுள்ள இந்தப் படம், தீபாவளி வெளியீடாக வரும் நவம்பர் 6ந் தேதி அன்று திரையரங்குகளில் வெளியாக உள்ளது. இந்நிலையில், இப்படம் தொடர்பாக துபாயில் நடைபெற்ற நிகழ்ச்சியில் கலந்துகொண்ட சூர்யா, படத்தில் நடித்த அனுபவம் குறித்தும் படக்குழுவினருடன் பணியாற்றியது குறித்தும் பல சுவாரஸ்யமான தகவல்களைப் பகிர்ந்துள்ளார்.

இயக்குநர் ஜித்து மாதவனுடன் இணைந்து ஒரு திரைப்படத்தில் பணியாற்ற வேண்டும் என்பது தனது நீண்ட நாள் ஆசை என சூர்யா தெரிவித்துள்ளார். அந்த ஆசை தற்போது 'சீன்' படத்தின் மூலம் நிறைவேறியிருப்பது தனக்கு மகிழ்ச்சி அளிப்பதாகவும் கூறியுள்ளார். பொதுவாக ஒரு இயக்குநர் தன்னிடம் கதை சொல்லும்போது, எந்தவித இடையூறும் செய்யாமல் முழுமையாகக் கவனிப்பது தனது வழக்கம் எனக் குறிப்பிட்ட சூர்யா, இந்தப் படத்தின் கதையைக் கேட்ட அனுபவம் முற்றிலும் வித்தியாசமாக இருந்ததாகத் தெரிவித்துள்ளார்.

கதை சொல்லத் தொடங்கிய முதல் ஐந்து நிமிடங்களிலேயே தன்னால் சிரிப்பைக் கட்டுப்படுத்த முடியவில்லை என்றும், அந்த அளவிற்கு ஜித்து மாதவன் சுவாரஸ்யமான கதைக்களத்தை உருவாக்கியிருப்பதாகவும் பாராட்டியுள்ளார். மேலும், வழக்கமான திரைப்படங்களிலிருந்து மாறுபட்டு ரசிகர்களை வேறொரு உலகத்திற்கு அழைத்துச் செல்லும் வகையில் 'சீன்' படத்தை இயக்குநர் உருவாக்கியிருப்பதாக சூர்யா கூறியுள்ளார்.

இந்தப் படத்தில் நடிகை நஸ்ரியா நடித்துள்ள மாயா என்ற கதாபாத்திரம் குறித்தும் சூர்யா பேசியுள்ளார். அந்தக் கதாபாத்திரம் மிகவும் நேர்த்தியாகவும் முழுமையாகவும் வடிவமைக்கப்பட்டிருப்பதாக சூர்யா தெரிவித்துள்ளார். அதேபோல், மலையாளத் திரையுலகில் கவனம் ஈர்த்த நடிகர் நஸ்லேன், இந்தப் படத்தின் மூலம் தமிழ் சினிமாவில் அறிமுகமாகிறார். அவரது திறமையைப் பாராட்டிய சூர்யா, இனிவரும் காலங்களில் அவர் மேலும் பல தமிழ்த் திரைப்படங்களில் நடிக்க வேண்டும் என்ற தனது விருப்பத்தையும் வெளிப்படுத்தியுள்ளார்.

மலையாள சினிமாவில் தனித்துவமான பின்னணி இசை மற்றும் பாடல்கள் மூலம் ரசிகர்களைக் கவர்ந்த இசையமைப்பாளர் சுஷின் ஷியாமிற்கும் 'சீன்' முதல் நேரடித் தமிழ்த் திரைப்படமாக அமைந்துள்ளது. அவரது இசை வழக்கமான பாணியிலிருந்து மாறுபட்டு புதிய அனுபவத்தை வழங்கும் வகையில் இருப்பதாக சூர்யா தெரிவித்துள்ளார். மேலும், இப்படத்தில் பணியாற்றியுள்ள பெரும்பாலான கலைஞர்கள் கேரளாவைச் சேர்ந்தவர்கள் என்பதால், அவர்களுடன் இணைந்து பணியாற்றியது தனக்கு புதுமையான அனுபவமாக இருந்ததாகவும் குறிப்பிட்டுள்ளார்.

28 ஆண்டுகால திரைப்பயணத்தையும் 48 திரைப்படங்களையும் கடந்த பிறகும், ஒவ்வொரு புதிய படத்திலும் பணியாற்றும்போது சினிமாவை புதிதாக அணுகுவது போன்ற புத்துணர்ச்சி கிடைப்பதாக அவர் நெகிழ்ச்சியுடன் தெரிவித்துள்ளார். குறிப்பாக, 'கருப்பு' மற்றும் 'விஸ்வநாத் அண்ட் சன்ஸ்' ஆகிய திரைப்படங்களை ரசிகர்கள் ரசித்ததைப் போலவே, இந்த தீபாவளிக்கு வெளியாகும் 'சீன்' திரைப்படமும் முற்றிலும் மாறுபட்ட திரையரங்க அனுபவத்தை வழங்கும் என நம்பிக்கை தெரிவித்துள்ளார்.

ஜித்து மாதவனின் இயக்கம், சூர்யாவின் நடிப்பு, நஸ்ரியா மற்றும் நஸ்லேன் ஆகியோரின் பங்களிப்பு, சுஷின் ஷியாமின் இசை என பல சுவாரஸ்யமான அம்சங்களுடன் உருவாகியுள்ள 'சீன்' திரைப்படத்தின் மீதான எதிர்பார்ப்பு அதிகரித்துள்ளது. அதிலும் படத்தின் கதையைக் கேட்ட முதல் ஐந்து நிமிடங்களிலேயே சிரிப்பை அடக்க முடியவில்லை என சூர்யா கூறியிருப்பது, இப்படத்தில் நகைச்சுவைக்கு முக்கியத்துவம் இருக்கும் என்ற எதிர்பார்ப்பை ரசிகர்கள் மத்தியில் ஏற்படுத்தியுள்ளது. துபாய் நிகழ்ச்சியில் சூர்யா பகிர்ந்துள்ள இந்தத் தகவல்கள் தற்போது சமூக வலைதளங்களில் ரசிகர்களின் கவனத்தை ஈர்த்து வருகின்றன. இந்த தீபாவளிக்கு 'சீன்' திரைப்படம் ரசிகர்களுக்கு ட்ரீட் ஆக அமையுமா என்பதைப் பொறுத்திருந்து பார்க்கலாம்.

OTT-யில் அக்டோபர் 30ந் தேதி மட்டும் 2 டஜன் படங்கள் & வெப் சீரிஸ் ரிலீஸ்... அதன் ஃபுல் லிஸ்ட் இதோ

Ganesh A — Thu, 29 Oct 2026 10:35:48 +0530

October 30 OTT Releases : அக்டோபர் 30ந் தேதி ஓடிடி தளங்களில் இரண்டு டஜன் படங்கள் மற்றும் வெப் தொடர்கள் ரிலீஸ் ஆக உள்ளன. அதன் முழு பட்டியலையும் இந்த தொகுப்பில் பார்க்கலாம்.

திரையரங்குகளில் வெளியாகும் திரைப்படங்களுக்கு இணையாக, ஓடிடி தளங்களிலும் ஒவ்வொரு வாரமும் புதிய திரைப்படங்கள் மற்றும் வெப் தொடர்கள் வெளியாகி வருகின்றன. அந்த வகையில், அக்டோபர் 30-ம் தேதி நெட்ஃபிளிக்ஸ், அமேசான் பிரைம் வீடியோ, ஜியோஹாட்ஸ்டார், சோனி லிவ் உள்ளிட்ட பல்வேறு ஓடிடி தளங்களில் புதிய படங்களும் தொடர்களும் வெளியாக உள்ளதாகப் பட்டியல் வெளியாகியுள்ளது. இதில் தமிழ் ரசிகர்கள் எதிர்பார்க்கும் ‘சிக்மா’, ‘டார்க் ஹெவன்’ உள்ளிட்ட படங்களும் இடம்பெற்றுள்ளன. அக்டோபர் 30-ம் தேதி வெளியாகும் திரைப்படங்கள் மற்றும் வெப் தொடர்கள், அவற்றின் வெளியீட்டு தேதி மற்றும் ஸ்ட்ரீமிங் தளங்களின் விவரங்களைப் பார்க்கலாம்.

சிக்மா (Sigma)

ஜேசன் சஞ்சய் இயக்குநராக அறிமுகமாகும் திரைப்படமாகக் கவனம் பெற்ற ‘சிக்மா’, அக்டோபர் 30-ம் தேதி நெட்ஃபிளிக்ஸ் ஓடிடி தளத்தில் வெளியாக உள்ளது. இப்படத்தில் சந்தீப் கிஷான், ராஜு சுந்தரம், சம்பத் ஆகியோர் முக்கிய கதாபாத்திரங்களில் நடித்துள்ளனர். தமன் இப்படத்திற்கு இசையமைத்துள்ளார். லைகா நிறுவனம் இப்படத்தை தயாரித்துள்ளது.

சப்-இன்ஸ்பெக்டர்: யுகந்தர் (Sub-Inspector: Yugandhar)

காவல்துறை பின்னணியில் உருவாகியுள்ள ‘சப்-இன்ஸ்பெக்டர்: யுகந்தர்’ திரைப்படம் அக்டோபர் 30-ம் தேதி நெட்ஃபிளிக்ஸ் தளத்தில் ஸ்ட்ரீம் ஆக உள்ளது. இப்படத்தில் சாய் குமார் ஹீரோவாக நடித்துள்ளார். ராகவேந்திர கட்டாரி இப்படத்தை இயக்கி இருக்கிறார்.

டோன்ட் ட்ரபிள் தி ட்ரபிள் (Don't Trouble the Trouble)

‘டோன்ட் ட்ரபிள் தி ட்ரபிள்’ திரைப்படம் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளது. இப்படத்தில் ஃபகத் ஃபாசில் ஹீரோவாக நடித்துள்ளார். தியேட்டரில் பிளாப் ஆன இப்படம் ஓடிடியில் எந்த அளவு வரவேற்பை பெறுகிறது என்பதை பொறுத்திருந்து பார்க்கலாம்.

அக்கா (AKKA) – வெப் தொடர்

‘அக்கா’ வெப் தொடர் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளது. கீர்த்தி சுரேஷ், ராதிகா ஆப்தே மற்றும் தன்வி ஆஸ்மி நடிப்பில் உருவாகியுள்ள ‘அக்கா’ வெப் தொடர், பெண்கள் ஆதிக்கம் செலுத்தும் ஒரு கற்பனையான உலகத்தைப் பின்னணியாகக் கொண்டுள்ளது. அங்கு பல தலைமுறைகளாகத் தங்களது அதிகாரத்தையும் பாரம்பரியத்தையும் பாதுகாத்து வரும் பெண்களின் உலகிற்குள் புதிய சவால் உருவாகிறது. பவானி மற்றும் ருத்ரா ஆகியோருக்கு இடையிலான அதிகாரப் போட்டி, விசுவாசம், பழிவாங்குதல் ஆகியவை கதையின் முக்கிய அம்சங்களாக அமைகின்றன.

மீதே மே க்யா ஹை (Meethe Mein Kya Hai)

‘மீதே மே க்யா ஹை’ திரைப்படம் அக்டோபர் 30-ம் தேதி நெட்ஃபிளிக்ஸ் ஓடிடி தளத்தில் வெளியாக உள்ளது. தீபாவளி கொண்டாட்டத்திற்காகக் குடும்பத்தினர் ஒன்றுகூடும்போது, மனைவியை இழந்த இளம் நபர் தனது துயரத்திலிருந்து மெல்ல மீண்டு வருகிறார். ஆனால், அவரது சகோதரி திடீரெனத் தனது திருமணம் குறித்த தகவலை வெளியிட, குடும்பத்தில் பல்வேறு குழப்பங்களும் எதிர்பாராத திருப்பங்களும் ஏற்படுகின்றன. குடும்ப உறவுகள், மறைக்கப்பட்ட உண்மைகள் மற்றும் நகைச்சுவை கலந்த உணர்ச்சிகரமான தருணங்களை மையமாகக் கொண்ட திரைப்படம் இது.

கப்பிள் ஆஃப் லைஸ் (Couple of Lies) – வெப் தொடர்

‘கப்பிள் ஆஃப் லைஸ்’ வெப் தொடர் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளது. இரு தம்பதிகள் தங்களது வீடுகளைச் சில வாரங்களுக்குப் பரிமாறிக்கொண்டு விடுமுறையைக் கழிக்க முடிவு செய்கின்றனர். ஸ்டாக்ஹோமில் வசிக்கும் ஹெலீன் மற்றும் கார்ல், சிசிலியில் உள்ள வீட்டில் தங்கச் செல்கின்றனர்; அதே நேரத்தில் ஸ்கார்லெட் மற்றும் ஆடம் அவர்களது வீட்டில் குடியேறுகின்றனர். ஆரம்பத்தில் இனிமையாகத் தொடங்கும் இந்த அனுபவம், மறைக்கப்பட்ட ரகசியங்களும் சந்தேகங்களும் வெளிப்படும்போது ஆபத்தானதாக மாறுகிறது. நம்பிக்கை, துரோகம் மற்றும் மனரீதியான விளையாட்டுகளை மையமாகக் கொண்ட உளவியல் த்ரில்லர் தொடர் இது.

ஹவ் டு ருயின் தீபாவளி (How to Ruin Diwali) – வெப் தொடர்

தீபாவளியை மையமாகக் கொண்ட ‘ஹவ் டு ருயின் தீபாவளி’ வெப் தொடர் அக்டோபர் 30-ம் தேதி நெட்ஃபிளிக்ஸ் தளத்தில் வெளியாகும். தீபாவளி கொண்டாட்டத்தின் போது மறைத்து வைக்கப்பட்ட நிச்சயதார்த்தம் குடும்பத்தினரிடையே எதிர்பாராத பிரச்சினைகளை உருவாக்குகிறது. பாரம்பரியங்கள், குடும்ப எதிர்பார்ப்புகள் மற்றும் தலைமுறைகளுக்கு இடையிலான கருத்து வேறுபாடுகள் ஒரே வீட்டில் மோதும்போது, பண்டிகைக் கொண்டாட்டம் குழப்பமாக மாறுகிறது. நகைச்சுவை மற்றும் குடும்ப உறவுகளை மையமாகக் கொண்ட தொடராக இது உருவாகியுள்ளது.

கொலிஷன் கோர்ஸ் (Collision Course)

‘கொலிஷன் கோர்ஸ்’ திரைப்படம் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளது. மாட்ரிட் நகரில் பொருளாதார நெருக்கடி நிலவும் சூழலில், கொள்ளையர்கள் குழு ஒன்று வங்கிக்குள் நுழைகிறது. ஆரம்பத்தில் சாதாரணக் கொள்ளையாகத் தோன்றும் சம்பவம், எதிர்பாராத நிகழ்வுகளால் ஆபத்தான விளையாட்டாக மாறுகிறது. ஒவ்வொருவரும் தங்களது உண்மையான முகத்தை மறைத்துக்கொள்ள முயற்சிக்க, ஏமாற்றங்கள், அச்சம் மற்றும் உயிர் பிழைப்பதற்கான போராட்டம் தீவிரமடைகிறது. குற்றம் மற்றும் த்ரில்லர் அம்சங்களைக் கொண்ட திரைப்படம் இது.

தி பர்த்டே கிஃப்ட் (The Birthday Gift)

‘தி பர்த்டே கிஃப்ட்’ திரைப்படமும் அக்டோபர் 30-ம் தேதி நெட்ஃபிளிக்ஸ் தளத்தில் ஸ்ட்ரீம் ஆக உள்ளது. தனது மகன் தியோவின் பிறந்தநாளை மறக்க முடியாத கொண்டாட்டமாக மாற்ற வேண்டும் என்று தாய் மார்லீன் திட்டமிடுகிறார். அதற்காக உறவினர்கள், விருந்தினர்கள் என அனைவரையும் அழைத்து ஏற்பாடுகளைச் செய்கிறார். ஆனால், எதிர்பாராத பரிசு, விருந்தினர்களின் நடவடிக்கைகள் மற்றும் குழந்தை வளர்ப்பு குறித்த மாறுபட்ட கருத்துகள் காரணமாக நிகழ்ச்சி குழப்பத்தில் முடிகிறது. குடும்ப உறவுகள் மற்றும் நகைச்சுவையான சம்பவங்களை மையமாகக் கொண்ட திரைப்படம் இது.

டார்க் ஹெவன் (Dark Heaven)

தமிழ் ரசிகர்கள் கவனிக்க வேண்டிய படங்களில் ஒன்றாக ‘டார்க் ஹெவன்’ இடம்பெற்றுள்ளது. இப்படம் அக்டோபர் 30-ம் தேதி அமேசான் பிரைம் வீடியோ, சிம்ப்ளிசவுத் மற்றும் ஆஹா தமிழ் ஆகிய ஓடிடி தளங்களில் வெளியாக உள்ளது. சின்னத்திரை நடிகர் சித்து இப்படத்தில் ஹீரோவாக நடித்துள்ளார். மலைகிராமத்தில் நிகழும் மர்ம மரணங்களும் அதன் பின்னணியில் இருக்கும் மர்ம முடிச்சுகளும் தான் இப்படத்தின் கதை.

டெட்-எண்ட் ஜாப் (Dead-End Job) – வெப் தொடர்

‘டெட்-எண்ட் ஜாப்’ வெப் தொடர் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளது. கடனில் சிக்கித் தவிக்கும் ஹியோக்-ஜுன் என்ற இளைஞர், அதிக சம்பளம் வழங்குவதாகக் கூறும் மர்மமான வேலைவாய்ப்பு நிறுவனத்தைப் பற்றிய விளம்பரத்தைப் பார்க்கிறார். அங்கு கிடைக்கும் பகுதி நேர வேலை, சாதாரண வேலையைவிடப் பல மடங்கு சம்பளம் தருவதாகக் கூறப்படுகிறது. ஆனால், அந்த வேலையை ஏற்றுக்கொண்ட பிறகு, அவர் எதிர்கொள்ளும் ஒவ்வொரு பணியும் உயிருக்கு ஆபத்தை ஏற்படுத்தும் பயங்கரமான அனுபவமாக மாறுகிறது. மர்மம், திகில் மற்றும் உயிர் பிழைப்பதற்கான போராட்டம் நிறைந்த தொடர் இது.

அபோகலிப்ஸ்இசட்: நியூ வேர்ல்ட் (APOCALYPSE Z: New World)

‘அபோகலிப்ஸ்இசட்: நியூ வேர்ல்ட்’ திரைப்படம் அக்டோபர் 30-ம் தேதி அமேசான் பிரைம் வீடியோ தளத்தில் வெளியாக உள்ளது. உலகம் முழுவதும் தொற்றுப் பரவலால் பாதிக்கப்பட்ட பின்னணியில் உருவாகும் இந்தத் திரைப்படத்தில், கேனரி தீவுகள் ஐரோப்பாவின் கடைசி பாதுகாப்பான புகலிடங்களில் ஒன்றாக மாறியுள்ளன. பாதிக்கப்பட்டவர்களிடமிருந்து தப்பித்து உயிர் பிழைக்க முயலும் மனிதர்களின் போராட்டம் கதையின் மையமாக அமைகிறது. முந்தைய பாகத்தில் இடம்பெற்ற லூசியா உள்ளிட்ட கதாபாத்திரங்களின் பயணம் தொடர்ந்து, ஆபத்துகள் நிறைந்த புதிய சூழலில் கதை நகர்கிறது.

லவ் ஆல்வேஸ் (Love Always) – வெப் தொடர்

‘லவ் ஆல்வேஸ்’ வெப் தொடர் அக்டோபர் 30-ம் தேதி ஜியோஹாட்ஸ்டார் ஓடிடி தளத்தில் வெளியாக உள்ளது. ஒரு வயதான தம்பதியினருக்கும் ஒரு இளம் தம்பதியினருக்கும் மாந்திரீகத்தால் கூடு விட்டு கூடு பாய்கின்றனர். அதன்பின் என்ன நடந்தது என்பதை நகைச்சுவையுடன் கூறியுள்ளது இந்த வெப் தொடர்.

இதர ஓடிடி வெளியீடுகள்

‘அப்செஸ்’ வெப் தொடர் அக்டோபர் 30-ம் தேதி நெட்ஃபிளிக்ஸ் ஓடிடி தளத்தில் ரிலீஸ் ஆக உள்ளது. ‘அவறாச்சன் அண்ட் சன்ஸ்’ திரைப்படமும் அக்டோபர் 30-ம் தேதி நெட்ஃபிளிக்ஸ் தளத்தில் வெளியாக உள்ளதாகக் குறிப்பிடப்பட்டுள்ளது. ‘அப்செஷன்: தி ஒரிஜினல் அன்-கட் வெர்ஷன்’ திரைப்படம் அக்டோபர் 30-ம் தேதி ஜியோஹாட்ஸ்டார் தளத்தில் வெளியாக உள்ளது. ‘இம்மார்டல்’ திரைப்படம் அக்டோபர் 30-ம் தேதி சோனி லிவ் ஓடிடி தளத்தில் வெளியாக உள்ளது. ‘ருத்ரவனம் பி.எஸ்.’ வெப் தொடர் அக்டோபர் 30-ம் தேதி ஜீ5 ஓடிடி தளத்தில் வெளியாகும்.

‘தி ஸ்ட்ரேஞ்சர்ஸ்’ திரைப்படத் தொடரின் மூன்றாவது பாகமான ‘தி ஸ்ட்ரேஞ்சர்ஸ்: சேப்டர் 3’ அக்டோபர் 30-ம் தேதி லயன்ஸ்கேட் பிளே தளத்தில் வெளியாக உள்ளது. ‘பிக் பேபி’ திரைப்படம் அக்டோபர் 30-ம் தேதி ஷடர் ஓடிடி தளத்தில் ரிலீஸ் ஆக உள்ளது. ‘தி ஜென்டில்மேன் தீஃப்’ திரைப்படம் அக்டோபர் 30-ம் தேதி ஹுலு ஓடிடி தளத்தில் ஸ்ட்ரீம் ஆக உள்ளது.

Sai Pallavi : நல்லா சமைக்கத் தெரியணும்! வருங்கால கணவருக்கு சாய் பல்லவி வைத்த கண்டிஷன்கள் என்னென்ன?

Ganesh A — Thu, 29 Oct 2026 07:45:08 +0530

Sai Pallavi Opens Up About Her Dream Husband : 'ராமாயணா' பட புரமோஷனுக்காக கேபிசி நிகழ்ச்சியில் கலந்துகொண்ட சாய் பல்லவி, தன் வருங்கால கணவர் எப்படி இருக்கணும் என்பதை பற்றி ஓப்பனாக பேசி இருக்கிறார்.

நிதேஷ் திவாரி இயக்கத்தில் ரன்பீர் கபூர், சாய் பல்லவி, யாஷ் உள்ளிட்டோர் நடிப்பில் உருவாகி உள்ள பிரம்மாண்ட திரைப்படம் ‘ராமாயணா: பார்ட் 1’. இப்படத்தின் வெளியீட்டை எதிர்பார்த்து ரசிகர்கள் காத்திருக்கும் நிலையில், படக்குழுவினர் புரமோஷன் பணிகளில் தீவிரமாக ஈடுபட்டு வருகின்றனர். அந்த வகையில், நடிகர் ரன்பீர் கபூர் மற்றும் சாய் பல்லவி இருவரும் அமிதாப் பச்சன் தொகுத்து வழங்கும் ‘கோன் பனேகா குரோர்பதி’ நிகழ்ச்சியில் பங்கேற்றுள்ளனர்.

தீபாவளி சிறப்பு நிகழ்ச்சியாக ஒளிபரப்பாகவுள்ள இந்த எபிசோடில், இருவரும் தங்களது அனுபவங்கள் மற்றும் தனிப்பட்ட விருப்பங்கள் குறித்து பல சுவாரஸ்யமான தகவல்களைப் பகிர்ந்துகொண்டுள்ளனர். இதில், சாய் பல்லவியின் வருங்கால கணவர் எப்படி இருக்க வேண்டும் என்ற கேள்வியும் ரசிகர்களின் கவனத்தை ஈர்த்துள்ளது.

நிகழ்ச்சியின்போது சாய் பல்லவியிடம் அவரது வாழ்க்கைத் துணை எப்படி இருக்க வேண்டும் என்று அமிதாப் பச்சன் கேள்வி எழுப்பி இருந்தார். இதற்குப் பதிலளித்த அவர், தனது தனிப்பட்ட சுதந்திரத்தையும் தொழில் வாழ்க்கையையும் மதித்து ஆதரிக்கும் நபராக இருக்க வேண்டும் என்பதைத் தனது முக்கிய எதிர்பார்ப்பாகக் குறிப்பிட்டுள்ளார்.

மேலும், பெண்கள் பொருளாதார ரீதியாகச் சுதந்திரமாகவும், தங்களது வாழ்க்கையைத் தாங்களே நிர்வகிக்கும் தற்சார்புடனும் இருப்பது அவசியம் என்ற தனது கருத்தையும் அவர் வெளிப்படுத்தியுள்ளார். தன்னுடைய லட்சியங்களை அடைவதற்குத் துணையாக இருப்பதுடன், தனது விருப்பங்களுக்கும் சுதந்திரத்திற்கும் மதிப்பளிக்கும் ஒருவரையே வாழ்க்கைத் துணையாக விரும்புவதாகத் தெரிவித்துள்ளார்.

அத்துடன், ஒரு உறவில் பரஸ்பர நம்பிக்கையும் மரியாதையும் மிகவும் முக்கியம் என்றும், நல்ல நகைச்சுவை உணர்வு கொண்டவராகவும் இருக்க வேண்டும் என்றும் அவர் கூறி இருக்கிறார். இதற்கிடையே, தனது வருங்கால கணவருக்கு நன்றாகச் சமைக்கத் தெரிந்திருக்க வேண்டும் என்றும் சாய் பல்லவி நகைச்சுவையாகக் குறிப்பிட்டுள்ளார். அவரது இந்தப் பதில் நிகழ்ச்சியில் கலகலப்பை ஏற்படுத்தியது. சாய் பல்லவியின் எளிமையான அணுகுமுறையும், வாழ்க்கைத் துணை குறித்த தெளிவான எதிர்பார்ப்புகளும் தற்போது ரசிகர்கள் மத்தியில் பேசுபொருளாகியுள்ளன.

சாய் பல்லவி தற்போது சீதையாக நடித்துள்ள ‘ராமாயணா: பார்ட் 1’ திரைப்படம் மீதான எதிர்பார்ப்பு அதிகரித்துள்ளது. நிதேஷ் திவாரி இயக்கத்தில் உருவாகும் இப்படத்தில் ரன்பீர் கபூர் ராமராகவும், யாஷ் ராவணனாகவும் நடிப்பதாக அறிவிக்கப்பட்டுள்ளது. பிரம்மாண்டமான பொருட்செலவில் உருவாகும் இப்படம், நவம்பர் 5-ம் தேதி உலகம் முழுவதும் திரையரங்குகளில் வெளியாகும் என்று அறிவிக்கப்பட்டுள்ளது. இதன் புரமோஷன் நடவடிக்கைகள் தொடர்ந்து நடைபெற்று வரும் நிலையில், படத்தின் வெளியீடு தொடர்பான தகவல்களும் ரசிகர்களின் கவனத்தை ஈர்த்து வருகின்றன.

மேலும், படத்தின் முன்பதிவு மற்றும் வசூல் தொடர்பாக வெளியாகும் தகவல்கள் படத்தின் மீதான எதிர்பார்ப்பை அதிகரித்து வருகின்றன. அண்மையில் இப்படத்தின் ப்ரீமியர் ஷோ அமெரிக்காவில் திரையிடப்பட்டது. அதில் படம் பார்த்தவர்கள் படத்தை பற்றி பிரம்மிப்புடன் கூறி வருவதால் இதன் மீதான எதிர்பார்ப்பு மேலும் அதிகரித்துள்ளது. ஒருபுறம் ‘ராமாயணா’ படத்தின் புரமோஷன் ரசிகர்களிடையே கவனம் பெற்று வரும் நிலையில், மறுபுறம் KBC நிகழ்ச்சியில் சாய் பல்லவி பகிர்ந்துள்ள வாழ்க்கைத் துணை குறித்த கருத்துகளும் இணையத்தில் பேசப்படும் விஷயமாக மாறியுள்ளன.

Ramayana First Review : பிரம்மாண்டத்தின் உச்சமா?... வெறும் பில்டப்பா? ராமாயணா முதல் விமர்சனம் வந்தாச்சு..!

Ganesh A — Wed, 28 Oct 2026 12:49:01 +0530

Ramayana Movie First Review : நிதேஷ் திவாரி இயக்கத்தில் ரன்பீர் கபூர், சாய் பல்லவி, யாஷ் நடிப்பில் பிரம்மாண்டமாக உருவான ராமாயணா திரைப்படத்தின் முதல் விமர்சனம் வெளியாகி உள்ளது.

இந்திய சினிமாவில் மிகப்பெரிய எதிர்பார்ப்பை ஏற்படுத்தியுள்ள திரைப்படங்களில் ஒன்று இயக்குநர் நிதேஷ் திவாரியின் 'ராமாயணா: ரைஸ் ஆஃப் எ லெஜண்ட்'. இந்திய இதிகாசமான ராமாயணத்தை அடிப்படையாகக் கொண்டு பிரம்மாண்டமாக உருவாகியுள்ள இப்படத்தின் உலக பிரீமியர் காட்சி அமெரிக்காவின் லாஸ் ஏஞ்சல்ஸ் நகரில் நடைபெற்றது.

இந்தச் சிறப்புக் காட்சியில் படக்குழுவினருடன் சர்வதேச திரைப்பட விமர்சகர்கள் பலரும் கலந்துகொண்டு படத்தின் ஆங்கிலப் பதிப்பைப் பார்த்துள்ளனர். முழுமையான விமர்சனங்களை வெளியிடுவதற்குத் தற்போது கட்டுப்பாடு விதிக்கப்பட்டுள்ள நிலையில், சர்வதேச விமர்சகர் ஒருவர் பகிர்ந்துள்ள முதல் விமர்சனம் சினிமா ரசிகர்களிடையே கவனத்தை ஈர்த்துள்ளது.

2001-ஆம் ஆண்டு வெளியான ஹாலிவுட்டின் புகழ்பெற்ற 'தி லார்ட் ஆஃப் தி ரிங்ஸ்' திரைப்படத்தை முதன்முறையாகப் பார்த்தபோது ஏற்பட்ட பிரம்மிப்பு, தற்போது ராமாயணா படத்தைப் பார்த்தபோதும் தனக்கு ஏற்பட்டதாக அந்த விமர்சகர் தெரிவித்துள்ளார். குறிப்பாக, திரையில் ஸ்ரீராமரின் கதாபாத்திரம் சித்தரிக்கப்பட்டுள்ள விதம் தன்னை வெகுவாகக் கவர்ந்ததாக அவர் பாராட்டியுள்ளார். இந்திய இதிகாசத்தை உலகத் தரத்திலான பிரம்மாண்டமான திரைப்பட அனுபவமாக மாற்றும் முயற்சியில் படக்குழு ஈடுபட்டுள்ள நிலையில், சர்வதேச விமர்சகரின் இந்த முதல் விமர்சனம் படத்தின் மீதான எதிர்பார்ப்பை மேலும் அதிகரித்துள்ளது.

ராமாயணா படத்தின் இறுதிக்காட்சி குறித்தும் அந்த விமர்சகர் சுவாரஸ்யமான தகவலைப் பகிர்ந்துள்ளார். முதல் பாகத்தின் கிளைமேக்ஸ், இரண்டாம் பாகத்திற்கான மிகப்பெரிய எதிர்பார்ப்பை ஏற்படுத்தும் வகையில் அமைந்துள்ளதாக அவர் குறிப்பிட்டுள்ளார். குறிப்பாக, படம் முடிந்து திரை இருளடைந்த தருணத்தில் ஏற்பட்ட ஆச்சரியத்தால் தன்னை அறியாமலேயே சத்தமாகக் கத்திவிட்டதாகவும் தெரிவித்துள்ளார்.

இருப்பினும், படத்தின் முக்கியமான ட்விஸ்ட்கள் மற்றும் கதைக்களம் தொடர்பான விவரங்களை அவர் தற்போது வெளியிடவில்லை. விமர்சனங்களுக்கான தடை நீங்கிய பிறகு, வரும் ஞாயிற்றுக்கிழமை ஸ்பாய்லர்களுடன் கூடிய முழுமையான விமர்சனத்தை வெளியிட இருப்பதாகத் தெரிவித்துள்ளார்.

இயக்குநர் நிதேஷ் திவாரி இயக்கத்தில் உருவாகியுள்ள இந்தப் படத்தில் பாலிவுட் மற்றும் தென்னிந்தியத் திரையுலகைச் சேர்ந்த பல முன்னணி நட்சத்திரங்கள் இணைந்துள்ளனர். ரன்பீர் கபூர், சாய் பல்லவி, யஷ், ரவி துபே, சன்னி தியோல், அருண் கோவில், லாரா தத்தா, இந்திரா கிருஷ்ணன், காஜல் அகர்வால், ரகுல் ப்ரீத் சிங், விவேக் ஓபராய், குணால் கபூர், ஷீபா சத்தா மற்றும் அனுபம் கெர் உள்ளிட்ட பலர் முக்கியக் கதாபாத்திரங்களில் நடித்துள்ளதாகக் கூறப்படுகிறது.

இந்தப் பிரம்மாண்டத் திரைப்படத்தை நமித் மல்ஹோத்ரா மற்றும் நடிகர் யஷ் இணைந்து தயாரிக்கின்றனர். இந்திய இதிகாசத்தைச் சர்வதேச ரசிகர்களிடம் கொண்டு சேர்க்கும் நோக்கில் உருவாகியுள்ள இப்படத்தின் காட்சியமைப்பு மற்றும் தயாரிப்புப் பணிகள் மீது ஆரம்பத்திலிருந்தே அதிக எதிர்பார்ப்பு நிலவி வருகிறது.

'ராமாயணா: ரைஸ் ஆஃப் எ லெஜண்ட்' திரைப்படத்தின் முதல் பாகத்தை 2026 நவம்பர் 5-ஆம் தேதி திரையரங்குகளில் வெளியிட உள்ளனர். இந்நிலையில், லாஸ் ஏஞ்சல்ஸ் பிரீமியர் காட்சிக்குப் பிறகு வெளியாகியுள்ள முதல் விமர்சனக் கருத்து, இந்திய ரசிகர்களை மட்டுமின்றி சர்வதேச சினிமா ரசிகர்களின் கவனத்தையும் ஈர்த்துள்ளது. குறிப்பாக, ஹாலிவுட்டின் பிரம்மாண்டமான ஃபேண்டஸி திரைப்படமான 'தி லார்ட் ஆஃப் தி ரிங்ஸ்' உடன் ராமாயணாவை ஒப்பிட்டு வெளியாகியுள்ள இந்தக் கருத்து சமூக வலைதளங்களில் பேசுபொருளாக மாறக்கூடும். இருப்பினும், இது ஒரு விமர்சகரின் ஆரம்பகட்டக் கருத்து மட்டுமே என்பதால், முழுமையான விமர்சனங்கள் வெளியான பிறகே படத்தின் கதை, திரைக்கதை, நடிப்பு மற்றும் தொழில்நுட்ப அம்சங்கள் குறித்த விரிவான மதிப்பீடுகள் தெரியவரும்.

Umapathy Ramaiah : அர்ஜுன் குடும்பத்தில் பிரச்சனையா? அஞ்சனா கல்யாணத்தில் உமாபதி மிஸ்ஸிங்... காரணம் என்ன?

Ganesh A — Tue, 27 Oct 2026 07:03:08 +0530

Umapathy Ramaiah Not Attend Anjana Arjun Marriage : அர்ஜுனின் இளைய மகள் அஞ்சனாவின் திருமணம் வெளிநாட்டில் நடைபெற்ற நிலையில், அதில் உமாபதி கலந்துகொள்ளாதது சர்ச்சையை ஏற்படுத்தி உள்ளது.

இத்தாலியில் உள்ள டஸ்கனி நகரத்துல அர்ஜுன் சர்ஜா குடும்பம் இப்போ கல்யாண கொண்டாட்டத்துல இருக்காங்க. அவங்களோட இளைய மகள் அஞ்சனாவுக்கும், இசை நட்டருக்கும் அக்டோபர் 19-ம் தேதி கல்யாணம் முடிஞ்சிருக்கு. முதல்ல இந்து முறைப்படியும், அப்புறம் கிறிஸ்தவ முறைப்படியும் இந்த கல்யாணம் நடந்துச்சு. கடந்த 14 வருஷமா அஞ்சனாவும் இசையும் காதலிச்சிட்டு வந்தாங்க. இவங்களோட நீண்ட நாள் காதலுக்கு ரெண்டு குடும்பமும் பச்சைக் கொடி காட்டுனதால, இப்போ கல்யாணத்துல இணைஞ்சிருக்காங்க.

திருமணமாகி மூன்றே மாதத்தில்.. அர்ஜூன் - தம்பி ராமையா வீட்டில் விசேஷம்.. குடும்பத்துடன் சாமி தரிசனம்..

அக்டோபர் 19 அன்னைக்கு அஞ்சனா தன்னோட கல்யாண போட்டோக்களை சோஷியல் மீடியாவில ஷேர் பண்ணி இந்த சந்தோஷமான செய்தியை அதிகாரப்பூர்வமா அறிவிச்சாங்க. கல்யாணத்துல எடுத்த நிறைய போட்டோக்கள் சோஷியல் மீடியாவில வைரலாகிட்டு இருக்கு. ஆனா, எந்த ஒரு போட்டோவிலயும் அர்ஜுன் குடும்பத்தோட மூத்த மருமகனும், ஐஸ்வர்யா அர்ஜுனின் கணவருமான உமாபதியை மட்டும் காணோம். இது பலருக்கும் பெரிய ஆச்சரியத்தை கொடுத்திருக்கு. புதுமண தம்பதி ரெண்டு குடும்பத்து கூடவும் சேர்ந்து நிறைய போட்டோக்கள் எடுத்திருக்காங்க.

அர்ஜுன் குடும்பத்தை பொறுத்தவரைக்கும் அர்ஜுன் சர்ஜா, மனைவி நிவேதிதா, மூத்த மகள் ஐஸ்வர்யா அர்ஜுன் மட்டும்தான் அந்த போட்டோக்கள்ல இருக்காங்க. உமாபதியை எந்த போட்டோவிலயும் பார்க்க முடியல. மச்சினியோட கல்யாணத்துல மூத்த மருமகன் கலந்துக்காதது சாதாரண விஷயம் கிடையாதுன்னு சோஷியல் மீடியாவில நெட்டிசன்கள் பேசிட்டு இருக்காங்க. இந்து முறைப்படி நடந்த கல்யாணத்துல மட்டுமில்லாம, கிறிஸ்தவ முறைப்படி நடந்த கல்யாணத்துலயும் உமாபதியை காணோம். இதனால ஐஸ்வர்யா அர்ஜுன் - உமாபதியோட திருமண வாழ்க்கையில எல்லாம் சரியா இருக்கா இல்லையான்னு பலருக்கும் சந்தேகம் வந்திருக்கு.

ஐஸ்வர்யா அர்ஜுன் கடைசியா தன்னோட கணவர் கூட எடுத்த போட்டோவை இந்த வருஷம் ஜனவரி 15-ம் தேதிதான் ஷேர் பண்ணியிருந்தாங்க. பொங்கல் பண்டிகைக்கு வாழ்த்து சொல்லி அந்த குடும்ப போட்டோவை போஸ்ட் பண்ணியிருந்தாங்க. அதுல உமாபதியோட எடுத்த ஒரு சிங்கிள் போட்டோவும், குடும்பத்தோட எடுத்த இன்னொரு போட்டோவும் இருந்துச்சு.

அந்த போட்டோவை ஷேர் பண்ணி இப்போ பத்து மாசம் ஆச்சு. அதுக்கப்புறம் எந்த ஒரு குரூப் போட்டோவிலயும் உமாபதியோட முகத்தை பார்க்க முடியல. ஆனா, அவங்களோட கல்யாண போட்டோக்கள் இன்னும் ஐஸ்வர்யாவோட இன்ஸ்டாகிராம் பக்கத்துல அப்படியேதான் இருக்கு. அதே மாதிரி, உமாபதியும் ஜனவரி மாசம் பொங்கலுக்கு தன்னோட மனைவியோட எடுத்த போட்டோவை போட்டதுதான் கடைசி. அதுக்கப்புறம் அவரும் எந்த போஸ்ட்டும் போடல. இதையெல்லாம் கவனிச்ச நெட்டிசன்கள், அர்ஜுன் சர்ஜாவோட மூத்த மகள் வாழ்க்கை நல்லபடியா போயிட்டு இருக்கா, இல்ல வேற ஏதாவது பிரச்சனையான்னு கேள்வி கேட்டுட்டு இருக்காங்க.

உமாபதியும் ஒரு நடிகர்தான். பிரபல மூத்த நடிகர் தம்பி ராமையாவோட மகன்தான் இவர். கடந்த ஜூன் 10, 2024 அன்னைக்கு சென்னையில இவங்களோட கல்யாணம் ரொம்ப பிரம்மாண்டமா நடந்துச்சு. அதுக்கப்புறம் பெரிய அளவுல ரிசப்ஷனும் வச்சாங்க.

உமாபதியை பார்த்து க்யூட்டாக வெட்கப்படும் ஐஸ்வர்யா.. புதுமண தம்பதியின் லேட்டஸ்ட் கிளிக்ஸ் இதோ..

Actor Dhanush Political Entry: 234 தொகுதிகளிலும்... நடிகர் தனுஷ் அடுத்த திட்டம்.! அரசியலை நோக்கிய சைலன்ட் மூவ்?

Vedarethinam Ramalingam — Wed, 28 Oct 2026 15:42:36 +0530

தமிழகத்தின் 234 தொகுதிகளையும் மையமாக வைத்து நடிகர் தனுஷ் அரசியலில் களமிறங்கத் திட்டமிடுகிறாரா? அவரது அடுத்தகட்ட நகர்வு குறித்த எதிர்பார்ப்புகள், அரசியல் வட்டாரப் பேச்சுகள் மற்றும் பின்னணி தகவல்களை விரிவாகப் பார்ப்போம்.

தமிழ் திரையுலகில் முன்னணி நடிகராகவும், இயக்குநராகவும் பன்முகத் திறமையோடு வலம் வருபவர் தனுஷ். திரைப்படங்களில் பிஸியாக இயங்கி வந்தாலும், அண்மைக் காலமாக அவரது சமூக நலப்பணிகள் மற்றும் அமைப்பு ரீதியான மாற்றங்கள் தமிழ்நாட்டில் பெரும் விவாதப் பொருளாகியுள்ளன.

தமிழ் சினிமாவின் 'D-Captain' தனுஷ், திரையில் கலக்குவது மட்டுமில்லாமல், இப்போ நிஜ வாழ்க்கையிலும் ஒரு Next-Level கேமை ஸ்டார்ட் பண்ணியிருக்காரு! சினிமா, இயக்கம்னு பிஸியா இருந்தாலும், சைலண்ட்டா அடித்தளத்துல இறங்கி வேலை பாக்குறதுல தனுஷ் ரூட்டே தனி. இப்போ தமிழ்நாட்டின் 234 சட்டமன்றத் தொகுதிகளையும் குறிவச்சு அவர் இறக்கியிருக்க ஒரு நியூ பிளான், நெட்டிசன்கள் மத்தியில செம்ம டிரெண்டிங்!

ரசிகர் மன்றங்களை 'நற்பணி இயக்கமாக' மாற்றியது முதல், தற்போது தமிழகத்தின் அனைத்து சட்டமன்றத் தொகுதிகளையும் குறிவைத்து அவர் தீட்டிவரும் புதிய திட்டங்கள் வரை அனைத்தும் அரசியல் வருகையின் முன்னோட்டமாகவே பார்க்கப்படுகின்றன.

படிக்கணும்னு ஆசை இருந்தும், போதிய வசதி இல்லாம கஷ்டப்படுற 10th மற்றும் 12th படிக்கும் ஸ்டூடண்ட்ஸுக்கு உதவ தனுஷின் நற்பணி இயக்கம் ஒரு மெகா பிளானோட வந்திருக்காங்க.

AC டியூஷன் சென்டர்கள்: தமிழ்நாடோட ஒவ்வொரு தொகுதியிலும், மாணவர்களுக்காக முழுக்க முழுக்க இலவச AC டியூஷன் சென்டர்களை உருவாக்க திட்டமிட்டிருக்காங்க.
Top-tier Staffs: சும்மா பேருக்குன்னு இல்லாம, ஒவ்வொரு மையத்துக்கும் 3 வெல்-ட்ரெய்ன்ட் டீச்சர்ஸ் மற்றும் ஒரு ஹெல்பர் நியமிக்கப்பட போறாங்க. இவங்களுக்கான முழு சம்பளத்தையும் தனுஷின் அமைப்பே நேரடியாக ஏத்துக்கும்.
Target 2027: முதல்கட்டமா முக்கியமான நகரங்கள்ல தொடங்கி, அப்புறம் 234 தொகுதிகளுக்கும் இத கொண்டு போக போறாங்க. இதற்கான பணிகள் அடுத்த வருஷத் தொடக்கத்துல இருந்தே ஸ்பீடெடுக்க போகுது.

இன்னைக்கு டேட்ல சினிமா ஸ்டார்கள் அரசியலுக்கு வர்றது புதுசு இல்ல. ஏற்கனவே விஜய் அவரோட அரசியல் பயணத்தை ஸ்பீடாக்கின சூழல்ல, தனுஷோட இந்த கிராஸ்ரூட் லெவல் மூவ் எல்லாரையும் புருவம் உயர்த்த வச்சிருக்கு.

தனுஷின் இந்தத் திடீர் களப்பணிகள் வெறும் சினிமா சார்ந்த நற்பணி மட்டுமல்லாமல், மிகத் துல்லியமான அரசியல் கணக்குகளை அடிப்படையாகக் கொண்டவை என அரசியல் விமர்சகர்கள் கருதுகின்றனர். சமீபத்தில் சென்னையில் நடைபெற்ற தனுஷ் நற்பணி இயக்கத்தின் மகளிர் அணி சந்திப்பில் ஆயிரக்கணக்கான பெண் நிர்வாகிகள் கலந்துகொண்டனர். அவர்களுக்குப் பரிசுகள் வழங்கி ஊக்கப்படுத்திய தனுஷ், அடிமட்ட அளவில் அமைப்பை வலுப்படுத்துவதில் தீவிரமாக உள்ளார்.

சமீபத்துல சென்னையில நடந்த தனுஷ் நற்பணி இயக்கத்தோட மகளிர் அணி கூட்டத்துல ஆயிரக்கணக்கான பெண்கள் கலந்துகிட்டாங்க. அவங்களை நேர்ல சந்திச்சு கிஃப்ட்ஸ் கொடுத்து மோட்டிவேட் பண்ணியிருக்காரு தனுஷ்.

"கல்வியில முதலீடு பண்றதுதான் எதிர்காலத் தலைமுறையை உருவாக்கும்!"

நேரடியா பொலிடிகல் என்ட்ரி பத்தி தனுஷ் எதுவும் பேசலன்னாலும், 234 தொகுதிகள்லயும் கிரவுண்ட் வொர்க் பண்றது, ஸ்டூடண்ட்ஸ் & விமன் கனெக்ட்டை பலப்படுத்துறது எல்லாமே ஒரு பக்காவான ஃபியூச்சர் பிளானோட பகுதிதான் அப்படின்னு டாக் போயிட்டு இருக்கு.

ஒரு நடிகரா மாஸ் காட்டுறது மட்டுமில்லாம, சமுதாயத்துக்குத் தேவையான எஜுகேஷன் ஃபீல்டுல இறங்கி 234 தொகுதிகளையும் கவர் பண்ற இந்த ஐடியா நிஜமாவே செம்ம அப்ரிஷியேட் பண்ண வேண்டிய விஷயம்.

இது வெறும் நற்பணியா? இல்ல ஃபியூச்சர் பொலிடிகல் என்ட்ரிக்கு போடுற அஸ்திவாரமா? வெயிட் பண்ணி பார்ப்போம்!

தமிழ்நாட்டில் ஏற்கனவே நடிகர் விஜய் போன்ற முன்னணி நடிகர்கள் அரசியல் களத்தில் கால் பதித்து வெற்றியை நோக்கி நகர்ந்து வரும் சூழலில், தனுஷின் இந்தத் தொடர் மக்கள் நலத் திட்டங்கள் மற்றும் தொகுதி வாரியான கட்டமைப்புப் பணிகள் தமிழக அரசியலில் மற்றொரு புதிய திருப்பத்தை ஏற்படுத்தக்கூடும். இருப்பினும், தனுஷ் தரப்பிலிருந்து நேரடியான அரசியல் பிரவேசம் குறித்த அறிவிப்பு எதுவும் இதுவரை வெளியிடப்படவில்லை என்பது குறிப்பிடத்தக்கது.

எது எப்படியாயினும், 234 தொகுதிகளையும் குறிவைத்து மாணவர்களின் கல்வி நலனை மையமாகக் கொண்டு தனுஷ் முன்னெடுத்து வரும் இந்த அடுத்தகட்டத் திட்டம், இளைய தலைமுறை மற்றும் பொதுமக்களின் கவனத்தை வெகுவாக ஈர்த்துள்ளது.

Trisha : ஹிட் அடித்த ரோடு ஷோ... அடுத்த ஜெயலலிதாவாக உருவெடுக்கிறாரா திரிஷா? அரசியல் எண்ட்ரி எப்போது?

Ganesh A — Tue, 27 Oct 2026 08:06:34 +0530

Trisha Political Entry : கோயம்புத்தூரில் நடிகை திரிஷாவுக்கு கிடைத்த பிரம்மாண்ட வரவேற்பு சினிமா மற்றும் அரசியல் வட்டாரத்தில் பெரிய பேசுபொருளா மாறியிருக்கு. அதைப்பற்றி இந்த தொகுப்பில் பார்க்கலாம்.

கோலிவுட்டின் முன்னணி நடிகை திரிஷா கிருஷ்ணன் இப்போ மீண்டும் செய்திகளில் இடம்பிடிச்சிருக்கார். இந்த முறை அவருடைய படங்களோ, புது ப்ராஜெக்ட்டோ காரணம் இல்லை. கோயம்புத்தூரில் அவருக்கு கிடைத்த பிரம்மாண்ட வரவேற்புதான் எல்லார் கவனத்தையும் ஈர்த்திருக்கு. ஒரு மொபைல் ஷோரூம் திறப்பு விழாவுக்காக கோவை வந்த திரிஷாவை பார்க்க ஆயிரக்கணக்கான ரசிகர்கள் திரண்டாங்க. இந்த கூட்டத்தை பார்த்ததும், திரிஷா அரசியலுக்கு வரப்போறாரா அப்படிங்கிற விவாதம் தமிழ்நாட்டில் மறுபடியும் சூடுபிடிச்சிருக்கு.

கோயம்புத்தூரில் நடந்த மொபைல் ஷோரூம் திறப்பு விழாவுக்கு திரிஷா வந்ததும் ரசிகர்களின் உற்சாகம் எல்லை மீறிடுச்சு. தங்களுக்கு பிடிச்ச நடிகையை நேரில் பார்க்க மக்கள் பெரிய அளவில் கூடியிருந்தாங்க. திறந்த வாகனத்தில் நின்றபடி திரிஷா ரசிகர்களைப் பார்த்து கையசைத்து தன்னோட மகிழ்ச்சியை வெளிப்படுத்தினார். அவர் வந்ததும், மக்களின் ஆரவாரமும் தான் அந்த நிகழ்ச்சியோட ஹைலைட்.

திரிஷாவுக்கு எந்த அளவுக்கு மக்கள் செல்வாக்கு இருக்கு அப்படிங்கறதுக்கு இந்த கூட்டமே சாட்சி அப்படின்னு ரசிகர்கள் சொல்றாங்க. ஆனா, இது ஒரு வியாபாரம் சம்பந்தப்பட்ட நிகழ்ச்சி. இதை ஒரு அரசியல் ரோட் ஷோ மாதிரி பார்க்க எந்த அதிகாரப்பூர்வ ஆதாரமும் இல்லை.

நடிகை திரிஷா அரசியலுக்கு வருவாரா அப்படிங்கிற கேள்வி புதுசு கிடையாது. தமிழ்நாட்டில் நடிகர் விஜய் தொடங்கியுள்ள தமிழக வெற்றிக் கழகம் பத்தி நிறைய விவாதங்கள் நடந்துட்டு இருக்கு. இந்த சூழ்நிலையில், திரிஷாவோட பெயரும் அடிக்கடி அடிபடுது. விஜய்யின் ரசிகர்களும், டிவிகே ஆதரவாளர்கள் சிலரும் திரிஷா அரசியலுக்கு வரணும்னு ஆசைப்படுறதா சொல்லப்படுது.

கோயம்புத்தூரில் நடிகைக்கு கிடைத்த பிரம்மாண்ட வரவேற்புக்குப் பிறகு இந்த பேச்சுகள் இன்னும் அதிகமாயிருக்கு. சினிமா துறையில் ஏற்கனவே பெரிய ரசிகர் பட்டாளத்தை வெச்சிருக்கிற திரிஷா, அரசியலுக்கு வந்தா அவரோட அடுத்த நகர்வு எப்படி இருக்கும்னு சிலருக்கு ஆர்வம் வந்திருக்கு.

ஆனா, ரசிகர்களின் ஆதரவோ அல்லது நிகழ்ச்சியில் கூடிய கூட்டமோ மட்டும் அரசியல் பிரவேசத்தை உறுதி செஞ்சிடாது. இது பத்தி நடிகை திரிஷா எந்த அதிகாரப்பூர்வ அறிவிப்பும் வெளியிடல அப்படிங்கறதை நாம கவனிக்கணும்.

நிகழ்ச்சி முடிஞ்ச பிறகு, பத்திரிகையாளர்கள் திரிஷாகிட்ட அரசியல் பிரவேசம் பத்தி கேள்வி கேட்டிருக்காங்க. இந்தக் கேள்விக்கு அவர் நேரடியா எந்த பதிலும் சொல்லாம, சும்மா சிரிச்சுக்கிட்டே அங்கிருந்து கிளம்பிட்டார். அவரோட இந்த ரியாக்‌ஷன் இப்போ இன்னும் ஆர்வத்தை தூண்டியிருக்கு.

திரிஷாவோட சிரிப்பு அரசியலுக்கு வர சம்மதம்னு அர்த்தமா, இல்ல வதந்திகளுக்கு பதில் சொல்ல விரும்பாத முடிவா அப்படிங்கறதை உறுதியா சொல்ல முடியாது. அவரோட மௌனத்தை அரசியல் பிரவேசத்துக்கான சிக்னல்னு நினைக்கிறது இப்போதைக்கு வெறும் யூகமாத்தான் இருக்கும்.

தமிழ்நாட்டில் சினிமாவுக்கும் அரசியலுக்கும் ரொம்ப காலமா ஒரு நெருங்கிய தொடர்பு இருக்கு. நிறைய நடிகர்கள் அரசியலுக்கு வந்து தங்களோட முத்திரையை பதிச்சிருக்காங்க. இந்த பின்னணியில, திரிஷாவோட அரசியல் எதிர்காலம் பத்தி ரசிகர்களுக்கு ஆர்வம் வர்றது சகஜம்தான்.

இருந்தாலும், இப்போதைக்கு திரிஷா அரசியலுக்கு வரப்போறார் அப்படிங்கறதை உறுதி செய்ய எந்த அதிகாரப்பூர்வ தகவலும் இல்லை. அதனால, கோயம்புத்தூரில் கூடிய கூட்டத்தை அவரோட பிரபலத்துக்கான அடையாளமா பார்க்கலாமே தவிர, அவர் அரசியலுக்கு வர்றது உறுதி அப்படின்னு முடிவுக்கு வர முடியாது.

மொத்தத்தில், கோயம்புத்தூரில் திரிஷாவுக்கு கிடைத்த பிரம்மாண்ட வரவேற்பு சினிமா மற்றும் அரசியல் வட்டாரங்களில் பெரிய விவாதத்தை ஏற்படுத்தியிருக்கு. நடிகை தன்னோட அடுத்த கட்ட முடிவு பத்தி எப்போ தெளிவுபடுத்துவார்னு ரசிகர்கள் ஆவலா காத்துட்டு இருக்காங்க. அடுத்த ஜெயலலிதா, திரிஷா தான் என்கிற பேச்சும் ஒருபுறம் எழத் தொடங்கிருக்கு. திரிஷா தொடர்ந்து சினிமாவிலேயே கவனம் செலுத்துவாரா அல்லது அரசியலை நோக்கி அடி எடுத்து வைப்பாரா அப்படிங்கிற கேள்விக்கு காலம்தான் பதில் சொல்லணும்.

OTT Releases : பத்தா முதல் அக்கா வரை... இந்த வாரம் ஓடிடியில் புது வரவுகள் என்னென்ன? முழு லிஸ்ட் இதோ

Ganesh A — Tue, 27 Oct 2026 09:18:30 +0530

This Week OTT Releases : அக்டோபர் மாதத்தின் கடைசி வாரத்தில் ஓடிடியில் ஏராளமான படங்கள் மற்றும் வெப் தொடர்கள் ரிலீஸ் ஆக உள்ளன. அது என்னென்ன என்பதை இந்த தொகுப்பில் பார்க்கலாம்.

ஓடிடியில் வார வாரம் புதுப் படங்கள் மற்றும் வெப் தொடர்கள் ரிலீஸ் ஆன வண்ணம் உள்ளன. அதனால் மக்களுக்கும் பொழுதைக் கழிக்க சிறந்த தளமாக ஓடிடி மாறி உள்ளது. முன்பெல்லாம் படம் ரிலீஸ் ஆன பின்னர் பைரசி என்பது பெரும் தலைவலியாக இருந்தது. ஆனால் ஓடிடி வந்த பிறகு பைரசி மிகப்பெரிய அளவில் குறைந்துள்ளது. அதுமட்டுமின்றி தயாரிப்பாளர்களும் ஓடிடி ரைட்ஸ் விற்கப்படுவதன் மூலம் பெரிய அளவில் லாபம் பார்க்கிறார்கள். அந்த வகையில் அக்டோபர் கடைசி வாரத்தில் ஓடிடியில் என்னென்ன படங்கள் மற்றும் வெப் சீரிஸ் ரிலீஸ் ஆக உள்ளது என்பதை பார்க்கலாம்.

விஜய் சேதுபதி நடிப்பில் வெளியாகி அமோக வரவேற்பை பெற்ற படம் பத்தா. அட்லீ தயாரித்த இப்படத்தை பாலாஜி தரணீதரன் இயக்கி இருந்தார். இப்படத்தில் விஜய் சேதுபதி உடன் லிஜோ மோல் ஜோஸ் நடித்திருந்தார். இப்படம் இந்த வாரம் ஓடிடிக்கு வருகிறது. அக்டோபர் 29-ந் தேதி பத்தா படம் நெட்ஃபிளிக்ஸ் ஓடிடியில் ரிலீஸ் ஆக உள்ளது. இப்படத்திற்கு சாய் அபயங்கர் இசையமைத்து இருந்தார்.

தமிழக முதல்வர் விஜய்யின் மகன் ஜேசன் சஞ்சய் இயக்குநராக அறிமுகமான படம் சிக்மா. இப்படத்தை லைகா நிறுவனம் தயாரித்திருந்தது. இப்படத்தில் சந்தீப் கிஷான் நாயகனாக நடித்திருந்தார். தமன் இப்படத்திற்கு இசையமைத்திருந்தார். வருகிற அக்டோபர் 30ந் தேதி சிக்மா படம் நெட்ஃபிளிக்ஸ் ஓடிடியில் ரிலீஸ் ஆக உள்ளது. இப்படம் தியேட்டரில் பெரியளவில் கொண்டாடப்படவில்லை என்பதால் ஓடிடியில் இதற்கு எந்த அளவு வரவேற்பு கிடைக்கும் என்பதை பொறுத்திருந்து பார்க்கலாம்.

ஜிவி பிரகாஷ் குமார் நடிப்பில் கடந்த செப்டம்பர் மாதம் திரைக்கு வந்த படம் இம்மார்டெல். இப்படத்தில் ஜிவி பிரகாஷுக்கு ஜோடியாக கயாடு லோகர் நடித்துள்ளார். ஹாரர் த்ரில்லர் படமான இது விமர்சன ரீதியாக அமோக வரவேற்பை பெற்றது. இப்படம் வருகிற அக்டோபர் 30ந் தேதி சோனி லிவ் ஓடிடி தளத்தில் ரிலீஸ் ஆக உள்ளது.

தங்கக் கடத்தல் மற்றும் அரசியல் அதிகாரத்தைத் தங்கள் கட்டுப்பாட்டில் வைத்திருக்கும் ‘அக்கா’ குழுவை சேர்ந்த கீர்த்தி சுரேஷ் மற்றும் ராதிகா ஆப்தேவை மையமாக வைத்து உருவாகி உள்ள வெப் சீரிஸ் இது. இந்த வெப் சீரிஸ் வருகிற அக்டோபர் 30ந் தேதி நெட்ஃபிளிக்ஸ் ஓடிடியில் ரிலீஸ் ஆக உள்ளது.

இந்த வாரம் ஓடிடியில் ரிலீஸ் ஆகும் மற்றொரு வெப் சீரிஸ் தான் லவ் ஆல்வேஸ். இந்த வெப் சீரிஸ் வருகிற அக்டோபர் 30ந் தேதி ஜியோ ஹாட்ஸ்டார் ஓடிடியில் ரிலீஸ் ஆக உள்ளது. இந்த வெப் சீரிஸை மதுமிதா இயக்கி உள்ளார். இதில் கெளரி கிஷான், பிக் பாஸ் மாயா ஆகியோர் முக்கிய கதாபாத்திரத்தில் நடித்துள்ளனர்.

OTT Thriller Movies: நாவல்களை தழுவி எடுக்கப்பட்ட 5 தரமான த்ரில்லர் படங்கள்... ஓடிடியில் மிஸ் பண்ணாதீங்க!

Ganesh A — Wed, 28 Oct 2026 10:48:40 +0530

OTT: பிரபலமான நாவல்களை அடிப்படையாகக் கொண்டு எடுக்கப்பட்ட 5 பெஸ்ட் சஸ்பென்ஸ் த்ரில்லர் படங்களின் லிஸ்ட் இது. ஓடிடியில் இருக்கும் இந்தப் படங்களை த்ரில்லர் ரசிகர்கள் கண்டிப்பா பார்க்கணும்.

நாவல்களை அடிப்படையாகக் கொண்டு சினிமா எடுப்பது இண்டஸ்ட்ரிக்கு புதுசு கிடையாது. ரொம்ப காலமாகவே பெஸ்ட் செல்லர் நாவல்களை வைத்து இயக்குநர்கள் பிளாக்பஸ்டர் ஹிட் கொடுத்து வருகிறார்கள். அப்படி ஓடிடி தளங்களில் இருக்கும் சில சஸ்பென்ஸ் த்ரில்லர் படங்களைப் பற்றி இன்று நாம் பார்க்கலாம்.

ஐஎம்டிபி தளத்தில் 8.1 ரேட்டிங் பெற்ற படம் இது. திருமணமான ஐந்தாவது ஆண்டு விழாவன்று மனைவி திடீரென காணாமல் போகிறாள். அவளைத் தேடும் பயணத்தை சுற்றியே கதை நகரும். கில்லியன் ஃபிளின் எழுதிய பிரபலமான த்ரில்லர் நாவலை வைத்து இந்தப் படத்தை எடுத்திருக்கிறார்கள். இது ஒரு அருமையான சைக்கலாஜிக்கல் த்ரில்லர். கதையில் வரும் எதிர்பாராத ட்விஸ்ட்கள் ஆடியன்ஸை ஆச்சரியப்படுத்தும். சஸ்பென்ஸ், மிஸ்ட்ரி பிடிக்கும் என்பவர்களுக்கு இது பெஸ்ட் சாய்ஸ். அமேசான் பிரைம் வீடியோவில் இந்தப் படம் ஸ்ட்ரீம் ஆகிறது.

லூயிஸ் பேயார்ட் எழுதிய வரலாற்று மிஸ்ட்ரி நாவலை வைத்து இந்த ஹாரர் மிஸ்ட்ரி த்ரில்லர் படத்தை உருவாக்கியுள்ளனர். 1830-களில் நடப்பது போல கதை அமைக்கப்பட்டிருக்கும். ஒரு மிலிட்டரி அகாடமியில் நடந்த கொடூரமான கொலையை விசாரிக்க ஒரு டிடெக்டிவ் வருகிறார். இந்த மர்டர் மிஸ்ட்ரியை கண்டுபிடிக்க அதே அகாடமியைச் சேர்ந்த ஒரு இளம் கேடட் அவருக்கு உதவி செய்கிறான். அந்த இளம் கேடட் பிற்காலத்தில் பெரிய எழுத்தாளராக மாறுகிறான். விசாரணை நகர நகர பல ரகசியங்கள் வெளிவரும். மிஸ்ட்ரி, க்ரைம் த்ரில்லர் படங்களை விரும்புபவர்கள் நெட்ஃபிளிக்ஸில் உள்ள இந்தப் படத்தைப் பார்க்கலாம்.

ருமான் ஆலம் எழுதிய நாவலை அடிப்படையாகக் கொண்டு இந்தப் படத்தை எடுத்திருக்கிறார்கள். ஐஎம்டிபி தளத்தில் இதற்கு 6.4 ரேட்டிங் உள்ளது. ரிலீசான பிறகு இந்தப் படம் பற்றி நிறைய விவாதங்கள் நடந்தன. நியூயார்க் நகரத்திற்கு அருகில் உள்ள ஒரு அழகான வீட்டை வாடகைக்கு எடுத்து ஒரு குடும்பம் விடுமுறையை கொண்டாட செல்கிறது. ஆனால், எதிர்பாராத சைபர் அட்டாக் காரணமாக உலகம் முழுவதும் கம்யூனிகேஷன் சிஸ்டம் முடங்கிவிட்டதை அவர்கள் தெரிந்து கொள்கிறார்கள். அதன்பிறகு அடுத்தடுத்து பல விசித்திரமான சம்பவங்கள் நடக்கும். தகவல் தொடர்பு முடங்கும் போது ஏற்படும் பயம், உயிர் பிழைக்க நடக்கும் போராட்டத்தை இந்தப் படத்தில் அருமையாக காட்டியிருக்கிறார்கள். இது ஒரு வித்தியாசமான சர்வைவல் த்ரில்லர். நெட்ஃபிளிக்ஸில் பார்க்கலாம்.

ராஜ்குமார் ராவ், ராதிகா ஆப்தே, சிக்கந்தர் கெர் ஆகியோர் முக்கிய வேடங்களில் நடித்த இந்தப் படமும் ஒரு நாவலை மையமாக வைத்துதான் வந்தது. ஜப்பானிய எழுத்தாளர் கீகோ ஹிகாஷினோ எழுதிய 'புருடாசு நோ ஷின்ஜோ' நாவலை வைத்து இந்த இந்தி டார்க் காமெடி க்ரைம் த்ரில்லரை எடுத்திருக்கிறார்கள். ஒரு ரோபோடிக்ஸ் எக்ஸ்பர்ட் தனது கம்பெனியிலேயே வேலை செய்யும் பெண்ணுடன் தொடர்பு வைத்துக் கொள்கிறான். ஆனால், அதன்பிறகு அவள் அவனை பிளாக்மெயில் செய்யத் தொடங்குகிறாள். இதனால் அவன் எதிர்பாராத சிக்கல்களில் மாட்டிக் கொள்கிறான். காமெடி, க்ரைம், சஸ்பென்ஸ் மற்றும் அதிரடியான ட்விஸ்ட்கள் இந்தப் படத்திற்கு ஹைலைட். ஐஎம்டிபி-யில் 7.4 ரேட்டிங் உள்ள இந்தப் படம் நெட்ஃபிளிக்ஸில் ஸ்ட்ரீம் ஆகிறது.

டோர்குவாடோ லூகா டி டெனா நாவலை வைத்து வந்த இந்தப் படம் ஒரு அருமையான மைண்ட்-கேம் த்ரில்லர். ஒரு பிரைவேட் இன்வெஸ்டிகேட்டர் மனநல காப்பகத்தில் நோயாளியாக சேருவதில் இருந்து கதை தொடங்குகிறது. அங்கு ஒரு நோயாளியின் மர்ம மரணத்திற்கு பின்னால் உள்ள உண்மையை கண்டுபிடிப்பதே அவளது டார்கெட். ஆனால், விசாரணை நகர நகர மருத்துவமனை டாக்டர்கள் சொல்லும் வார்த்தைகள், ஆலிஸின் மனநிலை மீது வரும் சந்தேகங்கள் என எது உண்மை, எது பொய் என்ற குழப்பத்தை உருவாக்கும். ஆடியன்ஸும் எது உண்மை, எது பொய் என்று மண்டையை பிய்த்துக் கொள்வார்கள். கடைசி வரை விறுவிறுப்பாக செல்லும் இந்தப் படம் மிஸ்ட்ரி, சைக்கலாஜிக்கல் த்ரில்லர் ரசிகர்களுக்கு பர்ஃபெக்ட் சாய்ஸ். இந்தப் படம் நெட்ஃபிளிக்ஸில் ஸ்ட்ரீம் ஆகிறது.

Bigg Boss : டாஸ்குகளில் மைனிங் மாஃபியாஸை கதறவிட்ட கெள பாய்ஸ்... தன்யா - ஜேசன் இடையே வெடித்த மோதல்

Ganesh A — Thu, 29 Oct 2026 13:41:53 +0530

Cowboys vs Mining Mafia : பிக் பாஸ் தமிழ் சீசன் 10 நிகழ்ச்சியில் கெள பாய்ஸ் மற்றும் மைனிங் மாஃபியா இடையேயான மோதலில் யார் வென்றார்கள் என்பதை இந்த தொகுப்பில் பார்க்கலாம்.

விஜய் டிவியில் ஒளிபரப்பாகி வரும் பிக்பாஸ் தமிழ் சீசன் 10 நிகழ்ச்சி ஒவ்வொரு வாரமும் புதிய டாஸ்குகள், போட்டியாளர்களுக்கு இடையிலான மோதல்கள் என விறுவிறுப்பாகச் சென்று கொண்டிருக்கிறது. முந்தைய சீசன்களில் இடம்பெறாத வகையிலான பல சவால்கள் இந்த முறை அறிமுகப்படுத்தப்பட்டு வருவதால், நிகழ்ச்சியின் மீதான எதிர்பார்ப்பும் அதிகரித்துள்ளது.

தற்போது ஏழு வாரங்களைக் கடந்து எட்டாவது வாரத்தில் அடியெடுத்து வைத்துள்ள இந்த நிகழ்ச்சியில், 15 போட்டியாளர்கள் வீட்டிற்குள் தொடர்ந்து விளையாடி வருகின்றனர். போட்டி இறுதிக்கட்டத்தை நோக்கி நகர்வதால், ஒவ்வொரு டாஸ்கிலும் வெற்றி பெற வேண்டும் என்ற முனைப்புடன் போட்டியாளர்கள் செயல்பட்டு வருகின்றனர்.

இந்த வாரம் இரண்டு போட்டியாளர்களிடம் எவிக்‌ஷன் ஃப்ரீ பாஸ் இருக்கும் நிலையில், மீதமுள்ள போட்டியாளர்கள் அனைவரும் நாமினேஷன் பட்டியலில் இடம்பெற்றுள்ளனர். இதனால், இந்த வார எவிக்‌ஷனில் இருந்து தப்பிக்க போட்டியாளர்கள் தங்களது ஆட்டத்தில் கூடுதல் கவனம் செலுத்தி வருகின்றனர்.

இதற்கிடையில், இந்த வார டாஸ்குகளில் போட்டியாளர்கள் இரண்டு அணிகளாகப் பிரிந்து விளையாடி வருகின்றனர். இதில் கௌ பாய்ஸ் அணி தொடர்ந்து வெற்றிகளைப் பெற்று முன்னிலையில் இருக்கிறது, மைனிங் மாஃபியா அணி வெற்றிக்காகப் போராடி வருகிறது நிகழ்ச்சியில் காட்டப்படுகிறது. இதனால் அடுத்தடுத்த டாஸ்குகளில் எந்த அணி வெற்றி பெறும் என்ற எதிர்பார்ப்பு ரசிகர்களிடையே உருவாகியுள்ளது.

இந்த நிலையில், பிக்பாஸ் தமிழ் சீசன் 10 நிகழ்ச்சியின் 53-வது நாளுக்கான முதல் புரோமோ வெளியாகியுள்ளது. அதில், ‘சிந்தாமல்’ என்ற புதிய டாஸ்க் இடம்பெற்றுள்ளது. இந்தச் சவாலில் இரு அணிகளும் தங்களது திறமையை வெளிப்படுத்தத் தயாராகி வருகின்றனர். இந்த டாஸ்கிலும் கெள பாய்ஸ் டீம் தான் வெற்றி பெறுவது போல் தெரிகிறது. இதையடுத்து வாயில் ஸ்ட்ரா வைத்து பந்தை எடுத்து சென்று எதிரே உள்ளே கிளாசில் போடும் டாஸ்க்கும் நடைபெற்றிருக்கிறது. அந்த டாஸ்க்கிலும் மைனிங் மாஃபியாவை கதறவிட்டு வெற்றிபெற்றுள்ளனர் கெள பாய்ஸ்.

இப்படி தொடர்ச்சியாக டாஸ்க்குகளில் தோல்வியடைந்த மைனிங் மாஃபியா அணியினர் டைனிங் டேபிளில் வைத்து டிஸ்கஸ் பண்ணுகிறார்கள். அப்போது தன்யா மற்றும் ஜேசன் இடையே வாக்குவாதம் ஏற்பட்டுள்ளது. அப்போது தன்யா எல்லா டாஸ்கிலும் விளையாட விரும்புவதாக ஜேசன் சொல்ல, அதைக்கேட்டு டென்சன் ஆன தன்யா கோபத்தில் கத்துகிறார். அப்போது ஜேசன் குறுக்கிட்டு நீ இதுமட்டும் தான் பண்ணுவ என மட்டம் தட்டி பேசுகிறார். அதனால் கடுப்பான தன்யா, இப்படி சொன்னா நான் அசிங்கமா பேசுவேன் என சொல்கிறார்.

ஒரு கட்டத்தில் வார்த்தை மோதல் முற்றி, நீ அசிங்கமா பேசி பாரு என ஜேசன் சொன்னதும், தன்னுடைய காலில் இருக்கு செருப்பை கழட்டி, நீ இதுக்கு கூட சமமில்லை என சொல்கிறார். அதற்கு ஜேசன், நீயும் அதுவும் ஒன்னு என பதிலடி கொடுக்கிறார். இதனால் இன்றைய எபிசோடில் தன்யா - ஜேசன் மோதல் ஹைலைட்டாக இருக்கும் என எதிர்பார்க்கப்படுகிறது.

ஏற்கெனவே வெற்றிப் பாதையில் இருக்கும் கௌ பாய்ஸ் அணி தனது ஆதிக்கத்தைத் தொடருமா? அல்லது இதுவரை வெற்றியைப் பெறப் போராடி வரும் மைனிங் மாஃபியா அணி இந்த முறை வெற்றிக் கணக்கைத் தொடங்குமா? என்பதற்கான விடை இன்றைய எபிசோடில் தெரியவரும். இதனால் 53-வது நாள் டாஸ்க் குறித்த எதிர்பார்ப்பு ரசிகர்களிடையே அதிகரித்துள்ளது.

6 மணி காட்சி முதல் 100 ரூபாய் டிக்கெட் வரை அரசுக்கு பறந்த 13 கோரிக்கைகள்! அனுமதி கொடுப்பாரா முதல்வர்? காத்திருக்கும் திரையுலகம்!

Ganesh A — Wed, 28 Oct 2026 11:53:30 +0530

Tamil Cinema's Major Demands : தமிழ் நாட்டில் ரிலீஸ் ஆகும் படங்களுக்கு 6 மணி காட்சி திரையிட அனுமதி கோரி திரையுலகினர் சிலர் அமைச்சர் ராஜ் மோகனை சந்தித்து பேசி உள்ளனர்.

தமிழ் திரையுலகில் நிலவும் பல்வேறு பிரச்சினைகளுக்குத் தீர்வு காணும் வகையில், தயாரிப்பாளர்கள், விநியோகஸ்தர்கள் மற்றும் திரையரங்கு உரிமையாளர்கள் இணைந்து தமிழக அரசிடம் முக்கிய கோரிக்கைகளை முன்வைத்துள்ளனர். குறிப்பாக, தமிழகத்தில் திரைப்படக் காட்சிகளை காலை 6 மணிக்கே தொடங்க அனுமதிக்க வேண்டும், சிறிய பட்ஜெட் திரைப்படங்களுக்கு டிக்கெட் கட்டணத்தைக் குறைக்க வேண்டும், திரையரங்குகளின் எண்ணிக்கையை அதிகரிக்க வேண்டும் என்பன உள்ளிட்ட கோரிக்கைகள் இந்த ஆலோசனைக் கூட்டத்தில் விவாதிக்கப்பட்டுள்ளன.

இந்தக் கூட்டத்தில் மொத்தம் 13 முக்கிய கோரிக்கைகள் முன்வைக்கப்பட்ட நிலையில், அவற்றில் 10 கோரிக்கைகளுக்கு மூன்று சங்கங்களும் ஒருமித்த கருத்தைத் தெரிவித்துள்ளதாகத் திரைத்துறை நிர்வாகிகள் கூறியுள்ளனர்.

தமிழ் சினிமா தற்போது எதிர்கொண்டுவரும் பொருளாதார மற்றும் தொழில்முறை சிக்கல்களுக்குத் தீர்வு காணும் நோக்கில், தமிழ்நாடு திரையரங்கு உரிமையாளர்கள் சங்கம், தமிழ்நாடு திரைப்பட விநியோகஸ்தர்கள் சங்கம் மற்றும் தமிழ்த் திரைப்பட தயாரிப்பாளர்கள் சங்கம் ஆகிய மூன்று அமைப்புகளின் பிரதிநிதிகள் இணைந்து ஆலோசனை நடத்தியுள்ளனர்.

செய்தி மற்றும் மக்கள் தொடர்புத்துறை அமைச்சர் தலைமையில் நடைபெற்ற இந்தக் கூட்டத்தில், திரைத்துறையின் எதிர்கால வளர்ச்சிக்குத் தேவையான பல்வேறு திட்டங்கள் குறித்து விவாதிக்கப்பட்டுள்ளன.

வழக்கமாக இதுபோன்ற ஆலோசனைக் கூட்டங்களில் சங்கங்களுக்கு இடையே கருத்து வேறுபாடுகள் எழுவது உண்டு. ஆனால், இந்த முறை ஒட்டுமொத்தத் திரையுலகின் நலனைக் கருத்தில் கொண்டு பெரும்பாலான கோரிக்கைகளில் ஒருமித்த முடிவு எடுக்கப்பட்டுள்ளதாக நிர்வாகிகள் மகிழ்ச்சி தெரிவித்துள்ளனர்.

இனி தமிழகத்தில் காலை 6 மணிக்கே முதல் காட்சி?

இந்த ஆலோசனைக் கூட்டத்தில் முன்வைக்கப்பட்ட முக்கியமான கோரிக்கைகளில் ஒன்று திரைப்படக் காட்சிகளுக்கான நேரத்தை மாற்றியமைப்பதாகும். கேரளா, கர்நாடகா, ஆந்திரா உள்ளிட்ட அண்டை மாநிலங்களில் காலை 6 மணி முதலே திரைப்படக் காட்சிகள் தொடங்குகின்றன. ஆனால் தமிழகத்தில் காலை 9 மணிக்குத்தான் வழக்கமான காட்சிகள் தொடங்க அனுமதி இருப்பதாகத் திரைத்துறையினர் சுட்டிக்காட்டியுள்ளனர்.

இதனால் தமிழகத்திலும் காலை 6 மணிக்கு முதல் காட்சியைத் தொடங்கி, நள்ளிரவு 2 மணிக்குள் அனைத்துக் காட்சிகளையும் முடிக்கும் வகையில் அனுமதி வழங்க வேண்டும் எனக் கோரிக்கை வைக்கப்பட்டுள்ளது. இதன்மூலம் ஒரு நாளில் ஐந்து அல்லது ஆறு காட்சிகளைத் திரையிடுவதற்கான வாய்ப்பு கிடைக்கும். மேலும், ஒரே நேரத்தில் அதிக திரைப்படங்கள் வெளியாகும்போது அவற்றுக்குப் போதுமான காட்சிகளை ஒதுக்க முடியும் என்றும் தெரிவிக்கப்பட்டுள்ளது. இந்தக் கோரிக்கையை முதலமைச்சரின் கவனத்திற்குக் கொண்டு சென்று உரிய முடிவு எடுப்பதாக அமைச்சர் தரப்பில் உறுதியளிக்கப்பட்டுள்ளதாகக் கூட்டத்தில் பங்கேற்றவர்கள் தெரிவித்துள்ளனர்.

திரைப்படங்களின் வசூல் நிலவரத்தில் வெளிப்படைத்தன்மையை ஏற்படுத்துவது தொடர்பாகவும் முக்கிய ஆலோசனை நடைபெற்றுள்ளது. தற்போது ஒரு திரைப்படத்தின் வசூல் விவரங்களைத் தயாரிப்பாளர்கள் மற்றும் விநியோகஸ்தர்கள் உடனடியாக அறிந்துகொள்வதில் சில நடைமுறைச் சிக்கல்கள் இருப்பதாகக் கூறப்படுகிறது.

இதற்குத் தீர்வாக, திரையரங்கில் ஒவ்வொரு காட்சியும் முடிந்தவுடன் அதன் டிக்கெட் வசூல் விவரங்கள் ஆன்லைன் வாயிலாகத் தயாரிப்பாளர்கள், விநியோகஸ்தர்கள் மற்றும் திரையரங்கு உரிமையாளர்கள் ஆகிய மூன்று தரப்பினருக்கும் கிடைக்கும் வகையில் புதிய நடைமுறையைக் கொண்டுவர வேண்டும் என வலியுறுத்தப்பட்டுள்ளது. இந்தத் திட்டத்தை அரசின் ஆதரவுடன் செயல்படுத்தத் திரையரங்கு உரிமையாளர்கள் சங்கமும் முன்வந்துள்ளதாகத் தெரிவிக்கப்பட்டுள்ளது.

சிறிய பட்ஜெட் படங்களுக்கு ரூ.100 டிக்கெட்!

பெரிய நடிகர்களின் திரைப்படங்களுக்கு மத்தியில் சிறிய முதலீட்டில் உருவாகும் திரைப்படங்கள் போதிய திரையரங்குகள் கிடைக்காமல் சிரமத்தைச் சந்தித்து வருகின்றன. இந்நிலையில், சிறிய பட்ஜெட் திரைப்படங்களை அதிகமான மக்கள் திரையரங்குகளுக்கு வந்து பார்க்கும் வகையில் டிக்கெட் கட்டணத்தில் மாற்றம் கொண்டுவர வேண்டும் எனக் கோரிக்கை வைக்கப்பட்டுள்ளது.

குறிப்பாக, சிறிய பட்ஜெட் படங்களுக்கு ரூ.100 முதல் ரூ.120 வரையிலான கட்டணத்தை நிர்ணயிப்பது தொடர்பாக ஆலோசிக்கப்பட்டுள்ளது. இதன்மூலம் குறைந்த செலவில் திரைப்படங்களைப் பார்க்கும் வாய்ப்பு ரசிகர்களுக்குக் கிடைப்பதுடன், சிறிய பட்ஜெட் திரைப்படங்களின் வசூல் வாய்ப்பையும் அதிகரிக்க முடியும் எனத் திரைத்துறையினர் நம்பிக்கை தெரிவித்துள்ளனர்.

தமிழகத்தில் திரையரங்குகளின் எண்ணிக்கையை அதிகரிப்பது தொடர்பாகவும் முக்கியமான கோரிக்கை முன்வைக்கப்பட்டுள்ளது. கூட்டத்தில் தெரிவிக்கப்பட்ட தகவலின்படி, தமிழகத்தில் தற்போது சுமார் 1,242 திரையரங்குகள் உள்ளன. இருப்பினும், திரைப்படங்களின் வெளியீட்டு எண்ணிக்கைக்கு ஏற்ப குறைந்தபட்சம் 2,000 திரைகள் தேவைப்படுவதாகத் திரைத்துறையினர் குறிப்பிட்டுள்ளனர்.

இதற்காக அரசு வசம் உள்ள பொருத்தமான இடங்களில் சுமார் 200 இருக்கைகள் கொண்ட மினி திரையரங்குகளை அமைக்க அனுமதி வழங்க வேண்டும் எனக் கோரிக்கை வைக்கப்பட்டுள்ளது. அதேபோல், ஏற்கெனவே செயல்பட்டுவரும் திரையரங்கு வளாகங்களில் பயன்படுத்தப்படாமல் உள்ள இடங்களில் கூடுதல் திரைகளை அமைப்பதற்கான நடைமுறைகளையும் எளிமைப்படுத்த வேண்டும் என வலியுறுத்தப்பட்டுள்ளது. இந்தத் திட்டங்கள் நடைமுறைக்கு வந்தால், 2030-ம் ஆண்டுக்குள் தமிழகத்தில் திரைகளின் எண்ணிக்கையை 2,000 ஆக உயர்த்த முடியும் எனத் திரைத்துறை நிர்வாகிகள் நம்பிக்கை தெரிவித்துள்ளனர்.

ஓடிடி வெளியீட்டுச் சிக்கலுக்கும் தீர்வு?

திரையரங்குகளில் வெளியாகும் திரைப்படங்கள் ஓடிடி தளங்களுக்கு எப்போது செல்ல வேண்டும் என்பது தொடர்பாகத் தயாரிப்பாளர்கள், விநியோகஸ்தர்கள் மற்றும் திரையரங்கு உரிமையாளர்கள் இடையே நிலவும் கருத்து வேறுபாடுகள் குறித்தும் கூட்டத்தில் விவாதிக்கப்பட்டுள்ளது. ஓடிடி வெளியீட்டு இடைவெளி உள்ளிட்ட சில விவகாரங்களில் மூன்று தரப்பினருக்கும் இடையே இன்னும் முழுமையான உடன்பாடு ஏற்படவில்லை எனக் கூறப்படுகிறது.

எனவே, அடுத்த மாதம் 29-ஆம் தேதி மீண்டும் ஆலோசனைக் கூட்டம் நடத்தி, நிலுவையில் உள்ள பிரச்சினைகளுக்குத் தீர்வு காண முடிவு செய்யப்பட்டுள்ளதாக நிர்வாகிகள் தெரிவித்துள்ளனர்.

13 கோரிக்கைகளில் 10-க்கு ஒருமித்த ஆதரவு!

இந்த ஆலோசனைக் கூட்டத்தில் மொத்தம் 13 முக்கிய கோரிக்கைகள் விவாதிக்கப்பட்டதாகவும், அவற்றில் 10 கோரிக்கைகளுக்கு மூன்று சங்கங்களும் ஒருமித்த ஆதரவை வழங்கியுள்ளதாகவும் தெரிவிக்கப்பட்டுள்ளது. மீதமுள்ள மூன்று கோரிக்கைகளில் மட்டுமே சில கருத்து வேறுபாடுகள் இருப்பதால், அவற்றை அடுத்தகட்ட பேச்சுவார்த்தையில் தீர்த்துக்கொள்ள முடிவு செய்யப்பட்டுள்ளதாகக் கூறப்படுகிறது.

ஒருமித்த கருத்து எட்டப்பட்டுள்ள கோரிக்கைகளை முதலமைச்சரின் கவனத்திற்குக் கொண்டு சென்று, ஒரு மாதத்திற்குள் சாதகமான முடிவை எடுக்க நடவடிக்கை மேற்கொள்ளப்படும் என அமைச்சர் தரப்பில் உறுதியளிக்கப்பட்டுள்ளதாகத் திரைத்துறை நிர்வாகிகள் தெரிவித்துள்ளனர்.

தமிழ் சினிமாவின் வளர்ச்சி, சிறிய பட்ஜெட் திரைப்படங்களின் பாதுகாப்பு, திரையரங்குகளின் வருவாய் உயர்வு மற்றும் வசூல் விவரங்களில் வெளிப்படைத்தன்மை ஆகியவற்றை மையமாகக் கொண்டு நடைபெற்ற இந்தக் கூட்டம் திரையுலகினர் மத்தியில் புதிய நம்பிக்கையை ஏற்படுத்தியுள்ளது.

குறிப்பாக, தமிழகத்தில் காலை 6 மணி முதல் திரைப்படக் காட்சிகளைத் தொடங்க அனுமதி வழங்கப்படுமா என்ற எதிர்பார்ப்பு தற்போது அதிகரித்துள்ளது. இருப்பினும், இதுதொடர்பான இறுதி முடிவு தமிழக அரசின் அதிகாரப்பூர்வ அறிவிப்புக்குப் பிறகே தெரியவரும்.

Ramayana Songs: ராமாயணம் படப் பாடல்களால் வெடித்த சர்ச்சை... ஏ.ஆர். ரகுமான் கொடுத்த கூல் ரிப்ளை!

Ganesh A — Tue, 27 Oct 2026 12:10:47 +0530

AR Rahman Reacts To Controversy : 'ராமாயணம்' படப் பாடல்கள் குறித்து சமூக வலைதளங்களில் பல விமர்சனங்கள் எழுந்துள்ளன. இதற்கு பதிலளித்து இசையமைப்பாளர் ஏ.ஆர். ரகுமான் பேசியுள்ளார். அதைப்பற்றி பார்க்கலாம்.

நிதேஷ் திவாரி இயக்கத்துல ரொம்ப பிரம்மாண்டமா உருவாகிட்டு வர்ற படம்தான் 'ராமாயணம்: ரைஸ் ஆஃப் எ லெஜண்ட்'. இந்தப் படத்தோட பாடல்கள் சமீபத்துல வெளியாகி சோஷியல் மீடியாவுல பெரிய விவாதத்தையே கிளப்பியிருக்கு. குறிப்பா, 'ராவண தாண்டவம்', 'மங்கள் ரங்' ஆகிய பாட்டுகளோட இசைக்கு ஒருபக்கம் பாராட்டு கிடைச்சாலும், இன்னொரு பக்கம் விமர்சனங்களும் வருது. இந்த நிலையில, ஆஸ்கர் நாயகன் ஏ.ஆர். ரகுமான் இதுபத்தி வெளிப்படையா பேசியிருக்காரு. சோஷியல் மீடியா விமர்சனங்களை பார்த்து கவலைப்படுறதை விட, தன்னோட வேலையில கவனம் செலுத்துறதுதான் முக்கியம்னு அவர் சொல்லியிருக்காரு.

'ஹிந்துஸ்தான் டைம்ஸ்' பத்திரிகைக்கு பேட்டியளித்த ரகுமான், ஒரு பாட்டை உருவாக்குறதுக்கு பின்னாடி எவ்வளவு உழைப்பு இருக்குனு விளக்கினாரு. ஒரு பாட்டை ஃபைனல் பண்றதுக்கு முன்னாடி பலமுறை செக் பண்ணுவாங்களாம். நிறைய யோசனைகள், புதுப்புது முயற்சிகள், மாற்றங்கள் செஞ்சுதான் ஒரு பாட்டை ரெடி பண்றாங்க. அதனால, பாட்டு ரிலீஸ் ஆனதுக்கு அப்புறம் சோஷியல் மீடியாவுல வர்ற ஒவ்வொரு கமெண்ட்டையும் உக்காந்து பார்க்குற அளவுக்கு தனக்கு நேரமும் எனர்ஜியும் இல்லைனு அவர் சொல்லிட்டாரு.

"நாங்க நிறைய உழைப்பு, பரிசோதனைகள், யோசனைகள், மாற்றங்களுக்குப் பிறகுதான் பாட்டுகளை ரிலீஸ் பண்றோம். அதுக்கப்புறம் மக்கள் என்ன சொல்றாங்கனு பார்க்குற அளவுக்கு எனர்ஜி மிச்சம் இருக்காது. என் வேலையை நான் நேர்மையா செஞ்சிருக்கேன். மக்கள் அதை கண்டிப்பா ரசிப்பாங்கனு நம்புறேன்" அப்படிங்கிறதுதான் ரகுமானோட கருத்து.

'ராமாயணம்' படத்தோட 'ராவண தாண்டவம்' பாட்டு ரிலீஸ் ஆன புதுசுல நிறைய விமர்சனங்களை சந்திச்சுது. ஆனா, நாட்கள் போகப் போக அந்தப் பாட்டை ரசிக்கிறவங்களோட எண்ணிக்கை அதிகமாகிடுச்சு. இதுபத்தி பேசிய ரகுமான், தன்னோட இசைப் பயணத்துல இத்தனை வருஷங்களுக்குப் பிறகு ராமாயணம் மாதிரி ஒரு இதிகாசப் படத்துக்கு இசையமைக்கிறது ரொம்ப ஸ்பெஷலான அனுபவம்னு சொல்லியிருக்காரு.

தான் முன்னாடி போட்ட அதே மாதிரி மியூசிக்கையே திரும்பத் திரும்ப போடணும்னு சிலர் எதிர்பார்க்குறதா அவர் ஃபீல் பண்றாரு. 'ராக்ஸ்டார்', 'ஸ்லம்டாக் மில்லியனர்' படங்களோட வெற்றியை மனசுல வெச்சுக்கிட்டு, அதே ஸ்டைல்லயே தொடர்ந்து பயணிக்க முடியாது. ஒரு இசையமைப்பாளரா புதுப்புது முயற்சிகளை செஞ்சுக்கிட்டே இருக்கணும்னு அவர் உறுதியா சொல்றாரு.

ஒரு ஆறு எப்படி தொடர்ந்து ஓடிக்கிட்டே இருக்கோ, அதே மாதிரி கலைஞர்களும் புதுப்புது திசைகள்ல பயணிக்கணும். ஒரே ஸ்டைலுக்குள்ள முடங்கிப் போகாம, காலத்துக்கு ஏத்த மாதிரி வித்தியாசமான இசையை கொடுக்கணும்னு ரகுமான் சொல்லியிருக்காரு. 'ராமாயணம்' படத்தோட பாட்டுகளை அஞ்சு மொழிகள்ல உருவாக்குறது இன்னொரு ஸ்பெஷல். இந்தியர்கள் எல்லாருக்கும் தெரிஞ்ச ஒரு இதிகாசத்துல தானும் ஒரு அங்கமா இருக்குறது ரொம்ப சந்தோஷமா இருக்குனு அவர் சொல்லியிருக்காரு.

படத்தோட 'மங்கள் ரங்' பாட்டு ரிலீஸ் ஆனதுக்கு அப்புறமும் சோஷியல் மீடியாவுல பெரிய விவாதம் நடந்துச்சு. இந்தப் பாட்டுல கவாலி இசையோட தாக்கம் இருக்குனு சிலர் சொன்னாங்க. ராமாயணம் மாதிரி ஒரு புராணக் கதைக்கு இந்த மாதிரி இசை செட் ஆகுமானு நெட்டிசன்கள் கேள்வி எழுப்பினாங்க.

இந்தப் படத்துல ரன்பீர் கபூர் ராமனாகவும், சாய் பல்லவி சீதையாகவும் நடிக்கிறாங்க. படத்தோட கேரக்டர்கள், இசை பத்தி ரசிகர்கள் தங்களோட கருத்துகளை தொடர்ந்து ஷேர் பண்ணிட்டு வர்றது, படம் ரிலீஸ் ஆகுறதுக்கு முன்னாடியே பெரிய எதிர்பார்ப்பை உருவாக்கியிருக்கு.

'ராமாயணம்' படத்தோட இன்னொரு பெரிய ஹைலைட் என்னன்னா, பிரபல ஹாலிவுட் இசையமைப்பாளர் ஹான்ஸ் ஜிம்மர் கூட ஏ.ஆர். ரகுமான் கைகோர்த்திருக்காரு. எப்பவுமே தன்னோட தனித்துவமான ஸ்டைல்ல இசையமைக்கிற ரகுமான், இந்த முறை சர்வதேச அளவுல ஃபேமஸான ஒரு மியூசிக் டைரக்டர் கூட சேர்ந்து வேலை பார்க்குறாரு.

'ஸ்லம்டாக் மில்லியனர்' படத்துக்காக ஆஸ்கர் விருது வாங்குனப்போ, அதாவது சுமார் 14-15 வருஷங்களுக்கு முன்னாடி, ஹான்ஸ் ஜிம்மர் தன்கூட சேர்ந்து வேலை பார்க்க ரஹ்மானை கூப்பிட்டாராம். ஆனா, அப்போ கொஞ்சம் ரெஸ்ட் எடுக்குற மூட்ல இருந்ததால அந்த வாய்ப்பை ரகுமான் ஏத்துக்கலையாம்.

இப்போ 'ராமாயணம்' படத்துக்காக ஜிம்மர் கூட சேர்ந்து வேலை பார்க்குற வாய்ப்பு கிடைச்சதை ஒரு ஆசீர்வாதமா ரகுமான் பார்க்குறாரு. உலகெங்கிலும் உள்ள ஆடியன்ஸை இந்தப் படம் ரீச் ஆகுறதுக்கு ஹான்ஸ் ஜிம்மரோட பேரு ரொம்பவே உதவியா இருக்கும்னு அவர் நம்புறாரு.

நமித் மல்ஹோத்ரா தயாரிப்புல, நிதேஷ் திவாரி இயக்குற 'ராமாயணம்' படம் ரெண்டு பாகங்களா ரிலீஸ் ஆகப்போகுது. படத்துல ராவணனா யஷ், ராமனாக ரன்பீர் கபூர், சீதையாக சாய் பல்லவி, லட்சுமணனா ரவி துபே, அனுமனா சன்னி தியோல் நடிக்கிறாங்க.

படத்தோட முதல் பாகம் நவம்பர் 5-ம் தேதி உலகெங்கிலும் ரிலீஸ் ஆக ப்ளான் பண்ணியிருக்காங்க. ரெண்டாவது பாகம் 2027 தீபாவளிக்கு தியேட்டர்கள்ல வெளியாகும்னு சொல்லியிருக்காங்க. இதுதவிர, ஏ.ஆர். ரகுமான் தன்னோட 'வண்டர்மென்ட் டூர்' நிகழ்ச்சிக்காக நவம்பர் 1-ம் தேதி மும்பையில இருக்குற ஜியோ வேர்ல்ட் கார்டன்லயும், நவம்பர் 21-ம் தேதி டெல்லியில இருக்குற பேக்யார்ட் ஸ்போர்ட்ஸ் கிளப்லயும் லைவ் கான்சர்ட் பண்ணப்போறாரு.

மொத்தத்துல, 'ராமாயணம்' படப் பாடல்கள் பத்தி பல விமர்சனங்கள் வந்தாலும், ரகுமான் தன்னோட இசை முடிவுகளை ரொம்பவே ஸ்ட்ராங்கா டிஃபண்ட் பண்ணியிருக்காரு. விமர்சனங்களுக்கு பதில் சொல்லிட்டு இருக்குறதை விட, புது முயற்சிகள் மூலமா முன்னாடி போறதுதான் தன்னோட ஸ்டைல்னு சொல்லிட்டாரு. இப்போ படத்தோட முழு இசையையும், பிரம்மாண்டத்தையும் பெரிய திரையில பார்க்க ரசிகர்கள் ரொம்பவே ஆர்வமா வெயிட் பண்ணிட்டு இருக்காங்க.

ரத்தமும் சதையுமான மான்ஸ்டர் சேஸிங், திகில் விருந்து: ரூ.1,500 கோடி பாக்ஸ் ஆபீஸ் வசூல் வேட்டை; பாக்ஸ் ஆபிஸை புரட்டிப் போட்ட ஹோப்!

Meenakshisundaram — Thu, 29 Oct 2026 21:35:13 +0530

நா ஹாங்-ஜின் 10 ஆண்டுகளுக்குப் பிறகு இயக்கியுள்ள ‘ஹோப்’ (HOPE) திரைப்படம் உலகம் முழுவதும் ரூ.1,500 கோடிக்கும் அதிகமாக வசூலித்துள்ளது. கேன்ஸ் விழாவில் 7 நிமிட 'Standing Ovation' பெற்றதோடு, அமெரிக்க பாக்ஸ் ஆபிஸிலும் சாதனை படைத்துள்ளது.

சுமார் 10 ஆண்டுகளுக்கு முன்பு தி வெயிலிங் (The Wailing) போன்ற மர்மம் கலந்த திகில் படைப்பின் மூலம் உலக சினிமா ரசிகர்களை வியக்க வைத்த புகழ்பெற்ற தென்கொரிய இயக்குநர் நா ஹாங்-ஜின், தற்போது இயக்கியுள்ள ஹோப் (HOPE) திரைப்படம் உலகம் முழுவதும் ரூ.1,500 கோடிக்கும் அதிகமாக வசூல் செய்து புதிய சாதனை படைத்துள்ளது.

கேன்ஸ் திரைப்பட விழாவில் திரையிடப்பட்டபோது பார்வையாளர்களின் 6 முதல் 7 நிமிடங்கள் வரை நீடித்த எழுந்து நின்ற பாராட்டைப் (Standing Ovation) பெற்ற இப்படம், அமெரிக்காவில் வெளியான சர்வதேசத் திரைப்படங்களிலேயே அதிக வசூல் ஈட்டிய படங்களில் ஒன்றாக இடம்பிடித்து கவனம் பெற்றுள்ளது. சுமார் 2 மணி நேரம் 40 நிமிடங்கள் ஓடும் இப்படம் விறுவிறுப்பான காட்சிகளுடன் வெளியாகி ரசிகர்களிடையே அமோக வரவேற்பைப் பெற்று வருகிறது.

தென் கொரியாவின் வடகொரிய எல்லைக்கு அருகிலுள்ள ஒரு அமைதியான கற்பனைக் கடற்கரை கிராமத்தில் கதை தொடங்குகிறது. அங்கு மர்மமான முறையில் மாடு ஒன்று கொல்லப்பட்டுக் கிடப்பதை விசாரிக்கத் தொடங்கும் காவல் துறை அதிகாரிக்கு, அடுத்தடுத்து பல அதிர்ச்சிகரமான தகவல்கள் தெரியவருகின்றன.

தொடர்ந்து மனிதர்களை வேட்டையாடும் விநோதமான மர்ம ஏலியன் உயிரினங்கள் ஒட்டுமொத்த கிராமத்தையும் அச்சுறுத்தத் தொடங்குகின்றன. அந்த உயிரினங்களிடமிருந்து மக்களைக் காப்பாற்ற காவல்துறையினர் தீவிர நடவடிக்கைகளை மேற்கொள்கின்றனர். போலீசார், வேட்டைக்காரர்கள் மற்றும் கிராம மக்கள் என அனைவரும் தங்கள் உயிரைத் தக்கவைத்துக்கொள்ளப் போராட வேண்டிய நிலைக்கு தள்ளப்படுகிறார்கள். உண்மையில் அங்கு என்ன நடக்கிறது, அந்த உயிரினங்கள் எங்கிருந்து வந்தன என்பதை சயின்ஸ் பிக்சன் (Sci-Fi), திகில் (Horror), ஆக்சன், டார்க் காமெடி ஆகிய பல ஜானர்களைக் கலந்து முழுமையான சஸ்பென்ஸுடன் திரைக்கதை விவரிக்கிறது.

இப்படத்தில் ஹ்வாங் ஜங்-மின், ஜோ இன்-சுங், ஜங் ஹோ-யோன் ஆகிய முன்னணி கொரிய நட்சத்திரங்களுடன் மைக்கேல் ஃபாஸ்பெண்டர், அலிசியா விகாண்டர், டெய்லர் ரஸ்ஸல் உள்ளிட்ட ஹாலிவுட் நட்சத்திரங்களும் இணைந்து நடித்துள்ளனர். முக்கியக் கதாபாத்திரங்களில் நடித்த அனைவரும் தங்களது சிறப்பான நடிப்பை வெளிப்படுத்தியுள்ளனர்.

வழக்கமான விண்கலங்கள் மற்றும் ஏலியன் படையெடுப்பு பாணியை உடைத்து, இதுவரை திரையில் பார்த்திராத விநோதமான மர்ம உயிரினத்தை இயக்குநர் நா ஹாங் ஜின் உருவாக்கியுள்ளார். குறிப்பாக, முதல் பாதியில் அந்த உயிரினத்தை முழுமையாகக் காட்டாமல் மர்மத்தையும் பதற்றத்தையும் (Tension building) நகர்த்திய விதம் ரசிகர்களுக்கு இருக்கையின் நுனியில் அமர வைக்கும் திரில்லர் அனுபவத்தைத் தருகிறது. பல ஜானர்களுக்கு இடையே மாறினாலும் காட்சிகள் தடையின்றி இயல்பாக நகர்வதும், கதாநாயகன் மான்ஸ்டரைத் தேடிச் செல்லும் துரத்தல் காட்சிகளும் விறுவிறுப்பாக அமைக்கப்பட்டுள்ளன. அத்துடன், பிரம்மாண்டமான தயாரிப்பு வடிவமைப்பு (Production Design), கலை வேலைப்பாடுகள் மற்றும் செட் அமைப்புகள் குறிப்பிட்ட காலகட்டத்தைக் கண்முன் நிறுத்துகின்றன.

படம் குறித்து எக்ஸ் தளம், யூடியூப் ரியாக்‌ஷன் வீடியோக்கள் மற்றும் இணையத் திரைப்படச் சமூகங்களில் இருவேறு மாறுபட்ட கருத்துகள் விவாதத்தைக் கிளப்பியுள்ளன. மனிதர்கள் தங்களுக்குப் புரியாதவர்களை எப்படிப் பார்க்கிறார்கள் மற்றும் தவறான புரிதல்கள் எப்படிப் பெரிய மோதல்களுக்கு வழிவகுக்கின்றன என்ற ஆழமான கருத்துகளை இயக்குநர் இணைத்திருப்பதை ஒரு தரப்பினர் கொண்டாடி வருகின்றனர். மேலும், முதல் பாதியின் பரபரப்பு, ஒளிப்பதிவு மற்றும் நடைமுறை விளைவுகள் (Practical Effects) ஆகியவற்றுக்குத் தனிப் பாராட்டும் கிடைத்துள்ளது.

அதே சமயம், ஏலியன் இடம்பெறும் சில கிராபிக்ஸ் (CGI/VFX) காட்சிகள் இயல்பாக இல்லை எனச் சில இணையப் பயனர்கள் சுட்டிக்காட்டி உள்ளனர். 2-ம் பாதியில் கதை சற்று சிதறலாக இருப்பதாகவும், கிளைமாக்ஸ் காட்சியை இன்னும் சிறப்பாக அமைத்திருக்கலாம் என்றும், முடிவு முழுமையான திருப்தியைத் தரவில்லை என்றும் விமர்சனங்கள் எழுந்துள்ளன.

மர்மம், வித்தியாசமான கதைக்களம், ஏலியன் உலகம் மற்றும் தி வெயிலிங் இயக்குநரின் மேக்கிங்கை விரும்புபவர்களுக்கு HOPE ஒரு தனித்துவமான சினிமா அனுபவமாக அமைந்துள்ளது. படத்தின் இறுதிக் காட்சிகளுக்குப் பின் வரும் போஸ்ட்-கிரெடிட் காட்சியில் (Post-credit scene) இதன் அடுத்த பாகத்திற்கான முக்கிய லீட் இடம்பெற்றுள்ளது.

உலகளவில் கிடைத்துள்ள பிரம்மாண்ட வசூல் மற்றும் வரவேற்பைத் தொடர்ந்து, இதன் இரண்டாம் பாகம் உருவாகுமா என்ற பெரும் எதிர்பார்ப்பும் ரசிகர்கள் மத்தியில் எழுந்துள்ளது. இப்படத்தில் 'அடல்ட் கன்டென்ட்' (Adult Content) இடம்பெற்றுள்ளதால், குடும்பத்துடன் திரையரங்குகளில் பார்ப்பதைத் தவிர்க்குமாறு தெரிவிக்கப்பட்டுள்ளது.

Bigg Boss : மைனிங் மாஃபியாஸ் டீமின் கொட்டத்தை அடக்க டிடிஎஃப் வாசன் போட்ட பக்கா ஸ்கெட்ச்... தரமான சம்பவம் வெயிட்டிங்..!

Ganesh A — Tue, 27 Oct 2026 13:00:06 +0530

Bigg Boss Tamil Season 10 : பிக் பாஸ் தமிழ் சீசன் 10 நிகழ்ச்சியில் இந்த வாரம் நடைபெறும் டாஸ்க்கில் டிடிஎஃப் வாசன் ஒரு பக்கா பிளான் போட்டுள்ளார். அதைப்பற்றி விரிவாக பார்க்கலாம்.

விஜய் தொலைக்காட்சியில் ஒளிபரப்பாகி வரும் பிக் பாஸ் தமிழ் சீசன் 10 நிகழ்ச்சி, நாளுக்கு நாள் புதிய திருப்பங்களுடன் ரசிகர்களின் கவனத்தை ஈர்த்து வருகிறது. கடந்த செப்டம்பர் மாதம் தொடங்கிய இந்த நிகழ்ச்சி, தற்போது 51 நாட்களைக் கடந்து 8வது வாரத்தில் விறுவிறுப்பாகப் பயணித்து வருகிறது. மக்கள் செல்வன் விஜய் சேதுபதி தொகுத்து வழங்கி வந்த இந்த நிகழ்ச்சியில், கடந்த வாரம் நடிகை ரம்யா கிருஷ்ணன் தொகுப்பாளராகக் களமிறங்கியிருந்தார். அவரது வித்தியாசமான தொகுப்பு முறை ரசிகர்களிடையே கவனம் பெற்றது.

கடந்த வாரம் பிக் பாஸ் வீட்டில் போட்டியாளர்கள் ரெட் மற்றும் ப்ளூ என இரண்டு அணிகளாகப் பிரிக்கப்பட்டு, பல்வேறு சவால்களை எதிர்கொண்டனர். பரபரப்பாக நடைபெற்ற இந்தப் போட்டியில் ப்ளூ டீம் வெற்றியைத் தட்டிச் சென்ற நிலையில், ரெட் டீம் தோல்வியைச் சந்தித்தது.

இதனைத் தொடர்ந்து 8வது வாரத்திலும் போட்டியாளர்களுக்கு புதிய சவாலை பிக் பாஸ் அறிவித்துள்ளார். அதன்படி, இந்த வாரம் 'குவிக் கன் கெளபாய்ஸ் Vs மைனிங் மாஃபியாஸ்' என்ற பெயரில் வித்தியாசமான டாஸ்க் அறிமுகப்படுத்தப்பட்டுள்ளது. இதற்கான புதிய ப்ரோமோ வெளியாகி இணையத்தில் கவனம் ஈர்த்து வருகிறது.

இந்த வார டாஸ்க்கில் போட்டியாளர்கள் குவிக் கன் கௌபாய்ஸ் மற்றும் மைனிங் மாஃபியாஸ் என இரண்டு அணிகளாகப் பிரிக்கப்பட்டுள்ளனர். இதில் குவிக் கன் கௌபாய்ஸ் அணியினர் கொள்ளையர்களாகச் செயல்பட உள்ளனர். இவர்கள் டாஸ்க்கில் வெற்றிபெறும் பட்சத்தில், பிக் பாஸ் வீட்டின் கிச்சனுக்குள் புகுந்து அங்குள்ள பொருட்களைக் கொள்ளையடிப்பதுடன், அவற்றைத் தங்களுக்குச் சொந்தமாக்கிக் கொள்ளும் அதிகாரத்தையும் பெறுவார்கள்.

மறுபுறம், மைனிங் மாஃபியாஸ் அணியினர் வீட்டின் உழைப்பாளிகளாக அறிவிக்கப்பட்டுள்ளனர். இவர்கள் போட்டியில் வெற்றிபெற்றால், கௌபாய்ஸ் அணியின் கொள்ளை முயற்சியை முறியடித்து கிச்சனைப் பாதுகாக்க முடியும். இதனால் இந்த வாரம் பிக் பாஸ் வீட்டின் சமையலறையை யார் கைப்பற்றப் போகிறார்கள் என்ற எதிர்பார்ப்பு எழுந்துள்ளது.

இந்த டாஸ்கில் டிடிஎஃப் வாசனின் குவிக் கன் கௌபாய்ஸ் அணியினர் ஒன்றாக அமர்ந்து பிளான் போடுகிறார்கள். அதில் பேசிய டிடிஎஃப், நாம் நம்முடைய காயினை அவர்களுக்கு தெரியும்படியே ஒளித்துவைத்து நமக்கு தேவையான சாப்பாடு எல்லாத்தையுமே வரவைத்துவிடலாம். அவங்களை வெறுப்பேத்தி, அந்த டீமையே சிதைத்துவிடுவோம் என கூறுகிறார். இதன்பின்னர் கெளபாய்ஸ் டீமை சேர்ந்த வீராவாக உள்ள டிடிஎஃப் வாசனின் காயினை ஒளித்து வைக்கிறார்கள். அதை வினோத் பாபு கண்டுபிடித்துவிடுகிறார். காயினோடு வினோத் பாபு வர, அவரிடம் அவன் உங்கள்கிட்ட மாட்டலடா, நீங்கதான் அவன்கிட்ட மாட்டியிருக்கீங்க என அன்சர் கிண்டலடிக்கிறார். இதனால் இன்றைய எபிசோடு அனல்பறக்கும் என எதிர்பார்க்கப்படுகிறது.

ஏற்கெனவே கடந்த வாரம் நடைபெற்ற அணிகளுக்கு இடையேயான போட்டியில் பல்வேறு சுவாரஸ்யமான சம்பவங்கள் அரங்கேறிய நிலையில், இந்த வாரம் அறிமுகமாகியுள்ள புதிய டாஸ்க் போட்டியாளர்களிடையே மேலும் பரபரப்பை ஏற்படுத்தும் என எதிர்பார்க்கப்படுகிறது. குறிப்பாக, உணவுப் பொருட்களைக் கைப்பற்றுவதும், அவற்றைப் பாதுகாப்பதும் இந்த டாஸ்க்கின் முக்கிய அம்சமாக இருப்பதால், இரு அணிகளுக்கும் இடையே கடுமையான போட்டி நிலவ வாய்ப்புள்ளது.

குவிக் கன் கௌபாய்ஸ் அணி கிச்சனை கொள்ளையடிக்குமா? அல்லது மைனிங் மாஃபியாஸ் அணி தங்களது உழைப்பால் கிச்சனைக் காப்பாற்றுமா? என்பதைப் பொறுத்திருந்துதான் பார்க்க வேண்டும். எது எப்படியோ, பிக் பாஸ் வீட்டில் இந்த வாரம் சமையலறையை மையமாக வைத்து ஒரு புதிய ஆட்டம் தொடங்கியிருக்கிறது!

Diwali Movies : தீபாவளி-க்கு சன் டிவி, விஜய் டிவி, ஜீ தமிழில் என்னென்ன புதுப்படங்கள் வரப்போகுது? முழு லிஸ்ட் இதோ

Ganesh A — Wed, 28 Oct 2026 09:36:52 +0530

Diwali Special Movies : 2026-ம் ஆண்டு தீபாவளி பண்டிகைக்கு சன் டிவி, விஜய் டிவி, ஜீ தமிழ் போன்ற முன்னணி சேனல்களில் என்னென்ன தமிழ் படங்கள் ஒளிபரப்பாக உள்ளது என்பதை விரிவாக பார்க்கலாம்.

2026-ம் ஆண்டு தீபாவளிப் பண்டிகையை முன்னிட்டு முன்னணி தமிழ் தொலைக்காட்சிகள் ரசிகர்களுக்குப் புதிய திரைப்படங்களை விருந்தாக வழங்கத் தயாராகி வருகின்றன. குறிப்பாக சன் டிவி, விஜய் டிவி மற்றும் ஜீ தமிழ் ஆகிய சேனல்களில் முன்னணி நடிகர்களின் திரைப்படங்கள் ஒளிபரப்பாக உள்ளதாக வெளியாகியுள்ள தகவல்கள் சினிமா ரசிகர்கள் மத்தியில் எதிர்பார்ப்பை ஏற்படுத்தியுள்ளன. சூர்யாவின் 'விஸ்வநாத் அண்ட் சன்ஸ்', விஜய்யின் 'ஜனநாயகன்', லோகேஷ் கனகராஜ் நடித்துள்ள 'டிசி' உள்ளிட்ட திரைப்படங்கள் இந்த ஆண்டு தீபாவளி சிறப்பு ஒளிபரப்பில் இடம்பெற உள்ளதாகக் கூறப்படுகிறது.

தமிழகத்தில் தீபாவளி என்றாலே புத்தாடை, இனிப்பு, பட்டாசு ஆகியவற்றுக்கு இணையாகத் தொலைக்காட்சிகளில் ஒளிபரப்பாகும் சிறப்புத் திரைப்படங்களும் ரசிகர்களின் கொண்டாட்டத்தில் முக்கிய இடம்பிடிக்கும். அதிலும் முன்னணி நடிகர்களின் புதிய படங்கள் முதன்முறையாகத் தொலைக்காட்சியில் ஒளிபரப்பாகும்போது, அதைப் பார்ப்பதற்கெனத் தனி ரசிகர் கூட்டமே காத்திருக்கும். அந்த வகையில் இந்த ஆண்டு தீபாவளிக்கும் முன்னணி தொலைக்காட்சி நிறுவனங்கள் புதுப்படங்களை ஒளிபரப்பத் திட்டமிட்டுள்ளன.

நடிகர் சூர்யா நடிப்பில் உருவான 'விஸ்வநாத் அண்ட் சன்ஸ்' திரைப்படம் இந்த ஆண்டு தீபாவளியை முன்னிட்டு விஜய் தொலைக்காட்சியில் ஒளிபரப்பாக உள்ளதாகக் கூறப்படுகிறது. இப்படத்தில் சூர்யாவுடன் மமிதா பைஜூ, ராதிகா உள்ளிட்டோர் முக்கியக் கதாபாத்திரங்களில் நடித்துள்ளனர். குடும்ப உறவுகள் மற்றும் உணர்வுகளுக்கு முக்கியத்துவம் அளிக்கும் கதையம்சத்தைக் கொண்ட இப்படம், தொலைக்காட்சி ரசிகர்களுக்கு இந்தத் தீபாவளியில் சிறப்பான விருந்தாக அமையும் என எதிர்பார்க்கப்படுகிறது. இதுதவிர அதர்வா நடித்த இதயம் முரளி படமும் இந்த ஆண்டு தீபாவளிக்கு விஜய் டிவியில் ஒளிபரப்பப்பட உள்ளது.

தமிழ் சினிமாவின் முன்னணி இயக்குநர்களில் ஒருவரான லோகேஷ் கனகராஜ் நடித்துள்ள 'டிசி' திரைப்படம் சன் தொலைக்காட்சியில் தீபாவளிச் சிறப்புத் திரைப்படமாக ஒளிபரப்பாக உள்ளது. லோகேஷ் கனகராஜ், வாமிகா கபி உள்ளிட்டோர் நடித்துள்ள இப்படம், மாறுபட்ட கதைக்களம் மற்றும் அதிரடிக் காட்சிகளை மையமாகக் கொண்டது. திரையரங்குகளில் இப்படத்தைப் பார்க்கத் தவறிய ரசிகர்களுக்கு அதன் தொலைக்காட்சி ஒளிபரப்பு புதிய வாய்ப்பாக அமையலாம். அதேபோல், லோகேஷ் கனகராஜை இயக்குநராக மட்டுமே பார்த்துப் பழகிய ரசிகர்களுக்கும் அவரது நடிப்பைக் காணும் வாய்ப்பாக இது அமையும்.

இந்த ஆண்டு தீபாவளி தொலைக்காட்சி ஒளிபரப்பு தொடர்பாக வெளியாகியுள்ள தகவல்களில் அதிக கவனத்தை ஈர்த்திருப்பது நடிகர் விஜய்யின் 'ஜனநாயகன்' திரைப்படம்தான். விஜய் நடிப்பில் உருவான இப்படம், தீபாவளியை முன்னிட்டு ஜீ தமிழ் தொலைக்காட்சியில் முதன்முறையாக ஒளிபரப்பாக உள்ளதாகத் தகவல்கள் தெரிவிக்கின்றன.

விஜய்யின் படங்களுக்கு எப்போதுமே தொலைக்காட்சி ரசிகர்கள் மத்தியில் தனி வரவேற்பு இருப்பதால், ஜனநாயகன் திரைப்படத்தின் ஒளிபரப்பு குறித்த எதிர்பார்ப்பும் அதிகரித்துள்ளது. ஏற்கெனவே படத்தைப் பார்த்த ரசிகர்கள் மீண்டும் ரசிப்பதற்கும், இதுவரை பார்க்காதவர்கள் குடும்பத்துடன் கண்டுகளிப்பதற்கும் இந்தச் சிறப்பு ஒளிபரப்பு வாய்ப்பாக அமையும் எனக் கூறப்படுகிறது.

தீபாவளி டிஆர்பி போட்டியில் முந்தப்போவது யார்?

பண்டிகை நாட்களில் முன்னணி தொலைக்காட்சிகளுக்கு இடையே நிலவும் டிஆர்பி போட்டியில் சிறப்புத் திரைப்படங்கள் முக்கியப் பங்கு வகிக்கின்றன. அந்த வகையில் இந்த ஆண்டு தீபாவளிக்கு சூர்யா, விஜய் மற்றும் லோகேஷ் கனகராஜ் ஆகியோரின் திரைப்படங்கள் ஒளிபரப்பாகும் என்ற தகவல் ரசிகர்களிடையே ஆர்வத்தை அதிகரித்துள்ளது.

மொத்தத்தில், இந்த ஆண்டு தீபாவளி கொண்டாட்டத்தில் முன்னணி தமிழ் தொலைக்காட்சிகளும் புதிய திரைப்படங்களுடன் ரசிகர்களை மகிழ்விக்கத் தயாராகி வருகிறது. எந்தச் சேனலில் எந்தப் படம் அதிக வரவேற்பைப் பெறப்போகிறது என்பதைப் பொறுத்திருந்துதான் பார்க்க வேண்டும்!

வைரலாகும் அனிருத் – காவ்யா மாறன் வெடிங் கார்டு: என்ன ஸ்பெஷல்? டிசைனர் பகிர்ந்த சுவாரசிய தகவல்!

Meenakshisundaram — Tue, 27 Oct 2026 18:58:22 +0530

பிரபல இசையமைப்பாளர் அனிருத் மற்றும் காவ்யா மாறன் திருமணப் பத்திரிகை விண்டேஜ் கிளாசிக் பாணியில் வடிவமைக்கப்பட்டு பலரது கவனத்தை ஈர்த்துள்ளது. ஆடம்பரத்தைத் தவிர்த்து விண்டேஜ் ஸ்டைலைத் தேர்வு செய்தது ஏன்?

பிரபல இசையமைப்பாளர் அனிருத் ரவிச்சந்தர் மற்றும் சன்ரைசர்ஸ் ஹைதராபாத் அணியின் உரிமையாளர் காவ்யா மாறன் ஆகியோரின் திருமண வரவேற்பு அழைப்பிதழ், அதன் விண்டேஜ் பாணி நேர்த்தி, நுணுக்கமான வேலைப்பாடுகள் மற்றும் வண்ண அமைப்பால் சமூக வலைத்தளங்களில் பலரது கவனத்தையும் ஈர்த்து வைரலாகி வருகிறது. வெறும் ஆடம்பர அழைப்பிதழாக மட்டுமல்லாமல், விருந்தினர்கள் நினைவாகப் போற்றிப் பாதுகாக்கும் வகையிலான ஒரு நினைவுப் பரிசாக (Keepsake) இது வடிவமைக்கப்பட்டுள்ளது.

அளவுக்கு அதிகமான ஆடம்பர அழைப்பிதழ்கள் வலம் வரும் இக்காலத்தில், தனித்து நிற்கும் வகையிலும், காலத்தால் அழியாத நேர்த்தி உடனும், அதே சமயம் மக்கள் தங்களோடு பத்திரமாக வைத்துக்கொள்ளும் நினைவுப் பரிசுப் பெறுமதி கொண்ட ஒன்றாகவும் இதை உருவாக்க விரும்பினோம் என்று வடிவமைப்பாளர் தெரிவித்தார். இந்த யோசனை மணமக்கள் மற்றும் அவர்களது குடும்பத்தினரிடமிருந்து வந்தது என்றும், வடிவமைப்பின்போது காவ்யா மாறன் இதில் முழு ஈடுபாட்டுடன் செயல்பட்டார் என்றும் கூறினார். நுணுக்கமான விவரங்கள் உற்றுநோக்கும் திறமை கொண்ட காவ்யாவுடன் இணைந்து இந்த வடிவமைப்பு இறுதி செய்யப்பட்டதாக அவர் குறிப்பிட்டார்.

திருமண அழைப்பிதழ்கள் என்றாலே பொதுவாக அடர் வண்ணங்கள், பல்வேறு அலங்கார உருவங்கள், ஆடம்பரக் கருப்பொருள்களைப் பயன்படுத்துவது வழக்கம். ஆனால், கண்ணைப் பறிக்கும் ஆடம்பரம் இல்லாமல், பார்ப்பதற்குச் செழுமையான அமைப்பைக் கொண்டுவர வேண்டும் என்பதே மணமக்களின் விருப்பமாக இருந்தது.

இதற்காக பவுடர் ப்ளூ (Powder Blue), ஐவரி (Ivory) மற்றும் சில்வர் (Silver) ஆகிய 3 வண்ணங்கள் மட்டுமே தேர்ந்தெடுக்கப்பட்டு, அழைப்பிதழ் பெட்டி முழுவதும் பயன்படுத்தப்பட்டுள்ளன. வழக்கமாகப் பல வண்ணங்களைப் பயன்படுத்த விரும்பும் தனக்கு, 3 வண்ணங்களுக்குள் மட்டுமே கட்டுப்பட்டு வடிவமைப்பது புதிய சவாலாக அமைந்ததாக ரஞ்சனி அய்யங்கார் புன்னகையுடன் தெரிவித்தார். மேலும், இதில் மணமக்களின் காதல் கதையையோ அல்லது ஆழமான தனிப்பட்ட குறிப்புகளையோ விவரிக்கும் கருப்பொருள் எதுவும் இடம்பெறவில்லை; மாறாக மணமக்களுக்குப் பிடித்தமான நுட்பமான விவரங்களுடன் கூடிய கிளாசிக் வடிவமைப்பாகவே இது உருவாக்கப்பட்டுள்ளது. அழைப்பிதழ் பெட்டிக்குள் இருக்கும் முழுப் பொருட்கள் குறித்த விவரங்கள் தற்போது பகிரப்படவில்லை.

ராதிகா மெர்ச்சென்ட், அனன்யா பாண்டேயின் சகோதரி அலன்னா பாண்டே, திரைப்பட இயக்குநர்கள் லவ் ரஞ்சன், பிஜோய் நம்பியார் மற்றும் கிரிக்கெட் வீரர் ஜெய்தேவ் உனத்கட் உள்ளிட்ட பல பிரபலங்களின் திருமண அழைப்பிதழ்களை வடிவமைத்த அனுபவம் கொண்ட ரஞ்சனி அய்யங்கார், முன்னணிப் பிரபலங்களின் பொதுவான மனநிலை குறித்துப் பேசினார்.

பிரபலங்கள் பொதுவாகத் தங்கள் வாழ்வில் எப்போதும் அதீத ஆடம்பரங்களையே (OTT) பார்த்துப் பழகியவர்கள். அதனால் ஆச்சரியப்படும் விதமாக, அவர்கள் அழைப்பிதழ்களில் எதிர்பார்ப்பது எளிமையையும் நம்பகத்தன்மையையும் மட்டும்தான். அதிகப்படியான கூறுகளைக் கொண்டு ஆர்ப்பாட்டமாக இல்லாமல், மணமக்களின் ஆளுமையை வெளிப்படுத்தும் தனித்துவமான நேர்த்தியை உருவாக்குவதே எங்கள் முன்னிருக்கும் சவால் என்றார். இதற்கு உதாரணமாக, கிருத்திகா கம்ரா மற்றும் கௌரவ் கபூர் ஆகியோரின் திருமணத்திற்கு எளிய அனிமேஷன் கொண்டு டிஸ்னி படம் போலத் தயாரித்த 2 வண்ண அழைப்பிதழையும் அவர் சுட்டிக்காட்டினார்.

இதற்கிடையே, அனிருத் – காவ்யா மாறன் திருமணம் நவ.10 மற்றும் 11 ஆகிய தேதிகளில் 2 நாள் நிகழ்வாக நடைபெறத் திட்டமிடப்பட்டு உள்ளதாகத் தகவல்கள் தெரிவிக்கின்றன. கிரீஸ் நாட்டில் மிக நெருங்கிய குடும்ப உறுப்பினர்கள் மற்றும் தேர்ந்தெடுக்கப்பட்ட நண்பர்கள் மட்டுமே கலந்துகொள்ளும் வகையில் இத்திருமணக் கொண்டாட்டங்கள் மிக தனிப்பட்ட முறையில் (Intimate wedding) அமையவுள்ளதாகக் கூறப்படுகிறது.

Bigg Boss-ல் விஜய் சேதுபதியை விட ரம்யா கிருஷ்ணனுக்கு அதிக சம்பளமா? அடேங்கப்பா ஒரு எபிசோடுக்கு இவ்வளவா?

Ganesh A — Wed, 28 Oct 2026 08:30:05 +0530

Ramya Krishnan Bigg Boss Salary : பிக் பாஸ் தமிழ் சீசன் 10 நிகழ்ச்சியில் தற்காலிக ஹோஸ்டாக வந்துள்ள ரம்யா கிருஷ்ணன் எவ்வளவு சம்பளம் வாங்கினார் என்பதை இந்த தொகுப்பில் பார்க்கலாம்.

வெள்ளித்திரையில் தனது நடிப்பால் தனி முத்திரை பதித்த நடிகை ரம்யா கிருஷ்ணன், சின்னத்திரையிலும் கலக்கி வருகிறார். குறிப்பாக 'பிக் பாஸ்' போன்ற பிரபலமான ரியாலிட்டி ஷோக்களில் அவர் வந்தால் ரசிகர்களுக்கு ஆர்வம் அதிகமாகும். ஏற்கனவே 5 சீசனில் ஒரு வாரம் மட்டும் வந்து கலக்கிய அவர், இப்போது மீண்டும் பிக் பாஸ் ஹோஸ்ட்டாக வந்துள்ளார். தமிழ் பிக் பாஸ் சீசன் 10 நிகழ்ச்சியில் அவர் என்ட்ரி கொடுத்தது தான் இப்போதைய ஹாட் டாபிக். இதற்காக அவர் வாங்கும் சம்பளம் பற்றிய சுவாரஸ்யமான தகவல்களும் வெளியாகி உள்ளன.

தமிழ் பிக் பாஸ் நிகழ்ச்சியை கடந்த மூன்று சீசன்களாக நடிகர் விஜய் சேதுபதி தொகுத்து வழங்கி வருகிறார். ஆனால் அவருக்கு தொண்டை பிரச்சனை இருப்பதால் இந்த வீக்கெண்ட் எபிசோடுகளில் அவர் கலந்து கொள்ளவில்லை. அதனால் அவருக்கு பதிலாக ரம்யா கிருஷ்ணன் ஹோஸ்டிங் பொறுப்பை ஏற்றார். விஜய் சேதுபதிக்கு தொண்டை பிரச்சனை இருப்பதை அவரே மேடையில் சொன்னார். தனது கம்பீரமான பேச்சால் ரம்யா கிருஷ்ணன் ரசிகர்களை கவர்ந்தார். போட்டியாளர்களிடம் அவர் பேசிய விதமும், விளையாட்டை அவர் விமர்சித்த விதமும் நிகழ்ச்சிக்கு புது சுவாரஸ்யத்தை கொடுத்தது. ஆனால் அவர் எத்தனை வாரங்கள் ஹோஸ்ட்டாக இருப்பார் என்பது பற்றி நிகழ்ச்சி குழுவினர் இன்னும் அதிகாரப்பூர்வமாக அறிவிக்கவில்லை.

ரம்யா கிருஷ்ணன் வாங்கும் சம்பளம் பற்றிய விவாதம் இப்போது சோஷியல் மீடியாவில் வைரலாகி வருகிறது. பல மீடியா செய்திகளின்படி, பிக் பாஸ் தமிழ் 10 நிகழ்ச்சியை தொகுத்து வழங்க அவர் ஒரு எபிசோடுக்கு சுமார் ரூ.15 லட்சம் வாங்குவதாக சொல்லப்படுகிறது. வீக்கெண்ட் எபிசோடுகள் பொதுவாக இரண்டு நாட்கள் நடக்கும். அதனால் இரண்டு நாட்களுக்கும் சேர்த்து அவருக்கு ரூ.30 லட்சம் வரை சம்பளம் கிடைக்கும் என எதிர்பார்க்கப்படுகிறது. ஆனால் இந்த தொகையை ரம்யா கிருஷ்ணனோ அல்லது பிக் பாஸ் குழுவினரோ அதிகாரப்பூர்வமாக உறுதிப்படுத்தவில்லை. விஜய் சேதுபதியோடு ஒப்பிடுகையில் ரம்யா கிருஷ்ணனுக்கு கம்மி சம்பளம் தான். விஜய் சேதுபதி ஒரு வீக் எண்ட் எபிசோடுகளுக்கு 4 கோடி சம்பளமாக வாங்கி உள்ளார்.

ரம்யா கிருஷ்ணனுக்கு பிக் பாஸ் நிகழ்ச்சியுடன் ஏற்கனவே தொடர்பு இருக்கிறது. தமிழ் பிக் பாஸ் நிகழ்ச்சியின் ஐந்தாவது சீசனில் கமல்ஹாசனுக்கு உடல்நிலை சரியில்லாத போது, ஒரு வாரம் அவர் ஹோஸ்ட்டாக இருந்தார். அதேபோல தெலுங்கு பிக் பாஸ் 3வது சீசனிலும் அப்போதைய ஹோஸ்ட் நாகார்ஜுனா இல்லாத நேரத்தில் அவர் தொகுப்பாளராக பொறுப்பேற்றார். இப்போது மீண்டும் தமிழ் பிக் பாஸ் மேடைக்கு அவர் வந்திருப்பதால், பழைய நினைவுகளை ரசிகர்கள் பேசி வருகின்றனர். அவரது நீண்ட சினிமா அனுபவமும், திரையில் அவரது மாஸ் பெர்ஃபார்மன்ஸும் பிக் பாஸ் வீக்கெண்ட் எபிசோடு ஹிட்டாக உதவியது. அடுத்தடுத்த எபிசோடுகளிலும் அவர் ஹோஸ்ட்டாக தொடருவாரா, விஜய் சேதுபதி எப்போது திரும்பி வருவார் என்பது இப்போது சுவாரஸ்யமாக மாறியுள்ளது.