Asianet News Tamil

DA Hike 2027: மத்திய அரசு ஊழியர்களுக்கு 65% அகவிலைப்படி கிடைக்குமா? சம்பளம் எவ்வளவு உயரும்?

Vedarethinam Ramalingam — Sat, 03 Oct 2026 09:59:04 +0530

DA Hike 2027: மத்திய அரசு ஊழியர்களுக்கான ஜனவரி 2027 அகவிலைப்படி 65% ஆகுமா? ஆகஸ்ட் 2026 CPI-IW தரவு, 65.05% கணக்கீடு, ₹18,000 மற்றும் ₹44,900 Basic Pay-க்கு எவ்வளவு DA உயரும் என்பது உள்ளிட்ட முழு விவரங்களை தெரிந்துகொள்ளுங்கள்.

மத்திய அரசு ஊழியர்களுக்கான அகவிலைப்படி (DA) தொடர்பாக முக்கியமான அப்டேட் வெளியாகியுள்ளது. ஜனவரி 2027-ல் மத்திய அரசு ஊழியர்களுக்கு எவ்வளவு DA கிடைக்கும் என்பதை கணக்கிடுவதில், தற்போது வெளியாகியுள்ள ஆகஸ்ட் 2026-க்கான CPI-IW தரவு முக்கிய பங்கு வகிக்கிறது.

தொழிலாளர் அமைச்சகத்தின் கீழ் செயல்படும் Labour Bureau வெளியிட்டுள்ள தரவின்படி, ஆகஸ்ட் 2026-க்கான அகில இந்திய தொழிலாளர் நுகர்வோர் விலை குறியீடு (CPI-IW) 154.4 ஆக உயர்ந்துள்ளது. ஜூலை மாதத்தில் 153.2 ஆக இருந்த குறியீடு, ஆகஸ்டில் 1.2 புள்ளிகள் அதிகரித்துள்ளது.

CPI-IW என்பது தொழிலாளர்கள் பயன்படுத்தும் பொருட்கள் மற்றும் சேவைகளின் விலை மாற்றத்தை அளவிடும் முக்கியமான குறியீடாகும். இந்தக் குறியீடு ஊதியம் மற்றும் அகவிலைப்படி தொடர்பான கணக்கீடுகளிலும் பயன்படுத்தப்படுகிறது. ஆகஸ்ட் மாத CPI-IW 154.4 ஆக உயர்ந்திருப்பதால், ஜனவரி 2027-க்கான DA கணக்கீட்டிலும் மாற்றம் ஏற்பட்டுள்ளது.

7வது ஊதியக் குழு அடிப்படையிலான கணக்கீட்டின்படி, ஜனவரி 2027 DA-வை கணக்கிடுவதற்கு குறிப்பிட்ட 12 மாத CPI-IW சராசரி பயன்படுத்தப்படுகிறது. செப்டம்பர் 2025 முதல் ஆகஸ்ட் 2026 வரையிலான 12 மாத தரவுகளை எடுத்துக்கொண்டால், சராசரி CPI-IW சுமார் 149.82 ஆக வருகிறது. இதனை 7வது ஊதியக் குழு கணக்கீட்டில் பயன்படுத்தப்படும் 2.88 linking factor உடன் கணக்கிட்டால், தற்போதைய ஓட்டக் கணக்கீட்டில் DA சுமார் 65.05% என்ற அளவுக்கு வருகிறது. இந்தக் கணக்கீடு ஆகஸ்ட் மாத தரவு வரை மட்டுமே என்பதால், இது இறுதி DA சதவீதம் கிடையாது.

ஜனவரி 2027-க்கான DA-வை இறுதியாக கணக்கிட, செப்டம்பர், அக்டோபர், நவம்பர் மற்றும் டிசம்பர் 2026 ஆகிய நான்கு மாதங்களுக்கான CPI-IW தரவுகள் தேவை. இந்த மாதங்களில் CPI-IW தொடர்ந்து உயர்ந்தால், இறுதி DA கணக்கீடு தற்போதைய 65.05% அளவைவிட அதிகமாக இருக்கலாம். அதே நேரத்தில் குறியீடு குறைந்தால், தற்போதைய கணக்கீட்டைவிட DA குறைவாகவும் அமைய வாய்ப்பு உள்ளது. எனவே, 65% DA என்பது இப்போதைய கணக்கீட்டின் அடிப்படையிலான எதிர்பார்ப்பு மட்டுமே; அதிகாரப்பூர்வ அறிவிப்பு அல்ல.

₹44,900 அடிப்படை சம்பளம் (Basic Pay) கொண்ட ஒரு மத்திய அரசு ஊழியருக்கு, அகவிலைப்படி (DA) 60%-லிருந்து 65%-ஆக உயரும் போது மாத சம்பளத்தில் குறிப்பிடத் தக்க உயர்வு ஏற்படும். 60% DA ஆக இருக்கும் போது அவர்களின் அகவிலைப்படித் தொகை ₹26,940 ஆக இருக்கும். அதுவே DA 65%-ஆக உயரும் போது அத்தொகை ₹29,185 ஆக அதிகரிக்கும். இதன் மூலம், அகவிலைப்படி 5% உயர்வினால் அவர்களின் மாதந்திர DA தொகையில் ₹2,245 (₹29,185 - ₹26,940) நிகர அதிகரிப்பு ஏற்படும்.

ஒரு மத்திய அரசு ஊழியரின் அடிப்படை சம்பளம் (Basic Pay) ₹44,900 ஆக இருக்கும்போது, அகவிலைப்படி (DA) 60%-லிருந்து 65%-ஆக உயரும் போது மாத சம்பளத்தில் குறிப்பிடத்தக்க உயர்வு ஏற்படும். தற்போது 60% அகவிலைப்படியின் படி அவர்களுக்கு ₹26,940 (₹44,900 × 60%) அகவிலைப்படியாகக் கிடைக்கும். இதுவே அகவிலைப்படி 65%-ஆக உயர்த்தப்படும் போது அத்தொகை ₹29,185 (₹44,900 × 65%) ஆக அதிகரிக்கும். இதன் மூலம், அகவிலைப்படி 5% உயர்வினால் அவர்களின் மாதாந்திர அகவிலைப்படி தொகையில் ₹2,245 (₹29,185 - ₹26,940) நிகர அதிகரிப்பு ஏற்படும்.

இங்கே ஒரு முக்கியமான விஷயத்தை கவனிக்க வேண்டும். மேலே கூறப்பட்ட தொகைகள் DA பகுதியில் ஏற்படும் மாற்றம் மட்டுமே. ஒருவரின் மொத்த சம்பளத்தில் HRA, TA, பிற அலவன்ஸ்கள், கழிவுகள் உள்ளிட்ட பல்வேறு அம்சங்கள் இருப்பதால், கையில் கிடைக்கும் நிகர சம்பள உயர்வு இதே தொகையாக இருக்க வேண்டும் என்ற அவசியமில்லை.

ஜனவரி 2027 DA-வை நிர்ணயிப்பதில் செப்டம்பர் முதல் டிசம்பர் 2026 வரையிலான CPI-IW தரவுகள் முக்கியமானவை. இந்தத் தரவுகள் முழுமையாக வெளியான பிறகே ஜனவரி 2027-க்கான DA உயர்வு தொடர்பான இறுதி நிலவரம் தெளிவாகும்.

தற்போதைய ஆகஸ்ட் தரவு மட்டும் பார்க்கும்போது, 65% என்ற அளவு கணக்கீட்டில் வந்துள்ளது. ஆனால் இது அரசால் அதிகாரப்பூர்வமாக அறிவிக்கப்பட்ட 65% DA அல்ல.

எனவே, மத்திய அரசு ஊழியர்கள் அடுத்த நான்கு மாத CPI-IW தரவுகளையும் கவனிக்க வேண்டியது அவசியம். ஆகஸ்ட் மாதத்தில் CPI-IW 154.4 ஆக உயர்ந்திருப்பது ஜனவரி 2027 DA கணக்கீட்டுக்கு முக்கியமான முன்னேற்றமாக உள்ளது.

BCPL Recruitment 2026: ரூ.86,570 வரை சம்பளம்.. டிப்ளமோ, பி.எஸ்.சி, பி.காம் முடித்தவர்களுக்கு அரசு வேலை!

Raghupati R — Mon, 05 Oct 2026 13:16:57 +0530

BCPL Recruitment 2026: அரசு நிறுவனத்தில் வேலை தேடும் இளைஞர்களுக்கு நல்ல வாய்ப்பு வெளியாகியுள்ளது. ஐடிஐ, டிப்ளமோ, பிஎஸ்சி, பி.காம் உள்ளிட்ட கல்வித் தகுதி உள்ளவர்கள் தகுதியைப் பொறுத்து விண்ணப்பிக்கலாம்.

அரசு நிறுவனத்தில் வேலை தேடும் இளைஞர்களுக்கு முக்கியமான வாய்ப்பு வெளியாகியுள்ளது. இந்திய அரசின் பெட்ரோலியம் மற்றும் இயற்கை எரிவாயு அமைச்சகத்தின் கீழ் செயல்படும் பிரம்மபுத்திரா கிராக்கர் மற்றும் பாலிமர் லிமிடெட் நிறுவனத்தில் 24 நிர்வாகம் சாராத பணியிடங்களுக்கு ஆட்சேர்ப்பு அறிவிப்பு வெளியிடப்பட்டுள்ளது. இந்த ஆட்சேர்ப்பு அறிவிப்பு எண் BCPL-NE/06/2026 ஆகும். அதிகாரப்பூர்வ தகவலின்படி, விண்ணப்பப் பதிவு செப்டம்பர் 10, 2026 அன்று தொடங்கியது. தகுதியுள்ளவர்கள் இணையவழியில் மட்டுமே விண்ணப்பிக்க வேண்டும். விண்ணப்பிக்க கடைசி தேதி அக்டோபர் 9, 2026. எனவே இன்னும் விண்ணப்பிக்காத தகுதியானவர்கள் கடைசி நாளுக்காக காத்திருக்காமல் விண்ணப்பிப்பது நல்லது. BCPL-ன் அதிகாரப்பூர்வ வேலைவாய்ப்பு பக்கத்திலும் இந்த அறிவிப்பு தற்போது இடம்பெற்றுள்ளது.

இந்த ஆட்சேர்ப்பில் பல்வேறு துறைகளைச் சேர்ந்த பணியிடங்கள் உள்ளன. ரசாயனப் பிரிவில் ஃபோர்மேன் பணிக்கு 3 இடங்களும், சிவில் பிரிவில் 1 இடமும், மனிதவளப் பிரிவில் ஜூனியர் சூப்பரின்டெண்ட் பணிக்கு 1 இடமும், கருவியியல் பிரிவில் ஃபோர்மேன் பணிக்கு 1 இடமும் உள்ளன. ரசாயன ஆபரேட்டர் பணிக்கு 8 இடங்கள், மின்சாரப் பிரிவு டெக்னீஷியனுக்கு 3 இடங்கள், கருவியியல் டெக்னீஷியனுக்கு 2 இடங்கள், இயந்திரவியல் டெக்னீஷியனுக்கு 2 இடங்கள் உள்ளன. இதுதவிர ரசாயன ஆபரேட்டர் பயிற்சியாளர், இயந்திரவியல் டெக்னீஷியன் பயிற்சியாளர் மற்றும் கணக்குப் பிரிவு உதவியாளர் பயிற்சியாளர் பணிகளுக்கு தலா ஒரு இடம் உள்ளது. இதனால் ஐடிஐ முதல் டிப்ளமோ மற்றும் பட்டப்படிப்பு வரை பல்வேறு கல்வித் தகுதி பெற்றவர்களுக்கு வாய்ப்பு கிடைக்கிறது.

கல்வித் தகுதி பணிக்கு ஏற்ப மாறுபடும். ரசாயனம், சிவில் மற்றும் கருவியியல் பிரிவு ஃபோர்மேன் பணிகளுக்கு தொடர்புடைய பொறியியல் டிப்ளமோவும் குறைந்தபட்ச மதிப்பெண் தகுதியும் தேவைப்படுகிறது. ரசாயன ஆபரேட்டர் பணிக்கு இயற்பியல், வேதியியல், கணிதம் ஆகிய பாடங்களுடன் பி.எஸ்.சி அல்லது வேதியியலில் பி.எஸ்சி சிறப்புப் பட்டம் பெற்றவர்கள் விண்ணப்பிக்கலாம். மின்சாரம், கருவியியல் மற்றும் இயந்திரவியல் டெக்னீஷியன் பணிகளுக்கு பத்தாம் வகுப்பு மற்றும் தொடர்புடைய ஐடிஐ அல்லது தேசிய தொழிற்பயிற்சி சான்றிதழ் தேவைப்படுகிறது. மனிதவள ஜூனியர் சூப்பரின்டெண்ட் பணிக்கு பட்டப்படிப்புடன் பணியாளர் மேலாண்மை அல்லது தொழிலாளர் உறவுகள் தொடர்பான டிப்ளமோ தேவைப்படுகிறது. கணக்குப் பிரிவு உதவியாளர் பயிற்சியாளர் பணிக்கு குறைந்தபட்சம் 50 சதவீத மதிப்பெண்களுடன் பி.காம் பட்டமும், கணினியில் ஆங்கில தட்டச்சு திறனும் தேவைப்படுகிறது.

வயது வரம்பு பணிக்கு ஏற்ப நிர்ணயிக்கப்பட்டுள்ளது. ஃபோர்மேன் மற்றும் ஜூனியர் சூப்பரின்டெண்ட் உள்ளிட்ட சில பணிகளுக்கு அதிகபட்ச வயது 32 ஆண்டுகள் என்றும், ஆப்ரேட்டர், டெக்னீஷியன் மற்றும் பயிற்சியாளர் பணிகளுக்கு அதிகபட்ச வயது 30 ஆண்டுகள் என்றும் அறிவிக்கப்பட்டுள்ளது. இந்த வயது வரம்பு 09.10.2026 தேதியை கொண்டது. பட்டியலிடப்பட்ட சாதி மற்றும் பழங்குடியினருக்கு 5 ஆண்டுகளும், பிற்படுத்தப்பட்ட வகுப்பு பிறப்பிக்கப்பட்ட பிரிவினருக்கு 3 ஆண்டுகளும் வயது தளர்வு வழங்கப்படுகிறது. மாற்றுத்திறனாளிகள் மற்றும் முன்னாள் ராணுவத்தினருக்கான வயது தளர்வுகள் அரசு விதிமுறைகளின்படி பொருந்தும். பணிக்கு ஏற்ப சம்பள அளவு மாறுகிறது. ஃபோர்மேன் மற்றும் ஜூனியர் சூப்பரின்டெண்ட் பணிகளுக்கு ரூ.28,500 முதல் ரூ.86,570 வரையிலும், ஆப்ரேட்டர் மற்றும் டெக்னீஷியன் பணிகளுக்கு ரூ.25,000 முதல் ரூ.81,430 வரையிலும் சம்பளம் உள்ளது. பயிற்சியாளர் பணிகளுக்கு மாதம் ரூ.21,000 வழங்கப்படும் என அறிவிக்கப்பட்டுள்ளது.

இந்தப் பணிகளுக்கான தேர்வு முறையில் எழுத்துத் தேர்வு மற்றும் உடற்திறன் தேர்வு இடம்பெறும் என அறிவிப்பில் கூறப்பட்டுள்ளது. விண்ணப்பக் கட்டணம் பொது பிரிவைச் சேர்ந்தவர்களுக்கு ரூ.200 என்றும், எஸ்சி, எஸ்டி மற்றும் மாற்றுத்திறனாளி விண்ணப்பதாரர்களுக்கு கட்டணம் இல்லை என்றும் குறிப்பிடப்பட்டுள்ளது. கட்டணத்தை இணையவழியில் செலுத்த வேண்டும். விண்ணப்பதாரர்கள் BCPL நிறுவனத்தின் அதிகாரப்பூர்வ வேலைவாய்ப்பு பக்கத்துக்குச் சென்று BCPL-NE/06/2026 அறிவிப்பை முழுமையாகப் படித்த பிறகு விண்ணப்பிக்க வேண்டும். குறிப்பாக ஒவ்வொரு பணிக்கும் கல்வித் தகுதி, அனுபவம், வயது வரம்பு ஆகியவை மாறுபடுவதால், தங்களுக்கான பணியின் தகுதியை சரிபார்த்த பிறகே விண்ணப்பிப்பது அவசியம். அதிகாரப்பூர்வ BCPL வேலைவாய்ப்பு தளத்தில் இந்த அறிவிப்பு விண்ணப்பிக்கும் வசதியும் இடம்பெற்றுள்ளது.

வறுமை விரட்டிய கல்வி, 37 ஆண்டுகளுக்குப் பின் தொடரும் வைராக்கியம்: 10-ம் வகுப்புத் தேர்வு எழுதிய முதியவர்!

Kiruthickraj D — Sat, 03 Oct 2026 16:43:57 +0530

1989-ஆம் ஆண்டு தனது 10-ம் வகுப்புப் படிப்பைப் பாதியில் கைவிட்ட மேகாலயாவைச் சேர்ந்த 59 வயதான சில்வெஸ்டர் ஷாடப், 37 ஆண்டுகளுக்குப் பிறகு மேகாலயா அரசின் '2-ம் வாய்ப்புக் கற்றல் திட்டம்' மூலம் மீண்டும் கல்வி கற்கும் பயணத்தைத் தொடங்கியுள்ளார்.

கல்வி கற்பதற்கு வயது ஒரு தடையில்லை என்பதை நிரூபிக்கும் வகையில், மேகாலயாவை சேர்ந்த 59 வயதான சில்வெஸ்டர் ஷாடப் , குடும்பச் சூழ்நிலை மற்றும் வறுமை காரணமாக 1989-ஆம் ஆண்டு பாதியில் நிறுத்திய தனது பள்ளிப் படிப்பை 37 ஆண்டுகளுக்குப் பிறகு மீண்டும் தொடர்ந்துள்ளார். மேகாலயாவின் ரி போய் (Ri Bhoi) மாவட்டத்தில் உள்ள தாட்ராங் உம்ஞெம் கிராமத்தைச் சேர்ந்த இவர், அம்மாநில அரசின் சிறப்புத் திட்டத்தின் கீழ் வரும் டிசம்பர் மாதம் நடைபெறவுள்ள 10-ம் வகுப்பு (SSLC) பொதுத்தேர்வை எழுதத் தீவிரமாகத் தயாராகி வருகிறார்.

பல்வேறு குடும்பச் சூழ்நிலைகள், பொருளாதாரக் காரணங்கள், ஆரம்பகாலத் திருமணம் அல்லது புவியியல் ரீதியான தடைகளால் பள்ளிப் படிப்பைப் பாதியில் கைவிட்டவர்கள் மீண்டும் தங்களது கல்வியைத் தொடர்வதற்காக மேகாலயா அரசு '2-ம் வாய்ப்புக் கற்றல் திட்டம்' எனும் சிறப்பு முன்னெடுப்பை அமல்படுத்தியுள்ளது. இத்திட்டத்தின் கீழ் 10-ம் வகுப்பு பொதுத்தேர்வு எழுத விண்ணப்பித்துள்ள 9,767 பேரில், 59 வயதான சில்வெஸ்டர் ஷாடப் தான் மிக மூத்த விண்ணப்பதாரர் ஆவார்.

தனது கல்விப் பயணம் குறித்துப் பேசிய சில்வெஸ்டர் ஷாடப்"பொருளாதார நெருக்கடி காரணமாக என்னால் தொடர்ந்து படிக்க முடியாமல் போனது. அப்போது எனது குடும்பத்தைக் காப்பாற்றுவதே பள்ளிக்குச் செல்வதை விட முக்கியமாக இருந்தது. ஆண்டுகள் பல கடந்தாலும், ஏதோ ஒன்றை பாதியில் விட்டுவிட்ட உணர்வு எனக்குள் இருந்து கொண்டே இருந்தது. 59 வயதில் 10-ம் வகுப்பை முடிக்க எனக்கு மீண்டும் ஒரு வாய்ப்பு கிடைக்கும் என்று நான் நினைத்துக் கூட பார்க்கவில்லை" என்று நெகிழ்ச்சியுடன் தெரிவித்தார்.

37 ஆண்டுகளுக்குப் பிறகு மீண்டும் பாடப் புத்தகங்களை ஏந்துவது அவருக்குப் பல சவால்களை ஏற்படுத்தியுள்ளது. அவர் படித்த காலத்தில் இருந்த பாடத்திட்டங்கள் தற்போது பெருமளவில் மாறியுள்ளதால், புதிய பாடங்கள் மற்றும் கற்றல் முறைகளுக்கு ஏற்ப தன்னை மாற்றிக்கொண்டு தேர்வுக்காகத் தீவிரமாகப் படித்து வருகிறார்.

மேகாலயா அரசு, மேகாலயா பள்ளி இடைநிலைக் கல்வி வாரியம் (MBOSE) மற்றும் வளரிளம் பருவத்தினரின் நலனுக்கான அமைப்பு (MPOWER) ஆகியவை இணைந்து இத்திட்டத்தைச் செயல்படுத்துகின்றன. மேகாலயாவின் 12 மாவட்டங்களிலும் உள்ள 171 கற்றல் மையங்கள் மூலம் இத்திட்டம் செயல்படுகிறது. ரி போய் மாவட்டத்தில் மட்டும் 690 தனியார் விண்ணப்பதாரர்கள் 10-ம் வகுப்புத் தேர்வுக்குப் பதிவு செய்துள்ளனர். 10-ம் வகுப்பு தேர்ச்சிக்குப் பிறகு, இம்மாணவர்கள் மேல்நிலைக் கல்வி, தொழிற்கல்வி மற்றும் திறன் பயிற்சிகளில் சேருவதற்கும் வழிகாட்டப்படுகிறது.

தேசியக் கல்விக் கொள்கையின் (NEP) கொள்கைகளான 'நெகிழ்வுத்தன்மையுள்ள கற்றல்' மற்றும் 'வாழ்நாள் முழுவதுமான கற்றல்' ஆகியவற்றிற்கு ஏற்ப இத்திட்டம் செயல்பட்டு வருகிறது. 37 ஆண்டுகளுக்கு முன்பு கைவிட்ட ஒரு கனவை 59 வயதில் மீண்டும் துரத்தும் சில்வெஸ்டர் ஷாடப்பின் இந்தப் பயணம், இளைஞர்களுக்கும் கல்வி கற்கத் தயங்கும் பலருக்கும் மிகப்பெரிய ஊக்கமளிப்பதாக அமைந்துள்ளது.

8th Pay Commission Basic Salary: மத்திய அரசு ஊழியர்களின் சம்பளம் எவ்வளவு உயரும்? DA, Fitment Factor, நிலுவைத் தொகை முழு விவரம்

Vedarethinam Ramalingam — Wed, 07 Oct 2026 07:53:51 +0530

8வது ஊதியக் குழுவில் மத்திய அரசு ஊழியர்களின் Basic Salary, DA, HRA, Fitment Factor எப்படி மாறும்? ரூ.44,900 சம்பளத்திற்கு கிடைக்கக்கூடிய புதிய கணக்கு மற்றும் Arrears விவரம் இதோ.

மத்திய அரசு ஊழியர்கள் மற்றும் ஓய்வூதியதாரர்கள் ஆவலுடன் எதிர்பார்த்து வரும் 8-வது ஊதியக் குழுவின் பணிகள் தற்போது தீவிரமாக நடைபெற்று வருகின்றன. ஊதிய உயர்வு, புதிய சம்பள விகிதம், அகவிலைப்படி (DA), வீட்டு வாடகைப்படி (HRA), ஓய்வூதியம் உள்ளிட்ட பல்வேறு அம்சங்கள் குறித்து இந்தக் குழு ஆய்வு செய்து வருகிறது. 8-வது ஊதியக் குழு 2025 நவம்பர் 3-ஆம் தேதி அமைக்கப்பட்டது. குழு தனது பரிந்துரைகளை அமைக்கப்பட்ட நாளிலிருந்து 18 மாதங்களுக்குள் சமர்ப்பிக்க வேண்டும்.

8-வது ஊதியக் குழுவின் முக்கிய நோக்கங்களில் ஒன்று மத்திய அரசு ஊழியர்களின் தற்போதைய ஊதிய அமைப்பை மறுபரிசீலனை செய்வதாகும். குறிப்பாக Basic Pay, Pay Matrix, Allowances, Pension மற்றும் பிற பணப்பலன்கள் குறித்து பரிந்துரைகள் வழங்கப்பட உள்ளன.

தற்போது 7-வது ஊதியக் குழுவின் Pay Matrix அடிப்படையில் ஊதியம் வழங்கப்படுகிறது. புதிய ஊதியக் குழு பரிந்துரைகள் அமல்படுத்தப்பட்டால், தற்போதைய அடிப்படை ஊதியம் புதிய Pay Matrix-க்கு ஏற்ப மாற்றப்படலாம்.

ஆனால், ஊழியர்களுக்கு கிடைக்கப்போகும் சரியான சம்பள உயர்வு இன்னும் அதிகாரப்பூர்வமாக அறிவிக்கப்படவில்லை. எனவே சமூக வலைதளங்களில் வெளியாகும் குறிப்பிட்ட சம்பள அட்டவணைகளை இறுதி முடிவாகக் கருத முடியாது.

8-வது ஊதியக் குழுவில் அதிகம் பேசப்படும் விஷயங்களில் Fitment Factor முக்கியமானது. தற்போதைய Basic Pay-ஐ ஒரு குறிப்பிட்ட காரணியால் பெருக்கி புதிய அடிப்படை ஊதியத்தை நிர்ணயிக்கும் முறையே Fitment Factor ஆகும்.

உதாரணமாக, தற்போதைய Basic Pay ₹44,900 என்று வைத்துக்கொண்டால், 2.1 Fitment Factor என்ற மதிப்பீட்டில்:

₹44,900 × 2.1 = ₹94,290

என்ற அளவுக்கு புதிய Basic Pay வரக்கூடும்.

ஆனால் 2.1 என்பது தற்போது அதிகாரப்பூர்வமாக அறிவிக்கப்பட்ட Fitment Factor அல்ல. இது ஒரு மதிப்பீடு மட்டுமே. உண்மையான Fitment Factor-ஐ 8-வது ஊதியக் குழு பரிந்துரைத்து, அதன் பின்னர் மத்திய அரசு முடிவு செய்ய வேண்டும்.

ஒரு அரசு ஊழியரின் மாத சம்பளம் Basic Pay மட்டும் அல்ல. Basic Pay-ஐ அடிப்படையாகக் கொண்டு பல்வேறு Allowances கணக்கிடப்படுகின்றன. எனவே Basic Pay உயர்ந்தால், அதனுடன் தொடர்புடைய சில படிகளிலும் மாற்றம் ஏற்பட வாய்ப்பு உள்ளது.

குறிப்பாக DA, HRA, Transport Allowance போன்றவை ஊழியர்களின் Take-home Salary-யில் முக்கிய பங்கு வகிக்கின்றன.

இதனால் புதிய Pay Matrix மற்றும் Fitment Factor தீர்மானிக்கப்படும் போது, ஊழியர்களின் மொத்த மாத வருமானத்தில் குறிப்பிடத்தக்க மாற்றம் ஏற்பட வாய்ப்பு உள்ளது.

Dearness Allowance எனப்படும் அகவிலைப்படி, பணவீக்கத்தின் தாக்கத்தை சமாளிக்க மத்திய அரசு ஊழியர்களுக்கு வழங்கப்படும் முக்கியமான சம்பளக் கூறாகும்.

புதிய ஊதியக் குழு அமலுக்கு வரும் போது தற்போதைய DA எவ்வாறு கணக்கிடப்படும், அது புதிய Basic Pay-யில் எவ்வாறு ஒருங்கிணைக்கப்படும் என்பதும் முக்கியமான கேள்வியாக உள்ளது.

புதிய Pay Commission அமல்படுத்தப்படும் போது DA தொடர்பான கணக்கீட்டு முறை மாற்றப்படலாம். ஆனால் இதற்கான இறுதி விதிமுறைகள் இன்னும் வெளியாகவில்லை.

ஊழியர்களின் சம்பளத்தில் House Rent Allowance (HRA) மற்றும் Transport Allowance (TPTA) ஆகியவையும் முக்கியமானவை. HRA என்பது ஊழியர் பணிபுரியும் நகரத்தின் வகையைப் பொறுத்து மாறுபடும். புதிய Basic Pay உயர்ந்தால் HRA கணக்கீட்டிலும் மாற்றம் ஏற்பட வாய்ப்பு உள்ளது. அதேபோல் Transport Allowance-ம் புதிய ஊதிய அமைப்பின் அடிப்படையில் மறுபரிசீலனை செய்யப்படலாம்.

தற்போதைய 7-வது ஊதியக் குழுவில் Level-7 ஊழியரின் தொடக்க Basic Pay ₹44,900 ஆக உள்ளது. 2.1 Fitment Factor என்ற மதிப்பீட்டை எடுத்துக்கொண்டால், புதிய Basic Pay சுமார் ₹94,290 ஆக இருக்கலாம். அதாவது Basic Pay மட்டுமே கணக்கிட்டால் சுமார் ₹49,390 அதிகரிப்பு ஏற்படும் என்ற கணக்கு வருகிறது. ஆனால் இது மாத Take-home Salary ₹49,390 அதிகரிக்கும் என்று பொருளல்ல. ஏனெனில் புதிய DA, HRA, Transport Allowance, NPS உள்ளிட்ட கழிவுகள் மற்றும் பிற சம்பளக் கூறுகளின் அடிப்படையில் இறுதி கையில் கிடைக்கும் தொகை மாறுபடும்.

8-வது ஊதியக் குழுவின் பரிந்துரைகள் 2026 ஜனவரி 1 முதல் அமலுக்கு வரும் என்ற எதிர்பார்ப்பு உள்ளது. மத்திய அரசின் Terms of Reference-லும் வழக்கமான 10 ஆண்டு ஊதியக் குழு சுழற்சியின் அடிப்படையில் 01.01.2026 முதல் தாக்கம் இருக்கும் என குறிப்பிடப்பட்டுள்ளது. ஆனால் பரிந்துரைகள் சமர்ப்பிக்கப்பட்டு, அரசு அவற்றை ஆய்வு செய்து, ஒப்புதல் வழங்கி, இறுதி அறிவிப்பு வெளியிடும் வரை நடைமுறைப்படுத்தும் தேதி உறுதி செய்யப்படாது. அமலாக்கம் பின்னர் நடந்தால், இடைக்காலத்திற்கான Arrears அல்லது நிலுவைத் தொகை எவ்வாறு வழங்கப்படும் என்பது மத்திய அரசின் இறுதி முடிவைப் பொறுத்தது.

ஊதியக் குழுவின் அறிக்கை சமர்ப்பிக்கப்பட்ட உடனேயே சம்பளம் உயர்ந்துவிடும் என்று கூற முடியாது. முதலில் பரிந்துரைகள் மத்திய அரசால் ஆய்வு செய்யப்பட வேண்டும். அதன் பின்னர் ஏற்றுக்கொள்ளப்பட்ட பரிந்துரைகளுக்கு ஏற்ப அமலாக்க அறிவிப்பு வெளியாக வேண்டும். இதனால் Report Date, Approval Date, Implementation Date ஆகியவை மூன்றும் வெவ்வேறு கட்டங்களாகும். நிலுவைத் தொகை எவ்வளவு கிடைக்கும் என்பது எந்த தேதியிலிருந்து புதிய ஊதியம் கணக்கிடப்படுகிறது, எந்த சம்பளக் கூறுகளுக்கு arrears வழங்கப்படுகிறது, Fitment Factor எவ்வளவு நிர்ணயிக்கப்படுகிறது போன்ற பல அம்சங்களைப் பொறுத்தே அமையும்.

8-வது ஊதியக் குழு நாடு முழுவதும் மத்திய அரசு ஊழியர்கள், ஓய்வூதியதாரர்கள், தொழிற்சங்கங்கள் மற்றும் பல்வேறு அமைப்புகளிடம் கருத்துகளைப் பெற்று வருகிறது. அதிகாரப்பூர்வ அட்டவணைப்படி, பெங்களூருவில் அக்டோபர் 7 மற்றும் 8, 2026 ஆகிய தேதிகளில் ஆலோசனைக் கூட்டங்கள் நடைபெறுகின்றன. இதைத் தொடர்ந்து மும்பையில் அக்டோபர் 22 மற்றும் 23 தேதிகளில் ஆலோசனைகள் திட்டமிடப்பட்டுள்ளன. இதன் மூலம் ஊதியம் மட்டுமின்றி Allowances, Pension, பணிச்சூழல் உள்ளிட்ட பல்வேறு அம்சங்களும் பரிசீலிக்கப்படுகின்றன.

8-வது ஊதியக் குழுவுக்கு 18 மாத கால அவகாசம் வழங்கப்பட்டுள்ளது. இதன்படி, 2027 மே மாதத்திற்குள் பரிந்துரைகள் சமர்ப்பிக்கப்பட வாய்ப்பு உள்ளது. அதன்பிறகு மத்திய அரசு பரிந்துரைகளை ஆய்வு செய்து ஏற்றுக்கொள்ளும் நடைமுறை நடைபெறும். எனவே தற்போது ₹94,290 Basic Pay, 2.1 Fitment Factor, குறிப்பிட்ட அளவு Salary Hike அல்லது குறிப்பிட்ட Arrears போன்றவற்றை உறுதியான அரசு அறிவிப்புகளாகக் கருதக்கூடாது. இவை அனைத்தும் எதிர்பார்ப்பு அல்லது கணக்கீட்டு உதாரணங்கள் மட்டுமே.

மொத்தத்தில், 8-வது ஊதியக் குழுவில் Basic Salary உயர்வு, புதிய Pay Matrix, Fitment Factor, DA, HRA, Transport Allowance, Pension மற்றும் Arrears ஆகியவை மிக முக்கியமானதாக உள்ளன. இறுதி அறிக்கை மற்றும் மத்திய அரசின் ஒப்புதல் வெளியான பிறகே ஒவ்வொரு Pay Level-க்கும் புதிய Basic Pay மற்றும் மொத்த சம்பளம் எவ்வளவு என்பதைத் துல்லியமாகத் தெரிந்துகொள்ள முடியும். அதுவரை வெளியாகும் சம்பளக் கணக்கீடுகளை மதிப்பீடுகளாக மட்டுமே பார்க்க வேண்டும்.

Work From Home Jobs : இல்லத்தரசிகளுக்கு ஏற்ற 7 உண்மையான WFH வேலைகள்! டீசன்டான சம்பளம், நம்பகமான வாய்ப்புகள்!

Arun Mozhi Varman — Wed, 07 Oct 2026 14:41:25 +0530

Work From Home Jobs : வீட்டைக் கவனித்துக்கொண்டே வேலை செய்ய விரும்பும் பெண்களுக்கு வாடிக்கையாளர் சேவை, ஆன்லைன் டியூஷன், உள்ளடக்க எழுத்து, மெய்நிகர் உதவியாளர் உள்ளிட்ட 7 உண்மையான WFH வாய்ப்புகளைப் பார்க்கலாம்.

குடும்பப் பொறுப்புகளால் அலுவலகத்துக்குச் சென்று முழுநேர வேலை செய்ய முடியாத பெண்களுக்கு, வீட்டிலிருந்தே செய்யக்கூடிய வேலைகள் தற்போது அதிகரித்து வருகின்றன. ஆனால் சமூக வலைத்தளங்களில் வரும் வீட்டிலிருந்தே தினமும் 2 மணி நேரம் வேலை செய்து ரூ.50,000 சம்பாதிக்கலாம் போன்ற விளம்பரங்களை நம்புவது ஆபத்தானது.

உண்மையான WFH வேலைகள் இருக்கின்றன. ஆனால் அவற்றிலும் தகுதி, திறமை, வேலை நேரம், அனுபவம் ஆகியவற்றைப் பொறுத்துதான் சம்பளம் மாறும். வாடிக்கையாளர் சேவை, ஆன்லைன் கற்பித்தல், உள்ளடக்க எழுத்து, மெய்நிகர் உதவியாளர் உள்ளிட்ட வேலைகளில் பெண்களுக்கு வாய்ப்புகள் உள்ளன.

இதையும் படிங்க : Leftover Rice Cutlet : மீந்த சாதத்தில் மொறுமொறு கட்லெட்! ஈஸியான மாலை நேர ஸ்நாக்ஸ்!

வாடிக்கையாளர்களின் கேள்விகளுக்கு தொலைபேசி, மின்னஞ்சல் அல்லது இணைய உரையாடல் மூலம் பதில் அளிப்பது இந்த வேலையின் முக்கியப் பணி.

அமேசான் நிறுவனத்தின் தமிழ்நாட்டுக்கான மெய்நிகர் வாடிக்கையாளர் சேவை பணியிடங்களில் வீட்டிலிருந்து பணிபுரியும் வாய்ப்புகள் இடம்பெற்றுள்ளன. குறிப்பிட்ட பணியிடங்களில் முன் அனுபவம் கட்டாயமில்லை என்றும், பயிற்சி வழங்கப்படும் என்றும் தெரிவிக்கப்பட்டுள்ளது.

காக்னிசன்ட் நிறுவனத்திலும் வீட்டிலிருந்து பணிபுரியும் வாடிக்கையாளர் சேவைப் பணியிடங்கள் இடம்பெற்றுள்ளன. தொலைபேசி, இணைய உரையாடல் மற்றும் மின்னஞ்சல் வழியாக வாடிக்கையாளர்களை கையாள்வது போன்ற பணிகள் இதில் இருக்கலாம். தமிழ், ஆங்கிலம் இரண்டிலும் நன்றாகப் பேசத் தெரிந்த பெண்களுக்கு இந்தப் பிரிவு பொருத்தமாக இருக்கலாம்.

இதையும் படிங்க : Rice Price : தீபாவளிக்குள் ஒரு கிலோ அரிசி ரூ.100 ஆகுமா? திடீர் விலை உயர்வுக்கு என்ன காரணம்? முழு விவரம்!

பள்ளி பாடங்கள், மொழிப்பாடங்கள் அல்லது தங்களுக்குத் தெரிந்த சிறப்பு திறன்களை ஆன்லைனில் மாணவர்களுக்கு கற்றுக்கொடுக்கலாம்.

அர்பன் ப்ரோ தளத்தில் சென்னைக்கான ஆன்லைன் கற்பித்தல் பணிகளுக்கென தனிப்பட்ட பிரிவு உள்ளது. வீட்டிலிருந்தே மாணவர்களுக்கு கற்றுக்கொடுக்கவும், தங்களுக்கு வசதியான நேரத்தைத் தேர்வு செய்யவும் முடியும் என்று அந்த தளம் குறிப்பிடுகிறது.

முன்பு பள்ளியில் ஆசிரியராக பணியாற்றியவர்கள் மட்டுமல்லாமல், ஒரு குறிப்பிட்ட பாடத்தில் நல்ல அறிவு கொண்ட பட்டதாரிகளும் இந்த வழியைப் பயன்படுத்தலாம். கணிதம், ஆங்கிலம், அறிவியல், தமிழ், ஹிந்தி போன்ற பாடங்களுடன் இசை, ஓவியம் போன்ற திறன்களுக்கும் ஆன்லைன் கற்றல் வாய்ப்புகள் இருக்கலாம்.

இங்கே ஒரு முக்கியமான விஷயம்: இது நிரந்தர மாதச் சம்பளம் கிடைக்கும் வேலை என்று கருதக்கூடாது. மாணவர்களின் எண்ணிக்கை, வகுப்பு கட்டணம் மற்றும் நீங்கள் எடுக்கும் வகுப்புகளின் எண்ணிக்கையைப் பொறுத்தே வருமானம் மாறும்.

இதையும் படிங்க : Surya Peyarchi : சித்திரை நட்சத்திரத்திற்கு செல்லும் சூரியன்! அக்டோபர் 11 முதல் பணவரவு அதிகரிக்கும் 4 ராசிகள்!

தமிழ் அல்லது ஆங்கிலத்தில் நன்றாக எழுதத் தெரிந்த பெண்களுக்கு உள்ளடக்க எழுத்து, மொழிபெயர்ப்பு, சரிபார்ப்பு, சமூக ஊடக உள்ளடக்கம் போன்ற பணிகள் வீட்டிலிருந்தே செய்யக்கூடிய வாய்ப்புகளாக உள்ளன.

தற்போதைய வேலைவாய்ப்பு தளங்களில் வீட்டிலிருந்து செய்யக்கூடிய உள்ளடக்க எழுத்தாளர் மற்றும் எழுத்துப் பணியிடங்கள் இடம்பெற்றுள்ளன. காக்னிசன்ட் நிறுவனத்திலும் வீட்டிலிருந்து செய்யக்கூடிய டிஜிட்டல் உள்ளடக்கப் பணியிடம் இடம்பெற்றுள்ளது. இதில் இணைய உள்ளடக்க மேலாண்மை, உள்ளடக்க சரிபார்ப்பு போன்ற பணிகள் உள்ளன.

தமிழில் எழுதும் திறன், ஆங்கிலத்திலிருந்து தமிழுக்கு மொழிபெயர்க்கும் திறன் அல்லது பிழையில்லாமல் எழுதும் திறன் இருந்தால், இந்தப் பிரிவில் வாய்ப்புகளைத் தேடலாம். முன் அனுபவம் இருந்தால் அதிக பொறுப்புள்ள பணிகளுக்கு விண்ணப்பிக்கவும் வாய்ப்பு உள்ளது.

இதையும் படிங்க : Deepavali Sarees : இந்த தீபாவளிக்கு எந்த பட்டுப்புடவை வாங்கலாம்? டாப் 7 ட்ரெண்டிங் கலெக்‌ஷன்ஸ் இதோ!

மெய்நிகர் உதவியாளர் வேலை என்பது ஒருவரின் அல்லது ஒரு நிறுவனத்தின் தினசரி அலுவலகப் பணிகளை இணையம் வழியாக செய்து கொடுப்பது. மின்னஞ்சல்களை நிர்வகித்தல், இணையத்தில் தகவல் தேடுதல், ஆவணங்களைத் தயாரித்தல், அட்டவணைகளைப் பராமரித்தல், சந்திப்பு நேரங்களை ஒழுங்குபடுத்துதல் போன்ற பணிகள் இதில் இருக்கலாம்.

விங் அசிஸ்டன்ட் நிறுவனத்தின் இந்தியாவுக்கான தொலைதூரப் பணியிடங்களில் பொதுவான மெய்நிகர் உதவியாளர், தனிப்பட்ட உதவியாளர், வாடிக்கையாளர் சேவை, உள்ளடக்க எழுத்து மற்றும் சமூக ஊடக உதவியாளர் போன்ற பணிகள் இடம்பெற்றுள்ளன. கணினியில் அடிப்படை வேலைகளைச் செய்யத் தெரிந்தவர்கள், மின்னஞ்சல் மற்றும் இணையப் பயன்பாட்டில் நன்றாக இருப்பவர்கள் இந்த வேலையைப் பரிசீலிக்கலாம்.

இதையும் படிங்க : Deepavali Offers : தங்க நகை முதல் டிவி, ஃப்ரிட்ஜ் வரை! தீபாவளிக்கு எங்கெல்லாம் தள்ளுபடி? முழு லிஸ்ட்!

தரவு உள்ளீடு என்பது WFH வேலை தேடும் பெண்கள் அதிகம் பார்க்கும் பிரிவுகளில் ஒன்று. நிறுவனத்தின் தரவுகளை விரிதாள் போன்ற ஆவணங்களில் உள்ளிடுதல், இணையத்தில் தகவல்களைத் தேடி தொகுத்தல் போன்ற பணிகள் இதில் இருக்கலாம்.

தற்போதைய அப்வொர்க் தளத்தில் இந்தியாவிலிருந்து செய்யக்கூடிய தரவு உள்ளீடு மற்றும் இணையத் தேடல் பணியிடங்கள் உள்ளன. சில பணிகள் பகுதி நேரமாகவும், சில தொடர்ந்து செய்யக்கூடிய பணிகளாகவும் இருக்கின்றன. சமூக ஊடகங்களில் ஆர்வம் உள்ளவர்கள், சமூக ஊடக உதவியாளர் அல்லது சமூக ஊடக உள்ளடக்கப் பணிகளையும் தேடலாம்.

ஆனால் இந்தப் பிரிவில் சம்பளம் மிகவும் மாறுபடும். எனவே ஒரு வேலை விளம்பரத்தைப் பார்த்தவுடன் மாத வருமானத்தை உறுதி செய்யப்பட்டதாக நினைக்கக்கூடாது.

இதையும் படிங்க : Glass Idli : இட்லி தட்டு வேண்டாம்! டம்ளரில் பஞ்சு மாதிரி இட்லி செய்வது எப்படி?

வீட்டிலிருந்து வேலை தேடும் பெண்களை குறிவைத்து போலியான வேலைவாய்ப்பு மோசடிகளும் நடக்கின்றன. பதிவு கட்டணம், பாதுகாப்புத் தொகை, வேலை பெறுவதற்கான முன்பணம், கட்டாயப் பயிற்சிக் கட்டணம் என்று பணம் கேட்கும் வேலைகளிடம் மிகவும் கவனமாக இருக்க வேண்டும்.

உதாரணமாக, ஜென்பாக்ட் நிறுவனத்தின் வேலைவாய்ப்பு பக்கத்திலேயே, தங்களது ஆட்சேர்ப்பு நடைமுறையில் பங்கேற்க விண்ணப்பதாரர்களிடம் பணம் கேட்கப்படாது என்று தெளிவாகக் குறிப்பிடப்பட்டுள்ளது.

எனவே WFH வேலைக்கு விண்ணப்பிக்கும் முன்:

நிறுவனத்தின் அதிகாரப்பூர்வ வேலைவாய்ப்பு பக்கத்தைப் பாருங்கள்.
வேலை விவரம், தகுதி, வேலை நேரம் ஆகியவற்றை முழுமையாகப் படியுங்கள்.
முன்பணம் அல்லது பாதுகாப்புத் தொகை கேட்டால் எச்சரிக்கையாக இருங்கள்.
வங்கி கடவுச்சொல், ஒருமுறை பயன்படுத்தும் ரகசியக் குறியீடு போன்ற முக்கிய தகவல்களை யாரிடமும் கொடுக்காதீர்கள்.

வீட்டிலிருந்தே வேலை செய்ய வேண்டும் என்பதற்காக சம்பளத்தை உறுதி செய்கிறோம் என்று கூறும் எந்த விளம்பரத்தையும் உடனே நம்ப வேண்டாம். உங்கள் கல்வி, அனுபவம் மற்றும் திறமைக்கு பொருத்தமான வேலையைத் தேர்வு செய்தால், குடும்பப் பொறுப்புகளுடன் சேர்த்து ஒரு நிலையான தொழில் பாதையையும் உருவாக்க முடியும்.

இதையும் படிங்க : Kulfi : கடையில வாங்க வேண்டாம்! டேஸ்டியான 5 குல்ஃபி ரெசிப்பிகள்.. வீட்டிலேயே ஈஸியா செய்யலாம்!

8th Pay Commission: 8-வது ஊதியக் குழு பரிந்துரை தாமதமானால் ரூ.3.32 லட்சம் வரை நஷ்டம்! யாருக்கு பாதிப்பு?

Vedarethinam Ramalingam — Mon, 05 Oct 2026 16:12:36 +0530

8-வது ஊதியக் குழுவின் பரிந்துரைகள் சரியான நேரத்தில் சமர்ப்பிக்கப்படாவிட்டால், மத்திய அரசு ஊழியர்கள் பெரும் நிதி இழப்பைச் சந்திக்க நேரிடும். இதனால் ஊழியர்களுக்கு ரூ.3.32 லட்சம் வரை நஷ்டம் ஏற்பட வாய்ப்புள்ளது.

8-வது ஊதியக் குழுவின் பரிந்துரைகளைச் சமர்ப்பிப்பதில் தாமதம் ஏற்பட்டால், மத்திய அரசு ஊழியர்கள் பெரிய அளவில் நிதி இழப்பைச் சந்திக்கலாம். குறிப்பிட்ட பே லெவலில் (Pay Level) உள்ள ஊழியர்களுக்கு இந்த நஷ்டம் பல லட்சங்களைத் தாண்டும் எனத் தகவல் வெளியாகியுள்ளது. சிலருக்கு அதிகபட்சமாக ரூ.3.32 லட்சம் வரை கூட இழப்பு ஏற்படலாம்.

இதையும் கிளிக் செய்யலாமே - 8th Pay Commission Arrears: 8-வது ஊதியக் குழு தாமதமானால் எவ்வளவு அரியர்ஸ் கிடைக்கும்? லட்சங்களில் பணம்!

2025 நவம்பரில் 8-வது ஊதியக் குழு அமைக்கப்பட்ட பிறகு, ஏற்கெனவே 10 மாதங்கள் கடந்துவிட்டன. விதிமுறைகளின்படி, குழு அமைக்கப்பட்ட 18 மாதங்களுக்குள் தங்களது பரிந்துரைகளை அவர்கள் சமர்ப்பிக்க வேண்டும். அதாவது, அந்த காலக்கெடுவுக்குள் சம்பளம், படிகள் தொடர்பான அறிக்கையை மத்திய அரசிடம் கொடுப்பது மிகவும் முக்கியம்.

இதையும் கிளிக் செய்யவும் - Govt Scheme: விவசாயிகளுக்கு ஜாக்பாட்! 50% மானியத்தில் டிராக்டர், பவர் டில்லர் – தமிழ்நாடு அரசின் அதிரடி திட்டம்!

குழு அமைக்கப்பட்டு 10 மாதங்கள் முடிந்துவிட்டதால், 18 மாத காலக்கெடுவில் பெரும்பகுதி முடிந்துவிட்டது. இதனால், பரிந்துரைகளைத் தயார் செய்து சமர்ப்பிக்க மிகக் குறைவான நேரமே உள்ளது. இந்த காலக்கெடுவை மீறினால், ஊழியர்களுக்கான புதிய சம்பளக் கட்டமைப்பை அமல்படுத்துவதிலும் சிக்கல் ஏற்படும்.

இதையும் கிளிக்செய்யலாமே - D-Mart Bill Shock: ரூ.1,000-க்கு மட்டும் பொருட்கள் வாங்கப் போய் ரூ.3,000 பில் வருவது ஏன்? நடுத்தர மக்கள் தெரிந்துகொள்ள வேண்டிய ரகசியம்!

சம்பளத் திருத்தத்துடன் தொடர்புடைய அரியர்ஸ் (Arrears) கணக்கீடுதான் இதற்கு முக்கியக் காரணம். பொதுவாக, புதிய சம்பளக் கட்டமைப்பு அமலுக்கு வந்தால், ஒரு குறிப்பிட்ட தேதியிலிருந்து ஊழியர்களின் உயர்த்தப்பட்ட அடிப்படைச் சம்பளத்தின்படி அரியர்ஸ் கணக்கிடப்படும். பரிந்துரைகள் தாமதமானால், ஊழியர்களுக்குக் கிடைக்க வேண்டிய தொகையிலும் மாற்றம் வரலாம்.

8-வது ஊதியக் குழுவின் பரிந்துரைப்படி அடிப்படைச் சம்பளம் (Basic Pay) அதிகரித்தால், அந்தத் திருத்தப்பட்ட சம்பளத்தின் அடிப்படையில் அரியர்ஸ் கிடைக்க வாய்ப்புள்ளது. புதிய சம்பளக் கட்டமைப்பு எந்தத் தேதியில் அமலுக்கு வருகிறதோ, அதற்கேற்ப ஊழியர்களின் நிலுவைத் தொகை கணக்கிடப்படும். இதனால்தான் பரிந்துரைகளைச் சரியான நேரத்தில் சமர்ப்பிப்பது அவசியம்.

அடிப்படைச் சம்பளம் மட்டுமின்றி, அகவிலைப்படி (DA) என்பதும் ஊழியர்களின் மொத்தச் சம்பளத்தில் மிக முக்கியமான ஒரு பகுதி. புதிய சம்பளக் கட்டமைப்புக்கு முன்பும் பின்பும் DA எப்படிக் கணக்கிடப்படுகிறது என்பதைப் பொறுத்தே ஊழியர்களின் நிதிப் பலன்கள் அமையும். பரிந்துரைகள் தாமதமானால், DA அரியர்ஸ் கிடைப்பதிலும் சிக்கல் எழலாம்.

ஊழியர்களின் நிதிப் பலன்களில் வீட்டு வாடகைப் படி (HRA) மற்றும் போக்குவரத்துப் படி (TPTA) ஆகியவையும் முக்கியமானவை. புதிய சம்பளக் கட்டமைப்பு வந்த பிறகு, இந்தப் படிகள் எப்படிக் கணக்கிடப்படும் என்பது ஊதியக் குழுவின் பரிந்துரை மற்றும் அரசின் முடிவைப் பொறுத்தது. தாமதம் ஏற்பட்டால், இந்தப் படிகளுக்கான அரியர்ஸ் முழுமையாகக் கிடைக்குமா என்ற சந்தேகம் எழுகிறது.

இந்த எல்லா விஷயங்களையும் வைத்துப் பார்க்கும்போதுதான், குறிப்பிட்ட பே லெவலில் உள்ள ஊழியர்களுக்கு ஏற்படக்கூடிய நிதி இழப்பு குறித்த கணக்கீடு வெளியாகியுள்ளது. சம்பளத் திருத்தம், DA, HRA மற்றும் TPTA அரியர்ஸ் முழுமையாகக் கிடைக்காவிட்டால், சில ஊழியர்களுக்கு ரூ.3.32 லட்சம் வரை நஷ்டம் ஏற்படலாம் எனக் கூறப்படுகிறது. எனினும், இது ஒரு உத்தேசக் கணக்கீடுதானே தவிர, அதிகாரப்பூர்வமானது அல்ல. 8-வது ஊதியக் குழுவின் இறுதிப் பரிந்துரை மற்றும் மத்திய அரசின் முடிவுக்குப் பிறகே உண்மையான நிலவரம் தெரியவரும்.

Bank Job Without Exam: கனரா வங்கியில் 3,500 வேலைவாய்ப்பு! தேர்வே இல்லை.. ரூ.16,650 சம்பளம்..

Asianet News — Sat, 03 Oct 2026 07:19:51 +0530

கனரா வங்கியில் 3,500 அப்ரண்டீஸ் பணியிடங்கள் அறிவிக்கப்பட்டுள்ள நிலையில், பட்டதாரிகளுக்கு புதிய வேலைவாய்ப்பு கிடைத்துள்ளது. எழுத்துத் தேர்வு இன்றி மெரிட் அடிப்படையில் தேர்வு நடைபெற உள்ளதால், தகுதியானவர்கள் அக்டோபர் 17, 2026க்குள் விண்ணப்பிக்கலாம்.

பட்டப்படிப்பு முடித்துவிட்டு வங்கி துறையில் அனுபவம் பெற காத்திருக்கும் இளைஞர்களுக்கு கனரா வங்கி புதிய வாய்ப்பை அறிவித்துள்ளது. 2026-27 நிதியாண்டிற்காக நாடு முழுவதும் 3,500 Graduate Apprentice பயிற்சி இடங்கள் அறிவிக்கப்பட்டுள்ளன. இதில் தமிழ்நாட்டிற்கு மட்டும் 391 இடங்கள் ஒதுக்கப்பட்டுள்ளன.

இந்த வாய்ப்பின் முக்கிய சிறப்பு, வழக்கமான வங்கி ஆட்சேர்ப்பைப் போல எழுத்துத் தேர்வு நடத்தப்படுவதில்லை. விண்ணப்பதாரர்களின் 12ஆம் வகுப்பு அல்லது டிப்ளமோ மதிப்பெண் அடிப்படையில் மாநில வாரியான மெரிட் பட்டியல் தயாரிக்கப்படும். அதன் பின்னர் ஆவண சரிபார்ப்பு, தேவையான இடங்களில் உள்ளூர் மொழித் தேர்வு மற்றும் மருத்துவத் தகுதி அடிப்படையில் இறுதித் தேர்வு நடைபெறும்.

3,500 இடங்களில் தமிழகத்திற்கு 391!

கனரா வங்கியின் அறிவிப்பின்படி மொத்தம் 3,500 பயிற்சி இடங்கள் உள்ளன. மாநில வாரியாக குறிப்பிடத்தக்க காலியிடங்கள்:

• கர்நாடகா – 581

• உத்தரப் பிரதேசம் – 409

• தமிழ்நாடு – 391

• ஆந்திரப் பிரதேசம் – 247

• கேரளா – 240

• மகாராஷ்டிரா – 205

• மேற்கு வங்கம் – 150

• தெலங்கானா – 134

• பீகார் – 122

• ஹரியானா – 114

• மத்தியப் பிரதேசம் – 110

• ஒடிசா – 104

தமிழ்நாட்டில் உள்ள 391 இடங்களில் SC, ST, OBC, EWS மற்றும் பொதுப்பிரிவினருக்கான இடஒதுக்கீடுகளும் அறிவிக்கப்பட்டுள்ளன.

யார் விண்ணப்பிக்கலாம்?

அங்கீகரிக்கப்பட்ட பல்கலைக்கழகம் அல்லது மத்திய அரசால் அங்கீகரிக்கப்பட்ட நிறுவனத்தில் எந்தப் பாடப்பிரிவிலும் பட்டப்படிப்பு முடித்தவர்கள் விண்ணப்பிக்கலாம்.

ஆனால் ஒரு முக்கிய நிபந்தனை உள்ளது. விண்ணப்பதாரர் தனது பட்டப்படிப்பை 01.01.2023 முதல் 01.09.2026க்குள் முடித்திருக்க வேண்டும். அதற்கு முன்பாக பட்டம் பெற்றவர்கள் இந்த வாய்ப்புக்கு தகுதியற்றவர்கள்.

01.09.2026 அன்று 20 முதல் 28 வயதுக்குள் இருக்க வேண்டும்.

அதாவது, விண்ணப்பதாரர் 02.09.1998 முதல் 01.09.2006 வரை பிறந்தவராக இருக்க வேண்டும்.

அரசு விதிகளின்படி:

• SC/ST – 5 ஆண்டுகள்

• OBC (Non-Creamy Layer) – 3 ஆண்டுகள்

• PwBD – 10 ஆண்டுகள்

என வயது தளர்வு வழங்கப்படுகிறது. விதிமுறைகளுக்கு உட்பட்டு சில பிரிவைச் சேர்ந்த பெண்களுக்கும் கூடுதல் வயது சலுகை உள்ளது.

எழுத்துத் தேர்வு இல்லை.. ஆனால் மெரிட் முக்கியம்!

இந்த ஆட்சேர்ப்பில் தனி எழுத்துத் தேர்வு இல்லை. விண்ணப்பித்தவர்களின் 12ஆம் வகுப்பு அல்லது டிப்ளமோ மதிப்பெண் சதவீதத்தின் அடிப்படையில் மாநில வாரியாக மெரிட் பட்டியல் தயாரிக்கப்படும்.

பொதுப் பிரிவினருக்கு குறைந்தபட்சம் 60%, SC/ST/PwBD பிரிவினருக்கு 55% மதிப்பெண் 12ஆம் வகுப்பு/டிப்ளமோவில் இருக்க வேண்டும்.

ஒரே மதிப்பெண் பெற்றவர்கள் இருந்தால், வயதில் மூத்தவர்களுக்கு மெரிட் பட்டியலில் முன்னுரிமை வழங்கப்படும்.

உள்ளூர் மொழி தெரிந்திருக்க வேண்டும்!

விண்ணப்பிக்கும் மாநிலத்திற்கு ஏற்ப உள்ளூர் மொழி அறிவு முக்கியமானது.

உதாரணமாக, தமிழ்நாட்டில் விண்ணப்பிப்பவர்கள் தமிழ் மொழி அறிவு கொண்டிருக்க வேண்டும். 10 அல்லது 12ஆம் வகுப்பு மதிப்பெண் சான்றிதழில் அந்த உள்ளூர் மொழியைப் படித்திருப்பது நிரூபிக்கப்பட்டால் தனியாக மொழித் தேர்வு எழுத வேண்டியதில்லை.

அப்படி சான்று இல்லாதவர்களுக்கு Document Verification நேரத்தில் உள்ளூர் மொழித் தேர்வு நடத்தப்படும். அதில் தகுதி பெறாவிட்டால் அப்ரண்டீசாக சேர முடியாது.

தேர்வு செய்யப்படும் அப்ரண்டீஸ்களுக்கு 12 மாதங்கள் பயிற்சி வழங்கப்படும். இந்த காலகட்டத்தில் மாதம் ரூ.16,650 உதவித்தொகை வழங்கப்படும்.

இதில் கனரா வங்கி சார்பில் மாதம் ரூ.10,500 வழங்கப்படும். மீதமுள்ள ரூ.6,150 அரசு பங்காக DBT மூலம் வங்கி கணக்கில் செலுத்தப்படும் என அறிவிப்பில் குறிப்பிடப்பட்டுள்ளது.

இது நிரந்தர வங்கி வேலை அல்ல!

விண்ணப்பிக்கும் முன் கவனிக்க வேண்டிய முக்கிய விஷயம் இதுதான். இது Apprentices Act, 1961 கீழ் வழங்கப்படும் 12 மாத பயிற்சி வாய்ப்பு. அப்ரண்டீஸ்கள் கனரா வங்கியின் நிரந்தர ஊழியர்களாக கருதப்பட மாட்டார்கள்.

மேலும், பயிற்சி முடிந்த பிறகு கனரா வங்கி நிரந்தர வேலை வழங்கும் என்ற உத்தரவாதமும் இல்லை. பயிற்சி நிறைவடைந்ததும் அந்தப் பயிற்சி ஒப்பந்தம் முடிவடையும்.

ஒரு மாநிலத்தை மட்டுமே தேர்வு செய்ய முடியும்

விண்ணப்பதாரர்கள் இந்த ஆட்சேர்ப்பில் ஒரே ஒரு மாநிலத்தை மட்டுமே தேர்வு செய்ய முடியும். தேர்வு செய்த மாநிலத்திற்குள் மாவட்டங்களுக்கு முன்னுரிமை வரிசையை குறிப்பிடும் வாய்ப்பு வழங்கப்படும்.

ஆனால் இறுதியில் பயிற்சி நடைபெறும் மாவட்டத்தை வங்கியின் நிர்வாகத் தேவைக்கு ஏற்ப கனரா வங்கி ஒதுக்க முடியும்.

ஏற்கனவே கனரா வங்கி அல்லது வேறு நிறுவனத்தில் Apprenticeship Training முடித்தவர்கள் அல்லது தற்போது Apprenticeship பயிற்சியில் இருப்பவர்கள் விண்ணப்பிக்க முடியாது.

மேலும், பட்டப்படிப்பு முடித்த பிறகு ஒரு வருடம் அல்லது அதற்கு மேற்பட்ட வேலை/பயிற்சி அனுபவம் பெற்றவர்களும் இந்த அப்ரண்டீஸ் வாய்ப்புக்கு தகுதியற்றவர்கள் என அறிவிப்பில் குறிப்பிடப்பட்டுள்ளது.

விண்ணப்பிப்பது எப்படி?

முதலில் National Apprenticeship Training Scheme (NATS) இணையதளத்தில் பதிவு செய்து, உங்கள் சுயவிவரத்தை 100% முழுமையாக பூர்த்தி செய்ய வேண்டும். அதன் பிறகு கிடைக்கும் Enrollment ID-ஐ பயன்படுத்தி கனரா வங்கியின் அதிகாரப்பூர்வ இணையதளத்தில் விண்ணப்பிக்க வேண்டும்.

விண்ணப்பம் 01.10.2026 முதல் 17.10.2026 வரை நடைபெறுகிறது. வேறு எந்த முறையிலும் விண்ணப்பங்களை வங்கி ஏற்காது.

விண்ணப்பக் கட்டணம்:

• SC/ST/PwBD – கட்டணம் இல்லை

• மற்றவர்கள் – ரூ.500

கட்டணம் திரும்ப வழங்கப்படாது.

விண்ணப்பிக்கும் போது புகைப்படம், கையொப்பம், இடது கை கட்டைவிரல் ரேகை மற்றும் ஆங்கிலத்தில் கையால் எழுதப்பட்ட Declaration ஆகியவற்றை பதிவேற்ற வேண்டும்.

முக்கியமாக தெரிந்துகொள்ள வேண்டியது

இந்த வாய்ப்பு பட்டப்படிப்பு முடித்த புதியவர்களுக்கு வங்கி துறையில் ஒரு வருட நடைமுறை அனுபவத்தைப் பெறுவதற்கான பயிற்சி வாய்ப்பு. ஆனால் இது நிரந்தர Canara Bank employee பதவி அல்ல என்பதையும், தேர்வு இல்லாவிட்டாலும் 12ஆம் வகுப்பு/டிப்ளமோ மதிப்பெண்களில் குறைந்தபட்ச தகுதி மற்றும் மெரிட் போட்டி இருப்பதையும் விண்ணப்பதாரர்கள் கவனத்தில் கொள்ள வேண்டும்.

விண்ணப்பிக்க கடைசி நாள்: 17.10.2026. அதிகாரப்பூர்வ அறிவிப்பின்படி, NATS பதிவை முடித்த பிறகே கனரா வங்கி விண்ணப்பத்தை சமர்ப்பிக்க முடியும்.

8th Pay Commission: ரிட்டயர்மென்ட்டுக்கு அப்புறம் மாசம் ரூ.68,000 பென்ஷன் கிடைக்குமா?

Vedarethinam Ramalingam — Mon, 05 Oct 2026 16:32:48 +0530

8-வது ஊதியக் குழு வந்ததும், 2026-க்குப் பிறகு ரிட்டயர் ஆகும் மத்திய அரசு ஊழியர்களின் பென்ஷன் தொகை மாறப்போகுது. லெவல் 5 முதல் 9 வரை உள்ள ஊழியர்களுக்கு 2.1, 2.28, 2.57 ஆகிய ஃபிட்மென்ட் ஃபேக்டர்களை வெச்சு பென்ஷன் எவ்வளவு வரும்னு கணக்கு போட்டிருக்காங்க.

ஜனவரி 1, 2026 அன்னைக்கு அல்லது அதுக்கு அப்புறம் ரிட்டயர் ஆகும் மத்திய அரசு ஊழியர்களின் பென்ஷனை 8-வது ஊதியக் குழு மாற்றி அமைக்க வாய்ப்பிருக்கு. பழைய பென்ஷன் திட்டத்துல இருக்கிற லெவல் 5 முதல் 9 வரை உள்ள ஊழியர்களுக்கு 2.1, 2.28, 2.57 ஆகிய மூணு ஃபிட்மென்ட் ஃபேக்டர்களை வெச்சு அடிப்படை பென்ஷனை கணக்கிட்டு இருக்காங்க. அதிகாரப்பூர்வ அறிவிப்பு வந்தாதான் உண்மையான பென்ஷன் தொகை எவ்வளவுனு உறுதியா தெரியும்.

இப்போதைய ரூல்ஸ் படி, ஒரு ஊழியர் பென்ஷன் வாங்கணும்னா குறைஞ்சது 10 வருஷம் சர்வீஸ் பண்ணியிருக்கணும். ஜனவரி 1, 2006-ல் இருந்து, கடைசியா வாங்கிய அடிப்படை சம்பளம் அல்லது ரிட்டயர் ஆகுறதுக்கு முந்தைய 10 மாச சராசரி அடிப்படை சம்பளத்துல 50 சதவீதம், இதுல எது அதிகமோ அதைத்தான் பென்ஷனா கொடுக்குறாங்க. 7-வது ஊதியக் குழுவின் படி, குறைந்தபட்ச பென்ஷன் மாசம் ரூ.9,000, அதிகபட்சம் ரூ.1.25 லட்சம்.

2.1 ஃபிட்மென்ட் ஃபேக்டரை வெச்சு பார்த்தா, லெவல் 5 ஊழியர்களுக்கு மாசம் ரூ.30,660-ல் ஆரம்பிச்சு லெவல் 9 ஊழியர்களுக்கு ரூ.55,755 வரை பென்ஷன் கிடைக்கலாம். லெவல் 6 ஊழியர்கள் ரூ.37,170, லெவல் 7 ஊழியர்கள் ரூ.47,145, லெவல் 8 ஊழியர்கள் ரூ.49,980 பென்ஷனா வாங்க வாய்ப்பிருக்கு. 7-வது ஊதியக் குழுவின் குறைந்தபட்ச பென்ஷனை 2.1-ஆல் பெருக்கி இந்த தொகையை கணக்கு போட்டிருக்காங்க.

2.28 ஃபிட்மென்ட் ஃபேக்டரை பயன்படுத்தினா பென்ஷன் தொகை இன்னும் அதிகமாகும். இதன்படி, லெவல் 5 ஊழியர்கள் மாசம் ரூ.33,288, லெவல் 6 ஊழியர்கள் ரூ.40,356 பென்ஷன் வாங்கலாம். லெவல் 7, 8, 9 ஊழியர்களுக்கு முறையே ரூ.51,186, ரூ.54,264, ரூ.60,534 பென்ஷனா கிடைக்க வாய்ப்பிருக்கு. 7-வது ஊதியக் குழுவின் குறைந்தபட்ச பென்ஷனை அடிப்படையா வெச்சுதான் இதையும் கணக்கிட்டு இருக்காங்க.

இருக்கிறதிலேயே அதிகபட்சமா 2.57 ஃபிட்மென்ட் ஃபேக்டரை வெச்சு ஒரு கணக்கு போட்டிருக்காங்க. இதன்படி, லெவல் 5 ஊழியர்களுக்கு ரூ.37,522, லெவல் 6 ஊழியர்களுக்கு ரூ.45,489 பென்ஷன் கிடைக்கலாம். லெவல் 7 மற்றும் 8 ஊழியர்களுக்கு முறையே ரூ.57,697, ரூ.61,166 கிடைக்க வாய்ப்பிருக்கு. லெவல் 9 ஊழியர்களுக்கு அதிகபட்சமா மாசம் ரூ.68,234 பென்ஷனா கிடைக்கலாம்.

இந்த ஃபிட்மென்ட் ஃபேக்டர்கள் பென்ஷன் தொகையில எவ்வளவு பெரிய மாற்றத்தை ஏற்படுத்துதுனு இந்த கணக்குகள் காட்டுது. உதாரணமா, லெவல் 9 ஊழியர்களுக்கு 2.1 ஃபேக்டரில் ரூ.55,755-ஆக இருக்கும் பென்ஷன், 2.57 ஃபேக்டரில் ரூ.68,234-ஆக உயருது. அதேபோல, லெவல் 5 ஊழியர்களுக்கு ரூ.30,660-ல் இருந்து ரூ.37,522 வரை பென்ஷன் அதிகரிக்கலாம். ஆனா, இதெல்லாம் ஒரு உத்தேச கணக்குதானே தவிர, உறுதியான தொகை கிடையாது.

இந்த பென்ஷன் கால்குலேட்டர் எல்லாமே 7-வது ஊதியக் குழுவின் குறைந்தபட்ச பென்ஷனை வெச்சு போட்ட ஒரு உத்தேச கணக்குதான். 8-வது ஊதியக் குழுவோட பரிந்துரைகள், மத்திய அரசின் இறுதி முடிவு வந்த பிறகுதான் உண்மையான பென்ஷன் தொகை எவ்வளவுனு நமக்குத் தெரியும். அதனால, ரூ.68,234 தான் நமக்கு பென்ஷனா கிடைக்கும்னு ஊழியர்கள் இப்போதே முடிவு பண்ணிடக் கூடாது.

18 மாதங்களில் இல்லாத உச்சம்... இந்தியாவில் 1.2 லட்சம் டெக் வேலைகள்; யாருக்கு அதிக வாய்ப்பு?

Kiruthickraj D — Tue, 06 Oct 2026 13:14:15 +0530

இந்தியாவின் ஆப்பில் உள்ள தொழில்நுட்ப வேலைவாய்ப்பு சந்தை அக்டோபரில் 1.2 லட்சமாக உயர்ந்து, 18 மாதங்களில் இல்லாத புதிய உச்சத்தைத் தொட்டுள்ளது.

இந்தியாவின் ஆப்பில் உள்ள தொழில்நுட்ப வேலைவாய்ப்பு சந்தை அக்டோபரில் 1.2 லட்சமாக உயர்ந்து, 18 மாதங்களில் இல்லாத புதிய உச்சத்தைத் தொட்டுள்ளது. பணியமர்த்தல் நிறுவனமான 'ஜெனோவின்' (Xpheno) செயலில் உள்ள தொழில்நுட்ப வேலைகள் குறித்த அறிக்கையின்படி, ஜூன் மாதத்தில் பதிவான மிகக் குறைந்த அளவிலிருந்து தொடர்ந்து 4-வது மாதமாக இந்த மீட்சி தொடர்கிறது. அக்டோபரில் ஆப்பில் உள்ள தொழில்நுட்ப வேலைக்கான தேவை முந்தைய மாதத்தை விட 5% அதிகரித்துள்ளதுடன், ஆண்டு அடிப்படையில் 17% வளர்ச்சியடைந்துள்ளது. ஐ.டி. (IT) சேவை நிறுவனங்களே இந்த மீட்சிக்கு முக்கிய காரணமாக அமைந்துள்ளன.

இந்தப் பிரிவில் ஆப்பில் உள்ள வேலைவாய்ப்புகள் 16% அதிகரித்து 66,000 ஆக உயர்ந்துள்ளதுடன், கடந்த 2025 அக்டோபரை விட 57% அதிகமாகும். அக்டோபர் மாதத்திற்கான தேவை இந்தப் பிரிவில் கடந்த 18 மாதங்களில் இல்லாத அளவுக்கு மிக அதிகமாகும்.

பன்னாட்டு நிறுவனங்களின் திறன் மையங்களான GCC-களின் தொழில்நுட்பப் பணியமர்த்தல் செப்டம்பர் மாத நிலவரப்படியே 18,000 வேலைவாய்ப்புகளுடன் மாற்றமின்றி தொடர்ந்தது. இருப்பினும், இது கடந்த ஆண்டைக் காட்டிலும் 64% அதிகமாகும். மேலும், ஒட்டுமொத்த செயலில் உள்ள தொழில்நுட்பத் தேவையில் GCC வேலைவாய்ப்புகள் சுமார் 15% பங்களிப்பைக் கொண்டுள்ளன.

இந்த வேலைவாய்ப்பு மீட்சியானது அனுபவம் வாய்ந்த பணியாளர்களையே அதிகம் ஈர்த்துள்ளது. நடுத்தர மற்றும் மூத்த நிலை (Mid-senior) பதவிகள் 68,000 வேலைவாய்ப்புகளைக் கொண்டுள்ளன. இது மொத்த வேலைவாய்ப்புகளில் 55% ஆகும். இந்தப் பிரிவு மாத அடிப்படையில் 6% மற்றும் ஆண்டு அடிப்படையில் 19% வளர்ச்சியடைந்துள்ளது. தொடக்க நிலை (Entry-level) வேலைவாய்ப்புகள் 6% சரிந்து 15,000 ஆக உள்ளன. இருப்பினும், இது கடந்த ஆண்டைக் காட்டிலும் 15% அதிகமாகும். அதேபோல், நடுத்தர-ஜூனியர் நிலை வேலைவாய்ப்புகள் மாத அடிப்படையில் 40% அதிகரித்து 7,000 ஆக உயர்ந்துள்ளன.

அலுவலகத்திற்குச் சென்று பணிபுரியும் (Work-from-office) முறையை நோக்கி ஒரு தீவிரமான மாற்றம் ஏற்பட்டுள்ளதையும் இந்த அறிக்கை சுட்டிக்காட்டுகிறது. முழுநேர அலுவலக வேலைவாய்ப்புகள் 1 லட்சத்தை எட்டியுள்ளன. இது ஆப்பில் உள்ள தொழில்நுட்ப வேலைகளில் 81% ஆகும். மேலும், இது முந்தைய மாதத்தை விட 9% அதிகமாகவும், ஆண்டு அடிப்படையில் 32% அதிகமாகவும் உள்ளது. இதற்கு மாறாக, முழுநேர தொலைதூர வேலைகள் (Remote jobs) 9% குறைந்து 10,000 ஆகவும், கலப்பின (Hybrid) வேலைவாய்ப்புகள் 7% குறைந்து 13,000 ஆகவும் சரிந்துள்ளன.

வேலைவாய்ப்புப் புள்ளிவிவரங்கள் மேலும் புதியதாக மாறி வருகின்றன. முந்தைய 2 வாரங்களில் வெளியிடப்பட்ட அல்லது புதுப்பிக்கப்பட்ட வேலைகளை அளவிடும் 'ஜெனோவின்' புதிய குறியீடு 49% ஆக உள்ளது. இது செப்டம்பரை விட 3% புள்ளிகளும், 2025 அக்டோபரை விட 6% புள்ளிகளும் அதிகமாகும்.

முழுநேரப் பணிகளே தொடர்ந்து ஆதிக்கம் செலுத்துகின்றன. மொத்தத் தேவையில் 76%, அதாவது 93,000 வேலைவாய்ப்புகள் முழுநேரப் பணிகளாகும். இது மாத அடிப்படையில் 3% மற்றும் ஆண்டு அடிப்படையில் 11% அதிகமாகும். ஒப்பந்தப் பதவிகள் 33% அதிகரித்து 4,000 ஆகியுள்ளன. அதேபோல், இன்டர்ன்ஷிப் மற்றும் பகுதி நேர வேலைவாய்ப்புகள் 33% அதிகரித்து 4,000 ஆக உயர்ந்துள்ளன. இவை ஆண்டு அடிப்படையில் 95% வளர்ச்சியைக் கண்டுள்ளன.

முக்கிய தொழில்நுட்பம் மற்றும் பொறியியல் துறையானது மிகப்பெரிய செயல்பாட்டுப் பிரிவாகத் தொடர்கிறது. இதில் 61,000 வேலைவாய்ப்புகள் உள்ளன. இது மொத்தத் தேவையில் பாதியாகும். இந்தப் பிரிவு மாத அடிப்படையில் 5% மற்றும் ஆண்டு அடிப்படையில் 2% வளர்ச்சியடைந்துள்ளது.

தொழில்நுட்ப வணிக மேம்பாடு, விற்பனை மற்றும் சந்தைப்படுத்தல் பிரிவில் 14,000 வேலைவாய்ப்புகளும், தொழில்நுட்ப ஆலோசனை மற்றும் வழிகாட்டுதல் பிரிவில் 5,000 வேலைவாய்ப்புகளும் உள்ளன. தொழில்நுட்ப ஆலோசனை மற்றும் வழிகாட்டுதல் பிரிவு 25% உயர்வைக் கண்டுள்ளது.

இந்தியாவின் 6 முக்கிய தொழில்நுட்ப மையங்களில் 83,000 வேலைவாய்ப்புகள் உள்ளன. இது ஆப்பில் உள்ள தேவையில் 67% ஆகும். மேலும், இது மாத அடிப்படையில் 9% அதிகமாகும். முக்கிய நகரங்களில் ஹைதராபாத் 27% உடன் மிக உயர்ந்த வளர்ச்சியைப் பதிவு செய்துள்ளது. அதைத் தொடர்ந்து மும்பை 20%, சென்னை 14% மற்றும் பெங்களூரு 11% வளர்ச்சியைக் கண்டுள்ளன. பெங்களூரு 31,000 வேலைவாய்ப்புகளுடன் மிகப்பெரிய சந்தையாகத் தொடர்கிறது.

அதே நேரத்தில், 2-ம் மற்றும் 3-ம் நிலை (Tier-2 & Tier-3) நகரங்களில் 40,000 வேலைவாய்ப்புகள் உள்ளன. மாத அடிப்படையில் தேவை 2% குறைந்திருந்தாலும், கடந்த ஆண்டைக் காட்டிலும் 67% அதிகரித்துள்ளது. இது முக்கிய தொழில்நுட்ப மையங்களைத் தாண்டி தொழில்நுட்பப் பணியமர்த்தல் கணிசமாக விரிவடைந்துள்ளதைக் காட்டுகிறது.

இந்த அறிக்கையானது, பணியமர்த்தும் நிறுவனங்களால் வெளியிடப்பட்ட அல்லது புதுப்பிக்கப்பட்டு, விண்ணப்பங்களை ஏற்கும் நிலையில் உள்ள ஆப்பில் உள்ள வேலைவாய்ப்புகளைக் கண்காணிக்கிறது. இதில் வேலைவாய்ப்பு ஆணைகள் மற்றும் ஆட்சேர்ப்பு மற்றும் பணியாளர் முகாம்கள் மூலம் அனுப்பப்படும் வேலைகள் தவிர்க்கப்பட்டுள்ளன.

DA Hike 2026: அரசு ஊழியர்களுக்கு 5% அகவிலைப்படி உயர்வு! ஜூலையில் அரியர்ஸ்.! யாருக்கெல்லாம் கிடைக்கும்? முழு விபரம்!

Vedarethinam Ramalingam — Sat, 03 Oct 2026 16:00:57 +0530

அரசு ஊழியர்களுக்கு அகவிலைப்படி 5% உயர்வு என செய்தி வெளியாகியுள்ளது. ஜூலையில் அரியர்ஸ் நிலுவைத் தொகை கிடைக்கும். இந்த தமிழக அரசு ஊழியர்களின் கோரிக்கை நிறைவேறுமா என்பது குறித்து பார்ப்போம்

அகவிலைப்படி 5 சதவீதம் உயர்த்தப்பட்டுள்ளதால் ஆயிரக்கணக்கான அரசு ஊழியர்கள் மகிழ்ச்சியில் துள்ளிக்குதிக்கின்றனர். ஆமாங்க ஒடிசாவில் மாநில அரசு ஊழியர்கள் மற்றும் ஓய்வூதியதாரர்களுக்கு பெரும் மகிழ்ச்சியளிக்கும் வகையிலான அதிகாரப்பூர்வ அறிவிப்பு ஒன்று வெளியாகியுள்ளது. அதிகரித்து வரும் விலைவாசி உயர்வைச் சமாளிக்கும் வகையில், மாநில அரசு ஊழியர்களுக்கான அகவிலைப்படியை (Dearness Allowance - DA) 5 சதவீதம் உயர்த்தி ஒடிசா அரசு அரசாணை வெளியிட்டுள்ளது. மத்திய அரசு ஊழியர்களின் ஊதிய விகிதத்திற்கு இணையாக மாநில அரசு ஊழியர்களின் வருவாயையும் உயர்த்த வேண்டும் என்ற நோக்கில் இந்நடவடிக்கை எடுக்கப்பட்டுள்ளது.

ஒடிசாவில் புதிதாகப் பொறுப்பேற்றுள்ள அரசு, மாநில அரசுப் பணியாளர்களின் நலனைக் கருத்தில் கொண்டு இந்த அதிரடி முடிவை எடுத்துள்ளது. நிதித்துறை வெளியிட்டுள்ள அதிகாரப்பூர்வ அறிவிப்பின்படி, இந்த 5 சதவீத அகவிலைப்படி உயர்வு 2026 ஆம் ஆண்டு ஜனவரி 1 ஆம் தேதி முதல் முன்தேதியிட்டு (Retrospective Effect) அமலுக்கு வருகிறது. இதன் மூலம் இதுவரை 257 சதவீதமாக இருந்த அகவிலைப்படி விகிதம், தற்போது 262 சதவீதமாக அதிகரித்துள்ளது.

இந்த அகவிலைப்படி உயர்வினால் வழக்கமான மாநில அரசு ஊழியர்கள் மட்டுமன்றி, அரசு உதவிபெறும் கல்வி நிறுவனங்களின் ஆசிரியர்கள் மற்றும் ஆசிரியரல்லாத பணியாளர்கள், பல்கலைக்கழகப் பேராசிரியர்கள், கீழமை நீதிமன்ற அதிகாரிகள், ஒர்க்-சார்ஜ்டு ஊழியர்கள் மற்றும் ஒப்பந்தப் பணியாளர்கள் எனப் பல்வேறு தரப்பினரும் பயன்பெறவுள்ளனர். இதற்கான உயர்த்தப்பட்ட தொகை மற்றும் பிப்ரவரி முதல் ஜூன் வரையிலான காலத்திற்கான நிலுவைத் தொகை (Arrears) அனைத்தும் ஜூலை மாதச் சம்பளத்துடன் சேர்த்து ஒரே தவணையாக ஊழியர்களின் வங்கிக் கணக்கில் நேரடியாகச் செலுத்தப்படும் எனத் தெரிவிக்கப்பட்டுள்ளது.

மத்திய அரசு மற்றும் ஒடிசா போன்ற பிற மாநில அரசுகள் அகவிலைப்படி உயர்வை உடனுக்குடன் அறிவித்து வரும் நிலையில், தமிழக அரசு ஊழியர்கள் மற்றும் ஆசிரியர்கள் மத்தியிலும் அகவிலைப்படி உயர்வு குறித்த எதிர்பார்ப்பு நாளுக்கு நாள் அதிகரித்து வருகிறது. வழக்கமாக மத்திய அரசு அகவிலைப்படியை உயர்த்திய உடனே, தமிழக அரசும் அதை அடிப்படையாகக் கொண்டு மாநில அரசு ஊழியர்களுக்கான அகவிலைப்படி உயர்வை அறிவிப்பது நடைமுறையாக இருந்து வருகிறது.

தமிழகத்தைப் பொறுத்தவரை, அகவிலைப்படி உயர்வு அறிவிக்கப்படும்போது அது ஜனவரி அல்லது ஜூலை மாதங்களில் இருந்து கணக்கிடப்பட்டு வழங்கப்படும். இருப்பினும், சில காலங்களில் நிதி நெருக்கடி அல்லது நிர்வாகக் காரணங்களால் அரசாணை வெளியிடுவதில் தாமதம் ஏற்படும் சூழல் நிலவுகிறது. இதனால், மத்திய அரசு அறிவித்த அதே தேதியிலிருந்து தமிழக அரசு ஊழியர்களுக்கும் அகவிலைப்படி உயர்வைக் நிலுவையின்றி வழங்க வேண்டும் என்பதே பணியாளர்களின் பிரதான எதிர்பார்ப்பாக உள்ளது.

தமிழக அரசு ஊழியர்களின் முக்கிய எதிர்பார்ப்புகளும் கோரிக்கைகளும்

தமிழக அரசு ஊழியர்கள் மற்றும் ஆசிரியர்கள் சங்கம் சார்பாகப் பல்வேறு கோரிக்கைகள் தொடர்ச்சியாக வலியுறுத்தப்பட்டு வருகின்றன. அதில் முதன்மையானது, அகவிலைப்படி உயர்வை அறிவிப்பதோடு மட்டுமல்லாமல், அதற்கான நிலுவைத் தொகையை (Arrears) காலம் தாழ்த்தாமல் ரொக்கமாக வழங்க வேண்டும் என்பதாகும். பல சமயங்களில் அரியர்ஸ் தொகை கணக்கில் வரவு வைக்கப்படாமல் தாமதமாவதால், ஊழியர்கள் பொருளாதார ரீதியாகப் பாதிப்படைகின்றனர்.

மேலும், அகவிலைப்படி உயர்வுடன் சேர்த்து, பங்களிப்பு ஓய்வூதியத் திட்டத்தை (CPS) ரத்து செய்துவிட்டு, பழைய ஓய்வூதியத் திட்டத்தை (OPS) மீண்டும் அமல்படுத்த வேண்டும் என்ற நீண்ட நாள் கோரிக்கையையும் ஊழியர்கள் முன்வைத்து வருகின்றனர். அதிகரித்து வரும் தக்காளி, காய்கறி மற்றும் அத்தியாவசியப் பொருட்களின் விலைவாசி உயர்வுக்கு ஏற்ப, அகவிலைப்படியை நிலுவையின்றி உடனடியாக உயர்த்தினால் மட்டுமே குடும்ப வரவு செலவைச் சமாளிக்க முடியும் என்பதே தமிழக அரசு ஊழியர்களின் தற்போதைய எதிர்பார்ப்பாகும்.

8th Pay Commission: 2027-ல் புதிய சம்பளம் வந்தால் நிலுவைத்தொகை எவ்வளவு? முழு கணக்கீடு இதோ

Vedarethinam Ramalingam — Sat, 03 Oct 2026 12:30:34 +0530

8th Pay Commission: 8-வது ஊதியக் குழுவின் பரிந்துரைகள் ஜனவரி 1, 2026 முதல் அமலுக்கு வர வாய்ப்புள்ளது. ஆனால், புதிய சம்பள முறை தாமதமாக அமலானால், மத்திய அரசு ஊழியர்களுக்கு நிலுவைத்தொகை (Arrears) கிடைக்குமா என்ற சந்தேகம் எழுந்துள்ளது.

8th Pay Commission: 8-வது ஊதியக் குழுவின் பரிந்துரைகள் 2027-ம் ஆண்டின் மத்தியில் வெளியாகி, அதன் பிறகு புதிய சம்பள முறை அமலுக்கு வந்தால், மத்திய அரசு ஊழியர்களுக்கு எழும் மிகப்பெரிய கேள்வி நிலுவைத்தொகை (Arrears) பற்றியதுதான். அரசு ஜனவரி 1, 2026 முதல் புதிய சம்பள விகிதத்தை அமல்படுத்தினால், அறிவிப்பு தாமதமாக வந்தாலும் அந்த தேதியில் இருந்து நிலுவைத்தொகை கிடைக்க வாய்ப்புள்ளது.

ஆனால், புதிய சம்பளம் அமலாகும் தேதி குறித்து அரசு என்ன முடிவு எடுக்கும் என்பது இன்னும் தெளிவாகவில்லை. அதனால், ஊழியர்கள் இப்போது நிலுவைத்தொகை மற்றும் அமலாகும் தேதி இரண்டையும் உன்னிப்பாக கவனித்து வருகிறார்கள். 7-வது ஊதியக் குழு பிப்ரவரி 2014-ல் அமைக்கப்பட்டு, அதன் பரிந்துரைகள் ஜனவரி 1, 2016 முதல் அமலுக்கு வந்தன. அமலான தேதிக்கும் உண்மையாக சம்பளம் வழங்கப்பட்ட தேதிக்கும் இடைப்பட்ட காலத்துக்கான நிலுவைத்தொகையை ஊழியர்கள் பெற்றனர்.

இந்த கடந்த கால அனுபவம்தான் 8-வது ஊதியக் குழுவின் நிலுவைத்தொகை குறித்த விவாதங்களுக்கு அடிப்படையாக அமைகிறது. ஆனால், 7-வது ஊதியக் குழுவில் நடந்ததை 8-வது ஊதியக் குழுவுக்கான இறுதி விதியாக எடுத்துக்கொள்ள முடியாது. அமலாகும் தேதியை அரசு நிர்ணயித்த பிறகே இறுதி முடிவு எடுக்கப்படும். நிலுவைத்தொகை கணக்கீட்டைப் புரிந்துகொள்ள முடிகிறதா?

அகில இந்திய NPS ஊழியர்கள் கூட்டமைப்பின் தலைவர் மஞ்சித் சிங் படேல் கூறுகையில், 7-வது ஊதியக் குழுவின் போது புதிய பே மேட்ரிக்ஸ் (Pay Matrix) அடிப்படையில் நிலுவைத்தொகை கணக்கிடப்பட்டது. திருத்தப்பட்ட அடிப்படைச் சம்பளத்தில் இருந்து பழைய சம்பளத்தைக் கழித்து இந்த வித்தியாசம் கணக்கிடப்பட்டது. அவரது கூற்றுப்படி, இந்த கணக்கீட்டில் வீட்டு வாடகைப்படி (HRA) நிலுவைத்தொகை சேர்க்கப்படவில்லை.

இதை ஒரு உதாரணம் மூலம் புரிந்துகொள்வோம். ஒரு ஊழியரின் அடிப்படைச் சம்பளம் ரூ.18,000 மற்றும் அவர் 125% DA பெறுகிறார் என்றால், மொத்த தொகை ரூ.40,500 ஆக இருக்கும். 2.57 ஃபிட்மென்ட் ஃபேக்டர் (Fitment Factor) அடிப்படையில், திருத்தப்பட்ட அடிப்படைச் சம்பளம் ரூ.46,260 ஆக மாறும். DA இணைக்கப்பட்ட பிறகு, DA மீண்டும் பூஜ்யத்தில் இருந்து தொடங்கும். இதன் விளைவாக, பழைய மற்றும் புதிய சம்பளத்துக்கு இடையிலான வித்தியாசம் மாதம் ரூ.5,760 ஆக இருக்கும்.

12 மாதங்களுக்கு இந்த தொகை ரூ.69,120 ஆக இருக்கும். இந்த உதாரணம் புரிந்துகொள்வதற்காக மட்டுமே கொடுக்கப்பட்டுள்ளது. புதிய சம்பள கட்டமைப்பு, அகவிலைப்படி (DA), பிற படிகள் மற்றும் அரசின் இறுதி முடிவைப் பொறுத்து உண்மையான நிலுவைத்தொகை மாறுபடலாம். நிலுவைத்தொகை எவ்வளவு காலத்துக்கு கிடைக்கும்? அரசு ஜனவரி 1, 2026 முதல் புதிய சம்பள முறையை அமல்படுத்துவதாகக் கூறி, ஆனால் அதற்கான அறிவிப்பு 2027-ல் வந்தால், ஜனவரி 2026 முதல் அறிவிப்பு வெளியாகும் தேதி வரையிலான சம்பள வித்தியாசம் நிலுவைத்தொகையாக மாறும்.

அரசு ஜனவரி 1, 2026-ஐ 8-வது ஊதியக் குழு அமலாகும் தேதியாகக் கருதினால், ஜனவரி 2026 முதல் புதிய சம்பள முறை அமலாகும் வரை ஒவ்வொரு மாதமும் திருத்தப்பட்ட சம்பளத்துக்கும் வாங்கிய உண்மையான சம்பளத்துக்கும் இடையிலான வித்தியாசம் கணக்கில் கொள்ளப்படும். அதாவது, அறிவிப்பு வெளியாவதில் எவ்வளவு தாமதம் ஆகிறதோ, அந்த அளவுக்கு நிலுவைத்தொகை கிடைக்கும் காலமும் நீட்டிக்கப்படும்.

ஜனவரி 1, 2026 முதல் நிலுவைத்தொகை உறுதியா? இங்குதான் நாம் மிகவும் கவனமாக இருக்க வேண்டும். ஒவ்வொரு ஊழியருக்கும் ஜனவரி 1, 2026 முதல் நிலுவைத்தொகை கிடைக்கும் என்று இப்போது உறுதியாகச் சொல்ல முடியாது. அக்டோபர் 28, 2025 நாளிட்ட பிரஸ் இன்ஃபர்மேஷன் பீரோ (PIB) செய்திக்குறிப்பில், கடந்த கால நடைமுறைகளின் அடிப்படையில் 8-வது மத்திய ஊதியக் குழுவின் பரிந்துரைகள் பொதுவாக ஜனவரி 1, 2026 முதல் அமலுக்கு வரும் என்று எதிர்பார்க்கப்படுவதாகக் கூறப்பட்டுள்ளது.

ஜனவரி 1, 2026 அமலாகும் தேதியாக அங்கீகரிக்கப்பட்டால், அந்த தேதியில் இருந்தே நிலுவைத்தொகை வழங்கப்பட வேண்டும் என்று அகில இந்திய NPS ஊழியர்கள் கூட்டமைப்பின் தலைவர் மஞ்சித் சிங் படேல் தெரிவித்துள்ளார். இருப்பினும், 8-வது ஊதியக் குழுவின் இறுதி அறிக்கை வெளியான பிறகே அமலாகும் தேதி குறித்த தெளிவான சித்திரம் கிடைக்கும்.

8-வது ஊதியக் குழுவின் பரிந்துரைகள் சுமார் 50 லட்சம் மத்திய அரசு ஊழியர்கள் மற்றும் சுமார் 69 லட்சம் ஓய்வூதியதாரர்கள் மீது தாக்கத்தை ஏற்படுத்தும் என்று எதிர்பார்க்கப்படுகிறது. ஆனால், ஒவ்வொரு ஊழியருக்கும் நிலுவைத்தொகை ஒரே மாதிரியாக இருக்காது. புதிய சம்பள கட்டமைப்பில் நிர்ணயிக்கப்படும் அடிப்படைச் சம்பளம், அகவிலைப்படி (DA) எப்படி சரிசெய்யப்படுகிறது மற்றும் பிற படிகளுக்கான அரசின் விதிகளைப் பொறுத்தே இறுதித் தொகை அமையும். எனவே, ஒரு குறிப்பிட்ட தொகையை 8-வது ஊதியக் குழுவின் இறுதி நிலுவைத்தொகையாகக் கருதுவது சரியாக இருக்காது.

முந்தைய ஊதியக் குழுக்களில் என்ன நடந்தது? முந்தைய ஊதியக் குழுக்களின் செயல்பாடுகள் எப்போதும் ஒரே மாதிரியாக இருந்ததில்லை. 5-வது ஊதியக் குழுவுக்கு சுமார் 19 மாதங்களும், 6-வது ஊதியக் குழுவுக்கு சுமார் 32 மாதங்களும் தேவைப்பட்டன. ஆனால், 7-வது ஊதியக் குழுவின் பரிந்துரைகள் நிர்ணயிக்கப்பட்ட அமலாக்கத் தேதிக்கு சில மாதங்களிலேயே நடைமுறைப்படுத்தப்பட்டன.

8-வது ஊதியக் குழு தனது அறிக்கையைச் சமர்ப்பிக்க 18 மாதங்கள் அவகாசம் அளிக்கப்பட்டுள்ளது. இப்படிப்பட்ட சூழ்நிலையில், செயல்முறை நீண்டு புதிய சம்பள முறை தாமதமாக அமல்படுத்தப்பட்டால், அது அமலாகும் தேதி ஊழியர்களுக்கு மிகவும் முக்கியமானதாக மாறும்.

ஊழியர்கள் இப்போது என்ன புரிந்துகொள்ள வேண்டும்? தற்போதைக்கு, ஜனவரி 1, 2026 முதல் நிலுவைத்தொகை கிடைக்கும் என்ற எதிர்பார்ப்பு உள்ளது. ஆனால் இதை இறுதி முடிவாக எடுத்துக்கொள்ள முடியாது. அரசு ஜனவரி 1, 2026 முதல் புதிய சம்பள விகிதத்தை அமல்படுத்தி, அதற்கான அறிவிப்பை தாமதமாக வெளியிட்டால், அந்த இடைப்பட்ட காலத்துக்கான சம்பள வித்தியாசத்தை நிலுவைத்தொகையாகப் பெறலாம்.

இருப்பினும், புதிய சம்பள கட்டமைப்பு, அடிப்படைச் சம்பளம், DA மற்றும் பிற படிகள் தொடர்பான பரிந்துரைகள் மீது அரசு இறுதி முடிவு எடுத்த பிறகே உண்மையான நிலுவைத்தொகை வழங்கப்படும். எனவே, தற்போது அனைவரின் கவனமும் 8-வது ஊதியக் குழுவின் அறிக்கை மற்றும் அதன் பிறகு அரசு நிர்ணயிக்கும் அமலாக்கத் தேதியின் மீதுதான் உள்ளது.

Free Training: 8th முடித்தவர்களும் மாதம் ரூ.50,000 சம்பாதிக்கலாம்.! 30 நாள் பயிற்சிக்கு பின் வேலை கன்பார்ம்.! எங்க நடக்குது தெரியுமா?

Vedarethinam Ramalingam — Fri, 02 Oct 2026 13:25:50 +0530

8-ஆம் வகுப்பு முடித்தவர்களுக்கு இலவச தொழில் பயிற்சி! 30 நாட்கள் பயிற்சிக்கு பின் ரூ.50,000 வரை மாதம் சம்பாதிக்கலாம். வேலை வாய்ப்பும் உறுதி. பயிற்சி நடைபெறும் இடம் மற்றும் முழு விவரங்களை அறிய உடனே கிளிக் செய்யுங்கள்!

இன்றைய காலத்தில் வேலைவாய்ப்பு தேடி அலையும் பலர், திறன் இல்லாமல் சிரமப்படுகிறார்கள். ஆனால் Indian Overseas Bank Rural Self Employment Training Institute (IOB RSETI) வழங்கும் இந்த இலவசப் பயிற்சி, அந்தச் சிரமத்தைத் தீர்க்கும் தங்க வாய்ப்பாக அமைந்துள்ளது. 8ஆம் வகுப்பு மட்டும் முடித்தவர்கள்கூட இந்தப் பயிற்சியின் மூலம் மாதம் ரூ.50,000 வரை சம்பாதிக்கும் திறனைப் பெற முடியும். 30 நாள் பயிற்சி முடிந்தவுடன் வேலைவாய்ப்பு உத்தரவாதத்துடன் வெளியேறலாம் என்பதுதான் இந்தத் திட்டத்தின் பெரிய சிறப்பு.

கல்வி மற்றும் வயது விவரம் இந்தப் பயிற்சியில் சேர எந்தவித உயர் கல்வியும் தேவையில்லை. 8ஆம் வகுப்பு தேர்ச்சி பெற்றவர்கள் முதல் பட்டப்படிப்பு முடித்தவர்கள் வரை அனைவரும் விண்ணப்பிக்கலாம். வயது வரம்பு 18 முதல் 50 வரை. கிராமப்புற இளைஞர்கள், வேலை தேடும் பெண்கள், குடும்பப் பொறுப்புள்ளவர்கள் என அனைவருக்கும் இந்த வாய்ப்பு திறந்தே உள்ளது. முழுவதும் இலவசமாக வழங்கப்படுவதால், பொருளாதாரச் சுமை இல்லாமல் திறன் மேம்பாட்டை அடைய முடியும்.

பயிற்சி 05/10/2026 அன்று அதிகாரப்பூர்வமாகத் தொடங்குகிறது. மொத்தம் 30 நாட்கள் தீவிர நடைமுறைப் பயிற்சி அளிக்கப்படும். கோட்பாடு மட்டும் அல்ல, நேரடியாகக் கருவிகளைப் பயன்படுத்தி வேலை செய்யும் அனுபவம் வழங்கப்படும். இதனால் பயிற்சி முடிந்தவுடன் உடனடியாக வேலைக்குச் செல்லும் தன்னம்பிக்கை கிடைக்கும்.

இந்த 30 நாள் பயிற்சியில் நீங்கள் கற்றுக்கொள்ளப்போகும் முக்கிய திறன்கள்:

ஏசி ரிப்பேர் – வீட்டு மற்றும் அலுவலக ஏசிகளைச் சரிசெய்யும் முழுமையான பயிற்சி
பிரிட்ஜ் ரிப்பேர் – குளிர்சாதனப் பெட்டி பழுதுநீக்குதல்
வாட்டர் ஹீட்டர் பழுதுநீக்குதல்
சீலிங் ஃபேன் ரிப்பேர்
மிக்ஸி ரிப்பேர்
வாட்டர் மோட்டார் ரிப்பேர்
காய்ல் கட்டுதல் ஹவுஸ் வயரிங்
வீட்டு மின் இணைப்பு வேலைகள் முழுவதும்

இந்தத் திறன்கள் அனைத்தும் தற்போதைய சந்தையில் அதிக தேவை உள்ளவை. ஒரே பயிற்சியில் பல மின்சாதனங்களைச் சரிசெய்யும் திறன் கிடைப்பதால், வருமான வாய்ப்புகள் பல மடங்கு அதிகரிக்கும்.

பயிற்சி முடிந்த பிறகு சுயதொழிலாகத் தொடங்கினால், வீடு வீடாகச் சென்று சேவை அளித்து நல்ல வருமானம் ஈட்டலாம். அல்லது ஏசி, ரிப்பேர் கடைகள், மின்வேலை நிறுவனங்களில் சேர்ந்து மாதாந்திர ஊதியம் பெறலாம். திறமையான தொழில்நுட்ப வல்லுநர்களுக்கு தற்போது சந்தையில் அதிக தேவை இருப்பதால், மாதம் ரூ.50,000 வரை சம்பாதிக்கும் வாய்ப்பு உண்மையிலேயே சாத்தியமாகும்.

இந்தியன் ஓவர்சீஸ் வங்கி ஊரக சுய வேலைவாய்ப்பு பயிற்சி நிறுவனம் (IOB RSETI), காட்டுப்பாடி, நாகப்பட்டினம். இந்த நிறுவனம் அரசு அங்கீகாரம் பெற்றது. நம்பகமான பயிற்சி மற்றும் வேலைவாய்ப்பு வழிகாட்டுதல் வழங்கப்படுகிறது.

எப்படி சேர்வது?

உடனடி தொடர்பு எண்கள் இடங்கள் மிகவும் குறைவு.

ஆர்வமுள்ளவர்கள் உடனடியாக WhatsApp மூலம் தொடர்புகொள்ள வேண்டும். WhatsApp எண்கள்: 6374005365, 9047710810

பெயர், வயது, கல்வித்தகுதி ஆகியவற்றை அனுப்பினால் போதும். விரைவில் இடம் உறுதி செய்யப்படும்.

இப்போதே முடிவெடுங்கள்!

வேலை தேடி அலையாமல், திறன் கற்றுக்கொண்டு நல்ல வருமானம் ஈட்ட விரும்புபவர்களுக்கு இது தங்க வாய்ப்பு. 8ஆம் வகுப்பு முடித்தவர்கள்கூட இந்தப் பயிற்சியின் மூலம் வாழ்க்கையை மாற்றிக்கொள்ளலாம். 30 நாள் பயிற்சிக்குப் பிறகு வேலை உத்தரவாதம். இலவசப் பயிற்சி. நம்பகமான நிறுவனம். இன்னும் தாமதிக்காதீர்கள். இன்றே WhatsApp செய்தி அனுப்பி இடத்தைப் பதிவு செய்யுங்கள். உங்கள் எதிர்காலம் உங்கள் கையில்!

DA Hike: 3% உயர்வு கிடைத்தால் உங்கள் சம்பளம் எவ்வளவு உயரும்? நீங்களே கணக்கிடலாம்!

Vedarethinam Ramalingam — Fri, 09 Oct 2026 13:57:11 +0530

மத்திய அரசு ஊழியர்களுக்கு 3% அகவிலைப்படி உயர்வு கிடைத்தால் மாத சம்பளம் எவ்வளவு அதிகரிக்கும்? ரூ.18,000 முதல் ரூ.1 லட்சம் வரை அடிப்படை சம்பளம் பெறுவோருக்கான கணக்கீடு, DA உயர்வு கணக்கிடும் முறை, நிலுவைத்தொகை மற்றும் முக்கிய விவரங்கள் இதோ.

மத்திய அரசு ஊழியர்கள் மற்றும் ஓய்வூதியதாரர்கள் மத்தியில் அகவிலைப்படி (DA) உயர்வு குறித்த எதிர்பார்ப்பு தொடர்ந்து இருந்து வருகிறது. பணவீக்கம், அத்தியாவசியப் பொருட்களின் விலை உயர்வு, வீட்டு வாடகை, மருத்துவச் செலவுகள் என குடும்பத்தின் மாதாந்திர செலவுகள் அதிகரிக்கும் நிலையில், அகவிலைப்படி உயர்வு ஊழியர்களுக்குக் கூடுதல் நிதி உதவியாக அமையும். குறிப்பாக, 3% அகவிலைப்படி உயர்வு கிடைத்தால் உங்கள் மாதச் சம்பளம் எவ்வளவு அதிகரிக்கும் என்பதை எளிய கணக்கின் மூலம் தெரிந்துகொள்ளலாம்.

அகவிலைப்படி என்பது பணவீக்கத்தின் தாக்கத்தைச் சமாளிக்க அரசு ஊழியர்களுக்கு அடிப்படைச் சம்பளத்தின் அடிப்படையில் வழங்கப்படும் தொகையாகும். ஓய்வூதியதாரர்களுக்கு இதற்கு இணையான நிவாரணம் (Dearness Relief – DR) வழங்கப்படுகிறது. மத்திய அரசு பொதுவாக ஆண்டுக்கு இரண்டு முறை, ஜனவரி மற்றும் ஜூலை மாதங்களை அடிப்படையாகக் கொண்டு அகவிலைப்படி மாற்றங்களை அறிவிக்கும் நடைமுறையைக் கொண்டுள்ளது. ஆனால், ஒவ்வொரு உயர்வும் அதிகாரப்பூர்வ அறிவிப்புக்குப் பிறகே உறுதியாகும்.

அகவிலைப்படி உயர்வு என்பது மொத்தச் சம்பளத்தில் நேரடியாக 3% அதிகரிப்பு என்று பொருளல்ல. இது அடிப்படைச் சம்பளத்தின் அடிப்படையில் கணக்கிடப்படுகிறது. உதாரணமாக, ஒருவரின் அடிப்படைச் சம்பளம் ரூ.18,000 என்றால், 3% உயர்வு என்பது மாதம் ரூ.540 கூடுதலாகும். அதேபோல், அடிப்படைச் சம்பளம் ரூ.30,000 ஆக இருந்தால் ரூ.900 கூடுதலாகக் கிடைக்கும். கீழே உள்ள கணக்குகள், தற்போதைய அகவிலைப்படி விகிதத்தில் இருந்து 3 சதவீதப் புள்ளிகள் உயர்வு கிடைக்கிறது என்று வைத்துக்கொண்டு தயாரிக்கப்பட்டவை.

எவ்வளவு பணம் கிடைக்கும்?

அகவிலைப்படி (DA) 3 சதவீதப் புள்ளிகள் உயர்த்தப்பட்டால், அரசு ஊழியர்கள் மற்றும் ஓய்வூதியதாரர்களுக்குக் கிடைக்கும் கூடுதல் தொகை அவர்களின் அடிப்படைச் சம்பளத்தைப் பொறுத்து மாறுபடும். இந்த உயர்வு மொத்தச் சம்பளத்தில் நேரடியாக 3% அதிகரிக்கும் என்று பொருளல்ல. அடிப்படைச் சம்பளத்தின் அடிப்படையில்தான் அகவிலைப்படி கணக்கிடப்படுகிறது.

உதாரணமாக, ரூ.18,000 அடிப்படைச் சம்பளம் பெறுபவருக்கு மாதம் ரூ.540 கூடுதலாகக் கிடைக்கும். ரூ.25,000 அடிப்படைச் சம்பளம் உள்ளவருக்கு ரூ.750-ம், ரூ.30,000 சம்பளம் பெறுபவருக்கு ரூ.900-ம் கூடுதலாகக் கிடைக்கும். அதேபோல், ரூ.35,000 அடிப்படைச் சம்பளம் பெறுபவருக்கு ரூ.1,050-ம், ரூ.40,000 சம்பளம் பெறுபவருக்கு ரூ.1,200-ம், ரூ.50,000 சம்பளம் பெறுபவருக்கு ரூ.1,500-ம் மாதந்தோறும் கூடுதலாகக் கிடைக்கும்.

ரூ.60,000 அடிப்படைச் சம்பளம் உள்ளவருக்கு ரூ.1,800-ம், ரூ.80,000 சம்பளம் பெறுபவருக்கு ரூ.2,400-ம், ரூ.1 லட்சம் அடிப்படைச் சம்பளம் உள்ளவருக்கு ரூ.3,000-ம் கூடுதலாகக் கிடைக்கும். இதன்படி, ரூ.18,000 அடிப்படைச் சம்பளம் பெறுபவருக்கு ஆண்டுக்கு ரூ.6,480 கூடுதல் வருமானம் கிடைக்கும். ரூ.50,000 அடிப்படைச் சம்பளம் உள்ளவருக்கு ஆண்டுக்கு ரூ.18,000-ம், ரூ.1 லட்சம் அடிப்படைச் சம்பளம் உள்ளவருக்கு ஆண்டுக்கு ரூ.36,000-ம் கூடுதலாகக் கிடைக்கும்.

இருப்பினும், இவை 3 சதவீதப் புள்ளிகள் அகவிலைப்படி உயர்வு கிடைக்கிறது என்ற அடிப்படையில் தயாரிக்கப்பட்ட கணக்குகள் மட்டுமே. உண்மையில் கிடைக்கும் தொகை, தற்போதைய அகவிலைப்படி விகிதம், உயர்வு அமலுக்கு வரும் தேதி மற்றும் சம்பள விதிமுறைகளைப் பொறுத்து மாறுபடும். எனவே, அதிகாரப்பூர்வ அறிவிப்பு வெளியான பிறகே ஊழியர்களுக்குக் கிடைக்கும் சரியான கூடுதல் தொகையை உறுதிப்படுத்த முடியும்.

2026 ஏப்ரல் 18 அன்று வெளியான மத்திய அரசின் அறிவிப்பின்படி, ஜனவரி 1, 2026 முதல் மத்திய அரசு ஊழியர்களுக்கான DA 58%-லிருந்து 60%-ஆக உயர்த்தப்பட்டது. இதன் மூலம் சுமார் 50.46 லட்சம் மத்திய அரசு ஊழியர்களும், 68.27 லட்சம் ஓய்வூதியதாரர்களும் பயனடைவார்கள் என்று அரசு தெரிவித்தது.

இதற்கிடையில், ஜூலை 2026 முதல் மேலும் 3 சதவீதப் புள்ளிகள் உயர்ந்து DA 63%-ஆக அதிகரிக்கலாம் எனச் செய்திகள் வெளியாகியுள்ளன. இருப்பினும், இந்த உயர்வுக்கான அதிகாரப்பூர்வ ஒப்புதலை உறுதிப்படுத்தாமல் அதை இறுதி அறிவிப்பாகக் கருதக்கூடாது.

உங்கள் சம்பளச் சீட்டில் உள்ள அடிப்படைச் சம்பளத்தை முதலில் தெரிந்துகொள்ளுங்கள். அதை 3-ஆல் பெருக்கி, 100-ஆல் வகுத்தால் கிடைக்கும் தொகையே 3% உயர்வால் மாதந்தோறும் கிடைக்கக்கூடிய கூடுதல் DA ஆகும்.

கணக்கிடும் சூத்திரம்

3% DA உயர்வு = அடிப்படைச் சம்பளம் × 3 ÷ 100.

உதாரணமாக, அடிப்படைச் சம்பளம் ரூ.42,000 என்றால், ரூ.1,260 கூடுதலாகக் கிடைக்கலாம். இதன்படி ஆண்டுக்கு ரூ.15,120 கூடுதல் தொகையாக அமையும். ஆனால், இது மொத்தக் கணக்கீடு; வரி மற்றும் பொருந்தக்கூடிய பிற பிடித்தங்கள் காரணமாக கைக்கு வரும் சம்பளத்தில் வேறுபாடு இருக்கலாம்.

DA உயர்வு குறிப்பிட்ட தேதியிலிருந்து அமல்படுத்தப்பட்டு, அறிவிப்பு வெளியாவதற்குள் சில மாதங்கள் கடந்திருந்தால், அந்தக் காலத்திற்கான நிலுவைத்தொகை வழங்கப்படலாம். உதாரணமாக, ஜூலை மாதம் முதல் உயர்வு அமல்படுத்தப்பட்டு, பின்னர் அறிவிப்பு வெளியானால், தகுதியுள்ள ஊழியர்களுக்கு நிலுவைத்தொகை கிடைக்க வாய்ப்புள்ளது. ஆனால், அதன் கணக்கீடும் வழங்கும் முறையும் அதிகாரப்பூர்வ உத்தரவைப் பொறுத்தது.

முக்கியமாக, DA உயர்வு தொடர்பான செய்திகளை மட்டும் வைத்து குடும்பச் செலவுத் திட்டத்தை மாற்ற வேண்டாம். அதிகாரப்பூர்வ அறிவிப்பு வெளியானதும், உங்கள் அடிப்படைச் சம்பளம், உயர்வு அமலாகும் தேதி மற்றும் சம்பளப் பிடித்தங்கள் ஆகியவற்றைக் கணக்கிட்டு உண்மையான பலனைத் தெரிந்துகொள்ளுங்கள்.

8th Pay Commission Arrears: 8-வது ஊதியக் குழு தாமதமானால் எவ்வளவு அரியர்ஸ் கிடைக்கும்? லட்சங்களில் பணம்!

Vedarethinam Ramalingam — Mon, 05 Oct 2026 10:49:43 +0530

8-வது ஊதியக் குழு அமலுக்கு வர தாமதமானால் மத்திய அரசு ஊழியர்களுக்கு எவ்வளவு அரியர்ஸ் கிடைக்கும்? 50 ஆயிரம் ரூபாய் அடிப்படை சம்பளம் வாங்குபவர்களுக்கான கணக்கீட்டை இங்கே பார்க்கலாம்.

8-வது ஊதியக் குழுவுக்காக மத்திய அரசு ஊழியர்கள் இன்னும் காத்துட்டுதான் இருக்காங்க. ஊழியர் சங்கங்கள், ஓய்வூதியதாரர்கள் கிட்ட கமிஷன் இப்போ கருத்து கேட்டுட்டு வருது. ரிப்போர்ட் தாக்கல் செய்ய 18 மாசம் டைம் இருக்கு. இதனால புதிய சம்பள முறை அமலுக்கு வர லேட் ஆகலாம். அப்படி தாமதமானால், அந்த இடைப்பட்ட காலத்துக்கான அரியர்ஸ் தொகையை ஊழியர்கள் வாங்குவார்களா? ஒருவேளை ஒருத்தரோட அடிப்படை சம்பளம் 50,000 ரூபாயா இருந்தா, அவங்களுக்கு எவ்வளவு அரியர்ஸ் கிடைக்கும்? இதையும் படிக்கலாமே - Govt Scheme: ரூ.10 லட்சம் வரை கடன் + 50% மானியம்! ஏற்கனவே தொழில் செய்பவர்களுக்கு ஜாக்பாட்.!

8-வது ஊதியக் குழுவை 2026 ஜனவரி 1-ம் தேதி அமல்படுத்தலாம்னு அரசு தரப்பில் சொல்றாங்க. ஆனா, அன்னைக்கே உங்க அக்கவுண்ட்ல புது சம்பளம் வந்துடும்னு அர்த்தம் கிடையாது. முதல்ல கமிஷன் ரிப்போர்ட் கொடுக்கணும். அப்புறம் மத்திய அரசு ஒப்புதல் அளித்து, புதிய சம்பள முறையை அமல்படுத்தணும். ஒருவேளை 2026 ஜனவரி 1-ம் தேதியை கணக்கில் வெச்சு, கொஞ்சம் தாமதமாக புதிய சம்பளத்தை அரசு அமல்படுத்தினால், அந்த இடைப்பட்ட மாதங்களுக்கான சம்பள வித்தியாசத்தை அரியர்ஸாக வாங்க வாய்ப்பு இருக்கு. இதையும் படிக்கலாமே - Govt Scheme: விவசாயிகளுக்கு ஜாக்பாட்! 50% மானியத்தில் டிராக்டர், பவர் டில்லர் – தமிழ்நாடு அரசின் அதிரடி திட்டம்!

ஒரு மத்திய அரசு ஊழியரோட அடிப்படை சம்பளம் 50,000 ரூபாய்னு வெச்சுப்போம். 2026 ஜனவரியில் 60% DA கணக்கிட்டால், அது 30,000 ரூபாய் வரும். ஆக மொத்தம் மாச சம்பளம் 80,000 ரூபாய்.

இப்போ 2.57 ஃபிட்மென்ட் ஃபேக்டர் போட்டால், புதிய அடிப்படை சம்பளம் 1,28,500 ரூபாயாக மாறும். ஆரம்பத்தில் DA இல்லைனு வெச்சுக்கிட்டா, மாதாந்திர வித்தியாசம் 48,500 ரூபாய்.

12 மாசத்துக்கான அரியர்ஸ்: 48,500 × 12 = 5.82 லட்சம்

18 மாசத்துக்கான அரியர்ஸ்: 48,500 × 18 = 8.73 லட்சம்

ஒருவேளை 2.86 ஃபிட்மென்ட் ஃபேக்டர் போட்டால், புதிய அடிப்படை சம்பளம் 1,43,000 ரூபாயாக மாறும். அப்போ மாதாந்திர வித்தியாசம் 63,000 ரூபாய்.

12 மாசத்துக்கான அரியர்ஸ்: 63,000 × 12 = 7.56 லட்சம்

18 மாசத்துக்கான அரியர்ஸ்: 63,000 × 18 = 11.34 லட்சம், இதையும் படிக்கலாமே -D-Mart Bill Shock: ரூ.1,000-க்கு மட்டும் பொருட்கள் வாங்கப் போய் ரூ.3,000 பில் வருவது ஏன்? நடுத்தர மக்கள் தெரிந்துகொள்ள வேண்டிய ரகசியம்!

8-வது ஊதியக் குழு எவ்வளவு தாமதமாக அமலுக்கு வருதோ, அந்த அளவுக்கு அரியர்ஸ் தொகை அதிகமாகும்னு சோஷியல் மீடியாவில் சொல்றாங்க. ஆனா விஷயம் அவ்ளோ சிம்பிள் கிடையாது. அரசு எந்த தேதியில இருந்து புதிய சம்பளத்தை அமல்படுத்துது, புதிய முறையில் DA எப்படி கணக்கிடப்படுது என்பதை பொறுத்துதான் அரியர்ஸ் மாறும். 2026 ஜனவரி 1-ம் தேதியை கட்-ஆஃப் ஆக வெச்சுக்கிட்டா, அரியர்ஸ் கிடைக்க வாய்ப்பு இருக்கு. ஆனா, இறுதித் தொகை கமிஷனோட பரிந்துரை மற்றும் மத்திய அரசின் முடிவை பொறுத்துதான் அமையும்.

2025 நவம்பர் மாசம் 8-வது மத்திய ஊதியக் குழுவை அமைச்சாங்க. ரிப்போர்ட் கொடுக்க 18 மாசம் டைம் கொடுத்திருக்காங்க. அதனால 2027-ல் தான் இவங்களோட பரிந்துரைகள் வெளியாகும். இப்போதைக்கு ஊழியர் சங்கங்கள், ஓய்வூதியதாரர்கள் கிட்ட பேச்சுவார்த்தை நடக்குது. அரசு ஒப்புதல் கொடுத்த பிறகுதான் புதிய சம்பள விகிதம் அமலுக்கு வரும். அதனால இப்போதைக்கு எந்த அரியர்ஸ் தொகையையும் உறுதியா சொல்ல முடியாது. 50,000 ரூபாய் அடிப்படை சம்பளத்துக்கான இந்த கணக்கீடு ஒரு உத்தேசமான கணிப்பு மட்டும்தான்.

TNPSC Group 4: 10,000 பேருக்கு அரசு வேலை.! தமிழக அரசின் அட்டகாச அறிவிப்பு?! குட் நியூச தெரிஞ்சுக்கலாம் வாங்க.!

Vedarethinam Ramalingam — Mon, 05 Oct 2026 11:28:43 +0530

TNPSC Group 4 Notification 2026: இளைஞர்களுக்கு ஜாகபாட்.! 10,000 காலிப் பணியிடங்கள், வயது வரம்பு, தேர்வு முறை, கல்வித் தகுதி மற்றும் விண்ணப்பிக்கும் வழிமுறைகள் குறித்து முழு தகவல்களை தெரிந்துகொள்ளுங்கள்.

தமிழ்நாட்டில் அரசு வேலைக்காக தயாராகி வரும் தேர்வர்களின் நீண்டகால எதிர்பார்ப்புக்கு விரைவில் விடை கிடைக்க உள்ளது. தமிழ்நாடு அரசுப் பணியாளர் தேர்வாணையம் (TNPSC) சார்பில் நடத்தப்படும் குரூப்-4 தேர்வுக்கான 2026ஆம் ஆண்டுக்கான அறிவிப்பு நாளை வெளியாகும் என எதிர்பார்க்கப்படுகிறது. இந்தத் தேர்வில் சுமார் 10,000 பணியிடங்கள் இடம்பெற வாய்ப்புள்ளதாக தகவல்கள் வெளியாகியுள்ளன.

குரூப்-4 தேர்வு என்பது பத்தாம் வகுப்பு முதல் தேவையான கல்வித் தகுதியை பெற்றுள்ள பலருக்கும் அரசு பணிக்கான முக்கியமான வாய்ப்பாக இருந்து வருகிறது. இதனால் இந்த ஆண்டுக்கான அறிவிப்பை எதிர்பார்த்து ஏராளமான தேர்வர்கள் ஏற்கனவே தயாராகி வருகின்றனர்.

கடந்த 2024ஆம் ஆண்டு நடைபெற்ற குரூப்-4 தேர்வுக்கான அறிவிப்பில் 4,662 பணியிடங்கள் இடம்பெற்றிருந்தன. தற்போது பல்வேறு அரசுத் துறைகளில் ஏற்பட்டுள்ள காலிப் பணியிடங்களை கருத்தில் கொண்டு, இந்த முறை அந்த எண்ணிக்கை கணிசமாக அதிகரிக்கலாம் என எதிர்பார்க்கப்படுகிறது.

சுமார் 10,000 பணியிடங்கள் வரை அறிவிக்கப்படலாம் என்ற எதிர்பார்ப்பு தேர்வர்களிடையே பெரும் வரவேற்பை ஏற்படுத்தியுள்ளது. இறுதி பணியிட எண்ணிக்கை, பதவிகளின் விவரம் மற்றும் துறை வாரியான காலியிடங்கள் ஆகியவை அதிகாரப்பூர்வ அறிவிப்பு வெளியான பிறகே உறுதி செய்யப்படும்.

குரூப்-4 தேர்வு மூலம் அரசு அலுவலகங்களில் பணியாற்றக்கூடிய பல்வேறு பதவிகளுக்கு ஆட்கள் தேர்வு செய்யப்படுவது வழக்கம். குறிப்பாக கிராம நிர்வாக அலுவலர் (VAO), இளநிலை உதவியாளர், வரி வசூலிப்பாளர், தட்டச்சர், சுருக்கெழுத்து தட்டச்சர் உள்ளிட்ட பதவிகள் முக்கியமானவை.

இதுதவிர, வனத்துறை உள்ளிட்ட சில துறைகளில் உள்ள பணியிடங்களும் அறிவிப்பில் இடம்பெறுவதற்கான வாய்ப்பு உள்ளது. எந்த பதவிக்கு என்ன கல்வித் தகுதி, வயது வரம்பு மற்றும் சிறப்பு தகுதிகள் தேவை என்பதையும் தேர்வர்கள் அறிவிப்பை பார்த்து உறுதி செய்ய வேண்டும்.

குரூப்-4 தேர்வின் முக்கிய சிறப்பு, பல பணியிடங்களுக்கு குறைந்தபட்ச கல்வித் தகுதியாக 10ஆம் வகுப்பு தேர்ச்சி உள்ளிட்ட தகுதிகள் இருப்பதுதான். இதனால் பட்டப்படிப்பு முடித்தவர்கள் மட்டுமின்றி, பள்ளிப் படிப்பை முடித்துவிட்டு அரசு வேலைக்காக தயாராகி வருபவர்களும் இந்தத் தேர்வை எதிர்பார்த்து வருகின்றனர்.

எனினும், ஒவ்வொரு பதவிக்கும் கல்வித் தகுதி மாறுபடக்கூடும் என்பதால், அறிவிப்பு வெளியான பிறகு பதவி வாரியான தகுதிகளை கவனமாகப் பார்க்க வேண்டியது அவசியம்.

குரூப்-4 பணிகளுக்கான வயது வரம்பு பதவிக்கு ஏற்ப மாறுபடலாம். பொதுவாக சில பணிகளுக்கு 18 வயது முதல் விண்ணப்பிக்க வாய்ப்பு இருக்கும் நிலையில், குறிப்பிட்ட பதவிகளுக்கு கூடுதல் வயது தகுதி இருக்கலாம்.

மேலும், SC, ST, MBC, BC, BC(M) உள்ளிட்ட பிரிவுகளுக்கு தமிழ்நாடு அரசின் நடைமுறையில் உள்ள விதிகளின்படி வயது வரம்பில் சலுகைகள் வழங்கப்படலாம். ஆதரவற்ற விதவைகள் மற்றும் மாற்றுத்திறனாளிகளுக்கான சலுகைகளும் விதிகளுக்கு உட்பட்டு வழங்கப்படும்.

எனவே, பழைய அறிவிப்பை மட்டும் வைத்து வயது வரம்பை முடிவு செய்யாமல், 2026ஆம் ஆண்டுக்கான அதிகாரப்பூர்வ அறிவிப்பில் குறிப்பிடப்படும் விதிமுறைகளையே இறுதியாக எடுத்துக்கொள்ள வேண்டும்.

குரூப்-4 எழுத்துத் தேர்வு பொதுவாக கொள்குறி வகை வினாக்கள் (Objective Type) அடிப்படையில் நடைபெறும். தமிழ் மொழித் தகுதி மற்றும் மதிப்பீட்டுத் தேர்வு ஒரு முக்கியப் பகுதியாக இடம்பெறும்.

இதில் தமிழ் பகுதி, பொதுஅறிவு மற்றும் திறனறிவு/கணிதம் உள்ளிட்ட பிரிவுகளில் இருந்து கேள்விகள் இடம்பெறும். தமிழ் தாளில் நிர்ணயிக்கப்பட்ட குறைந்தபட்ச மதிப்பெண் பெறுவது அவசியம். அதன் பின்னரே அடுத்த பகுதியின் மதிப்பெண்கள் கணக்கில் எடுத்துக்கொள்ளப்படும்.

குரூப்-4 பணிகளுக்கான தேர்வில் பொதுவாக நேர்முகத் தேர்வு இல்லாததால், எழுத்துத் தேர்வு மதிப்பெண்கள் மற்றும் பின்னர் நடைபெறும் சான்றிதழ் சரிபார்ப்பு உள்ளிட்ட நடைமுறைகள் முக்கியத்துவம் பெறுகின்றன.

அதிகாரப்பூர்வ அறிவிப்பு வெளியானவுடன், விண்ணப்பிக்கும் தேதி, கடைசி தேதி, தேர்வு தேதி, காலிப் பணியிடங்களின் எண்ணிக்கை, பதவி வாரியான கல்வித் தகுதி, வயது வரம்பு, கட்டணம் மற்றும் தேர்வு முறை ஆகியவற்றை முதலில் சரிபார்க்க வேண்டும்.

ஏற்கனவே One Time Registration (OTR) செய்துள்ளவர்கள் தங்களுடைய பதிவு விவரங்கள் சரியாக உள்ளதா என்பதையும் சரிபார்ப்பது நல்லது. விண்ணப்பிக்கும் போது பெயர், பிறந்த தேதி, கல்வித் தகுதி உள்ளிட்ட தகவல்களில் தவறு ஏற்படாமல் கவனமாக இருக்க வேண்டும்.

குரூப்-4 தேர்வுக்கு தமிழ்நாடு முழுவதும் மிகப்பெரிய அளவில் போட்டி நிலவுவது வழக்கம். இந்த முறை காலிப் பணியிடங்களின் எண்ணிக்கை அதிகரிக்கும் என்ற எதிர்பார்ப்பு காரணமாக, விண்ணப்பதாரர்களின் எண்ணிக்கையும் அதிகமாக இருக்கலாம்.

சுமார் 15 லட்சம் பேர் வரை விண்ணப்பிக்கக்கூடும் என்ற கணிப்பும் வெளியாகியுள்ளது. இருப்பினும், விண்ணப்ப எண்ணிக்கை மற்றும் காலிப் பணியிடங்களின் இறுதி விவரம் அதிகாரப்பூர்வ அறிவிப்பு மற்றும் விண்ணப்பப் பதிவு முடிந்த பின்னரே தெளிவாகும்.

தேர்வர்கள் சமூக வலைதளங்களில் வெளியாகும் தகவல்களை மட்டுமே நம்பாமல், TNPSC-யின் அதிகாரப்பூர்வ அறிவிப்பில் உள்ள விவரங்களையே இறுதி ஆதாரமாகக் கொள்ள வேண்டும். குறிப்பாக பணியிட எண்ணிக்கை, வயது வரம்பு, கல்வித் தகுதி, விண்ணப்பக் கட்டணம் மற்றும் தேர்வு தேதி போன்றவற்றில் மாற்றங்கள் இருக்கலாம்.

குரூப்-4 தேர்வை இலக்காக வைத்து படித்து வரும் தேர்வர்களுக்கு இந்த அறிவிப்பு முக்கியமானதாக இருக்கிறது. அறிவிப்பு வெளியானவுடன் முழுமையான விவரங்களை சரிபார்த்து, காலக்கெடுவுக்குள் விண்ணப்பித்து, தேர்வுக்கான தயாரிப்பை தீவிரப்படுத்துவது சிறந்தது.

TNPSC Group 4: ரூ.76 ஆயிரம் சம்பளம்.! 6,500 பேருக்கு உடனே அரசு வேலை.! விண்ணப்பிப்பது எப்படி? தேர்வு எப்போது?

Vedarethinam Ramalingam — Wed, 07 Oct 2026 05:30:28 +0530

TNPSC Group 4 தேர்வில் 6,574 காலிப்பணியிடங்கள் அறிவிப்பு. ரூ.76,000 வரை சம்பளம், கல்வித்தகுதி, வயது வரம்பு, விண்ணப்பிக்கும் முறை மற்றும் தேர்வு தேதி உள்ளிட்ட முழு விவரங்களை தெரிந்துகொள்ளுங்கள்

TNPSC Group 4 Notification 2026: தமிழகத்தில் அரசு வேலைக்காக காத்திருக்கும் இளைஞர்களுக்கு முக்கிய அறிவிப்பு வெளியாகியுள்ளது. ஒரே ஒரு தேர்வு மூலம் ஆயிரக்கணக்கான அரசு பணியிடங்களுக்கு போட்டியிடும் வாய்ப்பு தற்போது வந்துள்ளது. மொத்தம் 6,574 காலிப்பணியிடங்கள் அறிவிக்கப்பட்டுள்ள நிலையில், விண்ணப்பிக்க இன்னும் சில வாரங்கள் மட்டுமே உள்ளன.

அதிலும் குறிப்பாக, முன்பு டிசம்பர் மாதத்தில் தேர்வு நடைபெறும் என்று எதிர்பார்க்கப்பட்ட நிலையில், தற்போது தேர்வு தேதி மாற்றப்பட்டுள்ளது. ஜனவரி 10, 2027 அன்று குரூப் 4 எழுத்துத் தேர்வு நடைபெற உள்ளது. எனவே அரசு வேலைக்கு தயாராகும்வர்கள் இந்த வாய்ப்பை தவறவிடாமல், கடைசி நாள் வரை காத்திருக்காமல் விண்ணப்பிப்பது முக்கியம்.

தமிழ்நாடு அரசுப் பணியாளர் தேர்வாணையம் (TNPSC) வெளியிட்டுள்ள Combined Civil Services Examination-IV (Group-IV Services) அறிவிப்பில் மொத்தம் 6,574 பணியிடங்கள் இடம்பெற்றுள்ளன.

இதில் கிராம நிர்வாக அலுவலர் (VAO), இளநிலை உதவியாளர், பில் கலெக்டர், தட்டச்சர், சுருக்கெழுத்துத் தட்டச்சர், தனி எழுத்தர், வனக்காப்பாளர், வனக்காவலர் உள்ளிட்ட பல்வேறு பணிகள் உள்ளன.

அறிவிக்கப்பட்டுள்ள 6,574 பணியிடங்கள் தற்காலிகமானவை என்பதையும் கவனத்தில் கொள்ள வேண்டும். கலந்தாய்வு தொடங்குவதற்கு முன்பு காலிப்பணியிடங்களின் எண்ணிக்கையில் மாற்றம் ஏற்பட வாய்ப்பு இருப்பதாக அறிவிப்பில் தெரிவிக்கப்பட்டுள்ளது.

குரூப் 4 தேர்வுக்கான ஆன்லைன் விண்ணப்பம் அக்டோபர் 6, 2026 முதல் தொடங்கியுள்ளது.

விண்ணப்பிக்க கடைசி நாள் – நவம்பர் 5, 2026 இரவு 11.59 மணி.

விண்ணப்பத்தில் ஏதேனும் தவறு ஏற்பட்டால் அதைத் திருத்துவதற்காக நவம்பர் 9 முதல் நவம்பர் 11, 2026 வரை Correction Window வழங்கப்பட்டுள்ளது.

அனைத்தையும் விட முக்கியமானது எழுத்துத் தேர்வு தேதி. ஜனவரி 10, 2027 காலை 9.30 மணி முதல் மதியம் 12.30 மணி வரை தேர்வு நடைபெறுகிறது.

குரூப் 4-ல் இடம்பெற்றுள்ள ஒவ்வொரு பதவிக்கும் கல்வித் தகுதி ஒரே மாதிரியாக இருக்காது. பல முக்கிய பணிகளுக்கு குறைந்தபட்ச பொதுக் கல்வித் தகுதியாக 10-ம் வகுப்பு தேர்ச்சி போதுமானதாக உள்ளது.

ஆனால் தட்டச்சர், சுருக்கெழுத்துத் தட்டச்சர், வனக்காவலர் உள்ளிட்ட குறிப்பிட்ட பணிகளுக்கு கூடுதல் கல்வி, தொழில்நுட்பம் அல்லது அனுபவத் தகுதிகள் கேட்கப்படுகின்றன.

உதாரணமாக, Typist மற்றும் Steno-Typist பணிகளுக்கு சம்பந்தப்பட்ட தொழில்நுட்பத் தகுதிகள் அவசியம். அதேபோல் Forest Guard with Driving Licence பணிக்கு ஓட்டுநர் உரிமம் உள்ளிட்ட கூடுதல் நிபந்தனைகள் உள்ளன. எனவே எந்தப் பதவிக்கு விண்ணப்பிக்கிறோம் என்பதைப் பொறுத்து தகுதியை சரிபார்க்க வேண்டும்.

விண்ணப்பதாரர்களின் வயது 01.07.2026 தேதியை அடிப்படையாகக் கொண்டு கணக்கிடப்படுகிறது. ஆனால் அனைத்து பதவிகளுக்கும் ஒரே வயது வரம்பு கிடையாது. பதவி, சமூகப் பிரிவு மற்றும் கல்வித் தகுதியைப் பொறுத்து வயது வரம்பு மற்றும் வயது தளர்வு மாறுபடும். எனவே விண்ணப்பிக்கும் முன்பு அறிவிப்பில் இடம்பெற்றுள்ள சம்பந்தப்பட்ட பதவிக்கான வயது விதிமுறையை கட்டாயம் சரிபார்க்க வேண்டும்.

குரூப் 4 தேர்வு ஒரே ஒரு எழுத்துத் தேர்வாக நடைபெறும். OMR முறையில் 200 கேள்விகள், மொத்தம் 300 மதிப்பெண்கள், 3 மணி நேரம் வழங்கப்படும்.

பகுதி – அ: தமிழ் தகுதி மற்றும் மதிப்பீட்டுத் தேர்வு

தமிழ் பகுதியில் 100 கேள்விகள், 150 மதிப்பெண்கள் இடம்பெறும். இந்தப் பகுதியில் குறைந்தபட்சம் 40 சதவீதம், அதாவது 60 மதிப்பெண்கள் பெறுவது கட்டாயம். இந்த குறைந்தபட்ச மதிப்பெண் பெறாதவர்களின் அடுத்த பகுதி விடைத்தாள் மதிப்பீடு செய்யப்படாது.

பகுதி – ஆ: பொது அறிவு

பொது அறிவுப் பகுதியில் 75 கேள்விகள் இடம்பெறும். இதில் பத்தாம் வகுப்பு தரத்திலான பாடப்பகுதிகளை மையமாகக் கொண்டு கேள்விகள் கேட்கப்படும். தமிழ்நாடு தொடர்பான முக்கிய தகவல்கள், இந்திய வரலாறு, அரசியல் அமைப்பு, பொருளாதாரம், அறிவியல், நடப்பு நிகழ்வுகள் உள்ளிட்ட பகுதிகளில் மாணவர்கள் கவனம் செலுத்த வேண்டும்.

பகுதி – இ: திறனறிவு மற்றும் மனக்கணக்கு நுண்ணறிவு

இந்தப் பகுதியில் 25 கேள்விகள் இடம்பெறும். கணித அடிப்படைகள், எண்ணியல் திறன், தர்க்க சிந்தனை, மனக்கணக்கு உள்ளிட்ட தலைப்புகளில் கேள்விகள் வரலாம்.

இவ்வாறு மொத்தம் 200 கேள்விகள் – 300 மதிப்பெண்கள் – 3 மணி நேரம் என்ற முறையில் தேர்வு நடைபெறும்.

எழுத்துத் தேர்வில் குறைந்தபட்சம் 90 மதிப்பெண்கள் பெற வேண்டும். ஆனால் குறைந்தபட்ச மதிப்பெண் மட்டும் பெற்றால் அரசு வேலை கிடைத்துவிடும் என்று நினைக்கக் கூடாது. தேர்வில் போட்டியிடும் விண்ணப்பதாரர்களின் மதிப்பெண்கள் மற்றும் தரவரிசையின் அடிப்படையில்தான் அடுத்தகட்டத் தேர்வு நடைபெறும். எனவே அதிக மதிப்பெண் பெறுவதற்கான இலக்குடன் தயாராவது மிகவும் முக்கியம்.

விண்ணப்பிப்பது எப்படி?

குரூப் 4 தேர்வுக்கு ஆன்லைன் மூலமாக மட்டுமே விண்ணப்பிக்க வேண்டும். முதலில் TNPSC-ன் One Time Registration (OTR) முறையில் பதிவு செய்ய வேண்டும். ஏற்கெனவே செல்லுபடியாகும் OTR பதிவு வைத்திருப்பவர்கள் மீண்டும் பதிவு செய்ய வேண்டியதில்லை. புதிய One Time Registration செய்ய ரூ.150 கட்டணம் வசூலிக்கப்படுகிறது. இந்தப் பதிவு ஐந்து ஆண்டுகளுக்கு செல்லுபடியாகும்.

அதன்பிறகு Group 4 தேர்வுக்கான விண்ணப்பத்தை தனியாக சமர்ப்பிக்க வேண்டும். முக்கியமாக, One Time Registration செய்திருப்பது மட்டும் Group 4 விண்ணப்பமாக கருதப்படாது. தேர்வுக்கான தனிப்பட்ட விண்ணப்பத்தைச் சமர்ப்பிக்க வேண்டும்.

Group 4 தேர்வுக்கான தேர்வுக் கட்டணம் ரூ.100.

சில சமூகப் பிரிவுகள் மற்றும் தகுதியான விண்ணப்பதாரர்களுக்கு கட்டணச் சலுகைகள் வழங்கப்பட்டுள்ளன. SC, ST, மாற்றுத்திறனாளிகள், ஆதரவற்ற விதவைகள் உள்ளிட்ட பிரிவுகளுக்கு முழுமையான கட்டண விலக்கு விதிகள் உள்ளன. BC/MBC உள்ளிட்ட பிரிவுகளுக்கு குறிப்பிட்ட எண்ணிக்கையிலான இலவச வாய்ப்புகளும், முன்னாள் ராணுவத்தினருக்கு குறிப்பிட்ட சலுகையும் உள்ளது.

சம்பளம் எவ்வளவு கிடைக்கும்?

குரூப் 4-ல் அனைத்து பணிகளுக்கும் ஒரே சம்பள அளவு கிடையாது. பதவியைப் பொறுத்து Pay Level மாறுபடும். அறிவிக்கப்பட்டுள்ள பணிகளில் பல முக்கிய பதவிகள் Pay Level 8-ல் வருகின்றன. இந்த அளவுக்கான ஊதிய விகிதம் ரூ.19,500 முதல் ரூ.71,900 வரை உள்ளது. சுருக்கெழுத்துத் தட்டச்சர் போன்ற சில பணிகள் Level 10-ல் உள்ளன. இதற்கான ஊதிய அளவு ரூ.20,600 முதல் ரூ.75,900 வரை.

அதேபோல் Forest Watcher போன்ற சில பணிகள் Level 3-ல் உள்ளன. இவற்றுக்கான ஊதிய அளவு ரூ.16,600 முதல் ரூ.52,400 வரை. Forest Guard with Driving Licence போன்ற பணிகள் Level 5-ல் உள்ளன; இதற்கான ஊதிய அளவு சுமார் ரூ.18,200 முதல் ரூ.57,900 வரை.

இவை Pay Matrix-ல் குறிப்பிடப்பட்ட அடிப்படை ஊதிய அளவுகள். பணியில் சேரும் இடம், அரசு விதிகளின்படி வழங்கப்படும் கொடுப்பனவுகள் மற்றும் பிடித்தங்கள் ஆகியவற்றைப் பொறுத்து கையில் கிடைக்கும் சம்பளம் மாறுபடும்.

மாணவர்கள் கவனிக்க வேண்டிய முக்கிய விஷயம்

குரூப் 4 தேர்வில் தமிழ் பகுதி மிகவும் முக்கியமானது. தமிழ் தகுதித் தேர்வில் தேவையான குறைந்தபட்ச மதிப்பெண் பெறவில்லை என்றால் அடுத்த பகுதியின் மதிப்பீடு நடைபெறாது. எனவே பொது அறிவு, Aptitude மட்டும் படித்தால் போதாது. தினசரி நேரத்தைப் பிரித்து தமிழ், பொது அறிவு, திறனறிவு ஆகிய மூன்று பகுதிகளுக்கும் தயாராக வேண்டும். மேலும் OMR தேர்வு என்பதால், மாதிரி வினாத்தாள்களை நேரம் நிர்ணயித்து எழுதிப் பார்ப்பது தேர்வுக்கு நல்ல பயிற்சியாக இருக்கும்.

கடைசி நாள் வரை காத்திருக்க வேண்டாம்!

குரூப் 4 தேர்வுக்கான விண்ணப்பத்தை 05.11.2026 இரவு 11.59 மணிக்குள் சமர்ப்பிக்க வேண்டும். கடைசி நேரத்தில் இணையதள நெரிசல் அல்லது தொழில்நுட்பச் சிக்கல்கள் ஏற்பட வாய்ப்புள்ளதால், தகுதியுள்ளவர்கள் முன்கூட்டியே விண்ணப்பிப்பது நல்லது.

ஒரு பக்கம் 6,574 அரசு பணியிடங்கள்; மறுபக்கம் லட்சக்கணக்கான போட்டியாளர்கள். இந்த வாய்ப்பில் வெற்றி பெறுவதற்கு விண்ணப்பிப்பது முதல் படி மட்டுமே. அடுத்த 3 மாதங்களை திட்டமிட்டு பயன்படுத்தி, தினசரி பயிற்சியுடன் தயாராகும் மாணவர்களுக்கே இந்த வாய்ப்பு சாதகமாக அமையும்.

முக்கிய குறிப்பு: குரூப் 4 தேர்வு 10.01.2027 அன்று நடைபெறும். விண்ணப்பிக்க கடைசி நாள் 05.11.2026 இரவு 11.59 மணி. காலியிட எண்ணிக்கை தற்காலிகமானது என்பதால், இறுதி நியமனத்திற்கு முன்பு மாற்றம் ஏற்படலாம்.

8th Pay Commission: ரூ.18,000 அடிப்படை சம்பளம் இனி எவ்வளவு உயரும்? ஃபிட்மென்ட் ஃபேக்டர் பற்றி புதிய தகவல்.!

Vedarethinam Ramalingam — Fri, 09 Oct 2026 12:21:48 +0530

8வது ஊதியக் குழுவின் பெங்களூரு ஆலோசனைக் கூட்டத்தில் என்ன விவாதிக்கப்பட்டது? குறைந்தபட்ச சம்பளம், ஃபிட்மென்ட் ஃபேக்டர், அகவிலைப்படி, ஓய்வூதிய மாற்றங்கள் மற்றும் 2027 அறிக்கை குறித்த புதிய தகவல்களைத் தெரிந்துகொள்ளுங்கள்.

மத்திய அரசு ஊழியர்கள் மற்றும் ஓய்வூதியதாரர்கள் ஆவலுடன் எதிர்பார்த்துக் கொண்டிருக்கும் 8வது ஊதியக் குழுவின் பணிகள் தற்போது முக்கிய கட்டத்தை எட்டியுள்ளன. சம்பள உயர்வு, குறைந்தபட்ச அடிப்படை ஊதியம், ஃபிட்மென்ட் ஃபேக்டர், அகவிலைப்படி, ஓய்வூதிய மாற்றங்கள் உள்ளிட்ட பல்வேறு அம்சங்கள் குறித்து ஊழியர் சங்கங்கள் மற்றும் தொடர்புடைய அமைப்புகளின் கருத்துகள் கேட்கப்பட்டு வருகின்றன. இந்த நிலையில், அக்டோபர் 7 மற்றும் 8 ஆகிய தேதிகளில் பெங்களூருவில் நடைபெற்ற ஆலோசனைக் கூட்டம் கவனம் பெற்றுள்ளது. இதையும் படிக்கவும் - Family Travel Fund: மாதம் ரூ.500 சேமித்தால் போதும்! குடும்பத்துடன் சுற்றுலா செல்ல உதவும் ஸ்மார்ட் முதலீட்டுத் திட்டம்!

8வது மத்திய ஊதியக் குழு, ஊழியர்கள், ஓய்வூதியதாரர்கள், தொழிற்சங்கங்கள் மற்றும் தொடர்புடைய அமைப்புகளிடம் கருத்துகளைக் கேட்கும் வகையில் பல்வேறு மாநிலங்களில் ஆலோசனைக் கூட்டங்களை நடத்தி வருகிறது. அதன் ஒரு பகுதியாக பெங்களூருவில் இரண்டு நாட்கள் ஆலோசனைகள் நடைபெற்றன. சம்பளம் மற்றும் ஓய்வூதிய அமைப்பில் என்னென்ன மாற்றங்கள் தேவை, ஊழியர்கள் எதிர்கொள்ளும் பிரச்சினைகள் என்ன, தற்போதைய ஊதிய முறை எவ்வாறு மேம்படுத்தப்பட வேண்டும் போன்ற அம்சங்கள் இந்த ஆலோசனை நடவடிக்கையின் முக்கிய நோக்கங்களாக உள்ளன.

இந்தக் கூட்டத்தில் முன்வைக்கப்படும் கோரிக்கைகள் அனைத்தும் உடனடியாக ஏற்றுக்கொள்ளப்படும் என்று அர்த்தமில்லை. பல்வேறு தரப்பினரின் கருத்துகள், அரசின் நிதிநிலை மற்றும் பொருளாதாரச் சூழல் ஆகியவற்றை ஆய்வு செய்த பிறகே ஊதியக் குழு தனது பரிந்துரைகளைத் தயாரிக்கும். இதையும் படிக்கவும் - Online Shopping Tricks: மாதம் ரூ.5,000 மிச்சப்படுத்த ஆன்லைன் ஷாப்பிங் டிரிக்.! கேஷ்பேக் + பேங்க் ஆபர் + சேல் = பணம் சேமிக்கும் சூப்பர் ஃபார்முலா!

தற்போது 7வது ஊதியக் குழுவின் அடிப்படையில் மத்திய அரசு ஊழியர்களுக்கான குறைந்தபட்ச அடிப்படைச் சம்பளம் மாதம் ரூ.18,000 ஆக உள்ளது. 8வது ஊதியக் குழுவில் இந்தத் தொகையை உயர்த்த வேண்டும் என்பது ஊழியர் சங்கங்களின் முக்கிய கோரிக்கையாக உள்ளது.

சில ஊழியர் அமைப்புகள் குறைந்தபட்ச அடிப்படைச் சம்பளத்தை ரூ.69,000 ஆக உயர்த்த வேண்டும் என்றும், 3.83 ஃபிட்மென்ட் ஃபேக்டரைப் பரிசீலிக்க வேண்டும் என்றும் கோரிக்கை வைத்துள்ளதாகச் செய்திகள் தெரிவிக்கின்றன. இருப்பினும், இவை ஊழியர் அமைப்புகள் முன்வைக்கும் கோரிக்கைகளே தவிர, மத்திய அரசு அறிவித்துள்ள இறுதி சம்பளத் தொகைகள் அல்ல. இதையும் படிக்கவும் -Business: வீட்டிலிருந்தே மாதம் ரூ.30 ஆயிரம்… ரூ.10 ஆயிரத்தில் ஆரம்பிக்கும் டிரெண்டிங் பிசினஸ்கள்

ஃபிட்மென்ட் ஃபேக்டர் என்பது தற்போதைய அடிப்படைச் சம்பளத்தைப் புதிய ஊதியக் கட்டமைப்புக்கு மாற்றுவதற்குப் பயன்படுத்தப்படும் பெருக்கல் காரணி. இதன் மதிப்பு எவ்வளவு நிர்ணயிக்கப்படுகிறது என்பதைப் பொறுத்து புதிய அடிப்படைச் சம்பளத்தில் பெரிய மாற்றம் ஏற்படலாம்.

உதாரணமாக, ஒரு ஊழியரின் தற்போதைய அடிப்படைச் சம்பளம் ரூ.18,000 என வைத்துக்கொள்வோம். விளக்கத்திற்காக மட்டும் 2.00 என்ற ஃபிட்மென்ட் ஃபேக்டர் பயன்படுத்தப்பட்டால், கணக்கீட்டின்படி புதிய அடிப்படைச் சம்பளம் ரூ.36,000 ஆகும். அதேபோல், 2.50 என்ற காரணியை எடுத்துக்கொண்டால் ரூ.45,000 ஆகும்.

ஆனால் இந்த எண்கள் கணக்கீட்டை விளக்குவதற்கான உதாரணங்கள் மட்டுமே. 8வது ஊதியக் குழு எந்த ஃபிட்மென்ட் ஃபேக்டரைப் பரிந்துரைக்கும் என்பது இன்னும் இறுதி செய்யப்படவில்லை. மேலும், அடிப்படைச் சம்பள உயர்வையும் மொத்த மாதச் சம்பள உயர்வையும் ஒன்றாகக் கருதக் கூடாது. அகவிலைப்படி, வீட்டு வாடகைப்படி மற்றும் பிற படிகள் ஆகியவற்றின் கணக்கீடும் இறுதி விதிகளைப் பொறுத்தே அமையும்.

அடிப்படைச் சம்பளத்தைத் தவிர, அகவிலைப்படி (DA), வீட்டு வாடகைப்படி (HRA), பயணப்படி, சிறப்புப் பணிக்கான படிகள், பதவி உயர்வு மற்றும் ஓய்வூதியப் பலன்கள் போன்றவையும் ஊதியக் குழுவின் ஆய்வில் இடம்பெறுகின்றன. குறிப்பாக, பணவீக்கத்தால் ஏற்படும் செலவுச் சுமை, கடினமான பணிச்சூழலில் பணிபுரிவோருக்கான சலுகைகள் மற்றும் ஓய்வுக்குப் பிறகான நிதிப் பாதுகாப்பு ஆகியவற்றில் ஊழியர் அமைப்புகள் கவனம் செலுத்தி வருகின்றன.

ஓய்வூதியதாரர்களுக்கு ஓய்வூதிய மறுகணக்கீடு, குறைந்தபட்ச ஓய்வூதியம் மற்றும் ஓய்வுக்காலப் பலன்கள் தொடர்பாகவும் மாற்றங்கள் தேவைப்படலாம். ஆனால் எந்தப் பலன் எவ்வளவு உயர்த்தப்படும் என்பது குறித்து அதிகாரப்பூர்வமான இறுதி அறிவிப்பு வெளியாகும் வரை குறிப்பிட்ட தொகையை உறுதியாகக் கூற முடியாது.

8வது மத்திய ஊதியக் குழு 2025 நவம்பர் 3ஆம் தேதி அமைக்கப்பட்டது. குழுவின் தலைவராக நீதிபதி ரஞ்சனா பிரகாஷ் தேசாய் உள்ளார். குழு அமைக்கப்பட்ட நாளிலிருந்து 18 மாதங்களுக்குள் பரிந்துரைகளை வழங்கும் வகையில் அதன் பணிகள் திட்டமிடப்பட்டுள்ளன. இதன் அடிப்படையில், 2027 மே–ஜூன் காலப்பகுதியில் அறிக்கை சமர்ப்பிக்கப்படலாம் என எதிர்பார்க்கப்படுகிறது. இது எதிர்பார்க்கப்படும் காலக்கெடுவே தவிர உறுதிசெய்யப்பட்ட வெளியீட்டுத் தேதி அல்ல.

மேலும், மும்பையில் அக்டோபர் 22 மற்றும் 23 ஆகிய தேதிகளில் அடுத்தகட்ட ஆலோசனைக் கூட்டங்கள் நடைபெற உள்ளதாக அதிகாரப்பூர்வ அறிவிப்பு தெரிவிக்கிறது. இதன் மூலம் ஊழியர்கள் மற்றும் தொடர்புடைய அமைப்புகளின் கருத்துகளைச் சேகரிக்கும் பணி தொடர்ந்து நடைபெறுகிறது.

8வது ஊதியக் குழுவின் அறிவிப்புகள் வெளியாகும் வரை சமூக ஊடகங்களில் பரவும் சம்பள உயர்வு கணக்கீடுகளை இறுதி முடிவுகளாக நம்ப வேண்டாம். புதிய அடிப்படைச் சம்பளம், ஃபிட்மென்ட் ஃபேக்டர், அகவிலைப்படி மற்றும் ஓய்வூதிய மாற்றங்கள் தொடர்பான அதிகாரப்பூர்வ பரிந்துரைகளும், அவற்றை மத்திய அரசு ஏற்கும் முடிவும் தனித்தனி கட்டங்களாக இருக்கும்.

மொத்தத்தில், பெங்களூரு ஆலோசனைக் கூட்டம் சம்பள உயர்வு குறித்த இறுதி அறிவிப்பு அல்ல; ஊழியர்களின் கோரிக்கைகளை ஆய்வு செய்யும் முக்கியமான நடவடிக்கையின் ஒரு பகுதியாகும். புதிய ஊதியக் கட்டமைப்பு குறித்த தெளிவு, ஊதியக் குழுவின் இறுதி அறிக்கையும் மத்திய அரசின் முடிவும் வெளியான பிறகே கிடைக்கும்.

Govt Scheme: ரூ.10 லட்சம் வரை கடன் + 50% மானியம்! ஏற்கனவே தொழில் செய்பவர்களுக்கு ஜாக்பாட்.!

Vedarethinam Ramalingam — Sat, 03 Oct 2026 11:37:57 +0530

ஏற்கனவே விவசாய தொழில் செய்பவர்களுக்கு அதிகபட்சம் ரூ.10 லட்சம் திட்டத்திற்கு 50% மானியம் (ரூ.5 லட்சம் வரை). விரிவாக்கம், நவீனமயமாக்கல் மற்றும் மதிப்பு கூட்டலுக்கு அரசு உதவி. தகுதி, விண்ணப்ப முறை மற்றும் முழு விவரங்கள் இங்கே.

தமிழகத்தில் ஏற்கனவே விவசாயம் சார்ந்த தொழில் செய்து வருபவர்களுக்கு அரசு ஒரு சிறப்பான வாய்ப்பை வழங்கியுள்ளது. Department of Agricultural Marketing and Agri Business நடத்தும் Agri Entrepreneurship Scheme-ன் கீழ், ஏற்கனவே உள்ள தொழில்முனைவோருக்கு அதிகபட்சம் ரூ.10 லட்சம் வரை திட்ட செலவுக்கு 50 சதவீதம் மானியம் கிடைக்கிறது. இந்த மானியம் அதிகபட்சம் ரூ.5 லட்சம் வரை இருக்கும். மீதமுள்ள தொகைக்கு வங்கி கடன் பெறலாம். தொழில்முனைவோர் தங்கள் பங்காக குறைந்தபட்சம் 25 சதவீதம் முதலீடு செய்ய வேண்டும்.

இந்த திட்டம் ஏற்கனவே இயங்கி வரும் agri தொழில்களை விரிவாக்கம் செய்யவும், புதிய மதிப்பு கூட்டல் நடவடிக்கைகளில் ஈடுபடவும், பதப்படுத்தும் அலகை நவீனப்படுத்தவும் உதவுகிறது. விவசாய பொருட்களை பதப்படுத்துதல், பேக்கேஜிங், value addition போன்ற செயல்பாடுகளுக்கு இந்த நிதி உதவி கிடைக்கும். சுற்றுச்சூழலுக்கு உகந்த, எரிசக்தி சேமிப்புள்ள மற்றும் ஏற்றுமதி வாய்ப்புள்ள திட்டங்களுக்கு முன்னுரிமை அளிக்கப்படுகிறது.

தகுதி பெற குறைந்தபட்சம் இரண்டு ஆண்டுகள் தொழில் அனுபவம் இருக்க வேண்டும். Degree, Diploma, ITI அல்லது Vocational training பெற்றவர்கள் விண்ணப்பிக்கலாம். விவசாய பட்டதாரிகளுக்கு கூடுதல் முன்னுரிமை உண்டு. Sole proprietorship, Partnership அல்லது Private Limited நிறுவனங்கள் விண்ணப்பிக்கலாம். Farmer Producer Company-யின் இயக்குநர்கள் மற்றும் ஏற்கனவே பிற அரசு மானியத் திட்டங்களில் அதே உள்கட்டமைப்புக்கு உதவி பெற்றவர்கள் தகுதியற்றவர்கள்.

விண்ணப்ப செயல்முறை எளிமையானது. முதலில் மாவட்ட அளவில் நடைபெறும் facilitation workshop-ல் பங்கேற்க வேண்டும். பின்னர் தேர்ந்தெடுக்கப்பட்டவர்களுக்கு இரண்டு நாள் தொழில்முனைவு பயிற்சி அளிக்கப்படும். அதன் பிறகு business plan தயாரிப்பதற்கு அதிகாரிகள் உதவுவார்கள். Business plan வங்கிக்கு அனுப்பப்பட்டு கடன் அனுமதி கிடைத்தவுடன், மானியம் back-ended subsidy ஆக வங்கி கணக்கில் வரவு வைக்கப்படும்.

இந்த திட்டம் ஏற்கனவே தொழில் செய்து வருபவர்களுக்கு பெரும் உதவியாக அமைகிறது. சிறிய முதலீட்டில் வணிகத்தை விரிவாக்கி அதிக வருமானம் ஈட்ட வாய்ப்பு கிடைக்கிறது. ஆர்வமுள்ளவர்கள் உடனடியாக தங்கள் மாவட்ட Deputy Director of Agriculture (Agri Business) அலுவலகத்தைத் தொடர்பு கொண்டு விவரங்களைப் பெற்று விண்ணப்பிக்கலாம். இந்த வாய்ப்பை பயன்படுத்தி உங்கள் தொழிலை அடுத்த கட்டத்திற்கு கொண்டு செல்லுங்கள்.

Bonus: அரசு ஊழியர்களுக்கு ஜாக்பாட்.! துர்கா பூஜைக்கு முன் ரூ.32 ஆயிரம் போனஸ்.! யாருக்கு கிடைக்க போகுது தெரியுமா?

Vedarethinam Ramalingam — Sat, 03 Oct 2026 08:33:31 +0530

அரசு ஊழியர்களுக்கு ஜாக்பாட் அடிக்கப்போகுது. துர்கா பூஜைக்கு முன் நிரந்தர பணியாளர்களுக்கு ரூ. 32 ஆயிரம் போனஸ் கிடைக்க போகுதாம்.! யாருக்கு கிடைக்க போகுது தெரியுமா? விஷயத்தை கேட்டா துள்ளி குதிப்பீங்க மக்களே.!

துர்கா பூஜை பண்டிகையை முன்னிட்டு ஸ்டீல் அத்தாரிட்டி ஆஃப் இந்தியா லிமிடெட் (SAIL) ஊழியர்களுக்கு முக்கிய அறிவிப்பு வெளியாகியுள்ளது. SAIL நிர்வாகமும், National Joint Committee for Steel (NJCS) அமைப்பில் இடம்பெற்றுள்ள தொழிற்சங்க பிரதிநிதிகளும் நடத்திய பேச்சுவார்த்தையில் ஊழியர்களுக்கான ஆண்டு போனஸ் தொகை இறுதி செய்யப்பட்டுள்ளது. இதன்படி, தகுதியுள்ள நிரந்தர ஊழியர்களுக்கு ரூ.32,000, பயிற்சி பெறும் டிரெய்னி ஊழியர்களுக்கு ரூ.25,600 போனஸ் வழங்க முடிவு செய்யப்பட்டுள்ளது. இந்த தொகை துர்கா பூஜைக்கு முன்பாக வழங்கப்படும் என தெரிவிக்கப்பட்டுள்ளது. இதையும் படிங்களேன் - ரூ.5 லட்சம் கடனுக்கு ரூ.2 லட்சம் மானியம்! தமிழக அரசின் அதிரடி சலுகை.! யாருக்கெல்லாம் கிடைக்கும்?!

இந்த ஆண்டு போனஸ் தொடர்பான பேச்சுவார்த்தை நீண்ட நேரம் நடைபெற்றது. ஆரம்பத்தில் நிர்ணயிக்கப்பட்ட ஃபார்முலாவின் அடிப்படையில், நிரந்தர ஊழியர்களுக்கு ரூ.31,200 மற்றும் டிரெய்னி ஊழியர்களுக்கு ரூ.24,960 வழங்க SAIL நிர்வாகம் முன்மொழிந்திருந்தது.

ஆனால் NJCS பிரதிநிதிகளுடன் நடைபெற்ற பேச்சுவார்த்தைக்குப் பிறகு, இந்த தொகை உயர்த்தப்பட்டுள்ளது. இதனால் நிரந்தர ஊழியர்களுக்கு முன்மொழியப்பட்ட தொகையைவிட ரூ.800 கூடுதலாகவும், டிரெய்னி ஊழியர்களுக்கு ரூ.640 கூடுதலாகவும் கிடைக்கிறது.

SAIL-ன் மொத்த பணியாளர் எண்ணிக்கை 2026 ஏப்ரல் 1 நிலவரப்படி 49,752 ஆக உள்ளது. முந்தைய ஆண்டில் இருந்த 53,159 பணியாளர்களுடன் ஒப்பிடும்போது, சுமார் 3,400 பேர் அளவுக்கு பணியாளர் எண்ணிக்கை குறைந்துள்ளது.

SAIL-ன் பணியாளர்களில் சுமார் 80 சதவீதம் பேர் non-executive ஊழியர்கள் என்று மத்திய அரசின் 2025-26 ஆண்டு அறிக்கை குறிப்பிடுகிறது. இதன் அடிப்படையில், சுமார் 39,800 பேர் அளவுக்கு non-executive பணியாளர்கள் இருக்கலாம். இருப்பினும், ரூ.32,000 போனஸுக்கு தகுதியான சரியான எண்ணிக்கையை SAIL நிர்வாகம் தனியாக வெளியிடவில்லை. எனவே, 49,752 என்ற மொத்த பணியாளர் எண்ணிக்கையை போனஸ் பெறும் தொழிலாளர்களின் சரியான எண்ணிக்கையாக எடுத்துக்கொள்ள முடியாது.

SAIL-க்கு சொந்தமான பல்வேறு ஆலைகள் மற்றும் யூனிட்களில் பணியாற்றும் தகுதியான non-executive ஊழியர்களுக்கு இந்த போனஸ் பொருந்தும். மேற்கு வங்கத்தின் பர்ன்பூரில் உள்ள IISCO Steel Plant ஊழியர்களும் இதில் அடங்குவார்கள் என தெரிவிக்கப்பட்டுள்ளது. அதேபோல், நாட்டின் பல்வேறு SAIL ஆலைகளில் பணியாற்றும் தகுதியுள்ள ஊழியர்களும் இந்த ஆண்டு போனஸால் பயனடைவார்கள்.

இந்த போனஸ் தொடர்பான முக்கிய NJCS கூட்டம் அக்டோபர் 1, வியாழக்கிழமை புதுடெல்லியில் நடைபெற்றது. மதியம் தொடங்கிய இந்தக் கூட்டத்தில் SAIL நிர்வாகத்தின் மூத்த அதிகாரிகளும், NJCS-ஐ சேர்ந்த பல்வேறு மத்திய தொழிற்சங்கங்களின் பிரதிநிதிகளும் பங்கேற்றனர்.

SAIL நிர்வாகம் சார்பில் இயக்குநர் (Personnel) கே.கே. சிங், இயக்குநர் (Commercial) டி.என். நடராஜன், CGM (HR) சஞ்சீவ் குமார் குப்தா, CGM (F&A) பவன் குமார் அகர்வால் உள்ளிட்ட அதிகாரிகள் கலந்து கொண்டதாக தகவல்கள் தெரிவிக்கின்றன. NJCS தரப்பில் INTUC, BMS, HMS, AITUC உள்ளிட்ட தொழிற்சங்கங்களின் பிரதிநிதிகள் பேச்சுவார்த்தையில் பங்கேற்றனர்.

போனஸ் தொகை குறித்து தற்போது உடன்பாடு ஏற்பட்டுள்ள நிலையில், துர்கா பூஜைக்கு முன்பாக போனஸ் வழங்கப்படும் என தகவல்கள் தெரிவிக்கின்றன. ஆனால், ஊழியர்களின் வங்கிக் கணக்கில் பணம் வரவு வைக்கப்படும் குறிப்பிட்ட தேதியை SAIL நிர்வாகம் இன்னும் அதிகாரப்பூர்வமாக அறிவிக்கவில்லை. எனவே, சரியான பணம் வழங்கும் தேதிக்காக ஊழியர்கள் காத்திருக்க வேண்டியுள்ளது.

முந்தைய முன்மொழிவுடன் ஒப்பிடும்போது இந்த முடிவால் நிரந்தர ஊழியர்களுக்கு ரூ.800 கூடுதலாக கிடைக்கிறது. டிரெய்னி ஊழியர்களுக்கு ரூ.640 கூடுதலாக கிடைக்கிறது. இதனால் துர்கா பூஜை பண்டிகைக்கு முன்பாக போனஸ் கிடைக்க உள்ளதால் SAIL ஊழியர்களிடையே எதிர்பார்ப்பு அதிகரித்துள்ளது.

D-Mart Shopping: ரூ.2,000 பட்ஜெட்டில் மளிகைப் பொருட்கள் வாங்குவது எப்படி? பணத்தை மிச்சப்படுத்தும் டிப்ஸ்!

Vedarethinam Ramalingam — Fri, 02 Oct 2026 10:26:07 +0530

டி-மார்ட்டில் ரூ.2,000 பட்ஜெட்டில் அத்தியாவசியப் பொருட்களைத் திட்டமிட்டு வாங்குவது எப்படி? மளிகைப் பொருட்கள், வீட்டு உபயோகப் பொருட்கள், சலுகைகள், பணத்தை மிச்சப்படுத்தும் ஷாப்பிங் டிப்ஸ் முழு விவரம்.

மாத சம்பளம் வந்ததும் வீட்டு வாடகை, மளிகைப் பொருட்கள், குழந்தைகளின் படிப்புச் செலவு, மின்சாரக் கட்டணம் எனப் பணம் எங்கே செல்கிறது என்றே தெரியாமல் பல நடுத்தரக் குடும்பங்கள் தவிக்கின்றன. குறிப்பாக, அரிசி, பருப்பு, சமையல் எண்ணெய், சோப்பு, ஷாம்பு, பிஸ்கட் என அன்றாடம் தேவைப்படும் பொருட்களை வாங்குவதற்கே கணிசமான தொகையைச் செலவிட வேண்டியுள்ளது.

இப்படிப்பட்ட சூழலில், குறைந்த செலவில் மளிகைப் பொருட்களையும் அத்தியாவசிய வீட்டுப் பயன்பாட்டுப் பொருட்களையும் வாங்குவது எப்படி? என்ற கேள்விக்கு பலரும் தேடும் ஒரு தேர்வாக டி-மார்ட் (D-Mart) இருக்கிறது. ஒரே இடத்தில் பல பொருட்களை வாங்குவது, விலைகளை ஒப்பிட்டுப் பார்ப்பது, சலுகைகளைப் பயன்படுத்துவது போன்ற வழிகளில் குடும்பச் செலவைக் கட்டுப்படுத்த முடியும்.

ஆனால், உண்மையிலேயே ரூ.2,000-க்குள் மாதத்திற்குத் தேவையான பொருட்களை வாங்க முடியுமா? எந்தப் பொருட்களைத் தேர்வு செய்ய வேண்டும்? எவற்றை வாங்குவதைத் தவிர்க்க வேண்டும்? டி-மார்ட்டில் ஷாப்பிங் செய்யும்போது பணத்தை மிச்சப்படுத்த என்னென்ன வழிகள் உள்ளன? நடுத்தரக் குடும்பங்களுக்குப் பயனளிக்கும் வகையில் விரிவாகப் பார்க்கலாம்.

டி-மார்ட் கடைகளில் மளிகைப் பொருட்கள், சமையலறைக்குத் தேவையான பொருட்கள், தனிநபர் பராமரிப்புப் பொருட்கள், வீட்டைச் சுத்தம் செய்யும் பொருட்கள் எனப் பல வகையான பொருட்கள் ஒரே இடத்தில் கிடைக்கின்றன. பல பொருட்களுக்கு விலைக் குறைப்புகளும் வழங்கப்படுகின்றன. இதனால் வெவ்வேறு கடைகளுக்குச் சென்று பொருட்களை வாங்குவதற்குப் பதிலாக, ஒரே இடத்தில் தேவையானவற்றைத் திட்டமிட்டுப் பெற முடியும்.

ஆனால், டி-மார்ட்டில் வாங்கும் அனைத்துப் பொருட்களுமே மற்ற கடைகளைவிடக் குறைந்த விலையில் கிடைக்கும் என்று சொல்ல முடியாது. எந்தப் பொருள் தேவை, அதன் அளவு என்ன, வேறு கடையில் அதன் விலை எவ்வளவு என்பதையெல்லாம் ஒப்பிட்டுப் பார்த்தால்தான் உண்மையான சேமிப்பைக் கணக்கிட முடியும்.

முக்கியமான விஷயம்: குறைந்த விலையில் பொருட்களை வாங்குவது மட்டும் சேமிப்பு அல்ல. தேவையற்ற பொருட்களை வாங்காமல் இருப்பதும், உணவுப் பொருட்களை வீணாக்காமல் பயன்படுத்துவதும் குடும்ப பட்ஜெட்டைக் கட்டுப்படுத்த உதவும்.

ஒரு குடும்பத்துக்கு ஒரு மாதத்திற்குத் தேவையான அனைத்துப் பொருட்களையும் ரூ.2,000-க்குள் வாங்கிவிடலாம் என்று உறுதியாகக் கூற முடியாது. குடும்ப உறுப்பினர்களின் எண்ணிக்கை, ஏற்கெனவே வீட்டில் உள்ள பொருட்கள், உணவுப் பழக்கம் ஆகியவற்றைப் பொறுத்து செலவு மாறுபடும்.

இருப்பினும், ஏற்கெனவே வீட்டில் அரிசி, எண்ணெய் போன்ற முக்கியப் பொருட்கள் இருப்பதாக வைத்துக்கொண்டால், கூடுதலாகத் தேவைப்படும் மளிகை மற்றும் வீட்டுப் பயன்பாட்டுப் பொருட்களை ரூ.2,000 என்ற வரம்புக்குள் திட்டமிட்டுத் தேர்வு செய்யலாம். முக்கியமாக, வாங்க வேண்டிய பொருட்களின் பட்டியலைத் தயாரித்துவிட்டுச் சென்றால், தேவையில்லாத பொருட்களை வாங்கும் வாய்ப்பைக் குறைக்கலாம்.

நடுத்தரக் குடும்பங்களின் மாதச் செலவில் உணவுப் பொருட்களுக்குப் பெரிய பங்கு இருக்கிறது. எனவே, அரிசி, பருப்பு, சமையல் எண்ணெய், கோதுமை மாவு போன்றவற்றை வாங்கும்போது விலையை மட்டும் பார்த்தால் போதாது.

உதாரணமாக, ஒரு கிலோ பருப்பின் விலை ஒரு கடையில் ரூ.100 என்றும் மற்றொரு கடையில் ரூ.95 என்றும் இருந்தால், இரண்டாவது கடையில் வாங்கும்போது கிலோவுக்கு ரூ.5 மிச்சமாகலாம். ஆனால், தரம், பயன்பாடு, பேக்கின் எடை ஆகியவற்றையும் ஒப்பிட்டுப் பார்க்க வேண்டும்.

டி-மார்ட் இணையதளத்தில் சில மளிகைப் பொருட்களுக்கும் வீட்டு உபயோகப் பொருட்களுக்கும் MRP-ஐவிடக் குறைவான விலைகள் பட்டியலிடப்படுகின்றன. இருப்பினும், விலைகள் பொருள் மற்றும் பேக்கின் அளவைப் பொறுத்து மாறுபடும். பணத்தை மிச்சப்படுத்தும் வழி: அடிக்கடி பயன்படுத்தும் பொருட்களுக்கு ஒரு கிலோ அல்லது ஒரு லிட்டருக்கான விலையைக் கணக்கிடுங்கள். பெரிய பேக் வாங்கினால் விலை குறைவாக இருக்கலாம்; ஆனால் பயன்படுத்துவதற்கு முன்பே காலாவதியாகும் அல்லது வீணாகும் அபாயம் இருந்தால் சிறிய பேக்கைத் தேர்வு செய்வதே பொருத்தமானது.

வீட்டில் மாதந்தோறும் வாங்கப்படும் பொருட்களில் சோப்பு, ஷாம்பு, பற்பசை, துணி துவைக்கும் பவுடர், பாத்திரம் கழுவும் சோப்பு போன்றவற்றுக்கு முக்கிய இடம் உண்டு.

இந்தப் பொருட்களை ஒவ்வொரு முறையும் அவசரமாக வாங்குவதற்குப் பதிலாக, வீட்டில் எவ்வளவு இருப்பு உள்ளது என்பதைப் பார்த்து வாங்கலாம். டி-மார்ட் இணையதளத்தில் தனிநபர் பராமரிப்பு மற்றும் வீட்டு உபயோகப் பொருட்களுக்கான பல்வேறு பேக் அளவுகளும் விலைகளும் பட்டியலிடப்படுகின்றன. உதாரணமாக, ஒரு குடும்பம் மாதந்தோறும் இரண்டு சோப்புகளைப் பயன்படுத்துகிறது என்றால், அந்தத் தேவைக்கேற்பவே வாங்குவது நல்லது. அதிக எண்ணிக்கையில் சோப்புகள் வாங்கினால் சலுகை கிடைக்கலாம்; ஆனால் உடனடியாகத் தேவையில்லாத பொருட்களுக்குப் பணத்தை முடக்க வேண்டிய அவசியமில்லை.

அதேபோல், ஒரே பிராண்டை மட்டுமே வாங்க வேண்டும் என்ற கட்டாயமும் இல்லை. குடும்பத்தினருக்குப் பொருத்தமான தரம் கொண்ட மாற்றுப் பொருட்களின் விலையையும் ஒப்பிட்டுப் பார்க்கலாம்.

1. ஷாப்பிங் லிஸ்ட் தயாரியுங்கள்

வீட்டில் ஏற்கெனவே உள்ள பொருட்களைச் சரிபார்த்துவிட்டு, உண்மையில் தேவைப்படும் பொருட்களை மட்டும் பட்டியலிடுங்கள். ஒரே பொருளை மீண்டும் வாங்குவதைத் தவிர்க்கலாம்.

2. விலைகளை ஒப்பிட்டுப் பாருங்கள்

MRP, விற்பனை விலை, எடை ஆகியவற்றைக் கவனியுங்கள். மற்ற கடைகளில் கிடைக்கும் விலையையும் ஒப்பிட்டுப் பார்த்து முடிவு செய்யுங்கள்.

3. உண்மையில் பயனுள்ள சலுகைகளை மட்டும் பயன்படுத்துங்கள்

'ஒன்று வாங்கினால் ஒன்று இலவசம்' போன்ற சலுகைகள் இருக்கும்போது, அந்தப் பொருள் உங்களுக்குத் தேவையா என்பதைக் கணக்கிடுங்கள். சலுகை என்பதற்காக மட்டும் வாங்க வேண்டாம்.

4. நீண்ட நாட்கள் பயன்படுத்தும் பொருட்களைத் திட்டமிட்டு வாங்குங்கள்

அரிசி, பருப்பு போன்றவை வீட்டில் எவ்வளவு உள்ளன என்பதைப் பார்த்து தேவையான அளவு வாங்குங்கள். சேமித்து வைக்க வசதி இல்லாமல் அதிகமாக வாங்குவதைத் தவிர்க்கவும்.

5. வார உணவுத் திட்டம் தயாரியுங்கள்

அடுத்த சில நாட்களுக்கு என்ன சமைக்கப் போகிறீர்கள் என்பதை முடிவு செய்தால், தேவையான காய்கறி மற்றும் மளிகைப் பொருட்களை மட்டும் வாங்க முடியும்.

6. பில் தொகையைச் சரிபாருங்கள்

வாங்கிய பொருட்களின் எண்ணிக்கை, விலை, சலுகைகள் ஆகியவை பில்லில் சரியாக உள்ளனவா என்று பாருங்கள். பட்ஜெட்டை மீறியிருந்தால் தேவையற்ற பொருட்களை அடுத்த முறை தவிர்க்கலாம்.

7. மாதச் செலவுகளைப் பதிவு செய்யுங்கள்

மளிகைக்கு எவ்வளவு, வீட்டுப் பயன்பாட்டுப் பொருட்களுக்கு எவ்வளவு செலவானது என்பதை எழுதிவையுங்கள். அடுத்த மாதம் எங்கு செலவைக் குறைக்கலாம் என்பதை எளிதாக அறியலாம்.

இந்த வழிமுறைகள் அனைத்தும் தள்ளுபடியை மட்டுமே நம்பாமல், வாங்கும் முறையையே மாற்ற உதவும். திட்டமிட்ட ஷாப்பிங் மற்றும் விலை ஒப்பீடு பணத்தைச் சேமிக்க உதவும் நடைமுறைகள் எனவும் பரிந்துரைக்கப்படுகிறது.

கடைக்குச் சென்று பொருட்களை வாங்க நேரமில்லாதவர்களுக்கு DMart Ready என்ற ஆன்லைன் சேவையும் உள்ளது. இதில் மளிகைப் பொருட்கள், சமையலுக்குத் தேவையான பொருட்கள், வீட்டுப் பயன்பாட்டுப் பொருட்கள் உள்ளிட்டவற்றைத் தேடிப் பார்க்கலாம்.

ஆனால், ஆன்லைன் சேவை எல்லா நகரங்களிலும் கிடைக்கும் என்று சொல்ல முடியாது. உங்கள் பகுதியில் சேவை உள்ளதா, பொருள் விலை என்ன, டெலிவரி கட்டணம் உள்ளதா, பிக்கப் வசதி கிடைக்கிறதா என்பவற்றை ஆர்டர் செய்வதற்கு முன்பு சரிபார்க்க வேண்டும்.

ஆன்லைனில் பொருட்களை வாங்கும்போது, கடையில் நேரடியாக வாங்குவதைவிட எவ்வளவு செலவாகிறது என்பதை ஒப்பிட்டுப் பாருங்கள். டெலிவரி கட்டணம் இருந்தால் அதையும் மொத்தச் செலவில் சேர்த்துக் கணக்கிடுங்கள்.

முதலில், தள்ளுபடி அதிகம் இருப்பதால் தேவையில்லாத பொருட்களை வாங்காதீர்கள். ரூ.200 மிச்சப்படுத்துவதற்காக ரூ.500 செலவழிப்பது உண்மையான சேமிப்பு அல்ல.

இரண்டாவதாக, வீட்டில் ஏற்கெனவே இருக்கும் பொருட்களை மீண்டும் வாங்குவதைத் தவிர்க்க வேண்டும். மூன்றாவதாக, உணவுப் பொருட்களை அதிகமாக வாங்கிவிட்டு அவை கெட்டுப்போவதற்கும் வீணாவதற்கும் இடமளிக்கக் கூடாது.

நான்காவதாக, பிரபலமான பிராண்டுகளின் பெரிய பேக்குகளை மட்டுமே தேர்வு செய்ய வேண்டியதில்லை. சிறிய பேக்குகளின் விலையையும் ஒப்பிட்டுப் பாருங்கள். ஐந்தாவதாக, கடைக்குச் செல்வதற்கு முன்பே அதிகபட்ச செலவு வரம்பை நிர்ணயித்துக்கொள்ளுங்கள்.

நினைவில் வையுங்கள்: மளிகைப் பொருட்களை வாங்கும் இடத்தை மாற்றுவதால் மட்டுமே குடும்பச் செலவு குறைந்துவிடாது. சரியான அளவில் வாங்குவது, வீணாக்காமல் பயன்படுத்துவது, விலைகளை ஒப்பிடுவது ஆகிய மூன்றும்தான் நீண்டகாலச் சேமிப்புக்கு உதவும்.

மாதச் சம்பளத்தில் குடும்பத்தை நடத்துபவர்களுக்கு ஒவ்வொரு ரூபாயும் முக்கியமானது. எனவே, வீட்டுச் செலவுகளுக்கான பட்ஜெட்டை முன்கூட்டியே பிரிப்பது நல்ல பழக்கம். மளிகைப் பொருட்களுக்கு ஒரு வரம்பு, வீட்டு உபயோகப் பொருட்களுக்கு ஒரு வரம்பு, அவசரத் தேவைகளுக்கு ஒரு தொகை எனப் பிரித்துக்கொள்ளலாம். அதன்பிறகு, டி-மார்ட் உள்ளிட்ட கடைகளில் கிடைக்கும் விலைகளை ஒப்பிட்டு வாங்கலாம்.

இப்படிச் செய்வதால் மாத இறுதியில் ஏற்படும் தேவையற்ற செலவுகளைக் கட்டுப்படுத்தவும், வாங்கிய பொருட்களைச் சிறப்பாகப் பயன்படுத்தவும் முடியும். அதேநேரத்தில், அரிசி, காய்கறி, பால், சமையல் எண்ணெய் போன்ற அத்தியாவசியப் பொருட்களுக்கான உண்மையான தேவையைக் குறைத்து மதிப்பிடக் கூடாது.

டி-மார்ட்டில் ரூ.2,000 செலவழித்தால் எவ்வளவு பணம் மிச்சமாகும் என்பதற்கு எல்லோருக்கும் பொருந்தும் ஒரே பதில் இல்லை. அது நீங்கள் வாங்கும் பொருட்கள், அவற்றின் அளவு, அன்றைய விலைகள் மற்றும் வேறு கடைகளுடன் ஒப்பிடும்போது கிடைக்கும் விலை வித்தியாசம் ஆகியவற்றைப் பொறுத்தது.

உதாரணமாக, நீங்கள் வாங்கத் திட்டமிட்டுள்ள பொருட்களின் மொத்த விலை மற்றொரு கடையில் ரூ.2,200 என்றும், டி-மார்ட்டில் அதே பொருட்களின் மொத்த விலை ரூ.2,000 என்றும் இருந்தால், ரூ.200 மிச்சமாகும். இது விளக்கத்திற்கான கணக்கு மட்டுமே; தற்போதைய விலை ஒப்பீடு அல்ல.

எனவே, நடுத்தரக் குடும்பங்கள் செய்ய வேண்டியது ஒன்றுதான்: பட்டியல் தயாரியுங்கள், விலைகளை ஒப்பிடுங்கள், தேவையானவற்றை மட்டும் வாங்குங்கள், மாதச் செலவைக் கண்காணியுங்கள். இந்த நான்கு பழக்கங்களும் குடும்ப பட்ஜெட்டைச் சீராக வைத்திருக்க உதவும்.