Asianet News Tamil

Railway Jobs 2026: ரயில்வேயில் 5,236 வேலைவாய்ப்புகள்! 12ஆம் வகுப்பு, டிகிரி முடித்தவர்கள் விண்ணப்பிக்கலாம்!

Raghupati R — Fri, 16 Oct 2026 22:17:01 +0530

Railway Jobs 2026: இந்திய ரயில்வேயில் அரசு வேலை பெற விரும்புபவர்களுக்கு நல்ல செய்தி வெளியாகியிருக்கிறது. 5,236 பணியிடங்கள் அறிவிக்கப்பட்டுள்ளன. எந்தப் பணிக்கு என்ன கல்வித் தகுதி, வயது வரம்பு, சம்பளம் ஆகிய விவரங்களைத் தெரிந்துகொண்டு விண்ணப்பிக்கலாம்.

இந்திய ரயில்வேயில் வேலைவாய்ப்பை எதிர்பார்த்துக் காத்திருக்கும் இளைஞர்களுக்கு முக்கிய அறிவிப்பு வெளியாகியுள்ளது. ரயில்வே ஆட்சேர்ப்பு வாரியம் (RRB) சார்பில் 2026ஆம் ஆண்டுக்கான என்டிபிசி பணிகளுக்கு இரண்டு தனித்தனி அறிவிப்புகள் வெளியிடப்பட்டுள்ளன. இதன் மூலம் நாடு முழுவதும் மொத்தம் 5,236 பணியிடங்கள் நிரப்பப்பட உள்ளன. இதில் 12ஆம் வகுப்பு தேர்ச்சி பெற்றவர்களுக்கான இளநிலைப் பிரிவில் 1,688 பணியிடங்களும், பட்டப்படிப்பு முடித்தவர்களுக்கான பட்டதாரிப் பிரிவில் 3,548 பணியிடங்களும் உள்ளன. இளநிலைப் பிரிவுக்கான விண்ணப்பப் பதிவு அக்டோபர் 15ஆம் தேதி தொடங்கியுள்ளது. இதற்கு நவம்பர் 13, 2026 வரை விண்ணப்பிக்கலாம். விண்ணப்பக் கட்டணத்தைச் செலுத்துவதற்கான கடைசி நாள் நவம்பர் 15 ஆகும்.

பட்டதாரிப் பிரிவுக்கான விண்ணப்பப் பதிவு அக்டோபர் 8ஆம் தேதி தொடங்கியது. இதற்கு நவம்பர் 6, 2026 வரை விண்ணப்பிக்கலாம்; கட்டணம் செலுத்த நவம்பர் 8 கடைசி நாளாகும். இரண்டு அறிவிப்புகளுக்கும் தகுதி நிபந்தனைகள், வயது வரம்பு மற்றும் விண்ணப்பக் காலக்கெடு வேறுபடுகின்றன. எனவே, விண்ணப்பதாரர்கள் தங்களது கல்வித் தகுதிக்கு ஏற்ற அறிவிப்பைத் தேர்ந்தெடுத்து, அதிகாரப்பூர்வ அறிவிப்பில் உள்ள நிபந்தனைகளை முழுமையாகப் படித்த பிறகே விண்ணப்பிக்க வேண்டும். 12ஆம் வகுப்பு தேர்ச்சி பெற்றவர்கள் விண்ணப்பிக்கக்கூடிய இளநிலைப் பிரிவில் நான்கு வகையான பணிகள் அறிவிக்கப்பட்டுள்ளன. வணிகம் மற்றும் பயணச்சீட்டுப் பணியாளர் பதவிக்கு 700 இடங்களும், கணக்குப் பிரிவு எழுத்தர் மற்றும் தட்டச்சர் பதவிக்கு 200 இடங்களும், இளநிலை எழுத்தர் மற்றும் தட்டச்சர் பதவிக்கு 600 இடங்களும், ரயில் எழுத்தர் பதவிக்கு 188 இடங்களும் உள்ளன. இந்தப் பிரிவில் விண்ணப்பிக்க, அங்கீகரிக்கப்பட்ட கல்வி நிறுவனத்தில் 12ஆம் வகுப்பு அல்லது அதற்கு இணையான தேர்வில் தேர்ச்சி பெற்றிருக்க வேண்டும்.

குறைந்தபட்ச மதிப்பெண் உள்ளிட்ட நிபந்தனைகள் அதிகாரப்பூர்வ அறிவிப்பின்படி பொருந்தும். 2027 ஜனவரி 1ஆம் தேதியின்படி வயது 18 முதல் 30 வரை இருக்க வேண்டும்; அரசு விதிகளின்படி தகுதியுள்ள பிரிவினருக்கு வயது தளர்வு வழங்கப்படும். வணிகம் மற்றும் பயணச்சீட்டுப் பணியாளர் பதவிக்கான தொடக்க அடிப்படைச் சம்பளம் மாதம் ரூ.21,700. மற்ற மூன்று பதவிகளுக்கான தொடக்க அடிப்படைச் சம்பளம் ரூ.19,900. விண்ணப்பக் கட்டணம் பொதுப் பிரிவு உள்ளிட்ட சில பிரிவினருக்கு ரூ.500 என்றும், தகுதியுள்ள சிறப்புப் பிரிவினருக்கு ரூ.250 என்றும் குறிப்பிடப்பட்டுள்ளது. கட்டணத் திருப்பிச் செலுத்துதல் உள்ளிட்ட நிபந்தனைகள் பொருந்தக்கூடும் என்பதால் அறிவிப்பைப் பார்க்க வேண்டும்.

பட்டப்படிப்பு முடித்தவர்களுக்கான பிரிவில் மொத்தம் 3,548 பணியிடங்கள் உள்ளன. இதில் சரக்கு ரயில் மேலாளர் பதவிக்கு அதிகபட்சமாக 2,750 இடங்கள் அறிவிக்கப்பட்டுள்ளன. மூத்த எழுத்தர் மற்றும் தட்டச்சர் பதவிக்கு 371 இடங்களும், இளநிலை கணக்குப் பிரிவு உதவியாளர் மற்றும் தட்டச்சர் பதவிக்கு 300 இடங்களும், தலைமை வணிகம் மற்றும் பயணச்சீட்டு மேற்பார்வையாளர் பதவிக்கு 127 இடங்களும் உள்ளன. அங்கீகரிக்கப்பட்ட பல்கலைக்கழகத்தில் பட்டப்படிப்பு அல்லது அதற்கு இணையான தகுதி பெற்றிருக்க வேண்டும். 2027 ஜனவரி 1ஆம் தேதியின்படி வயது 18 முதல் 33 வரை இருக்க வேண்டும்; பொருந்தும் இடஒதுக்கீட்டு விதிகளின்படி வயது தளர்வு கிடைக்கும்.

தலைமை வணிகம் மற்றும் பயணச்சீட்டு மேற்பார்வையாளர் பதவிக்கான தொடக்க அடிப்படைச் சம்பளம் மாதம் ரூ.35,400. மற்ற மூன்று பதவிகளுக்கும் ரூ.29,200 அடிப்படைச் சம்பளம் வழங்கப்படும். இவை அடிப்படைச் சம்பளத் தொகைகள் மட்டுமே; பொருந்தக்கூடிய படிகள் மற்றும் பணிவிதிகளின் அடிப்படையில் மொத்த ஊதியம் மாறுபடும். பட்டதாரிப் பிரிவுக்கான விண்ணப்பக் கட்டணம் பொதுப் பிரிவு உள்ளிட்ட சில பிரிவினருக்கு ரூ.500 என்றும், தகுதியுள்ள சிறப்புப் பிரிவினருக்கு ரூ.250 என்றும் குறிப்பிடப்பட்டுள்ளது. தட்டச்சர் பதவிகளுக்கான கணினி மற்றும் தட்டச்சுத் திறன் தொடர்பான நிபந்தனைகளையும் விண்ணப்பிக்கும் முன் சரிபார்க்க வேண்டும்.

இரண்டு பிரிவுகளிலும் தேர்வு கணினி வழியில் இரண்டு கட்டங்களாக நடைபெறும். முதல் கட்டத் தேர்வில் 100 கேள்விகள் இடம்பெறும். பொது விழிப்புணர்வு பகுதியில் 40 கேள்விகளும், கணிதத்தில் 30 கேள்விகளும், பொது நுண்ணறிவு மற்றும் காரணம் கண்டறிதல் பகுதியில் 30 கேள்விகளும் கேட்கப்படும். இந்தத் தேர்வுக்கான கால அளவு 90 நிமிடங்கள். இரண்டாம் கட்டத் தேர்வில் மொத்தம் 120 கேள்விகள் இடம்பெறும். இதில் பொது விழிப்புணர்வுக்கு 50 கேள்விகளும், கணிதத்துக்கு 35 கேள்விகளும், பொது நுண்ணறிவு மற்றும் காரணம் கண்டறிதலுக்கு 35 கேள்விகளும் இருக்கும். தவறான பதில்களுக்கு மூன்றில் ஒரு பங்கு மதிப்பெண் கழிக்கப்படும். முதல் கட்டத் தேர்வில் பெற்ற மதிப்பெண்களின் அடிப்படையில் இரண்டாம் கட்டத் தேர்வுக்கு விண்ணப்பதாரர்கள் தேர்ந்தெடுக்கப்படுவார்கள். அதன் பிறகு ஆவணச் சரிபார்ப்பு மற்றும் மருத்துவப் பரிசோதனை நடைபெறும். குறிப்பிட்ட பதவிகளுக்கு பொருந்தும் திறன் சார்ந்த நிபந்தனைகள் இருந்தால் அவற்றையும் பூர்த்தி செய்ய வேண்டும்.

பட்டதாரிப் பிரிவில் சில தட்டச்சர் பதவிகளுக்கான கணினி வழித் தட்டச்சுத் திறன் தேர்வு நீக்கப்பட்டுள்ளதாக ரயில்வே அமைச்சகத்தின் தகவல் தெரிவிக்கிறது; இருப்பினும் அடிப்படை கணினி மற்றும் தட்டச்சுத் திறன் குறித்த நிபந்தனைகளை விண்ணப்பதாரர்கள் கவனிக்க வேண்டும். விண்ணப்பிக்க விரும்புபவர்கள் ரயில்வே ஆட்சேர்ப்பு வாரியத்தின் அதிகாரப்பூர்வ இணையதளமான rrb.indianrailways.gov.in அல்லது விண்ணப்பத் தளமான rrbapply.gov.in வழியாக அறிவிப்புகளைப் பார்த்து விண்ணப்பிக்கலாம். முதலில் தங்களது கல்வித் தகுதிக்கேற்ற இளநிலை அல்லது பட்டதாரிப் பிரிவைத் தேர்ந்தெடுக்க வேண்டும்.

பின்னர் பதிவு செய்து, தனிப்பட்ட விவரங்கள், கல்விச் சான்றுகள் மற்றும் தேவையான ஆவணங்களைச் சமர்ப்பித்து, பொருந்தும் விண்ணப்பக் கட்டணத்தைச் செலுத்த வேண்டும். விண்ணப்பத்தை இறுதியாகச் சமர்ப்பிக்கும் முன் பெயர், பிறந்த தேதி, கல்வித் தகுதி மற்றும் பிற விவரங்களைச் சரிபார்ப்பது அவசியம். இளநிலைப் பிரிவுக்கு நவம்பர் 13ஆம் தேதியும், பட்டதாரிப் பிரிவுக்கு நவம்பர் 6ஆம் தேதியும் கடைசி நாளாக இருப்பதால், கடைசி நேரம் வரை காத்திருக்காமல் விண்ணப்பிப்பது நல்லது. விண்ணப்பத் திருத்தத்திற்கான காலமும் இரு பிரிவுகளுக்கும் வேறுபடுகிறது. எனவே, தவறான தகவல்கள் அல்லது முழுமையற்ற ஆவணங்களால் விண்ணப்பம் பாதிக்கப்படாமல் இருக்க அதிகாரப்பூர்வ அறிவிப்பில் உள்ள அனைத்து வழிமுறைகளையும் பின்பற்ற வேண்டும். காலியிடங்கள், தகுதி, கட்டணம் மற்றும் தேர்வு விதிகளில் மாற்றங்கள் ஏற்பட்டால் அதிகாரப்பூர்வ ரயில்வே இணையதளத்தில் வெளியிடப்படும் தகவல்களையே இறுதியானதாக எடுத்துக்கொள்ள வேண்டும்.

Special TET Exam : ஆசிரியர்களுக்கான சிறப்பு டெட் தேர்வு ..TRB அறிவிப்பு வெளியீடு – முழு விவரங்கள்

Vishnupriya — Tue, 27 Oct 2026 07:01:19 +0530

Special TET Exam : பணியில் உள்ள ஆசிரியர்களுக்கான சிறப்பு டெட் (TET) தேர்வு டிசம்பர் 20 ஆம் தேதி நடைபெற உள்ளது. விண்ணப்பம், கடைசி தேதி, தேர்வுக் கட்டணம், பணிச் சான்றிதழ் உள்ளிட்ட முக்கிய விவரங்களை ஆசிரியர்கள் தெரிந்துகொள்ளுங்கள்.

அரசுப் பள்ளிகளில் பணியாற்றும் ஆசிரியர்கள் தங்களது பணித் தகுதியை உறுதிப்படுத்துவதற்காகக் காத்திருக்கும் நிலையில், அவர்களுக்கு மற்றொரு முக்கியமான வாய்ப்பு கிடைத்துள்ளது.

ஆசிரியர் தகுதித் தேர்வான டெட் (TET) தேர்வில் இதுவரை தேர்ச்சி பெறாத பணியில் உள்ள ஆசிரியர்களுக்கு, மீண்டும் ஒரு வாய்ப்பை வழங்கும் வகையில் தமிழ்நாடு ஆசிரியர் தேர்வு வாரியம் (TRB) சிறப்புத் தேர்வை நடத்துகிறது.

அதன்படி, பணியில் உள்ள ஆசிரியர்களுக்கான சிறப்பு டெட் தேர்வு வருகிற டிச.20 ஆம் தேதி நடைபெறும் என்றும் இதற்கு இன்று (அக்டோபர் 27) ஆன்லைனில் விண்ணப்பிக்கலாம் என்றும் ஆசிரியர் தேர்வு வாரியம் (TRB) அறிவித்துள்ளது.

தேர்வு எப்போது நடைபெறும்? தாள் 1, தாள் 2 தேர்வுகள் எந்த நேரத்தில் நடைபெறும்? விண்ணப்பப் பதிவு எப்போது தொடங்குகிறது? விண்ணப்பிக்கக் கடைசி தேதி என்ன? ஆசிரியர்கள் தெரிந்துகொள்ள வேண்டிய முக்கிய விவரங்களை விரிவாகப் பார்க்கலாம்.

மத்திய அரசின் கட்டாயக் கல்வி உரிமைச் சட்டத்தின்படி, நாடு முழுவதும் உள்ள பள்ளிகளில் இடைநிலை மற்றும் பட்டதாரி ஆசிரியர்களாகப் பணியில் சேருவதற்கு ஆசிரியர் தகுதித் தேர்வான டெட் (TET) தேர்வில் தேர்ச்சி பெறுவது கட்டாயமாகும்.

மேலும், இச்சட்டம் அமலுக்கு வருவதற்கு முன்பே பணியில் சேர்ந்த ஆசிரியர்களும் தொடர்ந்து பணியாற்றுவதற்கும், பதவி உயர்வு பெறுவதற்கும் டெட் தேர்வில் தேர்ச்சி பெற வேண்டும் என்று உச்சநீதிமன்றம் தீர்ப்பளித்தது.

அதன்படி, அரசு பள்ளிகள், அரசு உதவி பெறும் பள்ளிகள் மற்றும் அங்கீகாரம் பெற்ற தனியார் பள்ளிகளில் பணிபுரியும் ஆசிரியர்களுக்கான சிறப்பு டெட் தேர்வு கடந்த ஜூலை மாதம் நடைபெற்றது. அதன் முடிவுகள் வெளியிடப்பட்ட நிலையில், இதில், 1 லட்சத்திற்கும் மேற்பட்ட நபர்கள் தோல்வி அடைந்தனர்.

இந்நிலையில், தோல்வி அடைந்த பணிபுரியும் ஆசிரியர்களுக்குகான சிறப்பு டெட் தேர்வு தேர்வு வருகிற டிச.20 ஆம் தேதி நடைபெறும் என்று ஆசிரியர் தேர்வு வாரியம் (TRB) அறிவித்துள்ளது.

முக்கிய தேதிகள்

இது தொடர்பாக ஆசிரியர் தேர்வு வாரியம் (TRB) வெளியிட்டுள்ள அறிவிப்பில்,

தேர்வு நடைபெறும் நாள் : 20 டிசம்பர், 2026

காலை - தாள் 2 தேர்வு (பட்டதாரி ஆஅசிரியர்கள் தேர்வு)

பிற்பகல் - தாள் 1 தேர்வு (இடைநிலை ஆசிரியர்கள் தேர்வு)

ஆன்லைன் விண்ணப்பம் தொடக்கம்: 27 அக்டோபர் 2026

விண்ணப்பிக்கக் கடைசி நாள் : 19 நவம்பர் 2026

விண்ணப்பத் திருத்தம்: 20–22 நவம்பர் 2026

தமிழ்நாட்டில் பணியில் இருந்துகொண்டே ஆசிரியர் தகுதித் தேர்வில் தேர்ச்சி பெற வேண்டிய ஆசிரியர்களுக்காக இந்தச் சிறப்புத் தேர்வு நடத்தப்படுகிறது.

தகுதியுள்ள ஆசிரியர்கள் ஆசிரியர் தேர்வு வாரியத்தின் அதிகாரப்பூர்வ இணையதளம் மூலம் விண்ணப்பிக்க வேண்டும்.

விண்ணப்பிக்கும் முறை:

1. TRB இணையதளத்திற்குச் செல்லவும்.

2. பணியில் உள்ள ஆசிரியர்களுக்கான சிறப்பு TNTET தேர்வு அறிவிப்பைத் திறக்கவும்.

3. விண்ணப்பப் படிவத்தில் கேட்கப்படும் தனிப்பட்ட விவரங்கள், கல்வித் தகுதி மற்றும் பணிவிவரங்களைப் பூர்த்தி செய்யவும்.

4. அறிவிக்கையில் குறிப்பிடப்பட்டுள்ள பணிச் சான்றிதழ் உள்ளிட்ட ஆவணங்களைப் பதிவேற்றவும்.

5. பொருந்தும் தேர்வுக் கட்டணத்தைச் செலுத்தி விண்ணப்பத்தைச் சமர்ப்பிக்கவும்.

6. விண்ணப்ப உறுதிப்படுத்தல் நகலைப் பதிவிறக்கம் செய்து வைத்துக்கொள்ளவும்.

பணியில் உள்ள ஆசிரியர்களுக்கான சிறப்பு டெட் தேர்வு டிசம்பர் 20 ஆம் தேதி நடைபெற உள்ள நிலையில், இதுவரை தேர்ச்சி பெறாத ஆசிரியர்கள் இந்த வாய்ப்பைத் தவறவிடாமல் பயன்படுத்திக்கொள்ள வேண்டும்.

விண்ணப்பம் தொடங்கும் நாள், கடைசி நாள், பணிச் சான்றிதழ், தேர்வுக் கட்டணம் போன்ற விவரங்களை அதிகாரப்பூர்வ அறிவிக்கையில் சரிபார்த்து விண்ணப்பிப்பதே சிறந்தது.

8th Pay Commission: அரசு ஊழியர்களுக்கு DA இணைப்பு, சம்பள உயர்வு... சங்கங்களின் 5 முக்கிய கோரிக்கைகள்!

Vedarethinam Ramalingam — Sun, 18 Oct 2026 07:39:41 +0530

8th Pay Commission: அரசு ஊழியர்கள், ஓய்வூதியதாரர்களின் சம்பளம் மற்றும் படிகளை மாற்றி அமைப்பது குறித்து 8வது ஊதியக் குழு இப்போது கருத்துகளைக் கேட்டு வருகிறது.

8th Pay Commission: 8வது மத்திய ஊதியக் குழு (CPC) இப்போது ஆலோசனை கட்டத்தில் இருக்கு. அடுத்த வருஷம் மே மாசம் இறுதி அறிக்கை கொடுக்குறதுக்கு முன்னாடி, மத்திய அரசு ஊழியர்கள், ஓய்வூதியதாரர்கள், சங்கங்கள்னு பல தரப்புல இருந்தும் கருத்துகளைக் கேட்டுட்டு வராங்க.

அரசு ஊழியர்களின் சம்பள அமைப்பு, பே-மேட்ரிக்ஸ், ஃபிட்மென்ட் ஃபேக்டர், DA, DR, HRA போன்ற படிகள், இன்கிரிமென்ட், புரமோஷன் எல்லாத்தையும் இந்தக் குழு ஆய்வு செய்யும். இதுல தேவையான, நடைமுறைக்கு ஏத்த மாற்றங்களை அவங்க பரிந்துரை செய்வாங்கனு எதிர்பார்க்கப்படுது.

இந்தக் குழுவோட முடிவுகள் 1 கோடிக்கும் அதிகமான மக்களைப் பாதிக்கும். இதுல 50 லட்சம் மத்திய அரசு ஊழியர்கள், 65 லட்சம் ஓய்வூதியதாரர்கள் இருக்காங்க. பாதுகாப்பு, ரயில்வே துறை ஊழியர்களும் இதுல அடங்குவாங்க.

ஊழியர் சங்கங்கள், ஓய்வூதியதாரர்கள் அமைப்புகள்கூட பேசுறதுக்காக அக்டோபர் 22-23 தேதிகள்ல இந்தக் குழு மும்பை போறாங்க.

முக்கியமான கோரிக்கைகள் என்னனு பார்க்கலாம்:

அகவிலைப்படியை (DA) அடிப்படை சம்பளத்தோட இணைக்கணும்னு பல ஊழியர் சங்கங்கள் மத்திய அரசுகிட்ட கேட்டுருக்காங்க. 7வது ஊதியக் குழு பரிந்துரைப்படி, DA 50 சதவீதத்தைத் தாண்டுனா அதை அடிப்படை சம்பளத்தோட இணைக்கலாம். இப்போதைய நிலவரப்படி, DA 60 சதவீதத்தைத் தொட்டுருச்சு.

DA-வை அடிப்படை சம்பளத்தோட இணைக்கிறது பத்தி அரசு இன்னும் அதிகாரப்பூர்வமா அறிவிக்கல. ஆனா, அடிப்படை சம்பளத்தை வெச்சுதான் PF, பென்ஷன், கிராஜுவிட்டி எல்லாம் முடிவாகுது. அதனால, DA உயர்ந்து அடிப்படை சம்பளம் அதிகரிச்சா, மொத்த சம்பளமும் மற்ற படிகளும் கணிசமா கூடும்.

NC-JCM, மகாராஷ்டிரா பழைய ஓய்வூதிய அமைப்பு, AIDEF போன்ற பெரிய சங்கங்கள் குறைந்தபட்ச அடிப்படை சம்பளத்தை உயர்த்தணும்னு கேட்டுருக்காங்க. NC-JCM மற்றும் AIDEF அமைப்புகள் ரூ.69,000 ஆகவும், மகாராஷ்டிரா அமைப்பு ரூ.65,000 ஆகவும் குறைந்தபட்ச சம்பளத்தை நிர்ணயிக்க கோரிக்கை வெச்சுருக்காங்க.

இப்போதைய பொருளாதார சூழ்நிலைக்கு ஏத்த மாதிரி குறைந்தபட்ச சம்பளத்தை ரூ.52,600 ஆக மாத்தணும்னு IRTSA சங்கம் கேட்டுருக்கு. அதேபோல, ஜனவரி 1, 2026 அன்னைக்கு இருக்குற விலைவாசி குறியீட்டை (price index) அடிப்படையா வெச்சுதான் குறைந்தபட்ச சம்பளத்தை முடிவு பண்ணணும்னு RSCWS அமைப்பு சொல்லியிருக்காங்க.

அகவிலைப்படியை (DA) உயர்த்தணும்னும் பல சங்கங்கள் கேட்டுருக்காங்க. பணவீக்கத்துக்கு ஏத்த மாதிரி சம்பள அமைப்பு இருக்கணும்னு NC-JCM சொல்லியிருக்கு. குறைஞ்சது 4% DA உயர்வு, 50% DA-வை அடிப்படை சம்பளத்தோட இணைக்கணும்னு மகாராஷ்டிரா அமைப்பு கேட்டுருக்கு. பணவீக்கத்துக்கு ஏத்த இழப்பீடு வேணும்னு AIDEF வலியுறுத்தியிருக்கு.

ரயில்வே துறையில பாதுகாப்பு சம்பந்தப்பட்ட பதவிகளுக்கு 'ஃபிட்மென்ட் ஃபேக்டர்' அதிகமா இருக்கணும்னு IRTSA சங்கம் சொல்லியிருக்கு. அவங்க 2.92, 3.50 மற்றும் 3.80 அப்படிங்கிற அளவுல ஃபிட்மென்ட் ஃபேக்டரை நிர்ணயிக்க ஆலோசனை சொல்லியிருக்காங்க.

8வது ஊதியக் குழுக்கிட்ட AIDEF கொடுத்த ரெண்டாவது மனுவுல, DA கணக்கிடுற முறையை மாத்தணும்னு கேட்டுருக்காங்க. குறிப்பா குறைவான சம்பளம் வாங்குறவங்க, தங்களோட வருமானத்துல பெரும்பகுதியை சாப்பாடு, கல்வி, மருத்துவம், வீட்டு வாடகைக்குதான் செலவு பண்றாங்க. அதனால நடைமுறைக்கு ஏத்த மாதிரி கணக்கிடணும்னு அவங்க சொல்லியிருக்காங்க.

8வது ஊதியக் குழுவோட விதிமுறைகள் (ToR) படி, குழு அமைக்கப்பட்ட 18 மாசத்துக்குள்ள (அதாவது நவம்பர் 3, 2025-க்குள்ள) பரிந்துரைகளை அறிவிக்கணும். அந்த கணக்குப்படி பார்த்தா, இறுதி அறிக்கை தாக்கல் செய்ய மே 2027 வரைக்கும் டைம் இருக்கு.

ஊதியக் குழுவோட பரிந்துரைகள் வந்தாலும், அதை முழுமையா அமல்படுத்த இன்னும் ரெண்டு மூணு வருஷம் ஆகலாம். அதாவது, 2027-ல சம்பள உயர்வு அறிவிப்பு வந்தா, அது 2029 அல்லது 2030-லதான் முழுமையா நடைமுறைக்கு வரும்.

8th Pay Commission: அரசு ஊழியர்களுக்கு எது பெஸ்ட்? அதிக அடிப்படை சம்பளமா அல்லது அதிக அலவன்ஸா?

Vedarethinam Ramalingam — Tue, 20 Oct 2026 15:28:32 +0530

மத்திய அரசு ஊழியர்களும் ஓய்வூதியதாரர்களும் 2025 நவம்பரில் அமையவுள்ள 8-வது ஊதியக் குழுவின் பரிந்துரைகளுக்காக காத்திருக்கிறார்கள். பணவீக்கம் பொருளாதாரச் சூழ்நிலைகளை கணக்கில் கொண்டு, புதிய ஃபிட்மென்ட் ஃபேக்டர், சம்பள விகிதத்தை இந்த குழு முடிவு செய்யும்

8th Pay Commission: 8-வது ஊதியக் குழு மீது மத்திய அரசு ஊழியர்களுக்கும் ஓய்வூதியதாரர்களுக்கும் எதிர்பார்ப்பு எகிறியுள்ளது. திருத்தப்பட்ட சம்பள விகிதம், அலவன்ஸ்கள் மற்றும் ஓய்வூதியப் பலன்கள் குறித்த தெளிவான அறிவிப்புக்காக அவர்கள் காத்திருக்கிறார்கள். 2025 நவம்பரில் அமைக்கப்படும் இந்தக் குழு, தனது பரிந்துரைகளை வழங்க 18 மாதங்கள் அவகாசம் எடுத்துக்கொள்ளும். இந்தப் பரிந்துரைகளின் அடிப்படையில் தான் அடுத்தகட்ட சம்பள உயர்வு இருக்கும்.

சம்பளம் மற்றும் பென்ஷனில் மாற்றங்களைப் பரிந்துரைக்கும் போது, பணவீக்கம், பொருளாதார நிலை மற்றும் ஊழியர்களின் நிதித் தேவைகளை இந்தக் குழு கவனத்தில் கொள்ளும். அதிக சம்பளம், சிறந்த அலவன்ஸ்கள் மற்றும் அதிக 'ஃபிட்மென்ட் ஃபேக்டர்' வேண்டும் எனப் பல ஊழியர் சங்கங்கள் கோரிக்கை வைத்துள்ளன. இந்தச் சூழலில், புதிய சம்பள விகிதத்தில் அடிப்படைச் சம்பளத்தை (basic salary) உயர்த்துவது லாபமா அல்லது அலவன்ஸ்களை அதிகரிப்பது லாபமா என்ற பெரிய கேள்வி ஊழியர்கள் மத்தியில் எழுந்துள்ளது.

'ஃபிட்மென்ட் ஃபேக்டர்' என்பது ஒரு பெருக்கி (multiplier). புதிய ஊதியக் குழுவின் கீழ் திருத்தப்பட்ட அடிப்படைச் சம்பளத்தை நிர்ணயிக்க இது பயன்படுகிறது. 8-வது ஊதியக் குழுவில் ஃபிட்மென்ட் ஃபேக்டரை 3.2 முதல் 4 அல்லது அதற்கும் மேலாக நிர்ணயிக்க வேண்டும் எனப் பல்வேறு ஊழியர் சங்கங்கள் கோரிக்கை வைத்துள்ளன. ஆனால், குழுவின் பரிந்துரை மற்றும் அரசின் முடிவைப் பொறுத்தே இறுதி அறிவிப்பு வெளியாகும்.

உதாரணமாக, ஃபிட்மென்ட் ஃபேக்டர் 3 என வைத்தால், தற்போது ரூ.18,000 அடிப்படைச் சம்பளம் வாங்கும் ஒரு ஊழியரின் புதிய அடிப்படைச் சம்பளம் ரூ.54,000 ஆக மாறும். அதாவது, அடிப்படைச் சம்பளம் ரூ.36,000 அதிகரிக்கும்.

அதேபோல, ரூ.44,500 அடிப்படைச் சம்பளம் வாங்கும் ஒருவருக்கு, இந்த கணக்கீட்டின்படி சம்பளம் ரூ.1,33,500 ஆக உயரலாம். இது ரூ.89,000 உயர்வாகும்.

இவை வெறும் உதாரணக் கணக்கீடுகள் மட்டுமே. அங்கீகரிக்கப்பட்ட ஃபிட்மென்ட் ஃபேக்டர் மற்றும் சம்பள விதிகளைப் பொறுத்தே உண்மையான சம்பள உயர்வு இருக்கும்.

ஒரு அரசு ஊழியரின் மொத்த சம்பளத்தில் அடிப்படைச் சம்பளம் என்பது ஒரு பகுதி மட்டுமே. இதனுடன் அகவிலைப்படி (DA), வீட்டு வாடகைப்படி (HRA) மற்றும் போக்குவரத்துப் படி போன்றவையும் மொத்த வருமானத்தில் சேரும். ஃபிட்மென்ட் ஃபேக்டர் அடிப்படைச் சம்பளத்திற்கு மட்டுமே பொருந்தும். மற்ற அலவன்ஸ்கள் அதற்கான தனி விதிகளின்படி கணக்கிடப்படும்.

அலவன்ஸ்கள் அதிகரித்தால், வீட்டு வாடகை, போக்குவரத்து மற்றும் எரிபொருள் செலவு போன்ற ஊழியர்களின் அன்றாடச் செலவுகளைச் சமாளிக்க அது பெரிதும் உதவும். திருத்தப்பட்ட சம்பள விகிதத்தில் நிர்ணயிக்கப்படும் விகிதங்கள் மற்றும் தகுதி நிபந்தனைகளைப் பொறுத்தே இதன் தாக்கம் இருக்கும்.

அலவன்ஸ்களில் வரி தொடர்பான தாக்கங்களும் இருக்கலாம். பழைய வருமான வரி முறையில், சில குறிப்பிட்ட அலவன்ஸ்களுக்குக் கிடைக்கும் விலக்குகள் வரிக்கு உட்பட்ட வருமானத்தைக் குறைக்க உதவும். ஆனால், அலவன்ஸின் வகை மற்றும் நிபந்தனைகளைப் பொறுத்து வரி விதிகள் மாறுபடும். அதனால் எல்லா அலவன்ஸ்களும் வரி இல்லாதவை என நினைத்துவிடக் கூடாது. வாழ்க்கைச் செலவு அதிகம் உள்ளவர்களுக்கு, அலவன்ஸ்கள் அதிகரிப்பது உடனடி நிதி நெருக்கடியைத் தீர்க்க உதவும். ஆனால், கிடைக்கும் அலவன்ஸ் தொகை, அதற்கான வரி விதிகள் மற்றும் அந்த ஊழியரின் தனிப்பட்ட செலவுகளைப் பொறுத்தே உண்மையான பலன் கிடைக்கும்.

அதிக அடிப்படைச் சம்பளம் நீண்ட கால அடிப்படையில் நிதிப் பலன்களைத் தரும். ஏனென்றால், ஓய்வுக்காலப் பலன்கள் பலவும் அடிப்படைச் சம்பளத்தை வைத்தே கணக்கிடப்படுகின்றன. அல்லது அடிப்படைச் சம்பளத்தின் ஒரு குறிப்பிட்ட சதவீதமே பிஎஃப் போன்ற திட்டங்களில் பங்களிப்பாகச் செலுத்தப்படுகிறது.

பென்ஷன் விதிகளின்படி, அதிக அடிப்படைச் சம்பளம் பென்ஷன் கணக்கீட்டில் பெரிய தாக்கத்தை ஏற்படுத்தும். அதேபோல, வருங்கால வைப்பு நிதி (PF) மற்றும் தேசிய ஓய்வூதியத் திட்டம் (NPS) ஆகியவற்றில் செலுத்தப்படும் தொகையும் அதிகரிக்கும். எனவே, அதிக அடிப்படைச் சம்பளம் ஓய்வுக்காலச் சேமிப்பை உயர்த்த உதவும். ஆனால், ஊழியரின் பணி நிபந்தனைகள் மற்றும் பங்களிப்பு வரம்புகளைப் பொறுத்தே இதன் உண்மையான பலன் இருக்கும்.

உதாரணமாக, ஒரு ஊழியர் தனது அடிப்படைச் சம்பளத்தில் 12% தொகையை பிஎஃப் கணக்கில் செலுத்துகிறார் என வைத்துக்கொள்வோம். அடிப்படைச் சம்பளம் ரூ.18,000 ஆக இருந்தால், அவரது மாதாந்திரப் பங்களிப்பு ரூ.2,160 ஆக இருக்கும். அதுவே அடிப்படைச் சம்பளம் ரூ.25,000 ஆக உயர்ந்தால், அதே 12% கணக்கீட்டின்படி மாதம் ரூ.3,000 பிஎஃப் கணக்கில் சேரும். நீண்ட காலத்திற்கு அதிகப் பங்களிப்பு செலுத்துவதும், முதலீட்டில் கிடைக்கும் லாபமும் சேமிப்பு நிதியில் பெரிய தாக்கத்தை ஏற்படுத்தும். சம்பள உயர்வு, வட்டி விகிதம் மற்றும் நிறுவனத்தின் பங்களிப்பு ஆகியவற்றைப் பொறுத்தே இறுதித் தொகை அமையும்.

பிஎஃப் மற்றும் என்பிஎஸ் கணக்கீடுகள் வெவ்வேறு விதிகளின் கீழ் செயல்படுகின்றன என்பதை ஊழியர்கள் நினைவில் கொள்ள வேண்டும். இந்த இரண்டிற்கும் உள்ள வித்தியாசத்தைப் புரிந்துகொள்வது அவசியம். அதிக அலவன்ஸ்கள் குறுகிய காலத்தில் கையில் கிடைக்கும் வருமானத்தை (Disposable Income) உயர்த்தும். அதேசமயம், அதிக அடிப்படைச் சம்பளம் ஓய்வுக்காலச் சேமிப்பு மற்றும் பென்ஷன் பலன்களை வலுவாக்கும். எல்லா ஊழியர்களுக்கும் ஏதோ ஒரு ஆப்ஷன் மட்டுமே பெஸ்ட் எனச் சொல்லிவிட முடியாது. இறுதிச் சம்பள விகிதம், வரி முறை மற்றும் தனிப்பட்ட நிதித் தேவைகளைப் பொறுத்தே இதன் தாக்கம் இருக்கும்.

8-வது ஊதியக் குழு தனது பரிந்துரைகளைச் சமர்ப்பித்து, அரசு அதிகாரப்பூர்வ மாற்றங்களை அறிவிக்கும் வரை, உத்தேச ஃபிட்மென்ட் ஃபேக்டர் மற்றும் சம்பளக் கணக்கீடுகளை இறுதி முடிவாக எடுத்துக்கொள்ளக் கூடாது. இவற்றை வெறும் உதாரணங்களாக மட்டுமே பார்க்க வேண்டும்.

Govt Training: மாதம் ரூ.50,000 வரை சம்பாதிக்க ஆசையா? EV TRAINING-க்கு விண்ணப்பிக்கலாம்.! அரசு சான்றிதழும் உண்டு!

Vedarethinam Ramalingam — Sat, 17 Oct 2026 09:35:14 +0530

தமிழ்நாடு அரசின் EDII-TN நிறுவனம் சென்னையில் மின்சார வாகனங்கள் (EV) குறித்த 3 நாள் பயிற்சி வகுப்பை நடத்த உள்ளது. இதில் EV அடிப்படைகள், பேட்டரி தொழில்நுட்பம் மற்றும் சார்ஜிங் முறைகள் கற்றுத்தரப்படும்.

மின்சார வாகனத் துறையில் ஆர்வமுள்ள கல்லூரி மாணவர்கள், இளைஞர்கள் மற்றும் தொழில்நுட்பத் துறையில் தங்கள் திறமைகளை மேம்படுத்த விரும்புவோருக்கு சிறப்பான வாய்ப்பு கிடைத்துள்ளது. தமிழ்நாடு அரசின் தொழில்முனைவோர் மேம்பாடு மற்றும் புத்தாக்க நிறுவனம் (EDII-TN) சார்பில், மின்சார வாகனங்கள் (Electric Vehicles – EV) தொடர்பான மூன்று நாள் பயிற்சித் திட்டம் சென்னையில் நடைபெற உள்ளது.

இந்தப் பயிற்சியில் மின்சார வாகனங்களின் அடிப்படைகள், பேட்டரி தொழில்நுட்பம், சார்ஜிங் முறைகள், வாகனத்தின் செயல்திறன் மற்றும் பாதுகாப்பு அம்சங்கள் உள்ளிட்ட பல்வேறு முக்கியமான தலைப்புகள் கற்றுக்கொடுக்கப்பட உள்ளன. பயிற்சியை வெற்றிகரமாக நிறைவு செய்பவர்களுக்கு அரசு சான்றிதழும் வழங்கப்பட உள்ளது.

இந்த மூன்று நாள் பயிற்சி 2026 அக்டோபர் 27ஆம் தேதி முதல் அக்டோபர் 29ஆம் தேதி வரை நடைபெற உள்ளது. தினமும் காலை 10 மணி முதல் மாலை 5 மணி வரை பயிற்சி நடைபெறும்.

பயிற்சியில் கலந்துகொள்ள விரும்புவோர் ரூ.6,000 பதிவுக் கட்டணமாகச் செலுத்த வேண்டும். இதில் பங்கேற்பதற்கு முன்பதிவு கட்டாயம் எனத் தெரிவிக்கப்பட்டுள்ளது.

முதல் நாள்: மின்சார வாகனங்களின் அடிப்படைத் தொழில்நுட்பங்கள்

முதல் நாள் பயிற்சியில் மின்சார வாகனங்கள் எவ்வாறு இயங்குகின்றன என்பது குறித்த அடிப்படை விளக்கங்கள் வழங்கப்படும். மின்சார வாகனங்களின் கட்டமைப்பு (EV System Architecture), அவற்றில் பயன்படுத்தப்படும் மின்மோட்டார்கள், மின்சக்தி மின்னணுவியல் (Power Electronics) ஆகியவை குறித்து விரிவாகக் கற்றுக்கொள்ளலாம்.

மேலும், வாகனத்தின் வேகத்தைக் குறைக்கும்போது இயக்க ஆற்றலை மீண்டும் மின்சாரமாக மாற்ற உதவும் ரீஜெனரேட்டிவ் பிரேக்கிங் (Regenerative Braking) தொழில்நுட்பம் குறித்தும் விளக்கப்படும். மின்சார வாகனங்களின் செயல்பாட்டைப் புரிந்துகொள்ள விரும்பும் மாணவர்களுக்கு இந்த அமர்வு பயனுள்ளதாக இருக்கும்.

இரண்டாம் நாள் பயிற்சியில் மின்சார வாகனங்களின் மிக முக்கியமான பகுதியாகக் கருதப்படும் பேட்டரி தொழில்நுட்பம் குறித்து விளக்கப்படும். EV பேட்டரிகளின் அடிப்படைகள், பேட்டரி மேலாண்மை அமைப்பு (Battery Management System – BMS), மின்சார வாகனங்களைச் சார்ஜ் செய்யும் தொழில்நுட்பங்கள் போன்றவை இதில் இடம்பெறும்.

பேட்டரியின் வெப்பநிலையைச் சரியான அளவில் பராமரிப்பதற்கான வெப்ப மேலாண்மை (Thermal Management) முறைகள் மற்றும் மின்சார வாகனங்களைப் பாதுகாப்பாகப் பயன்படுத்துவதற்கான வழிமுறைகளும் கற்றுக்கொடுக்கப்படும்.

மூன்றாம் நாள் பயிற்சி கல்லூரி மாணவர்களின் புரிதலுக்கு ஏற்ற வகையில் வடிவமைக்கப்பட்டுள்ளது. மின்சார வாகனத்தின் இயக்க அமைப்பு (EV Powertrain), வாகனத்தின் செயல்திறனை அளவிடும் முக்கியக் காரணிகள் மற்றும் கட்டுப்பாட்டு அமைப்புகளின் அடிப்படைகள் ஆகியவை கற்பிக்கப்படும்.

இதனுடன், ரீஜெனரேட்டிவ் பிரேக்கிங் தொழில்நுட்பம் குறித்த கூடுதல் விளக்கம், EV சோதனை முறைகள், ஆற்றல் திறன், தரநிலைகள் மற்றும் மின்சார வாகனங்களின் நடைமுறைப் பயன்பாடுகள் குறித்தும் அறிந்துகொள்ளலாம்.

மின்சார வாகனங்களின் நன்மைகள், அவற்றில் உள்ள வரம்புகள் மற்றும் தற்போதைய சவால்கள் தொடர்பான விளக்கங்களும் பயிற்சியில் இடம்பெறும். சிக்கலான கணிதக் கணக்கீடுகள் இல்லாமல், தொழில்நுட்பங்களை அடிப்படையாகப் புரிந்துகொள்ளும் வகையில் பயிற்சி வழங்கப்பட உள்ளது.

பயிற்சியை நிறைவு செய்பவர்களுக்கு அரசு சான்றிதழ் வழங்கப்படும் என அறிவிக்கப்பட்டுள்ளது. பங்கேற்பாளர்களுக்கு மதிய உணவு மற்றும் சிற்றுண்டி இலவசமாக வழங்கப்படும். மேலும், தங்கும் வசதி தேவைப்படுவோருக்கு ஒரு நாளைக்கு ரூ.200 என்ற அடிப்படையில் மூன்று நாட்களுக்கு ரூ.600 கட்டணத்தில் தங்கும் வசதி ஏற்பாடு செய்யப்பட்டுள்ளது. அரசின் கடன் திட்டங்கள் குறித்த வழிகாட்டுதலும் வழங்கப்படும் எனத் தெரிவிக்கப்பட்டுள்ளது.

எப்படிப் பதிவு செய்வது?

இந்தப் பயிற்சியில் பங்கேற்க விரும்புவோர் EDII-TN நிறுவனத்தின் அதிகாரப்பூர்வ இணையதளத்தில் கொடுக்கப்பட்டுள்ள முன்பதிவு இணைப்பு மூலம் விண்ணப்பிக்கலாம்.

முன்பதிவு இணைப்பு: https://editn.in/Web-Trainee-Registration?id=mW6vZbGNxqgUvgfGMfyXJW52WXfna2263wHLz4FKLU8=

பதிவுக் கட்டணம்: ரூ.6,000

கட்டணம் செலுத்த வேண்டிய வங்கி விவரங்கள்:

கணக்கு பெயர்: Director, EDII

வங்கி: IOB SME Guindy SB

கணக்கு எண்: 144701000000817

IFSC குறியீடு: IOBA0001447

கட்டணம் செலுத்துவதற்கு முன்பு, அதிகாரப்பூர்வப் பதிவு வழிமுறைகள் மற்றும் வங்கிக் கணக்கு விவரங்களை நிறுவனத்திடம் உறுதிப்படுத்திக்கொள்வது நல்லது.

பயிற்சி நடைபெறும் இடம் மற்றும் தொடர்பு எண்கள்

தொழில்முனைவோர் மேம்பாடு மற்றும் புத்தாக்க நிறுவனம் (EDII-TN), தமிழ்நாடு அரசு, SIDCO தொழிற்பேட்டை, EDII Office Road, ஈக்காட்டுத்தாங்கல், சென்னை – 600032 என்ற முகவரியில் இந்தப் பயிற்சி நடைபெற உள்ளது. கூடுதல் தகவல்களுக்கு 8668102600 அல்லது 7806918309 ஆகிய தொலைபேசி எண்களில் தொடர்புகொள்ளலாம்.

மின்சார வாகனத் துறையில் வளர்ந்து வரும் தொழில்நுட்பங்களை அறிந்துகொள்ளவும், எதிர்கால வேலைவாய்ப்புகளுக்குத் தேவையான அடிப்படை அறிவைப் பெறவும் விரும்புவோருக்கு இந்த மூன்று நாள் பயிற்சி ஒரு பயனுள்ள வாய்ப்பாக அமையலாம். ஆர்வமுள்ளவர்கள் முன்பதிவு விவரங்களைச் சரிபார்த்து விண்ணப்பிக்கலாம்.

TCS Hiring : ChatGPT மட்டும் தெரிந்தால் வேலை கிடைக்குமா? வேலைக்கு ஆள் எடுப்பதில் TCS கொடுக்கும் முக்கியத்துவம் இதுதான்!

Arun Mozhi Varman — Sat, 17 Oct 2026 06:00:23 +0530

TCS Hiring : டிசிஎஸ் நிறுவனத்தின் எதிர்கால ஆட்சேர்ப்பில் 80% பேருக்கு டிஜிட்டல் மற்றும் புதிய தலைமுறை தொழில்நுட்பத் திறன்கள் இருக்க வேண்டுமாம். ChatGPT அறிவைத் தாண்டி எந்தத் திறன்கள் முக்கியம்? அனுபவசாலிகளுக்கு வாய்ப்பு இருக்கிறதா?

செயற்கை நுண்ணறிவு (AI) தொழில்நுட்பம் வேகமாக வளர்ந்து வரும் நிலையில், தகவல் தொழில்நுட்பத் துறையில் வேலை தேடுபவர்கள் எந்தத் திறன்களைக் கற்றுக்கொள்ள வேண்டும் என்ற கேள்வி எழுந்துள்ளது. குறிப்பாக, ChatGPT போன்ற கருவிகளைப் பயன்படுத்தத் தெரிந்தால் மட்டும் வேலை கிடைத்துவிடுமா என்ற சந்தேகம் பலருக்கும் இருக்கிறது.

இந்தச் சூழலில், இந்தியாவின் முன்னணி தகவல் தொழில்நுட்ப நிறுவனமான டாடா கன்சல்டன்சி சர்வீசஸ் (TCS), எதிர்காலத்தில் ஆட்சேர்ப்பு செய்யப்படும் ஊழியர்களிடம் டிஜிட்டல் மற்றும் புதிய தலைமுறை தொழில்நுட்பத் திறன்களுக்கு அதிக முக்கியத்துவம் அளிக்கத் திட்டமிட்டுள்ளது.

நிறுவனத்தின் தலைமைச் செயல்பாட்டு அதிகாரி ஆரத்தி சுப்பிரமணியன் தெரிவித்த தகவலின்படி, எதிர்காலத்தில் புதிதாகப் பணியில் சேர்க்கப்படுபவர்களில் சுமார் 80% பேருக்கு இத்தகைய திறன்கள் இருக்கும் என எதிர்பார்க்கப்படுகிறது. இது AI கருவிகளைப் பயன்படுத்தத் தெரிந்திருப்பதைத் தாண்டி, தொழில்நுட்பத்தைப் பணியில் எப்படிப் பயன்படுத்துவது என்பதன் முக்கியத்துவத்தையும் உணர்த்துகிறது.

இதையும் படிங்க : Banana Peel Poriyal : வாழைப்பழத் தோலில் பொரியலா? அடிபொலி டேஸ்டில் ஒரு சூப்பர் ரெசிபி!

TCS நிறுவனத்தின் 2026 ஜூலை முதல் செப்டம்பர் வரையிலான காலாண்டில், சுமார் 4,500 ஊழியர்கள் புதிதாகச் சேர்க்கப்பட்டனர். இவர்களில் 25% முதல் 30% பேர் சிறப்புப் பிரிவு செயற்கை நுண்ணறிவுத் திறன்களைக் கொண்டிருந்தனர். அதே நேரத்தில், மொத்தமாகச் சேர்க்கப்பட்டவர்களில் சுமார் 80% பேருக்கு புதிய தலைமுறை தொழில்நுட்பத் திறன்கள் இருந்ததாக ஆரத்தி சுப்பிரமணியன் தெரிவித்துள்ளார். இதேபோன்ற ஆட்சேர்ப்பு முறையைத் தொடர நிறுவனம் எதிர்பார்க்கிறது.

இங்கே ஒரு முக்கியமான வேறுபாட்டைப் புரிந்துகொள்ள வேண்டும். 80% என்பது சிறப்புப் பிரிவு AI நிபுணர்களை மட்டும் குறிக்கவில்லை. அது டிஜிட்டல் மற்றும் புதிய தலைமுறை தொழில்நுட்பத் திறன்களைக் கொண்டவர்களைக் குறிக்கிறது. அவர்களில் 25% முதல் 30% பேர் சிறப்புப் பிரிவு AI திறன்களைக் கொண்டிருந்தனர்.

AI சார்ந்த பணிகள் அதிகரித்து வருவதால், தொழில்நுட்ப அறிவு, சிக்கல்களைத் தீர்க்கும் திறன், புதிய தொழில்நுட்பங்களைப் புரிந்துகொண்டு பயன்படுத்தும் ஆற்றல் போன்றவற்றுக்கு முக்கியத்துவம் அதிகரிக்கிறது. இருப்பினும், TCS வெளியிட்ட இந்தத் தகவல் குறிப்பிட்ட ஒரு பாடத்தைப் படித்தால் வேலை கிடைக்கும் என்ற உத்தரவாதம் அல்ல.

இதையும் படிங்க : Attukal Paya : பாய் வீட்டு ஸ்டைலில் கெட்டியான ஆட்டுக்கால் பாயா! இடியாப்பத்துக்கு தொட்டு சாப்பிட்டா வேற லெவல் டேஸ்ட்!

AI தொழில்நுட்பங்கள் வளரும்போது, புதிய பட்டதாரிகளுக்கே அதிக வாய்ப்பு கிடைக்குமா என்ற கேள்வி எழலாம். புதிய கருவிகளை விரைவாகக் கற்றுக்கொள்ளும் திறன் இளம் ஊழியர்களுக்கு உதவலாம். ஆனால், அனுபவம் வாய்ந்த ஊழியர்களுக்கு வாய்ப்பு இல்லை என்று TCS கூறவில்லை.

நிறுவனத்தின் தலைமைச் செயல் அதிகாரியும் நிர்வாக இயக்குநருமான கே. கிருத்திவாசன், புதிய தொழில்நுட்பங்களைக் கற்றுக்கொள்ளவும் பழைய முறைகளிலிருந்து மாறவும் தயாராக இருக்கும் அனுபவசாலிகளுக்கும் சாதகமான வாய்ப்புகள் இருப்பதாகத் தெரிவித்துள்ளார்.

இதற்குக் காரணம், அனுபவம் வாய்ந்தவர்கள் தொழில்நுட்பச் சூழல் மட்டுமின்றி, குறிப்பிட்ட துறையின் செயல்பாடுகள், வாடிக்கையாளர்களின் தேவைகள், வணிகச் சிக்கல்கள் ஆகியவற்றையும் நன்கு புரிந்திருப்பதுதான். அந்த அறிவுடன் AI திறன்களையும் இணைத்துக்கொண்டால், தொழில்நுட்பத்தை நடைமுறையில் பயன்படுத்துவதில் அவர்களுக்கு முன்னிலை கிடைக்கலாம்.

எனவே, அனுபவமுள்ள ஊழியர்கள் தங்களின் பழைய திறன்களை மட்டும் நம்பியிருக்காமல், தங்களது துறை சார்ந்த அறிவுடன் புதிய தொழில்நுட்பங்களையும் கற்றுக்கொள்வது முக்கியம்.

இதையும் படிங்க : CNG Cars : 34 கி.மீ. வரை மைலேஜ்! பட்ஜெட் விலையில் கிடைக்கும் 7 கார்கள் இதோ!

TCS நிறுவனத்தின் ஆட்சேர்ப்பு அணுகுமுறை வேலை தேடுபவர்களுக்கு ஒரு முக்கியமான செய்தியைத் தருகிறது: AI கருவியைப் பயன்படுத்தத் தெரிந்திருப்பது ஒரு தொடக்கம்தான்; அதை வைத்து உண்மையான பணிப் பிரச்சினைகளைத் தீர்க்கத் தெரிந்திருப்பதே முக்கியம்.

வேலை தேடுபவர்கள் கவனம் செலுத்த வேண்டிய சில விஷயங்கள்:

AI கருவிகளைப் பயன்படுத்தக் கற்றுக்கொள்ளுங்கள்: ChatGPT போன்ற கருவிகளின் உதவியுடன் தகவல்களைப் பகுப்பாய்வு செய்வது, பணிகளை எளிமைப்படுத்துவது போன்றவற்றைப் பயிற்சி செய்யுங்கள்.
அடிப்படைத் தொழில்நுட்ப அறிவை வளர்த்துக்கொள்ளுங்கள்: உங்கள் வேலை இலக்குக்கு ஏற்ற நிரலாக்கம், தரவு பகுப்பாய்வு, இயந்திரக் கற்றல் அல்லது பிற டிஜிட்டல் திறன்களைத் தேர்ந்தெடுத்துக் கற்றுக்கொள்ளுங்கள்.
செய்முறை அனுபவத்தைப் பெறுங்கள்: கற்றுக்கொண்டதைச் சிறிய திட்டங்களில் பயன்படுத்திப் பாருங்கள். AI உருவாக்கும் முடிவுகளைச் சரிபார்ப்பதையும் கற்றுக்கொள்ளுங்கள்.
துறை சார்ந்த அறிவை வளர்த்துக்கொள்ளுங்கள்: வணிகம், நிதி, உற்பத்தி அல்லது வாடிக்கையாளர் சேவை போன்ற நீங்கள் பணிபுரிய விரும்பும் துறையின் தேவைகளைப் புரிந்துகொள்ளுங்கள்.
தொடர்ந்து கற்றுக்கொள்ளுங்கள்: புதிய தொழில்நுட்பங்கள் மாறும்போது அதற்கேற்ப உங்கள் திறன்களையும் புதுப்பித்துக்கொள்ளுங்கள்.

TCS நிறுவனத்தின் AI சார்ந்த பணிகள் 2026 செப்டம்பர் காலாண்டில் அதன் மொத்த வருவாயில் சுமார் 10% பங்கைக் கொண்டிருந்ததாகவும் தெரிவிக்கப்பட்டுள்ளது. இது நிறுவனத்தின் AI வணிகம் வளர்ந்து வருவதைக் காட்டுகிறது.

ஆனால், இதன் பொருள் ஒவ்வொரு AI பாடத்தையும் கற்றுக்கொண்டால் வேலை கிடைத்துவிடும் என்பதல்ல. உங்கள் தொழில்நுட்ப அறிவு, நடைமுறை அனுபவம், சிக்கல்களைத் தீர்க்கும் திறன், தொடர்ந்து கற்றுக்கொள்ளும் மனப்பான்மை ஆகியவற்றை ஒன்றாக வளர்த்துக்கொள்வதே வேலைவாய்ப்புக்குத் தயாராக உதவும்.

இதையும் படிங்க : Washing Machine : Top Load vs Front Load! எதுல கரண்டு பில் கம்மி, செயல்திறன் ஜாஸ்தி? உங்க குடும்பத்துக்கு எது பெஸ்ட்?

TNPSC Hall Ticket : டிஎன்பிஎஸ்சி குரூப் 2 ஹால் டிக்கெட் வெளியீடு.. தேர்வர்கள் உடனே செய்ய வேண்டியது என்ன?

Vishnupriya — Wed, 21 Oct 2026 12:47:18 +0530

TNPSC Group Exam : டிஎன்பிஎஸ்சி குரூப் 2 மற்றும் குரூப் 2A பதவிகளுக்கான முதல்நிலை தேர்வு வரும் நவம்பர் 1 ஆம் தேதி நடைபெறும் என தமிழ்நாடு அரசுப் பணியாளர்கள் தேர்வாணையம் தெரிவித்துள்ளது.

அரசு வேலைக்காகத் தீவிரமாகத் தயாராகி வரும் தேர்வர்களுக்கு முக்கிய அறிவிப்பு வெளியாகியுள்ளது. டிஎன்பிஎஸ்சி குரூப் 2 தேர்வுக்காக விண்ணப்பித்தவர்கள் தங்களது ஹால் டிக்கெட்டை எப்போது பதிவிறக்கம் செய்யலாம், தேர்வு தேதி என்ன, ஹால் டிக்கெட்டில் என்னென்ன விவரங்களைச் சரிபார்க்க வேண்டும்? உள்ளிட்ட குரூப் 2 தேர்வுக்குத் தயாராகும் விண்ணப்பதாரர்கள் தெரிந்துகொள்ள வேண்டிய முக்கியத் தகவல்களைப் பார்ப்போம்.

தமிழ்நாடு அரசுப் பணியாளர் தேர்வாணையத்தின் (TNPSC) அதிகாரப்பூர்வத் தேர்வு இணையதளத்தில், 2026ஆம் ஆண்டுக்கான குரூப் 2 மற்றும் குரூப் 2ஏ முதல்நிலைத் தேர்வுக்கான ஹால் டிக்கெட்டை டிஎன்பிஎஸ்சி வெளியிட்டுள்ளது.

முதல்நிலைத் தேர்வு தேதி - நவம்பர் 1, 2026 ஞாயிற்றுக்கிழமை

தேர்வு நேரம் - காலை 9.30 மணி முதல் மதியம் 12.30 மணி வரை

எத்தனை மாவட்டம் - தமிழ்நாட்டின் 38 மாவட்டங்களில் குரூப் 2 முதல்நிலைத் தேர்வு நடைபெறவுள்ளது.

பணியிடங்கள்: உதவி ஆய்வாளர், முதுநிலை ஆய்வாளர், தணிக்கை ஆய்வாளர், கைத்தறி ஆய்வாளர், இளநிலைக் கண்காணிப்பாளர், முதுநிலை வருவாய் ஆய்வாளர், துணை வணிகவரி அலுவலர், நன்னடத்தை அலுவலர், சார்பதிவாளர் நிலை-II, சிறை அலுவலர் உள்ளிட்ட பல்வேறு பதவிகளில் மொத்தம் 821 பணியிடங்கள் நிரப்பப்பட உள்ளன.

தேர்வுக்கு விண்ணப்பித்தவர்கள் தங்களின் ஹால் டிக்கெட்டை டிஎன்பிஎஸ்சி இணையதளத்தில் பதிவிறக்கம் செய்துக்கொள்ளலாம் என அறிவிக்கப்பட்டுள்ளது.

ஹால் டிக்கெட்டில் என்னென்ன விவரங்களைச் சரிபார்க்க வேண்டும்?

ஹால் டிக்கெட்டைப் பதிவிறக்கம் செய்ததும் கீழ்க்கண்ட விவரங்களைத் தவறாமல் சரிபார்க்க வேண்டும்

விண்ணப்பதாரரின் பெயர் மற்றும் விண்ணப்ப எண்
புகைப்படம் மற்றும் அடையாள விவரங்கள்
தேர்வின் பெயர் மற்றும் அறிவிப்பு எண்
தேர்வு நடைபெறும் தேதி மற்றும் நேரம்
தேர்வு மையத்தின் பெயர் மற்றும் முழு முகவரி
தேர்வு மையத்திற்குச் செல்ல வேண்டிய நேரம் மற்றும் வழிகாட்டுதல்கள்.

விவரங்களில் தவறு இருந்தாலோ, புகைப்படம் தெளிவாக இல்லாவிட்டாலோ தேர்வுக்கு முன்பே டிஎன்பிஎஸ்சி உதவி மையத்தைத் தொடர்புகொண்டு விளக்கம் பெற வேண்டும்.

உதவி எண்

ஹால் டிக்கெட்டைப் பதிவிறக்கம் செய்வதில் சிக்கல் ஏற்பட்டால், டிஎன்பிஎஸ்சி தேர்வு உதவி மையத்தைத் தொடர்புகொள்ளலாம்.

கட்டணமில்லா தொலைபேசி எண்: 1800 419 0958

மின்னஞ்சல்: helpdesk@tnpscexams.in

DA Hike Update: மத்திய அரசு ஊழியர்களுக்கு தீபாவளி ஜாக்பாட்! 3% டிஏ உயர்வும் நிலுவைத் தொகையும் கிடைக்குமா?

Vedarethinam Ramalingam — Sun, 18 Oct 2026 08:54:07 +0530

தீபாவளிக்கு முன்னாடி மத்திய அரசு ஊழியர்கள், ஓய்வூதியதாரர்களுக்கு அகவிலைப்படி (DA) 3% உயர வாய்ப்பிருக்கு. இதனால டிஏ 60 சதவீதத்துல இருந்து 63 சதவீதமா மாறும். ஜூலை மாசத்துக்கான நிலுவைத் தொகையும் சேர்த்து கிடைக்கலாம்.

DA Hike: மத்திய அரசு ஊழியர்கள், ஓய்வூதியதாரர்களுக்கான அகவிலைப்படி (DA) உயர்வு பத்தின பேச்சு மறுபடியும் சூடுபிடிச்சிருக்கு. பண்டிகை காலம்ங்கிறதால, தீபாவளிக்கு முன்னாடியே டிஏ உயர்வை அரசு அறிவிக்கும்னு ஊழியர்கள் எதிர்பார்க்கிறாங்க.

இந்த முறை அகவிலைப்படி 3% உயரும்னு எதிர்பார்க்கப்படுது. அப்படி நடந்தா, ஊழியர்களோட டிஏ 60 சதவீதத்துல இருந்து 63 சதவீதமா அதிகரிக்கும். ஜூலை மாசத்துக்கான நிலுவைத் தொகையும் அவங்களுக்கு கிடைக்கலாம்.

ஆனா, இந்த உயர்வுக்கு அரசு இன்னும் அதிகாரப்பூர்வமா ஒப்புதல் தரல. அக்டோபர் 14-ம் தேதி நடந்த மத்திய அமைச்சரவை கூட்டத்துல கூட டிஏ உயர்வு பத்தி எந்த அறிவிப்பும் வரல. அதனால, அடுத்த முடிவுக்காக ஊழியர்கள் காத்துட்டு இருக்காங்க.

வருஷத்துக்கு ரெண்டு முறை மத்திய அரசு ஊழியர்களுக்கான அகவிலைப்படியை (DA) அரசு மாத்தி அமைக்கும். முதல் உயர்வு ஜனவரியிலயும், ரெண்டாவது உயர்வு ஜூலையிலயும் அமலுக்கு வரும். ஜூலை மாசத்துக்கான உயர்வு வழக்கமா செப்டம்பர் அல்லது அக்டோபர்ல அறிவிக்கப்படும்.

தசரா பண்டிகை ஒட்டி டிஏ உயர்வு அறிவிப்பு வரும்னு ஊழியர்கள் எதிர்பார்த்தாங்க. ஆனா இதுவரைக்கும் எந்த அறிவிப்பும் வரல. இப்போ, தீபாவளிக்கு முன்னாடி ஒரு நல்ல செய்தி வரும்னு எதிர்பார்க்கப்படுது.

இந்த வருஷம் நவம்பர் 8-ம் தேதி தீபாவளி கொண்டாடப்படுது. ஓய்வூதியதாரர்களுக்கான டிஏ மற்றும் அகவிலை நிவாரணம் (DR) உயர்த்தப்படணும்னு மத்திய அரசு ஊழியர் சங்கங்கள் கோரிக்கை வெச்சிருக்காங்க. அக்டோபர் 16-ம் தேதி, ஒரு ஊழியர் சங்கம் நிலுவைத் தொகையை உடனே அறிவிக்கக் கோரி நாடு தழுவிய மதிய உணவு நேர போராட்டத்தை நடத்துச்சு.

ஒருவேளை 3% டிஏ உயர்வுக்கு அரசு ஒப்புதல் கொடுத்தா, தற்போதைய 60% டிஏ 63 சதவீதமா மாறும். இதனால ஊழியர்களோட அடிப்படை சம்பளத்தை பொறுத்து மாதாந்திர அகவிலைப்படி அதிகரிக்கும்.

உதாரணமா, ஒரு ஊழியரோட அடிப்படை சம்பளம் ரூ.18,000-னா, இப்போ 60% டிஏ படி மாசம் ரூ.10,800 வாங்குவாரு. உயர்வு வந்த பிறகு, 63% டிஏ படி ரூ.11,340 கிடைக்கும். அதாவது, மாசம் ரூ.540 அதிகமா கிடைக்கும்.

அடிப்படை சம்பளம் / 60% டிஏ / 63% டிஏ / மாசம் எவ்வளவு கூடும்?

ரூ.18,000 / ரூ.10,800 / ரூ.11,340 / ரூ.540

ரூ.35,400 / ரூ.21,240 / ரூ.22,302 / ரூ.1,062

ரூ.56,100 / ரூ.33,600 / ரூ.35,343 / ரூ.1,683

ரூ.1,00,000 / ரூ.60,000 / ரூ.63,000 / ரூ.3,000

இந்த உயர்வு ஜூலை 1, 2026 முதல் அமலுக்கு வரலாம்னு சொல்லப்படுது. அரசு ஒப்புதல் கொடுத்தா, ஜூலை, ஆகஸ்ட், செப்டம்பர் மாசங்களுக்கான சம்பள வித்தியாசம் நிலுவைத் தொகையா கிடைக்கும். உதாரணமா, ரூ.18,000 அடிப்படை சம்பளம் வாங்குற ஊழியருக்கு 3% உயர்வுனால மாசம் ரூ.540 எக்ஸ்ட்ரா கிடைக்கும். மூணு மாசத்துக்கு சேர்த்து மொத்தம் ரூ.1,620 கிடைக்கும்.

இந்த அகவிலைப்படி (DA) உயர்வு வேலையில இருக்கிற மத்திய அரசு ஊழியர்களுக்கு மட்டுமில்ல. மத்திய அரசு ஓய்வூதியதாரர்களுக்கும் அகவிலை நிவாரணம் (DR) கிடைக்கும். ஜூலை 2026 தவணைக்கான உயர்வுக்கு அரசு ஒப்புதல் கொடுத்தா, ஓய்வூதியதாரர்களுக்கான அகவிலை நிவாரணமும் 60 சதவீதத்துல இருந்து 63 சதவீதமா உயரும்.

டிகிரி முடிக்கும் வரை காத்திருக்க வேண்டாம்: கல்லூரி படிக்கும்போதே கைநிறைய சம்பாதிக்க 5 சூப்பர் வழிகள்!

Meenakshisundaram — Sat, 17 Oct 2026 13:39:08 +0530

டிகிரி முடியும் வரை காத்திருக்க வேண்டாம். கல்லூரி மாணவர்கள் படிக்கும்போதே சம்பாதிக்க 5 சூப்பர் திறன்கள். முதலீடு இல்லாத ஆன்லைன் வேலைகள், அரசின் இலவச பயிற்சி மற்றும் மோசடி எச்சரிக்கைகள் பற்றி விரிவாகப் பார்ப்போம்.

கல்லூரிப் படிப்பை முடித்த பிறகுதான் சம்பாதிக்கத் தொடங்க வேண்டும் என்ற நிலை மாறி வருகிறது. படிக்கும்போதே சில நடைமுறைத் திறன்களைக் கற்று, சிறிய வேலைகளைச் செய்து அனுபவத்தையும் வருமானத்தையும் பெற முடியும். மொழிபெயர்ப்பு, கிராஃபிக் டிசைனிங், வீடியோ எடிட்டிங், டிஜிட்டல் மார்க்கெட்டிங், நிரலாக்கம் ஆகிய 5 திறன்களுக்கு இணையம் வழியாகச் செய்யும் பணிகளில் வாய்ப்புகள் உள்ளன. இவற்றுக்குப் பெரிய முதலீடு தேவையில்லை.

திறன்கள் ஏன் முக்கியம்?

இன்றைய வேலைச் சந்தையில் பட்டச் சான்றிதழுடன் நடைமுறைத் திறனையும் நிறுவனங்கள் எதிர்பார்க்கின்றன. வீடியோ எடிட்டிங், கிராஃபிக் டிசைன், டிஜிட்டல் மார்க்கெட்டிங் போன்றவை தற்போது அதிகம் தேடப்படும் திறன்களில் உள்ளன என்று பல வழிகாட்டிக் கட்டுரைகள் குறிப்பிடுகின்றன. Upwork தளத்தின் 2026 அறிக்கையின்படி, AI சார்ந்த திறன்களுக்கான தேவை கடந்த ஆண்டில் இரட்டிப்புக்கு மேல் உயர்ந்துள்ளது. நிரலாக்கம், படைப்பாக்கப் பணிகள், மார்க்கெட்டிங் ஆகியவற்றுக்கும் தேவை தொடர்ந்து உள்ளது. அத்துடன் இந்தியாவில் ஃப்ரீலான்சிங் எனப்படும் சுயதொழில் முறை வேலைகளும் வளர்ந்து வருகின்றன.

1. மொழிபெயர்ப்பு: மொழித்திறனே வருமானம்

தமிழ், ஆங்கிலம் அல்லது பிற மொழிகளில் நல்ல புலமை உள்ளவர்கள் கட்டுரைகள், இணையதள உள்ளடக்கங்கள், தயாரிப்பு விளக்கங்கள், வசன வரிகள் போன்றவற்றை மொழிபெயர்க்கலாம். வார்த்தைகளை அப்படியே மாற்றினால் போதாது. பொருள் மாறாமல் இயல்பான நடையில் எழுதுவது அவசியம். முதலில் சில மாதிரிப் பணிகளைத் தயாரித்துத் திறனை வெளிப்படுத்தலாம்.

2. கிராஃபிக் டிசைனிங்: கற்பனைக்கு வருமானம்

போஸ்டர்கள், சமூக ஊடகப் பதிவுகள், விளம்பரங்கள், அழைப்பிதழ்கள் ஆகியவற்றை வடிவமைக்கக் கற்றுக்கொண்டால் சிறிய நிறுவனங்களுக்கும் உள்ளூர்க் கடைகளுக்கும் சேவை வழங்கலாம். Canva போன்ற கருவிகளில் தொடங்கி, பின்னர் Photoshop, Illustrator போன்ற மென்பொருட்களுக்குச் செல்லலாம். செய்த வடிவமைப்புகளைத் தொகுத்து ஒரு Portfolio உருவாக்குவது முக்கியம்.

3. வீடியோ எடிட்டிங்: ரீல்ஸ் முதல் யூடியூப் வரை

ஷார்ட்ஸ், யூடியூப் வீடியோக்கள், விளம்பரக் காணொளிகள் என எல்லாவற்றுக்கும் எடிட்டிங் திறன் தேவை. வீடியோவை வெட்டுவது, வசனம் சேர்ப்பது, ஒலியைச் சரிசெய்வது போன்ற அடிப்படைகளில் தொடங்கலாம். சில மாதிரி வீடியோக்களை உருவாக்கிய பிறகு, உள்ளூர் வணிகங்களையும் உள்ளடக்க உருவாக்குநர்களையும் அணுகலாம். தற்போது ஏ.ஐ ஆப்ஸ் பயன்படுத்தும் எடிட்டிங் திறனுக்கும் வரவேற்பு அதிகரித்து வருகிறது.

4. டிஜிட்டல் மார்க்கெட்டிங்

சமூக ஊடகப் பக்கங்களை நிர்வகித்தல், SEO, உள்ளடக்கத் திட்டமிடல், விளம்பரப் பிரசாரங்கள் ஆகியவை இதில் அடங்கும். சமூக ஊடகங்கள் செயல்படும் விதம், வாடிக்கையாளர்களைச் சென்றடையும் வழிகள், இணையதளத்துக்கு வருகையாளர்களைப் பெறும் முறை ஆகியவற்றை முதலில் கற்க வேண்டும். முடிவுகளைத் தரவுகளுடன் மதிப்பிடும் திறனும் தேவை.

5. நிரலாக்கம்: எதிர்காலத்துக்கான திறன்

இணையதளங்கள், மொபைல் செயலிகள், மென்பொருட்களை உருவாக்க ஆர்வமுள்ளவர்கள் HTML, CSS, JavaScript அல்லது Python மூலம் தொடங்கலாம். சிறிய இணையதளம், கணக்கிடும் செயலி, எளிய தானியக்கக் கருவி போன்றவற்றை உருவாக்கிப் பார்க்கலாம். திட்டங்களை GitHub போன்ற தளங்களில் பதிவேற்றினால் உங்கள் திறனை மற்றவர்களுக்குக் காட்ட முடியும்.

வருமானம் எல்லோருக்கும் ஒரே அளவில் இருக்காது. திறன், பணியின் தரம், வாடிக்கையாளர்கள், செலவிடும் நேரம் ஆகியவற்றைப் பொறுத்தே அது அமையும். சில இணைய வழிகாட்டிக் கட்டுரைகள் தொடக்க நிலையில் மாதம் சில ஆயிரம் ரூபாய் முதல் சில பத்தாயிரம் ரூபாய் வரை கிடைக்கலாம் என மதிப்பிடுகின்றன. இவை உறுதியான கணக்குகள் அல்ல, தோராயமான மதிப்பீடுகள் மட்டுமே. எனவே முதலில் ரூ.500 போன்ற சிறிய பணிகளில் தொடங்கி, அனுபவத்துடன் கட்டணத்தை உயர்த்துவதே நடைமுறை வழி.

அரசின் இலவசப் பயிற்சி வாய்ப்புகள்

தமிழ்நாடு அரசின் 'நான் முதல்வன்' திட்டத்தின் கீழ், தமிழ்நாடு திறன் மேம்பாட்டுக் கழகம் (TNSDC) கல்லூரி மாணவர்களுக்கு இலவசத் திறன் பயிற்சிகளை வழங்குகிறது. டிஜிட்டல் மார்க்கெட்டிங், உள்ளடக்க உருவாக்கம், Python போன்ற பாடங்களும் இதில் உண்டு. 2026-27 கல்வியாண்டுக்குப் புதிய தொழில்துறைப் பயிற்சிக் கூட்டாளிகளை நியமிக்க அரசு முடிவு செய்துள்ளது. அவர்கள் 45 முதல் 60 மணி நேரப் படிப்புகளையும் தொழில்துறைச் சான்றிதழ்களையும் வழங்குவார்கள் என்று செய்திகள் தெரிவிக்கின்றன. மத்திய அரசின் Skill India Digital Hub தளத்திலும் இலவசப் படிப்புகள் உள்ளன. உங்கள் கல்லூரியில் இந்தப் படிப்புகள் எந்த வடிவில் நடத்தப்படுகின்றன என்பதை விசாரித்துப் பயன்படுத்திக்கொள்ளுங்கள்.

ஐந்தையும் ஒரே நேரத்தில் கற்க முயலாமல், உங்களுக்குப் பிடித்த ஒன்றில் தொடர்ந்து பயிற்சி செய்யுங்கள். 3 முதல் 5 மாதிரிப் பணிகளை உருவாக்கி Portfolio தயாரியுங்கள். கல்லூரித் திட்டங்களையும் சொந்த முயற்சிகளையும் சேர்க்கலாம். ஆனால் அவற்றை மாதிரிப் பணிகள் என்றே தெளிவாகக் குறிப்பிடுங்கள். உள்ளூர் வணிகங்கள், நண்பர்கள், நம்பகமான Freelance தளங்கள் வழியாகச் சிறிய வேலைகளைப் பெறலாம். Upwork போன்ற தளங்களில் இந்தப் பணிகளுக்கான பிரிவுகள் உள்ளன. கல்லூரிப் படிப்பு பாதிக்கப்படாத வகையில் வாரத்துக்குச் சில மணி நேரங்களை ஒதுக்குங்கள்.

மோசடி குறித்த எச்சரிக்கை

வேலை வாங்கித் தருவதாகக் கூறி முன்பணம் கேட்பவர்களிடம் எச்சரிக்கையாக இருங்கள். பதிவுக் கட்டணம், பாதுகாப்பு வைப்புத்தொகை, மென்பொருள் அல்லது பயிற்சிக் கட்டணம் என்று பணம் கேட்பது மோசடியின் பொதுவான அறிகுறி என்று Upwork உள்ளிட்ட தளங்களும் இந்தியாவின் வேலைவாய்ப்பு இணையதளங்களும் எச்சரிக்கின்றன. கீழ்க்கண்டவற்றையும் கவனியுங்கள். தெளிவற்ற வேலை விளக்கம், நம்பமுடியாத அளவு அதிக ஊதியம் ஆகியவை சந்தேகத்துக்குரியவை. Telegram, WhatsApp போன்றவற்றில் பேச அழைத்தால் கவனமாக இருங்கள். தளத்தை விட்டு வெளியேறினால் பணப் பாதுகாப்பு இல்லாமல் போகும். ஒப்பந்தம் இல்லாமல், சரிபார்க்கப்பட்ட கட்டண முறை இல்லாமல் வேலை செய்யாதீர்கள். வங்கி விவரங்களையும் அடையாள ஆவணங்களையும் தேவையின்றிப் பகிராதீர்கள்.

சம்பாதிக்கும் ஆர்வத்தில் படிப்பைப் புறக்கணிக்கக் கூடாது. வருமானத்தைவிட முதலில் திறனை வளர்ப்பதே முக்கியம். சில ஆயிரம் ரூபாய் கிடைக்கும் என்ற விளம்பரங்களை நம்பி முன்பணம் செலுத்த வேண்டாம். மேலும், கிடைக்கும் வருமானத்துக்கு வரி விதிமுறைகள் பொருந்தலாம் என்பதால், தேவைப்பட்டால் நிபுணர்களிடம் ஆலோசனை பெறுங்கள். படிக்கும்போதே சம்பாதிப்பது பணம் ஈட்டும் வழி மட்டுமல்ல. வேலை அனுபவம், வாடிக்கையாளர்களுடன் தொடர்புகொள்ளும் திறன், நேர மேலாண்மை ஆகியவற்றைக் கற்றுக்கொள்ளும் வாய்ப்பும் ஆகும். ஒரே நேரத்தில் எல்லாவற்றையும் கற்க முயலாமல், உங்களுக்குப் பிடித்த ஒன்றில் தொடங்கி, சிறிய திட்டங்கள் மூலம் அனுபவத்தை வளர்த்துக்கொள்ளுங்கள்.

DA Hike: டிஏ 1, 2 அல்லது 3% உயர்ந்தால் உங்க சம்பளம் எவ்வளவு கூடும்? கணக்கீடு இதோ!

Vedarethinam Ramalingam — Sun, 25 Oct 2026 05:35:02 +0530

ஜூலை 2026-க்கான அகவிலைப்படி (DA) உயர்வு அறிவிப்புக்காக மத்திய அரசு ஊழியர்கள் காத்துட்டு இருக்காங்க. இப்போ இருக்குற 60% டிஏ-வில் இருந்து 1, 2 அல்லது 3% உயர்ந்தால், அடிப்படை சம்பளத்தை வெச்சு மாசச் சம்பளம் எவ்வளவு கூடும்னு பார்க்கலாம்.

ஜூலை 2026-க்கான அகவிலைப்படி (DA) உயர்வுக்காக மத்திய அரசு ஊழியர்கள் வெயிட்டிங். பண்டிகை கால போனஸ், அமைச்சரவை கூட்டங்கள் நடந்தாலும், திருத்தப்பட்ட டிஏ விகிதம், நிலுவைத் தொகை பத்தி அரசு இன்னும் அதிகாரப்பூர்வமா எந்த தகவலும் சொல்லல.

பணவீக்கத்தை சமாளிக்க மத்திய அரசு ஊழியர்களுக்கு கொடுக்கப்படுறதுதான் அகவிலைப்படி (DA). வருஷத்துக்கு ரெண்டு தடவை, அதாவது ஜனவரி 1 மற்றும் ஜூலை 1 ஆகிய தேதிகள்ல அரசு இதை மாற்றி அமைக்கும்.

ஜனவரி மாத டிஏ உயர்வை மார்ச் அல்லது ஏப்ரலிலும், ஜூலை மாத உயர்வை அக்டோபரிலும் அரசு அறிவிக்கும். ஏப்ரல் 18, 2026 அன்னைக்கு டிஏ-வை 58%-லிருந்து 60%-ஆக உயர்த்தி அமைச்சரவை ஒப்புதல் கொடுத்துச்சு (ஜனவரி 1, 2026 முதல் அமல்). அடுத்த அறிவிப்புக்காக இப்போ எதிர்பார்ப்பு எகிறியிருக்கு.

ஏழாவது ஊதியக் குழுவின்படி, ஊழியர்களோட அடிப்படை சம்பளத்தை (Basic Pay) வெச்சுதான் டிஏ கணக்கிடப்படுது. வீட்டு வாடகைப்படி (HRA), போக்குவரத்துப் படி (TA) மாதிரியான மற்ற படிகள் இந்த கணக்கீட்டுல வராது.

டிஏ ஃபார்முலா: அடிப்படை சம்பளம் × (டிஏ விகிதம் ÷ 100). உதாரணமா, ஒருத்தரோட அடிப்படை சம்பளம் ரூ.18,000-னா, 60% டிஏ-க்கு ரூ.10,800 கிடைக்கும். இதுவே 63% ஆக உயர்ந்தால், டிஏ ரூ.11,340 ஆக மாறும். அதாவது மாசத்துக்கு ரூ.540 எக்ஸ்ட்ரா கிடைக்கும்.

அடிப்படை சம்பளம் ரூ.18,000, ரூ.25,000, ரூ.35,000, ரூ.50,000 வாங்குபவர்களுக்கு 60% டிஏ-வில் முறையே ரூ.10,800, ரூ.15,000, ரூ.21,000, ரூ.30,000 கிடைக்கிறது. இதுவே 61%, 62%, 63% என உயர்ந்தால் எவ்வளவு கூடுதல் பணம் கிடைக்கும் என்பதை அடுத்தடுத்த படங்களில் பார்க்கலாம்.

டிஏ 60%-லிருந்து 61% ஆக (அதாவது 1%) உயர்ந்தால், ரூ.18,000 அடிப்படை சம்பளம் வாங்குற ஊழியருக்கு மாசத்துக்கு ரூ.180 எக்ஸ்ட்ரா கிடைக்கும். அதுவே ரூ.50,000 அடிப்படை சம்பளம் வாங்குறவங்களுக்கு ரூ.500 கூடுதலாக கிடைக்கும்.

டிஏ 62% ஆக உயர்ந்தால், அடிப்படை சம்பளத்தை பொறுத்து மாசத்துக்கு ரூ.360 முதல் ரூ.1,000 வரை கூடுதல் பணம் கிடைக்கும். ஒருவேளை டிஏ 63% ஆக அதிகரித்தால், மாதாந்திர சம்பள உயர்வு ரூ.540 முதல் ரூ.1,500 வரை இருக்கும்.

இந்த கணக்கீடுகள் எல்லாமே டிஏ (DA) பகுதியில ஏற்படுற உயர்வை மட்டுமே குறிக்குது. பிஎஃப் (PF) பிடித்தங்கள், மற்ற அட்ஜஸ்ட்மெண்ட்கள் போக கைக்கு வர்ற மொத்த சம்பளத்துல (Take-home salary) கொஞ்சம் மாற்றங்கள் இருக்கலாம்.

ஜூலை 2026 முதல் ஊழியர்களுக்கு நிலுவைத் தொகை (Arrears) கிடைக்குமா? ஜூலை 1, 2026 முதல் அமலுக்கு வரும் வகையில அரசு ஒப்புதல் கொடுத்தால், அறிவிப்பு வெளியாகும் மாதம் வரையிலான நிலுவைத் தொகையை ஊழியர்கள் கண்டிப்பா பெறுவாங்க.

உண்மையான சம்பள உயர்வு, அரசு அறிவிக்கப் போற டிஏ சதவீதத்தையும் அடிப்படை சம்பளத்தையும் பொறுத்துதான் அமையும். ஜூலை மாத திருத்தம் பத்தி அரசு இன்னும் அதிகாரப்பூர்வமா அறிவிக்கல. அறிவிப்பு வர்ற வரைக்கும், இந்த கணக்கீடுகள் எல்லாமே ஒரு உத்தேச மதிப்பீடுதான்.

Scholarship: மாணவர்களுக்கு குட் நியூஸ்.! கல்வி உதவித்தொகைக்கு விண்ணப்பிக்க கடைசி வாய்ப்பு.! யாரெல்லாம் தகுதி? விண்ணப்பிக்க என்னென்ன ஆவணங்கள் தேவை?

Vedarethinam Ramalingam — Fri, 16 Oct 2026 12:21:15 +0530

தமிழகக் கல்லூரி மாணவர்களுக்கு 2026–27 கல்வியாண்டுக்கான கல்வி உதவித்தொகை அறிவிப்பு. அக்டோபர் 21 கடைசி தேதி, குடும்ப ஆண்டு வருமான வரம்பு, தகுதிகள் மற்றும் விண்ணப்பிக்கும் முறையை முழுமையாகத் தெரிந்துகொள்ளுங்கள்.

கல்லூரியில் படிக்கும் மாணவர்களின் கல்விச் செலவைக் குறைப்பதற்காக அரசு பல்வேறு கல்வி உதவித்தொகைத் திட்டங்களைச் செயல்படுத்தி வருகிறது. அந்த வகையில், தமிழகத்தில் பிற்படுத்தப்பட்டோர் (BC), மிகவும் பிற்படுத்தப்பட்டோர் (MBC) மற்றும் சிறுபான்மையினர் பிரிவுகளைச் சேர்ந்த தகுதியான கல்லூரி மாணவர்கள் 2026–27 கல்வியாண்டுக்கான கல்வி உதவித்தொகைக்கு விண்ணப்பிக்க வாய்ப்பு வழங்கப்பட்டுள்ளது.

இந்த உதவித்தொகையைப் பெற விரும்பும் மாணவர்கள் அக்டோபர் 21, 2026-க்குள் விண்ணப்பிக்க வேண்டும் என வெளியான அறிவிப்பில் தெரிவிக்கப்பட்டுள்ளது. கடைசி நாள் நெருங்குவதால் தகுதியுள்ள மாணவர்கள் தங்கள் கல்லூரி நிர்வாகத்தை அணுகி விவரங்களைத் தெரிந்துகொள்வது அவசியம்.

பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறையின் கீழ் செயல்படுத்தப்படும் போஸ்ட் மெட்ரிக் கல்வி உதவித்தொகைத் திட்டத்தின் கீழ் தகுதியுள்ள மாணவர்கள் விண்ணப்பிக்கலாம்.

அரசு மற்றும் அரசு உதவி பெறும் கல்வி நிறுவனங்களில் படிக்கும் மாணவர்கள், அரசு ஒதுக்கீட்டின் கீழ் தனியார் பாலிடெக்னிக் கல்லூரிகளில் படிக்கும் தகுதியுள்ள மாணவர்கள் உள்ளிட்டோருக்கு இந்தத் திட்டத்தில் வாய்ப்பு உள்ளது. இருப்பினும், படிப்பு, கல்வி நிறுவனம் மற்றும் மாணவர் பிரிவைப் பொறுத்து தகுதி மாறுபடலாம்.

இந்தத் திட்டத்தில் குடும்ப ஆண்டு வருமான வரம்பு எல்லா மாணவர்களுக்கும் ஒரே மாதிரியாக இருக்காது. வெளியான அறிவிப்பின்படி, பாலிடெக்னிக் கல்வி நிறுவனங்களில் இளங்கலை, முதுகலை மற்றும் ஆராய்ச்சிப் படிப்புகளை மேற்கொள்ளும் மாணவர்களுக்கு குடும்பத்தின் ஆண்டு வருமானம் ரூ.2.5 லட்சத்துக்கு மிகாமல் இருக்க வேண்டும்.

அதே நேரத்தில், அரசு மற்றும் அரசு உதவி பெறும் கலை, அறிவியல் கல்லூரிகளில் மூன்றாம் ஆண்டு இளங்கலைப் படிப்பில் பயிலும் மாணவர்களுக்கு நிபந்தனையின்றி உதவித்தொகை வழங்குவது குறித்தும் அறிவிப்பில் தெரிவிக்கப்பட்டுள்ளது. எனவே, மற்ற படிப்புகளுக்கும் இதே வருமான வரம்பு பொருந்தும் என்று கருதாமல், தங்களது படிப்புக்கான விதிமுறைகளை உறுதிப்படுத்த வேண்டும்.

மாணவர்கள் UMIS இணையதளத்தை அணுகலாம். தங்களது கல்லூரியின் கல்வி உதவித்தொகை ஒருங்கிணைப்பாளர் அல்லது சம்பந்தப்பட்ட அலுவலகத்தைத் தொடர்புகொண்டு விண்ணப்ப நடைமுறையைப் பின்பற்ற வேண்டும்.

பொதுவாகத் தேவைப்படக்கூடிய ஆவணங்கள்:
ஆதார் அட்டை
சமூகச் சான்றிதழ்
குடும்ப வருமானச் சான்றிதழ், பொருந்தும் இடங்களில்
கல்லூரி சேர்க்கை மற்றும் படிப்புச் சான்று
வங்கிக் கணக்கு விவரங்கள்
முந்தைய கல்வி மதிப்பெண் சான்றிதழ்கள், தேவைப்பட்டால்

ஆவணங்களின் பட்டியல் மாணவர் பிரிவு மற்றும் திட்ட விதிகளுக்கு ஏற்ப மாறலாம்.

கல்வி உதவித்தொகைக்கான விண்ணப்பத்தைச் சமர்ப்பித்த பிறகு, அது ஏற்றுக்கொள்ளப்பட்டதா என்பதை கல்லூரி மூலம் உறுதிப்படுத்திக் கொள்ள வேண்டும். கடைசி நாளான அக்டோபர் 21 வரை காத்திருக்காமல் முன்கூட்டியே விண்ணப்பிப்பது நல்லது.

முக்கியம்: உதவித்தொகைத் தொகை, வருமான வரம்பு மற்றும் தகுதி ஆகியவை ஒவ்வொரு பிரிவுக்கும் மாறுபடலாம். விண்ணப்பிக்கும் முன் கல்லூரி நிர்வாகம் அல்லது மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் தற்போதைய விதிமுறைகளைச் சரிபார்க்க வேண்டும்.

தமிழகத்தில் 2026–27 கல்வியாண்டில் பிற்படுத்தப்பட்டோர் (BC), மிகவும் பிற்படுத்தப்பட்டோர் (MBC), சீர்மரபினர் (DNC) மற்றும் தகுதியுள்ள பிற பிரிவுகளைச் சேர்ந்த மாணவர்களுக்கு கல்வி உதவித்தொகை வழங்கப்படுகிறது. இந்தத் திட்டத்தில் அனைவருக்கும் ஒரே தொகையாகப் பணம் வழங்கப்படுவதில்லை. மாணவர்கள் படிக்கும் பாடப்பிரிவு, கல்லூரி வகை மற்றும் தகுதியைப் பொறுத்து கல்விக் கட்டணம் உள்ளிட்ட உதவிகள் மாறுபடும்.

அரசு மற்றும் அரசு உதவிபெறும் கலை, அறிவியல் கல்லூரிகளில் மூன்றாண்டு இளங்கலைப் படிப்புகளில் பயிலும் மாணவர்களுக்கு வருமான வரம்பின்றி கல்வி உதவி வழங்கும் திட்டம் உள்ளது. இதில் கல்விக் கட்டணம் தள்ளுபடி செய்யப்படுவதுடன், அரசு நிர்ணயித்த சிறப்புக் கட்டணம் மற்றும் திரும்பப் பெற முடியாத கட்டாயக் கட்டணங்களும் விதிகளின்படி வழங்கப்படலாம்.

விடுதியில் தங்கிப் படிக்கும் தகுதியுள்ள மாணவர்களுக்கு கூடுதல் தங்கும் மற்றும் உணவுச் செலவு உதவியாக மாதம் ரூ.400 வீதம், ஆண்டுக்கு 10 மாதங்களுக்கு மொத்தம் ரூ.4,000 வழங்கப்படலாம். இது தகுதியுள்ள இளங்கலை, தொழில்முறை, பாலிடெக்னிக் மற்றும் முதுகலை மாணவர்களுக்கான உதவியாகும்.

மத்திய அரசு கல்வி நிறுவனங்களான IIT, IIM, IIIT, NIT மற்றும் மத்தியப் பல்கலைக்கழகங்களில் படிக்கும் தகுதியுள்ள BC, MBC, DNC மாணவர்களுக்கு வேறு கட்டணத் திருப்பிச் செலுத்தும் விதிமுறைகளும் உள்ளன. அந்தத் திட்டத்தில் அனுமதிக்கப்பட்ட கல்விக் கட்டணம் மற்றும் பிற கட்டாயக் கட்டணங்கள் அல்லது ஆண்டுக்கு ரூ.2 லட்சம் — இவற்றில் எது குறைவோ அந்த அளவுக்கு உதவி வழங்கப்படலாம்.

விண்ணப்பிக்க விரும்பும் மாணவர்கள் UMIS இணையதளத்தை அணுகி, தங்கள் கல்லூரியின் உதவித்தொகை ஒருங்கிணைப்பாளரைத் தொடர்புகொள்ளலாம். 2026–27 கல்வியாண்டுக்கான அறிவிப்பின்படி விண்ணப்பிக்க கடைசி நாள் அக்டோபர் 21, 2026 ஆகும்.

முக்கியமாகக் கவனிக்க வேண்டியது: உதவித்தொகை என்பது அனைவருக்கும் ஒரே அளவிலான நேரடிப் பணமாகக் கிடைக்கும் திட்டம் அல்ல. சில உதவிகள் கட்டணத் தள்ளுபடியாகவும், சில உதவிகள் குறிப்பிட்ட செலவுகளுக்கான தொகையாகவும் வழங்கப்படுகின்றன.

DA Hike: இன்னும் முடிவாகாத அகவிலைப்படி உயர்வு! தீபாவளிக்கு நிலுவைத் தொகையுடன் சம்பளம் ஏறுமா?

Vedarethinam Ramalingam — Thu, 22 Oct 2026 14:06:16 +0530

DA Hike: மத்திய அரசு ஊழியர்கள், ஓய்வூதியதாரர்களுக்கான அகவிலைப்படி (DA) உயர்வு அறிவிப்பு இன்னும் தள்ளிப்போயிட்டே இருக்கு. தீபாவளிக்கு முன்னாடி நடக்கப்போற அடுத்த கேபினட் மீட்டிங்ல 3% அகவிலைப்படி உயர்வுக்கு ஒப்புதல் கிடைக்கும்னு எதிர்பார்க்கப்படுது.

DA Hike: மத்திய அரசு ஊழியர்கள் மற்றும் ஓய்வூதியதாரர்கள் அகவிலைப்படி (DA) மற்றும் அகவிலை நிவாரண (DR) உயர்வுக்காக இன்னும் கொஞ்ச நாள் காத்திருக்கணும். ஜூலை 1, 2026 முதல் அமலுக்கு வர வேண்டிய இந்த மாற்றத்தை மத்திய அரசு இன்னும் அறிவிக்கல. நேத்து, அக்டோபர் 21, 2026 (புதன்கிழமை), பிரதமர் நரேந்திர மோடி தலைமையில வாராந்திர மத்திய அமைச்சரவை கூட்டம் நடந்துச்சு.

Healthy Food For Children: சுவையான நெல்லிக்காய் சாதம் செய்யலாம்.! ஒரே நிமிடத்தில் ரெடியாகும் ஸ்கூல் லஞ்ச்.!

இந்த மீட்டிங்ல, 1 கோடியே 20 லட்சம் மத்திய அரசு ஊழியர்கள் மற்றும் ஓய்வூதியதாரர்கள் DA பத்தின ஒரு பெரிய அறிவிப்பை எதிர்பார்த்தாங்க. ஆனா, இந்த கூட்டத்துலயும் ஜூலை 1, 2026 முதல் வழங்க வேண்டிய நிலுவை DA தொகைக்கு அரசு ஒப்புதல் தரல. DA பத்தி எந்த முடிவும் எடுக்காத தொடர்ந்து மூணாவது கேபினட் மீட்டிங் இதுதான்.

Uzhavar Santhai Vegetable Price: கீரை ரூ.10, தேங்காய் ரூ.25.! மூட்டை மூட்டையாய் காய்கறிகள் Sale.! உழவர் சந்தையில் குயியும் இல்லத்தரசிகள்.!

இதுக்கு முன்னாடி, அக்டோபர் 14-ம் தேதி நடந்த மீட்டிங்ல ரயில்வே ஊழியர்களுக்கு போனஸ் கொடுக்க ஒப்புதல் கொடுத்தாங்க. ஆனா DA பத்தி எந்த முடிவும் எடுக்கல. இதனால, இந்த தீபாவளிக்கு சம்பளம் உயரும்னு காத்துட்டு இருக்கிற மத்திய அரசு ஊழியர்களுக்கு கவலை இன்னும் அதிகமாயிடுச்சு.

Astrology Prediction: இடம் மாறும் கிரகங்கள்.! வானில் நடக்கும் மாாஜாலம்.! எந்தெந்த ராசிக்கு அதிர்ஷ்டம் அடிக்கப்போகுதுனு பாருங்க.!

மத்திய அமைச்சரவையின் பொதுக்கூட்டம் வழக்கமா ஒவ்வொரு புதன்கிழமையும் நடக்கும். அதனால, ஊழியர்கள் மற்றும் AINPS, AIDEF போன்ற ஊழியர் சங்கங்கள் இப்போ தீபாவளிக்கு முன்னாடி (நவம்பர் 8, 2026) நடக்கப்போற அடுத்த கேபினட் மீட்டிங்க்காக ரொம்ப ஆர்வமா காத்துட்டு இருக்காங்க.

Leftover Idli Recipe: மீந்து போன இட்லியில் இப்படி ஒரு பலகாரமா?! உப்புமா செய்யுறது எல்லாம் பழைய ஸ்டைல்.! இதை டிரை பண்ணி பாருங்க.!

தொழில்துறை தொழிலாளர்களுக்கான சில்லறை பணவீக்க குறியீடு (CPI-IW) தரவுகளின்படி, இந்த முறை DA-ல 3% உயர்வு வர வாய்ப்பு இருக்கு. இது DA மற்றும் DR-ஐ தற்போதைய 60%-ல இருந்து 63%-ஆக உயர்த்தலாம். ஆனா, திருத்தப்பட்ட விகிதத்தை அரசு இன்னும் உறுதிப்படுத்தல.

Drumstick Paya Recipe: புதுமாப்பிள்ளைக்கு முருங்கைக்காய் பாயா.! இட்லிக்கு மட்டுமல்ல எல்லாத்துக்கும் தொட்டுக்கலாம்.! 2 நிமிடத்தில் சைடிஷ் தயார்!

பண்டிகை காலத்துக்கு முன்னாடி ஒரு நிம்மதியை கொடுக்கும் வகையில, தசரா பண்டிகை ஒட்டி இந்த அறிவிப்பு வெளியாகும்னு முதல்ல எதிர்பார்க்கப்பட்டுச்சு. ஆனா, அக்டோபர் 21 வரைக்கும் எந்த முடிவும் எடுக்காததால, இந்த உயர்வு எப்போ அங்கீகரிக்கப்பட்டு வழங்கப்படும்னு ஊழியர்கள் யோசிச்சிட்டு இருக்காங்க.

DMart Shopping Tips: மாதம் ரூ.5,000 மளிகைச் செலவா? டிமார்ட்டில் இப்படி வாங்கினால் ரூ.2,500 மிச்சமாகுமா? யாரும் சொல்லாத ஷாப்பிங் டிப்ஸ்!

இந்த தாமதத்துக்கு நடுவுல ஊழியர்கள் மற்றும் ஓய்வூதியதாரர்களுக்கு இருக்கிற ஒரே ஆறுதல் என்னன்னா, அரசு எப்போ வேணாலும் இதை அறிவிக்கலாம். ஆனா அது ஜூலை 1, 2026 முதல் அமலுக்கு வந்ததா கருதப்படும். அதாவது, ஊழியர்களுக்கு ஜூலை, ஆகஸ்ட் மற்றும் செப்டம்பர் மாதங்களுக்கான நிலுவைத் தொகை மொத்தமா கிடைக்கும்.

Sports Quota Recruitment : 10th, 12th, டிகிரி முடித்த விளையாட்டு வீரர்களே! வருமான வரித்துறையில் வேலை.. நவம்பர் 10 கடைசி தேதி

Vishnupriya — Tue, 20 Oct 2026 10:19:32 +0530

Sports Quota Recruitment : 10th, 12th, டிகிரி முடித்த விளையாட்டு வீரர்களுக்கு வருமான வரித்துறையில் அரசு வேலைவாய்ப்புகள். பணிகளுக்கான கல்வித்தகுதி, சம்பளம், வயது வரம்பு, விண்ணப்பிக்கும் முறை மற்றும் கடைசி தேதி பற்றிய முழு விவரங்களை அறிந்துகொள்ளுங்கள்.

பத்தாம் வகுப்பு முடித்துவிட்டீர்களா? 12ஆம் வகுப்பு அல்லது ஏதேனும் ஒரு டிகிரி படித்து அரசு வேலைக்காகக் காத்திருக்கிறீர்களா? அப்படியானால், வருமான வரித்துறையில் உள்ள வேலைவாய்ப்புகள் குறித்து நீங்கள் தெரிந்துகொள்ள வேண்டிய நேரம் இது! குறைந்தபட்சம் 10ஆம் வகுப்பு முதல் பட்டப்படிப்பு முடித்தவர்கள் வரை, கல்வித் தகுதிக்கு ஏற்ப வெவ்வேறு பணிகளுக்கு விண்ணப்பிக்க வாய்ப்புகள் உள்ளன.

மத்திய அரசின் வருமான வரித்துறையில், விளையாட்டு வீரர்களுக்கான சிறப்புப் பிரிவின் கீழ் மல்டி டாஸ்கிங் ஸ்டாஃப் (Multi-Tasking Staff -MTS), சுருக்கெழுத்தாளர் (Stenographer), வரி உதவியாளர் (Tax Assistant) ஆகிய பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது.

எந்தப் படிப்புக்கு என்ன வேலை? வயது வரம்பு என்ன? சம்பளம் எவ்வளவு? விண்ணப்பிப்பது எப்படி? ஒவ்வொரு விவரத்தையும் இங்கே விரிவாகப் பார்க்கலாம்.

வருமான வரித்துறையின் 2026ஆம் ஆண்டு ஆட்சேர்ப்பில், மல்டி டாஸ்கிங் ஸ்டாஃப் (MTS) பணிக்கு 66 காலியிடங்கள் அறிவிக்கப்பட்டுள்ளன. இதற்கு 10ஆம் வகுப்பு தேர்ச்சி பெற்றவர்கள் விண்ணப்பிக்கலாம்.

சுருக்கெழுத்தாளர் கிரேடு-II பணிக்கு 9 காலியிடங்கள் உள்ளன. இதற்கு 12ஆம் வகுப்பு தேர்ச்சி பெற்றிருக்க வேண்டும்.

அதேபோல், வரி உதவியாளர் (Tax Assistant) பணிக்கு 44 காலியிடங்கள் அறிவிக்கப்பட்டுள்ளன. இதற்கு அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பை முடித்திருக்க வேண்டும்.

இவ்வாறு மொத்தம் 119 காலியிடங்கள் உள்ளன. இந்தப் பணியிடங்கள் டெல்லி மண்டலத்தின் விளையாட்டு ஒதுக்கீட்டு ஆட்சேர்ப்பைச் சேர்ந்தவை என்பதால், விண்ணப்பிக்கும் முன் அதிகாரப்பூர்வ அறிவிப்பில் உள்ள தகுதி நிபந்தனைகளைச் சரிபார்க்க வேண்டும்.

10ஆம் வகுப்பு முடித்தவர்களுக்கு - MTS

பணியின் பெயர்: Multi-Tasking Staff (MTS).

கல்வித்தகுதி: அங்கீகரிக்கப்பட்ட கல்வி வாரியத்தில் 10ஆம் வகுப்பு தேர்ச்சி.

வயது வரம்பு: பொதுவாக இந்த ஆட்சேர்ப்பில் 18 -25 வயது.

பணியின் தன்மை: அலுவலக உதவிப் பணிகள், கோப்புகளை எடுத்துச் செல்லுதல், ஆவணங்களை ஒழுங்குபடுத்துதல் உள்ளிட்ட பணிகள்.

சம்பளம்: தொடக்க அடிப்படை ஊதியம் மாதம் ரூ.18,000 என அறிவிக்கப்பட்டுள்ளது. இதனுடன் பொருந்தக்கூடிய அரசு அலவன்ஸ்களும் கிடைக்கலாம்.

12ஆம் வகுப்பு முடித்தவர்களுக்கு - சுருக்கெழுத்தாளர் (Stenographer)

பணியின் பெயர்: Stenographer Grade-II.

கல்வித்தகுதி: அங்கீகரிக்கப்பட்ட கல்வி வாரியத்தில் 12ஆம் வகுப்பு தேர்ச்சி.

வயது வரம்பு: பொதுவாக 18–27 வயது

பணியின் தன்மை: அதிகாரிகளின் பேச்சைக் குறிப்பெடுத்தல், கடிதங்கள் மற்றும் அலுவலக ஆவணங்களைத் தயாரித்தல், தட்டச்சுப் பணிகள்.

கூடுதல் திறன்: சுருக்கெழுத்து (Shorthand), தட்டச்சுத் திறன் மற்றும் தேவையான திறனறித் தேர்வுகளில் தேர்ச்சி பெற்றிருக்க வேண்டும்.

சம்பளம்: ஊதியம் மாதம் ரூ.25,500.

ஏதேனும் ஒரு டிகிரி முடித்தவர்களுக்கு - வரி உதவியாளர் (Tax Assistant)

பணியின் பெயர்: Tax Assistant.

கல்வித்தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு.

வயது வரம்பு: பொதுவாக 18–27 வயது.

பணியின் தன்மை: வருமான வரி தொடர்பான பதிவுகளைப் பராமரித்தல், தரவுகளை உள்ளீடு செய்தல், கணினி வழிப் பணிகள் மற்றும் அலுவலக ஆவணங்களைச் சரிபார்த்தல்.

கூடுதல் திறன்: கணினித் திறன் மற்றும் தேவையான தட்டச்சுத் திறன் சோதனை இருக்கலாம்.

சம்பளம்: தொடக்க அடிப்படை ஊதியம் மாதம் ரூ.25,500. டுதல் அலவன்ஸ்கள் பொருந்தும்.

இந்த ஆட்சேர்ப்பு விளையாட்டு ஒதுக்கீட்டின் கீழ் நடைபெறுவதால், கல்வித்தகுதி மட்டுமே போதாது. சம்பந்தப்பட்ட விளையாட்டில் தேவையான அளவிலான சாதனைகளைப் பெற்றிருப்பதும், அவற்றுக்கான அங்கீகரிக்கப்பட்ட சான்றிதழ்களைச் சமர்ப்பிப்பதும் முக்கியம்.

விண்ணப்பதாரர்கள் 01.01.2020 முதல் 15.10.2026 வரை பெற்ற விளையாட்டுச் சாதனைகள், செயல்திறன், வயது மற்றும் கல்வித் தகுதி ஆகியவற்றின் அடிப்படையில் பரிசீலிக்கப்படுவார்கள்.

முன்னுரிமை பெறக்கூடிய விளையாட்டுச் சாதனைகள்

சர்வதேசப் போட்டிகளில் இந்தியா சார்பில் பங்கேற்றவர்கள், தேசிய அளவிலான போட்டிகளில் மாநிலம் சார்பில் பங்கேற்று முதல் 3 இடங்களைப் பிடித்தவர்கள்,பல்கலைக்கழகங்களுக்கு இடையிலான போட்டிகள், கேலோ இந்தியா மற்றும் தேசியப் பள்ளி விளையாட்டுப் போட்டிகளில் முதல் 3 இடங்களைப் பெற்றவர்கள் ஆகியோருக்கு முன்னுரிமை கிடைக்கலாம்.

இதுதவிர, இந்தப் போட்டிகளில் பங்கேற்ற மற்ற தகுதியான வீரர்களின் விண்ணப்பங்களும் அறிவிப்பில் உள்ள விதிமுறைகளின்படி பரிசீலிக்கப்படலாம். குறிப்பாக, சீனியர் தேசியப் போட்டிகளில் பதக்கம் வென்றவர்களுக்கு முன்னுரிமை அளிக்கப்படலாம்.

குறிப்பிட்ட ஆட்சேர்ப்பில், கல்வித் தகுதி மற்றும் விளையாட்டுச் சாதனைகளின் அடிப்படையில் விண்ணப்பங்கள் மதிப்பீடு செய்யப்படும்.
விண்ணப்ப விவரங்கள், கல்விச் சான்றிதழ்கள் மற்றும் விளையாட்டுச் சான்றிதழ்கள் சரிபார்க்கப்படும்.
விளையாட்டுச் சாதனைச் சான்றிதழ்கள் மதிப்பீடு செய்யப்படும்.
பணியைப் பொறுத்து திறனறித் தேர்வு அல்லது பிற சரிபார்ப்புகள் இருக்கலாம்.
ஆவணச் சரிபார்ப்பு மற்றும் தேவையான பிற நடைமுறைகள் முடிந்த பிறகு இறுதித் தேர்வு நடைபெறும்.

விண்ணப்பம் தொடக்கம் - 17 அக்டோபர் 2026

விண்ணப்பிக்கக் கடைசி நாள் - 10 நவம்பர் 2026

விண்ணப்பிக்கும் முறை - ஆன்லைன்

எப்படி விண்ணப்பிப்பது?

வருமான வரித்துறை வேலைவாய்ப்பு 2026 பணிக்கு தகுதியும் விருப்பமும் உள்ள விண்ணப்பதாரர்கள், டெல்லி வருமான வரித்துறையின் அதிகாரப்பூர்வ இணையதளமான Income Tax Department Delhi விண்ணப்பிக்கலாம்.

வேலைவாய்ப்பு மோசடிகளில் இருந்து எச்சரிக்கையாக இருங்கள்

அரசு வேலை பெற்றுத் தருவதாகக் கூறி இடைத்தரகர்களுக்கு பணம் கொடுக்க வேண்டாம்.
அதிகாரப்பூர்வ இணையதளத்தில் வெளியிடப்பட்ட அறிவிப்பை மட்டுமே நம்புங்கள்.
விண்ணப்பக் கட்டணம், வயது வரம்பு, சம்பளம் போன்ற விவரங்களைச் சரிபார்க்காமல் தனியார் வேலைவாய்ப்பு இணையதளங்களை மட்டும் நம்பி விண்ணப்பிக்க வேண்டாம்.
போலி நியமனக் கடிதங்கள் மற்றும் போலியான இணையதளங்களிடம் எச்சரிக்கையாக இருங்கள்.

8th Pay Commission: சம்பளத்தை வெச்சு கிராஜுவிட்டி எப்படி கணக்கிடுறாங்க? நிபுணர்கள் விளக்கம்

Vedarethinam Ramalingam — Thu, 22 Oct 2026 08:41:42 +0530

8th Pay Commission: சம்பளம், கிராஜுவிட்டி, பென்ஷன் சீர்திருத்தங்கள் வேணும்னு ஊழியர் சங்கங்கள் அழுத்தம் கொடுக்குறாங்க. கிராஜுவிட்டி அடிப்படைச் சம்பளத்தோட இணைக்கப்பட்டு இருக்கிறதால, புது கமிஷன் வந்தா ரிட்டயர்மென்ட் பலன்கள் அதிகமாக

8th Pay Commission: எட்டாவது ஊதியக் குழு இப்போ ஆலோசனை கட்டத்துல இருக்கு. நீதிபதி ரஞ்சனா பிரகாஷ் தேசாய் தலைமையிலான 3 பேர் கொண்ட குழு, அக்டோபர் 8-ம் தேதி பெங்களூர்ல ஒரு மீட்டிங்கை முடிச்சாங்க. அடுத்தகட்ட பேச்சுவார்த்தை அக்டோபர் 22-23 தேதிகள்ல மும்பையில நடக்கப்போகுது.

சம்பளக் கட்டமைப்பை மாத்தணும்னு ஊழியர் சங்கங்கள் தொடர்ந்து அழுத்தம் கொடுக்குறாங்க. இதுபோக, ரிட்டயர் ஆகப்போற மத்திய அரசு ஊழியர்களுக்கு கிராஜுவிட்டி, ரிட்டயர்மென்ட் பலன்கள் ரொம்ப முக்கியமான விஷயமா மாறியிருக்கு.

கடந்த சில மாசங்களா, NC-JCM மற்றும் AIDEF போன்ற முக்கிய சங்கங்கள் கமிஷன் முன்னாடி பல கோரிக்கைகளை வெச்சிருக்காங்க. ஃபிட்மென்ட் ஃபேக்டர், திருத்தப்பட்ட அடிப்படைச் சம்பளம், படிகள், கிராஜுவிட்டி வரம்பு, பென்ஷன் சீர்திருத்தங்கள் இதுல அடங்கும். கிராஜுவிட்டி உச்சவரம்பை உயர்த்துறதும் இதுல இருக்கு.

வேலை பார்க்குற ஊழியர்கள், பென்ஷன்தாரர்களோட வாழ்க்கை தரத்தை உயர்த்துவதுதான் சங்கங்களோட முக்கிய நோக்கம். 10 வருஷத்துக்குப் பிறகு சம்பளத்துல ஒரு நல்ல மாற்றம் வரணும்னு எதிர்பார்க்குறாங்க. ஆனா, கமிஷனோட பரிந்துரைகள், அரசோட முடிவை பொறுத்துதான் இறுதி முடிவு இருக்கும்.

கிராஜுவிட்டினா என்ன? அது எப்படி கடைசி சம்பளத்தோட இணைக்கப்படுது? ரிட்டயர் ஆகுற தகுதியான ஊழியர்களுக்கு, அவங்களோட நீண்ட கால சேவைக்காக கொடுக்கப்படுற ஒரு முறை பணம் தான் கிராஜுவிட்டி. மத்திய சிவில் சர்வீசஸ் (பென்ஷன்) விதிகள் 2021-ன்படி, ஒவ்வொரு 6 மாத சேவைக்கும் மொத்த சம்பளத்துல கால் பங்கு கிராஜுவிட்டியா கணக்கிடப்படுது.

பேங்க் பஜார் சிஇஓ அதில் ஷெட்டி இதுபற்றி விளக்கியிருக்காரு. 'கடைசியா வாங்குன அடிப்படைச் சம்பளம், அகவிலைப்படியை வெச்சு கிராஜுவிட்டி கணக்கிடப்படுது. அதிகபட்சமா 25 லட்சம் ரூபாய் வரைக்கும் கிடைக்கும். 8-வது ஊதியக் குழுவுல அடிப்படைச் சம்பளம் உயர்ந்தால், கிராஜுவிட்டி தொகையும் கணிசமா அதிகரிக்கும்'னு அவர் சொன்னாரு.

மத்திய அரசு நவம்பர் 3, 2025 அன்னைக்கு 8-வது ஊதியக் குழுவை அமைச்சுது. நீதிபதி ரஞ்சனா பிரகாஷ் தேசாய் தலைமையிலான இந்தக் குழுவுக்கு 18 மாசம் டைம் கொடுத்திருக்காங்க. மே-ஜூன் 2027-க்குள்ள இவங்க தங்களோட ரிப்போர்ட்டை சமர்ப்பிக்க வாய்ப்பிருக்கு.

இறுதி ரிப்போர்ட்டை சமர்ப்பிச்சு, அரசு முடிவை அறிவிக்கிற வரைக்கும் கிராஜுவிட்டி, பென்ஷன் கோரிக்கைகள் எல்லாமே வெறும் பரிந்துரைகள் தான். அதனால, அதிகாரப்பூர்வ அறிவிப்பு வர்ற வரைக்கும் ஊழியர்களும் பென்ஷன்தாரர்களும் காத்திருக்கணும்.

பொறுப்புத்துறப்பு: இந்தக் கட்டுரை பொதுவான தகவல்களுக்காக மட்டுமே கொடுக்கப்பட்டிருக்கு. 8-வது ஊதியக் குழுவோட பரிந்துரைகள், அரசோட ஒப்புதலுக்குப் பிறகுதான் உண்மையான கிராஜுவிட்டி பலன்கள் என்னன்னு உறுதியா தெரியும்.

Tamil Nadu Government Jobs: தமிழக அரசு அதிரடி.! 8,000 பேருக்கு அரசு வேலை? எப்போ ஆட்கள் தேர்வு? யாரெல்லாம் விண்ணப்பிக்கலாம்?

Vedarethinam Ramalingam — Thu, 29 Oct 2026 09:01:50 +0530

தமிழக மின்வாரியத்தில் 8,000 பேருக்கு அரசு வேலை வழங்கப்படுமா? ஆட்கள் தேர்வு எப்போது நடைபெறும், யாரெல்லாம் விண்ணப்பிக்கலாம், கல்வித் தகுதி, தேர்வு முறை மற்றும் வேலைவாய்ப்பு அறிவிப்பு குறித்த முழு விவரங்களை இங்கே தெரிந்துகொள்ளுங்கள்.

தமிழ்நாடு மின்சார வாரியத்தில் காலியாக உள்ள உதவியாளர் பணியிடங்களை நிரப்புவது தொடர்பான தகவல் வேலை தேடும் இளைஞர்களின் கவனத்தை ஈர்த்துள்ளது. குறிப்பாக, 8,000 காலிப் பணியிடங்களை இரண்டு கட்டங்களாக நிரப்பத் திட்டமிடப்பட்டுள்ளதாகப் பகிரப்படும் தகவல், அரசு வேலைக்காகத் தயாராகி வருபவர்களிடையே எதிர்பார்ப்பை ஏற்படுத்தியுள்ளது.பணியிடங்கள் எவ்வாறு நிரப்பப்படலாம், தேர்வு முறை என்ன, விண்ணப்பதாரர்கள் எதைக் கவனிக்க வேண்டும் என்பதைப் பார்ப்போம்.

தமிழக மின்வாரியத்தில் நீண்டகாலமாக காலியாக உள்ள பணியிடங்களை நிரப்புவது தொடர்பாகப் பல்வேறு நடவடிக்கைகள் மேற்கொள்ளப்பட்டு வருகின்றன. மின்சார விநியோகம், பராமரிப்பு மற்றும் அலுவலகப் பணிகளைச் சீராக மேற்கொள்ள போதிய பணியாளர்கள் தேவைப்படுவதாகக் கூறப்படுகிறது.

முன்னதாக, தமிழக மின்வாரியத்தில் 8,000 கள உதவியாளர் பணியிடங்கள் உள்ளிட்ட பல்வேறு பணியிடங்களை நிரப்புவது தொடர்பான முன்மொழிவுகள் அரசின் பரிசீலனைக்கு எடுத்துக்கொள்ளப்பட்டிருந்தன.

தற்போது வெளியாகியுள்ள செய்திகளின்படி, மின்வாரியத்தின் பல்வேறு பிரிவுகளில் பணியிடங்களை நிரப்புவதற்கான திட்டங்கள் தொடர்ந்து பேசப்பட்டு வருகின்றன. 2026-ஆம் ஆண்டு அக்டோபர் 28-ஆம் தேதி வெளியான செய்தியில், உதவிப் பொறியாளர், உதவி கணக்கு அலுவலர், இளநிலை உதவியாளர் உள்ளிட்ட பல்வேறு பதவிகளில் 2,558 பேரை நியமிப்பதற்கான முன்மொழிவு தொடர்பான தகவல் வெளியாகியுள்ளது.

மொத்தம் 8,000 உதவியாளர் பணியிடங்களை இரண்டு கட்டங்களாக நிரப்பத் தமிழக அரசு திட்டமிடப்பட்டுள்ளதாகக் கூறப்படுகிறது. முதல் கட்டமாக 2027-ஆம் ஆண்டில் 5,000 பேரும், இரண்டாம் கட்டமாக 2028-ஆம் ஆண்டில் 3,000 பேரும் தேர்வு செய்யப்படுவார்கள் என தகவல் வெளியாகியுள்ளது.

மின்வாரியத்தின் சில பணியிடங்களுக்கு தமிழ்நாடு அரசுப் பணியாளர் தேர்வாணையம் (TNPSC) மூலம் ஆட்கள் தேர்வு செய்யப்படுவது தொடர்பான தகவல்கள் வெளியாகியுள்ளன. பணியிடத்துக்கு ஏற்ப எழுத்துத் தேர்வு, நேர்முகத் தேர்வு அல்லது சான்றிதழ் சரிபார்ப்பு போன்ற நடைமுறைகள் அறிவிக்கப்படலாம். எந்தப் பதவிக்கு என்ன தகுதி, வயது வரம்பு, பாடத்திட்டம், தேர்வு முறை மற்றும் சம்பளம் என்பது அதிகாரப்பூர்வ வேலைவாய்ப்பு அறிவிப்பில் குறிப்பிடப்படும்.

அரசுத் துறையில் வேலை தேடும் இளைஞர்கள், குறிப்பாக மின்சாரத் துறையில் பணியாற்ற விரும்புபவர்கள், தங்களுடைய கல்வித் தகுதிக்கு ஏற்ற பணியிடங்கள் குறித்து முன்கூட்டியே தெரிந்துகொள்வது பயனுள்ளதாக இருக்கும்.

கல்விச் சான்றிதழ்கள் மற்றும் பிற தேவையான ஆவணங்களைத் தயாராக வைத்திருக்கவும்.
TNPSC தேர்வுகளுக்கான பொதுத் தமிழ், பொதுஅறிவு மற்றும் தொடர்புடைய பாடங்களைப் படிக்கவும்.
தொழில்நுட்பப் பணிகளுக்கு விண்ணப்பிக்க விரும்புபவர்கள் தங்களுடைய கல்வித் தகுதிக்கு ஏற்ற பாடங்களில் கவனம் செலுத்தவும்.
வயது வரம்பு மற்றும் இடஒதுக்கீட்டு விதிகளை அதிகாரப்பூர்வ அறிவிப்பில் சரிபார்க்கவும்.
அறிவிப்பு வெளியாகும் முன்பே விண்ணப்பக் கட்டணம் செலுத்த வேண்டாம்; போலியான வேலைவாய்ப்பு இணையதளங்களைத் தவிர்க்கவும்.

தமிழ்நாடு மின்வாரியத்தின் தற்போதைய வேலைவாய்ப்பு அறிவிப்புகளுக்கு TNPDCL அதிகாரப்பூர்வ வேலைவாய்ப்பு இணையதளம் மற்றும் தேர்வாணைய அறிவிப்புகளுக்கு TNPSC அதிகாரப்பூர்வ இணையதளம் ஆகியவற்றைப் பார்க்கலாம்.மின்வாரியத்தில் 8,000 பேருக்கு வேலை வழங்கப்படும் என்ற தகவல் பரவினாலும், பணியிட எண்ணிக்கை, 2027–2028 கால அட்டவணை, விண்ணப்பத் தேதி ஆகியவை அதிகாரப்பூர்வ அறிவிப்பில் உறுதிப்படுத்தப்பட்ட பின்னரே விண்ணப்பதாரர்கள் இறுதி முடிவெடுக்க வேண்டும். அரசு வேலைக்குத் தயாராகும் இளைஞர்கள் அறிவிப்புக்காகக் காத்திருக்கும் அதே நேரத்தில் தேர்வுக்கான பயிற்சியையும் தொடர்ந்து மேற்கொள்ளலாம்.

DA Hike 2026: அரசு ஊழியர்களுக்கு தீபாவளி ஜாக்பாட்? இன்னும் 4 நாட்களில் குட்நியூஸ் வருமா?

Vedarethinam Ramalingam — Sat, 24 Oct 2026 09:39:34 +0530

DA Hike 2026: மத்திய அரசு ஊழியர்களுக்கான ஜூலை மாத அகவிலைப்படி உயர்வு அக்டோபர் 28 அன்று அறிவிக்கப்படுமா? எதிர்பார்க்கப்படும் 3% உயர்வு, சம்பளக் கணக்கு, நிலுவைத்தொகை மற்றும் ஓய்வூதியதாரர்களுக்கான முழு விவரங்கள்.

மத்திய அரசு ஊழியர்களுக்கும் ஓய்வூதியதாரர்களுக்கும் தீபாவளிக்கு முன்பாக அகவிலைப்படி உயர்வு குறித்த அறிவிப்பு வெளியாகுமா என்ற எதிர்பார்ப்பு அதிகரித்துள்ளது. ஜூலை 2026 முதல் அமலுக்கு வர வேண்டிய அகவிலைப்படி உயர்வு தொடர்பான அறிவிப்பு இன்னும் வெளியாகவில்லை. அக்டோபர் 28 அன்று நடைபெற வாய்ப்புள்ள மத்திய அமைச்சரவைக் கூட்டம் முக்கியத்துவம் பெற்றுள்ளது. இதனால் அரசு ஊழியர்கள் மற்றும் ஓய்வூதியதாரர்கள் அடுத்தகட்ட அறிவிப்பை ஆவலுடன் எதிர்பார்த்துக் காத்திருக்கின்றனர்.

மத்திய அரசு ஊழியர்களின் சம்பளத்திலும், ஓய்வூதியதாரர்களின் வருமானத்திலும் முக்கியப் பங்கு வகிப்பது அகவிலைப்படி (Dearness Allowance - DA) மற்றும் அகவிலை நிவாரணம் (Dearness Relief - DR). பணவீக்கத்தால் அதிகரிக்கும் அத்தியாவசியப் பொருட்களின் விலை மற்றும் குடும்பச் செலவுகளைச் சமாளிக்க இந்தத் தொகை உதவுகிறது.

2026 ஜூலை மாதத்திற்கான அகவிலைப்படி உயர்வு எப்போது அறிவிக்கப்படும் என்பதே தற்போது ஊழியர்களின் முக்கியக் கேள்வியாக உள்ளது. அக்டோபர் மாதத்தில் நடைபெற்ற அமைச்சரவைக் கூட்டங்களிலும் எதிர்பார்த்த அறிவிப்பு வெளியாகாததால், அடுத்த கூட்டத்தின் மீது கவனம் திரும்பியுள்ளது. அக்டோபர் 28 அன்று கூட்டம் நடைபெற வாய்ப்புள்ளதாகச் செய்திகள் தெரிவிக்கின்றன. எனினும், அன்றைய தினம் அகவிலைப்படி உயர்வு அறிவிக்கப்படும் என்று மத்திய அரசு இதுவரை அதிகாரப்பூர்வமாக உறுதிப்படுத்தவில்லை.

மத்திய அரசு கடைசியாக 2026 ஏப்ரல் மாதத்தில் அகவிலைப்படியை உயர்த்தியது. அப்போது அடிப்படைச் சம்பளத்தில் 58 சதவீதமாக இருந்த அகவிலைப்படி 60 சதவீதமாக உயர்த்தப்பட்டது. இந்த உயர்வு 2026 ஜனவரி 1 முதல் அமலுக்கு வந்தது. ஓய்வூதியதாரர்களுக்கான அகவிலை நிவாரணமும் இதேபோன்று 60 சதவீதமாக உயர்த்தப்பட்டது.

தற்போது ஊழியர்கள் பெறும் 60 சதவீத அகவிலைப்படி விகிதத்தின் அடிப்படையில்தான் புதிய உயர்வு கணக்கிடப்படும். ஜூலை மாதத் தவணைக்கான திருத்தம் அறிவிக்கப்பட்டால், புதிய விகிதம் எவ்வளவு இருக்கும் என்பது அதிகாரப்பூர்வ உத்தரவு வெளியான பிறகே உறுதியாகத் தெரியவரும்.

தற்போதைய அகவிலைப்படி 60 சதவீதத்திலிருந்து 63 சதவீதமாக உயரலாம் என்று பல்வேறு செய்தி அறிக்கைகளில் எதிர்பார்ப்பு தெரிவிக்கப்பட்டுள்ளது. ஆனால், இந்த 3 சதவீத உயர்வு இன்னும் அதிகாரப்பூர்வமாக அறிவிக்கப்படவில்லை. எனவே, இதனை உறுதியான செய்தியாகக் கருதக் கூடாது.

அகவிலைப்படி உயர்வு என்பது வெறும் சதவீத மாற்றம் மட்டுமல்ல. அடிப்படைச் சம்பளம் அதிகமாக இருக்கும் ஊழியர்களுக்கு கிடைக்கும் கூடுதல் தொகையும் அதிகமாக இருக்கும். உதாரணமாக, அடிப்படைச் சம்பளம் ரூ.18,000 பெறும் ஊழியருக்கு 3 சதவீதப் புள்ளிகள் உயர்வு கிடைத்தால், மாதத்திற்கு ரூ.540 கூடுதல் அகவிலைப்படி கிடைக்கும். அதேபோல், ரூ.35,400 அடிப்படைச் சம்பளம் பெறுபவருக்கு மாதத்திற்கு ரூ.1,062 கூடுதலாகக் கிடைக்கலாம்.

இந்தக் கணக்கீடுகள் 3 சதவீத உயர்வு கிடைக்கும் என்ற அனுமானத்தின் அடிப்படையிலானவை. அரசு வேறு விகிதத்தை அறிவித்தால், கூடுதல் தொகையும் மாறும்.

புதிய அகவிலைப்படி உயர்வு ஜூலை 1, 2026 முதல் அமலுக்கு வருவதாக அரசு அறிவித்தால், தகுதியுள்ள ஊழியர்களுக்கு ஜூலை மாதம் முதல் கணக்கிடப்படும் நிலுவைத்தொகை கிடைக்க வாய்ப்புள்ளது. அறிவிப்பு வெளியாகும் தேதி மற்றும் பணம் வழங்கப்படும் தேதி வேறுபடலாம் என்பதால், ஊழியர்கள் இதைக் கவனத்தில் கொள்ள வேண்டும்.

உதாரணமாக, அடிப்படைச் சம்பளம் ரூ.18,000 பெறும் ஊழியருக்கு 3 சதவீதப் புள்ளிகள் உயர்வு கிடைத்து, ஜூலை முதல் அக்டோபர் வரை நான்கு மாதங்களுக்கு நிலுவைத்தொகை கணக்கிடப்பட்டால், கூடுதல் தொகை ரூ.2,160 ஆக இருக்கும். இது ஒரு கணக்கீட்டு உதாரணம் மட்டுமே. உண்மையான நிலுவைத்தொகை உயர்வு விகிதம், அமல்படுத்தப்படும் தேதி மற்றும் அரசின் உத்தரவைப் பொறுத்து மாறும்.

அகவிலை நிவாரணம் உயர்த்தப்பட்டால், தகுதியுள்ள மத்திய அரசு ஓய்வூதியதாரர்களுக்கும் பலன் கிடைக்கலாம். அவர்களின் அடிப்படை ஓய்வூதியத்தின் அடிப்படையில் கூடுதல் தொகை கணக்கிடப்படும். இதனால் மாதாந்திர ஓய்வூதிய வருமானத்தில் மாற்றம் ஏற்பட வாய்ப்புள்ளது.

குறிப்பாக, மருத்துவச் செலவுகள், வீட்டு வாடகை, மளிகைப் பொருட்கள் மற்றும் அன்றாடத் தேவைகளுக்காக ஓய்வூதியத்தை நம்பியிருக்கும் குடும்பங்களுக்கு இந்த உயர்வு உதவியாக இருக்கும். இருப்பினும், புதிய விகிதம் மற்றும் நிலுவைத்தொகை தொடர்பான விவரங்கள் அரசு அறிவிக்கும் அதிகாரப்பூர்வ உத்தரவின் அடிப்படையில்தான் உறுதி செய்யப்படும்.

இந்த ஆண்டு தீபாவளி நவம்பர் 8 அன்று வருவதால், பண்டிகைக்கு முன்பாக அகவிலைப்படி உயர்வு அறிவிக்கப்பட வேண்டும் என்று அரசு ஊழியர்களும் ஓய்வூதியதாரர்களும் எதிர்பார்க்கின்றனர். அகவிலைப்படி உயர்வு அறிவிக்கப்பட்டால், கூடுதல் வருமானம் குடும்பங்களின் பண்டிகைச் செலவுகள் மற்றும் மாதாந்திரத் தேவைகளைச் சமாளிக்க உதவக்கூடும்.

ஆனால், அக்டோபர் 28 அன்று அறிவிப்பு வெளியாகும் என்பதற்கோ, தீபாவளிக்கு முன்பாகவே உயர்த்தப்பட்ட தொகை வங்கிக் கணக்கில் வரவு வைக்கப்படும் என்பதற்கோ இதுவரை அதிகாரப்பூர்வ உறுதிப்படுத்தல் இல்லை. எனவே, அரசு ஊழியர்கள் மத்திய அரசின் அதிகாரப்பூர்வ அறிவிப்புகளைத் தொடர்ந்து கவனிப்பது அவசியம்.

மொத்தத்தில், ஜூலை 2026 அகவிலைப்படி உயர்வு குறித்த அறிவிப்பு இன்னும் எதிர்பார்ப்பில்தான் உள்ளது. அக்டோபர் 28 முக்கியமான தேதியாகப் பார்க்கப்பட்டாலும், இறுதி முடிவு வெளியாகும் வரை உறுதியான அறிவிப்பாகக் கருத முடியாது. தீபாவளிக்கு முன் அரசு ஊழியர்களுக்கு இனிப்பான செய்தி கிடைக்குமா என்பதைப் பொறுத்திருந்துதான் பார்க்க வேண்டும்.

DA Hike: DA அதிரடி உயர்வு! எங்க தெரியுமா?! யாருக்கு கிடைக்கும், யாருக்கு இல்லை? முழு விவரம்

Vedarethinam Ramalingam — Tue, 20 Oct 2026 15:53:49 +0530

DA Hike: அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி (DA) மற்றும் அகவிலை நிவாரணம் (DR) 2 சதவீதம் உயர்த்தப்பட்டுள்ளது. இது ஜனவரி 1, 2026 முதல் அமலுக்கு வருகிறது. எந்த மாநிலத்தில் தெரியுமா?

DA Hike: அக்டோபர் 17 அன்று கேரள அரசு, மாநில அரசு ஊழியர்கள் மற்றும் ஓய்வூதியதாரர்களுக்கு DA மற்றும் DR-ஐ 2% உயர்த்தி அறிவித்தது. இதனால் அடிப்படை சம்பளத்தில் 35% ஆக இருந்த அகவிலைப்படி 37% ஆக உயர்ந்துள்ளது. இது ஜனவரி 1, 2026 முதல் அமலுக்கு வரும் என பிடிஐ (PTI) செய்தி நிறுவனம் தெரிவித்துள்ளது.

அக்டோபர் மாத சம்பளத்துடன் (நவம்பரில் வழங்கப்படும்) உயர்த்தப்பட்ட DA வழங்கப்படும் என மாநில நிதித்துறை அறிவித்துள்ளது. திருத்தப்பட்ட DR, நவம்பர் 2026 ஓய்வூதியத்துடன் சேர்த்து வழங்கப்படும்.

முன்னதாக பிப்ரவரி 2026-ல், DA மற்றும் DR 25 சதவீதத்தில் இருந்து 35 சதவீதமாக உயர்த்தப்பட்டது. தொடர்ந்து அதிகரிக்கும் பணவீக்கத்தால் சிரமப்படும் அரசு ஊழியர்கள் மற்றும் ஓய்வூதியதாரர்களுக்கு இந்த புதிய அறிவிப்பு சற்று நிம்மதி தரும்.

இந்த கூடுதல் செலவை உள்ளாட்சி அமைப்புகள் தங்கள் சொந்த நிதியிலிருந்தே ஏற்க வேண்டும் என உத்தரவில் கூறப்பட்டுள்ளது. மேலும், ஜனவரி 1, 2026 முதலான நிலுவைத் தொகைகள் குறித்து தனியாக ஒரு அரசாணை வெளியிடப்படும் என மாநில அரசு தெரிவித்துள்ளது.

கேரள மாநில அரசின் இந்த உயர்த்தப்பட்ட அகவிலைப்படி (DA) மற்றும் அகவிலை நிவாரணம் (DR) எந்தெந்த ஊழியர்கள் மற்றும் ஓய்வூதியதாரர்களுக்கு கிடைக்கும், யாருக்கெல்லாம் கிடைக்காது என்பதை இப்போது பார்ப்போம்.

கேரள DA மற்றும் DR உயர்வின் பலன்களை யார் பெறுவார்கள்?

மாநில அரசு ஊழியர்கள், ஆசிரியர்கள், அரசு உதவிபெறும் பள்ளிகள், தனியார் கல்லூரிகள் மற்றும் பாலிடெக்னிக் ஊழியர்கள் இந்த உயர்வை பெறுவார்கள். முழுநேர தற்காலிக ஊழியர்கள் மற்றும் உள்ளாட்சி அமைப்பு ஊழியர்களுக்கும் இது பொருந்தும்.

மாநில அரசுப் பணியில் இருந்து ஓய்வு பெற்றவர்கள், குடும்ப ஓய்வூதியம் பெறுவோர், கருணை அடிப்படையில் ஓய்வூதியம் மற்றும் குடும்ப ஓய்வூதியம் பெறுவோருக்கும் இந்த அகவிலைப்படி உயர்வு கிடைக்கும்.

பகுதிநேர ஆசிரியர்கள், பகுதிநேர தற்காலிக ஊழியர்கள் மற்றும் மீண்டும் பணியமர்த்தப்பட்ட ஓய்வூதியதாரர்களுக்கும் அவர்கள் வாங்கும் சம்பளத்தின் அடிப்படையில் இந்த உயர்த்தப்பட்ட DA வழங்கப்படும்.

மாநில அரசின் DA/DR முறையை பின்பற்றும் பொதுத்துறை நிறுவனங்கள் (PSU), சட்டப்பூர்வ வாரியங்கள், தன்னாட்சி அமைப்புகள் மற்றும் அரசு உதவிபெறும் நிறுவனங்களும் சில நிபந்தனைகளுக்கு உட்பட்டு இந்த உயர்வை பெற தகுதியானவை.

இந்த நிறுவனங்கள் தங்கள் சொந்த நிர்வாகக் குழுவின் முடிவின்படி DA உயர்வை அமல்படுத்தலாம். ஆனால் கூடுதல் செலவை ஏற்கும் திறன் அவர்களுக்கு இருக்க வேண்டும். சொந்த நிதியில் செலவை சமாளிக்க முடியாத நிறுவனங்கள் அரசிடம் முன் அனுமதி பெற வேண்டும். ஆனால் 90% சம்பள செலவை அரசு மானியமாக பெறும் நிறுவனங்களுக்கு இந்த விதி பொருந்தாது.

கேரள மாநில மின்சார வாரியம் (KSEB) மற்றும் கேரள மாநில சாலைப் போக்குவரத்துக் கழகம் (KSRTC) போன்ற நிறுவனங்களுக்கு இந்த உயர்வு தானாகவே அமலுக்கு வராது.

இந்த நிறுவனங்கள் தங்களின் DA மற்றும் DR தொடர்பான உத்தரவுகளை தனித்தனியாக வெளியிட வேண்டும் என அறிவுறுத்தப்பட்டுள்ளது.

மாணவிகளுக்கு ரூ.1,000 வரவில்லையா? பணம் கிடைக்க உடனே இதைச் செய்யுங்கள்!

Vedarethinam Ramalingam — Sat, 17 Oct 2026 09:07:00 +0530

தமிழக அரசின் புதுமைப் பெண் திட்டத்தின் கீழ் மாணவிகளுக்கு வழங்கப்படும் ரூ.1,000 உதவித்தொகை சிலருக்கு தாமதமாகலாம். அதற்கான காணத்தையும் உடனே கிடைக்க என்ன செய்ய வேண்டும் என்பதையும் பார்ப்போம்.!

தமிழகத்தில் உயர்கல்வி பயிலும் மாணவிகளுக்கு உதவும் வகையில் செயல்படுத்தப்படும் முக்கியமான திட்டங்களில் புதுமைப் பெண் திட்டமும் ஒன்றாகும். இத்திட்டத்தின் கீழ் தகுதியுள்ள மாணவிகளுக்கு மாதந்தோறும் ரூ.1,000 கல்வி உதவித்தொகையாக வழங்கப்படுகிறது. இந்தத் தொகை மாணவிகளின் உயர்கல்விச் செலவுகளைக் குறைக்கவும், பொருளாதாரச் சுமையின்றித் தொடர்ந்து படிக்கவும் உதவுகிறது. இருப்பினும், சில மாணவிகளுக்கு குறிப்பிட்ட மாதங்களுக்கான உதவித்தொகை வங்கிக் கணக்கில் வரவு வைக்கப்படாமல் இருக்கலாம். இதனால், 2026ஆம் ஆண்டில் நிலுவைத் தொகை எப்போது கிடைக்கும், பணம் வராததற்கான காரணம் என்ன, அதைச் சரிசெய்வது எப்படி என்ற கேள்விகள் எழுகின்றன.

புதுமைப் பெண் திட்டத்தின் கீழ் மாதந்தோறும் ரூ.1,000 வழங்கப்படுவது வழக்கம். ஆனால், ஒவ்வொரு மாணவிக்கும் பணம் வரவு வைக்கப்படும் தேதி ஒரே மாதிரியாக இருக்க வேண்டிய அவசியமில்லை. விண்ணப்பத்தின் சரிபார்ப்பு, கல்லூரியின் கல்வி விவரங்கள், வங்கிக் கணக்கின் நிலை மற்றும் உதவித்தொகை செலுத்தும் நடைமுறைகள் போன்ற காரணிகளால் பணம் வருவதில் தாமதம் ஏற்படலாம். 2026 அக்டோபர் மாதத்திற்கான நிலுவைத் தொகை வழங்கப்படும் குறிப்பிட்ட தேதி குறித்து உறுதிப்படுத்தப்பட்ட அதிகாரப்பூர்வ அறிவிப்பு இல்லாத நிலையில், குறிப்பிட்ட நாளில் பணம் வந்துவிடும் என்று கூற முடியாது. மாணவிகள் தங்களுக்கான தொகை ஏன் வரவில்லை என்பதை முதலில் கண்டறிவது அவசியம். ஏற்கெனவே ஒப்புதல் பெற்ற விண்ணப்பமாக இருந்தாலும், வங்கிப் பரிவர்த்தனை அல்லது கல்வி விவரச் சரிபார்ப்பில் ஏதேனும் சிக்கல் இருந்தால் உதவித்தொகை தாமதமாகலாம்.

Scholarship: மாணவர்களுக்கு குட் நியூஸ்.! கல்வி உதவித்தொகைக்கு விண்ணப்பிக்க கடைசி வாய்ப்பு.! யாரெல்லாம் தகுதி? விண்ணப்பிக்க என்னென்ன ஆவணங்கள் தேவை?

புதுமைப் பெண் திட்டத்தின் உதவித்தொகை நேரடியாக மாணவியின் வங்கிக் கணக்கில் செலுத்தப்படுகிறது. இதனால், வங்கிக் கணக்கு விவரங்களில் உள்ள பிழைகள் அல்லது பணப் பரிமாற்றத்திற்கான சரிபார்ப்பில் ஏற்படும் சிக்கல்கள் உதவித்தொகை வருவதில் பாதிப்பை ஏற்படுத்தலாம். குறிப்பாக, கணக்கு செயல்பாட்டில் இல்லாதது, வங்கிக் கணக்கு எண் அல்லது IFSC குறியீட்டில் தவறு இருப்பது போன்ற விவரங்களை மாணவிகள் சரிபார்க்க வேண்டும்.

அதேபோல், மாணவியின் கல்லூரிச் சேர்க்கை விவரங்கள் அல்லது கல்வி நிலை புதுப்பிக்கப்படாமல் இருந்தாலும் உதவித்தொகை பெறுவதில் தாமதம் ஏற்பட வாய்ப்புள்ளது. புதுமைப் பெண் திட்டத்தில் விண்ணப்பித்த மாணவிகளின் கல்வி விவரங்களைச் சரிபார்த்து அனுப்புவதில் கல்லூரிக்கும் பங்கு உள்ளது. எனவே, பணம் வரவில்லை என்றால் வங்கியை மட்டும் அணுகாமல், கல்லூரியில் உள்ள திட்டப் பொறுப்பாளரிடமும் விண்ணப்பத்தின் தற்போதைய நிலையைத் தெரிந்துகொள்ள வேண்டும்.

அரசின் நேரடி பணப் பரிமாற்றத் திட்டங்களில் ஆதார் இணைப்பு மற்றும் வங்கிக் கணக்கின் DBT செயல்பாடு முக்கியமானதாக இருக்கலாம். ஆதார் இணைக்கப்பட்டிருந்தாலும், அரசு உதவித்தொகை வரவு வைக்கத் தேர்வு செய்யப்பட்ட வங்கிக் கணக்கு எது என்பதை உறுதிப்படுத்திக் கொள்வது அவசியம். இதற்காக மாணவிகள் தங்கள் வங்கிக் கிளைக்குச் சென்று ஆதார் இணைப்பு, NPCI வங்கிக் கணக்கு இணைப்பு நிலை மற்றும் DBT பணம் பெறும் வசதி ஆகியவற்றைச் சரிபார்க்கலாம்.

வங்கிக் கணக்கில் பணம் வரவு வைக்கப்பட்டதா என்பதை உறுதிப்படுத்த, வங்கிக் கணக்கு அறிக்கை அல்லது மினி ஸ்டேட்மென்ட்டைப் பார்க்கலாம். சில நேரங்களில் குறுஞ்செய்தி வராததால் பணம் வரவில்லை என்று தவறாக நினைக்க வாய்ப்புள்ளது. எனவே, வங்கிக் கணக்கில் நடந்த பரிவர்த்தனைகளை நேரடியாகச் சரிபார்ப்பது நல்லது. ஆதார் அல்லது வங்கிக் கணக்கு விவரங்களில் பிழை இருந்தால், சம்பந்தப்பட்ட வங்கியில் தேவையான திருத்தங்களைச் செய்ய வேண்டும்

புதுமைப் பெண் திட்டத்தில் ஏற்கெனவே உதவித்தொகை பெற்று வந்த மாணவிகளுக்கு சில மாதங்களாகப் பணம் வரவில்லை என்றால், முதலில் எந்த மாதத்திலிருந்து தொகை வரவில்லை என்பதைத் தெளிவாகக் குறித்துக்கொள்ள வேண்டும். அதன்பிறகு, கல்லூரியில் உள்ள புதுமைப் பெண் திட்டப் பொறுப்பாளரை அணுகி விண்ணப்பம் தொடர்ந்து செயல்பாட்டில் உள்ளதா, நடப்பு கல்வியாண்டுக்கான மாணவர் விவரங்கள் சரிபார்க்கப்பட்டுள்ளனவா, உதவித்தொகை அனுப்புவதில் ஏதேனும் தடை உள்ளதா என்பதைக் கேட்க வேண்டும். விண்ணப்பம் தொடர்பான சிக்கல் இருந்தால், அதைச் சரிசெய்யத் தேவையான ஆவணங்களைச் சமர்ப்பிக்க வேண்டும். புதிதாக விண்ணப்பிக்கும் மாணவிகள் தங்களது தகுதி மற்றும் விண்ணப்ப நிலையை அதிகாரப்பூர்வ புதுமைப் பெண் திட்ட இணையதளத்தில் சரிபார்க்கலாம். தமிழக அரசின் திட்ட விவரங்களின்படி, 6 முதல் 12ஆம் வகுப்பு வரை அரசு பள்ளிகளில் பயின்று, தகுதியான உயர்கல்விப் படிப்பைத் தொடரும் மாணவிகளுக்கு மாதம் ரூ.1,000 வழங்கப்படுகிறது. திட்டத்தின் தகுதி நிபந்தனைகளைப் பூர்த்தி செய்திருப்பதும், விண்ணப்ப விவரங்கள் சரியாக இருப்பதும் அவசியம்.

கல்லூரி மற்றும் வங்கியில் சரிபார்த்த பிறகும் பிரச்சினை தீரவில்லை என்றால், தமிழக அரசின் முதலமைச்சர் உதவி மையத்தை அணுகலாம். 1100 என்ற எண்ணில் தொடர்புகொண்டு புதுமைப் பெண் திட்டத்தின் கீழ் உதவித்தொகை வரவில்லை என்று புகார் அளிக்கலாம். மேலும், முதல்வரின் முகவரி புகார் இணையதளத்தில் புகாரைப் பதிவு செய்து அதன் நிலையைத் தொடர்ந்து கண்காணிக்கலாம். புகார் அளிக்கும்போது மாணவியின் பெயர், கல்லூரி விவரம், விண்ணப்ப நிலை, பணம் வராத மாதங்கள் மற்றும் ஏற்கெனவே மேற்கொண்ட நடவடிக்கைகள் ஆகியவற்றைத் தெளிவாகக் குறிப்பிட வேண்டும். புகார் பதிவு செய்தவுடன் நிலுவைத் தொகை உடனடியாகக் கிடைக்கும் என்று உறுதி அளிக்க முடியாது. சம்பந்தப்பட்ட துறை புகாரை ஆய்வு செய்து, பணம் வராததற்கான காரணத்தைத் தீர்மானித்த பிறகே அடுத்த நடவடிக்கை எடுக்கப்படும். புகார் எண்ணைப் பாதுகாத்து வைத்துக்கொண்டு, தீர்வு கிடைக்காவிட்டால் அதன் நிலையை மீண்டும் விசாரிக்கலாம்.

புதுமைப் பெண் திட்டத்தின் நிலுவைத் தொகை தொடர்பாக, அனைத்து மாணவிகளுக்கும் பணம் வரவு வைக்கப்படும் குறிப்பிட்ட தேதியை உறுதிப்படுத்தும் அதிகாரப்பூர்வ அறிவிப்பு கிடைக்காத நிலையில், சமூக வலைதளங்களில் வெளியாகும் உறுதிப்படுத்தப்படாத தேதிகளை நம்ப வேண்டாம். பணம் வரவில்லை என்றால் காத்திருப்பதுடன் நிறுத்திக்கொள்ளாமல், கல்லூரி, வங்கி மற்றும் அரசின் புகார் மையம் ஆகியவற்றின் மூலம் முறையாகப் பிரச்சினையைத் தெரிவிப்பதே சரியான வழியாகும். மாணவிகளின் கல்வி தொடர்ச்சிக்கு இந்த உதவித்தொகை முக்கியமானதாக இருப்பதால், விண்ணப்ப விவரங்கள், வங்கிக் கணக்கு செயல்பாடு மற்றும் கல்வி நிலை ஆகியவற்றை அவ்வப்போது சரிபார்த்துக்கொள்வது நல்லது. இதன் மூலம் பணம் வராததற்கான காரணத்தைக் கண்டறிந்து, நிலுவைத் தொகை தொடர்பாகத் தேவையான நடவடிக்கைகளை மேற்கொள்ள முடியும்.

RBI Recruitment 2026: ரிசர்வ் வங்கியில் வேலை! எழுத்துத் தேர்வு இல்லை.. 1 நாளைக்கு ரூ.3,000 வரை சம்பளம்

Raghupati R — Sat, 17 Oct 2026 20:16:15 +0530

RBI Recruitment 2026: மருந்தாளுநர் படிப்பு முடித்து வேலை தேடுபவர்களுக்கு இந்திய ரிசர்வ் வங்கியில் வேலைவாய்ப்பு வெளியாகியுள்ளது. மணிக்கு ரூ.600 ஊதியம் வழங்கப்படும் இந்தப் பணி தொடர்பான விவரங்களை பார்க்கலாம்.

இந்திய ரிசர்வ் வங்கி, மும்பை மண்டல அலுவலகத்தின் கீழ் செயல்படும் மருந்தகங்களில் மருந்தாளுநர் பணியிடங்களை நிரப்புவதற்கான அறிவிப்பை வெளியிட்டுள்ளது. மொத்தம் 22 காலியிடங்கள் ஒப்பந்த அடிப்படையில் நிரப்பப்பட உள்ளன. இதில் பொதுப் பிரிவுக்கு 13 இடங்களும், இதர பிற்படுத்தப்பட்ட வகுப்பினருக்கு 5 இடங்களும், பொருளாதாரத்தில் நலிவடைந்த பிரிவினருக்கு 2 இடங்களும், பட்டியலினத்தவர் மற்றும் பழங்குடியினருக்கு தலா ஒரு இடமும் ஒதுக்கப்பட்டுள்ளன. தேர்வு செய்யப்படுபவர்களுக்கு மணிக்கு ரூ.600 ஊதியம் வழங்கப்படும்.

ஒரு நாளில் அதிகபட்சம் ஐந்து மணி நேரப் பணிக்கு ரூ.3,000 வரை கிடைக்கலாம். இருப்பினும், இது நிரந்தர அரசு வேலை அல்ல. வங்கியின் தேவைக்கு ஏற்ப அதிகபட்சம் 240 நாட்கள் வரை ஒப்பந்த அடிப்படையில் பணியமர்த்தப்படலாம். எனவே, விண்ணப்பிப்பதற்கு முன்பு பணியின் தன்மை, கால அளவு மற்றும் ஊதிய நிபந்தனைகளைத் தெளிவாகப் புரிந்துகொள்வது அவசியம்.

இந்தப் பணிக்கு விண்ணப்பிக்க விரும்புபவர்கள் அங்கீகரிக்கப்பட்ட கல்வி நிறுவனத்தில் மருந்தியல் பட்டயப் படிப்பு அல்லது மருந்தியல் இளங்கலைப் பட்டப்படிப்பை முடித்திருக்க வேண்டும். அதாவது, டி.பார்ம் அல்லது பி.பார்ம் படித்தவர்கள் விண்ணப்பிக்கலாம். ஆனால், கல்வித் தகுதி மட்டுமே போதாது. மகாராஷ்டிர மாநில மருந்தாளுநர் மன்றத்தில் பதிவு செய்திருக்க வேண்டும் என்பதும், மருந்தாளுநராகக் குறைந்தது இரண்டு ஆண்டுகள் பணி அனுபவம் பெற்றிருக்க வேண்டும் என்பதும் முக்கியமான நிபந்தனைகள் ஆகும்.

மேலும், அடிப்படைக் கணினிப் பயன்பாடு குறித்த அறிவும் தேவை. மும்பை மற்றும் நவி மும்பை பகுதிகளில் உள்ள ரிசர்வ் வங்கியின் மருந்தகங்களில் பணிபுரிய வேண்டியிருக்கும் என்பதால், பணியிடத்துக்கு அருகிலுள்ள வசிப்பிடத்துக்கும் முக்கியத்துவம் அளிக்கப்படலாம். அரசு நிறுவனங்கள், பொதுத்துறை நிறுவனங்கள் அல்லது பொதுத்துறை வங்கிகளில் பெற்ற அனுபவம் உள்ளவர்களுக்கு முன்னுரிமை வழங்கப்படலாம். எனவே, புதியதாகப் படிப்பை முடித்தவர்கள் மட்டுமல்லாமல், தேவையான அனுபவம் மற்றும் பதிவுத் தகுதிகளைப் பெற்றவர்களே இந்த அறிவிப்பை அடிப்படையாகக் கொண்டு விண்ணப்பிக்க வேண்டும்.

Railway Jobs 2026: ரயில்வேயில் 5,236 வேலைவாய்ப்புகள்! 12ஆம் வகுப்பு, டிகிரி முடித்தவர்கள் விண்ணப்பிக்கலாம்!

இந்த ஆட்சேர்ப்பில் எழுத்துத் தேர்வு நடைபெறும் என அறிவிக்கப்படவில்லை. விண்ணப்பதாரர்களின் கல்வித் தகுதி, பணி அனுபவம் உள்ளிட்ட விவரங்களின் அடிப்படையில் முதற்கட்டத் தேர்வு நடைபெறலாம். அதன் பின்னர் நேர்காணல், மருத்துவப் பரிசோதனை மற்றும் சான்றிதழ் சரிபார்ப்பு மூலம் தகுதியானவர்கள் தேர்வு செய்யப்படுவார்கள். எனவே, “எழுத்துத் தேர்வு இல்லை” என்பதற்காக நேரடியாகப் பணி கிடைத்துவிடும் என்று நினைக்கக் கூடாது.

விண்ணப்பதாரர்களின் தகுதி மற்றும் வங்கியின் தேர்வு நடைமுறைகளே இறுதி முடிவைத் தீர்மானிக்கும். விண்ணப்பத்துடன் கல்விச் சான்றிதழ்கள், மருந்தாளுநர் பதிவு விவரங்கள், பணி அனுபவச் சான்று, வயதுச் சான்று மற்றும் பொருந்தும் இடஒதுக்கீட்டுச் சான்றுகள் உள்ளிட்ட ஆவணங்களின் சுயசான்றொப்பமிட்ட நகல்களை இணைக்க வேண்டியிருக்கலாம். முழுமையற்ற விண்ணப்பங்கள் அல்லது தேவையான ஆவணங்கள் இல்லாத விண்ணப்பங்கள் நிராகரிக்கப்பட வாய்ப்புள்ளதால், அறிவிப்பில் குறிப்பிடப்பட்டுள்ள ஆவணப் பட்டியலை முழுமையாகச் சரிபார்க்க வேண்டும்.

விண்ணப்பிக்க விரும்புபவர்கள் இந்திய ரிசர்வ் வங்கியின் அதிகாரப்பூர்வ வேலைவாய்ப்பு அறிவிப்பில் கொடுக்கப்பட்டுள்ள விண்ணப்பப் படிவத்தைப் பயன்படுத்த வேண்டும். பூர்த்தி செய்யப்பட்ட விண்ணப்பத்தையும் தேவையான ஆவணங்களின் நகல்களையும் மூடிய உறையில் வைத்து அஞ்சல் மூலமாக அனுப்ப வேண்டும். உறையின் மீது, ஒப்பந்த அடிப்படையிலான மருந்தாளுநர் பணிக்கான விண்ணப்பம் என்று குறிப்பிட வேண்டும்.

விண்ணப்பம் சென்றடைய வேண்டிய முகவரி: மண்டல இயக்குநர், மனிதவள மேலாண்மைத் துறை, ஆட்சேர்ப்புப் பிரிவு, இந்திய ரிசர்வ் வங்கி, மும்பை மண்டல அலுவலகம், ஷாஹித் பகத் சிங் சாலை, ஃபோர்ட், மும்பை - 400001. விண்ணப்பங்கள் 2026 நவம்பர் 3ஆம் தேதி மாலை 5 மணிக்குள் சென்றடைய வேண்டும். அஞ்சலில் அனுப்புவதுடன், அறிவிப்பில் வழங்கப்பட்டுள்ள இணையவழி இணைப்பின் மூலமும் தேவையான விவரங்களைச் சமர்ப்பிக்க வேண்டியிருக்கலாம்.

எனவே, அஞ்சல் விண்ணப்பம் மட்டுமே போதும் என்று கருதாமல், அதிகாரப்பூர்வ அறிவிப்பில் உள்ள அனைத்து வழிமுறைகளையும் பின்பற்ற வேண்டும். மருந்தியல் துறையில் அனுபவம் உள்ளவர்கள், தங்களின் தகுதிகள் இந்தப் பணிக்கு ஏற்றதாக இருந்தால் விண்ணப்பிக்கலாம். இருப்பினும், மணிக்கு ரூ.600 என்ற ஊதியத்தையும் நாளொன்றுக்கு அதிகபட்சம் ரூ.3,000 என்ற வரம்பையும் கவனத்தில் கொள்ள வேண்டும்.

பணிநேரம், ஒப்பந்தக் காலம், பணியிட விவரம் மற்றும் பிற நிபந்தனைகள் குறித்து அதிகாரப்பூர்வ அறிவிப்பைப் படித்த பிறகே முடிவெடுப்பது நல்லது. குறிப்பாக, மகாராஷ்டிர மாநில மருந்தாளுநர் மன்றப் பதிவு மற்றும் இரண்டு ஆண்டுகள் பணி அனுபவம் கட்டாயத் தகுதிகளாக இருப்பதால், அவை இல்லாதவர்கள் தகுதி பெறுவார்கள் என்று கருதக் கூடாது. கடைசி நாளான நவம்பர் 3, 2026க்கு முன்பே விண்ணப்பத்தை அனுப்பி, அது குறிப்பிட்ட நேரத்துக்குள் சென்றடைவதை உறுதிப்படுத்துங்கள். வேலைவாய்ப்பு தொடர்பான அறிவிப்புகள் மற்றும் திருத்தங்களை ரிசர்வ் வங்கியின் அதிகாரப்பூர்வ வேலைவாய்ப்பு இணையதளத்தில் சரிபார்ப்பதும் அவசியம்.

8th Pay Commission: 1.83 முதல் 4 வரை ஃபிட்மென்ட் ஃபேக்டர்? யாருக்கு எவ்வளவு சம்பளம் உயரும்?

Vedarethinam Ramalingam — Thu, 29 Oct 2026 08:37:25 +0530

8-வது ஊதியக் குழு தற்போது மத்திய அரசு ஊழியர்கள் மற்றும் ஓய்வூதியதாரர்களிடம் கருத்துகளைக் கேட்டு வருகிறது. சம்பள விகிதம், படிகள் மற்றும் ஃபிட்மென்ட் ஃபேக்டரை ஆய்வு செய்து புதிய சம்பளத்தை இந்தக் குழு பரிந்துரைக்கும்.

8th Pay Commission: 8-வது மத்திய ஊதியக் குழு (CPC) இப்போது ஆலோசனை கட்டத்தில் இருக்கு. அடுத்த வருஷம் மே மாசம் இறுதிப் பரிந்துரையை வழங்குறதுக்கு முன்னாடி, மத்திய அரசு ஊழியர்கள், ஓய்வூதியதாரர்கள், தொழிற்சங்கங்கள் கிட்ட இருந்து கருத்துகளைக் கேட்டுட்டு வராங்க.

உச்ச நீதிமன்ற முன்னாள் நீதிபதி ரஞ்சனா பிரகாஷ் தேசாய் இந்தக் குழுவுக்குத் தலைமை தாங்குறாங்க. முன்னாள் ஐஏஎஸ் அதிகாரி பங்கஜ் ஜெயின் உறுப்பினர்-செயலராகவும், பிரதமர் பொருளாதார ஆலோசனைக் குழு உறுப்பினரான பேராசிரியர் புலாக் கோஷ் உறுப்பினராகவும் இருக்காங்க.

அடிப்படை சம்பளம், பே-மேட்ரிக்ஸ், அகவிலைப்படி (DA), வீட்டு வாடகைப்படி (HRA) போன்ற படிகள் மற்றும் பதவி உயர்வு, இன்கிரிமென்ட் போன்ற சலுகைகளை இந்தக் குழு முழுமையா ஆய்வு செய்யும். அதுக்கப்புறம் தேவையான மாற்றங்களைப் பரிந்துரைக்கும்.

தற்போதைய பணிச்சூழல் மற்றும் தேவைகளைக் கருத்தில் கொண்டு இந்த ஆய்வு நடக்குது. இந்தக் குழுவின் முடிவுகள் 50 லட்சம் மத்திய அரசு ஊழியர்கள் மற்றும் 65 லட்சம் ஓய்வூதியதாரர்கள் (பாதுகாப்பு மற்றும் ரயில்வே துறை உட்பட) என 1 கோடிக்கும் அதிகமானோரை பாதிக்கும்.

ஃபிட்மென்ட் ஃபேக்டர் (Fitment Factor) என்பது ஊதியக் குழுக்கள் பயன்படுத்தும் ஒரு பெருக்கல் காரணி. ஒரு ஊழியரின் பழைய அடிப்படைச் சம்பளத்தை புதிய சம்பளமாக மாற்றுவதற்கு இதுதான் அடிப்படை. தற்போதைய அடிப்படைச் சம்பளம் × ஃபிட்மென்ட் ஃபேக்டர் = புதிய அடிப்படைச் சம்பளம்.

உதாரணமா, 7-வது ஊதியக் குழுவின் (7th CPC) போது 2.57 ஃபிட்மென்ட் ஃபேக்டர் நிர்ணயம் செஞ்சாங்க. இதனால அடிப்படைச் சம்பளம் ரூ.7,000-லிருந்து ரூ.18,000 ஆக உயர்ந்தது. கணக்கீடு: ரூ.7,000 × 2.57 = ரூ.18,000.

ஊழியர் சங்கங்கள் மற்றும் பிற தரப்பினரிடம் இருந்து ஆலோசனைகள் மற்றும் தரவுகளைச் சேகரிக்கும் பணியை ஜூலை மாதத்தில் குழு முடிச்சிருக்கு. பல தரப்பினரும் தங்களது கோரிக்கை மனுக்கள்ல அதிக ஃபிட்மென்ட் ஃபேக்டரை நிர்ணயிக்கணும்னு வலியுறுத்தி இருக்காங்க.

ஊழியர் மற்றும் ஓய்வூதியதாரர் சங்கங்கள் 3.83 அல்லது 4.00 என்ற அளவில் அதிக ஃபிட்மென்ட் ஃபேக்டரை பரிந்துரை செஞ்சிருக்காங்க. ஆனா, இது 1.83 முதல் 2.00 வரை இருக்கலாம்னு நிபுணர்கள் சொல்றதா 'கிளியர் டாக்ஸ்' அறிக்கை கூறுது. நடுத்தர கணிப்புகளின்படி இது 2 முதல் 2.57 வரை இருக்க வாய்ப்பிருக்கு.

8-வது ஊதியக் குழு (8th CPC) தொடர்பான விவாதங்கள் இன்னும் நடந்துட்டுதான் இருக்கு. 'ஃபிட்மென்ட் ஃபேக்டர்' இன்னும் முடிவாகல. ஊதியக் குழு பரிந்துரைகளை வழங்குனதுக்கு அப்புறம், அதை அமல்படுத்துறதுக்கு முன்னாடி மத்திய அரசு அதுக்கு ஒப்புதல் அளிக்கணும்.

1.83, 2.00, 2.57, 3.83 மற்றும் 4.00 போன்ற பல்வேறு ஃபிட்மென்ட் ஃபேக்டர்களின் அடிப்படையில் சம்பளம் எவ்வளவு உயரும்? இதன் மூலம் ஊழியர்கள் மற்றும் ஓய்வூதியதாரர்கள் எவ்வளவு பலன் அடைவாங்க அப்படிங்கிற கணக்கீட்டை இனி பொறுத்திருந்துதான் பார்க்கணும்.