Asianet News Tamil

Bigg Boss 10 : பிரபல கிரிக்கெட் வீரர்... ஜீ தமிழ் சீரியல் ஹீரோயின் என நீளும் பிக் பாஸ் சீசன் 10 போட்டியாளர் பட்டியல்

Ganesh A — Sat, 29 Aug 2026 16:19:58 +0530

Bigg Boss Tamil 10 : பிக் பாஸ் தமிழ் சீசன் 10 நிகழ்ச்சியில் முன்னாள் இந்திய கிரிக்கெட் வீரர் ஒருவர் போட்டியாளராக களமிறங்க உள்ளாராம். அதைப்பற்றி இந்த தொகுப்பில் பார்க்கலாம்.

தமிழ் தொலைக்காட்சி ரசிகர்கள் மத்தியில் மிகப்பெரிய எதிர்பார்ப்பை உருவாக்கியுள்ள பிக்பாஸ் தமிழ் நிகழ்ச்சி, தற்போது தனது 10வது சீசனை நோக்கி நகர்ந்து வருகிறது. கடந்த 9 சீசன்களாக நடிகர்கள், சின்னத்திரை பிரபலங்கள், திரைத்துறையினர் என பல்வேறு பின்னணியைச் சேர்ந்தவர்கள் போட்டியாளர்களாக களமிறங்கிய நிலையில், இந்த முறை நிகழ்ச்சியில் சில வித்தியாசமான முயற்சிகள் மேற்கொள்ளப்பட்டு இருப்பதாக கூறப்படுகிறது.

பிக்பாஸ் தமிழின் முதல் சீசனை கமல்ஹாசன் தொகுத்து வழங்கிய நிலையில், பின்னர் நிகழ்ச்சியின் தொகுப்பாளராக விஜய் சேதுபதி களமிறங்கினார். தற்போது 10வது சீசனையும் அவரே தொகுத்து வழங்க உள்ளதாக கூறப்படும் நிலையில், இது அவர் தொகுத்து வழங்கும் மூன்றாவது சீசனாக அமைகிறது. இதனால் இந்த சீசன் மீது ரசிகர்களின் எதிர்பார்ப்பு மேலும் அதிகரித்துள்ளது.

Bigg Boss 10 : லீக்கான பிக் பாஸ் சீசன் 10 போட்டியாளர்கள் லிஸ்ட்... இத்தனை விஜய் டிவி பிரபலங்கள் இருக்காங்களா?

பிக்பாஸ் தமிழ் 10 வரும் செப்டம்பர் 6ஆம் தேதி பிரம்மாண்டமாக தொடங்க உள்ளது. வழக்கமான போட்டியாளர்களுடன் இந்த முறை பொதுமக்களுக்கும் பிக்பாஸ் வீட்டில் விளையாடும் வாய்ப்பு வழங்கப்பட உள்ளது. இதற்காகவே ‘தி காமன் மேன்’ என்ற நிகழ்ச்சி மூலம் பொதுமக்கள் தேர்வு செய்யப்பட்டு வருகின்றனர். ஆயிரக்கணக்கான விண்ணப்பங்களில் இருந்து தேர்வானவர்கள் பல்வேறு கட்டங்களை கடந்து வருகின்றனர். இறுதியாக தேர்வு செய்யப்படும் சிலர் பிரபல போட்டியாளர்களுடன் இணைந்து பிக்பாஸ் வீட்டில் போட்டியிடலாம் என எதிர்பார்க்கப்படுகிறது. இதனால் இந்த சீசனில் பிரபலங்களுக்கும் சாமானியர்களுக்கும் இடையிலான போட்டி எப்படி இருக்கும் என்ற ஆர்வமும் ரசிகர்கள் மத்தியில் ஏற்பட்டுள்ளது.

நிகழ்ச்சி தொடங்க இன்னும் சில நாட்களே உள்ள நிலையில், போட்டியாளர்கள் குறித்த பல்வேறு தகவல்கள் சமூக வலைதளங்களில் வேகமாக பரவி வருகின்றன. அதில் தற்போது அதிகம் பேசப்படும் பெயர்களில் ஒன்று முன்னாள் இந்திய கிரிக்கெட் வீரர் முரளி விஜய். இந்திய அணிக்காக விளையாடியதுடன், ஐபிஎல் தொடரில் சென்னை சூப்பர் கிங்ஸ் உள்ளிட்ட அணிகளுக்காகவும் களமிறங்கியவர் முரளி விஜய். தமிழ்நாட்டைச் சேர்ந்த பிரபல கிரிக்கெட் வீரர் என்பதால், அவர் பிக்பாஸ் வீட்டிற்குள் வந்தால் நிகழ்ச்சிக்கு கூடுதல் கவனம் கிடைக்கும் என்பதில் சந்தேகமில்லை. இருப்பினும், முரளி விஜய் பிக்பாஸ் தமிழ் 10ல் பங்கேற்கிறார் என்பது இதுவரை அதிகாரப்பூர்வமாக அறிவிக்கப்படவில்லை.

முரளி விஜயைத் தொடர்ந்து சின்னத்திரை நடிகை ஆல்யா மானசா பெயரும் பிக்பாஸ் 10 போட்டியாளர் பட்டியலில் அடிபடுகிறது. ராஜா ராணி உள்ளிட்ட சீரியல்கள் மூலம் தனக்கென மிகப்பெரிய ரசிகர் பட்டாளத்தை உருவாக்கிய ஆல்யா மானசா, சின்னத்திரையில் மிகவும் பரிச்சயமான முகமாக உள்ளார். தற்போது அவர் ஜீ தமிழில் ஒளிபரப்பாகி வரும் ‘பாரிஜாதம்’ தொடரில் நடித்து வரும் நிலையில், பிக்பாஸ் நிகழ்ச்சியில் அவர் கலந்து கொள்ள இருப்பதாக தகவல்கள் வெளியாகியுள்ளன. ஆல்யா மானசா உண்மையில் பிக்பாஸ் வீட்டிற்குள் நுழைந்தால், அவரது சின்னத்திரை ரசிகர்கள் மத்தியில் நிகழ்ச்சிக்கான எதிர்பார்ப்பு மேலும் அதிகரிக்க வாய்ப்புள்ளது. அதே நேரத்தில், அவரது பங்கேற்பும் இதுவரை அதிகாரப்பூர்வமாக உறுதி செய்யப்படவில்லை.

அதிகாரப்பூர்வ அறிவிப்புக்காக காத்திருக்கும் ரசிகர்கள்

முரளி விஜய், ஆல்யா மானசா உள்ளிட்ட பலரது பெயர்கள் தற்போது இணையத்தில் உலா வந்தாலும், அதிகாரப்பூர்வ போட்டியாளர் பட்டியல் வெளியாகும் வரை இவை அனைத்தையும் உறுதியான தகவல்களாக எடுத்துக்கொள்ள முடியாது. செப்டம்பர் 6ஆம் தேதி நடைபெற உள்ள கிராண்ட் லாஞ்ச் நிகழ்ச்சியில் போட்டியாளர்கள் ஒவ்வொருவராக அறிமுகப்படுத்தப்படுவார்கள் என எதிர்பார்க்கப்படுகிறது. அப்போது சமூக வலைதளங்களில் வெளியாகி வரும் தகவல்களில் எவை உண்மை, எவை வதந்தி என்பது தெரியவரும்.

Bigg Boss Tamil 10 : பிக் பாஸில் அதகள எண்ட்ரி கொடுத்த கோமாளி... யார் இந்த அன்சர்?

Ganesh A — Sun, 06 Sep 2026 22:24:28 +0530

Bigg Boss Contestant Ansar : பிக் பாஸ் தமிழ் சீசன் 10 நிகழ்ச்சி பிரம்மாண்டமாக தொடங்கி உள்ள நிலையில், அதில் போட்டியாளராக அன்சர் களமிறங்கி இருக்கிறார். அவர் யார் என்பதை பார்க்கலாம்.

விஜய் டிவியின் பிரபல சமையல் ரியாலிட்டி நிகழ்ச்சியான குக் வித் கோமாளி மூலம் ரசிகர்கள் மத்தியில் தனக்கென ஒரு இடத்தை பிடித்தவர் அன்சர். அவரது கலகலப்பான பேச்சு, நகைச்சுவையான அணுகுமுறை மற்றும் என்டர்டைன்மென்ட் கலந்த செயல்பாடுகள் நிகழ்ச்சியில் நல்ல வரவேற்பை பெற்றன. இந்நிலையில், அன்சர் அடுத்ததாக பிக் பாஸ் தமிழ் சீசன் 10 நிகழ்ச்சியில் போட்டியாளராக களமிறங்கி இருக்கிறார். மேலும், அவர் இந்த சீசனின் 10-வது போட்டியாளராக உள்ளே சென்றுள்ளார். இவரும் ஒரு விஜய் டிவி புராடக்ட் தான்.

சமையல் நிகழ்ச்சியில் எப்போதும் ஜாலியாகவும், நகைச்சுவையாகவும் காணப்பட்ட அன்சர், பிக் பாஸ் வீட்டுக்குள் எப்படி இருப்பார் என்பதே தற்போது ரசிகர்களின் மிகப்பெரிய எதிர்பார்ப்பாக உள்ளது. பிக் பாஸ் வீட்டில் டாஸ்குகள், போட்டிகள், கருத்து வேறுபாடுகள் என பல்வேறு சூழ்நிலைகளை போட்டியாளர்கள் எதிர்கொள்ள வேண்டியிருக்கும். அந்த தருணங்களில் அன்சரின் அணுகுமுறை எப்படி இருக்கும் என்பதும் சுவாரஸ்யத்தை ஏற்படுத்தியுள்ளது. காமெடியை வைத்து மட்டுமே இறுதிவரை முன்னேற முடியாது என்பதால் அன்சரின் பன்முகத்திறமை வெளிப்பட வாய்ப்பு உள்ளது.

அவருடைய இயல்பான நகைச்சுவை உணர்வு வீட்டில் மற்ற போட்டியாளர்களுடன் நல்ல உறவை உருவாக்க உதவுமா? அல்லது போட்டி தீவிரமாகும் போது அவருடைய மற்றொரு முகம் வெளிப்படுமா? என்பதையும் பொறுத்திருந்துதான் பார்க்க வேண்டும். குக் வித் கோமாளியில் சிரிக்க வைத்த அன்சர்... பிக் பாஸ் வீட்டில் எப்படி விளையாடப் போகிறார்? டாஸ்குகளில் தனது திறமையை நிரூபிப்பாரா, இல்லை நகைச்சுவை மற்றும் என்டர்டைன்மென்ட் மூலம் ரசிகர்களின் ஆதரவை பெறுவாரா என்ற எதிர்பார்ப்பு தற்போது அதிகரித்துள்ளது.

குக் வித் கோமாளி டூ பிக்பாஸ்

எது எப்படியிருந்தாலும், அன்சரின் என்ட்ரி உறுதியானதால் பிக் பாஸ் தமிழ் சீசன் 10-க்கு இது நிச்சயம் ஒரு சுவாரஸ்யமான சேர்க்கையாக இருக்கும். இதற்கு முன்னதாக குக் வித் கோமாளி நிகழ்ச்சியில் இருந்து சுனிதா, ரம்யா பாண்டியன், கனி, சம்யுக்தா, பிரியங்கா தேஷ்பாண்டே, செளந்தர்யா, பவித்ரா ஆகியோர் பிக் பாஸ் நிகழ்ச்சியில் போட்டியாளராக பங்கேற்றுள்ளனர். அவர்களில் சிலருக்கு இந்நிகழ்ச்சி மூலம் மிகப்பெரிய புகழ் வெளிச்சம் கிடைத்தது. அதேபோல் அன்சருக்கும் கிடைக்குமா? என்பதை பொறுத்திருந்து தான் பார்க்க வேண்டும்.

Bigg Boss Tamil 10 : புன்னகையோடு பிக் பாஸ் வீட்டிற்குள் சென்ற முனியம்மாவின் வலிகள் நிறைந்த வாழ்க்கை பற்றி தெரியுமா?

Kumaran in Bigg Boss: பிக்பாஸ் வீட்டில் ‘பாண்டியன் ஸ்டோர்ஸ்’ கதிர்.. ரசிகர்களுக்கு வேற லெவல் சர்ப்ரைஸ்!

Vishnupriya — Sun, 06 Sep 2026 15:43:54 +0530

Kumaran in Bigg Boss: பாண்டியன் ஸ்டோர்ஸ் சீரியலில் கதிர் கதாபாத்திரம் மூலம் பிரபலமான குமரன் தங்கராஜன், பிக்பாஸ் தமிழ் சீசன் 10 நிகழ்ச்சியில் போட்டியாளராக களமிறங்குகிறார்.

பாண்டியன் ஸ்டோர்ஸ்’ சீரியலில் கதிராக வந்து இல்லத்தரசிகள் முதல் இளைஞர்கள் வரை ஏராளமான ரசிகர்களை சம்பாதித்தவர் குமரன் தங்கராஜன். நடனக் கலைஞராக தனது பயணத்தை தொடங்கி, சின்னத்திரை, வெள்ளித்திரை, வெப் தொடர் என அடுத்தடுத்த கட்டங்களை கடந்து வந்துள்ள அவர், தற்போது பிக்பாஸ் தமிழ் சீசன் 10 வீட்டிற்குள் போட்டியாளராக செல்கிறார் என்ற தகவல் ரசிகர்களிடையே எதிர்பார்ப்பை அதிகரித்துள்ளது.

பிக்பாஸ் தமிழ் சீசன் 10 இன்று மாலை 6 மணிக்கு பிரம்மாண்டமாக தொடங்குகிறது. இந்த சீசனில் Celebrity போட்டியாளர்களுடன் சேர்ந்து Common Man-களுக்கும் பங்கேற்கின்றனர்.

குமரன் தங்கராஜன் 1989 மார்ச்சு 10 ஆம் தேதி சென்னையில் பிறந்தவர். பள்ளிப்படிப்பை சென்னையில் முடித்த அவர், சிறு வயது முதலே நடனம் மற்றும் நடிப்பில் ஆர்வம் கொண்டிருந்துள்ளார்.

முதலில் விஜய் டிவியின் ‘ஜோடி நம்பர் 1’ நிகழ்ச்சியில் பின்னணி நடனக் கலைஞராகப் பணியாற்றியுள்ளார். தொடர்ந்து உங்களில் யார் அடுத்த பிரபுதேவா, மானாட மயிலாட உள்ளிட்ட நடன நிகழ்ச்சிகளில் போட்டியாளராக பங்கேற்றுள்ளார்.

சின்னத்திரையில், 2017 இல் ஒளிபரப்பான ‘மாப்பிள்ளை’ தொடரில் நடித்த குமரன், தொடர்ந்து ‘ஈரமான ரோஜாவே’ தொடரிலும் மாறன் என்ற முக்கியமான கதாபாத்திரத்தில் நடித்திருந்தார்.

அதன் பின்னர் 2018-ல் தொடங்கிய ‘பாண்டியன் ஸ்டோர்ஸ்’ தொடரில் கதிர் என்ற கதாபாத்திரத்தில் நடிகை சித்ராவுக்கு ஜோடியாக நடித்தது அவருக்கு மிகப்பெரிய திருப்புமுனையாக அமைந்தது. முல்லை–கதிர் ஜோடியின் காட்சிகளுக்கு தனி ரசிகர் பட்டாளமே உருவானது.

சீரியல் மட்டுமின்றி திரைப்படங்களிலும் குமரன் நடித்துள்ளார். 2015-ல் வெளியான ‘இது என்ன மாயம்’ திரைப்படத்தின் மூலம் நடிகராக அறிமுகமானார். பின்னர், வதந்தி: தி ஃபேபிள் ஆஃப் வேலோனி’ வெப் தொடரிலும், மாய தோட்டா உள்ளிட்ட படைப்புகளிலும் அவர் நடித்துள்ளார்.

மேலும், பாலாஜி வேணுகோபால் எழுதி இயக்கிய ‘குமாரசம்பவம்’ திரைப்படத்தின் மூலம் கதாநாயகனாகவும் அறிமுகமானார். சின்னத்திரையில் அமைதியான கதிராக பார்த்த ரசிகர்கள், இந்தப் படத்தில் அவரை வேறொரு கோணத்தில் பார்த்தனர்.

நடிப்பு மற்றும் சமூக வலைதள செயல்பாடுகள் மூலம் பிரபலமான குமரன், பிராண்டுகளுக்கான influencer/advertising பிரசாரங்களிலும் இடம்பெற்றுள்ளார்.

இந்நிலையில், பிக்பாஸ் தமிழ் சீசன் 10 வீட்டிற்குள் குமரன் தங்கராஜன் நுழைவது அவரது ரசிகர்களுக்கு மிகப்பெரிய எதிர்பார்ப்பை ஏற்படுத்தியுள்ளது. இதுவரை திரையில் நடித்த கதாபாத்திரங்கள் மூலம் அறிந்த குமரனைத் தாண்டி, போட்டிகள், கருத்து வேறுபாடுகள், நட்பு, டாஸ்க் மற்றும் அழுத்தமான சூழ்நிலைகளில் அவர் எப்படி செயல்படுவார்? என்பதுதான் இனி சுவாரஸ்யமான கேள்வியாக இருக்கிறது.

குறிப்பாக, சீரியலில் அமைதியாகவும், பொறுப்பாகவும் பார்க்கப்பட்ட குமரனின் உண்மையான குணம் பிக்பாஸ் வீட்டில் எப்படி இருக்கும் என்பதே ரசிகர்களின் முக்கிய எதிர்பார்ப்பாக உள்ளது.

Black Pandi in Bigg Boss: சிரிக்க வைத்த பாண்டி..இனி போட்டியாளராக மிரட்டுவாரா? பிக்பாஸ் 10-ல் பிளாக் பாண்டி!

Vishnupriya — Sun, 06 Sep 2026 17:06:57 +0530

சின்னத்திரையில் தொடங்கி வெள்ளித்திரையில் தனக்கென ஒரு இடத்தைப் பிடித்த பிளாக் பாண்டி, தற்போது பிக்பாஸ் தமிழ் சீசன் 10 வீட்டிற்குள் நுழையும் போட்டியாளர்களில் ஒருவராக கவனம் பெற்றுள்ளார். பிக்பாஸ் தமிழ் சீசன் 10 இன்று மாலை 6 மணிக்கு தொடங்குகிறது. விஜய் சேதுபதி தொகுத்து வழங்கும் இந்த சீசனில் சினிமா, சின்னத்திரை மற்றும் சமூக ஊடகப் பிரபலங்களுடன் பிளாக் பாண்டியும் களமிறங்குகியுள்ளார்.

சின்னத்திரையில் தொடங்கிய பயணம்:

பிளாக் பாண்டியின் உண்மையான பெயர் லிங்கேஸ்வரன். மதுரையைச் சேர்ந்த இவர், தனது நடிப்பு பயணத்தை சின்னத்திரையின் மூலம் தொடங்கினார். விஜய் டிவியில் ஒளிபரப்பான ‘கனா காணும் காலங்கள்’ தொடரில் ‘பாண்டி’ என்ற கதாபாத்திரத்தில் நடித்ததன் மூலம் இளைஞர்கள் மத்தியில் தனக்கென ஒரு ரசிகர் பட்டாளத்தை உருவாக்கினார். தொடர்ந்து பல்வேறு சின்னத்திரை நிகழ்ச்சிகளில் பங்கேற்று வந்த அவர், தனது நடிப்புத் திறமையுடன் ‘ஜோடி நம்பர் ஒன்’ நிகழ்ச்சியில் பங்கேற்று நடனத் திறமையையும் வெளிப்படுத்தினார்.

சினிமாவில் கிடைத்த வாய்ப்பு:

சின்னத்திரையில் கிடைத்த வரவேற்பைத் தொடர்ந்து, பிளாக் பாண்டி திரைப்படங்களிலும் நடிக்கத் தொடங்கினார். குறிப்பாக ‘அங்காடித் தெரு’ திரைப்படம் அவரது திரைப்பயணத்தில் முக்கியமான படமாக அமைந்தது. இதில் அவர் மாரிமுத்து என்ற கதாபாத்திரத்தில் நடித்திருந்தார்.

எந்தெந்த படங்களில் நடித்துள்ளார்?

பிளாக் பாண்டி பல ஆண்டுகளாக தமிழ் சினிமாவில் சின்ன சின்ன துணை கதாபாத்திரங்களில் நடித்து வருகிறார். கில்லி, ஆட்டோகிராப், லீ, முருகா, அங்காடித்தெரு, மாஞ்சாவேலு, தெய்வத்திருமகள், வேலாயுதம், நீர்ப்பறவை, சாட்டை, ஜில்லா, பூஜை, சகலகலா வல்லவன், பண்டிகை, மிருகா உள்ளிட்ட பல படங்களில் அவர் நடித்துள்ளார்.

பிக்பாஸ் வீட்டில் எப்படி இருப்பார்?

திரைப்படங்களில் பெரும்பாலும் நகைச்சுவை மற்றும் துணை கதாபாத்திரங்களில் பார்த்த பிளாக் பாண்டியை, இப்போது ‘ரியல்’ பிளாக் பாண்டியாக ரசிகர்கள் பார்க்க உள்ளனர். பிக்பாஸ் வீடு என்பது நடிப்பு இல்லாமல் தனிப்பட்ட குணம், பொறுமை, வாக்குவாதத்தை கையாளும் திறன், நட்பு மற்றும் டாஸ்க் செயல்பாடு ஆகிய அனைத்தையும் வெளிப்படுத்த வேண்டிய களம்.

அதனால், எப்போதும் ரசிகர்களை சிரிக்க வைத்த பிளாக் பாண்டி, பிக்பாஸ் வீட்டில் காமெடி கலந்த போட்டியாளராக இருப்பாரா? அல்லது எதிர்பாராத வகையில் தனது இன்னொரு முகத்தை வெளிப்படுத்துவாரா? என்ற கேள்வி ரசிகர்கள் மத்தியில் எழுந்துள்ளது. குறிப்பாக பல ஆண்டுகளாக சினிமாவில் இருந்த அனுபவம் அவருக்கு பிக்பாஸ் போட்டியில் எந்த அளவுக்கு கை கொடுக்கப் போகிறது என்பதையும் பொறுத்திருந்துதான் பார்க்க வேண்டும்.

சினிமாவில் துணை நடிகர்.. சின்னத்திரையில் பிரபலமான முகம்.. இப்போது பிக்பாஸ் போட்டியாளர். பிளாக் பாண்டியின் இந்த புதிய பயணம் ரசிகர்களுக்கு நிச்சயம் வித்தியாசமான அனுபவமாக அமையும்.

Bigg Boss Tamil 10 : தூத்துக்குடியில் இருந்து காமன்மேன் ஆக களமிறங்கிய தங்கமகன்... யார் இந்த ஜேசன்?

Ganesh A — Sun, 06 Sep 2026 23:13:01 +0530

யார் இந்த ஜேசன் கவுஷி?

பிக் பாஸ் தமிழ் 10 நிகழ்ச்சியில் காமன்மேன் ஆக எண்ட்ரி கொடுத்துள்ளார் ஜேசன் கவுஷி. பள்ளி, கல்லூரி மற்றும் தனது சொந்த ஊருக்காக பல்வேறு போட்டிகளில் பங்கேற்று பதக்கங்களை வென்றுள்ள ஜேசன், தமிழ்நாட்டை பிரதிநிதித்துவப்படுத்தியும் தேசிய அளவிலும் தனது திறமையை நிரூபித்துள்ளதாக தெரிவித்துள்ளார்.

ஜேசன் தற்போது அசோசியேட் டைரக்டராக பணியாற்றி வருவதாக கூறியுள்ளார். சினிமா துறையில் பணியாற்றிக் கொண்டிருந்தாலும், தனது சொந்த திறமைகளையும் படைப்பாற்றலையும் மக்களிடம் கொண்டு சேர்க்க வேண்டும் என்ற நோக்கத்தில்தான் பிக் பாஸ் மேடைக்கு வந்ததாக அவர் தெரிவித்துள்ளார்.

குவிந்த தங்கப் பதக்கங்கள்!

ஜேசனின் விளையாட்டு சாதனைகள் குறித்து கேள்வி எழுப்பப்பட்டபோது, அவர் டேக்வாண்டோவில் பல்வேறு பதக்கங்களை வென்றிருப்பது தெரியவந்தது. பள்ளி மற்றும் கல்லூரி அளவில் தொடங்கிய அவரது பயணம், பின்னர் தமிழ்நாடு மற்றும் தேசிய அளவிலான போட்டிகளிலும் தொடர்ந்துள்ளது. தமிழ்நாட்டுக்காக பல தங்கப் பதக்கங்களையும், தேசிய அளவில் தங்கப் பதக்கத்தையும் வென்றுள்ளதாக அவர் குறிப்பிட்டுள்ளார். மேலும், சர்வதேச அளவிலும் இந்தியாவை பிரதிநிதித்துவப்படுத்திய அனுபவம் இருப்பதாக தெரிவித்துள்ளார்.

“என்னை நானே அறிமுகப்படுத்த வேண்டிய நிலை”

இவ்வளவு சாதனைகளைப் பெற்றிருந்தும், ஏன் பிக் பாஸ் நிகழ்ச்சிக்கு வந்தீர்கள் என்ற கேள்வி எழுந்தபோது ஜேசன் கொடுத்த பதில் அனைவரது கவனத்தையும் ஈர்த்தது. தான் பல விருதுகளை வென்றிருந்தாலும், தனது சாதனைகளை மக்கள் மத்தியில் கொண்டு சேர்க்க வேண்டிய சூழல் இருப்பதாகவும், அதற்காகவே இந்த மேடையை பயன்படுத்த விரும்புவதாகவும் அவர் தெரிவித்தார். “என்னைப் பற்றி உங்களுக்கு தெரியவில்லை. அதனால்தான் நான் இங்கு வந்திருக்கிறேன்” என கூறினார்.

அவரிடம் சுவாரஸ்யமான கேள்வி ஒன்று முன்வைக்கப்பட்டது. ஒரு போட்டியில் வெற்றி பெறுவதா அல்லது நேர்மையாக விளையாடுவதா முக்கியம் என்று கேட்கப்பட்டபோது, இரண்டுமே முக்கியம் என முதலில் பதிலளித்த ஜேசன், ஒன்றை மட்டும் தேர்வு செய்ய வேண்டுமென்றால் வெற்றியையே தேர்ந்தெடுப்பேன் என தெரிவித்துள்ளார்.

வெற்றி பெற்ற பிறகு தவறாக நடந்திருந்தால் மன்னிப்பு கேட்கலாம்; ஆனால் தோல்விக்கு காரணம் கூறுவது தனக்கு விருப்பமில்லை என்ற அவரது பதில், போட்டி குறித்த அவரது மனநிலையை வெளிப்படுத்தியது.

பல தங்கப் பதக்கங்கள், சினிமா மீதான ஆர்வம், கிரியேட்டிவ் துறையில் சாதிக்க வேண்டும் என்ற லட்சியம் என வித்தியாசமான பின்னணியுடன் பிக் பாஸ் காமன் மேன் ஆக களமிறங்கியுள்ள ஜேசன் கவுஷி, பைனல் வரை செல்வாரா என்பதை பொறுத்திருந்து பார்க்கலாம்.

Bigg Boss Tamil 10 : மாற்றம் தேடி பிக் பாஸ் வந்த மதுரைப் பொண்ணு... யார் இந்த முத்தழகி?

Ganesh A — Sun, 06 Sep 2026 20:05:05 +0530

Bigg Boss Contestant Muthazhagi : பிக் பாஸ் தமிழ் சீசன் 10 நிகழ்ச்சியில் போட்டியாளராக களமிறங்கி இருக்கிறார் முத்தழகி. அவர் யார்? அவருடைய பின்னணி என்ன என்பதை பார்க்கலாம்.

மாடலிங், நடிப்பு என ஒவ்வொரு துறையிலும் தன்னை நிரூபித்து வந்த முத்தழகி, தற்போது தனது கேரியரில் இதுவரை சந்திக்காத ஒரு புதிய களத்தில் கால் பதிக்கிறார். பிக் பாஸ் தமிழ் சீசன் 10-ன் போட்டியாளராக முத்தழகி களமிறங்கி உள்ளார். ஒரு மாடல் அழகியாக ஆரம்பித்த அவரது பயணம், வெறும் கிளாமர் உலகத்துக்குள் நின்றுவிடவில்லை. மிஸ் பெங்களூரு 2021 பட்டத்தை வென்று கவனம் பெற்ற முத்தழகி, அதன்பிறகு மாடலிங் துறையில் தனது திறமையை காட்டத் தொடங்கினார். தொடர்ந்து அலெக்ஸ் ஃபேஷன் சீசன் 4 வெற்றியாளராகவும் மாறி, ஃபேஷன் உலகில் தனது பெயரை அழுத்தமாக பதிவு செய்தார்.

Bigg Boss Tamil 10: யார் இந்த ஷாத்திகா? சினிமா முதல் சின்னத்திரை வரை கலக்கிய நடிகையின் முழு கதை

ஜீ தமிழின் ‘அமுதவும் அண்ணலட்சுமியும்’ தொடரில் முக்கியமான கதாபாத்திரத்தில் நடித்து தமிழ் சின்னத்திரை ரசிகர்களிடம் பரிச்சயமானார் முத்தழகி. நடிப்புடன் டிஜிட்டல் உலகிலும் கவனம் செலுத்திய அவர், பல்வேறு பொழுதுபோக்கு நிகழ்ச்சிகளில் தனது திறமையை வெளிப்படுத்தியுள்ளார். ஆனால் இதுவரை கிடைத்த அடையாளங்கள் எல்லாவற்றையும் தாண்டி, இப்போது முத்தழகிக்கு கிடைக்கப் போகும் அடையாளம் வேறலெவலில் இருக்கும். அது அவரின் கேம் பிளானை பொறுத்து அமையும்.

Bigg Boss Tamil 10 : பிக் பாஸை அதிரவிடப்போகும் மேக்கப் ஆர்டிஸ்ட்... யார் இந்த அஸ்மிதா?

பிக் பாஸ் தான் அவரது அடுத்த பெரிய டர்னிங் பாயிண்ட்டாக இருக்கப் போகிறது. மாடலிங் மற்றும் அழகிப் போட்டிகளில் கேமரா முன் நின்ற அனுபவம் முத்தழகிக்கு ஏராளம். ஆனால் பிக் பாஸ் வீட்டில் கேமராவை மட்டும் எதிர்கொள்வது போதாது. அங்கு மனிதர்களையும், சூழ்நிலைகளையும், போட்டியையும் சமாளிக்க வேண்டும். ஒரு நாள் நட்பு... அடுத்த நாள் கருத்து மோதல்... அதற்குப் பிறகு டாஸ்க்... என ஒவ்வொரு நாளும் ஆட்டம் வேறு லெவலுக்கு செல்லும். அந்த சூழலில் முத்தழகியின் ஆட்டம் என்னவாக இருக்கும் என்பதுதான் இப்போது ரசிகர்களின் எதிர்பார்ப்பு.

Bigg Boss Tamil 10 : சினிமா கனவோடு பிக் பாஸ் வந்துள்ள சீரியல் ஹீரோ... யார் இந்த வினோத் பாபு?

முத்தழகியின் பிளஸ் பாயிண்ட் அவரது தன்னம்பிக்கையும் கேமரா அனுபவமும். ஆனால் பிக் பாஸ் வீடு அவரது பொறுமைக்கும் மனநிலைக்கும் மிகப்பெரிய சோதனையாக இருக்கலாம். இதுவரை ரசிகர்கள் பார்த்தது மாடல் முத்தழகி... நடிகை முத்தழகி... இனி பார்க்கப் போவது... ஒரிஜினல் முத்தழகி! அழகிப் போட்டியில் பட்டம் வென்றவர், சின்னத்திரையில் ரசிகர்களை பெற்றவர், இப்போது பிக் பாஸ் வீட்டில் தனது கேமை ஆரம்பிக்கிறார். “மிஸ் பெங்களூரு”வாக தொடங்கிய கதை... “பிக் பாஸ்” வீட்டில் எந்த இடத்தில் முடியும்? என்பதை வெயிட் பண்ணி பார்க்கலாம்.

Bigg Boss 2026 : பிக்பாஸ் வரலாற்றிலேயே இப்படி ஒன்று நடந்தது இல்லையாம்!

Bigg Boss Tamil 10 : பிக் பாஸ் மேடையில் தங்கச்சிக்கே வில்லனாக மாறிய அண்ணன் - யார் இந்த அவினாஷ்?

Ganesh A — Sun, 06 Sep 2026 21:14:09 +0530

Bigg Boss Contestant Avinash : பிக் பாஸ் தமிழ் சீசன் 10 நிகழ்ச்சியில் டான்சர் அவினாஷ் போட்டியாளராக களமிறங்கி உள்ளார். அவரைப் பற்றி இந்த தொகுப்பில் விரிவாக பார்க்கலாம்.

சின்னத்திரையில் ஹீரோவாக பார்த்தாச்சு; டான்ஸ் திறமையை பார்த்தாச்சு; இப்போது அந்த அனுபவங்களோடு நேராக பிக் பாஸ் வீட்டுக்குள் களமிறங்கி இருக்கிறார் அவினாஷ் அசோக். தமிழ் சின்னத்திரையில் தொடர்ந்து கவனம் ஈர்த்து வரும் நடிகரும் நடனக் கலைஞருமான அவினாஷ் அசோக், தற்போது பிக் பாஸ் தமிழ் சீசன் 10 நிகழ்ச்சியில் போட்டியாளராக பங்கேற்று உள்ளார். சீரியல் ரசிகர்களுக்கு ஏற்கனவே பரிச்சயமான முகமான அவினாஷின் இந்த ரியாலிட்டி ஷோ என்ட்ரி, அவரது ரசிகர்களுக்கு எதிர்பாராத சர்ப்ரைஸாக அமைந்துள்ளது.

அவினாஷ் அசோக்கின் சின்னத்திரை பயணம் பல பிரபலமான தொடர்களை கடந்து வந்துள்ளது. குறிப்பாக ‘கயல்’, ‘அனியத்திப்ராவு’ போன்ற தொடர்களில் நடித்ததன் மூலம் ரசிகர்களிடம் கவனம் பெற்றார். அதன்பிறகு ‘மகளே என் மருமகளே’ தொடரில் சின்னத்தம்பி என்ற கதாநாயகன் கதாபாத்திரத்தில் நடித்தார். வர்ஷினி சுரேஷுக்கு ஜோடியாக நடித்த இந்தத் தொடர், அவினாஷுக்கு சின்னத்திரையில் மேலும் ஒரு முக்கியமான அடையாளத்தை உருவாக்கியது. குடும்ப உறவுகளை மையமாக வைத்து நகர்ந்த இந்தத் தொடரில் அவரது கதாபாத்திரம் ரசிகர்களின் கவனத்தை ஈர்த்த நிலையில், தற்போது சீரியல் கதாபாத்திரத்தை விட்டு ரியாலிட்டி ஷோ களத்திற்குள் அடியெடுத்து வைக்கிறார்.

சீரியல் உலகில் ஒரு கதாபாத்திரம் இருக்கும். வசனம் இருக்கும். காட்சி எப்படி நகர வேண்டும் என்பதற்கும் ஒரு இயக்கம் இருக்கும். ஆனால் பிக் பாஸ் வீட்டில்... “ஸ்கிரிப்ட் இல்லை... ரீடேக் இல்லை... கேரக்டர் இல்லை!” அங்கே இருப்பது அவினாஷ் மட்டுமே! 24 மணி நேர கேமரா கண்காணிப்பு, தினசரி டாஸ்குகள், நாமினேஷன், நட்பு, கருத்து மோதல் என ஆட்டம் ஒவ்வொரு நாளும் வேறு பாதையில் செல்லும். இதனால் சீரியலில் ரசிகர்கள் பார்த்த அவினாஷுக்கும், பிக் பாஸ் வீட்டில் அவர்கள் பார்க்கப் போகும் அவினாஷுக்கும் எவ்வளவு வித்தியாசம் இருக்கும் என்பதே இப்போது பேசுபொருளாக உள்ளது.

டாஸ்க்கிலும் தெறிக்க விடுவாரா?

அவினாஷின் இன்னொரு பலம் அவரது நடனப் பின்னணி. மேடை மற்றும் கேமரா முன் அவருக்கு இருக்கும் அனுபவம், பிக் பாஸ் டாஸ்குகளில் அவருக்கு சாதகமாக அமைய வாய்ப்புள்ளது. அவினாஷின் டான்ஸ் அனுபவம் இங்கே எந்த அளவுக்கு கைகொடுக்கப் போகிறது என்பதை பார்க்கலாம்! சின்னத்திரையில் ஹீரோவாக ரசிகர்களை கவர்ந்த அவினாஷ், பிக் பாஸ் வீட்டில் எந்த ரூட்டை தேர்வு செய்யப் போகிறார் என்பதுதான் அடுத்த கேள்வி. அமைதியாக இருந்து ஆட்டத்தை கண்காணிப்பாரா? நட்பை வைத்து கேமை நகர்த்துவாரா? டாஸ்குகளில் அதிரடி காட்டுவாரா? அல்லது கருத்து மோதல் என்று வந்தால் “இது என் கேம்!” என்று தனது நிலைப்பாட்டை அழுத்தமாக பதிவு செய்வாரா? என்பதை பொறுத்திருந்து பார்ப்போம்.

Bigg Boss Tamil 10 : விமர்சகர் பிரசாந்தை விட அதிக ஓட்டு வாங்கி பிக் பாஸ் வீட்டுக்குள் சென்றவர் - யார் இந்த ஜாவித்?

Bigg Boss 10 : லீக்கான பிக் பாஸ் சீசன் 10 போட்டியாளர்கள் லிஸ்ட்... இத்தனை விஜய் டிவி பிரபலங்கள் இருக்காங்களா?

Ganesh A — Thu, 27 Aug 2026 19:00:54 +0530

Bigg Boss Tamil Season 10 Contestants : செப்டம்பர் 6ந் தேதி தொடங்க உள்ள பிக் பாஸ் தமிழ் சீசன் 10 நிகழ்ச்சியில் கலந்துகொள்ள உள்ள போட்டியாளர்கள் யார்... யார் என்பது குறித்த தகவல் இணையத்தில் கசிந்துள்ளது. அதைப் பார்க்கலாம்.

பிக் பாஸ் தமிழ் சீசன் 10 நிகழ்ச்சி இன்னும் ஒரு வாரத்தில் தொடங்க உள்ளதால், அதற்கான ஹைப்பை விஜய் டிவி படிப்படியாக ஏற்றி வருகிறது. அந்த வகையில் இந்நிகழ்ச்சியில் கலந்துகொள்ள உள்ள போட்டியாளர்கள் சிலரைப் பற்றி ஹிண்ட் கொடுக்கும் விதமாக ப்ரோமோ ஒன்றை வெளியிட்டிருந்தார்கள். அதில் அந்த போட்டியாளர்களின் முகம் காட்டப்படாவிட்டாலும் அதில் உள்ளது யார்... யார் என்பதை நெட்டிசன்கள் டீகோட் செய்து வருகிறார்கள். அந்த வகையில் பிக் பாஸ் சீசன் 10ல் கலந்துகொள்ள உள்ள போட்டியாளர்கள் யார்... யார் என்பதை பார்க்கலாம்.

Bigg Boss Common Man : பிக் பாஸ் காமன்மேன் நிகழ்ச்சியில் முனியம்மாவுக்கு செக் வைத்த டீம்! ஷாப்பிங் டாஸ்க்கில் வெடித்த சர்ச்சை

பிக் பாஸ் ப்ரோமோவில் இடம்பெற்ற ஒருவர் லட்சுமி ப்ரியா என கூறப்படுகிறது. இவர் விஜய் டிவியில் ஒளிபரப்பான மகாநதி என்கிற பிளாக்பஸ்டர் ஹிட் சீரியலில் நாயகியாக நடித்திருந்தார். அந்த சீரியல் 1000 எபிசோடுகளை கடந்து ஒளிபரப்பான நிலையில், அதனை இந்த ஆண்டு தான் முடிவுக்கு கொண்டு வந்தனர். அந்த சீரியல் முடிந்த கையோடு லட்சுமி ப்ரியா, பிக் பாஸுக்கு பெட்டி படுக்கையோடு கிளம்பி இருக்கிறார் போல தெரிகிறது. இந்நிகழ்ச்சி மூலம் இவருக்கு ரசிகர் பட்டாளம் பெருகுமா என்பதை பொறுத்திருந்து பார்க்கலாம்.

இந்த ஆண்டு பிக் பாஸ் நிகழ்ச்சியில் களமிறக்கப்பட உள்ள மற்றொரு விஜய் டிவி ப்ராடக்ட் தான் இந்த நவீன். இவர் விஜய் டிவியில் ஒளிபரப்பாகும் சின்ன மருமகள் சீரியலில் நாயகனாக நடித்து வருகிறார். இந்த சீரியல் ஆரம்பிக்கப்பட்டபோது அதன் ப்ரமோஷனுக்காக உள்ளே சென்ற நவீன், தற்போது அந்நிகழ்ச்சியில் ஒரு போட்டியாளராக களமிறங்க உள்ள தகவல் பலரையும் ஆச்சர்யத்தில் ஆழ்த்தி உள்ளது. நவீன் உள்ளே சென்றுவிட்டால் சின்ன மருமகள் சீரியல் நிலைமை என்ன ஆகும் என்பது தான் தற்போது கேள்விக்குறியாக உள்ளது.

பிக் பாஸ் சீசன் 10-ல் எண்ட்ரி கொடுக்க உள்ள மற்றொரு விஜய் டிவி பிரபலம் டாலி. இவர் சுனிதாவின் ஜெராக்ஸ் காஃபி என்றே சொல்லலாம். ஏனெனில் சுனிதாவை போல் இவரும் வடமாநிலத்தை சேர்ந்தவர். தற்போது குக் வித் கோமாளி நிகழ்ச்சியில் கோமாளியாக இடம்பெற்று வருகிறார். சுனிதாவுக்கு பிக் பாஸ் நிகழ்ச்சி மூலம் எதிர்ப்பு தான் நிறைய கிடைத்தது. அதனால் டாலி அதையெல்லாம் தவிடுபொடி ஆக்கி மக்கள் மனதை வெல்வார் என எதிர்பார்க்கப்படுகிறது.

இந்த ஆண்டு புதிய முயற்சியாக பிக் பாஸ் நிகழ்ச்சியில் பொதுமக்களில் இருந்து சிலரை உள்ளே அனுப்ப முடிவு செய்து, அவர்களுக்காக காமன்மேன் என்கிற நிகழ்ச்சி ஒன்றை நடத்தினர். அதில் இருந்து மூன்று பேர் தேர்வாகி உள்ளதாக கூறப்படுகிறது. அவர்கள் யாரென்றால், கரிஷ்மா, முனியம்மா மற்றும் ஜேசன் தான். இதில் முனியம்மா தான் அதிகம் எதிர்பார்க்கப்படும் போட்டியாளராக இருந்து வருகிறார். அவரின் எண்ட்ரியால் பிக்பாஸ் நிகழ்ச்சி களைகட்டும் என எதிர்பார்க்கப்படுகிறது.

Bigg Boss Tamil 10 : சினிமா கனவோடு பிக் பாஸ் வந்துள்ள சீரியல் ஹீரோ... யார் இந்த வினோத் பாபு?

Ganesh A — Sun, 06 Sep 2026 18:55:37 +0530

Bigg Boss Contestant Vinoth Babu : பிக் பாஸ் தமிழ் சீசன் 10 நிகழ்ச்சியில் போட்டியாளராக களமிறங்கி இருக்கிறார் நடிகர் வினோத் பாபு. அவரைப்பற்றி இந்த தொகுப்பில் விரிவாக பார்க்கலாம்.

பிக் பாஸ் நிகழ்ச்சியின் 10வது சீசன் பிரம்மாண்டமாக தொடங்கி உள்ளது. அந்நிகழ்ச்சியின் ஓப்பனிங் எபிசோடு எப்போதுமே எதிர்பார்ப்பை எகிற வைக்கும். ஏனெனில் இந்த சீசனில் யார் யாரெல்லாம் போட்டியாளராக களமிறங்கப்போகிறார்கள் என்பதை ஓப்பனிங் எபிசோடில் தான் அறிவிப்பார்கள். அந்த வகையில் இந்த பிக் பாஸ் சீசன் 10 ஓப்பனிங் எபிசோடு சற்று வித்தியாசமானதாக இருந்தது. இதில் மூன்று போட்டியாளர்கள் ஒரே நேரத்தில் வரவேற்கப்பட்டு அவர்களில் யார் உள்ளே செல்லலாம் என்பதை மக்களே தேர்ந்தெடுக்கலாம் என அறிவிக்கப்பட்டு, அந்த மூவரில் இருந்து அதிக ஓட்டு வாங்கிய இருவர் உள்ளே செல்ல முடியும்.

Bigg Boss Tamil Season 10 House : சீசன் 10-க்காக டோட்டலாக மாறிய பிக் பாஸ் வீடு? அதில் இம்புட்டு வசதிகளா?

அப்படி இந்த சீசனில் உள்ளே சென்றிருக்கிறார் நடிகர் வினோத் பாபு. இவரும் ஒரு விஜய் டிவி புராடக்ட் தான். இவர் விஜய் டிவியில் ஒளிபரப்பான கலக்கப்போவது யாரு நிகழ்ச்சியில் மிமிக்ரி கலைஞராக பங்கேற்று தன்னுடைய திறமையை நிரூபித்தார். இதையடுத்து சீரியலுக்குள் காலடி எடுத்து வைத்த வினோத் பாபு, விஜய் டிவியில் ஒளிபரப்பான ‘தென்றல் வந்து என்னை தொடும்’ சீரியலில் நாயகனாக நடித்திருந்தார். அந்த சீரியல் 2021ம் ஆண்டு தொடங்கப்பட்டு, சுமார் 2 ஆண்டுகள் வெற்றிகரமாக ஒளிபரப்பானது.

Kumaran in Bigg Boss: பிக்பாஸ் வீட்டில் ‘பாண்டியன் ஸ்டோர்ஸ்’ கதிர்.. ரசிகர்களுக்கு வேற லெவல் சர்ப்ரைஸ்!

இவர் தன்னுடைய மனைவி உடன் மிஸ்டர் அண்ட் மிஸ்சஸ் சின்னத்திரை என்கிற ரியாலிட்டி ஷோவிலும் பங்கேற்றார். அந்நிகழ்ச்சி கடந்த 2020ம் ஆண்டு விஜய் டிவியில் ஒளிபரப்பானது. அந்த நிகழ்ச்சியில் இரண்டாவது சீசனில் வினோத் பாபு டைட்டில் வின்னராக தேர்வு செய்யப்பட்டார். இதன்பின்னர் 2024ம் ஆண்டு சினிமாவுக்குள் காலடி எடுத்து வைத்த வினோத் பாபு, ஃபைண்டர் என்கிற படத்தில் நடித்தார். அப்படத்தை வினோத் ராஜேந்திரன் என்பவர் இயக்கி இருந்தார். அதன்பின்னர் பெரியளவில் அவருக்கு சினிமாவில் வாய்ப்பு கிடைக்கவில்லை.

Lakshmi Priya in BB house: ‘மகாநதி’ காவேரி இனி பிக்பாஸ் வீட்டில் - லட்சுமி பிரியாவின் புதிய பயணம் ஆரம்பம்!

இந்த பிக் பாஸ் நிகழ்ச்சியில் கலந்துகொள்வதன் மூலமாக சினிமா வாய்ப்பை தட்டி தூக்கும் கனவோடு வந்திருக்கிறார் வினோத் பாபு. அவரின் ஆசை நிறைவேறுமா என்பதை பொறுத்திருந்து தான் பார்க்க வேண்டும். இவர் பிக் பாஸ் வீட்டுக்குள் செல்வதால் மிமிக்ரி மூலம் அனைவரையும் எண்டர்டெயின் செய்வார் என்பது உறுதியாக தெரிகிறது. இவர் தன்னுடைய நகைச்சுவை திறமையை தாண்டி, தன்னுள் இருக்கும் நடிப்புத் திறமையையும் வெளிப்படுத்தும் முனைப்போடு உள்ளே சென்றுள்ளார். அது அவருக்கு எந்த அளவு கைகொடுக்கும் என்பதை வெயிட் பண்ணி பார்க்கலாம்.

Black Pandi in Bigg Boss: சிரிக்க வைத்த பாண்டி..இனி போட்டியாளராக மிரட்டுவாரா? பிக்பாஸ் 10-ல் பிளாக் பாண்டி!

Bigg Boss Title Winners : 10வது சீசன் ஸ்டார்ட் ஆகப்போகுது... இதுவரை 9 சீசன்களில் பிக் பாஸ் டைட்டிலை தட்டிதூக்கியது யார்... யார்?

Ganesh A — Fri, 04 Sep 2026 10:00:28 +0530

Bigg Boss Tamil Title Winners : பிக் பாஸ் தமிழ் சீசன் 10 நிகழ்ச்சி இந்த வாரம் தொடங்கப்பட உள்ள நிலையில், இதுவரை நடந்து முடிந்த 9 சீசன்களில் யார்... யார் டைட்டில் வென்றார்கள் என்பதை பார்க்கலாம்.

தமிழ் சின்னத்திரையில் ரசிகர்களிடம் மிகப்பெரிய வரவேற்பை பெற்ற ரியாலிட்டி நிகழ்ச்சிகளில் ஒன்றாக இருப்பது பிக் பாஸ் தமிழ். போட்டியாளர்களின் விளையாட்டு, கருத்து மோதல்கள், நட்பு, காதல், சண்டை என ஒவ்வொரு சீசனும் தனக்கென ஒரு பரபரப்பான அனுபவத்தை ரசிகர்களுக்கு கொடுத்து வருகிறது. இதுவரை நடைபெற்ற சீசன்களில் பல்வேறு போட்டியாளர்கள் களமிறங்கிய நிலையில், இறுதியில் மக்கள் ஆதரவு அடிப்படையில் சிலர் டைட்டிலை தட்டிச் சென்றுள்ளனர். முதல் சீசனில் இருந்து 9வது சீசன் வரை பிக் பாஸ் தமிழ் டைட்டிலை வென்றவர்கள் யார் என்பதை பார்க்கலாம்.

பிக் பாஸ் தமிழின் முதல் சீசனில் டைட்டிலை கைப்பற்றியவர் ஆரவ் நஃபீஸ். ஆரம்ப சீசனில் இருந்த போட்டியாளர்களில் ரசிகர்களின் கவனத்தை அதிகம் ஈர்த்தவராகவும் இவர் இருந்தார்.

குறிப்பாக ஓவியாவுடன் ஆரவுக்கு இருந்த நெருக்கம் மற்றும் அவர்களுக்கிடையேயான சம்பவங்கள் இன்றளவும் பிக் பாஸ் ரசிகர்களால் பேசப்படும் விஷயமாக உள்ளது. பிக் பாஸ் நிகழ்ச்சிக்குப் பிறகு சினிமாவில் கவனம் செலுத்தி வரும் ஆரவ், அஜித்குமார் நடித்த விடாமுயற்சி படத்திலும் முக்கிய கதாபாத்திரத்தில் நடித்துள்ளார்.

Bigg Boss 10 : பிரபல கிரிக்கெட் வீரர்... ஜீ தமிழ் சீரியல் ஹீரோயின் என நீளும் பிக் பாஸ் சீசன் 10 போட்டியாளர் பட்டியல்

இரண்டாவது சீசனில் வெற்றி பெற்றவர் நடிகை ரித்விகா. இதன் மூலம் பிக் பாஸ் தமிழ் வரலாற்றில் டைட்டிலை வென்ற முதல் பெண் போட்டியாளர் என்ற சிறப்பையும் அவர் பெற்றார்.

ஏற்கனவே தமிழ் சினிமாவில் தனது நடிப்பால் அறிமுகமான ரித்விகா, பா. ரஞ்சித் இயக்கத்தில் வெளியான கபாலி திரைப்படத்தில் ரஜினிகாந்துடன் நடித்திருந்தார். பிக் பாஸ் வெற்றிக்குப் பின்னரும் தொடர்ந்து திரைப்படங்களில் தனது கவனத்தை செலுத்தி வருகிறார்.

மூன்றாவது சீசனின் வெற்றிக் கோப்பையை முகென் ராவ் கைப்பற்றினார். மலேசியாவைச் சேர்ந்த முகென், பாடகர் மற்றும் நடிகராகவும் ரசிகர்களிடம் பிரபலமானவர்.

பிக் பாஸ் வீட்டில் தனது தனித்துவமான அணுகுமுறையால் கவனம் பெற்ற அவர், இறுதியில் டைட்டிலை வென்று அசத்தினார். நிகழ்ச்சிக்குப் பிறகு திரைப்படங்கள், தொலைக்காட்சி நிகழ்ச்சிகள், விளம்பரங்கள் மட்டுமின்றி இசைத் துறையிலும் தொடர்ந்து பயணித்து வருகிறார்.

நான்காவது சீசனில் வெற்றியைப் பெற்றவர் நடிகர் ஆரி அர்ஜுனன். பிக் பாஸ் வீட்டில் தனது கருத்துகள் மற்றும் செயல்பாடுகளால் ரசிகர்களிடையே தனி இடத்தைப் பிடித்த போட்டியாளர்களில் இவரும் ஒருவர்.

நடிப்பு மட்டுமின்றி தொலைக்காட்சி நிகழ்ச்சிகளை தொகுத்து வழங்குவது, சமூகப் பணிகள் மற்றும் உடற்பயிற்சி தொடர்பான செயல்பாடுகளிலும் ஆரி தொடர்ந்து ஈடுபட்டு வருகிறார்.

பிக் பாஸ் சீசன் 5-ன் டைட்டிலை வென்றவர் நடிகரும் தொகுப்பாளருமான ராஜு ஜெயமோகன். நிகழ்ச்சியில் தனது நகைச்சுவை உணர்வு மற்றும் இயல்பான அணுகுமுறையால் ரசிகர்களை கவர்ந்தார்.

சின்னத்திரையில் பல்வேறு நிகழ்ச்சிகளில் பணியாற்றியுள்ள ராஜு, நடிப்பிலும் தனது பயணத்தை தொடர்ந்து வருகிறார். கனா காணும் காலங்கள் தொடரின் மூலம் சின்னத்திரையில் அறிமுகமான அவர், பின்னர் பல்வேறு வாய்ப்புகளை பெற்றார்.

ஆறாவது சீசனின் வெற்றியாளர் சின்னத்திரை நடிகர் முகமது அசீம். பிக் பாஸ் வீட்டில் அவரது விளையாட்டு மற்றும் அணுகுமுறை குறித்து ஆதரவும் விமர்சனங்களும் ஒருசேர எழுந்தன.

சீரியல் ரசிகர்களுக்கு ஏற்கனவே பரிச்சயமான முகமாக இருந்த அசீம், பகல் நிலவு, தெய்வம் தந்த வீடு, மாயா உள்ளிட்ட தொடர்களில் நடித்துள்ளார். பிக் பாஸ் டைட்டில் அவரது பிரபலத்தை மேலும் அதிகரித்தது.

ஏழாவது சீசனில் டைட்டிலை தட்டிச் சென்றவர் சின்னத்திரை நடிகை அர்ச்சனா ரவிச்சந்திரன். வைல்டு கார்டு போட்டியாளராக பிக் பாஸ் வீட்டிற்குள் நுழைந்து டைட்டிலை வென்ற முதல் போட்டியாளர் என்ற பெருமையை அவர் பெற்றார்.

நிகழ்ச்சியில் தனது பேச்சு, அணுகுமுறை மற்றும் விளையாட்டு மூலம் ரசிகர்களின் ஆதரவைப் பெற்ற அர்ச்சனா, பிக் பாஸ் வீட்டிற்கு வருவதற்கு முன்பே சின்னத்திரை ரசிகர்களிடம் அறிமுகமானவர்.

பிக் பாஸ் தமிழ் 8வது சீசனின் டைட்டிலை முத்துக்குமரன் வென்றார். 2024ம் ஆண்டு அக்டோபர் 6ஆம் தேதி தொடங்கிய இந்த சீசன் இறுதிக்கட்டத்தை எட்டியபோது, முத்துக்குமரனின் விளையாட்டு ரசிகர்கள் மத்தியில் அதிக கவனத்தை பெற்றது.

அவரைத் தொடர்ந்து வி.ஜே. விஷால் இரண்டாவது இடத்தையும், சவுந்தர்யா மூன்றாவது இடத்தையும், ரயான் நான்காவது இடத்தையும், பவித்ரா ஐந்தாவது இடத்தையும் பிடித்தனர்.

பிக் பாஸ் நிகழ்ச்சியின் 9-வது சீசனில் திவ்யா கணேஷ் டைட்டில் வின்னராக தேர்வு செய்யப்பட்டார். இந்நிகழ்ச்சியில் வைல்டு கார்டு எண்ட்ரியாக உள்ளே வந்த திவ்யா கணேஷ், மக்கள் மனதை வென்றதோடு, அதிக வாக்குகளை பெற்று வெற்றி பெற்றார். இந்நிகழ்ச்சியில் சபரி இரண்டாம் இடம் பிடித்தார். இதற்கு அடுத்தபடியாக விக்கல்ஸ் விக்ரம் மூன்றாம் இடத்தையும் அரோரா நான்காம் இடத்தையும் பிடித்தனர்.

Bigg Boss Tamil 10 : விமர்சகர் பிரசாந்தை விட அதிக ஓட்டு வாங்கி பிக் பாஸ் வீட்டுக்குள் சென்றவர் - யார் இந்த ஜாவித்?

Ganesh A — Sun, 06 Sep 2026 20:38:24 +0530

Bigg Boss Contestant Javeed : பிக் பாஸ் சீசன் 10 நிகழ்ச்சியின் ஓப்பனிங் மேடையில் பிரபல விமர்சகர் பிரசாந்தை ஓட்டிங்கில் தோற்கடித்து பிக் பாஸ் வீட்டிற்குள் சென்றுள்ளார் ஜாவித். அவர் யார் என்பதை பார்க்கலாம்.

மாடலிங் துறையில் தனது பயணத்தைத் தொடங்கி, நடிப்பில் தடம் பதிக்க காத்திருக்கும் இளம் திறமைசாலியான ஜாவித் ஷெரீஃப், தற்போது பிக் பாஸ் தமிழ் சீசன் 10ல் போட்டியாளராக களமிறங்கி உள்ளார். கேமரா முன் பணியாற்றிய அனுபவம் கொண்ட ஜாவித், மாடலிங் மூலம் பொழுதுபோக்கு உலகில் தனது அடையாளத்தை உருவாக்கி வருகிறார். அதே நேரத்தில், நடிப்பின் மீதான ஆர்வத்தையும் தொடர்ந்து வளர்த்து வருவதாக கூறப்படுகிறது. இதனால், சினிமா மற்றும் தொலைக்காட்சி ரசிகர்களிடம் தனது பெயரை கொண்டு செல்ல பிக் பாஸ் போன்ற மிகப்பெரிய மேடை அவருக்கு முக்கியமான வாய்ப்பாக அமையக்கூடும்.

Bigg Boss Tamil 10 : மாற்றம் தேடி பிக் பாஸ் வந்த மதுரைப் பொண்ணு... யார் இந்த முத்தழகி?

மாடலிங் துறையில் கிடைத்த அனுபவம், கேமரா முன் தன்னம்பிக்கையுடன் செயல்படுவதற்கு அவருக்கு பலமாக இருக்கலாம். ஆனால், பிக் பாஸ் வீடு என்பது கேமரா முன் நிற்பதைத் தாண்டி, போட்டி, மன அழுத்தம், உறவுகள் மற்றும் எதிர்பாராத சூழ்நிலைகளை எதிர்கொள்ள வேண்டிய களம். எனவே, அந்த சூழலில் ஜாவித்தின் அணுகுமுறை எப்படி இருக்கும் என்பதும் ரசிகர்கள் மத்தியில் எதிர்பார்ப்பை ஏற்படுத்தியுள்ளது.

இளம் தலைமுறையைச் சேர்ந்த மாடல் மற்றும் வளரும் நடிகர் என்ற அடையாளத்துடன் பிக் பாஸ் தமிழ் 10 நிகழ்ச்சியில் அவர் நுழைந்துள்ளதால், அவரது ரசிகர் வட்டம் மேலும் விரிவடைய வாய்ப்புள்ளது. குறிப்பாக, நடிப்புத் துறையில் அடுத்த கட்டத்தை நோக்கி நகரத் தயாராகி வரும் ஜாவித்துக்கு இந்த நிகழ்ச்சி ஒரு பெரிய அறிமுக மேடையாக அமையலாம். குறிப்பாக பிக் பாஸிற்கு வந்து தமிழ் சினிமாவில் இளம் நடிகராக வலம் வந்துகொண்டிருக்கும் ஹரிஷ் கல்யாணைப் போல ஜாவித் இருப்பதாக நெட்டிசன்கள் கூறி வருகின்றனர்.

ஜாவித் சுமார் 10 ஆண்டுகளாக தனியார் நிறுவனம் ஒன்றில் பணியாற்றி வந்திருக்கிறார். அவருக்கு பெரியளவில் அங்கீகாரம் எதுவும் கிடைக்காததால், தன் வேலையை தூக்கி எறிந்துவிட்டு, தனக்கான அங்கீகாரத்தை மக்கள் மத்தியில் பெற பிக்பாஸ் நிகழ்ச்சிக்கு வந்திருக்கிறார் ஜாவித். இவர் தன்னுடைய இலக்கை நோக்கி பயணித்தால் நிச்சயம் இறுதிவரை முன்னேற வாய்ப்பு உள்ளது. இவருக்கு தற்போதே ரசிகைகள் கூட்டம் பெருக ஆரம்பித்துவிட்டது. இந்த சீசன் முடிவதற்குள் செலிபிரிட்டியாக மாறிவிடுவார் என்பது மட்டும் உறுதியாக தெரிகிறது.

Lakshmi Priya in BB house: ‘மகாநதி’ காவேரி இனி பிக்பாஸ் வீட்டில் - லட்சுமி பிரியாவின் புதிய பயணம் ஆரம்பம்!

Vishnupriya — Sun, 06 Sep 2026 14:00:09 +0530

Lakshmi Priya in BB house: மகாநடி சீரியலில் காவேரியாக மனதில் இடம்பிடித்த லட்சுமி பிரியா, தற்போது பிக்பாஸ் தமிழ் 10-வது சீசனில் போட்டியாளராக களமிறங்க உள்ளார்.

விஜய் சேதுபதி தொகுத்து வழங்கும் பிக்பாஸ் தமிழ் சீசன் 10 இன்று மாலை 6 மணிக்கு பிரம்மாண்டமாக தொடங்குகிறது. இந்த சீசனில் தொலைக்காட்சி, சினிமா பிரபலங்கள், மாடல்கள், யூடியூபர்கள் உள்ளிட்ட Celebrity போட்டியாளர்களுடன் சேர்ந்து Common Man-களுக்கும் பங்கேற்கின்றனர். அந்த பட்டியலில், ரசிகர்களிடம் ‘காவேரி’யாக மனதில் இடம்பிடித்த லட்சுமி பிரியா, தற்போது பிக்பாஸ் வீட்டுக்குள் போட்டியாளராக களமிறங்க உள்ளார்.

நடிகை லட்சுமி பிரியா, 1993-ம் ஆண்டு ஜூலை 18-ம் தேதி பிறந்தவர். பிரபலமான SRM கல்லூரியில் தனது கல்லூரிப் படிப்பை முடித்துள்ளார். சிறு வயது முதலே சினிமாவில் நடிக்க வேண்டும் என்ற ஆர்வம் கொண்டிருந்த இவர், கல்லூரிப் படிப்பை நிறைவு செய்த பிறகு மாடலிங் துறையில் தனது கவனத்தை செலுத்தத் தொடங்கியுள்ளார்.

மாடலிங் துறையில் தனது திறமையை வெளிப்படுத்திய லட்சுமி பிரியா, தொடர்ந்து பல்வேறு விளம்பரங்களிலும் நடித்துள்ளார். குறிப்பாக, 2018-ம் ஆண்டு நடைபெற்ற ‘Miss Miraki’ அழகிப் போட்டியில் பட்டம் வென்றது, அவரது மாடலிங் பயணத்தில் முக்கியமான திருப்புமுனையாக அமைந்தது. இந்த வெற்றிக்குப் பிறகே சின்னத்திரை மற்றும் நடிப்பு துறையில் அவருக்கான வாய்ப்புகள் அதிகரிக்கத் தொடங்கியுள்ளது.

லட்சுமி பிரியாவை ரசிகர்கள் அதிகம் அறிந்துகொண்டது 2023-ல் விஜய் டிவியில் தொடங்கிய ‘மகாநதி’ சீரியல் மூலமாகத்தான். இதில், காவேரி என்ற முக்கிய கதாபாத்திரத்தில் நடித்து ரசிகர்கள் மனதில் நீங்க இடம் பிடித்தார்.

குடும்ப உறவுகள், காதல், பிரிவு, உணர்ச்சிப் போராட்டங்கள் என பல்வேறு சூழல்களில் காவேரி கதாபாத்திரத்தை அவர் வெளிப்படுத்திய விதம் ரசிகர்களிடம் நல்ல வரவேற்பை பெற்று, அவருக்கென்று தனி ரசிகர்கள் பட்டாளமே உருவானது.

லட்சுமி பிரியாவின் பயணம் சின்னத்திரையுடன் நின்றுவிடாமல், தமிழ் சினிமாவிலும் பன்னிக்குட்டி (Pannikutty), பத்து தல (Pathu Thala), ‘The Road' (2023), ‘Trip’ உள்ளிட்ட திரைப்படங்களிலும் அவர் நடித்துள்ளது குறிப்பிடத்தக்கது.

மேலும், விஜய் டிவியின் ‘Super Singer’ நிகழ்ச்சியிலும் தொகுப்பாளராக தோன்றியுள்ளார். பிரியங்கா தேஷ்பாண்டே இல்லாத ஒரு எபிசோடில் அவருக்குப் பதிலாக லட்சுமி பிரியா தொகுத்து வழங்கியது ரசிகர்களிடையே கவனம் பெற்றது.

இதுதான் தற்போது ரசிகர்களின் மிகப்பெரிய எதிர்பார்ப்பு. இதுவரை சீரியல் ரசிகர்களிடம் ‘காவேரி’யாக மனதில் இடம்பிடித்த லட்சுமி பிரியா, தற்போது பிக்பாஸ் தமிழ் சீசன் 10 வீட்டுக்குள் போட்டியாளராக களமிறங்க உள்ளார்.

பிக்பாஸ் வீட்டில் தினசரி டாஸ்க்குகள், கருத்து வேறுபாடுகள், நட்பு, நாமினேஷன் என பல்வேறு சூழல்கள் உருவாகும். சீரியலில் நடித்த அனுபவம் கொண்ட லட்சுமி பிரியா, அந்த அனுபவத்தை ரியாலிட்டி ஷோவில் எப்படி பயன்படுத்துகிறார் என்பதையும் ரசிகர்கள் கவனிக்க உள்ளனர்.

மேலும், கடந்த ஆண்டு பிக்பாஸ் நிகழ்ச்சியில் தான் பங்கேற்கவில்லை என விளக்கம் அளித்திருந்த நிலையில், இந்த ஆண்டு அதே நிகழ்ச்சிக்குள் போட்டியாளராக அவர் நுழைந்திருப்பது ரசிகர்களின் கவனத்தை ஈர்த்துள்ளது.

‘மகாநதி’ காவேரி இனி பிக்பாஸ் வீட்டில். திரையில் பார்த்த அந்த அமைதியான முகத்துக்கு பின்னால் இருக்கும் உண்மையான லட்சுமி பிரியா எப்படி இருப்பார்? என்பதை தெரிந்துகொள்ள ரசிகர்கள் ஆர்வமாக காத்திருக்கின்றனர். இந்த சீசனில் சின்னத்திரை ரசிகர்களை அதிகம் கவரக்கூடிய போட்டியாளர்களில் லட்சுமி பிரியாவும் ஒருவராக மாற வாய்ப்புள்ளது.

Bigg Boss Common Man : பிக் பாஸ் காமன்மேன் நிகழ்ச்சியில் முனியம்மாவுக்கு செக் வைத்த டீம்! ஷாப்பிங் டாஸ்க்கில் வெடித்த சர்ச்சை

Ganesh A — Tue, 25 Aug 2026 16:21:40 +0530

Bigg Boss Common Man Task : பிக் பாஸ் காமன்மேன் நிகழ்ச்சியில் போட்டியாளராக உள்ள முனியம்மா, ஷாப்பிங் டாஸ்கில் சக போட்டியாளர்களிடம் கடும் எதிர்ப்பை சந்தித்துள்ளார். அதைப்பற்றி பார்க்கலாம்.

பிக் பாஸ் காமன்மேன் நிகழ்ச்சியின் 10வது எபிசோடில் நடைபெற்ற ஷாப்பிங் டாஸ்க், முனியம்மாவுக்கு எதிர்பாராத சிக்கலை ஏற்படுத்தியுள்ளது. வழக்கமாக தன்னுடைய வெளிப்படையான பேச்சால் கவனம் ஈர்த்து வந்த முனியம்மா, இந்த முறை தனது சொந்த அணியினரிடமிருந்தே பல்வேறு குற்றச்சாட்டுகளை எதிர்கொண்டார். குறிப்பாக, தாங்கள் சொல்வதை கேட்காமல், மீண்டும் மீண்டும் வேறு விதமாக கூறுவதாக சில போட்டியாளர்கள் குற்றம்சாட்டியதால், அவர் ஒருகட்டத்தில் செய்வதறியாமல் தடுமாறிய காட்சிகளும் இடம்பெற்றன.

இந்த ஷாப்பிங் டாஸ்க்கில் ஒவ்வொரு அணியினரும் தாங்கள் வாங்கிய பொருட்களை அடிப்படையாக வைத்து ஒரு சுவாரஸ்யமான கதையை உருவாக்கி, அதை பிக் பாஸ் வீட்டில் நகைச்சுவையாகவும் பொழுதுபோக்காகவும் சொல்ல வேண்டும். அந்த வகையில் முனியம்மா இடம்பெற்ற அணியும் தங்களுக்கான கதையைத் தயாரிக்கும் பணியில் ஈடுபட்டிருந்தது. முனியம்மா மற்றும் திவ்யா இடம்பெற்ற அணியில் அடுத்ததாக யார் மேடைக்குச் செல்வது என்பது தொடர்பாக ஆலோசனை நடைபெற்றுக் கொண்டிருந்தது. அப்போது முனியம்மா மற்றும் டர்வின் ஆகியோர் தாங்களாகவே முன்வந்து கதையைச் சொல்ல ஒப்புக்கொண்டனர். ஆனால், அவர்கள் எந்த மாதிரியான கதையைத் தயாரித்திருக்கிறார்கள் என்பதை அணியினர் தெரிந்துகொள்ள விரும்பினர்.

இதனால் முனியம்மாவிடம் பலமுறை கதையின் விவரங்களை கேட்டுள்ளனர். ஆனால், தான் கதை சொல்லும் முறையை மற்றவர்கள் கவனிக்க வேண்டும் என்பதற்காக அதை முன்கூட்டியே கூறவில்லை என்று முனியம்மா விளக்கம் அளித்தார். மேலும், தன்னை தொடர்ந்து கேள்வி கேட்டதால் தன்னுடைய கவனம் திசைதிருப்பப்பட்டதாகவும் அவர் கூறினார்.

Bigg Boss 10 : ஓடவும் முடியாது... ஒளியவும் முடியாது..! அதகளமாக ஆரம்பமாகும் பிக் பாஸ் சீசன் 10 - தேதி அறிவித்த விஜய் சேதுபதி..!

அப்போது ராஜு, அணிக்குள் ஒருங்கிணைப்பு இருக்க வேண்டும் என்றால், குறைந்தபட்சம் கதையின் அடிப்படையையாவது சக போட்டியாளர்களிடம் பகிர்ந்திருக்க வேண்டும் என கேள்வி எழுப்பினார். அதற்கு பதிலளித்த முனியம்மா, தன்னிடம் பேசுவதற்கான வாய்ப்பே வழங்கப்படவில்லை என்றும், தன்னை கதை சொல்ல வேண்டாம் என்று கூறியதாகவும் தெரிவித்தார். அந்த வார்த்தையை யார் சொன்னது என கேட்கப்பட்டபோது, திவ்யாவின் பெயரை அவர் குறிப்பிட்டார்.

இதையடுத்து சரண்யா உள்ளிட்ட போட்டியாளர்கள் தங்களுடைய தரப்பை விளக்கினர். முனியம்மா என்ன கதை சொல்லப் போகிறார் என்பதை தெரிந்துகொள்ளவே தாங்கள் கேட்டதாகவும், அவருக்கு உதவி செய்யும் நோக்கத்திலேயே அந்த விவரங்களை கேட்டதாகவும் அவர்கள் தெரிவித்தனர். ஆனால், முனியம்மா அதை ஏற்றுக்கொள்ளவில்லை என்றும் கூறினர்.

சம்யுக்தாவும் முனியம்மாவின் அணுகுமுறை குறித்து தனது கருத்தை தெரிவித்தார். மேடைக்குச் சென்று கதையைச் சொல்ல வேண்டும் என்பதில் மட்டுமே அவர் கவனம் செலுத்தியதாகவும், அணியினரின் ஆலோசனைகளை கேட்கும் மனநிலையில் அவர் இல்லை என்றும் கூறினார். மற்றவர்களின் உதவியை ஏற்றுக்கொள்ளாமல் தனியாக செயல்பட முயன்றதாகவும் சிலர் குற்றம்சாட்டினர்.

ஒருபுறம் முனியம்மா தனது தரப்பை விளக்கிக் கொண்டிருக்க, மறுபுறம் சோபா உள்ளிட்ட போட்டியாளர்கள், தாங்கள் பலமுறை உதவ முன்வந்தும் முனியம்மாதான் அதை மறுத்ததாக தெரிவித்தனர். இதனால் ஒரே சம்பவம் குறித்து இரு தரப்பிலும் முற்றிலும் மாறுபட்ட கருத்துகள் முன்வந்தன.

இவ்வளவு விவாதங்களுக்குப் பிறகு இறுதியாக டாஸ்க் தொடங்கியது. முனியம்மாதான் கதையை முதலில் சொல்லத் தொடங்கினார். ஆனால், கதை நகர்ந்துகொண்டிருந்தபோது சில ஆங்கில வார்த்தைகளின் அர்த்தம் அவருக்குப் புரியாமல் போக, ஒரு கட்டத்தில் அவர் தொடர்ந்து பேச முடியாமல் தடுமாறினார்.

மேலும், கதையின் ஒரு பகுதியில் எதிர்பாராத விதமாக சில சிக்கலான வார்த்தைகள் மற்றும் சம்பவங்கள் இடம்பெற்றதால், அதை அடுத்தடுத்து எப்படி எடுத்துச் செல்வது என்பது குறித்து முனியம்மாவுக்கு குழப்பம் ஏற்பட்டது. இதனால் அவர் கதையை முழுமையாக முடிக்க முடியாமல் தடுமாற, பின்னர் டர்வின் கதையைத் தொடர்ந்து சொல்ல வேண்டிய சூழல் ஏற்பட்டது.

இந்த சம்பவத்தின்போது முனியம்மா என்ன செய்வது என்று தெரியாமல் ஒருவித குழப்பத்துடன் நின்ற காட்சியும் பார்வையாளர்களின் கவனத்தை ஈர்த்தது. ஆரம்பத்தில் பிக் பாஸ் வீடு தனக்கு எளிதாக இருக்கும் என்ற நம்பிக்கையில் இருந்ததாக தோன்றிய முனியம்மாவுக்கு, இந்த டாஸ்க் உண்மையில் சவாலான அனுபவமாக அமைந்துள்ளது.

குறிப்பாக, சொந்த அணியினரிடமிருந்தே தொடர்ச்சியாக விமர்சனங்கள் வந்ததும், டாஸ்க்கின்போது ஏற்பட்ட தடுமாற்றமும் அவருக்கு மனதளவில் அழுத்தத்தை ஏற்படுத்தியிருக்கலாம் என தெரிகிறது. இதுவரை வெளிப்படையாகவும் வெள்ளந்தியாகவும் பேசிவந்த முனியம்மா, இந்த சம்பவத்துக்குப் பிறகு சற்று திணறிய நிலையில் காணப்பட்டார்.

பிக் பாஸ் வீட்டில் ஒரு சிறிய டாஸ்க் கூட போட்டியாளர்களுக்குள் இருக்கும் கருத்து வேறுபாடுகளை வெளிக்கொண்டு வரும் என்பதற்கு இந்த சம்பவம் மற்றொரு உதாரணமாக அமைந்துள்ளது. இனிவரும் நாட்களில் முனியம்மா இந்த விமர்சனங்களை எப்படி எதிர்கொள்கிறார் என்பதுதான் ரசிகர்களின் எதிர்பார்ப்பாக உள்ளது.

Pradeep Antony : மனைவியை பிரிந்ததாக பரபரப்பு பதிவு... குழந்தையை நினைத்து உருக்கம் - பிக் பாஸ் பிரதீப் ஆண்டனிக்கு என்ன ஆச்சு?

Ganesh A — Wed, 02 Sep 2026 09:11:14 +0530

Bigg Boss Fame Pradeep Antony : நடிகரும் பிக் பாஸ் பிரபலமுமான பிரதீப் ஆண்டனியின் சமீபத்திய சமூக வலைதளப் பதிவு தற்போது ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.

பிரதீப் ஆண்டனி சில திரைப்படங்களில் நடித்திருந்தாலும், பிக் பாஸ் நிகழ்ச்சியில் பங்கேற்ற பிறகே அவருக்கு தனி ரசிகர் பட்டாளம் உருவானது. இதனைத் தொடர்ந்து கடந்த 2024-ம் ஆண்டு பூஜா என்பவரை திருமணம் செய்து கொண்டார். இந்த தம்பதிக்கு 2026 ஏப்ரல் மாதத்தில் ஆண் குழந்தை பிறந்ததாகவும் தெரிவிக்கப்பட்டுள்ளது. இந்நிலையில், தனது திருமண வாழ்க்கை குறித்து பிரதீப் ஆண்டனி வெளியிட்டுள்ள பதிவு பலரது கவனத்தையும் ஈர்த்துள்ளது. குழந்தையைப் பெற்றெடுக்கும் முன்பு, அதை வளர்க்கும் அளவுக்கு தன்னிடம் பக்குவம் இருக்கிறதா என்ற சந்தேகம் தனக்கு இருந்ததாக அவர் குறிப்பிட்டுள்ளார்.

டைட்டில் வின்னருக்கு கூட இப்படி ஒரு மரியாதை கிடைக்கல... பிக்பாஸுக்கு பின் பிரதீப்புக்கு கிடைத்த மாஸ் வரவேற்பு

நண்பர்களிடம் குழந்தையைப் பற்றியும், அதை வளர்ப்பது குறித்தும் தான் சில நேரங்களில் விளையாட்டாகப் பேசியதாகவும் அவர் தெரிவித்துள்ளார். ஆனால் குழந்தை பிறந்த பிறகு, அதன் மீது தனக்கு எதிர்பாராத அளவுக்கு பாசமும் பிணைப்பும் உருவானதாகவும் பிரதீப் கூறியுள்ளார். தனது கைகளில் இருக்கும் குழந்தை மகிழ்ச்சியாக இருப்பதைப் பார்க்கும்போது கிடைத்த உணர்வு ஒவ்வொரு நாளும் புதிதாக இருந்ததாகவும் அவர் உருக்கமாக பகிர்ந்துள்ளார். ஆனால் தற்போது அந்தக் குழந்தை தன்னுடன் இல்லை என்றும், குழந்தையுடன் மகிழ்ச்சியாக இருந்த கடைசி தருணம் நடந்து ஒரு மாதம் ஆகிவிட்டதாகவும் தனது பதிவில் தெரிவித்துள்ளார்.

மேலும், தனது குழந்தைக்கு ஒரு நல்ல குடும்பச் சூழலை உருவாக்க வேண்டும் என்றும், தான் வளர்ந்த சூழலிலிருந்து முற்றிலும் மாறுபட்ட ஒரு நல்ல வாழ்க்கையை குழந்தைக்கு கொடுக்க வேண்டும் என்றும் எப்போதும் ஆசைப்பட்டதாக பிரதீப் தெரிவித்துள்ளார். ஆனால் அந்த விஷயத்தில் தான் தோல்வியடைந்துவிட்டதாகவும் அவர் வேதனையுடன் குறிப்பிட்டுள்ளார். தனது திருமண வாழ்க்கை குறித்தும் பிரதீப் பல்வேறு கருத்துகளைப் பகிர்ந்துள்ளார். தான் தவறான நபரை திருமணம் செய்துவிட்டதாக நினைப்பதாகவும், இந்த உறவு தன்னை மனதளவில் மிகவும் பாதித்ததாகவும் அவர் தெரிவித்துள்ளார். இருவரின் எதிர்பார்ப்புகளும் வாழ்க்கை முறையும் முற்றிலும் மாறுபட்டிருந்ததால், தொடர்ந்து கருத்து மோதல்கள் ஏற்பட்டதாகவும் கூறியுள்ளார்.

முந்தைய உறவில் ஏற்பட்ட மனரீதியான பலவீனமான காலகட்டத்தில் தனக்குக் கிடைத்த அன்பை இறுக்கமாகப் பற்றிக் கொண்டதாகவும், அந்த முடிவு தற்போது தனக்கு மிகப்பெரிய இழப்பை ஏற்படுத்தியிருப்பதாகவும் பிரதீப் தெரிவித்துள்ளார். இந்த திருமண உறவிலிருந்து விலக முடிவு செய்ததற்கான காரணமாகவும் இதையே அவர் குறிப்பிட்டுள்ளார். மேலும், அந்த உறவில் தன்னால் சுதந்திரமாக இருக்க முடியவில்லை என்றும், தன்னைப் பற்றிய புரிதலும் அன்பும் குறைந்துவிட்டதாக உணர்வதாகவும் அவர் தெரிவித்துள்ளார்.

குறிப்பாக, தனது குழந்தைக்கு இதுவரை ஒரு பெயரைக்கூட தன்னால் வைக்க முடியவில்லை என்று பிரதீப் ஆண்டனி கூறியிருப்பது ரசிகர்களை மேலும் சோகத்தில் ஆழ்த்தியுள்ளது. தனது உணர்வுகளை வெளிப்படையாகப் பகிர்ந்த பிறகு பலர் தன்னை தொடர்புகொண்டு அமைதிப்படுத்த முயற்சிப்பதாகவும், ஆனால் மனதில் இருப்பதை முழுமையாகப் பேசுவதற்கு தனக்கு யாரும் இல்லை என்றும் அவர் தெரிவித்துள்ளார்.

தனது தற்போதைய நிலை குறித்து மிகவும் உணர்ச்சிவசப்பட்டு பிரதீப் வெளியிட்டுள்ள இந்தப் பதிவு, அவரது ரசிகர்கள் மற்றும் சமூக வலைதளப் பயனர்களிடையே பல்வேறு விவாதங்களை ஏற்படுத்தியுள்ளது. இதன் மூலம் அவர் மனைவியுடன் தற்போது இணைந்து வாழவில்லை என்பது அவரது பதிவிலிருந்து தெரியவருகிறது. குழந்தை தன்னுடன் இல்லாத வேதனையும் அவருடைய பதிவில் வெளிப்பட்டுள்ளதால், ரசிகர்கள் பலரும் அவருக்கு ஆதரவு தெரிவித்து வருகின்றனர்.

Bigg Boss Tamil 10 : பிக் பாஸை அதிரவிடப்போகும் மேக்கப் ஆர்டிஸ்ட்... யார் இந்த அஸ்மிதா?

Ganesh A — Sun, 06 Sep 2026 19:26:29 +0530

Bigg Boss Contestant Asmitha : இன்ஸ்டாகிராம் இன்ஃப்ளூயன்சரும், புகழ்பெற்ற மேக்கப் ஆர்டிஸ்டுமான அஸ்மிதா பிக் பாஸ் சீசன் 10 நிகழ்ச்சியில் போட்டியாளராக களமிறங்கி உள்ளார்.

பிக் பாஸ் தமிழ் சீசன் 10 நிகழ்ச்சியில் கலந்துகொள்ளும் போட்டியாளர்கள் குறித்த தகவல்கள் ஒவ்வொன்றாக வெளியாகி ரசிகர்களின் எதிர்பார்ப்பை எகிற வைத்து வருகின்றன. அந்த வகையில், இந்த முறை முற்றிலும் வித்தியாசமான பின்னணியில் இருந்து ஒரு போட்டியாளர் களமிறங்கி உள்ளார். அவர் தான் அஸ்மிதா. ஃபேஷன் உலகில் பிரபலமான முகமாக வலம் வரும் அஸ்மிதா, ஒரு மேக்கப் ஆர்ட்டிஸ்ட் மட்டுமல்லாமல் சமூக வலைதளங்களில் ஆக்டிவாக இயங்கி வரும் இன்ஃப்ளூயன்சரும் ஆவார். தனது மேக்கப் திறமை, ஸ்டைலிங் மற்றும் அழகு சார்ந்த பதிவுகள் மூலம் இணையத்தில் தனக்கென ஒரு ரசிகர் கூட்டத்தை உருவாக்கியுள்ளார்.

ஆனால், இதுவரை ரசிகர்கள் பார்த்த அஸ்மிதாவை விட, பிக் பாஸ் வீட்டிற்குள் நுழையப் போகும் அஸ்மிதா எப்படி இருப்பார்? என்பதுதான் இப்போது ஹாட் டாபிக். சமூக வலைதளங்களில் கேமராவை தைரியமாக எதிர்கொண்டாலும், பிக் பாஸ் வீடு என்பது முற்றிலும் வேறொரு களம். 24 மணி நேரமும் கேமரா கண்காணிப்பு, தினமும் புதிய டாஸ்குகள், போட்டி, கருத்து மோதல்கள், நட்பு, பிரிவு என ஆட்டம் சூடுபிடித்துக் கொண்டே இருக்கும். இந்த சூழலில் அஸ்மிதாவின் உண்மையான குணம் எப்படி வெளிப்படும் என்பதே ரசிகர்களின் மிகப்பெரிய எதிர்பார்ப்பாக உள்ளது.

மற்ற போட்டியாளர்களுடன் அவர் எளிதாக நட்பு கொள்வாரா? டாஸ்க் என்று வந்துவிட்டால் அதிரடி காட்டுவாரா? கருத்து வேறுபாடு ஏற்பட்டால் அமைதியாக கடந்து செல்வாரா அல்லது தனது நிலைப்பாட்டை ஓப்பனாக பேசுவாரா? என ஏகப்பட்ட கேள்விகள் எழுந்துள்ளன. சமூக வலைதளங்களில் ரசிகர்களுடன் தொடர்ந்து தொடர்பில் இருந்த அனுபவம் அஸ்மிதாவுக்கு பிக் பாஸ் வீட்டில் ஒரு பிளஸ் பாயிண்ட்டாக அமையலாம். அதே நேரத்தில், அங்கு ஒவ்வொரு வார்த்தையும், ஒவ்வொரு செயல்பாடும் ரசிகர்களால் உன்னிப்பாக கவனிக்கப்படும் என்பதால், இந்தப் பயணம் அவருக்கு மிகப்பெரிய சவாலாகவும் இருக்கலாம்.

அழகு மற்றும் ஃபேஷன் உலகில் தனது திறமையால் கவனம் ஈர்த்த அஸ்மிதா, இப்போது தனது ஆளுமையால் பிக் பாஸ் ரசிகர்களை கவரப் போகிறாரா? என்ற எதிர்பார்ப்பு அதிகரித்துள்ளது. அஸ்மிதாவுக்கு திருமணமாகி மூன்று குழந்தைகளும் உள்ளனர். கடந்த ஆண்டு தான் அவருக்கு மூன்றாவதாக ஆண் குழந்தை பிறந்தது. கணவருடன் ஏற்பட்ட கருத்து வேறுபாடால் அவரை பிரிந்து தனியாக வாழ்ந்து வருகிறார் அஸ்மிதா. ஒரு சிங்கிள் மதராக தான் சந்திக்கும் சவால்கள் குறித்தும் அஸ்மிதா பிக் பாஸ் வீட்டில் பேச வாய்ப்புள்ளது.

Bigg Boss Tamil 10 : புன்னகையோடு பிக் பாஸ் வீட்டிற்குள் சென்ற முனியம்மாவின் வலிகள் நிறைந்த வாழ்க்கை பற்றி தெரியுமா?

Ganesh A — Sun, 06 Sep 2026 22:15:04 +0530

Bigg Boss Contestant Muniyamma : பிக் பாஸ் தமிழ் சீசன் 10 நிகழ்ச்சியில் காமன்மேன் ஆக எண்ட்ரி கொடுத்துள்ள முனியம்மாவின் வாழ்க்கை பின்னணி பற்றி இந்த தொகுப்பில் பார்க்கலாம்.

பிக் பாஸ் தமிழ் சீசன் 10 நிகழ்ச்சி பிரம்மாண்டமாக தொடங்கி உள்ள நிலையில் அதில் கலந்துகொள்ள காமன்மேன் ஆடிஷனில் இருந்து மூன்று பேர் பிக் பாஸ் வீட்டுக்குள் அனுப்பி வைக்கப்பட்டு உள்ளனர். அவர்களில் ஒருவர் தான் முனியம்மா. மதுரையைச் சேர்ந்த முனியம்மா பலரது கவனத்தையும் ஈர்த்துள்ளார். இயல்பான மதுரை வட்டார பேச்சு, வெளிப்படையான அணுகுமுறை மற்றும் அன்றாட வாழ்க்கையை நகைச்சுவையுடன் பகிரும் விதம் ஆகியவை அவருக்கு தனி ரசிகர் பட்டாளத்தை உருவாக்கி உள்ளார்.

பிரமாண்டமான கேமரா செட்டப் அல்லது செயற்கையான பின்னணி என எதையும் நம்பாமல், தனது வாழ்க்கையில் எதிர்கொண்ட அனுபவங்களையே எளிமையாக பகிர்ந்து சமூக வலைத்தளங்களில் கவனம் பெற்றவர் முனியம்மா. அவரது பேச்சில் இருக்கும் இயல்பும், வெள்ளந்தியான குணமும் பலரையும் கவர்ந்துள்ளது.

முனியம்மாவின் பின்னணியும் தற்போது பேசுபொருளாகியுள்ளது. குடும்ப சூழ்நிலை காரணமாக சிறு வயதிலேயே அனாதை இல்லத்தில் சேர்க்கப்பட்டதாகவும், அங்கு பல்வேறு கஷ்டங்களை எதிர்கொண்டு வளர்ந்ததாகவும் கூறப்படுகிறது. வாழ்க்கையில் பல தடைகளை சந்தித்தபோதிலும், தனது சொந்த முயற்சி மற்றும் உழைப்பின் மூலம் சமூக வலைத்தளங்களில் தனக்கென ஓர் இடத்தை உருவாக்கி, தற்போது பிக் பாஸ் ஆடிஷன் மேடை வரை வந்திருப்பது அவரது பயணத்தின் முக்கிய கட்டமாக பார்க்கப்படுகிறது.

முந்தைய சீசன்களில் சாதாரண பின்னணியில் இருந்து வந்த போட்டியாளர்கள் ரசிகர்களிடம் நல்ல வரவேற்பைப் பெற்றிருக்கிறார்கள். அந்த வகையில், முனியம்மாவைப் போன்ற இயல்பான குணம் கொண்ட போட்டியாளர் பிக் பாஸ் தமிழ் 10-க்கு ஒரு சுவாரஸ்யமான திருப்பமாக அமையலாம்.

முனியம்மாவுக்கு திருமணமாகி ஒரு மகனும் இருக்கிறார். முனியம்மாவுக்கு எழுதக் கூட தெரியாதாம். அவர் பிக் பாஸில் கலந்துகொள்ள வேண்டும் என்பதற்காக அவரது மகன் தான் அப்ளை செய்தாராம். முனியம்மாவின் மகன் பெயர் இஷாந்த் சர்மா. இந்த பெயருக்கு பின்னணியிலும் ஒரு சுவாரஸ்யமான கதை இருக்கிறது. முனியம்மாவின் கணவருக்கு இந்திய அணியின் முன்னாள் வேகப்பந்து வீச்சாளர் இஷாந்த் சர்மா ரொம்ப பிடிக்குமாம். அதனால் அவர் பெயரையே தன்னுடைய மகனுக்கு வைத்துவிட்டாராம்.

முனியம்மா பிக் பாஸ் வீட்டுக்குள் செல்லும் முன் அவருடைய கணவர் அவருக்காக மதுரையில் இருந்து ஆசை ஆசையாக வாங்கி வந்த மல்லிப்பூவை மேடையில் வந்து வைத்துவிட்டார். தன் கணவர் தன்னை புகழ்ந்து பேசியதை கேட்டதும் மேடையிலேயே கண்ணீர்விட்டு அழுதார் முனியம்மா.

Bigg Boss Tamil 10 : பாக்யராஜ் அறிமுகப்படுத்திய ஹீரோயின் இப்போ பிக் பாஸ் வீட்டில்... யார் இந்த சாந்தினி தமிழரசன்?

Bigg Boss Tamil 10 : பாக்யராஜ் அறிமுகப்படுத்திய ஹீரோயின் இப்போ பிக் பாஸ் வீட்டில்... யார் இந்த சாந்தினி தமிழரசன்?

Ganesh A — Sun, 06 Sep 2026 21:33:50 +0530

Bigg Boss Contestant Chandini : பிக் பாஸ் தமிழ் சீசன் 10 நிகழ்ச்சியில் போட்டியாளராக நடிகை சாந்தினி தமிழரசன் களமிறங்கி உள்ளார். அவரைப் பற்றி இந்த தொகுப்பில் பார்க்கலாம்.

நடிகை சாந்தினி தமிழரசன் தற்போது நேராக பிக் பாஸ் தமிழ் சீசன் 10 வீட்டுக்குள் களமிறங்கி உள்ளார். சினிமாவில் கதாநாயகியாக அறிமுகமாகி, அடுத்தடுத்து பல்வேறு கதாபாத்திரங்களில் நடித்த சாந்தினிக்கு, பிக் பாஸ் வீடு முற்றிலும் புதிய களமாக இருக்கப்போகிறது. இயக்குநரும் நடிகருமான கே.பாக்யராஜ் இயக்கிய ‘சித்து +2’ திரைப்படம் தான் சாந்தினி தமிழரசனின் சினிமா என்ட்ரி. சாந்தனு பாக்யராஜுக்கு ஜோடியாக கதாநாயகியாக அறிமுகமான அவர், முதல் படத்திலேயே ரசிகர்களின் கவனத்தை ஈர்த்தார்.

அதன்பிறகு ‘நான் ராஜாவாகப் போகிறேன்’ உள்ளிட்ட திரைப்படங்களில் நடித்து தனது திரைப்பயணத்தை தொடர்ந்து வந்தார். ஒரு கட்டத்தில் தமிழ் சினிமாவை தாண்டி தெலுங்கு திரையுலகிலும் தனது நடிப்பை பதிவு செய்தார். இப்படியாக பல வருடங்களாக சினிமா உலகில் பயணித்து வந்த சாந்தினி, இப்போது தனது கேரியரில் எதிர்பாராத ஒரு ரூட்டை தேர்வு செய்திருக்கிறார். அது... பிக் பாஸ்! சினிமா நடிகைக்கு கேமரா புதிதல்ல. ஆனால் பிக் பாஸ் வீட்டின் கேமரா அப்படியில்லை! அங்கே 24 மணி நேரமும் கேமரா கண்காணிப்பு. சின்ன ரியாக்ஷன் முதல் பெரிய முடிவு வரை அனைத்தும் ரசிகர்களின் பார்வைக்கு வரும்.

அதிலும் டாஸ்க், நாமினேஷன், நட்பு, கருத்து மோதல், ஈகோ கிளாஷ் என ஒவ்வொரு நாளும் ஆட்டம் வேறு லெவலுக்கு செல்லும். இதுவரை இயக்குநர் சொன்ன கதாபாத்திரத்தை நடித்த சாந்தினி... இனி தன்னுடைய கதையை தானே எழுத வேண்டியிருக்கும்! சைலண்ட் கேம் ஆடுவாரா? இல்ல... சம்பவம் செய்வாரா? என்பதை காண ரசிகர்கள் ஆவலோடு உள்ளனர். பிக் பாஸ் வீட்டுக்குள் சாந்தினியின் கேம் பிளான் என்னவாக இருக்கும் என்பதுதான் இப்போது ஹாட் டாபிக்.

மற்ற போட்டியாளர்களுடன் ஆரம்பத்திலேயே நட்பை உருவாக்குவாரா? டாஸ்க் என்று வந்தால் முழு எனர்ஜியுடன் களமிறங்குவாரா? கருத்து மோதல் ஏற்பட்டால் அமைதியாக கடந்து செல்வாரா? அல்லது... “நான் இப்படித்தான்!” என்று ஓப்பனாக தனது நிலைப்பாட்டை முன்வைப்பாரா? என்பதை பொறுத்திருந்துதான் பார்க்க வேண்டும். சினிமாவில் ஒரு நடிகையை ரசிகர்கள் பெரும்பாலும் அவர் ஏற்று நடிக்கும் கதாபாத்திரத்தின் மூலமாகத்தான் பார்க்கிறார்கள். ஆனால் பிக் பாஸ் அப்படி இல்லை. இங்கே எந்த ஹீரோயின் இமேஜும் கிடையாது. எந்த ஸ்கிரிப்ட்டும் கிடையாது. எந்த ரீடேக்கும் கிடையாது.

மக்கள் பார்க்கப் போவது சாந்தினி தமிழரசனின் உண்மையான ஆளுமையை! இதுதான் இந்த பிக் பாஸ் என்ட்ரியை இன்னும் சுவாரஸ்யமாக்குகிறது. ‘சித்து +2’ படத்தில் ஹீரோயினாக தொடங்கிய பயணம்... இப்போது பிக் பாஸ் வீட்டின் போட்டியாளராக ஒரு புதிய அத்தியாயத்தை தொடங்குகிறது! சினிமாவில் கதாபாத்திரங்களை ஏற்று நடித்த சாந்தினி... பிக் பாஸ் வீட்டில் தன்னையே கதாநாயகியாக்கி வெற்றி பெறுவாரா? என்பதை பொறுத்திருந்து தான் பார்க்க வேண்டும்.

Bigg Boss Tamil Season 10 House : சீசன் 10-க்காக டோட்டலாக மாறிய பிக் பாஸ் வீடு? அதில் இம்புட்டு வசதிகளா?

Ganesh A — Sat, 05 Sep 2026 09:21:52 +0530

Bigg Boss Home Tour : பிக் பாஸ் தமிழ் சீசன் 10 நிகழ்ச்சி நாளை தொடங்க உள்ள நிலையில், அந்நிகழ்ச்சிக்கான வீடு குறித்த புகைப்படங்கள் இணையத்தில் வைரலாகி வருகிறது. அதைப்பற்றி பார்க்கலாம்.

தமிழ்நாடு ரசிகர்கள் ஆவலுடன் எதிர்பார்த்து வரும் பிக் பாஸ் சீசன் 10, செப்டம்பர் 6 முதல் விஜய் தொலைக்காட்சியில் ஒளிபரப்பாக உள்ளது. இந்த சீசனை விஜய் சேதுபதி தொகுத்து வழங்குகிறார். நிகழ்ச்சி தொடங்குவதற்கு முன்பாகவே, பிக் பாஸ் வீடு எப்படி வடிவமைக்கப்பட்டுள்ளது என்ற எதிர்பார்ப்பு ரசிகர்கள் மத்தியில் அதிகரித்துள்ளது. நிகழ்ச்சி தொடங்கும் முன்பே பிக் பாஸ் சீசன் 10 வீட்டின் புகைப்படங்களும் அங்குள்ள அம்சங்கள் என்னென்ன போன்றவற்றை இந்த தொகுப்பில் பார்க்கலாம்.

Bigg Boss Title Winners : 10வது சீசன் ஸ்டார்ட் ஆகப்போகுது... இதுவரை 9 சீசன்களில் பிக் பாஸ் டைட்டிலை தட்டிதூக்கியது யார்... யார்?

வீட்டிற்குள் நுழைந்ததும் முதலில் கண்ணில் படுவது பசுமையான வெளிப்புறப் பகுதி. அங்கு நான்கு பகுதிகளில் குஷன் இருக்கைகள் அமைக்கப்பட்டுள்ளன. குறிப்பாக, வெளிப்புறச் சுவரில் இடம்பெற்றுள்ள 10 ஜன்னல்கள் கவனத்தை ஈர்க்கின்றன. இது 10வது சீசன் என்பதை நினைவுபடுத்தும் வகையில் வீட்டின் பல்வேறு பகுதிகளில் 10 என்ற எண்ணை அடிப்படையாகக் கொண்ட வடிவமைப்புகள் இடம்பெற்றுள்ளது.

வீட்டுக்குள் நுழைந்தவுடன் மிகப்பெரிய ஹால் அமைக்கப்பட்டுள்ளது. சுவர்களில் விதவிதமான கலை வேலைப்பாடுகளும், இயற்கையை பிரதிபலிக்கும் செடி, மரங்கள் உள்ளிட்ட ஓவியங்களும் இடம்பெற்றுள்ளன.

மேலும், சுவரில் வயதான மனிதர் ஒருவரின் சிற்பமும் அமைக்கப்பட்டுள்ளது. இவர் யார் என்ற கேள்விக்கு, பிக் பாஸ் நிகழ்ச்சியின் அடிப்படையான ‘காமன் மேன்’ கருத்தை பிரதிபலிக்கும் வகையில் அந்த சிற்பம் உருவாக்கப்பட்டுள்ளதாக விளக்கம் அளிக்கப்பட்டுள்ளது.

ஹாலின் நடுப்பகுதியில் பெரிய டைனிங் டேபிள் மற்றும் ஏராளமான இருக்கைகள் உள்ளன. பீங்கான் தட்டுகள், கோப்பைகள் என டைனிங் பகுதியும் அழகாக வடிவமைக்கப்பட்டுள்ளது. இந்த இடத்தில்தான் போட்டியாளர்களின் சாப்பாட்டு நேர உரையாடல்கள் மட்டுமின்றி, அவ்வப்போது சூடான விவாதங்களும் அரங்கேறப் போகின்றன.

ஹாலின் ஒரு பகுதியில் நவீன வசதிகளுடன் கூடிய சமையலறை அமைக்கப்பட்டுள்ளது. சமையலுக்கு தேவையான பொருட்கள் அனைத்தும் தயாராக வைக்கப்பட்டுள்ளன. சமையலறையின் பின்னணியில் நிகழ்ச்சிக்கு பங்களிக்கும் நிறுவனங்களின் பெயர்களும் இடம்பெற்றுள்ளன.

அதேபோல், ஹாலின் மேற்பகுதியில் பிரம்மாண்டமான விளக்கு அலங்காரம் ஒன்று அமைக்கப்பட்டுள்ளது. வீட்டின் ஒட்டுமொத்த தோற்றத்திற்கு இது கூடுதல் அழகை சேர்க்கிறது.

வீட்டின் ஒரு பகுதியில் இருக்கும் கதவு பார்வையாளர்களின் ஆர்வத்தை தூண்டுகிறது. அது தான் Confession Room. போட்டியாளர்கள் தங்களுடைய மனதில் இருப்பதை பிக் பாஸிடம் பகிர்ந்து கொள்ளும் இந்த அறையில் மைக் உள்ளிட்ட வசதிகள் உள்ளன. கேமராக்களுக்கு முன்பாக போட்டியாளர்கள் தங்களது உணர்வுகளையும் கருத்துகளையும் வெளிப்படுத்தும் முக்கியமான இடமாக இது இருக்கிறது.

அடுத்ததாக பிரம்மாண்டமான படுக்கையறை அமைந்துள்ளது. சீசன் 10-ஐ குறிக்கும் வகையில் மொத்தம் 10 படுக்கைகள் அங்கு வைக்கப்பட்டுள்ளன. படுக்கையறைக்கு அருகில் தனியாக ஒரு சிறிய அறையும் உள்ளது. அது கேப்டனுக்காக ஒதுக்கப்பட்டுள்ள அறை. வீட்டின் மற்றொரு பகுதியில் ஸ்டோர் ரூமும் அமைக்கப்பட்டுள்ளது. ஆனால் அந்த அறையை மட்டும் பார்வையிட அனுமதி வழங்கப்படவில்லை.

வீட்டின் அருகே பிரம்மாண்டமான பிக் பாஸ் பஸ் ஒன்று நிறுத்தப்பட்டிருந்தது. ரசிகர்கள் அனைவராலும் நேரடியாக பிக் பாஸ் வீட்டிற்குள் செல்ல முடியாது என்பதால், அந்த அனுபவத்தை பொதுமக்களுக்கும் வழங்கும் நோக்கில் இந்த பஸ் உருவாக்கப்பட்டுள்ளது. இந்த பஸ் தமிழ்நாட்டின் பல்வேறு நகரங்களுக்குச் செல்லும் வகையில் திட்டமிடப்பட்டுள்ளது.

பஸ்ஸுக்குள் முந்தைய பிக் பாஸ் சீசன்களில் பங்கேற்ற போட்டியாளர்களின் புகைப்படங்கள் மற்றும் அவர்கள் நிகழ்ச்சியில் செய்த சுவாரஸ்யமான விஷயங்கள் தொடர்பான தகவல்கள் இடம்பெற்றுள்ளன. ஓவியா, தர்ஷன் உள்ளிட்ட முன்னாள் போட்டியாளர்களின் நினைவுகளும் இதில் இடம்பெற்றுள்ளன.

ரசிகர்களுக்கும் Confession Room!

இந்த பஸ்ஸில் மற்றொரு சுவாரஸ்யமான அம்சமாக Confession Room அமைக்கப்பட்டுள்ளது. பஸ் எந்த ஊருக்குச் சென்றாலும் அங்குள்ள ரசிகர்கள் இந்த அறைக்குள் சென்று தங்களது கருத்துகளை தெரிவிக்கலாம். மேலும், அவர்கள் கூறும் கருத்துகளுக்கு பிக் பாஸின் குரலில் நேரடியாக பதில் கிடைக்கும் வகையிலும் ஏற்பாடு செய்யப்பட்டுள்ளதாக தெரிவிக்கப்பட்டுள்ளது. ரசிகர்களை நிகழ்ச்சியின் ஒரு பகுதியாக உணர வைக்கும் வகையில் உருவாக்கப்பட்டுள்ள இந்த முயற்சி கவனம் ஈர்க்கிறது.

Bigg Boss Tamil 10 : பிக் பாஸ் வீட்டுக்குள் செல்லப்போவது யார்... யார்? போட்டியாளர்கள் லிஸ்ட்டில் அதிரடி மாற்றம்

Ganesh A — Wed, 02 Sep 2026 10:14:33 +0530

Bigg Boss Tamil Season 10 contestants : பிக் பாஸ் தமிழ் சீசன் 10 நிகழ்ச்சியில் கலந்துகொள்ள உள்ள போட்டியாளர்கள் யார்... யார் என்பது பற்றிய அப்டேட் வெளியாகி உள்ளது. அதைப்பற்றி பார்க்கலாம்.

பிக்பாஸ் தமிழ் நிகழ்ச்சியின் 10-வது சீசன் வரும் செப்டம்பர் 6-ம் தேதி தொடங்கவுள்ளதாக தகவல்கள் வெளியாகியுள்ளன. புதிய சீசன் குறித்த எதிர்பார்ப்பு ரசிகர்கள் மத்தியில் அதிகரித்து வரும் நிலையில், போட்டியாளர்கள் தொடர்பான பல்வேறு தகவல்களும் சமூக வலைதளங்களில் தொடர்ந்து வெளியாகி வருகின்றன. கடந்த காலங்களில் தமிழ், மலையாளம், தெலுங்கு மற்றும் கன்னட மொழிகளில் ஒளிபரப்பாகும் பிக்பாஸ் நிகழ்ச்சிகள் வெவ்வேறு காலகட்டங்களில் தொடங்குவது வழக்கம். ஆனால் இந்த முறை அனைத்து மொழிகளிலும் நிகழ்ச்சிகளை ஒரே காலகட்டத்தில் நடத்தத் திட்டமிடப்பட்டுள்ளதாக கூறப்படுகிறது.

அதேபோல், இந்த சீசனில் சாமானிய மக்களுக்கும் பிக்பாஸ் வீட்டுக்குள் நுழையும் வாய்ப்பை வழங்கும் வகையில் ‘பிக்பாஸ் தி காமன் மேன்’ என்ற பிரத்யேக நிகழ்ச்சி நடத்தப்பட்டது. இதில் தேர்வு செய்யப்படும் சிலர் பிக்பாஸ் தமிழ் சீசன் 10-ன் போட்டியாளர்களாக களமிறங்க வாய்ப்புள்ளதாக கூறப்படுகிறது. ஏற்கனவே சில போட்டியாளர்களின் பெயர்கள் அடிபட்டு வரும் நிலையில், தற்போது மேலும் சில பிரபலங்களின் பெயர்கள் போட்டியாளர்கள் பட்டியலில் இடம்பெற்றுள்ளதாக தகவல்கள் வெளியாகியுள்ளன.

‘செம்பருத்தி’ சீரியல் மூலம் ரசிகர்கள் மத்தியில் பிரபலமான சபானா மற்றும் அவரது கணவர் ஆர்யன் ஆகிய இருவரின் பெயர்களும் பிக்பாஸ் சீசன் 10 தொடர்பாக பேசப்பட்டு வருகின்றன. இருவரும் ஒன்றாக நிகழ்ச்சியில் பங்கேற்பது குறித்து இன்னும் முடிவு செய்யவில்லை என்றும், இருவரில் ஒருவர் மட்டுமே பிக்பாஸ் வீட்டுக்குள் செல்ல அதிக வாய்ப்புள்ளதாகவும் கூறப்படுகிறது. குறிப்பாக ஆர்யனின் பெயர்தான் போட்டியாளர் பட்டியலில் வலுவாக அடிபடுவதாக தகவல்கள் தெரிவிக்கின்றன.

சின்னத்திரை ரசிகர்களிடம் வரவேற்பைப் பெற்ற ‘ஈரமான ரோஜாவே’ தொடரில் நடித்த வினோத் இந்த சீசனில் போட்டியாளராக களமிறங்கலாம் என்ற தகவலும் வெளியாகியுள்ளது. இந்தத் தொடரில் அவருக்கு ஜோடியாக நடித்த பவித்ரா, ஏற்கனவே பிக்பாஸ் தமிழ் சீசன் 8-ல் போட்டியாளராக பங்கேற்றிருந்தார். தற்போது அதே தொடரைச் சேர்ந்த வினோத்தின் பெயரும் பிக்பாஸ் 10 போட்டியாளர் பட்டியலில் இடம்பெற்றிருப்பது சின்னத்திரை ரசிகர்களின் கவனத்தை ஈர்த்துள்ளது.

கடந்த சில மாதங்களாக சமூக வலைதளங்களில் பரபரப்பாக பேசப்பட்ட பெயர்களில் ஒன்றான ஜாய் கிறிசில்டாவும் இந்த சீசனில் பிக்பாஸ் வீட்டுக்குள் செல்ல இருப்பதாக தகவல்கள் வெளியாகியுள்ளன. பிரபல சமையல் கலைஞர் மாதம்பட்டி ரங்கராஜைச் சுற்றிய சர்ச்சையில் அவரது பெயர் பேசுபொருளானது. தனது குழந்தையின் தந்தை மாதம்பட்டி ரங்கராஜ் தான் என்பதை நிரூபிக்க சட்டரீதியாக போராடிய ஜாய், தற்போது பிக்பாஸ் நிகழ்ச்சியில் போட்டியாளராக பங்கேற்க உள்ளதாக நம்பகமான வட்டாரங்கள் தெரிவிக்கின்றன.

இவர்களுடன், இன்ஸ்டாகிராமில் பிரபலமாக இருக்கும் மேக்கோவர் ஆர்ட்டிஸ்ட் அஸ்மிதாவும் பிக்பாஸ் நிகழ்ச்சிக்காக தயாராகி வருவதாக தகவல் வெளியாகியுள்ளது. மேலும், மேக்கப் துறையைச் சேர்ந்த மற்றொரு நபரும் இந்த சீசனில் போட்டியாளராக இடம்பெறலாம் என்ற பேச்சு உள்ளது. இதனால் இந்த முறை பிக்பாஸ் வீட்டில் சினிமா மற்றும் சின்னத்திரை பிரபலங்களுடன் வெவ்வேறு துறைகளைச் சேர்ந்தவர்களையும் பார்க்க முடியும் என எதிர்பார்க்கப்படுகிறது.

முன்னதாகவே பிக்பாஸ் சீசன் 10 தொடர்பாக பேசப்பட்ட முன்னாள் கிரிக்கெட் வீரர் முரளி விஜய் பெயரும் தற்போது மீண்டும் அடிபடுகிறது. அவர் இந்த சீசனில் போட்டியாளராக பங்கேற்க உள்ளதாக தகவல்கள் வெளியாகியுள்ளன. இருப்பினும், இவை அனைத்தும் தற்போது வெளியாகி வரும் தகவல்கள் மட்டுமே என்பதால், பிக்பாஸ் தமிழ் சீசன் 10-ன் அதிகாரப்பூர்வ போட்டியாளர்கள் பட்டியல் வெளியாகும் வரை உறுதியான தகவல் என்று கூற முடியாது. புதிய சீசன் தொடங்கும் நிலையில், யார் யார் பிக்பாஸ் வீட்டுக்குள் நுழையப் போகிறார்கள் என்ற எதிர்பார்ப்பு ரசிகர்கள் மத்தியில் நாளுக்கு நாள் அதிகரித்து வருகிறது.

Bigg Boss Tamil 10 : பிக் பாஸ் வீட்டுக்குள் சர்ப்ரைஸ் ஆக வந்த பெங்களூரு தமிழச்சி... யார் இந்த சாவின்யா?

Ganesh A — Sun, 06 Sep 2026 23:35:52 +0530

யார் இந்த சாவின்யா?

பிக் பாஸ் தமிழ் சீசன் 10 நிகழ்ச்சி செம கிராண்ட் ஆக தொடங்கி உள்ளது. வழக்கமாக இந்நிகழ்ச்சியில் வரும் போட்டியாளர்கள் தெரிந்த முகங்களாக இருக்கும். ஆனால் இந்த சீசனில் சில புது முகங்களும் பிக் பாஸ் வீட்டுக்குள் எண்ட்ரி கொடுத்துள்ளனர். அவர்களில் ஒருவர் தான் சாவின்யா. இவர் பெங்களூருவில் வசிக்கிறார். இவர் பிக் பாஸ் நிகழ்ச்சிக்குள் வந்து தன்னுடைய பெங்களூரு தமிழால் ரசிகர்களை கவர்வேன் என கூறிவிட்டு பிக் பாஸ் வீட்டுக்குள் சென்றுள்ளார். அவரின் எண்ட்ரி யாரும் எதிர்பார்க்காத ஒன்றாக இருந்தது.

சாவின்யா மேடையில் பேசுகையில், பெங்களூரு தமிழில் பேசியதை பார்த்து விஜய் சேதுபதியே இம்பிரஸ் ஆனார். எதிர்பாராததை எதிர்பாருங்கள் என்பது தான் பிக் பாஸின் டேக் லைன். அதற்கு ஏற்றார் போல் எதிர்பாராத ஒரு கண்டஸ்டண்ட் தான் இந்த சாவின்யா. இவர் பிக் பாஸ் நிகழ்ச்சியில் எந்த அளவு தாக்கத்தை ஏற்படுத்தப்போகிறார் என்பதை பொறுத்திருந்து தான் பார்க்க வேண்டும். இவர் ஒரு மாடல் அழகி. இன்ஸ்டாவில் விதவிதமான ஆடைகள் அணிந்து போட்டோஷூட் நடத்தி அதனை இன்ஸ்டாவில் பதிவிட்டு வருவதை வழக்கமாக வைத்துள்ளார்.

சாதிக்க காத்திருக்கும் சாவின்யா

பிக் பாஸ் நிகழ்ச்சி மூலம் கிடைக்கும் புகழ் வெளிச்சத்தை வைத்து நடிப்பிலும் சாதனை படைக்க காத்திருக்கிறார் சாவின்யா. வழக்கமாக பிக் பாஸ் வீட்டுக்குள் செல்லும் முன் மக்களை எண்டர்டெயின் பண்ணுவேன் என சொல்லிவிட்டு உள்ளே செல்லும் போட்டியாளர்கள் பலர் சொதப்பி இருக்கிறார்கள். அவர்கள் சொன்னதை செய்துகாட்டினால் நிச்சயம் பைனலுக்குள் சென்றுவிடுவார்கள். அந்த வகையில் பிக் பாஸ் வீட்டுக்குள் சென்றுள்ள சாவின்யா மக்கள் மனதில் இடம்பிடிப்பாரா என்பதை பொறுத்திருந்து தான் பார்க்க வேண்டும்.

இதற்கு பெங்களூருவை சேர்ந்த மாடல் அழகியாக பிக் பாஸ் வீட்டுக்குள் போட்டியாளராக வந்து சாதித்தவர் என்றால் அது நடிகை ரைசா வில்சன் தான். இவர் பிக் பாஸ் நிகழ்ச்சியின் முதல் சீசனில் போட்டியாளராக களமிறங்கினார். அந்த சீசனில் பைனல் வரை முன்னேறி அசத்தினார். அந்நிகழ்ச்சிக்கு பின்னர் சினிமாவில் ஹீரோயினாக களமிறங்கி கலக்கினார் ரைசா. அதேபோல் சாவின்யாவும் கலக்குவாரா? இல்லை சொதப்புவாரா? என்பதை இனி வரும் எபிசோடுகளில் பார்க்கலாம்.

Bigg Boss Tamil 10 : தூத்துக்குடியில் இருந்து காமன்மேன் ஆக களமிறங்கிய தங்கமகன்... யார் இந்த ஜேசன்?