Asianet News Tamil

ராயல் என்ஃபீல்டில் முதல்முறை: 750cc ட்வின் எஞ்சின் + 120 கி.மீ க்ரூஸிங் வேகம்; ஹிமாலயன் 750-ன் மிரட்டலான சிறப்பம்சங்கள்!

Meenakshisundaram — Mon, 02 Nov 2026 08:30:46 +0530

ராயல் என்ஃபீல்ட் நிறுவனம் தனது புதிய மிடில்-வெயிட் அட்வென்ச்சர் மோட்டார்சைக்கிளான 'ஹிமாலயன் 750' பைக்கை நவ.3 அன்று மிலனில் நடைபெறும் EICMA மோட்டார் கண்காட்சியிலும், நவம்பர் இறுதியில் இந்தியாவின் மோட்டோவர்ஸ் நிகழ்விலும் அறிமுகப்படுத்த உள்ளது.

ராயல் என்ஃபீல்ட் நிறுவனம் தனது அட்வென்ச்சர் மோட்டார்சைக்கிள் வரிசையை அடுத்த கட்டத்திற்கு எடுத்துச் செல்லும் நோக்கில், நீண்ட நாட்களாக எதிர்பார்க்கப்பட்ட 'ஹிமாலயன் 750' பைக்கை அறிமுகப்படுத்தத் தயாராகி வருகிறது. இந்த புதிய மிடில்-வெயிட் அட்வென்ச்சர் டூரர் மோட்டார்சைக்கிள், நவ.3 அன்று மிலனில் நடைபெறும் 'EICMA 2026' சர்வதேச மோட்டார் கண்காட்சியில் உலகளவில் முதன்முறையாக காட்சிப்படுத்தப்பட உள்ளது. தொடர்ந்து, நவ.27–28 தேதிகளில் கோவாவில் நடைபெறவிருக்கும் 'மோட்டோவர்ஸ்' (Motoverse) நிகழ்வில் இந்தியாவில் அதிகாரப்பூர்வமாக அறிமுகமாகும் என எதிர்பார்க்கப்படுகிறது. பெரிய திறன் கொண்ட ட்வின்-சிலிண்டர் அட்வென்ச்சர் பிரிவில் ராயல் என்ஃபீல்ட் கால்பதிப்பது இதுவே முதல்முறை என்பதால், நீண்ட தூர பயண பிரியர்களிடையே இந்த பைக் பெரும் எதிர்பார்ப்பை ஏற்படுத்தியுள்ளது.

ஹிமாலயன் 750-ன் இதயப் பகுதியாக முற்றிலும் புதிய 750cc பேரலல்-ட்வின் (Parallel-Twin) எஞ்சின் தளம் அமையவுள்ளது. இது ராயல் என்ஃபீல்டின் தற்போதைய 648cc ட்வின்-சிலிண்டர் கட்டமைப்பை அடிப்படையாகக் கொண்டு மேம்படுத்தப்பட்டதாகக் கூறப்படுகிறது. ஏர் மற்றும் ஆயில் கூல்டு (Air and Oil-cooled) அமைப்பு மற்றும் 270-டிகிரி கிராங்க்ஷாஃப்ட் தொழில்நுட்பத்துடன் இது வர வாய்ப்புள்ளது. இது தனித்துவமான எக்ஸாஸ்ட் சத்தம், வலுவான லோ- மற்றும் மிட்-ரேஞ்ச் செயல்பாடு மற்றும் சிறப்பான நெடுஞ்சாலை பயண வேகத்தை வழங்கும் வகையில் வடிவமைக்கப்பட்டுள்ளது.

அதிகாரப்பூர்வ விவரக்குறிப்புகள் இன்னும் அறிவிக்கப்படாத நிலையில், எஞ்சின் சுமார் 55 முதல் 65+ குதிரைத்திறன் (HP) ஆற்றலையும், 60 முதல் 70 Nm டார்க் திறனையும் வெளிப்படுத்தக்கூடும் எனக் கணிக்கப்படுகிறது. 6-ஸ்பீடு மேனுவல் கியர்பாக்ஸ் மற்றும் துல்லியமான த்ராட்டில் ரெஸ்பான்ஸை வழங்கும் 'ரைடு-பை-வயர்' (Ride-by-wire) த்ராட்டில் அமைப்புடன் எலக்ட்ரானிக் ரைடிங் அசிஸ்ட் வசதிகளும் இதில் இணைக்கப்பட உள்ளன.

பெரிய எஞ்சினுக்கு ஏற்ற வகையில், பிரத்யேகமாக உருவாக்கப்பட்ட டியூபுலர் ஸ்டீல் ஃபிரேம் மற்றும் நிலையான ரியர் சப்-ஃபிரேம் ஆகியவை நெடுஞ்சாலைப் பயணம் மற்றும் கரடுமுரடான ஆஃப்-ரோடு சாகசங்களுக்கு உறுதியான அடித்தளத்தை வழங்குகின்றன. சஸ்பென்ஷன் பணிகளுக்கு முன்பக்கத்தில் ஷோவா (Showa) அப்சைடு-டவுன் (USD) ஃபோர்க்குகளும், பின்பக்கத்தில் லிங்க்-டைப் மோனோஷாக் அமைப்பும் பொருத்தப்பட உள்ளதாகத் தெரிகிறது. பின்பக்க சஸ்பென்ஷனில் ரிமோட் ப்ரீலோடு மற்றும் ரீபவுண்ட் அட்ஜஸ்ட்மென்ட் வசதி வழங்கப்படலாம். இதன்மூலம் ரைடர்கள் தங்கள் ரைடிங் ஸ்டைல், பயணப் பாதை மற்றும் லக்கேஜ் சுமைக்கு ஏற்ப சஸ்பென்ஷனை எளிதாக மாற்றியமைத்துக் கொள்ள முடியும்.

சக்கரங்கள் மற்றும் பிரேக்கிங் அமைப்பு

இருவேறு பயன்பாட்டிற்கும் (Dual-purpose) ஏற்ற வகையில், முன்பக்கம் 19-இன்ச் சக்கரமும், பின்பக்கம் 17-இன்ச் சக்கரமும் வழங்கப்படலாம். வாடிக்கையாளர்கள் அலாய் வீல்கள் (Cast Alloy) அல்லது கிராஸ்-ஸ்போக் டியூப்லெஸ் வீல்கள் (Cross-spoke Tubeless) ஆகிய இரண்டில் தங்களுக்கு விருப்பமானதைத் தேர்வு செய்யும் வாய்ப்பைப் பெறக்கூடும். தொலைதூரப் பயணங்களை மேற்கொள்ளும் ரைடர்களுக்கு டியூப்லெஸ் ஸ்போக் வீல்கள் சிறந்த தேர்வாக அமையும். பிரேக்கிங்கைப் பொறுத்தவரை, முன்பக்கம் பைப்ரே (ByBre) காலிப்பர்களுடன் கூடிய ட்வின் டிஸ்க் பிரேக்குகளும், பின்பக்கம் சிங்கிள் டிஸ்க்கும் வழங்கப்பட உள்ளன. மேலும், ஆஃப்-ரோடு பயன்பாட்டிற்கு உதவும் வகையில் சுவிட்சபிள் ஏபிஎஸ் (Switchable ABS) வசதியும் இதில் இடம்பெறும்.

தற்போதுள்ள ஹிமாலயன் மாடல்களை விட இந்த 750 மாடலில் தொழில்நுட்ப ரீதியாக மிகப்பெரிய மாற்றங்கள் செய்யப்பட்டுள்ளன. ராயல் என்ஃபீல்ட் மோட்டார்சைக்கிள்களிலேயே முதன்முறையாக ஃபேக்டரி-ஃபிட்டட் க்ரூஸ் கண்ட்ரோல் வசதி இதில் அறிமுகமாகிறது. இது நீண்ட தூர நெடுஞ்சாலைப் பயணங்களை எளிதாக்கும். வழுக்கும் சாலைகள் மற்றும் மணற்பாங்கான பாதைகளில் சக்கரங்கள் நிலைதடுமாறாமல் இருக்க இந்த அமைப்பு கூடுதல் பாதுகாப்பை வழங்கும். ரெயின் (Rain), ரோடு (Road), கஸ்டம் (Custom) மற்றும் ட்ரெயில் (Trail) ஆகிய பல்வேறு ரைடிங் மோடுகள் வழங்கப்பட உள்ளன.

ஸ்மார்ட்போன் இணைப்பு மற்றும் டர்ன்-பை-டர்ன் நேவிகேஷன் வசதியுடன் கூடிய வட்ட வடிவ டிஜிட்டல் டிஎஃப்டி (TFT) டிஸ்ப்ளே இடம்பெறும். மேலும், டயர்களின் காற்றழுத்தத்தைக் கண்காணிக்கும் 'TPMS' (Tyre Pressure Monitoring System) வசதியும் நீண்ட தூரப் பயணப் பாதுகாப்பிற்குப் பேருதவியாக இருக்கும்.

ஹிமாலயன் வரிசையின் பிரத்யேக முரட்டுத்தனமான தோற்றத்தைத் தக்கவைத்துக்கொண்டு, நெடுஞ்சாலைப் பயணங்களுக்கு உகந்த ஏரோடைனமிக் வடிவமைப்பு இதில் சேர்க்கப்பட்டு உள்ளது. பிளாஸ்டிக் ஹாஃப்-ஃபேரிங் (Half-fairing), மெட்டல் ஃபியூவல் டேங்க் மற்றும் காற்று எதிர்ப்பை குறைக்கும் உயரமான விண்ட்ஸ்கிரீன் ஆகியவை நெடுஞ்சாலை பயணக் களைப்பை குறைக்கும். கூடுதலாக, கேம்பிங் உபகரணங்களை ஏற்றிச் செல்ல உதவும் 7 கிலோ வரை தாங்கக்கூடிய ரியர் லக்கேஜ் ரேக் மற்றும் சென்டர் ஸ்டாண்ட் ஆகியவை இயல்பாகவே வழங்கப்பட உள்ளன.

சந்தைப் போட்டி & எதிர்பார்ப்பு

ராயல் என்ஃபீல்ட் ஹிமாலயன் 750 சந்தைக்கு வரும்போது, மிடில்-வெயிட் அட்வென்ச்சர் பிரிவில் உள்ள பிஎம்டபிள்யூ F 800 GS, சுஸுகி வி-ஸ்ட்ரோம் 800DE மற்றும் கேடிஎம் 790 அட்வென்ச்சர் போன்ற முன்னணி சர்வதேச பைக்குகளுக்கு நேரடி மற்றும் மலிவான மாற்றாக அமையும் என்று எதிர்பார்க்கப்படுகிறது.

முழுமையான விவரக்குறிப்புகள், ஆற்றல் அளவீடுகள் மற்றும் விலை ஆகியவை EICMA மற்றும் மோட்டோவர்ஸ் நிகழ்வுகளில் அதிகாரப்பூர்வமாகத் தெரியவரும். தினசரி பயன்பாடு, நீண்ட தூர நெடுஞ்சாலைப் பயணம் மற்றும் சவாலான ஆஃப்-ரோடு சாகசம் ஆகிய அனைத்திற்கும் ஏற்ற வகையில் இது அமையுமானால், சமீபத்திய ஆண்டுகளில் ராயல் என்ஃபீல்டின் மிக முக்கியமான மற்றும் வெற்றிகரமான அறிமுகமாக ஹிமாலயன் 750 திகழும் என்பதில் சந்தேகமில்லை.

லைட் வெயிட், 125சிசி இன்ஜின்: ரூ.90,000-க்குள் கிடைக்கும் 5 கெத்தான லோ-சீட் ஸ்கூட்டர்கள்!

Kiruthickraj D — Tue, 03 Nov 2026 15:31:12 +0530

ரூ.90,000 பட்ஜெட்டில் கிடைக்கும் குறைந்த எடை மற்றும் குறைந்த இருக்கை உயரம் (Seat Height) கொண்ட சிறந்த 5 ஸ்கூட்டர்களின் விவரங்களை பற்றி பார்ப்போம்.

உயரம் குறைவாக இருப்பவர்கள் ஒரு புதிய ஸ்கூட்டரைத் தேர்ந்தெடுக்கும் போது, அதன் இருக்கையின் உயரம் (Seat Height) மற்றும் வண்டியின் எடை மிக முக்கியப் பங்காற்றுகின்றன. டிராஃபிக்கில் நிற்கும் போதும், வாகனத்தைப் பார்க் செய்யும் போதும் கால்கள் தரைக்கு எட்ட வேண்டும் என்றால், அதிக எடையும் உயரமான இருக்கையும் கொண்ட வண்டிகளை ஓட்டுவது சிரமமாக இருக்கும். இந்தச் சிக்கல்களுக்கெல்லாம் ஒரு முற்றுப்புள்ளி வைக்கும் விதமாக, ரூ.90,000 விலைக்குள் கிடைக்கும் 5 லேசான ஸ்கூட்டர்கள் பற்றிய விவரங்களை பார்போம்.

குறைந்த உயரம் உள்ளவர்களுக்கு மிகவும் பொருத்தமான மற்றும் பிராக்டிகலான ஸ்கூட்டர்களில் இது முதலிடத்தில் உள்ளது.

இருக்கை உயரம் - 760 மிமீ (வண்டியை நிறுத்தும் போது கால்கள் சுலபமாகத் தரைக்கு எட்டும்)

இன்ஜின் - 109.7சிசி ஏர்-கூல்டு இன்ஜின்

எடை - 103 கிலோ (கையாளுவது மிக எளிது)

சிறப்பம்சங்கள் - 19 லிட்டர் அண்டர்-சீட் ஸ்டோரேஜ், டெலஸ்கோபிக் சஸ்பென்ஷன், டூப்லெஸ் டயர்கள்

மைலேஜ் - லிட்டருக்கு 45 முதல் 50 கி.மீ வரை

எக்ஸ்-ஷோரூம் விலை - தோராயமாக ரூ.70,000 முதல் ரூ.75,000 வரை

சற்று கூடுதல் பவர் கொண்ட 125சிசி இன்ஜின் வேண்டும், அதே நேரத்தில் வண்டியும் மிகவும் லேசாக இருக்க வேண்டும் என்று நினைப்பவர்களுக்கு இது ஒரு சிறந்த தேர்வாகும்.

இருக்கை உயரம் - 780 மிமீ

எடை - 98 முதல் 99 கிலோ வரை

சிறப்பம்சங்கள் - ஸ்மார்ட் மோட்டார் ஜெனரேட்டர் (Smart Motor Generator) தொழில்நுட்பம் (முடுக்கத்தை எளிதாக்குகிறது), 21 லிட்டர் ஸ்டோரேஜ், எல்இடி லைட்டிங், ப்ளூடூத் கனெக்டிவிட்டி

மைலேஜ் - லிட்டருக்கு 49 முதல் 55 கி.மீ வரை

எக்ஸ்-ஷோரூம் விலை - தோராயமாக ரூ.78,000 முதல் ரூ.90,000 வரை

கச்சிதமான வடிவம் மற்றும் லேசான எடையுடன் தினசரி பயன்பாட்டுக்கு ஏற்ற வகையில் உருவாக்கப்பட்டுள்ளது.

இருக்கை உயரம் - 765 மிமீ

எடை - சுமார் 104 முதல் 106 கிலோ வரை

இன்ஜின் - 110.9சிசி இன்ஜின்

சிறப்பம்சங்கள் - ப்ளூடூத் கனெக்டிவிட்டி, கால்/எஸ்எம்எஸ் அலெர்ட், எல்இடி புரெக்டர் ஹெட்லேம்ப், யூஎஸ்பி சார்ஜிங் போர்ட்

மைலேஜ் - லிட்டருக்கு தோராயமாக 50 கி.மீ

எக்ஸ்-ஷோரூம் விலை - சுமார் ரூ.70,000 முதல் ரூ.85,000 வரை

மிகவும் குறைந்த எடையில் வண்டியை இயக்க விரும்பும் ஆரம்ப நிலை ரைடர்களுக்காகப் பரவலாக அறியப்பட்ட மாடல்.

இருக்கை உயரம் - சுமார் 765 மிமீ

எடை - 93 முதல் 95 கிலோ (குறுகிய வீதிகளிலும் டிராஃபிக்கிலும் மிக எளிதாக ஓட்டலாம்)

இன்ஜின் - 87.8சிசி இன்ஜின்

மைலேஜ் - லிட்டருக்கு தோராயமாக 50 கி.மீ

இந்த மாடல் தற்போது புதிய உற்பத்தியில் இல்லை என்பதால், செகண்ட்-ஹேண்ட் (Used Market) மார்க்கெட்டில் மட்டுமே கிடைக்க வாய்ப்புள்ளது.

சற்று ஸ்போர்ட்டியான லுக்கில், அதே சமயம் அதிக எடையில்லாத ஒரு ஸ்கூட்டரைத் தேடும் குறுகிய உயர ரைடர்களுக்கு யமஹா ரே இசட்ஆர் ஒரு சரியான தேர்வாகும்.

இருக்கை உயரம் - 785 மிமீ

எடை - 99 கிலோ

இன்ஜின் - பாஸினோ போலவே இதுவும் 125சிசி ஹைப்ரிட் இன்ஜின் பிளாட்ஃபார்மைப் பயன்படுத்துகிறது.

சிறப்பம்சங்கள் - ஸ்போர்ட்டி டிசைன், ஸ்டாப்-ஸ்டார்ட் சிஸ்டம், நல்ல முடுக்கம்

மைலேஜ் - லிட்டருக்கு 49 முதல் 55 கி.மீ வரை

எக்ஸ்-ஷோரூம் விலை - தோராயமாக ரூ.78,000 முதல் ரூ.90,000 வரை

90's விண்டேஜ் தோற்றம், நவீன டெக்னாலஜி: ரூ.1.5 லட்சத்திற்குள் கிடைக்கும் டாப் 5 மாஸ் ரெட்ரோ பைக்குகள்!

Meenakshisundaram — Tue, 03 Nov 2026 11:43:16 +0530

ரூ.1.5 லட்சத்திற்குள் கிடைக்கும் டாப் 5 ரெட்ரோ பைக்குகள்! Yamaha XSR155, Royal Enfield Hunter 350 முதல் TVS Ronin வரை... விலை மற்றும் மைலேஜ், சிறப்பம்சங்கள் முழு விவரம் பற்றி பார்ப்போம்.

155cc லிக்விட்-கூல்டு எஞ்சின் முதல் 350cc ஏர்-கூல்டு எஞ்சின் வரை, நவீன கால கிளாசிக் மற்றும் ரெட்ரோ (Retro) ரக பைக்குகளுக்கு இந்தியாவில் வரவேற்பு தொடர்ந்து அதிகரித்து வருகிறது. யமஹா, ராயல் என்பீல்ட், டிவிஎஸ் மற்றும் கவாஸாகி போன்ற முன்னணி நிறுவனங்கள் பாரம்பரிய வடிவமைப்பும் நவீன தொழில்நுட்பங்களும் இணைந்த மலிவு விலை பைக்குகளை விற்பனை செய்து வருகின்றன. அந்த வகையில், இந்தியாவில் ரூ.1.5 லட்சம் (எக்ஸ்-ஷோரூம்) விலைக்குள் கிடைக்கும் டாப் 5 என்ட்ரி-லெவல் ரெட்ரோ பைக்குகளின் விவரங்கள் பற்றி பார்ப்போம்.

சமீபத்தில் அறிமுகமான யமஹா XSR155, ரெட்ரோ தோற்றத்தை நவீன அம்சங்களுடன் வழங்குகிறது. இதில் 155cc, லிக்விட்-கூல்டு, சிங்கிள்-சிலிண்டர் எஞ்சின் பொருத்தப்பட்டுள்ளது (இந்த பட்டியலில் லிக்விட்-கூல்டு வசதி கொண்ட ஒரே பைக் இதுவே). இது 18.4PS பவரையும், 14.2Nm டார்க் திறனையும் உருவாக்குகிறது. 6-ஸ்பீடு கியர்பாக்ஸுடன் ஸ்லிப்பர் கிளட்ச் வசதியும் உண்டு.

லிட்டருக்கு 45.5 கி.மீ மைலேஜ் தரும் எனத் தெரிவிக்கப்படும் இந்த பைக்கில் 10 லிட்டர் கொள்ளளவு கொண்ட பெட்ரோல் டேங்க் உள்ளது. இதன் இருக்கை உயரம் (Seat height) 810 மி.மீ; எடை வெறும் 137 கிலோ மட்டுமே என்பதால் நெரிசலான சாலைகளிலும் எளிதாகக் கையாள முடியும். இதன் எஞ்சின் மற்றும் பல பாகங்கள் யமஹா R15 V4 மற்றும் MT-15 V2 மாடல்களில் இருந்து பெறப்பட்டவை. டிஜிட்டல் இன்ஸ்ட்ரூமென்ட் கிளஸ்டர், ப்ளூடூத் இணைப்பு, எல்இடி முகப்பு விளக்கு மற்றும் டூயல்-சேனல் ஏபிஎஸ் (Dual-channel ABS) ஆகியவை இதில் உள்ளன.

ராயல் என்பீல்ட் ஹண்டர் 350 ஒரு முறையான கிளாசிக் ரோட்ஸ்டர் ரக பைக்காகும். இதில் 349cc, சிங்கிள்-சிலிண்டர், ஏர்-கூல்டு எஞ்சின் 5-ஸ்பீடு கியர்பாக்ஸுடன் இணைக்கப்பட்டுள்ளது. இது கிளாசிக் 350 மாடலைப் போலவே ஆரம்ப வேகத்திலேயே 20.5PS பவரையும், 27Nm டார்க் திறனையும் வெளிப்படுத்துகிறது.

ARAI சான்றளிக்கப்பட்ட மைலேஜ் லிட்டருக்கு 36 கி.மீ ஆகும்; 13 லிட்டர் பெட்ரோல் டேங்க் வசதி கொண்டது. இதன் இருக்கை உயரம் 790 மி.மீ ஆகவும், எடை வேரியண்ட்டைப் பொறுத்து 177 முதல் 181 கிலோ வரையிலும் இருக்கும். பாதுகாப்புக்கு டூயல்-சேனல் ஏபிஎஸ், அனலாக் மற்றும் டிஜிட்டல் கலந்த மீட்டர் கன்சோல் வழங்கப்பட்டுள்ளது. ராயல் என்பீல்ட் வரிசையில் குறைந்த விலையில் கிடைக்கும் சிறந்த ரெட்ரோ பைக் இதுவாகும்.

டி.வி.எஸ் ரோனின் என்பது நியோ-ரெட்ரோ க்ரூஸர், ஸ்கிராம்பிளர் மற்றும் ரோட்ஸ்டர் ஆகிய பாணிகளின் கலவையாகும். இதில் 225.9cc, சிங்கிள்-சிலிண்டர், ஏர் & ஆயில்-கூல்டு எஞ்சின் உள்ளது. இது 20.4PS பவர் & 19.9Nm டார்க்கை 5-ஸ்பீடு கியர்பாக்ஸ் மூலம் வழங்குகிறது. லிட்டருக்கு 42.95 கி.மீ மைலேஜ் தரும் எனத் தெரிவிக்கப்படும் இதில் 14 லிட்டர் எரிபொருள் டேங்க் உள்ளது. இதன் இருக்கை உயரம் 795 மி.மீ, எடை 160 கிலோ ஆகும். முக்கிய அம்சங்களாக டூயல்-சேனல் ஏபிஎஸ், ப்ளூடூத் வசதியுடன் கூடிய முழுமையான டிஜிட்டல் கன்சோல், ரைடிங் மோடுகள் (Ride modes), டர்ன்-பை-டர்ன் நேவிகேஷன் மற்றும் வாய்ஸ் அசிஸ்ட் ஆகியவை இடம்பெற்றுள்ளன. நவீன வசதிகளுடன் கூடிய தனித்துவமான தோற்றம் கொண்ட தினசரி பயன்பாட்டு பைக் இது.

ஸ்கிராம்பிளர் பாணி மற்றும் நிமிர்ந்து அமர்ந்து ஓட்டும் வசதியுடன் கூடிய மற்றொரு யமஹா மாடல் FZ-X ஆகும். இதன் வழக்கமான மாடலில் 149cc ஏர்-கூல்டு, சிங்கிள்-சிலிண்டர் எஞ்சின் உள்ளது. இது 12.4PS பவர் மற்றும் 13.3Nm டார்க்கை வெளிப்படுத்துகிறது. கூடுதல் மைலேஜு இதில் மைல்ட்-ஹைப்ரிட் (Smart Motor Generator - SMG) வேரியண்ட்டும் கிடைக்கிறது. ஹைப்ரிட் மாடல் லிட்டருக்கு 53 கி.மீ மைலேஜ் தரும் எனத் தெரிவிக்கப்பட்டுள்ளது; 10 லிட்டர் எரிபொருள் டேங்க் கொண்டது. இதன் எடை 141 கிலோ, இருக்கை உயரம் 810 மி.மீ. எல்இடி ஹெட்லேம்ப், சிங்கிள்-சேனல் ஏபிஎஸ், யுஎஸ்பி சார்ஜர் மற்றும் ஸ்மார்ட்போன் இணைப்பு கொண்ட எல்சிடி கிளஸ்டர் ஆகியவை இதன் சிறப்பம்சங்கள். கம்பீரமான ரெட்ரோ தோற்றமும் சிறந்த மைலேஜும் விரும்புபவர்களுக்கு இது ஏற்றது.

கவாஸாகி W175 உண்மையான 90-களின் விண்டேஜ் (Vintage) பாணியைக் கொண்ட பைக் ஆகும். இதில் 177cc ஏர்-கூல்டு, சிங்கிள்-சிலிண்டர் எஞ்சின் 5-ஸ்பீடு கியர்பாக்ஸுடன் வருகிறது. இது 13PS பவர் மற்றும் 13.2Nm டார்க்கை உருவாக்குகிறது. 12 லிட்டர் கொள்ளளவு கொண்ட பெட்ரோல் டேங்குடன், லிட்டருக்கு 40 முதல் 45 கி.மீ வரை மைலேஜ் தருகிறது. இருக்கை உயரம் 790 மி.மீ; இதன் எடை வெறும் 135 கிலோ மட்டுமே என்பதால், இந்த பட்டியலில் உள்ள பைக்குகளில் மிகவும் எடை குறைவான பைக் இதுவேயாகும். எளிய டபுள்-கிராடில் ஸ்டீல் ஃபிரேம், டெலஸ்கோபிக் ஃபோர்க், இரட்டை ரியர் ஷாக் அப்சார்பர்கள், சிங்கிள்-சேனல் ஏபிஎஸ், அனலாக்-டிஜிட்டல் மீட்டர் மற்றும் ஹாலோஜன் ஹெட்லைட் ஆகிய பழைய கால கிளாசிக் அமைப்புகளுடன் இது உருவாக்கப்பட்டுள்ளது.

ஒரே சார்ஜில் 500 கி.மீ ரேஞ்ச், மிரட்டலான லுக்... டிச.2-ல் அறிமுகமாகும் ஹோண்டாவின் முதல் எலக்ட்ரிக் எஸ்.யூ.வி ஆல்ஃபா!

Meenakshisundaram — Wed, 04 Nov 2026 07:50:23 +0530

இந்திய சந்தைக்கான தனது முதல் எலக்ட்ரிக் எஸ்யூவியான 'ஹோண்டா ஆல்ஃபா' (Honda Alpha) மாடலை டிசம்பர் 2, 2026 அன்று அதிகாரப்பூர்வமாக ஹோண்டா நிறுவனம் அறிமுகப்படுத்தவுள்ளது. 500 கி.மீ ரேஞ்ச், பேட்டரி திறன் மற்றும் முழு சிறப்பம்சங்கள் என்னென்ன?

இந்திய மின்சார வாகன (EV) சந்தையில் தடம் பதிக்கும் விதமாக, ஹோண்டா நிறுவனம் தனது முதல் எலக்ட்ரிக் எஸ்யூவி அதிகாரப்பூர்வமாக களமிறக்கத் தயாராகிவிட்டது. கடந்த 2025-ஆம் ஆண்டு காட்சிப்படுத்தப்பட்ட '0 ஆல்ஃபா' (0 Alpha) கான்செப்ட் மாடலின் தயாரிப்பு வடிவமான (Production-ready version) இந்த எஸ்யூவி, வரும் டிசம்பர் 2, 2026 அன்று அதிகாரப்பூர்வமாக அறிமுகப்படுத்தப்படவுள்ளது.

சந்தைக்கு வரும்போது அதன் பெயரில் உள்ள 0 நீக்கப்பட்டு, ஹோண்டா ஆல்ஃபா (Honda Alpha) என்ற பெயரிலேயே விற்பனைக்கு கொண்டு வரப்படும் என்று தெரிவிக்கப்பட்டுள்ளது. கடந்த சில மாதங்களாக இந்தியச் சாலைகளில் தீவிர சோதனை ஓட்டங்களை மேற்கொண்டு வந்த ஹோண்டா, அடுத்த ஆண்டின் தொடக்கத்தில் இதனை அதிகாரப்பூர்வமாக விற்பனைக்குக் கொண்டுவரத் திட்டமிட்டுள்ளது.

இதுதொடர்பாக ஹோண்டா கார்ஸ் இந்தியாவின் தலைவர் மற்றும் தலைமை நிர்வாக அதிகாரி தோஷியுகி யானகிசாவா (Toshiyuki Yanagisawa) கூறுகையில், ஹோண்டா ஆல்ஃபா என்பது இந்திய வாடிக்கையாளர்களுக்கு நவீன எலக்ட்ரிக் மொபிலிட்டியை வழங்குவதுடன், ஹோண்டாவுக்கு உரித்தான தரம், நம்பகத்தன்மை மற்றும் ஓட்டுநர் மகிழ்ச்சியைத் தருவதை நோக்கமாகக் கொண்டுள்ளது.

எதிர்காலத்தில் இந்த மாடலுக்கான உலகளாவிய உற்பத்தி மையமாக இந்தியா செயல்படவுள்ளது. இது ஹோண்டாவின் மின்மயமாக்கல் பயணத்தில் ஒரு முக்கிய மைல்கல்லாக அமைவதுடன், இந்திய சந்தை மீதான எங்கள் வலுவான அர்ப்பணிப்பையும் பிரதிபலிக்கிறது என்று குறிப்பிட்டு உள்ளார்.

இந்தியச் சாலைகளில் சோதனை செய்யப்பட்ட மாதிரி வாகனங்களின் புகைப்படங்களின்படி, இந்த உற்பத்தி மாடல் '0 ஆல்ஃபா' கான்செப்ட் வடிவமைப்பிற்கு மிக நெருக்கமாக இருக்கும் என்பது தெளிவாகிறது. கான்செப்ட் மாடலில் இடம்பெற்ற அதே தனித்துவமான நிமிர்ந்த முகப்புத் தோற்றம் மற்றும் பின்பகுதி வடிவமைப்பு, பின்புற கண்ணாடியை ஒட்டியபடி அமைந்துள்ள டெயில் லேம்ப்கள் மற்றும் தடிமனான சி-பில்லர் (C-pillar) போன்ற அம்சங்கள் இதிலும் தக்கவைக்கப்பட்டுள்ளன. மேலும் இதன் பம்பர் அமைப்பும் கான்செப்ட் மாடலின் வடிவமைப்பை ஒத்தே காட்சியளிக்கிறது.

ஹோண்டா ஆல்ஃபா எஸ்யூவியின் அதிகாரப்பூர்வ தொழில்நுட்ப விவரங்கள் இன்னும் முழுமையாக வெளியிடப்படவில்லை. எனினும், இந்த மாடல் ஹூண்டாய் க்ரெட்டா எலக்ட்ரிக் (Hyundai Creta Electric) மற்றும் மாருதி சுஸுகி இ-விடாரா (Maruti Suzuki e-Vitara) போன்ற மாடல்களை விட அளவில் பெரியதாக இருக்கும் எனக் கருதப்படுகிறது. இதில் 50 முதல் 70 kWh வரையிலான பேட்டரி தேர்வுகள் இடம்பெற வாய்ப்புள்ளது. ஒரே முழு சார்ஜில் நிஜ உலக பயன்பாட்டில் (Real-world range) 400 முதல் 500 கி.மீ வரை பயணிக்கும் அளவிலான ரேஞ்சை இந்த எஸ்யூவியில் வழங்க ஹோண்டா இலக்கு நிர்ணயித்துள்ளது.

Bikes Under 80000: லிட்டருக்கு 75 கி.மீ வரை மைலேஜ்! ரூ.80,000-க்குள் கிடைக்கும் 5 பட்ஜெட் பைக்குகள்

Raghupati R — Sun, 01 Nov 2026 18:42:18 +0530

Bikes Under 80000: பெட்ரோல் விலை உயர்ந்து வரும் நிலையில், குறைந்த செலவில் அதிக மைலேஜ் தரும் பைக்குகளை வாங்க பலரும் விரும்புகின்றனர். ரூ.80,000-க்குள் கிடைக்கும் 5 பட்ஜெட் பைக்குகளை காணலாம்.

தீபாவளி பண்டிகையை முன்னிட்டு புதிய பைக் வாங்கத் திட்டமிடுபவர்களுக்கு குறைந்த விலை மற்றும் அதிக மைலேஜ் ஆகிய இரண்டும் முக்கியமான அம்சங்களாக இருக்கும். குறிப்பாக, தினமும் அலுவலகம் அல்லது தொழில் தேவைகளுக்காக நீண்ட தூரம் பயணம் செய்பவர்கள் பெட்ரோல் செலவைக் குறைக்க விரும்புவார்கள். இதற்காக இந்தியாவில் 100 முதல் 110 சிசி வரையிலான பல பட்ஜெட் பைக்குகள் விற்பனையில் உள்ளன. பஜாஜ் பிளாட்டினா 100, ஹீரோ எச்எஃப் டீலக்ஸ், ஹீரோ ஸ்பிளெண்டர் பிளஸ், டிவிஎஸ் ரேடியான், ஹோண்டா ஷைன் 100 ஆகியவை இந்தப் பிரிவில் கவனிக்கத்தக்க மாடல்கள். இவற்றில் சில பைக்குகளின் தொடக்க எக்ஸ்-ஷோரூம் விலை ரூ.80,000-க்குள் உள்ளது. ஆனால் அனைத்து வகைகளும் ஆன்-ரோடு விலையில் இந்தத் தொகைக்குள் கிடைக்கும் என்று சொல்ல முடியாது. மேலும், நிறுவனங்கள் தெரிவிக்கும் மைலேஜ் மற்றும் உண்மையான சாலைப் பயன்பாட்டில் கிடைக்கும் மைலேஜ் வேறுபடலாம். எனவே, விலை மற்றும் மைலேஜ் இரண்டையும் ஒப்பிட்டுப் பார்த்து பைக்கைத் தேர்வு செய்வது நல்லது.

இந்தப் பட்டியலில் அதிக மைலேஜ் எதிர்பார்க்கும் வாடிக்கையாளர்களின் கவனத்தை ஈர்க்கும் மாடல் பஜாஜ் பிளாட்டினா 100. இதன் தொடக்க எக்ஸ்-ஷோரூம் விலை சுமார் ரூ.72,942 என நிறுவனத்தின் இணையதளத்தில் குறிப்பிடப்பட்டுள்ளது. 99.59 சிசி எஞ்சின் கொண்ட இந்த பைக்கில் நீளமான இருக்கை, மேம்படுத்தப்பட்ட முன் மற்றும் பின்புற சஸ்பென்ஷன், மின்சார ஸ்டார்ட் போன்ற வசதிகள் உள்ளன. இதன் மைலேஜ் சுமார் 70 முதல் 75 கி.மீ வரை கிடைக்கலாம் எனப் பல்வேறு வாகனத் தகவல் தளங்கள் குறிப்பிடுகின்றன. இருப்பினும், இந்த எண்ணிக்கை சாலை நிலை, ஓட்டும் வேகம், வாகனத்தின் பராமரிப்பு ஆகியவற்றைப் பொறுத்து மாறும். மோசமான சாலைகளிலும் வசதியான பயணத்தை விரும்புபவர்களுக்கு இதன் சஸ்பென்ஷன் அமைப்பு உதவியாக இருக்கலாம்.

குறைந்த பராமரிப்புச் செலவு மற்றும் அன்றாடப் பயன்பாட்டுக்கு ஏற்ற பைக்கைத் தேடுபவர்களுக்கு ஹீரோ எச்எஃப் டீலக்ஸ் ஒரு தேர்வாக உள்ளது. இதில் 97.2 சிசி எஞ்சின் வழங்கப்பட்டுள்ளது. நிறுவனத்தின் அதிகாரப்பூர்வ மைலேஜ் தகவலின்படி, இதன் ஏஆர்ஏஐ சோதனை மைலேஜ் 68 கி.மீ/லிட்டர் ஆகும். புதிய தயாரிப்புப் பக்கத்தில் 72 கி.மீ/லிட்டர் என்ற மைலேஜ் விவரமும் குறிப்பிடப்பட்டுள்ளது. எனவே, எந்த வகைக்கான மைலேஜ் என்பது விற்பனையகத்தில் உறுதி செய்யப்பட வேண்டும். இதன் தொடக்க எக்ஸ்-ஷோரூம் விலை சுமார் ரூ.58,000 முதல் தொடங்குகிறது. அடுத்ததாக, ஹீரோ ஸ்பிளெண்டர் பிளஸ் இந்தியாவின் பிரபலமான அன்றாடப் பயன்பாட்டுப் பைக்குகளில் ஒன்று. இதன் அதிகாரப்பூர்வ தகவலின்படி, இ20 எரிபொருளில் 70 கி.மீ/லிட்டர் மைலேஜ் வழங்கும் எனக் குறிப்பிடப்பட்டுள்ளது. ஆனால் இதன் விலை ரூ.80,000-ஐத் தாண்டக்கூடும். எனவே, இந்தப் பட்டியலில் உள்ள அனைத்து மாடல்களும் ரூ.80,000-க்குள் கிடைக்கும் என்று கருத வேண்டாம்.

டிவிஎஸ் ரேடியான் வலுவான கட்டமைப்பு, நீளமான இருக்கை மற்றும் அன்றாடப் பயணத்துக்கு ஏற்ற வடிவமைப்பைக் கொண்டுள்ளது. இதன் 109.7 சிசி எஞ்சின் நகரப் பயணத்துக்கும் கிராமப்புறச் சாலைகளுக்கும் ஏற்றதாக இருக்கும். 2026 மாடலின் தொடக்க எக்ஸ்-ஷோரூம் விலை சுமார் ரூ.67,100 எனத் தெரிவிக்கப்பட்டுள்ளது. ஏஆர்ஏஐ மைலேஜ் மதிப்பு சுமார் 73.69 கி.மீ/லிட்டர் என வாகனத் தகவல் தளங்கள் குறிப்பிடுகின்றன. ஹோண்டா ஷைன் 100 குறைந்த விலைப் பிரிவில் ஹோண்டா நிறுவனத்தின் தேர்வாக உள்ளது. 98.98 சிசி எஞ்சின், எளிமையான வடிவமைப்பு மற்றும் தினசரி பயணத்துக்கு ஏற்ற அமைப்பு ஆகியவை இதன் அம்சங்கள். இதன் மைலேஜ் மற்றும் வேரியண்ட் விலையை வாங்குவதற்கு முன்பு அருகிலுள்ள ஹோண்டா விற்பனையகத்தில் உறுதி செய்வது அவசியம்.

இந்த ஐந்து பைக்குகளையும் ஒப்பிடும்போது விலை மற்றும் மைலேஜ் மட்டுமே முடிவெடுக்கும் காரணிகளாக இருக்கக் கூடாது. முதலில், எக்ஸ்-ஷோரூம் விலையுடன் சாலை வரி, காப்பீடு, பதிவு கட்டணம் ஆகியவற்றையும் சேர்த்து இறுதி விலையைக் கணக்கிடுங்கள். அடுத்ததாக, உங்கள் தினசரிப் பயணத் தொலைவு, சாலையின் தன்மை, இருவர் பயணம் செய்ய வேண்டிய தேவை, இருக்கையின் வசதி, சர்வீஸ் மையம் கிடைக்கும் இடம் ஆகியவற்றையும் கவனியுங்கள். மைலேஜ் விவரங்களில் நிறுவனத்தின் சோதனை மதிப்பு, வாகன உரிமையாளர்கள் தெரிவிக்கும் அனுபவம், உண்மையான சாலைப் பயன்பாடு ஆகியவற்றுக்கு இடையே வேறுபாடு இருக்கலாம். எனவே, ஒரே எண்ணிக்கையை உறுதியான மைலேஜாகக் கருத வேண்டாம். தீபாவளி சலுகைகள் இருப்பதாக விற்பனையகங்கள் தெரிவித்தாலும், பணத் தள்ளுபடி, பரிமாற்றச் சலுகை, கடன் சலுகை ஆகியவற்றின் நிபந்தனைகளைத் தெளிவாகக் கேளுங்கள். பைக்கை நேரில் பார்த்து சோதனை ஓட்டம் செய்த பிறகே முன்பதிவு செய்வது நல்லது.

343 கி.மீ ரேஞ்ச்,155 கி.மீ டாப் ஸ்பீட்: பட்ஜெட் விலையில் ஸ்போர்ட்டி லுக்குடன் டாப் 3 இ-பைக்குகள்!

Kiruthickraj D — Wed, 04 Nov 2026 16:06:23 +0530

2026-ஆம் ஆண்டில் இந்திய சந்தையில் கவனத்தை ஈர்க்கும் டாப் 3 எலக்ட்ரிக் பைக்குகளான அல்ட்ரா வயலட் எக்ஸ்47 வெனம், அல்ட்ரா வயலட் எப்77 மற்றும் ஓபென் ரோற் எவோ ஆகியவற்றின் முக்கிய அம்சங்களை பற்றி பார்போம்.

இந்திய எலக்ட்ரிக் இருசக்கர வாகனச் சந்தையில், குறிப்பாக எலக்ட்ரிக் மோட்டார் சைக்கிள் பிரிவில் தற்போது அதிரடியான மாற்றங்கள் நிகழ்ந்து வருகின்றன. நவீன பேட்டரி தொழில்நுட்பம், மிரட்டலான செயல்திறன் மற்றும் ஸ்டைலான தோற்றத்துடன் களமிறங்கியுள்ள சிறந்த எலக்ட்ரிக் பைக்குகளை வாங்க விரும்பும் வாடிக்கையாளர்களுக்காக 2026-ஆம் ஆண்டில் பரிசீலிக்க வேண்டிய டாப் 3 எலக்ட்ரிக் பைக்குகள் குறித்த முழு விவரங்களை பற்றி பார்போம்.

அல்ட்ரா வயலட் நிறுவனத்தின் எக்ஸ்47 வெனம் மாடல், ஸ்போர்ட்டி கிராஸ்ஓவர் டிசைனுடன் வெளிவந்து மிகவும் எதிர்பார்ப்பை ஏற்படுத்தியுள்ள ஒரு எலக்ட்ரிக் பைக்காகும். வேகம், தொழில்நுட்பம் மற்றும் அன்றாடப் பயன்பாடு ஆகியவற்றை விரும்பும் ரைடர்களுக்காக இது பிரத்யேகமாக உருவாக்கப்பட்டுள்ளது.

மோட்டார் - 30 kW மோட்டார்

உச்ச வேகம் (Top Speed) - மணிக்கு 155 கி.மீ

மைலேஜ் / ரேஞ்ச் - பேட்டரி வேரியண்டைப் பொறுத்து ஒருமுறை முழுமையாகச் சார்ஜ் செய்தால் 227 கி.மீ முதல் அதிகபட்சமாக 343 கி.மீ வரை.

ஆரம்ப விலை - சுமார் ரூ.2.65 லட்சம் (எக்ஸ்-ஷோரூம்)

யாரெல்லாம் வாங்கலாம்?

அதீத செயல்திறன் மற்றும் நீண்ட தூரப் பயணங்களை விரும்புவோருக்கு இது ஒரு சிறந்த தேர்வாகும்.

வேகப் பிரியர்களைக் கவரும் வகையில் உருவாக்கப்பட்டுள்ள மற்றொரு பிரீமியம் எலக்ட்ரிக் பைக் தான் அல்ட்ரா வயலட் எப்77. இதன் ஆக்ரோஷமான தோற்றம் மற்றும் அதிநவீன தொழில்நுட்பம் ஆகியவை இதனைச் சந்தையில் தனித்துவமாகக் காட்டுகின்றன.

மோட்டார் - வேரியண்டைப் பொறுத்து 30 kW வரை பவர் வழங்குகிறது.

உச்ச வேகம் (Top Speed) - மணிக்கு 155 கி.மீ

ஸ்டாண்டர்ட் மாடல் - சுமார் 211 கி.மீ

ரீகான் (Recon) மாடல் - 323 கி.மீ

ஆரம்ப விலை - சுமார் ரூ.3.09 லட்சம் (எக்ஸ்-ஷோரூம்)

யாரெல்லாம் வாங்கலாம்?

ஸ்போர்ட்டி ரைடிங் மற்றும் பிரீமியம் அம்சங்களை விரும்புவோருக்கு இது மிகவும் பொருத்தமான தேர்வாகும்.

மிக விலையுயர்ந்த பிரீமியம் பைக்குகளுக்குச் செல்லாமல், நியாயமான விலையில் ஸ்போர்ட்டி தோற்றத்துடன் கூடிய எலக்ட்ரிக் பைக் வேண்டும் என்பவர்களுக்காக ஓபென் ரோற் எவோ மாடல் உருவாக்கப்பட்டுள்ளது.

மோட்டார் - 9 kW மோட்டார்

உச்ச வேகம் (Top Speed) - மணிக்கு 110 கி.மீ

மைலேஜ் / ரேஞ்ச் - ஒருமுறை முழுமையாகச் சார்ஜ் செய்தால் 180 கி.மீ வரை

ஆரம்ப விலை - சுமார் ரூ.1.40 லட்சம் (எக்ஸ்-ஷோரூம்)

யாரெல்லாம் வாங்கலாம்?

தினசரி அலுவலகப் பயணம் மேற்கொள்பவர்களுக்கும், பட்ஜெட் வாடிக்கையாளர்களுக்கும் இது ஒரு அருமையான தேர்வாக அமையும்.

டூயல் சேனல் ABS, ரைடிங் மோடுகள், கூகுள் மேப்ஸ்... புத்தம் புதிய என்ஜினுடன் ரீ-என்ட்ரி கொடுக்கும் 'பல்சர் 220F'!

Meenakshisundaram — Sun, 01 Nov 2026 16:00:59 +0530

புதிய என்ஜின், மோனோஷாக் சஸ்பென்ஷனுடன் களமிறங்கும் புதிய பஜாஜ் பல்சர் 220F; நவீன TFT டிஸ்ப்ளே, பாதுகாப்பு அம்சங்கள், வெளியீட்டு தேதி குறித்த முழு விவரங்களை பார்ப்போம்.

இந்திய இருசக்கர வாகனச் சந்தையில் ஐகானிக் மாடலாக வலம் வரும் 'பஜாஜ் பல்சர் 220F' (Bajaj Pulsar 220F), விரைவில் ஒரு விரிவான மற்றும் பிரம்மாண்டமான புதிய அப்டேட்டைப் பெறவுள்ளது. காலத்திற்கு ஏற்ப அவ்வப்போது சிறிய மாற்றங்களை செய்து வந்தாலும், தனது கிளாசிக் தோற்றம் & மெக்கானிக்கல் அமைப்பால் இன்றும் தனித்துவமான வரவேற்பைப் பெற்று வருகிறது பல்சர் 220F. இந்த நிலையில், சமீபத்தில் நடைபெற்ற ஒரு ரைடிங் நிகழ்வின்போது, பல்சர் 220F மாடலில் விரைவில் பல முக்கிய மாற்றங்கள் கொண்டுவரப்பட உள்ளதை பஜாஜ் நிறுவனம் அதிகாரப்பூர்வமாக உறுதிப்படுத்தியுள்ளது. விரைவில் வெளியாகவுள்ள இப்புதிய மாடலில் எதிர்பார்க்கப்படும் முக்கிய மாற்றங்கள் குறித்து விரிவாகக் காண்போம்.

பல்சர் 220F மாடலுக்கு இருக்கும் அசாத்தியமான வரவேற்பைக் கருத்தில் கொண்டு, இதன் பாரம்பரிய அடையாளத்தை மாற்றாமல் பாதுகாக்கவே பஜாஜ் திட்டமிட்டுள்ளது. சமீபத்தில் இதில் புதிய ஹெட்லைட் டிசைன் சேர்க்கப்பட்டிருந்தாலும், ஒட்டுமொத்த உடல் அமைப்பில் பெரியளவில் எந்த மாற்றமும் செய்யப்படவில்லை.

வரவிருக்கும் புதிய மாடலிலும் ஒட்டுமொத்த தோற்றத்தை மாற்றாமல், மிக நுட்பமான டிசைன் மாற்றங்கள் மட்டுமே இடம்பெறும். அதேசமயம், தற்போதைய புதிய தலைமுறை பல்சர் மாடல்களில் உள்ளதைப் போன்ற புத்தம் புதிய கலர் ஆப்ஷன்கள் மற்றும் நவீன கிராபிக்ஸ் டிசைன்கள் அறிமுகப்படுத்தப்படலாம். இதன்மூலம் பைக்கின் கிளாசிக் பொலிவு கெடாமல், நவீன தோற்றமும் கிடைக்கும்.

புதிய அப்டேட் மூலம் பைக்கின் சேசிஸ் மற்றும் உள்கட்டமைப்பிலும் குறிப்பிடத்தக்க மாற்றங்கள் வரவுள்ளன. சமீபத்திய புதிய தலைமுறை பல்சர்களைப் போன்றே, மேம்படுத்தப்பட்ட ஃப்ரேம் அமைப்பைப் புதிய 220F பெற வாய்ப்புள்ளது. பல ஆண்டுகளாகப் பயன்பாட்டில் உள்ள வழக்கமான ட்வின்-ஷாக் ரியர் சஸ்பென்ஷனுக்கு விடை கொடுத்துவிட்டு, நவீன மோனோஷாக் சஸ்பென்ஷன் (Monoshock setup) சேர்க்கப்படலாம். பிரேக்கிங் அமைப்பில் பெரிய மாற்றங்கள் இல்லாவிட்டாலும், N160 SS மாடலில் பயன்படுத்தப்படும் மேம்பட்ட பிரேக்கிங் உதிரிபாகங்கள் இதிலும் இடம்பெற வாய்ப்புள்ளது.

நவீன TFT டிஸ்ப்ளே & பாதுகாப்பு தொழில்நுட்பங்கள்

தற்போது விற்பனையில் உள்ள மாடலில் எளிய LCD கன்சோல் மட்டுமே உள்ள நிலையில், புதிய மாடலில் நவீன 5 இன்ச் TFT டிஸ்ப்ளே வழங்கப்பட வாய்ப்புள்ளது. இதில் ஸ்மார்ட்போன் கனெக்டிவிட்டி (Smartphone Connectivity), டர்ன்-பை-டர்ன் நேவிகேஷன் மற்றும் கூகுள் மேப்ஸ் மிரரிங், மியூசிக் கண்ட்ரோல்கள் & ஆவணங்களைச் சேமிக்கும் வசதி ஆகியவை இடம்பெறும். பைக்கின் பாதுகாப்பை மேலும் பலப்படுத்த சுவிட்சபிள் ட்ராக்ஷன் கண்ட்ரோல் (Switchable Traction Control) மற்றும் டியூயல் சேனல் ஏபிஎஸ் (Dual-channel ABS) போன்ற அம்சங்கள் வரக்கூடும். இவற்றுடன் நவீன ரைடு-பை-வயர் த்ராட்டில் (Ride-by-wire throttle) மற்றும் பல்வேறு ரைடிங் மோடுகளும் (Riding Modes) சேர்க்கப்படலாம் என்று எதிர்பார்க்கப்படுகிறது.

பல்சர் 220F பல ஆண்டுகளாக ஒரே என்ஜின் அமைப்பையே தொடர்ந்து பயன்படுத்தி வருகிறது; மாசுக்கட்டுப்பாட்டு விதிகளுக்கு ஏற்ப செய்யப்பட்ட மாற்றங்களைத் தவிர அதில் பெரிய அப்டேட்கள் எதுவும் இதுவரை நிகழவில்லை. ஆனால், இந்த முறை வரவிருக்கும் மாடலில் புத்தம் புதிய என்ஜின் இடம்பெற வாய்ப்புள்ளது. ஏற்கனவே அப்டேட் செய்யப்பட்ட பல்சர் 125 மற்றும் 150 மாடல்களைப் போன்றே இந்த என்ஜினும் நவீன தொழில்நுட்பத்துடன் உருவாக்கப்படலாம். இதன் பவர் அளவுகளில் பெரிய மாற்றம் இருக்காது என்றாலும், என்ஜினின் ரீஃபைன்மென்ட் மற்றும் ஒட்டுமொத்த செயல்திறன் கணிசமாக மேம்படும்.

வெளியீட்டு விவரம்: எப்போது எதிர்பார்க்கலாம்?

மேம்படுத்தப்பட்ட பல்சர் 220F மாடலின் அதிகாரப்பூர்வ வெளியீட்டுத் தேதியை பஜாஜ் நிறுவனம் இதுவரை முறைப்படி அறிவிக்கவில்லை. இருப்பினும், தனது பல்சர் சீரிஸ் பைக்குகளை பஜாஜ் நிறுவனம் மிக வேகமாக அப்டேட் செய்து வரும் வேகத்தைப் பார்க்கும்போது, இந்த பைக் மிக விரைவில், அதாவது 2026-ஆம் ஆண்டின் இறுதிக்குள் சந்தைக்கு வரலாம் என்று எதிர்பார்க்கப்படுகிறது.

Diwali Car Offers: ரூ.1.20 லட்சம் வரை சேமிக்கலாம்! டாடா முதல் மாருதி வரை.. இந்த 5 கார்களுக்கு அதிரடி தீபாவளி சலுகைகள்

Raghupati R — Wed, 04 Nov 2026 13:55:19 +0530

Diwali Car Offers: தீபாவளிக்கு முன்பாகப் புதிய கார் வாங்கத் திட்டமிடுபவர்களுக்கு டாடா, மாருதி உள்ளிட்ட நிறுவனங்கள் பல்வேறு சலுகைகளை அறிவித்துள்ளன. எந்த காருக்கு எவ்வளவு தள்ளுபடி கிடைக்கிறது? என்பதை பார்க்கலாம்.

தீபாவளி பண்டிகையை முன்னிட்டு கார் வாங்கத் திட்டமிடுபவர்களைக் கவரும் வகையில் டாடா, மாருதி, சிட்ரோயன் உள்ளிட்ட நிறுவனங்கள் பல்வேறு சலுகைகளை அறிவித்துள்ளன. குறிப்பாக ஹேட்ச்பேக் மற்றும் மின்சார கார் மாடல்களுக்கு பணத் தள்ளுபடி, பழைய காரை மாற்றுவதற்கான சலுகை, கூடுதல் பலன்கள் எனப் பல்வேறு சலுகைகள் வழங்கப்படுகின்றன. இந்தப் பட்டியலில் அதிகபட்சமாக ரூ.1.45 லட்சம் வரை சலுகை பெறும் கார் டாடா டியாகோ இவி ஆகும். மற்ற நான்கு கார்களுக்கும் கிடைக்கும் சலுகைகளைப் பார்க்கலாம்.

டாடா டியாகோ இவியின் பழைய வடிவமைப்பு கொண்ட மாடல்களின் மீதமுள்ள இருப்புக்கு ரூ.1.45 லட்சம் வரை பலன்கள் அறிவிக்கப்பட்டுள்ளன. இதில் ரூ.1 லட்சம் வரை பணத் தள்ளுபடி, ரூ.50,000 வரை சிறப்புச் சலுகை மற்றும் பழைய காரை மாற்றுதல் அல்லது கிளியரன்ஸ் மூலம் ரூ.25,000 வரை பலன் கிடைக்கலாம். இந்த மின்சார காரில் 19 kWh மற்றும் 24 kWh பேட்டரி வகைகள் உள்ளன. இதன் அதிகபட்ச ஏஆர்ஏஐ சான்றளிக்கப்பட்ட பயண தூரம் 293 கி.மீ. ஆகும். கடைசியாகப் பதிவான ஷோரூம் விலை ரூ.7.99 லட்சம் முதல் ரூ.11.14 லட்சம் வரை இருந்தது.

பிரான்ஸ் நாட்டைச் சேர்ந்த சிட்ரோயன் நிறுவனத்தின் சி3 காருக்கு ரூ.1.18 லட்சம் வரை பலன்கள் வழங்கப்படுகின்றன. இந்த காரில் 1.2 லிட்டர் இயற்கையாகக் காற்றை உட்கொள்ளும் பெட்ரோல் எஞ்சின் மற்றும் டர்போ பெட்ரோல் எஞ்சின் என இரண்டு தேர்வுகள் உள்ளன. சாதாரண பெட்ரோல் எஞ்சின் 82 குதிரைத்திறன் மற்றும் 115 என்எம் டார்க் திறனை வழங்குகிறது. டர்போ எஞ்சின் 110 குதிரைத்திறன் மற்றும் 190 முதல் 205 என்எம் டார்க் திறனை வழங்குகிறது. இதன் ஷோரூம் விலை ரூ.4.99 லட்சம் முதல் ரூ.9.68 லட்சம் வரை உள்ளது.

மாருதி ஸ்விஃப்ட் பிளிட்ஸ் பதிப்புக்கு ரூ.71,000 வரை பலன்கள் கிடைக்கின்றன. மற்ற பெட்ரோல் வகைகளுக்கு ரூ.10,000 பணத் தள்ளுபடி, ரூ.25,000 பழைய கார் மாற்றுச் சலுகை மற்றும் ரூ.5,000 வரை கூடுதல் பலன்கள் வழங்கப்படுகின்றன. ஸ்விஃப்ட் பெட்ரோல் மற்றும் சிஎன்ஜி வகைகளில் கிடைக்கிறது. செலிரியோ காருக்கு ரூ.67,500 வரை சலுகைகள் அறிவிக்கப்பட்டுள்ளன. இதில் ரூ.40,000 வரை பணத் தள்ளுபடி, ரூ.25,000 மாற்றுச் சலுகை மற்றும் ரூ.2,500 வரை கூடுதல் பலன்கள் அடங்கும்.

மாருதி வேகன் ஆர் வால்ட்ஸ் பதிப்புக்கு ரூ.67,000 வரை பலன்கள் கிடைக்கின்றன. மேலும் ரூ.38,000 மதிப்பிலான கூடுதல் பொருட்களும், ரூ.1,900 வரையிலான பிற பலன்களும் வழங்கப்படுகின்றன. மற்ற வகைகளுக்கு எஞ்சின் தேர்வைப் பொறுத்து ரூ.57,500 வரை சலுகைகள் உள்ளன. இதன் ஷோரூம் விலை ரூ.4.99 லட்சம் முதல் ரூ.7.24 லட்சம் வரை உள்ளது. இந்தச் சலுகைகள் மாடல், வகை மற்றும் விற்பனையாளர் இருப்பைப் பொறுத்து மாறுபடலாம்.

ரூ.5 லட்சத்திற்குள் கிடைக்கும் டாப் 5 ஆட்டோமேட்டிக் கார்கள்: சிட்டி டிரைவிங்கிற்கு எது பெஸ்ட்?

Kiruthickraj D — Mon, 02 Nov 2026 16:38:43 +0530

இந்தியாவில் அதிகரித்து வரும் நகரப் போக்குவரத்து நெரிசலைக் கருத்தில் கொண்டு, ரூ. 5 லட்சத்திற்கும் குறைவான விலையில் கிடைக்கும் டாப் 5 ஆட்டோமேட்டிக் ஹேட்ச்பேக் கார்களின் விவரங்களை பற்றி பார்ப்போம்.

நகரங்களில் அதிகரிக்கும் போக்குவரத்து நெரிசலில் அடிக்கடி கியர் மாற்றுவது மற்றும் கிளட்சை அழுத்துவது பெரும் சிரமத்தை ஏற்படுத்துகிறது. இதனால், அதிக பட்ஜெட் ஒதுக்காமல் குறைந்த விலையில் ஆட்டோமேட்டிக் (Automated Manual Transmission - AMT) கார்களை வாங்க பலரும் விரும்புகின்றனர். இந்தியச் சந்தையில் ரூ.5 லட்சத்திற்கும் குறைவான விலையில் கிடைக்கும் டாப் 5 மலிவு விலை ஆட்டோமேட்டிக் கார்களின் விவரங்களை பற்றி பார்போம்.

ஆரம்ப விலை: ரூ.3.49 - ரூ.4.64 லட்சம் (எக்ஸ்-ஷோரூம்)

சிறப்பம்சங்கள் - இந்தியாவிலேயே மிகக் குறைந்த விலையில் கிடைக்கும் ஆட்டோமேட்டிக் கார் இதுவாகும். VXI (O) மற்றும் VXI+ (O) வேரியன்ட்களில் 1.0-லிட்டர் பெட்ரோல் எஞ்சினுடன் AMT வசதி வழங்கப்படுகிறது. இதன் நிமிர்ந்த இருக்கை அமைப்பு (Upright seating) ஓட்டுநருக்குச் சிறந்த பார்வையைக் கொடுக்கிறது. பராமரிப்புச் செலவு மிகவும் குறைவு.

ஆரம்ப விலை - ரூ.4.52 லட்சம் முதல் (எக்ஸ்-ஷோரூம்)

சிறப்பம்சங்கள்: மாருதி கார்களுக்கு ஒரு நல்ல மாற்றாக விளங்கும் இந்த கார், அகலமான தோற்றத்தையும் சிறந்த கிரவுண்ட் கிளியரன்ஸையும் கொண்டுள்ளது. இதன் 1.0-லிட்டர் எஞ்சின் மற்றும் AMT சேர்க்கை, குறைந்த வேகத்தில் சீரான ஓட்டுநர் அனுபவத்தைத் தருகிறது. கரடுமுரடான நகரச் சாலைகளுக்கு ஏற்றது.

ஆரம்ப விலை - ரூ.3.69 லட்சம் முதல் (எக்ஸ்-ஷோரூம்)

சிறப்பம்சங்கள் - 1.0-லிட்டர் 3-சிலிண்டர் எஞ்சினுடன் கூடிய இந்த காரின் உயர் வேரியன்ட்களில் AMT வசதி கிடைக்கிறது. ஏர்பேக்குகள் உள்ளிட்ட அடிப்படைப் பாதுகாப்பு வசதிகளுடன் வரும் இந்த கார், குறுகிய சந்துகளிலும் சுலபமாக பார்க் செய்யக்கூடிய கச்சிதமான வடிவமைப்பைக் கொண்டுள்ளது.

ஆரம்ப விலை - ரூ.4.69 லட்சம் முதல் (எக்ஸ்-ஷோரூம்)

சிறப்பம்சங்கள் - எரிபொருள் சிக்கனத்திற்கு பெயர் பெற்ற இந்த ஹேட்ச்பேக் கார், 1.0-லிட்டர் AMT எஞ்சினில் லிட்டருக்கு 26 கி.மீக்கும் அதிகமான மைலேஜைத் தருகிறது. நெரிசல் மிகுந்த சாலைகளில் இலகுவாகச் செல்லவும், 4 பேர் தாராளமாக அமர்ந்து பயணிக்கக்கூடிய இடவசதியையும் இது வழங்குகிறது.

ஆரம்ப விலை - ரூ.4.98 லட்சம் முதல் (எக்ஸ்-ஷோரூம்)

சிறப்பம்சங்கள் - 1.0-லிட்டர் மற்றும் 1.2-லிட்டர் ஆகிய 2 பெட்ரோல் எஞ்சின் தேர்வுகளிலும் AMT வசதியுடன் கிடைக்கிறது. சிறந்த தலைப்பகுதி இடவசதி (Headroom) மற்றும் கேபின் இடவசதி கொண்டதால் குடும்பங்களுக்கு ஏற்றது. மாருதியின் பரவலான சேவை நெட்வொர்க் மற்றும் குறைந்த பராமரிப்புச் செலவு ஆகியவை இதன் கூடுதல் பலங்களாகும்.

Hyundai Offers: ரூ.1.20 லட்சம் வரை சேமிக்கலாம்! ஹூண்டாய் கார்களுக்கு கிடைக்கும் தள்ளுபடி முழு விவரம்

Raghupati R — Wed, 04 Nov 2026 07:48:29 +0530

Hyundai Offers: புதிய கார் வாங்கத் திட்டமிடுபவர்களுக்கு ஹூண்டாய் நிறுவனம் நவம்பர் மாதத்தில் பல்வேறு சலுகைகளை அறிவித்துள்ளது. எந்த மாடலுக்கு எவ்வளவு தள்ளுபடி கிடைக்கிறது? முழு விவரங்களைப் பார்க்கலாம்.

நவம்பர் 2026 மாதத்தில் ஹூண்டாய் நிறுவனம் தனது கார் மாடல்களுக்கு பல்வேறு சலுகைகளை அறிவித்துள்ளது. தீபாவளி பண்டிகையை முன்னிட்டு அறிவிக்கப்பட்டுள்ள இந்தச் சலுகைகளில் பணத் தள்ளுபடி, பண்டிகை போனஸ், பழைய காரை மாற்றும்போது கிடைக்கும் சலுகை, பழைய காரை அழிப்பதற்கான பலன் மற்றும் புதிய மாடலுக்கு மாறுவதற்கான சலுகை ஆகியவை இடம்பெற்றுள்ளன. தேர்ந்தெடுக்கப்பட்ட கார்கள் மற்றும் குறிப்பிட்ட வகைகளுக்கு அதிகபட்சமாக ரூ.1.20 லட்சம் வரை பலன்கள் கிடைக்கின்றன. இதில் கிரெட்டா என் லைன் அதிகபட்ச சலுகையைப் பெறுகிறது.

ஹூண்டாய் கிரெட்டா என் லைன் காரின் அனைத்து வகைகளுக்கும் ரூ.1.20 லட்சம் வரை சலுகை வழங்கப்படுகிறது. இதில் ரூ.20,000 பணத் தள்ளுபடி, ரூ.25,000 தீபாவளி போனஸ், பழைய காரை மாற்றும்போது ரூ.30,000 அல்லது அழிக்கும் சலுகையாக ரூ.50,000, மேலும் ரூ.25,000 மேம்படுத்தல் சலுகை அடங்கும். சாதாரண கிரெட்டா பெட்ரோல் வகைக்கு ரூ.1.10 லட்சம் வரையும், பெட்ரோல் சிவிடி வகைக்கு ரூ.1 லட்சம் வரையும் சலுகைகள் உள்ளன. வெர்னாவின் பழைய சிவிடி இருப்புக்கு ரூ.1.05 லட்சம் வரையும், பழைய சிவிடி அல்லாத வகைகளுக்கு ரூ.80,000 வரையும் பலன்கள் கிடைக்கின்றன.

அல்கசார் பெட்ரோல் வகைகளுக்கு ரூ.90,000 வரையும், டீசல் வகைகளுக்கு ரூ.45,000 வரையும் சலுகைகள் வழங்கப்படுகின்றன. கிரெட்டா எலக்ட்ரிக் காரின் தேர்ந்தெடுக்கப்பட்ட நீண்ட தூரப் பயண வகைகளுக்கு ரூ.80,000 வரையும், மற்ற சில வகைகளுக்கு ரூ.50,000 வரையும் பலன்கள் கிடைக்கின்றன. இதேபோல் கிராண்ட் ஐ10 நியாஸ் பெட்ரோல் வகைகளுக்கு ரூ.73,000 வரையும், சிஎன்ஜி வகைகளுக்கு ரூ.68,000 வரையும் சலுகைகள் உள்ளன. அடிப்படை எரா பெட்ரோல் வகைக்கு ரூ.23,000 வரை பலன் கிடைக்கிறது.

ஹூண்டாய் ஐ20 மற்றும் ஐ20 என் லைன் கார்களின் அடிப்படை எரா எம்டி வகையைத் தவிர மற்ற வகைகளுக்கு ரூ.63,000 வரை சலுகைகள் அறிவிக்கப்பட்டுள்ளன. அடிப்படை வகைக்கு ரூ.23,000 வரை பலன் கிடைக்கிறது. பழைய எக்ஸென்ட் மாடலுக்கு ரூ.53,000 வரையும், புதிய எக்ஸ்டர் மாடலின் குறிப்பிட்ட வகைகளுக்கு ரூ.45,000 வரையும் சலுகைகள் உள்ளன. ஆரா சிஎன்ஜி வகைகளுக்கு ரூ.35,000 வரையும், பெட்ரோல் வகைகளுக்கு ரூ.20,000 வரையும் பலன்கள் வழங்கப்படுகின்றன.

ஹூண்டாய் வென்யூ மற்றும் வென்யூ என் லைன் கார்களுக்கு நவம்பர் மாதத்தில் ரூ.5,000 பழைய கார் அழிப்பு சலுகை மட்டுமே வழங்கப்படுகிறது. பணத் தள்ளுபடி, பழைய காரை மாற்றும் சலுகை அல்லது மேம்படுத்தல் சலுகை இல்லை. புதிதாக அறிமுகமான பேயான் காருக்கும் அனைத்து வகைகளிலும் ரூ.5,000 பழைய கார் அழிப்பு சலுகை அறிவிக்கப்பட்டுள்ளது. பேயான் காரில் 115 குதிரைத்திறன் கொண்ட 1.5 லிட்டர் பெட்ரோல் எஞ்சின், 6 வேக மேனுவல் மற்றும் சிவிடி கியர்பாக்ஸ் வசதிகள் உள்ளன. சலுகைகள் மாடல், வகை மற்றும் தகுதி நிபந்தனைகளுக்கு ஏற்ப மாறுபடலாம்.

Car Loan : கார் வாங்கப் போறீங்களா? குறைந்த வட்டி, கடன் பெறுவதற்கான கட்டணச் சலுகை வழங்கும் 4 வங்கிகள்!

Arun Mozhi Varman — Thu, 05 Nov 2026 07:00:13 +0530

Car Loan : தீபாவளி பண்டிகையை முன்னிட்டு கார் கடனுக்கு வட்டி மற்றும் கட்டணச் சலுகைகளை வழங்கும் இந்தியன் வங்கி, எஸ்பிஐ, கோடக் மஹிந்திரா வங்கி, ஹெச்டிஎஃப்சி வங்கி விவரங்களைப் பார்ப்போம்.

புதிய கார் வாங்கத் திட்டமிட்டிருக்கிறீர்களா? கார் விலையுடன் சேர்த்து, அதற்காக வாங்கும் கடனின் வட்டி மற்றும் பிற கட்டணங்களையும் கவனிக்க வேண்டும். தீபாவளி 2026 பண்டிகைக் காலத்தை முன்னிட்டு சில வங்கிகள் கார் கடனுக்கான வட்டி விகிதங்கள், கடன் செயலாக்கக் கட்டணச் சலுகைகள் உள்ளிட்ட பலன்களை வழங்குகின்றன. இந்தியன் வங்கி, பாரத ஸ்டேட் வங்கி, கோடக் மஹிந்திரா வங்கி, ஹெச்டிஎஃப்சி வங்கி ஆகிய நான்கு வங்கிகளின் சலுகைகள் கவனம் பெறுகின்றன. ஒவ்வொரு வங்கியிலும் கிடைக்கும் வட்டி விகிதம் மற்றும் கட்டணங்கள் வாடிக்கையாளரின் தகுதி, கடன் தொகை, கடன் காலம் உள்ளிட்ட அம்சங்களைப் பொறுத்து மாறலாம்.

இதையும் படிங்க : 2027 Holidays : 2027-ல் எத்தனை அரசு விடுமுறைகள்? லாங் வீக்கெண்ட் எத்தனை? பொங்கல் முதல் தீபாவளி வரை முழு விவரம்!

இந்தியன் வங்கியில் கார் கடனுக்கான வட்டி விகிதம் ஆண்டுக்கு 7.75% முதல் தொடங்குவதாகத் தெரிவிக்கப்பட்டுள்ளது. மேலும், கடன் செயலாக்கக் கட்டணம் இல்லை என்ற சலுகையும் குறிப்பிடப்பட்டுள்ளது. இதனால் கடன் வாங்கும் தொடக்கத்தில் செலுத்த வேண்டிய செலவைக் குறைக்க வாய்ப்புள்ளது. இருப்பினும், 7.75% என்பது தொடக்க வட்டி விகிதம் மட்டுமே; எல்லா வாடிக்கையாளர்களுக்கும் இதே வட்டி கிடைக்கும் என்று கூற முடியாது. கடன் பெறுபவரின் தகுதி, வங்கியின் விதிமுறைகள் மற்றும் தேர்ந்தெடுக்கும் கடன் திட்டத்தைப் பொறுத்து இறுதி வட்டி மாறலாம். விண்ணப்பிப்பதற்கு முன்பு தற்போதைய வட்டி விகிதத்தையும் கட்டண விவரங்களையும் வங்கியில் உறுதிப்படுத்துவது அவசியம்.

இதையும் படிங்க : Bank Holidays : நவம்பர் மாதம் வங்கி விடுமுறை நாட்கள் இதோ! மாநில வாரியான விடுமுறை பட்டியல்!

பாரத ஸ்டேட் வங்கியும் கார் கடனுக்கான சலுகைகளை வழங்கும் வங்கிகளில் ஒன்றாகக் குறிப்பிடப்பட்டுள்ளது. தீபாவளிப் பண்டிகைக் காலத்தில் சலுகை வட்டி விகிதங்கள் மற்றும் கடன் செயலாக்கக் கட்டணத் தள்ளுபடி வழங்கப்படுவதாகத் தெரிவிக்கப்பட்டுள்ளது. ஆனால், இந்தச் சலுகைக்கான துல்லியமான வட்டி விகிதம், தள்ளுபடியின் அளவு மற்றும் செல்லுபடியாகும் காலம் ஆகியவற்றை விண்ணப்பிக்கும் முன்பு உறுதிப்படுத்த வேண்டும். எஸ்பிஐயின் வழக்கமான புதிய கார் கடன் திட்டத்தில் முன்கூட்டியே கடனைச் செலுத்துவதற்கான விதிமுறைகளும் உள்ளன. எனவே, பண்டிகைக்காலச் சலுகையையும் வழக்கமான கடன் திட்டத்தின் நிபந்தனைகளையும் தனித்தனியாகச் சரிபார்த்து முடிவெடுப்பது நல்லது.

இதையும் படிங்க : சென்னையிலிருந்து 8 மணி நேர பயணத்தில் இப்படியொரு இடமா? பூமிக்கு அடியில் 150 அடி ஆழத்தில் ஒளிந்திருக்கும் அதிசயம்!

கோடக் மஹிந்திரா வங்கி கார் கடனுக்கான செயலாக்கக் கட்டணத்தில் 50% வரை தள்ளுபடி வழங்குவதாகக் குறிப்பிடப்பட்டுள்ளது. மேலும், கடனை முன்கூட்டியே முடிப்பதற்கான முன்கூட்டிய முடிப்புக் கட்டணம் இல்லை என்றும் தெரிவிக்கப்பட்டுள்ளது. கடனை முழுமையாகவோ அல்லது குறிப்பிட்ட நிபந்தனைகளுக்கு உட்பட்டோ முன்கூட்டியே முடிக்கத் திட்டமிடுபவர்களுக்கு இந்த விவரம் முக்கியமானதாக இருக்கலாம். இருப்பினும், 50% தள்ளுபடி என்பது செயலாக்கக் கட்டணத்தின் மீது வழங்கப்படும் சலுகை; அது கடனின் வட்டியில் 50% குறைப்பு அல்ல. எந்தக் கடன் திட்டத்திற்குச் சலுகை பொருந்தும், என்னென்ன நிபந்தனைகள் உள்ளன என்பதை வங்கியிடம் உறுதிப்படுத்திய பிறகே விண்ணப்பிக்க வேண்டும்.

இதையும் படிங்க : Top 7 SUV Cars : 29 கி.மீ மைலேஜ் முதல் 100 கி.மீ வேகத்தை 9 நொடிகளில் எட்டும் திறன் வரை... டாப் 7 SUV கார்கள்!

ஹெச்டிஎஃப்சி வங்கியில் கார் கடனுக்கான வட்டி விகிதம் ஆண்டுக்கு 8.25% முதல் தொடங்குவதாகக் குறிப்பிடப்பட்டுள்ளது. மேலும், முன்கூட்டியே கடனை முடிப்பதற்கான கட்டணம் இல்லை என்றும், அதிகபட்சம் 8 ஆண்டுகள் வரை கடன் காலம் கிடைக்கலாம் என்றும் தெரிவிக்கப்பட்டுள்ளது. நீண்ட கடன் காலத்தைத் தேர்வு செய்தால் மாதத் தவணை குறைய வாய்ப்புள்ளது. ஆனால், கடனைத் திருப்பிச் செலுத்தும் காலம் அதிகரிக்கும்போது மொத்தமாகச் செலுத்த வேண்டிய வட்டியும் அதிகரிக்கலாம். எனவே, குறைந்த மாதத் தவணையை மட்டும் பார்த்து முடிவெடுக்காமல், கடன் காலம் முழுவதும் செலுத்த வேண்டிய மொத்தத் தொகையையும் கணக்கிட்டுப் பார்ப்பது அவசியம்.

இதையும் படிங்க : Hospital Bill : கட்டணங்களை வெளியிடப் போகும் மருத்துவமனைகள்? இனி சிகிச்சைக்கு முன்பே தெரிஞ்சுக்கலாமா?

குறைந்த வட்டி விகிதம் அல்லது கட்டணத் தள்ளுபடி மட்டுமே ஒரு கார் கடனைத் தேர்வு செய்வதற்கான அளவுகோலாக இருக்கக் கூடாது. முதலில், உங்களுக்குக் கிடைக்கும் இறுதி வட்டி விகிதத்தை வங்கியிடம் கேட்டு உறுதிப்படுத்துங்கள். அடுத்து, செயலாக்கக் கட்டணம், பிற கட்டணங்கள், மாதத் தவணை, கடன் காலம், முன்கூட்டியே கடனை முடிப்பதற்கான விதிமுறைகள் ஆகியவற்றை ஒப்பிடுங்கள். நீண்ட கடன் காலம் மாதத் தவணையைக் குறைத்தாலும், மொத்த வட்டிச் செலவை அதிகரிக்கலாம். உங்கள் வருமானத்துக்கு ஏற்ற மாதத் தவணையைத் தேர்ந்தெடுப்பதும் முக்கியம். இந்த நான்கு வங்கிகளின் சலுகைகளும் மாறக்கூடியவை என்பதால், விண்ணப்பிக்கும் நாளில் நடைமுறையில் இருக்கும் விதிமுறைகளைச் சரிபார்த்த பிறகே கடன் வாங்குவது நல்லது.

இதையும் படிங்க : Leftover Chapati : மீதமான சப்பாத்தியில் அல்டிமேட் டேஸ்டில் 6 சூப்பர் ரெசிப்பிக்கள்!

இந்த ஸ்கூட்டர் வாங்க கூட்டம் குவியுது.. அக்டோபரில் மட்டும் 27,435 ஸ்கூட்டர்கள் விற்பனை.. எந்த ஸ்கூட்டர்?

Raghupati R — Mon, 02 Nov 2026 08:15:51 +0530

2026ஆம் ஆண்டில் அக்டோபர் 29ஆம் தேதி வரையிலேயே 2 லட்சத்துக்கும் அதிகமான மின்சார ஸ்கூட்டர்களை விற்பனை செய்து புதிய சாதனை படைத்துள்ளது. அது எந்த ஸ்கூட்டர் என்பதை இங்கு தெரிந்து கொள்ளுங்கள்.

2026-ல் 2 லட்சம் விற்பனை மைல்கல்லைத் தொட்ட ஹீரோ விடா: இந்திய மின்சார இருசக்கர வாகனச் சந்தையில் போட்டி நாளுக்கு நாள் அதிகரித்து வருகிறது. இந்தச் சூழலில் ஹீரோ மோட்டோகார்ப் நிறுவனத்தின் மின்சார வாகனப் பிராண்டான விடா (Vida), விற்பனையில் புதிய சாதனையைப் படைத்துள்ளது. 2026 ஜனவரி 1 முதல் அக்டோபர் 29 வரையிலான காலகட்டத்தில் மட்டும் 2,00,143 மின்சார ஸ்கூட்டர்கள் விற்பனையாகியுள்ளன. ஒரு காலண்டர் ஆண்டில் 2 லட்சம் விற்பனையை விடா கடப்பது இதுவே முதல் முறை. கடந்த 2025ஆம் ஆண்டு முழுவதும் விற்பனையான 1,13,021 யூனிட்டுகளுடன் ஒப்பிடும்போது, இந்த ஆண்டு இதுவரை 77 சதவீதம் அதிக விற்பனை பதிவாகியுள்ளது. அக்டோபர் மாதத்தின் முதல் 29 நாட்களில் மட்டும் 27,435 ஸ்கூட்டர்கள் வாடிக்கையாளர்களிடம் ஒப்படைக்கப்பட்டுள்ளன. கடந்த ஆண்டு அக்டோபர் மாதத்தில் 16,499 யூனிட்டுகள் விற்பனையாகியிருந்தன. இதன் மூலம் ஆண்டுக்கு ஆண்டு அடிப்படையில் 66 சதவீத வளர்ச்சி கிடைத்துள்ளது. இதற்கு முன்பு 2026 செப்டம்பரில் பதிவான 24,435 யூனிட்டுகளே விடாவின் அதிகபட்ச மாதாந்திர விற்பனையாக இருந்தன. அந்தச் சாதனையையும் அக்டோபரில் நிறுவனம் முறியடித்துள்ளது.

விடாவின் விற்பனை வளர்ச்சி நிறுவனத்தின் மொத்த எண்ணிக்கையில் மட்டுமல்லாமல், இந்திய மின்சார இருசக்கர வாகனச் சந்தையிலும் அதன் பங்கை அதிகரித்துள்ளது. 2026 ஜனவரி முதல் அக்டோபர் 29 வரை இந்தியாவில் சுமார் 17.7 லட்சம் மின்சார இருசக்கர வாகனங்கள் விற்பனையாகியுள்ளன. இதில் விடா மட்டும் 2 லட்சத்துக்கும் அதிகமான வாகனங்களை விற்று சுமார் 11 சதவீத சந்தைப் பங்கைப் பெற்றுள்ளது. கடந்த ஆண்டு இதே காலகட்டத்தில் நிறுவனத்தின் சந்தைப் பங்கு சுமார் 8 சதவீதமாக இருந்தது. காலாண்டு விற்பனை விவரங்களும் வளர்ச்சியை வெளிப்படுத்துகின்றன. 2026 ஜனவரி முதல் மார்ச் வரையிலான முதல் காலாண்டில் 49,043 யூனிட்டுகள் விற்பனையாகியுள்ளன. ஏப்ரல் முதல் ஜூன் வரையிலான இரண்டாவது காலாண்டில் 57,059 யூனிட்டுகளும், ஜூலை முதல் செப்டம்பர் வரையிலான மூன்றாவது காலாண்டில் 66,606 யூனிட்டுகளும் விற்பனையாகியுள்ளன. ஒவ்வொரு காலாண்டிலும் விற்பனை உயர்ந்திருப்பது கவனிக்கத்தக்கது. இந்திய மின்சார இருசக்கர வாகனப் பிராண்டுகளின் தரவரிசையில் விடா தற்போது நான்காவது இடத்தில் இருப்பதாகக் கொடுக்கப்பட்டுள்ள விற்பனைத் தகவல் தெரிவிக்கிறது. டிவிஎஸ், பஜாஜ், ஏதர் ஆகிய நிறுவனங்களுக்குப் பின்னால் உள்ள விடா, ஓலா எலக்ட்ரிக் மற்றும் கிரீவ்ஸ் எலக்ட்ரிக் மொபிலிட்டி நிறுவனங்களை முந்தியுள்ளது.

விற்பனை அதிகரித்து வருவதால், அதற்கேற்ப உற்பத்தித் திறனையும் உயர்த்த ஹீரோ மோட்டோகார்ப் திட்டமிட்டுள்ளது. ஆந்திரப் பிரதேசத்தின் சித்தூர் பகுதியில் உள்ள தனது தயாரிப்பு ஆலையில் மின்சார இருசக்கர வாகன உற்பத்தியை நிறுவனம் விரிவுபடுத்தி வருகிறது. 2026 நிதியாண்டின் இறுதியில் மாதம் 15,000 வாகனங்கள் தயாரிக்கும் திறன் இருந்த நிலையில், 2026 செப்டம்பரில் இதனை 30,000 வாகனங்களாக இரட்டிப்பாக்கியுள்ளது. அடுத்த கட்டமாக 2027 நிதியாண்டின் நான்காவது காலாண்டுக்குள் மாதாந்திர உற்பத்தித் திறனை 45,000 வாகனங்களாக உயர்த்த இலக்கு நிர்ணயிக்கப்பட்டுள்ளது. தேவையைப் பொறுத்து அதன் பிறகும் உற்பத்தியை விரிவுபடுத்த நிறுவனம் திட்டமிட்டுள்ளது. இதன் மூலம் அதிகரித்து வரும் வாடிக்கையாளர் தேவையைச் சமாளிப்பதுடன், புதிய சந்தைகளிலும் விற்பனையை அதிகரிக்க முடியும் என்று எதிர்பார்க்கப்படுகிறது. தயாரிப்பு வசதிகள் மட்டுமின்றி விற்பனை மற்றும் சேவை வலையமைப்பையும் விரிவுபடுத்தி வருகிறது. 2026 செப்டம்பர் நிலவரப்படி, இந்தியா முழுவதும் 475 நகரங்களில் 900-க்கும் மேற்பட்ட தொடர்பு மையங்களையும், 778 விற்பனையாளர்களையும் விடா கொண்டுள்ளது.

வாடிக்கையாளர்களின் தேவைக்கு ஏற்ப பல்வேறு பேட்டரி திறன்களுடன் விடா மின்சார ஸ்கூட்டர்களை விற்பனை செய்து வருகிறது. VX2 Go, VX2 Plus உள்ளிட்ட மாடல்களுடன், 3.1 kWh பேட்டரி கொண்ட VX2 Go FB மாடலும் வரிசையில் இடம்பெற்றுள்ளது. இந்த மாடல் ஜூலை 31ஆம் தேதி அறிமுகப்படுத்தப்பட்டது. இதன் அறிமுக விலை ரூ.1.13 லட்சம் என்று குறிப்பிடப்பட்டுள்ளது. ஒரு முறை முழுமையாக மின்னேற்றம் செய்தால் 128 கி.மீ. வரை செல்லும் என்று நிறுவனம் தெரிவித்துள்ளது. இங்கு குறிப்பிடப்பட்டுள்ள விலை மற்றும் பயணத் தொலைவு குறிப்பிட்ட அறிமுக விவரங்களின் அடிப்படையிலானவை. நடைமுறைப் பயன்பாட்டில் பயணத் தொலைவு மாறுபடலாம். சார்ஜிங் வசதியைப் பொறுத்தவரை, ஏதர் எனர்ஜியின் ஏதர் கிரிட் உள்ளிட்ட 5,900-க்கும் மேற்பட்ட இடங்களில் விடா வாடிக்கையாளர்கள் சார்ஜிங் வசதியைப் பயன்படுத்த முடியும் என்று நிறுவனம் தெரிவித்துள்ளது. மேலும், பேட்டரி சேவையாக (Battery as a Service) வழங்கப்படும் கட்டண முறையும் வாடிக்கையாளர்களைக் கவரும் அம்சமாக உள்ளது. இந்த முறையில் ஸ்கூட்டரின் ஆரம்ப விலையைக் குறைத்து, பேட்டரி பயன்பாட்டுக்கான கட்டணத்தைத் தனியாகச் செலுத்தும் வாய்ப்பு கிடைக்கிறது. இதனால் மின்சார ஸ்கூட்டரை வாங்குவதற்கான தொடக்கச் செலவு குறையலாம்.

அக்டோபர் மாத விற்பனைச் சாதனை மற்றும் முதல் பத்து மாதங்களில் கிடைத்த வளர்ச்சியைப் பார்க்கும்போது, 2026ஆம் ஆண்டில் விடாவின் மொத்த விற்பனை மேலும் உயர வாய்ப்புள்ளதாகத் துறை சார்ந்த கணிப்புகள் தெரிவிக்கின்றன. நவம்பர், டிசம்பர் ஆகிய இரண்டு மாதங்கள் மீதமுள்ள நிலையில், இந்த ஆண்டின் மொத்த விற்பனை 2.5 லட்சம் முதல் 2.6 லட்சம் யூனிட்டுகள் வரை செல்லலாம் என்று மதிப்பிடப்பட்டுள்ளது. எனினும், இது நிறுவனத்தின் உறுதியான இலக்காக அறிவிக்கப்படவில்லை; தற்போதைய விற்பனை வேகத்தை அடிப்படையாகக் கொண்ட கணிப்பாகும். பெட்ரோல் விலை உயர்வு, பண்டிகைக் காலத் தேவை, மின்சார வாகனங்களுக்கான ஆர்வம் மற்றும் குறைந்த தொடக்கச் செலவில் ஸ்கூட்டரை வாங்க உதவும் கட்டணத் திட்டங்கள் ஆகியவை இந்த வளர்ச்சிக்குப் பங்களித்திருக்கலாம். அதே நேரத்தில், மின்சார வாகனத்தை வாங்கத் திட்டமிடுபவர்கள் விற்பனை எண்ணிக்கையை மட்டும் வைத்து முடிவு செய்யாமல், வாகனத்தின் விலை, உண்மையான பயணத் தொலைவு, பேட்டரி உத்தரவாதம், சார்ஜிங் வசதி, சேவை மையங்கள் மற்றும் பராமரிப்புச் செலவு ஆகியவற்றையும் ஒப்பிட்டுப் பார்க்க வேண்டும். இந்திய மின்சார இருசக்கர வாகனச் சந்தையில் விடாவின் வளர்ச்சி கவனிக்கத்தக்கதாக இருந்தாலும், அடுத்த இரண்டு மாத விற்பனை முடிவுகளே அதன் ஆண்டு சாதனையைத் தீர்மானிக்கும்.

ஹோண்டா ஆக்டிவா vs டி.வி.எஸ் என்டார்க் 125: குடும்பத்திற்கு எது சிறந்தது? இளைஞர்களுக்கு எது மாஸ்?

Meenakshisundaram — Sun, 01 Nov 2026 20:18:19 +0530

ஹோண்டா ஆக்டிவா vs டி.வி.எஸ் என்டார்க் 125: குடும்பத்திற்கு எது சிறந்தது? இளைஞர்களுக்கு எது மாஸ்? மைலேஜ், இன்ஜின் பவர் மற்றும் அசல் விலை ஒப்பீடு, யாருக்கு எது சரியான தேர்வு?

இந்திய இருசக்கர வாகனச் சந்தையில் தினசரிப் பயணங்களுக்குப் பல ஸ்கூட்டர்கள் விற்பனையில் இருந்தாலும், ஹோண்டா ஆக்டிவா மற்றும் டிவிஎஸ் என்டார்க் 125 ஆகிய இரண்டும் வாடிக்கையாளர்களின் ஆல்டைம் ஃபேவரைட் தேர்வுகளாகத் தொடர்ந்து முன்னணியில் இருந்து வருகின்றன.

இந்த 2 மாடல்களுமே தங்களுக்கே உரிய தனித்துவமான பலங்களைக் கொண்டுள்ளன. இதில் ஹோண்டா ஆக்டிவா குடும்பப் பயன்பாடு, சவுகரியமான பயணம் மற்றும் அதிக மைலேஜை மையமாகக் கொண்டு வடிவமைக்கப்பட்டுள்ளது. மறுபுறம், டிவிஎஸ் என்டார்க் 125 ஸ்போர்ட்டி தோற்றம், சிறந்த செயல்திறன் மற்றும் நவீன தொழில்நுட்ப வசதிகளை வழங்குவதில் முன்னோடியாகத் திகழ்கிறது.

இந்தியாவில் நடுத்தரக் குடும்பங்கள் மற்றும் அனைத்துத் தரப்பு மக்களாலும் அதிகம் நம்பப்படும் ஸ்கூட்டராக ஹோண்டா ஆக்டிவா விளங்குகிறது. தினசரி அலுவலகப் பயணம், சந்தைக்குச் செல்வது மற்றும் குறுகிய தூரப் பயன்பாடுகளுக்கு இது மிகச் சிறந்த தீர்வாக அமைகிறது. இதன் இலகுவான உடல் கட்டமைப்பு மற்றும் எளிய ஹேண்ட்லிங் காரணமாக நெரிசல் மிகுந்த நகர்ப்புறச் சாலைகளிலும் இதை மிக எளிதாகக் கையாண்டு ஓட்ட முடிகிறது.

இதில் 109.51சிசி ஏர்-கூல்டு இன்ஜின் பொருத்தப்பட்டுள்ளது. இது சுமார் 7.99 பிஎஸ் பவரையும், 9.05 என்எம் டார்க்கையும் வழங்கும் திறன் கொண்டது. எரிபொருள் சிக்கனத்திற்கு முதலிடம் அளிக்கும் இந்த ஸ்கூட்டர், ஒரு லிட்டருக்குச் சுமார் 50 முதல் 55 கிமீ வரை சிறப்பான மைலேஜைத் தருகிறது. எல்இடி ஹெட்லேம்ப், வெளிப்புறத்தில் பெட்ரோல் நிரப்பும் வசதி (External Fuel Filling) மற்றும் ஸ்மார்ட் கீ உள்ளிட்ட நவீன அம்சங்கள் இதில் இடம்பெற்றுள்ளன. இதன் எக்ஸ்-ஷோரூம் விலை தோராயமாக ரூ.76,000 முதல் ரூ.91,000 வரை நிர்ணயிக்கப்பட்டு விற்பனை செய்யப்படுகிறது.

வேகத்தை விரும்பும் இளம் ரைடர்கள் மற்றும் கல்லூரி மாணவர்களைக் கவரும் நோக்கில் உருவாக்கப்பட்ட ஸ்போர்ட்டி ஸ்கூட்டர்தான் டிவிஎஸ் என்டார்க் 125. இதன் ஆக்ரோஷமான வெளித்தோற்றம், ஸ்போர்ட்டி எக்ஸாஸ்ட் சத்தம் மற்றும் டிஜிட்டல் இன்ஸ்ட்ரூமென்ட் கிளஸ்டர் ஆகியவை சந்தையில் உள்ள பிற ஸ்கூட்டர்களிடம் இருந்து இதைத் தனித்துக் காட்டுகின்றன. இதில் 124.8சிசி 3-வால்வ் இன்ஜின் வழங்கப்பட்டுள்ளது.

இதன் ஸ்டாண்டர்ட் மாடல் 9.5 பிஎஸ் பவரையும், ரேஸ் எக்ஸ்பி (Race XP) வேரியண்ட் கூடுதல் ஆற்றலுடன் 10.2 பிஎஸ் பவரையும் வெளிப்படுத்துகிறது. புளூடூத் கனெக்டிவிட்டி, நேவிகேஷன் அசிஸ்ட், மற்றும் இன்கமிங் கால் அலெர்ட் வசதிகளைக் கொண்ட ‘SmartXonnect’ தொழில்நுட்பம் இதன் பிரதான பலமாக உள்ளது. ஸ்போர்ட்டி செயல்திறனுக்கு முக்கியத்துவம் அளிப்பதால், இதன் மைலேஜ் லிட்டருக்குத் தோராயமாக 40 முதல் 45 கிமீ வரை மட்டுமே கிடைக்கிறது. இதன் எக்ஸ்-ஷோரூம் விலை ரூ.84,000 முதல் ரூ.1,11,000 வரை விற்பனையாகிறது.

இன்ஜின் செயல்திறனைப் பொறுத்தமட்டில், அதிக பவர் மற்றும் டார்க்கை வழங்குவதால் டிவிஎஸ் என்டார்க் 125 முன்னிலை வகிக்கிறது. சாலையில் உடனுக்குடன் பிக்கப் எடுத்து வேகமான முடுக்கத்தை விரும்பும் ரைடர்களுக்கு இது கச்சிதமாகப் பொருந்தும். அதே சமயம், சிறந்த மைலேஜ் மற்றும் குறைந்த பராமரிப்புச் செலவை எதிர்பார்க்கும் வாடிக்கையாளர்களுக்கு ஹோண்டா ஆக்டிவாவே சிறந்த தேர்வாக அமைகிறது. ஆக்டிவாவின் எடைக் குறைவான வடிவமைப்பும் கம்யூட்டர் இன்ஜினும் அன்றாட நகர்ப்புறப் பயணங்களை மிகவும் இலகுவாக்குகின்றன.

குடும்பத்துடன் இணைந்து பயணிப்பவர்கள், எளிய முறையில் வாகனத்தை இயக்க நினைப்பவர்கள் மற்றும் நடைமுறைப் பயன்பாட்டிற்கு முதலிடம் அளிப்பவர்களுக்கு ஹோண்டா ஆக்டிவா மிகச் சரியான வாகனம். நவீன டிஜிட்டல் தொழில்நுட்பங்கள், சாலையில் அனைவரையும் திரும்பிப் பார்க்க வைக்கும் ஸ்போர்ட்டி லுக் மற்றும் விறுவிறுப்பான வேகத்தை விரும்பும் இளம் தலைமுறையினருக்கு டிவிஎஸ் என்டார்க் 125 சிறந்த அனுபவத்தைத் தரும்.

எதைத் தேர்ந்தெடுக்கலாம்?

தினசரி அலுவலகப் பயணம், அதிக மைலேஜ் மற்றும் பட்ஜெட்டுக்குள் அடங்கும் எளிய பராமரிப்பு ஆகியவையே உங்கள் தேவைகள் என்றால், யோசிக்காமல் ஹோண்டா ஆக்டிவாவை தேர்வு செய்யலாம். ஆனால், கம்பீரமான ஸ்போர்ட்டி தோற்றம், அதிரடி பவர் மற்றும் நவீன ஸ்மார்ட் கனெக்டிவிட்டி அம்சங்கள்தான் உங்களுக்கு முக்கியம் என்றால், டிவிஎஸ் என்டார்க் 125 உங்களுக்கு ஒரு மாஸான ரைடிங் அனுபவத்தை வழங்கும்.

Car Loan Interest Rates: தீபாவளி கார் வாங்கும் முன் இதைப் பாருங்க! வங்கிகளின் கடன் சலுகைகள்

Raghupati R — Sun, 01 Nov 2026 20:02:39 +0530

Car Loan Interest Rates: பல வங்கிகள் கார் கடனுக்கு குறைந்த வட்டி, செயலாக்கக் கட்டணச் சலுகைகளை வழங்குகின்றன. சில வங்கிகளில் வட்டி ஆண்டுக்கு 7.55% முதல் தொடங்குகிறது. எந்த வங்கியில் எவ்வளவு வட்டி, மாதத் தவணை எவ்வளவு என்பதை ஒப்பிட்டுப் பார்க்கலாம்.

தீபாவளிப் பண்டிகையை முன்னிட்டு புதிய கார் வாங்க வேண்டும் என்று பல குடும்பங்கள் திட்டமிடுகின்றன. கார் வாங்கும்போது வாகனத்தின் விலை, காப்பீடு, பதிவு கட்டணம் ஆகியவற்றுடன் கடனுக்கான வட்டியையும் கவனிக்க வேண்டும். ஒரே தொகையை வெவ்வேறு வங்கிகளில் கடனாகப் பெற்றாலும், வட்டி விகிதம் மற்றும் செயலாக்கக் கட்டணத்தைப் பொறுத்து மொத்தச் செலவு மாறும். இந்த நிலையில், 2026 தீபாவளிப் பண்டிகைக் காலத்தில் பல வங்கிகள் கார் கடனுக்குச் சிறப்பு சலுகைகளை வழங்குகின்றன.

வங்கிகளின் இணையதளத் தகவல்களை அடிப்படையாகக் கொண்டு பேங்க் பஜார் (BankBazaar) தொகுத்த விவரங்களின்படி, சில வங்கிகளில் கார் கடன் வட்டி ஆண்டுக்கு 7.55% முதல் தொடங்குகிறது. செயலாக்கக் கட்டணத் தள்ளுபடி, முன்கூட்டியே கடனைச் செலுத்தும்போது சில வகைக் கடன்களுக்கு முன்கூட்டிய முடிப்புக் கட்டணம் இல்லாத வசதி போன்ற சலுகைகளும் உள்ளன. இருப்பினும், விளம்பரத்தில் குறிப்பிடப்படும் குறைந்தபட்ச வட்டி அனைவருக்கும் கிடைக்கும் என்று உறுதியாகக் கூற முடியாது. கடன் வாங்குபவரின் கடன் மதிப்பெண், வருமானம், திருப்பிச் செலுத்தும் திறன், வாகனத்தின் வகை மற்றும் வங்கியின் விதிமுறைகளைப் பொறுத்து இறுதி வட்டி நிர்ணயிக்கப்படும்.

அக்டோபர் 23 தகவல்களின்படி, பஞ்சாப் அண்ட் சிந்த் வங்கியில் கார் கடனுக்கான வட்டி 7.55% முதல் 14.30% வரை உள்ளது. பேங்க் ஆஃப் மகாராஷ்டிரா மற்றும் கனரா வங்கியில் 7.70% முதல் தொடங்குகிறது. யூகோ வங்கியிலும் வட்டி 7.70% முதல் 10.25% வரை உள்ளது. சென்ட்ரல் பேங்க் ஆஃப் இந்தியாவில் 7.75% முதல் 9.55% வரையிலும், யூனியன் பேங்க் ஆஃப் இந்தியாவில் 7.75% முதல் 10.25% வரையிலும் வட்டி வசூலிக்கப்படுகிறது.

இந்தியன் வங்கியில் வட்டி 7.75% முதல் தொடங்குகிறது. இந்தியன் ஓவர்சீஸ் வங்கியில் 7.80% முதல் 12% வரை உள்ளது. பேங்க் ஆஃப் பரோடாவில் 7.85% முதல் 11.55% வரையிலும், பேங்க் ஆஃப் இந்தியாவில் 7.85% முதல் 12.55% வரையிலும் வட்டி நிர்ணயிக்கப்பட்டுள்ளது. இவை தொடக்க வட்டி மற்றும் அதிகபட்ச வட்டி விகிதங்களாகும். உங்கள் கடன் தகுதியைப் பொறுத்து உண்மையான வட்டி மாறக்கூடும்.

ஏழை மற்றும் நடுத்தரக் குடும்பங்களுக்கு உதவும் மத்திய அரசின் 6 முக்கியத் திட்டங்கள்! யாருக்கெல்லாம் என்னென்ன நன்மைகள்?

தனியார் வங்கிகள் மற்றும் பெரிய பொதுத்துறை வங்கிகளின் கடன் விவரங்களையும் ஒப்பிட்டுப் பார்க்கலாம். எச்டிஎப்சி வங்கியில் கார் கடன் வட்டி ஆண்டுக்கு 8.25% முதல் தொடங்குகிறது. ஐசிசிஐ வங்கியில் 8.40% முதல் வட்டி வசூலிக்கப்படுகிறது. IDBI வங்கியில் வட்டி 7.75% முதல் 9.30% வரையிலும், IDFC FIRST வங்கியில் 8.99% முதல் தொடங்குகிறது. ஸ்டேட் பேங்க் ஆஃப் இந்தியாவில் கார் கடனுக்கான வட்டி 8.45% முதல் 9.50% வரை உள்ளது. கர்நாடகா வங்கியில் 8.16% முதல் 11.66% வரை வட்டி நிர்ணயிக்கப்பட்டுள்ளது.

ஃபெடரல் வங்கியில் 7.85% முதல் 9% வரை வட்டி உள்ளது. செயலாக்கக் கட்டணத்திலும் வங்கிகளுக்கு இடையே வேறுபாடு உள்ளது. உதாரணமாக, எச்டிஎப்சி வங்கியில் கடன் தொகையில் 0.5% வரை அல்லது குறிப்பிட்ட வரம்புக்குள் கட்டணம் வசூலிக்கப்படலாம். ஐசிசிஐ வங்கியில் இந்தக் கட்டணம் ரூ.8,500 வரை இருக்கலாம். எஸ்பிஐ-யில் ரூ.500 முதல் ரூ.2,000 வரை செயலாக்கக் கட்டணம் குறிப்பிடப்பட்டுள்ளது. எனவே, வட்டி விகிதத்தை மட்டும் வைத்து வங்கியைத் தேர்வு செய்யாமல், கூடுதல் கட்டணங்களையும் ஒப்பிட வேண்டும்.

ஐந்து ஆண்டுகளுக்கு ரூ.5 லட்சம் கார் கடன் வாங்கினால் மாதந்தோறும் எவ்வளவு செலுத்த வேண்டும் என்பதைப் புரிந்துகொள்ளலாம். பஞ்சாப் அண்ட் சிந்த் வங்கியில் குறிப்பிடப்பட்டுள்ள வட்டி வரம்பின்படி மாதத் தவணை சுமார் ரூ.10,031 முதல் ரூ.11,712 வரை இருக்கலாம். பேங்க் ஆஃப் மகாராஷ்டிராவில் ரூ.10,067 முதல் ரூ.11,122 வரையிலும், கனரா வங்கியில் ரூ.10,067 முதல் ரூ.11,047 வரையிலும் இருக்கும். சென்ட்ரல் பேங்க் ஆஃப் இந்தியாவில் ரூ.10,078 முதல் ரூ.10,513 வரையிலும், இந்தியன் வங்கியில் ரூ.10,031 முதல் ரூ.11,034 வரையிலும் மாதத் தவணை அமையும்.

எச்டிஎப்சி வங்கியில் தொடக்க மாதத் தவணை சுமார் ரூ.10,198 என்றும், ஐசிசிஐ வங்கியில் ரூ.10,234 என்றும் குறிப்பிடப்பட்டுள்ளது. எஸ்பிஐ-யில் மாதத் தவணை ரூ.10,246 முதல் ரூ.10,501 வரை இருக்கலாம். இவை ரூ.5 லட்சம் கடன், 5 ஆண்டு காலம் மற்றும் குறிப்பிடப்பட்ட வட்டி விகிதங்களை அடிப்படையாகக் கொண்ட ஒப்பீட்டுக் கணக்குகள். வங்கியின் இறுதி ஒப்புதல், வட்டி வகை மற்றும் பிற கட்டணங்களைப் பொறுத்து உண்மையான தொகை மாறலாம்.

கடன் வாங்கும் முன் கவனிக்க வேண்டியவை: சில வங்கிகள் செயலாக்கக் கட்டணத்தில் சலுகைகளை அறிவித்துள்ளன. கனரா வங்கி மற்றும் சென்ட்ரல் பேங்க் ஆஃப் இந்தியா ஆகியவை 2026 டிசம்பர் 31 வரை குறிப்பிட்ட கார் கடன்களுக்கு செயலாக்கக் கட்டணத்தை முழுமையாகத் தள்ளுபடி செய்வதாகத் தெரிவிக்கப்பட்டுள்ளது. பேங்க் ஆஃப் மகாராஷ்டிரா தகுதியுள்ள ஏற்கெனவே உள்ள வாடிக்கையாளர்களுக்கு வட்டியில் 0.25 சதவீதப் புள்ளி சலுகை வழங்குகிறது.

பஞ்சாப் அண்ட் சிந்த் வங்கியின் குறிப்பிட்ட திட்டத்தில் செயலாக்கக் கட்டணத்தில் 50% வரை தள்ளுபடி கிடைக்கலாம். இத்தகைய சலுகைகள் அனைத்தும் வங்கியின் நிபந்தனைகளுக்கு உட்பட்டவை. கார் கடன் பெறுவதற்கு முன்பு உங்கள் கடன் மதிப்பெண்ணைச் சரிபார்க்கவும். நிலையான வருமானம், ஏற்கெனவே உள்ள கடன்கள் மற்றும் மாதாந்திர செலவுகளைக் கணக்கிட்டு உங்களால் செலுத்தக்கூடிய தவணையைத் தேர்வு செய்யுங்கள். வட்டி நிலையானதா அல்லது மாறக்கூடியதா, முன்கூட்டியே கடனை அடைத்தால் கட்டணம் உள்ளதா, காப்பீடு அல்லது பிற கட்டணங்கள் கட்டாயமா என்பதையும் எழுத்துப்பூர்வமாக உறுதிப்படுத்துங்கள். குறைந்த வட்டி விளம்பரத்தை மட்டும் நம்பாமல், வங்கிகளிடமிருந்து இறுதி கடன் சலுகையைப் பெற்று மொத்தச் செலவை ஒப்பிட்ட பிறகே முடிவு செய்வது நல்லது.

Mahindra Sales: 31 நாட்களில் 1.31 லட்சம் வாகனங்கள் விற்பனை! ஸ்கார்பியோ, தார், XUV கார்களுக்கு மவுசு

Raghupati R — Sun, 01 Nov 2026 22:35:57 +0530

Mahindra Sales: மஹிந்திரா நிறுவனத்தின் வாகனங்களுக்கு வாடிக்கையாளர்கள் மத்தியில் நல்ல வரவேற்பு கிடைத்து வருகிறது. இதன் எதிரொலியாக, அக்டோபர் 2026-ல் இதுவரை இல்லாத அளவுக்கு அதிக வாகனங்களை விற்பனை செய்து புதிய சாதனை படைத்துள்ளது மஹிந்திரா.

இந்தியாவின் முன்னணி வாகனத் தயாரிப்பு நிறுவனங்களில் ஒன்றான மஹிந்திரா, அக்டோபர் 2026-ல் தனது வரலாற்றிலேயே அதிகபட்ச மாதாந்திர விற்பனையைப் பதிவு செய்துள்ளது. உள்நாட்டு மற்றும் வெளிநாட்டுச் சந்தைகளைச் சேர்த்து மொத்தம் 1,31,109 வாகனங்களை நிறுவனம் விற்பனை செய்துள்ளது. கடந்த ஆண்டு அக்டோபருடன் ஒப்பிடும்போது இது 9 சதவீத வளர்ச்சியாகும். குறிப்பாக, எஸ்யூவி பிரிவில் நிறுவனம் புதிய சாதனையைப் படைத்துள்ளது.

உள்நாட்டுச் சந்தையில் மட்டும் 73,338 எஸ்யூவி வாகனங்கள் விற்பனையாகியுள்ளன. பண்டிகைக் காலத்தில் அதிகரித்த வாடிக்கையாளர் தேவை, புதிய மாடல்களின் அறிமுகம் உள்ளிட்ட காரணங்கள் இந்த வளர்ச்சிக்கு உதவியுள்ளன. ஸ்கார்பியோ, தார், XUV உள்ளிட்ட மஹிந்திராவின் பிரபலமான வாகனங்களுக்கு இந்தியச் சந்தையில் தொடர்ந்து வரவேற்பு கிடைத்து வரும் நிலையில், அக்டோபர் மாத விற்பனை முடிவுகள் நிறுவனத்தின் வலுவான சந்தை நிலையை வெளிப்படுத்துகின்றன.

அக்டோபர் 2026-ல் மஹிந்திராவின் உள்நாட்டு பயணிகள் வாகன விற்பனை 73,338 யூனிட்டுகளாக இருந்தது. கடந்த ஆண்டு இதே மாதத்தில் 71,624 யூனிட்டுகள் விற்பனையாகியிருந்தன. இதன் மூலம் ஆண்டுக்கு ஆண்டு அடிப்படையில் 2.39 சதவீத வளர்ச்சி பதிவாகியுள்ளது. ஏற்றுமதியையும் சேர்த்துக் கணக்கிட்டால், நிறுவனத்தின் மொத்த பயன்பாட்டு வாகன விற்பனை 74,904 யூனிட்டுகளாக உயர்ந்துள்ளது.

நடப்பு நிதியாண்டான 2026-27-ல் ஏப்ரல் முதல் அக்டோபர் வரையிலான ஏழு மாதங்களில் மட்டும் உள்நாட்டுச் சந்தையில் 4,31,480 எஸ்யூவி வாகனங்களை மஹிந்திரா விற்பனை செய்துள்ளது. இதன் மூலம் இந்தியாவில் எஸ்யூவி பிரிவில் நிறுவனத்துக்கு இருக்கும் வாடிக்கையாளர் ஆதரவு தெரிய வருகிறது. இருப்பினும், அக்டோபரில் விற்பனையான 73,338 வாகனங்களும் ஒரே மாடலைச் சேர்ந்தவை அல்ல. இது நிறுவனத்தின் ஒட்டுமொத்த உள்நாட்டு எஸ்யூவி விற்பனை எண்ணிக்கையாகும்.

பண்டிகைக் காலத்தில் வாகனங்களை வாங்கும் ஆர்வம் அதிகரிப்பது மஹிந்திராவின் விற்பனை வளர்ச்சிக்கு முக்கியக் காரணமாக அமைந்துள்ளது. மேலும், புதிய மாடல்களின் அறிமுகமும் வாடிக்கையாளர்களைக் கவர்ந்துள்ளது. சமீபத்தில் அறிமுகப்படுத்தப்பட்ட XUV 3XO ZNG மாடலுக்கும் நல்ல வரவேற்பு கிடைத்து வருவதாக நிறுவனம் தெரிவித்துள்ளது. ஆனால், இந்த மாடல் மட்டும் எத்தனை யூனிட்டுகள் விற்பனையானது என்ற தனிப்பட்ட எண்ணிக்கை வெளியிடப்படவில்லை.

எஸ்யூவி விற்பனையைத் தாண்டி இலகுரக வர்த்தக வாகனப் பிரிவிலும் நிறுவனம் வளர்ச்சியைப் பதிவு செய்துள்ளது. அக்டோபரில் 33,037 இலகுரக வர்த்தக வாகனங்கள் விற்பனையாகியுள்ளன. கடந்த ஆண்டு இதே காலகட்டத்துடன் ஒப்பிடும்போது இது சுமார் 4 சதவீத வளர்ச்சியாகும். அதாவது, தனிப்பட்ட கார் வாடிக்கையாளர்கள் மட்டுமின்றி வணிகப் பயன்பாட்டுக்காக வாகனங்களை வாங்குவோரிடமும் மஹிந்திராவுக்கு வரவேற்பு கிடைத்துள்ளது.

மஹிந்திராவின் மூன்று சக்கர வாகன விற்பனை அக்டோபரில் கணிசமாக உயர்ந்துள்ளது. மின்சார மாடல்களையும் சேர்த்து மொத்தம் 17,632 வாகனங்கள் விற்பனையாகியுள்ளன. கடந்த ஆண்டு அக்டோபரில் இந்த எண்ணிக்கை 12,762 ஆக இருந்தது. இதன் மூலம் ஆண்டுக்கு ஆண்டு அடிப்படையில் 38 சதவீத வளர்ச்சி பதிவாகியுள்ளது. மின்சார மூன்று சக்கர வாகனங்களுக்கான தேவை அதிகரிப்பதும் இந்தப் பிரிவின் வளர்ச்சிக்கு ஆதரவாக இருக்கலாம்.

இதேபோல், வெளிநாட்டுச் சந்தைகளுக்கான ஏற்றுமதியும் சிறப்பாக இருந்துள்ளது. அக்டோபரில் மஹிந்திராவின் ஏற்றுமதி 7,102 வாகனங்களாக உயர்ந்துள்ளது. கடந்த ஆண்டு இதே மாதத்துடன் ஒப்பிடும்போது இது 77 சதவீத அதிகரிப்பாகும். இந்தியச் சந்தையில் மட்டுமின்றி வெளிநாடுகளிலும் நிறுவனத்தின் வாகனங்களுக்கு வரவேற்பு அதிகரித்து வருவதை இந்த எண்ணிக்கைகள் காட்டுகின்றன.

மஹிந்திராவின் வர்த்தக வாகனப் பிரிவிலும் அக்டோபர் மாதம் நல்ல வளர்ச்சி பதிவாகியுள்ளது. மஹிந்திரா டிரக் அண்ட் பஸ் பிரிவு மற்றும் SML மஹிந்திரா ஆகியவற்றைச் சேர்த்து மொத்தம் 2,838 லாரி மற்றும் பேருந்துகள் விற்பனை செய்யப்பட்டுள்ளன. இதில் வெளிநாடுகளுக்கு அனுப்பப்பட்ட வாகனங்களும் அடங்கும். கடந்த ஆண்டு அக்டோபரில் இந்த எண்ணிக்கை 2,034 ஆக இருந்தது. இதன் மூலம் இந்தப் பிரிவில் 40 சதவீத வளர்ச்சி ஏற்பட்டுள்ளது. மொத்தத்தில், எஸ்யூவி, இலகுரக வர்த்தக வாகனங்கள், மூன்று சக்கர வாகனங்கள், லாரி மற்றும் பேருந்துகள் எனப் பல்வேறு பிரிவுகளிலும் மஹிந்திரா வளர்ச்சியைப் பதிவு செய்துள்ளது.

குறிப்பாக, ஒரே மாதத்தில் 1.31 லட்சத்துக்கும் அதிகமான வாகனங்களை விற்பனை செய்திருப்பது நிறுவனத்துக்கு முக்கியமான சாதனையாகும். எஸ்யூவி வாங்கத் திட்டமிடுபவர்கள் இந்த விற்பனை எண்ணிக்கைகளைச் சந்தை வரவேற்புக்கான ஒரு தகவலாக எடுத்துக்கொள்ளலாம். ஆனால், விற்பனை அதிகம் என்பதாலேயே ஒரு குறிப்பிட்ட கார் அனைவருக்கும் சிறந்த தேர்வாகிவிடாது. விலை, வசதிகள், மைலேஜ், பராமரிப்புச் செலவு ஆகியவற்றையும் ஒப்பிட்டுப் பார்த்து முடிவெடுப்பது நல்லது.

பஜாஜ் சேத்தக் vs டி.வி.எஸ் ஐகியூப் vs ஏத்தர் ரிஸ்தா vs ஓலா எஸ்1 எக்ஸ்: ரேஞ்ச், பேட்டரி, சார்ஜிங் நேரம் முழு ஒப்பீடு; சரியான தேர்வு எது?

Meenakshisundaram — Thu, 05 Nov 2026 07:06:12 +0530

இந்திய மின்சார இருசக்கர வாகனச் சந்தையில் பஜாஜ் சேத்தக், டிவிஎஸ் ஐகியூப், ஏத்தர் ரிஸ்தா மற்றும் ஓலா எஸ்1 எக்ஸ் ஆகிய முன்னணி ஸ்கூட்டர்களிடையே நேரடிப் போட்டி நிலவுகிறது.

இந்திய மின்சார இருசக்கர வாகனச் சந்தையில் தினசரி பயன்பாட்டுக்கான ஸ்கூட்டர்களின் தேர்வு நாளுக்கு நாள் அதிகரித்து வருகிறது. பேட்டரி திறன், பயணிக்கும் தூரம், செயல்திறன் மற்றும் நவீன தொழில்நுட்பம் ஆகியவற்றில் முன்னணி நிறுவனங்கள் கடுமையான போட்டியில் இறங்கியுள்ளன. இந்த வரிசையில் நீண்ட காலமாக நன்மதிப்பைப் பெற்றுள்ள பஜாஜ் ஆட்டோ நிறுவனத்தின் சேத்தக் (Bajaj Chetak), போட்டியாக உள்ள டி.வி.எஸ் ஐகியூப் (TVS iQube), ஏத்தர் ரிஸ்தா (Ather Rizta) மற்றும் ஓலா எஸ்1 எக்ஸ் (Ola S1 X) ஆகியவற்றுடன் நேருக்கு நேர் மோதுகிறது.

2026 நவம்பர் நிலவரப்படி, சிறந்த ரேஞ்ச் & அன்றாட பயன்பாட்டு வசதிகளை வழங்கும் சிறந்த மின்சார ஸ்கூட்டர் எது? பேட்டரி அளவு மற்றும் தொழில்நுட்பத் தேர்வுகளின் அடிப்படையில் ஒவ்வொரு மாடலும் தனித்துவமான பலன்களைத் தருகின்றன. புதுப்பிக்கப்பட்ட சி-சீரிஸ் பஜாஜ் சேத்தக் ஐடிசி (IDC) முறையில் அதிகபட்சமாக 153 கி.மீ ரேஞ்ச் தருகிறது; அதேவேளையில் ஓலா & டிவிஎஸ் நிறுவனங்கள் கூடுதல் தூரம் பயணிக்க விரும்பும் வாடிக்கையாளர்களுக்காகப் பெரிய பேட்டரி தேர்வுகளை வழங்குகின்றன.

பஜாஜ் ஆட்டோ வெளியிட்ட 2026 தயாரிப்புப் புதுப்பிப்பின்படி, சேத்தக் 'சி சீரிஸ்' பல்வேறு வேரியண்ட்களில் கிடைக்கிறது.

C3501 & C3502: 3.5 kWh பேட்டரி மற்றும் 153 கி.மீ ரேஞ்ச்.

C3503: 151 கி.மீ ரேஞ்ச்.

C3001 & C2501: முறையே 127 கி.மீ மற்றும் 113 கி.மீ ரேஞ்ச்.

C3501 & C3502 மாடல்களின் அதிகபட்ச வேகம் மணிக்கு 80 கி.மீ ஆக உயர்த்தப்பட்டுள்ளது. இவற்றில் C3501 மாடலில் டிஸ்பிளே (TFT Display) மற்றும் கூகுள் மேப்ஸ் நேவிகேஷன் வசதி இடம்பெற்றுள்ளது. C35 மற்றும் C30 மாடல்கள் 35 லிட்டர் இருக்கைக்கு அடியிலான சேமிப்பு இடத்தையும் (Under-seat storage), C25 மாடல் 25 லிட்டர் சேமிப்பு இடத்தையும் வழங்குகின்றன.

டிவிஎஸ் ஐகியூப் (TVS iQube): பயணிகளுக்கு ஏற்றவாறு பல்வேறு பேட்டரி ஆப்ஷன்களை டிவிஎஸ் வழங்குகிறது. இதன் 3.5 kWh மாடல் 145 கி.மீ IDC ரேஞ்சையும், 4.7 kWh கொண்ட 'ஐகியூப் எஸ்' (iQube S) மாடல் 175 கி.மீ IDC ரேஞ்சையும் தருகின்றன. நவீன கனெக்டிவிட்டி வசதிகள் மற்றும் தாராளமான இடவசதியுடன் சேத்தக்குக்கு சிறந்த மாற்றாக இது அமைகிறது.

ஏத்தர் ரிஸ்தா (Ather Rizta): குடும்பப் பயன்பாட்டை முதன்மையாகக் கொண்டு உருவாக்கப்பட்டுள்ள ஏத்தர் ரிஸ்தா, 159 கி.மீ IDC ரேஞ்ச் மற்றும் 34 லிட்டர் பூட் ஸ்பேஸ் வசதியைக் கொண்டுள்ளது. இதன் 'Z' வேரியண்ட்டில் டச்ஸ்கிரீன் டிஸ்ப்ளே மற்றும் கூகுள் மேப்ஸ் நேவிகேஷன் உள்ளன. பயணிகளின் சௌகரியமான அமரும் வசதிக்கு ஏத்தர் நிறுவனம் அதிக முக்கியத்துவம் அளித்துள்ளது.

ஓலா எஸ்1 எக்ஸ் (Ola S1 X): ஓலா எலக்ட்ரிக் நிறுவனம் பல்வேறு பேட்டரி தேர்வுகளைக் களமிறக்கியுள்ளது.

2 kWh: 108 கி.மீ ரேஞ்ச்

3 kWh: 176 கி.மீ ரேஞ்ச்

4 kWh: 242 கி.மீ ரேஞ்ச்

S1 X+: 5.2 kWh பேட்டரி, அதிகபட்சமாக 320 கி.மீ IDC ரேஞ்ச். மேலும் இதில் 4.3 இன்ச் கலர் எல்சிடி திரை மற்றும் மணிக்கு 125 கி.மீ அதிகபட்ச வேகம் ஆகியவை அடங்கும்.

சார்ஜிங் தேவையும் ஸ்கூட்டரைத் தேர்ந்தெடுப்பதில் முக்கியப் பங்கு வகிக்கிறது. பஜாஜ் சேத்தக் 0-80% சார்ஜ் செய்ய C3501 மாடலுக்கு 3 மணி நேரமும், C3502 மற்றும் C3503 மாடல்களுக்கு 3 மணி நேரம் 25 நிமிடங்களும் ஆகிறது. C3001 மாடலுக்கு சுமார் 2 மணி நேரம் 55 நிமிடங்கள் தேவைப்படுகிறது. டிவிஎஸ் ஐகியூப் 3.5 kWh மாடலை 10% முதல் 80% வரை சார்ஜ் செய்ய சுமார் 3 மணி நேரம் 45 நிமிடங்கள் பிடிப்பதாக டிவிஎஸ் தெரிவிக்கிறது. (இரு நிறுவனங்களும் வெவ்வேறு அளவீட்டு சதவீதங்களைக் குறிப்பிட்டுள்ளதால், இவற்றை நேரடியாக ஒப்பிட முடியாது).

முழுமையான மெட்டல் பாடி, பாரம்பரிய தோற்றம் மற்றும் பாதுகாப்பான சேமிப்பு இடத்தை விரும்புவோருக்கு பஜாஜ் சேத்தக் சிறந்த தேர்வு. அதிக தூரப் பயணத்திற்கு ஏற்ற பேட்டரி தேர்வுகளை விரும்புவோருக்கு டிவிஎஸ் ஐகியூப் கைகொடுக்கும். குடும்பத்திற்கு ஏற்ற இடவசதி மற்றும் சௌகரியமான பயணத்தை எதிர்பார்ப்பவர்களுக்கு ஏத்தர் ரிஸ்தா முன்னுரிமை பெறுகிறது. அதிகப்படியான IDC ரேஞ்ச் மற்றும் வேகம் தேவைப்படுவோருக்கு ஓலா எஸ்1 எக்ஸ்+ ஏற்ற தேர்வாக அமையும்.

இருப்பினும், IDC ரேஞ்ச் என்பது குறிப்பிட்ட சோதனைக் கட்டுப்பாடுகளுக்கு உட்பட்டு கணக்கிடப்பட்டதாகும். போக்குவரத்து நெரிசல், செல்லும் வேகம், சுமை, சாலை நிலை மற்றும் வானிலை ஆகியவற்றைப் பொறுத்து நிஜமான சாலை ரேஞ்ச் மாறுபடும். எனவே வாடிக்கையாளர்கள் தங்களுக்குத் தேவையான வேரியண்ட்களை ஒப்பிட்டுப் பார்த்து, சார்ஜிங் வசதிகளை உறுதிசெய்து, டெஸ்ட் டிரைவ் செய்த பிறகே இறுதி முடிவெடுப்பது நல்லது.

கேடிஎம் டியூக் 200 vs பஜாஜ் பல்சார் NS200 TFT: 200சிசி பைக் பிரியர்களுக்கு எது பெஸ்ட் சாய்ஸ்?

Kiruthickraj D — Thu, 05 Nov 2026 11:35:49 +0530

2026 பஜாஜ் பல்சார் NS200 TFT மற்றும் கேடிஎம் டியூக் 200 பைக்குகளில் எது சிறந்த தேர்வு? இன்ஜின் பவர், வசதிகள், ஹேண்ட்லிங் மற்றும் விலை ஒப்பீட்டை விரிவாகப் பார்போம்.

இந்திய இருசக்கர வாகனச் சந்தையில் 200சிசி ஸ்டிரீட்பைட்டர் (Streetfighter) பிரிவில் எப்போதுமே அனல் பறக்கும் போட்டி நிலவி வருகிறது. குறிப்பாக, மிரட்டலான செயல்திறன் மற்றும் நவீன அம்சங்களுடன் களமிறங்கியுள்ள பஜாஜ் பல்சார் என்எஸ்200 டிஎஃப்டி (Bajaj Pulsar NS200 TFT) மற்றும் கேடிஎம் டியூக் 200 (KTM Duke 200) ஆகிய 2 பைக்குகளுக்கு இடையே கடும் போட்டி நிலவுகிறது.

கேடிஎம் டியூக் 200 என்பது அதன் ஆக்ரோஷமான தோற்றம், துல்லியமான ஹேண்ட்லிங் மற்றும் சிலிர்க்க வைக்கும் இன்ஜின் செயல்திறனுக்காக அறியப்படும் ஒரு பிரீமியம் நேக்ட் ஸ்டிரீட்பைட்டர் பைக் ஆகும்.

வடிவமைப்பு & சேசிஸ் - தனித்துவமான வெளிப்படையான ட்ரெல்லிஸ் ஃபிரேம் மற்றும் ஸ்போர்ட்டி ரைடிங் பொசிஷன் ஆகியவை இதனை 200சிசி பிரிவில் எளிதில் அடையாளம் காட்டுகின்றன.

செயல்திறன் - 199.5சிசி லிக்யூடு கூல்டு இன்ஜின் மூலம் இயக்கப்படுகிறது. இது 25 பிஎஸ் பவரையும், 19.3 என்எம் டார்க்கையும் வழங்கும். 6-ஸ்பீடு கியர்பாக்ஸ் மற்றும் குவிக்சீஃப்டருடன் இது வருகிறது.

அப்கிரேட்கள் & அம்சங்கள் - 2026 அப்கிரேட்டாக ரைடு-பை-வயர், டிராக்ஷன் கன்ட்ரோல் மற்றும் ஸ்டிரீட், ரெயின் ரைடிங் மோடுகள் இதில் சேர்க்கப்பட்டுள்ளன. இதன் 5 இன்ச் கலர் டிஎஃப்டி டிஸ்ப்ளே புளூடூத் இணைப்பு மற்றும் கால் அலெர்ட்டுகளை வழங்கும்.

விலை - இதன் எக்ஸ்-ஷோரூம் விலை தோராயமாக ரூ.2.07 லட்சமாகும்.

பஜாஜ் நிறுவனத்தின் பல்சார் வரிசையில் 2026-ஆம் ஆண்டின் மிகச் சிறந்த மற்றும் எதிர்பார்ப்பை ஏற்படுத்திய அப்கிரேட்களில் இந்த என்எஸ்200 டிஎஃப்டி மாடலும் ஒன்றாகும்.

வடிவமைப்பு & அம்சங்கள் - பரிச்சயமான மஸ்குலர் டிசைனுடன் புதிய கலர் டிஎஃப்டி இன்ஸ்ட்ரூமென்ட் கிளஸ்டர் மற்றும் மேம்பட்ட தொழில்நுட்பங்கள் இதில் இணைக்கப்பட்டுள்ளன. அதிக விலை கொடுக்காமல் ஸ்போர்ட்டி பெர்ஃபார்மன்ஸ் விரும்புவோருக்காக இது உருவாக்கப்பட்டுள்ளது.

செயல்திறன் - 99.5சிசி லிக்யூடு கூல்டு சிங்கிள் சிலிண்டர் இன்ஜின் கொடுக்கப்பட்டுள்ளது. இது 25.5 பிஎஸ் பவரையும், 18.74 என்எம் டார்க்கையும் வெளிப்படுத்தும். 6-ஸ்பீடு கியர்பாக்ஸ் மற்றும் இருதிசைக் குவிக்சீஃப்டர் (Bi-directional quickshifter) இதில் உண்டு.

தொழில்நுட்பம் - புதிய 5 இன்ச் டிஎஃப்டி டிஸ்ப்ளே கூகுள் மேப்ஸ் மிரரிங், ரைடு மோடுகள், டிராக்ஷன் கன்ட்ரோல் மற்றும் ரைடு-பை-வயர் தொழில்நுட்பத்தை ஆதரிக்கிறது.

விலை - இதன் எக்ஸ்-ஷோரூம் விலை தோராயமாக ரூ.1.60 லட்சமாக நிர்ணயிக்கப்பட்டுள்ளது.

விலையைப் பொறுத்தவரை பஜாஜ் பல்சார் என்எஸ்200 டிஎஃப்டி மாடலானது கேடிஎம் டியூக் 200-ஐ விட மிகவும் குறைவான விலையில் கிடைக்கிறது. பஜாஜ் பைக் சுமார் ரூ.1.60 லட்சத்திற்கும், கேடிஎம் பைக் சுமார் ரூ.2.07 லட்சத்திற்கும் விற்கப்படுகிறது.

அதாவது கேடிஎம் பைக் விலையானது பல்சார் பைக்கை விட தோராயமாக ரூ.47,000 அதிகமாகும். குறைந்த பட்ஜெட்டில் அதிகப்படியான செயல்திறனையும் நவீன தொழில்நுட்பங்களையும் விரும்புவோருக்கு பஜாஜ் பல்சார் என்எஸ்200 மிகச்சிறந்த பணமதிப்பை (Value for Money) வழங்குகிறது. பல்சார் என்எஸ்200 டிஎஃப்டி மாடலானது கலர் டிஎஃப்டி டிஸ்ப்ளே, கூகுள் மேப்ஸ் மிரரிங், டிராக்ஷன் கன்ட்ரோல், ரைடு மோடுகள் மற்றும் குவிக்சீஃப்டர் என ஏராளமான அம்சங்களை அள்ளி வழங்குகிறது.

அதேபோல் கேடிஎம் டியூக் 200 மாடலும் பிரீமியம் டிஎஃப்டி டிஸ்ப்ளே, புளூடூத் இணைப்பு, டிராக்ஷன் கன்ட்ரோல் மற்றும் ரைடு-பை-வயர் தொழில்நுட்பத்துடன் மிக நவீனமாக மேம்படுத்தப்பட்டுள்ளது. பல்சார் பைக் கூடுதல் ரைடு மோடுகளை வழங்கும்போது, கேடிஎம் பைக் தனது பிரீமியம் சேசிஸ் மற்றும் ஹேண்ட்லிங் பண்புகளில் அதிக கவனம் செலுத்துகிறது.

பஜாஜ் பல்சார் NS200 TFT - குறைந்த விலையில், பவர்ஃபுல்லான இன்ஜின், ஏராளமான நவீன அம்சங்கள் மற்றும் அருமையான மதிப்பு (Value for Money) வேண்டும் என்றால் இதுவே சரியான மற்றும் புத்திசாலித்தனமான தேர்வாகும்.

கேடிஎம் டியூக் 200 - விலை கூடுதலாக இருந்தாலும் பரவாயில்லை; பிரீமியம் ஸ்டைல், மிரட்டலான ஹேண்ட்லிங் மற்றும் கேடிஎம் பிராண்டின் ஸ்போர்ட்டி கேரக்டர் தான் முக்கியம் என்றால் இது கூடுதல் முதலீட்டிற்கு முழுமையான பலனைத் தரும்.

Family Bikes: ஹோண்டா யூனிகார்ன் டூ புல்லட் வரை... சௌகரியமான சீட் & சஸ்பென்ஷன் கொண்ட டாப் 5 பைக்குகள்!

Meenakshisundaram — Wed, 04 Nov 2026 10:17:30 +0530

Family Bikes: வயதான பெற்றோருடன் பைக்கில் பயணிக்க சிறந்த சௌகரியமான சீட் கொண்ட டாப் 5 பைக்குகள்! ஹோண்டா யூனிகார்ன் முதல் புல்லட் 350 வரை முழு விவரங்கள், விலை மற்றும் முக்கிய சிறப்பம்சங்கள் பற்றி பார்ப்போம்.

Family Bikes: பெற்றோர்கள் அல்லது குடும்பத்தில் உள்ள மூத்த உறுப்பினர்களை பைக்கில் பின்னால் அமர வைத்து அழைத்துச் செல்வது என்பது சாதாரண ரைடிங்கைப் போன்றது அல்ல; அதற்கு கூடுதல் கவனம் தேவை. ஓட்டுநருக்கு சௌகரியமாக இருக்கும் ஒரு பைக் சீட், பின்னால் அமர்பவருக்கு அதே ஆதரவை அளிக்காமல் போகலாம். குறிப்பாக கரடுமுரடான சாலைகள், வேகத்தடைகள் மற்றும் நீண்ட தூரப் பயணங்களின் போது பின்னால் அமர்பவர்கள் உடல்வலியால் அவதிப்பட நேரிடும். அதேபோல், சீட்டின் உயரம் அதிகமாக இருந்தாலோ அல்லது பைக்கின் எடை அதிகமாக இருந்தாலோ முதியவர்கள் ஏறி இறங்குவது பெரும் சவாலாக மாறும்.

குடும்பத்தினரின், குறிப்பாக பின் இருக்கை பயணிகளின் (Pillion) சௌகரியமே முக்கியம் என்றால், நீளமான மற்றும் மெதுமெதுப்பான சீட், எளிதில் ஏறி இறங்கக்கூடிய சீட் உயரம், கைக்கு எட்டும் கிராப் ரெயில் (Grab Rail) மற்றும் மேடு பள்ளங்களின் அதிர்வுகளை முதுகுக்கு கடத்தாத சிறந்த சஸ்பென்ஷன் அமைப்பு கொண்ட பைக்குகளைத் தேர்வு செய்வது அவசியம். அந்த வகையில், பெற்றோருடன் பாதுகாப்பாகவும் சௌகரியமாகவும் பயணிக்க உதவும் 5 சிறந்த பைக்குகள் பற்றி பார்ப்போம்.

கவனிக்க வேண்டிய முக்கிய விஷயங்கள்

புதிய பைக் வாங்குவதற்கு முன்பாக, முடிந்தவரை பெற்றோரை உடன் அழைத்துச் சென்று டெஸ்ட் ரைடு செய்து பார்ப்பது நல்லது. சீட்டின் உயரம் முதியவர்கள் எளிதில்ஏறி, காலை கீழே வைக்கும் வகையில் எளிதாக இருக்கிறதா என்பதை பார்க்கவும். சீட் போதுமான அகலத்துடன் குஷனிங்குடனும் உள்ளதா, நெரிசலின்றி வசதியாக உட்கார முடிகிறதா என்பதை உறுதிப்படுத்தவும். பின்னால் அமர்பவர் கைகளால் இறுக்கமாக பிடித்துக்கொள்ள பிடிமானம் உள்ளதா எனப் பார்க்கவும். கூடுதல் ஆதரவிற்கு பேக்ரெஸ்ட் பொருத்துவது நலம். மேடு பள்ளங்கள் நிறைந்த பகுதியில் ஓட்டிப் பார்த்து, அதிர்வுகள் பின் இருக்கையில் அமர்ந்திருப்பவரை பாதிக்கிறதா என்று கேட்டுத் தெரிந்துகொள்ளவும். பின்னால் ஆள் இருக்கும்போது டிராஃபிக்கில் பைக்கை உங்களால் எளிதாகக் கையாள முடிகிறதா என்பதைச் சரிபார்க்கவும். பயணம் எவ்வளவு குறுகிய தூரமாக இருந்தாலும், பின்னால் அமரும் பெற்றோருக்கும் சரியான அளவில் பொருந்தக்கூடிய தலைக்கவசம் (Helmet) அணிவிப்பது கட்டாயமாகும்.

விலை: சுமார் ரூ.1.15 லட்சம் (எக்ஸ்-ஷோரூம்)

நகர்ப்புறங்களில் தினசரி பயன்பாட்டிற்கு மிகவும் நடைமுறைக்கேற்ற தேர்வு ஹோண்டா யூனிகார்ன். இதில் இடம்பெற்றுள்ள நீளமான, தட்டையான ஒற்றை இருக்கை (Single-piece seat) தாராளமான குஷனிங் வசதியைக் கொண்டுள்ளது. இதனால் ஓட்டுநர் மற்றும் பின்னால் அமர்பவர் இருவருக்கும் தாராளமான இடவசதி கிடைக்கிறது. கைக்கு எட்டும் தூரத்தில் உள்ள கிராப் ரெயில் மற்றும் இயல்பான ஃபுட்பெக் (Footpeg) அமைப்பு, பின்னால் அமர்பவர் சிரமமின்றி வசதியாக உட்கார உதவுகிறது. இதன் சஸ்பென்ஷன் அமைப்பு சாலைகளில் உள்ள குழிகள், மேடு பள்ளங்களைச் சிறப்பாகக் கையாண்டு அதிர்வுகளை உள்வாங்கிக் கொள்வதால், பின்னால் அமர்ந்திருப்பவருக்கு அலுப்பில்லாத மென்மையான பயண அனுபவம் கிடைக்கிறது.

விலை: ரூ.1.30 லட்சத்தில் இருந்து தொடங்குகிறது (எக்ஸ்-ஷோரூம்)

சாதாரண கம்யூட்டர் பைக்குகளைத் தாண்டி சற்று வித்தியாசமான தோற்றமும் செயல்திறனும் விரும்புவோருக்கு டிவிஎஸ் ரோனின் ஒரு சிறந்த தேர்வு. இதில் உள்ள அதிர்வுகள் குறைந்த எஞ்சின், குறைந்த வேகத்திலும் எளிதாக இழுக்கும் திறன் மற்றும் வசதியான எர்கோனாமிக்ஸ் ஆகியவை அன்றாட பயன்பாட்டை எளிதாக்குகின்றன. வளைவுகளிலும் மேடு பள்ளங்களிலும் இந்த பைக் மிகச் சிறப்பான சமநிலையை வெளிப்படுத்துகிறது.

இதன் ரிலாக்ஸ்டான இருக்கை அமைப்பு பின் இருக்கை பயணிக்கு நல்ல சௌகரியத்தைத் தருகிறது. மேலும், டிவிஎஸ் நிறுவனம் கூடுதல் உபகரணமாக (Accessory) பேக்ரெஸ்ட் (Backrest) வசதியை வழங்குகிறது. முதுகுக்குப் பிடிமானம் தேவைப்படும் வயதான பெற்றோருக்கு இந்த பேக்ரெஸ்ட் மிகச் சிறந்த ஆதரவாக இருக்கும்.

விலை: ரூ.1.67 லட்சத்தில் இருந்து தொடங்குகிறது (எக்ஸ்-ஷோரூம்)

ராயல் என்பீல்ட் புல்லட் 350, நேராக நிமிர்ந்து அமர்ந்து பயணிக்கும் சௌகரியமான ரைடிங் பொசிஷனைக் கொண்டது. இதன் மிதமான சீட் உயரம் காரணமாக, வயதானவர்கள் எளிதாக ஏறி இறங்க முடிகிறது. சாலையில் புல்லட் தரும் கம்பீரமான நிலைத்தன்மையும் (Planting effect), கரடுமுரடான சாலைகளை உள்வாங்கும் அதன் சஸ்பென்ஷன் அமைப்பும் பின்னால் அமர்பவருக்குப் பாதுகாப்பான உணர்வைத் தருகிறது. எனினும், இதில் கவனிக்க வேண்டிய விஷயம் இதன் எடை. குறைந்த வேகத்திலோ அல்லது போக்குவரத்து நெரிசலிலோ பின்னால் ஆட்களை வைத்துக்கொண்டு இந்த கனமான பைக்கை பேலன்ஸ் செய்வது ஓட்டுநருக்கு சற்று சவாலாக இருக்கலாம். பைக்கின் எடையைச் சமாளிக்க முடியும் என்பவர்கள் மட்டுமே இதைத் தேர்வு செய்யலாம்.

விலை: ரூ.1.93 லட்சத்தில் இருந்து தொடங்குகிறது (எக்ஸ்-ஷோரூம்)

உங்க பெற்றோருக்கு பைக்கின் அதிரும் சத்தமோ அல்லது திடீர் ஜெர்க்கோ பிடிக்காது என்றால், நீங்கள் தாராளமாக ஹோண்டா ஹைனெஸ் CB350 பைக்கை பரிசீலிக்கலாம். இதன் எஞ்சின் மிகவும் மென்மையானது; அதிர்வுகளற்ற பயண அனுபவத்தை வழங்கக்கூடியது. வேகத் தடைகள், மேடு பள்ளங்களை இதன் சஸ்பென்ஷன் சிறப்பாக கையாள்வதால் நீண்டதூர பயணங்களிலும் களைப்பு தெரியாது. விசாலமான சீட் மற்றும் நிதானமான பயணத்தை விரும்பும் குடும்பத்தினருக்கு இந்த பைக் சரியான தேர்வு.

விலை: சுமார் ரூ.2.15 லட்சம் (எக்ஸ்-ஷோரூம்)

நவீன கிளாசிக் தோற்றத்தை விரும்பும் ரைடர்களுக்கு ஜாவா 42 எஃப்ஜே ஒரு சிறந்த மாடல். இதன் நிமிர்ந்த ரைடிங் பொசிஷன் நீண்ட தூரப் பயணங்களை எளிதாக்குகிறது. ஆனால், வயதான பெற்றோரை இதில் அழைத்துச் செல்ல திட்டமிட்டால் 2 விஷயங்களை கவனத்தில் கொள்ள வேண்டும். முதலாவதாக, முதியவர்களின் முதுகுப் பிடிமானத்திற்காக தனியாக ஒரு பேக்ரெஸ்ட் (Backrest) பொருத்துவது நல்லது. இரண்டாவதாக, இதன் பின்னிருப்பு சஸ்பென்ஷன் சற்று கடினமாக (stiff) இருக்கக்கூடும் என்பதால், பின் இருக்கை பயணிக்கு ஏற்றவாறு சஸ்பென்ஷனை சற்று மெதுவான (softer preload) நிலைக்கு மாற்றியமைத்துக் கொள்வது சிறந்தது.

Honda Activa 6G : ஹோண்டா ஆக்டிவா ஏன் எல்லோருக்கும் பிடிக்கிறது? பலரும் வாங்க 5 முக்கிய காரணங்கள்!

Arun Mozhi Varman — Mon, 02 Nov 2026 09:00:26 +0530

Honda Activa 6G : ஹோண்டா ஆக்டிவா தொடர்ந்து பலரது விருப்பமாக இருப்பது ஏன்? எளிமையான ஓட்டுதல், எஞ்சின், மைலேஜ், வசதிகள் எனப் பலரும் வாங்க 5 முக்கிய காரணங்கள்!

இந்தியாவில் ஸ்கூட்டர் வாங்க நினைப்பவர்களின் பட்டியலில் ஹோண்டா ஆக்டிவா பெயர் நிச்சயம் இடம்பெறும். குடும்பப் பயன்பாடு, அலுவலகப் பயணம், அன்றாடச் சிறிய வேலைகள் எனப் பல தேவைகளுக்கும் பயன்படுத்தப்படும் இந்த ஸ்கூட்டர், பல ஆண்டுகளாக விற்பனையில் முன்னிலையில் இருந்து வருகிறது.

2026 செப்டம்பர் மாதத்தில் மட்டும் ஹோண்டா ஆக்டிவா 3,52,271 யூனிட்கள் விற்பனையாகியுள்ளன. அடுத்த இடத்தில் இருந்த டிவிஎஸ் ஜூப்பிட்டர் விற்பனையைவிட இது இரண்டு மடங்குக்கும் அதிகம். அப்படி ஆக்டிவாவை பலரும் விரும்புவதற்குப் பின்னால் இருக்கும் 5 முக்கிய காரணங்கள் என்னென்ன?

இதையும் படிங்க : Travel : வெறும் ரூ.2,000 செலவில் 6 மாநிலங்கள்! எப்படி டிராவல் செய்கிறார் இந்தப் பெண்? ரகசியம் இதுதான்!

ஹோண்டா ஆக்டிவாவின் முக்கியமான சிறப்பம்சங்களில் ஒன்று அதன் தானியங்கி டிரான்ஸ்மிஷன். இதில் கியர் மாற்ற வேண்டிய அவசியம் கிடையாது. ஆக்சிலரேட்டர் மற்றும் பிரேக்கைப் பயன்படுத்தி எளிதாக ஓட்டலாம்.

குறிப்பாக, போக்குவரத்து நெரிசல் அதிகமாக இருக்கும் நகரச் சாலைகளில் அடிக்கடி கியர் மாற்ற வேண்டிய சிரமம் இல்லாதது பலருக்கும் வசதியாக இருக்கிறது. ஸ்கூட்டர் ஓட்டப் பழகுபவர்களுக்கும் இது எளிமையான அனுபவத்தைத் தருகிறது.

இதையும் படிங்க : Protein : சைவ உணவில் புரதம் பெற சிறந்த பயறு எது? எந்தப் பயறில் எவ்வளவு புரதம்?

ஹோண்டா ஆக்டிவாவில் 109.51 சிசி, ஒற்றை சிலிண்டர், பியூல் இன்ஜெக்ஷன் எஞ்சின் பயன்படுத்தப்படுகிறது. இது நகரப் பயணங்களுக்கும் அன்றாடப் பயன்பாட்டுக்கும் ஏற்ற வகையில் வடிவமைக்கப்பட்டுள்ளது.

இந்த எஞ்சின் மென்மையான செயல்பாடு மற்றும் எளிதான ஓட்டுதல் அனுபவத்தை வழங்குகிறது. அதிக வேகத்துக்காக வடிவமைக்கப்பட்ட ஸ்கூட்டரைத் தேடுபவர்களைவிட, தினசரி தேவைகளுக்கு நம்பகமான வாகனத்தை விரும்புபவர்களுக்கு இது பொருத்தமான தேர்வாக இருக்கலாம்.

இதையும் படிங்க : Idiyappam Biryani : இடியாப்பத்தில் பிரியாணியா? வித்தியாசமான சுவையில் ஒரு சூப்பர் ரெசிபி!

ஸ்கூட்டர் வாங்கும்போது பலரும் கவனிக்கும் முக்கியமான விஷயம் மைலேஜ். பெட்ரோல் செலவு அதிகரிக்கும் சூழலில், நல்ல எரிபொருள் சிக்கனம் கொண்ட வாகனத்தைத் தேர்வு செய்யவே பலரும் விரும்புகின்றனர்.

ஹோண்டா ஆக்டிவாவின் 2025 புதுப்பிக்கப்பட்ட மாடலில் எரிபொருள் சிக்கனத்தை மேம்படுத்தும் ஐட்லிங் ஸ்டாப் சிஸ்டம் இடம்பெற்றுள்ளது. வாகனம் சில நொடிகள் நிற்கும்போது எஞ்சின் தானாக அணைந்து, மீண்டும் ஆக்சிலரேட்டரைத் திருப்பும்போது இயங்கத் தொடங்கும்.

இதனால் தேவையற்ற எரிபொருள் பயன்பாட்டைக் குறைக்க உதவுகிறது. இருப்பினும், உண்மையான மைலேஜ் போக்குவரத்து நெரிசல், ஓட்டும் முறை, சாலை நிலை மற்றும் வாகனப் பராமரிப்பு ஆகியவற்றைப் பொறுத்து மாறுபடும்.

இதையும் படிங்க : 90s Kids vs 2K Kids : அன்றைய ஃபேஷன் vs இன்றைய டிரெண்டிங் ஆடைகள்! ஒரு சுவாரஸ்ய ஒப்பீடு!

ஆக்டிவாவின் வடிவமைப்பு பல ஆண்டுகளாக அதன் அடையாளமாக இருந்து வருகிறது. அதிக அலங்காரங்கள் இல்லாத எளிமையான தோற்றம், பல வயதினரும் பயன்படுத்த ஏற்ற வடிவமைப்பு ஆகியவை இதன் வரவேற்புக்கு ஒரு காரணம்.

2025 புதுப்பிக்கப்பட்ட மாடலில் 4.2 அங்குல TFT திரை, புளூடூத் இணைப்பு, ஹோண்டா ரோடுசிங்க் செயலி வழியாக வழிகாட்டுதல் வசதி, அழைப்பு மற்றும் செய்தி அறிவிப்புகள், USB Type-C சார்ஜிங் வசதி ஆகியவை சேர்க்கப்பட்டுள்ளன. ஆனால் இந்த வசதிகள் எல்லா வேரியண்ட்களிலும் கிடைக்காது. குறிப்பிட்ட வேரியண்ட்களில் மட்டுமே இடம்பெறுகின்றன.

இதையும் படிங்க : Washing Machine : ரூ.15,000-க்குள் கிடைக்கும் சிறந்த 5 வாஷிங் மெஷின்கள்! எந்த மாடலில் என்னென்ன வசதிகள்?

ஒரு ஸ்கூட்டரை வாங்கும்போது அதன் விலை மட்டுமல்ல; நீண்ட காலப் பயன்பாடு, சர்வீஸ் வசதி, உதிரிபாகங்கள் கிடைக்கும் தன்மை போன்றவற்றையும் பலரும் கணக்கில் எடுத்துக்கொள்கிறார்கள்.

ஹோண்டா நிறுவனம் இந்தியா முழுவதும் கொண்டுள்ள விற்பனை மற்றும் சர்வீஸ் மையங்கள், ஆக்டிவாவைத் தேர்வு செய்யும் வாடிக்கையாளர்களுக்கு ஒரு முக்கியமான காரணமாக இருக்கலாம். மேலும், ஆக்டிவா நீண்டகாலமாகச் சந்தையில் இருப்பதால் அதன் பராமரிப்பு குறித்த அனுபவமும் பலரிடம் உள்ளது.

இந்தக் காரணங்களால்தான் ஆக்டிவா தொடர்ந்து அதிக வாடிக்கையாளர்களை ஈர்த்து வருகிறது. இருப்பினும், எந்த ஸ்கூட்டரை வாங்கினாலும் அதன் விலை, வேரியண்ட் வசதிகள், மைலேஜ், உங்கள் பயன்பாட்டுத் தேவை ஆகியவற்றை ஒப்பிட்டுப் பார்த்து முடிவெடுப்பதே சிறந்தது.

இதையும் படிங்க : Silk Saree : பட்டுப் புடவையின் ஜரிகையில் இருந்து எவ்வளவு தங்கம் கிடைக்கும்? கணக்கு இதோ!