Asianet News Tamil

PM Kisan: அக்டோபர் 30-ல் அக்கவுண்ட்டுக்கு வரும் ரூ.2000.! ஆனா அதுக்கு முன்னாடி இத பண்ணிடுங்க!

Vedarethinam Ramalingam — Tue, 27 Oct 2026 06:13:45 +0530

பிஎம் கிசான் சம்மான் நிதி யோஜனாவின் அடுத்த தவணைத் தொகையான 2000 ரூபாய், அக்டோபர் 30-ம் தேதி விவசாயிகளின் வங்கிக் கணக்கில் வரவுள்ளது. ஆனால், இந்த பணத்தை வாங்க விவசாயிகள் இதையெல்லாம் செய்யனுமாம்.!

நாடு முழுவதும் லட்சக்கணக்கான விவசாயிகள் பிஎம் கிசான் சம்மான் நிதி யோஜனாவின் அடுத்த தவணைக்காக காத்திருக்கிறார்கள். அக்டோபர் 30-ம் தேதி விவசாயிகளின் அக்கவுண்ட்டில் 2000 ரூபாய் வரவுள்ளது. ஆனால், இந்த பணத்தை வாங்க விவசாயிகள் ஒரு முக்கியமான வேலையை முடிக்க வேண்டும்.

அரசு தகுதியான விவசாயிகளின் வங்கிக் கணக்கில் விரைவில் 2000 ரூபாயை நேரடியாக அனுப்பவுள்ளது. ஆனால், பணம் போடும் தேதி அறிவித்துவிட்டார்கள் என்பதற்காக பதிவு செய்த அனைவருக்கும் பணம் வந்துவிடாது. உங்கள் ஆவணங்கள் முழுமையாக இல்லை என்றாலோ அல்லது e-KYC முடிக்கவில்லை என்றாலோ பணம் வர தாமதமாகலாம்.

விவசாயிகள் இந்த முறை பணம் வாங்க சில நிபந்தனைகளை பூர்த்தி செய்ய வேண்டும். ஆதார் கார்டுடன் வங்கிக் கணக்கை இணைப்பது மற்றும் நில ஆவணங்களை சரிபார்ப்பது ரொம்ப முக்கியம். விண்ணப்பத்தில் கொடுத்த தகவல்கள் சரியாக இருக்க வேண்டும். அதில் ஏதாவது தப்பு இருந்தால் பணம் வர லேட் ஆகும்.

விவசாயிகள் pmkisan.gov.in என்ற வெப்சைட்டுக்கு போய் தங்கள் ஸ்டேட்டஸை செக் பண்ணலாம். முதலில் வெப்சைட்டை ஓபன் செய்து 'know your status' ஆப்ஷனை கிளிக் பண்ணுங்க. உங்கள் பதிவு எண்ணை (Registration number) கொடுத்து, ஸ்கிரீனில் தெரியும் கேப்ட்சா கோடை டைப் செய்து 'Get OTP' கொடுங்க. ஓடிபி வந்ததும் அதை உள்ளீடு செய்தால் உங்கள் ஸ்டேட்டஸ் தெரிந்துவிடும்.

விவசாயிகள் பிஎம் கிசான் உதவித்தொகையை வாங்க விண்ணப்பிக்கும் போது எல்லா தகவல்களையும் சரியாக கொடுக்க வேண்டும். தனிப்பட்ட விவரங்களில் எந்த பிழையும் இருக்கக் கூடாது. தகவல்களில் ஏதாவது முரண்பாடு இருந்தால் தவணைத் தொகை கிடைப்பதில் சிக்கல் ஏற்படும்.

Green Chilli: வீட்டில் பச்சை மிளகாய் வளர்க்கும் போது இந்த 7 தவறுகளை செய்யாதீர்கள்

Velmurugan s — Tue, 22 Sep 2026 22:00:29 +0530

நமக்குத் தேவையான பச்சை மிளகாயை நம் வீட்டிலேயே எளிதாக வளர்க்கலாம். ஆனால், அப்படி வளர்க்கும் போது இந்த 7 தவறுகளை மட்டும் நீங்கள் செய்யாமல் பார்த்துக் கொள்ளுங்கள்.

Govt Scheme: இந்த ஆவணங்கள் இருந்தா போதும்.! ரூ.1.20 லட்சம் மானியம் கிடைக்கும்.! யாரெல்லாம் விண்ணப்பிக்கலாம் தெரியுமா?

Vedarethinam Ramalingam — Thu, 29 Oct 2026 09:29:35 +0530

தமிழகத்தில் பாசன வசதி இல்லாத விவசாயிகள் ரூ.1.20 லட்சம் வரை மானியத்தில் ஆழ்துளைக் கிணறு அமைக்க விண்ணப்பிக்கலாம்! இத்திட்டத்திற்கான தகுதிகள், தேவையான ஆவணங்கள் மற்றும் விண்ணப்பிக்கும் முறை பற்றி விரிவாக அறிய இங்கே கிளிக் செய்யுங்கள்.

தமிழகத்தில் விவசாய உற்பத்தியை அதிகரிக்கும் நோக்கிலும், நீர் ஆதாரங்கள் இல்லாத விளைநிலங்களுக்கு நீர்ப்பாசன வசதியை ஏற்படுத்தித் தரும் வகையிலும் வேளாண்மைப் பொறியியல் துறை மூலம் சிறப்பு மானியத் திட்டத்தை தமிழக அரசு அறிவித்துள்ளது. இத்திட்டத்தின் கீழ் பாசன வசதியற்ற தரிசு அல்லது புஞ்சை நிலங்களில் புதிய ஆழ்துளைக் கிணறு அல்லது குழாய்க் கிணறு அமைப்பதற்குத் தகுதியுள்ள விவசாயிகளுக்கு நிதியுதவி வழங்கப்படுகிறது.

Tamil Nadu Government Jobs: தமிழக அரசு அதிரடி.! 8,000 பேருக்கு அரசு வேலை? எப்போ ஆட்கள் தேர்வு? யாரெல்லாம் விண்ணப்பிக்கலாம்?

இத்திட்டத்தின்கீழ் பயன்பெறும் விவசாயிகளின் நிலப்பரப்பு மற்றும் பிரிவுகளுக்கு ஏற்ப மானியத் தொகை நிர்ணயிக்கப்பட்டுள்ளது:

சிறு, குறு மற்றும் பெண் விவசாயிகள்:

ஆழ்துளைக் கிணறு அல்லது குழாய்க் கிணறு அமைப்பதற்கான மொத்த திட்டச் செலவில் 60 சதவீதம் மானியமாக வழங்கப்படும். இதற்கான அதிகபட்ச மானிய வரம்பு ரூ.1.20 லட்சம் ஆகும்.

இதர விவசாயிகள் (பொதுப்பிரிவு):

திட்டச் செலவில் 50 சதவீதம் மானியமாக அரசு உதவி தொகை வழங்கும். இதற்கான அதிகபட்ச மானிய வரம்பு ரூ.1 லட்சம் எனக் குறிப்பிடப்பட்டுள்ளது.

8th Pay Commission: 1.83 முதல் 4 வரை ஃபிட்மென்ட் ஃபேக்டர்? யாருக்கு எவ்வளவு சம்பளம் உயரும்?

இத்திட்டத்தின் கீழ் மானியம் பெற விரும்புவோர் பின்வரும் தகுதிகளைப் பெற்றிருக்க வேண்டும்:

பாதுகாப்பான குருவட்டங்கள்: விண்ணப்பிக்கும் விவசாயியின் நிலம் நிலத்தடி நீர் மட்டம் திருப்திகரமாக உள்ள "பாதுகாப்பான குருவட்டங்களில்" (Safe Firkas) அமைந்திருக்க வேண்டும்.
நில அளவு: விண்ணப்பதாரரின் பெயரில் குறைந்தபட்சம் 2 ஏக்கர் புஞ்சை (புன்செய்) நிலம் சொந்தமாக இருக்க வேண்டும்.
கூட்டுறவு அமைப்பு விலக்கு: விண்ணப்பதாரர் எந்தவொரு கூட்டுறவு அமைப்பிலும் உறுப்பினராக இல்லாதவராக இருக்க வேண்டியது அவசியமாகும்.
பழைய கிணறுகள்: நீண்ட காலமாகப் பயன்பாட்டில் இல்லாத அல்லது தூர்ந்துபோன கிணறுகளைக் கொண்டுள்ள புஞ்சை நில விவசாயிகளும் இத்திட்டத்தின் கீழ் பயனடையத் தகுதியானவர்கள் ஆவர். Diwali Holiday: தீபாவளிக்கு மறுநாள் அரசு விடுமுறை! நவம்பர் 9-ம் தேதி என்ன சிறப்பு? தமிழக அரசு அறிவிப்பு குறித்த முழு விவரம்!

மானியம் பெற விரும்பும் விவசாயிகள் தங்கள் விண்ணப்பத்துடன் பின்வரும் சான்றுகளின் நகல்களை இணைத்துச் சமர்ப்பிக்க வேண்டும்:

விவசாயியின் சமீபத்திய புகைப்படத்துடன் கூடிய விண்ணப்பப் படிவம்
ஆதார் அட்டையின் நகல்
குடும்ப அட்டையின் (Ration Card) நகல்
வங்கிக் கணக்குப் புத்தகத்தின் முதல் பக்க நகல்
பட்டா நகல்
நடப்பு பசலி ஆண்டிற்கான அடங்கல் சான்று
நில வரைபடம் (FMB Sketch)
வட்டாட்சியரிடமிருந்து பெறப்பட்ட சிறு / குறு விவசாயி சான்றிதழ் DA Hike 2026: மத்திய அரசு ஊழியர்களுக்கு 3% டிஏ உயர்வு.! சம்பளம் எவ்வளவு அதிகரிக்கும்? முழு விவரம்!

பாசன வசதி இல்லாததால் விவசாயம் செய்ய முடியாமல் தரிசாக இருக்கும் நிலங்களை மீண்டும் சாகுபடிக்குக் கொண்டு வருவதும், வறட்சி காலங்களில் பயிர்களைப் பாதுகாக்கத் தேவையான நீராதாரத்தை உருவாக்குவதுமே இத்திட்டத்தின் முதன்மை நோக்கமாகும். ஆழ்துளைக் கிணறு அமைப்பதற்கு ஆகும் அதிகப்படியான செலவுச் சுமையைக் குறைத்து, ஏழை, எளிய மற்றும் பெண் விவசாயிகளின் வாழ்வாதாரத்தை உயர்த்த இத்திட்டம் பெரிதும் துணையாக இருக்கும். தகுதியுள்ள விவசாயிகள் தங்கள் பகுதி வேளாண்மைப் பொறியியல் துறை அலுவலகங்களை நேரில் அணுகி, உரிய ஆவணங்களுடன் விண்ணப்பித்துப் பயன்பெறலாம்.Actor Dhanush Political Entry: 234 தொகுதிகளிலும்... நடிகர் தனுஷ் அடுத்த திட்டம்.! அரசியலை நோக்கிய சைலன்ட் மூவ்?

Vegetable Prices Today: கோயம்பேடு vs உழவர் சந்தை.! எங்க போனா பணம் மிச்சம்? தக்காளி, வெங்காயம் விலை லிஸ்ட் இதோ!

Vedarethinam Ramalingam — Mon, 26 Oct 2026 10:54:27 +0530

சென்னை கோயம்பேடு vs கள்ளக்குறிச்சி உழவர் சந்தை! தக்காளி, வெங்காயம் உள்ளிட்ட காய்கறிகள் எங்கு குறைந்த விலையில் கிடைக்கின்றன? இன்றைய முழு விலை நிலவரம் இதோ!

Vegetable Price Today (26 October 2026): தமிழகத்தில் வடகிழக்கு பருவமழை தொடங்கியுள்ள நிலையில், காய்கறிகளின் விலை பொதுமக்களின் குடும்ப பட்ஜெட்டை பதம் பார்க்கத் தொடங்கியுள்ளது. குறிப்பாக வெங்காயம், தக்காளி, பீன்ஸ், முருங்கைக்காய் உள்ளிட்ட அன்றாட சமையலுக்குத் தேவையான காய்கறிகளின் விலை கவனம் பெற்றுள்ளது. இந்த நிலையில் சென்னை கோயம்பேடு சந்தைக்கும், கள்ளக்குறிச்சி உழவர் சந்தைக்கும் இடையே காய்கறிகளின் விலையில் எவ்வளவு வித்தியாசம் உள்ளது? எந்த சந்தையில் குறைந்த விலையில் காய்கறிகள் கிடைக்கின்றன? என்பதை விரிவாகப் பார்க்கலாம்.

நவம்பர் Birthday Prediction: இந்தப் பிறந்த தேதிக்காரர்களுக்கு அதிர்ஷ்டக் கதவு திறக்கப்போகுது.! ராஜயோகம் யாருக்கு?

தமிழகத்தின் முக்கிய காய்கறி விற்பனை மையமான சென்னை கோயம்பேடு சந்தைக்கு ஆந்திரா, கர்நாடகா, மகாராஷ்டிரா உள்ளிட்ட மாநிலங்களிலிருந்தும் தமிழகத்தின் பல்வேறு மாவட்டங்களிலிருந்தும் காய்கறிகள் வருகின்றன. பருவமழை காரணமாக அறுவடை மற்றும் போக்குவரத்தில் பாதிப்பு ஏற்பட்டால் சந்தைக்கு வரும் காய்கறிகளின் வரத்து குறைய வாய்ப்புள்ளது. இதனால் விலையிலும் ஏற்ற இறக்கங்கள் ஏற்படுகின்றன.

Spiritual: பூஜை அறையில் கட்டாயம் இருக்க வேண்டிய 5 பொருட்கள்.! ஒவ்வொன்றின் முக்கியத்துவம் என்ன?

அக்டோபர் 26ஆம் தேதி கோயம்பேடு சந்தையில் பெரிய வெங்காயம் கிலோ ரூ.73 முதல் ரூ.86 வரையிலும், சின்ன வெங்காயம் ரூ.61 முதல் ரூ.72 வரையிலும் விற்பனை செய்யப்படுவதாகத் தெரிவிக்கப்பட்டுள்ளது. தக்காளி கிலோ ரூ.41 முதல் ரூ.48 வரையும், பச்சை மிளகாய் ரூ.61 முதல் ரூ.72 வரையும் விற்பனையாகிறது.

கள்ளக்குறிச்சி உழவர் சந்தையில் முதல் தரத் தக்காளி கிலோ ரூ.35க்கும், இரண்டாம் தரத் தக்காளி ரூ.30க்கும் விற்பனை செய்யப்படுகிறது. பெரிய வெங்காயம் தரத்திற்கு ஏற்ப ரூ.65 முதல் ரூ.70 வரையும், புதிய சின்ன வெங்காயம் ரூ.50 முதல் ரூ.70 வரையும் விற்பனையாகிறது.

குறிப்பாக சுரைக்காய் கிலோ ரூ.15, வெண்டைக்காய் ரூ.30, பூசணிக்காய் ரூ.15 முதல் ரூ.20, வாழைப்பூ ரூ.20, காலிபிளவர் ரூ.30 என சில காய்கறிகள் குறைந்த விலையில் கிடைக்கின்றன.

அதேநேரத்தில் பீன்ஸ் கிலோ ரூ.100, முருங்கைக்காய் ரூ.90, கேரட் ரூ.70, பூண்டு ரூ.260 என சில பொருட்களின் விலை அதிகமாக உள்ளது.

Baba Vanga Predictions 2026: 2026 கடைசியில இந்த 5 ராசிக்காரங்க தலைவிதி மாறப்போகுது! பாபா வங்கா கணிப்பு

இன்றைய நிலவரப்படி கோயம்பேடு மற்றும் கள்ளக்குறிச்சி சந்தைகளில் காய்கறி விலைகளில் குறிப்பிடத்தக்க வேறுபாடுகள் காணப்படுகின்றன. தக்காளி கோயம்பேட்டில் ₹41–48 ஆகவும் கள்ளக்குறிச்சியில் ₹30–35 ஆகவும் கிடைக்கிறது. பெரிய வெங்காயம் கோயம்பேட்டில் ₹73–86, கள்ளக்குறிச்சியில் ₹65–70; சின்ன வெங்காயம் முறையே ₹61–72 மற்றும் ₹50–70 ஆக உள்ளது. உருளைக்கிழங்கு கோயம்பேட்டில் மலிவாக ₹32–38 ஆக இருக்கும்போது கள்ளக்குறிச்சியில் ₹45–50 ஆக உயர்ந்துள்ளது. கேரட் கோயம்பேட்டில் ₹47, கள்ளக்குறிச்சியில் ₹70; பீன்ஸ் முறையே ₹68–81 மற்றும் ₹100 ஆக உள்ளது.வெண்டைக்காய் கள்ளக்குறிச்சியில் மலிவாக ₹30 ஆகவும் கோயம்பேட்டில் ₹39 ஆகவும் கிடைக்கிறது.

Name Astrology: பெயரில் 2 முறை ‘E’ இருக்கிறதா? உங்கள் குணம் இப்படித்தான் இருக்குமாம்!

முருங்கைக்காய் கோயம்பேட்டில் ₹66–78, கள்ளக்குறிச்சியில் ₹90; சுரைக்காய் கள்ளக்குறிச்சியில் மிக மலிவாக ₹15 ஆகவும் கோயம்பேட்டில் ₹36 ஆகவும் உள்ளது. பீர்க்கங்காய் இரு இடங்களிலும் ஏறக்குறைய சமமாக ₹52 மற்றும் ₹50 ஆக உள்ளது. புடலங்காய் கோயம்பேட்டில் ₹35–42, கள்ளக்குறிச்சியில் ₹40; பாகற்காய் முறையே ₹52 மற்றும் ₹60–70 ஆக உள்ளது.முட்டைக்கோஸ் கோயம்பேட்டில் ₹36, கள்ளக்குறிச்சியில் ₹40; காலிபிளவர் கள்ளக்குறிச்சியில் மலிவாக ₹30 ஆகவும் கோயம்பேட்டில் ₹39–46 ஆகவும் கிடைக்கிறது.

பீட்ரூட் ₹46 மற்றும் ₹50; குடைமிளகாய் ₹57–68 மற்றும் ₹80; முள்ளங்கி ₹33–39 மற்றும் ₹60; கோவைக்காய் ₹42–49 மற்றும் ₹60 ஆக உள்ளன. மாங்காய் கோயம்பேட்டில் ₹97–114, கள்ளக்குறிச்சியில் ₹120; வாழைப்பூ இரு இடங்களிலும் ஏறக்குறைய சமமாக ₹21 மற்றும் ₹20 ஆக உள்ளது. இஞ்சி கோயம்பேட்டில் ₹146–173, கள்ளக்குறிச்சியில் ₹120–200 வரை ஏற்ற இறக்கத்துடன் உள்ளது. பூசணிக்காய் கள்ளக்குறிச்சியில் மலிவாக ₹15–20 ஆகவும் கோயம்பேட்டில் ₹25 ஆகவும் கிடைக்கிறது.

Scorpio Season 2026: 12 ராசிகளுக்கும் என்னென்ன மாற்றங்கள்? காதல் முதல் வேலை வரை முழு விவரம்!

ஒட்டுமொத்தமாக பார்த்தால் தக்காளி, வெங்காயம், சுரைக்காய், காலிபிளவர், பூசணிக்காய் போன்ற சில காய்கறிகள் கள்ளக்குறிச்சியில் மலிவாகவும், உருளைக்கிழங்கு, கேரட், பீன்ஸ், முருங்கைக்காய், குடைமிளகாய், முள்ளங்கி போன்றவை கோயம்பேட்டில் மலிவாகவும் கிடைக்கின்றன.

கள்ளக்குறிச்சி உழவர் சந்தையில் வாழைப்பழங்கள் ரகத்திற்கு ஏற்ப கிலோ ரூ.30 முதல் ரூ.80 வரையும், பப்பாளி ரூ.35 முதல் ரூ.40 வரையும், கொய்யாப்பழம் ரூ.80க்கும், தர்பூசணி ரூ.25க்கும் விற்பனை செய்யப்படுகிறது. எலுமிச்சை கிலோ ரூ.240 எனப் பட்டியலிடப்பட்டுள்ளது.

பூக்களைப் பொறுத்தவரை மல்லிகை மற்றும் சாமந்தி கிலோ ரூ.400, ரோஜா ரூ.300, முல்லை அரும்பு ரூ.200 என விலை நிர்ணயிக்கப்பட்டுள்ளது. கீரைகள் ஒரு கட்டு ரூ.10க்கும் கிடைக்கின்றன. காய்கறி விலை உயர்வுக்கு என்ன காரணம்? பருவமழைக் காலங்களில் காய்கறிகளின் விலை மாறுவதற்கு பல காரணங்கள் உள்ளன. விளைநிலங்களில் தண்ணீர் தேங்குவது, அறுவடை தாமதமாவது, லாரி போக்குவரத்தில் இடையூறு ஏற்படுவது, சந்தைக்கு வரும் காய்கறிகளின் அளவு குறைவது போன்றவை விலை உயர்வுக்கு வழிவகுக்கலாம்.

மேலும் காய்கறிகளின் தரம், உள்ளூர் விளைச்சல், தேவை, போக்குவரத்துச் செலவு ஆகியவற்றைப் பொறுத்து ஒவ்வொரு சந்தையிலும் விலை மாறுபடும். மொத்த விற்பனைச் சந்தை விலையையும் உழவர் சந்தை விலையையும் நேரடியாக ஒப்பிடும்போது இந்த வேறுபாடுகளையும் கருத்தில் கொள்ள வேண்டும்.

காய்கறி விலை அதிகரிக்கும் நேரங்களில் வாரத்திற்குத் தேவையான பொருட்களை முன்கூட்டியே பட்டியலிட்டு வாங்குவது தேவையற்ற செலவைக் குறைக்க உதவும். ஒரே காய்கறியை அதிகமாக வாங்குவதற்குப் பதிலாக, அந்தந்த பருவத்தில் குறைந்த விலையில் கிடைக்கும் காய்கறிகளைத் தேர்ந்தெடுக்கலாம்.

குறிப்பாக அருகிலுள்ள உழவர் சந்தை மற்றும் சில்லறைக் கடைகளின் விலைகளை ஒப்பிட்டு வாங்குவது பயனுள்ளதாக இருக்கும். குறைந்த விலைக்காக அதிக தூரம் பயணம் செய்தால் போக்குவரத்துச் செலவும் சேரும் என்பதைக் கவனிக்க வேண்டும்.

மொத்தத்தில், அக்டோபர் 26ஆம் தேதி நிலவரப்படி சில அத்தியாவசிய காய்கறிகள் கள்ளக்குறிச்சி உழவர் சந்தையில் மலிவாகவும், சில காய்கறிகள் கோயம்பேடு சந்தையில் மலிவாகவும் உள்ளன. எந்தச் சந்தையில் வாங்கினால் லாபம் என்பது குடும்பத்திற்குத் தேவையான காய்கறிகளின் பட்டியலையும் உள்ளூர் விலையையும் பொறுத்தே அமையும்.

Uzhavar Santhai Vegetable Price Today: கூடைகளில் குவிந்து கிடக்கும் காய்கறிகள்.! பை பையாய் அள்ளிச்செல்லும் இல்லத்தரிகள்.!

Vedarethinam Ramalingam — Fri, 23 Oct 2026 09:28:51 +0530

Uzhavar Santhai Vegetable Price Today: காய்கறிகள், பழங்கள், பூக்கள் வாங்கத் திட்டமிடுகிறீர்களா? உழவர் சந்தையில் தக்காளி, வெங்காயம், உருளைக்கிழங்கு, வாழைப்பழம் உள்ளிட்ட காய்கறிகள் மற்றும் பழங்களின் விலை விவரங்களைத் தெரிந்துகொள்ளுங்கள்.

காய்கறிகள், பழங்கள், பூக்கள் என அன்றாடத் தேவைகளுக்கான பொருட்களை வாங்குவதற்கு மக்கள் அதிகம் செலவிட வேண்டிய சூழல் நிலவுகிறது. இந்நிலையில், விவசாயிகள் நேரடியாகக் கொண்டு வந்து விற்பனை செய்யும் உழவர் சந்தைகள் பொதுமக்களுக்கு மிகவும் பயனுள்ளதாக இருக்கின்றன. அந்த வகையில், கள்ளக்குறிச்சி உழவர் சந்தையில் 2026 அக்டோபர் 23-ம் தேதி விற்பனை செய்யப்படும் காய்கறிகள், பழங்கள் மற்றும் பூக்களின் விலைப் பட்டியல் வெளியாகியுள்ளது. இதில் பல்வேறு காய்கறிகள் கிலோ கணக்கிலும், கீரைகள் கட்டு கணக்கிலும், சில பொருட்கள் எண்ணிக்கை அடிப்படையிலும் விற்பனை செய்யப்படுகின்றன.

Saiva Kari Kulambu Recipe: கறி இல்லாமல் அசைவ சுவையில் சைவ கறி குழம்பு.! ரொம்ப ரொம்ப ஈசி.! சுவையோ அல்டிமேட்.!

கள்ளக்குறிச்சி உழவர் சந்தையில் தக்காளி கிலோ ரூ.48-க்கு விற்பனை செய்யப்படுகிறது. கத்தரிக்காயில் பச்சை ரகத்தின் விலை ரூ.35 ஆகவும், பவானி கத்தரிக்காய் ரூ.50 ஆகவும் உள்ளது. அவரைக்காய் ரூ.120-க்கும், கருப்பு அவரைக்காய் ரூ.140-க்கும் விற்பனை செய்யப்படுகிறது. வெண்டைக்காய் கிலோ ரூ.30, கொத்தவரை ரூ.50, புடலங்காய் ரூ.40, பீர்க்கங்காய் ரூ.50, பாகற்காய் ரூ.60 முதல் ரூ.70 வரையிலும் விற்பனை செய்யப்படுகிறது. முருங்கைக்காய் கிலோ ரூ.90 ஆகவும், முள்ளங்கி ரூ.60 ஆகவும் உள்ளது.

மேலும், பரங்கிக்காய் கிலோ ரூ.20-க்கும், பூசணிக்காய் ரூ.15 முதல் ரூ.20 வரையிலும், சுரைக்காய் ரூ.15-க்கும் விற்பனை செய்யப்படுகிறது. பச்சை மிளகாய் கிலோ ரூ.70, கொத்தமல்லி ரூ.60, புதினா ரூ.30, கருவேப்பிலை ரூ.40 என விலை நிர்ணயிக்கப்பட்டுள்ளது. புதிய இஞ்சி கிலோ ரூ.120-க்கும், பழைய இஞ்சி ரூ.200-க்கும் விற்பனை செய்யப்படுகிறது. மாங்காய் கிலோ ரூ.120 ஆக உள்ளது.

அன்றாட சமையலில் முக்கிய இடம் பிடிக்கும் கிழங்கு வகைகளின் விலைகளும் அறிவிக்கப்பட்டுள்ளன. கருணைக்கிழங்கு மற்றும் சேனைக்கிழங்கு தலா கிலோ ரூ.30-க்கு விற்பனை செய்யப்படுகின்றன. சேப்பங்கிழங்கு ரூ.40, சர்க்கரைவள்ளிக்கிழங்கு ரூ.60, மரவள்ளிக்கிழங்கு ரூ.30 என விலை நிர்ணயிக்கப்பட்டுள்ளது. வாழைக்காய் கிலோ ரூ.30-க்கும், வாழைத்தண்டு ரூ.15-க்கும், வாழைப்பூ ரூ.20-க்கும் கிடைக்கிறது.

சின்ன வெங்காயம் கிலோ ரூ.50 முதல் ரூ.70 வரை விற்பனை செய்யப்படுகிறது. மொச்சைக்காய் ரூ.40, சுண்டைக்காய் ரூ.50, கோவைக்காய் ரூ.60, நிலக்கடலை ரூ.60 என விலை உள்ளது. பெரிய வெங்காயம் கிலோ ரூ.60-க்கும், உருளைக்கிழங்கு ரூ.45 முதல் ரூ.50 வரையிலும் விற்பனை செய்யப்படுகிறது. பூண்டு கிலோ ரூ.260 ஆக உள்ளது.

Healthy Food For Children: சுவையான நெல்லிக்காய் சாதம் செய்யலாம்.! ஒரே நிமிடத்தில் ரெடியாகும் ஸ்கூல் லஞ்ச்.!

வழக்கமாக வீடுகளில் பயன்படுத்தப்படும் காய்கறிகளின் விலைகளும் கவனிக்கத்தக்க வகையில் உள்ளன. கேரட் கிலோ ரூ.70, பீன்ஸ் ரூ.100, முட்டைக்கோஸ் ரூ.40, சௌசௌ ரூ.50, பீட்ரூட் ரூ.50, நூல்கோல் ரூ.70 என விற்பனை செய்யப்படுகிறது. குடைமிளகாய் கிலோ ரூ.80, மக்காச்சோளம் ரூ.40, காலிஃபிளவர் ரூ.30 என விலை நிர்ணயிக்கப்பட்டுள்ளது. காளான் 200 கிராம் பாக்கெட் ரூ.40 முதல் ரூ.50 வரை விற்பனை செய்யப்படுகிறது.

தேங்காய் அளவைப் பொறுத்து ஒன்றுக்கு ரூ.25, ரூ.30, ரூ.35 என விலை உள்ளது. இளநீர் ஒன்று ரூ.30-க்கு விற்பனை செய்யப்படுகிறது. வெள்ளரிக்காய் கிலோ ரூ.70, நெல்லிக்காய் ரூ.100 என விலை குறிப்பிடப்பட்டுள்ளது. கீரைகள் கட்டு ரூ.10-க்கு விற்பனை செய்யப்படுகின்றன. பிரண்டைக்காய் கிலோ ரூ.50 ஆக உள்ளது.

மாதம் ரூ.1,000 முதலீடு செய்தால் ரூ.35 லட்சம் கிடைக்குமா?! நடுத்தர குடும்பங்களின் எதிர்காலத்தைக் காக்கும் 'SIP' முதலீட்டு முறை!

பழங்களை வாங்க விரும்புபவர்களுக்கும் உழவர் சந்தையில் பல்வேறு தேர்வுகள் உள்ளன. பூவன் வாழைப்பழம் கிலோ ரூ.40 முதல் ரூ.50 வரை விற்பனை செய்யப்படுகிறது. கற்பூரவள்ளி வாழைப்பழம் சிறிய ரகம் ரூ.50-க்கும், பெரிய ரகம் ரூ.60-க்கும் கிடைக்கிறது. நேந்திரன் மற்றும் ஏலக்கி வாழைப்பழங்கள் கிலோ ரூ.60 முதல் ரூ.70 வரை விற்பனை செய்யப்படுகின்றன. ரஸ்தாளி ரூ.60 முதல் ரூ.70 வரையிலும், செவ்வாழை ரூ.70 முதல் ரூ.80 வரையிலும் விலை நிர்ணயிக்கப்பட்டுள்ளது. பச்சை வாழைப்பழம் கிலோ ரூ.30 ஆக உள்ளது.

பப்பாளி கிலோ ரூ.35 முதல் ரூ.40 வரை விற்பனை செய்யப்படுகிறது. கொய்யாப்பழம் ரூ.70, சப்போட்டா ரூ.50, தர்பூசணி ரூ.25, முலாம்பழம் ரூ.50 என விலை உள்ளது. எலுமிச்சை கிலோ ரூ.240-க்கு விற்பனை செய்யப்படுவதாக விலைப் பட்டியலில் குறிப்பிடப்பட்டுள்ளது.

8th Pay Commission: சம்பளத்தை வெச்சு கிராஜுவிட்டி எப்படி கணக்கிடுறாங்க? நிபுணர்கள் விளக்கம்

பூக்களை வாங்குபவர்களும் இன்றைய விலை நிலவரத்தைத் தெரிந்துகொள்வது அவசியம். கள்ளக்குறிச்சி உழவர் சந்தையில் அரளிப்பூ கிலோ ரூ.50-க்கும், ரோஜா ரூ.300-க்கும், சாமந்திப்பூ ரூ.400-க்கும், மல்லிகைப்பூ ரூ.400-க்கும் விற்பனை செய்யப்படுகிறது. முல்லை அரும்பு கிலோ ரூ.200 என விலை நிர்ணயிக்கப்பட்டுள்ளது.

DA Hike: இன்னும் முடிவாகாத அகவிலைப்படி உயர்வு! தீபாவளிக்கு நிலுவைத் தொகையுடன் சம்பளம் ஏறுமா?

உழவர் சந்தைகளின் முக்கிய சிறப்பம்சம், விவசாயிகள் தங்கள் விளைபொருட்களை நேரடியாகக் கொண்டுவந்து விற்பனை செய்வதாகும். இதனால் விவசாயிகளுக்கும் நுகர்வோருக்கும் இடையிலான இடைத்தரகர்களின் பங்கு குறைய வாய்ப்புள்ளது. இருப்பினும், விலைகள் விளைச்சல், வரத்து, தரம் மற்றும் தேவையைப் பொறுத்து மாறுபடலாம்.

எனவே, கள்ளக்குறிச்சி உழவர் சந்தைக்குச் சென்று காய்கறிகள், பழங்கள் மற்றும் பூக்களை வாங்கத் திட்டமிடுபவர்கள் இந்த விலைப் பட்டியலை வழிகாட்டியாகப் பயன்படுத்திக்கொள்ளலாம். குறிப்பாக, வாரத்திற்குத் தேவையான காய்கறிகளை முன்கூட்டியே திட்டமிட்டு வாங்குவதன் மூலம் தேவையற்ற செலவுகளைத் தவிர்க்க முடியும். சந்தைக்குச் செல்லும் முன் அன்றைய விலையை நேரடியாக உறுதிப்படுத்திக்கொள்வதும் நல்லது.

Uzhavar Sandhai Vegetable Prices Today: சுரைக்காய் ரூ.15, வெண்டைக்காய் ரூ.30.! அள்ளிக்கிட்டு போகலாம் மக்களே.! காய்கறிகளின் இன்றைய விலை இதோ!

Vedarethinam Ramalingam — Sat, 24 Oct 2026 09:07:27 +0530

Uzhavar Sandhai Vegetable Prices Today: சுரைக்காய் ரூ.15, வெண்டைக்காய் ரூ.30, தக்காளி ரூ.48! உழவர் சந்தையில் இன்று எந்தெந்த காய்கறிகள் குறைந்த விலையில் கிடைக்கின்றன? முழு விலைப்பட்டியல் இதோ!

தமிழகத்தில் அன்றாட சமையலுக்குத் தேவையான காய்கறிகளின் விலை பொதுமக்களின் குடும்ப பட்ஜெட்டில் முக்கியப் பங்கு வகிக்கிறது. குறிப்பாக தக்காளி, வெங்காயம், கத்தரிக்காய், வெண்டைக்காய் உள்ளிட்ட காய்கறிகளின் விலையைப் பொறுத்தே இல்லத்தரசிகள் தங்களது தினசரி செலவுகளைத் திட்டமிடுகின்றனர். இந்நிலையில், கள்ளக்குறிச்சி உழவர் சந்தையில் இன்று (அக்டோபர் 24, 2026) சுரைக்காய் கிலோ ரூ.15, வெண்டைக்காய் ரூ.30, பூசணிக்காய் ரூ.15 முதல் ரூ.20 வரை விற்பனை செய்யப்படுவதாக விலைப்பட்டியல் வெளியிடப்பட்டுள்ளது. அதேநேரத்தில் சில காய்கறிகளின் விலை ரூ.100-ஐத் தாண்டியுள்ளது.

கள்ளக்குறிச்சி உழவர் சந்தையின் இன்றைய விலைப்பட்டியலின்படி, சுரைக்காய் கிலோ ரூ.15-க்கு விற்பனை செய்யப்படுகிறது. பரங்கிக்காய் ரூ.20, வெண்டைக்காய் ரூ.30, பச்சைக் கத்தரிக்காய் ரூ.35, புடலங்காய் ரூ.40, கொத்தவரங்காய் ரூ.50, பீர்க்கங்காய் ரூ.50 என விலை நிர்ணயிக்கப்பட்டுள்ளது.

மேலும், வாழைக்காய் கிலோ ரூ.30, வாழைத்தண்டு ரூ.15, வாழைப்பூ ரூ.20 எனக் குறிப்பிடப்பட்டுள்ளது. குறிப்பாக குறைந்த செலவில் சத்தான உணவுகளைத் தயாரிக்க விரும்பும் குடும்பங்களுக்கு இந்தக் காய்கறிகள் பயனுள்ள தேர்வாக இருக்கின்றன.

Name Astrology: பெயரில் 2 முறை ‘E’ இருக்கிறதா? உங்கள் குணம் இப்படித்தான் இருக்குமாம்!

சமையலில் அதிகம் பயன்படுத்தப்படும் முதல் தரத் தக்காளி கிலோ ரூ.48-க்கு விற்பனை செய்யப்படுகிறது. சின்ன வெங்காயம் தரத்திற்கு ஏற்ப ரூ.50, ரூ.60, ரூ.70 என்ற விலைகளில் கிடைக்கிறது. விதைக்கான பழைய சின்ன வெங்காயம் கிலோ ரூ.100 எனக் குறிப்பிடப்பட்டுள்ளது.

பெரிய வெங்காயம் எனப்படும் பல்லாரி முதல் தரம் ரூ.70, இரண்டாம் தரம் ரூ.65 ஆக உள்ளது. உருளைக்கிழங்கு கிலோ ரூ.45 முதல் ரூ.50 வரையும், கேரட் ரூ.70, பீட்ரூட் ரூ.50, முட்டைக்கோஸ் ரூ.40 என்ற விலையிலும் விற்பனை செய்யப்படுகிறது.

அனைத்துக் காய்கறிகளும் குறைந்த விலையில் கிடைப்பதாகக் கூற முடியாது. சில காய்கறிகளின் விலை அதிகமாகவே காணப்படுகிறது. குறிப்பாக அவரைக்காய் கிலோ ரூ.120, கருப்பு அவரை ரூ.140, பீன்ஸ் ரூ.100, மாங்காய் ரூ.120 எனப் பட்டியலில் தெரிவிக்கப்பட்டுள்ளது.

அதேபோல் புதிய இஞ்சி கிலோ ரூ.120, பழைய இஞ்சி ரூ.200, பூண்டு ரூ.260 என்ற விலையில் உள்ளது. முருங்கைக்காய் ரூ.90, பச்சை மிளகாய் ரூ.70, குடைமிளகாய் ரூ.80 என விற்பனை செய்யப்படுகின்றன.

Astrology Prediction: இடம் மாறும் கிரகங்கள்.! வானில் நடக்கும் மாாஜாலம்.! எந்தெந்த ராசிக்கு அதிர்ஷ்டம் அடிக்கப்போகுதுனு பாருங்க.!

காய்கறிகள் மட்டுமின்றி பழங்களின் விலை விவரங்களும் வெளியிடப்பட்டுள்ளன. பூவன் வாழைப்பழம் கிலோ ரூ.40 முதல் ரூ.50 வரையும், கற்பூரவள்ளி ரூ.50 முதல் ரூ.60 வரையும், நேந்திரன் ரூ.60 முதல் ரூ.70 வரையும் விற்பனை செய்யப்படுகிறது.

செவ்வாழைப்பழம் ரூ.70 முதல் ரூ.80, பப்பாளி ரூ.35 முதல் ரூ.40, கொய்யாப்பழம் ரூ.80, சப்போட்டா ரூ.50, தர்பூசணி ரூ.25, முலாம்பழம் ரூ.50 என விலைப்பட்டியலில் இடம்பெற்றுள்ளது. எலுமிச்சையின் விலை கிலோ ரூ.240 ஆக உள்ளது. பூக்களின் விலையும் வெளியீடு! கள்ளக்குறிச்சி உழவர் சந்தையில் ரோஜா கிலோ ரூ.300, சாமந்திப்பூ ரூ.400, மல்லிகைப்பூ ரூ.400, முல்லை அரும்பு ரூ.200 எனக் குறிப்பிடப்பட்டுள்ளது. அரளிப்பூவின் விலை ரூ.50 எனத் தெரிவிக்கப்பட்டுள்ளது.

Vaastu: வீட்டில் டைனிங் Table போடும் இடம் தெரியுமா? எந்த திசையில் சாப்பிட்டால் நல்லது?!

உழவர் சந்தைகளில் விவசாயிகள் தங்களது விளைபொருட்களை நேரடியாக விற்பனை செய்வதால், பொதுமக்கள் பல்வேறு காய்கறிகளின் விலைகளை ஒரே இடத்தில் ஒப்பிட்டுப் பார்த்து வாங்க முடியும்.

Astrology: அள்ளி கொடுக்கும் லட்சுமி நாராயண யோகம்.! புதாதித்திய யோகம் தரும் புதிய ராஜ்யம்.! இனி பாக்கெட் பணத்தால் நிரம்பி வழியும்.!

குறிப்பாக ஒரு வாரத்திற்குத் தேவையான காய்கறிகளை வாங்கத் திட்டமிடும் குடும்பங்கள், விலை குறைவாக உள்ள சுரைக்காய், பூசணிக்காய், பரங்கிக்காய், வெண்டைக்காய் போன்றவற்றைத் தேர்வு செய்வதன் மூலம் சமையல் செலவைக் கட்டுப்படுத்தலாம்.

Dress For Children's: குழந்தைகளுக்கு டிரஸ் வாங்குறீங்களா? இந்த முக்கியமான விஷயத்தை மட்டும் மறந்துடாதீங்க!

இருப்பினும் காய்கறிகளின் தரம், வரத்து, இருப்பு மற்றும் விற்பனை நேரத்தைப் பொறுத்து விலைகளில் மாற்றம் ஏற்படலாம். எனவே சந்தைக்குச் செல்லும் பொதுமக்கள் அன்றைய விலையை நேரடியாக உறுதிப்படுத்திக் கொள்வது நல்லது.

கடையில ஏலக்காய் வாங்குறது போதும்! ஒரு தொட்டியிலேயே வளர்க்கலாம்… இந்த டிப்ஸ் மட்டும் தெரிஞ்சுக்கோங்க!

Asianet News — Sat, 19 Sep 2026 11:44:49 +0530

வீட்டில் ஏலக்காய் செடியை வளர்க்க பெரிய தோட்டம் தேவையில்லை; ஒரு சரியான தொட்டியும், பகுதி நிழலும் இருந்தாலே முயற்சி செய்யலாம். மண் கலவை முதல் தண்ணீர் ஊற்றும் முறை வரை சில எளிய பராமரிப்பு முறைகளை தெரிந்துகொண்டால், வீட்டிலேயே ஏலக்காய் செடியை வளர்க்கலாம்.

வீட்டில் மணம் கமழும் ஏலக்காயை வளர்க்க வேண்டும் என்ற ஆசை இருந்தால், அதற்காக பெரிய தோட்டம் அவசியமில்லை. சரியான தொட்டி, மண், ஈரப்பதம் மற்றும் நிழல் இருந்தாலே வீட்டுத் தோட்டத்திலும் ஏலக்காய் செடியை வளர்க்க முயற்சி செய்யலாம்.

சமையலுக்கு அடிக்கடி பயன்படுத்தப்படும் ஏலக்காயை வீட்டிலேயே வளர்ப்பது எப்படி, எந்த மண் தேவை, எவ்வளவு தண்ணீர் ஊற்ற வேண்டும், எங்கு வைக்க வேண்டும் என்பது குறித்து தெரிந்துகொள்வோம்.

ஏலக்காய் செடிக்கு பெரிய இடம் தேவையில்லை!

ஏலக்காய் பொதுவாக வெப்பம் மற்றும் ஈரப்பதம் அதிகமுள்ள பகுதிகளில் நன்றாக வளரும். நேரடியாகக் கடுமையான வெயில் படும் இடத்தைவிட, பகுதி நிழல் இருக்கும் இடம் இதற்கு ஏற்றதாக இருக்கும்.

அதனால் வீட்டில் பால்கனி, மாடித்தோட்டம் அல்லது நல்ல வெளிச்சம் கிடைக்கும் நிழலான பகுதியில் தொட்டியில் ஏலக்காயை வளர்க்கலாம்.

முதலில் சரியான தொட்டியை தேர்வு செய்யுங்கள்

ஏலக்காய் செடி காலப்போக்கில் கொத்தாக வளரக்கூடியது. எனவே மிகவும் சிறிய தொட்டியைத் தேர்வு செய்வதைத் தவிர்ப்பது நல்லது.

12–18 அங்குல அளவுள்ள அகலமான தொட்டி ஆரம்பத்திற்கு ஏற்றதாக இருக்கும். தொட்டியின் அடிப்பகுதியில் தண்ணீர் தேங்காமல் வெளியேறுவதற்கான துளைகள் கட்டாயம் இருக்க வேண்டும்.

தண்ணீர் நீண்ட நேரம் தேங்கி இருந்தால் வேர்களுக்கு பாதிப்பு ஏற்பட வாய்ப்புள்ளது.

ஏலக்காய் செடிக்கு நல்ல வடிகால் வசதியுடன் கூடிய, கரிமச்சத்து நிறைந்த மண் ஏற்றது.

வீட்டிலேயே கலவை தயாரிக்கும்போது:

• தோட்ட மண்

• நன்கு மக்கிய இயற்கை உரம்

• தேங்காய் நார் கழிவு அல்லது வேறு நீர் வடிகால் மேம்படுத்தும் பொருள்

ஆகியவற்றை கலந்து பயன்படுத்தலாம்.

மண் மிகவும் இறுக்கமாக இல்லாமல், வேர்களுக்கு காற்றோட்டம் கிடைக்கும் வகையில் இருப்பது முக்கியம்.

விதையா? செடியா?

ஏலக்காயை விதை மூலம் வளர்க்கலாம். ஆனால் விதையிலிருந்து செடி வளர்ந்து பலனளிக்கும் நிலைக்கு வருவதற்கு அதிக நேரம் ஆகலாம்.

அதனால் வீட்டுத் தோட்டத்தில் எளிதாக தொடங்க விரும்புபவர்கள் நம்பகமான நர்சரியில் கிடைக்கும் ஆரோக்கியமான ஏலக்காய் கன்றை வாங்கி நடுவது நடைமுறைக்கு ஏற்ற வழியாக இருக்கும்.

விதையிலிருந்து முயற்சி செய்பவர்கள் புதிய, தரமான விதைகளைப் பயன்படுத்துவது நல்லது.

தண்ணீர் ஊற்றுவதில் இந்த தவறை செய்யாதீர்கள்!

ஏலக்காய் செடிக்கு ஈரப்பதம் பிடிக்கும் என்பதற்காக தினமும் அதிகமாக தண்ணீர் ஊற்றக்கூடாது.

மேல் மண் சற்று உலரத் தொடங்கும்போது தேவையான அளவு தண்ணீர் ஊற்றலாம். ஆனால் தொட்டியில் தண்ணீர் தேங்கி நிற்பதைத் தவிர்க்க வேண்டும்.

குறிப்பாக மழைக்காலத்தில் மண் ஏற்கெனவே ஈரமாக இருந்தால் மீண்டும் மீண்டும் தண்ணீர் ஊற்ற வேண்டிய அவசியமில்லை.

இதுதான் ஏலக்காய் வளர்ப்பில் கவனிக்க வேண்டிய முக்கியமான விஷயம்.

கடும் மதிய வெயிலில் நேரடியாக வைத்தால் இலைகள் பாதிக்கப்படலாம். அதே நேரத்தில் வெளிச்சமே இல்லாத இடத்திலும் செடி நன்றாக வளராது.

எனவே பிரகாசமான மறைமுக வெளிச்சம் அல்லது பகுதி நிழல் கிடைக்கும் இடத்தைத் தேர்வு செய்வது நல்லது.

இயற்கை உரம் கொடுக்கலாம்

செடி வளரத் தொடங்கிய பிறகு, நன்கு மக்கிய இயற்கை உரத்தை குறைந்த அளவில் அவ்வப்போது மேல்மண்ணுடன் சேர்க்கலாம்.

உரம் அதிகமாகப் போடுவதால் செடி வேகமாக வளரும் என்று நினைக்க வேண்டாம். அதிகப்படியான உரம் வேர்களைப் பாதிக்கக்கூடும்.

பூச்சிகளை கவனியுங்கள்

தொட்டியில் வளர்க்கப்படும் செடிகளிலும் பூச்சிகள் தாக்கலாம். இலைகளின் அடிப்பகுதியை அவ்வப்போது பார்த்து:

• சிறிய பூச்சிகள்

• இலைகளில் துளைகள்

• இலை நிறம் மாறுதல்

• இலைகள் சுருண்டுபோதல்

போன்ற அறிகுறிகள் இருக்கிறதா என்று கவனிக்கலாம்.

ஆரம்பத்திலேயே பிரச்சினையை கண்டறிவது செடியை பாதுகாக்க உதவும்.

இங்கு கொஞ்சம் பொறுமை அவசியம்.

விதையிலிருந்து வளர்க்கப்படும் ஏலக்காய் செடிகள் காய்க்கும் நிலையை அடைய பல ஆண்டுகள் ஆகலாம். நல்ல வளர்ச்சியடைந்த கன்றை நடுவது இந்த காலத்தை குறைக்க உதவலாம் என்றாலும், வீட்டுத் தொட்டியில் வளர்க்கப்படும் ஒவ்வொரு செடியும் ஒரே வேகத்தில் காய்க்கும் என்று எதிர்பார்க்க முடியாது.

மேலும், ஏலக்காய் செடி வளர்வதற்கு ஏற்ற வெப்பநிலை, ஈரப்பதம், நிழல், மண் மற்றும் பராமரிப்பு ஆகியவை கிடைப்பதும் முக்கியம்.

வீட்டிலேயே ஏலக்காய் வளர்க்க நினைப்பவர்கள் கவனிக்க வேண்டிய 5 விஷயங்கள்

1. பெரிய தொட்டி: வேர்கள் மற்றும் கொத்தாக வளரும் செடிக்கு போதுமான இடம் இருக்க வேண்டும்.

2. நல்ல வடிகால்: தொட்டியில் தண்ணீர் தேங்கக்கூடாது.

3. பகுதி நிழல்: கடுமையான நேரடி வெயிலைத் தவிர்க்கவும்.

4. சீரான ஈரப்பதம்: மண் முற்றிலும் காய்ந்து போகவும் கூடாது; எப்போதும் தண்ணீரில் ஊறியபடியும் இருக்கக்கூடாது.

5. பொறுமை: ஏலக்காய் என்பது உடனடியாக அறுவடை செய்யக்கூடிய கீரை அல்லது காய்கறி அல்ல. வளர்ச்சிக்கு காலம் தேவை.

சின்ன தொட்டியில் தொடங்கலாம்... ஆனால் பொறுமை முக்கியம்!

வீட்டுத் தோட்டத்தில் புதிதாக ஏதாவது வளர்க்க விரும்புபவர்களுக்கு ஏலக்காய் ஒரு சுவாரசியமான முயற்சியாக இருக்கலாம். சரியான தொட்டி, நல்ல மண், போதுமான ஈரப்பதம், பகுதி நிழல் ஆகியவற்றை கொடுத்து தொடர்ந்து பராமரித்தால் செடியை வளர்க்க முடியும்.

முக்கியமாக, வீட்டில் ஏலக்காய் வளர்ப்பதில் உடனடியாக அதிக காய்களை எதிர்பார்க்காமல், செடியின் வளர்ச்சியை ரசித்து பராமரிப்பதே சிறந்த அணுகுமுறை.

PM Kisan : உங்க வங்கிக் கணக்கில் 2000 ரூபாய் டெபாசிட் செய்யப்படும்! யாருக்கெல்லாம் கிடைக்கும்? என்ன தகுதி?

Arun Mozhi Varman — Sun, 25 Oct 2026 13:09:44 +0530

PM Kisan : விவசாயிகளுக்கு 24-வது தவணையாக ரூ.2,000 அக்டோபர் 30-ம் தேதி வழங்கப்பட உள்ளது. யாருக்கெல்லாம் பணம் கிடைக்கும், தகுதி என்ன, இ-கேஒய்சி செய்வது எப்படி என்பதைத் தெரிந்துகொள்ளுங்கள்.

விவசாயிகளுக்கு நிதியுதவி வழங்கும் பிரதம மந்திரி கிசான் சம்மான் நிதி திட்டத்தின் 24-வது தவணை அக்டோபர் 30, 2026 அன்று வெளியிடப்பட உள்ளது. இதன் மூலம் தகுதியுள்ள விவசாயிகளின் வங்கிக் கணக்கில் ரூ.2,000 நேரடியாகச் செலுத்தப்படும் என அறிவிக்கப்பட்டுள்ளது.

பிஎம் கிசான் திட்டத்தின் கீழ், தகுதியுள்ள விவசாயக் குடும்பங்களுக்கு ஆண்டுக்கு ரூ.6,000 வழங்கப்படுகிறது. இந்தத் தொகை நான்கு மாதங்களுக்கு ஒருமுறை ரூ.2,000 என மூன்று தவணைகளாக வங்கிக் கணக்கில் நேரடியாகச் செலுத்தப்படுகிறது.

ஆனால், திட்டத்தில் பதிவு செய்துள்ள அனைவருக்கும் பணம் தானாகவே வந்துவிடும் என்று சொல்ல முடியாது. நிலப் பதிவுகள், ஆதார் இணைப்பு, வங்கிக் கணக்கு விவரங்கள் மற்றும் இ-கேஒய்சி உள்ளிட்ட நிபந்தனைகள் சரியாக இருக்க வேண்டும். எனவே, அடுத்த தவணையை எதிர்பார்க்கும் விவசாயிகள் தங்களது விவரங்களை முன்கூட்டியே சரிபார்ப்பது அவசியம்.

இதையும் படிங்க : Chef Damu : மறைந்த செஃப் தாமுவின் சொத்து மதிப்பு இத்தனை கோடியா? அவரது குடும்பமும் மற்ற விவரங்களும்!

பிஎம் கிசான் திட்டத்தின் முக்கியத் தகுதி, விவசாய நிலம் வைத்திருக்கும் தகுதியான விவசாயக் குடும்பமாக இருப்பதுதான். மாநில அரசுகள் பராமரிக்கும் நில உரிமைப் பதிவுகளின் அடிப்படையில் பயனாளிகள் அடையாளம் காணப்படுகிறார்கள்.

ஆனால், சில பிரிவினருக்கு இந்தத் திட்டத்தின் நிதியுதவி கிடைக்காது. நிறுவனங்களின் பெயரில் விவசாய நிலம் வைத்திருப்பவர்கள், அரசியலமைப்புச் சட்டப் பதவிகளில் இருப்பவர்கள் அல்லது இருந்தவர்கள், அமைச்சர்கள், நாடாளுமன்ற மற்றும் சட்டமன்ற உறுப்பினர்கள் உள்ளிட்ட குறிப்பிட்ட பதவிகளை வகிப்பவர்கள் திட்டத்திலிருந்து விலக்கப்பட்டுள்ளனர்.

மத்திய, மாநில அரசு ஊழியர்களில் பெரும்பாலானோர் மற்றும் ஓய்வுபெற்ற அரசு ஊழியர்களில் தகுதி நிபந்தனைகளுக்கு உட்பட்டவர்கள், மாதம் ரூ.10,000 அல்லது அதற்கு மேல் ஓய்வூதியம் பெறும் குறிப்பிட்ட பிரிவினர், கடந்த மதிப்பீட்டு ஆண்டில் வருமான வரி செலுத்தியவர்கள் ஆகியோருக்கும் கட்டுப்பாடுகள் உள்ளன. மருத்துவர்கள், பொறியாளர்கள், வழக்கறிஞர்கள், பட்டயக் கணக்காளர்கள் போன்ற பதிவு செய்யப்பட்ட தொழில்முறை அமைப்புகளில் உறுப்பினர்களாக இருந்து தொழில் செய்பவர்களும் விலக்குப் பிரிவில் அடங்குவர்.

நிலம் வைத்திருப்பது மட்டுமே போதாது. திட்டத்தின் விதிகளின்படி குடும்பத்தின் தகுதி மற்றும் பதிவுகள் சரிபார்க்கப்படும். குறிப்பாக, 2019 பிப்ரவரி 1-க்குப் பிறகு நில உரிமை பெற்றவர்கள் அல்லது ஒரே குடும்பத்தில் ஒன்றுக்கும் மேற்பட்டோர் பயனாளிகளாக இருப்பதாகச் சந்தேகிக்கப்படும் சில வழக்குகளில், நேரடி சரிபார்ப்பு முடியும் வரை நிதி நிறுத்திவைக்கப்படலாம்.

இதையும் படிங்க : Bank Holidays : நவம்பர் மாதம் வங்கி விடுமுறை நாட்கள் இதோ! மாநில வாரியான விடுமுறை பட்டியல்!

பிஎம் கிசான் திட்டத்தில் இ-கேஒய்சி கட்டாயமாக்கப்பட்டுள்ளது. இதை முடிக்காமல் இருந்தால் தவணைத் தொகை கிடைப்பதில் தாமதம் ஏற்படலாம். இதனை இணையதளம், மொபைல் செயலி அல்லது அருகிலுள்ள பொது சேவை மையம் மூலம் முடிக்கலாம்.

இணையத்தளம் மூலம் செய்வது எப்படி?

முதலில் அதிகாரப்பூர்வ இணையத்தளமான https://pmkisan.gov.in/ பக்கத்திற்குச் செல்லுங்கள்.
அங்குள்ள இ-கேஒய்சி வசதியைத் தேர்வு செய்யுங்கள்.
ஆதார் எண்ணைப் பதிவு செய்து, ஆதாருடன் இணைக்கப்பட்ட மொபைல் எண்ணுக்கு வரும் ஓடிபி மூலம் சரிபார்ப்பை முடிக்கவும்.

ஆதாருடன் இணைக்கப்பட்ட மொபைல் எண் இல்லாதவர்கள் அல்லது ஓடிபி மூலம் சரிபார்க்க முடியாதவர்கள், அருகிலுள்ள பொது சேவை மையத்தில் பயோமெட்ரிக் சரிபார்ப்பை மேற்கொள்ளலாம். பிஎம் கிசான் மொபைல் செயலியில் முக அங்கீகாரம் மூலமாகவும் இ-கேஒய்சி செய்யும் வசதி உள்ளது.

இ-கேஒய்சி முடிந்துள்ளதா என்பதைச் சரிபார்த்த பிறகு, ஆதார் வங்கிக் கணக்குடன் இணைக்கப்பட்டுள்ளதா, நிலப் பதிவுகள் சரியாக உள்ளனவா என்பதையும் உறுதிப்படுத்திக்கொள்ளுங்கள்.

இதையும் படிங்க : Money : மாதம் ரூ.15,000 SIP! 15 ஆண்டுகளில் ரூ.1 கோடி சேர்க்க முடியுமா? 15-15-15 விதி இதோ!

தவணைத் தொகை வரவில்லை என்றால், முதலில் பிஎம் கிசான் இணையதளத்திற்குச் சென்று பயனாளர் நிலையைச் சரிபார்க்க வேண்டும். அங்குள்ள ‘Know Your Status’ வசதியில் பதிவு எண் உள்ளிட்ட விவரங்களைப் பயன்படுத்தி பணம் செலுத்தப்பட்டுள்ளதா, இ-கேஒய்சி நிலை என்ன, வங்கிக் கணக்கு விவரங்களில் ஏதேனும் சிக்கல் உள்ளதா என்பதைத் தெரிந்துகொள்ளலாம்.

இ-கேஒய்சி முடியாமல் இருந்தால் அதை நிறைவு செய்யுங்கள். ஆதார் மற்றும் வங்கிக் கணக்கு இணைப்பில் சிக்கல் இருந்தால் வங்கியைத் தொடர்புகொள்ளுங்கள். நிலப் பதிவுகளில் தவறு இருந்தால் சம்பந்தப்பட்ட மாநில அரசு அல்லது உள்ளூர் வருவாய்த் துறை அலுவலகத்தை அணுகி விவரங்களைச் சரிசெய்ய வேண்டும்.

அதேபோல், பயனாளர் தகுதி சரிபார்ப்பு நிலுவையில் இருந்தால் அதன் காரணத்தை அதிகாரப்பூர்வ இணையதளம் அல்லது பிஎம் கிசான் உதவி வசதி மூலம் தெரிந்துகொள்ளலாம்.

முக்கியமாக, அக்டோபர் 30-ம் தேதி தவணை வெளியிடப்படும் என்ற அறிவிப்பு இருந்தாலும், ஒவ்வொரு பயனாளரின் வங்கிக் கணக்கிலும் பணம் வருவது அவர்களின் தகுதி மற்றும் சரிபார்ப்பு நிலையைப் பொறுத்தது. எனவே, கடைசி நேரம் வரை காத்திருக்காமல் இப்போதே உங்கள் விவரங்களைச் சரிபார்த்துக்கொள்ளுங்கள்.

இதையும் படிங்க : Old Photos : உங்கள் வீட்டுப் பழைய போட்டோக்களில் மறைந்திருக்கும் 7 சுவாரஸ்யமான விஷயங்கள்!

Lemon : பால்கனி தொட்டியில் எலுமிச்சை வளர்க்க முடியுமா? இந்த முறையில் வளர்த்தால் வீட்டிலேயே காய்க்கும்!

Arun Mozhi Varman — Tue, 29 Sep 2026 15:07:02 +0530

Lemon : பால்கனியில் சிறிய இடமிருந்தாலும் தொட்டியில் எலுமிச்சை வளர்க்க முடியும். சரியான செடி ரகம், போதுமான சூரிய ஒளி, முறையான தண்ணீர், ஊட்டச்சத்து போன்ற சில அத்தியாவசியப் பராமரிப்புகள் இருந்தால் வீட்டிலேயே எலுமிச்சை காய்க்கும்.

முடியும். பால்கனி போன்ற சிறிய இடங்களில் தொட்டி வைத்து எலுமிச்சை செடி வளர்ப்பது சாத்தியமே. குள்ள ரக எலுமிச்சைச் செடிகள், அதாவது 'கண்டெய்னர் கல்ச்சர்' முறைக்கு ஏற்ற வகைகள் ஏராளமாக உள்ளன. நிலத்தில் வளரும் பெரிய மரத்தைப் போலவே தொட்டியிலும் வளர்க்கலாம் என்று நினைப்பது தவறு. தொட்டியில் வேர் வளர இடம் குறைவாக இருப்பதால், மரத்தின் அளவும், அதில் கிடைக்கும் பழங்களின் எண்ணிக்கையும் கட்டுப்படுத்தப்படும். சரியான சூழல் மற்றும் முறையான பராமரிப்பு இருந்தால், தொட்டியிலும் எலுமிச்சை காய்ப்பதற்கான வாய்ப்புகள் அதிகம்.

இதையும் படிங்க : Alchemy : ஈயத்தை தங்கமாக மாற்றிய விஞ்ஞானிகள்! அப்படியானால் ரசவாதம் உண்மையா?

சரியான ரகத்தைத் தேர்வு செய்வது எலுமிச்சை வளர்ப்பில் முதல் மற்றும் முக்கியமான படி. சாதாரணமாக விதையிலிருந்து வளர்க்கப்படும் செடிகள் காய்ப்புக்கு வர அதிக காலம் எடுத்துக்கொள்ளலாம். மேலும், அவை தாய் மரத்தின் அதே குணங்களை அல்லது பழத் தரத்தைப் பெறுமா என்பது உறுதியில்லை. நர்சரிகளில் கிடைக்கும் ஒட்டு ரக (grafted) அல்லது குள்ள ரக (dwarf) செடிகள் தொட்டியில் வளர்க்க மிகவும் ஏற்றவை. வீட்டுத் தொட்டிக்கு பொருத்தமான, அறியப்பட்ட ரகத்தைத் தேர்வு செய்வது, கணிக்கக்கூடிய வளர்ச்சிக்கும் நல்ல பழ விளைச்சலுக்கும் உதவும்.

இதையும் படிங்க : Flipkart : ரூ.10,000 முதல் ரூ.50,000 வரை தள்ளுபடி! இந்த பொருட்களுக்கு பண்டிகை காலத்தில் செம ஆஃபர்!

செடியின் வளர்ச்சிக்கு ஏற்ற தொட்டியைத் தேர்வு செய்வது முக்கியம். ஆரம்பத்தில் செடியின் அளவுக்கு ஏற்ற சிறிய தொட்டியில் வளர்க்கலாம். செடி வளர வளர படிப்படியாக பெரிய தொட்டிக்கு மாற்றலாம். சிறிய செடியை உடனே மிக பெரிய தொட்டியில் நடுவது நல்லது அல்ல. அதிக மண் நீண்ட நேரம் ஈரமாக இருப்பதால், வேர் அழுகல் போன்ற பிரச்சினைகள் ஏற்படலாம். வளர்ந்த எலுமிச்சை செடிக்கு அதன் அளவுக்கு ஏற்ற, போதுமான வடிகால் துளைகள் கொண்ட ஒரு பெரிய தொட்டி தேவை.

இதையும் படிங்க : Rice : அரிசி டப்பாவில் பூச்சி வராமல் இருக்க என்ன செய்ய வேண்டும்? இந்த தவறை மட்டும் செய்யாதீங்க!

எலுமிச்சை செடிக்கு சூரிய ஒளி மிகவும் முக்கியம். இது நன்றாகக் காய்க்க, ஒரு நாளைக்கு குறைந்தது ஆறு மணிநேரம் நேரடி சூரிய ஒளி தேவை. வெறும் வெளிச்சம் மட்டும் போதாது; சூரிய வெப்பம் செடிக்கு அத்தியாவசியம். தொடர்ந்து நிழலில் இருக்கும் இடத்தில் பழ உற்பத்தியை எதிர்பார்ப்பது கடினம். நல்ல காற்றோட்டமுள்ள பால்கனியில் அதிக சூரிய ஒளி படும் இடத்தில் செடியை வைப்பது உகந்தது. சூரிய ஒளி இல்லாத பால்கனியில் செடி வளர்ப்பது பலனளிக்காது.

இதையும் படிங்க : Gupta Vijaya Yoga : முருகனின் அருளால் உருவாகும் குப்த வெற்றி யோகம்! எதிரிகளைப் பந்தாடப் போகும் 4 ராசிகள்!

தண்ணீர் ஊற்றுவதில் பலரும் செய்யும் பெரிய தவறு, "அதிக தண்ணீர் = அதிக வளர்ச்சி" என்று நினைப்பது. இது தவறான அணுகுமுறை. எலுமிச்சை செடிக்கு தினமும் தண்ணீர் ஊற்ற வேண்டும் என்ற விதி இல்லை. வெயில், காற்று, தொட்டி அளவு, மண் கலவை ஆகியவற்றைப் பொறுத்து தேவையான அளவு மாறும். மண் எப்போதும் சேறாக அல்லது மிகவும் ஈரமாக இருக்கக்கூடாது. தண்ணீர் ஊற்றும்போது, கீழே உள்ள வடிகால் துளைகள் வழியாக அதிகப்படியான நீர் வெளியேற வேண்டும். தொட்டியின் கீழே வைக்கும் தட்டில் தண்ணீர் தேங்காமல் பார்த்துக் கொள்வது அவசியம்.

இதையும் படிங்க : EV Cars : ₹15 லட்சத்துக்குள் 5 எலெக்ட்ரிக் கார்கள்! பட்ஜெட்டுக்கு ஏற்ற கார் எது? ரேஞ்ச், விலை முழு லிஸ்ட்

எலுமிச்சை எப்போது காய்க்கும் என்பது செடியின் வயது, ரகம், வெளிச்சம், ஊட்டச்சத்து மற்றும் பராமரிப்பைப் பொறுத்தது. இளம் குள்ள ரக செடிகள் சில ஆண்டுகள் வளர்ந்த பிறகே பழம் கொடுக்கத் தொடங்கும். சில எலுமிச்சை வகைகளில் பூ வந்த பிறகு, பழம் முழுமையாக பழுக்க ஆறு முதல் ஒன்பது மாதங்கள் கூட ஆகலாம். தொட்டியின் அளவு மரத்தின் வளர்ச்சியையும் பழ உற்பத்தியையும் கட்டுப்படுத்தும். சரியான ரகம், குறைந்தது 6 மணி நேர நேரடி வெயில், நல்ல வடிகால், முறையான நீர் மற்றும் ஊட்டச்சத்து இருந்தால் மட்டுமே வீட்டிலேயே எலுமிச்சையை எதிர்பார்க்க முடியும்.

இதையும் படிங்க : Egg Puff : குக்கர்ல முட்டை பப்ஸ் செய்வது எப்படி? பேக்கரி டேஸ்ட்ல வீட்டிலேயே செய்யலாம்!

PM-KISAN: அடுத்த ரூ.2,000 தவணை வருமா? விவசாயிகள் உடனே செய்ய வேண்டிய 4 முக்கிய பணிகள்!

Vedarethinam Ramalingam — Mon, 28 Sep 2026 11:06:09 +0530

PM-KISAN அடுத்த தவணை: 9.44 கோடி விவசாயிகளுக்கு 23வது தவணை வழங்கப்பட்டுள்ளது. அடுத்த ரூ.2,000 பெற e-KYC, ஆதார்-வங்கி இணைப்பு, நிலப் பதிவு உள்ளிட்ட விவரங்களை சரிபார்க்கவும்.

பிரதம மந்திரி கிசான் சம்மான் நிதி (PM-KISAN) திட்டத்தின் கீழ் நாடு முழுவதும் கோடிக்கணக்கான விவசாயிகள் தொடர்ந்து நிதியுதவி பெற்று வருகின்றனர். 2026-ம் ஆண்டு ஜூன் 20-ம் தேதி வெளியிடப்பட்ட 23-வது தவணையில் 9.44 கோடிக்கும் அதிகமான விவசாயிகளுக்கு ரூ.18,880 கோடிக்கும் அதிகமான தொகை நேரடி வங்கி பரிமாற்றம் (DBT) மூலம் வழங்கப்பட்டது. இதில் 2.18 கோடிக்கும் அதிகமான பெண் விவசாயிகளும் அடங்குவர்.

தற்போது அடுத்த தவணையை எதிர்பார்த்து விவசாயிகள் உள்ள நிலையில், PM-KISAN பதிவில் e-KYC, ஆதார் தொடர்பான தகவல்கள், வங்கிக் கணக்கு விவரங்கள் மற்றும் நிலப் பதிவுகள் சரியாக உள்ளதா என்பதை முன்கூட்டியே சரிபார்ப்பது முக்கியம்.

PM-KISAN திட்டத்தின் கீழ் தகுதியான நிலம் வைத்திருக்கும் விவசாயக் குடும்பங்களுக்கு ஆண்டுக்கு ரூ.6,000 வழங்கப்படுகிறது. இந்தத் தொகை ரூ.2,000 வீதம் 3 தவணைகளாக நேரடியாக வங்கிக் கணக்கில் செலுத்தப்படுகிறது. இந்தத் திட்டம் 2018 டிசம்பர் 1 முதல் செயல்பாட்டில் உள்ளது. இதையும் கொஞ்சம் படிக்கலாமே - Pure Ghee: சுத்தமான நெய்யைக் கண்டுபிடிப்பது எப்படி? ஆர்கானிக் நெய் என்றால் என்ன? முழு விவரம்!

2026 ஜூன் 20 அன்று மேற்கு வங்கத்தின் ஹூக்ளி மாவட்டம் தாரகேஸ்வரில் இருந்து 23-வது தவணை வெளியிடப்பட்டது.

பயனடைந்த விவசாயிகள்: 9.44 கோடிக்கும் மேல்
வழங்கப்பட்ட தொகை: ரூ.18,880 கோடிக்கும் மேல்
பெண் விவசாயிகள்: 2.18 கோடிக்கும் மேல்
பணம் செலுத்திய முறை: DBT மூலம் நேரடியாக வங்கிக் கணக்கில்

PM-KISAN அதிகாரப்பூர்வ இணையதளத்தில், 2026-27 ஏப்ரல்–ஜூலை காலகட்டத்தில் 9,44,65,646 விவசாயிகள் பயனடைந்ததாக தற்போதைய தரவு காட்டுகிறது. இதையும் கொஞ்சம் படிக்கலாமே - E-Scooter Subsidy: இ-ஸ்கூட்டர் வாங்க அரசு மானியம்! யாரெல்லாம் விண்ணப்பிக்கலாம்?

PM-KISAN பதிவு செய்துள்ள விவசாயிகளுக்கு e-KYC கட்டாயம் என்று அதிகாரப்பூர்வ இணையதளம் தெரிவிக்கிறது. தற்போது பயோமெட்ரிக் முறையிலான e-KYC வசதியும் PM-KISAN மொபைல் செயலி மற்றும் அங்கீகரிக்கப்பட்ட சேவை மையங்கள் உள்ளிட்ட வழிகளில் வழங்கப்படுகிறது. எனவே e-KYC இன்னும் முடிக்காத விவசாயிகள் அதை முடித்து வைத்திருப்பது அவசியம். இதையும் கொஞ்சம் படிக்கலாமே - Farmers Subsidy: விவசாயிகள் வங்கி கணக்கில் ரூ.2.80 லட்சம்.! 50% வரை மானியம்.! யாருக்கு கிடைக்கும்?

தவணை நேரடியாக வங்கிக் கணக்கில் வருவதால், PM-KISAN பதிவில் உள்ள வங்கிக் கணக்கு மற்றும் ஆதார் தொடர்பான விவரங்கள் சரியாக உள்ளதா என்பதை சரிபார்க்க வேண்டும். பெயர், வங்கி கணக்கு அல்லது பிற முக்கிய விவரங்களில் தவறு இருந்தால், பணம் வருவதில் சிக்கல் ஏற்பட வாய்ப்பு உள்ளது. எனவே பதிவு செய்யப்பட்ட தகவல்களை முன்கூட்டியே சரிபார்ப்பது நல்லது. இதையும் கொஞ்சம் படிக்கலாமே - D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

PM-KISAN திட்டத்தில் நிலம் தொடர்பான பதிவுகளும் முக்கியமானவை. அதிகாரப்பூர்வ PM-KISAN தளம், சில தகுதி சந்தேக வழக்குகளில் பலன்கள் தற்காலிகமாக நிறுத்தப்பட்டு உடல் ரீதியான சரிபார்ப்பு மேற்கொள்ளப்படலாம் என்று தெரிவிக்கிறது. உதாரணமாக, 2019 பிப்ரவரி 1-க்கு பிறகு நில உரிமையைப் பெற்ற சில வழக்குகள் மற்றும் ஒரே குடும்பத்தில் ஒன்றுக்கும் மேற்பட்டோர் PM-KISAN பலன் பெறும் சில வழக்குகள் சரிபார்ப்புக்கு உட்படுத்தப்படலாம். இதையும் கொஞ்சம் படிக்கலாமே - Milk paneer: ஒரிஜினல் பன்னீர் vs போலி பன்னீர்.! இரண்டுக்கும் உள்ள வித்தியாசம் என்ன?

விவசாயிகள் அதிகாரப்பூர்வ PM-KISAN இணையதளத்தில் உள்ள “Know Your Status” வசதியைப் பயன்படுத்தி தங்களுடைய நிலையை அறியலாம். அங்கு பதிவு எண்ணை உள்ளிட்டு OTP மூலம் விவரங்களைச் சரிபார்க்கலாம். பணம் செலுத்தப்பட்டதா, எந்த வங்கியில் செலுத்தப்பட்டது, UTR எண், பணம் கணக்கில் வரவு வைக்கப்பட்ட தேதி போன்ற தகவல்களையும் பார்க்க முடியும். இதையும் கொஞ்சம் படிக்கலாமே - SCIENCE: முதலில் வந்தது கோழிதான்.! கொக்கரக்கோ விடுகதைக்கு விடை கிடைச்சாச்சு.!

விவசாயிகளுக்காக அதிகாரப்பூர்வ இணையதளத்தில் பல ஆன்லைன் வசதிகள் உள்ளன.

புதிய விவசாயி பதிவு
e-KYC Know Your Status
பதிவு செய்யப்பட்ட மொபைல் எண்ணை புதுப்பித்தல்
ஆதார் அடிப்படையில் பெயர் திருத்தம்
Beneficiary List பார்ப்பது
பதிவு செய்யப்பட்ட தகவல்களைப் புதுப்பித்தல்
உதவி மையத்தில் புகார் பதிவு
PM-KISAN மொபைல் செயலி
Kisan e-Mitra மூலம் தகவல் பெறுதல்

இவற்றை பயன்படுத்தி விவசாயிகள் தங்களுடைய PM-KISAN கணக்கில் ஏதேனும் குறைபாடு உள்ளதா என்பதை முன்கூட்டியே தெரிந்துகொள்ளலாம்.

அடுத்த ரூ.2,000 கணக்கில் வருவதற்கு முன்பாகவே, உங்கள் PM-KISAN பதிவைச் சரிபார்ப்பது முக்கியம். குறிப்பாக e-KYC முடிந்துள்ளதா, வங்கி விவரங்கள் சரியாக உள்ளதா, ஆதார் தொடர்பான தகவல்கள் சரியாக உள்ளதா, நிலப் பதிவு தொடர்பான சரிபார்ப்பு முடிந்துள்ளதா என்பதை கவனிக்க வேண்டும். தகுதி இருந்தும் பணம் வரவில்லை என்றால், அதிகாரப்பூர்வ PM-KISAN தளத்தில் உள்ள Know Your Status வசதியை முதலில் பயன்படுத்தி காரணத்தை தெரிந்துகொள்ளலாம்.

விவசாயிகள் நினைவில் வைத்துக்கொள்ள வேண்டியது

e-KYC முடிக்கவும் → வங்கி விவரங்களை சரிபார்க்கவும் → நிலப் பதிவை சரிபார்க்கவும் → PM-KISAN Status பார்க்கவும்.

அதிகாரப்பூர்வ தகவல்களுக்காக PM-KISAN இணையதளத்தை மட்டுமே பயன்படுத்துவது பாதுகாப்பானது.

TN Govt Launches: மூட்டைக்கு காசு கேட்டால் முடிந்தது கதை.! வாட்ஸ்அப்பில் புகார் தட்ட உத்தரவிட்ட தமிழக அரசு!

Vedarethinam Ramalingam — Mon, 21 Sep 2026 16:20:57 +0530

நேரடி நெல் கொள்முதல் நிலையங்களில் வெளிப்படைத்தன்மையை உறுதி செய்ய தமிழக அரசு அதிரடி நடவடிக்கை! லஞ்சம் மற்றும் கூடுதல் பண வசூல் புகார்களுக்கு 9500801465 என்ற உழவர் உதவி மைய WhatsApp எண்ணில் உடனே தொடர்புகொள்ளலாம்.

இந்திய நாட்டின் முதுகெலும்பாக விளங்குபவர்கள் விவசாயிகள். நிலத்தில் பாடுபட்டு உழைத்து, நாட்டின் உணவுத் தேவையைப் பூர்த்தி செய்யும் உழவர்களின் நலனைப் பாதுகாப்பது எந்தவொரு அரசாங்கத்தின் முதன்மையான கடமையாகும். விவசாயிகள் தாங்கள் விளைவித்த நெல் மணிகளை நியாயமான விலையில் விற்பனை செய்வதற்கு அரசு நேரடி நெல் கொள்முதல் நிலையங்களை (Direct Procurement Centers) இயக்கி வருகிறது. இருப்பினும், இத்தகைய கொள்முதல் நிலையங்களில் நடைபெறும் சில முறைகேடுகளும், லஞ்சப் புகார்களும் விவசாயிகளுக்குப் பெருஞ்சுமையாக உருவெடுத்து வருகின்றன. இந்நிலையை மாற்றி, வெளிப்படைத்தன்மையை உறுதி செய்யும் வகையில் தமிழக அரசு அதிரடி நடவடிக்கைகளையும் வழிகாட்டு நெறிமுறைகளையும் வெளியிட்டுள்ளது.

தமிழக அரசு வெளியிட்டுள்ள புதிய அறிவிப்பின்படி, நெல் கொள்முதல் நிலையங்களில் வெளிப்படைத்தன்மையுடன் செயல்பட கடுமையான நெறிமுறைகள் வகுக்கப்பட்டுள்ளன. முக்கியமாக, கொள்முதல் நிலையங்களில் உழவர்களிடம் சட்டவிரோதமாகப் பணம் வசூலிப்பது போன்ற முறைகேடுகளைத் தடுப்பதற்குச் சிறப்புப் புகார் எண் அறிவிக்கப்பட்டுள்ளது.

உழவர் உதவி மைய WhatsApp புகார் எண்: 9500801465

நெல் கொள்முதல் நிலையங்களில் லஞ்சமோ அல்லது கூடுதல் பணமோ கேட்கப்பட்டால், விவசாயிகள் உடனடியாக இந்த 9500801465 என்ற WhatsApp எண்ணிற்குத் தங்கள் புகார்களை அனுப்பிப் தீர்வைப் பெறலாம் எனத் தமிழக அரசு தெளிவுபடுத்தியுள்ளது.

நெல் கொள்முதல் நிலையங்களில் பல இடங்களில் மூட்டைக்கு குறிப்பிட்ட தொகை லஞ்சமாகக் கேட்கப்படுவதாகப் பல அமைப்புகளும் விவசாயிகளும் தொடர்ந்து குற்றச்சாட்டுகளை முன்வைத்து வந்தனர். சிப்பக் கூலி, சுமை தூக்கும் கூலி அல்லது விரைவாக நெல்லைக் கொள்முதல் செய்வதற்காகப் பணம் வசூலிப்பது போன்ற செயல்கள் ஏழை விவசாயிகளின் வருவாயை வெகுவாகப் பாதித்தன.

இயற்கைச் சீற்றங்கள், பூச்சித் தாக்குதல், உரங்களின் விலை உயர்வு போன்ற பல சவால்களைத் தாண்டி அறுவடை செய்யும் விவசாயி, தன் விளைபொருளை விற்பனை செய்யும் இடத்திலும் இதுபோன்ற சுரண்டலுக்கு உள்ளாவது அவர்களின் உழைப்பைச் சீரழிக்கும் செயலாகும்.

கொள்முதல் நிலையங்களில் வெளிப்படைத்தன்மையை உருவாக்குவது பின்வரும் காரணங்களுக்காக மிகவும் அவசியமாகிறது:

நியாயமான விலை கிடைத்தல்: அரசு நிர்ணயிக்கும் குறைந்தபட்ச ஆதரவு விலை (MSP) இடைத்தரகர்களோ அல்லது லஞ்சப் பிடியோ இன்றி நேரடியாக விவசாயியின் கைக்குச் சென்று சேர வேண்டும்.

சுரண்டலற்ற சூழல்: ஏழை மற்றும் சிறு/குறு விவசாயிகள் எந்தவித அச்சமுமின்றித் தங்களது நெல் மூட்டைகளைக் கொள்முதல் நிலையங்களில் ஒப்படைக்க வழிவகை செய்ய வேண்டும்.

டிஜிட்டல் மயமாக்கல்: வாட்ஸ்அப் (WhatsApp) புகார் எண் போன்ற நவீனத் தொழில்நுட்ப வழிகள் மூலம் புகார்களை எளிதாகவும், விரைவாகவும் அரசின் கவனத்திற்குக் கொண்டு செல்ல முடியும்

அரசு இத்தகைய சிறப்பான திட்டங்களையும் புகார் எண்களையும் அறிவித்தாலும், அவை முழுமையான வெற்றியை அடைய விவசாயிகளின் விழிப்புணர்வு மிக முக்கியமாகும்.

கொள்முதல் நிலையங்களில் கூடுதல் பணம் கேட்கப்பட்டால் அதைத் தட்டிக் கேட்க வேண்டும்.

அரசு வழங்கியுள்ள 9500801465 என்ற வாட்ஸ்அப் எண்ணைப் பயன்படுத்தி உடனடியாக ஆதாரம் மற்றும் தகவல்களுடன் புகார் அளிக்க வேண்டும்.

மற்ற சக விவசாயிகளுக்கும் இந்த உதவி மைய எண் குறித்த விழிப்புணர்வை ஏற்படுத்த வேண்டும்.

விவசாயிகளின் வியர்வைக்குச் சரியான வெகுமதி கிடைப்பதே ஒரு சமூகத்தின் உண்மையான வளர்ச்சிக்கு அடையாளம். தமிழக அரசு வெளியிட்டுள்ள இந்த நெறிமுறைகளும், உழவர் உதவி மைய வாட்ஸ்அப் புகார் எண்ணும் (9500801465) நெல் கொள்முதல் நிலையங்களில் நிலவும் முறைகேடுகளுக்கு முற்றுப்புள்ளி வைக்கும் ஒரு முக்கிய மைல்கல்லாகும். அரசின் இந்தத் தீவிர நடவடிக்கையும், விவசாயிகளின் விழிப்புணர்வும் இணையும் போது, நெல் கொள்முதல் நிலையங்கள் முற்றிலும் நேர்மையானதாகவும், வெளிப்படைத்தன்மை கொண்டதாகவும் மாறும் என்பதில் ஐயமில்லை.

Govt Scheme: விவசாயிகளுக்கு ஜாக்பாட்! 50% மானியத்தில் டிராக்டர், பவர் டில்லர் – தமிழ்நாடு அரசின் அதிரடி திட்டம்!

Vedarethinam Ramalingam — Mon, 05 Oct 2026 08:08:33 +0530

தமிழ்நாடு அரசு வழங்கும் 50% வேளாண் இயந்திர மானியத் திட்டம் குறித்த முழுமையான வழிகாட்டி. டிராக்டர், பவர் டில்லர் போன்ற கருவிகளுக்கு யார் தகுதியானவர்கள், தேவைப்படும் ஆவணங்கள் பற்றி விரிவாக தெரிந்துகொள்ளுங்கள்.

இந்தியப் பொருளாதாரத்தின் முதன்மைத் தூணாகவும், கோடி மக்களின் வாழ்வாதாரமாகவும் விளங்குவது விவசாயமாகும். தற்காலத்தில் விவசாயத் துறையானது காலநிலை மாற்றம், ஆள் பற்றாக்குறை, கூலி உயர்வு மற்றும் சாகுபடிச் செலவு அதிகரிப்பு எனப் பல்வேறு சவால்களை எதிர்கொண்டு வருகிறது. இச்சவால்களைச் சமாளித்து, விவசாயிகளின் வருமானத்தைப் பெருக்கவும், பயிர் உற்பத்தியை அதிகரிக்கவும் வேளாண்மையை நவீனமயமாக்குவது அவசியமாகிறது. இதனை உணர்ந்த தமிழ்நாடு அரசு, வேளாண்மை மற்றும் உழவர் நலத்துறை வாயிலாக "வேளாண் இயந்திரமயமாக்கல் துணை இயக்கம்" (Sub-Mission on Agricultural Mechanization) என்ற சிறப்புத் திட்டத்தின் கீழ் விவசாயிகளுக்கு 50 சதவீதம் வரை பெருமளவு மானியத்தில் நவீன விவசாயக் கருவிகளையும் இயந்திரங்களையும் வழங்கி வருகிறது.

விவசாயப் பணிகளில் டிராக்டர், பவர் டில்லர் போன்ற கனரக மற்றும் இலகுரக இயந்திரங்களின் பயன்பாடு நேரத்தையும் உழைப்பையும் மிச்சப்படுத்துகிறது. நிலத்தைத் தயார் செய்வது முதல், விதைத்தல், களையெடுத்தல், உரம் தெளித்தல் மற்றும் அறுவடை வரை அனைத்துக் கட்டங்களிலும் நவீன இயந்திரங்கள் முக்கியப் பங்கு வகிக்கின்றன. இருப்பினும், ஏழை மற்றும் நடுத்தர விவசாயிகளால் அதிக விலை கொடுத்து இத்தகைய இயந்திரங்களை வாங்க முடிவதில்லை. இந்த இடைவெளியைக் குறைக்கவும், சிறுகுறு விவசாயிகள் எளிதில் நவீனத் தொழில்நுட்பங்களைப் பயன்படுத்தும் வாய்ப்பை உருவாக்கவுமே இத்தகைய மானியச் சலுகைகளை அரசு தீவிரமாகச் செயல்படுத்தி வருகிறது. இதையும் படிக்கலாமே - Business Idea: ரூ.10,000 முதலீடே போதும்.! மாதம் ரூ.30,000 சம்பாதிப்பது இவ்ளோ ஈசியா?

இத்திட்டத்தின் கீழ் விவசாயத்தின் ஒவ்வொரு கட்டத்திற்கும் தேவையான பல்வேறு வகையான கருவிகளுக்கு மானியங்கள் வழங்கப்படுகின்றன. நிலத்தை உழுவதற்கும் சமன்படுத்துவதற்கும் பயன்படும் 20 எச்பி (HP) முதல் 70 எச்பி வரையிலான டிராக்டர்கள், நிலத் தயாரிப்புக்கு உதவும் பவர் டில்லர்கள் (Power Tiller) மற்றும் சிறிய நிலங்களில் களையெடுக்க பயன்படும் பவர் வீடர்கள் (Power Weeder) ஆகியவற்றுக்கு முன்னுரிமை அளிக்கப்படுகிறது. இதையும் படிக்கலாமே - Govt Scheme: ரூ.5 லட்சம் கடனுக்கு ரூ.2 லட்சம் மானியம்! தமிழக அரசின் அதிரடி சலுகை.! யாருக்கெல்லாம் கிடைக்கும்?!

மேலும், நெல் சாகுபடியில் ஆள் பற்றாக்குறையைக் குறைக்கும் வகையில் நாற்று நடும் இயந்திரங்கள் (Paddy Transplanter), நிலத்தை மிருதுவாக்கும் ரோட்டவேட்டர்கள் (Rotovator), கல்டிவேட்டர்கள், டிஸ்க் பிளவ் போன்ற கருவிகளுக்கும் மானியம் உண்டு. அறுவடைக்குப் பிந்தைய பணிகளுக்காக மல்டி கிராப் த்ரெஷர் (Multi-crop Thresher), கம்பைன் ஹார்வெஸ்டர், சோளத் தட்டு உரிக்கும் இயந்திரங்கள், தென்னை மற்றும் மரக் கழிவுகளைத் தூளாக்கும் ஷிரெட்டர் (Shredder) மற்றும் விசைத் தெளிப்பான்கள் (Power Sprayers) போன்ற அனைத்து விதமான நவீனக் கருவிகளும் இப்பட்டியலில் அடங்கும். இதையும் படிக்கலாமே - Govt Scheme: ரூ.10 லட்சம் வரை கடன் + 50% மானியம்! ஏற்கனவே தொழில் செய்பவர்களுக்கு ஜாக்பாட்.!

தமிழ்நாடு அரசு விவசாயிகள் வைத்திருக்கும் நிலத்தின் அளவு மற்றும் அவர்களின் சமூகப் பின்னணிக்கு ஏற்ப மானிய விகிதங்களை வகைப்படுத்தியுள்ளது. இதன்படி, 2.5 ஏக்கர் வரை நிலம் வைத்துள்ள குறு விவசாயிகள் மற்றும் 5 ஏக்கர் வரை நிலம் வைத்துள்ள சிறு விவசாயிகளுக்கு 50 சதவீதம் வரை மானியம் வழங்கப்படுகிறது. அதேபோல பெண் விவசாயிகள், ஆதிதிராவிடர் மற்றும் பழங்குடியின (SC/ST) விவசாயிகளுக்கும் முன்னுரிமை அடிப்படையில் 50 சதவீத மானியம் அல்லது அரசு நிர்ணயித்துள்ள அதிகபட்ச உச்சவரம்புத் தொகை மானியமாக அளிக்கப்படுகிறது.

5 ஏக்கருக்கு மேல் நிலம் வைத்துள்ள இதர பொதுப் பிரிவு விவசாயிகளுக்கு 40 சதவீத மானியம் வழங்கப்படுகிறது. இதுமட்டுமன்றி, தனிப்பட்ட முறையில் இயந்திரங்களை வாங்க இயலாத கிராமப் பகுதிகளுக்காக "வாடகை மையங்கள்" (Custom Hiring Centers) அமைக்கும் திட்டமும் உள்ளது. இதன்கீழ் உழவர் உற்பத்தியாளர் அமைப்புகள் (FPO), பதிவுசெய்யப்பட்ட விவசாயக் குழுக்கள் மற்றும் கிராமப்புற தொழில்முனைவோருக்கு 40 சதவீதம் முதல் 80 சதவீதம் வரை மானிய உதவியோடு இயந்திர வங்கிகள் அமைக்க அரசு நிதியுதவி அளிக்கிறது.

மானியம் கோரி விண்ணப்பிக்கும் விவசாயிகள் தங்களின் அடையாளச் சான்று மற்றும் நில உரிமையை உறுதிப்படுத்த சில முக்கியமான ஆவணங்களைச் சமர்ப்பிக்க வேண்டும். விண்ணப்பதாரரின் ஆதார் அட்டை, குடும்ப அட்டை (ரேஷன் கார்டு) மற்றும் சமீபத்திய பாஸ்போர்ட் அளவு புகைப்படம் ஆகியவை முதன்மை ஆவணங்களாகும்.

நிலம் தொடர்பான சான்றுகளாகப் பட்டா, சிட்டா, அடங்கல் நகல் மற்றும் நிலத்தின் புல வரைபடம் (FMB Sketch) ஆகியவை அவசியமாகும். 50 சதவீத மானியத்தைப் பெற விரும்பும் விவசாயிகள், சம்பந்தப்பட்ட கிராம நிர்வாக அலுவலரிடம் (VAO) பெறப்பட்ட 'சிறு/குறு விவசாயி சான்றிதழ்' சமர்ப்பிக்க வேண்டும். ஆதிதிராவிடர் மற்றும் பழங்குடியின வகுப்பைச் சேர்ந்தவர்கள் சாதிச் சான்றிதழ இணைக்க வேண்டும். இவை தவிர, மானியத் தொகை நேரடியாக வந்து சேர்வதற்காக வங்கியின் கணக்கு புத்தக நகல் (IFSC குறியீடு மற்றும் கணக்கு எண் தெளிவாக உள்ள பக்கம்) கண்டிப்பாகத் தேவைப்படும்.

இத்திட்டத்திற்கு விவசாயிகள் ஆன்லைன் மற்றும் நேரிடி முறைகள் வாயிலாக மிக எளிதாக விண்ணப்பிக்கலாம். ஆன்லைனில் விண்ணப்பிக்க விரும்புவோர், தமிழ்நாடு அரசின் 'உழவன் செயலி' (Uzhavan App) அல்லது அரசின் அதிகாரப்பூர்வ வேளாண் வலைதளத்தைப் (agrimachinery.nic.in / tnagrisnet.tn.gov.in) பயன்படுத்தலாம். உழவன் செயலியில் "வேளாண் இயந்திர மானியம்" என்ற பிரிவைத் தேர்ந்தெடுத்து, தங்கள் மொபைல் எண் மற்றும் ஆதாரைக் கொண்டு உள்நுழைந்து, தேவையான இயந்திரத்தைத் தேர்வு செய்து ஆவணங்களைப் பதிவேற்றம் செய்ய வேண்டும்.

இணையவசதி இல்லாத கிராமப்புற விவசாயிகள், தங்கள் பகுதியில் உள்ள வட்டார வேளாண்மை உதவி இயக்குநர் அலுவலகத்தையோ அல்லது மாவட்ட வேளாண்மைப் பொறியியல் துறை உதவி செயற்பொறியாளர் (Assistant Executive Engineer - Agri Engineering) அலுவலகத்தையோ நேரில் அணுகி விண்ணப்பப் படிவங்களைப் பெற்று பூர்த்தி செய்து ஆவணங்களுடன் சமர்ப்பிக்கலாம்.

இத்திட்டத்தில் மானியம் பெற விரும்புவோர் சில முக்கிய நடைமுறைகளைக் கவனத்தில் கொள்ள வேண்டும். நிதி ஒதுக்கீட்டிற்கு ஏற்ப "முதலில் வருபவருக்கு முன்னுரிமை" (First Come First Served) என்ற அடிப்படையிலேயே மானிய ஒப்புதல் அளிக்கப்படும். மேலும், அரசுப் பட்டியலில் அங்கீகரிக்கப்பட்ட தயாரிப்பு நிறுவனங்கள் அல்லது விற்பனையாளர்களிடமிருந்து (Empanelled Dealers) மட்டுமே கருவிகளைக் கொள்முதல் செய்ய வேண்டும்.

இயந்திரத்தைச் சொந்த நிதியிலோ அல்லது வங்கித் கடனுடனோ முழுத் தொகையையும் கொடுத்து வாங்கிய பிறகு, வேளாண்மைப் பொறியியல் துறை அலுவலர்கள் நேரில் வந்து இயந்திரத்தின் இயக்கம் மற்றும் உண்மைத்தன்மையை ஆய்வு செய்வார்கள். ஆய்வு திருப்திகரமாக இருக்கும்பட்சத்தில், அரசு நிர்ணயித்த மானியத் தொகை நேரடியாக பயனாளியின் வங்கிச் கணக்கிற்கு (Direct Benefit Transfer - DBT) அனுப்பி வைக்கப்படும். இத்திட்டத்தைப் பயன்படுத்தி நவீன கருவிகளைக் கொள்முதல் செய்வதன் மூலம் விவசாயிகள் சாகுபடிச் செலவைக் குறைத்து, மகசூலை உயர்த்தி தங்களின் பொருளாதார நிலையை மேம்படுத்திக் கொள்ள முடியும்.

Crop Loan: விவசாயிகளுக்கு ஜாக்பாட்.! பயிர்க் கடன் வசூல் முற்றிலும் நிறுத்தம் – தமிழ்நாடு அரசு அதிரடி!

Vedarethinam Ramalingam — Sat, 03 Oct 2026 12:18:19 +0530

விவசாயிகளுக்கு ஜாக்பாட்! கூட்டுறவு சங்கங்களில் நிலுவையில் உள்ள பயிர்க்கடன் வசூலிப்பது இடைநிறுத்தம். போனில் தொந்தரவு செய்தால் 98840 00845 என்ற எண்ணில் புகார் செய்யலாம் என தமிழக அரசு தகவல்

தமிழகத்தில் விவசாய பெருமக்களின் வாழ்வாதாரத்தை மேம்படுத்தவும், அவர்களின் பொருளாதார நெருக்கடிகளைக் குறைக்கவும் தமிழ்நாடு அரசு பல்வேறு நலத்திட்டங்களைச் செயல்படுத்தி வருகிறது. அந்த வகையில், கூட்டுறவு சங்கங்களில் விவசாயிகள் பெற்ற பயிர்க் கடன்களை வசூலிப்பதை தற்காலிகமாக முற்றிலும் நிறுத்தி வைப்பதாக தமிழ்நாடு அரசு அதிகாரப்பூர்வமாக அறிவித்துள்ளது. இயற்கைச் சீற்றங்கள், விளைபொருட்களுக்கான விலை ஏற்ற இறக்கம் போன்ற பல்வேறு காரணங்களால் தவித்து வரும் விவசாயிகளுக்கு இந்த அறிவிப்பு ஒரு மிகப்பெரிய ‘ஜாக்பாட்’ செய்தியாகவே அமைந்துள்ளது. இதையும் படிக்கலாமே - Free Training: 8th முடித்தவர்களும் மாதம் ரூ.50,000 சம்பாதிக்கலாம்.! 30 நாள் பயிற்சிக்கு பின் வேலை கன்பார்ம்.! எங்க நடக்குது தெரியுமா?

தமிழ்நாடு அரசின் கூட்டுறவுத் துறை வெளியீடு செய்துள்ள தகவலின்படி, கூட்டுறவு சங்கங்களில் விவசாயிகள் பெற்று நிலுவையில் வைத்துள்ள பயிர்க் கடன்களை வசூலிக்கும் பணிகள் அனைத்தும் உடனடியாகவும், தற்காலிகமாகவும் நிறுத்தி வைக்கப்பட்டுள்ளன.

இதற்கான முறையான அறிவிப்பு, கூட்டுறவுச் சங்கங்களின் பதிவாளரால் மண்டல இணைப்பதிவாளர்கள் மற்றும் மாவட்ட மத்திய கூட்டுறவு வங்கிகளின் மேலாண்மை இயக்குநர்களுக்கு சுற்றறிக்கையாக அனுப்பப்பட்டுள்ளது. இந்த உத்தரவை அனைத்துக் கூட்டுறவுச் சங்கங்களும் தவறாது கடைப்பிடிக்க வேண்டும் என்றும், இதனை தீவிரமாகக் கண்காணிக்க வேண்டும் என்றும் அறிவுறுத்தப்பட்டுள்ளது. இதையும் படிக்கலாமே - D-Mart தீபாவளி ஷாப்பிங் 2026.! மளிகைப் பில்லில் ரூ.1,500 வரை சேமிப்பது எப்படி? முழு வழிகாட்டி!

அரசு பயிர்க்கடன் வசூலைத் தற்காலிகமாக நிறுத்தி வைத்துள்ள போதிலும், சில பகுதிகளில் கூட்டுறவுச் சங்கங்களின் மூலம் தொலைபேசி வாயிலாகத் தொடர்பு கொண்டு நிலுவையில் உள்ள பயிர்க் கடன்களை வசூலிக்க முயற்சிப்பதாகப் பல்வேறு தரப்பிலிருந்தும் புகார்கள் வந்த வண்ணம் இருந்தன.

இதனைக் கவனத்தில் கொண்ட தமிழ்நாடு அரசு, உடனடியாக விவசாயிகளின் நலன் காக்கும் பொருட்டு புதிய எச்சரிக்கையையும் உதவி எண்சார்ந்த வழிகாட்டுதலையும் வெளியிட்டுள்ளது.

பயிர்க்கடன் வசூல் தற்காலிகமாக நிறுத்தி வைக்கப்பட்டுள்ள நிலையில், எந்தவொரு கூட்டுறவுச் சங்கத்திலிருந்தோ அல்லது அதிகாரிகளிடமிருந்தோ கடன் வசூல் தொடர்பாக தொலைபேசி வாயிலாகவோ அல்லது நேரடியாகவோ அழுத்தம் கொடுக்கப்பட்டால், விவசாயிகள் உடனடியாகப் புகார் அளிக்கலாம்.

புகார் தெரிவிக்க வேண்டிய வாட்ஸ்அப் எண்: 98840 00845

தொடர்பு கொண்ட நபரின் கைபேசி எண், கூட்டுறவுச் சங்கத்தின் பெயர் மற்றும் விவரங்களை மேலே குறிப்பிட்டுள்ள கூட்டுறவுத் துறையின் அதிகாரப்பூர்வ குறைதீர்க்கும் வாட்ஸ்அப் (WhatsApp) எண்ணிற்கு அனுப்பி உடனடியாக புகார் தெரிவிக்கலாம் என மக்கள் தொடர்பு அலுவலர் மற்றும் துணை இயக்குநர் தெரிவித்துள்ளார். இதையும் படிக்கலாமே - Govt Scheme: ரூ.10 லட்சம் வரை கடன் + 50% மானியம்! ஏற்கனவே தொழில் செய்பவர்களுக்கு ஜாக்பாட்.!

நிதிச்சுமை குறைகிறது: பயிர்க்கடன் வசூல் நிறுத்தி வைக்கப்பட்டுள்ளதால், தற்போதுள்ள விவசாயச் செலவுகளுக்கு விவசாயிகள் தங்களின் பணத்தை முழுமையாகப் பயன்படுத்த முடியும்.

மன உளைச்சலிலிருந்து விடுதலை: கடன் வசூல் தொடர்பான கெடுபிடிகள் இல்லாததால், விவசாயிகள் எவ்வித மன அழுத்தமும் இன்றி விவசாயப் பணிகளில் கவனம் செலுத்த இயலும்.

நேரடி அரசுப் பாதுகாப்பு: விவசாயிகள் தங்களின் உரிமைகளைப் பாதுகாத்துக் கொள்ளவும், முறைகேடான வசூல் முயற்சிகளைத் தடுத்து நிறுத்தவும் அதிகாரப்பூர்வ வாட்ஸ்அப் எண் வழங்கப்பட்டுள்ளது மிகப்பெரிய ஆதரவாகும்.

விவசாயிகளின் நல்வாழ்வே நாட்டின் வளர்ச்சிக்கு அடிப்படை என்பதில் ஐயமில்லை. தற்போதைய இந்த அறிவிப்பு, கடன் சுமையில் தவித்து வரும் லட்சக்கணக்கான விவசாயக் குடும்பங்களுக்கு ஒரு பெரும் நிவாரணமாகவும், நம்பிக்கையளிக்கும் ஜாக்பாட்டாகவும் அமைந்துள்ளது. அரசின் இந்த அறிவிப்பை விவசாயிகள் முழுமையாகப் பயன்படுத்தி, தேவையில்லாத கடன் அழுத்தங்களில் இருந்து விடுபட்டு தங்களது விவசாயப் பணிகளைச் சிறப்பாக மேற்கொள்வர் என்பது திண்ணம்.

Govt Scheme: ரூ.5 லட்சம் கடனுக்கு ரூ.2 லட்சம் மானியம்! தமிழக அரசின் அதிரடி சலுகை.! யாருக்கெல்லாம் கிடைக்கும்?!

Vedarethinam Ramalingam — Fri, 02 Oct 2026 07:24:17 +0530

தமிழக அரசு தொழில் தொடங்க விவசாயிகளுக்கு ரூ.5 லட்சம் கடன் வழங்கும் நிலையில், அதில் ரூ. 2 லட்சம் மானியம். என்ன திட்டம் யாரு யாருக்கு கிடைக்கலாம் உள்ளிட்ட எல்லா தகவல்களையும் விரிவாக பார்ப்போம்.

தமிழ்நாட்டில் வேளாண்மை சார்ந்த தொழில்களை ஊக்குவிக்கவும், இளைஞர்களுக்கு வேலைவாய்ப்பு உருவாக்கவும் அரசு பல திட்டங்களை அறிமுகப்படுத்தி வருகிறது. அவற்றில் முக்கியமான ஒன்றுதான் Agri Entrepreneurship Scheme (வேளாண் தொழில்முனைவோர் திட்டம்). இந்தத் திட்டம் தமிழ்நாடு அரசின் வேளாண் விற்பனை மற்றும் வேளாண் வணிகத் துறை (Department of Agricultural Marketing and Agri Business) மூலம் செயல்படுத்தப்படுகிறது. இது தமிழ்நாடு பாசன வேளாண் நவீனமயமாக்கல் திட்டம் (TNIAMP – Tamil Nadu Irrigated Agriculture Modernization Project) கீழ் வருகிறது. புதிய தொழில்முனைவோர்களுக்கு அதிகபட்சம் ரூ. 2 லட்சம் வரை மானியம் வழங்கும் இந்தத் திட்டம், சிறிய முதலீட்டில் மதிப்புக் கூட்டல் தொழில்களைத் தொடங்க விரும்புபவர்களுக்கு பெரிய வாய்ப்பாக அமைந்துள்ளது. இதையும் படித்து பாருங்களேன் - மாதம் ரூ.50 ஆயிரம் சம்பாதிக்கலாம்.! 3 நாள் பயிற்சிய முடிச்சா போதும்.! இளைஞர்களே உடனே ஜாயின் பண்ணுங்க.!

இந்தத் திட்டத்தின் முதன்மை நோக்கம் உணவு மற்றும் வேளாண் தொடர்புடைய துறையில் புதிய தொழில்முனைவோர்களை உருவாக்குவதே ஆகும். வெறும் மானியம் வழங்குவதோடு நின்றுவிடாமல், தொழில்முனைவோர்களுக்கு தேவையான வணிகத் திறன்களை வளர்க்க பயிற்சி அளிக்கிறது. மேலும், வங்கிகளுடன் நிதி இணைப்பு (Financial linkage) ஏற்படுத்திக் கொடுக்கிறது. மதிப்புக் கூட்டல் (Value addition), பதப்படுத்துதல் (Processing – முதன்மை பதப்படுத்துதல் உட்பட) மற்றும் பேக்கிங் வசதிகளை அமைக்கும் தொழில்களுக்கு முன்னுரிமை அளிக்கப்படுகிறது. சுற்றுச்சூழல் நட்புடன் இயங்கும் திட்டங்கள், ஆற்றல் சேமிப்பை முக்கியத்துவப்படுத்தும் தொழில்கள் மற்றும் ஏற்றுமதி சார்ந்த முயற்சிகளுக்கு கூடுதல் முன்னுரிமை வழங்கப்படுகிறது. இதன் மூலம் வேளாண் பொருட்களின் மதிப்பை அதிகரித்து, விவசாயிகளின் வருமானத்தையும் உயர்த்துவதே இலக்காக உள்ளது. இதையும் படித்து பாருங்களேன் - Business Idea: ரூ.10,000 முதலீடே போதும்.! மாதம் ரூ.30,000 சம்பாதிப்பது இவ்ளோ ஈசியா?

புதிய தொழில் தொடங்க விரும்புபவர்களுக்கு இந்தத் திட்டம் சிறப்பு ஆதரவு அளிக்கிறது. அதிகபட்ச திட்டச் செலவு ரூ. 5 லட்சமாக நிர்ணயிக்கப்பட்டுள்ளது. இதில் மூலதன மானியம் (Capital Subsidy) திட்டச் செலவில் 40 சதவீதமாக வழங்கப்படுகிறது. அதாவது அதிகபட்சம் ரூ. 2 லட்சம் வரை மானியம் கிடைக்கும். தொழில்முனைவோர் தாமாகவே குறைந்தபட்சம் 20 சதவீதம் பங்களிக்க வேண்டும். மீதமுள்ள தொகை வங்கிக் கடன் மூலம் பெறப்படும். மானியம் TNIAMP மூலம் வழங்கப்படுகிறது. நிலம் வாங்கும் செலவு திட்டச் செலவில் சேர்க்கப்படாது. புதிய இயந்திரங்களுக்கு மட்டுமே உதவி கிடைக்கும். இறக்குமதி செய்யப்பட்ட இரண்டாம் நிலை இயந்திரங்கள் சில நிபந்தனைகளுடன் அனுமதிக்கப்படலாம். சுய நிதியில் முழுமையாக நடத்தப்படும் திட்டங்கள் இந்த மானியத்திற்கு தகுதியற்றவை. இதையும் படித்து பாருங்களேன் - DA Hike Update: ஜூலை முதல் புதிய அகவிலைப்படி.! 3 மாத அரியர்ஸ் கிடைக்கும்! யாருக்கெல்லாம் தெரியுமா?

இந்தத் திட்டத்திற்கு விண்ணப்பிக்க சில முக்கியமான தகுதிகள் தேவை. அங்கீகரிக்கப்பட்ட நிறுவனங்களில் இருந்து Degree, Diploma, ITI அல்லது Vocational training பெற்றவர்கள் விண்ணப்பிக்கலாம். வேளாண் பட்டதாரிகளுக்கு முன்னுரிமை அளிக்கப்படுகிறது. தொழில் முற்றிலும் புதியதாக இருக்க வேண்டும். அதாவது முதல் வணிக விலைப்பட்டியல் (commercial invoice) இன்னும் உருவாகாத நிலையில் இருக்க வேண்டும். தனி உரிமையாளர், பங்குதாரர் அல்லது Private Limited நிறுவனம் ஆகிய வடிவங்களில் தொழில் தொடங்கலாம். தொழில்முனைவோரின் பதிவு அலுவலகம் அல்லது வணிக செயல்பாடுகள் TNIAMP திட்டப் பகுதிக்குள் (66 துணைப் படுகைகளில்) இருக்க வேண்டும்.

Farmer Producer Company-யின் இயக்குநர்கள் அல்லது அதிகாரிகள் இந்தத் திட்டத்திற்கு தகுதியற்றவர்கள். ஏற்கனவே PMEGP, UYEGP, TAHDCO போன்ற பிற அரசு மானியத் திட்டங்களில் அதே உள்கட்டமைப்புக்கு உதவி பெற்றவர்களும் தகுதியற்றவர்கள். சுய உதவிக் குழுக்கள் இந்தத் திட்டத்தில் சேர முடியாது. எந்தவொரு வங்கியிலும் டிஃபால்ட்டர் ஆக இருக்கக் கூடாது. வேலையில்லா இளைஞர்கள் மற்றும் பல்வேறு திட்டங்களில் பயிற்சி பெற்றவர்கள் உணவு பதப்படுத்துதல் அல்லது மதிப்புக் கூட்டல் தொழில்களில் ஈடுபட விரும்பினால் தகுதியுடையவர்கள். இதையும் படித்து பாருங்களேன் - Gold Investment: 15% சரிவா? அரிய வாய்ப்பா? தங்கத்தில் ஸ்மார்ட்டாக முதலீடு செய்வது எப்படி?

இந்தத் திட்டத்தில் பங்கேற்க விரும்புபவர்கள் முதலில் மாவட்ட அளவில் நடைபெறும் Facilitation Workshop-ல் பங்கேற்க வேண்டும். இந்தப் பட்டறையை மாவட்ட Deputy Director of Agriculture (Agri Business) மற்றும் ABPF Zonal Specialists இணைந்து நடத்துவார்கள். அதில் ஆர்வமும் திறனும் உள்ளவர்கள் தேர்ந்தெடுக்கப்பட்டு இரண்டு நாள் தொழில்முனைவு பயிற்சி அளிக்கப்படும். இந்தப் பயிற்சி NIFTEM, TNAU அல்லது பிற Incubators உதவியுடன் நடத்தப்படும். பயிற்சிக்குப் பிறகு Zonal Agri Business Specialist உதவியுடன் Business Plan தயாரிக்கப்படும். அந்தத் திட்ட அறிக்கை மாவட்ட Deputy Director மூலம் TNIAMP Cell-க்கு அனுப்பப்பட்டு அனுமதி பெறப்படும். பின்னர் வங்கிக்கு சமர்ப்பித்து கடன் அனுமதி பெற வேண்டும்.

கடன் அனுமதி கிடைத்தவுடன் Business Plan execution assistance ஆக அதிகபட்சம் ரூ. 1 லட்சம் வழங்கப்படும். தொழில் தொடங்கி ஆண்டு விற்றுமுதல் ரூ. 2 லட்சம் அடைந்த பிறகு கூடுதல் Credit facilitation support ஆக மேலும் ரூ. 1 லட்சம் வரை கிடைக்கும். இறுதியாக மானியம் வங்கி கணக்கில் back-ended subsidy ஆக வரவு வைக்கப்படும். அதாவது கடன் திருப்பிச் செலுத்திய பிறகு மானியம் சரிசெய்யப்படும். இதையும் படித்து பாருங்களேன் - Ration Card Update: 3 மாத கால அவகாசம்! முடங்கிய ரேஷன் கார்டை மீண்டும் செயல்படுத்துவது எப்படி?

ஏற்கனவே வேளாண் தொடர்புடைய தொழிலை நடத்தி வருபவர்களுக்கும் தனித் திட்டம் உள்ளது. அவர்களுக்கு அதிகபட்ச திட்டச் செலவு ரூ. 10 லட்சமாக நிர்ணயிக்கப்பட்டுள்ளது. மானியம் 50 சதவீதம் வரை (அதிகபட்சம் ரூ. 5 லட்சம்) வழங்கப்படும். தொழில்முனைவோர் பங்களிப்பு குறைந்தபட்சம் 25 சதவீதமாக இருக்க வேண்டும். குறைந்தபட்சம் இரண்டு ஆண்டுகள் வணிக அனுபவம் இருப்பதை நிரூபிக்க வேண்டும். ஏற்கனவே உள்ள வசதியை விரிவுபடுத்தல், நவீனமயமாக்கல் அல்லது புதிய பதப்படுத்துதல் அலகுகளை அமைத்தல் ஆகியவற்றுக்கு இந்த உதவி கிடைக்கும். இதையும் படித்து பாருங்களேன் -D-Mart தீபாவளி ஷாப்பிங் 2026.! மளிகைப் பில்லில் ரூ.1,500 வரை சேமிப்பது எப்படி? முழு வழிகாட்டி!

விண்ணப்பிக்க விரும்புபவர்கள் தங்கள் மாவட்ட வேளாண் விற்பனை மற்றும் வேளாண் வணிகத் துறை Deputy Director of Agriculture (Agri Business) அலுவலகத்தை அணுக வேண்டும். அங்கு நடைபெறும் Facilitation Workshop-களில் பங்கேற்று பயிற்சி பெற வேண்டும். Business Plan தயாரிப்பில் ABPF (Agri Business Promotion Facility) உதவி கிடைக்கும்.

அதிகாரப்பூர்வ வழிகாட்டுதல்களை agrimark.tn.gov.in தளத்தில் காணலாம். New entrepreneurs-க்கு “Guidelines of Financial Assistance to New Agri-enterprises” என்ற ஆவணமும், Existing entrepreneurs-க்கு “Guidelines for Extending Matching Grant to Entrepreneurs (50:50)” என்ற ஆவணமும் கிடைக்கும். தொடர்புக்கு மாவட்ட Deputy Director of Agriculture (Agri Business) அல்லது Department of Agricultural Marketing & Agri Business, Guindy, Chennai அலுவலகத்தை அணுகலாம்.

அதாவது வங்கிக் கடன் திருப்பிச் செலுத்திய பிறகுதான் மானியம் சரிசெய்யப்படும். Commercial Banks மற்றும் Regional Rural Banks ஆகியவற்றில் கடன் பெறலாம். இந்தத் திட்டம் தமிழ்நாட்டின் 66 துணைப் படுகைகளில் (sub-basins) செயல்படுத்தப்படுகிறது. நிலம் செலவு, சுய நிதி திட்டங்கள் மற்றும் ஏற்கனவே பிற திட்டங்களில் உதவி பெற்றவை போன்றவை தகுதியற்றவை என்பதை கவனத்தில் கொள்ள வேண்டும். இந்தத் திட்டம் வேளாண் பட்டதாரிகள், இளைஞர்கள் மற்றும் வேலைவாய்ப்பு தேடுபவர்களுக்கு சிறிய முதலீட்டில் மதிப்புக் கூட்டல் தொழில்களைத் தொடங்க சிறந்த வாய்ப்பாக உள்ளது.

சரியான Business Plan தயாரித்து, பயிற்சியில் பங்கேற்று விண்ணப்பித்தால் ரூ. 2 லட்சம் வரை மானியம் பெற்று தொழில் தொடங்கலாம். மேலும் விவரங்களுக்கு உங்கள் மாவட்ட வேளாண் விற்பனை அலுவலகத்தை அணுகுங்கள் அல்லது agrimark.tn.gov.in தளத்தைப் பாருங்கள். வெற்றிகரமான தொழில்முனைவுக்கு வாழ்த்துக்கள்!

Pure Ghee: சுத்தமான நெய்யைக் கண்டுபிடிப்பது எப்படி? ஆர்கானிக் நெய் என்றால் என்ன? முழு விவரம்!

Vedarethinam Ramalingam — Mon, 28 Sep 2026 06:41:55 +0530

Pure Organic GHEE: சுத்தமான நெய்யை எப்படிக் கண்டுபிடிப்பது? ஆர்கானிக் நெய் என்றால் என்ன? நாட்டு மாட்டு நெய், கலப்பின மாட்டு நெய் இடையிலான வித்தியாசங்கள், நெய்யின் நிறம், மணம் மற்றும் கலப்படத்தைக் கண்டறிவது குறித்த முழுமையான தகவல்கள்.

நெய் என்றாலே அதன் மணமும் சுவையும் நம் நினைவுக்கு வந்துவிடும். இட்லி, தோசை, பொங்கல், சாதம் எனப் பல உணவுகளிலும் நெய் முக்கிய இடத்தைப் பிடித்துள்ளது. குறிப்பாக, குழந்தைகள் முதல் பெரியவர்கள் வரை பலரும் நெய்யை விரும்பிச் சாப்பிடுகின்றனர். சமையலுக்கு மட்டுமின்றி, பாரம்பரிய உணவு முறையிலும் நெய்க்கு முக்கியத்துவம் அளிக்கப்படுகிறது. ஆனால், கடைகளில் விற்கப்படும் அனைத்து நெய்களும் ஒரே தரத்தில் தயாரிக்கப்படுகின்றனவா என்றால், நிச்சயமாக இல்லை.

தற்போது ஆர்கானிக் நெய், நாட்டு மாட்டு நெய், A2 நெய், கலப்பின மாட்டு நெய் எனப் பல பெயர்களில் நெய் விற்பனை செய்யப்படுகிறது. இவற்றுக்கு இடையே என்ன வித்தியாசம்? உண்மையான நெய்யின் நிறம் எப்படி இருக்கும்? அதன் மணத்தைக் கொண்டு சுத்தமான நெய்யைக் கண்டுபிடிக்க முடியுமா? நெய்யில் கலப்படம் செய்யப்பட்டுள்ளதா என்பதை எப்படித் தெரிந்துகொள்வது? நெய் வாங்கும்போது கவனிக்க வேண்டிய முக்கியமான விஷயங்கள் என்னென்ன என்பதை விரிவாகப் பார்க்கலாம்.

ஆர்கானிக் நெய் (Organic Ghee) என்பது இயற்கை விவசாய முறையில் வளர்க்கப்படும் கால்நடைகளிடமிருந்து பெறப்படும் பாலைப் பயன்படுத்தி, உரிய ஆர்கானிக் தரநிலைகளுக்கு உட்பட்டு தயாரிக்கப்படும் நெய்யாகும்.

ஆர்கானிக் முறையில் கால்நடைகளுக்குத் தீவனம் வழங்குதல், அவற்றைப் பராமரித்தல், பால் உற்பத்தி செய்தல் போன்றவற்றுக்கு குறிப்பிட்ட விதிமுறைகள் உள்ளன. செயற்கை ரசாயனங்கள் அதிகம் பயன்படுத்தப்படும் தீவனங்களைத் தவிர்ப்பது, கால்நடைகளின் நலனைக் கவனிப்பது போன்ற நடைமுறைகளும் இதில் முக்கியமானவை.

இருப்பினும், ஒரு நெய் பாக்கெட்டில் ஆர்கானிக் என்று எழுதப்பட்டிருப்பதால் மட்டுமே அது உண்மையான ஆர்கானிக் நெய்யாகிவிடாது. அதற்குரிய அங்கீகரிக்கப்பட்ட சான்றிதழ் உள்ளதா என்பதைப் பார்க்க வேண்டும். இந்தியாவில் ஆர்கானிக் பொருட்களுக்கு NPOP அல்லது PGS-India போன்ற அங்கீகரிக்கப்பட்ட சான்றளிப்பு முறைகள் உள்ளன.

ஆர்கானிக் நெய் என்பது இயற்கையான முறையில் தயாரிக்கப்பட்டது என்பதைக் குறிக்கிறது. ஆனால், ஆர்கானிக் என்பதாலேயே அதில் கலப்படம் இருக்காது அல்லது மற்ற நெய்களைவிட அதிக ஊட்டச்சத்து இருக்கும் என்று உறுதியாகக் கூற முடியாது. அதன் தரம், தயாரிப்பு முறை மற்றும் சேமிப்பு முறையும் முக்கியமானவை. இதையும் படிக்கலாமே - ஒரிஜினல் பன்னீர் vs போலி பன்னீர்.! இரண்டுக்கும் உள்ள வித்தியாசம் என்ன?

நாட்டு மாட்டு நெய் என்பது இந்தியாவின் பாரம்பரிய நாட்டு மாட்டினங்களிலிருந்து பெறப்படும் பாலைப் பயன்படுத்தித் தயாரிக்கப்படும் நெய்யாகும். காங்கேயம், உம்பளச்சேரி, கிர், சாஹிவால் போன்றவை இந்தியாவின் நாட்டு மாட்டினங்களுக்குச் சில உதாரணங்கள்.

நாட்டு மாடுகளின் பால், அவற்றின் இனம், உணவு, பராமரிப்பு மற்றும் பாலூட்டும் காலம் ஆகியவற்றைப் பொறுத்து கொழுப்பு மற்றும் பிற ஊட்டச்சத்துகளில் மாறுபடலாம். குறிப்பாக, சில நாட்டு மாட்டினங்களின் பாலில் பீட்டா கேசீன் புரதத்தின் A2 வகை அதிகமாக இருக்கலாம். இதன் அடிப்படையில் A2 பால் மற்றும் A2 நெய் என்ற பெயர்களில் பொருட்கள் விற்பனை செய்யப்படுகின்றன.

நாட்டு மாட்டின் பாலில் இருந்து தயாரிக்கப்படும் நெய் மஞ்சள் அல்லது தங்க நிறத்தில் இருக்கலாம். ஆனால், எல்லா நாட்டு மாட்டு நெய்களும் ஒரே நிறத்தில் இருக்கும் என்று கூற முடியாது. மாட்டின் தீவனம், பருவநிலை, பாலின் தன்மை, நெய் தயாரிக்கும் முறை ஆகியவை நிறத்தையும் மணத்தையும் தீர்மானிக்கின்றன.

கலப்பின மாடுகள் என்பது இரண்டு அல்லது அதற்கு மேற்பட்ட மாட்டினங்களின் மரபியல் பண்புகளைக் கொண்ட மாடுகளாகும். இவற்றிலிருந்து பெறப்படும் பாலைக் கொண்டும் நெய் தயாரிக்கப்படுகிறது. கலப்பின மாடுகளின் பால் உற்பத்தி, அவற்றின் இனம், தீவனம், பராமரிப்பு ஆகியவற்றைப் பொறுத்து மாறுபடும். இந்தப் பாலிலிருந்து தயாரிக்கப்படும் நெய்யும் சுத்தமானதாக இருக்க முடியும்.

நாட்டு மாட்டு நெய்யைவிட கலப்பின மாட்டு நெய் தரம் குறைந்தது என்று பொதுவாகக் கூற முடியாது. இரண்டிலும் சுத்தமான பால் கொழுப்பிலிருந்து நெய் தயாரிக்கப்பட்டிருந்தால், அவை இரண்டுமே தூய நெய்யாக இருக்கலாம். அவற்றின் கொழுப்பு அமிலக் கலவை, சுவை மற்றும் மணம் வேறுபடலாம்.

முக்கியமான வேறுபாடு: நாட்டு மாட்டு நெய், கலப்பின மாட்டு நெய் என்பவை பால் பெறப்படும் மாட்டின் இனத்தை அடிப்படையாகக் கொண்டவை. ஆர்கானிக் நெய் என்பது உற்பத்தி மற்றும் சான்றளிப்பு முறையை அடிப்படையாகக் கொண்டது. எனவே, நாட்டு மாட்டு நெய்யும் ஆர்கானிக் நெய்யாக இருக்கலாம். அதேபோல், கலப்பின மாட்டு நெய்யும் முறையான ஆர்கானிக் தரநிலைகளைப் பின்பற்றித் தயாரிக்கப்படலாம். இதையும் கிளிக் செய்யலாமே - D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

சுத்தமான நெய்யை அடையாளம் காண்பதில் அதன் நிறம், மணம், சுவை ஆகியவை சில அடிப்படைத் தகவல்களைத் தருகின்றன. இருப்பினும், இவற்றை மட்டும் வைத்து நெய்யின் தூய்மையை உறுதிப்படுத்த முடியாது.

1. நிறம்: சுத்தமான நெய் வெள்ளை கலந்த மஞ்சள், வெளிர் மஞ்சள், தங்க மஞ்சள் எனப் பல்வேறு நிறங்களில் இருக்கலாம். குறிப்பாக, பசுவின் தீவனத்தில் பீட்டா கரோட்டின் அதிகமாக இருந்தால் நெய்யின் நிறம் மஞ்சளாக இருக்க வாய்ப்புள்ளது. பச்சைப் புல் மற்றும் பச்சைத் தீவனங்களை உணவாக உட்கொள்ளும் மாடுகளின் பாலில் இருந்து தயாரிக்கப்படும் நெய்யில் மஞ்சள் நிறம் அதிகமாக இருக்கலாம்.

அதேசமயம், சில நெய்கள் வெண்மை கலந்த நிறத்திலும் காணப்படலாம். எனவே, அடர் மஞ்சள் நிறத்தில் இருந்தால் மட்டுமே அது சுத்தமான நெய் என்றும், வெள்ளை நிறத்தில் இருந்தால் கலப்பட நெய் என்றும் முடிவு செய்யக் கூடாது.

2. மணம்: சுத்தமான நெய்யில் பொதுவாக இனிமையான, தனித்துவமான பால் கொழுப்பு மணம் இருக்கும். பாரம்பரிய முறையில் தயிரிலிருந்து வெண்ணெய் தயாரித்து, அதை உருக்கி நெய் எடுக்கும்போது சற்றே வறுத்த பருப்பு போன்ற இனிமையான மணமும் கிடைக்கலாம்.

நெய்யில் புளித்த மணம், கெட்டுப்போன எண்ணெய் போன்ற துர்நாற்றம் அல்லது வழக்கத்திற்கு மாறான ரசாயன மணம் இருந்தால் அதைப் பயன்படுத்துவதைத் தவிர்க்க வேண்டும். இருப்பினும், மணம் நன்றாக இருப்பதால் மட்டுமே நெய் கலப்படமற்றது என உறுதிப்படுத்த முடியாது.

3. சுவை: தரமான நெய்யில் இயல்பான பால் கொழுப்பின் சுவையும், தயாரிப்பு முறையைப் பொறுத்து லேசான வறுத்த மணத்துடன் கூடிய சுவையும் இருக்கும். கசப்பான, புளிப்பான அல்லது பழைய எண்ணெய் போன்ற சுவை இருந்தால் நெய்யின் தரத்தில் பிரச்சினை இருக்கலாம்.

4. பதம்: குளிர்ச்சியான சூழலில் நெய் திடமாகவும், வெப்பமான சூழலில் திரவமாகவும் மாறுவது இயல்பானது. சில நெய்களில் சிறிய துகள்கள் அல்லது தானியங்கள் போன்ற அமைப்பும் இருக்கலாம். இவை அனைத்தும் தயாரிப்பு முறை மற்றும் வெப்பநிலையைப் பொறுத்து மாறுபடும்.

நெய்யின் தூய்மையை வீட்டிலேயே முழுமையாக உறுதிப்படுத்துவதற்கான எளிய வழி கிடையாது. இருப்பினும், நெய் வாங்கும்போதும் பயன்படுத்தும்போதும் சில விஷயங்களைக் கவனித்தால் தரம் குறைந்த பொருட்களைத் தவிர்க்க உதவும்.

லேபிளைச் சரிபார்க்கவும்: நெய் பாக்கெட்டில் மூலப்பொருள், தயாரிப்பு தேதி, காலாவதி அல்லது பயன்படுத்துவதற்கான இறுதித் தேதி, உற்பத்தியாளர் விவரம் போன்றவற்றைப் பார்க்க வேண்டும். தூய நெய்யாக விற்பனை செய்யப்படும் பொருளில் பொதுவாக பால் கொழுப்புதான் மூலப்பொருளாக இருக்க வேண்டும்.

FSSAI உரிமத்தைப் பார்க்கவும்: இந்தியாவில் விற்பனை செய்யப்படும் உணவுப் பொருட்களுக்கு உரிய FSSAI உரிமம் அல்லது பதிவுத் தகவல் இருக்கிறதா என்பதைச் சரிபார்க்கலாம். உரிம எண் இருப்பது மட்டும் கலப்படமற்றது என்பதற்கான உத்தரவாதம் அல்ல. இருப்பினும், தயாரிப்பாளரின் விவரங்களைச் சரிபார்க்க உதவும்.

தயாரிப்பு முறையைக் கவனிக்கவும்: பால் கிரீம், வெண்ணெய் அல்லது தயிரிலிருந்து பாரம்பரிய முறையில் தயாரிக்கப்பட்டதா, தொழிற்சாலையில் தயாரிக்கப்பட்டதா போன்ற விவரங்களைத் தெரிந்துகொள்ளலாம். தயாரிப்பு முறை மாறினாலும், முறையாகத் தயாரிக்கப்பட்ட இரண்டுமே தூய நெய்யாக இருக்க முடியும்.

நம்பகமான நிறுவனத்தைத் தேர்ந்தெடுக்கவும்: தயாரிப்பு விவரங்கள் தெளிவாகக் கொடுக்கப்பட்டுள்ள நிறுவனங்களின் நெய்யை வாங்குவது நல்லது. ஆர்கானிக் நெய் வாங்கினால் அதன் சான்றிதழையும் சரிபார்க்க வேண்டும்.

பேக்கிங்கைக் கவனிக்கவும்: நெய் அடைக்கப்பட்டுள்ள பாட்டில் அல்லது டப்பாவில் கசிவு, சேதம், திறக்கப்பட்டதற்கான அறிகுறி போன்றவை இருக்கக் கூடாது. மேலும், நெய்யின் நிறம், மணம், பதம் ஆகியவற்றில் வழக்கத்திற்கு மாறான மாற்றங்கள் உள்ளதா என்பதையும் கவனிக்க வேண்டும். இதையும் படிக்கலாமே - SCIENCE: முதலில் வந்தது கோழிதான்.! கொக்கரக்கோ விடுகதைக்கு விடை கிடைச்சாச்சு.!

நெய்யில் தாவர எண்ணெய்கள், மலிவான கொழுப்புகள் அல்லது பிற பொருட்களைக் கலப்படம் செய்வதற்கான வாய்ப்புகள் உள்ளன. சில நேரங்களில் நெய்யின் நிறம், மணம் போன்றவற்றை மாற்றியும் விற்பனை செய்யலாம்.

கலப்பட நெய்யை அடையாளம் காண்பதற்கு இணையத்தில் பல வீட்டு முறைகள் பரவலாகக் கூறப்படுகின்றன. ஆனால் அவற்றில் பலவற்றுக்கு அறிவியல் அடிப்படையிலான நம்பகத்தன்மை இல்லை.

1. சூடுபடுத்திப் பார்ப்பது

நெய்யைச் சூடுபடுத்தும்போது உருகுவது இயல்பானது. அதிகமாகச் சூடுபடுத்தினால் நிறமும் மணமும் மாறக்கூடும். ஆனால், உருகும் வேகத்தையோ புகை வரும் அளவையோ வைத்து கலப்படத்தை உறுதிப்படுத்த முடியாது.

2. குளிர்சாதனப் பெட்டியில் வைப்பது

நெய்யைக் குளிர்வித்தால் அது திடமாகலாம். ஆனால், சுத்தமான நெய்யும் சில கலப்படக் கொழுப்புகளும் குளிரில் திடமாகக்கூடும். எனவே, நெய் உறைவதை வைத்து அதன் தூய்மையைத் தீர்மானிக்க முடியாது.

3. தண்ணீரில் கலந்து பார்ப்பது

நெய் தண்ணீரில் கரையாது. சுத்தமான நெய்யும் பல வகையான கலப்படக் கொழுப்புகளும் தண்ணீரில் தனித்தனியாகவே இருக்கும். எனவே, தண்ணீரில் மிதப்பது அல்லது தனியாகப் பிரிவது தூய்மைக்கான சான்று அல்ல.

4. மணம் மற்றும் நிறத்தைச் சரிபார்ப்பது

அசாதாரணமான மணம், கசப்பான சுவை, இயல்புக்கு மாறான தோற்றம் போன்றவை தரம் குறைந்திருப்பதற்கான எச்சரிக்கை அறிகுறிகளாக இருக்கலாம். ஆனால், கலப்படம் செய்யப்பட்ட நெய்யின் மணமும் நிறமும் இயல்பாக இருக்கக்கூடும்.

கவனிக்க வேண்டியது: நெய்யில் கலப்படம் உள்ளதா என்பதை உறுதியாகக் கண்டறிய ஆய்வகப் பரிசோதனைகளே நம்பகமான வழி. குறிப்பாக, தாவர எண்ணெய்கள் அல்லது பிற கொழுப்புகள் கலக்கப்பட்டுள்ளதா என்பதைத் தெரிந்துகொள்ள உரிய வேதியியல் மற்றும் கொழுப்பு அமிலப் பரிசோதனைகள் தேவைப்படலாம்.

1. விலை மட்டும் பார்த்து வாங்காதீர்கள்: மிகவும் குறைவான விலையில் நெய் விற்கப்பட்டால் அதன் தரம் குறித்து விசாரிக்கலாம். இருப்பினும், அதிக விலை கொண்ட நெய் என்றாலே அது சுத்தமானது என்று அர்த்தமில்லை.

2. மூலப்பொருளைப் பாருங்கள்: நெய்யில் என்னென்ன பொருட்கள் சேர்க்கப்பட்டுள்ளன என்பதை லேபிளில் படிக்க வேண்டும். நெய் என்ற பெயரில் விற்கப்படும் பொருளில் தாவர எண்ணெய்கள் சேர்க்கப்பட்டிருந்தால் அது தூய நெய் அல்ல.

3. ஆர்கானிக் சான்றிதழைச் சரிபார்க்கவும்: ஆர்கானிக் என்ற பெயரில் விற்கப்படும் நெய்யின் சான்றிதழ் விவரங்களைச் சரிபார்ப்பது அவசியம்.

4. சேமிப்பு முறையில் கவனம் செலுத்துங்கள்: நெய்யை ஈரப்பதம் புகாத, சுத்தமான, காற்று புகாத பாத்திரத்தில் வைக்க வேண்டும். ஈரமான கரண்டியைப் பயன்படுத்துவதைத் தவிர்க்க வேண்டும். நேரடி சூரிய ஒளி மற்றும் அதிக வெப்பத்திலிருந்து பாதுகாக்க வேண்டும்.

5. சந்தேகம் இருந்தால் பரிசோதனை செய்யுங்கள்: நெய்யில் கலப்படம் இருப்பதாகச் சந்தேகம் ஏற்பட்டால் உணவுப் பாதுகாப்புத் துறையிடம் புகார் அளிக்கலாம். தேவைப்பட்டால் அங்கீகரிக்கப்பட்ட ஆய்வகத்தில் பரிசோதனை செய்து உறுதிப்படுத்தலாம்.

நெய் வாங்கும்போது அதன் நிறம், மணம், சுவை ஆகியவற்றுக்கு மட்டுமே முக்கியத்துவம் கொடுக்காமல், அதன் தயாரிப்பு முறை, மூலப்பொருள், தரச் சான்றிதழ் போன்றவற்றையும் கவனிக்க வேண்டும். நாட்டு மாட்டு நெய், கலப்பின மாட்டு நெய், ஆர்கானிக் நெய் எனப் பல வகைகள் இருந்தாலும், அவை அனைத்திலும் தரமான நெய்யைத் தேர்ந்தெடுப்பதே முக்கியம். குறிப்பாக, ஆர்கானிக் என்ற பெயரையோ அதிக விலையையோ மட்டும் நம்பி வாங்கக் கூடாது. வீட்டில் செய்யும் எளிய சோதனைகள் சில கலப்படங்களைக் கண்டறிய உதவினாலும், எல்லா வகையான கலப்படங்களையும் கண்டுபிடிக்க முடியாது. எனவே, நம்பகமான தயாரிப்பாளர்களிடம் இருந்து நெய் வாங்குவதுடன், சந்தேகம் ஏற்பட்டால் உரிய ஆய்வகப் பரிசோதனையை நாடுவதே பாதுகாப்பான அணுகுமுறையாகும்.

Agriculture Crop Loan:பயிர் கடன் விவசாயிகளே.! இனி டென்ஷன் வேண்டாம்.! சூப்பர் செய்தியை சொன்ன தமிழக அரசு.!

Vedarethinam Ramalingam — Tue, 22 Sep 2026 11:44:45 +0530

தமிழகத்தில் பயிர்க் கடன் நிலுவை வசூல் நடவடிக்கைகள் மறு உத்தரவு வரும் வரை தற்காலிகமாக நிறுத்தம். கடனை முழுமையாக செலுத்திய தகுதியுள்ள விவசாயிகளுக்கு புதிய பயிர்க் கடன் வழங்க உத்தரவு.

தமிழக விவசாயிகளுக்கு பயிர்க் கடன் தொடர்பாக முக்கியமான அறிவிப்பு வெளியாகியுள்ளது. நிலுவையில் உள்ள பயிர்க் கடன்களை வசூலிப்பது தொடர்பான நடவடிக்கைகளை மறு உத்தரவு வரும் வரை தற்காலிகமாக நிறுத்தி வைக்க வேண்டும் என கூட்டுறவுத்துறை சார்பில் அறிவுறுத்தப்பட்டுள்ளது. அதே நேரத்தில், கடனை முழுமையாக திருப்பிச் செலுத்திய விவசாயிகளுக்கு புதிய பயிர்க் கடன் வழங்கவும் உத்தரவிடப்பட்டுள்ளது.

விவசாயப் பணிகளுக்குத் தேவையான விதைகள், உரங்கள், பூச்சிக்கொல்லிகள் உள்ளிட்ட இடுபொருட்களை வாங்குவதற்கு பயிர்க் கடன் முக்கிய ஆதாரமாக உள்ளது. குறிப்பாக சாகுபடி காலங்களில் கூட்டுறவு சங்கங்கள் மூலம் கிடைக்கும் கடன் பல விவசாயிகளுக்கு உதவியாக இருக்கிறது. இந்த நிலையில், 2026-27ஆம் நிதியாண்டில் தகுதியுள்ள விவசாயிகளுக்கு பயிர்க் கடன் வழங்குவது தொடர்பாக கூட்டுறவுத்துறை சார்பில் அறிவுறுத்தல்கள் வழங்கப்பட்டுள்ளன.

பயிர்க் கடன் தொடர்பாக சில விவசாயிகளிடம் நிலுவைத் தொகையை வசூலிக்க பல்வேறு நடவடிக்கைகள் மேற்கொள்ளப்பட்டு வந்த நிலையில், தற்போது அதில் முக்கிய மாற்றம் செய்யப்பட்டுள்ளது. பயிர்க் கடன் நிலுவை தொடர்பான அனைத்து வசூல் நடவடிக்கைகளையும் மறு உத்தரவு வரும் வரை தற்காலிகமாக நிறுத்தி வைக்க வேண்டும் என கூட்டுறவு அமைப்புகளுக்கு அறிவுறுத்தப்பட்டுள்ளது. இதனால், நிலுவையில் உள்ள பயிர்க் கடன் தொடர்பாக வசூல் நடவடிக்கைகளை எதிர்கொள்ளும் விவசாயிகளுக்கு தற்போது தற்காலிக நிவாரணம் கிடைத்துள்ளது.

இதனுடன் மற்றொரு முக்கிய அறிவுறுத்தலும் வெளியாகியுள்ளது. ஏற்கனவே பெற்ற பயிர்க் கடனை முழுமையாகவும் நிலுவையின்றியும் திருப்பிச் செலுத்திய தகுதியுள்ள விவசாயிகளுக்கு புதிய பயிர்க் கடன் வழங்க வேண்டும் என தெரிவிக்கப்பட்டுள்ளது. அதன்படி, தகுதியுடைய விவசாயிகளுக்கு 30.09.2026-க்குள் புதிய பயிர்க் கடன் வழங்க நடவடிக்கை எடுக்க வேண்டும் என அறிவுறுத்தப்பட்டுள்ளது. இதன் மூலம் ஏற்கனவே பெற்ற கடனை முறையாகச் செலுத்தி முடித்த விவசாயிகள், அடுத்தடுத்த சாகுபடி பணிகளுக்கான நிதித் தேவையைப் பூர்த்தி செய்ய புதிய பயிர்க் கடனைப் பெறுவதற்கான வாய்ப்பு ஏற்பட்டுள்ளது.

இந்த உத்தரவு அனைத்து கூட்டுறவு சங்கங்களிலும் முறையாக செயல்படுத்தப்படுகிறதா என்பதை உறுதி செய்யவும் அதிகாரிகளுக்கு அறிவுறுத்தப்பட்டுள்ளது. மண்டல இணைப்பதிவாளர்கள் மற்றும் மாவட்ட மத்திய கூட்டுறவு வங்கிகளின் மேலாண்மை இயக்குநர்கள் தொடர்ந்து கண்காணிப்பு மேற்கொள்ள வேண்டும் என்றும் தெரிவிக்கப்பட்டுள்ளது.

விவசாயிகளுக்கு உரிய நேரத்தில் பயிர்க் கடன் கிடைப்பது சாகுபடி பணிகளை தடையின்றி மேற்கொள்ள உதவும். அதேபோல், நிலுவைக் கடன் வசூல் நடவடிக்கைகள் தற்காலிகமாக நிறுத்தப்பட்டிருப்பது தொடர்பான புதிய நடைமுறையை விவசாயிகள் தங்கள் கூட்டுறவு சங்கத்தில் விசாரித்து தெரிந்து கொள்வது அவசியம்.

இந்த அறிவிப்பு பயிர்க் கடன் முழுமையாக தள்ளுபடி செய்யப்பட்டுவிட்டது என்று பொருள் அல்ல. தற்போது நிலுவைத் தொகை தொடர்பான வசூல் நடவடிக்கைகள் தற்காலிகமாக நிறுத்தி வைக்கப்பட்டுள்ளன. எனவே, விவசாயிகள் தங்களுடைய கடன் நிலை, தகுதி மற்றும் புதிய கடன் பெறுவதற்கான நடைமுறைகள் குறித்து சம்பந்தப்பட்ட கூட்டுறவு சங்கத்தில் உறுதி செய்து கொள்வது நல்லது.

PM Kisan 24th Installment: பிஎம் கிசான் பணம் இந்த மாசம் எந்த தேதியில வரும்? அரசு அறிவிப்பு!

Vedarethinam Ramalingam — Sat, 24 Oct 2026 08:05:49 +0530

பிஎம் கிசான் சம்மான் நிதி திட்டத்தின் கீழ் தகுதியான விவசாய குடும்பங்களுக்கு வருஷத்துக்கு 6000 ரூபாய் நிதியுதவி தர்றாங்க. இந்த பணத்தை மூணு தவணையா நேரடியா பேங்க் அக்கவுண்ட்ல போடுவாங்க. ஒவ்வொரு தவணைக்கும் 2000 ரூபாய் கிடைக்கும்.

பிஎம் கிசான் சம்மான் நிதி திட்டத்தோட 24வது தவணைக்காக கோடிக்கணக்கான விவசாயிகள் காத்துட்டு இருக்காங்க. இப்போ அந்த காத்திருப்பு முடிய போகுது. 2026 அக்டோபர் 30-ம் தேதி தகுதியான விவசாயிகளோட பேங்க் அக்கவுண்ட்ல அடுத்த தவணையான 2000 ரூபாய் வரப்போகுது. ஆனா, இந்த பணம் கிடைக்கணும்னா விவசாயிகள் சில முக்கியமான விஷயங்களை சரிபார்க்கணும்.

பிஎம் கிசான் சம்மான் நிதி திட்டத்தின் கீழ் தகுதியான விவசாய குடும்பங்களுக்கு வருஷத்துக்கு மொத்தம் 6000 ரூபாய் நிதியுதவி தர்றாங்க. இந்த பணத்தை மூணு தவணையா நேரடியா பேங்க் அக்கவுண்ட்ல போடுவாங்க. ஒவ்வொரு தவணைக்கும் 2000 ரூபாய் கிடைக்கும்.

Name Astrology: பெயரில் 2 முறை ‘E’ இருக்கிறதா? உங்கள் குணம் இப்படித்தான் இருக்குமாம்!

இதுக்கு முன்னாடி 2026 ஜூன் 20-ம் தேதி இந்த திட்டத்தோட 23வது தவணை வெளியாச்சு. இப்போ 24வது தவணை பணத்தை கொடுக்க அக்டோபர் 30-ம் தேதியை முடிவு பண்ணிருக்காங்க. விவசாயிகளுக்கு விவசாய செலவுகளை சமாளிக்க இந்த நிதியுதவி ரொம்பவே உதவியா இருக்கு.

இ-கேஒய்சி (e-KYC): திட்டத்தோட பலனை பெற இ-கேஒய்சி முடிக்கிறது கட்டாயம்.
ஆதார் & பேங்க் அக்கவுண்ட்: பேங்க் அக்கவுண்ட்டோட ஆதாரை இணைக்கணும், பேங்க் விவரங்கள் சரியா இருக்கானு செக் பண்ணனும்.
நில ஆவணங்கள் சரிபார்ப்பு: விவசாயியோட நிலம் சம்பந்தப்பட்ட விவரங்கள் மற்றும் சரிபார்ப்பு முழுமையா இருக்கணும்.
சரியான தகவல்: விண்ணப்பத்துல கொடுத்திருக்க பெயர், ஆதார் மற்றும் பேங்க் விவரங்கள்ல தப்பு இருந்தா பணம் வர்றதுல சிக்கல் வரலாம்.

1. முதல்ல PM-KISAN அதிகாரப்பூர்வ வெப்சைட்டை ஓபன் பண்ணுங்க.

2. அதுல ‘Know Your Status’ ஆப்ஷனை கிளிக் பண்ணுங்க.

3. உங்க ரெஜிஸ்ட்ரேஷன் நம்பரை போட்டு தேவையான விவரங்களை நிரப்புங்க.

4. ஓடிபி (OTP) வெரிபிகேஷனை முடிங்க.

5. இதுக்கப்புறம் உங்க அப்ளிகேஷன், இ-கேஒய்சி மற்றும் பேமெண்ட் ஸ்டேட்டஸை பார்த்து தெரிஞ்சுக்கலாம்.

இ-கேஒய்சி முடிக்காதவங்க, நில ஆவணங்கள்ல பிரச்சனை இருக்கிறவங்க அல்லது பேங்க் விவரங்கள் தப்பா இருக்கிறவங்களுக்கு தவணைப் பணம் நிறுத்தி வைக்கப்படலாம். இதுதவிர திட்டத்தோட விதிமுறைகள் படி சில பிரிவினருக்கு இந்த பலன் கிடைக்காது. அதனால அடுத்த தவணை வர்றதுக்கு முன்னாடி உங்க தகுதியையும் ஆவணங்களையும் செக் பண்றது ரொம்ப முக்கியம்.

Farmer Subsidy: ரூ.58,000 மானியம் + அதிக வருமானம்.! விவசாயிகள் பெறுவது எப்படி ? யார் யாருக்கு கிடைக்கும்?

Vedarethinam Ramalingam — Mon, 28 Sep 2026 08:01:20 +0530

விவசாயிகளுக்கு ஹெக்டேருக்கு அரசு சுளையா ரூ.58 ஆயிம் மானியம் வழங்குகிறது. NHB மற்றும் MIDH திட்டங்களின் கீழ் விவசாயிகள் எப்படி மானியம் பெறுவது, யார் யாருக்கு தகுதி போன்ற அனைத்தையும் விரிவாக அறியுங்கள். விவசாயிகளுக்கான முழுமையான வழிகாட்டி.

தமிழக விவசாயிகளுக்கு தற்போது அவகோடா (வெண்ணெய் பழம்) சாகுபடி ஒரு சிறந்த வாய்ப்பாக மாறியுள்ளது. தேசிய தோட்டக்கலை வாரியம் (NHB) மற்றும் மத்திய அரசின் MIDH / NHM திட்டங்களின் கீழ் அவகோடா சாகுபடிக்கு ஹெக்டேருக்கு சுமார் ரூ.50,000 முதல் ரூ.58,000 வரை மானியம் கிடைக்கிறது. இந்த மானியத்துடன் சேர்த்து சரியான முறையில் சாகுபடி செய்தால் ஆண்டுக்கு லட்சக்கணக்கில் வருமானம் ஈட்ட முடியும். இந்த கட்டுரையில் மானியம் பெறும் முறை, தகுதி, வருமான கணக்கு, சாகுபடி விவரங்கள் அனைத்தும் விரிவாக தரப்பட்டுள்ளன.

MIDH / NHM திட்டத்தின் கீழ் அவகோடா போன்ற உயர் மதிப்பு பழப் பயிர்களுக்கு யூனிட் காஸ்ட் சுமார் ரூ.1.25 லட்சம் / ஹெக்டேர் என நிர்ணயிக்கப்பட்டுள்ளது. இதில் பொதுவான பகுதிகளில் 40 சதவீதம் மானியம் வழங்கப்படுகிறது. இது ஹெக்டேருக்கு சுமார் ரூ.50,000 ஆகும். சில மாநிலங்கள் மற்றும் கூடுதல் உள்ளீடுகளுடன் இணைத்து கணக்கிடும்போது ரூ.58,000 அளவு வரை கிடைக்கலாம். மானியம் இரண்டு தவணைகளில் (60:40 விகிதத்தில்) வழங்கப்படும். இரண்டாம் ஆண்டில் செடிகள் 80 சதவீதம் உயிர் வாழ்ந்தால் இரண்டாம் தவணை கிடைக்கும். அதிகபட்சம் 2 ஹெக்டேர் வரை பயன் பெறலாம். இதையும் படியுங்களேன் - E-Scooter Subsidy: இ-ஸ்கூட்டர் வாங்க அரசு மானியம்! யாரெல்லாம் விண்ணப்பிக்கலாம்?

இரண்டு ஹெக்டேருக்கு மேல் வணிக அடிப்படையில் சாகுபடி செய்யும் விவசாயிகள் NHB-யின் Commercial Horticulture Scheme-ஐ பயன்படுத்தலாம். இது கடன் இணைக்கப்பட்ட பின்னடைவு மானியம் (Credit-linked back-ended subsidy). பொதுவான பகுதிகளில் 40 சதவீதம் (சில கூறுகளில் 35 சதவீதம்) மானியம் கிடைக்கும். வடகிழக்கு மாநிலங்கள், மலைப்பகுதிகள் மற்றும் அட்டவணைப் பகுதிகளில் 45 முதல் 50 சதவீதம் வரை கிடைக்கும். திட்ட செலவு, பாசனம், இயந்திரங்கள், நடவு பொருள் ஆகியவை அனைத்தும் சேர்த்து மானியம் கணக்கிடப்படும். இதையும் படியுங்களேன் -Farmers Subsidy: விவசாயிகள் வங்கி கணக்கில் ரூ.2.80 லட்சம்.! 50% வரை மானியம்.! யாருக்கு கிடைக்கும்?

தனிநபர் விவசாயிகள், சிறிய மற்றும் குறு விவசாயிகள், பெண் விவசாயிகள், SC/ST விவசாயிகள், விவசாய உற்பத்தியாளர் அமைப்புகள் (FPO), கூட்டுறவு சங்கங்கள், சுய உதவி குழுக்கள் ஆகியோர் மானியம் பெற தகுதியுடையவர்கள். சொந்த நிலம் அல்லது நீண்டகால குத்தகை நிலம் இருந்தால் போதும். ஒரு குடும்பத்திற்கு ஒரு பயனாளி என்ற விதி உள்ளது. அரசியல் பதவி வகிப்பவர்கள், பெரும்பாலான அரசு ஊழியர்கள், அதிக ஓய்வூதியம் பெறுபவர்கள் ஆகியோருக்கு மானியம் கிடைக்காது. இதையும் படியுங்களேன் -Milk paneer: ஒரிஜினல் பன்னீர் vs போலி பன்னீர்.! இரண்டுக்கும் உள்ள வித்தியாசம் என்ன?

முதலில் மாவட்ட தோட்டக்கலை அலுவலகத்தை அணுகவும். அடுத்து விரிவான திட்ட அறிக்கை (DPR) தயாரிக்க வேண்டும். இதில் நில விவரம், செடிகளின் எண்ணிக்கை, பாசன முறை, செலவு கணக்கு ஆகியவை இருக்க வேண்டும். NHB இணையதளம் (nhb.gov.in) அல்லது மாநில தோட்டக்கலை துறை மூலம் ஆன்லைனில் விண்ணப்பிக்கலாம். கடன் தேவைப்பட்டால் வங்கியில் டேர்ம் லோன் எடுக்க வேண்டும். நில ஆவணம், ஆதார் அட்டை, வங்கி கணக்கு, மண் பரிசோதனை அறிக்கை, நாற்று வாங்கிய ரசீது ஆகியவை அவசியம். விண்ணப்பம் சமர்ப்பித்த பிறகு கூட்டு ஆய்வு (Joint Inspection) நடைபெறும். அதன் பிறகு மானியம் வழங்கப்படும். இதையும் படியுங்களேன் -D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

தமிழ்நாடு முழுவதும் (சென்னை தவிர) மானியம் பெறலாம். ஆனால் அவகோடாவுக்கு ஏற்ற காலநிலை உள்ள மாவட்டங்களில் சிறப்பாக வளரும். நீலகிரி, கொடைக்கானல், யெர்காடு, கோவை, திண்டுக்கல், தேனி, சேலம், கிருஷ்ணகிரி, தர்மபுரி போன்ற மலைப்பகுதிகள் மற்றும் குளிர்ந்த காலநிலை உள்ள இடங்கள் சிறந்தவை. சமவெளிப் பகுதிகளிலும் தென்னை தோப்புகளுக்கு இடையே வெற்றிகரமாக சாகுபடி செய்யப்படுகிறது. இதையும் படியுங்களேன் -SCIENCE: முதலில் வந்தது கோழிதான்.! கொக்கரக்கோ விடுகதைக்கு விடை கிடைச்சாச்சு.!

அவகோடா நன்கு வடிகட்டிய மண்ணில் சிறப்பாக வளரும். மணல் கலந்த களிமண் அல்லது கரிமப் பொருள் நிறைந்த மண் ஏற்றது. மண்ணின் pH அளவு 5.5 முதல் 6.5 வரை இருக்க வேண்டும். நீர் தேங்கும் கருப்பு மண் அல்லது மோசமான வடிகால் உள்ள நிலம் தவிர்க்க வேண்டும். வெப்பநிலை 20 முதல் 35 டிகிரி செல்சியஸ் வரை சிறந்தது. ஆண்டு மழைப்பொழிவு 1000 முதல் 1500 மிமீ வரை இருந்தால் போதும். உறைபனி மற்றும் மிகவும் சூடான வறண்ட காற்று உள்ள பகுதிகளில் வளர முடியாது.

மகசூல் மற்றும் வருமானம் எவ்வளவு கிடைக்கும்?

மூன்றாவது அல்லது நான்காவது ஆண்டில் இருந்து காய்ப்பு தொடங்கும். முதிர்ந்த மரம் ஒன்றுக்கு 80 முதல் 200 கிலோ வரை பழம் கிடைக்கும். சில மரங்களில் 100 முதல் 500 பழங்கள் வரை காய்க்கும். சந்தையில் ஒரு கிலோ அவகோடா ரூ.100 முதல் ரூ.300 வரை விலை போகிறது. நல்ல பராமரிப்பில் ஒரு ஏக்கரில் ஆண்டுக்கு ரூ.8 லட்சம் முதல் ரூ.20 லட்சம் வரை மொத்த வருவாய் கிடைக்க வாய்ப்புள்ளது. பராமரிப்பு செலவு ஒப்பீட்டளவில் குறைவு என்பதால் நிகர லாபம் அதிகம்.

பொதுவாக 6 மீட்டர் × 6 மீட்டர் இடைவெளியில் நடவு செய்யலாம். இதனால் ஒரு ஹெக்டேரில் சுமார் 278 செடிகள் வைக்கலாம். ஏக்கருக்கு சுமார் 110 செடிகள் வரும். பரவிய வளர்ச்சி உள்ள ரகங்களுக்கு 8 முதல் 12 மீட்டர் வரை இடைவெளி கொடுக்கலாம். ஜூன்-ஜூலை அல்லது செப்டம்பர் மாதங்களில் நடவு செய்வது சிறந்தது. 1 கன மீட்டர் அளவுள்ள குழி தோண்டி, மேல் மண் மற்றும் தொழு உரத்தை சம அளவில் கலந்து நிரப்பி நடவு செய்ய வேண்டும். கிராஃப்ட் செய்யப்பட்ட நாற்றுகளை பயன்படுத்துவது நல்லது.

தனியாக (Sole crop) நட்டால் முழு மகசூல் கிடைக்கும். ஆனால் முதல் மூன்று நான்கு ஆண்டுகள் வருமானம் இல்லாமல் போகும். எனவே இளம் மரங்களுக்கு இடையே ஊடுபயிர் செய்வது நல்லது. காய்கறிகள், மஞ்சள், இஞ்சி, பூனைக்காலி, மலைவாழை, மிளகு போன்றவற்றை நடலாம். தென்னை தோப்புகளுக்கு இடையேயும் அவகோடாவை நடவு செய்யலாம். மரங்கள் பெரிதாக வளர்ந்த பிறகு நிழல் அதிகமாவதால் ஊடுபயிரை குறைக்க வேண்டும்.

எந்த ரகங்கள் சிறந்தவை?

தமிழ்நாட்டில் TKD-1 (தடியன்குடிசை), Arka Supreme, Arka Coorg Ravi ஆகிய ரகங்கள் சிறப்பாக வளர்கின்றன. Hass, Pinkerton, Fuerte போன்ற வெளிநாட்டு ரகங்களும் பயிரிடப்படுகின்றன. Type A மற்றும் Type B ரகங்களை கலந்து நடவு செய்வது மகரந்தச் சேர்க்கைக்கு உதவும். நாற்றுகளை அங்கீகரிக்கப்பட்ட நாற்றுப்பண்ணைகளில் இருந்து வாங்க வேண்டும்.

டிரிப் பாசனம் அமைப்பது சிறந்தது. தொழு உரம் மற்றும் தேவையான NPK உரங்களை வயதுக்கு ஏற்ப இட வேண்டும். நீர் தேங்காமல் பார்த்துக்கொள்ள வேண்டும். ஏனெனில் வேர் அழுகல் நோய் எளிதில் தாக்கும். கத்தரித்தல், பூச்சி கட்டுப்பாடு ஆகியவை முக்கியம். இயற்கை முறைகளிலும் சாகுபடி செய்யலாம். பழங்கள் மரத்திலேயே பழுக்காது. அறுவடை செய்த பிறகுதான் மென்மையாகும். எனவே சரியான நேரத்தில் அறுவடை செய்வது அவசியம்.

மானியம் பெற உதவும் தொடர்பு விவரங்கள்

மாவட்ட தோட்டக்கலை அலுவலகம் அல்லது Assistant Director of Horticulture அலுவலகத்தை அணுகவும். NHB Bengaluru அலுவலகத்திலும் தகவல் பெறலாம். ஆன்லைனில் nhb.gov.in இணையதளத்தில் விண்ணப்பிக்கலாம். விண்ணப்பம் சமர்ப்பிக்கும் முன் மண் பரிசோதனை செய்து, DPR சரியாக தயாரிப்பது அவசியம்.

அவகோடா சாகுபடி மானியத்துடன் சேர்த்து சரியாக திட்டமிட்டு நடத்தப்பட்டால் விவசாயிகளுக்கு நல்ல வருமானம் தரும் பயிராக மாறும். மானியம் பெறுவதற்கான நடைமுறைகளை சரியாக பின்பற்றி, தகுதியான நாற்றுகளை வாங்கி, சரியான மண்ணில் நடவு செய்தால் வெற்றி உறுதி. உள்ளூர் தோட்டக்கலை அலுவலகத்தில் மேலும் விவரங்களை உறுதி செய்து கொள்ளுங்கள். வெற்றிகரமான சாகுபடி வாழ்த்துக்கள்!

Coriander: கொத்து கொத்தா வளரும் கொத்தமல்லி.! கெத்தா வீட்டிலேயே வளர்ப்பது எப்படி தெரியுமா?!

Vedarethinam Ramalingam — Mon, 28 Sep 2026 15:04:12 +0530

ரசாயன உரங்கள் இன்றி வீட்டிலேயே மிக எளிதாக கொத்தமல்லி வளர்க்கும் முறைகளை இக்கட்டுரை விளக்குகிறது. இதன் மூலம் பணத்தை சேமிப்பது மட்டுமின்றி, சிறு தொழில் வாய்ப்புகளையும் ஆரோக்கியமான வாழ்வியலையும் பெற முடியும்.

சமையலறைக்கு மணமூட்டும் கொத்தமல்லி, ஆரோக்கியத்திற்கு அள்ளிக் கொடுக்கும் ஒரு அற்புத மூலிகை தாவரமாகும். தினசரி சமையலில் தவறாமல் இடம்பெறும் இந்த கொத்தமல்லியை சந்தைகளில் வாங்கிப் பயன்படுத்துவதை விட, ரசாயன உரங்கள் இன்றி நமது வீட்டிலேயே இயற்கை முறையில் மிக எளிதாகவும் பசுமையாகவும் வளர்க்க முடியும். வீட்டிலேயே கொத்தமல்லி வளர்ப்பது எப்படி, அதன் மூலம் ஆகும் சேமிப்பு, வியாபார வாய்ப்புகள் மற்றும் கொத்தமல்லியின் பலவிதமான பயன்பாடுகள் குறித்து விரிவாகப் பார்ப்போம். இதையும் கிளிக் செய்யவும் -Farmer Subsidy: ரூ.58,000 மானியம் + அதிக வருமானம்.! விவசாயிகள் பெறுவது எப்படி ? யார் யாருக்கு கிடைக்கும்?

கொத்தமல்லி செடியை வளர்ப்பதற்கு பெரிய தோட்டம் அல்லது விவசாய நிலம் தேவையில்லை. வீட்டின் பால்கனி, ஜன்னல் ஓரங்கள் அல்லது மொட்டை மாடியில் சிறிதளவு இடம் இருந்தாலே போதுமானது.

தொட்டி தேர்வு: 4 முதல் 6 அங்குல ஆழமுள்ள அகலமான பிளாஸ்டிக் தொட்டிகள், தேவையில்லாத அகலமான பாத்திரங்கள் அல்லது செடி வளர்க்கும் பைகளை (Grow Bags) பயன்படுத்தலாம். தொட்டியின் அடியில் அதிகப்படியான நீர் வெளியேற வடிகால் துளைகள் இருப்பது அவசியம்.

மண் கலவை தயாரிப்பு: கொத்தமல்லி நன்கு செழித்து வளர தளதளப்பான மண் தேவை. செம்மண் (1 பங்கு), தேங்காய் நார் கழிவு (Coco peat - 1 பங்கு) மற்றும் மண்புழு உரம் அல்லது தொழு உரம் (1 பங்கு) ஆகியவற்றைச் சம அளவில் கலந்து மண் கலவையைத் தயார் செய்ய வேண்டும். இதையும் கிளிக் செய்யவும் - 8TH PAY COMMISSION: மத்திய அரசு ஊழியர்களுக்கு தீபாவளி ஜாக்பாட்! ரூ.72,000 குறைந்தபட்ச அடிப்படை ஊதியம்! இனி ஜாலியோ ஜிம்கானாதான்!

கொத்தமல்லி செடியை விதையிலிருந்து வளர்ப்பது மிக எளிதான ஒரு செயலாகும். சரியாக விதைத்தால் 100% முளைப்புத் திறனைப் பெற முடியும்.

விதை தயார் செய்தல்: சமையலுக்குப் பயன்படுத்தும் தனியா விதைகளை வாங்கி, அதை லேசாக அழுத்தி இரண்டு பாதியாக உடைத்துக் கொள்ள வேண்டும் (விதைகள் நசுங்கக் கூடாது). பிறகு விதைகளை 6 முதல் 8 மணி நேரம் தண்ணீரில் ஊறவைத்தால் விதைகள் விரைவாக முளைவிடும்.

விதைக்கும் முறை: தயார் செய்து வைத்துள்ள மண் கலவையின் மேல் ஊறவைத்த விதைகளைச் சீராகத் தூவ வேண்டும். அதன் மேல் லேசாக (அரை அங்குல அளவிற்கு) தேங்காய் நார் கழிவு அல்லது மண்ணை பரப்பி, பூவாளி கொண்டு லேசாக நீர் தெளிக்க வேண்டும்.

சூரிய ஒளி மற்றும் பராமரிப்பு: தொட்டியை தினமும் 4 முதல் 5 மணி நேரம் மிதமான சூரிய ஒளி படும் இடத்தில் வைக்க வேண்டும். மண் எப்போதும் லேசான ஈரப்பதத்துடன் இருக்குமாறு தினமும் காலை அல்லது மாலையில் நீர் தெளித்து வர வேண்டும். அதிக நீர் ஊற்றினால் வேர் அழுகல் நோய் ஏற்படும். இதையும் கிளிக் செய்யவும் - Pure Ghee: சுத்தமான நெய்யைக் கண்டுபிடிப்பது எப்படி? ஆர்கானிக் நெய் என்றால் என்ன? முழு விவரம்!

விதைத்த 7 முதல் 10 நாட்களில் சிறிய முளைகள் எட்டிப்பார்க்கும். 30 முதல் 35 நாட்களில் கொத்து கொத்தாக பசுமையான கொத்தமல்லி தழைகள் அறுவடைக்குத் தயாராகிவிடும்.

இயற்கை பூச்சி விரட்டி: கொத்தமல்லியில் பூச்சித் தாக்குதல் மிகக் குறைவு. ஒருவேளை பூச்சிகள் தாக்கினால் வேப்ப எண்ணெய் (Neem oil) கரைசலைத் தண்ணீரில் கலந்து தெளிக்கலாம்.

அறுவடை செய்யும் முறை: செடியை வேரோடு பிடுங்காமல், தரையில் இருந்து 1 அங்குல உயரத்திற்கு மேலே கத்தரிக்கோல் கொண்டு வெட்டி எடுத்தால், அதே செடியில் இருந்து மீண்டும் புதிய தழைகள் துளிர்த்து வளரும். இதையும் கிளிக் செய்யவும் - E-Scooter Subsidy: இ-ஸ்கூட்டர் வாங்க அரசு மானியம்! யாரெல்லாம் விண்ணப்பிக்கலாம்?

ஒரு சராசரி குடும்பத்தில் வாரத்திற்கு 2 முதல் 3 முறை கொத்தமல்லி வாங்குவது வழக்கமான ஒன்றாகும். ஒரு சிறிய கட்டு கொத்தமல்லி கடைகளில் ₹15 முதல் ₹20 வரை விற்கப்படுகிறது.

நேரடிச் சேமிப்பு: கடையில் வாங்கும் போது மாதம் ₹150 முதல் ₹300 வரை கொத்தமல்லிக்காக மட்டும் செலவாகிறது. வீட்டில் வளர்க்க ஆகும் ஆரம்பச் செலவு (விதை மற்றும் மண்) மிகக் குறைவு என்பதால், மாதம் தோறும் இந்தத் தொகையை நேரடியாகச் சேமிக்க முடியும்.

மறைமுகச் சேமிப்பு: கடைகளில் விற்கப்படும் கொத்தமல்லியில் பூச்சிக்கொல்லி மருந்துகள் மற்றும் கழிவுநீர் தெளிக்கப்பட்டிருக்க வாய்ப்புள்ளது. வீட்டில் இயற்கை முறையில் வளர்க்கும் கொத்தமல்லியை உண்பதால் உடல் ஆரோக்கியம் மேம்பட்டு, மருத்துவச் செலவுகள் பெருமளவில் குறையும். இதையும் கிளிக் செய்யவும் - Farmers Subsidy: விவசாயிகள் வங்கி கணக்கில் ரூ.2.80 லட்சம்.! 50% வரை மானியம்.! யாருக்கு கிடைக்கும்?

நிச்சயமாக! குறைந்த முதலீட்டில், குறுகிய காலத்தில் அதிக லாபம் தரும் ஒரு சிறந்த சிறு தொழில் வாய்ப்பாக கொத்தமல்லி சாகுபடி திகழ்கிறது.

செங்குத்து விவசாயம் (Vertical Farming): வீட்டின் மொட்டை மாடியில் பல அடுக்குகள் கொண்ட ஸ்டாண்டுகளை அமைத்து குறைந்த இடத்தில் பெருமளவில் கொத்தமல்லி வளர்க்கலாம்.

ஹைட்ரோபோனிக்ஸ் (Hydroponics) முறை: மண்ணே இல்லாமல் தண்ணீர் மற்றும் ஊட்டச்சத்து கரைசலை மட்டும் பயன்படுத்தி நவீன முறையில் கொத்தமல்லி வளர்க்கலாம். இம்முறையில் செடிகள் மிக விரைவாகவும் ஆரோக்கியமாகவும் வளரும்.

விற்பனை மற்றும் லாபம்: "ரசாயனமற்ற இயற்கை முறையில் வளர்க்கப்பட்ட பிரஷ் கொத்தமல்லி" என்ற பெயரில் உங்கள் பகுதியில் உள்ள வீடுகள், இயற்கை அங்காடி (Organic stores), உணவகங்கள் மற்றும் சூப்பர் மார்க்கெட்டுகளுக்கு நேரடியாக விற்று நல்ல நிலையான வருமானம் ஈட்டலாம். இதையும் கிளிக் செய்யவும் -D-Mart Return & Exchange: டி-மார்ட்டில் வாங்கிய பொருளில் பிரச்சினை இருந்தால் என்ன செய்ய வேண்டும்?

கொத்தமல்லி வெறும் சமையல் அலங்காரப் பொருள் மட்டுமல்ல; அதில் ஏராளமான சுவையான உணவுகளையும் மருத்துவப் பயன்பாடுகளையும் செய்ய முடியும்.

சுவையான உணவுகள்: கொத்தமல்லி சட்னி, கொத்தமல்லி சாதம், கொத்தமல்லி சூப், கொத்தமல்லி தொக்கு, மற்றும் துவையல் செய்து சாப்பிடலாம். இது உணவுக்குத் தனி சுவையையும் நறுமணத்தையும் தரும்.

ஆரோக்கிய பானம் (Detox Drink): காலையில் வெறும் வயிற்றில் கொத்தமல்லி தழைகளைச் சிறிதளவு தண்ணீர் சேர்த்து அடித்துச் சாறாகக் குடித்தால், உடலில் உள்ள நச்சுகள் அனைத்தும் வெளியேறும்.

மருத்துவப் பயன்பாடுகள்:

செரிமானக் கோளாறுகளைச் சரிசெய்து பசியைத் தூண்டும்.
இரத்தத்தில் உள்ள சர்க்கரையின் அளவைக் கட்டுப்படுத்த உதவும்.
கொத்தமல்லிச் சாற்றுடன் லேசாக மஞ்சள் தூள் கலந்து முகத்தில் தடவி வந்தால் முகப்பரு நீங்கி முகம் பொலிவு பெறும்.

வீட்டில் சிறிய தொட்டியில் கொத்தமல்லி வளர்ப்பது என்பது பணத்தைச் சேமிக்கும் ஒரு வழிமுறை மட்டுமல்லாமல், நம் குடும்பத்திற்கு நஞ்சில்லாத ஆரோக்கியமான உணவை வழங்கும் ஒரு சிறந்த வாழ்வியல் முறையாகும்!

Govt Scheme: ரூ.7.50 லட்சம் வரை மானியம் தரும் தமிழக அரசு.! விவசாயிகள் உடனே அப்ளை செய்ய வேண்டிய நேரம் இது.!

Vedarethinam Ramalingam — Wed, 30 Sep 2026 08:47:45 +0530

தமிழ்நாடு அரசு வேளாண்மை - உழவர் நலத்துறை மற்றும் வேளாண்மைப் பொறியியல் துறை இணைந்து வழங்கும் ரூ.7.50 லட்சம் வரை மானியத்துடன் கூடிய புதிய திட்டம் விவசாயிகளுக்காக காத்திருக்கு.! உடனே விண்ணப்பிக்க வேண்டிய நேரம் வந்தாச்சு.!

தமிழ்நாடு அரசு விவசாயிகள் மற்றும் கிராமப்புற இளைஞர்களின் நலனைக் கருத்தில் கொண்டு பல்வேறு முன்னோடித் திட்டங்களைச் செயல்படுத்தி வருகிறது. அந்த வகையில், வேளாண்மைப் பொறியியல் துறை மூலம் அறிவிக்கப்பட்டுள்ள "வேளாண் இயந்திரங்கள் மற்றும் சூரிய சக்தியால் இயங்கும் பம்புசெட்டுகளைப் பழுது நீக்கிப் பராமரிக்கும் மையங்கள் அமைக்கும் திட்டம்" பெரும் வரவேற்பைப் பெற்றுள்ளது. இத்திட்டத்தின் கீழ் ரூ.7.50 லட்சம் வரை அரசு மானியம் வழங்கப்படுவதால், இது தொழில்முனைவோர்களுக்கும் இளைஞர்களுக்கும் ஒரு பொன்னான வாய்ப்பாகும்.

தற்போதைய காலகட்டத்தில் விவசாயத்தில் ஆட்களின் பற்றாக்குறையைக் குறைக்கவும், உற்பத்தித் திறனை அதிகரிக்கவும் டிராக்டர்கள், அறுவடை இயந்திரங்கள் மற்றும் சூரிய சக்தியால் இயங்கும் பம்புசெட்டுகள் போன்ற நவீனக் கருவிகளின் பயன்பாடு பெருமளவில் அதிகரித்துள்ளது. இருப்பினும், கிராமப்புறங்களில் இவை பழுதடையும் போது, அவற்றைக் உடனடியாகச் சீரமைக்கப் போதிய பராமரிப்பு மையங்கள் இல்லாத நிலை உள்ளது. இக்குறையைப் போக்கி, விவசாயிகளுக்கு உடனுக்குடன் சேவை வழங்கிடவும், அதே நேரத்தில் கிராமப்புற இளைஞர்களுக்குச் சுயதொழில் வாய்ப்பை உருவாக்கவுமே இத்திட்டம் அறிமுகப்படுத்தப்பட்டுள்ளது.

இத்திட்டத்தின் மிக முக்கியச் சிறப்பம்சமே அரசு வழங்கும் பெருந்தொகை மானியம்தான். ரூ.15 லட்சம் மதிப்பீட்டில் அமைக்கப்படும் வேளாண் இயந்திரங்கள் பழுது நீக்கும் மையங்களுக்கு 50 சதவீத அரசு மானியம் வழங்கப்படுகிறது. அதாவது, தகுதியுள்ள பயனாளிகளுக்கு அதிகபட்சமாக ரூ.7.50 லட்சம் வரை மானியத் தொகை கிடைக்கிறது. இது புதிய தொழில் தொடங்க விரும்பும் இளைஞர்களின் நிதிச் சுமையைக் கணிசமாகக் குறைக்கிறது.

இத்திட்டத்தின் கீழ் மானியம் பெற விரும்புவோர் பின்வரும் குறிப்பிட்ட தகுதிகளைப் பெற்றிருக்க வேண்டும்:

விண்ணப்பதாரர்கள்: தொழில்முனைவோர்கள் மற்றும் கிராமப்புறத்தைச் சேர்ந்த இளைஞர்கள் இத்திட்டத்திற்கு விண்ணப்பிக்கத் தகுதியானவர்கள் ஆவர்.

நிலம் மற்றும் மின் இணைப்பு: பழுது நீக்கும் மையம் அமைப்பதற்குச் சொந்தமாகப் போதுமான இடம் இருக்க வேண்டும். அத்துடன் மையத்தை இயக்குவதற்கு மும்முனை மின் இணைப்பு (Three-phase power connection) வசதி அவசியமாகும்.

நடமாடும் பராமரிப்பு மையங்கள்: ஒரு இடத்திலிருந்து மற்றொரு இடத்திற்குச் சென்று சேவை வழங்கும் 'நடமாடும் பழுது நீக்கும் மையங்கள்' அமைக்க விரும்பினால், பயனாளியின் பெயரில் சொந்தமாக வாகனம் இருக்க வேண்டும்.

இத்திட்டத்தில் சேர்ந்து பயன்பெற விரும்புவோர் மிக எளிமையாக விண்ணப்பிக்கலாம்.

QR கோடு ஸ்கேன் முறை: அரசு வெளியீடு செய்துள்ள விளம்பரத்தில் உள்ள QR குறியீட்டை (QR Code) ஸ்மார்ட்போன் மூலம் ஸ்கேன் செய்து, உங்களது விருப்பத்தை ஆன்லைன் வாயிலாகப் பதிவு செய்யலாம்.

நேரடித் தொடர்பு: மேலும் இத்திட்டம் குறித்த முழுமையான விவரங்களை அறியவும், விண்ணப்ப நடைமுறைகளைச் செய்யவும் உங்கள் மாவட்டத்தில் உள்ள வேளாண்மைப் பொறியியல் துறையின் உதவி செயற்பொறியாளர் (வே. பொ) அலுவலகத்தை நேரடியாகத் தொடர்புகொள்ளலாம்.

வேளாண் துறையில் தடையற்ற சேவையை வழங்கி, சுயதொழில் மூலம் நிலையான வருமானம் ஈட்ட நினைப்பவர்களுக்கு இதுவொரு அருமையான வாய்ப்பாகும். குறைந்த முதலீட்டில் அரசின் பெரிய அளவிலான மானிய உதவியுடன் தொழிலைத் தொடங்க விரும்புவோர் தாமதிக்காமல் உடனே விண்ணப்பித்து பயன்பெற வேண்டிய தருணம் இதுவே ஆகும்.

தமிழ்நாடு அரசின் வேளாண்மை - உழவர் நலத்துறை மற்றும் வேளாண்மைப் பொறியியல் துறை இணைந்து செயல்படுத்தும் இத்திட்டம், சென்னை தவிர்த்துத் தமிழ்நாட்டின் அனைத்து மாவட்டங்களுக்கும் பொருந்தக்கூடிய ஒன்றாகும். தமிழ்நாட்டின் எந்தவொரு மாவட்டத்தைச் சேர்ந்த கிராமப்புற இளைஞர்கள், விவசாயிகள் மற்றும் ஆர்வமுள்ள தொழில்முனைவோர்களும் இத்திட்டத்திற்கு விண்ணப்பித்துப் பயனடையலாம்.

குறிப்பாக, டிராக்டர்கள், அறுவடை இயந்திரங்கள் மற்றும் சூரிய சக்தியால் இயங்கும் பம்புசெட்டுகள் அதிக அளவில் பயன்படுத்தப்படும் கிராமப்புறப் பகுதிகளில் இத்தகைய பழுது நீக்கும் மையங்களுக்கான தேவை அதிகமாக உள்ளது. எனவே, உங்கள் மாவட்டம் எதுவாக இருப்பினும், உங்களது பகுதியில் வேளாண் இயந்திரப் பராமரிப்பு மையங்கள் குறைவாக இருந்தால் இத்திட்டத்தின் மூலம் உடனடியாக பயன்பெற வாய்ப்புள்ளது.

விண்ணப்பிக்க விரும்பும் விவசாயிகள் மற்றும் இளைஞர்கள் தங்கள் சொந்த மாவட்டத்தில் இயங்கி வரும் வேளாண்மைப் பொறியியல் துறையின் உதவி செயற்பொறியாளர் (AED - Assistant Executive Engineer) அலுவலகத்தை நேரடியாகத் தொடர்புகொள்ளலாம். அல்லது அரசின் அதிகாரப்பூர்வ விளம்பரத்தில் கொடுக்கப்பட்டுள்ள QR குறியீட்டை ஸ்கேன் செய்து ஆன்லைன் வாயிலாகவும் தங்களின் விருப்பப் பதிவை உடனடியாகச் செய்யலாம்.