குழந்தைகளிடையே அதிகரிக்கும் டெங்கு பாதிப்பு: பெற்றோர்கள் மனதில் கொள்ள வேண்டியவை என்ன?

மழைக்காலம் தொடங்கி விட்டாலே, பருவகால நோய்கள் தொடர்பான அச்சுறுத்தலும் அதிகரித்துவிடும். குறிப்பாக டெங்கு, மலேரியா போன்ற நோய்கள் வேகமாக பரவும். அந்த வகையில் தலைநகர் டெல்லியில் டெங்கு பாதிப்பு அதிகரித்து வர்கிறது. ஜூலை முதல் பாதியில் 40 க்கும் மேற்பட்ட பாதிப்புகள் பதிவாகியுள்ளன. இடைவிடாத மழை மற்றும் சாலைகளில் தேங்கிய வெள்ளம் ஆகியவற்றால் கொசுக்கள் பெருகுவதற்கான வாய்ப்புகள் அதிகரித்தள்ளது. இதனால் தொற்று நோய்கள் பரவும் அபாயம் உள்ளது. 

அதிலும் குழந்தைகளுக்கு டெங்கு பரவும் ஆபத்து அதிமாக உள்ளது. திடீரென காய்ச்சல், கண்களுக்குப் பின்னால் வலி, கடுமையான தலைவலி, தசைவலி, சொறி போன்றவை டெங்குவின் ஆரம்ப அறிகுறிகளாகும். பெற்றோர்கள் இந்த எச்சரிக்கை அறிகுறிகளுக்கு கவனம் செலுத்த வேண்டும். மேலும் இந்த அறிகுறிகள் இருந்தால் உடனடியாக மருத்துவரை அணுக வேண்டும்.

குழந்தை நல மருத்துவர் இதுகுறித்து பேசிய போது "கடந்த சில நாட்களாக குழந்தைகளில் டெங்கு பாதிப்பு அதிகரித்து வருகிறது, கடந்த இரண்டு மாதங்களுடன் ஒப்பிடும்போது இந்த டெங்கு பாதிப்பு எண்ணிக்கை 15-20% அதிகரித்துள்ளது. இருப்பினும், சமீபத்தில், 5-15 வயதுக்குட்பட்ட குழந்தைகளிடையே வழக்குகள் குறிப்பிடத்தக்க அளவில் அதிகரித்துள்ளன. இந்த உயர்வு பள்ளி மற்றும் பிற செயல்பாடுகளுக்கு காரணமாக இருக்கலாம்.” என்று தெரிவித்தார்.

பெற்றோர் மனதில் வைக்க வேண்டிய விஷயங்கள்

பெற்றோர்கள் தங்கள் குழந்தைகள் முழுக் கை மற்றும் ஆடைகளை அணிவதை உறுதி செய்ய வேண்டும். கொசு விரட்டி கிரீம்களைப் பயன்படுத்துவது அறிவுறுத்தப்படுகிறது, மேலும் இருட்டிய பிறகு கதவுகள் மற்றும் ஜன்னல்களை மூட வேண்டும். மழைக்காலத்தில், பெற்றோர் மற்றும் குழந்தைகள் இருவரும் கூடுதல் எச்சரிக்கையுடன் இருக்க வேண்டும், குறிப்பாக காய்ச்சல் ஏற்பட்டால், சுயமாக மருந்துகள் எடுப்பதை தவிர்க்க வேண்டும். உடனடியாக மருத்துவ உதவியை நாடுவது அவசியம். முழு மூடிய ஆடைகளை அணிவது, கொசு விரட்டி க்ரீம்களை உடலில் வெளிப்படும் பகுதிகளில் தடவுவது போன்ற தடுப்பு நடவடிக்கைகளை மேற்கொள்ளலாம். கதவுகள் மற்றும் ஜன்னல்களை மூடுவது போன்ற நோய் பரவும் அபாயத்தை குறைக்கலாம்.

குழந்தைகளுக்கு டெங்கு அறிகுறிகள்

டெங்கு காய்ச்சல் பொதுவாக நோய்த்தொற்றுக்கு 4-10 நாட்களுக்குப் பிறகு அறிகுறிகளை வெளிப்படுத்துகிறது என்பதைக் கவனத்தில் கொள்ள வேண்டும். பெற்றோர்கள் தங்கள் குழந்தைகளுக்கு டெங்குவின் ஆரம்ப அறிகுறிகளைக் குறித்து விழிப்புடன் இருக்க வேண்டும்.

அறிகுறிகள் மாறுபடும் போது, டெங்கு தொற்றைக் குறிக்கும் தனித்துவமான அறிகுறிகளை கவனிக்க வேண்டியது அவசியம். இதில் திடீர் உயர்தர காய்ச்சல், கடுமையான தலைவலி (குறிப்பாக கண்களுக்குப் பின்னால்), உடல்வலி, மூட்டு வலி மற்றும் சில நாட்களுக்குப் பிறகு தோன்றும் சொறி ஆகியவை அடங்கும். மற்ற அறிகுறிகளை கவனத்தில் கொள்ள வேண்டும். 

மூளையை உண்ணும் அமீபாவால் 2 வயது குழந்தை மரணம்.. அதன் அறிகுறிகள் என்னென்ன?

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• dengue
• dengue fever
• dengue fever in children
• dengue fever symptoms
• dengue fever symptoms in children
• dengue fever symptoms in hindi
• dengue fever treatment
• dengue in children
• dengue signs and symptoms
• dengue symptoms
• dengue symptoms in babies in hindi
• dengue symptoms in children
• dengue symptoms in children in hindi
• dengue symptoms in infants
• dengue symptoms in kids
• dengue treatment
• dengue treatment in children
• how to prevent dengue in children