பாகிஸ்தான், இந்தியாவை தோற்கடித்தால் சூப்பர் 8 சுற்றுக்கு முன்னேறுமா?

பாகிஸ்தான் இன்று விளையாடும் இந்தியாவிற்கு எதிரான போட்டியில் வெற்றி பெற்றாலும் கூட சூப்பர் 8 சுற்றுக்கு முன்னேறுவதில் சிக்கல் ஏற்படும்.

IND vs PAK, T20 World Cup 2024

இந்தியா மற்றும் பாகிஸ்தான் அணிகளுக்கு இடையிலான 19ஆவது போட்டி இன்று இரவு 8 மணிக்கு நியூயார்க்கில் நடைபெறுகிறது. இதுவரையில் இந்தியா விளையாடிய போட்டியில் வெற்றி பெற்று புள்ளிப்பட்டியலில் 2ஆவது இடத்தில் உள்ளது. இதே போன்று பாகிஸ்தான் விளையாடிய ஒரு போட்டியில் தோல்வி அடைந்து புள்ளிப்பட்டியலில் 4ஆவது இடத்தில் உள்ளது.

இதுவரையில் இரு அணிகளும் மோதிய 7 டி20 உலகக் கோப்பை போட்டிகளில் இந்தியா 5 போட்டிகளில் வெற்றி பெற்றுள்ளது. பாகிஸ்தான் ஒரு போட்டியில் வெற்றி பெற்றுள்ளது. ஒரு போட்டி டையில் முடிந்துள்ளது. குரூப் ஏ பிரிவில் இடம் பெற்றுள்ள அமெரிக்கா 2 போட்டிகளில் விளையாடிய 2 போட்டியிலும் வெற்றி பெற்று புள்ளிப்பட்டியலில் நம்பர் 1 இடத்தில் உள்ளது.

இந்தியா 2 ஆவது இடத்தில் உள்ளது. கனடா விளையாடிய 2 போட்டிகளில் ஒரு போட்டியில் வெற்றியும், ஒரு போட்டியில் தோல்வியும் அடைந்து புள்ளிப்பட்டியலில் 3ஆவது இடத்தில் உள்ளது. பாகிஸ்தான் விளையாடிய ஒரு போட்டியிலும் தோல்வி அடைந்து புள்ளிப்பட்டியலில் 4ஆவது இடத்தில் உள்ளது.

இதே போன்று அயர்லாந்து விளையாடிய 2 போட்டியிலும் தோல்வி அடைந்து புள்ளிப்பட்டியலில் கடைசி இடத்தில் உள்ளது. எஞ்சிய 2 போட்டியில் வெற்றி பெற்றாலும் கூட அயர்லாந்து சூப்பர் 8 சுற்றுக்கு முன்னேறுவதில் சிக்கல் ஏற்படும் என்பது குறிப்பிடத்தக்கது.

இன்று நடைபெறும் பாகிஸ்தானுக்கு எதிரான போட்டியில் இந்தியா வெற்றி பெற்றால் சூப்பர் 8 சுற்றுக்கு முன்னேறும் வாய்ப்பு அதிகமாகும். ஆனால், பாகிஸ்தான் வெற்றி பெற்றால் சூப்பர் 8 சுற்றுக்கு முன்னேறுவதில் சிக்கல் ஏற்படும். நெட் ரன் ரேட் அடிப்படையில் பாகிஸ்தான் 0 புள்ளிகள் பெற்றுள்ளது.

அமெரிக்கா, இந்தியா மற்றும் பாகிஸ்தான் அணிகள் தலா 3 போட்டிகளில் வெற்றி பெற்று 6 புள்ளிகளுடன் அடுத்தடுத்து இடங்களை பிடித்தால் நெட்ரன் ரேட் அடிப்படையில் முதல் 2 இடங்களை பிடிக்கும் அணிகள் தான் சூப்பர் 8 சுற்றுக்கு முன்னேறும்.

பாகிஸ்தானுக்கு எதிரான போட்டியில் இந்தியா வெற்றி பெற்றால் 4 புள்ளிகளுடன் 2ஆவது இடம் பிடிக்கும். இதே போன்று அமெரிக்காவிற்கு எதிரான போட்டியில் இந்தியா வெற்றி பெற்றாலும், அயர்லாந்துக்கு எதிரான போட்டியில் அமெரிக்கா வெற்றி பெற்றால் இரு அணிகளும் தலா 6 புள்ளிகளுடன் சூப்பர் 8 சுற்றுக்கு முன்னேறும் என்பது குறிப்பிடத்தக்கது.