மக்களே உஷார்.. இன்று சென்னை.. நாளை தமிழ்நாடு - தமிழ்நாட்டில் கனமழை கொட்டப்போகுது - வானிலை மையம் அப்டேட்
கடந்த சில நாட்களாக மழை பெய்து வரும் நிலையில், சென்னை மற்றும் தமிழ்நாடு வானிலை குறித்து தமிழ்நாடு வெதர்மேன் மற்றும் வானிலை மையம் முக்கிய எச்சரிக்கையை விடுத்துள்ளது.
Tn Rains
தமிழ்நாடு வெதர்மேன் ஜான் பிரதீப் வெளியிட்டுள்ள பதிவில், இன்று KTCC (சென்னை மற்றும் அதைச் சுற்றியுள்ள மாவட்டங்கள்) நாளாக இன்று இருக்கப் போகிறது. மேலும் இந்த மாதத்தின் பிற்பகுதியில் KTCC, வேலூர், ராணிப்பேட்டை, து.மாலை, டெல்டா, உள்பகுதிகள், தெற்கு பகுதி உட்பட தமிழ்நாடு முழுவதும் இடியுடன் கூடிய மழை பெய்யும்” என்று தெரிவித்துள்ளார்.
Tamilnadu rains
சென்னை வானிலை மையம் வெளியிட்டுள்ள அறிக்கையில், “நேற்று (15.09.2023) காலை கிழக்கு மத்திய பிரதேசம் மற்றும் அதனை ஒட்டிய பகுதிகளில் நிலவிய ஆழ்ந்த காற்றழுத்த தாழ்வு பகுதி மேற்கு திசையை நோக்கி நகர்ந்தது. 2.மேற்கு திசை காற்றின் வேகமாறுபாடு காரணமாக, 16.09.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.
Chennai rains
செங்கல்பட்டு, காஞ்சிபுரம், விழுப்புரம், கள்ளக்குறிச்சி, கடலூர் மாவட்டங்கள் மற்றும் புதுச்சேரியில் ஒரிய இடங்களில் கனமழை பெய்ய வாய்ப்புள்ளது. 17.09.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். கடலூர், கள்ளக்குறிச்சி, அரியலூர், பெரம்பலூர், மயிலாடுதுறை, திருச்சிராப்பள்ளி, தஞ்சாவூர், புதுக்கோட்டை, நாகப்பட்டினம், திருவாரூர் மாவட்டங்கள் மற்றும் காரைக்கால் பகுதிகளில் ஓரிய இடங்களில் கனமழை பெய்ய வாய்ப்புள்ளது.
TN Weather Update
18.09.2023 மதல் 20.09.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் சரி இடங்களில் லேசானது முதல் மிதமான மழை பெய்யக்கூடும். 21.09.2023 மற்றும் 22.09.2023: தமிழ்நாடு, புதுச்சேரி மற்றும் காரைக்கால் பகுதிகளில் ஊருசில இடங்களில் லேசானது முதல் மிதமான மழை பெய்யக்கூடும்.
Weather Update
சென்னையை பொறுத்தவரை, அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மின்னதுடன் கூடிய லேசான/மிதமான மழை பெய்யக்கூடும். அதிகபட்ச வெப்பநிலை 36 டிகிரி செல்சியஸ் மற்றும் குறைந்தபட்ச வெப்பநிலை 27-28 டிகிரி செல்சியஸை வட்டியும் இருக்கக்கூடும்” என்றும் வானிலை மையம் தெரிவித்துள்ளது.
விநாயகர் சதுர்த்தி சர்ப்ரைஸ்.. அரசு ஊழியர்களுக்கு அகவிலைப்படி உயர்வு.. முழு விபரம் இதோ !!
