Vikram Box office: அடிதூள்...உலகம் முழுவதும் செம்ம வசூல் வேட்டை நடத்திய விக்ரம் படம்....படு குஷியில் ரசிகர்கள்

Vikram Box office Collection Worldwide: கமல் நடிப்பில், விக்ரம் திரைப்படம் இரண்டு வாரங்களை கடந்தும், உலகம் முழுவதும் செம்ம வசூல் வேட்டை நடத்தி வருகிறதாம்.

Kamal Haasan Vikram

உலக நாயகன் கமல் நடிப்பில், லோகேஷ் கனகராஜ் இயக்கத்தில்  கடந்த ஜுன் 3ம் தேதி வெளியான திரைப்படம் விக்ரம். இந்த படத்தில் கமலுடன் இணைந்து, விஜய்சேதுபதி, பக்த் பாசில், சூர்யா ஆகியோர் முக்கிய கதாபாத்திரத்தில் நடித்துள்ளனர். இந்த படம் ரசிகர்களின் பேராதரவை பெற்று பிளாக் பஸ்டர் வரவேற்பை பெற்று வருகிறது. 

vikram movie

லோகேஷின் பக்கா ஆக்‌ஷன் திரைப்படமாக வெளியான விக்ரம் திரைப்படம் இதுவரை இல்லாதளவு வசூல் சாதனைகளை நிகழ்த்தி வருகிறது. இன்னும் திரையரங்குகளில் மக்கள் கூட்டம் அலைமோதி காணப்படுவதால், விக்ரம் திரைப்படம் உலகளவில் செம்ம வசூல் வேட்டை நடத்தி வருகிறது. அதன்படி, உலகம் முழுவதும் படம் 10 நாட்களில் ரூ. 300 கோடிக்கு மேல் வசூல் சாதனை செய்துள்ளது. 

Vikram

விக்ரம் திரைப்படம் ரிலீஸ் ஆகி இன்றுடன் 14 நாட்கள் ஆகின்றன. இருப்பினும், ரூ. 120 முதல் ரூ. 150 கோடி பட்ஜெட்டில் தயாரான விக்ரம் படத்தின் வசூல் வேட்டை குறைந்த பாடு இல்லை. தமிழகத்தில் மட்டும் படம் இதுவரை ரூ. 142 கோடி வரை வசூலித்துள்ளதாம். 

அதேபோன்று, உலகம் முழுவதிலும் விக்ரம் படம் புதிய சாதனை படைத்துள்ளது. அதன்படி, உலகம் முழுவதும் படம் மொத்தமாக ரூ. 340 கோடி வரை வசூலித்துள்ளதாம், வரும் நாட்களில் படம் ரூ. 350 கோடியை எட்டும் என்கின்றனர் சினிமா துறை வல்லுநர்கள். மேலும், இந்த வருடம் இதுவரை வெளியான படங்களிலேயே அதிரடி வசூல் வேட்டை நடத்தும் படமாக விக்ரம் அமைந்துள்ளது குறிப்பிட்டத்தக்கது.