Leo Movie: அடேங்கப்பா லியோ இத்தனை திரையரங்குகளில் ரிலீஸ் ஆகிறதா? சிறப்பு காட்சி குறித்து வெளியான தகவல்!

லியோ திரைப்படம் தளபதி ரசிகர்களின் மிகப்பெரிய எதிர்பார்ப்புக்கு மத்தியில் அக்டோபர் 19-ஆம் தேதி ரிலீசாக உள்ள நிலையில், இந்த படம் எத்தனை திரையரங்குகளில் ரிலீஸ் ஆகிறது மற்றும் சிறப்பு காட்சி குறித்த தகவல்கள் வெளியாகியுள்ளது. 

Leo Movie

செப்டம்பர் 30-ஆம் தேதி, லியோ படத்தின் ஆடியோ லான்ச் நடத்த திட்டமிடப்பட்டிருந்த நிலையில், பின்னர் ரசிகர்களின் பாதுகாப்பு கருதி, இசைவெளியீட்டு விழா நிறுத்தப்பட்டதாக படக்குழு அறிவித்தது.

Leo Audio Launch

ஆடியோ லான்ச் கைவிடப்பட்டாலும், படத்திற்கான புரோமோஷன் பணிகளுக்காவது படக்குழு ஏதேனும் நிகழ்ச்சி நடத்துவார்களா? என எதிர்பார்க்கப்பட்டது. ஆனால் இன்னும் சில தினங்களே எஞ்சி உள்ளதால்  படக்குழு சார்பில் இருந்து எந்த நிகழ்ச்சியும் நடத்த நேரமில்லை என்பதால், நேரடியாக படத்தை திரைக்கு கொண்டு வரும் முயற்சியில் படக்குழு தீவிரம் காட்டி வருகிறார்கள்.

Badass Song

எனினும் ரசிகர்களை உற்சாகப்படுத்தும் விதமாக, 'லியோ' படத்தில் இருந்து அடிக்கடி அப்டேட் வெளியாகும் என தெரிவிக்கப்பட்டது. அதன்படி  நேற்று லியோ படத்தில் இருந்து பட்டாஸ் என்கிற இரண்டாவது சிங்கிள் பாடலை வெளியிட்டு ரசிகர்களை உற்சாகப்படுத்தியது படக்குழு.

Leo movie Released 900 Theatres:

இதனைத் தொடர்ந்து, லியோ திரைப்படம் சுமார் 900 திரைகளில் வெளியிடும் சாதனை முயற்சியில் படக்குழு தீவிரம் காட்டி வருவதாக கூறப்படுகிறது. லியோ படத்துடன் எந்த படமும் திரைக்கு வராத நிலையில் திரையரங்கு உரிமையாளர்களும் அனைத்து திரைகளிலும் விஜயின் லியோ படத்தை திரையிட தயாராக உள்ளனர்.

No Special Show

அதே நேரம் படத்தின் சிறப்புக் காட்சிக்கோ, படம் தொடர்பான நிகழ்ச்சிகளோ நடத்துவதற்கு எந்த முகாந்திரமும் இல்லை என படக்குழு நெருங்கிய வட்டாரத்தினர் தகவல் தெரிவித்துள்ளது. இது தளபதி ரசிகர்களுக்கு மிகப்பெரிய ஏமாற்றம் என்பது குறிப்பிடத்தக்கது.