'வேட்டையன்' பட பிடிப்பில் கோட்டு சூட்டில் கலக்கும் தலைவர்.. அமிதாப் பச்சனுடன் எடுத்து கொண்ட போட்டோஸ் வைரல்!

'வேட்டையன்' படபிடிப்பில் பாலிவுட் நடிகர் அமிதாபச்சன் உடன் இணைந்து, ரஜினிகாந்த் எடுத்துக் கொண்டுள்ள ஸ்டைலிஷ் புகைப்படங்கள் சமூக வலைதளத்தில் வைரலாகி வருகிறது. 

சூப்பர் ஸ்டார் ரஜினிகாந்த் தற்போது 'ஜெய் பீம்' பட இயக்குனர் ஞானவேல் ராஜா இயக்கி வரும் 'வேட்டையன்' என்கிற படத்தில் நடித்து வருகிறார். போலீஸ் அதிகாரியாக இந்த படத்தில் ரஜினிகாந்த் நடித்து வருகிறார்.  என்கவுண்டருக்கு எதிராக போராடிய காவல்துறை அதிகாரியின் உண்மை கதையை மையமாக வைத்து இந்த படம் உருவாகியுள்ளது.

இந்த படத்தில் ரஜினிகாந்துக்கு ஜோடியாக மலையாள நடிகை மஞ்சு வாரியர் நடிக்கிறார். மேலும் அமிதாப்பச்சன், ரஜினிகாந்தின் மேல் அதிகாரியாக நடிக்கிறார். இவர்களை தவிர பகத் பாஸில், ராணா டகுபதி, ரித்திகா சிங், துஷரா விஜயன் உள்ளிட்ட பலர் முக்கிய வேடத்தில் நடிக்கின்றனர். இந்த படத்தை லைக்கா நிறுவனம் மிகப் பிரமாண்ட பட்ஜெட்டில் தயாரித்து வருகிறது.

ஜெயிலர் படத்தைத் தொடர்ந்து, ரஜினிகாந்த் நடிக்கும் இந்த படத்திற்கும் அனிருத் இசையமைக்கிறார். மேலும் சமீபத்தில் இந்த படம் குறித்து வெளியான தகவலில்... இப்படத்தில் ரஜினிகாந்துக்கு பிரமாண்ட இன்ட்ரோ பாடல் ஒன்று உள்ளதாகவும், இதில் ரஜினிகாந்துடன் இணைந்து அனிருத்தும் டான்ஸ் ஆட உள்ளதாக தெரிவிக்கப்பட்டிருந்தது.

இறுதிக்கட்டத்தை எட்டியுள்ள இப்படத்தின் படப்பிடிப்பை,  தற்போது படக்குழுவினர் மும்பையில் நடத்தி வருகின்றனர். ஏற்கனவே கடந்த ஆண்டு மும்பையில் இப்படத்தின் படப்பிடிப்பு எடுக்கப்பட்ட போது, அமிதாப்பச்சனுடன் இணைந்து, ரஜினிகாந்த் எடுத்துக்கொண்ட சில புகைப்படங்கள் சமூக வலைதளத்தில் வைரலாகின. இதைத் தொடர்ந்து தற்போது நடந்து வரும் படப்பிடிப்பில், ரஜினிகாந்த் மற்றும் அமிதாப்பச்சன் இருவருமே மிகவும் ஸ்டைலிஷான தோற்றத்தில் கோட் சூட் அணிந்து நடிக்கிறார்கள் கண்ணை கவரும் விதத்தில் உள்ள இந்த போட்டோஸ் தற்போது சமூக வலைத்தளத்தில் வைரலாகி வருகிறது.