'கல்வி விருது விழா' தளபதியின் மாஸ் என்ட்ரி முதல்.. வைர மோதிரம் - ஊக்கத்தொகை வழங்கியது வரை! வைரல் போட்டோஸ்!

தளபதி விஜய் 10 மற்றும் 12-ஆம் வகுப்பு மாணவ மாணவிகளுக்கு கல்வி விருது வழங்கும் விழா முதல் கட்டமாக இன்று நடந்து வரும் நிலையில், இதுகுறித்த போட்டோஸ் தற்போது வெளியாகி வைரலாகி வருகிறது.

தமிழி சினிமாவில் ரூ.200 கோடி சம்பளம் வாங்கும் உச்ச நடிகராக இருக்கும் தளபதி விஜய், கடந்த சில வருடங்களாகவே அரசியலில் அதிக ஆர்வம் காட்டி வந்த நிலையில், இசை வெளியீட்டு விழாக்களில் மட்டுமே அரசியல் பற்றி பாயிண்டு... பாயிண்டாக பேசி பரபரப்பை ஏற்படுத்தி வந்தார்.

இதை தொடர்ந்து, தன்னுடைய அரசியல் கட்சி குறித்த அறிவிப்பை திடீர் என அறிவித்த தளபதி த.வெ.க (தமிழக வெற்றிக் கழகம்) என தன்னுடைய அரசியல் கட்சியை தேர்தல் ஆணையத்திலும் பதிவு செய்து பரபரப்பை ஏற்படுத்தினார்.

அதே போல் அரசியல் கட்சி குறித்து அறிவித்த பின்னர், கோட், படத்தை தொடர்ந்து கமிட் ஆகியுள்ள 69-ஆவது படமே தன்னுடைய கடைசி திரைப்படம் என்றும், அதன் பின்னர் முழுமையாக அரசியலில் இருந்து விலக உள்ளதாக தெரிவித்தார்.

2026-ஆம் ஆண்டுக்கும் தன்னுடைய பட பணிகள் அனைத்தையும் முடித்துவிட்டு, முழுமையாக அரசியலில் குறித்து... அப்படியே சட்டசபை தேர்தலையும் சந்திக்க உள்ள தளபதி, அதற்கான ஆயத்த பணிகளில் தீவிர கவனம் செலுத்தி வருகிறார்.

அரசியலுக்கு வரும் முன்னரே பல நல்ல காரியங்களை செய்து வரும் விஜய், கடந்த ஆண்டு 234-சட்டமற்ற தொகுதியிலும் 10 மற்றும் 12-ஆம் வகுப்பில் முதல் 3 இடங்களை கைப்பற்றிய மாணவ - மாணவிகளுக்கு 'கல்வி விருது' என்கிற பெயரில் பரிசு, சான்றிதழ், ஊக்கத்தொகை கொடுத்து கௌரவித்தது போல் இந்த ஆண்டும் 'கல்வி விருது விழாவை' பிரம்மாண்டமாக நடத்தியுள்ளார்.

முதல்கட்டமாக இன்று சென்னையில் நடக்கும் நிகழ்ச்சியில் 500க்கும் மேற்பட்ட மாணவ மாணவிகள் தங்களின் குடும்பத்தினர் மற்றும் பெற்றோருடன் கலந்து கொண்டுள்ளனர். தமிழகத்தில் டாப் 3 இடத்தை பிடித்த மாணவ - மாணவிகளுக்கு வைர மோதிரம் பரிசாக கொடுத்தார் விஜய்.

மற்ற மாணவ மாணவிகளுக்கு 5000 ஊக்கத்தொகை, சில பரிசுகள் மற்றும் சான்றிதழ் கொடுத்து கௌரவித்தார். இன்று நடைபெற்ற நிகழ்ச்சிக்கு தளபதி வருகை தந்தது முதல்... பரிசுகள் வழங்கி கௌரவித்தது வரை, எடுக்கப்பட்ட புகைப்படங்கள் இதோ.