Today Gold Rate in Chennai : போற போக்க பார்த்தா தங்கமே வாங்க முடியாது போல.. தாறுமாறாக எகிறும் தங்கம் விலை.!
தங்கத்தின் விலை கடந்த சில நாட்களாக தொடர்ந்து ஏற்றம், இறக்கம் கண்டு வந்த நிலையில் இன்றைய தங்கம் மற்றும் வெள்ளி விலை நிலவரத்தை காணலாம்.
தங்கம் பெண்களுக்கு மிகவும் பிடித்தமான ஒன்றாகும். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் வகிக்கிறது. மேலும் தமிழ்நாட்டு பெண்களின் தங்க நகைகள் மீதான மோகம் மிகவும் அதிகம் என்பது அனைவரும் அறிந்த ஒன்றே. இந்நிலையில், தங்கம் விலை கடந்த 2 நாட்களாக உயர்ந்து வருகிறது.
நேற்றைய நிலவரப்படி சவரனுக்கு ரூ.160 உயர்ந்து ரூ.44,000-க்கு விற்பனையானது. அதேபோல், தங்கம் கிராமுக்கு ரூ.ரூ.20 உயர்ந்து ரூ.5,500க்கு விற்பனையானது.
இன்றைய (செப்டம்பர் 16) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.240 உயர்ந்து ரூ.44,240-ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.30 உயர்ந்து ரூ.5,530ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 6,000ஆக விற்பனையாகிறது. 24 கேரட் தங்கம் சவரன் ரூ. 48,000ஆக விற்பனையாகிறது.
வெள்ளி விலை 70 காசுகள் உயர்ந்து கிராம் வெள்ளி ரூ.78.20க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.78,200க்கும் விற்பனை செய்யப்படுகிறது.
