Tamannaah Bhatia: 'அரண்மனை 4' ஹிந்தி படத்தின் பிரிவியூ ஷோ பார்க்க காதலனுடன் வந்த தமன்னா!

நடிகை தமன்னா நடித்துள்ள அரண்மனை 4 திரைப்படத்தின் ஹிந்தி பதிப்பு நாளை வெளியாக  நிலையில், பிரிவியூ ஷோ பார்க்க காதலனுடன் வந்தார். இதுகுறித்த புகைப்படம் தற்போது வைரலாகிவருகிறது. 

நடிகை தமன்னா, பாலிவுட் வெப் சீரிஸானா 'லஸ்ட் ஸ்டோரியில்' நடிக்கும் போது... தமன்னாவுக்கு ஜோடியாக நடித்திருந்த விஜய் வர்மாவுடன் ஏற்பட்ட நட்பு பின்னர் காதலாக மாறியது. கடந்த இரண்டு வருடங்களாக இருவரும் டேட்டிங் செய்து வரும் நிலையில், இவர்களுக்கு இந்த ஆண்டு திருமணம் நடைபெறும் என கூறப்படுகிறது. தமன்னா மற்றும் விஜய் வர்மா குடும்பத்தினர் அதற்கான வேலைகளில் விரைவில் இறங்குவார்கள் என தெரிகிறது.

Tamannah Bhatia

திருமணத்திற்கு முன்பே தமன்னா, காதலருடன் டேட்டிங் செய்வதிலும் அவருடன் திரைப்பட விழாக்களிலும் கலந்து கொள்வதை வழக்கமாக வைத்துள்ள நிலையில், நேற்று புதன்கிழமை மாலை, இருவரும் ‘அரண்மனை 4’ ஹிந்தி பதிப்பின் பிரிவியூ ஷோ பார்த்து விட்டு வெளியேறியபோது எடுக்கப்பட்ட புகைப்படங்கள் மற்றும் வீடியோக்கள் தற்போது வைரலாகி வருகிறது.

தமன்னா பாட்டியா மற்றும் ராஷி கண்ணா நடித்துள்ள அரண்மனை 4 தமிழில் இந்த மாதம் வெளியானது. இதுவரை பாக்ஸ் ஆபிஸில் ரூ 100 கோடியைத் தாண்டியுள்ள இப்படத்தின் ஹிந்தி பதிப்பு மே 31 அன்று ((நாளை) திரையரங்குகளில் வெளியாக உள்ளது குறிப்பிடத்தக்கது.

தமன்னா வெள்ளை நிற சல்வாரில் காணப்பட்டார். விஜய் வர்மா கருப்பு மற்றும் பரப்பில் நிற ஷர்ட் மற்றும் கருப்பு நிற பேன்ட் அணிந்திருந்தார். இருவரும் மிகவும் நெருக்கமாக ஒருவருக்கொருவர் கைகளை கெட்டியாக பிடித்து கொண்டு கூடி இருந்த புகைப்பட கலைஞர்களுக்கு போஸ் கொடுத்தனர். தமன்னாவுக்கு அரண்மனை 4 திரைப்படம் வெற்றிப்படமாக அமைந்த நிலையில், தன்னுடைய சம்பளத்தியும் 4 கோடியில் இருந்து 5 கோடியாக இவர் உயர்த்தி விட்டதாக கூறப்படுகிறது.