அகமதாபாத்தில் ஐபிஎல் 2024 முதல் தகுதிச் சுற்று – டாஸ் வென்ற சன்ரைசர்ஸ் ஹைதராபாத் பேட்டிங்!

கொல்கத்தா நைட் ரைடர்ஸ் அணிக்கு எதிரான அகமதாபாத் மைதானத்தில் நடைபெறும் ஐபிஎல் 2024 முதல் தகுதிச் சுற்று போட்டியில் டாஸ் வென்ற சன்ரைசர்ஸ் ஹைதராபாத் கேப்டன் பேட் கம்மின்ஸ் பேட்டிங் தேர்வு செய்துள்ளார்.

KKR vs SRH IPL 2024

அகமதாபாத் மைதானத்தில் நடைபெறும் ஐபிஎல் 2024 தொடரின் முதல் தகுதிச் சுற்று போட்டியில் கொல்கத்தா நைட் ரைடர்ஸ் அணிக்கு எதிராக முதலில் டாஸ் வென்ற சன்ரைசர்ஸ் ஹைதராபாத் கேப்டன் பேட் கம்மின்ஸ் பேட்டிங் தேர்வு செய்துள்ளார். ஆனால், இந்த மைதானத்தில் 2ஆவது பேட்டிங் செய்த அணியே அதிகளவில் வெற்றி பெற்றிருக்கிறது. இரு அணிகளிலும் எந்தவித மாற்றங்களும் செய்யப்படவில்லை.

சன்ரைசர்ஸ் ஹைதராபாத்:

டிராவிஸ் ஹெட், அபிஷேக் சர்மா, ராகுல் திரிபாதி, நிதிஷ் ரெட்டி, ஹென்ரிச் கிளாசென் (விக்கெட் கீப்பர்), அப்துல் சமாத், ஷாபாஸ் அகமது, பேட் கம்மின்ஸ் (கேப்டன்), புவனேஷ்வர் குமார், விஜயகாந்த் வியாஷ்காந்த், டி நடராஜன்.

கொல்கத்தா நைட் ரைடர்ஸ்:

ரஹ்மானுல்லா குர்பாஸ் (விக்கெட் கீப்பர்), சுனில் நரைன், வெங்கடேஷ் ஐயர், ஷ்ரேயாஸ் ஐயர் (கேப்டன்), ரிங்கு சிங், ஆண்ட்ரே ரஸல், ரமன்தீப் சிங், மிட்செல் ஸ்டார்க், வைபவ் அரோரா, ஹர்ஷித் ராணா, வருண் சக்கரவர்த்தி.

நடப்பு ஆண்டுக்கான ஐபிஎல் தொடரில் கொல்கத்தா நைட் ரைடர்ஸ் விளையாடிய 14 போட்டிகளில் 9ல் வெற்றியும், 3ல் தோல்வியும் அடைந்துள்ளது. அதோடு 2 போட்டிகளுக்கு முடிவு இல்லை. மேலும், புள்ளிப்பட்டியலில் நம்பர் 1 இடம் பிடித்து பிளே ஆஃப் சுற்றுக்கு முதல் அணியாக தகுதி பெற்றது. இதே போன்று சன்ரைசர்ஸ் ஹைதராபாத் விளையாடிய 14 போட்டிகளில் 8ல் வெற்றியும், 5ல் தோல்வியும் அடைந்து புள்ளிப்பட்டியலில் 2ஆவது இடம் பிடித்தது. ஒரு போட்டிக்கு முடிவு இல்லை.

IPL 2024 KKR vs SRH 21 May 2024 live

இதற்கு முன்னதாக இரு அணிகளும் மோதிய 26 போட்டிகளில் 17 போட்டிகளில் கொல்கத்தா நைட் ரைடர்ஸ் வெற்றி பெற்றுள்ளது. சன்ரைசர்ஸ் ஹைதராபாத் 9 போட்டிகளில் வெற்றி பெற்றுள்ளது. இந்த சீசனில் இரு அணிகளும் மோதிய ஒரு போட்டியிலும் கேகேஆர் 4 ரன்கள் வித்தியாசத்தில் வெற்றி பெற்றுள்ளது.

Kolkata Knight Riders vs Sunrisers Hyderabad, Qualifier 1

முதல் முறையாக இரு அணிகளும் அகமதாபாத் நரேந்திர மோடி மைதானத்தில் மோதுகின்றன. இந்த மைதானத்தில் இதுவரையில் நடைபெற்ற 33 போட்டிகளில் முதலில் பேட்டிங் செய்த அணி 15 போட்டியிலும், சேஸ் செய்த அணி 18 போட்டியிலும் வெற்றி பெற்றுள்ளன.

இந்த சீசனில் இந்த மைதானத்தில் நடைபெற்ற 6 போட்டிகளில் முதலில் பேட்டிங் செய்த அணி 2 போட்டியிலும், 2ஆவது பேட்டிங் செய்த அணி 4 போட்டியிலும் வெற்றி பெற்றுள்ளன என்பது குறிப்பிடத்தக்கது. ஏற்கனவே கேகேஆர் அணிக்கு எதிரான போட்டியில் தோல்வி அடைந்த ஹைதராபாத் இந்தப் போட்டியில் அதற்கு பதிலடி கொடுக்கும் என்று எதிர்பார்க்கப்படுகிறது.