அபிஷேக் சர்மா 2, ஹெட் 0, திரிபாதி 9 – தத்தளிக்கும் ஹைதராபாத் – காவ்யா மாறனுக்கு கண்ணு வேர்க்குது!

கொல்கத்தா நைட் ரைடர்ஸ் அணிக்கு எதிரான ஐபிஎல் 2024 இறுதிப் போட்டியில் முதலில் பேட்டிங் செய்து வரும் சன்ரைசர்ஸ் ஹைதராபாத் அணியில் அபிஷேக் சர்மா 2, டிராவிஸ் ஹெட் 0 மற்றும் ராகுல் திரிபாதி 9 ரன்களில் ஆட்டமிழந்துள்ளனர்.

IPL 2024 Final KKR vs SRH 26 May 2024 live

சன்ரைசர்ஸ் ஹைதராபாத் மற்றும் கொல்கத்தா நைட் ரைடர்ஸ் அணிகளுக்கு இடையிலான ஐபிஎல் இறுதிப் போட்டி தற்போது சேப்பாக்கம் மைதானத்தில் நடைபெற்று வருகிறது. இதில், டாஸ் வென்ற ஹைதராபாத் கேப்டன் பேட் கம்மிஸ் முதலில் பேட்டிங் செய்தார்.

அதன்படி அபிஷேக் சர்மா மற்றும் டிராவிஸ் ஹெட் இருவரும் தொடக்க வீரர்களாக களமிறங்கினர். இதில், முதல் ஓவரை ரூ.24.75 கோடிக்கு ஏலம் எடுக்கப்பட்ட மிட்செல் ஸ்டார்க் பந்து வீசினார்.

அவரது முதல் ஓவரில் 3 பந்தில் ரன் எடுக்காத நிலையில் 4ஆவது பந்தில் அபிஷேக் சர்மா 2 ரன்கள் எடுத்தார். ஆனால், அவர் 5ஆவது பந்தில் கிளீன் போல்டாகி வெளியேறினார். 2ஆவது ஓவரை வைபவ் அரோரா வீசினார். அந்த ஓவரின் கடைசி பந்தில் டிராவிஸ் ஹெட் கோல்டன் டக் முறையில் ஆட்டமிழந்தார். இந்த சீசனில் கடைசியாக விளையாடிய 4 போட்டிகளில் முறையே 0(1), 0(2), 34(28), 0(1) என்று ரன்கள் எடுத்து ஆட்டமிழந்துள்ளார்.

Kolkata Knight Riders vs Sunrisers Hyderabad, Final

மீண்டும் மிட்செல் ஸ்டார்க் தனது 3ஆவது ஓவரை வீச வந்தார். அந்த ஓவரின் 2ஆவது பந்திலேயே ராகுல் திரிபாதி 9 ரன்கள் எடுத்த நிலையில் ஆட்டமிழந்தார். 5 ஓவர்கள் முடிவில் ஹைதராபாத் 3 விக்கெட்டுகளை இழந்து 23 ரன்கள் மட்டுமே எடுத்திருந்தது.

IPL 2024 Final KKR vs SRH 26 May 2024 live

இவரைத் தொடர்ந்து இன்று தனது 21ஆவது பிறந்தநாளை கொண்டாடும் நிதிஷ் குமார் ரெட்டி களமிறங்கினார். அவர், ஒரு பவுண்டரி, ஒரு சிக்ஸர் அடித்து 13 ரன்களில் ஹர்ஷித் ராணா பந்தில் ஆட்டமிழந்தார்.

Kolkata Knight Riders vs Sunrisers Hyderabad, Final

கடைசியாக எய்டன் மார்க்ரம் 23 பந்துகளில் 3 பவுண்டரி அடித்த நிலையில் ஆண்ட்ரே ரஸல் பந்தில் ஆட்டமிழந்தார். இதன் மூலமாக சன்ரைசர்ஸ் ஹைதராபாத் 10.2 ஓவர்களில் 5 விக்கெட்டுகளை இழந்து 62 ரன்கள் மட்டுமே எடுத்து விளையாடி வருகிறது.