எந்த வீரரும் படைக்காத சாதனை: 3ஆவது முறையாக மதிப்பு மிக்க வீரருக்கான விருது வென்று சுனில் நரைன் சாதனை!

ஐபிஎல் 2024 கிரிக்கெட் தொடரில் கொல்கத்தா நைட் ரைடர்ஸ் அணியானது சாம்பியன் பட்டம் வென்ற நிலையில், கேகேஆர் வீரர் சுனில் நரைன் 3ஆவது முறையாக மதிப்புமிக்க வீரருக்கான விருது வென்று சாதனை படைத்துள்ளார்.

Most Valuable Player -Sunil Narine

ஒரு வழியாக ஐபிஎல் 2024 கிரிக்கெட் திருவிழா நிறைவு பெற்றுள்ளது. பிசிசிஐயின் மூலமாக ஒவ்வொரு ஆண்டும் வெற்றிகரமாக ஐபிஎல் கிரிக்கெட் திருவிழா நடைபெற்று வருகிறது. அந்த வகையில் நடப்பு ஆண்டுக்கான ஐபிஎல் 2024 திருவிழா கடந்த மார்ச் 22 ஆம் தேதி சென்னையில் பிரம்மாண்டமாக தொடங்கியது.

Most Valuable Player

இந்த தொடரில் 10 அணிகள் இடம் பெற்று விளையாடிய நிலையில் கடைசியாக கொல்கத்தா நைட் ரைடர்ஸ், சன்ரைசர்ஸ் ஹைதராபாத், ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் பிளே ஆஃப் சுற்றுக்கு முன்னேறின. இதில், ஆர்சிபி எலிமினேட்டரில் வெளியேற, ஆர்ஆர் அணி 2ஆவது குவாலிஃபையர் சுற்றுடன் வெளியேறியது.

Most Valuable Player (488 runs and 17 wickets)

கடைசியாக கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணிகள் மட்டுமே இறுதிப் போட்டிக்கு முன்னேறியது. நேற்று சென்னை சேப்பாக்கம் மைதானத்தில் இறுதிப் போட்டி நடைபெற்றது. இதில் டாஸ் வென்று முதலில் விளையாடிய சன்ரைசர்ஸ் ஹைதராபாத் அணியானது 18.3 ஓவர்களில் அனைத்து விக்கெட்டுகளையும் இழந்து 113 ரன்கள் மட்டுமே எடுத்தது. இதில், அதிகபட்சமாக பேட் கம்மின்ஸ் 24 ரன்கள் எடுத்தார்.

IPL 2024 KKR Champions

இதன் மூலமாக ஐபிஎல் கிரிக்கெட் வரலாற்றில் மிக குறைவான ரன்கள் எடுத்த அணி என்ற மோசமான சாதனையை சன்ரைசர்ஸ் ஹைதராபாத் படைத்துள்ளது. பின்னர் எளிய இலக்கை துரத்திய கொல்கத்தா நைட் ரைடர்ஸ் அணியில் சுனில் நரைன் 6 ரன்களில் ஆட்டமிழக்க, ரஹ்மானுல்லா குர்பாஸ் 39 ரன்களில் வெளியேறினார்.

Most Valuable Player: 488 runs and 17 wickets

இறுதியாக வெங்கடேஷ் ஐயர் 52 ரன்களும், ஷ்ரேயாஸ் ஐயர் 6 ரன்களும் எடுக்கவே 10.3 ஓவர்களில் 2 விக்கெட்டுகளை இழந்து 114 ரன்கள் எடுத்து 8 விக்கெட்டுகள் வித்தியாசத்தில் கேகேஆர் வெற்றி பெற்று 3ஆவது முறையாக சாம்பியனானது. சாம்பியனான கேகேஆர் அணிக்கு ரூ.20 கோடிக்கான காசோலையும், ஐபிஎல் டிராபியும் வழங்கப்பட்டது.

MVP award in IPL thrice

இந்த நிலையில் தான் கேகேஆர் வெற்றிக்கு மூல காரணமாக இருந்த சுனில் நரைனுக்கு மிகவும் மதிப்புமிக்க வீரருக்கான விருது வழங்கப்பட்டது. அதோடு, ரூ.10 லட்சமும் பரிசாக வழங்கப்பட்டது. இதன் மூலமாக ஐபிஎல் கிரிக்கெட்டில் 3ஆவது முறையாக மதிப்பு மிக்க வீரருக்கான Most Valuable Player விருது பெற்று சாதனை படைத்துள்ளார்.

Sunil Narine, Most Valuable Player Award 2024

தான் அறிமுகமான 2012 ஐபிஎல் சீசனில் 24 விக்கெட்டுகள் கைப்பற்றினார்.

2018 ஆம் ஆண்டு ஐபிஎல் கிரிக்கெட்டில் 357 ரன்களோடு, 17 விக்கெட்டுகளும் கைப்பற்றினார்.

2024 ஆம் ஆண்டு ஐபிஎல் கிரிக்கெட்டில் 488 ரன்களோடு, 17 விக்கெட்டுகளும் கைப்பற்றியுள்ளார்.

வேறு எந்த வீரரும் செய்யாத சாதனையை சுனில் நரைன் இதன் மூலமாக படைத்துள்ளார்.