வரலட்சுமி திருமணத்திற்கு சூப்பர் ஸ்டாரை ரஜினிகாந்தை நேரில் சந்தித்து அழைப்பு விடுத்த சரத்குமார் - ராதிகா!

வரலட்சுமி சரத்குமாருக்கு அடுத்த மாதம் திருமணம் நடைபெற உள்ள நிலையில், சூப்பர் ஸ்டார் ரஜினிகாந்துக்கு திருமண அழைப்பிதழ் வைத்துள்ளனர். இதுகுறித்த புகைப்படத்தை தற்போது வரலட்சுமி சரத்குமார் பகிர்ந்துள்ளார். 

தமிழ் சினிமாவில் தன்னுடைய தந்தை சரத்குமாரை தொடர்ந்து... இயக்குனர் விக்னேஷ் சிவன் இயக்கிய 'போடா போடி' படத்தில் ஹீரோயினாக அறிமுகமானவர் வரலட்சுமி சரத்குமார். இவரது முகம் ஹீரோயின் ஃபேஸ் இல்லை என சில விமர்சனங்கள் வெளியானதால், தமிழில் பட  வாய்ப்பு கிடைக்காமல் போனது.

இதை தொடந்து தெலுங்கு, கன்னடம், போன்ற தென்னிந்திய மொழிகளில் கவனம் செலுத்த துவங்கினார். மற்ற மொழிகளில் நடித்தாலும், வரலட்சுமிக்கு தமிழில் சிறந்த நடிகையாக மாற வேண்டும் என்பதே கனவாக இருந்த நிலையில், நடிகை சங்கீதா சிவாரிசு செய்ய இயக்குனர் பாலா இயக்கிய 'தாரை தப்பட்டை' படத்தில் ஹீரோயினாக மாறினார். விமர்சன ரீதியாக வெற்றிபெற்ற இப்படம் வசூல் ரீதியாக வெற்றிபெற தவறியது.

ஆனால் வரலட்சுமிக்கு சிறந்த கம்பேக்காக அமைந்தது. இப்படத்தை தொடர்ந்து விக்ரம் வேதா, சர்க்கார், போன்ற பல படங்களில் குணசித்ர வேடத்திலும், வில்லியாகவும் நடித்து மிரட்டி இருந்தார். ஹீரோயின்  என்பதை தாண்டி வெயிட்டான ரோல்களில் நடித்து வரும் வரு, ஒருவழியாக...  சமீபத்தில் காதலருடன் திருமண நிச்சயதார்த்தம் நடந்த புகைப்படங்களை வெளியிட்டு இன்ப அதிர்ச்சி கொடுத்தார்.

நிக்கோலாய் சச்தேவ் என்கிற மும்பையை சேர்ந்த தொழிலதிபரை காதலித்து கரம் பிடிக்க உள்ள வரலக்ஷ்மியின்  திருமணம் அடுத்த மாதம் (ஜூலை 2-ஆம் தேதி) தாய்லாந்தில் நடைபெற உள்ளதாகவும் பின்னர் லீலா பேலஸில் திருமண வரவேற்பு நடைபெறும் என் கூறப்பட்டது. இதை தொடர்ந்து திருமண பத்திரிக்கை வைப்பதில் பிஸியாக இருக்கும் சரத்குமார் குடும்பத்தினர், இன்று சூப்பர் ஸ்டார் ரஜினிகாந்த்தை அவரது இல்லத்தில் அழைப்பு விடுத்துள்ளனர். இதுகுறித்த புகைப்படம் தற்போது வைரலாகி வருகிறது.