2 முறை விவாகரத்து! காமெடி நடிகருடன் கிசுகிசு! சிவாஜி, ரஜினி, கமல் என பல ஹீரோக்களுக்கு ஜோடி போட்ட நடிகையா இவர்?

தமிழ் சினிமாவில் பல டாப் ஹீரோக்களுக்கு ஜோடியாக நடித்து பிரபலமான பிரபல நடிகையின் குழந்தை பருவ புகைப்படங்களை அவரே சமூக வலைத்தளத்தில் வெளியிட, அது வைரலாக பார்க்கப்பட்டு வருகிறது. 

Ambika Photos

கேரள மாநிலம், திருவனந்தபுரம் மாவட்டம், கல்லரா கிராமத்தில் நாயர் குடும்பத்தில் பிறந்தவர் தான் பிரபல நடிகை அம்பிகா. இவரின் உண்மையான பெயர் அனிதா நாயர். குழந்தை நட்சத்திரமாக நடிக்கும் போது இதே பெயரில் நடித்தாலும், ஹீரோயினாக புரமோட் ஆன பின்னர் தன்னுடைய பெயரை அம்பிகா என மாற்றி கொண்டார்.

1976 ஆம் ஆண்டு 'சோட்டாணிக்கரா அம்மா' என்கிற மலையாள படத்தில் குழந்தை நட்சத்திரமாக நடிக்கும் வாய்ப்பு இவருக்கு கிடைத்தது. இதை தொடர்ந்து அடுத்தடுத்து சில படங்களில் சைல்ட் ஆர்டிஸ்ட்டாக நடித்த அம்பிகா, இளம் வயதிலேயே கதாநாயகியாக மாறினார். 

மலையாள மொழியை தாண்டி, தமிழ், தெலுங்கு, கன்னடம் போன்ற தென்னிந்திய மொழிகளிலும் பல முன்னணி நடிகர்களுக்கு ஜோடி போட்டார்.  குறிப்பாக தமிழில் நடிகை அம்பிகா 1979 ஆம் ஆண்டு, வெளியான 'சக்களத்தி' படத்தின் மூலம் அறிமுகமானார். 

பின்னர் இயக்குனர் கே பாக்யராஜ் இயக்கி நடித்த, அந்த 7 நாட்கள் திரைப்படத்தில் அம்பிகாவின் அழகும், திறமையான நடிப்பும்  திரையுலக ரசிகர்களின் கண்களை கவர்ந்தது. 1984 இல் சுந்தர்ராஜன் இயக்கிய நான் பாடும் பாடல் படத்தில் சிவகுமார், மோகன் மற்றும் பாண்டியன் ஆகியோருடன் முக்கிய வேடங்களில் நடித்தார். பின்னர் சகலகலா வல்லவன், எங்கேயோ கேட்ட குரல், காக்கி சட்டை, வாழ்வே மாயம், படிக்காதவன், மிஸ்டர் பாரத், என ரஜினி, கமல், சிவாஜி கணேசன், விஜயகாந்த் போன்ற பல நடிகர்களுக்கு ஜோடியாக நடித்தார்.

முன்னணி நடிகையாக இருக்கும் போதே,  அம்பிகா 1988 இல் பிரேம்குமார் மேனன் என்ற என்.ஆர்.ஐ.யை காதலித்து திருமணம் செய்து கொண்டார். திருமணத்திற்கு பின்னர் அமெரிக்காவில் குடியேறிய இவர் தொடர்ந்து நடிப்பிலும் கவனம் செலுத்தி வந்தார். 

ஆனால் இவர்களின் திருமண வாழ்க்கை, 8 ஆண்டுகளிலேயே முடிவுக்கு வந்தது. இதை தொடர்ந்து தன்னுடைய இரண்டு மகன்களுடன் வசித்து வந்த அம்பிகா,  2000 ஆம் ஆண்டு நடிகர் ரவிகாந்த்தை திருமணம் செய்து கொண்டார். இந்த திருமண வாழ்க்கையும் இரண்டே வருடத்தில் விவாகரத்தில் முடிந்த நிலையில், தற்போது மகன்களுடன் தனிமையில் வசித்து வருகிறார். விவாகரத்துக்கு பின்னர் பிரபல காமெடி நடிகர் ஒருவரை இவர் டேட்டிங் செய்து வந்ததாக ஒரு தகவல் தீயாக பரவியதும் குறிப்பிடத்தக்கது.

அவ்வப்போது ஒரு சில படங்களில் தலை காட்டி வரும் அம்பிகா, சன் டிவியில் ஒளிபரப்பாகும் சீரியல்களில் நடித்து வருகிறார். அந்த வகையில் இவர் நடித்து வந்த அருவி சீரியல் அண்மையில் முடிவடைந்ததை தொடர்ந்து, தற்போது... மல்லி என்கிற புதிய தொடரில் நடித்து வருகிறார். அம்பிகா தன்னுடைய பழைய நினைவுகளை அசைபோடும் விதமாக... சில அரிய புகைப்படங்களை வெளியிட, அவை வைரலாகி வருகின்றன. அப்படி இவர் வெளியிட்ட குழந்தை பருவ புகைப்படங்கள் ரசிகர்களால் அதிகம் பார்க்கப்பட்டு வருகிறது.