தமிழ்நாட்டில் மஞ்சும்மல் பாய்ஸூக்கு டஃப் கொடுக்க வரும் பிரேமலு... இந்த வார தியேட்டர் & OTT ரிலீஸ் படங்கள் இதோ
பிரேமலு முதல் ஆர்.கே.சுரேஷ் நடித்த காடுவெட்டி வரை இந்த வாரம் தியேட்டர் மற்றும் ஓடிடியில் ரிலீஸ் ஆகும் தமிழ் படங்கள் பற்றி இந்த தொகுப்பில் பார்க்கலாம்.
)
FollowTheatre release Movies on March 15
தமிழ்நாட்டில் இந்த மாதம் தொடங்கியதில் இருந்து மஞ்சும்மல் பாய்ஸ் என்கிற மலையாள படத்தின் ஆதிக்கம் தான் அதிகளவில் உள்ளது. கடந்த இரண்டு வாரங்களாக மஞ்சும்மல் பாய்ஸை தமிழ்நாட்டு மக்கள் தலையில் தூக்கி வைத்து கொண்டாடி வருவதால் பெரிய பட்ஜெட் படங்கள் எதுவும் வெளிவரவில்லை. இந்த நிலையில், வருகிற மார்ச் 15-ந் தேதி தியேட்டர் மற்றும் ஓடிடியில் ரிலீஸ் ஆகும் தமிழ் படங்கள் பற்றி இந்த தொகுப்பில் பார்க்கலாம்.
)
பிரேமலு (Premalu)
மஞ்சும்மல் பாய்ஸ் படத்தை போல் கேரளாவில் சக்கைப்போடு போட்ட மற்றுமொரு மலையாள திரைப்படம் தான் பிரேமலு. இப்படமும் தற்போது தமிழில் டப்பிங் செய்யப்பட்டு மார்ச் 15-ந் தேதி ரிலீஸ் ஆக உள்ளது. இப்படத்தை தமிழ்நாட்டில் ரெட் ஜெயண்ட் மூவிஸ் நிறுவனம் தான் ரிலீஸ் செய்கிறது.
காடுவெட்டி (Kaaduvetty)
காடுவெட்டி குருவின் வாழ்க்கையை தழுவி எடுக்கப்பட்டுள்ள திரைப்படம் தான் காடுவெட்டி. இப்படத்தில் ஆர்.கே.சுரேஷ் கதையின் நாயகனாக நடித்திருக்கிறார். சோலை ஆறுமுகம் இயக்கியுள்ள இப்படத்திற்கு ஸ்ரீகாந்த் தேவா இசையமைத்து உள்ளார். இப்படமும் மார்ச் 15ந் தேதி திரைக்கு வருகிறது.
இதையும் படியுங்கள்... வில்லனாக விஜய்... கேமியோ ரோலில் திரிஷா! காத்துவாக்குல கசிந்த கோட் படத்தின் சூப்பர் அப்டேட்ஸ்
யாவரும் வல்லவரே (Yaavarum Vallavare)
ராஜேந்திர சக்ரவர்த்தி இயக்கத்தில் சமுத்திரக்கனி மற்றும் யோகிபாபு நடிப்பில் உருவாகி உள்ள திரைப்படம் யாவரும் வல்லவரே. இப்படத்தை 11:11 புரொடக்ஷன்ஸ் நிறுவனம் தயாரித்து உள்ளது. இதில் பிக்பாஸ் சீசன் 2 டைட்டில் வின்னர் ரித்விகாவும் முக்கிய கதாபாத்திரத்தில் நடித்துள்ளார். இப்படம் மார்ச் 15-ந் தேதி ரிலீஸ் ஆகிறது.
அமிகோ கேரேஜ் (Amigo Garage)
மாஸ்டர் மகேந்திரன் ஹீரோவாக நடித்துள்ள திரைப்படம் அமிகோ கேரேஜ். இப்படத்தை பிரசாந்த் நாகராஜன் இயக்கி உள்ளார். இப்படத்திற்கு விஜய்குமார் சோலைமுத்து ஒளிப்பதிவு செய்துள்ளார். படத்தொகுப்பு பணிகளை ரூபன் மேற்கொண்டுள்ளார். இப்படமும் மார்ச் 15-ந் தேதி திரைக்கு வருகிறது.
OTT release Movies on March 15
ஓடிடியில் நந்திவர்மன் மற்றும் மிஷன் சாப்டர் 1 ஆகிய தமிழ்படங்கள் இந்த வாரம் ரிலீஸ் ஆகிறது. இதில் நந்திவர்மன் படம் மார்ச் 15-ந் தேதி டெண்ட் கொட்டா ஓடிடி தளத்தில் ரிலீஸ் ஆகிறது. அதேபோல் அருண் விஜய் நடித்த மிஷன் படம் அமேசான் பிரைம் ஓடிடியில் ரிலீஸ் ஆக உள்ளது. மற்ற மொழிகளை பொறுத்தவரை மலையாளத்தில் மம்முட்டியின் பிரம்மயுகம் படம் மார்ச் 15-ந் தேதி சோனி லிவ் தளத்தில் ரிலீஸ் ஆகிறது. அதேபோல் தெலுங்கில் மாஸ் ஹிட் அடித்த ஹனுமன் திரைப்படத்தின் இந்தி வெர்ஷன் மட்டும் ஜியோ சினிமாஸ் தளத்தில் ரிலீஸ் ஆக உள்ளது.
இதையும் படியுங்கள்... இந்தியாவில் அதிரடியாக 18 ஓடிடி தளங்களுக்கு தடைவிதித்தது மத்திய அரசு - அதன் லிஸ்ட் இதோ
சேனலை கிளிக் செய்து பின்தொடரவும்
