அனுமதி மறுப்பு... விஜய்யின் லியோ பட டிரைலருக்கு கடைசி நேரத்தில் செக் வைத்த போலீஸ் - அப்செட் ஆன தளபதி ரசிகர்கள்

விஜய்யின் 67-வது படம் லியோ. லோகேஷ் கனகராஜ் இயக்கத்தில் பிரம்மாண்டமாக ரெடியாகி உள்ள இப்படத்தை செவன் ஸ்கிரீன் நிறுவனம் சார்பில் லலித் குமார் தயாரித்துள்ளார். அனிருத் இசையமைத்துள்ள இப்படத்தின் பாடல்கள் ஏற்கனவே வெளியாகி பட்டிதொட்டியெங்கும் பட்டைய கிளப்பி வருகின்றன. இப்படம் வருகிற அக்டோபர் 19-ந் தேதி தமிழ், தெலுங்கு, இந்தி, கன்னடம், மலையாளம் என பான் இந்தியா படமாக ரிலீஸ் ஆக உள்ளது.

லியோ படத்தில் நடிகர் விஜய்க்கு ஜோடியாக திரிஷா நடித்துள்ளார். இதுதவிர இயக்குனர்கள் மிஷ்கின், கவுதம் வாசுதேவ் மேனன், அனுராக் கஷ்யப், மலையாள நடிகர் மேத்யூ தாமஸ், பாபு ஆண்டனி, நடிகை பிரியா ஆனந்த், பிக்பாஸ் பிரபலம் சாண்டி மாஸ்டர், ஜனனி, பாலிவுட் நடிகர் சஞ்சய் தத், ஆக்‌ஷன் கிங் அர்ஜுன் என மிகப்பெரிய நட்சத்திர பட்டாளமே லியோ படத்தில் நடித்துள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

லியோ படத்தின் ரிலீஸ் நெருங்கி வருவதால் இப்படத்தின் அப்டேட்டுகளும் ஒவ்வொன்றாக வெளியிடப்பட்டு வருகின்றன. அந்த வகையில் இன்று மாலை லியோ படத்தின் டிரைலர் பிரம்மாண்டமாக வெளியாக உள்ளது. வழக்கமாக விஜய் பட டிரைலர் வெளியாகும் போது சென்னையில் உள்ள ரோகினி திரையரங்கில் உள்ள பார்க்கிங் ஏரியாவில் பிரம்மாண்ட திரை கட்டி அதில் திரையிடப்படும். இதற்காக முறையாக போலீசிடமும் அனுமதி வாங்கி தான் இவ்வாறு திரையிடுவார்கள்.

அந்த வகையில் லியோ பட டிரைலரை திரையிட அனுமதி கோரிய போது அதற்கு கோயம்பேடு போலீசார் அனுமதி தர மறுத்துள்ளனர். பாதுகாப்பு மற்றும் போக்குவரத்து நெரிசல் உள்ளிட்டவற்றை கருத்தில் கொண்டு பொதுவெளியில் லியோ டிரைலரை திரையிட அனுமதி மறுத்துள்ளனர். இதனால் விஜய் ரசிகர்கள் அப்செட் ஆகி உள்ளனர்.

இதையும் படியுங்கள்...முதல் கதையில் சிக்சர் அடித்துவிட்டு; அடுத்த கதையில் அவுட்டான பவா! இடுப்பை பற்றி பேசியதால் கடுப்பான ஹவுஸ்மேட்ஸ்