Karthigai Deepam: கார்த்திக்கு கிடைத்த அடுத்த குளு.! தீபாவால் பதறிய ரம்யா - கார்த்திகை தீபம் இன்றைய அப்டேட்!

தமிழ் சின்னத்திரையில் ஜீ தமிழ் தொலைக்காட்சியில் தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் கார்த்திக் தீபாவை தேடி வரும் நிலையில் மறுபக்கம் பூஜைக்கான ஏற்பாடுகள் எல்லாம் தயார் நிலையில் இருக்க இன்று நடக்க போவது என்ன என்பது குறித்து பார்க்கலாம் வாங்க.  

அதாவது ரம்யா நினைத்தபடியே தீபாவை அந்த டாப்புக்குள் உட்கார வைத்து ஆணியை அடித்து தள்ளிவிட தீபா உருண்டு செல்கிறாள், உடனே தீபா ரம்யாவை தட்டி என்ன கனவா என்று கேட்க ரம்யா கனவு என்பதை சுதாரித்து கொண்டு சமாளிக்கிறாள். 

இதையடுத்து மறுபக்கம் கார்த்திக் மற்றும் இளையராஜா என இருவரும் முனீஸ்வரன் கோவில் பூசாரி வீட்டிற்கு வந்து தீபா சொன்ன சாமியார் குறித்து விசாரிக்கின்றனர், சாமியாரா அப்படி யாரும் இல்லையே என்று சொல்லும் பூசாரி பரிகாரத்தை கேட்ட பிறகு ஆமாம் ஒருத்தன் சாமியார் வேடத்தில் இந்த பக்கம் சுத்திகிட்டு இருந்தான். 

அவன் காவி துணி எல்லாம் கூட போடல, வெள்ளை கலர் ட்ரெஸ் போட்டு தான் சுத்திகிட்டு இருந்தான் என்று சொல்லி முனீஸ்வரன் பிரசாதத்தை கொடுத்து அனுப்ப கார்த்திக், இளையராஜா தீபாவை தேடி அலைகின்றனர். 

மறுபக்கம் பரிகாரத்திற்கான ஏற்பாடுகளை செய்த போலி சாமியார் சீக்கிரம் வாங்க, இருட்டுவதற்குள் பரிகாரத்தை செய்ய வேண்டும் என்று சொல்கிறார். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.