PT Sir Box Office: வசூலில் தூள் கிளப்பினாரா ஹிப்ஹாப் ஆதி.. PT சார் திரைப்படத்தின் முதல் நாள் வசூல் நிலவரம் இதோ

ஹிப்ஹாப் பாடல்களை தமிழ் சினிமாவில் பிரபலமாக்கியவர் ஆதி. ஆரம்பத்தில் சுயாதீன இசைக்கலைஞராக பல்வேறு ஹிப்ஹாப் பாடல்களை வெளியிட்டு ரசிகர்களை கவர்ந்து வந்தார் ஆதி. அதன்பின்னர் அவரின் திறமையை பார்த்து வியந்த இயக்குனர் சுந்தர் சி, அவரை தான் இயக்கிய ஆம்பள திரைப்படத்தில் இசையமைப்பாளராக அறிமுகப்படுத்தினார். அப்படத்தின் பாடல்கள் ஹிட் ஆனதும் அடுத்தடுத்த பட வாய்ப்புகள் ஆதிக்கு குவிந்தன.

பின்னர் தன்னுடைய வாழ்க்கை கதையை படமாக்க முடிவெடுத்த ஹிப்ஹாப் ஆதி, அப்படத்தின் மூலம் ஹீரோ மற்றும் இயக்குனராக அறிமுகமானார். மீசைய முறுக்கு என்கிற பெயரில் அவரின் பயோபிக் திரைப்படம் வெளியானது. சுந்தர் சி மற்றும் நடிகை குஷ்பு இணைந்து அப்படத்தை தயாரித்து இருந்தனர். அப்படம் வெளியாகி பிளாக்பஸ்டர் ஹிட் ஆனது. அதன்பின்னர் தொடர்ந்து ஹீரோவாக பயணிக்க தொடங்கினார் ஆதி.

இதையும் படியுங்கள்... Jyothika Sister : ஜோதிகாவின் உடன்பிறந்த சகோதரியை பார்த்திருக்கிறீர்களா? அவரும் ஒரு நடிகை தான்! ஆனா நக்மா இல்லை

அவர் நடித்த நட்பே துணை, நான் சிரித்தால், அன்பறிவு, வீரன் ஆகிய படங்கள் நல்ல வரவேற்பை பெற்றன. அதுமட்டுமின்றி இசையமைப்பாளராகவும் தொடர்ந்து ஜொலித்து வருகிறார் ஆதி. அண்மையில் சுந்தர் சி இயக்கத்தில் வெளிவந்த அரண்மனை 4 திரைப்படம் மாபெரும் வெற்றிபெற்றதற்கு ஆதியின் பின்னணி இசை மற்றும் பாடல்கள் முக்கிய பங்காற்றி இருந்தன. அப்படத்தின் வெற்றியை தொடர்ந்து அவர் PT சார் என்கிற படத்திற்கு இசையமைத்து உள்ளார்.

PT சார் படத்திற்கு இசையமைத்துள்ளதோடு, அதில் ஹீரோவாகவும் நடித்துள்ளார் ஆதி. அப்படம் ஆதி இசையமைத்த 25வது படமாகும். நேற்று PT சார் திரைப்படம் உலகமெங்கும் திரையரங்குகளில் ரிலீஸ் ஆனது. விமர்சன ரீதியாக சற்று கலவையான விமர்சனங்களை அப்படம் பெற்றிருந்தாலும் வசூலில் டீசண்ட் ஆன கலெக்‌ஷனை அள்ளி உள்ளது. அப்படம் முதல் நாளில் ரூ.1 கோடி வசூலித்து உள்ளதாக கூறப்படுகிறது. இன்றும் நாளையும் விடுமுறை நாள் என்பதால் அப்படத்தின் வசூல் மேலும் அதிகரிக்க வாய்ப்புள்ளது குறிப்பிடத்தக்கது.

இதையும் படியுங்கள்... Maanaadu : வடபோச்சே... மாநாடு படத்தில் எஸ்.ஜே.சூர்யா ரோலில் நடிக்கும் வாய்ப்பை தவறவிட்ட நடிகர்கள் இத்தனை பேரா?