Commercial LPG Gas Price: குட்நியூஸ்.. சிலிண்டர் விலை அதிரடியாக குறைந்தது.. எவ்வளவு கேட்டா ஷாக் ஆயிடுவீங்க?

சர்வதேச சந்தையில் கச்சா விலையின் ஏற்ற இறக்கத்தின் அடிப்படையில் இந்தியாவில் பெட்ரோல், டீசல், சமையல் எரிவாயு சிலிண்டர் ஆகியவற்றின் விலை நிர்ணயிக்கப்பட்டு வருகிறது. பெட்ரோல், டீசல் விலைகளை எண்ணெய் நிறுவனங்கள் தினசரி மாற்றி வருகின்ற நிலையில், சமையல் எரிவாயு சிலிண்டரின் விலை மாதத்திற்கு ஒரு முறை மாற்றி அமைக்கப்படுகின்றன. 

ஒவ்வொரு மாதமும் 1-ம் தேதி எண்ணெய் நிறுவனங்கள் புதிய விலையை நிர்ணயித்து வருகின்றன. அதன்படி கடந்த ஏப்ரல் மாதம் 76 ரூபாயும், மே மாதம் 171 ரூபாயும், ஜூன் மாதம் 84 ரூபாயும், ஜூலை மாதம் 8 ரூபாய், ஆகஸ்ட் மாதம் 92.50 ரூபாயும் குறைக்கப்பட்டது. இந்நிலையில், செப்டம்பர் மாதத்திற்கான விலை நிர்ணயம் செய்யப்பட்டு இன்று அறிவிக்கப்பட்டுள்ளது. 

இதில், வணிக ரீதியாக பயன்படுத்தப்படும் கியாஸ் சிலிண்டரின் விலை ரூ.157.50 குறைக்கப்பட்டுள்ளது. அதன்படி, சென்னையில் வணிக சிலிண்டர் ரூ.1,695க்கு விற்பனை செய்யப்படுகிறது.  வணிக பயன்பாட்டிற்கான சிலிண்டர் விலை கடந்த 3 மாதங்களாக குறைந்து வருவதால் ஹோட்டல் மற்றும் டீக்கடை உரிமையாளர்கள் மகிழ்ச்சி அடைந்துள்ளனர். 

வீட்டு உபயோகத்துக்கான சிலிண்டர் விலையை ரூ. 200 குறைக்கப்படுவதாக மத்திய அரசு கடந்த நில நாட்களுக்கு முன் அறிவித்து விலை குறைப்பு நடைமுறைக்கு வந்தது குறிப்பிடத்தக்கது.